PR Sreejesh suspended by Hockey India
Posted by
20 February

പിആര്‍ ശ്രീജേഷിനെതിരെ അച്ചടക്ക നടപടി; ശ്രീജേഷ് ടീമില്‍ നിന്നും പുറത്ത്, മന്‍പ്രീത് സിങ് ഹോക്കി ടീമിന്റെ പുതിയ നായകന്‍

മലയാളി താരവും ഇന്ത്യന്‍ ഹോക്കി ടീമിന്റെ നായകനുമായിരുന്നു പിആര്‍ ശ്രീജേഷ് ടീമില്‍ നിന്നും പുറത്ത്. ശ്രീജേഷ്് ടീമില്‍ നിന്നും പുറത്തായതോടെ മന്‍പ്രീത് സിങാണ് ഇന്ത്യന്‍ ഹോക്കി ടീമിന്റെ പുതിയ നായകന്‍.

പരിക്കിനെ തുടര്‍ന്ന് എട്ട് മാസത്തോളം ശ്രീജേഷിന് കളിക്കാന്‍ സാധിച്ചിരുന്നില്ല. എന്നാല്‍ പരിക്കില്‍ നിന്നും മുക്തനാവുന്നതിന് ഇടയില്‍ സെലിബ്രിറ്റി ക്ലാസികോ ഫുട്‌ബോള്‍ മത്സരത്തില്‍ ശ്രീജേഷ് പങ്കെടുത്തതിനെതിരെ ഇന്ത്യന്‍ ഹോക്കി ഫെഡറേഷന്‍ അച്ചടക്ക നടപടി സ്വീകരിച്ചിരുന്നു. ശ്രീജേഷിന് 15 ദിവസത്തെ വിലക്ക് കൂടാതെ, 12 മാസത്തെ പ്രൊബേഷനും ഹോക്കി ഫെഡറേഷന്‍ ശിക്ഷ നടപടിയായി വിധിച്ചിരുന്നു.

അനുമതി വാങ്ങാതെയാണ് ചാരിറ്റിക്കായുള്ള സെലിബ്രിറ്റി ഫുട്‌ബോള്‍ മത്സരത്തില്‍ ശ്രീജേഷ് പങ്കെടുത്തതെന്നാണ് അദ്ദേഹത്തിന് മേല്‍ ഫുട്‌ബോള്‍ ഫെഡറേഷന്‍ ആരോപിക്കുന്ന കുറ്റം. കഴിഞ്ഞ വര്‍ഷം ഒക്ടോബറിലായിരുന്നു സെലിബ്രിറ്റി ഫുട്‌ബോള്‍ മത്സരം. ഇന്ത്യന്‍ ക്രിക്കറ്റ് ടീം നായകന്‍ വിരാട് കോഹ്‌ലി ഉള്‍പ്പെടെയുള്ളവര്‍ മത്സരത്തിലെത്തിയിരുന്നു.

2012ലെ ലണ്ടന്‍ ഒളിംപിക്‌സിലും, 2016ലെ റിയോ ഒളിംപിക്‌സിലും ശ്രീജേഷ് ഇന്ത്യന്‍ ടീമിന്റെ ഭാഗമായിരുന്നു. റിയോ ഒളിംപിക്‌സില്‍ ശ്രീജേഷായിരുന്നു ഇന്ത്യന്‍ ഹോക്കി സംഘത്തെ നയിച്ചത്.

ഏറ്റവും പ്രായമേറിയ ലോക ഒന്നാം നമ്പര്‍ താരമെന്ന റെക്കോഡ് സ്വന്തമാക്കി റോജര്‍ ഫെഡറര്‍
Posted by
17 February

ഏറ്റവും പ്രായമേറിയ ലോക ഒന്നാം നമ്പര്‍ താരമെന്ന റെക്കോഡ് സ്വന്തമാക്കി റോജര്‍ ഫെഡറര്‍

റോട്ടര്‍ഡാം: പ്രായം തളര്‍ത്താത്ത പോരാട്ട വീര്യവുമായി ടെന്നീസില്‍ ആരാധകരുടെ ആവേശമാകുന്ന സ്വിസ് താരം റോജര്‍ ഫെഡററുടെ കിരീടത്തില്‍ മറ്റൊരു പൊന്‍തൂവല്‍ കൂടി.

എടിപി റാങ്കിംഗിലെ ഏറ്റവും പ്രായമേറിയ ലോക ഒന്നാം നമ്പര്‍ ടെന്നീസ് താരമെന്ന റിക്കാര്‍ഡാണ് 36 വയസുകാരനായ ഫെഡറര്‍ പേരിലാക്കിയത്.

റോട്ടര്‍ഡാം ഓപ്പണ്‍ ക്വാര്‍ട്ടര്‍ ഫൈനലിലെ ജയത്തോടെയാണ് ഫെഡറര്‍ ചരിത്രം കുറിച്ചത്. ക്വാര്‍ട്ടറില്‍ ഫ്രാന്‍സിന്റെ റോബിന്‍ ഹാസിനെ 4-6, 6-1, 6-1 എന്ന സ്‌കോറിന് ഫെഡറര്‍ തോല്‍പ്പിച്ചു.

ഇതിഹാസ താരം ആന്ദ്രേ ആഗസിയുടെ റിക്കാര്‍ഡാണ് ഫെഡറര്‍ മറികടന്നത്. 2003ല്‍ 33 വയസും 131 ദിവസവും പിന്നിട്ടപ്പോഴായിരുന്നു ആഗസി ടെന്നീസ് റാങ്കിംഗില്‍ ഒന്നാമതെത്തിയത്.

20 തവണ ഗ്രാന്‍സ്ലാം സ്വന്തം പേരിലുള്ള ഫെഡററിന് ഇപ്പോള്‍ 36 വയസും ആറു മാസവുമാണ് പ്രായം.

2004ല്‍ ഫെബ്രുവരിയിലാണ് ഫെഡറര്‍ ആദ്യമായി റാങ്കിംഗില്‍ ഒന്നാമതെത്തുന്നത്. 2008 ഓഗസ്റ്റ് 17 വരെ തുടര്‍ച്ചയായി 237 ആഴ്ചകള്‍ താരം ഒന്നാം സ്ഥാനത്ത് തുടര്‍ന്നു.

2012 ഓക്ടോബറോടെ റാങ്കിംഗില്‍ താഴെപോയ ഫെഡറര്‍ അതിനുശേഷം ആദ്യമായാണ് ഒന്നാമത് എത്തുന്നത്.

ഏഷ്യന്‍ ഗെയിംസ് ടെസ്റ്റ്: ജാബിറിനും ചിത്രയ്ക്കും സ്വര്‍ണം
Posted by
13 February

ഏഷ്യന്‍ ഗെയിംസ് ടെസ്റ്റ്: ജാബിറിനും ചിത്രയ്ക്കും സ്വര്‍ണം

ജക്കാര്‍ത്ത: 18-ാമത് ഏഷ്യന്‍ ഗെയിംസ് ടെസ്റ്റ് (അത്‌ലറ്റിക്) രണ്ടാം ദിനം ഇന്ത്യക്ക് നാലു സ്വര്‍ണം. മലയാളി താരങ്ങളായ എം.പി. ജാബിറും പി.യു. ചിത്രയും സ്വര്‍ണം നേടി.

പുരുഷന്മാരുടെ 400 മീറ്റര്‍ ഹര്‍ഡില്‍സിലാണ് മലയാളി താരം എം.പി. ജാബിന്റെ സ്വര്‍ണം.

പുരുഷന്മാരുടെയും വനിതകളുടെയും 1500 മീറ്ററില്‍ ഇന്ത്യക്കാണ് സ്വര്‍ണം. അജയ് കുമാര്‍ സരോജ്, മലയാളി താരം പി.യു. ചിത്ര എന്നിവരാണ് സ്വര്‍ണമെഡലണിഞ്ഞത്.

വനിതകളുടെ 400 മീറ്റര്‍ ഹര്‍ഡില്‍സില്‍ സരിത ഗെയ്ക്വാദ് സ്വര്‍ണം നേടി. പുരുഷന്മാരുടെ 400 മീറ്റര്‍ ഹര്‍ഡില്‍സില്‍ ടി. സന്തോഷ് കുമാറിലൂടെ ഇന്ത്യ വെള്ളിയും നേടി.

പുരുഷന്മാരുടെ ഹര്‍ഡില്‍സില്‍ 50.23 സെക്കന്‍ഡില്‍ ജാബിര്‍ സ്വര്‍ണത്തിലെത്തിയപ്പോള്‍ 50.38 സെക്കന്‍ഡില്‍ ഫിനിഷ് ചെയ്ത സന്തോഷ് കുമാര്‍ വെള്ളി നേടി.

പുരുഷന്മാരുടെയും വനിതകളുടെയു 1500 മീറ്ററില്‍ സ്വര്‍ണം ഇന്ത്യക്കൊപ്പമായിരുന്നു. അജയ് കുമാര്‍ സരോജ് (3:43.85 സെക്കന്‍ഡ്), പി.യു. ചിത്ര (4:18.74 സെക്കന്‍ഡ്) എന്നിവരാണ് സ്വര്‍ണമെഡലണിഞ്ഞവര്‍.

വനിതകളുടെ 400 മീറ്റര്‍ ഹര്‍ഡില്‍സില്‍ സരിത ഗെയ്ക്വാദ് (59.08 സെക്കന്‍ഡ്) സ്വര്‍ണ മെഡലില്‍ മുത്തമിട്ടു.

സെറീന ടെന്നീസ് കോര്‍ട്ടിലേക്ക് തിരിച്ചു വരുന്നു
Posted by
11 February

സെറീന ടെന്നീസ് കോര്‍ട്ടിലേക്ക് തിരിച്ചു വരുന്നു

നോര്‍ത്ത് കരോലിന: മുന്‍ ലോക ഒന്നാം നമ്പര്‍ ടെന്നീസ് താരം സെറീന വില്യംസ് ടെന്നീസ് കോര്‍ട്ടിലേക്കു തിരിച്ചുവരുന്നു. ഓസ്ട്രേലിയന്‍ ഓപ്പണില്‍ കളിക്കുമെന്ന് പ്രഖ്യാപിച്ചെങ്കിലും അവസാനം പിന്മാറി.

ഫെഡറേഷന്‍ കപ്പിലൂടെയാണ് മുന്‍ ലോക ഒന്നാം നമ്പര്‍ ടെന്നീസ് പോരാട്ടങ്ങളിലേക്കു തിരിച്ചുവരുന്നത്. മുപ്പത്തിയാറുകാരിയായ സെറീന കഴിഞ്ഞ സെപ്റ്റംബറില്‍ പെണ്‍കുഞ്ഞ് അലക്സിസ് ഒളിമ്പ്യക്കു ജന്മം നല്‍കി.

ഫെഡ് കപ്പിനുള്ള പരിശീലനത്തില്‍ തനിക്കു പല വെല്ലുവിളികള്‍ അഭിമുഖീകരിക്കേണ്ടി വന്നിരുന്നതായി താരം പറഞ്ഞു. തനിക്ക് ഇനി ഒന്നും തെളിയിക്കാനില്ല.

സെന്റ് പീറ്റേഴ്‌സ്ബര്‍ഗ് ഓപ്പണ്‍: കിറ്റോവ ചാമ്പ്യന്‍
Posted by
05 February

സെന്റ് പീറ്റേഴ്‌സ്ബര്‍ഗ് ഓപ്പണ്‍: കിറ്റോവ ചാമ്പ്യന്‍

സെന്റ് പീറ്റേഴ്‌സ്ബര്‍ഗ്: ചെക്ക് താരം പെട്ര കിറ്റോവ സെന്റ് പീറ്റേഴ്‌സ്ബര്‍ഗ് ഓപ്പണില്‍ കിരീടം ചൂടി. ഫൈനലില്‍ ഫ്രഞ്ച് താരം ക്രിസ്റ്റീന മല്‍ഡനോവിച്ചിനെ പരാജയപ്പെടുത്തിയാണ് കിറ്റോവ ചാമ്പ്യനായത്.

നേരിട്ടുള്ള സെറ്റുകള്‍ക്ക് ആധികാരികമായാണ് കിറ്റോവയുടെ ജയം. നിലവിലെ ചാമ്പ്യനായ ക്രിസ്റ്റീനയെ കേവലം 65 മിനിറ്റില്‍ കിറ്റോവ കീഴടക്കി. സ്‌കോര്‍: 6-1, 6-2.

വൈല്‍ഡ്കാര്‍ഡ് എന്‍ട്രി ലഭിച്ചാണ് റഷ്യയില്‍ കിറ്റോവ കളിക്കാനിറങ്ങിയത്. ആറു മാസം മുമ്പ് ഈഗോണ്‍ ക്ലാസിക്കില്‍ ചാമ്പ്യനായ ശേഷം ആദ്യമായാണ് ഒരു ടൂര്‍ണമെന്റിന്റെ ഫൈനലില്‍ പ്രവേശിക്കുന്നത്.

ലോക ഒന്നാം നമ്പര്‍ കരോളിന്‍ വോസ്‌നിയാക്കിക്ക് തോല്‍വി
Posted by
03 February

ലോക ഒന്നാം നമ്പര്‍ കരോളിന്‍ വോസ്‌നിയാക്കിക്ക് തോല്‍വി

മോസ്‌കോ: ഓസ്‌ട്രേലിയന്‍ ഓപ്പണ്‍ വിജയത്തിനു പിന്നാലെ ലോക ഒന്നാം നമ്പര്‍ കരോളിന്‍ വോസ്‌നിയാക്കിക്ക് തോല്‍വി. സെന്റ് പീറ്റേഴ്‌സ്ബര്‍ഗ് ലേഡീസ് ട്രോഫിയില്‍ വോസ്‌നിയാക്കി സെമി ഫൈനല്‍ കാണാതെ പുറത്തായി.

ക്വാര്‍ട്ടര്‍ ഫൈനലില്‍ റഷ്യയുടെ ദാരിയ കസാത്കിനയോടു നേടിട്ടുള്ള സെറ്റുകള്‍ക്കാണ് വോസ്‌നിയാക്കി തോല്‍വി വഴങ്ങിയത്. സ്‌കോര്‍: 7-6, 6-3.

ലോക ഒന്നാം നമ്പര്‍ പദവി വഹിക്കുന്ന താരത്തിനെതിരേ കസാത്കിനയുടെ രണ്ടാം വിജയമാണിത്. നേരത്തെ, ഒന്നാം നമ്പര്‍ പദവിയിലിരിക്കെ ആഞ്ചലിക് കെര്‍ബറെയും കസാത്കിന പരാജയപ്പെടുത്തിയിരുന്നു.

ഇന്ത്യന്‍ ഓപ്പണ്‍: സൈന പുറത്ത്
Posted by
03 February

ഇന്ത്യന്‍ ഓപ്പണ്‍: സൈന പുറത്ത്

ന്യൂഡല്‍ഹി: ഇന്ത്യ ഓപ്പണ്‍ സൂപ്പര്‍ 500 ബാഡ്മിന്റണ്‍ ടൂര്‍ണമെന്റിന്റെ ക്വാര്‍ട്ടറില്‍ ഇന്ത്യന്‍ താരം സൈന നെഹ്‌വാള്‍ പുറത്ത്. ലോക 11-ാം നമ്പര്‍ താരമായ അമേരിക്കയുടെ ബീവെന്‍ സാംഗിനോടാണ് സൈന പരാജയപ്പെട്ടത്.

സ്‌കോര്‍ 21-10, 21-13. കഴിഞ്ഞയാഴ്ച സൈന ഇന്തോനേഷ്യന്‍ മാസറ്റേഴ്‌സ് ഫൈനലില്‍ പ്രവേശിച്ചിരുന്നു.

ഇന്തോനേഷ്യന്‍ മാസ്റ്റേഴ്‌സ് ഫൈനലില്‍ സൈനയ്ക്ക് തോല്‍വി
Posted by
28 January

ഇന്തോനേഷ്യന്‍ മാസ്റ്റേഴ്‌സ് ഫൈനലില്‍ സൈനയ്ക്ക് തോല്‍വി

ജക്കാര്‍ത്ത: ഇന്തോനേഷ്യന്‍ മാസ്റ്റേഴ്‌സ് ഫൈനലില്‍ ലോക ഒന്നാം നമ്പര്‍ താരത്തിനു മുന്നില്‍ ഇന്ത്യയുടെ സൈന നെഹ്വാളിനു അടിതെറ്റി. ചൈനീസ് തായ്‌പേയ് താരം തായ് സു ഇംഗിനോടാണ് ഫൈനലില്‍ സൈന പരാജയപ്പെട്ടത്. നേരിട്ടുള്ള ഗെയിമുകള്‍ക്കായിരുന്നു തായ്‌പേയ് താരം സൈനയെ കീഴടക്കിയത്.

21-9, 21-13 എന്ന് സ്‌കോറിനാണ് തായ് സുവിന്റെ വിജയം. തായ്ലന്‍ഡിന്റെ രച്ച്‌നോക് ഇന്റനോണെ 21-19, 21-19 സ്‌കോറിനു പരാജയപ്പെടുത്തിയാണ് സൈന ഫൈനലില്‍ പ്രവേശിച്ചത്. പി വി സിന്ധുവിനെയും സൈന പരാജയപ്പെടുത്തിയിരുന്നു.

20-ാം ഗ്രാന്‍ഡ്സ്ലാം കിരീടത്തില്‍ മുത്തമിട്ട് ടെന്നീസ് ഇതിഹാസം റോജര്‍ ഫെഡറര്‍
Posted by
28 January

20-ാം ഗ്രാന്‍ഡ്സ്ലാം കിരീടത്തില്‍ മുത്തമിട്ട് ടെന്നീസ് ഇതിഹാസം റോജര്‍ ഫെഡറര്‍

മെല്‍ബണ്‍: ടെന്നീസ് ഇതിഹാസമായ സ്വിസ് താരം റോജര്‍ ഫെഡറര്‍ക്ക് 20-ാം ഗ്രാന്‍ഡ്സ്ലാം കിരീടം. ആറാം തവണയും ഓസ്‌ട്രേലിയന്‍ ഓപ്പണ്‍ കിരീടം സ്വന്തം പേരിലാക്കിയാണ് മുപ്പത്തിയാറുകാരനായ പ്രായം തളര്‍ത്താത്ത പോരാളി ഫെഡറര്‍ ഗ്രാന്‍ഡ്സ്ലാം റിക്കാര്‍ഡിട്ടത്. ഫെഡററുടെ കുതിപ്പില്‍ റോഡ് ലേവര്‍ അരീനയില്‍ വീണുപോയത് മാരിന്‍ സിലിച്ചും. സ്‌കോര്‍: 6-2, 6-7 (5), 6-3, 3-6, 6-1.

ചതുര്‍രാഷ്ട്ര ഹോക്കി ഫൈനലില്‍ ഇന്ത്യ പൊരുതി തോറ്റു
Posted by
28 January

ചതുര്‍രാഷ്ട്ര ഹോക്കി ഫൈനലില്‍ ഇന്ത്യ പൊരുതി തോറ്റു

ഹാമില്‍ട്ടണ്‍: ന്യൂസിലന്‍ഡില്‍ നടക്കുന്ന ചതുര്‍രാഷ്ട്ര ഹോക്കി ഫൈനലില്‍ ലോക മൂന്നാം നമ്പര്‍ ടീമായ ബല്‍ജിയത്തോട് ഇന്ത്യ പൊരുതി തോറ്റു. പെനാല്‍റ്റി ഷൂട്ട്ഔട്ടില്‍ 0-3നായിരുന്നു ഇന്ത്യയുടെ തോല്‍വി. ശക്തരായ ബല്‍ജിയത്തെ 4-4ന് തളച്ച ഇന്ത്യയ്ക്കു പെനാല്‍റ്റിയില്‍ അടിപതറുകയായിരുന്നു.

ഇന്ത്യയ്ക്കായി രമണ്‍ദീപ് സിംഗ് രണ്ട് ഗോളുകളും നീലകണ്ഠ ശര്‍മയും മന്‍ദീപ് സിംഗും ഓരോ ഗോളുവീതവും നേടി.

error: This Content is already Published.!!