Hockey World League Semi-Final: India Crush Pakistan 6-1, Face Canada Next In 5th-6th Place Match
Posted by
24 June

ഹോക്കി ലോക ലീഗില്‍ പാകിസ്താന് എതിരായ രണ്ടാം മല്‍സരത്തിലും ഇന്ത്യയ്ക്ക് ജയം

ലണ്ടന്‍: ഹോക്കി ലോക ലീഗ് സെമി ഫൈനലില്‍ പാകിസ്താനുമായി മുഖാമുഖമെത്തിയ രണ്ടാം മല്‍സരത്തിലും ഇന്ത്യയ്ക്ക് ജയം. അഞ്ചുമുതല്‍ എട്ടുവരെയുള്ള സ്ഥാനനിര്‍ണയ മല്‍സരത്തില്‍ ഒന്നിനെതിരെ ആറു ഗോളുകള്‍ക്കാണ് ഇന്ത്യയുടെ വിജയം. രമണ്‍ദീപ് സിങ്, മന്‍ദീപ് സിങ്, തല്‍വീന്ദര്‍ സിങ്, ഹര്‍മന്‍പ്രീത് സിങ് എന്നിവരാണ് ഇന്ത്യയ്ക്കായി ഗോള്‍ നേടിയത്. പാകിസ്താന്റെ ആശ്വാസ ഗോള്‍ അജാസ് അഹമ്മദ് സ്വന്തമാക്കി.

ഈ വിജയത്തോടെ അഞ്ച്ആറ് സ്ഥാനനിര്‍ണയ മല്‍സരത്തില്‍ കാനഡയ്‌ക്കെതിരെ കളിക്കാനും ഇന്ത്യ യോഗ്യത നേടി. പൂള്‍ മല്‍സരത്തില്‍ പാകിസ്താനെ 71 നു തോല്‍പ്പിച്ചതിന്റെ ആത്മവിശ്വാസത്തില്‍ ഇറങ്ങിയ ഇന്ത്യ, സമാനമായ പ്രകടനത്തോടെയാണ് ഇത്തവണയവും ജയിച്ചുകയറിയത്. ക്വാര്‍ട്ടര്‍ ഫൈനലില്‍ 14ാം റാങ്കുകാരായ മലേഷ്യയോടു 23നു തോറ്റാണ് ആറാം റാങ്കുകാരായ ഇന്ത്യ നോക്കൗട്ട് ഘട്ടത്തില്‍നിന്നു പുറത്തായത്.

Indian player k sreekanth gets Indonesian super series badminton trophy
Posted by
18 June

ഇന്ത്യയുടെ കെ ശ്രീകാന്തിന് സൂപ്പര്‍ സീരീസ് ബാഡ്മിന്റണ്‍ കിരീടം

ജക്കാര്‍ത്ത: ഇന്തോനേഷ്യന്‍ സൂപ്പര്‍ സീരീസ് ബാഡ്മിന്റണ്‍ കിരീടം ഇന്ത്യയുടെ കെ ശ്രീകാന്തിന്. ഫൈനലില്‍ ജപ്പാന്‍ താരം കസുമാസ സകായിയെ തോല്‍പ്പിച്ചാണ് ശ്രീകാന്തിന്റെ കിരീട നേട്ടം.ഇന്തോനേഷ്യന്‍ സൂപ്പര്‍ സീരീസ് കിരീടം നേടുന്ന ആദ്യ ഇന്ത്യന്‍ താരമാണ് ശ്രീകാന്ത്.

21 11, 21 19 എന്നിങ്ങനെ നേരിട്ടുള്ള ഗെയിമുകള്‍ക്കാണ് ശ്രീകാന്തിന്റെ ജയം.ടൂര്‍ണ്ണമെന്റില്‍ ശ്രീകാന്ത് ലോക ഒന്നാം നമ്പര്‍ താരം സന്‍ വാന്‍ഹുവിനെ തോല്‍പ്പിച്ചാണ് ഫൈനലിന് അര്‍ഹത നേടിയത്.നേരത്തെ ചൈന ഓപ്പണും ഇന്ത്യന്‍ ഓപ്പണും ശ്രീകാന്ത് സ്വന്തമാക്കിയിരുന്നു.

Hockey, India-Pakistan match today
Posted by
18 June

ഹോക്കിയിലും ഇന്ന് ഇന്ത്യാ-പാകിസ്താന്‍ പോരാട്ടം

ലണ്ടന്‍: ചാമ്പ്യന്‍സ്‌ട്രോഫി ക്രിക്കറ്റ് ഫൈനലില്‍ ഓവല്‍ സ്‌റ്റേഡിയത്തില്‍ ഇന്ത്യയും പാകിസ്താനും ഏറ്റുമുട്ടുമ്പോള്‍ ഇതിനടുത്തായി ലണ്ടനില്‍ ഹോക്കിയിലും ചിരവൈരികളായ ഇന്ത്യയും പാകിസ്താനും നേര്‍ക്കുനേര്‍. ലോക ഹോക്കി ലീഗ് സെമിഫൈനലിന്റെ ഗ്രൂപ്പ് ബി പോരാട്ടത്തിലാണ് അയല്‍ക്കാരുടെ മത്സരം. ഇന്ത്യന്‍ സമയം വൈകിട്ട് 6.30നാണ് ഹോക്കിയിലെ ഇന്ത്യ-പാക് പോരാട്ടം.

ഹോക്കി ലീഗിലെ ആദ്യ മത്സരത്തില്‍ സ്‌കോട്ട്‌ലന്‍ഡിനെ 4-1ന് തകര്‍ത്താണ് ഇന്ത്യ ടൂര്‍ണമെന്റില്‍ തുടക്കം കുറിച്ചത്. രണ്ടാമത്തെ കളിയില്‍ കനഡയെ എതിരില്ലാത്ത മൂന്ന് ഗോളിന് തോല്‍പ്പിച്ചു. അതേസമയം ടൂര്‍ണമെന്റില്‍ കളിച്ച രണ്ട് മല്‍സരവും തോറ്റാണ് പാകിസ്താന്‍ ഇന്ത്യയെ നേരിടാനെത്തുന്നത്. കനഡയോട് എതിരില്ലാത്ത ആറ് ഗോളിനും, നെതര്‍ലന്‍ഡ്‌സിനോട് എതിരില്ലാത്ത അഞ്ച് ഗോളിനുമായിരുന്നു പാകിസ്താന്റെ തോല്‍വി.

നിലവിലെ ലോകഹോക്കി റാങ്കിംഗില്‍ ഇന്ത്യ ആറാം സ്ഥാനത്തും, പാകിസ്താന്‍ 13 അം സ്ഥാനത്തുമാണ്. ടൂര്‍ണമെന്റില്‍ നിന്നും യോഗ്യത നേടുന്ന ടീം ഭുനേശ്വറില്‍ നടക്കുന്ന ഹോക്കി വേള്‍ഡ് ലീഗ് ഫൈനലില്‍ കളിക്കും.

അതേസമയം പാകിസ്താനെതിരായ മത്സരത്തില്‍ സമ്മര്‍ദ്ദമില്ലെന്നും, മറ്റ് ടീമുകളെപ്പോലെ മാത്രമാണ് പാകിസ്താനെതിരായ മല്‍സരത്തെയും കാണുന്നതെന്ന് ഇന്ത്യന്‍ നായകന്‍ മന്‍പ്രീത് സിങ് പറഞ്ഞു. ഇതേ അഭിപ്രായം തന്നെയാണി ക്രിക്കറ്റ് ക്യാപ്റ്റന്‍ വിരാട് കോഹ് ലി പാകിസ്താനെ നേരിടാനിറങ്ങും മുമ്പ് വ്യക്തമാക്കിയിരിക്കുന്നത് എന്നതും ശ്രദ്ധേയം.

Indonesian Super Series; Kidambi Srikanth, HS Prannoy reached quarter
Posted by
16 June

ഇന്തോനേഷ്യന്‍ സൂപ്പര്‍ സീരീസ്: പ്രണോയിയും ശ്രീകാന്തും വമ്പന്‍ അട്ടിമറിയോടെ ക്വാര്‍ട്ടറില്‍

ജക്കാര്‍ത്ത: ഇന്തോനേഷ്യന്‍ സൂപ്പര്‍ സീരീസ് ബാഡ്മിന്റണിന്റെ പുരുഷ വിഭാഗത്തില്‍ ഇന്ത്യന്‍ താരങ്ങളുടെ മികച്ച പ്രകടനം. വമ്പന്‍ അട്ടിമറികളോടെ മലയാളി താരം എച്ച്എസ് പ്രണോയിയും ശ്രീകാന്തും ക്വാര്‍ട്ടര്‍ ഫൈനലിലെത്തി. ലോക മൂന്നാം നമ്പര്‍ താരം മലേഷ്യയുടെ ലീ ചോങ് വെയിനെ നേരിട്ടുള്ള സെറ്റുകള്‍ക്കാണ് പ്രണോയ് അട്ടിമറിച്ചത്. ശ്രീകാന്ത് നാലാംസീഡ് ഡെന്‍മാര്‍ക്കിന്റെ ജാന്‍യോര്‍ഗെന്‍സനെയും ഞെട്ടിച്ചു. അതേസമയം, വനിതാ വിഭാഗത്തില്‍ ഇന്ത്യന്‍ പ്രതീക്ഷകളായിരുന്ന പിവി സിന്ധുവും സൈന നെഹ്വാളും പുറത്തായി.

കരിയറിലെ തന്റെ ഏറ്റവും മികച്ച വിജയത്തോടെയാണ് പ്രണോയ് ക്വാര്‍ട്ടര്‍ ഫൈനലില്‍ എത്തിയിരിക്കുന്നത്. ലോക റാങ്കിങ്ങില്‍ ഇരുപത്തിയഞ്ചാം സ്ഥാനത്തുള്ള പ്രണോയ്ക്ക് മുന്നില്‍ ലീയ്ക്ക് പിടിച്ചുനില്‍ക്കാനായില്ലെന്നത് മത്സരത്തിന്റെ മികവ് പ്രകടമാക്കുന്നു. നേരിട്ടുള്ള ഗെയിമുകള്‍ക്ക് പ്രണോയ് മത്സരം സ്വന്തമാക്കുകയായിരുന്നു. സ്‌കോര്‍-21-10, 21-18. ആദ്യ ഗെയിമില്‍ മുന്‍ ലോക ഒന്നാം നമ്പര്‍ താരത്തെ നിഷ്പ്രഭമാക്കുന്ന പ്രകടനമാണ് പ്രണോയ് നടത്തിയതെങ്കിലും രണ്ടാം ഗെയിമില്‍ ലീയില്‍ നിന്ന് ശക്തമായ ചെറുത്ത് നില്‍പ് പ്രണോയിക്ക് നേരിടേണ്ടി വന്നു. എന്നാല്‍ അവസരത്തിനൊത്തിയര്‍ന്ന ഇന്ത്യന്‍ താരം മത്സരം സ്വന്തമാക്കി.

ലീ ഒരു സാധാരണ കളിക്കാരന്റെ പ്രകടനമാണ് ഇന്ന് പുറത്തെടുത്തതെന്നും ആ അവസരം താന്‍ വിനിയോഗിച്ചെന്നും മത്സരശേഷം പ്രണോയ് പറഞ്ഞു.

അതേസമയം യോര്‍ഗെന്‍സനെ ഒന്നിനെതിരെ രണ്ട് ഗെയിമുകള്‍ക്കാണ് ഇരുപത്തിരണ്ടാം റാങ്കുകാരനായ കെ ശ്രീകാന്ത് തറപറ്റിച്ചത്. സ്‌കോര്‍-21-15, 20-22, 21-16.

എന്നാല്‍ വനിതാവിഭാഗത്തില്‍ സിന്ധുവും സൈനയും രണ്ടാം റൗണ്ടില്‍ പുറത്തായത് ഇന്ത്യയ്ക്ക് തിരിച്ചടിയായി. നാലം സീഡ് സിന്ധുവിനെ അമേരിക്കയുടെ ബെയ് വെന്‍ സാങാണ് തോല്‍പ്പിച്ചത് സ്‌കോര്‍-21-15, 12-21, 18-21. സൈന നെഹ്‌വാള്‍ തായ്ലന്റിന്റെ നിച്ചോണ്‍ ജിന്‍ഡാപോളിനോടാണ് കീഴടങ്ങിയത് സ്‌കോര്‍-15-21, 21-6, 16-21.

Kanpur IIT will award Doctorate to PT Usha
Posted by
13 June

ഒളിമ്പ്യന്‍ പിടി ഉഷയ്ക്ക് കാണ്‍പൂര്‍ ഐഐടിയുടെ ഡോക്ടറേറ്റ്

കാണ്‍പൂര്‍: ഇന്തയ്ന്‍ കായികരംഗത്തിന് അഭിമാനമായ ഒളിമ്പ്യന്‍ പിടി ഉഷക്ക് കാണ്‍പൂര്‍ ഐഐടിയുടെ ഡോക്ടറേറ്റ്. ഇന്ത്യന്‍ കായിക മേഖലക്ക് നല്‍കിയ സംഭാവനകള്‍ പരിഗണിച്ചാണ് ഐഐടി പിടി ഉഷയെ ഡോക്ടറേറ്റ് നല്‍കി ആദരിക്കുന്നത്. ഈ മാസം ജൂണ്‍ 16ന് നടക്കുന്ന ചടങ്ങില്‍ ഡോക്ടര്‍ ഓഫ് സയന്‍സ് എന്ന ബഹുതി നല്‍കുമെന്നാണ് റിപ്പോര്‍ട്ട്.

1980 ലെ മോസ്‌കോ ഒളിമ്പിക്‌സിലാണ് ഉഷ അന്താരാഷ്ട്ര തലത്തിലേക്ക് ഉയര്‍ന്ന പ്രകടനം കാഴ്ചവെച്ച് ശ്രദ്ധേയായത്. 1982 ല്‍ ഡെല്‍ഹിയില്‍ വച്ചു നടന്ന ഏഷ്യാഡില്‍ നൂറുമീറ്റര്‍ ഓട്ടത്തിലും, ഇരുന്നൂറുമീറ്റര്‍ ഓട്ടത്തിലും വെള്ളിമെഡല്‍ കരസ്ഥമാക്കി. 1984 ലോസ് ഏഞ്ചല്‍സ് ഒളിമ്പിക്‌സില്‍ നാനൂറു മീറ്റര്‍ ഹര്‍ഡില്‍സ് ഓട്ടത്തില്‍ സെമിഫൈനലില്‍ ഒന്നാമതായി ഓടിയെത്തിയെങ്കിലും ഫൈനലില്‍ ഫോട്ടോഫിനിഷില്‍ നാലാം സ്ഥാനത്തേക്ക് പിന്തള്ളപ്പെട്ടു.

muhammed rahees and sarath praticipate world pancha gusthi competition  in Hungary
Posted by
29 May

ലോക പഞ്ചഗുസ്തി മല്‍സരത്തിനായി എടപ്പാള്‍ സ്വദേശികളായ മുഹമ്മദ് റഹീസും ശരതും ഹംഗറിയിലേക്ക്

എടപ്പാള്‍: ലോകപഞ്ചഗുസ്തി മല്‍സരത്തില്‍ മല്‍സരിക്കാന്‍ യോഗ്യത നേടി എടപ്പാള്‍ സ്വദേശികള്‍ ഹംഗേറിയയിലേക്ക് പോവാന്‍ തയ്യാറെടുക്കുന്നു.
കഴിഞ ആഴ്ചയില്‍ ഡല്‍ഹിയില്‍ സമാപിച്ച ദേശീയ പഞ്ചഗുസ്തിയില്‍ മല്‍സരിച്ചാണ് മലപ്പുറം ജില്ലയിലെ എടപ്പാള്‍ നടുവട്ടം സ്വദേശികളായ മുഹമ്മദ് റഹീസും,ശരത്തും ലോക പഞ്ചഗുസ്തി മല്‍സരത്തില്‍ പങ്കെടുക്കുന്നതിന് യോഗ്യത നേടിയത്.

ഡല്‍ഹിയില്‍ സമാപിച്ച പഞ്ചഗുസ്തി മല്‍സരത്തില്‍ 80 കിലോ വിഭാഗത്തില്‍ ശരത്തും,90 കിലോ വിഭാഗത്തില്‍ റഹീസും,വെള്ളി മെഡല്‍ നേടിയാണ് അന്തര്‍ദേശീയ മല്‍സരത്തില്‍ പന്‌കെടുക്കാന്‍ യോഗ്യത നേടിയത്.ഡിസംബര്‍ മാസം ഹംഗറിയില്‍ വെച്ചു നടക്കുന്ന ലോക ചാമ്പ്യന്‍ഷിപ്പില്‍ പങ്കെടുക്കുന്നതിനുള്ള തയ്യാറെടുപ്പിലാണ് റഹീസും,ശരത്തും.നിരവധി മല്‍സരങ്ങളിലായി ഒട്ടനവധി പുരസ്‌കാരങ്ങള്‍ ഈയിനങ്ങളില്‍ കരസ്ഥമാക്കിയ മുഹമ്മദ് റഹീസ് വളയംകുളം അസ്സബാഹ് കോളേജിലെ അവസാന വര്‍ഷ ഡിഗ്രി വിദ്ധ്യാര്‍ത്ഥിയാണ്.സീനീയര്‍ വിഭാഗത്തിലാണ് റഹീസിന് മല്‍സരിക്കാനുള്ള യോഗ്യത നേടിയത്.

എടപ്പാള്‍ സ്വദേശിയായ ശരത്ത് കഴിഞ വര്‍ഷം ഡിഗ്രി പൂര്‍ത്തിയാക്കിയിരുന്നു.ജൂനിയര്‍ വിഭാഗത്തില്‍ മല്‍സരിച്ച് ലോക പഞ്ജഗുസ്തി ചാമ്പ്യന്‍ഷിപ്പിന് യോഗ്യത നേടിയ ശരത്ത് എടപ്പാള്‍ സ്വദേശിയാണ്. രണ്ട് പേരും എടപ്പാള്‍ ലൈഫ് ലൈന്‍ ഫിറ്റ്‌നസിലെ താരങ്ങളാണ്.
( ഫഖ്‌റുദ്ധീന്‍ പന്താവൂര്‍ )

Indian Kabaddi pro-league won’t allow Pak players
Posted by
23 May

പാകിസ്താന്‍ താരങ്ങളെ ഇന്ത്യന്‍ പ്രോ കബഡി ലീഗില്‍ കളിക്കാന്‍ അനുവദിക്കില്ലെന്ന് കേന്ദ്ര സര്‍ക്കാര്‍

ന്യൂഡല്‍ഹി: പാകിസ്താനില്‍ നിന്നും ഇന്ത്യ നിരന്തരം നേരിടുന്ന തീവ്രവാദ ഭീഷണിയുടെ പശ്ചാത്തലത്തില്‍ ഇന്ത്യന്‍ പ്രോ കബഡി ലീഗില്‍ പാകിസ്താന്‍ താരങ്ങളെ പങ്കെടുപ്പിക്കില്ലെന്ന് കേന്ദ്രസര്‍ക്കാര്‍ തീരുമാനം. പാകിസ്താന്‍ തീവ്രവാദം അവസാനിപ്പിക്കാതെ അവിടുത്തെ താരങ്ങള്‍ കബഡി ലീഗില്‍ കളിക്കേണ്ടെന്നാണ് കേന്ദ്രകായികമന്ത്രി വിജയ് ഗോയല്‍ അഭിപ്രായപ്പെട്ടത്. പ്രോ കബഡി ലീഗിന്റെ താരലേലത്തില്‍ പാക് താരങ്ങളും ഉള്‍പ്പെട്ടിട്ടുണ്ടെന്ന വാര്‍ത്തകള്‍ക്ക് പിന്നാലെയാണ് ഗോയലിന്റെ പ്രസ്താവന.

പ്രോ കബഡി ലീഗിന്റെ സംഘാടകര്‍ക്ക് പാക് താരങ്ങളെ ലേലത്തില്‍ പങ്കെടുപ്പിക്കാം. എന്നാല്‍ അവരെ കളിപ്പിക്കാന്‍ സാധിക്കില്ല. പാക് താരങ്ങളെ തെരഞ്ഞെടുത്താലും അവരെ കളിപ്പിക്കണോ വേണ്ടയോ എന്ന കാര്യത്തില്‍ തീരുമാനമെടുക്കേണ്ടത് കേന്ദ്രസര്‍ക്കാരാണ്. തീവ്രവാദം അവസാനിപ്പിക്കാതെ പാകിസ്താനുമായി കായികബന്ധം തുടരാന്‍ സാധിക്കില്ല വിജയ് ഗോയല്‍ വ്യക്തമാക്കി.

ജൂണ്‍ 25 നാണ് പ്രോ കബഡി ലീഗിന്റെ അഞ്ചാം പതിപ്പിന് തുടക്കമാകുന്നത്. പൂനേരി പള്‍ട്ടാനും തെലുഗു ടൈറ്റന്‍സും തമ്മിലാണ് ഉദ്ഘാടന മത്സരം. മുന്‍ ഇന്ത്യന്‍ സൈനികന്‍ കുല്‍ഭൂഷണ്‍ ജാദവിനെ ചാരവൃത്തി ചുമത്തി പാക് സൈനിക കോടതി വധശിക്ഷ വിധിച്ച സംഭവത്തിന്റെ പശ്ചാത്തലത്തില്‍ ഇരുരാഷ്ട്രങ്ങളും തമ്മിലുള്ള നയതന്ത്രബന്ധം തകര്‍ന്നിരിക്കുകയാണ്. കൂടാതെ രണ്ട് ഇന്ത്യന്‍ സൈനികരെ കൊലപ്പെടുത്തി പാക് സൈന്യം മൃതദേഹം വികൃതമാക്കിയത് ഇന്ത്യയെ ശരിക്കും ചൊടിപ്പിച്ചിരിക്കുകയാണ്. ഈ സാഹചര്യത്തിലാണ് കേന്ദ്രസര്‍ക്കാര്‍ കടുത്ത നിലപാട് സ്വീകരിച്ചിരിക്കുന്നത്.

Ace badminton player and silver medallist in Rio Olympics P V Sindhu will soon be appointed as sub-collector in Andhra Pradesh government
Posted by
16 May

ബാഡ്മിന്റണില്‍ ഇന്ത്യയുടെ അഭിമാന താരമായ പിവി സിന്ധു ഇനി ഡെപ്യൂട്ടി കളക്ടര്‍

ഹൈദരാബാദ്: ബാഡ്മിന്റണില്‍ ഇന്ത്യയുടെ അഭിമാന താരമായ പിവി സിന്ധു ഡെപ്യൂട്ടി കളക്ടര്‍ സ്ഥാനത്തേക്ക്. റിയോ ഒളിമ്പിക്‌സില്‍ ബാഡ്മിന്റണില്‍ വെള്ളി നേടിയാണ് പിവി സിന്ധു രാജ്യത്തിന്റെ അഭിമാനം ഉയര്‍ത്തിപ്പിടിച്ചത്. ഇന്ത്യക്ക് വേണ്ടി അഭിമാനാര്‍ഹമായ നേട്ടം കൈവരിച്ചതിന് പിന്നാലെ സിന്ധുവിന് ഐഎഎസ് റാങ്കിലുള്ള ജോലി ആന്ധ്ര സര്‍ക്കാര്‍ നല്‍കുമെന്ന് വാര്‍ത്തകളുണ്ടായിരുന്നു.

അമരാവതിയില്‍ ജിഎസ്ടി ബില്‍ പാസ്സാക്കുന്നതിനു വേണ്ടി ചേര്‍ന്ന പ്രത്യേക സമ്മേളനത്തില്‍ ഗവര്‍ണര്‍ ഇഎസ്എല്‍ നരസിംഹന്‍ സിന്ധുവിനെ ഡപ്യൂട്ടി കളക്ടറായി നിയമിക്കുന്നതിനുള്ള ഉത്തരവില്‍ ഒപ്പ് വെക്കുകയായിരുന്നു. ആഴ്ചകള്‍ക്കുള്ളില്‍ തന്നെ സിന്ധുവിന് അപ്പോയിന്റ്‌മെന്റ് ഉത്തരവ് ലഭിക്കും.സംസ്ഥാന ധനകാര്യമന്ത്രി യാനമാല രാമകൃഷ്ണനുഡു ഇക്കാര്യം അറിയിച്ചത്. നിലവില്‍ ഹൈദരാബാദില്‍ ഭാരത് പെട്രോളിയം കോര്‍പ്പറേഷനില്‍ അസിസ്റ്റന്റ് മാനേജരാണ് നിലവില്‍ സിന്ധു.

Bajrang Punia wins gold at Asian Wrestling Championship
Posted by
14 May

ഏഷ്യന്‍ ഗുസ്തി ചാംപ്യന്‍ ഷിപ്പില്‍ ഇന്ത്യക്ക് സുവര്‍ണ തിളക്കം; പുരുഷന്‍മാരുടെ 65 കിലോ ഫ്രീസ്‌റ്റൈല്‍ വിഭാഗത്തില്‍ ബജ്‌രംഗ് പുനിയയിലൂടെ ഇന്ത്യക്ക് ആദ്യ സ്വര്‍ണ്ണം

ന്യൂഡല്‍ഹി: ഏഷ്യന്‍ ഗുസ്തി ചാംപ്യന്‍ഷിപ്പില്‍ ഇന്ത്യക്ക് സുവര്‍ണ തിളക്കം. പുരുഷന്‍മാരുടെ 65 കിലോ ഫ്രീസ്‌റ്റൈല്‍ വിഭാഗത്തില്‍ ഇന്ത്യയുടെ ബജ്‌രംഗ് പുനിയ സുവര്‍ണ താരമായി അഭിമാനം കാത്തു. കൊറിയയുടെ ലീ സ്വാങ് ചുലിനെ പരാജയപ്പെടുത്തിയാണ് താരം ചാംപ്യന്‍ഷിപ്പില്‍ ഇന്ത്യക്ക് ആദ്യ സ്വര്‍ണം സമ്മാനിച്ചത്. 62 എന്ന സ്‌കോറിനാണ് ബജ്‌രംഗിന്റെ വിജയം.

മത്സരത്തിന്റെ ആദ്യ പകുതിയില്‍ രണ്ട് പോയിന്റിന് പിന്നില്‍ നിന്ന ശേഷം ഉജ്ജ്വലമായി തിരിച്ചടിച്ചാണ് ഇന്ത്യന്‍ താരം വിജയം പിടിച്ചത്. രണ്ടാം പകുതിയില്‍ വന്‍ തിരിച്ചു വരവ് നടത്തിയ ബജ്‌രംഗ് കൊറിയന്‍ താരത്തിന് ഒരു പഴുതും അനുവദിക്കാതെ ആറ് പോയിന്റുകള്‍ ഒറ്റയടിക്ക് സ്വന്തമാക്കി കരുത്തുറ്റ മുന്നേറ്റമാണ് നടത്തിയത്. നേരത്തെ സെമിയില്‍ കുഗ്‌വാങ് കിമിനെ കടുത്ത പോരാട്ടത്തില്‍ അതിജീവിച്ചാണ് ബജ്‌രംഗ് ഫൈനലിലേക്ക് കടന്നത്. 32നായിരുന്നു സെമിയിലെ ഇന്ത്യന്‍ താരത്തിന്റെ വിജയം. ക്വാര്‍ട്ടറില്‍ ഇറാന്റെ മെയ്‌സം നസ്സിരിയെ 75ന് കീഴടക്കിയ ബജ്‌രംഗ് യോഗ്യതാ റൗണ്ടില്‍ ഉസ്‌ബെകിസ്ഥാന്‍ താരം സിറോജിദ്ദിന്‍ ഹസനോവിനെ 43 എന്ന സ്‌കോറിനാണ് കീഴടക്കിയത്.

വനിതകളുടെ 58 കിലോയില്‍ മത്സരിച്ച ഇന്ത്യയുടെ മറ്റൊരു താരം സരിത ഫൈനലില്‍ തോല്‍വി വഴങ്ങി വെള്ളി മെഡല്‍ സ്വന്തമാക്കി. കിര്‍ഗിസ്ഥാന്‍ താരം എസുലു ടിനിബെകോവയാണ് സരിതയെ 06 എന്ന സ്‌കോറിന് വീഴ്ത്തിയത്. ഏഷ്യന്‍ പോരാട്ടത്തില്‍ ഇന്ത്യന്‍ വനിതകള്‍ മികച്ച പ്രകടനമാണ് പുറത്തെടുത്തത്. സ്വര്‍ണ മെഡല്‍ സ്വന്തമാക്കാന്‍ സാധിച്ചില്ലെങ്കിലും നാല് വെള്ളി മെഡലും രണ്ട് വെങ്കലവുമടക്കം ആറ് മെഡലുകള്‍ ഇന്ത്യന്‍ വനിതകള്‍ നേടി. നേരത്തെ സാക്ഷി മാലിക്, വിനേഷ് ഫോഗട്, വിദ്യ കക്രന്‍ എന്നിവര്‍ ഇന്ത്യക്കായി വെള്ളി നേടിയിരുന്നു. അതേസമയം പുരുഷന്‍മാരുടെ 97 കിലോയില്‍ മത്സരിച്ച സാക്ഷി മാലികിന്റെ ഭര്‍ത്താവ് സത്യവ്രത് കടിയാന്‍ റെപെഷാഗെ റൗണ്ടില്‍ പരാജയം വഴങ്ങി.

മംഗോളിയന്‍ താരം ബറ്റ്‌സുല്‍ ഉല്‍സിയാഖാനോടാണ് ഇന്ത്യന്‍ താരം പരാജയപ്പെട്ടത്. വെങ്കല പോരാട്ടത്തിന് ബര്‍ത്ത് ഉറപ്പിക്കാനുള്ള അവസരവും തോല്‍വിയോടെ സത്യവ്രതിന് നഷ്ടമായി.

Maria Sharapova returns to tennis with tremendous victory
Posted by
27 April

ഉത്തേജകത്തില്‍ കുരുങ്ങി കളം വിട്ട മരിയ ഷറപ്പോവയ്ക്ക് തിരിച്ചുവരവില്‍ ഗംഭീര വിജയം

ബര്‍ലിന്‍: തിരിച്ചു വരവ് ഗംഭീരമാക്കി റഷ്യന്‍ ടെന്നീസ് താരം മരിയ ഷറപ്പോവ. ഉത്തേജകമരുന്ന് വിവാദത്തില്‍ കുരുങ്ങി കളത്തിനുപുറത്തായ റഷ്യന്‍ ടെന്നീസ്താരസുന്ദരി മരിയ ഷറപ്പോവ സ്റ്റുട്ട്ഗട്ട് ഓപ്പണ്‍ ചാമ്പ്യന്‍ഷിപ്പിലാണ് മികച്ച വിജയം നേടിയത്. ഇറ്റലിയുടെ മുന്‍ യുഎസ് ഓപണ്‍ റണ്ണറപ് റോബര്‍ട്ട വിന്‍സിയെയാണ് മരിയ തകര്‍ത്തത്. സ്‌കോര്‍ 7-5, 6-2.

വൈല്‍ഡ്കാര്‍ഡ് എന്‍ട്രിയിലൂടെ ടൂര്‍ണമെന്റിനെത്തിയ ഷറപ്പോവ ആദ്യ സെറ്റില്‍ വ്യക്തമായ ആധിപത്യമുറപ്പിച്ചതിന് പിന്നാലെ രണ്ടാം സെറ്റും അനായാസം കൈപ്പിടിയിലൊതുക്കുകയായിരുന്നു. സ്‌പെന്‍ഷന്‍ കാലയളവില്‍ അമേരിക്കയിലും റഷ്യയിലും സ്വിറ്റ്‌സര്‍ലാന്‍ഡിലുമായി കഠിന പരിശീലനത്തിലായിരുന്നു ഷറപ്പോവ. റാങ്കിങ് പട്ടികയില്‍ ഇടംപിടിച്ച് ഫ്രഞ്ച് ഓപ്പണ്‍ ചാമ്പ്യന്‍ഷിപ്പിന് അവസരം നേടുക എന്ന ലക്ഷ്യവുമായാണ് മരിയ സ്റ്റുട്ട്ഗട്ടില്‍ ഇറങ്ങിയത്.

അഞ്ചുതവണ ഗ്രാന്‍ഡ്സ്ലാം സിംഗിള്‍സ് ജേതാവായ ഷറപോവ 2016 ഓസ്‌ട്രേലിയന്‍ ഓപ്പണിനു പിന്നാലെയാണ് ഉത്തേജക പരിശോധനയില്‍ കുരുങ്ങുന്നത്. കഴിഞ്ഞ പത്തുവര്‍ഷമായി വിവിധ ആരോഗ്യപ്രശ്‌നങ്ങള്‍ക്കായി ഉപയോഗിച്ച മെലഡോണിയം, ജനുവരി മുതല്‍ നിരോധിതമരുന്ന് പട്ടികയില്‍ ഉള്‍പ്പെടുത്തിയത് അറിയാതെ കഴിച്ചുവെന്നാണ് താരത്തിന്റെ കുറ്റസമ്മതം. ഏറെ ആരാധകരുള്ള ഷറപ്പോവയുടെ വെളിപ്പെടുത്തല്‍ ടെന്നിസ് ലോകത്ത് ഞെട്ടലായെങ്കിലും അവരുടെ നിരപരാധിത്വം വൈകാതെ തെളിഞ്ഞു.

ഫെഡറേഷന്‍ രണ്ടുവര്‍ഷം വിലക്കേര്‍പ്പെടുത്തിയെങ്കിലും അന്താരാഷ്ട്ര കായിക തര്‍ക്കപരിഹാര കോടതി 15 മാസമായി കുറച്ചു. വിലക്ക് കാലാവധി ഏപ്രില്‍ 26നാണ് അവസാനിക്കുന്നതെങ്കിലും സ്റ്റുട്ട്ഗട്ടില്‍ രണ്ടുദിവസം മുമ്പ് തന്നെ താരത്തിന് കളിക്കാന്‍ അനുമതി ലഭിക്കുകയായിരുന്നു.