ജയം ഭാഗ്യംകൊണ്ടല്ല; മികച്ച ഗോളായിരുന്നു ബ്ലാസ്‌റ്റേഴ്‌സ് നേടിയതെന്ന് കോച്ച് ഡേവിഡ് ജെയിംസ്
Posted by
18 February

ജയം ഭാഗ്യംകൊണ്ടല്ല; മികച്ച ഗോളായിരുന്നു ബ്ലാസ്‌റ്റേഴ്‌സ് നേടിയതെന്ന് കോച്ച് ഡേവിഡ് ജെയിംസ്

ഗുവാഹട്ടി: ബ്ലാസ്‌റ്റേഴ്‌സ് പ്ലേ ഓഫ് സാധ്യതകള്‍ നിലനിര്‍ത്തി മികച്ച വിജയം കരസ്ഥമാക്കിയതിനു പിന്നാലെ പ്രതികരണവുമായി പരിശീലകന്‍ ഡേവിഡ് ജെയിംസ് രംഗത്ത്. നോര്‍ത്ത് ഈസ്റ്റ് യുണൈറ്റഡിനെതിരായ ജയം ഭാഗ്യം കൊണ്ടല്ലെന്നും മികച്ച ഗോളാണ് ബ്ലാസ്റ്റേഴ്സ് നേടിയതെന്നും പരിശീലകന്‍ പറയുന്നു. മത്സരശേഷം സംസാരിക്കുകയായിരുന്നു അദ്ദേഹം.

‘ഇത് ഞങ്ങളുടെ മികച്ച പ്രകടനമാണെന്ന് പറയാന്‍ കഴിയില്ല. നേരത്തെ ഇതിലും നന്നായി കളിച്ചപ്പോള്‍ പരാജയപ്പെട്ടിട്ടുണ്ട്. അവസാനം ഫലം മാത്രമാണ് കണക്കില്‍പ്പെടുക’ ജെയിംസ് പറഞ്ഞു. 69ാം മിനുട്ടില്‍ ബെര്‍ബറ്റോവിനെ പകരക്കാരനായി ഇറക്കിയപ്പോള്‍ മത്സരം കൈപ്പിടിയിലായെന്നും ജെയിംസ് പറഞ്ഞു.

ഇന്നലത്തെ മത്സരത്തില്‍ 28ാം മിനുട്ടില്‍ വെസ്ബ്രൗണാണ് ബ്ലാസ്റ്റേഴ്സിനായി ഗോള്‍ നേടിയിരുന്നത്. ബ്ലാസ്റ്റേഴ്സിന്റെ പ്രതിരോധ നിരയില്‍ നിന്നുള്ള സീസണിലെ കന്നിഗോളായിരുന്നു ബ്രൗണിന്റേത്.

മത്സരത്തില്‍ മികച്ച പ്രകടനമാണ് നോര്‍ത്ത് ഈസ്റ്റ് കാഴ്ചവെച്ചിരുന്നത്. എന്നാല്‍ കോരള ഗോളിയുടെ മികച്ച പ്രകടനം ഗോള്‍ നേടുന്നതില്‍ നിന്നും അവരെ തടയുകയായിരുന്നു. അതേസമയം, ജയത്തോടെ 16 മത്സരങ്ങളില്‍ 24 നിന്ന് പോയിന്റോടെ കേരള ബ്ലാസ്റ്റേഴ്‌സ് അഞ്ചാം സ്ഥാനത്ത് തുടരുകയാണ്.

വെസ്ബ്രൗണിന്റെ സീസണിലെ കന്നി ഗോളില്‍ ബ്ലാസ്‌റ്റേഴ്‌സ് ജയിച്ചു കയറി
Posted by
18 February

വെസ്ബ്രൗണിന്റെ സീസണിലെ കന്നി ഗോളില്‍ ബ്ലാസ്‌റ്റേഴ്‌സ് ജയിച്ചു കയറി

വെസ്ബ്രൗണിന്റെ ഏകഗോള്‍ മികവില്‍ നോര്‍ത്ത് ഈസ്റ്റ് യുണൈറ്റഡിനെതിരെ കേരളാ ബ്ലാസ്‌റ്റേഴ്‌സിന് വിജയം. ഇതോടെ ഐഎസ്എല്ലിലെ പ്ലേഓഫ് സാധ്യതകള്‍ കേരള ബ്ലാസ്റ്റേഴ്‌സ് നിലനിര്‍ത്തി. വെസ്ബ്രൗണിന്റെ ഹെഡര്‍ ഗോളിലായിരുന്നു ബ്ലാസ്റ്റേഴ്‌സിന്റെ ജയം. 28-ാം മിനിറ്റില്‍ ജാക്കി ചന്ദിന്റെ കോര്‍ണര്‍ കിക്കാണ് ഗോളിന് വഴി തുറന്നത്.

വെസ്ബ്രൗണിന്റെ കന്നിഗോളായിരുന്നു ഇത്. നോര്‍ത്ത് ഈസ്റ്റിനായിരുന്നു മത്സരത്തില്‍ മുന്‍തൂക്കം. മികച്ച കളി കാഴ്ചവെച്ചെങ്കിലും നിര്‍ഭാഗ്യവും ഗോള്‍കീപ്പര്‍ പോള്‍ റെച്ചൂബ്കയുടെ മികവും നോര്‍ത്ത് ഈസ്റ്റിന് വിനയായി.

ഇന്നത്തെ മത്സരത്തോടെ പ്ലേഓഫ് സാധ്യത നിലനിര്‍ത്തിയ കേരളം 16 മത്സരങ്ങളില്‍ നിന്നായി 24 പോയന്റുമായി അഞ്ചാം സ്ഥാനത്ത് തുടരുകയാണ്. 14 മല്‍സരങ്ങളില്‍നിന്ന് 25 പോയിന്റുള്ള ജംഷഡ്പുര്‍ എഫ്സി ബ്ലാസ്റ്റേഴ്സിനു തൊട്ടുമുന്നിലുണ്ട്.

ചാമ്പ്യന്‍സ് ലീഗ്: നെയ്മറുടെ പിഎസ്ജിയെ കെട്ടുകെട്ടിച്ച് ക്രിസ്റ്റ്യാനോയും റയലും;  ലിവര്‍പൂളിനും വമ്പന്‍ ജയം
Posted by
15 February

ചാമ്പ്യന്‍സ് ലീഗ്: നെയ്മറുടെ പിഎസ്ജിയെ കെട്ടുകെട്ടിച്ച് ക്രിസ്റ്റ്യാനോയും റയലും; ലിവര്‍പൂളിനും വമ്പന്‍ ജയം

പാരീസ്: ക്രിസ്റ്റിയാനോയും റയലും വീണ്ടും കരുത്ത് തെളിയിച്ചു. യുവേഫാ ചാംപ്യന്‍സ് ലീഗില്‍ ആരാധകര്‍ കാത്തിരുന്ന മത്സരത്തില്‍ നെയ്മറുടെ പിഎസ്ജിയെ 3-1ന് തകര്‍ത്ത് റയല്‍ മാഡ്രിഡിന്റെ പടയോട്ടം. മറ്റൊരു മത്സരത്തില്‍ ഇംഗ്ളീഷ് ക്ലബ്ബ് ലിവര്‍പൂള്‍ പോര്‍ച്ചുഗലില്‍ നിന്നുള്ള എഫ്സി പോര്‍ട്ടോയെ ഗോള്‍മഴയില്‍ മുക്കി. ലിവര്‍പൂള്‍ എഫ്സി പോര്‍ട്ടോയെ 5-0 നായിരുന്നു തകര്‍ത്തു വിട്ടത്.

നെയ്മറോ ക്രിസ്റ്റിയാനോയോ കേമന്‍ എന്നറിയാന്‍ നടന്ന മത്സരത്തില്‍ ഇരട്ടഗോളുകളുമായി ക്രിസ്റ്റിയാനോ ടീമിനെ മുന്നിലെത്തിക്കുകയും ചെയ്തു. സഹതാരം മാഴ്സലോയുടെ വകയായിരുന്നു മൂന്നാം ഗോള്‍. കളിയുടെ 38 ാം മിനിറ്റില്‍ റാബിയോറ്റിന്റെ ഗോളില്‍ മുന്നിലെത്തിയ ശേഷമാണ് പിഎസ്ജി മൂന്ന് ഗോളുകള്‍ വഴങ്ങിയത്. ആദ്യ പകുതി അവസാനിക്കുന്നതിന് മുമ്പ് പെനാല്‍റ്റിയിലൂടെ ക്രിസ്റ്റിയാനോ ടീമിനെ ഒപ്പമെത്തിക്കുകയും ചെയ്തു. മത്സരത്തിലൂടെ ചാംപ്യന്‍സ് ലീഗില്‍ ക്രിസ്റ്റിയാനോയുടെ ഗോള്‍നേട്ടം 101 ആയി.

പെനാല്‍റ്റിയിലൂടെ കളിയിലെ ടീമിന്റെ ആദ്യഗോള്‍ നേടിയപ്പോള്‍ ചാംപ്യന്‍സ് ലീഗില്‍ 100 ഗോള്‍ നേടിയ ആദ്യ താരമായി ക്രിസ്റ്റിയാനോ മാറി.

അതേസമയം, മാനേയുടെ ഹാട്രിക്കിന് പുറമേ ഗോളടിവീരന്‍ സലായുടെയും ഫിര്‍മിനോയുടേയും ഗോളുകളായിരുന്നു ലിവര്‍പൂളിനെ പോര്‍ട്ടോയ്ക്കെതിരേ കൂറ്റന്‍ വിജയത്തിലേക്ക് നയിച്ചത്. സമനിലയിലായ ആദ്യ പാദത്തിന് ശേഷം ലിവര്‍പൂള്‍ നടത്തിയത് വന്‍ തിരിച്ചുവരവായിരുന്നു. ഒമ്പതു വര്‍ഷങ്ങള്‍ക്കിടയില്‍ ചാംപ്യന്‍സ് ലീഗില്‍ ലിവര്‍പൂള്‍ നോക്കൗട്ട് റൗണ്ടില്‍ വിജയം നേടുന്നത് ഇതാദ്യമാണ്.

വമ്പന്‍മാരായ മോഹന്‍ ബഗാനെ കൊല്‍ക്കത്തയില്‍ തകര്‍ത്ത് ഗോകുലം എഫ്‌സി; ട്രോളുകള്‍ കേരളാ ബ്ലാസ്‌റ്റേഴ്‌സിന്
Posted by
13 February

വമ്പന്‍മാരായ മോഹന്‍ ബഗാനെ കൊല്‍ക്കത്തയില്‍ തകര്‍ത്ത് ഗോകുലം എഫ്‌സി; ട്രോളുകള്‍ കേരളാ ബ്ലാസ്‌റ്റേഴ്‌സിന്

കൊല്‍ക്കത്ത: ഐ ലീഗില്‍ തുടരെയുള്ള തോല്‍വികളില്‍ കിടന്ന് ഉഴറുകയായിരുന്ന ഗോകുലം എഫ്‌സിക്ക് വമ്പന്‍ വിജയം. കരുത്തരായ മോഹന്‍ ബഗാനെ 2-1 ന് തോല്‍പ്പിച്ചാണ് ഗോകുലം കേരള എഫ്‌സി ഫുട്‌ബോള്‍ പ്രേമികളെ ഞെട്ടിച്ചത്. തുടക്കക്കാരായ ഗോകുലം എഫ്‌സിയും പതിറ്റാണ്ടുകളുടെ പാരമ്പര്യമുള്ള മോഹന്‍ ബഗാനും അവരുടെ സ്വന്തം തട്ടകത്തില്‍ ഏറ്റുമുട്ടിയപ്പോള്‍ ഇത്രയും വലിയവിജയം കേരളാ ടീം ആരാധകര്‍ പോലും പ്രതീക്ഷിച്ചു കാണില്ല.

ക്രിക്കറ്റ് പ്രേമികളുടെ സ്വന്തം ഇന്ത്യയില്‍, മറ്റ് സംസ്ഥാനങ്ങളില്‍ നിന്നും വ്യത്യസ്തമായി, ഫുട്‌ബോളിന് ക്രിക്കറ്റിനോടൊപ്പം തന്നെ ആരാധകരുള്ള പശ്ചിമ ബംഗാളിലും കേരളത്തിലും ഈ മത്സരം വലിയ ചര്‍ച്ചയായിരിക്കുകയാണ്.

കരുത്തിന്റെ കാര്യത്തില്‍ കുഞ്ഞന്‍മാരായ ഗോകുലത്തോട് പരാജയപ്പെട്ട മോഹന്‍ ബഗാന് ഈ തോല്‍വി വലിയ ഭാരമാകുമെങ്കിലും സോഷ്യല്‍മീഡിയയില്‍ നാണംകെടുന്ന അവസ്ഥ ഉണ്ടായില്ലെന്നതും ശ്രദ്ധേയമാണ്. കാരണം വലിയ ട്രോളന്‍മാര്‍ എല്ലാം കേരളാ ബ്ലാസ്‌റ്റേഴ്‌സിനെ ട്രോളുന്ന തിരക്കിലാണ് എന്നതു തന്നെ.

ഇന്ത്യയിലെ ക്ലബ് ഫുട്‌ബോള്‍ മത്സരങ്ങളിലെ പ്രശസ്തമായ ഐ ലീഗും ഐഎസ്എല്ലും ഒരേ സമയം നടക്കുന്നതിനാല്‍ തന്നെ താരതമ്യങ്ങളും ശക്തമാണ്. കേരളത്തില്‍ നിന്ന് ഐ ലീഗ് കളിക്കുന്ന ഗോകുലം എഫ്‌സിയും ഐഎസ്എല്ലില്‍ കളിക്കുന്ന കേരളാ ബ്ലാസ്റ്റേഴ്‌സും കൊച്ചിയിലും കൊല്‍ക്കത്തയിലെ ഗ്രൗണ്ടിലും പ്രശസ്തരാണ്.

എന്നാല്‍,കഴിഞ്ഞ നാല് സീസണുകളില്‍ എന്ന പോലെ തന്നെ കൊല്‍ക്കത്തയില്‍ ഈ സീസണിലും വിജയം നേടാനാകാതെ അത്‌ലറ്റികോയ്ക്ക് എതിരെ വിയര്‍ത്ത കേരളാ ബ്ലാസ്റ്റേഴ്‌സിനെ, വീണ്ടും ഗോകുലത്തിന്റെ വിജയത്തോടെ സോഷ്യല്‍മീഡിയ ട്രോളുകള്‍ക്ക് ഇരയാക്കിയിരിക്കുകയാണ്.

ഇത്രനാളും ബ്ലാസ്‌റ്റേഴ്‌സിന് സാധിക്കാത്തത് നേടാന്‍ ഗോകുലത്തിന് സാധിച്ചിരിക്കുകയാണെന്നും എന്നാണ് കേരളാ ബ്ലാസ്‌റ്റേഴ്‌സ് കാത്തിരിപ്പ് അവസാനിപ്പിച്ച് കൊല്‍ക്കത്തന്‍ ടീമിനിതിരെ വിജയം നേടുകയെന്നുമാണ് ട്വിറ്റര്‍ ഉള്‍പ്പടെയുള്ള സോഷ്യല്‍മീഡിയകള്‍ ചോദിക്കുന്നത്.

ബ്ലാസ്‌റ്റേഴ്‌സിനെതിരെ നിരന്തരം ട്രോളുകള്‍കൊണ്ട് ആക്രമിക്കുകയാണെങ്കിലും ഗോകുലം എഫ്‌സിയെ പ്രശംസിക്കാനും ട്വിറ്ററാറ്റികള്‍ മടിക്കുന്നില്ല.

ഐ ലീഗ്: വമ്പന്‍ അട്ടിമറിയുമായി ഗോകുലം എഫ്‌സി; കരുത്തരായ മോഹന്‍ ബഗാനെ തുരത്തി
Posted by
13 February

ഐ ലീഗ്: വമ്പന്‍ അട്ടിമറിയുമായി ഗോകുലം എഫ്‌സി; കരുത്തരായ മോഹന്‍ ബഗാനെ തുരത്തി

കൊല്‍ക്കത്ത: തുടരെയുള്ള തോല്‍വികള്‍ക്ക് പിന്നാലെ ഐ ലീഗില്‍ വമ്പന്‍ അട്ടിമറിയുമായി ഗോകുലം കേരള എഫ്‌സി. കരുത്തന്മാരായ മോഹന്‍ ബഗാനെ ഒന്നിനെതിരെ രണ്ട് ഗോളുകള്‍ക്കാണ് ഗോകുലം അട്ടിമറിച്ചത്. അലജ്മിയും ഹെന്റി കിസെക്കയുമാണ് ഗോകുലത്തിനു വേണ്ടി ഗോളുകള്‍ നേടിയത്. ദിപാണ്ഡ ഡിക്കയാണ് മോഹന്‍ ബഗാനായി ഏക ഗോള്‍ നേടിയത്.

കരുത്തരായ കൊല്‍ക്കത്തന്‍ ടീമിനെ ആദ്യ പകുതിയില്‍ ഗോളൊന്നും അടിയ്ക്കാതെ പിടിച്ചു കെട്ടിയതാണ് ഗോകുലത്തിന് തുണയായത്. ഗോകുലം ഗോള്‍ കീപ്പര്‍ ബിലാല്‍ ഖാന്റെ മികച്ച പ്രകടനമാണ് ബഗാനെ വല കുലുക്കുന്നതില്‍ നിന്നും ആദ്യ പകുതിയില്‍ പിടിച്ചു നിര്‍ത്തിയത്.

ഹന്റി കിസെക്ക നല്‍കിയ പാസ് മനോഹരമായി വരുതിയിലാക്കിയ അലജ്മി ബഗാന്‍ ഗോള്‍ കീപ്പര്‍ക്ക് ഒരു അവസരം നല്‍കാതെ ഗോളാക്കി മാറ്റുകയായിരുന്നു. പക്ഷെ തൊട്ടടുത്ത മിനുട്ടില്‍ തന്നെ ഡിക്കയിലൂടെ ബഗാന്‍ സമനില പിടിച്ചു. ബിമലിന്റെ ഹെഡറില്‍ നിന്നാണ് ഡിക്ക ഗോള്‍ നേടിയത്.

കളി സമനിലയില്‍ അവസാനിക്കുമെന്ന് തോന്നിയിടത്തായിരുന്നു ഗോകുലത്തിന്റെ വിജയ ഗോള്‍ പിറന്നത്. ഹെന്റി കിസെക്ക മികച്ചൊരു ഷോട്ടിലൂടെ ബഗാന്‍ ഗോള്‍ കീപ്പര്‍ ഷില്‍ട്ടന്‍ പോളിനെ മറികടക്കുയായിരുന്നു. വിജയത്തോടെ ഗോകുലം വിലപ്പെട്ട 3 പോയിന്റ് സ്വന്തമാക്കി.

റയലല്ല എതിരാളികള്‍; ബാഴ്‌സലോണയുടെ മുഖ്യഎതിരാളികള്‍ പിഎസ്ജിയും മാഞ്ചസ്റ്റര്‍ സിറ്റിയുമെന്ന് മെസി
Posted by
12 February

റയലല്ല എതിരാളികള്‍; ബാഴ്‌സലോണയുടെ മുഖ്യഎതിരാളികള്‍ പിഎസ്ജിയും മാഞ്ചസ്റ്റര്‍ സിറ്റിയുമെന്ന് മെസി

മാഡ്രിഡ്: റയല്‍ മാഡ്രിഡിനെ ചാമ്പ്യന്‍സ് ലീഗില്‍ ബാഴ്സലോണയുടെ യഥാര്‍ത്ഥ എതിരാളികളായി കണക്കാക്കാനാകില്ലെന്ന് സൂപ്പര്‍ താരം ലയണല്‍ മെസി. ചാമ്പ്യന്‍സ് ലീഗില്‍ ബാഴ്സയുടെ പ്രധാന എതിരാളികള്‍ പിഎസ്ജിയും മാഞ്ചസ്റ്റര്‍ സിറ്റിയുമാണെന്ന് മെസി പറയുന്നു.

ബാഴ്സയുമായി പതിനാറ് പോയന്റ് പിന്നിലുള്ള റയല്‍മാഡ്രിഡിന് ഇനി മുന്നോട്ട് വരാന്‍ സാധിക്കില്ലെന്നാണ് മെസിയഉടെ നിരീക്ഷണം. ഒരു മാധ്യമത്തിന് നല്‍കിയ അഭിമുഖത്തിലാണ് മെസി മനസു തുറന്നത്. മാഞ്ചസ്റ്റര്‍ സിറ്റിയാണ് ലീഗിലെ ഏറ്റവും ശക്തമായ ടീമുകളിലൊന്നെന്നും അദ്ദേഹം പറയുന്നു.

അനുഭവ സമ്പത്തും നിലവാരവും കണക്കിലെടുക്കുമ്പോള്‍ റയലിനെ എഴുതിത്തള്ളാന്‍ കഴിയില്ലെങ്കിലും അവസാന പോരാട്ടത്തില്‍ റയല്‍ ഉണ്ടാകില്ലെന്നും മെസി പറയുന്നു. എന്നാല്‍ കരുത്തരായ പി.എസ്.ജിയും മാഞ്ചസ്റ്റര്‍ സിറ്റിയും അവസാന റൗണ്ടു വരെ ഉണ്ടാകുമെന്ന് പറഞ്ഞ മെസി ബയേണ്‍ മ്യൂണിക്കിനേയും പ്രശംസിച്ചു.

അവസാന 16ല്‍ ബാഴ്സലോണ ചെല്‍സിയേയാണ് നേരിടുക. ഫെബ്രുവരി 20നാണ് ആദ്യ പാദ മത്സരം അരങ്ങേറുക. റയലിന്റെ എതിരാളികള്‍ പി.എസ്.ജിയാണ്.

കളിക്കിടെ ചുവപ്പു കാര്‍ഡ് കിട്ടിയ ദേഷ്യത്തിന് എതിര്‍ ടീമിലെ കളിക്കാരനുനേരെ തോക്കുചൂണ്ടി; വധശ്രമത്തിന് ഫുട്‌ബോള്‍ താരം അറസ്റ്റില്‍
Posted by
12 February

കളിക്കിടെ ചുവപ്പു കാര്‍ഡ് കിട്ടിയ ദേഷ്യത്തിന് എതിര്‍ ടീമിലെ കളിക്കാരനുനേരെ തോക്കുചൂണ്ടി; വധശ്രമത്തിന് ഫുട്‌ബോള്‍ താരം അറസ്റ്റില്‍

പാരീസ്: കളിക്കിടെ ചുവപ്പ് കാര്‍ഡ് കിട്ടി കയറി പോയ ഫുട്‌ബോള്‍ താരം തിരികെ എത്തിയത് എതിര്‍ ടീമിലെ കളിക്കാരനു നേരെ തോക്കു ചൂണ്ടി. വധശ്രമത്തിന് കേസെടുത്ത് താരത്തെ പോലീസ് അറസ്റ്റ് ചെയ്തു. സെയിന്റ് എലോയ് ക്ലബ്ബിന്റെ താരമായ അക്സലാണ് അഴിക്കുള്ളിലായത്. എതിര്‍ ടീമായ ബറോകിന്റെ കളിക്കാരനായ സ്ലിമൈനിനെയാണ് അക്സല്‍ തോക്കു ചൂണ്ടി കൊല്ലാന്‍ ശ്രമം നടത്തിയത്.

സ്ലിമൈന്‍ അക്സലിനെ ഫൗള്‍ ചെയ്തതോടെയാണ് സംഭവങ്ങളുടെ തുടക്കം. ഇതിനെ പരുഷമായി ചോദ്യം ചെയ്തതോടെ റഫറി അക്സലിന് ചുവപ്പു കാര്‍ഡ് നല്‍കി പുറത്തേക്കയച്ചു. രോഷാകുലനായി പുറത്തേക്ക് പോയ അക്സില്‍ ഉടന്‍തന്നെ കൈത്തോക്കുമായി മൈതാനത്തേക്ക് തിരികെ എത്തുകയായിരുന്നു. തുടര്‍ന്ന് എതിര്‍താരത്തിന്റെ നെറ്റിയിലേക്ക് തോക്കു ചൂണ്ടുകയായിരുന്നു. ട്രിഗര്‍ അമര്‍ത്തുന്നതിനു മുന്‍പ് സഹതാരങ്ങള്‍ അക്സലിനെ പിടിച്ചു മാറ്റി.

സുരക്ഷാ ഉദ്യോഗസ്ഥര്‍ ഇടപെട്ട് ഉടന്‍ അക്സലിനെ മൈതാനത്തിന് പുറത്തെത്തിച്ചു. തുടര്‍ന്ന് ഇയാളെ പൊലീസിന് കൈമാറി. സഹോദരനാണ് ഇയാള്‍ക്ക് തോക്ക് നല്‍കിയത്. ഈ കുറ്റത്തിന് സഹോദരന്‍ ഹെന്റിയ്ക്ക് മൂന്ന് മാസവും, വധശ്രമത്തിന് അക്സലിന് നാലുമാസവും തടവുശിക്ഷ കോടതി വിധിച്ചു. എന്നാല്‍ താന്‍ തോക്ക് ചൂണ്ടിയതല്ലെന്നും ഇരുമ്പ് കമ്പിയാണ് ചൂണ്ടിയതെന്നുമാണ് അക്സല്‍ കോടതിയില്‍ പറഞ്ഞത്. ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ നടപടികള്‍ സ്വീകരിക്കുമെന്ന് അധികൃതര്‍ പറഞ്ഞു.

വീണ്ടും സമനിലയില്‍ കുരുങ്ങി ബ്ലാസ്‌റ്റേഴ്‌സ്‌
Posted by
08 February

വീണ്ടും സമനിലയില്‍ കുരുങ്ങി ബ്ലാസ്‌റ്റേഴ്‌സ്‌

കോല്‍ക്കത്ത: ഐഎസ്എല്ലിലെ നിര്‍ണായക മത്സരത്തില്‍ എടികെയ്‌ക്കെതിരെ കേരള ബ്ലാസ്റ്റേഴ്‌സിനു സമനില. രണ്ടു ഗോളുകളാണ് ഇരുടീമുകളും നേടിയത്. 36-ാം മിനിറ്റില്‍ ഗുയോണ്‍ ബാല്‍വിന്‍സണിലൂടെ മുന്നിലെത്തിയ കേരളത്തിന് നാല് മിനിറ്റു മാത്രമാണ് ലീഡ് നിലനിര്‍ത്താനായത്. മലയാളി താരം പ്രശാന്ത് നല്‍കിയ പന്ത് തലകൊണ്ട് എടികെ പോസ്റ്റിലേക്ക് നിറയൊഴിച്ചാണ് കേരളം മുന്നിലെത്തിയത്. എന്നാല്‍ 38-ാം മിനിറ്റില്‍ റയാന്‍ ടെയ്‌ലറിന്റെ ലോംഗ് ഷോര്‍ട്ടിലൂടെ എടികെ തിരിച്ചടിച്ചു. ഇരുടീമുകളും പിന്നീട് ഗോളിനായി പൊരുതിയെങ്കിലും ആദ്യ പകുതി സമനിലയില്‍ പിരിഞ്ഞു.

രണ്ടാം പകുതിയില്‍ ബെര്‍ബറ്റോവിലൂടെ വീണ്ടും മുന്നിലെത്തിയ കേരളത്തിന്റെ പ്ലേ ഓഫ് സ്വപ്നങ്ങള്‍ക്കു കരിനിഴലായി 75-ാം മിനിറ്റില്‍ ടോം തോര്‍പ്പെ എടികെയുടെ രണ്ടാം ഗോള്‍ നേടി. പിന്നിട് വിജയത്തിനായി ഇരു ടീമുകളും ആക്രമിച്ചു കളിക്കുന്നതാണ് കാണാന്‍ സാധിച്ചത്. എന്നാല്‍ ഇരു ടീമുകള്‍ക്കും വിജയ ഗോള്‍ വഴിമാറി. കേളത്തിന്റെ മിന്നും താരം ഇയാന്‍ ഹ്യൂമും സന്ദേശ് ജിങ്കനും ഇല്ലാതെയാണ് ബ്ലാസ്റ്റേഴ്‌സ് മത്സരത്തിനിറങ്ങിയത്.

 

ബ്ലാസ്റ്റേഴ്‌സിന് തിരിച്ചടി: പരിക്കേറ്റ ഇയാന്‍ ഹ്യൂം പുറത്ത്; ഇനിയുള്ള മത്സരങ്ങളിലും കളിച്ചേക്കില്ല
Posted by
08 February

ബ്ലാസ്റ്റേഴ്‌സിന് തിരിച്ചടി: പരിക്കേറ്റ ഇയാന്‍ ഹ്യൂം പുറത്ത്; ഇനിയുള്ള മത്സരങ്ങളിലും കളിച്ചേക്കില്ല

കൊച്ചി: കേരളാ ബ്ലാസ്റ്റേഴ്‌സിന്റെ സൂപ്പര്‍ താരം ഇയാന്‍ ഹ്യൂമിന് പരിക്ക്. ഈ സീസണിലെ ഇനിയുള്ള മത്സരങ്ങളില്‍ താരം കളിച്ചേക്കില്ലെന്ന് കേരളാ ബ്ലാസ്റ്റേഴ്‌സ് മാനേജ്‌മെന്റ് വാര്‍ത്താക്കുറിപ്പില്‍ അറിയിച്ചു.

പൂനെക്കെതിരായ മത്സരത്തിലാണ് ഹ്യൂമിന് പരിക്കേറ്റത്. കൂടുതല്‍ കരുത്തനായി തിരിച്ചെത്തുമെന്ന് ഹ്യൂം ട്വീറ്റ് ചെയ്യുകയും ചെയ്തിട്ടുണ്ട്.

ഇന്ന് കോല്‍ക്കത്തയ്‌ക്കെതിരായി കേരള ബ്ലാസ്റ്റേഴ്‌സിന്റെ മത്സരമുള്ളത്. നിലവിലുള്ള ചാമ്പ്യന്മാരായ എടികെയ്‌ക്കെതിരേ വിജയിച്ചാല്‍ മാത്രമേ കേരളത്തിന് പ്ലേ ഓഫ് സാധ്യതയുള്ളൂ.

ഈ സാഹചര്യത്തില്‍ സൂപ്പര്‍ താരത്തിന് പരിക്കേറ്റത് ടീമിനെ പ്രതിരോധത്തിലാക്കാന്‍ സാധ്യതയുണ്ട്.

കേരള ബ്ലാസ്റ്റേഴ്‌സിന് ഇന്ന് ക്യാപ്റ്റന്‍ സന്ദേശ് ജിങ്കനെ ഇറക്കാന്‍ കഴിയില്ല. നാല് മഞ്ഞക്കാര്‍ഡുകള്‍ക്കുള്ള സസ്‌പെന്‍ഷന്‍ കാരണം എടികെയുമായുള്ള മത്സരം ജിങ്കനു നഷ്ടപ്പെടും. ഭാഗ്യതാരം ദീപേന്ദ്ര നേഗിയും ഇന്നു കളിക്കില്ല.

കൊല്‍ക്കത്തയെ ഹോം ഗ്രൗണ്ടില്‍ തകര്‍ത്ത് ബംഗളൂരുവിന് തകര്‍പ്പന്‍ ജയം
Posted by
04 February

കൊല്‍ക്കത്തയെ ഹോം ഗ്രൗണ്ടില്‍ തകര്‍ത്ത് ബംഗളൂരുവിന് തകര്‍പ്പന്‍ ജയം

കൊല്‍ക്കത്ത: കഴിഞ്ഞ സീസണിലെ ചാംപ്യന്‍മാരായ കൊല്‍ക്കത്തയെ അവരുടെ മൈതാനത്ത് തകര്‍ത്ത് ബംഗളൂരു എഫ്‌സിയുടെ തകര്‍പ്പന്‍ മുന്നേറ്റം. ഇന്ത്യന്‍ സൂപ്പര്‍ ലീഗില്‍ എതിരില്ലാത്ത രണ്ടു ഗോളുകള്‍ക്കാണ് ബംഗളൂരുവിന്റെ വിജയം. ജോര്‍ഡി മൊണ്ഡാല്‍ മൂന്നാം മിനിറ്റില്‍ വഴങ്ങിയ സെല്‍ഫ് ഗോളില്‍ ആദ്യപകുതിയില്‍ പിന്നിലായപ്പോയ കൊല്‍ക്കത്തയെ, 83-ാം മിനിറ്റില്‍ വെനസ്വേല താരം മിക്കു നേടിയ ഗോളിന്റെ കൂടി സഹായത്തോടെയാണ് ബംഗളൂരു വീഴ്ത്തിയത്. 69-ാം മിനിറ്റില്‍ രണ്ടാമത്തെ മഞ്ഞക്കാര്‍ഡു കണ്ട രാഹുല്‍ ഭെക്കയെ റഫറി പുറത്താക്കിയതിനെ തുടര്‍ന്നു പത്തു പേരുമായി കളിച്ചാണ് ബെംഗളൂരു രണ്ടാം ഗോള്‍ നേടിയത്.

വിജയത്തോടെ 13 മത്സരങ്ങളില്‍ നിന്നും 27 പോയിന്റോടെ ബംഗളുരു എഫ്സി പോയിന്റ് പട്ടികയിലെ ഒന്നാം സ്ഥാനം അരക്കിട്ടുറപ്പിച്ചു. നിലവിലെ ചാമ്പ്യന്മാരായ എടികെയുടെ നിലയാകട്ടെ ബംഗളൂരുവിനെതിരായ തോല്‍വിയോടെ കൂടുതല്‍ ദയനീയമായി. 12 പോയിന്റുമായി എട്ടാം സ്ഥാനത്താണ് കൊല്‍ക്കത്ത.

error: This Content is already Published.!!