ഹോണ്ടുറാസിനെ തറപറ്റിച്ച് ബ്രസീല്‍ ക്വാര്‍ട്ടറില്‍
Posted by
19 October

ഹോണ്ടുറാസിനെ തറപറ്റിച്ച് ബ്രസീല്‍ ക്വാര്‍ട്ടറില്‍

കൊച്ചി: ഫുട്‌ബോള്‍ ലോകത്തെ കരുത്തരും ദുര്‍ബലരും ഏറ്റുമുട്ടിയപ്പോള്‍ അത്ഭുതങ്ങള്‍ ഒന്നും സംഭവിച്ചില്ല. ഹോണ്ടുറാസിനെ മുട്ടുകുത്തിച്ച് ബ്രസീലിന് തകര്‍പ്പന്‍ ജയം. പ്രീ ക്വാര്‍ട്ടറില്‍ ഗ്രൂപ്പ് ഡിയിലെ ചാംപ്യന്മാരായ ബ്രസീലിന് സമ്പൂര്‍ണ്ണ ആധിപത്യത്തോടെ ക്വാര്‍ട്ടര്‍ പ്രവേശനം. എതിരില്ലാത്ത മൂന്ന് ഗോളിനാണ് കാനറികള്‍ മുന്നോട്ടുള്ള റൗണ്ടിലേക്ക് കുതിച്ചത്.

11-ാം മിനിറ്റിലും 56ാം മിനിറ്റിലും ബ്രണ്ണറും, 44-ാം മിനിറ്റില്‍ മാര്‍ക്കസ് അന്റോണിയോയും ബ്രസീലിനായി ഗോള്‍ നേടി. ഇതോടെ ബ്രസീല്‍ 22ന് കൊല്‍ക്കത്തയില്‍ നടക്കുന്ന ക്വാര്‍ട്ടര്‍ പോരാട്ടത്തില്‍ ജര്‍മനിയ്‌ക്കെതിരെ പന്തു തട്ടും. പന്തടക്കത്തിലും പാസിങ്ങിലും മുന്നേറ്റത്തിലുമെല്ലാം മികച്ചുനിന്നത് ബ്രസീലായിരുന്നെങ്കിലും അവസരം കിട്ടിയപ്പോഴെല്ലാം ഹോണ്ടുറാസ് ഗോളിനടുത്തെത്തിയതും മത്സരത്തെ ആവേശക്കാഴ്ചയാക്കി.

ബ്രസീല്‍ ഗോള്‍കീപ്പര്‍ ഗബ്രിയേല്‍ ബ്രസാവോയെ മറികടന്ന ഹോണ്ടുറാസ് താരം ലൂയിസ് പാല്‍മയുടെ ഷോട്ട് പോസ്റ്റില്‍ തട്ടി തെറിക്കുന്ന കാഴ്ച ബ്രസീല്‍ ആരാധകരെ പോലും നിരാശരാക്കി. ഹോണ്ടുറാസ് താരങ്ങള്‍ നടത്തിയ ഒരുപിടി സുന്ദരന്‍ നീക്കങ്ങളെ കയ്യടികളോടെയാണ് കൊച്ചിയിലെ കാണികള്‍ സ്വീകരിച്ചത്.

ഇനി കക്കയില്ലാത്ത കളിക്കളം; ബ്രസീല്‍ താരത്തിന്റെ മടക്കം കണ്ണീരോടെ
Posted by
16 October

ഇനി കക്കയില്ലാത്ത കളിക്കളം; ബ്രസീല്‍ താരത്തിന്റെ മടക്കം കണ്ണീരോടെ

റിയോ ഡി ജനീറോ: ഇനി കളിക്കളത്തില്‍ തീ പാറിക്കുന്ന ഷോട്ടുകള്‍ ഉതിര്‍ക്കാന്‍ കക്കയില്ല. ഗാലറികളില്‍ ആവേശത്തിന്റെ തീ പടര്‍ത്തിയ ബ്രസീല്‍ സൂപ്പര്‍ താരം കക്ക ഫുട്‌ബോളില്‍ നിന്ന് വിടവാങ്ങി.

ഒര്‍ലാന്‍ഡോ സിറ്റിയുടെ ക്യാപ്റ്റനായ കക്ക ടീമിന്റെ സീസണിലെ അവസാന ഹോം മത്സരത്തോടെ ടീമിനോടും കളിക്കളത്തോടും വിടപറഞ്ഞു. അമേരിക്കന്‍ സോക്കര്‍ ലീഗില്‍ തന്റെ അവസാന മത്സരം കളിച്ച കക്ക തോല്‍വിയോടെയാണ് വിടവാങ്ങിയത്. വികാരധീനനായിരുന്നു കക്ക അവസാന മത്സരത്തിനായി കളത്തിലിറങ്ങുമ്പോള്‍.

മത്സരത്തില്‍ 1-0 എന്ന നിലയില്‍ ഒര്‍ലാന്‍ഡോ പരാജയപ്പെട്ടെങ്കിലും കാക്കയുടെ വിടവാങ്ങലിന് നിറം മങ്ങിയില്ല. ബ്രസീലിനായി കളം നിറഞ്ഞാടിയ കക്ക ഇറ്റാലിയന്‍ ക്ലബായ എസി മിലാനിലൂടെയാണ് ക്ലബ് ഫുട്‌ബോളില്‍ പ്രശസ്തനായത്. എസി മിലാന് ചാമ്പ്യന്‍സ് ലീഗ് കിരീടമുള്‍പ്പടെ നിരവധി ട്രോഫികളാണ് കക്ക നേടിക്കൊടുത്തത്.

മിലാന് വേണ്ടി 193 മത്സരങ്ങള്‍ കളിച്ച കക്ക 70 ഗോളുകളാണ് നേടിയത്. തുടര്‍ന്ന് റയല്‍ മാഡ്രിഡിലേക്ക് ചേക്കേറിയ കക്ക റയിലിനായി 85മത്സരങ്ങള്‍ കളിച്ചു. ദേശീയ ടീമിനായി 92 മത്സരങ്ങള്‍ കളിച്ച കക്ക 29 ഗോളുകള്‍ നേടിയിട്ടുണ്ട്. 2007-ല്‍ കക്ക ബാലണ്‍ ഡി ഓര്‍ പുരസ്‌കാരം കരസ്ഥമാക്കിയിരുന്നു.

വീണ്ടും കണ്ണീര്‍ വീഴ്ത്തി കളിക്കളം; സഹതാരവുമായി കൂട്ടിയിടിച്ച് ഇതിഹാസ ഗോള്‍ കീപ്പര്‍ മരിച്ചു; താരത്തിന്റെ മരണമറിയാതെ കളി ജയിച്ച് ടീം; വീഡിയോ
Posted by
16 October

വീണ്ടും കണ്ണീര്‍ വീഴ്ത്തി കളിക്കളം; സഹതാരവുമായി കൂട്ടിയിടിച്ച് ഇതിഹാസ ഗോള്‍ കീപ്പര്‍ മരിച്ചു; താരത്തിന്റെ മരണമറിയാതെ കളി ജയിച്ച് ടീം; വീഡിയോ

ജക്കാര്‍ത്ത: വീണ്ടും രക്തക്കളമായി കളിക്കളം. ഫുട്‌ബോള്‍ മത്സരത്തിനിടെ സഹകളിക്കാരനുമായി കൂട്ടിയിടിച്ച് ഇന്തോനേഷ്യന്‍ സൂപ്പര്‍ ലീഗിലെ പ്രമുഖ ഗോള്‍കീപ്പറായ ഖൊയ്‌രുള്‍ ഹുദ (38) മരിച്ചു. കളി തത്സമയം ആളുകള്‍ ടിവിയിലൂടെ കണ്ടു കൊണ്ടിരിക്കെയായിരുന്നു അപകടം സംഭവിച്ചത്.

തെക്കന്‍ ജാവയിലെ സുര്‍ജയ സ്റ്റേഡിയത്തിലാണ് അപകടമുണ്ടായത്. സെമങ് പഡാങ്ങിനെതിരായ മത്സരത്തിനിടെയാണ് അപകടം. ടീമംഗമായ ഡിഫന്‍ഡര്‍ റാമോണ്‍ റോഡ്രിഗസുമായി കൂട്ടിയിടിക്കുകയായിരുന്നു. ഒന്നാം പകുതി അവസാനിക്കാന്‍ നിമിഷങ്ങള്‍ മാത്രം ബാക്കിയുള്ളപ്പോള്‍ ഒരു ആക്രമണത്തിനിടെ പന്ത് കൈപ്പിടിയിലൊതുക്കാന്‍ മുന്നോട്ടു കയറിയ ഖൊയ്‌രുളും പന്ത് ക്ലിയര്‍ ചെയ്യാന്‍ സ്‌ട്രൈക്കര്‍ക്കൊപ്പം ഓടിയ റോഡ്രിഗസസും കൂട്ടിയിടിക്കുകയായിരുന്നു.

റോഡ്രിഗസിന്റെ മുട്ട് ഖൊയ്‌രുളിന്റെ പിന്‍കഴുത്തില്‍ ഇടിച്ചാണ് അപകടം സംഭവിച്ചത്. മിനിറ്റുകളോളം ഗ്രൗണ്ടില്‍ കിടന്ന ഹുദയെ പിന്നീട് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

ഹുദയുടെ മരണമറിയാതെ രണ്ടാം പകുതിയില്‍ കളത്തിലിറങ്ങിയ ടീം എതിരാളികളെ 2-0ന് തോല്‍പ്പിച്ചു.

ഇന്തോനേഷ്യയിലെ അറിയപ്പെടുന്ന ഫുട്ബാള്‍ താരങ്ങളില്‍ ഒരാളാണ് ഹുദ. ടീമിലെ ഇതിഹാസ താരമായാണ് ഹുദയെ വിശേഷിപ്പിക്കുന്നത്. 1999ല്‍ അരങ്ങേറ്റം കുറിച്ച് ഖൊയ്‌രുള്‍ പെര്‍സെലയ്ക്കുവേണ്ടി 500 മത്സരങ്ങള്‍ കളിച്ചിട്ടുണ്ട്.

വീഡിയോ

അണ്ടര്‍17: ആശ്വാസ ജയം ലക്ഷ്യമിട്ട് ഇന്ത്യ ഇന്ന് ഘാനയ്‌ക്കെതിരെ
Posted by
12 October

അണ്ടര്‍17: ആശ്വാസ ജയം ലക്ഷ്യമിട്ട് ഇന്ത്യ ഇന്ന് ഘാനയ്‌ക്കെതിരെ

യുഎസിനോടേറ്റ തോല്‍വിക്കും കൊളംബിയയ്‌ക്കെതിരായ ചരിത്രഗോളിനും പിന്നാലെ ആശ്വാസ ജയം തേടി ഇന്ത്യ ഇന്ന് ഘാനയ്‌ക്കെതിരെ. കഴിഞ്ഞ രണ്ട് കളിയിലും പരാജയപ്പെട്ട ഇന്ത്യയുടെ അണ്ടര്‍17 ലോകകപ്പിലെ അവസാന മത്സരമാണ് ഇന്ന്.

കരുത്തരായ ഘാനയെയാണ് ഇന്ത്യക്ക് ഇന്ന് തളയ്‌ക്കേണ്ടത്. അതേസമയം പ്രീക്വാര്‍ട്ടര്‍ പ്രവേശനത്തിന് ഇന്നത്തെ മത്സരം ഘാനയ്ക്ക് നിര്‍ണായകമാണ്. ഡല്‍ഹി ജവഹര്‍ലാല്‍ നെഹ്‌റു സ്റ്റേഡിയത്തില്‍ രാത്രി 8 മണിക്കാണ് മത്സരം.

രണ്ട് തോല്‍വിയോടെ ആതിഥേയരായ ഇന്ത്യയുടെ ലോകകപ്പ് സാധ്യതകള്‍ അവസാനിച്ചെങ്കിലും, ഗ്രൂപ്പിലെ അവസാന മത്സരത്തില്‍ നാണക്കേട് ഒഴിവാക്കാനാകും ഇന്ത്യ ഇന്ന് ശ്രമിക്കുക.
അതേസമയം കഴിഞ്ഞ കളിയില്‍ അമേരിക്കയോട് തോറ്റ ഘാന 3 പോയിന്റോടെ ഗ്രൂപ്പില്‍ മൂന്നാം സ്ഥാനത്താണ്. ജയം മാത്രമാണ് ഘാനയും ലക്ഷ്യമിടുന്നത്.

മികച്ച കളി തന്നെയാണ് ഇന്ത്യന്‍ ടീം കഴിഞ്ഞ മത്സരങ്ങളില്‍ കാഴ്ചവെച്ചത്. കൊളംബിയയുടെ നിരവധി ഷോട്ടുകള്‍ തടഞ്ഞിട്ട് ഗോള്‍ കീപ്പര്‍ ധീരജ് സിംങിന്റെ പ്രകടനം ഏറെ ശ്രദ്ധേയമായിരുന്നു. മലയാളി താരം രാഹുലും കാണികളെ നിരാശരാക്കിയില്ല.

കൊളംബിയക്കെതിരെ ഇന്ത്യയുടെ സൂപ്പര്‍ താരം കോമള്‍ തട്ടാലിനെ ബെഞ്ചിലിരുത്തിയ കോച്ച് ലൂയിസ് നോര്‍ട്ടന്റെ നടപടി കാണികളെ നിരാശരാക്കിയിരുന്നു.

മരണ പോരാട്ടത്തില്‍ മിശിഹ അവതരിച്ചു; മെസിയുടെ ഹാട്രിക്കില്‍ അര്‍ജന്റീന ലോകകപ്പ് കളിക്കും
Posted by
11 October

മരണ പോരാട്ടത്തില്‍ മിശിഹ അവതരിച്ചു; മെസിയുടെ ഹാട്രിക്കില്‍ അര്‍ജന്റീന ലോകകപ്പ് കളിക്കും

ക്വിറ്റോ: ഒടുവില്‍ മെസിയുടെ ബൂട്ടുകള്‍ ദൈവീകമായി. ആരാധകരുടെ ആശങ്കകള്‍ക്കും എതിരാളികളുടെ മോഹങ്ങള്‍ക്കും തിരിച്ചടി നല്‍കി അര്‍ജന്റീനയുടെ മിശിഹയ്ക്ക് നിര്‍ണായക മത്സരത്തില്‍ ഹാട്രിക്. സ്വപ്നം പോലെ എന്നാണ് ആരാധകര്‍ക്ക് ഈ മത്സരത്തെ വിശേഷിപ്പിക്കാനാവുക. മെസിയുടെ ഗോള്‍വര്‍ഷത്തോടെ അടുത്ത വര്‍ഷം റഷ്യയിലെ ലോകകപ്പിന് മെസിയും അര്‍ജന്റീനയുമുണ്ടാവും.

സമുദ്രനിരപ്പില്‍ നിന്ന 9,127 അടി ഉയരത്തിലുള്ള എസ്റ്റാഡിയോ ഒളിംപികോ അതാഹ്വാല്‍പ സ്റ്റേഡിയത്തില്‍ കോടിക്കണക്കിന് വരുന്ന ആരാധകരുടെ പ്രാര്‍ഥനകളുടെ ഫലം പോലെ ഇക്വാഡോറിനെതിരെ മെസിയുടെ ഒറ്റതിരിഞ്ഞ ആക്രമണം. മെസിയുടെ സ്വപ്നതുല്ല്യമായ പ്രകടനത്തില്‍ ആധികാരികമായി തന്നെയാണ് അര്‍ജന്റീന റഷ്യയിലേയ്ക്ക് യാത്രയാവുന്നത്. കോണ്‍മബോള്‍ മേഖലയിലെ അവസാനത്തെ ജീവന്‍മരണ പോരാട്ടത്തില്‍ ഇക്വഡോറിനെതിരെ ഒന്നിനെതിരെ മൂന്ന് ഗോളിനായിരുന്നു പുറത്താകുമെന്ന് ഭയന്നിരുന്ന രണ്ട് തവണ ലോകചാമ്പ്യന്മാരായ അര്‍ജന്റീനയുടെ ജയം. ഇക്വഡോറിന്റെ ഹോംഗ്രൗണ്ടായ എസ്റ്റാഡിയോ ഒളിംപികോ അതാഹ്വാല്‍പ സ്റ്റേഡിയത്തില്‍ ആതിഥേയര്‍ക്കെതിരെ അര്‍ജന്റീന നേടിയ ചരിത്രത്തിലെ ആദ്യ ജയം കൂടിയാണിത്.

ലാറ്റിന്‍ അമേരിക്കന്‍ ലോകകപ്പ് യോഗ്യതാ പോരാട്ടത്തില്‍ ആറാം സ്ഥാനാത്തായാണ് അര്‍ജന്റീന ഇന്ന് മത്സരത്തിനെത്തിയത്. ഏറ്റവും മികച്ച നാല് ടീമുകള്‍ മാത്രമാണ് ലോകകപ്പിന് യോഗ്യത നേടുക. 28 പോയന്റോടെ മൂന്നാം സ്ഥാനത്തെത്തിയാണ് അര്‍ജന്റീന ചരിത്രമെഴുതിയത്. അര്‍ജന്റീനയെക്കൂടാതെ ബ്രസീല്‍ (41), ഉറുഗ്വായ്(31), കൊളംബിയ എന്നിവരും യോഗ്യത നേടി. ചിലെയുടെ പുറത്തു പോക്കും ആരാധകര്‍ക്കിടയില്‍ ചര്‍ച്ചയായിരിക്കുകയാണ്.

സസ്‌പെന്‍ഷന്‍ കാരണം പുറത്തിരിക്കുന്ന മാഞ്ചസ്റ്റര്‍ യുണൈറ്റഡിന്റെ അന്റോണിയോ വാലന്‍സിയ, മൈക്കിള്‍ അറോയോ എന്നിവര്‍ ഇല്ലാതെയായിരുന്നു ഇക്വഡോര്‍ ഇറങ്ങിയത് 4-1-4-1 ശൈലിയിലാണ് ഇക്വഡോര്‍ താരങ്ങളെ കളത്തിലിറക്കിയത്. 3-4-2-1 ശൈലിയായിരുന്നു അര്‍ജന്റീനയുടേത്.

ലോകകപ്പ് യോഗ്യത നേടാനാകാതെ പുറത്താകുമെന്ന അതിസമ്മര്‍ദ ഘട്ടത്തില്‍ നില്‍ക്കവെ മത്സര തുടങ്ങി 38 സെകന്റുകള്‍ക്കകം റൊമാരിയോ ഇബ്ര അര്‍ജന്റീനയുടെ വലകുലുക്കി. അഞ്ചാം സ്ഥാനവും ന്യൂസിലാന്‍ഡിനെതിരേയുള്ള പ്ലേ ഓഫ് പോരാട്ടവും മാത്രം പ്രതീക്ഷിച്ചാണ് നീലപ്പട കളത്തിലിറങ്ങിയത്. 38ാം സെക്കന്റില്‍ തന്നെ മോശം തുടക്കം ലഭിച്ചതോടെ അര്‍ജന്റീനന്‍ കാണികള്‍ നിരാശരായിരിക്കവെ12ാം മിനിറ്റില്‍ എയ്ഞ്ചല്‍ ഡി മരിയക്കൊപ്പം ചേര്‍ന്ന് ലയണല്‍ മെസി ഗോള്‍ തിരിച്ചടിച്ച് സ്‌കോര്‍ ഒപ്പമെത്തിച്ചു.

20ാം മിനിറ്റില്‍ മെസ്സി വീണ്ടും രക്ഷകനായി അര്‍ജന്റീനക്ക് ലീഡ് നല്‍കി. ഇതിനിടെ കാവല്ലോസ് മഞ്ഞക്കാര്‍ഡ് വാങ്ങിയിരുന്നു. അര്‍ജന്റീന ആക്രമണ ഫുട്ബാളിലേക്ക് തിരിഞ്ഞതോടെ ഇക്വഡോര്‍ പ്രതിരോധം പതറിത്തുടങ്ങിയിരുന്നു. ഇതിനിടെ രണ്ട് അര്‍ജന്റീനന്‍ താരങ്ങള്‍ക്ക് റഫറിയില്‍ നിന്നും മഞ്ഞക്കാര്‍ഡ് ലഭിച്ചു. 62ാം മിനിറ്റില്‍ മെസി തന്റെ ഹാട്രിക്ക് നേട്ടം പൂര്‍ത്തിയാക്കി.

വിജയം ഉറപ്പിച്ച് സ്‌പെയിന്‍: നൈജറിനെതിരെ മൂന്ന് ഗോള്‍ നേടി സ്‌പെയിന്‍ മുന്നില്‍
Posted by on 10 October

വിജയം ഉറപ്പിച്ച് സ്‌പെയിന്‍: നൈജറിനെതിരെ മൂന്ന് ഗോള്‍ നേടി സ്‌പെയിന്‍ മുന്നില്‍

കൊച്ചി: ഫിഫ അണ്ടര്‍ 17 ലോകകപ്പ് മത്സരത്തില്‍ സ്‌പെയിന്‍ നൈജര്‍ പോരാട്ടം ആദ്യ പകുതിയിലെത്തുമ്പോള്‍ നൈജറിനെതിരെ മൂന്ന് ഗോള്‍ നേടി സ്‌പെയിന്‍ അവരുടെ വിജയം ഉറപ്പിച്ചു. സ്‌പെയിന്‍ ക്യാപ്റ്റന്‍ ആബേല്‍ റൂയിസാണ് ആദ്യ രണ്ട് ഗോളുകള്‍ നേടി ടീമിന്റെ കരുത്ത് തെളിയിച്ചത്. രണ്ട് ഗോളില്‍ കളി ആദ്യ പകുതിയില്‍ അവസാനിക്കുമോ എന്ന ആരാധകരുടെ ചോദ്യത്തിനു മറുപടിയായി സ്‌പെയിന്‍ താരം ജെലാബര്‍ട്ട് സെസാറിന്റെ മൂന്നാം ഗോള്‍ പിറന്നു.

ആദ്യ മത്സരത്തില്‍ ഇരു ടീമുകളും പരാജയപ്പെട്ടതിനാല്‍ ഇന്നത്തെ കളി ഇരുവര്‍ക്കും നിര്‍ണായകമാണ്. കളിയുടെ ആവേശം കൂട്ടികൊണ്ട് സ്‌പെയിന്‍ താരം ജുവാന്‍ മിറാന്‍ഡയുടെ ക്രോസ്പാസ് പാഴാക്കാതെ ആബേല്‍ റൂയിസ് സ്‌പെയിന്റെ ആദ്യ ഗോള്‍ നേടി.

കൊച്ചിയില്‍ സ്‌പെയിന്‍ നൈജര്‍ നിര്‍ണായക പോരാട്ടം
Posted by on 10 October

കൊച്ചിയില്‍ സ്‌പെയിന്‍ നൈജര്‍ നിര്‍ണ്ണായക പോരാട്ടം

കൊച്ചി: ഫിഫ അണ്ടര്‍ 17 ലോകകപ്പ് മത്സരത്തില്‍ ആദ്യ കളിയില്‍ നിരാശയോടെ തോല്‍വി ഏറ്റുവാങ്ങേണ്ടി വന്ന ടീമുകളായ സ്‌പെയിന്‍ നൈജര്‍ പോരാട്ടം കൊച്ചി കലൂര്‍ സ്‌റ്റേഡിയത്തില്‍ ആരംഭിച്ചു. ആദ്യ മത്സരത്തില്‍ ഇരു ടീമുകളും പരാജയപ്പെട്ടതിനാല്‍ ഇന്നത്തെ കളി ഇരുവര്‍ക്കും നിര്‍ണായകമാണ്.

കളി തുടങ്ങി പതിമൂന്നാം മിനിറ്റില്‍ നൈജര്‍ താരം ഇബ്‌റാഹ്രിം നമതക്ക് മഞ്ഞ കാര്‍ഡ് ലഭിച്ചു. കളിയുടെ ആവേശം കൂട്ടികൊണ്ട് സ്‌പെയിന്‍ താരം ജുവാന്‍ മിറാന്‍ഡയുടെ ക്രോസ്പാസ് പാഴാക്കാതെ ആബേല്‍ റൂയിസ് സ്‌പെയിന്റെ ആദ്യ ഗോള്‍ നേടി.

തകര്‍പ്പന്‍ പ്രകടനം പുറത്തെടുത്ത ഇന്ത്യന്‍ ഗോള്‍ കീപ്പര്‍ ധീരജിനെ റാഞ്ചാന്‍ രണ്ട് യൂറോപ്യന്‍ വമ്പന്‍മാര്‍
Posted by
10 October

തകര്‍പ്പന്‍ പ്രകടനം പുറത്തെടുത്ത ഇന്ത്യന്‍ ഗോള്‍ കീപ്പര്‍ ധീരജിനെ റാഞ്ചാന്‍ രണ്ട് യൂറോപ്യന്‍ വമ്പന്‍മാര്‍

ന്യൂഡല്‍ഹി: അണ്ടര്‍ 17 ലോകകപ്പില്‍ ഇന്ത്യയെ സേവ് ചെയ്യുന്ന ഇന്ത്യന്‍ ഗോള്‍ കീപ്പര്‍ ധീരജ് സിംഗ് മൊയ്‌റംഗ്തിനെ റാഞ്ചാന്‍ യൂറോപ്യന്‍ വമ്പന്‍ ക്ലബുകള്‍. കൊളംബിയക്കെതിരെയും അമേരിക്കയ്‌ക്കെതിരെയും മത്സരത്തില്‍ ധീരജ് സിംഗ് കാഴ്ച്ചവെച്ച തകര്‍പ്പന്‍ പ്രകനമാണ് യൂൂറോപ്യന്‍ ക്ലബുകളുടെ ധീരജ് ഉടക്കാന്‍ കാരണമായത്.

മത്സരത്തില്‍ ധീരജ് സിംഗ് കാഴ്ച്ചവെച്ച മിന്നും സേവുകളാണ് താരത്തെ ലോകശ്രദ്ധയിലേക്ക് ആകര്‍ഷിച്ചത്. കൊളംബിയക്കെതിരായ മത്സരത്തില്‍ ഗോളെന്നുറച്ച നാല് ഷോട്ടുകളാണ് ധീരജ് ആട്ടിയകറ്റിയത്. ധീരജിന്റെ സേവുകളായിരുന്നു ഇന്ത്യയുടെ തോല്‍വിഭാരം കുറച്ചത്.

നിരവധി യൂറോപ്യന്‍ ക്ലബുകളുടെ ഏജന്റുമാരാണ് നിലവില്‍ അണ്ടര്‍ 17 ലോകകപ്പ് കാണാനെത്തിയിരിക്കുന്നത്. മാഞ്ചസ്റ്റര്‍ സിറ്റി, ആഴ്‌സണല്‍ തുടങ്ങിയ വമ്പന്‍ ക്ലബുകളുടെ പ്രതിനിധികളും ഇതിലുണ്ട്. സൂപ്പര്‍ ഏജന്റ് റെയോള അടക്കമുളളവര്‍ ഇന്ത്യയിലെത്തിയിട്ടുണ്ട്.

പതിനൊന്നാം വയസില്‍ ബംഗാളിലെ എഐഎഫ്എഫ് അക്കാദമിയിലേക്ക് തെരഞ്ഞെടുക്കപ്പെട്ട ധീരജ് 2012ല്‍ ഇന്ത്യയുടെ അണ്ടര്‍ 14 ടീമിലെത്തി. തുടര്‍ന്നാണ് അണ്ടര്‍ 16, 17 ടീമുകളിലെത്തിയത്. കാഠ്മണ്ഡുവില്‍ നടന്ന അണ്ടര്‍ 16 സാഫ് കപ്പില്‍ ഇന്ത്യ കിരീടം നേടിയപ്പോള്‍ ധീരജിന്റെ പ്രകടനം അതില്‍ നിര്‍ണായകമായിരുന്നു. മാഞ്ചസ്റ്റര്‍ യുണൈറ്റഡ്, ബാഴ്‌സലോണ, ഇന്റര്‍മിലാന്‍ പരിശീലകരുടെ നേതൃത്വത്തില്‍ നടന്ന പരിശീലനക്കളരിയിലേക്ക് ഏഷ്യയില്‍ നിന്ന് തെരഞ്ഞെടുക്കപ്പെട്ട 50 കളിക്കാരില്‍ ഒരാളും ധീരജായിരുന്നു.

കടപ്പാട്: സൗത്ത്‌ലൈവ്‌

അണ്ടര്‍ 17 ലോകകപ്പ്: ഇന്ത്യ കൊളംബിയയോട് ഒന്നിനെതിരെ രണ്ട് ഗോളിന് പരാജയപ്പെട്ടു
Posted by
10 October

അണ്ടര്‍ 17 ലോകകപ്പ്: ഇന്ത്യ കൊളംബിയയോട് ഒന്നിനെതിരെ രണ്ട് ഗോളിന് പരാജയപ്പെട്ടു

ന്യൂഡല്‍ഹി: അണ്ടര്‍ 17 ലോകകപ്പില്‍ ഇന്ത്യ കൊളംബിയയോട് ഒന്നിനെതിരെ രണ്ട് ഗോളിന് പരാജയപ്പെട്ടു. മത്സരത്തിലുടനീളം മികച്ച പ്രകടനം പുറത്തെടുത്ത ഇന്ത്യ ലോകകപ്പിലെ ആദ്യ ഗോളും നേടിയാണ് കളംവിട്ടത്. ആദ്യം ലീഡ് നേടിയ കൊളംബിയയോട് അതേ നാണയത്തില്‍ തിരിച്ചടിച്ച ഇന്ത്യക്ക് ലഭിച്ച മുന്‍തൂക്കം തുടര്‍ന്നുകൊണ്ടുപോകാന്‍ സാധിച്ചില്ല.

ജീക്സണ്‍ തൗനൗജമാണ് ഇന്ത്യയ്ക്കായ് സ്വപ്ന ഗോള്‍ നേടിയത്. ഇതോട ഇന്ത്യന്‍ ഫുട്ബോളിന്റെ ചരിത്രത്തിലേക്ക് തന്റെ പേര് എഴുതിച്ചേര്‍ത്തു ജീക്സണ്‍. കോര്‍ണര്‍ കിക്കില്‍ ലഭിച്ച അവസരം ഉജ്ജ്വലമായി ഗോള്‍പോസ്റ്റിലേക്ക് തിരിച്ചുവിട്ട അതിമനോഹര ഹെഡ്ഡര്‍ ഗോളായിരുന്നു ഇത്. 49-ാം മിനുട്ടിലാണ് കൊളംബിയ ആദ്യ ഗോള്‍ നേടിയത്. ഇന്ത്യ സമനില പിടിച്ചത് 82-ാം മിനുട്ടിലും. എന്നാല്‍ ഇന്ത്യന്‍ ആഘോഷം അധികസമയം നീണ്ടുനിന്നില്ല. തൊട്ടടുത്ത മിനുട്ടില്‍ പ്രതിരോധം ഭേദിച്ച് മറ്റൊരു ഗോള്‍കൂടി ഇന്ത്യന്‍ വലകുലുക്കി. കൊളംബിയയ്ക്കായി രണ്ടു ഗോളും നേടിയത് ജുവാന്‍ പെലോസയാണ്.

മലയാളി താരം കെപി രാഹുല്‍ മികച്ച പ്രകടനമാണ് കളിയിലുടനീളം പുറത്തെടുത്തത്. ഗോള്‍ പിറന്നുവെന്നുറപ്പിച്ച രണ്ട് അവസരങ്ങള്‍ ഇദ്ദേഹത്തിന് ലഭിക്കുകയും ചെയ്തു. എന്നാല്‍ രണ്ടവസരവും പാഴായിപ്പോയി. കൊളംബിയന്‍ ഗോള്‍പോസ്റ്റിന്റെ രൂപത്തിലും നിര്‍ഭാഗ്യം രാഹുലിനെ പിന്തുടര്‍ന്നു. ഈ വിജയത്തോടെ കൊളംബിയ ക്വാര്‍ട്ടര്‍ പ്രതീക്ഷകള്‍ സജീവമാക്കി. കഴിഞ്ഞദിവസം ഘാനയോട് കൊളംബിയ പരാജയപ്പെട്ടിരുന്നു. എന്നാല്‍ ഈ വിജയത്തോടെ ടൂര്‍ണമെന്റിലേക്ക് ഉജ്ജ്വലമായി തിരിച്ചുവന്നിരിക്കുകയാണ് കൊളംബിയ. ഇന്ത്യയുടെ കളി 12-ാം തീയതി ഘാനയോടാണ്.

ഫിഫ അണ്ടര്‍ 17 ലോകകപ്പ്: ഘാന അമേരിക്ക പോരാട്ടം തുടങ്ങി
Posted by on 09 October

ഫിഫ അണ്ടര്‍ 17 ലോകകപ്പ്: ഘാന അമേരിക്ക പോരാട്ടം തുടങ്ങി

ന്യൂഡല്‍ഹി : ഫിഫ അണ്ടര്‍ 17 ലോകകപ്പ് ഗ്രൂപ്പ് എയിലെ ആദ്യ മത്സര വിജയികളായ ഘാനയും അമേരിക്കയും പോരാട്ടം തുടങ്ങി. ആദ്യ മത്സരത്തില്‍ ഇന്ത്യയെ 3-0ത്തിന് തോല്‍പിച്ച് അമേരിക്കയും കൊളമ്പിയയെ നിസരമായി ഒരു ഗോളിന് പരാജയപ്പെടുത്തിയാണ് ണ്ടാണ് ഘാനയും വിജയികളായത്.

കളി തുടങ്ങി ആറാം മിനിറ്റില്‍ അമേരിക്കയുടെ ക്രിസ്റ്റഫര്‍ ഗോസ്ലിന് മഞ്ഞ കാര്‍ഡ് ലഭിച്ചെങ്കിലും ഒന്‍പതാം മിനിറ്റില്‍ ആരാധകരെ ആവേശം കൂട്ടി കൊണ്ട് അമേരിക്കയുടെ ബ്ലൈന്‍ ഫെറിയുടെ ആദ്യ ഗോളിലേയ്ക്കുള്ള നീക്കം പരാജയപ്പെട്ടു.