താരലേലത്തില്‍ അവസാനം പഞ്ചാബില്‍ കയറിപ്പറ്റി ക്രിസ് ഗെയ്ല്‍; നേട്ടമുണ്ടാക്കി മലയാളി താരങ്ങളും; മലപ്പുറംകാരന്‍ ആസിഫും മിഥുനും നിധിനും ഐപിഎല്ലിലേക്ക്
Posted by
28 January

താരലേലത്തില്‍ അവസാനം പഞ്ചാബില്‍ കയറിപ്പറ്റി ക്രിസ് ഗെയ്ല്‍; നേട്ടമുണ്ടാക്കി മലയാളി താരങ്ങളും; മലപ്പുറംകാരന്‍ ആസിഫും മിഥുനും നിധിനും ഐപിഎല്ലിലേക്ക്

ബംഗളൂരു: രണ്ടുദിവസമായി തുടര്‍ന്ന ഐപിഎല്‍ പതിനൊന്നാം സീസണിലേക്കുള്ള താരലേലത്തിന് സമാപനം. ആദ്യദിനത്തില്‍ അവഗണിക്കപ്പെട്ട ക്രിസ് ഗെയ്ല്‍ ഒടുവില്‍ അടിസ്ഥാന വിലയായ രണ്ടു കോടിക്ക് കിങ്‌സ് ഇലവന്‍ പഞ്ചാബില്‍ ചേക്കേറി. ഇതുവരെ ഐപിഎല്ലില്‍ ഗെയ്ല്‍ നടത്തിയ പ്രകടനം അതിശയിപ്പിക്കുന്നതാണ്. 151.20 ബാറ്റിങ് സ്ട്രൈക്കുള്ള 41.20 ബാറ്റിങ് ശരാശരിയുള്ള ഗെയ്ല്‍ കഴിഞ്ഞ സീസണുകളില്‍ റെക്കോഡ് പ്രകടനമാണ് പുറത്തെടുത്തിരുന്നത്. 101 മത്സരങ്ങളില്‍ നിന്നായി 3626 റണ്‍സ് ഗെയ്ല്‍ അടിച്ചെടുത്തിട്ടുണ്ട്. എന്നിട്ടും ഗെയ്‌ലിന് ആവശ്യക്കാര്‍ ഉയരാത്തത് അതിശയകരമായിരുന്നു.

ഇതിനിടെ, താരലേലത്തില്‍ മലയാളി താരങ്ങളും നേട്ടമുണ്ടാക്കി. എട്ടു കോടി രൂപയ്ക്ക് രാജസ്ഥാന്‍ റോയല്‍സ് സ്വന്തമാക്കിയ സഞ്ജു സാംസണാണ് മലയാളി താരങ്ങളിലെ വിലയേറിയ താരം. ബേസില്‍ തമ്പിയെ 95 ലക്ഷം രൂപയ്ക്ക് സണ്‍റൈസേഴ്‌സ് ഹൈദരാബാദ് സ്വന്തമാക്കി. 40 ലക്ഷം രൂപയ്ക്ക് ചെന്നൈ സൂപ്പര്‍ കിങ്‌സ് സ്വന്തമാക്കിയ മലപ്പുറം സ്വദേശി കെഎം ആസിഫാണ് മലയാളി താരങ്ങളില്‍ മൂന്നാമന്‍. 0 ലക്ഷം രൂപ അടിസ്ഥാന വിലയുണ്ടായിരുന്ന ആസിഫിന് 40 ലക്ഷം രൂപ ലഭിച്ചു. സച്ചിന്‍ ബേബി അടിസ്ഥാന വിലയായ 20 ലക്ഷം രൂപയ്ക്ക് സണ്‍റൈസേഴ്‌സ് ഹൈദരാബാദിലെത്തിയപ്പോള്‍ ഇതേ തുക ചിലവഴിച്ചാണ് മറ്റൊരു മലയാളി താരമായ എംഡി നിതീഷിനെ മുംബൈ ഇന്ത്യന്‍സ് സ്വന്തമാക്കിയത്. 20 ലക്ഷം രൂപയ്ക്ക് രാജസ്ഥാന്‍ റോയല്‍സ് ലെഗ് സ്പിന്നറായ എംഎസ് മിഥുനെ തട്ടകത്തിലേക്ക് എത്തിച്ചു. ഇതോടെ ഐപിഎല്ലിലെ മലയാളി സാന്നിദ്ധ്യവും ശക്തമായി.

ആദ്യ ദിനത്തിലെ താരലേലത്തില്‍ 12.5 കോടി രൂപയ്ക്ക് രാജസ്ഥാന്‍ റോയല്‍സ് സ്വന്തമാക്കിയ ബെന്‍ സ്റ്റോക്‌സാണ് ലേലം അവസാനിക്കുമ്പോഴും ഏറ്റവും കൂടുതല്‍ പണം വാരിയ താരം. ഏറ്റവും വിലയേറിയ ഇന്ത്യന്‍ താരമായത് രണ്ടാം ദിനത്തില്‍ രാജസ്ഥാന്‍ റോയല്‍സ് തന്നെ വിളിച്ചെടുത്ത ജയ്‌ദേവ് ഉനദ്ഘടാണ്. 11.5 കോടി രൂപയ്ക്കാണ് രാജസ്ഥാന്‍ ഉനദ്ഘടിനെ ടീമിലെത്തിച്ചത്.

കര്‍ണാടകക്കാരനായ ഗൗതം കൃഷ്ണപ്പയാണ് രണ്ടാം ദിനം ലേലത്തിലെ സൂപ്പര്‍ താരങ്ങളിലൊരാള്‍. ആഭ്യന്തര സീസണില്‍ പുറത്തെടുത്ത മികവിന്റെ അടിസ്ഥാനത്തില്‍ 6.2 കോടി രൂപയ്ക്ക് രാജസ്ഥാന്‍ റോയല്‍സ് സ്പിന്‍ ബോളറായ കൃഷ്ണപ്പയെ സ്വന്തമാക്കി. ഷഹബാസ് നദീമിനെ 3.2 കോടി രൂപയ്ക്ക് ഡല്‍ഹിയും ടീമിലെടുത്തു.

ഐപിഎല്‍ താരലേലത്തില്‍ സഞ്ജു സാംസണ് പൊന്നും വില; എട്ടു കോടിക്ക് രാജസ്ഥാന്‍ റോയല്‍സിലേക്ക്
Posted by
27 January

ഐപിഎല്‍ താരലേലത്തില്‍ സഞ്ജു സാംസണ് പൊന്നും വില; എട്ടു കോടിക്ക് രാജസ്ഥാന്‍ റോയല്‍സിലേക്ക്

ബംഗളൂരു: ഐപിഎല്‍ പതിനൊന്നാം സീസണിലേക്കുള്ള താരലേലത്തില്‍ വിക്കറ്റ്-കീപ്പര്‍ കം ബാറ്റ്‌സ്മാന്‍ സഞ്ജു വി സാംസണ് പൊന്നും വില. എട്ടു കോടി രൂപയ്ക്കാണ് മലയാളി താരമായ സഞ്ജുവിനെ രാജസ്ഥാന്‍ റോയല്‍സ് സ്വന്തമാക്കിയത്. അടിസ്ഥാന വിലയായി ഒരു കോടിയായിരുന്നു ലേലത്തിന്റെ തുടക്കത്തില്‍ സഞ്ജുവിന് നിശ്ചയിച്ചിരുന്നത്. രണ്ടാം വരവില്‍ ഏറ്റവും കൂടുതല്‍ പണം വാരി എറിഞ്ഞാണ് രാജസ്ഥാന്‍ താരലേലത്തില്‍ പങ്കെടുക്കുന്നത്.

അതേസമയം രാജസ്ഥാന്‍ റോയല്‍സില്‍ തിരിച്ച് എത്തിയതില്‍ സന്തോഷമുണ്ടെന്ന് സഞ്ജു പ്രതികരിച്ചത്. ടീം അവസാനം വരെ ലേലം വിളിച്ചതില്‍ സന്തോഷമുണ്ടെന്നും അദ്ദേഹം പറഞ്ഞു.

മറ്റൊരു വിക്കറ്റ് വിക്കറ്റ് കീപ്പറായ ദിനേഷ് കാര്‍ത്തികിനെ 7.4 കോടിക്ക് കൊല്‍ക്കത്ത നൈറ്റ് റൈഡേഴ്‌സ് സ്വന്തമാക്കി. അതേസമയം, ഇന്ത്യയുടെ മുതിര്‍ന്ന ബോളര്‍ ഇഷാന്ത് ശര്‍മ്മയെ ഒരു ടീമും പരിഗണിച്ചില്ല. എന്നാല്‍ ഇന്ത്യൃ-ദക്ഷിണാഫ്രിക്ക ടെസ്റ്റ് സീരീസില്‍ ഇന്ത്യയുടെ നട്ടെല്ലൊടിച്ച ബോളര്‍ കഗിസോ റബാഡയെ 4.2 കോടിക്ക് ഡല്‍ഹി ഡെയര്‍ഡെവിള്‍സ് സ്വന്തമാക്കി.

ഐപിഎല്‍ താരലേലം ഇന്നാണ് ബംഗളൂരുവില്‍ തുടങ്ങിയത്. രണ്ടു ദിനങ്ങളിലായാണ് താരലേലം പുരോഗമിക്കുക. ഇംഗ്ലണ്ട് താരം ബെന്‍ സ്റ്റോക്സാണ് ലേലത്തിലെ ഏറ്റവും കൂടുതല്‍ വിലയ്ക്ക് ‘വിറ്റുപോയത്’. സ്റ്റോക്സിനെ രാജസ്ഥാന്‍ റോയല്‍സ് 12.5 കോടിക്കാണ് സ്വന്തമാക്കിയത്.

ഓസ്ട്രേലിയന്‍ പേസ് ബോളര്‍ മിച്ചല്‍ സ്റ്റാര്‍ക്കിനെ 9.4 കോടി രൂപയ്ക്ക് കൊല്‍ക്കത്ത നൈറ്റ് റൈഡേഴ്സ് സ്വന്തമാക്കിയപ്പോള്‍ ഓസീസ് താരം ഗ്ലെന്‍ മാക്‌സ്വെല്ലിനെ 9 കോടി രൂപയ്ക്ക് ഡല്‍ഹി ഡെയര്‍ ഡെവിള്‍സും ടീമിലെടുത്തു. വിന്‍ഡീസ് താരം കിറോണ്‍ പൊള്ളാര്‍ഡിനെ 5.40 കോടി രൂപയ്ക്ക് മുംബൈ ഇന്ത്യന്‍സും നിലനിര്‍ത്തി. അതേസമയം, ഹിറ്റ്മാന്‍ ക്രിസ് ഗെയ്‌ലിനെ ആദ്യഘട്ടത്തില്‍ ആരും ടീമിലെടുത്തില്ല. ജോറൂട്ടിനേയും മുരളി വിജയിനേയും സ്വന്തമാക്കാനും ടീമുകള്‍ ആരും മുതിര്‍ന്നില്ല.

ഐപിഎല്‍ താരലേലം:  യുവരാജിന് രണ്ടു കോടി; രാഹുലിന് 11 കോടി; ധോണിയെ നിരാശനാക്കി അശ്വിനെ റാഞ്ചി പഞ്ചാബ്; ആര്‍ക്കും വേണ്ടാതെ ക്രിസ് ഗെയ്‌ലും മുരളി വിജയും
Posted by
27 January

ഐപിഎല്‍ താരലേലം: യുവരാജിന് രണ്ടു കോടി; രാഹുലിന് 11 കോടി; ധോണിയെ നിരാശനാക്കി അശ്വിനെ റാഞ്ചി പഞ്ചാബ്; ആര്‍ക്കും വേണ്ടാതെ ക്രിസ് ഗെയ്‌ലും മുരളി വിജയും

ബംഗളൂരു: ഐപിഎല്‍ പതിനൊന്നാം സീസണിലേക്കുള്ള താരലേലത്തിന് ഇന്ന് ബംഗളൂരുവില്‍ തുടക്കം. രണ്ടു ദിനങ്ങളിലായാണ് താരലേലം. ഇംഗ്ലണ്ട് താരം ബെന്‍ സ്റ്റോക്‌സാണ് ലേലം പുരോഗമിക്കുന്നതിനിടെയില്‍ ഏറ്റവും ഉയര്‍ന്ന തുക സ്വന്തമാക്കിയത്. സ്‌റ്റോക്‌സിനെ രാജസ്ഥാന്‍ റോയല്‍സ് 12.5 കോടി രൂപയ്ക്ക് ഏറ്റെടുക്കം. ഓസ്‌ട്രേലിയന്‍ പേസ് ബോളര്‍ മിച്ചല്‍ സ്റ്റാര്‍ക്കിനെ 9.4 കോടി രൂപയ്ക്ക് കൊല്‍ക്കത്ത നൈറ്റ് റൈഡേഴ്‌സും സ്വന്തമാക്കിയപ്പോള്‍ ഓസീസ് താരം ഗ്ലെന്‍ മാക്സ്വെല്ലിനെ 9 കോടി രൂപയ്ക്ക് ഡല്‍ഹി ഡെയര്‍ ഡെവിള്‍സും ടീമിലെടുത്തു. വിന്‍ഡീസ് താരം കിറോണ്‍ പൊള്ളാര്‍ഡിനെ 5.40 കോടി രൂപയ്ക്ക് മുംബൈ ഇന്ത്യന്‍സും നിലനിര്‍ത്തി. അതേസമയം, ഹിറ്റ്മാന്‍ ക്രിസ് ഗെയ്ലിനെ ആദ്യഘട്ടത്തില്‍ ആരും ടീമിലെടുത്തില്ല. ജോറൂട്ടിനേയും മുരളി വിജയിനേയും സ്വന്തമാക്കാനും ടീമുകള്‍ ആരും മുതിര്‍ന്നില്ല.

ലേലത്തില്‍ ഏറ്റവും നേട്ടമുണ്ടാക്കിയത് കിങ്‌സ് ഇലവന്‍ പഞ്ചാബാണ്. ചെന്നൈയിലേക്ക് മടക്കി എത്തിക്കുമെന്ന് ധോണി ഉറപ്പു നല്‍കിയ രവിചന്ദ്രന്‍ അശ്വിനെ 7.60 കോടി രൂപയ്ക്ക് കിങ്‌സ് ഇലവന്‍ പഞ്ചാബ് റാഞ്ചി. ഇതോടൊപ്പം ടീം കൈക്കലാക്കിയതു രാഹുല്‍, കരുണ്‍ നായര്‍ തുടങ്ങി നിരവധി താരങ്ങളെയാണ്്.

ലോകേഷ് രാഹുലിനെ 11 കോടിക്ക് കിങ്‌സ് ഇലവന്‍ പഞ്ചാബ് സ്വന്തമാക്കിയപ്പോള്‍ കരുണ്‍ നായരെ 6.5 കോടിക്കാണ് ടീം വാങ്ങിച്ചത്. റൈറ്റ് ടു മാച്ച് (ആര്‍ടിഎം) കാര്‍ഡ് വഴി ശിഖര്‍ ധവാനെ സണ്‍റൈസേഴ്‌സ് ഹൈദരാബാദ് നിലനിര്‍ത്തി. 5.20 കോടി രൂപയ്ക്കാണ് ധവാനെ സണ്‍റൈസേഴ്‌സ് നിലനിര്‍ത്തിയത്.അതേസമയം, ക്രിസ് ഗെയിലിനെ ആദ്യ ഘട്ടത്തില്‍ ഒരു ടീമും സ്വന്തമാക്കിയില്ല.

പതിനൊന്നു രാജ്യങ്ങളില്‍നിന്നുള്ള താരങ്ങളാണു പണക്കൊഴുപ്പിന്റെ ഐപിഎല്‍ താരലേലത്തിന് ഭാഗ്യപരീകഷമവുമായി എത്തിയിരിക്കുന്നത്. 360 ഇന്ത്യന്‍ താരങ്ങളും 218 വിദേശതാരങ്ങളും ഉള്‍പ്പെടുന്ന ബ്രഹ്മാണ്ഡ ലേലത്തില്‍ എട്ടു ടീമുകളിലായി പരമാവധി 182 കളിക്കാര്‍ക്കാണ് അവസരമൊരുങ്ങുക.

താരലേലത്തില്‍നിന്ന്:

ശിഖര്‍ ധവാന്‍ – സണ്‍റൈസേഴ്‌സ് ഹൈദരാബാദ് – 5.2 കോടി
ആര്‍ അശ്വിന്‍ – കിങ്‌സ് ഇലവന്‍ പഞ്ചാബ് – 7.6 കോടി
ലോകേഷ് രാഹുല്‍- കിങ്‌സ് ഇലവന്‍ പഞ്ചാബ് -11 കോടി
കരുണ്‍ നായര്‍- കിങ്‌സ് ഇലവന്‍ പഞ്ചാബ്-6.5 കോടി
കിറോണ്‍ പൊള്ളാര്‍ഡ് – മുംൈബ ഇന്ത്യന്‍സ് – 5.4 കോടി
ക്രിസ് ഗെയില്‍ – ആദ്യഘട്ടത്തില്‍ വാങ്ങാന്‍ ആളില്ല)
ഫാഫ് ഡ്യുപ്ലെസിസ്-ചെന്നൈ സൂപ്പര്‍ കിങ്‌സ്-1.6 കോടി
ബെന്‍ സ്റ്റോക്‌സ് – രാജസ്ഥാന്‍ റോയല്‍സ് – 12.5 കോടി
അജിങ്ക്യ രഹാനെ – രാജസ്ഥാന്‍ റോയല്‍സ് – 4 കോടി
മിച്ചല്‍ സ്റ്റാര്‍ക്ക് – കൊല്‍ക്കത്ത നൈറ്റ് റൈഡേഴ്‌സ് – 9.4 കോടി
ഹര്‍ഭജന്‍ സിങ് – ചെന്നൈ സൂപ്പര്‍ കിങ്‌സ് – 2 കോടി
ഷാക്കിബ് അല്‍ ഹസന്‍ – സണ്‍റൈസേഴ്‌സ് ഹൈദരാബാദ് – 2 കോടി
ഗ്ലെന്‍ മാക്‌സ്വെല്‍ – ഡല്‍ഹി ഡെയര്‍ഡെവിള്‍സ് – 9 കോടി
ഗൗതം ഗംഭീര്‍ – ഡല്‍ഹി ഡെയര്‍ഡെവിള്‍സ് – 2.8 കോടി
ഡ്വെയിന്‍ ബ്രാവോ – ചെന്നൈ സൂപ്പര്‍ കിങ്‌സ് – 6.4 കോടി
കെയ്ന്‍ വില്യംസന്‍ – സണ്‍റൈസേഴ്‌സ് ഹൈദരാബാദ് – 3 കോടി
ജോ റൂട്ട് – ആദ്യഘട്ടത്തില്‍ വാങ്ങാന്‍ ആളില്ല
യുവരാജ് സിങ് – കിങ്‌സ് ഇലവന്‍ പഞ്ചാബ് – 2 കോടി

ഇനിയെങ്കിലും കളി മാറുമോ? സിഫ്‌നിയോസിന് പകരക്കാരനായി യൂറോപ്യന്‍ സൂപ്പര്‍ താരം ബ്ലാസ്റ്റേഴ്‌സിലേക്ക്
Posted by
26 January

ഇനിയെങ്കിലും കളി മാറുമോ? സിഫ്‌നിയോസിന് പകരക്കാരനായി യൂറോപ്യന്‍ സൂപ്പര്‍ താരം ബ്ലാസ്റ്റേഴ്‌സിലേക്ക്

കൊച്ചി: കേരളാ ബ്ലാസ്റ്റേഴ്‌സ് ആരാധകര്‍ക്ക് സന്തോഷ വാര്‍ത്തയുമായി ടീം മാനേജ്‌മെന്റ് രംഗത്ത്. അഭ്യൂഹങ്ങള്‍ക്ക് അവസാനിപ്പിച്ച് ഐസ്ലാന്‍ഡ് മുന്നേറ്റ നിരക്കാരന്‍ ഗുഡ്‌ജോണിനെ കേരളാ ബ്ലാസ്റ്റേഴ്‌സ് രണ്ടു മാസത്തേയ്ക്ക് ലോണില്‍ സ്വന്തമാക്കിയെന്നാണ് ആ ത്രസിപ്പിക്കുന്ന വാര്‍ത്തയ്ക്ക് സ്ഥിരീകരണം. കേരളാ ബ്ലാസ്റ്റേഴ്‌സ് ഔദ്യോഗികമായി അറിയച്ചതാണ് ഇക്കാര്യം. ഐസ്‌ലാന്‍ഡ് സ്റ്റര്‍ജെനിന്‍ വേണ്ടി മിന്നുന്ന പ്രകടനം പുറത്തെടുത്തതിന് ശേഷമാണ് താരത്തിന്റെ കേരളത്തിലേക്കുള്ള വരവ്. ഇപ്പോഴത്തെ ക്ലബിന് വേണ്ടി എഴുപത്തിയേഴു മത്സരങ്ങളില്‍ നിന്നും നാല്‍പത്തിയൊന്നു ഗോളുകള്‍ താരം നേടിയിട്ടുണ്ട്.

കേരളാ ബ്ലാസ്റ്റേഴ്‌സ് കോച്ചിങ് സ്റ്റാഫിലുള്ള ഐസ്‌ലാന്‍ഡുകാരന്‍ ഹെര്‍മന്‍ വഴിയാണ് ഡേവിഡ് ജെയിംസും കൂട്ടരും താരത്തിനെ റാഞ്ചിയത്. ഐഎസ്എല്ലിലേക്ക് തിരിച്ചുവരാന്‍ ഈ സൈനിംഗ് ബ്ലാസ്റ്റേഴ്സിനെ സഹായിക്കാതിരിക്കില്ലെന്നാണ് ആരാധകരുടെ പ്രതീക്ഷ.

കുറച്ചു ദിവസങ്ങള്‍ക്ക് മുന്‍പാണ് കേരളാ ബ്ലാസ്റ്റേഴ്‌സ് ഡച്ച് യുവ താരം മാര്‍ക്ക് സിഫ്‌നിയോസിനെ റിലീസ് ചെയ്തത്. സിഫ്‌നിയോസ് ഗോവക്ക് വേണ്ടി സൈന്‍ ചെയ്തതായും ഇതിനിടെ വാര്‍ത്തകല്‍ പുറത്തു വന്നിരുന്നു. ഇതിന് തൊട്ടുപിന്നാലെയാണ് ബ്ലാസ്റ്റേഴ്സിനെ തേടി ആശ്വാസ വാര്‍ത്തയെത്തുന്നത്.

ഗോവ ടീമിലുണ്ടായിരുന്ന സ്പാനിഷ് സ്‌ട്രൈക്കര്‍ അഡ്രിയാന്‍ കൊലുങ്കയെ പുറത്താക്കിയ സ്ഥാനത്തേക്കാണ് സിഫ്‌നിയോസിനെ എഫ്‌സി ഗോവ പരിഗണിക്കുന്നത്.

റിപ്പബ്ലിക് ദിനത്തില്‍ ഇന്ത്യക്ക് അഭിമാനമായി അണ്ടര്‍ 19 ക്രിക്കറ്റ് ടീം; ബംഗ്ലാദേശിനെ തകര്‍ത്ത് ലോകകപ്പ് സെമി ഫൈനലില്‍
Posted by
26 January

റിപ്പബ്ലിക് ദിനത്തില്‍ ഇന്ത്യക്ക് അഭിമാനമായി അണ്ടര്‍ 19 ക്രിക്കറ്റ് ടീം; ബംഗ്ലാദേശിനെ തകര്‍ത്ത് ലോകകപ്പ് സെമി ഫൈനലില്‍

ക്വീന്‍സ്റ്റണ്‍: ഇന്ത്യയുടെ റിപ്പബ്ലിക് ദിന ആഘോഷങ്ങള്‍ക്ക് നിറം പകര്‍ന്ന് അണ്ടര്‍ 19 ക്രിക്കറ്റ് ടീമിന്റെ വിജയം. ബംഗ്ലാദേശിനെ 131ന് തകര്‍ത്ത് ഇന്ത്യന്‍ ടീം സെമിഫൈനലിലേക്ക് മാര്‍ച്ച് ചെയ്തു. ന്യൂസീലന്‍ഡില്‍ നടക്കുന്ന അണ്ടര്‍ 19 ലോകകപ്പില്‍ ബാറ്റിങ്ങിലെ അപ്രതീക്ഷിത പിഴവിന് ബോളിങ്ങിലും ഫീല്‍ഡിങ്ങിലും പരിഹാരം ചെയ്താണ് ഇന്ത്യയുടെ ചുണക്കുട്ടികല്‍ സെമിയിലേക്ക് പ്രവേശിച്ചത്. ബദ്ധവൈരികളായ പാകിസ്താനാണ് സെമിയില്‍ ഇന്ത്യയുടെ എതിരാളികള്‍.

ആദ്യം ബാറ്റു ചെയ്ത ഇന്ത്യ നാലു പന്തുകള്‍ ബാക്കി നില്‍ക്കെ 265 റണ്‍സിന് പുറത്തായി, ബംഗ്ലാദേശിന്റെ മറുപടി 42.1 ഓവറില്‍ 134 റണ്‍സില്‍ അവസാനിച്ചു. അര്‍ധസെഞ്ചുറിയോടെ ബാറ്റിങ്ങിലും രണ്ട് വിക്കറ്റ് വീഴ്ത്തി ബോളിങ്ങിലും മിന്നും താരമായി മാറിയ അഭിഷേക് ശര്‍മയുടെ ഓള്‍റൗണ്ട് മികവാണ് ഇന്ത്യയ്ക്ക് അനായാസ ജയം സമ്മാനിച്ചത്. അര്‍ധസെഞ്ചുറി നേടിയ ശുഭ്മാന്‍ ഗില്‍ (94 പന്തില്‍ 86) ബാറ്റിങ്ങിലും മൂന്നു വിക്കറ്റുമായി കലേഷ് നാഗര്‍കോട്ടി, രണ്ടു വിക്കറ്റ് വീഴ്ത്തിയ ശിവം മാവി എന്നിവര്‍ ബോളിങ്ങിലും അഭിഷേക് ശര്‍മയ്‌ക്കൊപ്പം ടീമിന്റെ വിജയശില്‍പികളായി.

266 റണ്‍സ് വിജയലക്ഷ്യവുമായി ബാറ്റിങ്ങിന് ഇറങ്ങിയ ബംഗ്ലാദേശിന് ഒരു ഘട്ടത്തിലും വിജയപ്രതീക്ഷ ഉയര്‍ത്താനായില്ല. 75 പന്തില്‍ മൂന്നു ബൗണ്ടറികളോടെ 43 റണ്‍സെടുത്ത ഓപ്പണര്‍ പിനാക് ഘോഷാണ് ബംഗ്ലാദേശിന്റെ ടോപ് സ്‌കോറര്‍.

ആഫിഫ് ഹുസൈന്‍ (40 പന്തില്‍ 18), മുഹമ്മദ് നയീം (22 പന്തില്‍ 12), ക്യാപ്റ്റന്‍ സയീഫ് ഹുസൈന്‍ (23 പന്തില്‍ 12), മഹീദുല്‍ ആന്‍കോന്‍ (22 പന്തില്‍ 10) നയീം ഹസന്‍ (29 പന്തില്‍ 11), റോബിയുല്‍ ഹഖ് (ഒന്‍പത് പന്തില്‍ 14) എന്നിവരാണ് ബംഗ്ലാദേശ് നിരയില്‍ രണ്ടക്കം കടന്ന താരങ്ങള്‍.

കോഹ്‌ലിയുടെ തെറ്റ് ചൂണ്ടിക്കാണിക്കാന്‍ കെല്‍പ്പുള്ളവര്‍ ആരാണ് ടീമിലുള്ളത്? പരിശീലകന്‍ പറയുന്നത് കോഹ്‌ലി കേള്‍ക്കാറില്ലെന്നും സെവാഗ്
Posted by
24 January

കോഹ്‌ലിയുടെ തെറ്റ് ചൂണ്ടിക്കാണിക്കാന്‍ കെല്‍പ്പുള്ളവര്‍ ആരാണ് ടീമിലുള്ളത്? പരിശീലകന്‍ പറയുന്നത് കോഹ്‌ലി കേള്‍ക്കാറില്ലെന്നും സെവാഗ്

ന്യൂഡല്‍ഹി: ദക്ഷിണാഫ്രിക്കക്കെതിരെ മൂന്നാം ടെസ്റ്റിനിറങ്ങുന്ന ഇന്ത്യന്‍ നായകന്‍ വിരാട് കോഹ്‌ലിയ്ക്കെതിരെ രൂക്ഷവിമര്‍ശനവുമായി മുന്‍ താരം വിരേന്ദര്‍ സെവാഗ്. കോഹ്ലി ചെയ്യുന്ന കാര്യങ്ങളെ ചോദ്യം ചെയ്യാന്‍ മാത്രം ധൈര്യമുള്ളവരും യോഗ്യതയുള്ളവരും ഇന്ത്യന്‍ ഡ്രെസിങ് റൂമിലില്ലെന്നായിരുന്നു സെവാഗിന്റെ പ്രതികരണം.

കളത്തില്‍ കോഹ്ലി വരുത്തുന്ന തെറ്റുകള്‍ ചൂണ്ടിക്കാണിക്കുന്ന ആരെങ്കിലും ടീമില്‍ ഉണ്ടാവേണ്ടത് ആവശ്യമാണെന്ന് ഇന്ത്യ ടിവിയിലെ പരപാടിയ്ക്കിടെ സെവാഗ് അഭിപ്രായപ്പെട്ടു. ‘എല്ലാ ടീമിലും കാണും നായകന്‍ ഫീല്‍ഡില്‍ വരുത്തുന്ന തെറ്റുകള്‍ ചൂണ്ടിക്കാണിക്കുന്ന നാലോ അഞ്ചോ താരങ്ങള്‍. ഇപ്പോഴത്തെ ഇന്ത്യന്‍ ടീമില്‍ അത് ഞാന്‍ കാണുന്നില്ല. വിരാടിന്റെ ടീം സെലക്ഷനെ ചോദ്യം ചെയ്യാന്‍ കെല്‍പ്പുള്ള ആരുമിന്ന് ടീമിലില്ല. അദ്ദേഹത്തിന്റെ സ്റ്റാന്‍ഡേര്‍ഡിനൊത്ത ആരുമില്ലെന്നതും ശരിയാണ്.’ സെവാഗ് പറയുന്നു.

അതേസമയം, കോഹ്ലിയുടെ ക്യാപ്റ്റന്‍സിയെ ബാധിക്കുന്നത് താരങ്ങളിലുള്ള അദ്ദേഹത്തിന്റെ അമിത പ്രതീക്ഷയാണെന്നും, ഏത് പ്രതികൂല സാഹചര്യത്തിലും കളിക്കാന്‍ കഴിയുന്ന താരമാണ് വിരാട്. അദ്ദേഹമത് മറ്റുള്ളവരില്‍ നിന്നും പ്രതീക്ഷിക്കുന്നെന്നും സെവാഗ് നിരീക്ഷിക്കുന്നു.

അതേസമയം പരിശീലകന്‍ നല്‍കുന്ന നിര്‍ദ്ദേശങ്ങള്‍ കോഹ്ലി ഫീല്‍ഡില്‍ നടപ്പാക്കുന്നില്ലെന്നും ഒരാള്‍ക്ക് ഒറ്റയ്ക്ക് ടീമിനെ ജയിപ്പിക്കാന്‍ സാധിക്കില്ലെന്നും സെവാഗ് കൂട്ടിച്ചേര്‍ത്തു. നേരത്തെ വിരാടിന്റെ ടീം സെലക്ഷനെതിരേയും സെവാഗ് രംഗത്തെത്തിയിരുന്നു.

ഐപിഎല്‍ സീസണ്‍ 11; സമയത്തിലും മത്സരത്തിലും നിരവധി മാറ്റങ്ങളുമായി പുത്തന്‍ സീസണ്‍; തുടക്കവും അവസാനവും മുംബൈയില്‍
Posted by
23 January

ഐപിഎല്‍ സീസണ്‍ 11; സമയത്തിലും മത്സരത്തിലും നിരവധി മാറ്റങ്ങളുമായി പുത്തന്‍ സീസണ്‍; തുടക്കവും അവസാനവും മുംബൈയില്‍

മുംബൈ: പുതിയ സീസണ്‍ ഐപിഎല്ലിന്റെ വിശദവിവരങ്ങള്‍ പുറത്തുവിട്ടു. കുട്ടിക്രിക്കറ്റിന്റെ പതിനൊന്നാം സീസണില്‍ ടീമുകളിലേക്കുള്ള ലേലം അടുത്തിരിക്കെയാണ് ആരാധകരെ ആവേശത്തിലാഴ്ത്തി ഐപിഎല്‍ പ്രഖ്യാപനം എത്തിയിരിക്കുന്നത്. ഏപ്രില്‍ ഏഴ് മുതല്‍ മെയ് 27 വരെയാണ് ഇത്തവണത്തെ ഐപിഎല്‍ മത്സരങ്ങള്‍ ചാര്‍ട്ട് ചെയ്തിരിക്കുന്നത്.

കഴിഞ്ഞ സീസണുകളിലേതിനു വ്യത്യസ്തമായാണ് ഇത്തവണത്തെ മത്സരങ്ങളുടെ സമയം. വൈകിട്ട് നാലിന് നടന്നിരുന്ന മത്സരം 5.30നും എട്ട് മണിക്ക് നടന്നിരുന്ന മത്സരം ഏഴ് മണിയ്ക്കുമാണ് പുതിയ സീസണില്‍ നടക്കുക. ഐപിഎല്‍ കമ്മീഷണര്‍ രാജീവ് ശുക്ലയാണ് ഇക്കാര്യങ്ങള്‍ മാധ്യമങ്ങളെ അറിയിച്ചത്.

ഏപ്രില്‍ ഏഴിന് മുബൈയിലാണ് ആദ്യ മത്സരം. മെയ് 27ന് മുംബൈയില്‍ തന്നെയാണ് ഫൈനലും നടക്കുന്നത്. ഉദ്ഘാടന ചടങ്ങ് ഏപ്രില്‍ ആറിന് മുംബൈയില്‍ വെച്ചുതന്നെ നടക്കും. മുടക്കമില്ലാതെ എത്തിയ പത്തു സീസണുകള്‍ക്ക് പിന്നാലെ വരുന്ന പതിനൊന്നാം സീസണ്‍, മുന്‍ വര്‍ഷങ്ങളില്‍ നിന്നും വിഭിന്നമായി നിരവധി മാറ്റങ്ങളോടെയാണ് ഇത്തവണ ആരാധകര്‍ക്ക് മുന്നിലെത്തുക. മുന്‍ വര്‍ഷങ്ങളില്‍ നിന്ന് വ്യത്യസ്തമായി സംപ്രേക്ഷണാവകാശം ഇത്തവണ സോണി നെറ്റ്‌വര്‍ക്കില്‍ നിന്നും സ്റ്റാര്‍ നെറ്റ്വര്‍ക്ക് ഏറ്റെടുത്തു കഴിഞ്ഞു. വിവിധ പരിപാടികളാണ് ഐപിഎല്ലിനോടനുബന്ധിച്ച് സ്റ്റാര്‍ സംപ്രേക്ഷണം ചെയ്യുക.

ഈ മാസം 27, 28 നുമാണ് സീസണിലേക്കുള്ള താര ലേലം നടക്കുന്നത്. മിക്ക ടീമുകളും സൂപ്പര്‍ താരങ്ങളെ നിലനിര്‍ത്തിയിട്ടുണ്ടെങ്കിലും നിരവധി താരങ്ങളാണ് ലേല വിപണിയിലുള്ളത്.

‘കാഴ്ച്ചയില്ലാത്തവരുടെ’ ലോകകപ്പില്‍ ഗംഭീര പ്രകടനം ‘കാഴ്ച്ചവെച്ച്’ ഇന്ത്യ കിരീടം സ്വന്തമാക്കി
Posted by
20 January

'കാഴ്ച്ചയില്ലാത്തവരുടെ' ലോകകപ്പില്‍ ഗംഭീര പ്രകടനം 'കാഴ്ച്ചവെച്ച്' ഇന്ത്യ കിരീടം സ്വന്തമാക്കി

ഷാര്‍ജ: കാഴ്ച ശക്തിയില്ലാത്തവരുടെ ഏകദിന ക്രിക്കറ്റ് ലോകകപ്പില്‍ ഇന്ത്യക്ക് കിരീടം. രണ്ടു വിക്കറ്റിന് വിജയം കൈയ്യിലൊതുക്കി ഇന്ത്യ ഏറ്റുമുട്ടിയത് പാകിസ്താനോടായിരുന്നു.

309 റണ്‍സ് നേടി പാകിസ്താന്‍ ഉയര്‍ത്തിയ വിജയ ലക്ഷ്യം ഇന്ത്യ അവസാന ഓവറില്‍ മറികടക്കുകയായിരുന്നു. ഗംഭീര തുടക്കം കാഴ്ച്ചവെച്ച ഇന്ത്യ ഒരു വിക്കറ്റ് നഷ്ടത്തില്‍ 111 റണ്‍സ് നേടിയെടുത്തു. തുടര്‍ന്നുള്ള ഓവറില്‍ അടുപ്പിച്ച് രണ്ട് വിക്കറ്റ് വീണതോടെ പാകിസ്താന് പ്രതീക്ഷ നല്‍കുന്ന തരത്തിലേക്ക് ഗെയിം നീങ്ങി. എന്നാല്‍ ക്യാപ്റ്റന്‍ അജയ് തിവാരിയും, സുനില്‍ രമേശും ചേര്‍ന്ന് മികച്ച പ്രകടനത്തിലൂടെ ഇന്ത്യയെ വിജയത്തിലെത്തിക്കുകയായിരുന്നു.

ദക്ഷിണാഫ്രിക്കയില്‍ ഇന്ത്യന്‍ ബാറ്റ്സ്മാന്‍മാര്‍ക്ക് പരിശീലനത്തിന് അവസരം നല്‍കിയില്ല; വ്യാപക പ്രതിഷേധം ഉയരുന്നു
Posted by
20 January

ദക്ഷിണാഫ്രിക്കയില്‍ ഇന്ത്യന്‍ ബാറ്റ്സ്മാന്‍മാര്‍ക്ക് പരിശീലനത്തിന് അവസരം നല്‍കിയില്ല; വ്യാപക പ്രതിഷേധം ഉയരുന്നു

കേപ് ടൗണ്‍: ദക്ഷിണാഫ്രിക്കയില്‍ ക്രിക്കറ്റ് പരമ്പരയ്ക്കെത്തിയ ഇന്ത്യന്‍ സംഘത്തിന് മോശം അനുഭവം. രണ്ട് ടെസ്റ്റുകളും പരാജയപ്പെട്ട് പരമ്പര നഷ്ടമായി നില്‍ക്കുന്ന ഇന്ത്യന്‍ ടീമിന് മൂന്നാം ടെസ്റ്റ് മത്സരത്തിനുള്ള പരിശീലനം നടത്താന്‍ സാധിച്ചില്ല.

ഇന്ത്യന്‍ ബാറ്റ്സ്മാന്‍മാര്‍ക്ക് പരിശീലനത്തിനുളള അവസരം ദക്ഷിണാഫ്രിക്കന്‍ ക്രിക്കറ്റ് അധികൃതര്‍ നിഷേധിക്കുകയായിരുന്നു. ദക്ഷിണാഫ്രിക്കന്‍ ക്രിക്കറ്റ് ബോര്‍ഡിന്റെ നടപടിക്കെതിരെ വ്യാപക പ്രതിഷേധം ഉയര്‍ന്നിട്ടുണ്ട്.

സന്ദര്‍ശക ടീമിന് ബാറ്റിംഗ് പരിശീലനത്തിനായി ബൗളര്‍മാരെ വിട്ടുനല്‍കേണ്ടത് ആതിഥേയരുടെ കടമയാണ്. എന്നാല്‍ കഴിഞ്ഞ ദിവസം ഇന്ത്യന്‍ ബാറ്റ്സ്മാന്‍മാര്‍ക്ക് നെറ്റ്സില്‍ പരിശീലനം നടത്താന്‍ ദക്ഷിണാഫ്രിക്ക ബൗളര്‍മാരെ വിട്ടുനല്‍കിയിരുന്നില്ല.

ജനുവരി 24ന് ജൊഹാന്നാസ്ബര്‍ഗിലാണ് മൂന്നാം ടെസ്റ്റ് ആരംഭിക്കുന്നത്. പരിശീലനം നടത്താന്‍ രണ്ടു പേസ് ബൗളര്‍മാരെ ഇന്ത്യന്‍ ടീം മാനേജ്മെന്റ് സംഘാടകരോട് ആവശ്യപ്പെട്ടിരുന്നു. എന്നാല്‍ നിലവാരമില്ലാത്ത, ക്ലബ് തലത്തിലുള്ള ബൗളര്‍മാരെ വിട്ടുനല്‍കാമെന്ന് ദക്ഷിണാഫ്രിക്ക നിലപാടെടുത്തത്.

ഇന്ത്യ ഇതു നിരസിക്കുകയും നെറ്റ്സില്‍ പന്തെറിയുന്നതിനായി പേസ് ബൗളര്‍മാരായ നവ്ദീപ് സെയ്നി, ഷര്‍ദുല്‍ താക്കൂര്‍ എന്നിവരെ ദക്ഷിണാഫ്രിക്കയിലേക്ക് അയക്കുകയും ചെയ്തിട്ടുണ്ട്.

പഴികേട്ട് ക്ഷീണിച്ച വിരാടിനും കൂട്ടര്‍ക്കും പിന്തുണയായി ധോണി
Posted by
19 January

പഴികേട്ട് ക്ഷീണിച്ച വിരാടിനും കൂട്ടര്‍ക്കും പിന്തുണയായി ധോണി

ന്യൂഡല്‍ഹി: ദക്ഷിണാഫ്രിക്കയില്‍ പരമ്പര നേടാനാകാതെ മടങ്ങിയ ഇന്ത്യന്‍ ടെസ്റ്റ് ടീമിന് ആശ്വാസവുമായി മുന്‍ നായകന്‍ എം.എസ്.ധോണി. പരമ്പരയില്‍ പരാജയപ്പെട്ടാലും കരകയറാന്‍ ഇന്ത്യന്‍ ടീമിന് കഴിവുണ്ടെന്നും 20 വിക്കറ്റ് വീഴ്ത്തുന്ന പേസ് ബൗളര്‍മാര്‍ ഇന്ത്യക്ക് മുതല്‍ക്കൂട്ടാണെന്നും ധോണി പറഞ്ഞു.

ടെസ്റ്റ് മത്സരം വിജയിക്കാന്‍ എതിരാളികളുടെ 20 വിക്കറ്റ് വീഴ്ത്തണം. നമ്മള്‍ 20 വിക്കറ്റ് വീഴ്ത്തിയിരുന്നു. 20 വിക്കറ്റ് നേടാന്‍ കഴിഞ്ഞില്ലെങ്കില്‍ അടുത്ത സാധ്യത മത്സരം സമനിലയില്‍ എത്തിക്കുകയെന്നതാണ്. റണ്‍സ് വിട്ടുകൊടുക്കാതിരുന്നാല്‍ മത്സരം സമനിലയിലെത്തിക്കാം. മൂന്നാമത്തെ സാധ്യത എന്നത് ഒരു സാധ്യതയല്ല, അത് വിജയം മാത്രമാണ് ധോണി പറഞ്ഞു. സ്വദേശത്തോ, വിദേശത്തോ, എവിടെയായാലും എതിര്‍ ടീമിന്റെ 20 വിക്കറ്റ് എടുക്കാന്‍ കഴിഞ്ഞില്ലെങ്കില്‍ വിജയിക്കാന്‍ കഴിയില്ലെന്നും ധോണി കൂട്ടിച്ചേര്‍ത്തു.

20 വിക്കറ്റുകള്‍ വീഴ്ത്തിക്കഴിഞ്ഞാല്‍ ടീം വിജയത്തിന് പ്രാപ്തരായി. ഇതിനൊപ്പം ബാറ്റ്‌സ്മാന്‍മാര്‍ റണ്‍സ് കൂടി കൂടി സ്‌കോര്‍ ചെയ്തു തുടങ്ങിയാല്‍ ടീമിന് വിജയത്തിലേക്ക് എത്താന്‍ കഴിയുമെന്നും ധോണി പറഞ്ഞു.

 

error: This Content is already Published.!!