ഒത്തുകളി വെച്ചുപൊറുപ്പിക്കില്ല, ശ്രീശാന്ത് ദയ അര്‍ഹിക്കുന്നില്ല: ഹൈക്കോടതി റദ്ദാക്കിയ വിലക്കിന് അപ്പീല്‍ വിളിച്ച് ബിസിസിഐ
Posted by
11 August

ഒത്തുകളി വെച്ചുപൊറുപ്പിക്കില്ല, ശ്രീശാന്ത് ദയ അര്‍ഹിക്കുന്നില്ല: ഹൈക്കോടതി റദ്ദാക്കിയ വിലക്കിന് അപ്പീല്‍ വിളിച്ച് ബിസിസിഐ

മുംബൈ: ഐപിഎല്‍ ഒത്തുകളിക്കേസില്‍ ഏര്‍പ്പെടുത്തിയ വിലക്ക് റദ്ദാക്കിയ ഹൈക്കോടതി വിധിക്കെതിരെ ബിസിസിഐ അപ്പീല്‍ പോകാന്‍ ഒരുങ്ങുന്നു.സിംഗിള്‍ ബെഞ്ച് വിധിക്കെതിരെ ഡിവിഷന്‍ ബെഞ്ചിനെ സമീപിക്കാനാണ് ബിസിസിഐ തീരുമാനിച്ചിരിക്കുന്നു എന്നാണ് ക്രിക്കറ്റ് ബോര്‍ഡുമായി ബന്ധപ്പെട്ട വൃത്തങ്ങളില്‍ നിന്നുള്ള വിവരം.

ബിസിസിഐക്ക് ഒത്തുകളിയെ വെച്ചുപൊറുപ്പിക്കാനാവില്ലെന്നും ശ്രീശാന്ത് ഒരു ദയയും അര്‍ഹിക്കുന്നില്ലെന്നും ബിസിസിഐയിലെ ഉയര്‍ന്ന ഉദ്യോഗസ്ഥന്‍ പിടിഐക്ക് നല്‍കിയ അഭിമുഖത്തില്‍ പറഞ്ഞു. ഹൈക്കോടതിയുടെ ഉത്തരവ് ബിസിസിഐയുടെ നിയമവിദഗ്ദര്‍ വ്യക്തമായി പഠിച്ച ശേഷമാണ് അപ്പീലിന് പോകുന്ന കാര്യത്തില്‍ തീരുമാനമെടുക്കു എന്നാണ് സൂചന.

അപ്പീല്‍ നല്‍കുന്നത് ബി.സി.സി.ഐ വൈസ് പ്രസിഡന്റ് ടി.സി മാത്യു ഉള്‍പ്പെടെയുള്ളവരുടെ നിലപാടുകള്‍ക്ക് വിരുദ്ധമാണ്. അപ്പീല്‍ പോകുന്ന കാര്യം ബി.സി.സി.ഐ ഇതുവരെ ഔദ്യോഗികമായി സ്ഥിരീകരിച്ചിട്ടില്ല.

ഐ.പി.എല്‍ 2013 സീസണില്‍ രാജസ്ഥാന്‍ റോയല്‍സിന് കളിക്കുമ്പോള്‍ ശ്രീശാന്ത് അടക്കമുള്ള താരങ്ങള്‍ ഒത്തുകളിച്ചുവെന്നാണ് ആരോപണം. തുടര്‍ന്ന് ഡല്‍ഹി പോലീസ് ശ്രീശാന്തിനെ അറസ്റ്റ് ചെയ്തു. എന്നാല്‍ പട്യാല സെഷന്‍സ് കോടതി മലയാളി താരത്തെ കുറ്റവിമുക്തനാക്കിയെങ്കിലും ബി.സി.സി.ഐ വിലക്ക് പിന്‍വലിക്കാന്‍ തയ്യാറായില്ല. തുടര്‍ന്നാണ് ശ്രീശാന്ത് ഹൈക്കോടതിയെ സമീപിച്ചത്.

 

 

ബിസിസിഐ ഇടക്കാല ഭരണസമിതിയും ബോര്‍ഡ് ഭാരവാഹികളും ഇന്ന് കൂടിക്കാഴ്ച നടത്തും
Posted by
09 August

ബിസിസിഐ ഇടക്കാല ഭരണസമിതിയും ബോര്‍ഡ് ഭാരവാഹികളും ഇന്ന് കൂടിക്കാഴ്ച നടത്തും

ഡല്‍ഹി: ബിസിസിഐ ഇടക്കാല ഭരണസമിതിയും ബോര്‍ഡ് ഭാരവാഹികളും ഇന്ന് ദില്ലിയില്‍ കൂടിക്കാഴ്ച നടത്തും. ശ്രീശാന്തിന് അനുകൂലമായ ഹൈക്കോടതി വിധിയുടെ പശ്ചാത്തലത്തിലാണ് യോഗം.

ബിസിസിഐ നിലപാട് അറിഞ്ഞതിന് ശേഷമെ വിലക്ക് നീക്കൂവെന്നാണ് കെസിഎയുടെ വിശദീകരണം. ഒത്തുകളി വിവാദത്തില്‍ കുറ്റവിമുക്തനാക്കപ്പെട്ട തനിക്ക് ബിസിസിഐ പെന്‍ഷനും മറ്റ് ആനുകൂല്യങ്ങളും നല്‍കണമെന്ന മുന്‍ ക്യാപ്റ്റന്‍ മുഹമ്മദ് അസറുദ്ദീന്റെ കത്തും ബിസിസിഐ പരിഗണിക്കും.

ബിസിസിഐ യുടെ ‘കളി’ ഇനി മതിയാക്കാന്‍ ഹൈക്കോടതി! ശ്രീശാന്തിന് ബിസിസിഐ ഏര്‍പ്പെടുത്തിയിരുന്ന ആജീവനാന്ത വിലക്ക് കേരള ഹൈക്കോടതി നീക്കി
Posted by
07 August

ബിസിസിഐ യുടെ 'കളി' ഇനി മതിയാക്കാന്‍ ഹൈക്കോടതി! ശ്രീശാന്തിന് ബിസിസിഐ ഏര്‍പ്പെടുത്തിയിരുന്ന ആജീവനാന്ത വിലക്ക് കേരള ഹൈക്കോടതി നീക്കി

കൊച്ചി: ഇന്ത്യന്‍ ക്രിക്കറ്റിലെ മലയാളി സാന്നിദ്ധ്യം എസ് ശ്രീശാന്തിന് ബിസിസിഐ ഏര്‍പ്പെടുത്തിയിരുന്ന ആജീവനാന്ത വിലക്ക് കേരള ഹൈക്കോടതി നീക്കി. ബിസിസിഐ വിലക്ക് നിലനില്‍ക്കുന്നതിനാല്‍ ആഭ്യന്തര ക്രിക്കറ്റില്‍ പോലും കളിക്കാന്‍ ആകുന്നില്ലെന്ന് ചൂണ്ടികാട്ടിയാണ് ശ്രീശാന്ത് ഹൈക്കോടതിയില്‍ ഹര്‍ജി നല്‍കിയത്.

ബിസിസിഐ അന്വേഷണ കമ്മീഷന്റെ റിപ്പോര്‍ട്ടുകള്‍ക്ക് അടിസ്ഥാനമാക്കിയത് ഡല്‍ഹി പോലീസ് നല്‍കിയ വിവരങ്ങളാണെന്നും പോലീസിന്റെ വാദങ്ങള്‍ തള്ളി പട്യാല സെഷന്‍സ് കോടതി തന്നെ കേസില്‍ കുറ്റവിമുക്തനാക്കിയതാണെന്നും ഹര്‍ജിയില്‍ ചൂണ്ടി കാണിച്ചിരുന്നു.

ഐപിഎല്‍ ഒത്തുകളി വിവാദത്തില്‍ പെട്ടതിനു 2013 മേയില്‍ ഡല്‍ഹി പോലീസ് അറസ്റ്റ് ചെയ്തതിനെ തുടര്‍ന്നാണ് ബിസിസിഐ, ശ്രീശാന്തിനെ സസ്‌പെന്‍ഡ് ചെയ്തത്.

ശ്രീശാന്തിനെതിരായ ആജീവനാന്ത വിലക്കില്‍ വിധി ഇന്ന്
Posted by
07 August

ശ്രീശാന്തിനെതിരായ ആജീവനാന്ത വിലക്കില്‍ വിധി ഇന്ന്

കൊച്ചി: ആജീവനാന്ത വിലക്കിനെതിരെ ശ്രീശാന്ത് നല്‍കിയ ഹര്‍ജിയില്‍ ഇന്ന് ഹൈക്കോടതി വിധി പറയും. ബിസിസിഐ ഏര്‍പ്പെടുത്തിയ ആജീവനാന്തവിലക്ക് നീക്കണമെന്നാണ് ആവശ്യം.

കോഴ കേസില്‍ ഡല്‍ഹി കോടതി നേരത്തെ ശ്രീശാന്തിനെ വെറുതെ വിട്ടിരുന്നു. എന്നിട്ടും വിലക്ക് തുടരുന്നത് നിയമപരമല്ലെന്നാണ് ശ്രീശാന്തിന്റെ വാദം.

വിലക്കിന് ശേഷം സ്‌കോട്ടിഷ് ലീഗില്‍ ശ്രീശാന്തിന് കളിക്കാന്‍ അവസരം ലഭിച്ചിരുന്നെങ്കിലും ബിസിസിഐയുടെ എതിര്‍പ്പ് മൂലം കളിക്കാന്‍ സാധിച്ചിരുന്നില്ല.

ബിസിസിഐയുടെ ഇടക്കാല ഭരണസമിതി, മുന്‍ ഭരണസമിതി, കേരള ക്രിക്കറ്റ് അസോസിയേഷന്‍ എന്നിവരെ എതിര്‍കക്ഷികളാക്കിയാണ് ശ്രീശാന്ത് ഹര്‍ജി നല്‍കിയിട്ടുള്ളത്.

ശ്രീലങ്കയെ കറക്കി വീഴ്ത്തിയ ജഡേജയ്ക്ക് സസ്‌പെന്‍ഷന്‍
Posted by
06 August

ശ്രീലങ്കയെ കറക്കി വീഴ്ത്തിയ ജഡേജയ്ക്ക് സസ്‌പെന്‍ഷന്‍

കൊളംബോ: അഞ്ച് വിക്കറ്റ് നേടി ശ്രീലങ്കയ്‌ക്കെതിരായുള്ള കൊളംബോ ടെസ്റ്റ് മാച്ചില്‍ മികച്ച പ്രകടനം കാഴ്ച്ചവച്ച രവീന്ദ്ര ജഡേജയ്ക്ക് സസ്‌പെന്‍ഷന്‍. കളിക്കിടെയുണ്ടായ മോശം പെരുമാറ്റത്തിനാണ് ഐസിസി ജഡേജയെ സസ്‌പെന്റ് ചെയ്തത്.

ശ്രീലങ്കയ്‌ക്കെതിരായ പരമ്പര കളിക്കാന്‍ വരുമ്പോള്‍ തന്നെ മൂന്ന് ഡി മെറിറ്റ് പോയിന്റുകളുണ്ടായിരുന്നു ജഡേജയ്ക്ക്. 2016 ഒക്‌ടോബറില്‍ ന്യൂസീലൻഡിനെതിരെ ഇന്‍ഡോറില്‍ നടന്ന മൂന്നാം ടെസ്റ്റിൽ പിച്ചില്‍ ഓടിയതിന് ലഭിച്ച പിഴയായിരുന്നു ഇത്.

ശ്രീലങ്കയ്‌ക്കെതിരായ രണ്ടാം ടെസ്റ്റിന്റെ രണ്ടാമിന്നിങ്‌സില്‍ ലങ്കന്‍ ബാറ്റ്‌സ്മാന്‍ കരുണരത്‌നെയ്‌ക്കെതിരെ അപകടകരമായ രീതിയില്‍ പന്തെറിഞ്ഞതിനാണ് മൂന്ന് പിഴപ്പോയിന്റുകള്‍ കൂടി ലഭിച്ചത്. കളിക്കാരുടെ പെരുമാറ്റച്ചട്ടത്തിലെ 2.2.8 അനുച്‌ഛേദത്തിന്റെ ലംഘനമാണിതെന്ന് അമ്പയര്‍മാരായ റോഡ് ടക്കറും ബ്രൂസ് ഓക്‌സെന്‍ഫോര്‍ഡും റിപ്പോര്‍ട്ട് നല്‍കിയിരുന്നു. ഇതോടെ മൊത്തം ആറ് പിഴപ്പോയിന്റുകളായി. മാച്ച് റഫറി റിച്ചി റിച്ചാര്‍ഡ്‌സനാണ് ശിക്ഷ വിധിച്ചത്.

ഇതോടെ വരുന്ന ടെസ്റ്റ് മാച്ചില്‍ ജഡേജയ്ക്ക് കളിക്കാനാവില്ല. മാച്ച് ഫീസിന്റെ 50ശതമാനം പിഴയും ഏര്‍പ്പെടുത്തിയിട്ടുണ്ട്.

കൊടുങ്കാറ്റായി ജഡേജ; കടപുഴകി ശ്രീലങ്ക: രണ്ടാം ടെസ്റ്റും പരമ്പരയും ഇന്ത്യക്ക്
Posted by
06 August

കൊടുങ്കാറ്റായി ജഡേജ; കടപുഴകി ശ്രീലങ്ക: രണ്ടാം ടെസ്റ്റും പരമ്പരയും ഇന്ത്യക്ക്

കൊളംബോ: ശ്രീലങ്കക്കെതിരായ രണ്ടാം ക്രിക്കറ്റ് ടെസ്റ്റിലും ഇന്ത്യക്ക് മിന്നും വിജയം. രവീന്ദ്ര ജഡേജ തകര്‍ത്താടിയ ടെസ്റ്റില്‍ ഒരു ഇന്നിങ്‌സിനും 53 റണ്‍സിനുമാണ് ഇന്ത്യ ലങ്കയെ തകര്‍ത്തത്. ഇതോടെ മൂന്ന് മല്‍സരങ്ങളുള്ള പരമ്പര ഇന്ത്യയ്ക്ക് 2-0ത്തിന് സ്വന്തം. ഫോളോ ഓണ്‍ വഴങ്ങി രണ്ടാം ഇന്നിങ്‌സില്‍ ബാറ്റിങ്ങിനിറങ്ങിയ ശ്രീലങ്ക 386 റണ്‍സിന് ഓള്‍ ഔട്ടാവുകയായിരുന്നു. സ്‌കോര്‍ ഇന്ത്യ: 622/9 ശ്രീലങ്ക: 183, 386.

അഞ്ച് വിക്കറ്റ് വീഴ്ത്തിയ രവീന്ദ്ര ജഡേജയുടെ സ്പിന്‍ മാജിക്കാണ് ലങ്കന്‍ ബാറ്റിങ് നിരയുടെ നടുവൊടിച്ചത്. കരുണരത്‌ന (141) മെന്‍ഡിസ് (110) എന്നിവര്‍ സെഞ്ച്വറികളുമായി ലങ്കന്‍ നിരയില്‍ പൊരുതി നോക്കിയെങ്കിലും പ്രതിരോധ പ്രവര്‍ത്തനം ഈരണ്ടു പേരില്‍ മാത്രം ഒതുങ്ങിയത് തിരിച്ചടിയാവുകയായിരുന്നു. ലങ്കന്‍ നിരയില്‍ മറ്റാര്‍ക്കും കാര്യമായ പ്രകടനം കാഴ്ചവെക്കാനായില്ല.

നേരത്തെ ഒന്നാം ഇന്നിങ്‌സ് 622/9 എന്ന നിലയില്‍ ഇന്ത്യ ഡിക്ലയര്‍ ചെയ്യുകയായിരുന്നു. ഇന്ത്യയുടെ കൂറ്റന്‍ സ്‌കോറിനെതിരെ ബാറ്റിങ്ങിനിറങ്ങിയ ശ്രീലങ്ക 183 റണ്‍സിന് പുറത്തായി. തുടര്‍ന്ന് ഫോളോ ഓണ്‍ വഴങ്ങി രണ്ടാം ഇന്നിങ്ങിസില്‍ ബാറ്റ് ചെയ്യാനെത്തിയ ലങ്കക്ക് ഭേദപ്പെട്ട തുടക്കം ലഭിച്ചിരുന്നു.

കൊളംബോ ടെസ്റ്റിലെ ഹൈലറ്റ്‌സ്:

ഇന്ത്യയുടെ ഒന്നാം ഇന്നിങ്‌സില്‍ ആര്‍ അശ്വിനും (54), രവീന്ദ്ര ജഡേജയും (പുറത്താകാതെ 70) അര്‍ധസെഞ്ചുറി നേടിയിരുന്നു. ലങ്കയുടെ ഒന്നാം ഇന്നിങ്‌സില്‍ അശ്വിനും രണ്ടാം ഇന്നിങ്‌സില്‍ ജഡേജയും അഞ്ചു വിക്കറ്റ് നേട്ടവും കൈവരിച്ചു. ഒരു ടീമിലെ രണ്ടു താരങ്ങള്‍ അര്‍ധസെഞ്ചുറി നേടുകയും അഞ്ചു വിക്കറ്റ് വീതം വീഴ്ത്തുകയും ചെയ്യുന്നത് ടെസ്റ്റ് ചരിത്രത്തില്‍ ഇതു മൂന്നാം തവണ മാത്രം.

ശ്രീലങ്കയുടെ രണ്ടാം ഇന്നിങ്‌സിന്റെ രണ്ടാം വിക്കറ്റില്‍ മെന്‍ഡിസ്-കരുണരത്ന സഖ്യം കൂട്ടിച്ചേര്‍ത്തത് 191 റണ്‍സ്. ഫോളോഓണ്‍ ചെയ്യുമ്പോള്‍ ശ്രീലങ്കന്‍ താരങ്ങള്‍ നേടുന്ന ഏറ്റവും ഉയര്‍ന്ന കൂട്ടുകെട്ട് എന്ന പ്രത്യേകതയും ഇതിനുണ്ട്. 20011-12 സീസണില്‍ ദക്ഷിണാഫ്രിക്കയ്‌ക്കെതിരെ മാത്യൂസ്‌-സമരവീര സഖ്യം കൂട്ടിച്ചേര്‍ത്ത 142 റണ്‍സിന്റെ കൂട്ടുകെട്ടാണ് പഴങ്കഥയായത്.

ടെസ്റ്റ് ക്രിക്കറ്റിന്റെ ചരിത്രത്തില്‍ ശ്രീലങ്ക വഴങ്ങുന്ന ഏറ്റവും ഉയര്‍ന്ന ഒന്നാം ഇന്നിങ്‌സ് ലീഡാണ് ഇന്നത്തേത്. ഇന്ത്യ നേടുന്ന ഏറ്റവും ഉയര്‍ന്ന മൂന്നാമത്തെ ഒന്നാം ഇന്നിങ്‌സ് ലീഡു കൂടിയാണിത്.

രവീന്ദ്ര ജഡേജ ടെസ്റ്റില്‍ 150 വിക്കറ്റ് നേട്ടം കൈവരിക്കുന്നതിനും സ്റ്റേഡിയം സാക്ഷിയായി. 51-ാം ടെസ്റ്റിലാണ് ജഡേജ 150 വിക്കറ്റുകളെന്ന നാഴികക്കല്ല് പിന്നിട്ടത്. ഏറ്റവും വേഗത്തില്‍ ഈ നേട്ടത്തിലെത്തുന്ന ഇടംകയ്യന്‍ ബോളറാണ് ജഡേജ. 54-ാം ടെസ്റ്റില്‍ 150 വിക്കറ്റ് നേട്ടത്തിലേക്കെത്തിയ ഓസീസ് താരം മിച്ചല്‍ ജോണ്‍സന്റെ റെക്കോര്‍ഡാണ് ജഡേജ തകര്‍ത്തത്.

വീരുവിനെ കാണാന്‍ ഇന്ത്യന്‍ പെണ്‍പുലികളെത്തി
Posted by
05 August

വീരുവിനെ കാണാന്‍ ഇന്ത്യന്‍ പെണ്‍പുലികളെത്തി

ഇന്ത്യന്‍ ക്രക്കറ്റിന്റെ ഗര്‍ജ്ജിക്കുന്ന സിംഹമായ വിരേന്ദര്‍ സേവാഗിനെ കാണാന്‍ പെണ്‍പുലികള്‍ എത്തി. ക്രിക്കറ്റ് ലോകകപ്പ് ഫൈനലില്‍ പ്രവേശിച്ച് രാജ്യത്തിന്റെ അഭിമാനമായ ഇന്ത്യയുടെ പെണ്‍പടയാണ് വീരുവിനെ കാണാനെത്തിയത്.

ജുലന്‍ ഗോസ്വാമി. ഹര്‍മന്‍പ്രീത് കൗര്‍, വേദ കൃഷ്ണമൂര്‍ത്തി, എക്ത ബിഷ്ട്, പൂനം റാവത്ത്, രാജേശ്വരി എന്നിവരോടൊപ്പമുള്ള ചിത്രം സെവാഗ് ട്വിറ്ററില്‍ പങ്കുവെയ്ക്കുകയും ചെയ്തു. നമുക്ക് ഏറെ അഭിമാനമായ ഈ പെണ്‍കുട്ടികളെ കാണാന്‍ കഴിഞ്ഞതില്‍ ഏറെ സന്തോഷവാനാണെന്നും വീരു ട്വീറ്റ് ചെയ്തു.

അര്‍ജുന പുരസ്‌കാരം സെഞ്ച്വറി അടിച്ച് ആഘോഷിച്ച് പൂജാര; രഹാനെയ്ക്കും സെഞ്ച്വറി; മികച്ച സ്‌കോറിലേക്ക് ഇന്ത്യ
Posted by
03 August

അര്‍ജുന പുരസ്‌കാരം സെഞ്ച്വറി അടിച്ച് ആഘോഷിച്ച് പൂജാര; രഹാനെയ്ക്കും സെഞ്ച്വറി; മികച്ച സ്‌കോറിലേക്ക് ഇന്ത്യ

കൊളംബോ: കൊളംബോ ടെസ്റ്റിലും ചേതേശ്വര്‍ പൂജാരയ്ക്ക് സെഞ്ച്വറി. ശ്രീലങ്കയ്‌ക്കെതിരായ രണ്ടാം ടെസ്റ്റിലും സെഞ്ച്വറി അടിച്ചാണ് പൂജാരയുടെ അര്‍ജുന അവാര്‍ഡ് വിജയം ആഘോഷിച്ചത്. അജിങ്ക്യ രഹാനെയും സെഞ്ച്വറി നേടി ഇന്ത്യക്ക് കരുത്തു പകരുന്നു. ഇരുവരുടേയും മികവില്‍ ഇന്ത്യ മികച്ച സ്‌കോറിലേയ്ക്ക് കുതിക്കുന്നു. ആദ്യ ഇന്നിംഗ്സില്‍ 88 ഓവറില്‍ ഇന്ത്യ മൂന്നു വിക്കറ്റ് നഷ്ടത്തില്‍ 340 കടന്നു.

അമ്പതാം ടെസ്റ്റിനായി പിച്ചിലിറങ്ങിയ പൂജാര അര്‍ജുന തിളക്കത്തില്‍ തുടര്‍ച്ചയായ രണ്ടാം ടെസ്റ്റ് സെഞ്ചുറി നേടി. കരിയറിലെ 13-ാം ടെസ്റ്റ് സെഞ്ചുറി പൂര്‍ത്തിയാക്കിയ പൂജാര 126 റണ്‍സുമായും, വൈസ് ക്യാപ്റ്റന്‍ അജിങ്ക്യ രഹാനെ 103 റണ്‍സുമായി ക്രീസിലുണ്ട്.

അര്‍ധ സെഞ്ചുറി നേടിയ ഓപ്പണര്‍ ലോകേഷ് രാഹുല്‍, 37 റണ്‍സെടുത്ത ഓപ്പണര്‍ ശിഖര്‍ ധവാന്‍, 13 റണ്‍സെടുത്ത ക്യാപ്റ്റന്‍ വിരാട് കോഹ്ലി എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്.

ലങ്കന്‍ നിരയില്‍ വിശ്രമത്തിലായിരുന്ന ക്യാപ്റ്റന്‍ ദിനേഷ് ചണ്ഡിമല്‍ ടീമില്‍ തിരിച്ചെത്തി. മൂന്നു മത്സരങ്ങളുള്ള പരമ്പയില്‍ ആദ്യ മത്സരം സ്വന്തമാക്കി ഇന്ത്യ 3-1 നു മുന്നിലാണ്.

50-ാം ടെസ്റ്റ് കളിക്കുന്ന പൂജാര 4000 റണ്‍സ് എന്ന നേട്ടവും സ്വന്തമാക്കി. ഗവാസ്‌കര്‍(4947), രാഹുല്‍ ദ്രാവിഡ്(4135), വീരേന്ദ്രര്‍ സെവാഗ്(4103) എന്നിവര്‍ക്കു ശേഷം 50 ടെസ്റ്റുകളില്‍ 4000 റണ്‍സ് നേട്ടം സ്വന്തമാക്കുന്ന ഇന്ത്യന്‍ താരമാണ് ചേതേശ്വര്‍ പൂജാര.

സര്‍ദാര്‍ സിങിനും ദേവേന്ദ്ര ജജരിയയ്ക്കും ഖേല്‍ രത്‌ന; ഹര്‍മന്‍പ്രീതിനും ചേതേശ്വര്‍ പൂജാരയ്ക്കും അര്‍ജുന പുരസ്‌കാരം
Posted by
03 August

സര്‍ദാര്‍ സിങിനും ദേവേന്ദ്ര ജജരിയയ്ക്കും ഖേല്‍ രത്‌ന; ഹര്‍മന്‍പ്രീതിനും ചേതേശ്വര്‍ പൂജാരയ്ക്കും അര്‍ജുന പുരസ്‌കാരം

ന്യൂഡല്‍ഹി: ഇന്ത്യയുടെ പരമോന്നത കായിക പുരസ്‌കാരങ്ങള്‍ പ്രഖ്യാപിച്ചു. ഹോക്കി ടീം മുന്‍ ക്യാപ്റ്റന്‍ സര്‍ദാര്‍ സിങ്ങിനും പാരാ അത്‌ലീറ്റ് ദേവേന്ദ്ര ജജരിയയ്ക്കും ഖേല്‍രത്‌ന പുരസ്‌കാരം. ക്രിക്കറ്റ് താരം ചേതേശ്വര്‍ പൂജാരയ്ക്കും വനിതാക്രിക്കറ്റ് താരം ഹര്‍മന്‍ പ്രീത് കൗറിനും അര്‍ജുന പുരസ്‌കാരവും പ്രഖ്യാപിച്ചു. ഇവരോടൊപ്പം
അരോക്യ രാജീവ്, എസ് വി സുനില്‍, ഖുശ്ബീര്‍ കൗര്‍, പ്രശാന്തി സിങ് തുടങ്ങിയവര്‍ക്കും അര്‍ജുന പുരസ്‌കാരം പ്രഖ്യാപിച്ചിട്ടുണ്ട്. മലയാളി കായികതാരങ്ങള്‍ക്ക് ആര്‍ക്കും ഇത്തവണ പുരസ്‌കാരമില്ല. സജന്‍ പ്രകാശിനെയും അര്‍ജുനയ്ക്കായി പരിഗണിച്ചില്ല.

ജസ്റ്റിസ് സികെ താക്കൂര്‍ അധ്യക്ഷനായ സമിതിയാണ് പുരസ്‌ക്കാര നിര്‍ണയം നടത്തിയത്. പിടി ഉഷയും ക്രിക്കറ്റ് താരം വീരേന്ദര്‍ സേവാഗും സമിതിയില്‍ അംഗങ്ങളാണ്.

ഹോക്കി ടീം മുന്‍ ക്യാപ്റ്റന്‍ സര്‍ദാര്‍ സിങ്ങിനെക്കൂടാതെ പാരാലിംപിക്‌സ് ഹൈജംപ് താരം മാരിയപ്പന്‍, ബോക്‌സിങ് താരം മനോജ് കുമാര്‍ തുടങ്ങി ഏഴുപേരാണു ഖേല്‍ രത്‌ന പുരസ്‌ക്കാര സാധ്യത പട്ടികയിലുണ്ടായിരുന്നത്.

ദേവേന്ദ്ര ജജരിയ

രണ്ടു പാരലിംപിക്‌സുകളില്‍ സ്വര്‍ണം നേടുന്ന ആദ്യ ഇന്ത്യന്‍ താരമെന്ന റെക്കോര്‍ഡ് സ്വന്തം പേരിലുള്ള ദേവേന്ദ്ര ജജരിയ, റിയോ പാരാലിംപിക്‌സില്‍ ജാവലിന്‍ ത്രോയില്‍ സ്വര്‍ണം നേടിയിരുന്നു. പുരുഷന്മാരുടെ എഫ്46 വിഭാഗത്തില്‍ 62.15 മീറ്ററുമായി ഏതന്‍സ് പാരലിംപിക്‌സില്‍ (2004) സ്വര്‍ണം കണ്ടെത്തിയ ദേവേന്ദ്ര, റിയോയില്‍ 63.97 മീറ്റര്‍ കണ്ടെത്തിയാണ് സ്വര്‍ണം സ്വന്തമാക്കിയത്.

ഇന്ത്യ ശ്രീലങ്ക രണ്ടാം ക്രിക്കറ്റ് ടെസ്റ്റ് ഇന്ന്
Posted by
03 August

ഇന്ത്യ ശ്രീലങ്ക രണ്ടാം ക്രിക്കറ്റ് ടെസ്റ്റ് ഇന്ന്

കൊളംബോ: ഇന്ത്യശ്രീലങ്ക രണ്ടാം ക്രിക്കറ്റ് ടെസ്റ്റ് ഇന്ന് കൊളംബോയില്‍. ക്യാപ്റ്റന്‍ ദിനേശ് ചണ്ഡിമല്‍ മടങ്ങിയെത്തുന്നത് ആതിഥേയര്‍ക്ക് ഉണര്‍വേകും. ചേതേശ്വര്‍ പൂജാരയ്ക്ക് അന്‍പതാം ടെസ്റ്റ് മല്‍സരമാണ് ഇന്ന്. ഇന്ത്യന്‍ മഹാസമുദ്രത്തില്‍ ആടിയുലയുന്നൊരു കപ്പലാണ് ശ്രീലങ്കന്‍ ക്രിക്കറ്റ് ടീം!

കപ്പിത്താനില്ലാതെ ഗോളില്‍ മുങ്ങിത്താഴ്ന്നവര്‍ ചണ്ഡമലിന്റെ തിരിച്ചുവരവിലൂടെ കരകയറാം എന്ന് ആശിക്കുന്നു. കലിതുളളിയ സമുദ്രം പോലെ തന്നെ ഉഗ്രപ്രതാപത്തിലാണ് ടീം ഇന്ത്യ. ആശങ്കകളൊന്നുമില്ല. സംഘബലത്തിന് കരുത്തേറെയായതിനാല്‍ ചെറിയ ആശയക്കുഴപ്പങ്ങളുണ്ട്.