2nd test match india in a safe score
Posted by
17 November

ഇംഗ്ലണ്ടിനെതിരായ രണ്ടാം ടെസ്റ്റില്‍ ഇന്ത്യ മികച്ച നിലയില്‍; കോഹ്‌ലിയ്ക്കും പൂജാരയ്ക്കും സെഞ്ച്വറി

വിശാഖപട്ടണം: ഇംഗ്ലണ്ടിനെതിരായ രണ്ടാം ടെസ്റ്റില്‍ ഇന്ത്യ മികച്ച നിലയില്‍. റണ്‍സെടുക്കുന്നതിനിടയില്‍ ഓപ്പണര്‍മാരെ നഷ്ടപ്പെട്ട് പ്രതിസന്ധിയിലായ ഇന്ത്യയെ മൂന്നാം വിക്കറ്റില്‍ ഒത്തുചേര്‍ന്ന ചേതേശ്വര്‍ പൂജാരയും വിരാട് കോഹ്‌ലിയും കര കയറ്റുകയായിരുന്നു. ഇരുവരുടെയും സെഞ്ച്വറി നേട്ടത്തോടെ സുരക്ഷിതമായ സ്‌കോറിലേയ്ക്ക് ഇന്ത്യന്‍ ടീം എത്തി.

ഓപ്പണര്‍മാരെ തുടക്കത്തില്‍ തന്നെ ഇന്ത്യയ്ക്ക് നഷ്ടമായി. 20 റണ്‍സെടുത്ത മുരളി വിജയിയെ ആന്‍ഡേഴ്‌സണ്‍ സ്റ്റോക്ക്‌സിന്റെ കൈയിലെത്തിച്ചപ്പോള്‍ റണ്ണൊന്നും എടുക്കാതെ ലോകേഷ് രാഹുല്‍ ബ്രോഡിന്റെ പന്തില്‍ പുറത്താക്കുകയായിരുന്നു.

Hobart test: South Africa humiliates Australia
Posted by
15 November

ഹോബാട്ട് ടെസ്റ്റ്; സ്വന്തം മണ്ണില്‍ നാണംകെട്ട് ഓസ്‌ട്രേലിയ; ഇന്നിങ്സിനും 85 റണ്‍സിനും തോല്‍വി

ഹൊബാട്ട്: സ്വന്തം മണ്ണില്‍ നടക്കുന്ന ദക്ഷിണാഫ്രിക്കക്കെതിരായ ടെസ്റ്റ് പരമ്പരയില്‍ തോറ്റമ്പി ഓസീസ് പട. ആദ്യ ടെസ്റ്റിലെ തോല്‍വിക്ക് പിന്നാലെ ഹൊബാട്ടില്‍ നടന്ന രണ്ടാം ടെസ്റ്റിലും ഓസ്ട്രേലിയക്ക് നാണം കെട്ട തോല്‍വി. ഇന്നിങ്സിനും 80 റണ്‍സിനുമാണ് ഓസീസിന്റെ പരാജയം. എതിരാളികളായ ദക്ഷിണാഫ്രിക്ക രണ്ടാം ടെസ്റ്റിലേയും മികച്ച വിജയത്തോടെ മൂന്ന് മത്സരമടങ്ങിയ പരമ്പര സ്വന്തമാക്കുകയും ചെയ്തു.

ഹൊബാട്ടില്‍ രണ്ടാം ഇന്നിങ്സില്‍ 121ന് രണ്ട് എന്ന നിലയില്‍ നാലാം ദിവസം ബാറ്റിംങ്ങ് പുനരാരംഭിച്ച ഓസ്ട്രേലിയ 161 റണ്‍സിന് പുറത്താവുകയായിരുന്നു. നേരത്തെ ഓസീസ് ഒന്നാം ഇന്നിങ്സില്‍ 85 റണ്‍സിന് പുറത്തായി 241 റണ്‍സ് ലീഡ് വഴങ്ങുകയും ചെയ്തിരുന്നു.

ആറ് വിക്കറ്റ് വീഴ്ത്തിയ കെയ്ല്‍ അബോട്ടും നാല് വിക്കറ്റ് വീഴ്ത്തിയ റബാഡയുമാണ് ഓസ്ട്രേലിയന്‍ ബാറ്റിംങ്ങ് നിരയെ തകര്‍ത്തത്. 23.1 ഓവറില്‍ 77 റണ്‍സ് വഴങ്ങിയാണ് അബോട്ട് ആറ് വിക്കറ്റ് വീഴ്ത്തിയത്. റബാഡ 17 ഓവറില്‍ 34 റണ്‍സ് വഴങ്ങി നാല് വിക്കറ്റ് വീഴ്ത്തി. നാലാം ദിനം അവസാന എട്ട് വിക്കറ്റുകള്‍ 32 നേടുന്നതിനിടെയാണ് ഓസ്‌ട്രേലിയ വലിച്ചെറിഞ്ഞത്.

ഓസ്ട്രേലിയക്കായി ഉഥ്മാന്‍ ഖ്വാജ 64 ഉും വാര്‍ണര്‍ 45ഉം സ്മിത്ത് 31ഉം റണ്‍സെടുത്തു ചെറുത്തു നില്‍ക്കാന്‍ ശ്രമിച്ചെങ്കിലും പരാജയപ്പെടുകയായിരുന്നു. വോഗ്സ് (2), ബോണ്‍സ് (0), ഫെര്‍ഗ്യൂസണ്‍ (1) നെവില്‍ (6) മെന്നി (0), സ്റ്റര്‍ക്ക് (0) ലിയോണ്‍ (4) എന്നിങ്ങനെയാണ് മറ്റുളളവരുടെ പ്രകടനം. ഹസില്‍വുഡ് ആറ് റണ്‍സുമായി പുറത്താകാതെ നിന്നു.

ഡികോക്കിന്റെ സെഞ്ച്വറിയാണ് ദക്ഷിണാഫ്രിക്ക ഒന്നാം ഇന്നിങ്‌സില്‍ 326 റണ്‍സിലെത്തിച്ചത്. 17 ഫോറുകളുടെ അകമ്പടിയോടുകൂടി ഡികോക്ക് 104 റണ്‍സ് അടിച്ചു കൂട്ടി.

സ്‌കോര്‍: ഓസ്ട്രേലിയ : 85, 161 ദക്ഷിണാഫ്രിക്ക: 326

Virat Kohli’s Joke at ground
Posted by
14 November

സമ്മര്‍ദ്ദത്തിനിടയിലും എല്ലാവരേയും ചിരിപ്പിച്ചുകൊണ്ട് മൈതാനത്ത് നിന്നും ക്യാപ്റ്റന്‍ കോഹ്‌ലിയുടെ തമാശ, സംഭവം സോഷ്യല്‍ മീഡിയയില്‍ വൈറല്‍

രാജ്‌കോട്ട്: ഇംഗ്ലണ്ടിനെതിരായ ടെസ്റ്റ് പരമ്പരയിലെ ആദ്യ മത്സരത്തില്‍ തോല്‍വിയില്‍ നിന്നും കഷ്ടിച്ച് രക്ഷപ്പെട്ട ആശ്വാസത്തിലാണ് ഇന്ത്യ. എന്നാല്‍ ഈ മത്സരം സോഷ്യല്‍മീഡിയയില്‍ വാര്‍ത്തയാവുന്നത് മത്സരഫലം കാരണമല്ല. ഇന്ത്യയുടെ ക്യാപ്റ്റന്‍ വിരാട് കോഹ്‌ലിയുടെ ഒരു തമാശയുടെ പേരിലാണ്.

മൈതാനത്ത് തന്റെ വികാരങ്ങള്‍ അത് സന്തോഷമായാലും സങ്കടമായാലും പ്രകടിപ്പിക്കാന്‍ ഒട്ടും മടികാണിക്കാത്ത വിരാട് കഴിഞ്ഞ ദിവസം മൈതാനത്ത് കാണിച്ച പ്രകടനം ചിരി ഉണര്‍ത്തുന്നതായിരുന്നു.

രവീന്ദ്ര ജഡേജയുമായി ചേര്‍ന്ന് പടപൊരുതി നിന്ന് ഇന്ത്യയെ തോല്‍വിയില്‍ നിന്നും കരകയറ്റി കൊണ്ട് വരികയായിരുന്നു നായകന്‍കോഹ്‌ലി. മത്സരം 41ആം ഓവറില്‍ എത്തി നില്‍ക്കുമ്പോള്‍ സമനിലക്കായി പൊരുതവേയാണ് ഇംഗ്ലണ്ടിന്റെ ഇടം കൈയ്യന്‍ സ്പിന്നര്‍ സഫര്‍ അന്‍സാരിയുടെ പന്ത് കോഹ്‌ലിയുടെ മുന്നില്‍ പിച്ച് ചെയ്തു ഉയര്‍ന്ന് തോളിനു മുകളിലൂടെ അതിവേഗം പാഞ്ഞത്.

ഈ അപ്രതീക്ഷിതമായ സംഭവത്തില്‍ അമ്പരപ്പ് മാറാതെ കോഹ്‌ലി സ്വക്വയര്‍ ലെഗ് അമ്പയറായ ക്രിസ് ഗാഫനിയോട് ഒരോവറില്‍ ഒരു ഷോര്‍ട്ട് ബോള്‍ അല്ലെ ഉള്ളൂ എന്ന് ചിരിച്ചു കൊണ്ട് ചോദിക്കുന്നതാണ് ഗാലറിയിലും മൈതാനത്തും കമന്ററി ബോക്സിലുമെല്ലാം ചിരിയുയര്‍ത്തിയത്.

താരത്തിന്റെ ആംഗ്യവും ഭാവവും ചോദ്യവും എല്ലാം കണ്ട് കമന്ററി ബോക്‌സില്‍ ഇരുന്നിരുന്ന രവി ശാസ്ത്രിയ്ക്കും നാസര്‍ ഹുസൈനും ചിരി അടക്കാനായില്ല. ഏറെ സമ്മര്‍ദ്ദം നേരിടുന്ന സമയത്തും കൂള്‍ ആയി ഇരിക്കുന്ന കോഹ്‌ലിയെ ഇരുവരും അഭിനന്ദിക്കുകയും പൊട്ടിച്ചിരിക്കുകയും ചെയ്തു.

അതേസമയം മത്സരത്തില്‍ തോല്‍വി മുന്നില്‍ കണ്ട് സമ്മര്‍ദ്ദത്തിലായ സമയത്താണ് ക്യാപ്റ്റന്റെ തമാശ എന്നത് എല്ലാവര്‍ക്കും ഊര്‍ജം പകര്‍ന്നിട്ടുണ്ടാവണം. മത്സരമേതായാലും സമനിലയിലേയ്ക്ക് കരകയറി. ക്യാപ്റ്റന്‍ കൂള്‍ ധോണിക്ക് പിന്നാലെ വന്ന കോഹ്‌ലി താനും കൂള്‍ ആണെന്ന് തെളിയിക്കുകയും ചെയ്തു ഇതിലൂടെ.

Rajkot test: day 4 continues, India just escape from collapsing against England
Posted by
12 November

രാജ്‌കോട്ടില്‍ അശ്വിന്റെ കരുത്തില്‍ തകരാതെ ഇന്ത്യ; 448ന് എല്ലാവരും പുറത്ത്; ഇംഗ്ലണ്ടിന് 49 റണ്‍സ് ലീഡ്

രാജ്‌കോട്ട്: ഇംഗ്ലണ്ടിനു മുന്നില്‍ തകരാതെ പിടിച്ചു നിന്ന് ഇന്ത്യ. ഇന്ത്യ- ഇംഗ്ലണ്ട് ടെസ്റ്റ് പരമ്പരയിലെ ആദ്യ മത്സരത്തില്‍ അശ്വിന്‍ വാലറ്റത്ത് നടത്തിയ പ്രകടനമാണ് ഇന്ത്യയ്ക്ക് നാണക്കേട് ഒഴിവാക്കി നല്‍കിയത്. ആദ്യ ഇന്നിങ്‌സില്‍ ചേതേശ്വര്‍ പൂജാരയും മുരളി വിജയും സെഞ്ചുറി നേടിയതിനു പിന്നാലെയാണ് രവിചന്ദ്ര അശ്വിന്‍ വാലറ്റത്ത് രക്ഷാപ്രവര്‍ത്തനം നടത്തിയത്. 70 റണ്‍സെടുത്ത അശ്വിനാണ് ഇന്ത്യന്‍ നിരയില്‍ ഏറ്റവും അവസാനം പുറത്തായതും. ഇംഗ്ലണ്ടിന്റെ 537 റണ്‍സ് പിന്തുടര്‍ന്ന ഇന്ത്യ 488 റണ്‍സിന് പുറത്തായി. ഇംഗ്ലണ്ട് 49 റണ്‍സിന്റെ ഒന്നാം ഇന്നിങ്‌സ് ലീഡും കരസ്ഥമാക്കിയാണ് രണ്ടാം ഇന്നിങ്‌സില്‍ ബാറ്റിങിന് ഇറക്കിയിരിക്കുന്നത്.

നാലിന് 319 റണ്‍സ് എന്ന നിലയില്‍ നാലാം ദിനം ബാറ്റിങ് തുടങ്ങിയ ഇന്ത്യയ്ക്ക് അജിങ്ക്യ രഹാനെയുടെ (13) വിക്കറ്റാണ് ആദ്യം നഷ്ടമായത്. 40 റണ്‍സ് നേടിയ ക്യാപ്റ്റന്‍ വിരാട് കോഹ്ലി ഹിറ്റ് വിക്കറ്റിലൂടെ പുറത്തായി. ഹുക്ക് ഷോട്ടിനുള്ള ശ്രമത്തിനിടെ കോഹ്ലിയുടെ കാല്‍ സ്റ്റംപില്‍ തട്ടുകയായിരുന്നു. വിക്കറ്റ് നഷ്ടമായത് വിശ്വസിക്കാനാവാതെയാണ് കോഹ്‌ലി കളം വിട്ടത്.

പിന്നീട് ഏഴാം വിക്കറ്റില്‍ അശ്വിനും വൃദ്ധിമാന്‍ സാഹയും ചേര്‍ന്നുള്ള കൂട്ടുകെട്ടാണ് ഇന്ത്യയെ വന്‍ തകര്‍ച്ചയില്‍നിന്നു കരകയറ്റിയത്. ഇരുവരും ചേര്‍ന്ന് 64 റണ്‍സാണ് കൂട്ടിച്ചേര്‍ത്തത്.

Hardik Pandya gets maiden call-up; Indian test team announced against England
Posted by
02 November

ഇംഗ്ലണ്ടിനെതിരായ ടെസ്റ്റ് പരമ്പര: ഇന്ത്യന്‍ ടീമിനെ പ്രഖ്യാപിച്ചു; ഗൗതം ഗംഭീര്‍ സ്ഥാനം നിലനിര്‍ത്തി;ഹാര്‍ദിക് പാണ്ഡ്യ പുതുമുഖം

മുംബൈ: വിരാട് കോഹ്‌ലിയുടെ നേതൃത്വത്തില്‍ ഇംഗ്ലണ്ടിനെതിരെ ടെസ്റ്റ് പരമ്പരയ്ക്കിറങ്ങുന്ന ഇന്ത്യന്‍ ക്രിക്കറ്റ് ടീമിനെ പ്രഖ്യാപിച്ചു. ഇംഗ്ലണ്ടിനെതിരായ ക്രിക്കറ്റ് ടെസ്റ്റ് പരമ്പരയിലെ ആദ്യ രണ്ട് മല്‍സരങ്ങള്‍ക്കുള്ള ഇന്ത്യന്‍ ടീമിനെയാണ് പ്രഖ്യാപിച്ചത്. ന്യൂസിലന്‍ഡിനെതിരായ ടൂര്‍ണമെന്റില്‍ ടീമിലുണ്ടായിരുന്ന രോഹിത് ശര്‍മ, ശിഖര്‍ ധവാന്‍, കെഎല്‍ രാഹുല്‍ എന്നിവരെ പരുക്കുമൂലം ഒഴിവാക്കിയപ്പോള്‍ ഗൗതം ഗംഭീറിനെ ടീമില്‍ നിലനിര്‍ത്തി. ഇന്ത്യയുടെ അവസാന ഏകദിന മത്സരകത്തില്‍ മികച്ച പ്രകടനം കാഴ്ചവെച്ച അമിത് മിശ്രയും ടീമിലിടം നേടി. ഹാര്‍ദിക് പാണ്ഡ്യയാണ് ടെസ്റ്റ് ടീമിലെ പുതുമുഖം.

ഈ മാസം ഒന്‍പതിനാണ് പരമ്പരയിലെ ആദ്യ ടെസ്റ്റ് ആരംഭിക്കുക. ന്യൂസീലന്‍ഡിനെതിരായ ഏകദിന പരമ്പരയിലെ അവസാന മല്‍സരത്തില്‍ മിന്നല്‍പ്രകടനം കാഴ്ചവച്ച ടെസ്റ്റ് ടീമിലുണ്ട്. ഏകദിന പരമ്പരയില്‍നിന്ന് വിശ്രമം അനുവദിച്ച മുഹമ്മദ് ഷാമി, അശ്വിന്‍, രവീന്ദ്ര ജഡേജ എന്നിവര്‍ ടീമില്‍ മടങ്ങിയെത്തി.

ഇന്ത്യന്‍ ടീം: വിരാട് കോഹ്ലി, മുരളി വിജയ്, അജിങ്ക്യ രഹാനെ, ചേതേശ്വര്‍ പൂജാര, കരുണ്‍ നായര്‍, വൃദ്ധിമാന്‍ സാഹ, ആര്‍ അശ്വിന്‍, രവീന്ദ്ര ജഡേജ, ജയന്ത് യാദവ്, അമിത് മിശ്ര, ഇഷാന്ത് ശര്‍മ, മുഹമ്മദ് ഷാമി, ഉമേഷ് യാദവ്.

അതേസമയം ബംഗ്ലദേശിനെതിരായ ടെസ്റ്റ് പരമ്പരക്കു ശേഷം ഇംഗ്ലണ്ട് ടീം ഇന്നു നഗരത്തില്‍ എത്തും. ടെസ്റ്റ് പരമ്പരയ്ക്കു മുന്‍പ് അവര്‍ക്കു പരിശീലന മല്‍സരങ്ങളൊന്നുമില്ലാത്തതിനാല്‍ അഞ്ചിനു നടക്കുന്ന ക്രിക്കറ്റ് ക്ലബ് ഓഫ് ഇന്ത്യയില്‍ പരിശീലന സെഷനുശേഷം ആദ്യ ടെസ്റ്റ് നടക്കുന്ന രാജ്‌കോട്ടിലേക്കു ടീം യാത്രതിരിക്കും. ഇന്ത്യന്‍ ടീമും അഞ്ചിനു രാജ്‌കോട്ടിലേയ്ക്ക് തിരിക്കും. രണ്ടാം ടെസ്റ്റ് 17 മുതല്‍ വിശാഖപട്ടണത്തും മൂന്നാം ടെസ്റ്റ് 26 മുതല്‍ മൊഹാലിയിലും നാലാം ടെസ്റ്റ് ഡിസംബര്‍ എട്ടു മുതല്‍ മുംബൈയിലും അഞ്ചാം ടെസ്റ്റ് 16 മുതല്‍ ചെന്നൈയിലും നടക്കും.

akansha-sharma-alleges-yuvraj-singh-used-to-smoke-po
Posted by
01 November

യുവരാജ് സിംഗ് സ്ഥിരമായി കഞ്ചാവ് വലിക്കാറുണ്ടെന്നും ആ കുടുംബം മൊത്തം ലഹരിക്ക് അടിമയാണെന്നും യുവരാജിന്റെ സഹോദരന്റെ മുന്‍ഭാര്യ ആകാന്‍ക്ഷ ശര്‍മ്മ

മുംബൈ: ഇന്ത്യന്‍ ക്രിക്കറ്റ് താരം യുവരാജ് സിംഗ് സ്ഥിരമായി കഞ്ചാവ് വലിക്കാറുണ്ടെന്നും ആ കുടുംബം മൊത്തം ലഹരിക്ക് അടിമയാണെന്നും യുവരാജ് സിംഗിന്റെ സഹോദരന്‍ സൊരാവര്‍ സിംഗിന്റെ മുന്‍ഭാര്യ ആകാന്‍ക്ഷ ശര്‍മ്മ. ചാനല്‍ പ്രോഗാമായ ബിഗ് ബോസ്സിന്റെ പത്താം സീസണിലെ മത്സരാര്‍ഥിയായിരുന്ന ആകാന്‍ക്ഷ കഴിഞ്ഞ ദിവസം ഷോയില്‍ നിന്ന് പുറത്തായിരുന്നു. ശേഷം നടന്ന അഭിമുഖത്തിലാണ് യുവരാജിന്റെ സഹോദരനുമായുള്ള വിവാഹ ജീവിതത്തെ കുറിച്ച് ആകാന്‍ക്ഷ സംസാരിച്ചത്. ആകാന്‍ക്ഷ ലഹരിക്ക് അടിമയാണെന്ന യുവരാജ് സിംഗിന്റെ അമ്മയുടെ ആരോപണത്തിന് മറുപടിയായാണ് യുവരാജ് സിംഗിനെതിരെ ആരോപണങ്ങളുമായി ആകാന്‍ക്ഷ ഇക്കാര്യം പറഞ്ഞത്.

ഞാന്‍ യുവരാജിന്റെ കുടുംബത്തോടൊപ്പമിരുന്നാണ് ലഹരി ഉപയോഗിച്ച് തുടങ്ങിയത്. ഞാന്‍ എന്റെ ഭര്‍ത്താവിനോടൊപ്പമിരുന്ന് പുകവലിച്ചിട്ടുണ്ട്. യുവരാജ് സിംഗ് കഞ്ചാവ് വലിച്ചിട്ടുണ്ട്. അത് അദ്ദേഹം എന്നോട് ഒരിക്കല്‍ പറയുകയും ചെയ്തു. ഇതൊക്കെ വളരെ സാധാരണ കാര്യമാണ്. ഇപ്പോള്‍ എന്റെ അമ്മായിയമ്മക്ക് പലതും ന്യായീകരിക്കണം. അതിന് എന്നെ ഉപയോഗിക്കുകയാണ്. ആകാന്‍ക്ഷ പറഞ്ഞു. യുവരാജിന്റെ സഹോദരനൊപ്പമുള്ളത് യഥാര്‍ഥത്തില്‍ വിവാഹമായിരുന്നില്ലെന്നും തങ്ങള്‍ തമ്മില്‍ ഒരു ബന്ധവുമുണ്ടായിരുന്നില്ലെന്നും ആകാന്‍ക്ഷ വ്യക്തമാക്കി

lost my world best finisher ability dhony says
Posted by
26 October

ലോകക്രിക്കറ്റിലെ മികച്ച ഫിനിഷര്‍ എന്ന കഴിവ് തനിയ്ക്ക് നഷ്ടമായിരിക്കുന്നു; ധോണിയുടെ വെളിപ്പെടുത്തല്‍

മൊഹാലി: ലോകക്രിക്കറ്റിലെ മികച്ച ഫിനിഷര്‍ എന്ന കഴിവിന് മങ്ങലേറ്റു തുടങ്ങിയെന്നു മഹേന്ദ്ര സിംഗ് ധോണി. ഫിനിഷ് ചെയ്യാനുള്ള തന്റെ കഴിവ് നഷ്ടമായിത്തുടങ്ങിയെന്ന് ബോധ്യമുള്ളത് കൊണ്ടാണ് താന്‍ ബാറ്റിംഗ് ഓര്‍ഡറില്‍ നേരത്തെ ഇറങ്ങുന്നതെന്ന് ധോണി പറഞ്ഞു. മൊഹാലിയില്‍ ന്യൂസിലാന്റിനെതിരെ മൂന്നാം ഏകദിനത്തില്‍ നേടിയ ത്രസിപ്പിക്കുന്ന വിജയത്തിന് ശേഷമാണ് ക്രിക്കറ്റ് ആരാധകരെ ഞെട്ടിപ്പിക്കുന്ന വിവരം ധോണി പങ്കു വെച്ചത്.

സാധാരണയായി താന്‍ ബാറ്റിംഗ് ഓര്‍ഡറില്‍ താഴെയാണ് ഇറങ്ങാറുള്ളത്. 200 ഇന്നിംഗ്‌സുകളില്‍ ഈ രീതിയിലാണ് ബാറ്റ് ചെയ്തിട്ടുള്ളത്. എന്നാല്‍ തന്റെ ഫിനിഷിംഗ് മികവിന് കോട്ടം വന്നു തുടങ്ങിയിരിക്കുന്നു, അത് കൊണ്ടാണ് താന്‍ ഓര്‍ഡറില്‍ മാറ്റം വരുത്തിയിരിക്കുന്നത്. ഇത് വഴി മറ്റുള്ളവര്‍ക്ക് മത്സരം ഫിനിഷ് ചെയ്യാന്‍ പറ്റും, ധോണി പറഞ്ഞു.

ന്യൂസിലാന്റിനെതിരായ മൂന്നാം ഏകദിനത്തില്‍ വൈസ് ക്യാപ്റ്റന്‍ വിരാട് കോഹ്‌ലിയോടൊപ്പം ധോണിയാണ് വിജയത്തിന്റെ ചുക്കാന്‍ പിടിച്ചത്. 91 ബോളില്‍ ധോണി നേടിയ 80 റണ്‍സ് ഇന്ത്യന്‍ വിജയത്തില്‍ നിര്‍ണ്ണായകമായി. മൂന്ന് പടുകൂറ്റന്‍ സിക്‌സുകളുടെയും ആറു ഫോറുകളുടെയും അകമ്പടിയോടെയായിരുന്നു മഹിയുടെ ഇന്നിംഗ്‌സ്.

Shoaib Akhtar new prey of social media trolls
Posted by
25 October

ഇംഗ്ലീഷ് ട്വിറ്റര്‍ പോസ്റ്റ്: ഷുഐബ് അക്തറിനു നേരെ ട്രോള്‍ അഭിഷേകം

കറാച്ചി: ഒരുപാട് ബാറ്റ്‌സ്മാന്‍മാരുടെ പേടി സ്വപ്‌നമായിരുന്ന പാകിസ്താന്‍ ബോളര്‍ ഷുഐബ് അക്തറിനെ ട്രോളില്‍ മുക്കി സോഷ്യല്‍മീഡിയ. താരം ഈയടുത്ത് പോസ്റ്റ് ചെയ്ത ട്വീറ്റിലെ ഭാഷയാണ് സോഷ്യല്‍മീഡിയയിലെ ട്രോള്‍ മഴയ്ക്ക് കാരണം. പാകിസ്താന്റെ അഭിമാനമായ ഒരു വനിതയെ സന്ദര്‍ശിച്ചതിലെ സന്തോഷം പപങ്കുവെയ്ക്കാനായി അക്തര്‍ ട്വിറ്ററിലിട്ട പോസ്റ്റാണ് വിവാദങ്ങള്‍ക്ക് കാരണമായത്.

ആദ്യമായി എവറസറ്റ് കീഴടക്കിയ പാകിസ്താനി വനിത സമീന ബെയ്ഗിനെ സന്ദര്‍ശിച്ചതിനു ശേഷമാണ് ഷുഐബ് അക്തര്‍ ട്വീറ്റ് പോസ്റ്റ് ചെയ്തത്. ട്വീറ്റിലെ അക്തറിന്റെ ഇംഗ്ലീഷാണ് ട്രോളര്‍മാര്‍ക്ക് വിഷയമായത്. ആര്‍ക്കും മനസ്സിലാകാത്ത ഭാഷയിലുള്ള അക്തറിന്റെ ട്വീറ്റില്‍ സമീന ബെയ്ഗിനെ ഫസ്റ്റ് ലേഡി എന്നൊക്കെയാണ് വിശേഷിപ്പിച്ചിരിക്കുന്നത്. ഇതുപോലുളള നിരവധി അബദ്ധങ്ങള്‍ നിറഞ്ഞതാണ് ട്വീറ്റ്. എതായാലും ഇന്ത്യയ്ക്കാരുള്‍പ്പടെയുള്ള ട്രോളന്മാര്‍ സോഷ്യല്‍ മീഡിയയില്‍ നന്നായി അഘോഷിക്കുകയാണ് അക്തറിന്റെ അബദ്ധത്തെ. ഈ ട്വീറ്റ് വായിക്കുന്നതിനു മുമ്പ് ഷേക്‌സ്പിയര്‍ മരിച്ചു പോയത് നന്നായെന്നൊക്കെയാണ് പരിഹാസം.

ഏതായാലും തന്റെ തെറ്റുകള്‍ തിരുത്തി സന്ദേശം ഒന്നുകൂടി പോസ്റ്റ് ചെയ്തിട്ടുണ്ട് അക്തര്‍.

Suresh Raina Ruled Out of India vs New Zealand ODIs
Posted by
25 October

ന്യൂസിലന്‍ഡിന് എതിരായ അവസാന രണ്ടു ഏകദിനങ്ങള്‍ക്കുള്ള ഇന്ത്യന്‍ ടീമില്‍ നിന്നും സുരേഷ് റെയ്‌നയെ ഒഴിവാക്കി

ന്യൂഡല്‍ഹി: ന്യൂസിലന്‍ഡിനെതിരായ അവസാന രണ്ടു ഏകദിനങ്ങള്‍ക്കുള്ള ഇന്ത്യന്‍ ടീമില്‍ മാറ്റമില്ല. ആദ്യ മൂന്ന് ഏകദിനങ്ങള്‍ കളിച്ച ടീമിനെ നിലനിര്‍ത്താന്‍ സെലക്ടര്‍മാര്‍ തീരുമാനിക്കുകയായിരുന്നു. ടെസ്റ്റില്‍ കളിച്ച ആര്‍ അശ്വിന്‍, ജഡേജ, മുഹമ്മദ് ഷമി എന്നിവര്‍ക്ക് വിശ്രമം അനുവദിച്ചതിനാല്‍ ടീമിലേക്ക് പരിഗണിച്ചില്ല. അഞ്ചു മത്സരങ്ങളുടെ പരമ്പരയില്‍ ഇന്ത്യ 21നു മുന്നിലാണ്. നാലാം ഏകദിനം നാളെ റാഞ്ചിയില്‍ നടക്കും. അവസാന ഏകദിനം 29നു വിശാഖപട്ടണത്താണ്.

അതേസമയം ടീമില്‍ ഇടംപിടിച്ചിട്ടും വൈറല്‍ ഫീവര്‍ പിടിപെട്ട് ആദ്യ മൂന്നു ഏകദിന മത്സരങ്ങളിലും കളിക്കാന്‍ കഴിയാതിരുന്ന ഇടംകൈയന്‍ ബാറ്റ്‌സ്മാന്‍ സുരേഷ് റെയ്‌നയെ ന്യൂസിലന്‍ഡിനെതിരായ ശേഷിക്കുന്ന ഏകദിനങ്ങളില്‍നിന്നും ഒഴിവാക്കി. ആരോഗ്യ സ്ഥിതി മെച്ചപ്പെടാത്തതാണ് താരത്തിനു തിരിച്ചടിയായത്. ശേഷിക്കുന്ന രണ്ടു ഏകദിനങ്ങളില്‍ നിന്നു റെയ്‌നയെ ഒഴിവാക്കിയതായി ബി.സി.സി.ഐ വ്യക്തമാക്കി. കഴിഞ്ഞ വര്‍ഷം ഒക്ടോബറിനു ശേഷം റെയ്‌ന ഇന്ത്യയ്ക്കായി ഏകദിനം കളിച്ചിട്ടില്ല.

ടീം: ധോണി (നായകന്‍), രോഹിത്, രഹാനെ, കോഹ്‌ലി, മനീഷ് പാണ്ഡെ, ഹര്‍ദിക് പാണ്ഡ്യ, അക്‌സര്‍ പട്ടേല്‍, ജയന്ത് യാദവ്, അമിത് മിശ്ര, ബുമ്‌റ, ധവാല്‍ കുല്‍ക്കര്‍ണി, ഉമേഷ് യാദവ്, മന്‍ദീപ് സിങ്, കേദാര്‍ ജാദവ്.

india-vs-newzealand-mohali-one-day-cricket; india win 7 wickets
Posted by
23 October

ക്ലാസ് ബാറ്റിംഗ് വിരുന്നുമായി കോഹ്‌ലി, വെടിക്കെട്ട് ബാറ്റിംഗുമായി ധോണി: ന്യൂസിലന്‍ഡിനെതിരായ മൂന്നാം ഏകദിനത്തില്‍ ഇന്ത്യയ്ക്ക് തകര്‍പ്പന്‍ വിജയം

മൊഹാലി: നായകന്‍ എംഎസ് ധോണിയും ഉപനായകന്‍ വിരാട് കോഹ്‌ലിയും മുന്നില്‍നിന്ന് നയിച്ചപ്പോള്‍ ന്യൂസിലന്‍ഡിനെതിരായ മൂന്നാം ഏകദിനത്തില്‍ ഇന്ത്യ അനായാസം ജയിച്ചുകയറി. ഇന്ത്യ ഏഴു വിക്കറ്റിന്റെ ഉശിരന്‍ വിജയം സ്വന്തമാക്കി. കോഹ്‌ലി (154*) പുറത്താകാതെ നേടിയ മാസ്റ്റര്‍ ക്ലാസ് സെഞ്ചുറിയുടെ ബലത്തിലാണ് കിവികളെ ഇന്ത്യ വീഴ്ത്തിയത്. ബാറ്റിംഗ് നിരയില്‍ മുന്നോട്ടിറങ്ങി കളിച്ച നായകന്‍ ധോണിയും (80) വിജയത്തില്‍ നിര്‍ണായക പങ്കുവഹിച്ചു. ന്യൂസിലന്‍ഡിന്റെ 285 റണ്‍സ് വിജയലക്ഷ്യം പിന്തുടര്‍ന്ന ഇന്ത്യ 10 പന്തുകള്‍ ബാക്കിനില്‍ക്കെയാണ് വിജയിച്ചത്.

prv_2de40_1477226263

ഇന്ത്യന്‍ വിജയം മനപായസമുണ്ടെത്തിയ ആരാധകര്‍ കോഹ്‌ലിയുടെ ക്ലാസ് ബാറ്റിംഗ് വിരുന്ന് മനംനിറയെ ആസ്വദിച്ചാണ് മോഹാലിയിലെ സ്‌റ്റേഡിയം വിട്ടത്. അത്രയ്ക്ക് ആധികാരികവും ചാരുതയുള്ളതുമായിരുന്നു ഉപനായകന്റെ ഇന്നിംഗ്‌സ്. നേരിട്ട 134 പന്തുകളില്‍ 16 എണ്ണം വേലിക്കെട്ടിനെ ചുംബിച്ചപ്പോള്‍ ഒരേയൊരെണ്ണം മാത്രമാണ് വേലിക്കുമുകളിലൂടെ മൂളിപ്പറന്നത്. പതുക്കെ കത്തിപ്പിടിച്ച് നീറിക്കത്തുന്ന ഉമിത്തീപോലെയായി ആ ഇന്നിംഗ്‌സ്.

കഴിഞ്ഞ മത്സരങ്ങളിലെന്നപോലെ രോഹിത് ശര്‍മയും (13) രഹാനെയും (5) പെട്ടെന്ന് കൂടാരം പൂകിയപ്പോള്‍ ഇന്ത്യയുടെ തുടക്കം പതറി. എന്നാല്‍ നായകന്റെ ഇടപെടലോടെ ധോണി ഉത്തരവാദിത്വം ഏറ്റെടുത്ത് ക്രീസിലെത്തിയതും കഥയും തിരക്കഥയും മാറി. ക്രീസെത്തിയതുമുതല്‍ ധോണി ആക്രമിച്ചു കളിച്ചപ്പോള്‍ കോഹ്‌ലി നായകന് പിന്തുണ നല്‍കി. 91 പന്തില്‍ ആറു ഫോറും മൂന്നു സിക്‌സും പറത്തിയാണ് ധോണി 80 ല്‍ എത്തിയത്. ധോണി പുറത്തായ ശേഷം കോഹ് ലി ആളിക്കത്തി. നാലാമനായെത്തിയ മനീഷ് പാണ്ഡെ (28) കോഹ് ലിക്ക് മികച്ച കൂട്ടായി. ഇരുവരും പുറത്താകാതെ നിന്നു. മാറ്റ് ഹെന്‍ട്രി രോഹിത് ശര്‍മയേയും ധോണിയേയും മറിച്ചപ്പോള്‍ രഹാനയുടെ വിക്കറ്റ് സൗത്തി നേടി.

luke-ronchi-jpg-image-784-410

നേരത്തെ ടോം ലാതത്തിന്റെയും (61) ജയിംസ് നീഷാമിന്റെയും (57) അര്‍ധ സെഞ്ചുറി മികവിലാണ് കിവികള്‍ മികച്ച സ്‌കോര്‍ കണ്ടെത്തിയത്. മികച്ച തുടക്കം ലഭിച്ചിട്ടും മധ്യനിര തകര്‍ന്നതോടെ സന്ദര്‍ശകര്‍ പതറിയെങ്കിലും വാലറ്റത്ത് നീഷാമും മാറ്റ് ഹെന്‍ട്രിയും (39) തകര്‍പ്പന്‍ പ്രകടനമാണ് നടത്തിയത്. ഇരുവരും ഒമ്പതാം വിക്കറ്റില്‍ 67 പന്തില്‍നിന്ന് 84 റണ്‍സാണ് അടിച്ചെടുത്തത്. ന്യൂസിലന്‍ഡിന്റെ ഏറ്റവും മികച്ച ഒമ്പതാം വിക്കറ്റ് കൂട്ടുകെട്ടെന്ന റിക്കാര്‍ഡും ഇരുവരും മറികടന്നു. എട്ടിന് 199 എന്ന നിലയില്‍ കൂട്ടുചേര്‍ന്ന ഇരുവരും അവസാന ഓവറുകളിലെ സര്‍ജിക്കല്‍ സ്‌െ്രെടക്കിലൂടെ ടീമിനെ ഒമ്പതിന് 283 ന്റെ സുരക്ഷിത തീരത്തെത്തിച്ചു.

dhoni-jpg-image-784-410

മുന്‍നിരയില്‍ ലാതവും ഗുപ്റ്റിലും (27) വില്യംസണും (22) റോസ് ടെയ്‌ലറും (44) മികച്ച പ്രകടനമാണ് നടത്തിയത്. എന്നാല്‍ മധ്യനിര അവിശ്വസനീയമാംവിധം തകര്‍ന്നു. പിന്നീടാണ് നീഷാമും ഹെന്‍ട്രിയും രക്ഷാപ്രവര്‍ത്തനം ഏറ്റെടുത്ത്. ഉമേഷ് യാദവും കേദാര്‍ ജാദവും മൂന്നു വീതം വിക്കറ്റ് വീഴ്ത്തിയപ്പോള്‍ ബുംറയും അമിത് മിശ്രയും രണ്ടു വീതം വിക്കറ്റ് പിഴുതു.

ജയത്തോടെ അഞ്ചു മത്സരങ്ങളുടെ പരമ്പരയില്‍ ഇന്ത്യ 2 1 ന് മുന്നിലെത്തി.