നാണംകെട്ട് ലങ്ക; ഇന്ത്യയോടുള്ള ദയനീയ തോല്‍വിക്ക് പിന്നാലെ ലോകകപ്പിനുള്ള യോഗ്യതയും നഷ്ടം
Posted by
01 September

നാണംകെട്ട് ലങ്ക; ഇന്ത്യയോടുള്ള ദയനീയ തോല്‍വിക്ക് പിന്നാലെ ലോകകപ്പിനുള്ള യോഗ്യതയും നഷ്ടം

ന്യൂഡല്‍ഹി: നാലാം ഏകദിനത്തിലും ഇന്ത്യയോട് അടിയറവ് പറഞ്ഞതോടെ ചരിത്രത്തിലെ ഏറ്റവും വലിയ നാണക്കേടില്‍ ശ്രീലങ്കന്‍ ക്രിക്കറ്റ് ടീം. ഇന്ത്യയുമായുള്ള ഏകദിന പരമ്പരയിലെ തുടര്‍ച്ചയായ തോല്‍വികള്‍ ശ്രീലങ്കയ്ക്ക് 2019ല്‍ നടക്കാനിരിക്കുന്ന ലോകകപ്പില്‍ നേരിട്ടുള്ള പ്രവേശനത്തിന് യോഗ്യത നഷ്ടമാക്കി. അഞ്ച് ഏകദിനങ്ങളുള്ള പരമ്പരയില്‍ നാല് കളികളിലും ലങ്ക ദയനീയമായി പരാജയപ്പെട്ടിരുന്നു.

കഴിഞ്ഞ ദിവസം നടന്ന നാലാം ഏകദിനത്തില്‍ നായകന്‍ വിരാട് കോഹ്‌ലിയുടെയും രോഹിത് ശര്‍മയുടെയും സെഞ്ച്വറിയുടെ ബലത്തില്‍ ഇന്ത്യ ശ്രീലങ്കയെ 168 റണ്‍സിന് തോല്‍പിച്ചിരുന്നു. സ്വന്തം മണ്ണില്‍ നടന്ന ടെസ്റ്റ്-ഏകദിന പരമ്പരയില്‍ ഒരു കളിയില്‍ പോലും ജയിക്കാനാകാത്തതും ഹോംഗ്രൗണ്ടിലെ തുടര്‍ച്ചയായ രണ്ടാം പരമ്പര തോല്‍വിയുമാണ് ശ്രീലങ്കയ്ക്ക് തിരിച്ചടിയായത്.

ശ്രീലങ്കന്‍ ക്രിക്കറ്റ് ചരിത്രത്തില്‍ ഹോം ഗ്രൗണ്ടില്‍ ഇത്രയും വലിയ തോല്‍വി(കൂടുതല്‍ റണ്ണിന്) ഏറ്റുവാങ്ങുന്നത് ആദ്യമാണ്. നേരത്തെ ഇന്ത്യയോടു തന്നെ കൊളംബോയില്‍ നടന്ന മത്സരത്തില്‍ 147 റണ്‍സിന് പരാജയപ്പെട്ട റെക്കോര്‍ഡാണ് ഇപ്പോള്‍ തിരുത്തപ്പെട്ടത്.

1996ല്‍ ലോകകപ്പ് ചാമ്പ്യന്‍മാരായ ശ്രീലങ്കയ്ക്ക ഇന്ത്യയുമായുള്ള പരമ്പരയില്‍ രണ്ട് കളികളിലെ വിജയം അനിവാര്യമായിരുന്നു. ഞായറാഴ്ച നടക്കുന്ന അഞ്ചാം ഏകദിനം വിജയിച്ചാലും 88 പോയിന്റ് മാത്രമെ ലങ്കയ്ക്ക് ലഭിക്കുകയുള്ളു. ഇത് ലോകകപ്പിലേക്ക് നേരിട്ട് പ്രവേശനം നേടാന്‍ പര്യാപ്തവുമല്ല. വരാനിരിക്കുന്ന അയര്‍ലാന്‍ഡുമായുള്ള മത്സരത്തിലും ഇംഗ്ലണ്ടുമായുള്ള അഞ്ച് ഏകദിന പരമ്പരയിലും വിജയം കണ്ടെത്തിയാല്‍ മാത്രമെ ശ്രീലങ്കയ്ക്ക് ലോകകപ്പ് സാധ്യതകള്‍ നിലനിര്‍ത്താന്‍ സാധിക്കുകയുള്ളൂ.

m s dhoni world record
Posted by
31 August

എം എസ് ധോണിക്ക് ലോക റെക്കോര്‍ഡ്.

എം എസ് ധോണിക്ക് ലോക റെക്കോര്‍ഡ്. ഏകദിനത്തില്‍ ഏറ്റവുമധികം തവണ നോട്ടൗട്ട് നേട്ടം കൈവരിച്ച റെക്കോര്‍ഡാണ് ധോണി സ്വന്തം പേരിലാക്കിയത്. 73 തവണയാണ് ധോണി ഏകദിനത്തില്‍ നോട്ടൗട്ടായത്. ദക്ഷിണാഫ്രിക്കന്‍ താരം ഷോണ്‍ പൊള്ളോക്ക്, ലങ്കന്‍ താരം ചാമിന്ദ വാസ് എന്നിവരുമായി ഈ റെക്കോര്‍ഡ് പങ്കുവെയ്‌ക്കുകയായിരുന്നു ധോണി ഇതുവരെ. ഇന്നത്തെ മല്‍സരത്തില്‍ 49 റണ്‍സെടുത്ത് പുറത്താകാതെ നിന്നതോടെ നോട്ടൗട്ട് റെക്കോര്‍ഡ് ധോണി സ്വന്തം പേരിലാക്കിയത്.

മുന്നൂറാമത്തെ ഏകദിനം കളിക്കുന്ന മുൻ ഇന്ത്യൻ നായകൻ ധോണി, ഈ നേട്ടം കൈവരിക്കുന്ന ലോകത്തെ ഇരുപതാമത്തെയും ഇന്ത്യയിലെ ആറാമത്തെയും താരമാണ്. ശ്രീ ലങ്കക്കെതിരായ പരമ്പരയിൽ ഉടനീളം ഉജ്ജ്വല ഫോമിലാണ് മിസ്റ്റർ കൂൾ

നാലാം ഏകദിനം: ഇന്ത്യക്ക് വമ്പന്‍ വിജയം
Posted by
31 August

നാലാം ഏകദിനം: ഇന്ത്യക്ക് വമ്പന്‍ വിജയം

കൊളംബോ: സ്വന്തം നാട്ടില്‍ ശ്രീലങ്കയ്ക്ക് വീണ്ടും നാണംക്കെട്ട തോല്‍വി. ഏകദിന പരമ്പരയിലെ നാലാം മത്സരത്തിലും ലങ്ക തോറ്റു. ഇന്ത്യ ഉയര്‍ത്തിയ 376 റണ്‍സ് ലക്ഷ്യം പിന്തുടര്‍ന്ന ലങ്ക 42.4 ഓവറില്‍ 207ന് എല്ലാവരും പുറത്തായി. ഇന്ത്യക്കു 168 റണ്‍സിന്റെ വമ്പന്‍ വിജയം.

സ്വന്തം നാട്ടില്‍ ശ്രീലങ്ക വഴങ്ങുന്ന ഏറ്റവും വലിയ തോല്‍വിയാണ് കൊളംബോയിലേത്. ഇതോടെ അഞ്ചു മത്സര പരമ്പരയില്‍ ഇന്ത്യ 40നു മുന്നിലെത്തി. എയ്ഞ്ചലോ മാത്യൂസ്(70), സിരിവര്‍ധനെ(39) എന്നിവര്‍ക്കൊഴികെ മറ്റാര്‍ക്കും ലങ്കന്‍ നിരയില്‍ പൊരുതാന്‍ പോലും കഴിഞ്ഞില്ല. ഇന്ത്യക്കായി കുല്‍ദീപ് യാദവ്, ഹാര്‍ദിക് പാണ്ഡ്യ, ജസ്പ്രീത് ബുംറ എന്നിവര്‍ രണ്ടു വിക്കറ്റ് വീതം നേടി.

സെഞ്ചുറികളോടെ മുന്നില്‍നിന്നു നയിച്ച വിരാട് കോഹ്ലി രോഹിത് ശര്‍മ കൂട്ടുകെട്ടും ധോണി-മനീഷ് പാണ്ഡെ സഖ്യത്തിന്റെ സെഞ്ചുറി കൂട്ടുകെട്ടുമാണ് ഇന്ത്യയെ വമ്പന്‍ സ്‌കോറിലേക്കു നയിച്ചത്. വിരാട് കോഹ്ലി (96 പന്തില്‍ 131), രോഹിത് ശര്‍മ (88 പന്തില്‍ 104) എന്നിങ്ങനെയായിരുന്നു മുന്‍നിരയുടെ സംഭാവന. 17 ബൗണ്ടറികളും രണ്ടു സിക്‌സും അടങ്ങുന്നതായിരുന്നു കോഹ്ലിയുടെ ഇന്നിംഗ്‌സ്. 11 ബൗണ്ടറികളും മൂന്നു സിക്‌സറുകളും രോഹിതിന്റെ ഇന്നിംഗ്‌സിനു മുതല്‍കൂട്ടായി.

ഇരുവരും പുറത്തായശേഷം മധ്യനിര തകര്‍ന്നെങ്കിലും ആറാം വിക്കറ്റില്‍ മനീഷ് പാണ്ഡെയും എം.എസ്.ധോണിയും ചേര്‍ന്ന് 101 റണ്‍സ് കൂട്ടിച്ചേര്‍ത്തു. മനീഷ് പാണ്ഡെ 50 റണ്‍സോടെയും മികച്ച ഫോം തുടരുന്ന ധോണി 49 റണ്‍സുമായും പുറത്താകാതെ നിന്നു. ആറ് റണ്‍സ് മാത്രം സ്‌കോര്‍ ബോര്‍ഡില്‍ ഉള്ളപ്പോള്‍ ആദ്യ വിക്കറ്റ് നഷ്ടമായ ഇന്ത്യയെ രണ്ടാം വിക്കറ്റില്‍ 219 റണ്‍സ് കൂട്ടിച്ചേര്‍ത്ത് കോഹ്ലിരോഹിത് സഖ്യം കരകയറ്റുകയായിരുന്നു.

കോഹ്ലിയുടെ കരിയറിലെ 29ാം സെഞ്ചുറിയും രോഹിത് ശര്‍മയുടെ കരിയറിലെ 13ാം സെഞ്ചുറിയുമാണ് കൊളംബോയില്‍ പിറന്നത്. പരമ്പരയിലെ മൂന്നാം ഏകദിനത്തിലും രോഹിത് ശര്‍മ സെഞ്ചുറി നേടിയിരുന്നു. ധോണിയുടെ 300ാം ഏകദിന മത്സരം, ലങ്കന്‍ പേസര്‍ ലസിത് മലിംഗയുടെ 300ാം വിക്കറ്റ് നേട്ടം തുടങ്ങിയ പ്രത്യേകതകളും കൊളംബോ ഏകദിനത്തിനുണ്ട്. കോഹ്ലിയായിരുന്നു മലിംഗയുടെ 300ാം ഇര.

 

ബംഗ്ലാദേശ് അട്ടിമറി: സച്ചിനെതിരെ ആരാധകര്‍
Posted by
31 August

ബംഗ്ലാദേശ് അട്ടിമറി: സച്ചിനെതിരെ ആരാധകര്‍

ന്യൂഡല്‍ഹി: ടെസ്റ്റ് ക്രിക്കറ്റില്‍ ഓസീസിനെതിരായ ബംഗ്ലാദേശ് വിജയത്തെ അട്ടിമറിയെന്ന് വിശേഷിപ്പിച്ച ഇന്ത്യന്‍ ക്രിക്കറ്റിലെ ദൈവം സച്ചിന്‍ തെന്‍ഡുല്‍ക്കറിനെതിരെ ബംഗ്ലാദേശ് ആരാധകര്‍. ബംഗ്ലാദേശ് ടീമിനെ അഭിനന്ദിച്ചുകൊണ്ടുള്ള ട്വിറ്റര്‍ പോസ്റ്റിലാണ് സച്ചിന്‍ വിജയത്തെ അട്ടിമറിയെന്നു വിശേഷിപ്പിച്ചത്. എന്നാല്‍ തങ്ങളുടെ ടീമിന്റെ മികച്ച വിജയത്തെ അട്ടിമറിയാക്കി തരംതാഴ്ത്തിയത് ആരാധകര്‍ക്ക് ഇഷ്ടപ്പെട്ടില്ല. ബംഗ്ലാദേശ് ഇപ്പോള്‍ ഒരു പരല്‍മീനല്ല. ആരെയും തോല്‍പിക്കാന്‍ കെല്‍പുള്ളവരാണ് – ബംഗ്ലാ ആരാധകര്‍ ട്വിറ്ററിലൂടെ സച്ചിനെ ഓര്‍മിപ്പിച്ചു.

ക്രിക്കറ്റിലെ തന്നെ വന്‍ശക്തികളായ ഓസീസിനെ 20 റണ്‍സിനാണ് ബംഗ്ലാ കടുവകള്‍ നാണം കെടുത്തിയത്. ബംഗ്ലാദേശിന്റെ വിജയത്തെ അഭിനന്ദിച്ച് നിരവധി താരങ്ങള്‍ രംഗത്തെത്തിയിരുന്നു. ഇക്കൂട്ടത്തില്‍ ഇന്ത്യന്‍ ക്രിക്കറ്റിലെ ദൈവം സച്ചിന്‍ ടെണ്ടുല്‍ക്കറും ഉണ്ടായിരുന്നു.

വിന്‍ഡീസിന്റെയും ബംഗ്ലാദേശിന്റെയും വിജയത്തെ ഒരു ട്വീറ്റിലൂടെയാണ് സച്ചിന്‍ അഭിനന്ദിച്ചത്. രണ്ട് ദിവസങ്ങളിലായി രണ്ട് അട്ടിമറികള്‍. പ്രചോദനമേകുന്ന പ്രകടനമാണ് ബംഗ്ലാ കടുവകള്‍ നടത്തിയത്. ടെസ്റ്റ് ക്രിക്കറ്റ് സമ്പന്നമാവുകയാണെന്ന് ട്വീറ്റിലൂടെ സച്ചിന്‍ അഭിപ്രായപ്പെട്ടു. എന്നാല്‍ ഇതിനെതിരെ രൂക്ഷപ്രതികരണമാണ് ബംഗ്ലാ ആരാധകര്‍ നടത്തിയത്.

പരമ്പര തൂത്തുവാരാന്‍ പരീക്ഷണങ്ങളുമായി ഇന്ത്യ; തകര്‍പ്പന്‍ വിജയം ലക്ഷ്യമിട്ട് ഇന്ന് ശ്രീലങ്കക്കെതിരെ നാലാം ഏകദിനത്തിന്
Posted by
31 August

പരമ്പര തൂത്തുവാരാന്‍ പരീക്ഷണങ്ങളുമായി ഇന്ത്യ; തകര്‍പ്പന്‍ വിജയം ലക്ഷ്യമിട്ട് ഇന്ന് ശ്രീലങ്കക്കെതിരെ നാലാം ഏകദിനത്തിന്

കൊളംബോ: മറ്റൊരു തകര്‍പ്പന്‍ വിജയം കൂടി ലക്ഷ്യമാക്കി ഇന്ത്യ ഇന്ന് ശ്രീലങ്കക്കെതിരെ പരമ്പരയിലെ നാലാ ഏകദിനത്തിനിറങ്ങുന്നു. പരമ്പര കൈവിട്ട ശ്രീലങ്ക ആശ്വാസജയമാണ് ലക്ഷ്യമിടുന്നത്.കൊളംബോ പ്രേമദാസ സ്റ്റേഡിയത്തിലാണ് മത്സരം.

ശ്രീലങ്കന്‍ പര്യടനത്തിലുടനീളം തകര്‍പ്പന്‍ ഫോമിലാണ് ഇന്ത്യന്‍ പട. കഴിഞ്ഞ മൂന്ന് ഏകദിനങ്ങളിലും സ്‌കോര്‍ പിന്തുടര്‍ന്നായിരുന്നു ടീം ഇന്ത്യയുടെ ജയം. ആദ്യ ഏകദിനം ഒമ്പത് വിക്കറ്റിന് ജയിച്ചപ്പോള്‍ തോല്‍വിയില്‍ നിന്നും ഫീനിക്‌സ് പക്ഷിയെ പോലെ ഉയിര്‍ത്തെഴുന്നേറ്റു രണ്ടാം മത്സരത്തില്‍ ഇന്ത്യ സ്വന്തമാക്കിയത് മൂന്ന് വിക്കറ്റിന്റെ ഉജ്ജ്വല വിജയം. കാന്‍ഡിയിലെ മൂന്നാം അങ്കത്തില്‍ രോഹിത് ശര്‍മ്മയുടേയും മഹേന്ദ്രസിങ് ധോണിയുടേയും ഗംഭീര കൂട്ടുകെട്ടില്‍ ഇന്ത്യ സ്വന്തമാക്കിയത് ആറ് വിക്കറ്റ് ജയം.

പരമ്പര സ്വന്തമാക്കിയതിനാല്‍ ഇനിയുളള രണ്ട് മത്സരങ്ങളിലും ഇന്ത്യ പരീക്ഷണത്തിന് മുതിരുമെന്നാണ് സൂചന. ഇതുവരെ അവസരം ലഭിക്കാത്ത പലതാരങ്ങള്‍ക്കും അന്തിമ ഇലവനില്‍ ഇടം നല്‍കിയേക്കും. ടെസ്റ്റിന് പിന്നാലെ ഏകദിന പരമ്പരയും കൈവിട്ട നിരാശയിലാണ് ശ്രീലങ്ക.

ഇനിയുളള രണ്ട് മത്സരങ്ങളും ജയിച്ച് മുഖം മിനുക്കലാണ് ടീം ലക്ഷ്യമിടുന്നത്. ഭേദപ്പെട്ട തുടക്കം കിട്ടിയിട്ടും മികച്ച കൂട്ടുകെട്ടുകള്‍ ഉണ്ടാക്കാനാവാത്തതാണ് ശ്രീലങ്കക്ക് വിനയാകുന്നത്. അഖില ധനഞ്ജനയുടെ സ്പിന്‍ മികവാണ് കഴിഞ്ഞ രണ്ട് മത്സരങ്ങളിലും ലങ്കയെ പിടിച്ചു നിര്‍ത്തിയത്

ഓസ്‌ട്രേലിയക്ക് ബംഗ്ലാ ഷോക്ക്: ഓസ്‌ട്രേലിയക്കെതിരെ ബംഗ്ലാദേശിന് ക്രിക്കറ്റ് ചരിത്രത്തിലെ ആദ്യ ടെസ്റ്റ് വിജയം
Posted by
30 August

ഓസ്‌ട്രേലിയക്ക് ബംഗ്ലാ ഷോക്ക്: ഓസ്‌ട്രേലിയക്കെതിരെ ബംഗ്ലാദേശിന് ക്രിക്കറ്റ് ചരിത്രത്തിലെ ആദ്യ ടെസ്റ്റ് വിജയം

ധാക്ക: അപ്രതീക്ഷിത തോല്‍വിയുടെ ഞെട്ടലിലാണ് ഓസ്‌ട്രേലിയ. വിജയമുറപ്പിച്ച ഒന്നാം ടെസ്റ്റില്‍ ഓസ്‌ട്രേലിയക്ക് അപ്രതീക്ഷിത തോല്‍വി. 20 റണ്‍സിന്റെ തോല്‍വിയാണ് ബംഗ്ലാ കടുവകളില്‍ നിന്നും ഓസീസ് സംഘം നേരിട്ടത്. ഇതോടെ രണ്ട് മത്സരങ്ങളടങ്ങിയ പരമ്പരയില്‍ ബംഗ്ലാദേശ് 1-0 ന് മുന്നിലെത്തി.

സ്‌കോര്‍: ബംഗ്ലേദേശ്260, 221.ആസ്‌ട്രേലിയ 217 ,244. ടെസ്റ്റ് ക്രിക്കറ്റ് ചരിത്രത്തില്‍ ഓസ്‌ട്രേലിയക്കെതിരായ ബംഗ്ലാദേശിന്റെ ആദ്യ വിജയമാണിത്.

ഒന്നാം ഇന്നിങ്‌സില്‍ 43 റണ്‍സ് ലീഡ് നേടിയ ബംഗ്ലാദേശ് രണ്ടാം ഇന്നിങ്‌സില്‍ 221 റണ്‍സിന് പുറത്തായിരുന്നു. മറുപടി ബാറ്റിങ് ആരംഭിച്ച ആസ്‌ട്രേലിയ രണ്ടു ദിവസം ബാക്കിനില്‍ക്കെ രണ്ടു വിക്കറ്റ് നഷ്ടത്തില്‍ 109 റണ്‍സ് എന്ന നിലയിലാണ് ഇന്നലെകളിയവസാനിപ്പിച്ചത്.ഡേവിഡ് വാര്‍ണര്‍ , സ്റ്റീവന്‍ സ്മിത്ത് എന്നിവര്‍ ക്രീസില്‍ നില്‍ക്കേ ഓസീസ് സംഘം വിജയം ഉറപ്പിച്ച മട്ടിലായിരുന്നു.മാറ്റ് റെന്‍ഷോയും (5), ഉസ്മാന്‍ ഖാജ(1)യുമാണ് ഇന്നലെ പുറത്തായത്.

എട്ട് വിക്കറ്റ് ബാക്കിനില്‍ക്കെ ജയിക്കാന്‍ 156 റണ്‍സ് കൂടി മതിയെന്ന നിലയില്‍ ബാറ്റിങ് തുടങ്ങിയ ഓസ്‌ട്രേലിയയെ അഞ്ച് വിക്കറ്റ് നേടിയ ഷാക്കിബ് ഹസന്‍ എറിഞ്ഞു വീഴ്ത്തുകയായിരുന്നു. ഡേവിഡ് വാര്‍ണര്‍ (112) , സ്റ്റീവന്‍ സ്മിത്ത് (37) എന്നീ ഓസീസ് മുന്നേറ്റക്കാരെ എറിഞ്ഞിട്ടാണ് ഷാക്കിബ് കൊടുങ്കാറ്റായത്. ടീം സ്‌കോര്‍ 158 റണ്‍സിലെത്തി നില്‍ക്കെയാണ് വാര്‍ണര്‍ പുറത്താകുന്നത്. തൊട്ടുപിറകേ സ്മിത്തും ക്രീസ് വിട്ടു. ഹാന്‍ഡ്‌സ്‌കോം (15), ഗ്ലെന്‍ മാക്‌സ്വെല്‍ (14), മാത്യൂ വെയ്ഡ്(4), ആഷ്ടന്‍ അഗര്‍(2), നഥാന്‍ ലിയോണ്‍, ജോഷ് ഹസല്‍വുഡ് എന്നിവര്‍ വന്ന പോലെ മടങ്ങി.

പാറ്റ് കമ്മിന്‍സ് 33 റണ്‍സെടുത്ത് പുറത്താകാതെ നിന്നു. തൈജുല്‍ ഇസ്ലാം മൂന്നും മെഹ്ദി ഹസന്‍ രണ്ടും വിക്കറ്റെടുത്തു. 28 ഓവറില്‍ 85 റണ്‍സ് വിട്ടുകൊടുത്താണ് ശാക്കിബ് അഞ്ച് വിക്കറ്റ് കൊയ്തത്.ലോകത്തെ മികച്ച ആള്‍ റൗണ്ടര്‍മാരില്‍ ഒരാളെന്ന് തെളിയിക്കുന്നതായിരുന്നു മത്സരത്തിലെ ശാക്കിബിന്റെ പ്രകടനം. മൊത്തം പത്ത് വിക്കറ്റ് നേടിയ ഷാക്കിബ് ഒന്നാം ഇന്നിങ്‌സില്‍ 84 റണ്‍സ് നേടിയിരുന്നു.

ചൊവ്വാഴ്ച രണ്ടാം ഇന്നിങ്‌സില്‍ ഒന്നിന് 45 റണ്‍സ് എന്ന നിലയില്‍ ബാറ്റിങ് തുടങ്ങിയ ബംഗ്ലാദേശ് തകര്‍ച്ച എളുപ്പത്തിലായിരുന്നു. ഓപണര്‍ തമിം ഇഖ്ബാല്‍ (78), മുഷ്ഫിഖുര്‍റഹിം (41) എന്നിവര്‍ ചെറുത്തു നിന്നെങ്കിലും ഒന്നാം ഇന്നിങ്‌സിലെ ലീഡ് മേധാവിത്വം നിലനിര്‍ത്താനായില്ല.

ലങ്കാ ദഹനം പൂര്‍ണ്ണമായി, ഇന്ത്യക്ക് തകര്‍പ്പന്‍ ജയം
Posted by
27 August

ലങ്കാ ദഹനം പൂര്‍ണ്ണമായി, ഇന്ത്യക്ക് തകര്‍പ്പന്‍ ജയം

കാന്‍ഡി :ലങ്കാ ദഹനം പൂർത്തിയാക്കി ഇന്ത്യക്ക് ശ്രീലങ്കക്കെതിരെ തകർപ്പൻ ജയം .മൂന്നാം ഏകദിനത്തില്‍ ശ്രീലങ്കയെ ആറ് വിക്കറ്റിന് പരാജയപ്പെടുത്തിയതോടെ ഇന്ത്യ ശ്രീലങ്കയ്ക്കെതിരായ ഏകദിന പരമ്പര 3-0 ന് സ്വന്തമാക്കി. നാല്പതിനാലാമത്തെ ഓവറിൽ വിജയിക്കാന്‍ എട്ട് റണ്‍സ് മാത്രം വേണ്ടിയിരുന്നപ്പോള്‍ കാണികള്‍ ഗ്രൌണ്ടിലേക്ക് കുപ്പിയും മറ്റും വലിച്ചെറിഞ്ഞതിനെ തുടര്‍ന്ന് കളി അരമണിക്കൂര്‍ തടസപ്പെട്ടിരുന്നു

തുടര്‍ന്ന് ഇരു ടീമംഗങ്ങളും പവിലയനിലേക്ക് മടങ്ങി. പിന്നീട് കാണികളുടെ പ്രതിഷേധം കുറഞ്ഞപ്പോള്‍ ടീം തിരിച്ചെത്തി മത്സരം പൂര്‍ത്തിയാക്കുകയായിരുന്നു. ടെസ്റ്റിന് പിന്നാലെ ഏകദിന പരമ്പരയിലേയും ശ്രീലങ്കയുടെ പരാജയമാണ് ആരാധകരെ പ്രകോപിതനാക്കിയത് .

ആദ്യം ബാറ്റ് ചെയ്ത ശ്രീലങ്ക ഉയര്‍ത്തിയ 218 റണ്‍സ് ഇന്ത്യ നാല്പത്തി അഞ്ചാമത്തെ ഓവറിൽ നാല് വിക്കറ്റ് മാത്രം നഷ്ടപ്പെടുത്തി മറികടന്നു. സ്കോര്‍: ശ്രീലങ്ക-218-9, ഇന്ത്യ-219-4. ഓപ്പണര്‍ രോഹിത്ത് ശര്‍മയുടെ സെഞ്ചുറിയും (145 പന്തില്‍ 124}), മഹേന്ദ്ര സിങ് ധോണിയുടെഅര്‍ധ സെഞ്ചുറിയും ( 85 പന്തില്‍ 66) ആണ് ഇന്ത്യന്‍ വിജയം അനായാസമാക്കിയത്. ശിഖര്‍ ധവാന്‍(5), കോലി(3), കെ എല്‍ രാഹുല്‍(17) എന്നിവരാണ് പുറത്തായ മറ്റ് ഇന്ത്യന്‍ ബാറ്റ്സ്മാന്‍മാര്‍.

ടോസ് നേടി ആദ്യം ബാറ്റ് ചെയ്ത ലങ്ക ഒമ്പത് വിക്കറ്റ് നഷ്ടത്തില്‍ 218 റണ്ണാണെടുത്തത്.

ടോസ് കിട്ടി ബാറ്റിങ് തെരഞ്ഞെടുത്ത ക്യാപ്റ്റന്‍ ചാമര കപുഗദേരയുടെ തീരുമാനം തെറ്റിയെന്നാണ് പിന്നീട് കളിയുടെ ഗതി കണ്ടപ്പോൾ മനസ്സിലായത് .പേസര്‍മാര്‍ക്ക് അനുകൂലമായ പിച്ചില്‍ ബുമ്രയും ഭുവനേശ്വര്‍ കുമാറും ചേര്‍ന്ന് ലങ്കന്‍ ബാറ്റ്സ്മാന്‍മാരെ കുഴക്കി. സ്കോര്‍ 28ല്‍ നില്‍ക്കെ നിരോഷ് ഡിക്വെല്ല (15 പന്തില്‍ 13), കുസാല്‍ മെന്‍ഡിസ് (10 പന്തില്‍ 1) എന്നിവരുടെ വിക്കറ്റുകള്‍ ലങ്കയ്ക്ക് നഷ്ടമായി. മൂന്നാം വിക്കറ്റില്‍ ചന്‍ഡിമലും തിരിമണ്ണെയും ചേര്‍ന്ന് നേടിയ 72 റണ്‍ കൂട്ടുകെട്ടാണ് ലങ്കയെ തകര്‍ച്ചയില്‍നിന്ന് അല്പമെങ്കിലും കരകയറ്റിയത്.

ഏകദിന ക്രിക്കറ്റിലേക്ക് തിരിച്ചെത്തിയ ലാഹിരു തിരിമണ്ണെയുടെ (105 പന്തില്‍ 80) പ്രകടനമാണ് ലങ്കയെ 200 കടത്തിയത്. പരിക്കേറ്റ ധനുഷ്ക ഗുണതിലകെയ്ക്ക് പകരമായാണ് തിരിമണ്ണെ ലങ്കന്‍ ടീമില്‍ ഇടംനേടിയത്. വിലക്കിലുള്ള ക്യാപ്റ്റന്‍ ഉപുല്‍ തരംഗയ്ക്ക് പകരമെത്തിയ ദിനേശ് ചന്‍ഡിമല്‍ 71 പന്തില്‍ 36 റണ്ണെടുത്തു. മറ്റാര്‍ക്കും ലങ്കന്‍ നിരയില്‍ ഭേദപ്പെട്ട പ്രകടനം പുറത്തെടുക്കാനായില്ല

തിരിമണ്ണെ ഇന്ത്യന്‍ ബൌളര്‍മാരെ മികച്ച രീതിയില്‍ നേരിട്ടപ്പോള്‍ ചന്‍ഡിമല്‍ വിഷമിച്ചു. ഒടുവില്‍ ഹാര്‍ദിക് പാണ്ഡ്യയുടെ ഷോര്‍ട്ട്പിച്ച് പന്തില്‍ ബുമ്രയ്ക്ക് പിടികൊടുത്ത് ചന്‍ഡിമല്‍ മടങ്ങുകയും ചെയ്തു. തിരിമണ്ണെ ഒരറ്റത്ത് പൊരുതിയെങ്കിലും പിന്തുണ കിട്ടിയില്ല.

പേസര്‍ ജസ്പ്രീത് ബുമ്രയ്ക്ക് മുന്നില്‍ ലങ്കന്‍ നിര തകര്‍ന്നു. പത്തോവറില്‍ രണ്ട് മെയഡ്ന്‍ ഉള്‍പ്പെടെ 27 റണ്‍ മാത്രം വഴങ്ങിയാണ് ബുമ്ര അഞ്ച് വിക്കറ്റെടുത്തത്. ഈ ഇരുപത്തിമൂന്നുകാരന്റെ ആദ്യ അഞ്ച് വിക്കറ്റ് പ്രകടനമാണിത്.

ബുംറയ്ക്ക് അഞ്ച് വിക്കറ്റ്; ഇന്ത്യക്ക് ജയിക്കാന്‍ 218 റണ്‍സ്
Posted by
27 August

ബുംറയ്ക്ക് അഞ്ച് വിക്കറ്റ്; ഇന്ത്യക്ക് ജയിക്കാന്‍ 218 റണ്‍സ്

പല്ലെക്കലെ: ജസ്പ്രീത് ബുംറയുടെ അഞ്ച് വിക്കറ്റ് പ്രകടനത്തിന്റെ മികവില്‍ മൂന്നാം ഏകദിനത്തിലും ലങ്കയെ ഇന്ത്യ പിടിച്ചുകെട്ടി. ടോസ് നേടി ആദ്യം ബാറ്റ് ചെയ്ത ലങ്കയെ ബുംറയുടെ മികവില്‍ ഇന്ത്യ 217 റണ്‍സിനാണ് പിടിച്ചുകെട്ടിയത്. നിശ്ചിത 50 ഓവറില്‍ ഒമ്പത് വിക്കറ്റ് നഷ്ടപ്പെടുത്തി ലങ്ക 218 റണ്‍സ് വിജയലക്ഷ്യം കുറിച്ചു. ലാഹിരു തിരിമണ്ണയുടെ അര്‍ധ സെഞ്ചുറിയും (80) ഓപ്പണര്‍ ചാണ്ഡിമാലിന്റെ (36) മികച്ച ബാറ്റിംഗുമാണ് ലങ്കയെ ഭേദപ്പെട്ട സ്‌കോറിലെത്തിച്ചത്.

തുടക്കത്തില്‍ തന്നെ ബുംറ ലങ്കയ്ക്ക് ഇരട്ട പ്രഹരം ഏല്‍പ്പിച്ചിരുന്നു. ഓപ്പണര്‍ നിരോഷന്‍ ഡിക്‌വെലയും (13) മൂന്നാം നമ്പറിലെത്തിയ കുശാല്‍ മെ ന്‍ഡിസിനെയും (1) നിലയുറപ്പിക്കുമുമ്പ് ബുംറ മറിച്ചു. രണ്ടിന് 28 എന്ന നിലയില്‍ തകര്‍ന്ന ലങ്കയെ തിരിമണ്ണ ചാണ്ഡിമാല്‍ കൂട്ടുകെട്ടാണ് രക്ഷപെടുത്തിയത്. സ്‌കോര്‍ കാര്‍ഡില്‍ മൂന്നക്കം തികച്ച ശേഷമാണ് ഈ ജോഡി പിരിഞ്ഞത്. ചാണ്ഡിമാലിനെ ഹാര്‍ദിക് പാണ്ഡ്യ പുറത്താക്കി.

ക്യാന്‍ഡി ഏകദിനം: ലങ്കയ്ക്ക് ടോസ്, ബാറ്റിംഗ് തെരഞ്ഞെടുത്തു, ആദ്യ വിക്കറ്റും വീണു
Posted by
27 August

ക്യാന്‍ഡി ഏകദിനം: ലങ്കയ്ക്ക് ടോസ്, ബാറ്റിംഗ് തെരഞ്ഞെടുത്തു, ആദ്യ വിക്കറ്റും വീണു

ക്യാന്‍ഡി: ഇന്ത്യയ്‌ക്കെതിരായ മൂന്നാം ഏകദിനത്തില്‍ ശ്രീലങ്കയ്ക്ക് ബാറ്റിംഗ്. ടോസ് നേടിയ ലങ്കന്‍ ക്യാപ്റ്റന്‍ കപുഗേദര ബാറ്റിംഗ് തെരഞ്ഞെടുക്കുകയായിരുന്നു.

കഴിഞ്ഞ കളിയിലെ അതേ നിരയുമായിട്ടാണ് ഇന്ത്യ ഇറങ്ങുന്നതെങ്കില്‍ ശ്രീലങ്കന്‍ നിരയില്‍ നായകന്‍ ഉപുല്‍ തരംഗയ്ക്ക് പകരം തിരിമന്നയും ഗുണതിലകയ്ക്ക് ഛണ്ഡിമലും കളിക്കും.

കളി ആരംഭിച്ച് 4 ഓവറുകള്‍ പിന്നിടുമ്പോള്‍ ഒരു വിക്കറ്റ് നഷ്ടത്തില്‍ 18 റണ്‍സാണ് നേടിയിരിക്കുന്നത്. ഓപ്പണര്‍ നിരോഷണ്‍ ഡിക്‌വെല്ലയാണ് ജസ്പ്രീത് ബുമ്രയുടെ പന്തില്‍ പുറത്തായത്.

ഫീനിക്‌സ് പക്ഷിയെപ്പോലെ ഉയര്‍ത്തെഴുന്നേറ്റ് വിജയം നേടിയ ഇന്ത്യയുടെ വി
Posted by
26 August

ഫീനിക്‌സ് പക്ഷിയെപ്പോലെ ഉയര്‍ത്തെഴുന്നേറ്റ് വിജയം നേടിയ ഇന്ത്യയുടെ വിജയശില്പി ഭുവനേശ്വര്‍ കുമാര്‍ ആ സ്വപ്ന തുല്ല്യമായ ഇന്നിംഗ്‌സിനെ പറ്റി പറയുന്നു

പല്ലേകലെ: ഫീനിക്‌സ് പക്ഷിയെ പോലെ ആണ് ഇന്ത്യ കഴിഞ്ഞ ദിവസം ഉയര്‍ത്തെഴുന്നേറ്റത് .എല്ലാവരും തോറ്റു എന്ന് ഉറപ്പിച്ച സമയം .ഇന്ത്യയുടെ പഴയ നായകന്‍ ധോണിയുടെയും ഭുവനേശ്വര്‍ കുമാറിന്റെയും തളരാത്ത ചിറകിലേറിയാണ് ഇന്ത്യ വിജയം കൈപ്പിടിയില്‍ റാഞ്ചിയെടുത്തത് .

ധോണിയോടൊപ്പം കൂട്ടുകൂടി ഇന്ത്യയെ വിജയിപ്പിച്ച് താരമായതിന്റെ ആവേശത്തിലാണ് ഭുവനേശ്വര്‍ കുമാര്‍. പേസ് ബൗളര്‍ എന്ന മേല്‍വിലാസത്തില്‍നിന്ന് ഒരിക്കല്‍കൂടി പുറത്തിറങ്ങി ബാറ്റിങ്ങില്‍ തിളങ്ങിയ അപൂര്‍വ്വ നിമിഷം. നിര്‍ണായകഘട്ടത്തില്‍ മനോഹരമായി ബാറ്റ് ചെയ്യാന്‍ കഴിയുമെന്ന് ടെസ്റ്റ് മത്സരങ്ങളില്‍ മുന്‍പ് തെളിയിച്ച ഭുവി ഇക്കാര്യം ഏകദിനത്തിലും ഇത്തവണ ലോകത്തിനു കാണിച്ചുതന്നു.

ഏഴിന് 131 റണ്‍സില്‍ നില്‍ക്കെ സമ്മര്‍ദങ്ങള്‍ക്കു നടുവിലാണ് ഭുവി ക്രീസിലെത്തിയത്. വിക്കറ്റ് വീഴ്ചകള്‍ക്കിടെ ബാറ്റെടുത്തപ്പോള്‍ എം.എസ്. ധോണിയുടെ ഉപദേശമാണ് സഹായകമായതെന്ന് ഭുവി വെളിപ്പെടുത്തുന്നു. ധോണിയുമായി 100 റണ്‍സിന്റെ അപരാചിത കൂട്ടുകെട്ട് പടുത്തുയര്‍ത്തിയപ്പോള്‍, 53 റണ്‍സും ഈ പേസ് ബൗളറുടെ സംഭാവനയായിരുന്നു.

”എട്ടാമനായി ക്രീസിലെത്തിയപ്പോള്‍ അടുത്തെത്തിയ മഹിയുടെ ഉപദേശം ടെസ്റ്റാണ് കളിക്കുന്നതെന്ന് വിചാരിക്കാനായിരുന്നു. അതേ ആയാസത്തില്‍ പന്തിനെ നേരിടാന്‍ പറഞ്ഞു. ആവശ്യമുള്ള സമയമെടുത്ത് റണ്‍സ് കണ്ടെത്തിയാലും പന്തുകള്‍ ബാക്കിയുണ്ടാവുമെന്നിരിക്കെ ഒരു സമ്മര്‍ദവും ആവശ്യമില്ലെന്ന് അദ്ദേഹം മനസ്സിലാക്കി തന്നിരുന്നു. ധോണിക്ക് പിന്തുണ കൊടുക്കുക എന്നുമാത്രമായിരുന്നു മനസ്സിലുണ്ടായിരുന്നത്. ആറു വിക്കറ്റ് വീഴ്ത്തിയ അഖില ധനഞ്ജയയുടെ പന്ത് കരുതലോടെയാണ് നേരിട്ടത്. ഓഫ് സ്പിന്നര്‍ ബൗളറാണെങ്കിലും ലെഗ് സ്പിന്നും ഗൂഗ്ലിയും അഖില ഇടവിട്ട് പ്രയോഗിച്ചു. ഗൂഗ്ലി ബൗളുകളാണ് ഞാന്‍ തെരഞ്ഞെടുത്ത് ആക്രമിച്ചത്”ഭുവി പറഞ്ഞു. ഒരു സിക്‌സും നാലു ഫോറും സഹിതമായിരുന്നു ഭുവനേശ്വര്‍ പുറത്താകാതെ 53 റണ്‍സെടുത്തത്.

ടോസ് നഷ്ടപ്പെട്ട് ബാറ്റിങ്ങിനിറങ്ങിയ ശ്രീലങ്ക എട്ടു വിക്കറ്റ് നഷ്ടത്തില്‍ 236 റണ്‍സെടുത്തിരുന്നു. ഇന്ത്യ വിജയം ഉറപ്പിച്ചപ്പോള്‍ പന്തെടുത്ത ധനഞ്ജയനാണ് കളി തിരിച്ചുവിട്ടത്. ലോകേഷ് യാദവ് (4), കേദാര്‍ ജാദവ് (1), ക്യാപ്റ്റന്‍ വിരാട് കോഹ്ലി (4), ഹാര്‍ദിക് പാണ്ഡ്യ (0), അക്ഷര്‍ പട്ടേല്‍ (6) എന്നിവരെ പുറത്താക്കി. എട്ടാം വിക്കറ്റില്‍ ഒരുമിച്ച ധോണിഭുവി സഖ്യം കരുതലോടെ കളിച്ചതോടെ കയ്യില്‍ അമര്‍ന്ന വിജയം ലങ്കക്ക് കൈവിടുകയായിരുന്നു.

ലങ്കന്‍ വിജയം റാഞ്ചിയെടുത്ത കഴുകന്മാര്‍ ആയി ചരിത്രം ധോനിയെയും ഭുവനേശ്വറിനെയും വിധി എഴുത്തും .എം.എസ്. ധോണി യുടെ കാലം കഴിഞ്ഞെന്നു പറഞ്ഞവര്‍ക്കും ബാറ്റു കൊണ്ട്ണ്ടും പരിചയ സമ്പത്തു കൊണ്ടും ധോണി മറുപടി കൊടുത്ത ദിവസം ആയിരുന്നു കഴിഞ്ഞത്

 

error: This Content is already Published.!!