ഏറ്റവും കൂടുതല്‍ റണ്‍സ് നേടിയ ഇന്ത്യക്കാരില്‍ കോഹ്‌ലി അഞ്ചാമന്‍
Posted by
13 February

ഏറ്റവും കൂടുതല്‍ റണ്‍സ് നേടിയ ഇന്ത്യക്കാരില്‍ കോഹ്‌ലി അഞ്ചാമന്‍

ന്യൂഡല്‍ഹി: ഏകദിനത്തില്‍ ഏറ്റവും കൂടുതല്‍ റണ്‍സുള്ള ഇന്ത്യക്കാരില്‍ ഇന്ത്യന്‍ നായകന്‍ വിരാട് കോഹ്‌ലി അഞ്ചാം സ്ഥാനത്ത്. ദക്ഷിണാഫ്രിക്കയ്ക്കെതിരേയുള്ള നാലാം ഏകദിനത്തില്‍ 75 റണ്‍സ് നേടിക്കൊണ്ടാണ് കോഹ്‌ലി മുന്‍ ഇന്ത്യന്‍ നായകന്‍ മുഹമ്മദ് അസ്ഹറുദിനെ (9378) മറികടന്നത്.

വാണ്ടേഴ്സിലെ പ്രകടനം കഴിഞ്ഞപ്പോള്‍ ഇന്ത്യന്‍ നായകന്റെ സ്‌കോര്‍ 206 ഏകദിനത്തില്‍നിന്ന് 57.45 ശരാശരിയില്‍ 9423ലെത്തി. കോഹ്‌ലി വെസ്റ്റ് ഇന്‍ഡീസ് ബാറ്റ്സ്മാന്‍ ക്രിസ് ഗെയ്ലിനെ മറികടന്നു.

ഗെയ്ല്‍ 275 മത്സരങ്ങളില്‍നിന്ന് 9420 റണ്‍സ് എടുത്തിട്ടുണ്ട്. നിലവില്‍ ബാറ്റ്സ്മാന്മാരുടെ പട്ടികയില്‍ കോഹ്‌ലി 16-ാം സ്ഥാനത്താണ്.

ഏകദിനത്തില്‍ ഇതിഹാസതാരം സച്ചിന്‍ തെണ്ടുല്‍ക്കര്‍ (463 മത്സരങ്ങളില്‍ 18426) ഒന്നാമതും ശ്രീലങ്കയുടെ കുമാര്‍ സംഗക്കാര (14243), രണ്ടാമതുംഓസ്ട്രേലിയയുടെ റിക്കി പോണ്ടിംഗ് (13704) ആണ് മൂന്നാമത്.

ഇന്ത്യക്കാരില്‍ തെണ്ടുല്‍ക്കറിനു പിന്നില്‍ സൗരവ് ഗാംഗുലി (11363), രാഹുല്‍ ദ്രാവിഡ് (10889), എം.എസ്. ധോണി (9954) എന്നിവരാണ്. കോഹ്‌ലിക്ക് ഏകദിനത്തില്‍ 34 സെഞ്ചുറിയായി.

അലന്‍ ബോര്‍ഡര്‍ പുരസ്‌കാരം രണ്ടാമതും സ്വന്തമാക്കി ഓസീസ് ബാറ്റ്‌സ്മാന്‍ സ്റ്റീവ് സ്മിത്ത്
Posted by
13 February

അലന്‍ ബോര്‍ഡര്‍ പുരസ്‌കാരം രണ്ടാമതും സ്വന്തമാക്കി ഓസീസ് ബാറ്റ്‌സ്മാന്‍ സ്റ്റീവ് സ്മിത്ത്

സിഡ്നി: ഓസ്ട്രേലിയന്‍ ക്രിക്കറ്റ് നായകന്‍ സ്റ്റീവ് സ്മിത്തിന് അലന്‍ ബോര്‍ഡര്‍ പുരസ്‌കാരം. കഴിഞ്ഞ 12 മാസം ബാറ്റിംഗിലുള്ള സ്മിത്തിന്റെ മികവാണ് ബോര്‍ഡര്‍ പുരസ്‌കാരത്തിനര്‍ഹനാക്കിയത്.

രണ്ടാം തവണയാണ് സ്മിത്ത് ഈ നേട്ടം കൈവരിക്കുന്നത്. ക്രിക്കറ്റ് ഇതിഹാസം ഡൊണാള്‍ഡ് ബ്രാഡ്മാനുശേഷം ഓസ്ട്രേലിയയുടെ ഏറ്റവും മികച്ച ബാറ്റ്സ്മാനെന്നാണ് സ്മിത്തിനെ വിശേഷിപ്പിക്കുന്നത്.

2015ലാണ് സ്മിത്ത് ആദ്യമായി ബോര്‍ഡര്‍ മെഡല്‍ നേടുന്നത്. കഴിഞ്ഞ വര്‍ഷത്തെ ഓസ്ട്രേലിയയുടെ ടെസ്റ്റ് പ്ലെയര്‍ ഓഫ് ദ ഇയര്‍ ആയി സ്മിത്തിനെ തെരഞ്ഞെടുത്തിരുന്നു.

ആകെ 24 അന്താരാഷ് ട്ര മത്സരങ്ങളില്‍നിന്ന്് സ്മിത്ത് 67.46 ശരാശരിയില്‍ ഏഴ് സെഞ്ചുറികളുടെ അകമ്പടിയില്‍ 1754 റണ്‍സ് നേടി. ആഷസ് പരമ്പരയില്‍ ഇംഗ്ലണ്ടിനെതിരേ 4-0ന്റെ ജയത്തിലേക്ക് ഓസ്ട്രേലിയയെ നയിച്ചു.

ആഷസ്് പരമ്പരയിലെ മാന്‍ ഓഫ് ദ സീരീസ് സ്മിത്തായിരുന്നു. ഐസിസി ടെസ്റ്റ് ബാറ്റ്സ്മാന്മാരുടെ റാങ്കിംഗില്‍ ഓസീസ് നായകന്‍ ഒന്നാം സ്ഥാനത്തു തുടരുകയാണ്.

ബെലിന്‍ഡ ക്ലാര്‍ക്ക് അവാര്‍ഡ് ഓള്‍റൗണ്ടര്‍ എലിസ് പെറി നേടി. കഴിഞ്ഞ 12 മാസം വനിത ക്രിക്കറ്റിലുള്ള പ്രകടനമാണ് പെറിയെ പുരസ്‌കാരത്തിലെത്തിച്ചത്.

ഇന്ത്യയുടെ ഫാബുലസ് ഫോറിനൊപ്പമാണ് കോഹ്‌ലിയുടെ സ്ഥാനമെന്ന് ഗാംഗുലി
Posted by
10 February

ഇന്ത്യയുടെ ഫാബുലസ് ഫോറിനൊപ്പമാണ് കോഹ്‌ലിയുടെ സ്ഥാനമെന്ന് ഗാംഗുലി

ന്യൂഡല്‍ഹി: ഇന്ത്യന്‍ ക്രിക്കറ്റ് നായകന്‍ വിരാട് കോഹ്‌ലിയെ ഇന്ത്യയുടെ ഫാബുലസ് ഫോറിനൊപ്പം ചേര്‍ക്കാനാകുമെന്ന് മുന്‍ നായകന്‍ സൗരവ് ഗാംഗുലി.

ഒരുകാലത്ത് ഇന്ത്യയുടെ ബാറ്റിംഗില്‍ പ്രധാനികളായിരുന്നു സച്ചിന്‍ തെണ്ടുല്‍ക്കര്‍, രാഹുല്‍ ദ്രാവിഡ്, വി.വി.എസ്. ലക്ഷ്മണ്‍, വിരേന്ദര്‍ സെവാഗ് എന്നിവര്‍. ഇവരുടെ പാരമ്പര്യം കോഹ്‌ലിയിലുമുണ്ടെന്ന് ഗാംഗുലി പറഞ്ഞു.

കോഹ്‌ലിയുടെ മികവിലാണ് ആദ്യ രണ്ടു ടെസ്റ്റിലും തോറ്റ ഇന്ത്യ മൂന്നാം ടെസ്റ്റില്‍ ഇന്ത്യ ജയിച്ചത്. ഏകദിനത്തില്‍ 112, 46 നോട്ടൗട്ട്, 160 നോട്ടൗട്ട് സ്‌കോര്‍ ചെയ്ത നായകന്‍ ഇന്ത്യയെ ആറു മത്സരങ്ങളുടെ ഏകദിന പരമ്പരയില്‍ 3-0ന് മുന്നിലെത്തിച്ചു.

ടെസ്റ്റ് പരമ്പര നഷ്ടമായശേഷം ഇന്ത്യ ഏകദിനത്തില്‍ 3-0ന് മുന്നിലെത്തിരിക്കുകയാണ്. കോഹ്‌ലിയും സംഘവും പ്രത്യേക സ്വഭാവമാണ് ഏകദിനത്തില്‍ പുറത്തെടുത്തിരിക്കുന്നതെന്നും ഗാംഗുലി പറഞ്ഞു.

തനിക്ക് തെണ്ടുല്‍ക്കര്‍, ദ്രാവിഡ്, ലക്ഷ്മണ്‍, സെവാഗ് എന്നിവര്‍ക്കൊപ്പവും റിക്കി പോണ്ടിംഗ്, ബ്രയാന്‍ ലാറ എന്നിവര്‍ക്കെതിരേയും കളിക്കാന്‍ ഭാഗ്യം ലഭിച്ചു.

ഇപ്പോള്‍ ഇവര്‍ക്കൊപ്പം ചേര്‍ക്കാവുന്ന പേരാണ് കോഹ്‌ലിയുടേതെന്നും മുന്‍നായകന്‍ പറഞ്ഞു.

ദക്ഷിണാഫ്രിക്കയ്ക്ക് ആശ്വാസമായി ഡിവില്ലിയേഴ്‌സ് തിരിച്ചെത്തുന്നു
Posted by
09 February

ദക്ഷിണാഫ്രിക്കയ്ക്ക് ആശ്വാസമായി ഡിവില്ലിയേഴ്‌സ് തിരിച്ചെത്തുന്നു

ജൊഹന്നാസ്ബര്‍ഗ്: ഏകദിന പരമ്പരയില്‍ തോല്‍വിയില്‍ നിന്ന് കരകയാറാനാകാത്ത ദക്ഷിണാഫ്രിക്കയ്ക്ക് ആശ്വാസം. പരിക്കേറ്റു പുറത്തുപോയ സ്റ്റാര്‍ ബാറ്റ്‌സ്മാന്‍ എബി ഡവില്ലിയേഴ്‌സ് തിരിച്ചെത്തുന്നു.

മൂന്നാം ടെസ്റ്റിനിടെ കൈവിരലിനേറ്റ പരിക്ക് മൂലം ആദ്യ മൂന്ന് മത്സരങ്ങള്‍ നഷ്ടമായ എബി നാലാം ഏകദിനത്തില്‍ കളിക്കും.

ഡു പ്ലസിയും ഡി കോക്കും പരിക്കേറ്റു പുറത്തായതോടെ പ്രതിസന്ധിയിലായ ദക്ഷിണാഫ്രിക്കയ്ക്കു എബിയുടെ മടങ്ങിവരവ് ആശ്വാസം നല്‍കും.

ഡു പ്ലസിക്കും ഡി കോക്കിനും പരമ്പരയിലെ ശേഷിക്കുന്ന മത്സരങ്ങള്‍ കൂടാതെ ട്വന്റി20 പരമ്പരയും നഷ്ടമാകും. കൈവിരലിനു പരിക്കേറ്റ ഡി വില്ലിയേഴ്‌സിന് രണ്ടാഴ്ചത്തെ വിശ്രമമാണ് ഡോക്ടര്‍മാര്‍ നിര്‍ദേശിച്ചിരുന്നത്.

കോഹ്‌ലി ലോകത്തിലെ ഏറ്റവും മികച്ച ബാറ്റ്‌സ്മാനെന്ന് മിയാന്‍ദാദ്
Posted by
08 February

കോഹ്‌ലി ലോകത്തിലെ ഏറ്റവും മികച്ച ബാറ്റ്‌സ്മാനെന്ന് മിയാന്‍ദാദ്

ന്യൂഡല്‍ഹി: ദക്ഷിണാഫ്രിക്കന്‍ മണ്ണില്‍ മികച്ച പ്രകടനം തുടരുന്ന ഇന്ത്യന്‍ നായകന്‍ വിരാട് കോഹ്‌ലിയെ അഭിനന്ദിച്ച് പാക്കിസ്ഥാന്‍ മുന്‍ നായകന്‍ ജാവേദ് മിയാന്‍ദാദ്.

കോഹ്‌ലി പ്രതിഭയാണെന്നും ഇപ്പോള്‍ ലോകത്തെ മികച്ച ബാറ്റ്‌സ്മാന്‍ അദ്ദേഹമാണെന്നും ഒരു പാക് വെബ്‌സൈറ്റിനു നല്‍കിയ അഭിമുഖത്തില്‍ മിയാന്‍ദാദ് പറഞ്ഞു.

പ്രതിസന്ധികളില്‍ ഇന്ത്യന്‍ ബാറ്റിംഗിനെ കൈപിടിച്ചു കരകയറ്റുന്ന കോഹ്‌ലിയുടെ മികവിനെ മിയാന്‍ദാദ് പുകഴ്ത്തി.

ഒരു വലിയ ബാറ്റ്‌സ്മാന്റെ ഏറ്റവും വലിയ ഗുണമാണിതെന്നും ബൗളര്‍മാരുടെ ശക്തിയും ദൗര്‍ബല്യവും മനസിലാക്കി ബാറ്റിംഗില്‍ മാറ്റം വരുത്താന്‍ കോഹ്‌ലിക്കു തുടര്‍ച്ചയായി കഴിയുന്നുണ്ടെന്നും അദ്ദേഹം പറഞ്ഞു.

അണ്ടര്‍ 19 ലോകകപ്പ് നേടിയ ഇന്ത്യന്‍ യുവനിരയെയും പരിശീലകനായ രാഹുല്‍ ദ്രാവിഡിനെയും മിയാന്‍ദാദ് പുകഴ്ത്തി.

ഏകദിന പരമ്പരയില്‍ രണ്ടാം സെഞ്ചുറി കുറിച്ച കോഹ്‌ലിയുടെ മികവില്‍ ദക്ഷിണാഫ്രിക്കയ്‌ക്കെതിരേ ഇന്ത്യ 3-0ന്റെ അപരാജിത ലീഡ് നേടിയിരുന്നു.

ഒന്നാം ഏകദിനത്തില്‍ 112 റണ്‍സ് നേടിയ കോഹ്‌ലി, കേപ്ടൗണില്‍ നടന്ന മൂന്നാം ഏകദിനത്തില്‍ 160 റണ്‍സ് നേടി പുറത്താകാതെ നിന്നു. രണ്ടാം ഏകദിനത്തില്‍ കോഹ്‌ലിയെ പുറത്താക്കാന്‍ ആതിഥേയ ബൗളര്‍മര്‍ക്കു കഴിഞ്ഞതുമില്ല.

ബ്ലൈന്‍ഡ് ക്രിക്കറ്റ് താരങ്ങളെ ബിസിസിഐ പെന്‍ഷന്‍ സ്‌കീമില്‍ ഉള്‍പ്പെടുത്തണം, ബിസിസിഐയോട് സച്ചിന്‍
Posted by
07 February

ബ്ലൈന്‍ഡ് ക്രിക്കറ്റ് താരങ്ങളെ ബിസിസിഐ പെന്‍ഷന്‍ സ്‌കീമില്‍ ഉള്‍പ്പെടുത്തണം, ബിസിസിഐയോട് സച്ചിന്‍

മുംബൈ: ഇന്ത്യയുടെ ബ്ലൈന്‍ഡ് ക്രിക്കറ്റ് അസോസിയേഷനെ അംഗീകരിക്കുകയും കാഴ്ചപരിമിതിയുള്ള താരങ്ങളെ ബിസിസിഐയുടെ പെന്‍ഷന്‍ സ്‌കീമിന് കീഴില്‍ കൊണ്ടുവരണമെന്നും ക്രിക്കറ്റ് ഇതിഹാസം സച്ചിന്‍ തെന്‍ഡുല്‍ക്കര്‍. ഇതുമായി ബന്ധപ്പെട്ട് സച്ചിന്‍ ബിസിസിഐ ഇടക്കാല ഭരണസമിതി അധ്യക്ഷന്‍ വിനോദ് റായിക്ക് കത്തയച്ചു.

ജനുവരി 20ന് പാകിസ്താനെ തോല്‍പിച്ച് ഇന്ത്യ കാഴ്ചപരിമിതരുടെ ക്രിക്കറ്റ് ലോകകപ്പ് നേടിയിരുന്നു. ഇതിന് പിന്നാലെയാണ് സച്ചിന്‍ കത്തയച്ചത്. ‘കാഴ്ചപരിമിതരുടെ ക്രിക്കറ്റില്‍ നമ്മള്‍ തുടര്‍ച്ചയായ നാലാം കിരീടമാണ് നേടുന്നത്. ഈ അവസരത്തില്‍ ഇന്ത്യയുടെ ബ്ലൈന്‍ഡ് ക്രിക്കറ്റ് അസോസിയേഷന് അംഗീകാരം നല്‍കാന്‍ ഞാന്‍ ബിസിസിഐയോട് ആവശ്യപ്പെടുന്നു’ സച്ചിന്‍ കത്തിലെഴുതി.

എല്ലാവര്‍ക്കും പ്രചോദനമാകുന്ന വിജയമാണ് കാഴ്ചപരിമിതരുടെ ഇന്ത്യന്‍ ടീം നേടിയതെന്നും കഴിഞ്ഞ കാലങ്ങളില്‍ ബിസിസിഐ അവരെ പരിഗണിച്ചതുപോലെ ഇത്തവണയും പരിഗണിക്കണമെന്നും സച്ചിന്‍ പറഞ്ഞു. ദ്വീര്‍ഘകാലാടിസ്ഥാനത്തിലുള്ള സാമ്പത്തിക സുരക്ഷ കണക്കിലെടുത്ത് ബിസിസിഐയുടെ പെന്‍ഷന്‍ സ്‌കീമിന് കീഴില്‍ കളിക്കാരെ കൊണ്ടുവരണമെന്നും സച്ചിന്‍ ചൂണ്ടിക്കാട്ടി.

കോപ്ടൗണ്‍ ഏകദിനം: ഇന്ത്യക്ക് ബാറ്റിംഗ്
Posted by
07 February

കോപ്ടൗണ്‍ ഏകദിനം: ഇന്ത്യക്ക് ബാറ്റിംഗ്

കേപ്ടൗണ്‍: ദക്ഷിണാഫ്രിക്കയ്‌ക്കെതിരായ മൂന്നാം ഏകദിനത്തില്‍ ടോസ് നഷ്ടപ്പെട്ട ഇന്ത്യ ആദ്യം ബാറ്റ് ചെയ്യും. അഞ്ച് മത്സരങ്ങളുടെ പരന്പരയിലെ ആദ്യ രണ്ടു മത്സരവും ജയിച്ച ഇന്ത്യയ്ക്ക് ഇന്ന് ജയിക്കാന്‍ കഴിഞ്ഞാല്‍ പരന്പര സ്വന്തമാക്കാം. ആദ്യ രണ്ടു മത്സരത്തിനുള്ള ടീമില്‍ നിന്നും മാറ്റങ്ങളൊന്നും വരുത്താതെയാണ് ഇന്ത്യ കളത്തിലിറങ്ങുന്നത്.

 

വീണ്ടും ക്രിക്കറ്റ്-സിനിമ പ്രണയം? ജസ്പ്രീത് ബുംറയോടുള്ള ഇഷ്ടം തുറന്ന് പറഞ്ഞ് തെന്നിന്ത്യന്‍ താരസുന്ദരി
Posted by
06 February

വീണ്ടും ക്രിക്കറ്റ്-സിനിമ പ്രണയം? ജസ്പ്രീത് ബുംറയോടുള്ള ഇഷ്ടം തുറന്ന് പറഞ്ഞ് തെന്നിന്ത്യന്‍ താരസുന്ദരി

മുംബൈ: ഇന്ത്യയിലെ ഏറ്റവും ജനപ്രീതിയുള്ള കായിക ഇനമേത് എന്ന് ചോദിച്ചാല്‍ ഉത്തരം ഒന്നേയുള്ള, ക്രിക്കറ്റ്. ഇഷ്ട വിനോദം എന്ന് ചോദിച്ചാല്‍, അത് സിനിമ. ഈ രണ്ട് മേഖലയില്‍ നിന്നുള്ളവര്‍ തമ്മില്‍ പ്രണയത്തിലയാല്‍ മാധ്യമങ്ങളും, ആരാധകരും അത് ആഘോഷമാക്കാറുണ്ട്. അത്തരത്തില്‍ ആഘോഷിക്കാന്‍ തക്ക ഒരു പ്രണയം ക്രിക്കറ്റ്-സിനിമ ലോകത്ത് നിന്ന് മൊട്ടിട്ടിരിക്കുകയാണെന്നാണ് പുതിയ വാര്‍ത്ത.

തെന്നിന്ത്യന്‍ സിനിമ താരം റാഷി ഖന്നയാണ് ഇന്ത്യന്‍ ക്രിക്കറ്റ് താരം ജസ്പ്രീത് ബുംറയോടുള്ള തന്റെ ഇഷ്ടം തുറന്ന് പറഞ്ഞത്. ഒരു ചാനലിന് നല്‍കിയ അഭിമുഖത്തിലാണ് റാഷി ബുംറയോടുള്ള ഇഷ്ടവും, ആരാധനയും തുറന്ന് പ്രകടിപ്പിച്ചത്. താന്‍ ഇന്ത്യയുടെ ഒരു മത്സരം പോലും കാണാതിരിക്കില്ലെന്നും, ബുംറയുണ്ടെങ്കില്‍ അതൊരിക്കിലും മിസ് ചെയ്യില്ലെന്നും താരം പറഞ്ഞു. റാഷിയുടെ ഈ ഇഷ്ടപ്രകടനത്തോട് ബുംറയുടെ പ്രതികരണം എന്തായിരിക്കും എന്നാണ് ഇപ്പോള്‍ ആരാധകര്‍ക്കിടയിലെ ചര്‍ച്ച വിഷയം.

ഇന്ത്യന്‍ പെണ്‍പടയ്ക്ക് മുന്നിലും തലകുനിച്ച് ദക്ഷിണാഫ്രിക്ക; 88 റണ്‍സിന്റെ തകര്‍പ്പന്‍ ജയവുമായി മിതാലി രാജും സംഘവും
Posted by
06 February

ഇന്ത്യന്‍ പെണ്‍പടയ്ക്ക് മുന്നിലും തലകുനിച്ച് ദക്ഷിണാഫ്രിക്ക; 88 റണ്‍സിന്റെ തകര്‍പ്പന്‍ ജയവുമായി മിതാലി രാജും സംഘവും

കേപ്ടൗണ്‍: ഇന്ത്യന്‍ പുരുഷ ടീമിനു പിന്നാലെ ഇന്ത്യന്‍ വനിതകളും ദക്ഷിണാഫ്രിക്കയെ വെള്ളം കുടിപ്പിക്കുന്നു. ഏകദിന പരമ്പരയിലെ ആദ്യ മത്സരത്തില്‍ ദക്ഷിണാഫ്രിക്കയക്കെതിരെ ഇന്ത്യന്‍ വനിതാ ടീമിന് 88 റണ്‍സിന്റെ ഉജ്ജ്വലവിജയം. ഏഴു വിക്കറ്റിന് 213 റണ്‍സെടുത്ത ഇന്ത്യ 43.2 ഓവറില്‍ ദക്ഷിണാഫ്രിക്കയെ 125 ന് പുറത്താക്കി വിജയം കണ്ടു.

ജയത്തോടെ പരമ്പരയില്‍ ഇന്ത്യ 1-0 ന് മുന്നില്‍.ഓപ്പണര്‍ സ്മൃതി മന്ദാന(84)യുടെ മികച്ച ബാറ്റിങ്ങാണ് ഇന്ത്യയ്ക്കു കരുത്തായത്. ക്യാപ്റ്റന്‍ മിതാലി രാജു(45)മൊത്ത് രണ്ടാം വിക്കറ്റിന് സ്മൃതി 99 റണ്‍സ് കൂട്ടുകെട്ടുണ്ടാക്കി ഇന്ത്യയെ മാന്യമായ സ്‌കോറിലേക്ക് എത്തിക്കുകയായിരുന്നു.

ബൗളര്‍മാര്‍ അവസരത്തിനൊത്തുയര്‍ന്നതും ഇന്ത്യയ്ക്കു കരുത്തായി. സ്മൃതി മന്ദാനയാണ് കളിയിലെ താരം.

‘ബിസിസിഐ അങ്ങനെ ചെയ്യരുതായിരുന്നു’; കൗമാര ലോകകപ്പ് നേടിയ ഇന്ത്യന്‍ സംഘത്തിന് പ്രഖ്യാപിച്ച സമ്മാനത്തുകയിലെ വിവേചനത്തിനെതിരെ ആഞ്ഞടിച്ച് രാഹുല്‍ ദ്രാവിഡ്
Posted by
06 February

'ബിസിസിഐ അങ്ങനെ ചെയ്യരുതായിരുന്നു'; കൗമാര ലോകകപ്പ് നേടിയ ഇന്ത്യന്‍ സംഘത്തിന് പ്രഖ്യാപിച്ച സമ്മാനത്തുകയിലെ വിവേചനത്തിനെതിരെ ആഞ്ഞടിച്ച് രാഹുല്‍ ദ്രാവിഡ്

മുംബൈ: അണ്ടര്‍ 19 ലോകകപ്പ് വീണ്ടും ഇന്ത്യയിലെത്തിച്ച് അഭിമാനമായി തീര്‍ന്ന ഇന്ത്യന്‍ സംഘത്തിന് ബിസിസിഐ പ്രഖ്യാപിച്ച സമ്മാനത്തുകയിലെ വിവേചനത്തിനെതിരെ ആഞ്ഞടിച്ച് രാഹുല്‍ ദ്രാവിഡ്. തനിക്കും സ്റ്റാഫിനും അനുവദിച്ച തുകകള്‍ തമ്മിലുള്ള അന്തരമാണ് ദ്രാവിഡിനെ ചൊടിപ്പിച്ചത്.

‘ടീം സ്റ്റാഫിലെ എല്ലാവരുടെയും ആത്മാര്‍ത്ഥ പരിശ്രമത്തിന്റെ ഫലമാണ് ഈ നേട്ടം. ആരെയും വേര്‍തിരിച്ച് നിര്‍ത്താനാവില്ല. ഒന്നിനൊന്ന് മികച്ചതായിരുന്നു ഓരോരുത്തരുടെയും സേവനങ്ങള്‍. ഒരു പക്ഷേ എന്നേക്കാളുമേറെ കളിക്കാരും ടീം സ്റ്റാഫുമാണ് വിജയത്തിനായി യത്നിച്ചത്. ഈ നേട്ടത്തിന്റെ മുഴുവന്‍ ക്രെഡിറ്റും ഞാന്‍ അവര്‍ക്കാണ് നല്‍കുന്നത്’ ദ്രാവിഡ് പറയുന്നു.

ദ്രാവിഡിന് 50 ലക്ഷവും സപ്പോര്‍ട്ട് സ്റ്റാഫിന് 20 ലക്ഷം വീതവും ടീമംഗങ്ങള്‍ക്ക് 30 ലക്ഷം വീതവുമാണ് ബിസിസിഐ പ്രഖ്യാപിച്ചത്. തന്റെ അനിഷ്ടം ബിസിസിഐയെ നേരിട്ടറിയിച്ച ദ്രാവിഡ് എല്ലാ സപ്പോര്‍ട്ട് സ്റ്റാഫിനുമുളള സമ്മാനത്തുക വര്‍ധിപ്പിക്കണമെന്ന് ആവശ്യപ്പെട്ടിട്ടുണ്ട്.

സുപ്രീംകോടതി നിയമിച്ച ബിസിസിഐ ഭരണസമിതിയാണ് ടീംമിന് സമ്മാനത്തുക പ്രഖ്യാപിച്ചത്. കൗമാര ലോകകപ്പ് കിരീടം സ്വന്തമാക്കി നാട്ടിലെത്തിയ ഇന്ത്യന്‍ സംഘത്തിന് ഒപ്പം പരിശീലകന്‍ രാഹുല്‍ ദ്രാവിഡിനും ഊഷ്മളമായ വരവേല്‍പ്പാണ് മുംബൈയിലെ വിമാനത്താവളത്തില്‍ ലഭിച്ചത്.

error: This Content is already Published.!!