എന്ത്യേ തുഴച്ചില്‍ എന്നു പറഞ്ഞു കളിയാക്കിയവരൊക്കെ എന്ത്യേ? രണ്ടാം ട്വന്റി-ട്വന്റി അര്‍ധശതകത്തോടെ ധോണിയുടെ ബാറ്റിങ് പരാജയമെന്ന് വിമര്‍ശിച്ചവരെ വലിച്ചു കീറി സോഷ്യല്‍മീഡിയ
Posted by
22 February

എന്ത്യേ തുഴച്ചില്‍ എന്നു പറഞ്ഞു കളിയാക്കിയവരൊക്കെ എന്ത്യേ? രണ്ടാം ട്വന്റി-ട്വന്റി അര്‍ധശതകത്തോടെ ധോണിയുടെ ബാറ്റിങ് പരാജയമെന്ന് വിമര്‍ശിച്ചവരെ വലിച്ചു കീറി സോഷ്യല്‍മീഡിയ

സെഞ്ചൂറിയന്‍: ഓപ്പണര്‍മാരും നായകന്‍ കോഹ്‌ലിയും തകര്‍ന്ന് വീണിടത്തു നിന്നും ഇന്ത്യയെ മികച്ച് സ്‌കോറിലേക്ക് നയിച്ച എംഎസ് ധോണിയുടെ ബാറ്റിങിനെ വാഴ്ത്തുകയാണ് സോഷ്യല്‍മീഡിയ. തോണി തുഴയുന്നതുപോലെ തുഴച്ചിലാണ് ധോണിയുടെ ബാറ്റിങ് എന്ന് വിമര്‍ശിച്ചവര്‍ എവിടെ പോയെന്ന് ക്രിക്കറ്റ് പ്രേമികള്‍ ചോദിക്കുന്നു.

മഹേന്ദ്ര സിംഗ് ധോണി തന്റെ കരിയരിലെ രണ്ടാമത്തെ ട്വന്റി-ട്വന്റി അര്‍ദ്ധ സെഞ്ച്വറിയാണ് ഇന്നലെ ദക്ഷിണാഫ്രിക്കയ്ക്കെതിരെ സ്വന്തമാക്കിയത്. 27 ബോളുകളില്‍ നിന്നാണ് ധോണി തന്റെ അര്‍ദ്ധ ശതകം കണ്ടെത്തിയത്. അതേസമയം, ധോണിയുടെ സമയോചിതമായ ബാറ്റിങ് മികവാണ് ഇന്ത്യയ്ക്ക് പൊരുതാവുന്ന സ്‌കോര്‍ സമ്മാനിച്ചത്.

നാല് ബൗണ്ടറികളും 3 സിക്സുമടങ്ങുന്നതുമായിരുന്നു ധോണിയുടെ ഇന്നിംഗ്സ്. ഏറെ നാളുകള്‍ക്ക് ശേഷം സ്വതസിദ്ധമായ ശൈലിയില്‍ കളിക്കുന്ന ധോണിയെ കള്തതില്‍ കണ്ടെന്ന് ക്രിക്കറ്റ് പ്രേമികള്‍ സാക്ഷ്യപ്പെടുത്തുന്നു. ധോണിയുടെ പ്രകടനത്തെ പ്രശംസിച്ച് ക്രിക്കറ്റ് ലോകത്ത് നിന്നും നിരവധിപ്പേരാണ് എത്തിയത്.

അതേസമയം, ധോണിയും മനീഷ് പാണ്ടെയും തകര്‍ത്തടിച്ചിട്ടും ഇന്ത്യന്‍ ബോളേഴ്‌സിന് ദക്ഷിണാഫ്രിക്കന്‍ ബാറ്റിങ് നിരയെ പിടിച്ചുകെട്ടാനായില്ല. ഇതോടെ, ആറ് വിക്കറ്റ് ജയത്തോടെ ആതിഥേയര്‍ കോഹ്‌ലിപ്പടയെ പരാജയപ്പെടുത്തുകയായിരുന്നു. ഇതോടെ 3 മത്സരങ്ങളുള്ള ട്വന്റി-ട്വന്റി പരമ്പര 1-1 സമനിലയായി.

തിരിച്ചടിച്ച് ദക്ഷിണാഫ്രിക്ക; രണ്ടാം ട്വന്റി-ട്വന്റി മത്സരത്തില്‍ ഇന്ത്യയ്ക്ക് കാലിടറി
Posted by
22 February

തിരിച്ചടിച്ച് ദക്ഷിണാഫ്രിക്ക; രണ്ടാം ട്വന്റി-ട്വന്റി മത്സരത്തില്‍ ഇന്ത്യയ്ക്ക് കാലിടറി

സെഞ്ചൂറിയന്‍: ദക്ഷിണാഫ്രിക്കയില്‍ ഇരട്ട പരമ്പര മോഹത്തിനായി ഇനി അവസാന മത്സരം വരെ ഇന്ത്യക്ക് കാത്തിരിക്കണം. ജോഹനാസ് ബെര്‍ഗില്‍ നടന്ന ട്വന്റി-ട്വന്റി പരമ്പരയിലെ ആദ്യ മത്സരത്തിലേറ്റ തോല്‍വിക്ക് ദക്ഷിണാഫ്രിക്ക സെഞ്ചൂറിയനില്‍ പകരം വീട്ടി. രണ്ടാം ട്വന്റി-ട്വന്റി മത്സരത്തില്‍ ആറു വിക്കറ്റിനായിരുന്നു ആതിഥേയരുടെ ജയം. ക്യാപ്റ്റന്‍ ഡുമിനിയും വിക്കറ്റ് കീപ്പര്‍ ക്ലാസനും ചേര്‍ന്ന് ഇന്ത്യ പടുത്തയര്‍ത്തി 189 എന്ന ലക്ഷ്യം നിഷ്പ്രയാസം മറികടക്കുകയായിരുന്നു. എട്ടു പന്ത് ബാക്കി നിര്‍ത്തിയാണ് സിക്സറിലൂടെ ഡുമിനി വിജയറണ്‍ നേടിയത്. ക്ലാസന്‍ 39 പന്തില്‍ 69 റണ്‍സ് നേടിയപ്പോള്‍ ക്യാപ്റ്റന്‍ ഡുമിനി 64 റണ്‍സോടെ പുറത്താകാതെ നിന്നു.

നേരത്തെ ടോസ് നേടി ഫീല്‍ഡിങ് തിരഞ്ഞെടുത്ത ദക്ഷിണാഫ്രിക്ക തുടക്കത്തില്‍ ഇന്ത്യന്‍ ബാറ്റിങ് നിരയെ വരിച്ചുമുറുക്കിയെങ്കിലും ധോണിയും പാണ്ഡെയും ചേര്‍ന്ന് സ്‌കോര്‍ 188 ലെത്തിക്കുയായിരുന്നു. അര്‍ധ സെഞ്ചുറി നേടിയ മനീഷ് പാണ്ഡെയുടെയും (79) ധോണിയുടെയും (52) മികവിലാണ് ഇന്ത്യന്‍ മികച്ച സ്‌കോര്‍ കണ്ടെത്തിയത്. ഓപ്പണര്‍ രോഹിത് ശര്‍മ്മയെ രണ്ടാം ഓവറില്‍ തന്നെ ഇന്ത്യക്ക് നഷ്ടമായി. നേരിട്ട ആദ്യ പന്തില്‍ തന്നെ രോഹിത് എല്‍ബിഡബ്ലുവില്‍ കുടുങ്ങുകയായിരുന്നു. ക്യാപ്റ്റന്‍ വിരാട് കോലിക്ക് ഒരു റണ്‍ മാത്രമേ എടുക്കാനായുള്ളൂ. ശിഖര്‍ ധവാന്‍ 24 ഉം സുരേഷ് റെയ്ന 31 റണ്‍സും നേടി.

സ്‌കോര്‍ ഇന്ത്യ 20 ഓവറില്‍ നാലിന് 188, ദക്ഷിണാഫ്രിക്ക 18.4 ഓവറില്‍ നാലിന് 189. ക്ലാസനാണ് മാന്‍ ഓഫ് ദ് മാച്ച്. ഇരുടീമുകളും ഓരോ ജയം നേടിയതോടെ നിര്‍ണായകമായ അവസാന ട്വന്റി-ട്വന്റി ശനിയാഴ്ച നടക്കും.

ത്രിരാഷ്ട്ര ട്വന്റി-ട്വന്റി കിരീടം ഓസ്‌ട്രേലിയക്ക്
Posted by
21 February

ത്രിരാഷ്ട്ര ട്വന്റി-ട്വന്റി കിരീടം ഓസ്‌ട്രേലിയക്ക്

ഓക്‌ലന്‍ഡ്: ത്രിരാഷ്ട്ര ട്വന്റി-20 കിരീടം ഓസ്‌ട്രേലിയ നേടി. ഫൈനലില്‍ ന്യൂസിലന്‍ഡിനെ ഡക്ക്വര്‍ത്ത്-ലൂയിസ് നിയമപ്രകാരം 19 റണ്‍സിന് തോല്‍പ്പിച്ചാണ് ഓസീസ് കിരീടം നേടിയത്.

ടോസ് നേടി ആദ്യം ബാറ്റ് ചെയ്ത ന്യൂസിലന്‍ഡ് നിശ്ചിത ഓവറില്‍ ഒന്‍പത് വിക്കറ്റിന് 150 റണ്‍സ് നേടി. ഓസീസ് കിരീടത്തിലേക്ക് അടുക്കുന്നതിനിടെ ഓക്ലന്‍ഡില്‍ മഴയെത്തി. തുടര്‍ന്ന് ഓസീസിനെ ഡക്ക്വര്‍ത്ത്-ലൂയിസ് നിയമപ്രകാരം 19 റണ്‍സ് വിജയികളായി പ്രഖ്യാപിക്കുകയായിരുന്നു.

മികച്ച തുടക്കം ലഭിച്ച കിവീസിന്റെ മധ്യനിര തകര്‍ന്നതാണ് തിരിച്ചടിയായത്. ഓപ്പണര്‍മാരായ മാര്‍ട്ടിന്‍ ഗുപ്റ്റിലും കോളിന്‍ മണ്‍റോയും ചേര്‍ന്ന് 48 റണ്‍സ് കൂട്ടിച്ചേര്‍ത്തെങ്കിലും മധ്യനിര അവസരത്തിനൊത്ത് ഉയര്‍ന്നില്ല.

മണ്‍റോ 29 റണ്‍സിനും ഗുപ്റ്റില്‍ 21 റണ്‍സിനും പുറത്തായി. പിന്നാലെ വിക്കറ്റുകള്‍ കൊഴിഞ്ഞതോടെ കിവീസ് സ്‌കോറിംഗ് മന്ദഗതിയിലായി. വാലറ്റത്തെ കൂട്ടുപിടിച്ച് റോസ് ടെയ്ലര്‍ (പുറത്താകാതെ 43) നടത്തിയ പോരാട്ടമാണ് 150 റണ്‍സില്‍ കിവീസിനെ എത്തിച്ചത്.

മറുപടി ബാറ്റിംഗില്‍ ഓപ്പണര്‍ ഡാര്‍സി ഷോര്‍ട്ട് അടിച്ചു തകര്‍ത്തതോടെ ഓസീസ് സ്‌കോര്‍ കുതിച്ചുകയറി. ഷോര്‍ട്ട് 30 പന്തില്‍ 50 റണ്‍സ് നേടി.

ഡേവിഡ് വാര്‍ണര്‍ (25)- ഷോര്‍ട്ട് സഖ്യം 72 റണ്‍സ് നേടി. ഗ്ലെന്‍ മാക്‌സ്വെല്‍ (20), ആരോണ്‍ ഫിഞ്ച് (18) എന്നിവര്‍ പുറത്താകാതെ നിന്നു.

മൂന്ന് വിക്കറ്റ് നേടി കിവീസിനെ ബാറ്റിംഗ് നിരയെ പിടിച്ചുകെട്ടിയ സ്പിന്നര്‍ ആഷ്ടണ്‍ ആഗറാണ് ഫൈനലിലെ താരം. ഗ്ലെന്‍ മാക്‌സ്വെല്‍ ടൂര്‍ണമെന്റിന്റെ താരമായി.

രണ്ടാം ട്വന്റി-ട്വന്റിയിലും വിജയം ആവര്‍ത്തിച്ച് പരമ്പര സ്വന്തമാക്കാന്‍ കോഹ്‌ലിയും സംഘവും ഇന്നിറങ്ങും
Posted by
21 February

രണ്ടാം ട്വന്റി-ട്വന്റിയിലും വിജയം ആവര്‍ത്തിച്ച് പരമ്പര സ്വന്തമാക്കാന്‍ കോഹ്‌ലിയും സംഘവും ഇന്നിറങ്ങും

സെഞ്ചൂറിയന്‍: ടെസ്റ്റ് പരമ്പര അടിയറവ് വെച്ചെങ്കിലും ഏകദിന-ട്വന്റി-ട്വന്റി പരമ്പരകള്‍ സ്വന്തമാക്കി തല ഉയര്‍ത്തി ദക്ഷിണാഫ്രിക്ക വിടാനാണ് കോഹ്‌ലിയും സംഘവും കഠിനപരിശ്രമം നടത്തുന്നത്. ടെസ്റ്റ് പരമ്പര 1-2ന് തോറ്റശേഷം ഏകദിന മത്സരങ്ങളില്‍ ആധികാരിക ജയവുമായി 5-1നാണ് ഇന്ത്യ പരമ്പര സ്വന്തമാക്കിയത്. ആദ്യ ട്വന്റി-ട്വന്റിയില്‍ 28 റണ്‍സ് ജയവുമായി മികച്ച തുടക്കമിട്ട സന്ദര്‍ശകര്‍ക്ക് ഇന്ന് ജയിക്കാനായാല്‍ ഒരു കളി ശേഷിക്കെ തന്നെ ട്വന്റി-ട്വന്റി പരമ്പര നേടാം.

ആദ്യ ട്വന്റി-ട്വന്റിയില്‍ ഫീല്‍ഡ് ചെയ്യുന്നതിനിടെ അരക്കെട്ടിന് പരിക്കേറ്റ കോഹ്‌ലി ഇന്ന് കളിക്കുന്ന കാര്യം ഉറപ്പില്ല. കോഹ്‌ലിയില്ലെങ്കില്‍ ശ്രേയസ് അയ്യര്‍ക്ക് അവസരം ലഭിക്കും. പരിക്ക് സാരമുള്ളതല്ലാത്തതിനാല്‍ ഇന്ന് കോഹ്‌ലി ഇറങ്ങുമെന്ന് തന്നെയാണ് സൂചന.

ആദ്യ കളിയില്‍ അഞ്ച് വിക്കറ്റ് പിഴുത ഭുവനേശ്വര്‍ കുമാറിന്റെയും സ്ഥിരതയോടെ പന്തെറിയുന്ന ജസ്പ്രീത് ബുംറയുടെയും ഏത് ഘട്ടത്തിലും വിക്കറ്റെടുക്കാനറിയുന്ന യുസ്‌വേന്ദ്ര ചഹലിന്റെയും നേതൃത്വത്തിലുള്ള ബൗളിങ് നിരയില്‍ ഇന്നും കുല്‍ദീപ് പുറത്തിരിക്കുമോ അതോ ജയ്‌ദേവ് ഉനദ്കടിന് പകരം ഇറങ്ങുമോ എന്നത് നിര്‍ണായകമായേക്കും.

അതേസമയം, ഫാഫ് ഡുപ്ലസിക്ക് പിന്നാലെ എബി ഡിവില്ലിയേഴ്‌സിനെ കൂടി പരിക്കുമൂലം നഷ്ടമായതോടെ പരീക്ഷണ ടീമുമായാണ് ആതിഥേയരുടെ പടപ്പുറപ്പാട്. നായകനായ ജെപി ഡ്യൂമിനി, ഡേവിഡ് മില്ലര്‍ തുടങ്ങിയ പരിചയസമ്പന്നര്‍ ഒന്നും ഫോമിലല്ല.

ട്വന്റി-ട്വന്റിയില്‍ ഏറ്റവും കൂടുതല്‍ ക്യാച്ചുകളെടുത്ത വിക്കറ്റ് കീപ്പറെന്ന റെക്കോഡ് സ്വന്തമാക്കി ധോണി
Posted by
20 February

ട്വന്റി-ട്വന്റിയില്‍ ഏറ്റവും കൂടുതല്‍ ക്യാച്ചുകളെടുത്ത വിക്കറ്റ് കീപ്പറെന്ന റെക്കോഡ് സ്വന്തമാക്കി ധോണി

ജൊഹാന്നസ്ബര്‍ഗ്: ദക്ഷിണാഫ്രിക്കയ്‌ക്കെതിരേയുള്ള ആദ്യ ട്വന്റി- 20യില്‍ ശിഖര്‍ ധവാന്‍, ഭുവനേശ്വര്‍ കുമാര്‍ എന്നിവരുടെ പ്രകടനത്തിനിടെ എം.എസ്. ധോണി ഒരു റിക്കാര്‍ഡ് സ്വന്തമാക്കി. റീസ് ഹെന്‍ഡ്രിക്‌സിനെ കൈക്കുള്ളിലാക്കിയ ധോണി ഏറ്റവും കൂടുതല്‍ ക്യാച്ച് നേടിയ വിക്കറ്റ് കീപ്പറെന്ന റിക്കാര്‍ഡാണ് സ്വന്തമാക്കിയത്.

ഭുവനേശ്വര്‍ കുമാറിന്റെ പന്തിലായിരുന്നു ക്യാച്ച്. 275 ട്വന്റി-20 മത്സരങ്ങളില്‍ മുന്‍ ഇന്ത്യന്‍ നായകന്റെ 134-ാമത്തെ ക്യാച്ചായിരുന്നു അത്.

ശ്രീലങ്കന്‍ ഇതിഹാസം കുമാര്‍ സംഗക്കാരയുടെ പേരിലുണ്ടായിരുന്ന 254 ട്വന്റി-20യില്‍ 133 ക്യാച്ചാണ് ധോണി മറികടന്നത്.

ഇന്ത്യയുടെ ദിനേശ് കാര്‍ത്തിക് (227 കളിയില്‍ 123 ക്യാച്ച്), പാക്കിസ്ഥാന്റെ കമ്രാന്‍ അക്മല്‍ (211 കളിയില്‍ 115 ക്യാച്ച്), വെസ്റ്റ് ഇന്‍ഡിസീന്റെ ദിനേഷ് രാംദിന്‍ (168 കളിയില്‍ 108 ക്യാച്ച്) എന്നിവരാണ് പിന്നിലുള്ളത്.

അന്താരാഷ്ട്ര ട്വന്റി-20യില്‍ ഏറ്റവും കൂടുതല്‍ പുറത്താക്കലുകള്‍ നടത്തിയതിന്റെ റിക്കാര്‍ഡും ധോണിയുടെ പേരിലാണ്. 87 കളിയില്‍ 77 പുറത്താക്കലുകളാണ് മുന്‍ നായകന്റെ പേരിലുള്ളത്. ഇതില്‍ 48 ക്യാച്ചും 29 സ്റ്റംപിംഗുമാണ്.

ആകെ 495 മത്സരങ്ങളില്‍ 775 പുറത്താക്കലുകള്‍ ഉള്ള ധോണി, ദക്ഷിണാഫ്രിക്കയുടെ മാര്‍ക് ബൗച്ചര്‍, ഓസ്‌ട്രേലിയയുടെ ആദം ഗില്‍ക്രിസ്റ്റ് എന്നിവര്‍ക്കു പിന്നില്‍ മൂന്നാമതാണ്.

ടീം ഇന്ത്യ ഇനിയും ഏറെ മുന്നോട്ടു പോകാനുണ്ട്; മധ്യനിര കഴിവിനൊത്ത് ഉയരുന്നില്ലെന്നും രവിശാസ്ത്രി
Posted by
17 February

ടീം ഇന്ത്യ ഇനിയും ഏറെ മുന്നോട്ടു പോകാനുണ്ട്; മധ്യനിര കഴിവിനൊത്ത് ഉയരുന്നില്ലെന്നും രവിശാസ്ത്രി

ന്യൂഡല്‍ഹി: ലോകകപ്പിനു മുന്നോടിയായി ഇന്ത്യന്‍ ക്രിക്കറ്റ് ടീം ഏറെ മുന്നോട്ട് പോകാനുണ്ടെന്ന് മുഖ്യപരിശീലകന്‍ രവി ശാസ്ത്രി. ദക്ഷിണാഫ്രിക്കയെ അവരുടെ നാട്ടില്‍ നടന്ന പരമ്പരയില്‍ 5-1ന് കെട്ടുകെട്ടിച്ചതിനു പിന്നാലെയാണ് ശാസ്ത്രിയുടെ അഭിപ്രായ പ്രകടനം.

ടീമിന്റെ പ്രകടനത്തില്‍ താന്‍ തൃപ്തനാണെന്നു പറഞ്ഞ ശാസ്ത്രി ചില മേഖലകളില്‍ ടീമംഗങ്ങള്‍ ഇനിയുമേറെ മുന്നോട്ട് പോകേണ്ടതുണ്ടെന്നും വ്യക്തമാക്കി.

മുന്‍നിര ബാറ്റ്‌സ്മാന്‍മാരും ബൗളര്‍മാരുമെല്ലാം അനുപമമായ പ്രകടനമാണ് പുറത്തെടുക്കുന്നത്. എന്നാല്‍, മധ്യനിര ബാറ്റ്‌സ്മാന്‍മാര്‍ അവരുടെ കഴിവിനൊത്ത് ഉയരുന്നില്ല. ഇതിന് മാറ്റമുണ്ടാകണമെന്നും അദ്ദേഹം പറഞ്ഞു.

മധ്യനിര താളം കണ്ടെത്തിയില്ലെങ്കില്‍ മികച്ച തുടക്കം വലിയ ടോട്ടലുകളാക്കി മാറ്റാന്‍ സാധിക്കില്ലെന്നു ചൂണ്ടിക്കാട്ടിയ അദ്ദേഹം വലിയ സ്‌കോര്‍ പിന്തുടരുമ്പോഴും ഇത് പ്രശ്‌നങ്ങള്‍ സൃഷ്ടിക്കുമെന്നും വിലയിരുത്തി.

ഇതുകൂടി പരിഹരിച്ചാല്‍ ഇന്ത്യന്‍ ടീമിനെ തോല്‍പിക്കുക എന്നത് മറ്റ് ടീമുകള്‍ക്ക് അസാധ്യമായിരിക്കുമെന്നും ശാസ്ത്രി കൂട്ടിച്ചേര്‍ത്തു.

‘അവള്‍ പ്രചോദനമായി കൂടെയുണ്ടായിരുന്നു’;ചരിത്ര നേട്ടത്തിന് അനുഷ്‌കയ്ക്ക് നന്ദി പറഞ്ഞ് കോഹ്‌ലി
Posted by
17 February

'അവള്‍ പ്രചോദനമായി കൂടെയുണ്ടായിരുന്നു';ചരിത്ര നേട്ടത്തിന് അനുഷ്‌കയ്ക്ക് നന്ദി പറഞ്ഞ് കോഹ്‌ലി

സെഞ്ചൂറിയന്‍: പരമ്പരയിലെ അവസാന ഏകദിനത്തിലും ജയിച്ച് ദക്ഷിണാഫ്രിക്കയ്‌ക്കെതിരെ ചരിത്ര നേട്ടം സ്വന്തമാക്കിയിരിക്കുകയാണ് ഇന്ത്യ. എട്ട് വിക്കറ്റിന് ജയിച്ചതോടെ ആറു മത്സര പരമ്പര ഇന്ത്യ 5-1ന് സ്വന്തമാക്കി. ആദ്യമായാണ് ഇന്ത്യ ദക്ഷിണാഫ്രിക്കന്‍ മണ്ണില്‍ ഏകദിന പരമ്പര സ്വന്തമാക്കുന്നത്. നായകന്‍ വിരാട് കോഹ്ലി 96 പന്തില്‍ 129 റണ്‍സുമായി പുറത്താകാതെനിന്നു. 81 പന്തില്‍നിന്നാണു കോഹ്ലി സെഞ്ചുറി തികച്ചത്.

പരമ്പരയില്‍ ഉടനീളം തനിക്ക് പ്രചോദനമായത് ഭാര്യ അനുഷ്‌കയായിരുന്നുവെന്ന് കോഹ്ലി പറഞ്ഞു. ഇന്നത്തെ മത്സരമാണ് എനിക്ക് വളരെ നന്നായിട്ട് തോന്നിയത്. കഴിഞ്ഞ തവണ അത്ര തൃപ്തിയുണ്ടായിരുന്നില്ല. വെളിച്ചത്തിന് കീഴില്‍ ബാറ്റ് ചെയ്യാന്‍ പറ്റിയ മികച്ച മൈതാനമാണിത്. അതുകൊണ്ടാണ് ആദ്യം ബൗളിംഗ് തിരഞ്ഞെടുക്കാന്‍ തീരുമാനിച്ചത്. ലൈറ്റിന് കീഴിലാണ് പിച്ച് കൂടുതല്‍ നല്ലതെന്നാണ് തോന്നുന്നതെന്നും കോഹ്ലി പറയുന്നു.

പരമ്പരയില്‍ ഉടനീളം പ്രചോദനമായി എന്റെ ഭാര്യ കൂടെയുണ്ടായിരുന്നു. അതില്‍ ഞാന്‍ ഏറെ നന്ദിയുളളവനാണ്. എന്റെ കരിയറില്‍ ഇനി എട്ടോ ഒമ്പതോ വര്‍ഷമാണ് ഉണ്ടാവുക. ഓരോ ദിവസവും അതില്‍ മികച്ചതാക്കി മാറ്റണം. ആരോഗ്യത്തോടെ തുടര്‍ന്ന് രാജ്യത്തിനായി നായകസ്ഥാനം വഹിക്കുന്നതില്‍ ഏറെ സന്തോഷവാനാണ് താനെന്നും കോഹ്ലി പറയുന്നു.

ടീമിലെ ഓരോ അംഗങ്ങളും മികച്ച രീതിയില്‍ കളിച്ചു. പ്രത്യേകിച്ച് രണ്ട് യുവ സ്പിന്നര്‍മാര്‍. ശിഖറും രോഹിതും മുന്നില്‍ നിന്നു. ഇനി ട്വന്റി 20 സ്വന്തമാക്കുകയാണ് ലക്ഷ്യം. ടൂര്‍ ഇതുവരെ അവസാനിച്ചിട്ടില്ല ആദ്യത്തെ രണ്ട് ടെസ്റ്റുകളില്‍ നല്ല മനോനിലയോടെയാണ് കളിച്ചതെന്ന തോന്നലില്ല’, കോഹ്ലി വ്യക്തമാക്കി.

ടോസ് നഷ്ടപ്പെട്ട് ബാറ്റിംങിനിറങ്ങിയ ദക്ഷിണാഫ്രിക്ക 46.5ഓവറില് 204 റണ്‌സിന് പുറത്താവുകയായിരുന്നു. അരങ്ങേറ്റ ഏകദിനത്തില് നാല് വിക്കറ്റ് നേടിയ ശാര്ദുല് ടാക്കൂറാണ് ഇന്ത്യന് ബൗളര്മാരില് തിളങ്ങിയത്. സോണ്ടോ(54) ദക്ഷിണാഫ്രിക്കയ്ക്കുവേണ്ടി അര്ധ സെഞ്ചുറി നേടി.

നേരത്തെ, പരന്പരയില്‍ ആദ്യമായി ലഭിച്ച അവസരം മുതലാക്കിയ ശാര്‍ദുല്‍ താക്കൂറിന്റെ പേസിനു മുന്നില്‍ ദക്ഷിണാഫ്രിക്ക തകര്‍ന്നടിയുകയായിരുന്നു. 46.5 ഓവറില്‍ 204 റണ്‌സിന് ആതിഥേയര്‍ എല്ലാവരും പുറത്തായി. ശാര്‍ദുല്‍ 52 റണ്‌സ് വഴങ്ങി നാലു വിക്കറ്റ് നേടി. ഖായ സോണ്ടോ(54) ആണ് ആതിഥേയരുടെ ടോപ് സ്‌കോറര്‍.

ടോസ് നഷ്ടപ്പെട്ടു ബാറ്റിംഗിനിറങ്ങിയ ദക്ഷിണാഫ്രിക്കയ്ക്ക് സ്‌കോര്‍ 23ല്‍ കഴിഞ്ഞ മത്സരത്തിലെ താരം ഹാഷിം അംല(10)യെ നഷ്ടപ്പെട്ടു. ശാര്‍ദുല്‍ താക്കൂറിനായിരുന്നു വിക്കറ്റ്. പിന്നാലെ ശാര്‍ദുലിനുതന്നെ വിക്കറ്റ് നല്‍കി നായകന്‍ എയ്ഡന്‍ മാര്‍ക്രവും(24) മടങ്ങി. ഇതിനുശേഷം എ.ബി.ഡിവില്ല്യേഴ്‌സും ഖായ സോണ്ടോയും ചേര്‍ന്ന് രക്ഷാപ്രവര്‍ത്തനം നടത്തിയെങ്കിലും 105ല്‍ ഡിവില്ല്യേഴ്‌സ്(30) ചാഹലിന്റെ മുന്നില്‍ വീണു. മൂന്നാം വിക്കറ്റില്‍ ഇവര്‍ 62 റണ്‌സ് കൂട്ടിച്ചേര്‍ത്തു. അര്‍ധസെഞ്ചുറി നേടിയതിനു പിന്നാലെ സോണ്ടോയും ചാഹലിന് ഇരയായി മടങ്ങി.

അവസാന ഓവറുകളില്‍ ആന്‍ഡൈല്‍ ഫെലുക്വായോ നടത്തിയ മിന്നലടികളാണ് ദക്ഷിണാഫ്രിക്കയെ 200 കടത്തിയത്. 42 പന്തില്‍ രണ്ടു ബൗണ്ടറികളും രണ്ടു സിക്‌സറും അടക്കം 34 റണ്‌സ് നേടിയ ഫെലുക്വായോയെ ശാര്‍ദുല്‍ താക്കൂര്‍ വീഴ്ത്തിയതോടെ ദക്ഷിണാഫ്രിക്കന്‍ ഇന്നിംഗ്‌സിനു തിരശീല വീണു. ശാര്‍ദുലിന്റെ നാലു വിക്കറ്റിനു പുറമേ യുസ്വേന്ദ്ര ചാഹല്‍ ജസ്പ്രീത് എന്നിവര്‍ രണ്ടു വിക്കറ്റ് നേടി. കുല്‍ദീപ് യാദവും ഹാര്‍ദിക് പാണ്ഡ്യയും ഓരോ വിക്കറ്റ് നേടി.

ട്വന്റി ട്വന്റിയില്‍ ചരിത്രം കുറിച്ച് ഓസ്‌ട്രേലിയ; ന്യൂസിലാന്‍ഡ് ഉയര്‍ത്തിയ 244 റണ്‍സ് ഓസീസ് മറികടന്നത് ഏഴു പന്തും അഞ്ചു വിക്കറ്റും ബാക്കി നില്‍ക്കെ
Posted by
16 February

ട്വന്റി ട്വന്റിയില്‍ ചരിത്രം കുറിച്ച് ഓസ്‌ട്രേലിയ; ന്യൂസിലാന്‍ഡ് ഉയര്‍ത്തിയ 244 റണ്‍സ് ഓസീസ് മറികടന്നത് ഏഴു പന്തും അഞ്ചു വിക്കറ്റും ബാക്കി നില്‍ക്കെ

ഓക്‌ലന്‍ഡ്: കുട്ടിക്രിക്കറ്റില്‍ ചരിത്രം കുറിച്ച് ടീം ഓസ്‌ട്രേലിയ. ട്വന്റി 20 ക്രിക്കറ്റിലെ ഏറ്റവും ഉയര്‍ന്ന സ്‌കോര്‍ പിന്തുടര്‍ന്നുള്ള ജയത്തിന്റെ റിക്കാര്‍ഡാണ് ഓസീസ് ടീം പേരില്‍ കുറിച്ചത്. ത്രിരാഷ്ട്ര പരമ്പരയില്‍ ന്യൂസിലന്‍ഡിനെതിരേയായിരുന്നു ഓസീസിന്റെ വിജയം.

ആദ്യം ബാറ്റു ചെയ്ത ന്യൂസിലന്‍ഡ് ഉയര്‍ത്തിയ 244 റണ്‍സ് വിജയലക്ഷ്യം ഓസ്‌ട്രേലിയ ഏഴു പന്തുകള്‍ ബാക്കിനില്‍ക്കെ അഞ്ചു വിക്കറ്റ് നഷ്ടത്തില്‍ മറികടന്നു. കിവീസിനായി മാര്‍ട്ടിന്‍ ഗുപ്റ്റില്‍ സെഞ്ചുറി കുറിച്ചപ്പോള്‍ ഓസീസിനായി ഡേവിഡ് വാര്‍ണര്‍(59), ഷോര്‍ട്ട്(76) എന്നിവര്‍ തകര്‍പ്പന്‍ ബാറ്റിംഗുമായി റിക്കാര്‍ഡ് ചേസിംഗിനു നേതൃത്വം നല്‍കി.

ടോസ് നേടി ബാറ്റിംഗ് തെരഞ്ഞെടുത്ത കിവീസിന് ഗുപ്റ്റിലും കോളിന്‍ മണ്‍റോയും ചേര്‍ന്ന് കണ്ണഞ്ചിപ്പിക്കുന്ന തുടക്കമാണ് നല്‍കിയത്. ഇരുവരും 10.4 ഓവറില്‍ 132 റണ്‍സ് അടിച്ചുകൂട്ടി. 33 പന്തില്‍ 76 റണ്‍സ് നേടിയ മണ്‍റോയാണ് ആദ്യം പുറത്തായത്.

തുടര്‍ന്നു തകര്‍ത്തടിച്ച ഗുപ്റ്റില്‍ 49 പന്തില്‍ സെഞ്ചുറി പൂര്‍ത്തിയാക്കി. പിന്നാലെ ടൈക്ക് ഇരയായി പുറത്തായി. പുറത്താകുന്നതിനു മുന്പ് 54 പന്തില്‍നിന്ന് ആറു ബൗണ്ടറികളും ഒന്പതു സിക്‌സറും അടക്കം 105 റണ്‍സ് ഗുപ്റ്റില്‍ അടിച്ചുകൂട്ടിയിരുന്നു.

റിക്കാര്‍ഡ് ചേസിംഗ് ലക്ഷ്യമിട്ടിറങ്ങിയ ഓസീസിനും തകര്‍പ്പന്‍ തുടക്കം ലഭിച്ചു. ഡേവിഡ് വാര്‍ണറും ഷോര്‍ട്ടും തകര്‍ത്തടിച്ചപ്പോള്‍ ഓസീസ് സ്‌കോര്‍ കുതിച്ചു. ഓപ്പണിംഗ് വിക്കറ്റില്‍ 8.3 ഓവറില്‍ 121 റണ്‍സാണ് വാര്‍ണര്‍-ഷോര്‍ട്ട് കൂട്ടുകെട്ട് അടിച്ചുകൂട്ടിയത്.

വാര്‍ണര്‍ പുറത്തായതിനുശേഷമെത്തിയ ക്രിസ് ലിന്‍(18) വേഗത്തില്‍ പുറത്തായെങ്കിലും മാക്‌സ്വെല്‍(14 പന്തില്‍ 31), ആരണ്‍ ഫിഞ്ച്(14 പന്തില്‍ 36) എന്നിവരുടെ കൂറ്റനടികള്‍ ഓസീസിനെ ജയത്തിലേക്കു നയിച്ചു.

ഓസീസ് ബൗളര്‍ ആന്‍ഡ്രൂ ടൈ നാല് ഓവറില്‍ 64 റണ്‍സ് വഴങ്ങി ധാരാളിയായപ്പോള്‍, കിവീസ് ബൗളര്‍ ബെന്‍ വീലര്‍ 3.1 ഓവറില്‍ 64 റണ്‍സാണു വഴങ്ങിയത്. ഷോര്‍ട്ടാണ് കളിയിലെ താരം.

2015ല്‍ ജൊഹാനസ്ബര്‍ഗില്‍ ദക്ഷിണാഫ്രിക്കയ്‌ക്കെതിരെ വെസ്റ്റിന്‍ഡീസ് നടത്തിയ റണ്‍ ചേസിന്റെ റിക്കാര്‍ഡാണ് ഓസ്‌ട്രേലിയ മറികടന്നത്. 19.2 ഓവറില്‍ ആറ് വിക്കറ്റ് നഷ്ടത്തില്‍ 236 റണ്‍സാണ് വിന്‍ഡീസ് അന്ന് പിന്തുടര്‍ന്ന് നേടിയത്.

സെഞ്ചൂറിയന്‍ ഏകദിനം: ടോസ് നേടിയ ഇന്ത്യ ബൗളിങ് തെരഞ്ഞെടുത്തു
Posted by
16 February

സെഞ്ചൂറിയന്‍ ഏകദിനം: ടോസ് നേടിയ ഇന്ത്യ ബൗളിങ് തെരഞ്ഞെടുത്തു

സെഞ്ചൂറിയന്‍: ദക്ഷിണാഫ്രിക്കയ്‌ക്കെതിരായ ആറാമത്തെയും അവസാനത്തെയും ഏകദിനത്തില്‍ ടോസ് നേടിയ ഇന്ത്യ ബൗളിംഗ് തെരഞ്ഞെടുത്തു.

ഒരു മാറ്റവുമായാണ് ഇന്ത്യ ഇന്ന് ഇറങ്ങുന്നത്. പേസര്‍ ഭുവനേശ്വര്‍ കുമാറിന് പകരം ശാര്‍ദൂല്‍ താക്കൂറിനെ ഇന്ത്യ ഉള്‍പ്പെടുത്തി.

അതേസമയം നാലു മാറ്റങ്ങളുമായാണ് ദക്ഷിണാഫ്രിക്ക മത്സരത്തിനിറങ്ങുന്നത്. പരിക്ക് മാറി ഓള്‍ റൗണ്ടര്‍ ക്രിസ് മോറിസ് തിരിച്ചെത്തി.

പരമ്പരയില്‍ ആദ്യമായി ഫര്‍ഹാന്‍ ബഹ്റുദീനും അവസരം നല്‍കി. ആറ് മത്സരങ്ങളുടെ പരന്പര 4-1 എന്ന നിലയില്‍ ഇന്ത്യ നേരത്തെ സ്വന്തമാക്കിയിരുന്നു.

വിജയ് ഹസാരെ ട്രോഫി: യുപിക്കെതിരെ കേരളത്തിന് തകര്‍പ്പന്‍ ജയം
Posted by
15 February

വിജയ് ഹസാരെ ട്രോഫി: യുപിക്കെതിരെ കേരളത്തിന് തകര്‍പ്പന്‍ ജയം

ധര്‍മശാല: വിജയ് ഹസാരെ ട്രോഫിയില്‍ കേരളത്തിനു വീണ്ടും വിജയം. വ്യാഴാഴ്ച ധര്‍മശാലയില്‍ നടന്ന മത്സരത്തില്‍ ഉത്തര്‍പ്രദേശിനെ  കേരളം 120 റണ്‍സിനു പരാജയപ്പെടുത്തി.

കേരളം ഉയര്‍ത്തിയ 262 റണ്‍സ് വിജയലക്ഷ്യം പിന്തുടര്‍ന്ന ഉത്തര്‍പ്രദേശ് വെറും 141 റണ്‍സിന് പുറത്താകുകയായിരുന്നു.

മൂന്നു വിക്കറ്റ് വീതം നേടിയ സന്ദീപ് വാര്യര്‍, അക്ഷയ് കെ.സി. എന്നിവരുടെ പ്രകടനമാണ് കേരളത്തിനു വന്‍ വിജയമൊരുക്കിയത്.

ടോസ് നഷ്ടപ്പെട്ട് ബാറ്റിംഗിനിറങ്ങിയ കേരളം രോഹന്‍ പ്രേം, അരുണ്‍ കാര്‍ത്തിക് എന്നിവരുടെ അര്‍ധസെഞ്ചുറികളുടെ മികവില്‍ 261/9 എന്ന സ്‌കോര്‍ പടുത്തുയര്‍ത്തി.

അരുണ്‍ കാര്‍ത്തിക് 36 പന്തില്‍നിന്ന് 54 റണ്‍സ് നേടിയപ്പോള്‍ രോഹന്‍ 95 പന്തില്‍നിന്ന് 66 റണ്‍സ് നേടി പുറത്താകാതെനിന്നു. ജലക് സക്‌സേന(37), സച്ചിന്‍ ബേബി(38) എന്നിവരും കേരളത്തിനായി മികച്ച ബാറ്റിംഗ് കാഴ്ചവച്ചു.

സഞ്ജു സാംസണു(14) തിളങ്ങാന്‍ കഴിഞ്ഞില്ല. ഉത്തര്‍പ്രദേശിനായി മോനിഷ് ഖാന്‍ 43 റണ്‍സ് വഴങ്ങി നാലു വിക്കറ്റ് വീഴ്ത്തി.

മറുപടി ബാറ്റിംഗിനിറങ്ങിയ ഉത്തര്‍പ്രദേശിന് തുടക്കം മുതല്‍ വിക്കറ്റുകള്‍ നഷ്ടമായി. ഒരുഘട്ടത്തില്‍ 33/4 എന്ന നിലയിലായിരുന്നു യുപി.

ഇതിനുശേഷവും വിക്കറ്റുകള്‍ തുടര്‍ച്ചയായി നഷ്ടപ്പെട്ടതോടെ കേരളം കൂറ്റന്‍ വിജയം നേടുകയായിരുന്നു. 31 റണ്‍സ് നേടിയ മുഹമ്മദ് സൈഫാണ് ഉത്തര്‍പ്രദേശ് ടോപ് സ്‌കോറര്‍.

ജയത്തോടെ ഗ്രൂപ്പ് ബിയില്‍ കേരളം രണ്ടാം സ്ഥാനത്തെത്തി. അഞ്ചു മത്സരങ്ങളില്‍നിന്ന് കേരളത്തിനു 14 പോയിന്റുണ്ട്. ആറു മത്സരങ്ങളില്‍നിന്നു 16 പോയിന്റുമായി ഡല്‍ഹിയാണ് ഗ്രൂപ്പില്‍ ഒന്നാമത്.

error: This Content is already Published.!!