South African visit; Three Keralites in Indian A team
Posted by
29 June

ദക്ഷിണാഫ്രിക്കയിലേക്ക് ബേസിലും സഞ്ജുവും കരുണും പറക്കും; ഇന്ത്യന്‍ എ ടീമില്‍ മൂന്ന് മലയാളി താരങ്ങളും ഇടം നേടി

ന്യൂഡല്‍ഹി: ദക്ഷിണാഫ്രിക്കന്‍ പര്യടനത്തിനുള്ള ഇന്ത്യന്‍ എ ടീമില്‍ മലയാളികളുടെ അഭിമാന താരങ്ങളായ ബേസില്‍ തമ്പിയും സഞ്ജു വി സാംസണും കരുണ്‍ നായരും ഇടം പിടിച്ചു. ബിസിസിഐ പ്രഖ്യാപിച്ച ടീമില്‍ മനീഷ് പാണ്ഡേയാണ് നായകന്‍. ദക്ഷിണാഫ്രിക്ക, ഓസ്‌ട്രേലിയ എ ടീമുകളടങ്ങുന്ന ത്രിരാഷ്ട്ര ഏകദിന ടൂര്‍ണമെന്റും ദക്ഷിണാഫ്രിക്കയോട് രണ്ടു നാലുദിന മത്സരങ്ങളുമാണ് ഇന്ത്യന്‍ പര്യടനത്തിലുള്ളത്.

മനീഷ് പാണ്ഡെയ്ക്ക് പുറമെ കരുണ്‍ നായര്‍, ജയന്ത് യാദവ്, അഭിനവ് മുകുന്ദ്, അക്ഷര്‍ പട്ടേല്‍, യൂസവേന്ദ്ര ചാഹല്‍, മന്‍ദീപ് സിങ്ങ്, സഞ്ജു സാംസണ്‍, റിഷഭ് പന്ത് എന്നിങ്ങനെ സീനിയര്‍ ടീമില്‍ കളിച്ച് പരിചയമുള്ള താരങ്ങളും എ ടീമില്‍ ഉള്‍പ്പെട്ടിട്ടുണ്ട്.

ഇതുവരെ ഒരു ഫസ്റ്റ് ക്ലാസ് മത്സരം മാത്രം കളിച്ചിട്ടുള്ള ക്രൂണാല്‍ പാണ്ഡ്യയെയും ഏകദിന മത്സരത്തിനുള്ള ടീമില്‍ ഉള്‍പ്പെടുത്തിയിട്ടുണ്ട്. ഐപിഎല്‍ 2017 ലെ മിന്നും താരങ്ങളായ ബേസില്‍ തമ്പി, മൊഹമ്മദ് സിറാജ്, സിദ്ധാര്‍ത്ഥ് കൗള്‍ എന്നിവരുടെ ‘എ’ ടീം പ്രവേശനമാണ് ടീം തെരഞ്ഞെടുപ്പിന്റെ സവിശേഷത. ചതുര്‍ ദിന മത്സരങ്ങള്‍ക്കുള്ള ടീമിനെ നയിക്കുന്നത് കരുണ്‍ നായരാണ്.

ഏകദിന ടീം: മന്‍ദീപ് സിങ്ങ്, ശ്രേയസ് അയ്യര്‍, സഞ്ജു സാംസണ്‍, മനീഷ് പാണ്ഡെ (ക്യാപ്റ്റന്‍), ദീപക് ഹൂഡ, കരുണ്‍ നായര്‍, ക്രൂണാല്‍ പാണ്ഡ്യ, റിഷഭ് പന്ത്, വിജയ് ശങ്കര്‍, അക്സര്‍ പട്ടേല്‍, ചാഹല്‍, ജയന്ത് യാദവ്, ബേസില്‍ തമ്പി, മൊഹമ്മദ് സിറാജ്, ശ്രദ്ധുല്‍

Chile beat Portugal on penalties to reach final
Posted by
29 June

പോര്‍ച്ചുഗലിന്റെ ഫൈനല്‍ സ്വപ്‌നങ്ങളെ തകര്‍ത്ത് ചിലിയുടെ ചിറകടി

കസാന്‍: ഫൈനല്‍ ലക്ഷ്യമിട്ട് ഇറങ്ങിയ പോര്‍ച്ചുഗലിനെ തകര്‍ത്തെറിഞ്ഞ് ചിലിക്ക് ആവോശ്വോജ്ജല വിജയം. അവസാന നിമിഷം വരെ ആവേശം അലതല്ലിയ കോണ്‍ഫെഡറേഷന്‍ കപ്പ് ഫുട്‌ബോളിന്റെ ആദ്യ സെമിയില്‍ ചിലി പോര്‍ച്ചുഗലിനെ ഷൂട്ടൗട്ടില്‍ മുട്ടുകുത്തിച്ചു. കരുത്തരുടെ ഏറ്റുമുട്ടലില്‍ നിശ്ചിത സമയത്തും അധിക സമയത്തും ഇരു ടീമും ഗോള്‍ നേടാതെ വന്നതോടെ പെനാല്‍റ്റി ഷൂട്ടൗട്ടിലൂടെയാണ് വിജയികളെ നിര്‍ണയിച്ചത്. ഷൂട്ടൗട്ടില്‍ 3-0 ത്തിനാണ് ചിലിയുടെ വിജയം.

ടൂര്‍ണമെന്റില്‍ മികച്ച പ്രകടനം കാഴ്ചവെച്ച പോര്‍ച്ചുഗലിന് നിര്‍ണ്ണായക നിമിഷത്തില്‍ തങ്ങളുടെ മികവ് ആവര്‍ത്തിക്കാനായില്ല. ചിലി ഗോള്‍കീപ്പര്‍ ക്ലൗഡിയോ ബ്രാവോയുടെ അത്യൂഗ്രന്‍ പ്രകടനം കൂടിയായപ്പോള്‍ പോര്‍ച്ചുഗലിന് പരാജയം സമ്മതിക്കേണ്ടി വരികയായിരുന്നു.

പോര്‍ച്ചുഗലിനായി പെനാല്‍റ്റി ഷൂട്ടൗട്ടില്‍ കിക്കെടുത്തവര്‍ക്കൊന്നും ബ്രാവോയെ മറികടക്കാന്‍ കഴിഞ്ഞില്ല. തങ്ങളുടെ ആദ്യ മൂന്ന് കിക്കുകള്‍ ചിലി ഗോളാക്കി മാറ്റുകയും ചെയ്തതോടെ സീസണിലെ ആദ്യ ഫൈനലിസ്റ്റുകളായി ടീം മാറി. തകര്‍പ്പന്‍ പ്രകടനം കാഴ്ചവെച്ച ബ്രാവോ റിക്കാര്‍ഡോ ക്വറെസ്‌മോ, സാന്റോസ് മൗടിഞ്ഞോ, നാനി എന്നിവരുടെ കിക്കുകളാണ് തടഞ്ഞിട്ടത്.

ചിലിക്കായി അര്‍ടുറോ വിദാല്‍, അരാങ്കീസ്, അലക്‌സിസ് സാഞ്ചസ് എന്നിവര്‍ ലക്ഷ്യം കണ്ടു. ഇന്നു നടക്കുന്ന ജര്‍മനി-മെക്‌സിക്കോ മത്സരത്തിലെ വിജയിയാണ് ഫൈനലില്‍ ചിലിയുടെ എതിരാളി.

friday messi marriage
Posted by
27 June

ലോകം മുഴുവന്‍ കാത്തിരുന്ന മിന്നുകെട്ട് : ദീര്‍ഘകാലത്തെ പ്രണയത്തിന് വിവാഹപന്തലൊരുങ്ങി

കായികലോകം ഇന്നേവരെ കണ്ടിട്ടില്ലാത്ത വിവാഹമാമാങ്കത്തിന് സമയമായി. വെള്ളിയാഴ്ച ലയണല്‍ മെസിയുടെ നാടായ റൊസാരിയോയിലേക്ക് കളിക്കളത്തിലെ താരങ്ങളെല്ലാം പറന്നിറങ്ങും. 5 വയസുമുതല്‍ പരിചിതരായ മെസിയും അന്റോണെല്ലാ റൊക്കൂസോയുടെയും വിവാഹമാണ് വെള്ളിയഴ്ച.

അര്‍ജന്റൈന്‍ വിഭവങ്ങള്‍ക്കൊപ്പം സ്പാനിഷ് മസാലയും വിരുന്നിന് രുചിക്കൂട്ടൊരുക്കും. 2008ല്‍ മെസി ഔദ്യോഗികമായി അറിയിച്ചു കളിക്കൂട്ടുകാരിയുമായി താന്‍ പ്രണയത്തിലാണെന്ന്. പിന്നീടെപ്പോഴും മെസിക്കൊപ്പം അന്റോണല്ലയേയും കണ്ടു. 2012ല്‍ ആദ്യ കുഞ്ഞ് പിറന്നു തിയാഗോ. 2015ല്‍ തിയാഗോയ്ക്ക് ഒരനുജനും. ലോകം കാത്തിരിക്കുന്ന വിവാഹത്തില്‍ പങ്കെടുക്കാന്‍ 250 വിഐപി അതിഥികളാണെത്തുന്നത്. നെയ്മര്‍, സുവാരസ്, സെര്‍ജിയോ ബുസ്‌കെറ്റ്‌സ്, സാവി തുടങ്ങി ബാര്‍സയുടെ മിന്നും താരങ്ങളെല്ലാമുണ്ടാകും. എന്നാല്‍ ലാലീഗയിലെ എതിരാളി ക്രിസ്റ്റ്യാനോയ്ക്കും മുന്‍ പരിശീലകന്‍ ലൂയി എന്റിക്കെയ്ക്കും ക്ഷണമില്ലെന്നാണ് വിവരം.

fifa confederation cup line up
Posted by
26 June

ഫിഫ കോണ്‍ഫഡറേഷന്‍സ് കപ്പ് ടൂര്‍ണമെന്റില്‍ സെമി ഫൈനല്‍ ലൈനപ്പായി

മോസ്‌കോ: ഫിഫ കോണ്‍ഫഡറേഷന്‍സ് കപ്പ് ടൂര്‍ണമെന്റില്‍ സെമി ഫൈനല്‍ ലൈനപ്പ് പൂര്‍ത്തിയായി. ഗ്രൂപ്പ് ബിയില്‍ നിന്ന് ജര്‍മനിയും ചിലിയും സെമിയില്‍ പ്രവേശിച്ചു. പോര്‍ച്ചുഗലും മെക്‌സിക്കോയും ഗ്രൂപ്പ് എയില്‍ നിന്ന് സെമിയിലെത്തി.യൂറോ ചാംപ്യന്‍മാരായ പോര്‍ച്ചുഗല്‍ കോപ്പ അമേരിക്ക ജേതാക്കളായ ചിലിയെ നേരിടും. ബുധനാഴ്ച്ചയാണ് കലാശപ്പോരാട്ടത്തില്‍ പ്രവേശിക്കാനായുള്ള ഇരുടീമുകളുടെയും ഏറ്റുമുട്ടല്‍. രണ്ടാം സെമിയില്‍ ലോകചാംപ്യന്‍മാരായ ജര്‍മനി കോണ്‍കകാഫ് വിജയികളായ മെക്‌സിക്കോയെ നേരിടും. വ്യാഴാഴ്ച്ചയാണ് ജര്‍മനിമെക്‌സിക്കോ പോരാട്ടം.

അവസാന ഗ്രൂപ്പ് മത്സരത്തില്‍ ഓസ്‌ട്രേലിയയുമായി സമനില (11) വഴങ്ങിയാണ് ചിലി ഗ്രൂപ്പില്‍ രണ്ടാമതായി ഫിനിഷ് ചെയ്തത്. ഓസ്‌ട്രേലിയയ്ക്ക് വേണ്ടി ജയിംസ് ട്രോയ്‌സിയും ചിലിയ്ക്കു വേണ്ടി മാര്‍ട്ടിന്‍ റൊഡ്രീഗസും വല ചലിപ്പിച്ചു. കാമറൂണിനെ 31 ന് തകര്‍ത്തുകൊണ്ടാണ് ജര്‍മനിയുടെ സെമി പ്രവേശം. ടിമോ വെര്‍ണര്‍ ഇരട്ട ഗോളുകള്‍ നേടിയപ്പോള്‍ കെറം ഡെമിര്‍ബെയും ഒപ്പം വലകുലുക്കി. കാമറൂണിന് വേണ്ടി വിന്‍സെന്റ് അബൂബക്കര്‍ ആശ്വാസ ഗോള്‍ നേടി.

India won second one day match against West Indies
Posted by
26 June

രണ്ടാം ഏകദിനത്തില്‍ വെസ്റ്റ് ഇന്‍ഡീസിനെതിരെ ഇന്ത്യയ്ക്ക് തകര്‍പ്പന്‍ വിജയം

ട്രിനിഡാഡ്: ഇന്ത്യയ്ക്ക് രണ്ടാം ഏകദിനത്തില്‍ തകര്‍പ്പന്‍ ജയം. വെസ്റ്റിന്‍ഡീസിനെതിരെ 105 റണ്‍സിനാണ് ഇന്ത്യയുടെ വിജയം. മഴയും മോശം കാലാവസ്ഥയെയും തുടര്‍ന്ന് 43 ഓവറായി ചുരുക്കിയ മല്‍സരത്തില്‍ ആദ്യം ബാറ്റുചെയ്ത ഇന്ത്യ 5 വിക്കറ്റ് നഷ്ടത്തില്‍ 310 റണ്‍സെടുത്തു. മറുപടി ബാറ്റ് ചെയ്ത വിന്‍ഡീസിന് നിശ്ചിത 43 ഓവറില്‍ 6 വിക്കറ്റ് നഷ്ടത്തില്‍ 205 റണ്‍സെടുക്കാനേ സാധിച്ചുള്ളൂ.

ടോസ് നഷ്ടപ്പെട്ട് ആദ്യം ബാറ്റിംദിനിറങ്ങിയ ഇന്ത്യ ഓപ്പണര്‍ അജിങ്ക്യ രഹാനെയുടെ സെഞ്ച്വറിയുടെ മികവിലാണ് കൂറ്റന്‍ സ്‌കോര്‍ നേടിയത്. രഹാനെ 103 റണ്‍സെടുത്തു പുറത്തായി. 63 റണ്‍സെടുത്ത ശിഖര്‍ ധവാനും, 87 റണ്‍സെടുത്ത വിരാട് കോഹ്ലിയും രഹാനെയ്ക്ക് മികച്ച പിന്തുണ നല്‍കി. യുവരാജ് സിംഗ് 14 ഉം, ഹര്‍ദിക് പാണ്ഡ്യ നാലു റണ്‍സും എടുത്ത് പുറത്തായി.

311 റണ്‍സെന്ന വിജയലക്ഷ്യം തേടി ബാറ്റ് ചെയ്ത വിന്‍ഡീസിന് വേണ്ടി അര്‍ധസെഞ്ച്വറി നേടിയ ഷായ് ഹോപ്പ് മാത്രമേ പൊരുതിയുള്ളൂ. ഹോപ്പ് 81 റണ്‍സെടുത്തു. റോസ്റ്റണ്‍ ചേസ് 33 ഉം, 29 റണ്‍സെടുത്ത നായകന്‍ ജേസണ്‍ ഹോള്‍ഡറുമാണ് മറ്റ് പ്രധാന സ്‌കോറര്‍മാര്‍.

മൂന്നു വിക്കറ്റെടുത്ത സ്പിന്നര്‍ കുല്‍ദീപ് യാദവാണ് വിന്‍ഡീസിനെ തകര്‍ത്തത്. ഭുവനേശ്വര്‍ കുമാര്‍ രണ്ട് വിക്കറ്റെടുത്തു. 5 ഓവറില്‍ വെറും ഒമ്പത് റണ്‍സിനാണ് ഭുവനേശ്വര്‍ രണ്ടു വിക്കറ്റെടുത്തത്. സെഞ്ച്വറി നേടിയ അജിങ്ക്യ രഹാനെയാണ് മാന്‍ ഓഫ് ദ മാച്ച്. ആദ്യ ഏകദിനം മഴ മൂലം ഉപേക്ഷിച്ചിരുന്നു. മൂന്നാം ഏകദിനം ഈ മാസം 30 ന് നടക്കും.

Australian badminton winner k sreekanth
Posted by
25 June

ചരിത്രമെഴുതി, ഓസ്‌ട്രേലിയന്‍ ഓപ്പണ്‍ സൂപ്പര്‍ സീരീസ് ബാഡ്മിന്റണ്‍ കിരീടം ശ്രീകാന്തിന്

സിഡ്‌നി: ഓസ്‌ട്രേലിയന്‍ ഓപ്പണ്‍ സൂപ്പര്‍ സീരീസ് ബാഡ്മിന്റണിന്റെ ഫൈനലില്‍ ഇന്ത്യയുടെ കിടംബി ശ്രീകാന്തിന് കിരീടം. ഒളിമ്പിക്‌സ് താരം ചൈനയുടെ ചെന്‍ ലോങായിരുന്നു കലാശപ്പോരില്‍ ശ്രീകാന്തിന്റെ എതിരാളി.

സെമിയില്‍ ചൈനയുടെ തന്നെ നാലാം സീഡ് ഷി യുഖിയെ തോല്‍പ്പിച്ചാണ് ശ്രീ ഫൈനലിലെത്തിയത്. സ്‌കോര്‍ (2110, 2114). 37 മിനിട്ട് മാത്രമാണ് മത്സരംനീണ്ടുനിന്നത്. ഫൈനലിലേക്കുള്ള യാത്രയില്‍ ലോക ഒന്നാം നമ്പര്‍ സണ്‍ വാന്‍ ഹൂ, സ്വന്തം നാട്ടുകാരനായ സായ് പ്രണീത് എന്നിവരേയും ശ്രീ മറികടന്നിരുന്നു. കടുത്ത പോരാട്ടത്തില്‍ ദക്ഷിണ കോറിയയുടെ ലീ ഹ്യൂനെ തോല്‍പ്പിച്ചാണ് ചെന്‍ ലോങ് കിരീടപ്പോരിന് അര്‍ഹത നേടിയത് സ്‌കോര്‍ (2624, 1521, 2117)

Indian cricket team captain
Posted by
25 June

അന്താരാഷ്ട്ര ഏകദിന ക്രിക്കറ്റ് മത്സരം: തുടര്‍ച്ചയായി ഏഴ് അര്‍ദ്ധ സെഞ്ച്വറി: ഇന്ത്യന്‍ വനിത ക്രിക്കറ്റ് ക്യാപ്റ്റന്‍ മിഥാലി രാജിന് ചരിത്രവിജയം

ഡെര്‍ബി: അന്താരാഷ്ട്ര വനിതഏകദിന ക്രിക്കറ്റ് മത്സരങ്ങളില്‍ തുടര്‍ച്ചയായി ഏഴ് അര്‍ദ്ധ സെഞ്ച്വറി നേടുന്ന താരമെന്ന പദവി കരസ്ഥമാക്കി ഇന്ത്യന്‍ വനിത ക്രിക്കറ്റ് ക്യാപ്റ്റന്‍ മിഥാലി രാജ്. ഇംഗ്ലണ്ടിനെതിരായ മത്സരത്തില്‍ 73 ബോളുകളില്‍ നിന്നും 71 റണ്ണുകള്‍ നേടിയാണ് മിഥാലി ഈ അപൂര്‍വ നേട്ടം കൈവരിച്ചത്. മൂന്ന് വിക്കറ്റ് നഷ്ടത്തില്‍ 281 റണ്‍സാണ് ഇന്ത്യ അമ്പത് ഓവറുകളില്‍ നേടിയത്.

ഇംഗ്ലണ്ട് താരം ഹീതര്‍ നൈറ്റിന്റെ 27ാമത് ഓവറില്‍ സ്മൃതി മന്ദന 90 റണ്‍സ് കരസ്ഥമാക്കി പുറത്തായ അവസരത്തിലാണ് മിഥാലി ക്രീസിലെത്തുന്നത്. ശ്രദ്ധയോടെ ആരംഭിച്ച ഇന്നിംഗ്‌സില്‍ പൂനം റൗത്തിനോടൊപ്പം 78 റണ്‍സിന്റെ കൂട്ടുകെട്ട് ഉണ്ടാക്കാന്‍ മിഥാലിക്ക് കഴിഞ്ഞു. 4 പന്തുകള്‍ തുടര്‍ച്ചയായി ബൗണ്ടറിക്ക് പിന്നിലേക്ക് പറത്തിയായിരുന്നു 56 പന്തുകളില്‍ മിഥാലി രാജ് അര്‍ദ്ധ സെഞ്ച്വറി നേടിയത്.i

Hockey World League Semi-Final: India Crush Pakistan 6-1, Face Canada Next In 5th-6th Place Match
Posted by
24 June

ഹോക്കി ലോക ലീഗില്‍ പാകിസ്താന് എതിരായ രണ്ടാം മല്‍സരത്തിലും ഇന്ത്യയ്ക്ക് ജയം

ലണ്ടന്‍: ഹോക്കി ലോക ലീഗ് സെമി ഫൈനലില്‍ പാകിസ്താനുമായി മുഖാമുഖമെത്തിയ രണ്ടാം മല്‍സരത്തിലും ഇന്ത്യയ്ക്ക് ജയം. അഞ്ചുമുതല്‍ എട്ടുവരെയുള്ള സ്ഥാനനിര്‍ണയ മല്‍സരത്തില്‍ ഒന്നിനെതിരെ ആറു ഗോളുകള്‍ക്കാണ് ഇന്ത്യയുടെ വിജയം. രമണ്‍ദീപ് സിങ്, മന്‍ദീപ് സിങ്, തല്‍വീന്ദര്‍ സിങ്, ഹര്‍മന്‍പ്രീത് സിങ് എന്നിവരാണ് ഇന്ത്യയ്ക്കായി ഗോള്‍ നേടിയത്. പാകിസ്താന്റെ ആശ്വാസ ഗോള്‍ അജാസ് അഹമ്മദ് സ്വന്തമാക്കി.

ഈ വിജയത്തോടെ അഞ്ച്ആറ് സ്ഥാനനിര്‍ണയ മല്‍സരത്തില്‍ കാനഡയ്‌ക്കെതിരെ കളിക്കാനും ഇന്ത്യ യോഗ്യത നേടി. പൂള്‍ മല്‍സരത്തില്‍ പാകിസ്താനെ 71 നു തോല്‍പ്പിച്ചതിന്റെ ആത്മവിശ്വാസത്തില്‍ ഇറങ്ങിയ ഇന്ത്യ, സമാനമായ പ്രകടനത്തോടെയാണ് ഇത്തവണയവും ജയിച്ചുകയറിയത്. ക്വാര്‍ട്ടര്‍ ഫൈനലില്‍ 14ാം റാങ്കുകാരായ മലേഷ്യയോടു 23നു തോറ്റാണ് ആറാം റാങ്കുകാരായ ഇന്ത്യ നോക്കൗട്ട് ഘട്ടത്തില്‍നിന്നു പുറത്തായത്.

Josu Preito returns ti ISL
Posted by
24 June

ആരു പറഞ്ഞു താന്‍ ബ്ലാസ്റ്റേഴ്‌സിലേക്ക് ഇല്ലെന്ന്; ഈ സീസണിലും ഐഎസ്എല്ലില്‍ കളിക്കുമെന്ന് മലയാളികളുടെ സ്വന്തം ജോസൂട്ടന്‍

കൊച്ചി: ഐഎസ്എല്ലിന്റെ വരുന്ന സീസണിലും കേരളാബ്ലാസ്റ്റേഴ്സിനായി കളിക്കുമെന്ന പ്രതീക്ഷ നല്‍കി ഹോസു പ്രീറ്റോ. കഴിഞ്ഞ സീസണില്‍ കേരളാ ബ്ലാസ്റ്റേഴ്‌സിനായി പ്രതിരോധത്തിന്റെ ഉരുക്കുകോട്ട തീര്‍ത്ത ഹോസു ഇനി കേരളത്തിലേക്ക് ഇല്ലെന്ന വാര്‍ത്ത ഏറെ വിഷമത്തോടെയായിരുന്നു ആരാധകര്‍ ശ്രവിച്ചത്. എന്നാല്‍ ഈ വാര്‍ത്തകളോട് പ്രതികരിച്ചിരിക്കുകയാണ് മലയാളികളുടെ സ്വന്തം ഹോസു.

ഹോസുവിനെ ഇത്തവണ കാണാന്‍ ഇടയില്ലെന്നും അദ്ദേഹത്തെ മിസ് ചെയ്യുമെന്നും കുറിച്ച ഒരു കേരളാ ബ്ലാസ്റ്റേഴ്സ് ആരാധകന്റെ ട്വീറ്റിന് മറുപടിയായിട്ടാണ് ഹോസു ഇത്തവണയും ടീമിലുണ്ടാകുമെന്ന് സൂചന നല്‍കിയത്. ഞാന്‍ മടങ്ങിവരില്ലെന്ന് ആര് പറഞ്ഞു എന്നാണ് അദ്ദേഹം മറുപടിയിട്ടത്. അപ്പോള്‍ അക്ഷയ് എന്ന ആരാധകന്‍ മാധ്യമങ്ങള്‍ ഇങ്ങനെ പറയുന്നു എന്ന് ചൂണ്ടിക്കാട്ടി. എന്നാല്‍ അവര്‍ക്കൊന്നുമറിയില്ല എന്ന് ഹോസു തിരിച്ച് പറഞ്ഞു.

താന്‍ സ്പാനിഷ് ടീമിലില്ല എന്നും കേരളത്തിനായി കളിക്കാനാവുന്ന രീതിയിലാണ് കരാറെന്നും ഹോസു പിന്നെയും ട്വീറ്റ് ചെയ്തു. കഴിഞ്ഞ തവണ കപ്പിനും ചുണ്ടിനുമിടയില്‍ ഫൈനല്‍ നഷ്ടമായ ജോസൂട്ടനും കേരളാ ബ്ലാസ്റ്റേഴ്സിനും കപ്പടിക്കുക എന്നത് ഈ സീസണില്‍ ഒരഭിമാന പ്രശ്നം തന്നെയാണ്.

women world cup cricket
Posted by
24 June

വനിതാ ലോകകപ്പ് ക്രിക്കറ്റിന് ഇന്ന് ഇംഗ്ലണ്ടില്‍ തുടക്കം

ഇംഗ്ലണ്ട്: വനിതാ ലോകകപ്പ് ക്രിക്കറ്റിന് ഇന്ന് ഇംഗ്ലണ്ടില്‍ തുടക്കം. ആദ്യദിനം രണ്ടു മല്‍സരങ്ങളുണ്ട്. ന്യൂസീലാന്‍ഡ് ശ്രീലങ്കയേയും ഇന്ത്യ ഇംഗ്ലണ്ടിനേയും നേരിടും. തുടര്‍ച്ചയായ ഏഴാം കിരീടം ലക്ഷ്യമിട്ടിറങ്ങുന്ന ഓസ്‌ട്രേലിയയാണ് ടൂര്‍ണമെന്റിലെ വമ്പന്‍മാര്‍. ഇന്ത്യയില്‍ നടന്ന കഴിഞ്ഞ ലോകകപ്പില്‍ വെസ്റ്റ് ഇന്‍ഡീസിനെ 114 റണ്‍സിന് തോല്‍പിച്ചായിരുന്നു കിരീടനേട്ടം.

സന്നാഹമല്‍സരത്തില്‍ ശ്രീലങ്കയെ 109 റണ്‍സിന് തോല്‍പ്പിച്ചതിന്റെ ആവേശത്തിലാണ് ഇന്ത്യ ആദ്യ മല്‍സരത്തിനിറങ്ങുന്നത്. ക്യാപ്റ്റന്‍ മിതാലി രാജിന്റെ 85 റണ്‍സാണ് ഉജ്വല ജയമൊരുക്കിയത്. ഇന്ത്യയെ നേരിടാനിറങ്ങുന്ന ആതിഥേയരായ ഇംഗ്ലണ്ടിന് കളിക്കു മുന്‍പെ തിരിച്ചടി കിട്ടി. ടീമിലെ സൂപ്പര്‍താരവും ഓപ്പണറുമായ ലോറന്‍ വിന്‍ഫീല്‍ഡ് ഇന്ന് കളിക്കില്ല. പാകിസ്താന്‍, വെസ്റ്റ് ഇന്‍ഡീസ്,ദക്ഷിണാഫ്രിക്ക എന്നിവരാണ് ടൂര്‍ണമെന്റിലെ മറ്റ് ടീമുകള്‍. ആദ്യ റൗണ്ടില്‍ എല്ലാ ടീമുകളും പരസ്പരം ഏറ്റുമുട്ടും. മികച്ച നാലു പേര്‍ സെമിയില്‍. ജൂലൈ 23നാണ് ഫൈനല്‍.