വിമര്‍ശന ശരങ്ങളേറ്റു തളര്‍ന്നു; തിരിച്ചുവിളിക്ക് കാതോര്‍ത്ത് നില്‍ക്കാതെ വെയ്ന്‍ റൂണി അന്താരാഷ്ട ഫുട്‌ബോളില്‍ നിന്നും വിരമിച്ചു
Posted by
23 August

വിമര്‍ശന ശരങ്ങളേറ്റു തളര്‍ന്നു; തിരിച്ചുവിളിക്ക് കാതോര്‍ത്ത് നില്‍ക്കാതെ വെയ്ന്‍ റൂണി അന്താരാഷ്ട ഫുട്‌ബോളില്‍ നിന്നും വിരമിച്ചു

ലണ്ടന്‍: ഇംഗ്ലണ്ട് ഫുട്‌ബോള്‍ ഇതിഹാസം വെയ്ന്‍ റൂണി അന്താരാഷ്ട്ര ഫുട്ബോളില്‍ നിന്നും വിരമിച്ചു. ഇംഗ്ലണ്ട് പരിശീലകന്‍ ഗാരെത്ത് സൗത്ത്ഗേറ്റുമായി നടത്തിയ നീണ്ട ചര്‍ച്ചയ്ക്കൊടുവിലാണ് ഇംഗ്ലണ്ട് നായകന്‍ പടിയിറങ്ങിയത്. അടുത്തകാലത്തായി ഫോം ഔട്ടായി പഴയ പ്രതാപകാലത്തിന്റെ നിഴലുമാത്രമായി ഒതുങ്ങിയ വാസ വിമര്‍ശന ശരങ്ങള്‍ ഏറ്റുവാങ്ങിയാണ് കളത്തില്‍ നിന്നും മടങ്ങുന്നത്. അപ്രതീക്ഷിതമായി അദ്ദേഹം അന്താരാഷ്ട്ര കരിയറില്‍ നിന്നും വിരമിക്കല്‍ തീരുമാനം പ്രഖ്യാപിക്കുകയായിരുന്നു.

അടുത്ത മത്സരങ്ങള്‍ക്കുള്ള ടീമില്‍ മടങ്ങിയെത്തണമെന്ന് പരിശീലകന്‍ ഗാരത് അറിയിച്ചതിന് പിന്നാലെയായിരുന്നു റൂണി തന്റെ വിരമിക്കല്‍ തീരുമാനം അറിയിച്ചത്. തീരുമാനത്തെ കുറിച്ച് വീട്ടുകാരുമായും സുഹൃത്തുകളുമായി ആലോചിച്ചെന്നും ഇതാണ് ഏറ്റവും ഉചിതമായ സമയമെന്ന് കരുതുന്നുവെന്നും റൂണി പത്രക്കുറിപ്പില്‍ പറയുന്നു.

മോശം പ്രകടനം കാരണം ഇംഗ്ലണ്ട് ടീമില്‍ നിന്നും താരം പുറത്തിരിക്കുകയായിരുന്നു ഏറെ കാലമായി. 31 കാരനായ റൂണി 13 വര്‍ഷത്തെ മാഞ്ചസ്റ്റര്‍ യൂണൈറ്റഡ് വാസത്തിന് ശേഷം അരങ്ങേറ്റം കുറിച്ച എവര്‍ട്ടണില്‍ ഈയിടെ മടങ്ങിയെത്തിയിരുന്നു.

കഴിഞ്ഞ മത്സരത്തിലെ ഗോളോട് കൂടി പ്രീമിയര്‍ ലീഗില്‍ 200 ഗോളെന്ന നേട്ടം പിടിയിലൊതുക്കിയ വാസ ഇംഗ്ലണ്ട് സ്‌ക്വാഡിലേക്ക് മടങ്ങി വരുമെന്ന് പ്രതീക്ഷ നല്‍കിയിരുന്നു. എന്നാല്‍ 14 വര്‍ഷം നീണ്ട തന്റെ സംഭവബഹുലമായ കരിയറിന് വിരാമമിടാന്‍ ഇതാണ് ശരിയായ സമയമെന്ന് റൂണി സ്വയം തീരുമാനിക്കുകയായിരുന്നു.

ഇംഗ്ലണ്ടിനായി 119 മത്സരങ്ങളില്‍ നിന്നും 53 ഗോളുകള്‍ നേടിയിട്ടുള്ള റൂണി ഇംഗ്ലീഷ് പടയുടെ ഏറ്റവും വലിയ ഗോള്‍ സ്‌കോറര്‍ ആണ്. പീറ്റര്‍ ഷില്‍ട്ടണ് ശേഷം ഏറ്റവും കൂടുതല്‍ കാലം ടീമിനെ നയിച്ച നായകനും റൂണിയാണ്. 2003 ല്‍ 17 ാം വയസില്‍ ഓസ്ട്രേലിയക്കെതിരെയായിരുന്നു റൂണിയുടെ അരങ്ങേറ്റം. അതും ഒരു റെക്കോര്‍ഡാണ്.

പ്രായം 37ല്‍ എത്തിയത് ബാറ്ററിഞ്ഞില്ല; അഫ്രീദിക്ക് 42 പന്തില്‍ സെഞ്ച്വറി
Posted by
23 August

പ്രായം 37ല്‍ എത്തിയത് ബാറ്ററിഞ്ഞില്ല; അഫ്രീദിക്ക് 42 പന്തില്‍ സെഞ്ച്വറി

ലണ്ടന്‍: അതിവേഗ സെഞ്ച്വറിയുടെ റെക്കോര്‍ഡ് വീണ്ടും സ്വന്തം പേരില്‍ എഴുതി ചേര്‍ത്ത് പാകിസ്താന്‍ മുന്‍ നായകന്‍ ഷാഹിദ് അഫ്രീദി. ഇംഗ്ലണ്ടില്‍ നടക്കുന്ന നാറ്റ് വെസ്റ്റ് ട്വന്റി-20 ബ്ലാസ്റ്റില്‍ കേവലം 42 പന്തില്‍ സെഞ്ച്വറി നേടിയാണ് അഫ്രീദി ക്രിക്കറ്റ് ലോകത്തെ അമ്പരപ്പിച്ചത്. 10 ഫോറും ഏഴ് സിക്സും അഫ്രീദിയുടെ വേഗമേറിയ സെഞ്ച്വറിയ്ക്ക് മാറ്റ് കൂട്ടി.

ആദ്യ കാലങ്ങളില്‍ 37 പന്തില്‍ സെഞ്ച്വറി തികച്ച അഫ്രീദിയുടെ പ്രകടനം ഓര്‍മ്മിപ്പിക്കും വിധത്തിലാണ് അന്താരാഷ്ട്ര ക്രിക്കറ്റില്‍ നിന്നും വിരമിച്ച ഈ താരം ബാറ്റ് ചെയ്തത്. കേവലം 20 പന്തിലാണ് താരം അര്‍ധ സെഞ്ച്വറി തികച്ചത്. ഇമ്രാന്‍ താഹിര്‍ അടക്കമുളള ലോകോത്തര ബൗളിങ് നിരയ്ക്കെതിരെ തന്നെയായിരുന്നു അഫ്രീദിയുടെ ഈ പ്രകടനം. ഹാംഷെറിനായി ഓപ്പണറായി ഇറങ്ങിയ താരം അക്ഷരാര്‍ത്ഥത്തില്‍ വെടിക്കെട്ടിന് തിരികൊളുത്തുകയായിരുന്നു. 12ാം ഓവറില്‍ അഫ്രീദി പുറത്താകുമ്പോള്‍ ടീം സ്‌കോര്‍ 146ല്‍ എത്തിയിരുന്നു. ഡെര്‍ബി ഷെയര്‍ ബൗളര്‍മാരെ തലങ്ങും വിലങ്ങും പ്രഹരിച്ച താരം പേസ് സ്പിന്‍ ബൗളര്‍ക്കൊന്നും ഒരു ദയയും അനുവദിച്ചില്ല.

ഇതുവരെ സീസണിലെ ഏറ്റവും ഉയര്‍ന്ന സ്‌കോര്‍ 18 മാത്രമായിരുന്ന അഫ്രീദിയെ ഈ മല്‍സരത്തില്‍ ഓപ്പണറായി പരീക്ഷിച്ച ഹാംഷയര്‍ ക്യാപ്റ്റന്റെ തീരുമാനമാണ് നിര്‍ണായകമായത്. ഇതുവരെ ഏഴ് ഇന്നിങ്‌സുകളില്‍ ബാറ്റിങ്ങിനിറങ്ങിയ അഫ്രീദിക്കു നേടാനായത് 50 റണ്‍സ് മാത്രമായിരുന്നു. എന്നാല്‍, ദക്ഷിണാഫ്രിക്കന്‍ താരം ഇമ്രാന്‍ താഹിര്‍ ഉള്‍പ്പെടെയുള്ളവര്‍ അണിനിരന്ന ഡെര്‍ബിഷയറിനെതിരെ അഫ്രീദി വീണ്ടും പഴയ അഫ്രീദിയായി. 2003 സീസണില്‍ ഡെര്‍ബിഷയറിനായി കളിച്ചിട്ടുള്ള അഫ്രീദി, ആ ദയവൊന്നും കളത്തില്‍ കാട്ടിയില്ല.

അന്താരാഷ്ട്ര ക്രിക്കറ്റില്‍ വേഗമേറിയ എട്ടാമത്തെ സെഞ്ച്വറിയാണിത്. റോയല്‍ ചലഞ്ചേഴ്സ് ബംഗളൂരുവിനായി പൂണെയ്ക്കെതിരെ 30 പന്തില്‍ ഗെയ്ല്‍ സെഞ്ച്വറി തികച്ചതാണ് ഈ ഇനത്തിലെ മറ്റൊരു റെക്കോര്‍ഡ്.

അഫ്രീദിയുടെ സെഞ്ച്വറി മികവില്‍ ആദ്യം ബാറ്റ് ചെയ്ത ഹാം ഷെയര്‍ എട്ട് വിക്കറ്റിന് 249 റണ്‍സെടുത്തു. മറുപടി ബാറ്റിങ്ങിനിറങ്ങിയ ഡെര്‍ബി ഷെയര്‍ കേവലം 148 റണ്‍സിന് ഓള്‍ ഔട്ടാകുകയായിരുന്നു. ഇതോടെ 101 റണ്‍സിന്റെ തകര്‍പ്പന്‍ ജയമാണ് ഹാംഷെയര്‍ ആഘോഷിച്ചത്.

മാഞ്ചസ്റ്റര്‍ താരങ്ങളെ എത്തിക്കാന്‍ ബ്ലാസ്റ്റേഴ്‌സ് മുടക്കുന്നത് ഞെട്ടിപ്പിക്കുന്ന തുക; ഐഎസ്എല്‍ ചരിത്രം മാറ്റി മഞ്ഞപ്പട
Posted by
22 August

മാഞ്ചസ്റ്റര്‍ താരങ്ങളെ എത്തിക്കാന്‍ ബ്ലാസ്റ്റേഴ്‌സ് മുടക്കുന്നത് ഞെട്ടിപ്പിക്കുന്ന തുക; ഐഎസ്എല്‍ ചരിത്രം മാറ്റി മഞ്ഞപ്പട

കൊച്ചി: താന്‍ കേരളത്തിലേക്ക് വരുന്നത് വെറുതെയല്ല എന്ന മുന്‍ മാഞ്ചസ്റ്റര്‍ താരം വെസ് ബ്രൗണിന്റെ വാക്കുകളുടെ അര്‍ത്ഥം ശരിയായി മനസിലായത് ഇപ്പോഴെന്ന് ബ്ലാസ്‌റ്റേഴ്‌സ് ആരാധകര്‍. മുന്‍ മാഞ്ചസ്റ്റര്‍ യുണൈറ്റഡ് താരങ്ങളായ ഡിമിചാര്‍ ബെര്‍ബച്ചോവിനും വെസ് ബ്രൗണിനുമായി കേരള ബ്ലാസ്റ്റേഴ്സ് മുടക്കുന്നത് 12 കോടി രൂപയെന്നാണ് സൂചന. ബ്ലാസ്റ്റേഴ്സ് വൃത്തങ്ങളില്‍ നിന്നു തന്നെയാണ് ഇക്കാര്യത്തില്‍ അനൗദ്യോഗിക റിപ്പോര്‍ട്ടുകള്‍ പുറത്ത് വന്നിരിക്കുന്നത്.

ഇതില്‍ ബള്‍ഗേറിയിന്‍ താരം ഡിമിചാര്‍ ബെര്‍ബച്ചോവിനെ സ്വന്തമാക്കാന്‍ മാത്രം 1 മില്യണ്‍ യു എസ് ഡോളര്‍ (ഏഴ് കോടിയോളം രൂപ) ബ്ലാസ്റ്റേഴ്സ് ചെലവഴിക്കുന്നുണ്ടെന്നാണ് സൂചന. അതേസമയം വെസ് ബ്രൗണിനെ ടീമിലെത്തിക്കാന്‍ അഞ്ച് കോടിയോളം രൂപയാണ് ബ്ലാസ്റ്റേഴ്സ് മുടക്കിയതെന്നാണ് സൂചന.

എല്ലാ ടീമുകളും പരമാവധി കുറഞ്ഞ തുകയ്ക്ക് കൂടുതല്‍ താരങ്ങളെ സ്വന്തം ക്ലബിലെത്തിക്കാന്‍ ശ്രമിക്കുന്നതിനിടെയാണ് ഇന്ത്യന്‍ ഫുട്ബോളില്‍ തന്നെ കേട്ടുകേള്‍വിയില്ലാത്ത വിധം വിദേശ താരങ്ങള്‍ക്കായി ബ്ലാസ്റ്റേഴ്സ് കോടികള്‍ ഒഴുക്കുന്നത്. വിദേശ താരങ്ങള്‍ക്കായി 12 കോടിയിലധികം ചിലവഴിക്കരുത് എന്നാണ് ഐ എസ് എല്‍ നിയമം. എന്നാല്‍ മാര്‍ക്വീ താരത്തിന് നല്‍കിയ ആനുകൂല്യം മുതലെടുത്താണ് ബ്ലാസ്റ്റേഴ്സ് പണമൊഴുക്കിയുളള ഈ വമ്പന്‍ നീക്കം നടത്തുന്നതെന്നാണ് സൂചന.

കഴിഞ്ഞ ദിവസമാണ് മാഞ്ചസ്റ്റര്‍ യുണൈറ്റഡിന്റെ സൂപ്പര്‍ താരങ്ങളായിരുന്ന സ്‌ട്രൈക്കര്‍ ഡിമിച്ചാര്‍ ബെര്‍ബചോവും ഡിഫന്‍സ്ഡര്‍ വെസ് ബ്രൗണും കേരള ബ്ലാസ്റ്റേഴ്‌സിലേക്ക് എത്തുന്നു എന്ന വാര്‍ത്ത പുറത്ത് വന്നത്. ഇതില്‍ വെസ് ബ്രൗണ്‍ ബ്ലാസ്റ്റേഴ്‌സിലെത്തിയതായി ബ്ലാസ്റ്റേഴ്‌സ് തന്നെ ഔദ്യോഗികമായി സ്ഥിരീകരിച്ച് കഴിഞ്ഞു.

പതിനഞ്ചു വര്‍ഷത്തോളം മാഞ്ചസ്റ്റര്‍ യുണൈറ്റഡിന്റെ ഭാഗമായിരുന്ന താരമാണ് വെസ് ബ്രൗണ്‍. ഡിഫന്‍സില്‍ ഏതു പൊസിഷനിലും കളിക്കാന്‍ കഴിവുള്ള താരം മാഞ്ചസ്റ്ററിന്റെ അവസാന ചാമ്പ്യന്‍സ് ലീഗ് കിരീട നേട്ടത്തില്‍ പ്രധാന പങ്കു വഹിച്ചിരുന്നു. 2008ലെ ചാമ്പ്യന്‍സ്ലീഗ് ഫൈനലില്‍ ചെല്‍സിക്കെതിരെ റൈറ്റ് ബാക്കായി ബ്രൗണ്‍ നടത്തിയ പ്രകടനം ശ്രദ്ധേയമായിരുന്നു.

അതെസമയം ദിമിതര്‍ ബെര്‍ബറ്റോവ് ആകട്ടെ മാഞ്ചസ്റ്റര്‍ യുണൈറ്റഡിന്റെ ഏറ്റവും മികച്ച താരവും ബള്‍ഗേറിയയുടെ എക്കാലത്തേയും മികച്ച ടോപ് സ്‌കോററുമായിരുന്നു. ബയെര്‍ ലെവര്‍ക്യൂസന്‍, ടോട്ടനം ഹോട്സ്പര്‍, മൊണാക്കോ തുടങ്ങിയ ക്ലബുകള്‍ക്കു വേണ്ടിയും കളിച്ചിട്ടുള്ള ബെര്‍ബറ്റോവുമായി കരാറിന്റെ അവസാന ഘട്ടത്തിലാണ് ബ്ലാസ്റ്റേഴ്സ്. ഒന്നോ രണ്ടോ ദിവസത്തിനകം ഇ്ക്കാര്യത്തെ കുറിച്ച് അന്തിമ പ്രഖ്യാപനമുണ്ടാകുമെന്നും ചില മാധ്യമങ്ങള്‍ റിപ്പോര്‍ട്ട് ചെയ്യുന്നു.

കടപ്പാട്: പവലിയന്‍ എന്‍ഡ്‌

ക്രിക്കറ്റ് ഇതിഹാസം സച്ചിനെ മുട്ടുകുത്തിക്കാന്‍ അലിസ്റ്റര്‍ കുക്ക്
Posted by
22 August

ക്രിക്കറ്റ് ഇതിഹാസം സച്ചിനെ മുട്ടുകുത്തിക്കാന്‍ അലിസ്റ്റര്‍ കുക്ക്

ലണ്ടന്‍: ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കറുടെ ടെസ്റ്റ് റെക്കോര്‍ഡുകള്‍ മറികടക്കാന്‍ ഇംഗ്ലണ്ട് മുന്‍ ക്യാപ്റ്റന്‍ അലിസ്റ്റര്‍ കുക്ക് തയ്യാറെടുക്കുന്നു. ടെസ്റ്റ് ക്രിക്കറ്റില്‍ ഏറ്റവും കൂടുതല്‍ റണ്‍സ് എന്ന സച്ചിന്റെ റെക്കോര്‍ഡ് തകര്‍ക്കാന്‍ ക്രിക്കറ്റ് ലോകത്ത് നിലവില്‍ ഏറ്റവും സാധ്യത കല്‍പ്പിക്കുന്നയാളാണ് കുക്ക്. ഏറ്റവും കൂടുതല്‍ ടെസ്റ്റ് കളിച്ച താരമെന്ന റെക്കോഡും കുക്ക് അടിച്ചെടുത്തേക്കും എന്നാണ് സൂചന.

32 വയസുള്ള കുക്ക് നിലവിലെ ഫോം തുടരുകയാണെങ്കില്‍ സച്ചിനെ മറികടക്കും. 200 ടെസ്റ്റ് മല്‍സരങ്ങള്‍ കളിച്ച സച്ചിന്റെ അക്കൗണ്ടില്‍ 15,921 ടെസ്റ്റ് റണ്‍സാണുള്ളത്. 145 ടെസ്റ്റുകളില്‍ നിന്ന് 11,568 റണ്‍സാണ് കുക്കിന്റെ സമ്പാദ്യം. സച്ചിന്റെ റെക്കോഡിനേക്കാള്‍ 4,361 പിന്നിലാണ് കുക്ക്. ക്യാപ്റ്റന്‍ പദവി ഒഴിഞ്ഞ് ബാറ്റിങില്‍ കൂടുതല്‍ ശ്രദ്ധ നല്‍കുന്ന കുക്ക് നിലവില്‍ കരുത്തുറ്റ പ്രകടനങ്ങളാണ് കാഴ്ചവെക്കുന്നതും. വിന്‍ഡീസിനെതിരായ ഒന്നാം ക്രിക്കറ്റ് ടെസ്റ്റില്‍ ഇരട്ട സെഞ്ച്വറി നേടിയതോടെ കുക്ക് ബാറ്റ്സ്മാന്‍മാരുടെ പട്ടികയില്‍ ആദ്യ 10ല്‍ തിരിച്ചെത്തി.

ടെസ്റ്റ് മത്സരങ്ങള്‍ക്ക് പ്രാധാന്യം നല്‍കുന്ന രീതിയാണ് ഇംഗ്ലണ്ട് ക്രിക്കറ്റ് ബോര്‍ഡിന്റേത് എന്നതിനാല്‍ തന്നെ കുക്കിന് ഇനിയും സമയമുണ്ടെന്ന് സാരം. ഒരു വര്‍ഷം 15 ടെസ്റ്റ് മല്‍സരങ്ങളെങ്കിലും ടീം കളിക്കാറുണ്ടെന്നതും കുക്കിന് അനുകൂല ഘടകമാണ്. 40 വയസുവരെ രാജ്യാന്തര ക്രിക്കറ്റ് കളിച്ചാണ് സച്ചിന്‍ ഈ റെക്കോര്‍ഡില്‍ എത്തിയത്. 32കാരനായ കുക്കിന് പരിക്ക് പിടികൂടിയില്ലെങ്കില്‍ സച്ചിന്റെ റെക്കോഡുകള്‍ അനായാസം മറികടക്കാമെന്നും വിലയിരുത്തലുകള്‍ ഉണ്ട്.

പോണ്ടിങ് (13,378 റണ്‍സ്), ജാക്ക് കാലിസ് (13,289 റണ്‍സ്), രാഹുല്‍ ദ്രാവിഡ് (13,288 റണ്‍സ്), കുമാര്‍ സംഗക്കാര (12,400 റണ്‍സ്), ബ്രയാന്‍ ലാറ (11,953 റണ്ണുകള്‍), ശിവനാരായണ്‍ ചന്ദര്‍പോള്‍ (11,867), മഹേല ജയവര്‍ധനെ (11,814 റണ്‍സ്) എന്നിവരാണ് സച്ചിന് തൊട്ടുപിന്നിലുള്ള താരങ്ങള്‍. ഇവരെല്ലാം ക്രിക്കറ്റില്‍ നിന്നും വിരമിച്ചവരാണ്.

തലപ്പത്തിരിക്കാന്‍ ചിലര്‍ യോഗ്യരല്ല: ബാഴ്‌സലോണയുടെ ഡയറക്ടര്‍മാര്‍ക്കെതിരെ ആഞ്ഞടിച്ച് നെയ്മര്‍
Posted by
22 August

തലപ്പത്തിരിക്കാന്‍ ചിലര്‍ യോഗ്യരല്ല: ബാഴ്‌സലോണയുടെ ഡയറക്ടര്‍മാര്‍ക്കെതിരെ ആഞ്ഞടിച്ച് നെയ്മര്‍

മാന്‍ഡ്രിഡ്: ബാഴ്‌സയുടെ ഡയറക്ടര്‍ സ്ഥാനത്തിരിക്കുന്നവര്‍ അതിന് യോഗ്യരല്ല,ബാഴ്‌സ കൂടുതല്‍ അര്‍ഹിക്കുന്നുണ്ട്, ലോകത്തിന് മുഴുവന്‍ ഇതറിയാമെന്ന് നെയ്മറുടെ പ്രതികരണം. ടുളൂസക്കെതിരായ മത്സരത്തിനു ശേഷമാണ് ബാഴ്‌സ ഡയറക്ടര്‍മാര്‍ക്കെതിരെ നെയ്മര്‍ രൂക്ഷമായി പ്രതികരിച്ചത്.

ബാഴ്‌സയില്‍ ചെലവിട്ട നാലു സീസണും സന്തോഷം നിറഞ്ഞതാണ്. എന്നാല്‍ ഡയറക്ടര്‍മാരുമായുളള ബന്ധം നല്ലതായിരുന്നില്ല. മറ്റൊരു ടീമില്‍ നിന്നുകൊണ്ട് കൂടുതല്‍ പറയാന്‍ പരിമിതിയുണ്ടെന്നും അവിടെ എന്താണ് നടക്കുന്നതെന്നറിയില്ലെന്നും അദ്ദേഹം പറഞ്ഞു. തന്റെ കൂടുമാറ്റത്തില്‍ പഴയ സഹപ്രവര്‍ത്തകര്‍ക്ക് അതിയായ ദുഖമുണ്ട്, ബാഴ്‌സയില്‍ നിരവധി സുഹൃത്തുക്കളുളളതിനാല്‍ തനിക്കും സങ്കടമുണ്ട്. ബാഴ്‌സ കരുത്ത് വീണ്ടെടുക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു. ബാഴ്‌സയില്‍ നിന്നും പിഎസ്ജിയിലേക്ക് മാറിയതിനു ശേഷം ആദ്യമായാണ് നെയ്മറുടെ പ്രതികരണം.

വിയര്‍പ്പിനെ പരിഹസിച്ച ആരാധകന് മിതാലി നല്‍കിയ മറുപടി വൈറലാകുന്നു
Posted by
22 August

വിയര്‍പ്പിനെ പരിഹസിച്ച ആരാധകന് മിതാലി നല്‍കിയ മറുപടി വൈറലാകുന്നു

മുംബൈ: ഇന്ത്യന്‍ വനിതാ ക്രിക്കറ്റ് ടീമിന്റെ അഭിമാന താരമാണ് മിതാലി രാജിനു കളിക്കളത്തില്‍ മാത്രമല്ല പുറത്തും തനിക്കെതിരെ നില്‍ക്കുന്നവര്‍ക്ക് ശക്തമായ രീതിയില്‍ മറുപടി നല്‍കാന്‍ കഴിയുമെന്ന് തെളിയിച്ചിരിക്കുകയാണ്. ട്വിറ്ററില്‍ കഴിഞ്ഞ ദിവസം മിതാലി പോസ്റ്റ് ചെയ്ത ഫോട്ടോയെ പരിഹസിച്ച അരാധകന് ചുട്ട മറുപടി നല്‍കി മിതാലി വീണ്ടും താരമായിരിക്കുകയാണ്. വീണ്ടും വൈറലായിരിക്കുന്നത്.

കര്‍ണാടക ഇന്‍സ്റ്റിറ്റിയൂട്ട് ഓഫ് ക്രിക്കറ്റില്‍ ഉദ്ഘാടനച്ചടങ്ങിന് എത്തിയ മിതാലി സഹതാരങ്ങളായ വേദാ കൃഷ്ണമൂര്‍ത്തിക്കും മുന്‍താരം മമതാ മാബെന്നുമൊപ്പം നില്‍ക്കുന്ന ചിത്രം ട്വിറ്ററില്‍ പോസ്റ്റ് ചെയ്തിരുന്നു. മിതാലി അണിഞ്ഞ വസ്ത്രത്തിലെ വിയര്‍പ്പ് ചിത്രത്തില്‍ വ്യക്തമായി കാണാമായിരുന്നു. ചിത്രം കണ്ട ആഷീം ദസ് ചൗധരി എന്നയാളാണ് മിതാലിയുടെ വിയര്‍പ്പിനെ പരിഹസിച്ച് കമന്റിട്ടത്. എന്നാല്‍ ഉടന്‍ തന്നെ അതിനെതിരെ ശക്തമായ രീതിയില്‍ ചുട്ട മറുപടിയുമായാണ് മിതാലി രംഗത്തെത്തിയത്.

മൈതാനത്ത് താനൊഴുക്കിയ വിയര്‍പ്പിന്റെ ഫലമായാണ് താനിന്ന് ഇവിടെ എത്തിനില്‍ക്കുന്നത് എന്നായിരുന്നു മിതാലിയുടെ മറുപടി. മിതാലിയുടെ മറുപടിക്ക് നിമിഷനേരം കൊണ്ട് തന്നെ 5000ത്തില്‍ അധികം കമന്റും 1000ല്‍ കൂടുതല്‍ റിട്വീറ്റുമാണ് ലഭിച്ചത്.

ഇന്ത്യയോട് തോറ്റ ലങ്കന്‍ താരങ്ങളെ ബസ് തടഞ്ഞ് ആരാധകര്‍ കൂവിവിളിച്ചു
Posted by
21 August

ഇന്ത്യയോട് തോറ്റ ലങ്കന്‍ താരങ്ങളെ ബസ് തടഞ്ഞ് ആരാധകര്‍ കൂവിവിളിച്ചു

കൊളംബോ:ധാംബുള്ള ഏകദിനത്തില്‍ ഇന്ത്യയോട് തോറ്റ ശ്രീലങ്കന്‍ താരങ്ങളെ ബസ് തടഞ്ഞ് നിര്‍ത്തി ആരാധകര്‍ കൂവിവിളിച്ചു. തോല്‍വി ഏറ്റുവാങ്ങിയ താരങ്ങളെ ഡ്രസിംഗ് റൂമിന് പുറത്തും താരങ്ങള്‍ കൂവി പരിഹസിച്ചു.

മത്സര ശേഷം ശ്രീലങ്കന്‍ താരങ്ങളുമായി ഹോട്ടലിലേക്ക് പോയിരുന്ന ബസ് അരമണിക്കൂര്‍ തടഞ്ഞ് നിര്‍ത്തിയായിരുന്നു ആരാധകരുടെ രോക്ഷപ്രകടനം. ടീമിനെതിരെ മുദ്രാവാക്യങ്ങള്‍ ഉയര്‍ത്തി എത്തിയവരെ സുരക്ഷ ജീവനക്കാര്‍ ഇടപ്പെട്ടാണ് നീക്കിയത്.

ഇന്ത്യക്കെതിരായ ടെസ്റ്റ് പരമ്പരയില്‍ പരാജയപ്പെട്ടതിനു പിന്നാലെ ഇന്നലെ നടന്ന ഏകദിന മത്സരത്തിലും ദയനീയമായി തോറ്റതാണ് ലങ്കന്‍ ആരാധകരെ ചൊടിപ്പിച്ചത്. ശ്രീലങ്കയുടെ 217 എന്ന റണ്‍സ് ലക്ഷ്യം വെച്ച് ബാറ്റെടുത്ത ഇന്ത്യ 21 ഓവര്‍ അവശേഷിക്കെ 9 വിക്കറ്റിനാണ് ജയിച്ചത്.

 

മെസിയെ റാഞ്ചാന്‍ മാഞ്ചസ്റ്റര്‍: നെയ്മറിന് പിന്നാലെ മെസിയും ബാഴ്‌സ വിടുന്നു?
Posted by
21 August

മെസിയെ റാഞ്ചാന്‍ മാഞ്ചസ്റ്റര്‍: നെയ്മറിന് പിന്നാലെ മെസിയും ബാഴ്‌സ വിടുന്നു?

ബാഴ്സലോണ: നെയ്മര്‍ ജൂനിയര്‍ ബാഴ്‌സലോണ വിട്ടതിനു പിന്നാലെ ക്ലബിന്റെ നട്ടെല്ലായ സൂപ്പര്‍ താരം ലയണല്‍ മെസിയും ടീം വിടുന്നുവെന്ന് അഭ്യൂഹം. റെക്കോര്‍ഡ് വിലയിട്ട് മാഞ്ചസ്റ്റര്‍ സിറ്റി മെസിയെ റാഞ്ചാനായി ഇറങ്ങിത്തിരിച്ചതോടെയാണ് ഇങ്ങനെയൊരു അഭ്യൂഹം കായികലോകത്ത് പടര്‍ത്തിയത്. 2300 കോടി രൂപയാണ് താരത്തിന് നല്‍കാന്‍ ക്ലബ്ബ് തയ്യാറായിരിക്കുന്നത്. യാഹൂ സ്പോര്‍ട്സ് ഫ്രാന്‍സാണ് വാര്‍ത്തപുറത്തുവിട്ടത്.

ബാഴ്സലോണയുമായി ദീര്‍ഘ നാളത്തെ ബന്ധമുള്ള മെസി തന്റെ പ്രിയ ക്ലബ്ബ വിടാനുള്ള സാധ്യത വിരളമാണെങ്കിലും സിറ്റിയുടെ റെക്കോര്‍ഡ് തുക താരത്തിന്റെ മനംമാറ്റത്തിനു പ്രേരിപ്പിക്കുമോ എന്നാണ് ഫുട്ബോള്‍ ലോകം ഉറ്റുനോക്കുന്നത്.

തന്റെ സഹതാരവും മുന്നേറ്റ നിരയിലെ കുന്തമുനയുമായ നെയ്മറിന്റെ കൂടുമാറ്റം മെസിയേ സ്വാധീനിച്ചതായാണ് റിപ്പോര്‍ട്ടുകള്‍. താരം ബാഴ്സലോണയുമായുള്ള കരാര്‍ പുതുക്കാത്തതും ട്രാന്‍സ്ഫര്‍ വാര്‍ത്തകള്‍ക്ക് ശക്തിപകരുന്നതാണ്. നേരത്തെ അഞ്ച് ലക്ഷം യൂറോ പ്രതിഫലത്തില്‍ മെസി അഞ്ച് വര്‍ഷത്തേയ്ക്ക് കരാര്‍ ഒപ്പിട്ടു എന്ന് വാര്‍ത്തകള്‍ ഉണ്ടായിരുന്നെങ്കിലും ക്ലബ്ബ് അധികൃതര്‍ തന്നെ ഇത് നിഷേധിച്ചിരുന്നു.

മെസി ഇതുവരെ ആ കരാറില്‍ ഒപ്പിട്ടിട്ടില്ലെന്ന് ബാഴ്‌സലോണ വൈസ് പ്രസിഡന്റ് ജോര്‍ദി മെസ്‌ട്രോയാണ് വ്യക്തമാക്കിയത്. നേരത്തെ മാഞ്ചസ്റ്റര്‍ സിറ്റി ഉടമ ശൈഖ് മന്‍സൂര്‍ ഫുട്‌ബോള്‍ ചരിത്രത്തിലെ തന്നെ ഏറ്റവും വലിയ ട്രാന്‍സ്ഫര്‍ ഉടനുണ്ടാകും എന്നു പറഞ്ഞിരുന്നു ഇത് ലയണല്‍ മെസിയെക്കുറിച്ചാണെന്നാണ് ഫുട്ബോള്‍ ലോകം പറയുന്നത്.

മാഞ്ചസ്റ്റര്‍ സിറ്റിക്കൊപ്പം മെസിയെ സ്വന്തമാക്കാനായി ചെല്‍സിയും രംഗത്തിറങ്ങിയിട്ടുണ്ട്. തങ്ങളുടെ പ്രധാന താരങ്ങളായിരുന്ന ഓസ്‌കാറിന്റെയും കോസ്റ്റയുടെയും തുക ചേര്‍ത്ത് മെസിയെ ഒപ്പം നിര്‍ത്താനാണ് ചെല്‍സിയുടെ ശ്രമം.

സ്പാനിഷ് ലാലിഗയില്‍ മുന്‍നിര ടീമുകളായ ബാഴ്സയ്ക്കും റയലിനും ജയം
Posted by
21 August

സ്പാനിഷ് ലാലിഗയില്‍ മുന്‍നിര ടീമുകളായ ബാഴ്സയ്ക്കും റയലിനും ജയം

സ്പാനിഷ് ലാലിഗയില്‍ മുന്‍നിര ടീമുകളായ ബാഴ്സലോണയ്ക്കും റയല്‍ മാഡ്രിഡിനും ജയം. റയല്‍ ബാറ്റിസിനെ 2-0നാണ് ബാഴ്സലോണ തകര്‍ത്തത്. അലിന്‍ ടോസ്‌കയുടെ സെല്‍ഫ് ഗോളാണ് ബാറ്റിസിന് വിനയായത്. പിന്നാലെ സെര്‍ജി റോബര്‍ട്ടോ ഗോള്‍ നേടിയതിലൂടെ ബാഴ്സ അജയ്യരായി. ലയണല്‍ മെസിയുടെ ലാലിഗയിലെ 350ആം ഗോള്‍ കാണാനെത്തിയവര്‍ നിരാശരായി.

മറ്റൊരു മത്സരത്തില്‍ ഡെപോര്‍ട്ടിവോയെ 3-0ന് തകര്‍ത്ത് റയല്‍ മാഡ്രിഡ് പോയിന്റ് പട്ടികയില്‍ ബാഴ്സക്കൊപ്പം എത്തി. ഗാരത് ബെയ്ലും, കാസെമിറോയും ടോണി ക്രൂസുമാണ് ഗോളുകള്‍ നേടിയത്. മത്സരത്തില്‍ സര്‍ജിയോ റാമോക്ക് ചുവപ്പു കാര്‍ഡ് കിട്ടിയത് മാഡ്രിഡിന് തിരിച്ചടിയായി.

ഇംഗ്ലീഷ് പ്രീമിയര്‍ ലീഗില്‍ ചെല്‍സി ജയം സ്വന്തമാക്കി. മികച്ച പോരാട്ടം പുറത്തെടുത്ത ടോട്ടനത്തിനെ ഒന്നിനെതിരെ രണ്ട് ഗോളുകള്‍ക്കാണ് ചെല്‍സി മുട്ടുകുത്തിച്ചത്. ഇരട്ടഗോള്‍ നേടിയ മാര്‍കോസ് അലോണ്‍സോയാണ് ചെല്‍സിയുടെ വിജയ ശില്‍പ്പി. മറ്റൊരു മത്സരത്തില്‍ ന്യൂകാസില്‍ ഹഡേഴ്സ്ഫീല്‍ഡ് ടൗണിനോട് തോറ്റു. എതിരില്ലാത്ത ഒരു ഗോളിനാണ് ഹഡേ്ഴ്സ്ഫീല്‍ഡിന്റെ ജയം.

എറിഞ്ഞൊതുക്കിയ ശേഷം നീലപ്പട ലങ്കയെ അടിച്ചൊതുക്കി: ഇന്ത്യയ്ക്ക് ഒമ്പത് വിക്കറ്റ് വിജയം
Posted by
20 August

എറിഞ്ഞൊതുക്കിയ ശേഷം നീലപ്പട ലങ്കയെ അടിച്ചൊതുക്കി: ഇന്ത്യയ്ക്ക് ഒമ്പത് വിക്കറ്റ് വിജയം

ധാംബുള്ള: ശ്രീലങ്കയ്‌ക്കെതിരായ ധാംബുള്ള ആദ്യ ഏകദിനത്തില്‍ ഇന്ത്യക്ക ഒമ്പത് വിക്കറ്റ് വിജയം. 28.5 ഓവറില്‍ ഒരു വിക്കറ്റ് നഷ്ടത്തില്‍ 220 റണ്‍സ് നേടിയാണ് ഇന്ത്യ ജയം കരസ്ഥംമാക്കിയത്. ഓപ്പണിംഗ് ഇറങ്ങിയ രോഹിത് ഷര്‍മ്മ നാല് റണ്‍സ് നേടി റണ്‍ ഔട്ടായ ശേഷം ശിഖര്‍ ധവാനും, വിരാട് കോഹ്‌ലിയും ചേര്‍ന്നാണ് ടീമിനെ വിജയത്തിലെത്തിച്ചത്.

ശിഖര്‍ ധവന്‍ 90 പന്തുകളില്‍ 132 റണ്ണുകള്‍ നേടിയപ്പോള്‍, 82 റണ്ണുകളാണ് നായകന്‍ വിരാട് നേടിയത്. ഏകദിനത്തില്‍ ധവാന്റെ 11 ാം സെഞ്ചുറിയാണിത്. 90 പന്ത് നേരിട്ട ധവാന്‍ 20 ഫോറും മൂന്ന് സിക്‌സും പറത്തി. തുടക്കത്തിലെ രോഹിത് ശര്‍മയെ (4) നഷ്ടമായതു മാത്രമാണ് ഇന്ത്യക്ക് നേരിട്ട തി: രിച്ചടി. 13 പന്തുകള്‍ നേരിട്ട രോഹിത് റണ്‍ഔട്ടായി. അശ്രദ്ധമായി ഓടി രോഹിത് വിക്കറ്റ് കളഞ്ഞുകുളിക്കുകയായിരുന്നു