ഭാഗ്യദേവത കനിഞ്ഞത് അറിയാതെ സതീഷ്; ദുബായ് ഡ്യൂട്ടി ഫ്രീ നറുക്കെടുപ്പില്‍ ആറര കോടി നേടിയ ഇന്ത്യക്കാരന്‍ ഇപ്പോഴും  കാണാമറയത്ത്
Posted by
22 February

ഭാഗ്യദേവത കനിഞ്ഞത് അറിയാതെ സതീഷ്; ദുബായ് ഡ്യൂട്ടി ഫ്രീ നറുക്കെടുപ്പില്‍ ആറര കോടി നേടിയ ഇന്ത്യക്കാരന്‍ ഇപ്പോഴും കാണാമറയത്ത്

ദുബായ്: ദുബായ് ഡ്യൂട്ടി ഫ്രീ നറുക്കെടുപ്പില്‍ ആറര കോടി രൂപ (10 ലക്ഷം യുഎസ് ഡോളര്‍) സ്വന്തമാക്കിയ സതീഷ് കുമാര്‍ എന്ന ഇന്ത്യക്കാരനെ കണ്ടെത്താന്‍ സാധിച്ചില്ലെന്ന് റിപ്പോര്‍ട്ട്. ടെന്നിസ് താരം എലിനാ സ്വിറ്റോലിന നറുക്കെടുത്ത 0802 എന്ന ടിക്കറ്റാണ് സതീഷിന് ഭാഗ്യം കൊണ്ടുവന്നത്.

പക്ഷേ, നറുക്കെടുപ്പില്‍ ഒന്നാം സമ്മാനം ലഭിച്ച കാര്യം സതീഷ് കുമാറിനെ അറിയിക്കാന്‍ സാധിച്ചില്ലെന്നാണ് സംഘാടകര്‍ പറയുന്നത്. ഇദ്ദേഹത്തെ ഫോണില്‍ ബന്ധപ്പെടാന്‍ ശ്രമിച്ചെങ്കിലും സ്വിച്ച്ഓഫ് ആയിരുന്നുവെന്നാണ് പറയുന്നത്. 1999ല്‍ ആരംഭിച്ച ദുബായ് ഡ്യൂട്ടി ഫ്രീ നറുക്കെടുപ്പില്‍ ഒരു മില്യണ്‍ യുഎസ് ഡോളര്‍ സ്വന്തമാക്കുന്ന 125ാം ഇന്ത്യന്‍ പൗരനാണ് സതീഷ്.

ഡ്യൂട്ടി ഫ്രീയുടെ മറ്റു നറുക്കെടുപ്പുകളില്‍ ഷാര്‍ജയില്‍ താമസിക്കുന്ന മലയാളി മുഹമ്മദ് കുട്ടി (64) എന്നയാള്‍ക്ക് ബിഎംഡബ്ല്യു 640 ഐ കാറും ദുബായില്‍ താമസിക്കുന്ന രജനി സിബിക്ക് ബിഎംഡബ്ല്യു എസ് 1000 ആര്‍ആര്‍ മോട്ടോര്‍ബൈക്കും സമ്മാനം ലഭിച്ചിരുന്നു.

ഭാര്യയ്ക്കും പറക്കമുറ്റാത്ത നാല് പെണ്‍മക്കള്‍ക്കും വേണ്ടി പണം സ്വരൂപിയ്ക്കാനുള്ള ഓട്ടത്തില്‍ സെയ്ദ് നാട്ടിലേയ്ക്ക് വന്നിട്ട് 25 വര്‍ഷം: ആരേയും കരയിക്കും സൗദിയിലെ ചുട്ടുപൊള്ളുന്ന മണലാരണ്യത്തില്‍ കഷ്ടപെട്ട് പണിയെടുത്ത് ജീവിയ്ക്കുന്ന ഈ മനുഷ്യന്റെ കഥ
Posted by
21 February

ഭാര്യയ്ക്കും പറക്കമുറ്റാത്ത നാല് പെണ്‍മക്കള്‍ക്കും വേണ്ടി പണം സ്വരൂപിയ്ക്കാനുള്ള ഓട്ടത്തില്‍ സെയ്ദ് നാട്ടിലേയ്ക്ക് വന്നിട്ട് 25 വര്‍ഷം: ആരേയും കരയിക്കും സൗദിയിലെ ചുട്ടുപൊള്ളുന്ന മണലാരണ്യത്തില്‍ കഷ്ടപെട്ട് പണിയെടുത്ത് ജീവിയ്ക്കുന്ന ഈ മനുഷ്യന്റെ കഥ

ജിദ്ദ : ഇത് സെയ്ദ് മുഹമ്മദ്. നാട്ടിലുള്ള തന്റെ ഭാര്യയ്ക്കും പറക്കമുറ്റാത്ത നാല് പെണ്‍മക്കള്‍ക്കും വേണ്ടി 25 വര്‍ഷമായി സൗദി അറേബ്യയുടെ ചുട്ടുപൊള്ളുന്ന മണലാരിണ്യത്തില്‍ കഷ്ടപെട്ട് പണിയെടുത്ത് ജീവിയ്ക്കുന്ന മനുഷ്യന്‍.

1992 ല്‍ 42-ാം വയസിലാണ് സെയ്ദ് ബംഗളൂരുവില്‍ നിന്ന് സൗദിയിലെത്തിയത്. തന്റെ പെണ്‍മക്കള്‍ക്ക് മെച്ചപ്പെട്ട വിദ്യഭ്യാസത്തിനും വിവാഹത്തിനുള്ള സ്ത്രീധനത്തിനുള്ള തുകയും ഉണ്ടാക്കാനുള്ള തിരക്കില്‍ അദ്ദേഹം 25 വര്‍ഷത്തിനിടെ ഒരിക്കല്‍ പോലും നാട്ടിലേയ്ക്ക് പോയിട്ടില്ല.

സൗദിയിലെത്തിയ അദ്ദേഹം ആദ്യകാലത്ത് തുന്നല്‍ക്കാരനായിട്ടാണ് ജീവിതം ആരംഭിച്ചത്. പകല്‍ മുഴുവനും കെട്ടിടം പണിയ്ക്കും രാത്രിയില്‍ തുന്നല്‍ പണിയും. ഇതിനിടെ വര്‍ഷങ്ങള്‍ കടന്നു പോയിരുന്നു. ഫോണിലൂടെ നാട്ടിലുള്ള തന്റെ ഭാര്യയുടേയും മക്കളുടേയും ശബ്ദം കേള്‍ക്കുമ്പോഴായിരുന്നു അദ്ദേഹത്തിന് ആശ്വാസം. പിന്നെ മക്കളുടെ ഫോട്ടോയും. ആ ഫോട്ടോകള്‍ നോക്കി നിശബ്ദനായി കരയുമെന്ന് അദ്ദേഹം ഓര്‍ക്കുന്നു.

1992 ല്‍ നാട്ടില്‍ നിന്ന് സൗദിയിലെത്തുമ്പോള്‍ ഇളയമകള്‍ക്ക് വെറും മൂന്ന് വയസ് മാത്രമായിരുന്നു പ്രായം ഇപ്പോള്‍ 28 വയസായി. നാല് പെണ്‍മക്കളും ഉന്നതവിദ്യാഭ്യാസം നേടിയ സംതൃപ്തിയിലാണ് ഇന്ന് ഈ വൃദ്ധന്‍. മൂത്ത രണ്ട് മക്കളുടേയും വിവാഹം നല്ല രീതിയില്‍ കഴിഞ്ഞു. ഇളയ രണ്ട് മക്കള്‍ സ്വകാര്യ കമ്പനിയില്‍ നല്ല ജോലി സമ്പാദിച്ചുവെന്നും അദ്ദേഹം പറയുന്നു.

ഇപ്പോള്‍ വീഡിയോ ചാറ്റ് സംവിധാനം വന്നതോടെ ഭാര്യയേയും മക്കളേയും കാണാന്‍ സാധിക്കുന്നുണ്ട്. അവര്‍ കണ്ണീരോടെയാണ് താനുമായി സംസാരിക്കുന്നതെന്നും ഈ അച്ഛന്‍ ഓര്‍ക്കുന്നു. മക്കള്‍ പലതവണയായി പ്രവാസ ജീവിതം അവസാനിപ്പിച്ച് നാട്ടിലേയ്ക്ക് വരാന്‍ പറയുന്നുണ്ടെന്നും സെയ്ദ് പറഞ്ഞു.

എന്നാല്‍ ഇപ്പോള്‍ കുടുംബത്തിനു വേണ്ടി തന്റെ ജീവിതം വേണ്ടെന്നു വെച്ച ഈ മഹാനായ മനുഷ്യന്റെ കഥ അറിഞ്ഞ സാമൂഹ്യപ്രവര്‍ത്തകന്‍ നാസ് ഷൗക്കത്ത് അലി വക്കം ഇദ്ദേഹത്തെ നാട്ടിയേയ്ക്ക് അയക്കാനുള്ള ഒരുക്കത്തിലാണ്. ഒപ്പം 25 വര്‍ഷത്തിനു ശേഷം കുടുംബത്തെ കാണാനായി സെയ്ദ് മഹബൂബ് സാബും കാത്തിരിക്കുന്നു.

പ്രവാസികള്‍ക്ക് സന്തോഷവാര്‍ത്ത; യുഎഇയില്‍ വിസാമാറ്റത്തിന് സ്വഭാവ സര്‍ട്ടിഫിക്കറ്റ് ആവശ്യമില്ല
Posted by
21 February

പ്രവാസികള്‍ക്ക് സന്തോഷവാര്‍ത്ത; യുഎഇയില്‍ വിസാമാറ്റത്തിന് സ്വഭാവ സര്‍ട്ടിഫിക്കറ്റ് ആവശ്യമില്ല

അബുദാബി; യുഎഇയില്‍ വിസാമാറ്റത്തിന് സ്വഭാവസര്‍ട്ടിഫിക്കറ്റ് ആവശ്യമില്ലെന്നു സ്വദേശി വല്‍ക്കരണ, മനുഷ്യശേഷി മന്ത്രാലയ അധികൃതര്‍ അറിയിച്ചു. പുതിയ തൊഴില്‍ വീസയില്‍ രാജ്യത്തുപുറത്തുനിന്ന് എത്തുന്നവര്‍ക്കാണ് സ്വഭാവസര്‍ട്ടിഫിക്കറ്റ് വേണമെന്ന വ്യവസ്ഥയുള്ളതെന്ന് അധികൃതര്‍ വ്യക്തമാക്കി. യുഎഇയില്‍ നിലവിലുള്ള വീസ റദ്ദാക്കിയാണ് പുതിയ തൊഴിലിലേക്ക് മാറുന്നതെങ്കിലും പാസ്‌പോര്‍ട്ടില്‍ പുതിയ വീസ പതിക്കാനുള്ള നടപടികള്‍ക്ക് രാജ്യത്തിനകത്തുള്ള തൊഴിലാളികള്‍ക്ക് സ്വഭാവസര്‍ട്ടിഫിക്കറ്റ് സമര്‍പ്പിക്കേണ്ടതില്ലെന്നാണ് മന്ത്രാലയ അധികൃതര്‍ വിശദീകരിച്ചത്.

എന്നാല്‍, പുതിയ തൊഴിലിലേക്ക് വീസ മാറ്റത്തോടെ മാറുന്നവര്‍ നിലവിലുള്ള വീസ റദ്ദാക്കിയതിന്റെ പകര്‍പ്പ് അപേക്ഷകള്‍ക്കൊപ്പം സമര്‍പ്പിക്കണം. തൊഴില്‍ വീസ പുതുക്കുമ്പോഴും സ്വഭാവ സര്‍ട്ടിഫിക്കറ്റ് ഹാജരാക്കേണ്ടതില്ല. യുഎഇയില്‍ തൊഴില്‍ വീസയുമായി ബന്ധപ്പെട്ട് സര്‍ക്കാര്‍ ഈ മാസം നാലുമുതലാണ് സ്വഭാവ സര്‍ട്ടിഫിക്കറ്റ് നിര്‍ബന്ധമാക്കിയത്.സ്വകാര്യ മേഖലയില്‍ മാത്രമല്ല യുഎഇയിലെ സര്‍ക്കാര്‍ സ്ഥാപനങ്ങളിലേക്കും പുതിയ വീസയില്‍ വരുന്ന വിദേശികള്‍ക്ക് സ്വഭാവ സര്‍ട്ടിഫിക്കറ്റ് നിര്‍ബന്ധമാക്കിയിട്ടുണ്ടെന്ന് ഇതുസംബന്ധിച്ച സംശയങ്ങള്‍ക്ക് മറുപടിയായി മന്ത്രാലയ അധികൃതര്‍ പറഞ്ഞു. പുതുതായി രാജ്യത്തെ തൊഴില്‍ മേഖലയില്‍ പ്രവേശിക്കുന്നവര്‍ സ്വദേശങ്ങളില്‍ നിന്നുള്ള സ്വഭാവസര്‍ട്ടിഫിക്കറ്റാണ് സമര്‍പ്പിക്കേണ്ടത്. വിദേശമന്ത്രാലായം മുഖേന സര്‍ട്ടിഫിക്കറ്റുകള്‍ സാക്ഷ്യപ്പെടുത്തുകയും വേണം. അറബിക്, ഇംഗ്ലിഷ് ഭാഷകളില്‍ ഏതെങ്കിലും ഒന്നിലാണ് സര്‍ട്ടിഫിക്കറ്റ് തയാറാക്കേണ്ടതെന്നും 2017 ലെ 8 / 1 നമ്പര്‍ പ്രകാരമുള്ള മന്ത്രിസഭാ വിജ്ഞാപനത്തിലുണ്ട്.

ഹ്രസ്വകാല വീസയില്‍ വരുന്നവരും തൊഴില്‍ വീസയിലേക്ക് മാറുമ്പോള്‍ സ്വഭാവ സര്‍ട്ടിഫിക്കറ്റ് ഹാജരാക്കണമെന്നും അധികൃതര്‍ വ്യക്തമാക്കി. എന്നാല്‍ സന്ദര്‍ശക, ടൂറിസ്റ്റു വീസകളില്‍ യുഎഇയിലേക്ക് വരാന്‍ സര്‍ട്ടിഫിക്കറ്റ് വേണ്ട. ആശ്രിത വീസകളില്‍ യുഎഇയിലേക്ക് വരുന്ന കുടുംബങ്ങള്‍ക്കും സ്വഭാവ സര്‍ട്ടിഫിക്കറ്റ് ആവശ്യമില്ലെന്നും അധികൃതര്‍ കൂട്ടിച്ചേര്‍ത്തു. ആഭ്യന്തര, വിദേശ മന്ത്രാലയങ്ങളും സ്വദേശിവല്‍ക്കരണ, മനുഷ്യശേഷി മന്ത്രാലയവുമാണ് സ്വഭാവ സര്‍ട്ടിഫിക്കറ്റുകളുടെ ചുമതലയും നടപ്പില്‍ വരുത്താനുമുള്ള നടപടികളും സ്വീകരിക്കേണ്ടത്. സുരക്ഷിതവും സന്തോഷവും കളിയാടുന്ന രാജ്യങ്ങളില്‍ മുന്നിലാണ് യുഎഇ ഇക്കാര്യത്തില്‍ ഊന്നിയാണ് പുതുതായി എത്തുന്ന വിദേശ തൊഴിലാളികള്‍ക്ക് സ്വഭാവ സര്‍ട്ടിഫിക്കറ്റ് നിര്‍ബന്ധമാക്കിയതെന്ന് അധികൃതര്‍ വിശദീകരിച്ചു.

ദുബായ് ഡ്യൂട്ടി ഫ്രീ നറുക്കെടുപ്പില്‍ ആറരക്കോടി അടിച്ചെടുത്ത് ഇന്ത്യാക്കാരന്‍ സതീഷ് കുമാര്‍! മലയാളി പ്രവാസികള്‍ക്കും കോടികളുടെ സമ്മാനം
Posted by
21 February

ദുബായ് ഡ്യൂട്ടി ഫ്രീ നറുക്കെടുപ്പില്‍ ആറരക്കോടി അടിച്ചെടുത്ത് ഇന്ത്യാക്കാരന്‍ സതീഷ് കുമാര്‍! മലയാളി പ്രവാസികള്‍ക്കും കോടികളുടെ സമ്മാനം

ദുബായ്: പതിവു തെറ്റിക്കാതെ ഷാര്‍ജയിലെ മലയാളികള്‍ ഉള്‍പ്പടെയുള്ള പ്രവാസികള്‍ക്ക് കോടികള്‍ ചൊരിഞ്ഞ് ദുബായ് ഡ്യൂട്ടിഫ്രീ നറുക്കെടുപ്പിന്റെ സമ്മാനമഴ. സതീഷ് കുമാര്‍ എന്ന ഇന്ത്യന്‍ പൗരന് ഏകദേശം ആറര കോടി രൂപ (10 ലക്ഷം യുഎസ് ഡോളര്‍) സമ്മാനം ലഭിച്ചു. 0802 എന്ന ടിക്കറ്റാണ് ഭാഗ്യം കൊണ്ടുവന്നത്.

ടെന്നിസ് താരം എലിനാ സ്വിറ്റോലിനയാണ് നറുക്കെടുത്തത്. മറ്റു നറുക്കെടുപ്പുകളില്‍ ഷാര്‍ജയില്‍ താമസിക്കുന്ന മലയാളി മുഹമ്മദ് കുട്ടി എന്നയാള്‍ക്ക് ബിഎംഡബ്ല്യു 640ഐ കാറും ദുബായില്‍ താമസിക്കുന്ന രജനി സിബിക്ക് ബിഎംഡബ്ല്യു എസ് 1000 ആര്‍ആര്‍ മോട്ടോര്‍ബൈക്കും സമ്മാനം ലഭിച്ചു.

ജീവിതത്തില്‍ ആദ്യമായി എടുത്ത ടിക്കറ്റിന് സമ്മാനം ലഭിച്ചതില്‍ അതിയായ സന്തോഷത്തിലാണ് രജനി. ദുബായ് ഡ്യൂട്ടി മില്ലെനിയര്‍ പ്രമോഷന്റെ 1999 മുതല്‍ നടന്ന നറുക്കെടുപ്പുകളില്‍ ആകെ 124 ഇന്ത്യക്കാര്‍ ജേതാക്കളായിട്ടുണ്ട്.

കോഴിക്കോട് വിമാനത്താവളത്തില്‍ എത്തുന്ന പ്രവാസികളുടെ ഫോണും സ്വര്‍ണവും പണവുമടക്കം വിലപ്പെട്ടതെല്ലാം മോഷ്ടിക്കുന്ന എയര്‍ ഇന്ത്യയുടെ ഉദ്യോഗസ്ഥര്‍ക്ക് എതിരെ പ്രതിഷേധം കനക്കുന്നു
Posted by
21 February

കോഴിക്കോട് വിമാനത്താവളത്തില്‍ എത്തുന്ന പ്രവാസികളുടെ ഫോണും സ്വര്‍ണവും പണവുമടക്കം വിലപ്പെട്ടതെല്ലാം മോഷ്ടിക്കുന്ന എയര്‍ ഇന്ത്യയുടെ ഉദ്യോഗസ്ഥര്‍ക്ക് എതിരെ പ്രതിഷേധം കനക്കുന്നു

കൊച്ചി: കോഴിക്കോട് കരിപ്പൂര്‍ വിമാനതാവളത്തിലെത്തുന്ന യാത്രക്കാരുടെ വസ്തുവകകള്‍ മോഷ്ടിച്ച സംഭവത്തിനെതിരെ പ്രതിഷേധം വ്യാപകമാകുന്നു. കഴിഞ്ഞ ദിവസം രാവിലെ ദുബായിയില്‍ നിന്നെത്തിയ എയര്‍ ഇന്ത്യ എക്സ്പ്രസിലെ യാത്രക്കാരുടെ ബാഗേജില്‍നിന്നാണ് കൂട്ടക്കൊള്ള നടന്നത്. നിരവധി യാത്രക്കാരുടെ ബാഗേജുകളില്‍നിന്ന് വിലപിടിപ്പുള്ള ഫോണും സ്വര്‍ണവും പണവുമെല്ലാം നഷ്ടപ്പെട്ടു. പത്തോളം യാത്രക്കാരുടെ ബാഗുകളാണ് കുത്തിത്തുറന്നത്.

ഏഴ് ദിവസത്തെ അവധിക്ക് നാട്ടിലെത്തിയ വടകര സ്വദേശി മുഹമ്മദ് ജിയാസുദ്ദീന്റെ ബാഗിന്റെ പൂട്ട് മുറിച്ച് സാംസംഗ് ഫോണും മറ്റും കവര്‍ന്നു. ഇദ്ദേഹത്തിനൊപ്പമുള്ള മറ്റൊരു യാത്രക്കാരന്റെ ബാഗില്‍നിന്ന് രണ്ടു പവന്‍ സ്വര്‍ണവും വാച്ചും മൊബൈലും കാണാതായി. നിരവധി ബാഗുകള്‍ പൊട്ടിച്ച നിലയിലാണ്.

ഹാന്റ്ബാഗുകള്‍ വിമാനത്തിന്റെ കാബിനിലേക്ക് കയറ്റാന്‍ അനുവദിക്കാതെ കാര്‍ഗോ വിഭാഗത്തിലേക്ക് മാറ്റിയാണ് തട്ടിപ്പിന് അരങ്ങൊരുക്കുന്നത്. സാധാരണഗതിയില്‍ വിലപിടിപ്പുള്ള സാധനങ്ങള്‍ യാത്രക്കാര്‍ ഹാന്റ് ബാഗിലാണ് സൂക്ഷിക്കാറുള്ളത്. വിമാനത്തിനകത്തെ ലഗേജ് സൂക്ഷിക്കുന്ന സ്ഥലത്ത് വെച്ച് തന്നെ കാര്‍ഗോ കൈകാര്യം ചെയ്യുന്ന ജീവനക്കാരില്‍ ചിലര്‍ ബാഗേജുകള്‍ കുത്തിത്തുറന്ന് വിലപിടിപ്പുള്ള വസ്തുക്കള്‍ മോഷ്ടിക്കുകയാണ് ചെയ്യുന്നത്.

കസ്റ്റംസ് എയര്‍ലൈന്‍ ഓപ്പറേറ്റര്‍മാരുടെ ഉത്തരവാദിത്വബോധമില്ലായ്മയാണ് യാത്രക്കാരെ കൊള്ളയടി നടക്കാന്‍ കാരണമാവുന്നതെന്ന് മലബാര്‍ ഡവലപ്മെന്റ് ഫോറം ചെയര്‍മാന്‍ കെഎം ബഷീര്‍ അഭിപ്രായപ്പെട്ടു. വിമാനക്കൊള്ള അവസാനിപ്പിക്കാന്‍ ആവശ്യമായ നടപടി സ്വീകരിക്കണമെന്ന് അധികൃതരോട് ആവശ്യപ്പെട്ടതായും അദ്ദേഹം അറിയിച്ചു.

പണവും വിലയേറിയ വസ്തുക്കളും കൈവശപ്പെടുത്തിയ ശേഷമാണ് ബാഗേജ് പുറത്തെത്തിച്ചിരിക്കുന്നത്. പല വസ്തുക്കളുടെയും കാലിപ്പെട്ടികള്‍ മാത്രമാണ് യാത്രക്കാര്‍ക്ക് ലഭിച്ചത്. അന്വേഷണം നടക്കുന്നതിനാല്‍ വിശദവിവരങ്ങള്‍ പുറത്തുവിടാന്‍ എയര്‍ ഇന്ത്യ തയ്യാറായിട്ടില്ല.മാസങ്ങള്‍ക്കുമുമ്പ് ഇത്തരത്തില്‍ തുടര്‍ച്ചയായി യാത്രക്കാരുടെ സാധനങ്ങള്‍ നഷ്ടമായതിനെത്തുടര്‍ന്ന് കരപ്പൂര്‍ പോലീസ് വിമാനത്താവളത്തിലെ സിസിടിവി ദൃശ്യങ്ങള്‍ പരിശോധിച്ചിരുന്നു.

ചൊവ്വാഴ്ച പുലര്‍ച്ചെ കോഴിക്കോട്ടെത്തിയ വിമാനത്തിലെ ചെക്ക് ഇന്‍ ബാഗേജുകളിലാണ് മോഷണം നടന്നിരിക്കുന്നത്. യാത്രക്കാര്‍ കൊണ്ടുവന്ന സ്വര്‍ണം, വിദേശ കറന്‍സികള്‍, ബ്രാന്‍ഡഡ് വാച്ചുകള്‍ എന്നിവയാണ് നഷ്ടമായത്. കസ്റ്റംസ് ഹാളില്‍നിന്ന് ബാഗേജ് കൈപ്പറ്റിയ ശേഷമാണ് പലരും അവയുടെ ലോക്കുകള്‍ പൊട്ടിച്ചതായി അറിയുന്നത്. ചില ബാഗേജുകളുടെ സിബ്ബുകള്‍ വലിച്ചുപൊട്ടിച്ച നിലയിലായിരുന്നു.

സംഭവത്തില്‍ കസ്റ്റംസ് കമ്മിഷണറേറ്റും കരിപ്പൂര്‍ പോലീസും അന്വേഷണം തുടങ്ങി. ചൊവ്വാഴ്ച രാവിലെ കോഴിക്കോട്ടെത്തിയ എയര്‍ ഇന്ത്യ എക്‌സ്പ്രസിന്റെ ഐ.എക്സ് 344 ദുബായ്-കോഴിക്കോട് വിമാനത്തിലെ ആറ് യാത്രക്കാര്‍ക്ക് നാലുലക്ഷത്തോളം രൂപ വിലവരുന്ന സാധനങ്ങള്‍ നഷ്ടപ്പെട്ടു. കോഴിക്കോട് സ്വദേശിയായ യാത്രക്കാരന്റെ പാസ്പോര്‍ട്ടും ഇത്തരത്തില്‍ നഷ്ടമായി.

സൗദിയിലെ മലയാളി ദമ്പതികളുടെ മരണം വഴിത്തിരിവില്‍;  റിസ്‌വാനയെ കഴുത്തറുത്ത് കൊലപ്പെടുത്തിയ ശേഷം കുഞ്ഞബ്ദുള്ളയും ജീവനൊടുക്കി, നേരത്തെ അകല്‍ച്ചയില്‍ ആയിരുന്ന ഇരുവരും വീണ്ടും അടുത്തത് മൂന്ന് മാസങ്ങള്‍ക്ക് മുമ്പ്
Posted by
20 February

സൗദിയിലെ മലയാളി ദമ്പതികളുടെ മരണം വഴിത്തിരിവില്‍; റിസ്‌വാനയെ കഴുത്തറുത്ത് കൊലപ്പെടുത്തിയ ശേഷം കുഞ്ഞബ്ദുള്ളയും ജീവനൊടുക്കി, നേരത്തെ അകല്‍ച്ചയില്‍ ആയിരുന്ന ഇരുവരും വീണ്ടും അടുത്തത് മൂന്ന് മാസങ്ങള്‍ക്ക് മുമ്പ്

റിയാദ്: സൗദിയിലെ ദമ്മാമില്‍ മലയാളി ദമ്പതികളെ വിജന സ്ഥലത്ത് മരിച്ച നിലയില്‍ കണ്ടെത്തിയ സമഭവത്തില്‍ വഴിത്തിരിവ്. അല്‍ഹസ- അല്‍അയൂന്‍ മരുഭൂമിയില്‍ മലയാളി യുവതിയെ കഴുത്തറുത്ത് കൊലപ്പെടുത്തിയ ശേഷം ഭര്‍ത്താവ് ജീവനൊടുക്കുകയായിരുന്നു എന്ന് തെളിഞ്ഞു.

കാഴിക്കോട് വില്യാപ്പള്ളി കുനിങ്ങാട് സ്വദേശിനി റിസ്വാന (29)യുടേയും ഭര്‍ത്താവ് നാദാപുരം കക്കട്ടില്‍ സ്വദേശി കുഴിച്ചാല്‍ കുഞ്ഞബ്ദുള്ള (37)യുടേയും മൃതദേഹങ്ങളാണ് മരുഭൂമിയില്‍ കണ്ടെത്തിയത്. മൊയ്തു-കുഞ്ഞാമി ദമ്പതികളുടെ മകനാണ് കുഞ്ഞബ്ദുല്ല. മണ്ണിരോലി മീത്തല്‍ വീട്ടില്‍ ഇബ്രാഹിം ഹാജി-ഖദീജ ദമ്പതികളുടെ മകളാണ് റിസ്വാന.

അല്‍ഹസ്സയിലെ നെസ്‌റ്റോ ഹൈപ്പര്‍ മാര്‍ക്കറ്റില്‍ ഡ്രൈവര്‍ ജോലിയിലായിരുന്നു കുഞ്ഞബ്ദുള്ള. മൂന്ന് മാസം മുമ്പാണ് മുമ്പാണ് ഭാര്യ വിസിറ്റിംഗ് വിസയില്‍ എത്തിയത്. നാലു വര്‍ഷം മുമ്പ് വിവാഹിതരായ ഇവര്‍ക്ക് മക്കളൊന്നുമില്ല. രണ്ട് പേരും ഇന്നലെ അല്‍ഹസ്സയില്‍ നിന്നും ദമ്മാമിലെ ആശുപത്രിയിലേക്ക് പോയിരുന്നു. പരിശോധന പൂര്‍ത്തിയാക്കി മടങ്ങിയ ശേഷം ഇവരെ കുറിച്ച് വിവരമില്ലാതായി.

തുടര്‍ന്ന് കഴിഞ്ഞ ദിവസ വൈകുന്നേരത്തോടെ ബന്ധുക്കളും സുഹൃത്തുക്കളും പോലീസില്‍ പരാതി നല്‍കി. തുടര്‍ന്ന് നടത്തിയ പരിശോധനയിലാണ് ഇരുവരേയും മരിച്ച നിലയില്‍ കണ്ടെത്തിയത്. പോലീസ് നടത്തിയ തെരച്ചിലിലാണ് അല്‍ഹസക്ക് സമീപം അല്‍അയൂനില്‍നിന്ന് ഏകദേശം ഒന്നര കിലോമീറ്റര്‍ അകലെ മരുഭൂമിയില്‍ നിര്‍ത്തിയിട്ട വാഹനത്തില്‍ റസീനയെ കൊല്ലപ്പെട്ട നിലയില്‍ കണ്ടെത്തിയത്. വാഹനത്തിന് അല്‍പം അകലെയായി കുഞ്ഞബ്ദുല്ലയുടെ മൃതദേഹവും കണ്ടെത്തി. ഇവര്‍ക്കിടയില്‍ അസ്വാരസ്യങ്ങള്‍ ഉണ്ടായിരുന്നതായി അടുത്ത സുഹൃത്തുക്കള്‍ പറയുന്നു.

വിവാഹ ശേഷം കുഞ്ഞബ്ദുള്ള കുറച്ചുകാലമായി സ്വന്തം കുടുംബവുമായും ഭാര്യയുമായും അകന്നു നില്‍ക്കുകയായിരുന്നു. കുറേക്കാലമായി ഇയാള്‍ നാട്ടിലും പോയിരുന്നില്ല. പിന്നീട് പിണങ്ങി നിന്നിരുന്ന ഭാര്യ ഇയാളുമായി അടുക്കുകയും സൗദിയിലേക്ക് വരണമെന്ന് ആഗ്രഹം പ്രകടിപ്പിക്കുകയുമായിരുന്നു. റിസ് വാനക്ക് സൗദിയില്‍ എത്താനുള്ള സൗകര്യങ്ങള്‍ ചെയ്ത് കൊടുത്തത് കുഞ്ഞബ്ദുള്ള ജോലി ചെയ്യുന്ന നെസ്‌റ്റോ ഹൈപ്പര്‍ മാര്‍ക്കറ്റ് അധികൃതരായിരുന്നു. പിന്നീട് ഇവര്‍ സന്തോഷത്തോടെ കവിയുകയായിരുന്നു.

ഇതിനിടെയാണ് കഴിഞ്ഞ ദിവസം ഇവര്‍ ദമാമില്‍ പോയതും മടങ്ങിവരുമ്പോള്‍ വിജനമായ സ്ഥലത്ത വണ്ടി നിര്‍ത്തി വാക്കുതര്‍ക്കത്തിലേര്‍പ്പെടുകയും തുടര്‍ന്ന് ഇയാള്‍ റിസ്‌വാനയെ ആക്രമിച്ച് കഴുത്ത് മുറിച്ച് കൊലപ്പെടുത്തുതയായിരുന്നു.

സൗദിയിലെ റോഡരികില്‍ മലയാളി ദമ്പതിമാര്‍ മരിച്ച നിലയില്‍
Posted by
20 February

സൗദിയിലെ റോഡരികില്‍ മലയാളി ദമ്പതിമാര്‍ മരിച്ച നിലയില്‍

റിയാദ്: സൗദിയിലെ അല്‍ ഹസയില്‍ അല്‍ അയൂനി മരുഭൂമിക്ക് സമീപം റോഡരികില്‍ മലയാളി ദമ്പതിമാരെ മരിച്ച നിലയില്‍ കണ്ടെത്തി. കോഴിക്കോട് നാദാപുരം കക്കട്ടില്‍ കുഴിച്ചാല്‍ മൊയ്തുവിന്റെ മകന്‍ കുഞ്ഞബ്ദുല്ല (38), വല്ല്യാപ്പളളി കുനിങ്ങാട് മണ്ണിരോലി മീത്തല്‍ ഹൗസ് ഇബ്രാഹിം ഹാജിയുടെ മകള്‍ റിസ്വാന (30) എന്നിവരാണ് മരിച്ചത്.

റിസ്വാനയുടെ കഴുത്ത് മുറിഞ്ഞ് രക്തം വാര്‍ന്നൊഴുകിയ നിലയിലാണ്. ഇവര്‍ സഞ്ചരിച്ചിരുന്ന കാറിന് 15 മീറ്റര്‍ അകലെയാണ് കുഞ്ഞബ്ദുല്ലയുടെയും മൃതദേഹം കണ്ടെത്തിയത്.

അല്‍ ഹസയിലെ പ്രമുഖ ഹൈപ്പര്‍മാര്‍ക്കറ്റില്‍ ഡ്രൈവറായ കുഞ്ഞബ്ദുല്ല മൂന്ന് മാസം മുമ്പാണ് റിസ്വാനയെ വിസിറ്റിംഗ് വിസയില്‍ കൊണ്ടുവന്നത്. ഞായറാഴ്ച ഇവര്‍ ദമാമിലെ ആശുപത്രിയില്‍ ചികിത്സ തേടിയിരുന്നു. ഇന്നലെ കുഞ്ഞബ്ദുല്ലക്ക് ഡ്യൂട്ടി ഉണ്ടായിരുന്നില്ല. ഫോണില്‍ ഇവരെ കിട്ടാതായതോടെ സുഹൃത്തുക്കള്‍ പോലീസില്‍ പരാതി നല്‍കി. പോലീസ് നടത്തിയ അന്വേഷണത്തിലാണ് മൃതദേഹം കണ്ടെത്തിയത്.

‘മാണിക്യ മലരായ പൂവീ’യുടെ രചയിതാവിന് സഫാമക്ക പുരസ്‌കാരം
Posted by
19 February

'മാണിക്യ മലരായ പൂവീ'യുടെ രചയിതാവിന് സഫാമക്ക പുരസ്‌കാരം

റിയാദ്: അതിരുകളില്ലാതെ ഹിറ്റായ ‘മാണിക്യ മലരായ പൂവീ’ എന്ന മാപ്പിളപ്പാട്ടിന്റെ രചയിതാവും പ്രവാസിയുമായ പിഎംഎ ജബ്ബാര്‍ കരൂപ്പടന്നയ്ക്ക് സഫാമക്ക പുരസ്‌കാരം. റിയാദിലെ സഫാമക്ക മെഡിക്കല്‍ ഗ്രൂപ്പാണ് അരലക്ഷം രൂപയും പ്രശസ്തി പത്രവും ഫലകവും അടങ്ങുന്ന പുരസ്‌കാരം പ്രഖ്യാപിച്ചത്.

പ്രതിഭയുണ്ടായിട്ടും തിരിച്ചറിയപ്പെടാതെ പോയ കലാകാരന് ഉചിതമായ ആദരവെന്ന നിലയിലാണ് മെഡിക്കല്‍ ഗ്രൂപ്പിന് കീഴിലുള്ള കള്‍ച്ചറല്‍ വിങ് പുരസ്‌കാരം ഏര്‍പ്പെടുത്തിയതെന്ന് മാനേജിങ് ഡയറക്ടര്‍ മുഹമ്മദ് ഷാജി അരിപ്ര അറിയിച്ചു.

ജബ്ബാര്‍ 40 വര്‍ഷം മുമ്പെഴുതിയ പാട്ട് ‘ഒരു അഡാര്‍ ലൗ’ എന്ന പുതിയ സിനിമയിലൂടെ തരംഗം സൃഷ്ടിക്കുകയും പ്രശസ്തിയിലേക്കുയരുകയും ചെയ്യുമ്പോഴും അതിന്റെ പേരില്‍ ഒരു പ്രതിഫലവും ആവശ്യപ്പെടാതെ റിയാദ് മലസിലെ ഒരു ബഖാലയിലെ ചെറിയ ജോലിയുമായി ഉപജീവനം നടത്തുന്ന ജബ്ബാര്‍ എന്ന പ്രതിഭ ഇനിയും അംഗീകരിക്കപ്പെടാതെ പോകരുതെന്ന താല്‍പര്യം പുരസ്‌കാര പ്രഖ്യാപനത്തിന് പ്രേരകമായെന്നും ഷാജി കൂട്ടിച്ചേര്‍ത്തു.

ഒന്നര പതിറ്റാണ്ടായി റിയാദിലെ മലയാളി പ്രവാസി സമൂഹത്തിന്റെ ഭാഗമായിരുന്നിട്ടും അദ്ദേഹത്തെ ആരും അറിഞ്ഞില്ല. പാട്ടെഴുത്ത് കലോപാസനക്ക് വേണ്ടി മാത്രമാണെന്നും പ്രതിഫലത്തിന് വേണ്ടിയല്ലെന്നുമുള്ള അദ്ദേഹത്തിന്റെ നിലപാട് ഹൃദയത്തെ സ്പര്‍ശിച്ചു. അതുകൊണ്ടാണ് ഇനിയും വൈകാന്‍ പാടില്ലെന്ന ലക്ഷ്യത്തോടെ പുരസ്‌കാരം പ്രഖ്യാപിക്കുന്നതെന്നും വാര്‍ത്താക്കുറിപ്പില്‍ പറഞ്ഞു. റിയാദില്‍ സംഘടിപ്പിക്കുന്ന ചടങ്ങില്‍ പുരസ്‌കാരം സമ്മാനിക്കും.

തൃശൂര്‍ കൊടുങ്ങല്ലൂരിന് സമീപം കരുപ്പടന്ന സ്വദേശി പിഎംഎ ജബ്ബാര്‍ മലസിലുള്ള ആഷിഖ് സ്റ്റോറില്‍ ജീവനക്കാരനാണ്. 16-ാം വയസ് മുതല്‍ മാപ്പിളപ്പാട്ടുകളെഴുതി തുടങ്ങിയ അദ്ദേഹം ഇതിനകം 500ലേറെ പാട്ടുകള്‍ എഴുതിക്കഴിഞ്ഞു. ഇതില്‍ ഏറ്റവും ശ്രദ്ധിക്കപ്പെട്ടതും നാല് പതിറ്റാണ്ടായി മലയാളി പാടിക്കൊണ്ടിരിക്കുന്നതും ‘മാണിക്യ മലരായ പൂവീ’യാണ്. ആയിഷ ബീവിയാണ് ഭാര്യ. അമീന്‍ മുഹമ്മദ്, റഫീദ എന്നിവര്‍ മക്കളും അനീഷ് മരുമകനുമാണ്.

വിപ്ലവ പാതയില്‍ സൗദി; പുരുഷന്‍മാരുടെ അനുവാദം ഇല്ലാതെ സൗദി വനിതകള്‍ക്ക് ഇനിമുതല്‍ ബിസിനസ് ആരംഭിക്കാം
Posted by
19 February

വിപ്ലവ പാതയില്‍ സൗദി; പുരുഷന്‍മാരുടെ അനുവാദം ഇല്ലാതെ സൗദി വനിതകള്‍ക്ക് ഇനിമുതല്‍ ബിസിനസ് ആരംഭിക്കാം

ജിദ്ദ: വീണ്ടും സ്ത്രീകളെ സംബന്ധിക്കുന്ന വിപ്ലവകരമായ നിയമം നടപ്പാക്കാനൊരുങ്ങി സൗദി അറേബ്യ. രാജ്യത്തെ സ്ത്രീകള്‍ക്ക് ഇനിമുതല്‍ ബിസിനസ് ആരംഭിക്കാന്‍ ഭര്‍ത്താവിന്റേയോ പുരുഷനായ ബന്ധുവിന്റേയോ അനുവാദം ആവശ്യമില്ലെന്ന് ഭരണകൂടം അറിയിച്ചു. ദ്രുതഗതിയില്‍ വളരുന്ന സ്വകാര്യ മേഖലയെ വിപുലീകരിക്കുന്നതിനു വേണ്ടിയാണ് പുതിയ തീരുമാനം.

വ്യാഴാഴ്ചയാണ് സൗദി സര്‍ക്കാര്‍ ഈ നയം മാറ്റം പ്രഖ്യാപിച്ചത്. രക്ഷകര്‍ത്താവിന്റെ സമ്മതമുണ്ടെന്ന് തെളിയിക്കാതെ തന്നെ സ്ത്രീകള്‍ക്ക് ബിസിനസുകള്‍ ആരംഭിക്കാമെന്ന് കൊമേഴ്സ് ആന്‍ഡ് ഇന്‍വെസ്റ്റ്മെന്റ് മന്ത്രാലയത്തിന്റെ വെബ്സൈറ്റില്‍ പറയുന്നു.

നേരത്തേ സ്ത്രീകള്‍ക്ക് ബിസിനസ് ആരംഭിക്കണമെങ്കില്‍ ബന്ധുവായ പുരുഷന്റെ സമ്മതപത്രം ആവശ്യമായിരുന്നു. സഹോദരന്‍, പിതാവ്, ഭര്‍ത്താവ് എന്നിവരുടെ സമ്മതപത്രമാണ് ബിസിനസുമായി ബന്ധപ്പെട്ട കടലാസുപണികള്‍ക്ക് ആവശ്യമായിരുന്നത്.

പെട്രോളിയം ഇതര വരുമാനം വര്‍ധിപ്പിക്കുന്നതിനായി സ്വകാര്യമേഖലയെ സൗദി ഇപ്പോള്‍ പ്രോത്സാഹിപ്പിക്കുകയാണ്. ഇതിന്റെ ഭാഗമായാണ് പുതിയ തീരുമാനം. പതിറ്റാണ്ടുകളായി പാലിച്ചു പോന്നിരുന്ന നിയമങ്ങളില്‍ സൗദി നേരത്തേ ഇളവുകള്‍ പ്രഖ്യാപിച്ചിരുന്നു.

ഇതിനു മുന്‍പെ, കായിക മത്സരങ്ങള്‍ നടക്കുന്ന സ്റ്റേഡിയങ്ങളില്‍ സ്ത്രീകള്‍ക്ക് പ്രവേശനം അനുവദിച്ചിരുന്നു. കൂടാതെ ഡ്രൈവിങിനും പര്‍ദ്ദ ധരിക്കാതെ പുറത്തിറങ്ങാനുള്ള അനുമതിയും സൗദി സ്ത്രീകള്‍ക്കു നല്‍കിയിരുന്നു.

വീട്ടുജോലിക്കാരിയെ കാണാനില്ലെന്ന് പരാതി നല്‍കി വീട്ടുടമയും ഭാര്യയും നാടുകടന്നു; പിന്നാലെ നടത്തിയ പരിശോധനയില്‍ വീട്ടിലെ ഫ്രീസറിനുള്ളില്‍ ജോലിക്കാരിയുടെ മൃതദേഹം; ഞെട്ടിവിറച്ച് പോലീസ്
Posted by
17 February

വീട്ടുജോലിക്കാരിയെ കാണാനില്ലെന്ന് പരാതി നല്‍കി വീട്ടുടമയും ഭാര്യയും നാടുകടന്നു; പിന്നാലെ നടത്തിയ പരിശോധനയില്‍ വീട്ടിലെ ഫ്രീസറിനുള്ളില്‍ ജോലിക്കാരിയുടെ മൃതദേഹം; ഞെട്ടിവിറച്ച് പോലീസ്

കുവൈറ്റ് സിറ്റി: ആള്‍പ്പാര്‍പ്പില്ലാത്ത അപ്പാര്‍ട്ട്‌മെന്റിലെ ഫ്രീസറിനകത്ത് നിന്നും പോലീസ് കണ്ടെടുത്തത് വീട്ടുജോലിക്കാരിയുടെ മൃതദേഹം. ഫിലിപ്പെയിന്‍ വീട്ടുജോലിക്കാരിയുടെ മൃതദേഹമാണ് അവര്‍ ജോലിക്ക് നിന്നിരുന്ന അപ്പാര്‍ട്ട്‌മെന്റില്‍ നിന്നും കണ്ടെടുത്തത്. ജോന്ന ഡനീല ഡെമാഫില്‍സാ(29)ണ് കൊല്ലപ്പെട്ടത്. മൃതദേഹം സ്വദേശത്ത് എത്തിച്ചു.

2016 നവംബര്‍ മുതല്‍ അടഞ്ഞു കിടന്നിരുന്ന അപ്പാര്‍ട്ടുമെന്റില്‍ നിന്നാണ് ജീവനക്കാരിയുടെ മൃതദേഹം കിട്ടിയത്. ഇവരെ ശ്വാസംമുട്ടിച്ച് കൊലപ്പെടുത്തി ഫ്രീസറിനകത്തേക്ക് തള്ളുകയായിരുന്നെന്നാണ് സൂചന. വീട്ടില്‍, ഒരു ലെബനീസ് പൗരനും അദ്ദേഹത്തിന്റെ സിറിയന്‍ സ്വദേശിയായ ഭാര്യയുമാണു താമസിച്ചിരുന്നത്. ഇവര്‍ കുവൈറ്റ് വിട്ടു എങ്കിലും അപ്പാര്‍ട്ട്മെന്റ് അടഞ്ഞു കിടക്കുകയായിരുന്നു.

ഇതു തുറന്നു പരിശോധിച്ചപ്പോഴാണു ഫ്രീസറില്‍ സ്ത്രീയുടെ മൃതദേഹം കണ്ടെത്തിയത്. ഇയാള്‍ നിരവധി കേസുകളില്‍ ഉള്‍പ്പെട്ടിരുന്ന ലെബനീസ് പൗരനാണെന്ന് കണ്ടെത്തിയിട്ടുണ്ട്. ഇയാള്‍ മുമ്പ് ജയില്‍ ശിക്ഷയും അനുഭവിച്ചിരുന്നു. കൊല്ലപ്പെട്ട സ്ത്രീയുടെ സ്പോണ്‍സര്‍ ലെബനീസ് പൗരനാണെന്നും രേഖകള്‍ പറയുന്നു. ഇവര്‍ കുവൈറ്റ് വിട്ടുപോകുന്നതിനു രണ്ടു ദിവസം മുമ്പ് ജോലിക്കാരിയായ ഫിലിപ്പാനോ സ്ത്രീയെ കാണാനില്ല എന്നു ചൂണ്ടിക്കാട്ടി പരാതി നല്‍കിരുന്നു. സംഭവത്തില്‍ പോലീസ് കേസ് എടുത്ത് അന്വേഷണമാരംഭിച്ചു.

കൊല്ലപ്പെട്ട ജോന്ന

അതേസമയം നാട്ടിലെത്തിച്ച ജോന്നയുടെ മൃതദേഹം, പൊട്ടിക്കരഞ്ഞു കൊണ്ടാണു സഹോദരി മൃതദേഹം ഏറ്റുവാങ്ങിയത്. ഫിലിപ്പീനി ജോലിക്കാര്‍ക്കു നേരെയുള്ള അതിക്രമങ്ങള്‍ ഏറെ വര്‍ധിച്ചുവരുന്നെന്ന റിപ്പോര്‍ട്ട് പുറത്തുവരുന്നതിനിടെയാണ് ജോന്നയുടെ മരണം.

തൊഴിലുടമകളുടെ പീഡനം സഹിക്കാന്‍ കഴിയാതെ ഫിലീപ്പീനോ തൊഴിലാളികള്‍ ജീവനൊടുക്കുന്നതായി ഫിലിപ്പീന്‍സ് പ്രസിഡന്റ് ആരോപിക്കുകയും, കുവൈറ്റിലേയ്ക്കു തൊഴിലാളികളെ അയക്കുന്നത് നിര്‍ത്തിവെയ്ക്കുകയും ചെയ്തിരുന്നു. ഇതിനു പിന്നാലെയാണു യുവതിയുടെ മരണവിവരം പുറത്തു വരുന്നത്.

error: This Content is already Published.!!