കെപിസിസി അധ്യക്ഷപദവി വേണ്ടെന്ന നിലപാടില്‍ ഉറച്ച് ഉമ്മന്‍ചാണ്ടി
Posted by
26 September

കെപിസിസി അധ്യക്ഷപദവി വേണ്ടെന്ന നിലപാടില്‍ ഉറച്ച് ഉമ്മന്‍ചാണ്ടി

തിരുവനന്തപുരം : കെപിസിസി അധ്യക്ഷ പദവി ഏറ്റെടുക്കുന്നില്ലെന്ന നിലപാടില്‍ ഉറച്ച് മുന്‍ മുഖ്യമന്ത്രി ഉമ്മന്‍ചാണ്ടി. കേരളത്തിന്റെ ചുമതലയുള്ള ഹൈക്കമാന്റ് റിട്ടേണിങ് ഓഫീസര്‍ സുദര്‍ശന്‍ നാച്ചിയപ്പനുമായുള്ള കൂടിക്കാഴ്ചയിലാണ് ഉമ്മന്‍ചാണ്ടി നിലപാട് വ്യക്തമാക്കിയത്. തെരഞ്ഞെടുപ്പ് സമവായത്തിലൂടെ നടത്തണമെന്നാണ് നേതൃത്വത്തിന്റെ ആവശ്യമെന്നും ഉമ്മന്‍ചാണ്ടി കൂട്ടിച്ചേര്‍ത്തു.

വിഎം സുധീരന്‍ കെപിസിസി അധ്യക്ഷസ്ഥാനം രാജിവെച്ചതു മുതല്‍ ഉമ്മന്‍ചാണ്ടി ചുമതലയേല്‍ക്കുമെന്ന നിലപാടിലേയ്ക്കായിരുന്നു കാര്യങ്ങളുടെ പൊതു നിഗമനം. എന്നാല്‍, താന്‍ സ്ഥാനമാനങ്ങള്‍ക്ക് ആഗ്രഹിക്കുന്നില്ലെന്ന നിലപാടില്‍ ഉറച്ചു നില്‍ക്കുകയാണ് ഉമ്മന്‍ചാണ്ടി

സോളാര്‍ കമ്മീഷന്‍ റിപ്പോര്‍ട്ട് മുഖ്യമന്ത്രിക്ക് സമര്‍പ്പിച്ചു
Posted by
26 September

സോളാര്‍ കമ്മീഷന്‍ റിപ്പോര്‍ട്ട് മുഖ്യമന്ത്രിക്ക് സമര്‍പ്പിച്ചു

തിരുവനന്തപുരം: സോളാര്‍കേസ് അന്വേഷണ റിപ്പോര്‍ട്ട് മുഖ്യമന്ത്രിക്ക് കൈമാറി. നാല് ഭാഗങ്ങളുള്ള റിപ്പോര്‍ട്ടാണ് സോളാര്‍ കമ്മീഷന്‍ അധ്യക്ഷന്‍ മുഖ്യന്ത്രിക്ക് കൈമാറിയിരിക്കുന്നത്.

സോളാര്‍ കേസുമായി ബന്ധപ്പെട്ട എല്ലാ കാര്യങ്ങളെപ്പറ്റിയും സമഗ്രമായ പഠന ശേഷം തയാറാക്കിയിരിക്കുന്ന റിപ്പോര്‍ട്ടാണ് സമര്‍പ്പിച്ചിരിക്കുന്നതെന്നും. റിപ്പോര്‍ട്ട് സംബന്ധിച്ചുള്ള വിശദാംശങ്ങള്‍ മുഖ്യമന്ത്രി മാധ്യമങ്ങളോട് വെളിപ്പെടുത്തുമെന്നും ശിവരാജന്‍ പറഞ്ഞു.

 

പ്രതിഷേധം ഫലം കണ്ടു; ബാങ്ക് ഗ്യാരണ്ടി നല്‍കാത്തതിന് മലബാര്‍ മെഡിക്കല്‍ കോളേജ് പുറത്താക്കിയ വിദ്യാര്‍ത്ഥികളെ തിരിച്ചെടുക്കും
Posted by
26 September

പ്രതിഷേധം ഫലം കണ്ടു; ബാങ്ക് ഗ്യാരണ്ടി നല്‍കാത്തതിന് മലബാര്‍ മെഡിക്കല്‍ കോളേജ് പുറത്താക്കിയ വിദ്യാര്‍ത്ഥികളെ തിരിച്ചെടുക്കും

കോഴിക്കോട്: ബാങ്ക് ഗ്യാരണ്ടി നല്‍കിയില്ലൊന്ന കാരണത്താല്‍ കോഴിക്കോട് മലബാര്‍ മെഡിക്കല്‍ കോളജില്‍ നിന്ന് പുറത്താക്കിയ കുട്ടികളെ തിരിച്ചെടുക്കാമെന്ന് മാനേജ്മെന്റിന്റെ ഉറപ്പ്. മലബാര്‍ മെഡിക്കല്‍ കോളജിലെ ഒന്നാം വര്‍ഷ എംബിബിഎസ് വിദ്യാര്‍ത്ഥികളെയാണ് ബാങ്ക് ഗ്യാരണ്ടിയുടെ പേരില്‍ തിങ്കളാഴ്ച ക്ലാസില്‍ നിന്നും പുറത്താക്കിയത്. 15 ദിവസത്തിനുള്ളില്‍ ബാങ്ക് ഗ്യാരണ്ടി നല്‍കണമെന്ന നിര്‍ദേശം പാലിക്കാന്‍ കഴിയാത്ത 33 കുട്ടികളെയാണ് പുറത്താക്കിയിരുന്നത്.

വിദ്യാര്‍ത്ഥികളെ പുറത്താക്കിയതിനെ തുടര്‍ന്ന് കെഎസ്യു, എബിവിപി വിദ്യാര്‍ത്ഥി സംഘടനകള്‍ കോളജിലേക്ക് പ്രതിഷേധ മാര്‍ച്ച് നടത്തിയിരുന്നു. പ്രതിഷേധം ശക്തമായതോടെയാണ് വിദ്യാര്‍ത്ഥികളെ തിരിച്ചെടുക്കാന്‍ മാനേജ്മെന്റ് തയാറായത്. തിങ്കളാഴ്ചയാണ് ബാങ്ക് ഗ്യാരണ്ടിയുടെ പേരില്‍ വിദ്യാര്‍ത്ഥികളെ ക്ലാസില്‍ നിന്നും ഇറക്കിവിട്ടത്.

ഞാന്‍ മരിച്ചാല്‍ എന്താകും പാര്‍ട്ടിയുടെ അവസ്ഥ? നിതീഷ് കുമാറിന്റെ ചോദ്യം കേട്ട് പാര്‍ട്ടി പ്രവര്‍ത്തകര്‍ ഞെട്ടി
Posted by
26 September

ഞാന്‍ മരിച്ചാല്‍ എന്താകും പാര്‍ട്ടിയുടെ അവസ്ഥ? നിതീഷ് കുമാറിന്റെ ചോദ്യം കേട്ട് പാര്‍ട്ടി പ്രവര്‍ത്തകര്‍ ഞെട്ടി

പാട്‌ന: തനിക്ക് ശേഷം പാര്‍ട്ടിയുടെ അവസ്ഥ എന്താകുമെന്ന് ബീഹാര്‍ മുഖ്യമന്ത്രിയും ജെഡിയു നേതാവുമായ നിതീഷ് കുമാര്‍. എന്‍ഡിഎ യുമായി സഖ്യം ചേര്‍ന്നതിന് പിന്നാലെ മുതിര്‍ന്ന നേതാക്കളെ ഉള്‍കൊള്ളിച്ച് നടന്ന യോഗത്തിലാണ് അപ്രതീക്ഷിതമായി നിതീഷ് കുമാര്‍ ഈ ചോദ്യം തൊടുത്ത് വിട്ടത്.

തനിക്ക് പാര്‍ട്ടിയെ നയിക്കാന്‍ ശേഷിയില്ലാത്തത് കൊണ്ടല്ല ഇങ്ങനെ പറയുന്നത് എന്നാല്‍ തന്റെ കാലം കഴിഞ്ഞാലും ജനങ്ങളോടുള്ള കടപാട് നിലനില്‍കുന്നതിനാലാണ് ഈ ചോദ്യം ഉന്നയിച്ചതെന്നും അദ്ദേഹം ചോദ്യ ശേഷം വ്യക്തമാക്കി. തന്റെ കാലശേഷവും പാര്‍ട്ടിയുടെ മൂല്യങ്ങള്‍ കാത്ത് സൂക്ഷിക്കണമെന്നാണ് തന്റെ ആഗ്രഹമെന്നും അദ്ദേഹം പറഞ്ഞു.

നിതീഷിന്റെ വാക്കുകള്‍ മുതിര്‍ന്ന പാര്‍ട്ടി പ്രവര്‍ത്തകരില്‍ പോലും വലിയ ഞെട്ടലാണ് സൃഷ്ടിച്ചത്. എന്നാല്‍ നിതീഷ് പാര്‍ട്ടിയെ നയിക്കാന്‍ പൂര്‍ണ്ണ ആരോഗ്യവാനാണെന്നും അടുത്ത പത്ത് വര്‍ഷത്തേക്ക് പാര്‍ട്ടിയെ നയിക്കാനുള്ള കെല്‍പ്പ് അദ്ദേഹത്തിനുണ്ടെന്നും ബീഹാര്‍ ജെഡിയു ബീഹാര്‍ പ്രസിഡന്റ് നാരായണ്‍ സിങ് പറഞ്ഞു.

കേരളത്തില്‍ മറ്റൊരു റാം റഹീം സിങ് വേണോയെന്ന് ഹൈക്കോടതി
Posted by
26 September

കേരളത്തില്‍ മറ്റൊരു റാം റഹീം സിങ് വേണോയെന്ന് ഹൈക്കോടതി

കൊച്ചി: കേരളത്തിനും ഒരു റാം റഹീം സിങ് വേണോയെന്ന് ഹൈക്കോടതി. തൃപ്പൂണിത്തുറയിലെ വിവാദയോഗാ കേന്ദ്രത്തിനെതിരായ ഹര്‍ജി പരിഗണിക്കവെയാണ് ഹൈക്കോടതിയുടെ രൂക്ഷ വിമര്‍ശനം. മറ്റൊരു റാം റഹീം സിങ് കേരളത്തില്‍ വേണമോയെന്ന് കോടതി ചോദിച്ചു. മിശ്രവിവാഹിതരെ തൃപ്പൂണിത്തുറയിലെ യോഗ കേന്ദ്രത്തില്‍ പീഡിപ്പിക്കുന്നുവെന്ന യുവതിയുടെ പരാതി പരിഗണിക്കവെയാണ് വിമര്‍ശനം നടത്തിയത്.

പെണ്‍കുട്ടി നേരിട്ട് നല്‍കിയ ഹര്‍ജിയായതിനാല്‍ ഇത് പരിഗണിക്കാനാവില്ലെന്നും കോടതി ചൂണ്ടിക്കാട്ടി. പോലീസും സര്‍ക്കാരും കാര്യങ്ങള്‍ നന്നായി നോക്കുന്നുണ്ടെന്ന വാദമുയര്‍ത്തി കോടതി ഇടപെടലിനെ പ്രോസിക്യൂഷന്‍ എതിര്‍ത്തെങ്കിലും കോടതി അത് അംഗീകരിച്ചില്ല. യോഗ കേന്ദ്രത്തെ കക്ഷിയാക്കണമെന്ന് ആവശ്യപ്പെട്ട ഹൈക്കോടതി ഇതിനായി പ്രത്യേക അപേക്ഷ നല്‍കാനും നിര്‍ദ്ദേശിച്ചു.

യോഗ കേന്ദ്രത്തില്‍ പീഡനത്തിന് ഇരയായി എന്നു ചൂണ്ടിക്കാട്ടി സത്യവാങ് മൂലം സമര്‍പ്പിച്ച കണ്ണൂര്‍ സ്വദേശി ശ്വേത ഹരിദാസന്റെ പരാതിയാണ് കോടതി പരിഗണിച്ചത്. കണ്ടനാട് ശിവശക്തി യോഗ സെന്ററില്‍ 65 ഓളം യുവതികളെ തടങ്കലില്‍ പാര്‍പ്പിച്ചിരിക്കുകയാണെന്നും മതം മാറ്റത്തിന് പ്രേരിപ്പിക്കുകയും വഴങ്ങിയില്ലെങ്കില്‍ മര്‍ദ്ദിക്കുകയും ചെയ്യുന്നുവെന്നാണ് യുവതിയുടെ സത്യവാങ് മൂലം.

അഴിമതിക്കാരോട് യാതൊരു തരത്തിലുമുള്ള വിട്ടുവീഴ്ചയ്ക്ക് ഈ സര്‍ക്കാര്‍ തയ്യാറാവില്ല: മോഡി
Posted by
26 September

അഴിമതിക്കാരോട് യാതൊരു തരത്തിലുമുള്ള വിട്ടുവീഴ്ചയ്ക്ക് ഈ സര്‍ക്കാര്‍ തയ്യാറാവില്ല: മോഡി

ന്യൂഡല്‍ഹി: അഴിമതിക്കാരോട് യാതൊരു തരത്തിലുമുള്ള വിട്ടുവീഴ്ചയ്ക്ക് ഈ സര്‍ക്കാര്‍ തയ്യാറാവില്ലെന്നും അഴിമതിയില്‍ നിന്ന് പ്രയോജനം ലഭിച്ചിട്ടുള്ള ബന്ധുക്കളാരും തനിക്കില്ലെന്നും പ്രധാനമന്ത്രി നരേന്ദ്ര മോഡി പറഞ്ഞു. അഴിമതി പൂര്‍ണ്ണമായും തുടച്ചു നീക്കുന്നതുവരെ പോരാട്ടം തുടരുമെന്നും മോഡി ബിജെപി ദേശീയ നിര്‍വാഹക സമിതിയോഗത്തിന്റെ സമാപന പ്രസംഗത്തില്‍ അറിയിച്ചു.

കേരളത്തിലും ത്രിപുരയിലും ബംഗാളിലും അടക്കം രാഷ്ട്രീയ കൊലപാതകങ്ങളെ അപലപിച്ചു കൊണ്ട്, ചില സംസ്ഥാനങ്ങളിലെ പ്രതിപക്ഷ പാര്‍ട്ടികളോടുള്ള അസഹിഷ്ണുതയ്ക്കെതിരെയായിരുന്നു മോഡിയുടെ പ്രസംഗം.

ഒരു വര്‍ഷം നീണ്ടുനിന്ന ദീനദയാല്‍ ഉപാധ്യായ ജന്മശതാബ്ദി ആഘോഷങ്ങള്‍ക്ക് ദേശീയ നിര്‍വാഹക സമിതിയോഗത്തില്‍ സമാപനം കുറിച്ചു. 3,92,802 കാര്യകര്‍ത്താക്കള്‍ ജന്മശതാബ്ദി ആഘോഷ പരിപാടിയില്‍ മുഴുവന്‍ സമയ പ്രവര്‍ത്തകരായി ബൂത്തുതലങ്ങളില്‍ പ്രവര്‍ത്തിച്ചു. രാജ്യത്തെ 9.60ലക്ഷം ബുത്തുകളില്‍ 7.50 ലക്ഷം ബുത്തുകളിലും ബിജെപി പ്രവര്‍ത്തകര്‍ സമ്പര്‍ക്കം നടത്തിയെന്നും ദേശീയ അധ്യക്ഷന്‍ അമിത് ഷാ അറിയിച്ചു.

കേരളത്തില്‍ നിന്ന് കുമ്മനം രാജശേഖരന്‍, ഒ രാജഗോപാല്‍, അല്‍ഫോണ്‍സ് കണ്ണന്താനം, വി മുരളീധരന്‍, പികെ കൃഷ്ണദാസ്, എഎന്‍ രാധാകൃഷ്ണന്‍, എംടി രമേശ്, കെ സുരേന്ദ്രന്‍, ശോഭാ സുരേന്ദ്രന്‍, എം ഗണേശന്‍, കെ സുഭാഷ്, പിഎസ് ശ്രീധരന്‍പിള്ള എന്നിവര്‍ പങ്കെടുത്തു.

പാലസ്തീനിലെ ചിത്രം ഉയര്‍ത്തി അപമാനിച്ച പാകിസ്താന് ഐക്യരാഷ്ട്ര സഭയില്‍ ശക്തമായ തിരിച്ചടി നല്‍കി ഇന്ത്യ
Posted by
26 September

പാലസ്തീനിലെ ചിത്രം ഉയര്‍ത്തി അപമാനിച്ച പാകിസ്താന് ഐക്യരാഷ്ട്ര സഭയില്‍ ശക്തമായ തിരിച്ചടി നല്‍കി ഇന്ത്യ

ജനീവ: പാലസ്തീനിലെ ആക്രമണത്തിന്റെ ചിത്രങ്ങള്‍ കാണിച്ച് ഇന്ത്യയെ അപമാനിച്ച പാകിസ്താന് യുഎന്നില്‍ ചുട്ടമറുപടി നല്‍കി ഇന്ത്യന്‍ നയതന്ത്ര പ്രതിനിധി. പാലസ്തീനില്‍ നിന്നുള്ള ചിത്രം ഇന്ത്യയിലേതെന്ന് പറഞ്ഞ് പാകിസ്താന്‍ സഭയെ തെറ്റിദ്ധരിപ്പിച്ചെന്ന് ഇന്ത്യന്‍ നയതന്ത്ര ഉദ്യോഗസ്ഥ പൗലോമി ത്രിപാഠി പറഞ്ഞു.

പാകിസ്താനിലെ ഭീകരവാദത്തെ കുറിച്ചുള്ള ചര്‍ച്ചകളില്‍ നിന്ന് ശ്രദ്ധ തിരിക്കാനാണ് ഇത്തരം കാര്യങ്ങള്‍ ചെയ്യുന്നത്. ഇന്ത്യന്‍ അതിര്‍ത്തിയിലെ, പ്രത്യേകിച്ച് കശ്മീരിലെ ജനങ്ങള്‍ ദിനംപ്രതി സഹിക്കേണ്ടി വരുന്ന ഈ യാഥാര്‍ഥ്യമാണ് പാകിസ്താന്‍ മറച്ചുവെക്കാന്‍ ശ്രമിക്കുന്നത്. പാകിസ്താന്റെ യഥാര്‍ഥ മുഖം ആരില്‍ നിന്നും ഒളിക്കാനാവില്ലെന്നും ഇന്ത്യ വ്യക്തമാക്കി.

ജമ്മു കശ്മീരില്‍ ഭീകരര്‍ തട്ടിക്കൊണ്ടു പോയി ക്രൂരമായി കൊലപ്പെടുത്തിയ സൈനികന്‍ ഉമര്‍ ഫയാസിന്റെ ചിത്രം ഇന്ത്യ യുഎന്നില്‍ ഉയര്‍ത്തി കാണിച്ചു. ഈ ചിത്രം വ്യാജമല്ല; നിഷ്ഠൂരമായ യാഥാര്‍ഥ്യം വിളിച്ചു പറയുന്ന ചിത്രമാണിത്. പാകിസ്താന്‍ പിന്തുണക്കുന്ന ഭീകരര്‍ 2017 മേയില്‍ ലെഫ. ഉമര്‍ ഫയാസിനെ വിവാഹച്ചടങ്ങിനിടെ തട്ടിക്കൊണ്ടു പോയി ക്രൂരപീഡനത്തിന് ഇരയാക്കി കൊലപ്പെടുത്തിയെന്നും പൗലോമി ത്രിപാഠി ചൂണ്ടിക്കാട്ടി.

കശ്മീരിലെ പെല്ലറ്റ് ആക്രമണം ഇന്ത്യന്‍ ഭീകരതയുടെ ഉദാഹരണമാണെന്ന് പറഞ്ഞാണ് പാക് സ്ഥാനപതി മലീഹാ ലോധി മുഖത്താകെ പരിക്കേറ്റ യുവതിയുടെ ചിത്രം കഴിഞ്ഞ ദിവസം ഉയര്‍ത്തിക്കാട്ടിയത്. എന്നാല്‍, ഗാസയില്‍ ഇസ്രായേലിന്റെ വ്യോമാക്രമണത്തില്‍ മുഖത്ത് പരിക്കേറ്റ പതിനേഴുകാരിയുടെ ചിത്രമായിരുന്നു അതെന്നും മാധ്യമങ്ങള്‍ ചൂണ്ടിക്കാട്ടി. 2014ല്‍ അവാര്‍ഡിനര്‍ഹമായ ചിത്രം പ്രശസ്ത ഫോട്ടോഗ്രാഫര്‍ ഹെയ്ഡി ലെവ് പകര്‍ത്തിയതാണ്.

യുഎന്‍ പൊതുസഭയുടെ 72-ാം സമ്മേളനത്തില്‍ സംസാരിക്കവെ വിദേശകാര്യമന്ത്രി സുഷമ സ്വരാജ് കഴിഞ്ഞ ദിവസം പാകിസ്താനെതിരെ ആഞ്ഞടിച്ചിരുന്നു. ഇതിന് മറുപടി നല്‍കുമ്പോഴാണ് തെറ്റായ ചിത്രം ഉയര്‍ത്തിക്കാട്ടി പാക് സ്ഥാനപതി ഇന്ത്യയ്‌ക്കെതിരെ രംഗത്തെത്തിയത്.

തോമസ് ചാണ്ടിയുടെ നിലം നികത്തല്‍ സംബന്ധിച്ച നിര്‍ണ്ണായക തെളിവെടുപ്പ് ഇന്ന്
Posted by
26 September

തോമസ് ചാണ്ടിയുടെ നിലം നികത്തല്‍ സംബന്ധിച്ച നിര്‍ണ്ണായക തെളിവെടുപ്പ് ഇന്ന്

ആലപ്പുഴ: തോമസ് ചാണ്ടിയുടെ നിലം നികത്തല്‍ സംബന്ധിച്ച് ആലപ്പുഴ ജില്ലാ കളക്ടര്‍ നടത്തുന്ന നിര്‍ണ്ണായക തെളിവെടുപ്പ് ഇന്ന്. നെല്‍വയല്‍ തണ്ണീര്‍തട നിയമം അനുസരിച്ചാണ് തെളിവെടുപ്പ് നടത്തുന്നത്. ലേക് പാലസിന്റെ ഉടമകളായ വാട്ടര്‍വേള്‍ഡ് ടൂറിസം കമ്പനി മാനേജിംഗ് ഡയറക്ടര്‍ക്കാണ് തെളിവെടുപ്പിനുളള നോട്ടീസ് നല്‍കിയിട്ടുളളത്.

ലേക് പാലസിന്റെ ഉടമ മന്ത്രി തോമസ് ചാണ്ടിയാണെങ്കിലും മാനേജിംഗ് ഡയറക്ടര്‍ ബന്ധുവായ ജോണ്‍ ജോസഫാണ്. റിസോര്‍ട്ടിന്റെ ഭൂമിയും അനുബന്ധ വസ്തുക്കളും ജോസ് മാത്യു മാപ്പളശേരിയുടെ പേരിലുമാണ് . ഇവരില്‍ ആരെങ്കിലുമാകും തെളിവെടുപ്പിന് ഹാജരാവുക.

നവലിബറല്‍ സാമ്പത്തിക നയങ്ങള്‍ തൊഴിലില്ലായ്മ രൂക്ഷമാക്കി, തൊഴിലില്ലായ്മയ്‌ക്കെതിരെ പോരാട്ടത്തിന് തയാറാകാന്‍ യുവാക്കളോട് ഡിവൈഎഫ്‌ഐ അഖിലേന്ത്യാ പ്രസിഡന്റ്  മുഹമ്മദ് റിയാസ്
Posted by
25 September

നവലിബറല്‍ സാമ്പത്തിക നയങ്ങള്‍ തൊഴിലില്ലായ്മ രൂക്ഷമാക്കി, തൊഴിലില്ലായ്മയ്‌ക്കെതിരെ പോരാട്ടത്തിന് തയാറാകാന്‍ യുവാക്കളോട് ഡിവൈഎഫ്‌ഐ അഖിലേന്ത്യാ പ്രസിഡന്റ് മുഹമ്മദ് റിയാസ്

ന്യൂഡല്‍ഹി: യുവാക്കളെയും ബഹുജനങ്ങളെയും അണിനിരത്തി തൊഴിലില്ലായ്മയ്‌ക്കെതിരെ പോരാട്ടത്തിന് തയാറാകാന്‍ നെല്ലൂരില്‍ ചേര്‍ന്ന 14ാമത് ഡിവൈഎഫ്‌ഐ ആന്ധ്രാപ്രദേശ് സംസ്ഥാന സമ്മേളനം ആഹ്വാനം ചെയ്തു. രണ്ട് ദശകത്തിലധികമായി രാജ്യത്ത് തുടരുന്ന നവലിബറല്‍ സാമ്പത്തിക നയങ്ങള്‍ തൊഴിലില്ലായ്മ രൂക്ഷമാക്കിയെന്ന് അഖിലേന്ത്യാ പ്രസിഡന്റ് അഡ്വ. പിഎ മുഹമ്മദ് റിയാസ് പറഞ്ഞു.

രാജ്യത്തെ തൊഴില്‍ സംസ്‌കാരത്തില്‍ കാതലായ മാറ്റം സംഭവിച്ചു. തൊഴില്‍ സ്ഥിരത നഷ്ടപ്പെട്ടു. കരാര്‍ തൊഴില്‍ വ്യാപകമായി. തുച്ഛമായ ശമ്പളത്തില്‍ ജോലിചെയ്യേണ്ട സാഹചര്യമാണ് നിലവിലുള്ളതെന്ന് മുഹമ്മദ് റിയാസ് പറഞ്ഞു. പ്രതിനിധി സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു മുഹമ്മദ് റിയാസ്.

ജി രാമണ്ണ പ്രസിഡന്റായും സൂര്യ റാവു സെക്രട്ടറിയായും 42 അംഗ കമ്മറ്റിയെ സമ്മേളനം തെരഞ്ഞെടുത്തു. 13 ജില്ലകളില്‍നിന്ന് 300 പ്രതിനിധികള്‍ പങ്കെടുത്തു. പൊതു സമ്മേളനം സിപിഐ എം പൊളിറ്റ്ബ്യൂറോ അംഗം മുഹമ്മദ് സലിം എംപി ഉദ്ഘാടനം ചെയ്തു. ഡിവൈഎഫ്‌ഐ അഖിലേന്ത്യാ വൈസ് പ്രസിഡന്റ് ദീപ, കേന്ദ്ര സെക്രട്ടറിയേറ്റ് അംഗം വിജയ് കുമാര്‍, കേന്ദ്ര കമ്മറ്റി അംഗം എ എ റഹിം തുടങ്ങിയവര്‍ പങ്കെടുത്തു. സമ്മേളനത്തിന്റെ ഭാഗമായി ഞായറാഴ്ച വന്‍ യുവജന റാലി നടന്നു.

എല്ലാ വീടുകളിലും ഇനി വൈദ്യുതി: വൈദ്യുതി രംഗത്ത് വിപ്ലവുമായി പ്രധാനമന്ത്രി
Posted by
25 September

എല്ലാ വീടുകളിലും ഇനി വൈദ്യുതി: വൈദ്യുതി രംഗത്ത് വിപ്ലവുമായി പ്രധാനമന്ത്രി

ന്യുഡല്‍ഹി: വൈദ്യുതി രംഗത്ത് വിപ്ലവകരമായ തീരുമാനവുമായി പ്രധാനമന്ത്രി നരേന്ദ്ര മോഡി. രാജ്യം മുഴുവന്‍ വൈദ്യുതി എത്തിക്കുക എന്ന സ്വപ്‌ന പദ്ധതിയാണ് പുതിയതായി പ്രഖ്യാപിച്ചിരിക്കുന്നത്. 2019ഒടെ ഇന്ത്യയില്‍ എല്ലാ വീടുകളിലും വൈദ്യുതി ലഭ്യമാകുമെന്നും പ്രധാനമന്ത്രി പറഞ്ഞു.

പുതിയ പദ്ധതിക്കായി 16000 കോടി രൂപയാണ് നീക്കി വെക്കുന്നത്.500 രൂപയ്ക്ക് പുതിയ കണക്ഷന്‍ നല്‍കാനും, ദാരിദ്ര രേഖയ്ക്ക് താഴയുള്ളവര്‍ക്ക് സൗജന്യ വൈദ്യുതി നല്‍കുന്നതിനോടൊപ്പം നാല് കോടി കുടുംബങ്ങള്‍ക്ക് പുതുതായി വൈദ്യുതി എത്തിക്കാനും പദ്ധതിയുടെ ലക്ഷ്യം വെക്കുന്നുണ്ട്.