ചാറ്റ് ചെയ്ത് വരുത്തുന്ന യുവാക്കളും  ഭാര്യയുമായുള്ള ബന്ധം മൊബൈലില്‍ പകര്‍ത്തി കണ്ട് രസിക്കും, ഭാര്യാ സഹായത്തോടെ ചെറിയ പെണ്‍കുട്ടികളെ പീഡിപ്പിക്കും, കോട്ടയത് പെണ്‍കുട്ടിയെ പീഡിപ്പിച്ചകേസില്‍ പിടിയിലായ സിബിയുടെ വിചിത്ര രീതികള്‍ കേട്ട് ഞെട്ടി പോലീസ്
Posted by
21 November

ചാറ്റ് ചെയ്ത് വരുത്തുന്ന യുവാക്കളും ഭാര്യയുമായുള്ള ബന്ധം മൊബൈലില്‍ പകര്‍ത്തി കണ്ട് രസിക്കും, ഭാര്യാ സഹായത്തോടെ ചെറിയ പെണ്‍കുട്ടികളെ പീഡിപ്പിക്കും, കോട്ടയത് പെണ്‍കുട്ടിയെ പീഡിപ്പിച്ചകേസില്‍ പിടിയിലായ സിബിയുടെ വിചിത്ര രീതികള്‍ കേട്ട് ഞെട്ടി പോലീസ്

കോട്ടയം: കഴിഞ്ഞ ദിവസം പീഡനത്തിന് പിടിയിലായ നാടക പരിശീലകനെ കുറിച്ച് പുറത്തു വരുന്ന കാര്യങ്ങള്‍ ഞെട്ടിക്കുന്നത്. പീഡനങ്ങള്‍ക്കും മറ്റും ഭാര്യ കൂട്ടു നിന്നന്നുമാണ് പോലീസ് കണ്ടെത്തല്‍. കളക്ടറേറ്റ് കീഴുക്കുന്ന് ഇറക്കത്തില്‍ സിബി(47)യെയാണ് അറസ്റ്റ് ചെയ്തത്.

കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു. പെണ്‍കുട്ടിയെ പീഡിപ്പിച്ച് ദൃശ്യങ്ങള്‍ മൊബൈല്‍ ഫോണില്‍ പകര്‍ത്തിയ കേസിലാണ് സിബി പിടിലാകുന്നത്. ഭാര്യയുടെ സഹായത്തോടെ പെണ്‍കുട്ടിയെ പീഡിപ്പിച്ചതിന്റെ ചിത്രങ്ങള്‍ പകര്‍ത്തി പ്രചരിപ്പിച്ചതായാണ് കേസ്. സ്‌കൂള്‍ കുട്ടിയുടെ അശ്ലീല ചിത്രങ്ങള്‍ പ്രചരിക്കുന്നതായി വിവരം ലഭിച്ചതിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് ഞെട്ടിക്കുന്ന വിവരം പുറത്ത് വന്നിരിക്കുന്നത്.

ഭാര്യയുടെ ഫേസ്ബുക്കിലൂടെ സിബി ചാറ്റ് ചെയ്ത് പ്രദേശവാസിയായ ഒരു യുവാവിനെ വീട്ടില്‍ എത്തിക്കുകയും. അതിന് ശേഷം ഭാര്യയുമായി ലൈംഗികമായി ബന്ധപ്പെടുന്നതിന്റെ ദ്യശ്യം സിബി മൊബൈലില്‍ പകര്‍ത്തുകയും ചെയ്തിരുന്നു.ഇത് ബ്‌ളാക്‌മെയില്‍ ചെയ്യാനാണ് സാധാരണ എല്ലാവരും ഉപയോഗിക്കുക. എന്നാല്‍ സിബി അങ്ങനെ അല്ല. അത് കണ്ട് രസിക്കാന്‍ വേണ്ടിയായിരുന്നു എന്നാണ് പറയുന്നത്.ഈ ദ്യശ്യങ്ങള്‍ പോലീസ് സിബിയുടെ മൊബൈലില്‍ നിന്ന് കണ്ടെത്തിയിട്ടുണ്ട്.

ഇത്തരത്തിലുള്ള ഒരുവക മാനസിക രോഗം സിബിയില്‍ ബാധിച്ചിട്ടുള്ളതായാണ് പോലീസ് സംശയിക്കുന്നത്.സിബി പകര്‍ത്തിയ ചിത്രത്തെ സംബന്ധിച്ച് കോട്ടയം ഡിവൈഎസ്പിക്ക് വിവരം ലഭിച്ചിട്ട് കുറച്ച് നാളായി. എന്നാല്‍ പോലീസുമായും രാഷ്ട്രീയക്കാരുമായും നല്ല അടുപ്പമുള്ള സിബിയെ പിടികൂടുന്നതിന് ഡിവൈഎസ്പി തന്നെ നേരീട്ട് അന്വേഷണം നടത്തി വിവരം സത്യമാണന്ന് കണ്ടെത്തുകയായിരുന്നു. ഇതിനെ തുടര്‍ന്നാണ് അറസ്റ്റിന് പോലീസ് സേനയെ ഉപയോഗിച്ചത്.

ഇത്തരത്തില്‍ നിരവധി കുട്ടികളെ പീഡിപ്പിച്ചുവരുകയായിരുന്നു എന്നാണ് വിവരം. ഇത് സംബന്ധിച്ച് കൂടുതല്‍ പരാതി ഉണ്ടാകും എന്നാണ് പോലീസ് കരുതുന്നത്. അടുത്തയിടെ നടന്ന ഒരു കലോത്സവത്തിന് എത്തിയ പെണ്‍കുട്ടിയെ കയറി പിടിക്കുകയും പിന്നിട് കുട്ടി ആ സംഭവം സഹപാഠികളായ ആണ്‍കുട്ടികളോട് പറയുകയും അവര്‍ സംഘം ചേര്‍ന്ന് മര്‍ദ്ദിക്കുന്ന സംഭവും ഉണ്ടായിരുന്നു.

അച്ചനാണ് മുത്തച്ചനാണ് എന്ന വാല്തസല്യം നല്‍കിയാണ് കുട്ടികളെ ഉപയോഗിച്ചിരുന്നത്.ജില്ലയിലെ പ്രമുഖ സ്‌കൂളുകളിലെ നിരവധി പ്രശസ്തരുടെ കുട്ടികളുടെ മെയ്ക്കപ്പ് മാനായിരുന്നു സിബി. സംഭവം പുറത്തു വന്നതോടെ ഇവര്‍ ഞെട്ടി തരിച്ച് ഇരിക്കുകയാണ്. കൂടുതല്‍ പരാതികള്‍ ഉയര്‍ന്നാല്‍ ഭാര്യയും പ്രതി പട്ടികയില്‍ ഉള്‍പ്പെടും എന്നാണ് സൂചന.

പ്രായപൂര്‍ത്തിയായകാത്ത പെണ്‍കുട്ടികളോടായിരുന്നു നാല്പത്തിഎഴുകാരാനായ സിബിക്ക് താല്പര്യം. ഭാര്യ മറ്റൊരാളുമായി ലൈംഗിക ബന്ധത്തില്‍ ഏര്‍പ്പെടുന്നതിന്റെ ചിത്രം പകര്‍ത്തിയത് ബ്‌ളാക്ക് മെയിലായിരുന്നോ എന്നും പോലീസ് രഹസ്യമായി അന്വേഷിക്കുന്നുണ്ട്.

ഒരു കൊലപാതകം മറയ്ക്കാന്‍ മറ്റൊരു കൊലപാതകം കൂടി; മോബിന്‍ മാത്യു തെളിവുകള്‍ നശിപ്പിക്കാന്‍ ദൃശ്യം സിനിമ കണ്ടത് 17 തവണ, സംഭവം ആലപ്പുഴയില്‍
Posted by
21 November

ഒരു കൊലപാതകം മറയ്ക്കാന്‍ മറ്റൊരു കൊലപാതകം കൂടി; മോബിന്‍ മാത്യു തെളിവുകള്‍ നശിപ്പിക്കാന്‍ ദൃശ്യം സിനിമ കണ്ടത് 17 തവണ, സംഭവം ആലപ്പുഴയില്‍

ആലപ്പുഴ: താന്‍ ചെയ്ത ആദ്യ കൊലപാതകം മറയ്ക്കാന്‍ യുവാവിനെ കൊലപ്പെടുത്തിയ പ്രതി പിടിയില്‍. എടത്വ പച്ച കാഞ്ചിക്കല്‍ വീട്ടില്‍ മോബിന്‍ മാത്യു(മനു 25)വിനെയാണ് ജില്ലാ പോലീസ് മേധാവിയുടെ നേതൃത്വത്തിലുള്ള പ്രത്യേക അന്വേഷണസംഘം കസ്റ്റഡിയിലെടുത്തത്.ഇരട്ടക്കൊലപാതക കേസില്‍ തെളിവുകള്‍ ഇല്ലാതാക്കി പോലീസ് അന്വേഷണം വഴിതിരിച്ചുവിടാന്‍ ഒന്നാംപ്രതി നടത്തിയത് ബുദ്ധിപൂര്‍വമായ നീക്കങ്ങളാണെന്ന് പൊലീസ് കണ്ടെത്തി.

തകഴി പഞ്ചായത്ത് എട്ടാം വാര്‍ഡില്‍ ചെക്കിടിക്കാട് കറുകത്തറ മധു (40), ചെക്കിടിക്കാട് തുരുത്തുമാലില്‍ ഔസേഫ് തോമസിന്റെ മകന്‍ വര്‍ഗീസ് ഔസേഫ് (ലിന്റോ 26) എന്നിവരെ കൊലപ്പെടുത്തിയ കേസിലാണ് ഇയാളെ അറസ്റ്റു ചെയ്തത്. ലിന്റോയുടെ മൃതദേഹം ഒളിപ്പിക്കാന്‍ സഹായിച്ച പച്ച കാഞ്ചിക്കല്‍വീട്ടില്‍ ജോഫിന്‍ ജോസഫ് (28)നെ പോലീസ് കസ്റ്റഡിയിലെടുത്തു. കഴിഞ്ഞ ഏപ്രില്‍ 19നാണ് മധുവിനെ മോബിനും ലിന്റോയും ചേര്‍ന്ന് കഴുത്തുഞെരിച്ച് കൊലപ്പെടുത്തിയത്. ഇതിനുശേഷം മൃതദേഹം വെള്ളക്കെട്ടില്‍ തള്ളുകയായിരുന്നു. മോബിന്റെ സഹോദരിയോട് അപമര്യാദയായി പെരുമാറിയതില്‍ പ്രതികാരമായാണ് സുഹൃത്തുകൂടിയായ മധുവിനെ കൊലപ്പെടുത്തിയത്.

ഒന്നിച്ച് മദ്യപിച്ചശേഷം ഷിന്റോയും മോബിനും ചേര്‍ന്ന് തെങ്ങിനോടു ചേര്‍ത്തുനിര്‍ത്തി കമ്പിയുപയോഗിച്ച് കഴുത്തില്‍ മുറുക്കി കൊലപ്പെടുത്തുകയായിരുന്നു. രാത്രിയില്‍ ആളൊഴിഞ്ഞ നേരം മധു വീട്ടിലേക്കു പോകുന്ന തെങ്ങുകൊണ്ടുള്ള പാലത്തിനടിയില്‍ മൃതദേഹം തള്ളി.മധു നടന്നുപോകുമ്പോള്‍ പാലത്തില്‍ നിന്ന് വെള്ളത്തില്‍ വീണു എന്ന് വരുത്തിത്തീര്‍ക്കുകയായിരുന്നു ലക്ഷ്യം. പിറ്റേന്നാണ് മധുവിന്റെ മൃതദേഹം വെള്ളക്കെട്ടില്‍ നാട്ടുകാര്‍ കാണുന്നത്. ഇതേത്തുടര്‍ന്ന് പ്രതികളെ പിടികൂടണമെന്ന് ആവശ്യപ്പെട്ട് രൂപീകരിച്ച ആക്ഷന്‍കൗണ്‍സിലിന്റെ പ്രവര്‍ത്തനങ്ങളില്‍ പ്രതികള്‍ ഇരുവരും സജീവമായിരുന്നു.

പോലീസ് വീഴ്ചയ്‌ക്കെതിരെ എടത്വ പോലീസ് സ്‌റ്റേഷനിലേക്ക് ആക്ഷന്‍ കൗണ്‍സില്‍ നടത്തിയ മാര്‍ച്ചിലും ഇവര്‍ മുമ്പിലുണ്ടായിരുന്നു. മൃതദേഹത്തിന്റെ ഇന്‍ക്വസ്റ്റ് സാക്ഷിയായി ഒപ്പിട്ടതും സംസ്‌കാര ചടങ്ങുകളില്‍ നേതൃത്വം നല്‍കിയതും മോബിനായിരുന്നു. ഇതിനിടെ മധുവിന് സ്വഭാവദൂഷ്യം ഉള്ളതിനാല്‍ മറ്റുചിലരാകും കൊല ചെയ്തതെന്ന് പ്രചാരണവും മോബിന്റെ നേതൃത്വത്തില്‍ ഒരുവിഭാഗം ആക്ഷന്‍ കൗണ്‍സിലുകാര്‍ നടത്തി.

ആക്ഷന്‍കൗണ്‍സിലിന്റെ പരാതിയെത്തുടര്‍ന്ന് െ്രെകംബ്രാഞ്ച് അന്വേഷണത്തിനും സര്‍ക്കാര്‍ ഉത്തരവിട്ടിരുന്നു. എന്നാല്‍ െ്രെകംബ്രാഞ്ച് അന്വേഷണം ഏറ്റെടുക്കുന്നതിനു മുമ്പു തന്നെ ചെങ്ങന്നൂര്‍ ഡിവൈഎസ്പി അനീഷ് വി. കോരയുടെയും മാന്നാര്‍ സിഐ വിദ്യാധരന്റെയും നേതൃത്വത്തിലുള്ള പോലീസ് സംഘം മോബിനെ പിടികൂടുകയായിരുന്നു. അന്വേഷണത്തിനിടെ ലിന്റോയോട് നുണപരിശോധനയ്ക്ക് ഹാജരാകാന്‍ പോലീസ് ആവശ്യപ്പെട്ടിരുന്നു.

സത്യം വെളിപ്പെടുത്തുമെന്ന് അറിയിച്ചതിനെത്തുടര്‍ന്ന് ലിന്റോയെ ആദ്യം ഒളിപ്പിക്കുകയും പിന്നീട് തലയ്ക്കടിച്ച് കൊലപ്പെടുത്തുകയുമായിരുന്നു. ജൂണ്‍ പത്തിനും 21നും ഇടയിലുള്ള ദിവസത്തിലാണ് ലിന്റോയെ മോബിന്‍ തലയ്ക്കടിച്ച് കൊന്നത്. ഇതിനുശേഷം ജോഫിന്റെ സഹായത്തോടെ തകഴിയില്‍ റെയില്‍വേ പാളത്തില്‍ മൃതദേഹം തള്ളുകയായിരുന്നു. തീവണ്ടി തട്ടി സമീപത്തെ കുറ്റിക്കാട്ടിലേക്ക് വീണ മൃതദേഹം സപ്തംബര്‍ 19നാണ് പ്രദേശവാസികള്‍ കാണുന്നത്. മൃതദേഹത്തിനു സമീപത്തുനിന്നുകിട്ടിയ പഴ്‌സില്‍ ലിന്റോയുടെ ചിത്രവുമുണ്ടായിരുന്നു. പിന്നീട് ഡിഎന്‍എ പരിശോധനയില്‍ മൃതദേഹം ലിന്റോയുടേതെന്ന് സ്ഥിരീകരിച്ചു.

കൊലപാതകത്തിന്റെ തെളിവുകള്‍ നശിപ്പിക്കാന്‍ ‘ദൃശ്യം’ എന്ന സിനിമ ഇതിനായി താന്‍ 17 തവണ കണ്ടതായി മോബിന്‍ മാത്യു പോലീസിനു മൊഴി നല്‍കി. ഓരോ തവണ ചിത്രം കണ്ടപ്പോഴും പുതിയ ആശയങ്ങള്‍ ലഭിച്ചതായാണു മോബിന്‍ പറയുന്നത്. സ്വന്തം ഫോണ്‍ ഉപയോഗിക്കാതെ വാട്‌സ്ആപ് കോളുകളും ബന്ധുക്കളുടെ ഫോണുകളില്‍നിന്നുള്ള കോളുകളുമാണ് മോബിന്‍ ആശയ വിനിയമത്തിന് ഉപയോഗിച്ചിരുന്നത്. തെളിവുകള്‍ നശിപ്പിക്കുന്നതില്‍ വൈദഗ്ധ്യംകാട്ടിയ മോബിനെ കുടുക്കിയതും ദൃശ്യം സിനിമയില്‍ മോഹന്‍ലാല്‍ അവതരിപ്പിച്ച നായക കഥാപാത്രത്തെപ്പോലെ നടത്തിയ ചില ആത്മവിശ്വാസം തോന്നിപ്പിക്കുന്ന മറുപടികളായിരുന്നുവെന്ന് ആലപ്പുഴ ജില്ലാ പോലീസ് മേധാവി എസ്. സുരേന്ദ്രനും ചെങ്ങന്നൂര്‍ ഡിവൈ.എസ്.പി അനീഷ് വി. കോരയും പറഞ്ഞു.

ചോദ്യം ചെയ്യാന്‍ വിളിച്ചപ്പോഴെല്ലാം ചോദിക്കുന്നതിനെക്കാള്‍ ഒരുപടി കടന്നായിരുന്നു മറുപടികള്‍. ലിന്റോയെ കാണാതായ ദിവസത്തെ മൊെബെല്‍ ടവര്‍ ലൊക്കേഷനുകള്‍ പരിശോധിക്കൂവെന്ന പരാമര്‍ശമാണ് ആദ്യമായി സംശയം ജനിപ്പിച്ചത്. പിന്നീട് നടത്തിയ നിരീക്ഷണത്തില്‍ നവമാധ്യമങ്ങളില്‍ സജീവമായിരുന്ന മോബിന്‍ സംഭവശേഷം ഫെയ്‌സ്ബുക്ക് ഉപയോഗിച്ചിട്ടില്ലെന്നും കണ്ടെത്തി. ശാസ്ത്രീയമായ തെളിവുകള്‍ ഉള്‍പ്പടെയുള്ളവയുടെ അടിസ്ഥാനത്തിലാണ് മോബിനെ അറസ്റ്റു ചെയ്തതെന്ന് പോലീസ് പറഞ്ഞു.

ബിസ്‌കറ്റ് വാങ്ങാനെത്തിയ വീട്ടമ്മയെ കടയുടമ കയറിപ്പിടിച്ചു; യുവതിയുടെ ഭര്‍ത്താവും നാട്ടുകാരും ചേര്‍ന്ന് കടയുടമയേയും ഭാര്യയേയും പഞ്ഞിക്കിട്ടു, സംഭവം കോട്ടയത്ത്‌
Posted by
20 November

ബിസ്‌കറ്റ് വാങ്ങാനെത്തിയ വീട്ടമ്മയെ കടയുടമ കയറിപ്പിടിച്ചു; യുവതിയുടെ ഭര്‍ത്താവും നാട്ടുകാരും ചേര്‍ന്ന് കടയുടമയേയും ഭാര്യയേയും പഞ്ഞിക്കിട്ടു, സംഭവം കോട്ടയത്ത്‌

കോ​ട്ട​യം: വീട്ട​മ്മ​യെ ക​യ​റി​പ്പി​ടി​ച്ച ക​ട​യു​ട​മ​യെ നാ​ട്ടു​കാ​ർ കൈ​കാ​ര്യം ചെ​യ്തു. നാ​ണ​ക്കേ​ടു​മൂ​ലം പു​റ​ത്തി​റ​ങ്ങാ​നാ​വാ​തെ ക​ഴി​യു​ക​യാ​ണ് ക​ട​യു​ട​മ. പ​രാ​തി ന​ൽകി​യാ​ൽ പീ​ഡ​നക്കേസി​ൽ അ​ക​ത്താ​കു​മെ​ന്നു ഭ​യ​ന്ന് മ​ർ​ദ​നം സ​ഹി​ച്ചു. മ​ണ​ർ​കാ​ടി​നും ഒ​റ​വ​യ്ക്ക​ലി​നും ഇ​ട​യ്ക്കു​ള്ള പ്ര​ദേ​ശ​ത്തെ ക​ട​യു​ട​മ​യാ​ണ് ക​ഴി​ഞ്ഞ ദി​വ​സം സാ​ധ​നം വാ​ങ്ങാ​നെ​ത്തി​യ വീ​ട്ട​മ്മ​യെ ക​യ​റി​പ്പി​ടി​ച്ച​ത്.

വീ​ട്ട​മ്മ ബി​സ്കറ്റ് വാ​ങ്ങാ​നെ​ത്തി​യ​പ്പോ​ൾ ക​ട​യു​ട​മ അ​ക​ത്ത് ചാ​യ ഉ​ണ്ടാ​ക്കു​ക​യാ​യി​രു​ന്നു. ബി​സ്കറ്റ് അ​ക​ത്തെ മു​റി​യി​ലു​ണ്ട് എ​ടു​ത്തോ​ളാ​ൻ പ​റ​ഞ്ഞു. ഇ​തു കേ​ട്ട് വീ​ട്ട​മ്മ മു​റി​ക്കു​ള്ളി​ൽ ക​യ​റി ബി​സ്കറ്റ് തെ​ര​യു​ന്ന​തി​നി​ടെ​യാ​ണ് ക​ട​യു​ട​മ ക​യ​റി​പ്പി​ടി​ച്ച​ത്.

അ​പ്ര​തീ​ക്ഷി​ത സം​ഭ​വ​ത്തി​ൽ പ​ക​ച്ചു​പോ​യ വീ​ട്ട​മ്മ കു​ത​റി മാ​റി സ​മീ​പ​ത്തെ വീ​ട്ടി​ലേ​ക്ക് ഓ​ടി. വീ​ട്ട​മ്മ​യു​ടെ ക​ര​ച്ചി​ൽ കേ​ട്ട് നാ​ട്ടു​കാ​ർ ഓ​ടി​ക്കൂ​ടി. സ്ഥ​ല​ത്തി​ല്ലാ​തി​രു​ന്ന ഭ​ർ​ത്താ​വി​നെ വി​ളി​ച്ചു​വ​രു​ത്തി. പി​റ്റേ​ന്നു രാ​വി​ലെ ക​ട​യു​ട​മ ക​ണി ക​ണ്ട​ത് ഒ​രു സം​ഘം ആ​ളു​ക​ളെ​യാ​ണ്. അ​വ​ർ ക​ട​യു​ട​മ​യെ വീ​ട്ടി​ൽനി​ന്ന് വ​ലി​ച്ചി​റ​ക്കി ന​ന്നാ​യി കൈ​കാ​ര്യം ചെ​യ്തു.

സ്ത്രീ​ക​ളും പു​രു​ഷ​ൻ​മാ​രും അ​ട​ക്ക​മു​ള്ള സം​ഘം ക​ട​യു​ട​മ​യു​ടെ ഭാ​ര്യ​യ്ക്കി​ട്ടും കൊ​ടു​ത്തു. വീ​ട്ട​മ്മ​യു​ടെ​യും ഭ​ർ​ത്താ​വി​ന്‍റെ​യും കാ​ൽ​ക്ക​ൽ വീ​ണ് ക​ട​യു​ട​മ മാ​പ്പ് ചോ​ദി​ച്ചു. നാ​ട്ടു​കാ​ർ കാ​ണ്‍​കെ ന​ട​ന്ന സം​ഭ​വ​ത്തി​ൽ നാ​ണ​ക്കേ​ടു​മൂ​ലം പു​റ​ത്തി​റ​ങ്ങാ​നാ​വാ​തെ ക​ഴി​യു​ക​യാ​ണ് ക​ട​യു​ട​മ.

മ​ർ​ദ​ന​ത്തി​ൽ പ​രി​ക്കേ​റ്റ ക​ട​യു​ട​മ ഒ​രു വി​ധ​ത്തി​ൽ ഏ​ന്തി വ​ലി​ഞ്ഞ് എ​ത്തി ക​ട തു​റ​ന്നെ​ങ്കി​ലും അ​വി​ടെ​യും എ​ത്തി ചി​ല​ർ ഭീ​ഷ​ണി​പ്പെ​ടു​ത്തി. മി​ഠാ​യി ഭ​ര​ണി​യും മ​റ്റും എ​റി​ഞ്ഞു​ട​ച്ചു. എ​ന്തു ചെ​യ്യാം ക​ട ആ​ക്ര​മി​ച്ചു​വെ​ന്നു പ​റ​ഞ്ഞ് പ​രാ​തി ന​ല്കി​യാ​ൽ പീ​ഡ​ന കേ​സി​ൽ അ​ക​ത്താ​കു​മെ​ന്നു ക​രു​തി ഒ​തു​ങ്ങി ക​ഴി​യു​ക​യാ​ണ് കടയുടമ.

അനാഥത്വത്തില്‍ നിന്ന് ഉണ്ണിമായയ്ക്ക് തന്റെ ജീവിതം നല്‍കി അഖില്‍;  അച്ഛന്‍ അമ്മയെ കൊന്ന് ജയിലിലായതോടെ ഒറ്റപ്പെട്ട ഉണ്ണിമായക്ക് ആരും ഇല്ല എന്ന തോന്നല്‍ ഉണ്ടാക്കാതെ കല്യാണം നടത്തിക്കൊടുത്ത് നാടിനാകെ മാതൃകയായി കോട്ടയത്തെ സിപിഎം
Posted by
20 November

അനാഥത്വത്തില്‍ നിന്ന് ഉണ്ണിമായയ്ക്ക് തന്റെ ജീവിതം നല്‍കി അഖില്‍; അച്ഛന്‍ അമ്മയെ കൊന്ന് ജയിലിലായതോടെ ഒറ്റപ്പെട്ട ഉണ്ണിമായക്ക് ആരും ഇല്ല എന്ന തോന്നല്‍ ഉണ്ടാക്കാതെ കല്യാണം നടത്തിക്കൊടുത്ത് നാടിനാകെ മാതൃകയായി കോട്ടയത്തെ സിപിഎം

കോട്ടയം: വര്‍ഷങ്ങള്‍ നീണ്ട അനാഥത്വത്തിന് വിട നല്‍കി ഉണ്ണിമായ അഖിലിന്റെ കൈപിടിച്ച് ജീവിതത്തിലേക്ക്. സിപിഎം ബ്രാഞ്ച് കമ്മിറ്റിയാണ് കുടുംബപ്രശ്‌നങ്ങളെ തുടര്‍ന്ന് തനിച്ചായി പോയ പെണ്‍കുട്ടിയ്ക്ക് കൈത്താങ്ങായത്. കോട്ടയം പുതുപ്പള്ളിയിലാണ് സമൂഹത്തിനാകെ മാതൃകയായ വിവാഹം നടന്നത്.

അതിദാരുണമായ ചില കുടുംബപ്രശ്‌നങ്ങളെ തുടര്‍ന്നുള്ള സംഭവങ്ങളാണ് ജീവിതവഴിയില്‍ ഉണ്ണിമായയെ ഒറ്റയ്ക്കാക്കിയത്. പിന്നീട് മാതൃസഹോദരിയുടെ സംരക്ഷണചുമതലയിലായിരുന്നു ഈ പെണ്‍കുട്ടി. പുതുപ്പള്ളി സ്വദേശിയായ അഖില്‍, ഉണ്ണിമായയെ വിവാഹം കഴിക്കാന്‍ തയ്യാറാണെന്ന് അറിയിച്ചതോടെ സിപിഎം നേതാക്കള്‍ ഇരുവീട്ടുകാരുമായി സംസാരിച്ച് അനുവാദം വാങ്ങി.

സിപിഎം പുതുപ്പള്ളി ടൗണ്‍ ബ്രാഞ്ച് സെക്രട്ടറി സിഎസ് സുതന്റെ വീട്ടുമുറ്റത്തായിരുന്നു മതവും മാര്‍ക്‌സിസവും സംഗമിച്ച വിവാഹ ചടങ്ങുകള്‍. പിതൃസ്ഥാനത്തുനിന്ന് ഉണ്ണിമായയെ അഖിലിന്റെ കൈകളിലേക്ക് ഏല്‍പ്പിച്ചതും സുതനായിരുന്നു. ഇതോടെ നാളുകളായി തുടരുന്ന ഉണ്ണിമായയുടെ ഏകാന്തതയ്ക്കും പര്യവസാനമായി.

ഉണ്ണിമായക്ക് ആരുമില്ല എന്ന തോന്നലുണ്ടാകാതിരിക്കാന്‍ എല്ലാ ക്രമീകരണങ്ങളും പാര്‍ട്ടിപ്രവര്‍ത്തകര്‍ തന്നെ ഏറ്റെടുത്തു നടത്തി. സദ്യവട്ടങ്ങളൊരുക്കിയതും വിവാഹത്തിന്റെ ക്ഷണക്കത്ത് തയ്യാറാക്കിയത് മുതലുള്ള ചെലവുകളും പാര്‍ട്ടിയാണ് വഹിച്ചത്. അഖിലിനും ഉണ്ണിമായക്കും ആശംസകളറിയിക്കാന്‍ നൂറുകണക്കിനാളുകളാണ് വിവാഹചടങ്ങിനെത്തിയത്.

നിര്‍ഭാഗ്യങ്ങളുടെ പഴയകാലത്തെ ഉണ്ണിമായ ഇപ്പോള്‍ മറക്കുന്നു. ഏതൊരാളും ഒറ്റപ്പെട്ടു പോകാവുന്ന ജീവിതാവസ്ഥ. അതെല്ലാം പിന്നിട്ടാണ് ഈ സ്വയംവരപന്തല്‍ വരെ ഉണ്ണിമായ എത്തിയിരിക്കുന്നത്. കുടുംബത്തിലെ അസ്വാരസ്യങ്ങളെ തുടര്‍ന്ന് ഒരു ദുര്‍ബ്ബല നിമിഷത്തിലുണ്ടായ അവിവേകം മനസ്സിനെ കീഴ്‌പെടുത്തിയപ്പോള്‍ അമ്മയെ അച്ഛന്‍ കൊലപ്പെടുത്തുകയായിരുന്നു. അച്ഛന്‍ ജയിലില്‍ ആയതോടെ ഒറ്റപ്പെട്ടുപോയ പെണ്‍കുട്ടിക്ക് ജീവിതത്തില്‍ കൈത്താങ്ങായി എത്തിയത് സിപിഎം പ്രവര്‍ത്തകരായിരുന്നു. അങ്ങിനെയാണ് നിര്‍ഭാഗ്യം നിഴല്‍ വിരിച്ച ജീവിതത്തില്‍ വിവാഹത്തിന് വേദിയൊരുങ്ങിയത്.

കോഴിക്കോട്ട് 23 കാരനായ യുവാവിനെ കാണാതായി ഒന്നര മാസത്തിന് ശേഷം ഇയാളുടെ സ്ഥാപനത്തിലെ ജീവനക്കാരിയായ 32 കാരി വീട്ടമ്മയേയും കാണാനില്ല, സംഭവത്തില്‍ ദുരൂഹതയേറുന്നു
Posted by
16 November

കോഴിക്കോട്ട് 23 കാരനായ യുവാവിനെ കാണാതായി ഒന്നര മാസത്തിന് ശേഷം ഇയാളുടെ സ്ഥാപനത്തിലെ ജീവനക്കാരിയായ 32 കാരി വീട്ടമ്മയേയും കാണാനില്ല, സംഭവത്തില്‍ ദുരൂഹതയേറുന്നു

കൊച്ചി: കോഴിക്കോട് ഒര്‍ക്കാട്ടേരിയിലെ ഐഡിയ മൊബൈല്‍ ഔട്ട്‌ലെറ്റ് നടത്തിയിരുന്ന യുവാവിന്റേയും സ്ഥാപനത്തിലെ ജീവനക്കാരിയുടെയും തിരോധാനം ചര്‍ച്ചയാവുന്നു. ഇക്കഴിഞ്ഞ സെപ്റ്റംബര്‍ 11നാണ് ഓര്‍ക്കാട്ടേരിയിലെ ഐഡിയ മൊബൈല്‍ ഔട്ട്‌ലെറ്റ് നടത്തുന്ന അംജാദ്(23)നെ കാണാവുന്നത്. ഇയാളെ കണ്ടെത്തുന്നതിനുള്ള അന്വേഷണം തുടരുന്നതിനിടെയാണ് കഴിഞ്ഞ തിങ്കളാഴ്ച ഇയാളുടെ സ്ഥാപനത്തിലെ ജീവനക്കാരിയായ പ്രവീണ(32) അപ്രത്യക്ഷമാവുന്നത്. തിങ്കളാഴ്ചയും പതിവുപോലെ തന്റെ സ്‌കൂട്ടറില്‍ പ്രവീണ സ്ഥാപനത്തിലേക്ക് ജോലിക്ക് പോയിരുന്നു. വൈകിട്ട് സ്ഥാപനം അടച്ചതിന് ശേഷമാണ് പ്രവീണയെ കാണാതാവുന്നത്.

രാത്രി ഏറെ വൈകിയും ഇവര്‍ വീട്ടിലെത്താഞ്ഞതിനാല്‍ ബന്ധുക്കള്‍ പല സ്ഥലങ്ങളിലും അന്വേഷിച്ചെങ്കിലും പ്രയോജനമുണ്ടായില്ല. മൊബൈല്‍ ഫോണ്‍ സ്വിച്ച് ഓഫ് ആണുതാനും. പ്രവീണയുടെ അച്ഛന്റെ പരാതിയെ തുടര്‍ന്ന് പോലീസ് നടത്തിയ അന്വേഷണത്തില്‍ വഴിയില്‍ ഉപേക്ഷിച്ച നിലയില്‍ സ്‌കൂട്ടര്‍ കണ്ടെത്തി. കടയുടമയായ അംജാദിനെ കാണാതായിട്ട് രണ്ടു മാസമായെങ്കിലും ഒരു തുമ്പുമില്ല. സ്ഥാപനത്തിലേക്കാവശ്യമായ സാധനങ്ങള്‍ വാങ്ങിക്കാനായി കോഴിക്കോടേക്ക് പോയതായിരുന്നു വൈക്കിലശ്ശേരി പുത്തന്‍പുരയില്‍ മുഹമ്മദ് അംജാദ്. ഇവിടെ നിന്ന് സാധനങ്ങള്‍ വാങ്ങി വടകരയിലെത്തി. തുടര്‍ന്ന് സാധനങ്ങള്‍ സ്വന്തം കാറില്‍ കയറ്റുകയും ചെയ്തു. ഇതിന് ശേഷമാണ് അംജാദിനെ കാണാതായത്. ഇതോടെ ബന്ധുക്കള്‍ എടച്ചേരി പൊലീസ് സ്‌റ്റേഷനില്‍ പരാതിക്കൊടുക്കുകയായിരുന്നു.

അംജാദിന്റെ കാര്‍ വടകര ബസ് സ്റ്റാന്‍ഡിനു സമീപത്തു നിന്നും പോലീസ് കണ്ടെടുത്തിരുന്നു. കാറിലുണ്ടായിരുന്ന രണ്ട് മൊബൈല്‍ ഫോണുകള്‍ പൊലീസ് വിശദമായി പരിശോധിച്ചെങ്കിലും അതുക്കൊണ്ടും കാര്യമായ ഗുണമെന്നും ഉണ്ടായില്ല. അതിനിടയില്‍ താന്‍ തിരിച്ചുവരികയാണെന്ന് പറഞ്ഞ് അംജാദിന്റെ ഫോണ്‍ കോള്‍ ബന്ധുക്കള്‍ക്ക് വന്നു. എന്നാല്‍ പിന്നീട് യാതൊരു വിവരവും ഉണ്ടായില്ല. ഇതിനിടെ ഇയാള്‍ ബാംഗ്ലൂരിലെ ഒരു ആശുപത്രിയില്‍ ഉണ്ടെന്ന വിവരം പൊലീസിന് ലഭിച്ചു. വിവരത്തെ തുടര്‍ന്ന് പോലീസ് നേരെ ബാംഗ്ലൂരിലേക്ക് പുറപ്പെട്ടു. ആശുപത്രിയില്‍ പരിശോധന നടത്തിയെങ്കിലും അംജാദിനെ കാണാന്‍ കഴിഞ്ഞില്ല. അംജാദ് അപ്പോഴേക്കും ഡിസ്ചാര്‍ജ്ജ് വാങ്ങി പോയിരുന്നു. കാണാതായ രണ്ടു പേരുടെയും മൊബൈല്‍ഫോണ്‍ സ്വിച്ച് ഓഫ് ആയത് അന്വേഷണത്തെ പ്രതികൂലമായി ബാധിക്കുന്നു.

ഇരുവരുടേയും തിരോധാനം തമ്മില്‍ വല്ല ബന്ധവുമുള്ളതായി ഇതുവരെ തെളിവുകളൊന്നും ലഭിച്ചിട്ടില്ലെന്നാണ് പോലീസ് പറയുന്നത്. കാണാതായതിനു ശേഷം ഇവരുടെ സിം കാര്‍ഡോ മൊബൈല്‍ഫോണോ പിന്നെ ഉപയോഗിച്ചിട്ടില്ലയെന്ന് സൈബര്‍ സെല്‍ കണ്ടെത്തി. തലശേരി ചൊക്ലി സ്വൊദേശിനിയാണ് പ്രവീണ. ഓര്‍ക്കാട്ടേരിക്ക് സമീപമുള്ള ഒഞ്ചിയത്തേക്കാണ് ഇവരെ വിവാഹം കഴിച്ചിട്ടുള്ളത്. ഭര്‍ത്താവ് ഗള്‍ഫില്‍ ജോലി ചെയ്തു വരികയാണ്. ഏഴു വയസുള്ള ഒരു മകളും ഉണ്ട്. ഇരുവരുടെയും തിരോധാനത്തിനു പിന്നിലുള്ള ദുരൂഹത നീക്കാന്‍ പോലീസ് നടപടിയുണ്ടാവണമെന്നാണ് നാട്ടുകാര്‍ ആവശ്യപ്പെടുന്നത്.

മന്ത്രിയുടെ കായൽ കയ്യേറ്റം കണ്ടെത്തിയ പൊന്നാനി സ്വദേശിയായ ജില്ലാകലക്ടർ അനുപമ കൈയ്യടി നേടുന്നു
Posted by
15 November

മന്ത്രിയുടെ കായൽ കയ്യേറ്റം കണ്ടെത്തിയ പൊന്നാനി സ്വദേശിയായ ജില്ലാകലക്ടർ അനുപമ കൈയ്യടി നേടുന്നു

പൊന്നാനി: മന്ത്രി തോമസ് ചാണ്ടിയുടെ കായൽ കയ്യേറ്റത്തിനെതിരെ റിപ്പോർട്ട് തയ്യാറാക്കി വിട്ടുവീഴ്ചയില്ലാതെ നടപടിയെടുത്ത പൊന്നാനി സ്വദേശിയായ ആലപ്പുഴ ജില്ലാ കലക്ടർ അനുപമ ഐഎഎസിന് കേരളത്തിന്റെ കൈയ്യടി.

ടിവി അനുപമ എന്നും സാധാരണ ജനങ്ങൾക്കൊപ്പമാണെന്ന് അവരുടെ പ്രവർത്തനങ്ങൾ സാക്ഷി . ചിലപ്പോള്‍ കയ്യില്‍ ഒരു കൈക്കുഞ്ഞുമായാണ് അവർ ഓഫീസിൽ വരുക. കളക്ടറുടെ ജോലിത്തിരക്കകുള്‍ക്കിടയില്‍ അമ്മയുടെ കര്‍ത്തവ്യങ്ങള്‍ക്കും വിലകല്‍പ്പിക്കുന്ന, രണ്ട് വയസ്സ് പോലും തികയാത്ത കുഞ്ഞുമായി ജനങ്ങളെ കേള്‍ക്കാനും കാണാനുമെത്തുന്ന ആലപ്പുഴ ജില്ലാ കളക്ടര്‍ ടിവി അനുപമ പൊന്നാനിയുടെ മാത്രമല്ല കേരളത്തിന്റെ മൊത്തം അഭിമാനമാണ് . പകലോ രാത്രിയോ എന്നില്ല, കൈക്കുഞ്ഞുമായിപ്പോലും ജനങ്ങളുടെ ഇടയിലേക്ക് ഓടിയെത്തുന്ന ജില്ലാ കളക്ർ കേരളത്തിന്റെ ഓര്‍മ്മയില്‍ അപൂർവ്വമാണ് .

ജനപക്ഷ നോട്ടം എന്ന് ഉറപ്പിക്കാവുന്ന ടിവി അനുപമയുടെ ഒരു റിപ്പോര്‍ട്ടാണ് ഇന്ന് രാഷ്ട്രീയ കേരളവും പൊതുസമൂഹവും ഏറെ ചര്‍ച്ച ചെയ്യുന്നത്. മന്ത്രി തോമസ് ചാണ്ടിയുടെ ക്രമക്കേടുകള്‍ അക്കമിട്ട് നിരത്തിയുള്ള, നിര്‍ണായക രാഷ്ട്രീയ തീരുമാനങ്ങള്‍ക്ക് വരെ പ്രേരകമായ റിപ്പോര്‍ട്ട്. സത്യസന്ധവും ധീരവുമായ പ്രവര്‍ത്തനത്തിന്റെ സാക്ഷ്യപത്രമായി ആ റിപ്പോര്‍ട്ട് വിലയിരുത്തപ്പെടുന്നു.
പരമ്പരാഗതമായി ഉദ്യോഗസ്ഥരും രാഷ്ട്രീയ പ്രവര്‍ത്തകരുമെല്ലാം ഒത്താശ ചെയ്തും, പണംപറ്റിയും എല്ലാ സ്വാധീനത്തിനും വഴങ്ങിയും വളര്‍ത്തിയ തോമസ് ചാണ്ടി എന്ന ധനികനെതിരെ തികഞ്ഞ സ്വാതന്ത്ര്യത്തോടെയും ധീരതയോടെയും ഒരു റിപ്പോര്‍ട്ട് തയ്യാറാക്കുക എന്നത് ഒരു ഉദ്യോഗസ്ഥയെ സംബന്ധിച്ച് ചെറിയ കാര്യമല്ല. അവിടെയാണ് അനുപമ എന്ന കലക്ടറുടെ വിജയം.

യഥാർത്ഥത്തിൽ മന്ത്രിയുടെ അടിത്തറ ഇളക്കിയത് കളക്ടര്‍ നല്‍കിയ റിപ്പോര്‍ട്ട് തന്നെ. ആ റിപ്പോര്‍ട്ട് തന്നെയാണ് ഇടതുമുന്നണിയെയും സിപിഎമ്മിനേയും എന്‍സിപിയെയും പ്രതിരോധത്തിലാക്കിയതും. അധികാരവും പദവിയും ഏതാണ് എന്നതിനേക്കാള്‍ തന്റെ കര്‍ത്തവ്യം എന്തെന്നുള്ളതാണ് അനുപമയ്ക്ക് മുന്നിലുള്ള കാര്യം. തന്റെ കര്‍ത്തവ്യം പൊതുമനസാക്ഷിയ്ക്ക് അനുകൂലമായി ചെയ്യുക എന്നതാണ് തന്റെ ലക്ഷ്യമെന്ന് ഐഎഎസ് ഉദ്യോഗസ്ഥയായി നിയമനം ലഭിച്ചതിന് ശേഷമുള്ള ഒരു അഭിമുഖത്തില്‍ അനുപമ വ്യക്തമാക്കിയിരുന്നു.

അധികാര വര്‍ഗത്തിനോ സാമ്പത്തിക ശക്തികള്‍ക്കോ വഴങ്ങാത്ത അനുപമയുടെ പ്രവര്‍ത്തനം ഇത് ആദ്യമായല്ല കേരളം കാണുന്നത്. മുമ്പ് ഭക്ഷ്യസുരക്ഷാ കമ്മീഷ്ണറായിരുന്ന വേളയില്‍ നിറപറയുള്‍പ്പെടെ ഗുണനിലവാരമില്ലാത്ത നിരവധി ബ്രാന്‍ഡുകള്‍ക്കെതിരെ നടപടി സ്വീകരിക്കുകയും അവരുടെ ഓഫീസുകള്‍ പോലും പൂട്ടിക്കുകയും ചെയ്ത അനുപമയെ കേരളക്കാര്‍ക്ക് പരിചയമുണ്ട്. ഭക്ഷ്യസുരക്ഷാ കമ്മീഷണറായിരിക്കുമ്പോള്‍ തന്റെ അധികാരം ഉപയോഗിക്കുന്നതിനേക്കാള്‍ തനിക്ക് ചെയ്യാനുള്ളത് പ്രാവര്‍ത്തികമാക്കുക എന്നതായിരുന്നു അനുപമയുടെ ലക്ഷ്യം.

സ്വന്തം നിലക്ക് അന്വേഷിക്കുകയും റിപ്പോർട്ട് തയാറാക്കുകയും ചെയ്യുന്നതാണ് അനുപമയുടെ രീതി .അതുതന്നെയാണ് ജനഹിതമറിയുന്ന കലക്ടറാവാൻ അനുപമക്ക് കഴിയുന്നതെന്നും നാട്ടുകാരും വീട്ടുകാരും അഭിമാനത്തോടെ പറയുന്നു. പൊന്നാനി മാറഞ്ചേരി സ്വദേശിയാണ് ടി വി അനുപമ .

(ഫഖ്റുദ്ധീൻ പന്താവൂർ)

അച്ചനെ പ്രണയിച്ച ആ സുന്ദരി മലപ്പുറം പെരിന്തല്‍മണ്ണയിലെ അനീഷ ഉമ്മര്‍
Posted by
14 November

അച്ചനെ പ്രണയിച്ച ആ സുന്ദരി മലപ്പുറം പെരിന്തല്‍മണ്ണയിലെ അനീഷ ഉമ്മര്‍

പൊന്നാനി: പെരിന്തല്‍മണ്ണ സ്വദേശി അനീഷ ഉമ്മര്‍ ഇന്ന് സോഷ്യല്‍ മീഡിയയില്‍ മിന്നും താരമാണ്. ‘എന്റെ ഹൃദയത്തിന്റെ വടക്ക് കിഴക്കേ അറ്റത്ത്’ എന്ന ഹ്രസ്വ സിനിമയില്‍ പള്ളിയിലച്ചനെ പ്രണയിച്ച സുന്ദരിയാണ് അനീഷ ഉമ്മര്‍. ചിരിയും ചിന്തയുമുള്ള ഈ ഷോര്‍ട് ഫിലിമില്‍ നിറകണ്ണിലൂടെ ചിരിതൂകിയ നായിക. പ്രണയം തോന്നിപ്പോകുന്ന പെണ്‍ചിരിയാണ് അനീഷയെ ആരാധകര്‍ക്ക് പ്രിയങ്കരിയാക്കിയത് .

ഇതിനകം 20ലേറെ ഹ്രസ്വചിത്രങ്ങളില്‍ അഭിനയിച്ചിട്ടുണ്ട് അനീഷ. അഭിനയിച്ച ചിത്രങ്ങള്‍ യുട്യൂബിലെത്തുമ്പോള്‍ ചിലര്‍ കാണും. നല്ലതോ ചീത്തയോ എന്ന് പറയും. അതിനിടയില്‍ മാനസാന്തരപ്പെട്ട യെസ്ഡി എന്ന മുഴുനീള ഫീച്ചര്‍ ഫിലിമിലും അഭിനയിച്ചു. എന്നാല്‍ ആളുകള്‍ തന്നെ തിരിച്ചറിഞ്ഞത് ഏറ്റവും ഒടുവില്‍ അഭിനയിച്ച ‘ എന്റെഹൃദയത്തിന്റെ വടക്ക് കിഴക്കേ അറ്റത്ത് ‘ എന്ന ഹ്രസ്വചിത്രത്തിലൂടെയാണ് .സോഷ്യല്‍ മീഡിയയില്‍ ഈ ചിത്രവും അനീഷയും ഇപ്പോള്‍ സൂപ്പര്‍ ഹിറ്റാണ്. ഓരോ ദിവസവും നിരവധി സന്ദേശങ്ങള്‍…ട്രോളുകള്‍…അഭിനന്ദനങ്ങള്‍…ലഭിക്കുന്നുണ്ട്. എല്ലാം ആസ്വദിക്കുന്നു. പുതിയ അവസരങ്ങള്‍ക്കായി കാത്തിരിക്കുന്നു. അനീഷയുടെ വാക്കുകള്‍…

അനീഷ പഠിച്ചതും വളര്‍ന്നതും ഗുജറാത്തിലായിരുന്നു. ശേഷം ബെംഗലുരുവില്‍ കോളേജില്‍ പഠിച്ചുകൊണ്ടിരിക്കുമ്പോള്‍ ആദ്യമായി ഒരു കന്നഡ ഹ്രസ്വചിത്രത്തില്‍ അഭിനയിക്കാന്‍ അവസരം കിട്ടിയത് വഴിത്തിരിവായി. അഭിനയത്തോട് താല്‍പര്യമുണ്ടായിരുന്ന അനീഷ പഠനശേഷം ഇന്‍ഡിഗോ എയര്‍ലൈന്‍സില്‍ എയര്‍ഹോസ്റ്റസായി ജോലി ലഭിച്ചു. അതിനിടയില്‍ 2012ല്‍ നേവി ക്വീന്‍ റണ്ണര്‍ അപ്പായി. അതോടെ മോഡലിംഗില്‍ അവസരം ലഭിച്ചു. അവസരങ്ങള്‍ വന്നതോടെ കൊച്ചിയില്‍ വീട്ടുകാരോടൊപ്പം സ്ഥിരതാമസമായി. അതോടൊപ്പം എറണാകുളത്ത് ആക്ട് ലാബില്‍ അഭിനയം പഠിച്ചു. ഒപ്പം സൂംബ ഡാന്‍സും. അഭിനയത്തോടൊപ്പം സൂംബ ഡാന്‍സ് പഠിപ്പിക്കുന്നുമുണ്ട് അനീഷ ഉമ്മര്‍ എന്ന പേരിന്തല്‍മണ്ണക്കാരി.

സൂറത്തിലായിരുന്നു അനീഷ പഠിച്ചതൊക്കെ. ബാംഗ്ലൂരിലെ കോളജില്‍ നിന്ന് ബികോം ബിരുദമെടുത്തു. അതുകൊണ്ട് മലയാളം നന്നായി സംസാരിക്കാനൊന്നും അനീഷക്ക് അറിയില്ല. ബാപ്പ ഉമ്മര്‍ ജിഎംടിസി കമ്പനിയില്‍ മാനേജറാണ്. ഉമ്മ സല്‍മ. പ്രണയം നിരസിക്കേണ്ടി വരുന്ന അച്ഛന്‍ പട്ടത്തിന് പഠിക്കുന്ന സഹപാഠിയോട് മധുരമായ പ്രതികാരത്തിലൂടെയാണ് ദേഷ്യം തീര്‍ക്കുന്ന യുവതിയുടെ കഥയാണ് എന്റെ ഹൃദയത്തിന്റെ വടക്കു കിഴക്കേ അറ്റത്ത് എന്ന ഹ്രസ്വചിത്രം പറയുന്നത് .

അനീഷാ ഉമ്മര്‍ ആണ് നായികാകഥാപാത്രത്തെ അവതരിപ്പിച്ചത്. ബിബിന്‍ മത്തായി വൈദികനായി എത്തുന്നു. അനിലിനെ അവതരിപ്പിച്ചത് വിഷ്ണു വിദ്യാധരന്‍. എഴുത്തുകാരനായി എത്തിയത് ആനന്ദ് റോഷന്‍. സിനിമയുടെ കഥയും സംവിധാനവും അനൂപിന്റേത് തന്നെ. ജോയല്‍ ജോണ്‍സ് സംഗീതം. ഛായാഗ്രഹണം പ്രസാദ്. എഡിറ്റിങ് അനൂപ് നാരായണന്‍. ബന്ധങ്ങളുടെ മനോഹാരമായ ആവിഷ്‌കാരമാണ് ചിത്രം പ്രേക്ഷകര്‍ക്ക് പകരുന്നത്..

അനീഷയുടെ മികച്ച പ്രകടനം തന്നെയാണ് ഈ ഷോര്‍ട്ട് ഫിലിമിനെ ഇത്രയധികം ശ്രദ്ധേയമാക്കിയത് .കരഞ്ഞുകൊണ്ട് ചിരിക്കുന്ന അനീഷയുടെ നഷ്ടപ്പെട്ട പ്രണയഭാവങ്ങള്‍ ഈ ചിത്രത്തിന് കൂടുതല്‍ മിഴിവേകിയിട്ടുണ്ട് .പ്രശസ്തരും അപ്രശസ്തരും അഭിനന്ദനവുമായി എത്തിയതാണ് അനീഷയെ കൂടുതല്‍ സന്തോഷിപ്പിക്കുന്നത് .തന്റെ പിറന്ന നാടായ പെരിന്തല്‍മണ്ണക്കാര്‍ ഇങ്ങനെയൊരാള്‍ ഇവിടെയുണ്ടായിരുന്നുവെന്ന് അറിയുന്നത് തന്നെ ഇപ്പോഴാണെന്ന് അനീഷ പറയുന്നു.

( ഫഖ്‌റുദ്ധീന്‍ പന്താവൂര്‍ )

സോഷ്യല്‍ മീഡിയ വഴി നോട്ടു നിരോധനത്തിനെതിരെ പ്രതികരിച്ച യുവാവിന്റെ ജോലി ആര്‍എസ്എസ്  ബിജെപി ഗുണ്ടകള്‍ ഭീഷണി മുഴക്കി തെറിപ്പിച്ചു, ഷാഫിയുടെ ജോലി അക്രമികള്‍ കളയിച്ചത് സ്ഥാപനത്തില്‍ ഇരച്ചുകയറി ഉടമയെ ഭയപ്പെടുത്തി ഭീകരാന്തരീക്ഷം സൃഷ്ടിച്ച്
Posted by
13 November

സോഷ്യല്‍ മീഡിയ വഴി നോട്ടു നിരോധനത്തിനെതിരെ പ്രതികരിച്ച യുവാവിന്റെ ജോലി ആര്‍എസ്എസ് ബിജെപി ഗുണ്ടകള്‍ ഭീഷണി മുഴക്കി തെറിപ്പിച്ചു, ഷാഫിയുടെ ജോലി അക്രമികള്‍ കളയിച്ചത് സ്ഥാപനത്തില്‍ ഇരച്ചുകയറി ഉടമയെ ഭയപ്പെടുത്തി ഭീകരാന്തരീക്ഷം സൃഷ്ടിച്ച്

ചാരുംമൂട്; സോഷ്യല്‍ മീഡിയ വഴി നോട്ടു നിരോധനത്തിനെതിരെ പ്രതികരിച്ച യുവാവിന്റെ ജോലി ആര്‍എസ്എസ് ബിജെപി ഗുണ്ടകള്‍ ഭീഷണി മുഴക്കി തെറിപ്പിച്ചു . ചാരുംമൂട്ടിലെ സ്വകാര്യ സ്ഥാപനത്തില്‍ മാനേജരായിരുന്ന ഇടക്കുന്നം തൗഫീക്ക് വീട്ടില്‍ ഷാഫി മുഹമ്മദ് റാവുത്തരുടെ ജോലിയാണ് സംഘ പരിവാര്‍ സംഘടനകളുടെ ഭീഷണി മൂലം ഇല്ലാതായത്. സോഷ്യല്‍ മീഡിയായില്‍ നോട്ട് നിരോധനത്തിനെതിരെ പോസ്റ്റ് ഇട്ട കാരണത്താല്‍ ജോലി നഷടപ്പെട്ടത്

നോട്ടുനിരോധനത്തിന് ഒന്നാം വാര്‍ഷികത്തിന്റെ തലേ ദിവസമായ ഇക്കഴിഞ്ഞ നവംബര്‍ 7 നായിരുന്നു ഫേസ്ബുക്കില്‍ ഷാഫി പോസ്റ്റിട്ടത്. നോട്ട് നിരോധിച്ച് ഒരു വര്‍ഷമായ നവം: 8 ന് ഇരുപതോളം ആര്‍എസ്എസ് ബിജെപി ഗുണ്ടകള്‍ ഷാഫി ജോലി ചെയ്യുന്ന സ്ഥാപനത്തിലെത്തി ഭീകരാന്തരീക്ഷം സൃഷ്ടിച്ചു. ഷാഫിയെ ജോലിയില്‍ നിന്ന് പറഞ്ഞു വിട്ടില്ലെങ്കില്‍ സ്ഥാപനത്തില്‍ ഇന്‍കം ടാക്‌സ് റെയ്ഡ് നടത്തിക്കുമെന്ന് പറഞ്ഞായിരുന്നു സംഘപരിവാര്‍ ഭീഷണി. ഇല്ലെങ്കില്‍ ജോലിയില്‍ നിന്ന് പറഞ്ഞു വിടുന്നതു വരെ സ്ഥാപനത്തിനെതിരെ സോഷ്യല്‍ മീഡിയ വഴി വ്യാപകമായ പ്രചരണം നടത്താനുള്ള ആഹ്വാനവും സംഘപരിവാര്‍ സംഘടനകള്‍ നല്‍കി.

ഇതോടെ ഷാഫി മുഹമ്മദ് റാവുത്തരെ ജോലിയില്‍ നിന്നും ഉടമകള്‍ പറഞ്ഞു വിട്ടു. തന്റെ പോസ്റ്റിലെ കടുത്ത ഭാഷ ഒഴിവാക്കുന്നതായി സോഷ്യല്‍ മീഡിയ വഴി അറിയിച്ചിട്ടും, നിര്‍ധന കുടുംബത്തിലെ അംഗത്തെ വെറുതെ വിടാന്‍ സംഘപരിവാര്‍ തയ്യാറായില്ല. തുടര്‍ന്ന് വീണ തല്ലിവന്‍ വീണ്ടുമുയിര്‍ക്കുവാന്‍ വിത്തു പോലെ മറഞ്ഞിരിപ്പുണ്ടവന്‍ എന്ന പ്രശസ്തമായ കവിതയോട് തുടങ്ങിയ പോസ്റ്റില്‍, തന്റെ ജോലി നഷടപ്പെട്ടിട്ടും കലിയടങ്ങാത്ത സംഘ പരിവാറിനെതിരെ ഷാഫി ശക്തമായി തിരിച്ചടിച്ചു.എല്ലാത്തരം വര്‍ഗ്ഗീയ വാദങ്ങള്‍ക്കുമെതിരെ ചിന്തിക്കുന്നയാളാണ് താന്‍.വര്‍ഗ്ഗീയതയ്‌ക്കെതിരെ പറയുമ്പോള്‍ ഭീകരവാദിയായി മുദ്ര കുത്തുന്ന കാടന്‍ സമ്പ്രദായത്തെ എതിര്‍ക്കുകയെന്നത് ഒരു പൗര്യനെന്ന നിലയില്‍ തന്റെ കൂടി കടമയാണ്. തന്റെ വീട്ടിലിരുന്ന് തയ്യാറാക്കിയ വരികളെങ്ങനെ ജോലി ചെയ്യുന്ന സ്ഥാപനവുമായി ബന്ധപ്പെടുന്നുവെന്ന് തുടങ്ങി സംഘ പരിവാറിന്റെ കുടില നീതി തുറന്നു കാട്ടിയാണ് ഷാഫി സോഷ്യല്‍ മീഡിയയില്‍ വീണ്ടുംപോസ്റ്റിട്ടത്. ആശയത്തെ കായികമായി നേരിടുന്ന സംഘപരിവാറിന്റെ ഉത്തരേന്ത്യന്‍ നടപടികള്‍ കേരളത്തില്‍ വിലപ്പോകില്ലെന്ന് കാര്യകാരണസഹിതം ഷാഫി വിവരിക്കുന്നുണ്ട്.

ഹിന്ദുവും മുസ്ലീമും ക്രിസ്ത്യനുമെല്ലാം ഏകോദര സഹോദരങ്ങളെപ്പോലെ കഴിയണമെന്ന് ആഗ്രഹിക്കുന്ന ഒരു കമ്മ്യൂണിസ്റ്റുകാരനാണെന്ന പ്രഖ്യാപനത്തോടെയാണ് സംഘപരിവാര്‍ വധഭീഷണി മുഴക്കിയിട്ടുള്ള ഷാഫി പോസ്റ്റില്‍ സജീവമായത്. എല്ലാവരും സാഹോദരത്വത്തോടും സമത്വത്തിലും കഴിയുന്ന ഒരു ലോകം ഉണ്ടാകണമെന്നാഗ്രഹിക്കുന്ന ഒരു കമ്മ്യൂണിസ്റ്റുകാരനാണെന്ന പ്രഖ്യാപനത്തോടെ അവസാനിപ്പിക്കുന്ന പോസ്റ്റില്‍ ഇന്‍ക്വിലാബ് മുഴക്കിയാണ് അവസാനിപ്പിക്കുന്നത്.മുമ്പ് ശ്രീകൃഷ്ണ ദിനത്തില്‍ മകളെ കൃഷ്ണവേഷം ധരിപ്പിച്ച് ഘോഷയാത്രയില്‍ പങ്കെടുപ്പിച്ചതിന്റെ ഫോട്ടോ സോഷ്യല്‍ മീഡിയായില്‍ വൈറലായിരുന്നു.

പെണ്‍കുട്ടിയുടെ കുളിമുറി ദൃശ്യങ്ങള്‍ പകര്‍ത്തിയെ ബംഗാളി യുവാവിനെ നാട്ടുകാര്‍ പിടികൂടി, ഇയാളെ അറസ്റ്റ് ചെയ്യാനെത്തിയ പോലീസും നാട്ടുകാരം തമ്മില്‍ കൂട്ടയടി, ആറു പോലീസുകാര്‍ക്ക് പരിക്ക്, സംഭവം കൊല്ലം ശൂരനാട്
Posted by
13 November

പെണ്‍കുട്ടിയുടെ കുളിമുറി ദൃശ്യങ്ങള്‍ പകര്‍ത്തിയെ ബംഗാളി യുവാവിനെ നാട്ടുകാര്‍ പിടികൂടി, ഇയാളെ അറസ്റ്റ് ചെയ്യാനെത്തിയ പോലീസും നാട്ടുകാരം തമ്മില്‍ കൂട്ടയടി, ആറു പോലീസുകാര്‍ക്ക് പരിക്ക്, സംഭവം കൊല്ലം ശൂരനാട്

കൊല്ലം: പെണ്‍കുട്ടി കുളിക്കുന്ന വീഡിയോ ബാത്ത് റൂമില്‍ മൊബൈല്‍ കാമറ വച്ച് ചിത്രീകരിക്കാന്‍ ശ്രമിച്ച ബംഗാളി യുവാവിനെ അറസ്റ്റു ചെയ്യുന്നതിനിടയില്‍ അരങ്ങേറിയത് നാടകീയ സംഭവങ്ങള്‍. സംഭവം അറിഞ്ഞെത്തിയ നാട്ടുകാരും പോലീസും തമ്മിലുള്ള ഏറ്റുമുട്ടലില്‍ കല്ലേറില്‍ കൊല്ലം ജില്ലയിലെ ശൂരനാട് സ്‌റ്റേഷനിലെ പോലീസുകാരായ ഉമേഷ്, വിഷ്ണുനാഥ് എന്നിവര്‍ ഉള്‍പ്പെടെ ആറുപോലീസുകാര്‍ക്ക് പരിക്കേറ്റു. എസ്‌ഐ സജീഷ്‌കുമാറിനും അടിയേറ്റു. കസ്റ്റഡിയിലെടുത്ത ബംഗാള്‍ സ്വദേശിയെ പോലീസ് ചോദ്യം ചെയ്ത് വരുകയാണ്.

ഏറ്റുമുട്ടലുമായി ബന്ധപ്പെട്ട് നാട്ടുകാരായ 12പേരെ പോലീസ് അറസ്റ്റുചെയ്തിട്ടുണ്ട്. ഇന്നലെ രാത്രി പത്തോടെയാണ് സംഭവം. ഒരു സ്വകാര്യ സ്ഥാപനത്തിലെ സെക്യൂരിറ്റി ജീവനക്കാരനാണ് ബംഗാള്‍ സ്വദേശി. സ്ഥാപനത്തോടുചേര്‍ന്നുള്ള വീടിന്റെ കുളിമുറിയില്‍ കുളിക്കുകയായിരുന്ന പെണ്‍കുട്ടിയുടെ ചിത്രം പകര്‍ത്തുന്നതിനിടയില്‍ ഭിത്തിയിലെ വെന്റിലേറ്ററില്‍ മൊബൈല്‍ ക്യാമറ കണ്ട് പെണ്‍കുട്ടി ബഹളം വയ്ക്കുകയായിരുന്നു. ഇതേത്തുടര്‍ന്ന് ബംഗാള്‍ സ്വദേശി സ്ഥാപനത്തോടുചേര്‍ന്നുള്ള താമസ്ഥ സ്ഥലത്ത് മുറിയില്‍ കയറി വാതിലടച്ചു.

സംഘടിതരായെത്തിയ ബന്ധുക്കളും നാട്ടുകാരും ചേര്‍ന്ന് വിവരം പോലീസില്‍ അറിയിക്കുകയും യുവാവിന്റെ താമസ സ്ഥലം വളയുകയും ചെയ്തു. പോലീസെത്തി ബംഗാള്‍ സ്വദേശിയെ അറസ്റ്റുചെയ്യുന്നതിനിടയില്‍ നാട്ടുകാര്‍ യുവാവിനെ മര്‍ദിച്ചത് ചോദ്യം ചെയ്ത പോലീസുമായി നാട്ടുകാരില്‍ ചിലര്‍ കോര്‍ത്തു. തുടര്‍ന്ന് നാട്ടുകാര്‍ നടത്തിയ കല്ലേറിലാണ് പോലീസുകാര്‍ക്ക് പരിക്കേറ്റത്. ഇവരെ സ്വകാര്യ ആശുപത്രിയില്‍ പ്രവേശിപ്പിച്ചു. നാട്ടുകാരില്‍ ചിലര്‍ക്കും പരിക്കുണ്ട്.

ആനപ്പുറത്ത് കയറി ബാഹുബലിയിലെ രംഗം അഭിനയിച്ച ‘നാടന്‍ ബാഹുബലി’യെ ആന പഞ്ഞിക്കിട്ടു; കഴുത്തൊടിഞ്ഞ് യുവാവ് ആശുപത്രിയില്‍; സംഭവം തൊടുപുഴയില്‍, സുഹൃത്ത് പകര്‍ത്തിയ ദൃശ്യങ്ങള്‍  ഫേസ്ബുക്ക് ലൈവില്‍
Posted by
13 November

ആനപ്പുറത്ത് കയറി ബാഹുബലിയിലെ രംഗം അഭിനയിച്ച 'നാടന്‍ ബാഹുബലി'യെ ആന പഞ്ഞിക്കിട്ടു; കഴുത്തൊടിഞ്ഞ് യുവാവ് ആശുപത്രിയില്‍; സംഭവം തൊടുപുഴയില്‍, സുഹൃത്ത് പകര്‍ത്തിയ ദൃശ്യങ്ങള്‍ ഫേസ്ബുക്ക് ലൈവില്‍

തൊടുപുഴ: ബാഹുബലിയിലെ രംഗം ആനപ്പുറത്ത് കയറി നിന്ന് ജീവിതത്തിലേക്ക് പകര്‍ത്താന്‍ ശ്രമിച്ച യുവാവിന് കിട്ടിയത് എട്ടിന്റെ മുട്ടന്‍ പണി. ആനയുടെ പ്രത്യാക്രമണത്തില്‍ കഴുത്തൊടിഞ്ഞ യുവാവ് അത്യാസന്ന നിലയില്‍. പെരിങ്ങാശേരി സ്വദേശിയായ യുവാവിനാണ് എട്ടിന്റെ പണി കിട്ടിയത്.

ഞായറാഴ്ച സുഹൃത്തുക്കളോടൊപ്പം അവധി ദിനം ആഘോഷിക്കാനിറങ്ങിയപ്പോള്‍ വഴിയരികില്‍ ദാ നില്ക്കുന്നു ഒരു കൊമ്പന്‍. പനംപട്ടതിന്ന് വിശപ്പടക്കി കൂസലില്ലാതെ നില്‍പ്പാണ്. പാപ്പാന്മാര്‍ പരിസരത്തെങ്ങുമില്ല. എന്നാല്‍ ആനയെ ഒന്ന് പരിചയപ്പെടാമെന്നായി… ഒരു കിലോ പഴം വാങ്ങി. അതിനു മുന്‍പ് ഫേസ്ബുക്കില്‍ ലൈവ് ഷോ സെറ്റ് ചെയ്തു. സുഹൃത്തിനെ മൊബൈല്‍ ഏല്പ്പിച്ചു. ആവേശം അലതല്ലിയതോടെ മനസില്‍ തെളിഞ്ഞത് ബാഹുബലി സിനിമയിലെ രംഗം. നായകന്‍ പ്രഭാസ് ആനയുടെ തുമ്പി കൈയിലും മസ്തകത്തിലും ചവിട്ടി കൈവിട്ട് നില്ക്കുന്ന ആ കിടിലന്‍ രംഗം. പ്രഭാസിനെയും രാജമൗലിയെയും മനസില്‍ ധ്യാനിച്ച കൊമ്പന്റെ മുമ്പിലേക്ക്.

പ്ലാസ്റ്റിക് കവറിനുള്ളില്‍ ഒളിപ്പിച്ച പഴം ആനവായിലേക്ക് നീട്ടി. ആകെയുണ്ടായിരുന്ന ഒരു കിലോ പഴം ആനവായില്‍ അമ്പഴങ്ങയായി. പ്രതിഫലം പോരെന്ന് ആന പറഞ്ഞതുപോലെ ഒരു തോന്നല്‍. ആന കടിച്ചുവലിച്ച പനംപട്ടയുടെ ഒരു ഭാഗം വലിച്ചെടുത്തു ആനയ്ക്ക് നേരെ നീട്ടി. പുച്ഛത്തോടെ ആന അത് അകത്താക്കി. ആനപ്പുറത്ത് കേറണമല്ലോ…കൈക്കൂലിയായി നിലത്ത് കിടന്ന കൂടുതല്‍ പട്ട യുവാവ് ആനവായിലേക്ക് നീട്ടി….അതൃപ്തി അറിയിക്കാതെ ആന എല്ലാം അകത്താക്കി..

ഇതു തന്നെ അവസരം. ബാഹുബലി ആനയുടെ അടുത്തേക്ക്..തുമ്പി്‌കൈയില്‍ ഒന്ന് തലോടി.പിന്നെ ഒരു ഉമ്മ.രണ്ടുമ്മ മൂന്നുമ്മ ദാ പറക്കുന്ന ബാഹുബലി..പിന്നെ കണ്ടത് ഈ കോലത്തില്‍ ആന അനിഷ്ടം അറിയിച്ചപ്പോള്‍ യുവാവ് പന്ത് പോലെയായി. ദൃശ്യങ്ങള്‍ പകര്‍ത്തിയ സുഹൃത്ത് രംഗങ്ങളൊന്നും വിട്ടുകളഞ്ഞില്ല. കഴുത്തിന് പരുക്കേറ്റ ബാഹുബലി കോലഞ്ചേരിയിലെ സ്വകാര്യ ആശുപത്രിയില്‍ ചികിത്സയിലാണ് അതുകൊണ്ട് ഇനിയും ബാഹുബലി ആകാന്‍ ശ്രമിക്കുന്നവര്‍ സൂക്ഷിക്കുക.

(വിഡിയോ കടപ്പാട് ദീപിക)