ട്യൂഷന്‍ പഠിക്കാന്‍ എത്തിയ വിദ്യാര്‍ത്ഥിനിയെ യോഗ പഠിപ്പിക്കാനെന്ന വ്യാജേന ടെറസില്‍ കൊണ്ടു പോയി 60 കാരന്‍ കിഴവന്‍ പീഡിപ്പിച്ചു
Posted by
20 February

ട്യൂഷന്‍ പഠിക്കാന്‍ എത്തിയ വിദ്യാര്‍ത്ഥിനിയെ യോഗ പഠിപ്പിക്കാനെന്ന വ്യാജേന ടെറസില്‍ കൊണ്ടു പോയി 60 കാരന്‍ കിഴവന്‍ പീഡിപ്പിച്ചു

കായംകുളം: വിദ്യാര്‍ത്ഥിനിയെ പീഠിപ്പിക്കാന്‍ ശ്രമിച്ച അധ്യാപകന്‍ അറസ്റ്റില്‍. കായംകുളം പത്തിയൂര്‍ സ്വദേശി തുളസീധരനാണ് അറസ്റ്റിലായത്. വീട്ടില്‍ ട്യൂഷന്‍ പഠിക്കാനെത്തിയ സ്‌കൂള്‍ വിദ്യാര്‍ത്ഥിനിയെ യോഗ പഠിപ്പിക്കാനെന്ന വ്യാജേന വീടിന്റെ ടെറസ്സില്‍ കൊണ്ട് പോയി പീഡിപ്പിക്കാന്‍ ശ്രമിക്കുകയായിരുന്നു.

ഭയന്നോടിയ കുട്ടി സ്‌കൂള്‍ അധികൃതരെ വിവരം അറിയിച്ചു. തുടര്‍ന്ന് പോലീസെത്തി 60 കാരനായ ട്യൂഷന്‍ അധ്യാപകനെ അറസ്റ്റ് ചെയ്തു. പത്തിയൂരില്‍ വാടകയ്ക്ക് താമസിക്കുകയായിരുന്നു തുളസീധരന്‍. പ്രതിയെ കോടതി റിമാന്റ് ചെയ്തു.

രാത്രി മുഴുവന്‍ പിതാവിനെ ക്രൂരമായി മര്‍ദ്ദിച്ചു, അവശനിലയിലായ അച്ഛനെ ആശുപത്രിയില്‍ കൊണ്ടുപോകുന്നതിന് അമ്മയെ തടഞ്ഞും മകന്റെ ക്രൂരത,  മകന്റെ മര്‍ദ്ദനത്തെ തുടര്‍ന്ന് പിതാവിന് ദാരുണാന്ത്യം
Posted by
20 February

രാത്രി മുഴുവന്‍ പിതാവിനെ ക്രൂരമായി മര്‍ദ്ദിച്ചു, അവശനിലയിലായ അച്ഛനെ ആശുപത്രിയില്‍ കൊണ്ടുപോകുന്നതിന് അമ്മയെ തടഞ്ഞും മകന്റെ ക്രൂരത, മകന്റെ മര്‍ദ്ദനത്തെ തുടര്‍ന്ന് പിതാവിന് ദാരുണാന്ത്യം

പത്തനംതിട്ട: മദ്യലഹരിയിലായ മകന്റെ അതിക്രൂരമായ മര്‍ദ്ദനത്തെ തുടര്‍ന്ന് പിതാവിന് ദാരുണാന്ത്യം. പത്തനംതിട്ട താഴെ വെട്ടിപ്രത്താണ് കഴിഞ്ഞ ദിവസം രാത്രിയിലാണ് ക്രൂരത നടന്നത്. ചാഞ്ഞ പാറക്കല്‍ വീട്ടില്‍ ചെല്ലപ്പനാണ് മരിച്ചത്. മകന്‍ ദീപന്‍ ഒളിവിലാണ്.

ചെല്ലപ്പന്റെ ഭാര്യ മറ്റൊരു വീട്ടില്‍ ഹോം നേഴ്‌സായി ജോലി ചെയ്യുന്നതിനാല്‍ ഇയാളും മദ്യത്തിന് അടിമയായ മകന്‍ ദീപനും മാത്രമാണ് വീട്ടില്‍ ഉണ്ടായിരുന്നത്. ദീപന്‍ ഓട്ടോ ഡ്രൈവറാണ്. രാത്രിയില്‍ ഇവിടെ ബഹളം കേട്ടെങ്കിലും ദീപന്‍ മദ്യപിച്ച് മാതാപിതാക്കളെ മര്‍ദ്ദിക്കുന്നത് നിത്യ സംഭവമായതിനാല്‍ അയല്‍വാസികള്‍ കാര്യമാക്കിയില്ല.

പുലര്‍ച്ചയോടെ വീട്ടിലെത്തിയ ചെല്ലപ്പന്റെ ഭാര്യ മര്‍ദ്ദനമേറ്റ് അവശനിലയില്‍ കിടക്കുന്ന ഭര്‍ത്താവിനെയാണ് കണ്ടത്. എന്നാല്‍ പിതാവിനെ ശുശ്രൂഷിക്കുന്നതില്‍ നിന്നും ആശുപത്രിയില്‍ കൊണ്ട് പോകുന്നതില്‍ നിന്നും മാതാവിനെ ദീപന്‍ ഭീഷണിപ്പെടുത്തി പിന്‍തിരിപ്പിക്കുകയായിരുന്നു.

ഏറെ സമയത്തിന് ശേഷം ഇയാള്‍ പുറത്തേക്കു പോയതോടെ സമീപവാസികളുടെ സഹായത്തോടെ ചെല്ലപ്പനെ പത്തനംതിട്ട ജനറല്‍ ആശുപത്രിയിലെത്തിച്ചത്. എന്നാല്‍ രാത്രി മുഴുവന്‍ മകനില്‍ നിന്നും ക്രുരമായ മര്‍ദ്ദനമേറ്റ ചെല്ലപ്പന്‍ വൈകുന്നേരത്തോടെ മരിച്ചു. പത്തനംതിട്ട പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.

തിരുവനന്തപുരം സ്വദേശിനിയായ യുവതിയും കാമുകനുമായുള്ള കിടപ്പറ ദൃശ്യങ്ങള്‍ ഇന്റര്‍നെറ്റില്‍; തമിഴ് കാമുകന്‍ അറസ്റ്റില്‍
Posted by
19 February

തിരുവനന്തപുരം സ്വദേശിനിയായ യുവതിയും കാമുകനുമായുള്ള കിടപ്പറ ദൃശ്യങ്ങള്‍ ഇന്റര്‍നെറ്റില്‍; തമിഴ് കാമുകന്‍ അറസ്റ്റില്‍

തിരുവനന്തപുരം: എത്ര കണ്ടാലും എത്ര കേട്ടാലും പഠിക്കില്ല എന്നത് ഇക്കാലത്ത കാമുകിമാര്‍ക്ക് വേണ്ടി മാത്രമുള്ള പ്രയോഗമാക്കി ചുരുക്കണം. കാരണം അവരാണ് ഈ വാചകത്തെ നിമഷം പ്രതി അന്വര്‍ത്ഥമാക്കിക്കൊണ്ടിരിക്കുന്നത്. ഒരു മൊബൈല്‍ ഫോണ്‍ ദൃശ്യമോ ചിത്രമോ കാരണം ജീവിതം തുലഞ്ഞു പോകുന്ന നൂറുകണക്കിന് സ്ത്രീ ജീവിതങ്ങളെ ദിവസവും കണ്ടാലും കാമുകന്റെ മൊബൈല്‍ ഫോണിന് മുന്നില്‍ തുണി ഉരിയാന്‍ പെണ്‍കുട്ടികള്‍ക്ക് മടിയില്ലാത്തത് എന്തു കൊണ്ടാണ്.

തിരുവനന്തപുരത്ത് നിന്നും പുതിയ ദുരന്തം വന്നു കഴിഞ്ഞു. തിരുവനന്തപുരം സ്വദേശിനിയായ പെണ്‍കുട്ടിയുമായുള്ള യുവാവിന്റെ ലൈംഗിക വേഴ്ചയുടെ ദൃശ്യങ്ങള്‍ വാട്സാപ്പിലും മറ്റും പ്രചരിച്ചിരുന്നു. ഇതിനു പിന്നില്‍ പെണ്‍കുട്ടിയുടെ മുന്‍ കാമുകനായ തമിഴ്നാട് സ്വദേശിയാണെന്ന് പോലീസ് കണ്ടെത്തി. നീലഗിരി സ്വദേശി മുകിലന്‍ സെല്‍വകുമാര്‍ (24) പോലീസ് അറസ്റ്റു ചെയ്തു. കഴിഞ്ഞ വര്‍ഷംഅവസാനത്തിലാണ് സംഭവം

പെണ്‍കുട്ടി കോയമ്പത്തൂരില്‍ നെഴ്സിംഗിനു പഠിക്കുമ്പോഴാണ് ഫേസ്ബുക്കിലൂടെ പരിചയപ്പെട്ട മുകിലനുമായി പ്രണയത്തിലാകുന്നത്. ഇയാള്‍ കോയമ്പത്തൂരിലെ ലക്ഷമി മെറ്റല്‍സ് ജീവനക്കാരനായിരുന്നു. പെണ്‍കുട്ടിയെ ഇയാള്‍ വാടക വീട്ടിലും ഹോട്ടല്‍ മുറിയിലും എത്തിച്ച് പീഢിപ്പിക്കുകയും പെണ്‍കുട്ടി അറിയാതെ മൊബൈലില്‍ ദൃശ്യങ്ങള്‍ പകര്‍ത്തി സൂക്ഷിക്കുകയും ചെയ്തു.

മുകിലന് നിരവധി സ്ത്രീകളുമായി ബന്ധമുണ്ടെന്ന് മനസിലാക്കിയ പെണ്‍കുട്ടി ക്രമേണ ഇയാളുമായുള്ള ബന്ധം അവസാനിപ്പിച്ചു. മറ്റൊരാളുമായി വിവാഹം ഉറപ്പിക്കുകയും ചെയ്തു. ഇതോടെ മുകിലന്‍ പെണ്‍കുട്ടിയെ വിവാഹം കഴിക്കാനിരുന്ന യുവാവിന് ലൈംഗിക വേഴ്ചയുടെ ദൃശ്യങ്ങള്‍ വാട്സാപ്പില്‍ അയച്ചു കൊടുക്കുകയായിരുന്നു. പിന്നീട് മറ്റു പലര്‍ക്കും ദൃശ്യങ്ങള്‍ അയച്ചു കൊടുത്തു. ഇതിനായി ഇയാള്‍ പ്രത്യേക വാട്സാപ്പ് അക്കൗണ്ട് എടുക്കുകയും ചെയ്തു.

പരാതിയുടെ അടിസ്ഥാനത്തില്‍ പോലീസ് അന്വേഷണം ആരംഭിച്ചു. സ്‌കൂള്‍ വിദ്യാര്‍ത്ഥിനിയുടെ മൊബൈല്‍ നമ്പരിലേക്കും അവിടെ നിന്നും മുകിലനിലേക്കും അന്വേഷണം എത്തിയതോടെയാണ് കാര്യങ്ങള്‍ വ്യക്തമായത്. കോയമ്പത്തൂരിലെ പെരിനായ്ക്കന്‍ പാളയത്തു നിന്നും അറസ്റ്റു ചെയ്ത ഇയാളെ തിരുവനന്തപുരം സിജെഎം കോടതിയില്‍ ഹാജരാക്കി റിമാന്‍ജഡ് ചെയ്തു.

കൊല്ലത്ത് വീട്ടിനുള്ളില്‍ ഉറങ്ങിക്കിടന്ന 4 മാസം പ്രായമായ കുഞ്ഞിനെ തട്ടിക്കൊണ്ടുപോകാന്‍ ശ്രമം, തടയാന്‍ ശ്രമിച്ച അമ്മയെ അടിച്ചു വീഴ്ത്തി
Posted by
19 February

കൊല്ലത്ത് വീട്ടിനുള്ളില്‍ ഉറങ്ങിക്കിടന്ന 4 മാസം പ്രായമായ കുഞ്ഞിനെ തട്ടിക്കൊണ്ടുപോകാന്‍ ശ്രമം, തടയാന്‍ ശ്രമിച്ച അമ്മയെ അടിച്ചു വീഴ്ത്തി

കൊല്ലം : വീട്ടിനുള്ളില്‍ ഉറങ്ങിക്കിടന്ന കുഞ്ഞിനെ അമ്മയെ ആക്രമിച്ചശേഷം തട്ടിക്കൊണ്ടുപോകാന്‍ ശ്രമം. കണ്ണനല്ലൂര്‍ വടക്കേമുക്കിനടുത്ത് ചേരീക്കോണം കനാല്‍ റോഡിനു സമീപം വാടകയ്ക്ക് താമസിക്കുന്ന സക്കീറിന്റെയും സുമയ്യയുടെയും നാലുമാസം പ്രായമുള്ള സിനാന്‍ എന്ന കുഞ്ഞിനെയാണ് പകല്‍ അഞ്ജാതസ്ത്രീ തട്ടിയെടുക്കാന്‍ ശ്രമിച്ചത്. ശനിയാഴ്ച രാവിലെ പത്തരയോടെയായിരുന്നു നാട്ടീല്‍ ഭീതിപരത്തിയ സംഭവം.

കനാലിനടുത്ത് ഒറ്റപ്പെട്ട വീടിന്റെ പിന്‍ഭാഗത്തെ തുറന്നുകിടന്ന വാതിലില്‍വഴിയാണ് സ്ത്രീ വീട്ടിനുള്ളില്‍ കടന്നത്. അടുക്കളയില്‍ തറയില്‍ പായവിരിച്ച് കുഞ്ഞിനെ അതില്‍ കിടത്തിയിരിക്കുകയായിരുന്നു. അമ്മ സുമയ്യ സമീപത്തുതന്നെ അരി ഊറ്റിക്കൊണ്ടുനില്‍ക്കവെയാണ് സ്ത്രീ അടുക്കളയിലെത്തിയത്. തറയില്‍ കിടന്ന കുഞ്ഞിനെ കോരിയെടുത്ത് പുറത്തേക്കോടിയ സ്ത്രീയെ അമ്മ കടന്നുപിടിച്ചു. പിടിവലിക്കിടെ അമ്മ സുമയ്യയെയും കുഞ്ഞിനെയും തള്ളിയിട്ടശേഷം സ്ത്രീ പുറത്തേക്ക് ഓടി രക്ഷപ്പെട്ടു. സംഭവസമയം അമ്മയും കുഞ്ഞും മാത്രമേ വീട്ടില്‍ ഉണ്ടായിരുന്നുള്ളൂ.

സുമയ്യയുടെ നിലവിളികേട്ട് നാട്ടുകാര്‍ ഓടിയെത്തിയപ്പോഴേക്കും സ്ത്രീ കനാല്‍ റോഡിലൂടെ രക്ഷപ്പെട്ടു. ബോധരഹിതയായി നിലത്തുവീണ സുമയ്യയെ നാട്ടുകാര്‍ കണ്ണനല്ലൂരിലെ സ്വകാര്യ ആശുപത്രിയിലെത്തിച്ചു ചികിത്സ നല്‍കി. സംഭവമറിഞ്ഞ് കൊട്ടിയം പോലീസും സ്ഥലത്തെത്തി തിരച്ചില്‍ നടത്തി. വെള്ളയില്‍ പുള്ളിയുള്ള സാരിയുടുത്ത് മൂക്കുകുത്തി ധരിച്ച് അല്‍പ്പം തടിച്ച ശരീരമുള്ള സ്ത്രീയാണ് കുഞ്ഞിനെ തട്ടിക്കൊണ്ടുപോകാന്‍ ശ്രമിച്ചത്.

ഭാര്യമാരുമായി അകന്ന് കഴിയുന്നവരെ സൗന്ദര്യം കൈമുതലാക്കി കറക്കിയെടുക്കും, വശീകരിക്കുന്ന സൗന്ദര്യത്തില്‍ വീണാല്‍ പണിതുടങ്ങും, കോട്ടയം സ്വദേശിനി ആലീസ് യുവാക്കളെ വളച്ചെടുത്ത് ചെയ്യുന്നത് ഇതൊക്കെ
Posted by
18 February

ഭാര്യമാരുമായി അകന്ന് കഴിയുന്നവരെ സൗന്ദര്യം കൈമുതലാക്കി കറക്കിയെടുക്കും, വശീകരിക്കുന്ന സൗന്ദര്യത്തില്‍ വീണാല്‍ പണിതുടങ്ങും, കോട്ടയം സ്വദേശിനി ആലീസ് യുവാക്കളെ വളച്ചെടുത്ത് ചെയ്യുന്നത് ഇതൊക്കെ

കായംകുളം: ക്വട്ടേഷന്‍ സംഘവുമായി എത്തി വീട് ആക്രമിച്ച കേസില്‍ വിവാഹത്തട്ടിപ്പുകാരി ലീലാമ്മയെന്ന ആലീസ് ജോര്‍ജിനെ (48) റിമാന്‍ഡ് ചെയ്തു. അഞ്ചു വിവാഹത്തട്ടിപ്പ് കേസുകളിലും നിരവധി വഞ്ചനാക്കേസുകളിലും പ്രതിയായ കോട്ടയം ദേവലോകം സ്വദേശി ആലീസ്, കുപ്രസിദ്ധ ഗുണ്ട അലോട്ടി എന്നറിയപ്പെടുന്ന ആര്‍പ്പൂക്കര കൊപ്രായില്‍ ജയിംസ് ജോണ്‍ ജേക്കബി (24)നൊപ്പമാണ് വെള്ളിയാഴ്ച വീട് ആക്രമിച്ചത്. കായംകുളത്തിനടുത്ത് കറ്റാനം കുറ്റിയില്‍ ജെറോ ഡേവിസിന്റെ വീട്ടിലെത്തിയ സംഘം ഗേറ്റും വാതിലും തകര്‍ത്തു.

വിദേശത്തായിരുന്ന ജെറോ ഡേവിഡ് ഭാര്യയുമായി അകന്നു കഴിയുന്ന കാലത്താണ് കോട്ടയം സ്വദേശിയായ ലീലാ ജോര്‍ജ്ജുമായി പരിചയത്തിലായതും പിന്നീട് വിവാഹിതരായതും. വിവാഹത്തെ തുടര്‍ന്ന് വീട്ടുകാരുടെ സ്വത്ത് യുവതിയുടെ സ്വന്തം പേരിലാക്കി. ഈ സമയമാണ് വേറെ യുവാക്കളെ വിവാഹം കഴിച്ച് യുവതി കോടികള്‍ തട്ടിയ വാര്‍ത്ത പുറത്തുവന്നത്. തുടര്‍ന്ന് ഇവര്‍ അറസ്റ്റിലായി.

ഈ സമയത്ത് ജെറോമും പൊലീസില്‍ പരാതി നല്‍കി. എന്നാല്‍ രോഗബാധിതനായ ജെറോഡേവിഡ് മരിച്ചു. തട്ടിപ്പിലൂടെ സ്വന്തമാക്കിയ വീടിന്റെയും വസ്തുവിന്റെയും ആധാരം റദ്ദാക്കപ്പെടുകയും ചെയ്തു. ഇരുനില വീടും വസ്തുവും ഇപ്പോള്‍ ജെറോഡേവിഡിന്റെ മകന്റെ പേരിലാണ്. ഇത് കൈക്കലാക്കാനാണ് യുവതി ക്വട്ടേഷന്‍ സംഘവുമായെത്തിയത്. നേരത്തെ മൂന്നു തവണ ഇവര്‍ ഇവിടെ എത്തിയിട്ടുണ്ട്. അന്ന് ബന്ധുക്കള്‍ ഇവരെ ഓടിച്ചു വിടുകയായിരുന്നു.

ആലീസ് ഗുണ്ടകളുമായി എത്തുമ്പോള്‍ വീട്ടുടമസ്ഥന്റെ ബന്ധുവായ യുവാവ് മാത്രമാണു വീട്ടിലുണ്ടായിരുന്നത്. നാട്ടുകാരെ കൂട്ടി ഇയാള്‍ തിരിച്ചെത്തിയപ്പോള്‍ ഭീഷണിപ്പെടുത്തിയ ആലീസിനിനെയും ഗുണ്ടകളെയും വള്ളികുന്നം പൊലീസെത്തി കസ്റ്റഡിയിലെടുക്കുകയായിരുന്നു. ജെറോ ഡേവിസ് ഭാര്യയുമായി അകന്ന് കഴിയുന്ന കാലത്താണ് ആലീസിനെ പരിചയപ്പെട്ട് വിവാഹം കഴിച്ചത്.

ആലീസിന്റെ നാലാം വിവാഹത്തട്ടിപ്പിനിരയായ ജെറോയുടെ സ്വത്തുക്കള്‍ സ്വന്തം പേരിലാക്കി. ഇതിനിടെ വിവാഹത്തട്ടിപ്പുകളുടെ വാര്‍ത്തകള്‍ പുറത്തുവന്ന് ആലീസ് അറസ്റ്റിലായി. ജെറോ രോഗം വന്നു മരിച്ചു. പിന്നീട് റിമാന്‍ഡിലിറങ്ങിയ ആലീസ്, ജെറോയുടെ വീടിന്റെ അവകാശമുന്നയിച്ച് എത്തിയപ്പോഴൊക്കെ ബന്ധുക്കള്‍ ഓടിച്ചുവിട്ടതോടെയാണ് വെള്ളിയാഴ്ച ക്വട്ടേഷനുമായി എത്തിയത്.

ലീലാമ്മാ ജോര്‍ജ് എന്നാണ് യഥാര്‍ത്ഥ പേര്. കോട്ടയം ദേവലോകം സ്വദേശിനിയായ ആലീസ് ജോര്‍ജ് എന്ന പേരില്‍ ആള്‍മാറാട്ടം നടത്തിയ ലീലാമ്മ ജോര്‍ജ് നിരവധി പേരെ കബളിപ്പിച്ച് പണവും സ്വത്തും തട്ടിയിരുന്നു.

ലീലാമ്മ ജോര്‍ജെന്നും ആലീസ് ജോര്‍ജ് എന്നും അറിയപ്പെടുന്ന വിവാഹ തട്ടിപ്പുകാരിയുടെ തട്ടിപ്പുകള്‍ ആരും മൂക്കത്ത് വിരല്‍ വച്ച് പോകുന്ന രീതിയിലുള്ളതാണ്. ഭാര്യ മരിച്ചു പോയവരെയും ഭാര്യയുമായി പിണങ്ങി കഴിയുന്ന ആള്‍ക്കാരെയുമാണ് പ്രധാനമായും ആലീസ് നോട്ടമിട്ടിരുന്നത്. വൈവാഹിക പരസ്യത്തിലൂടെ ഇത്തരക്കാരെ ബന്ധപ്പെട്ടാണ് യുവതി തട്ടിപ്പിന് കളമൊരുക്കുന്നത്. വിവാഹ തട്ടിപ്പ് നടത്തിയ ഇവര്‍ക്കെതിരെ നാല് പേര്‍ പരാതിയുമായി രംഗത്ത് വന്നിരുന്നു.

അതേസമയം, ക്വട്ടേഷന്‍ സംഘത്തിലുണ്ടായിരുന്ന കോട്ടയം മാറ്റൂര്‍ തെക്കേപ്പറമ്പില്‍ രതീഷ് (26), ചക്കിട്ടപ്പറമ്പില്‍ അഖില്‍ (21), വില്ലൂന്നി പാലത്തൂര്‍ ടോമി ജോസഫ് (21)എന്നിവരെയും റിമാന്‍ഡ് ചെയ്തു. ഭാര്യ മരിച്ചു പോയവര്‍, അകന്നു കഴിയുവര്‍ എന്നിവരെ വിവാഹപരസ്യത്തിലൂടെ ബന്ധപ്പെട്ടാണ് ആലീസ് തട്ടിപ്പു നടത്തിയിരുന്നത്. വിധവയാണെന്നു വ്യാജസര്‍ട്ടിഫിക്കറ്റുണ്ടാക്കിയാണ് വിവാഹങ്ങള്‍ നടത്തിയിരുന്നത്.

പറഞ്ഞ സമയത്തിനു മുന്‍പേ മാതൃഭൂമി റൗണ്ടിന്റെ പണി യുദ്ധകാല അടിസ്ഥാനത്തില്‍ പൂര്‍ത്തിയാക്കിയ കരാറുകാരന്‍ മാതൃകയെന്ന് മന്ത്രി, കയ്യടിച്ചു നാട്ടുകാരും
Posted by
17 February

പറഞ്ഞ സമയത്തിനു മുന്‍പേ മാതൃഭൂമി റൗണ്ടിന്റെ പണി യുദ്ധകാല അടിസ്ഥാനത്തില്‍ പൂര്‍ത്തിയാക്കിയ കരാറുകാരന്‍ മാതൃകയെന്ന് മന്ത്രി, കയ്യടിച്ചു നാട്ടുകാരും

തൃശ്ശൂര്‍: പറഞ്ഞ സമയത്തിനു മുന്‍പേ മാതൃഭൂമി റൗണ്ടിന്റെ പണി യുദ്ധകാല അടിസ്ഥാനത്തില്‍ പൂര്‍ത്തിയാക്കിയ കരാറുകാരന്‍ മാതൃകയെന്ന് മന്ത്രി, കയ്യടിച്ചു നാട്ടുകാരും. ശക്തന്‍ നഗറിലെ മാതൃഭൂമി റൗണ്ടിന് ചുറ്റുമുള്ള റോഡിന് ആണ് പുതിയമുഖം ലഭിച്ചത്. ടൈല്‍ വിരിച്ച് പുതുക്കിയ റോഡിന്റെ ഉദ്ഘാടന ചടങ്ങിലാണ് മന്ത്രി ഇങ്ങനെ പറഞ്ഞത് . ഉദ്യോഗസ്ഥരും കരാറുകാരും ആത്മാര്‍ഥമായി ശ്രമിച്ചാല്‍ എന്തുജോലിയും സമയത്ത് തീര്‍ക്കാമെന്നതിന്റെ തെളിവാണ് ഇതെന്നും മന്ത്രി സുനില്‍കുമാര്‍ കൂട്ടി ചേര്‍ത്തു.

യുദ്ധകാലാടിസ്ഥാനത്തിലാണ് ഇവിടത്തെ ജോലികള്‍ പുരോഗമിച്ചത്. കഴിഞ്ഞ മാസം അവസാനത്തോടെ ആരംഭിച്ച നിര്‍മാണജോലികള്‍ മൂന്നാഴ്ചയ്ക്കുള്ളിലാണ് പൂര്‍ത്തിയാക്കിയത്. ഒന്നേകാല്‍ കോടി ചെലവിലാണ് ഇവിടെ ഇന്റര്‍ലോക്ക് ടൈല്‍ വിരിക്കല്‍ നടപ്പാക്കിയത്.

റോഡില്‍ നിറയുന്ന കുഴികള്‍ യാത്രക്കാര്‍ക്കും വാഹനങ്ങള്‍ക്കും ഒരുപോലെ ഭീഷണിയായപ്പോഴാണ് ശാശ്വത പരിഹാരത്തെപ്പറ്റി കോര്‍പ്പറേഷന്‍ ആലോചിച്ചതും പുതുക്കിപ്പണിതതും. വെള്ളം കെട്ടിനിന്ന് റോഡ് ഇളകുന്നതായിരുന്നു പ്രധാന പ്രശ്‌നം. രണ്ടുമാസമായിരുന്നു നവീകരണ കാലാവധിയെങ്കിലും 20 ദിവസത്തിനകം പണി പൂര്‍ത്തിയാക്കി.

തൃശൂര്‍ നഗരത്തില്‍ ഏറ്റവും കൂടുതല്‍ ജനമെത്തുന്ന ശക്തന്‍ നഗറില്‍ യാത്രാദുരിതത്തിന് അറുതിയായി. വെള്ളിയാഴ്ച വൈകീട്ട്, മാതൃഭൂമി റൗണ്ടിന് ചുറ്റും നവീകരിച്ച റോഡിലൂടെ മന്ത്രി വി.എസ്. സുനില്‍കുമാറിന്റെ നേതൃത്വത്തില്‍ ജനപ്രതിനിധികളും ഉദ്യോഗസ്ഥരും നാട്ടുകാരും ഒന്നിച്ച് ആദ്യയാത്ര നടത്തി ഉദ്ഘാടനം ചെയ്തു. യോഗത്തില്‍ മേയര്‍ അജിതാ ജയരാജന്‍ അധ്യക്ഷയായി.

കരാറുകാരന്‍ മിജോയ് മാമുവിനെ ഡെപ്യൂട്ടി മേയര്‍ ബീനാ മുരളി ആദരിച്ചു. പത്തു വര്‍ഷങ്ങള്‍ക്കു മുന്‍പാണ്, തൃശൂര്‍ ഗവണ്മെന്റ് എന്‍ജിനീയറിങ് കോളേജില്‍ നിന്ന് സിവില്‍ എന്‍ജിനീയറിങ് ഡിഗ്രി കഴിഞ്ഞു പുറത്തിറങ്ങിയ മിജോയ്, ഗംഗ കണ്‍സ്ട്രക്ഷന്റെ സാരഥ്യം ഏറ്റെടുത്തത്. ചുരുങ്ങിയ കാലയളവിനുള്ളില്‍ തന്നെ അന്‍പതോളം വര്‍ക്കുകള്‍ പൂര്‍ത്തീകരിച്ചതിന്റെ പൊന്‍ തൂവലും ഈ യുവ സംരംഭകന് സ്വന്തമാണ്. മാതൃഭൂമി റൗണ്ടിലെ റോഡ് നവീകരണത്തിന് രണ്ടുമാസമാണ് കരാര്‍ ഏറ്റ മിജോയ് മാമുവിന് അനുവദിച്ചത്. എന്നാല്‍, വെറും 20 ദിവസമേ റോഡ് നന്നാക്കാന്‍ മിജോയ്ക്ക് വേണ്ടിവന്നുള്ളൂ. ഇത് റെക്കോഡ് നേട്ടമാണ്. റൗണ്ടിന് ചുറ്റും 70 സെന്റീമീറ്റര്‍ ആഴത്തില്‍ മണ്ണ് നീക്കിയാണ് ദേശീയപാതയുടെ നിലവാരത്തില്‍ പണി തീര്‍ത്തത്. നാല്‍പ്പതിനായിരം ചതുരശ്ര അടിയില്‍ ഇന്റര്‍ലോക് പാകി. ഭൂമിയിലേക്ക് ഇറങ്ങുന്ന വെള്ളം ഓടയില്‍ എത്തുന്നതിനാല്‍ റോഡ് തകരാനുള്ള സാധ്യത തീരെ കുറവാണ്. മിജോയിയെ ചടങ്ങിനെത്തിയവരെല്ലാം അഭിനന്ദിച്ചു.

മുന്‍ ഡെപ്യൂട്ടി മേയര്‍ വര്‍ഗീസ് കണ്ടംകുളത്തി, കൗണ്‍സിലര്‍മാരായ ഷീബ ബാബു, എം.എല്‍. റോസി, പി. സുകുമാരന്‍, പി. കൃഷ്ണന്‍കുട്ടി, അനൂപ് ഡേവിസ് കാട, വിന്‍ഷി അരുണ്‍കുമാര്‍, അജിതാ വിജയന്‍, സേവ്യര്‍ ചിറയത്ത്, കെ.ജെ. പോള്‍, പി.വി. സുബ്രഹ്മണ്യന്‍, കോര്‍പ്പറേഷന്‍ സെക്രട്ടറി എം. വിജയകുമാര്‍ തുടങ്ങിയവര്‍ പ്രസംഗിച്ചു. റോഡുപണിക്കായി ഗതാഗതം ക്രമീകരിച്ച എ.സി.പി. പി. വാഹിദ്, ഈസ്റ്റ് സി.ഐ. സേതു തുടങ്ങിയവരേയും ചടങ്ങില്‍
അഭിനന്ദിച്ചു.

നേരത്തെ നിരവധി തവണ ഇവിടെ അറ്റകുറ്റപ്പണികള്‍ നടത്തിയിരുന്നു. എന്നിട്ടും ഇതുവരെയും റോഡ് നേരെയാകാത്തതിനെത്തുടര്‍ന്നാണ് ടൈല്‍ വിരിക്കാന്‍ പദ്ധതിയിട്ടത്. ഒരുലക്ഷത്തോളം പേര്‍ പ്രതിദിനം വന്നുപോകുന്ന തൃശൂര്‍ നഗരത്തിലെ ഏറ്റവും തിരക്കുകൂടിയ സ്ഥലമാണ് ശക്തന്‍നഗര്‍. മാര്‍ക്കറ്റും ബസ്സ്റ്റാന്‍ഡും ഉള്‍പ്പെടെ നിരവധി സ്ഥാപനങ്ങളാണ് ഇവിടെയുള്ളത്. റോഡ് പുതുക്കിയതോടെ ഇവിടത്തെ ഗതാഗതക്കുരുക്കിനും പരിഹാരമാകും എന്നാണു പ്രതീക്ഷിക്കപ്പെടുന്നത്.

ഒരു കൈ സ്റ്റിയറിങില്‍, മറുകൈ ബൈക്ക് ഓടിക്കുന്ന കൂട്ടുകാരന്റെ കൈയ്യില്‍; സാഹസിക ഡ്രൈവിങ് നടത്തിയ കാറും ബൈക്കും മൂക്കുംകുത്തി കാനയിലേക്ക്; പരിക്കുമായി യുവാക്കളും, ഭാഗ്യം കൊണ്ട് രക്ഷപ്പെട്ട് തൊഴിലുറപ്പുകാരും
Posted by
16 February

ഒരു കൈ സ്റ്റിയറിങില്‍, മറുകൈ ബൈക്ക് ഓടിക്കുന്ന കൂട്ടുകാരന്റെ കൈയ്യില്‍; സാഹസിക ഡ്രൈവിങ് നടത്തിയ കാറും ബൈക്കും മൂക്കുംകുത്തി കാനയിലേക്ക്; പരിക്കുമായി യുവാക്കളും, ഭാഗ്യം കൊണ്ട് രക്ഷപ്പെട്ട് തൊഴിലുറപ്പുകാരും

നെടുമ്പാശേരി: ഒരു കൈ കൊണ്ട് കാറിന്റെ സ്റ്റിയറിങ്ങ് നിയന്ത്രിച്ച് മറുകൈ ഒറ്റക്കൈകൊണ്ടു ബൈക്കോടിക്കുന്ന കൂട്ടുകാരന്റെ കയ്യോട് ചേര്‍ത്തും യുവാക്കളുടെ സാഹസിക ഡ്രൈവിങ്. ഒടുവില്‍ പരസ്പരം കൈകോര്‍ത്ത് ‘അഡ്വഞ്ചര്‍ ഡ്രൈവിങ്’ നടത്തിയ ബൈക്കും കാറും കാനയിലേക്ക് മറിഞ്ഞു ഓടിച്ചിരുന്ന യുവാക്കല്‍ക്ക് സാരമല്ലാത്ത പരിക്കും പറ്റി. വാഹനങ്ങള്‍ക്കു സാരമായ തകരാര്‍ സംഭവിച്ചെങ്കിലും വലിയ പരിക്കേല്‍ക്കാതെ ഡ്രൈവര്‍മാരും കാറിലുണ്ടായിരുന്ന മറ്റു രണ്ടുപേരും അത്ഭുതകരമായി രക്ഷപ്പെട്ടു.

ഇന്നലെ എളവൂര്‍ ഭാഗത്തുനിന്നു വന്ന ചമ്പന്നൂര്‍ സ്വദേശികളായ യുവാക്കളാണു പൊതു നിരത്തില്‍ മറ്റുള്ളവരെക്കൂടി അപകടത്തില്‍പ്പെടുത്തും വിധം വാഹനമോടിച്ചത്. മള്ളുശേരി പാലം മുതല്‍ ഇവര്‍ കൈകള്‍ പരസ്പരം കോര്‍ത്താണു വാഹനമോടിച്ചതെന്നു നാട്ടുകാര്‍ പറഞ്ഞു. മധുരപ്പുറം സെന്റ് ജോര്‍ജ് കപ്പേളയ്ക്കു മുന്നിലെ വളവു കഴിയുമ്പോഴുള്ള വലിയ കാനയില്‍ കാര്‍ നിയന്ത്രണം വിട്ടു ചാടി. അതോടെ ബാലന്‍സ് നഷ്ടപ്പെട്ട് ബൈക്കും കാറിനടിയിലേക്കു വീണു.

ഇവിടെ കാനശുചീകരണം നടത്തുകയായിരുന്ന തൊഴിലുറപ്പു തൊഴിലാളികള്‍ അപകടത്തിന് അല്‍പസമയം മുന്‍പ് അവിടെനിന്നു മാറിയതിനാല്‍ വലിയ ദുരന്തവുമൊഴിവായി. അപകടത്തെത്തുടര്‍ന്ന് ഓടിയെത്തിയ നാട്ടുകാര്‍ അപകടത്തില്‍പ്പെട്ടവരെ തടഞ്ഞുവച്ച് പോലീസിനു കൈമാറി. രണ്ടു ഡ്രൈവര്‍മാര്‍ക്കുമെതിരെ അപകടകരമായ രീതിയില്‍ വാഹനമോടിച്ചതിനു കേസെടുത്തതായി ചെങ്ങമനാട് എസ്‌ഐ എകെ സുധീര്‍ അറിയിച്ചു.

സുമയ്ക്കും രണ്ടു പെണ്‍മക്കള്‍ക്കും ഇനി ഭയമില്ലാതെ ഉറങ്ങാം; സിപിഎം നിര്‍മ്മിച്ചു നല്‍കിയത് അടിപൊളി വീട്
Posted by
15 February

സുമയ്ക്കും രണ്ടു പെണ്‍മക്കള്‍ക്കും ഇനി ഭയമില്ലാതെ ഉറങ്ങാം; സിപിഎം നിര്‍മ്മിച്ചു നല്‍കിയത് അടിപൊളി വീട്

കൊച്ചി: തൃക്കാക്കര ചിറ്റേത്തുകര കണ്ണങ്കേരി പരേതനായ ചന്ദ്രന്റെ ഭാര്യ സുമയ്ക്കും അവരുടെ രണ്ടു പെണ്‍മക്കള്‍ക്കും ഇനി ഭയമില്ലാതെ ഉറങ്ങാം. അടച്ചുറപ്പുള്ള സുരക്ഷിതത്വവുമായി സിപിഎം പ്രവര്‍ത്തകര്‍ ശ്രമദാനത്തില്‍ തയ്യാറാക്കിയ വീടിന്റെ താക്കോല്‍ സുമയും മക്കളും ഏറ്റുവാങ്ങും. സിപിഎം 22ാം പാര്‍ടി കോണ്‍ഗ്രസിന്റെ ഭാഗമായി ജില്ലയില്‍ നിര്‍മിച്ചുനല്‍കുന്ന 30 വീടുകളില്‍ ആദ്യത്തേതാണ് തൃക്കാക്കരയില്‍ പൂര്‍ത്തിയായിരിക്കുന്നത്.

സിപിഎം പ്രവര്‍ത്തകരുടെ ശ്രമദാനത്തിന്റെ ഭാഗമായി 40 ദിവസംകൊണ്ടാണ് വീടു പൂര്‍ത്തിയാക്കിയത്. ആകെയുള്ള 1.70 സെന്റ് ഭൂമിയിലെ ഷീറ്റ്മേഞ്ഞ വീട്ടില്‍ രണ്ടു പെണ്‍മക്കള്‍ക്കൊപ്പമാണ് സുമ താമസിക്കുന്നത്. ജില്ലയില്‍ നാലു വീടുകളുടെ നിര്‍മാണംകൂടി പൂര്‍ത്തീകരിച്ചു കഴിഞ്ഞു. മറ്റു വീടുകളും പാര്‍ടി കോണ്‍ഗ്രസിനുമുമ്പ് പൂര്‍ത്തിയാക്കുമെന്നും കളമശ്ശേരി ഏരിയാ സെക്രട്ടറി വിഎ സക്കീര്‍ ഹുസൈന്‍ വാര്‍ത്താസമ്മേളനത്തില്‍ അറിയിച്ചു.

750 ചതുരശ്രയടിയുള്ള ഇരുനില വീടാണ് സുമയ്ക്കും കുടുംബത്തിനുമായി സിപിഎം നിര്‍മ്മിച്ചു നല്‍കുന്നത്. വ്യാഴാഴ്ച വൈകിട്ട് അഞ്ചിന് ചിറ്റേത്തുകരയില്‍ നടന്ന ചടങ്ങില്‍ സിപിഎം പൊളിറ്റ് ബ്യൂറോ അംഗം എസ് രാമചന്ദ്രന്‍പിള്ളയാണ് ഗൃഹപ്രവേശന ചടങ്ങ് ഉദ്ഘാടനം ചെയ്തത്. സിപിഎം എറണാകുളം ജില്ലാ സെക്രട്ടറി പി രാജീവ് സുമയക്കു വീടിന്റെ താക്കോല്‍ സമ്മാനിച്ചു.

30 വീടുകളാണ് പാര്‍ട്ടി കോണ്‍ഗ്രസിനോടനുബന്ധിച്ച് സിപിഎം വീടില്ലാത്തവര്‍ക്കു നിര്‍മ്മിച്ചു നല്‍കുന്നത്. ഇക്കഴിഞ്ഞ ജനുവരി എട്ടിന് മുതിര്‍ന്ന നേതാവ് കെ എന്‍ രവീന്ദ്രനാഥാണ് വീടുകളുടെ ശിലാസ്ഥാപനം നടത്തിയത്.

യുവാവിന്റെ പ്രണയം നിരസിച്ച യുവതി ആങ്ങളയോട് വിവരം പറഞ്ഞു; ആങ്ങളയെ കണ്ട് ഓടിയ യുവാവിനെ മാല പൊട്ടിച്ചോടുകയാണെന്ന് കരുതി നാട്ടുകാര്‍ വളഞ്ഞിട്ട് തല്ലി, ഇരിങ്ങാലക്കുടയില്‍ വാലന്റൈന്‍ ദിനത്തില്‍ നടന്നത് ഇങ്ങനെ
Posted by
15 February

യുവാവിന്റെ പ്രണയം നിരസിച്ച യുവതി ആങ്ങളയോട് വിവരം പറഞ്ഞു; ആങ്ങളയെ കണ്ട് ഓടിയ യുവാവിനെ മാല പൊട്ടിച്ചോടുകയാണെന്ന് കരുതി നാട്ടുകാര്‍ വളഞ്ഞിട്ട് തല്ലി, ഇരിങ്ങാലക്കുടയില്‍ വാലന്റൈന്‍ ദിനത്തില്‍ നടന്നത് ഇങ്ങനെ

ഇരിങ്ങാലക്കുട: പ്രണയം നിരസിച്ച യുവതി വിവരം ആങ്ങളയോട് പറഞ്ഞതിനെ തുടര്‍ന്ന് കാമുകന് വാലന്റൈന്‍ ദിനത്തില്‍ കിട്ടിയത് ‘സൂപ്പര്‍ ഇടി’. ഫെബ്രുവരി 14 ന് ഇരിങ്ങാലക്കുടയില്‍ നടന്ന സംഭവത്തില്‍ കണ്ണൂരുകാരനായ യുവാവിനാണ് നാട്ടുകാരുടെ മര്‍ദ്ദനമേറ്റ് ആശുപത്രിയില്‍ കിടക്കേണ്ടി വന്നിരിക്കുന്നത്. പോലീസ് എത്തിയാണ് വലഞ്ഞുപോയ യുവാവിനെ ആശുപത്രിയില്‍ എത്തിച്ചത്.

ഇരിങ്ങാലക്കുട ബസ് സ്റ്റാന്റ് പരിസരത്ത് വൈകിട്ട് നാലു മണിയോടെ നടന്ന സംഭവത്തില്‍ കാമുകന് ഇടി കിട്ടിയത് സഹോദരനില്‍ നിന്നായിരുന്നില്ല. ഓടിച്ചിട്ടു പിടികൂടിയ നാട്ടുകാരില്‍ നിന്നായിരുന്നു. ഇരിങ്ങാലക്കുട സെന്റ്ജോസഫ് കോളേജ് വിദ്യാര്‍ഥിനിയോട് കണ്ണൂരില്‍ നിന്നും വന്ന് ഇരിങ്ങാലക്കുടയില്‍ കച്ചവടം നടത്തുന്ന യുവാവിന് പ്രണയം തോന്നാന്‍ തുടങ്ങിയിട്ട് കുറേ നാളായി. വിവരം അയാള്‍ പറയാന്‍ തെരഞ്ഞെടുത്തത് വാലന്റൈന്‍ ദിനത്തിലായിരുന്നെന്ന് മാത്രം.

കഴിഞ്ഞ ദിവസം പെണ്‍കുട്ടിയോട് യുവാവ് പ്രണയം അറിയിച്ചെങ്കിലും യുവതി ഇത് നിരസിക്കുക മാത്രമായിരുന്നില്ല വിവരം ആങ്ങളയോട് പറയുകയും ചെയ്തു. ചോദിക്കാന്‍ വന്ന ആങ്ങളയെ കണ്ട് യുവാവ് ഇറങ്ങി കാട്ടൂര്‍ റോഡിലേക്ക് ഓടി. സഹോദരന്‍ പിന്നാലെയും ഇതിനിടെ നാട്ടുകാരില്‍ ആരോ യുവാവ് മാല മോഷ്ടിച്ച് ഓടുകയാണെന്ന് പറഞ്ഞതോടെ നാട്ടുകാര്‍ യുവാവിനെ ഓടിച്ചിട്ടു പിടിച്ച് നന്നായി കൈകാര്യം ചെയ്തു. ബഹളം കേട്ട് ഓടിയെത്തിയ സമീപത്തെ എക്സൈസ് ഉദ്യോഗസ്ഥരാണ് യുവാവിനെ നാട്ടുകാരില്‍ നിന്നും രക്ഷിച്ചത്. തുടര്‍ന്ന് പോലീസ് എത്തി ഇയാളെ ആശുപത്രിയിലാക്കുകയും ഒടുവില്‍ പ്രശ്നം ഒത്തുതീര്‍പ്പാക്കുകയും ചെയ്തു

യുവതിയെ വീട്ടില്‍ കയറി കത്തികാട്ടി  ഭീഷണിപ്പെടുത്തി വിവസ്ത്രയാക്കി,  മൊബൈലില്‍ ഫോട്ടോയെടുത്തു, ക്രൂരമായി കൂട്ടബലാത്സംഗം ചെയ്തു; 2 യുവാക്കള്‍ ചേര്‍ന്ന്  അരീക്കോട് വീട്ടമ്മയെ പീഡിപ്പിച്ചത് ഇങ്ങനെ
Posted by
15 February

യുവതിയെ വീട്ടില്‍ കയറി കത്തികാട്ടി ഭീഷണിപ്പെടുത്തി വിവസ്ത്രയാക്കി, മൊബൈലില്‍ ഫോട്ടോയെടുത്തു, ക്രൂരമായി കൂട്ടബലാത്സംഗം ചെയ്തു; 2 യുവാക്കള്‍ ചേര്‍ന്ന് അരീക്കോട് വീട്ടമ്മയെ പീഡിപ്പിച്ചത് ഇങ്ങനെ

കോഴിക്കോട്: അരീക്കോട് വീട്ടമ്മയെ ബലാത്സംഗം ചെയ്ത് കവര്‍ച്ച നടത്തിയ യുവാക്കള്‍ അറസ്റ്റില്‍. കോഴിക്കോട് വടകര സ്വദേശികളായ മയ്യന്നൂര്‍ പനമ്പത്ത് ഇസ്മായീല്‍ (27), മയ്യന്നൂര്‍ തട്ടാരത്തിമീറ്റല്‍ ഷാനവാസ് (35) എന്നിവരെയാണ് മലപ്പുറം ഡി.വൈ.എസ്.പിയും സംഘവും അറസ്റ്റ് ചെയ്തത്.

വീട്ടില്‍ അഞ്ച് വയസ്സായ കുട്ടിയോടൊപ്പം താമസിക്കുന്ന ഭര്‍തൃമതിയായ യുവതിയെയാണ് സംഘം ബലാത്സംഗം ചെയ്ത് പണം കവര്‍ന്നത്. കഴിഞ്ഞ ഏഴിനാണ് സംഭവം. വീടിന്റെ പിന്‍വാതില്‍ തുറന്ന് അതിക്രമിച്ച് വീട്ടില്‍ കയറിയ പ്രതികള്‍ കത്തിക്കാട്ടി യുവതിയെ ഭീഷണിപ്പെടുത്തി വിവസ്ത്രയാക്കി മൊബൈലില്‍ ഫോട്ടോയെടുത്തു. പിന്നീട് ക്രൂരമായി കൂട്ടബലാത്സംഗം ചെയ്യുകയും ആഭരണങ്ങളും പാസ്പോര്‍ട്ടും ഫോണും മറ്റ് രേഖകളും കവരുകയുമായിരുന്നു.

ശേഷം ഫോണില്‍ വിളിച്ച് മൊബൈലില്‍ പകര്‍ത്തിയ ഫോട്ടോകള്‍ സാമൂഹ്യ മാധ്യമങ്ങളില്‍ പ്രചരിപ്പിക്കാതിരിക്കുന്നതിന് രണ്ട് ലക്ഷം രൂപ പ്രതികള്‍ ആവശ്യപെട്ടതിനെ തുടര്‍ന്ന് യുവതി ജില്ലാ പോലീസ് മേധാവി ദേബേഷ് കുമാര്‍ ബഹ്റക്ക് നേരിട്ട് പരാതി നല്‍കുകയായിരുന്നു. തുടര്‍ന്ന് എസ്പിയുടെ നിര്‍ദേശപ്രകാരം കേസന്വേഷിച്ച ഡിവൈഎസ്പി ജലീല്‍ തോട്ടത്തില്‍, മഞ്ചേരി സിഐ എംവി ഷൈജു, അരീക്കോട് എസ്ഐ കെ സിനോദ്, സിപിഒ ജിഗീഷ്, രാജരത്നം, പ്രത്യേക അന്വേഷണ സംഘങ്ങളായ ശശി കുണ്ടറക്കാട്, സജീവ് എന്നിവര്‍ ചേര്‍ന്നാണ് മുക്കത്ത് വെച്ചാണ് ഇവരെ പിടികൂടുന്നത്.

യുവതിയുടെ വീടിനോട് ചേര്‍ന്നുള്ള സിസിടിവി ക്യാമറയില്‍ ബൈക്കില്‍ എത്തിയ സംഘത്തിന്റെ ദൃശ്യം പതിഞ്ഞത് നിരീക്ഷിച്ചതിന്റെ അടിസ്ഥാനത്തില്‍ ബൈക്കിനെ പിന്‍തുടര്‍ന്നുള്ള അന്വേഷണത്തിലാണ് പ്രതികളെ കുറിച്ച് സൂചന ലഭിക്കുന്നത്. അറസ്റ്റിലായ ഇസ്മായീലിനെതിരെ പലയിടത്ത് നിന്നായി വിവാഹം ചെയ്ത കേസും നിലവിലുണ്ട്. പ്രതികളെ ഇന്ന് മഞ്ചേരി കോടതിയില്‍ ഹാജരാക്കും.

error: This Content is already Published.!!