രാജാവിന്റെ മകന്‍ തകര്‍ത്തു വാരുന്നു;  ‘ആദി’ കുടുംബസമേതം കാണാന്‍ കഴിയുന്ന മികച്ച ത്രില്ലര്‍, പ്രതീക്ഷിച്ചതിലും മേലെ നില്‍ക്കുന്ന സിനിമയെന്ന് പ്രേക്ഷകര്‍
Posted by
26 January

രാജാവിന്റെ മകന്‍ തകര്‍ത്തു വാരുന്നു; 'ആദി' കുടുംബസമേതം കാണാന്‍ കഴിയുന്ന മികച്ച ത്രില്ലര്‍, പ്രതീക്ഷിച്ചതിലും മേലെ നില്‍ക്കുന്ന സിനിമയെന്ന് പ്രേക്ഷകര്‍

മലയാളത്തിന്റെ താരരാജാവിന്റെ മകന്‍ പ്രണവ് മോഹന്‍ലാല്‍ നായക വേഷത്തിലെത്തിയ ‘ആദി’ക്ക് മികച്ച് റിപ്പോര്‍ട്ടുകള്‍. ആദിക്കായി സിനിമാ പ്രവേശനത്തിനായി മലയാള സിനിമ പ്രേക്ഷകര്‍ കാത്തിരിക്കുവാന്‍ തുടങ്ങിയിട്ട് നാളുകള്‍ ഏറെയായി. ആ കാത്തിരിപ്പുകള്‍ക്ക് വിരാമം ഇട്ടുകൊണ്ടാണ് ജിത്തു ജോസഫിന്റെ സംവിധാനത്തില്‍ ആദി അണിയിച്ചൊരുക്കിയത്.

പ്രണവിന്റെ ആദ്യ സിനിമ എന്ന ലേബലും ഒപ്പം ത്രില്ലര്‍ സിനിമകളില്‍ തന്റേതായ മുഖമുദ്ര പതിപ്പിച്ച ജിത്തു ജോസഫ് എന്ന സംവിധായകന്റെ സാന്നിധ്യവും ചിത്രത്തിന് മികച്ച രീതിയില്‍ ഉള്ള പ്രീ റിലീസ് ഹൈപ്പ് സൃഷ്ടിക്കുവാന്‍ കാരണമായി.ഹിറ്റുകളുടെ റെക്കോര്‍ഡ് കഥകള്‍ മാത്രം പറയുവാനുള്ള ആശിര്‍വാദ് സിനിമാസിന്റെ നിര്‍മാണ സംരംഭവും ചിത്രത്തിന്റെ പ്രൊമോഷന്‍ ഊര്‍ജം നല്‍കി.

സംഗീത സംവിധായകന്‍ ആകുവാന്‍ ആഗ്രഹമായി നടക്കുന്ന ആദിത്യന്റെ കഥയാണ് ചിത്രം പറയുന്നത്. സിനിമയിലേക്ക് ഉള്ള പ്രവേശനം നോക്കുന്ന ആദി തന്റെ ഒരു മ്യൂസിക് പെര്‌ഫോര്‍മന്‍സിനായി ബാംഗ്ലൂരില്‍ എത്തുന്നു.ബാംഗ്ലൂരില്‍ വെച്ചു നടക്കുന്ന ചില സംഭവ വികാസങ്ങളില്‍ ആദി താന്‍ അറിയാതെ ഭാഗമാകുന്നു.പിന്നീട് ഉണ്ടാകുന്ന സംഭവ വികാസങ്ങള്‍ ആണ് ചിത്രത്തിന് ആധാരം.

അഭിനേതാക്കളുടെ മികച്ച പ്രകടനം ചിത്രത്തില്‍ ഉടനീളം കാണുവാന്‍ സാധിക്കും.ആദ്യ നായകസിനിമയുടെ പതര്‍ച്ച ഒന്നുമില്ലാതെ ആദിത്യന്‍ എന്ന ടൈറ്റില്‍ കഥാപാത്രം മനോഹരമാക്കിയ പ്രണവിനാണ് ആദ്യത്തെ കൈയടി. തുടക്കകാരന്റെ കുഴപ്പങ്ങള്‍ ഒന്നുമില്ലാതെ തന്നെ സിനിമയെ മുന്നോട്ട് കൊണ്ടു പോകാന്‍ പ്രണവിന്റെ കഥാപാത്രത്തിന് സാധിച്ചു. ആക്ഷന്‍ രംഗങ്ങളില്‍ പ്രണവ് കാണിച്ച മികവും എടുത്തു പറയേണ്ടതാണ് പാര്‍ക്കര്‍ വിദ്യ പോലെ ചിത്രത്തിന് വേണ്ടി അദ്ദേഹം എടുത്ത പരിശ്രമങ്ങള്‍ എല്ലാം സ്‌ക്രീനില്‍ കാണുവാന്‍ സാധിച്ചു എന്നതും സന്തോഷം തരുന്നു. വരും നാളുകളില്‍ മലയാള സിനിമയില്‍ തന്റേതായ ഒരു ഇരിപ്പിടം പ്രണവിന് ഉണ്ടാകുമെന്ന് ഉറപ്പ് തരുന്നു ഈ ചിത്രം.

അതോടൊപ്പം മറ്റ് കഥാപാത്രങ്ങളെ അവതരിപ്പിച്ച താരങ്ങളും മികച്ചു നിന്നു.ആദിത്യന്റെ അച്ഛനും അമ്മയുമായി വേഷമിട്ട സിദ്ദിഖും ലെനയും തങ്ങളുടെ മികച്ച പ്രകടനങ്ങളില്‍ ഒന്ന് തന്നെയാണ് ആദിയില്‍ കാഴ്ച്ച വെച്ചത്.വൈകാരിക രംഗങ്ങളില്‍ ഇവര്‍ പുലര്‍ത്തുന്ന മികവ് എക്കാലവും പ്രശംസനീയം തന്നെ. അതോടൊപ്പം ഷറഫുദീന്‍,സിജു വില്‍സന്‍, മേഘനാഥന്‍, ജഗപതി ബാബു, നായിക കഥാപാത്രങ്ങളെ അവതരിപ്പിച്ച അനുശ്രീ,അഥിതി രവി തുടങ്ങിയവരും മികച്ചു നിന്നു.

ജിത്തു സിനിമകളിലെ സ്ഥിരം സംഗീത സംവിധായകനായ അനില്‍ ജോണ്‌സണ് തന്നെയാണ് ആദിയിലും സംഗീതം കൈകാര്യം ചെയ്യുന്നത്. മികച്ച ഗാനങ്ങളും അതിലേറെ മികച്ച പശ്ചാത്തല സംഗീതവും ചിത്രത്തിന് ഊര്‍ജം നല്‍കി.സതീഷ് കുറിപ്പിന്റെ ക്യാമറയാണ് എടുത്തു പറയേണ്ട മറ്റൊന്ന്.സംഘട്ടന രംഗങ്ങളില്‍ ഇദ്ദേഹം പുലര്‍ത്തിയ മേന്മ അഭിനന്ദനാര്‍ഹമാണ്.ആയൂബ് ഖാന്റെ എഡിറ്റിംഗും മികച്ചു നിന്നു.

ത്രില്ലര്‍ സിനിമകളില്‍ കഴിവ് പ്രകടിപ്പിച്ചിട്ടുള്ള ജിത്തു ഒരുക്കിയ ആദി ഭേദപ്പെട്ട ഒരു ത്രില്ലറാണെന്ന് നിസ്സംശയം പറയാം.ആദ്യ ചിത്രം എന്ന നിലയില്‍ പ്രണവും മികച്ചു നിന്നു.പ്രത്യേകിച്ചും പാര്‍ക്കര്‍ രംഗങ്ങളില്‍. ആരാധകരെ ആവേഷത്തിലാകുവാന്‍ എന്നവണ്ണം ഒരുക്കിയ ഗസ്റ്റ് റോളും തിയറ്ററില്‍ ആവേശം സൃഷ്ടിച്ചു.ഫാമിലിയായി കാണാവുന്ന മികച്ചൊരു ത്രില്ലര്‍ തന്നെയാണ് ആദി.

സിബിയോടൊപ്പം നിധി തേടിയൊരു യാത്ര; ഫാന്റസിയും യാഥാര്‍ഥ്യങ്ങളും കൂടിക്കലര്‍ന്ന കാര്‍ബണ്‍
Posted by
20 January

സിബിയോടൊപ്പം നിധി തേടിയൊരു യാത്ര; ഫാന്റസിയും യാഥാര്‍ഥ്യങ്ങളും കൂടിക്കലര്‍ന്ന കാര്‍ബണ്‍

കാര്‍ബണ്‍ ഒരു യാത്രയാണ്, ”ചാരവും വജ്രവും”വും പോലെ ഫാന്റസിയും യാഥാര്‍ഥ്യങ്ങളും കൂടിക്കലര്‍ന്നൊരു ചിത്രമാണ് വേണുവിന്റെ കാര്‍ബണ്‍.
ചാരം പടര്‍ന്ന ജീവിതത്തെ വജ്രത്തിന്റെ മായിക വെളിച്ചത്തിലേക്കടുപ്പിച്ച് പിന്നെ അതിന്റെ ആലസ്യത്തില്‍ ജീവിക്കാന്‍ കൊതിക്കുന്ന പാലാക്കാരന്‍ സിബി. സങ്കല്‍പ ലോകത്തേക്കു കയറിയും ഇറങ്ങിയും പച്ചയായ ജീവിത യാഥാര്‍ഥ്യങ്ങളെ ഇടയ്ക്കിടെ തിരിഞ്ഞുനോക്കിയും സിബിയങ്ങനെ യാത്ര പോകും ഒപ്പം പ്രേക്ഷകനെയും കൂട്ടി.

ധന സമ്പാദനത്തിനായി എല്ലാ കുറുക്കുവഴികളും പരീക്ഷിക്കുന്ന, അതിനായി ഭൂമിയുടെ ഏതറ്റം വരെ പോകാനും മടിയില്ലാത്ത ആധുനിക സമൂഹത്തിലെ മനുഷ്യരുടെ ഒരു പ്രതിനിധിയാണ് കാര്‍ബണിലെ കേന്ദ്ര കഥാപാത്രമായ സിബി. ഇത്തരം ഓട്ടപ്പാച്ചിലിനിടയില്‍ ബോധപൂര്‍വ്വമോ അബോധപൂര്‍വ്വമോ മറന്ന് പോകുന്ന അവനവന്റെയുള്ളില്‍ മറഞ്ഞ് കിടക്കുന്ന അമൂല്യമായ നിധിയുടെയും അത് കണ്ടെത്തുന്നതിലൂടെ നേടുന്ന ആത്മ സാക്ഷാത്കാരത്തിന്റെയും ആവിഷ്‌കാരമാണ് ഈ സിനിമ.

പൂര്‍ണ്ണമായും ഒരു ഫഹദ് ഫാസില്‍ ചിത്രമാണ് കാര്‍ബണ്‍. മലയാള സിനിമയില്‍ ഇന്നുള്ളതില്‍ വച്ചേറ്റവും മികച്ച നടന്‍ താന്‍ തന്നെയാണെന്ന് സംശയലേശമന്യേ ഉറപ്പിക്കുകയാണ് ഫഹദ് സിബി എന്ന കഥാപാത്രത്തിലൂടെ. ശരീര ഭാഷയിലൂടെയും മുഖഭാവങ്ങളിലൂടെയും ശബ്ദ ക്രമീകരണത്തിലൂടെയും ആ കഥാപാത്രത്തിന് ഫഹദ് നല്കുന്ന സൂക്ഷ്മവ്യത്യാസങ്ങള്‍ പ്രേക്ഷകനെ തിയേറ്ററില്‍ പിടിച്ചിരുത്തും

വിചിത്രമാണ് സിബിയുടെ വീക്ഷണങ്ങള്‍. പച്ചമരതകവും വെള്ളിമൂങ്ങയുമൊക്കെയായി ആള്‍ക്കാരെ പറ്റിച്ച് നടക്കുന്ന സിബിക്ക് എടുത്തുപറയാന്‍ തക്കവണ്ണമുള്ളൊരു ജോലിയൊന്നുമില്ല. ഈ വക തട്ടിപ്പ് പരിപാടിയായി നടന്നിട്ടും ഒരു കരയ്‌ക്കെത്താന്‍ സിബിക്ക് സാധിക്കുന്നില്ല. ജീവിതത്തില്‍ ബംബര്‍ അടിച്ച് രക്ഷപ്പെടാന്‍ ശ്രമിക്കുന്ന സിബിയെ വിധി കൊണ്ടെത്തിക്കുന്നത് ദൂരെ ഒരു കാട്ടിലേയ്ക്കാണ്.

ചീങ്കണ്ണിപ്പാറക്കടുത്തുള്ള കൊടുംകാട്ടിലെ വലിയ എസ്റ്റേറ്റിന്റെ നടത്തിപ്പ് ചുമതല അയാള്‍ ഏറ്റെടുക്കുന്നു. അതും ഗതികേടുകൊണ്ടാണ്. വന്യമൃഗങ്ങളാല്‍ ചുറ്റപ്പെട്ട ആ കാട്ടില്‍ വലിയൊരു നിഗൂഢ രഹസ്യം ഉണ്ടെന്ന് സിബി മനസ്സിലാക്കുന്നു. കേട്ടറിവിനാല്‍ മാത്രം അറിയുന്ന കാടിനുള്ളിലെ രഹസ്യ നിധി തേടി പുറപ്പെടുന്നിടത്താണു കഥയുടെ ഗതി മാറുന്നത്. കരിങ്കാടിനിടയിലൂടെയുള്ള അയാളുടെ യാത്രയ്ക്കു അയാള്‍ ആഗ്രഹിക്കുന്ന ഉത്തരം കിട്ടുമോ എന്നതാണു കാര്‍ബണ്‍.

സ്വന്തം നിലനില്‍പ്പിനായി ഏതറ്റംവരെയും പോകുന്ന പ്രകൃതമാണു സിബിയുടേത്. കാടിന്റെ ഭാവഭേദത്തെ അനുസ്മരിപ്പിക്കുന്ന അവന്റെ വികാര വിക്ഷോഭങ്ങളെ കൃത്യമായി അവതരിപ്പിച്ച് കാണിക്കുവാന്‍ സംവിധായകനു സാധിച്ചു. ഫഹദിന്റെ ആ അഭിനയം തന്നെയാണു സിനിമയുടെ പ്രധാനആകര്‍ഷണവും ബലവും.

ഏറെ നാളുകള്‍ക്ക് ശേഷം സ്ഫടികം ജോര്‍ജിന്റെ മികച്ചൊരു വേറിട്ട കഥാപാത്രത്തെ ഈ സിനിമയിലൂടെ കാണാന്‍ സാധിച്ചു. ആകാംക്ഷ നിറയ്ക്കുന്ന കഥാപാത്രങ്ങളായി സൗബിനും പ്രവീണയും പ്രേക്ഷക മനസില്‍ കയറിക്കൂടും. മംമ്ത മോഹന്‍ദാസ്, മണികണ്ഠന്‍ ആചാരി, വിജയരാഘവന്‍, നെടുമുടി വേണു, കൊച്ചുപ്രേമന്‍, എന്നിവരാണു മറ്റു താരങ്ങള്‍.

സാങ്കേതികമായി ഒരുപാട് മുന്നില്‍ നില്‍ക്കുന്നു സിനിമ. പ്രേക്ഷകനെ ചിന്തിപ്പിച്ച് രസകരമായി മുന്നേറുന്ന ആദ്യ പകുതി. എന്നാല്‍ രണ്ടാം പകുതിയില്‍ സിനിമയുടെ വേഗം അല്‍പം കുറയുന്നുണ്ട്. അല്‍പം ഫാന്റസി കലര്‍ത്തിയ അവതരണശൈലിയാണ് വേണു ഇത്തവണയും ഉപയോഗിച്ചിരിക്കുന്നത്. ഇതിന് തൊട്ടുമുമ്പുള്ള മുന്നറിയിപ്പ് സിനിമയിലെ അതേപാത ഇവിടെയും പിന്തുടരുന്നു.

കെയു മോഹനന്റെ ക്യാമറക്കണ്ണുകളിലൂടെയുള്ള കാഴ്ചകള്‍ അതിമനോഹരമെന്നേ പറയാന്‍ കഴിയൂ. മികച്ച ദൃശ്യാനുഭവം തന്നെയാണ് സിനിമ നല്‍കുന്നത്. ഇതുവരെ മലയാള സിനിമ കാണാത്ത കാടും അതിന്റെ ഭംഗിയും കാമറക്കണ്ണുകള്‍ അത്രമേല്‍ വശ്യമായി പകര്‍ത്തിയെടുത്തു. വിശാല്‍ ഭരദ്വാജിന്റെ സംഗീതവും ബിജിബാലിന്റെ പശ്ചാത്തലസംഗീതവും ഇഴചേര്‍ന്ന് നില്‍ക്കുന്നു. ഇന്ത്യ കണ്ട ഏറ്റവും മികച്ച എഡിറ്റര്‍മാരിലൊരാളായ ബീന പോളിന്റെ സംഭാവനയും എടുത്തുപറയണം.

കൊടുംകാട്ടിനുള്ളില്‍ ജീവന്‍ തന്നെ പണയംവെച്ച് ഈ സിനിമ ചിത്രീകരിക്കാന്‍ തുനിഞ്ഞ അണിയറ പ്രവര്‍ത്തകര്‍കരെ അഭിനന്ദിച്ചേ മതിയാകൂ. ഈ സിനിമയുടെ പിന്നണിയില്‍ പ്രവര്‍ത്തിച്ചവരുടെ മുഴുവന്‍ ആളുകളുടെയും പേരുകള്‍ ടൈറ്റില്‍ ക്രെഡിറ്റില്‍ തന്നെ ഉള്‍പ്പെടുത്തിയിട്ടുണ്ട്. രസകരമായ കഥാതന്തു, മികച്ച ദൃശ്യഭംഗി, അഭിനയപ്രകടനം, സാങ്കേതികമികവ് ഇവയാണ് സിനിമയുടെ പ്രധാനസവിശേഷതകള്‍.

കൊമേഷ്യല്‍ ചേരുവകളുടെ സ്വഭാവമല്ല കാര്‍ബണിന്റേത്. പ്രമേയത്തിനനുസരിച്ച് പതിഞ്ഞ താളത്തില്‍ നീങ്ങുന്നൊരു സിനിമയാണു കാര്‍ബണ്‍. മുന്‍വിധികള്‍ മാറ്റിവെച്ച്, പുതുമയുള്ള, നല്ലൊരു സിനിമ ആസ്വദിക്കാന്‍ ശ്രമിക്കുന്ന കാഴ്ചക്കാരനെ നിരാശപ്പെടുത്തില്ല ചിത്രം. അല്‍പം ഫാന്റസിയില്ലെങ്കില്‍ എന്ത് ജീവിതം എന്ന സിബിയുടെ ചിന്ത പ്രേക്ഷകരിലേക്കു കൂടി കടന്നുകൂടും. ആ ചിന്തയുടെ രസച്ചരട് മനസ്സിനോടു ഇനിയൊരിക്കലും പൊട്ടിപ്പോകാത്ത പോലെ ബന്ധിക്കപ്പെടും. കഥകളിലൂടെ മാത്രം അറിഞ്ഞ, ഭ്രമിപ്പിക്കുന്ന ഭംഗിയുള്ളൊരു കാടും, ആ കാടിന്റെ സിരകളിലൂടെയുള്ള സിബിയുടെ യാത്രയുടെ അവസാനവും പ്രേക്ഷകനെ പിടിച്ചിരുത്തുമെന്ന് തീര്‍ച്ച.

‘രാമലീല’ ആദ്യാവസാനം ആകാംക്ഷ നിറഞ്ഞു നില്‍ക്കുന്ന പൊളിറ്റിക്കല്‍ ത്രില്ലര്‍
Posted by
29 September

'രാമലീല' ആദ്യാവസാനം ആകാംക്ഷ നിറഞ്ഞു നില്‍ക്കുന്ന പൊളിറ്റിക്കല്‍ ത്രില്ലര്‍

കഴിഞ്ഞ ദിവസം പ്രദര്‍ശനത്തിനെത്തിയ, നവാഗതനായ അരുണ്‍ ഗോപി സംവിധാനം ചെയ്യുന്ന ദിലീപ് ചിത്രം ‘രാമലീല’ ഒരു പൊളിറ്റിക്കല്‍ ത്രില്ലര്‍ എന്ന് ഒറ്റനോട്ടത്തില്‍ പറയാം. ആദ്യാവസാനം ആകാംക്ഷ നിറഞ്ഞു നില്‍ക്കുന്ന ത്രില്ലര്‍ സിനിമ തന്നെയാണ് രാമലീല. റണ്‍വേ, ലയണ്‍ തുടങ്ങിയ വിരലിലെണ്ണാവുന്ന സിനിമകളിലൂടെ ഹാസ്യം മാത്രമല്ല തനിക്ക് വഴങ്ങുകയെന്ന് തെളിയിച്ച ദിലീപിന്റെ വ്യത്യസ്തത നിറഞ്ഞ കഥാപാത്രമാണ് രാമലീലയിലെ രാമനുണ്ണി.

രാമനുണ്ണി എന്ന കൗശലക്കാരനായ രാഷ്ട്രീയക്കാരന്‍, ഒരു നിയമസഭാ ഉപതെരഞ്ഞെടുപ്പ് അയാള്‍ നേരിടുന്നതിനിടെ ഉണ്ടാകുന്ന കമ്യൂണിസ്റ്റ് പാര്‍ട്ടി ജില്ലാ സെക്രട്ടറിയുടെ കൊലപാതകം, കുറ്റാരോപിതനാകുന്ന രാമനുണ്ണി, അതില്‍നിന്ന് രക്ഷപ്പെടാന്‍ അയാള്‍ ശ്രമിക്കുന്ന ഒറ്റയാള്‍ പോരാട്ടം ഇത്രയുമാണ് പ്ലോട്ട്. ഇതു നോണ്‍സെന്‍സുകളില്ലാതെ, അത്യാവശ്യത്തിനു യുക്തികലര്‍ത്തി, സമകാലീന രാഷ്ട്രീയ പശ്ചാത്തലങ്ങളുമായി കൂട്ടിയിണക്കി പറയാന്‍ ശ്രമിച്ചു എന്നതുതന്നെയാണ് രാമലീലയുടെ പ്ലസ് പോയിന്റ്.

ജോഷിയുടെ അവതാരത്തിനുശേഷമുള്ള ദിലീപിന്റെ ത്രില്ലര്‍ സിനിമയാണിത്. എന്നാല്‍ വളരെ കൗതുകകരമായ വസ്തുത പൊളിറ്റിക്കല്‍ ത്രില്ലറായിട്ടും സംഘട്ടനങ്ങളോ, രക്തച്ചൊരിച്ചിലോ സൃഷ്ടിച്ചുള്ള കളി സിനിമ പാടേ ഒഴിവാക്കിയിട്ടുണ്ട്. ഒരു ഇന്‍വെസ്റ്റിഗേഷന്‍ ത്രില്ലര്‍ എന്ന നിലയിലാണു സിനിമയുടെ ട്രാക്ക്. കൊലപാതകിയെക്കുറിച്ച് ഏറെക്കുറെ ഊഹിക്കാമെങ്കിലും ആ ആകാംക്ഷ ഏതെങ്കിലുമൊരുതരത്തില്‍ മുന്നോട്ടുകൊണ്ടുപോകുന്നതില്‍ അരുണ്‍ ഗോപി പലയിടത്തും വിജയിച്ചിട്ടുണ്ട്. പക്ഷേ ഒരു ത്രില്ലറിനുചേരാത്ത തരത്തിലുള്ള മെല്ലെപ്പോക്ക് ചിലപ്പോഴൊക്കെ സിനിമയെ മുഷിപ്പിക്കുന്നുമുണ്ട്.

രണ്ടരമണിക്കൂറിനു മുകളിലാണ് ചിത്രത്തിന്റെ ദൈര്‍ഘ്യം. ആക്ഷനും പാട്ടുമൊക്കെ താരതമ്യേന കുറവാണെങ്കിലും ഒരിക്കല്‍ പോലും ചിത്രം പ്രേക്ഷകനെ ബോറടിപ്പിക്കുന്നില്ല. അത്യന്തം ഗൗരവതരമാണ് ചിത്രത്തിന്റെ ആദ്യ പകുതി. കഥാപാത്രത്തിന് കൂടുതല്‍ ബില്‍ഡ് അപ്പ് കൊടുക്കാതെ നേരിട്ട് അവതരിപ്പിച്ചിരിക്കുന്നു. പ്രേക്ഷകര്‍ ഒരിക്കലും പ്രതീക്ഷിക്കാത്ത ട്വിസ്റ്റുകള്‍ ആദ്യ പകുതിയില്‍ തന്നെയുണ്ട്. എല്ലാം വിശ്വസനീയമായി തന്നെ സിനിമയില്‍ കാണിച്ചിരിക്കുന്നു.

രണ്ടാം പകുതിയിലേക്കെത്തുമ്പോള്‍ ചിത്രത്തിന്റെ ഗൗരവസ്വഭാവത്തിനു മാറ്റം വരുന്നില്ലെങ്കിലും ഹാസ്യത്തിന്റെ മേമ്പൊടി ആവശ്യത്തിന് ചേര്‍ത്തിട്ടുണ്ട്. എന്നാല്‍ അതൊന്നും കുത്തിനിറച്ചതാണെന്ന തോന്നല്‍ ഒരിക്കലും ഉണ്ടാവുന്നുമില്ല. ആക്ഷനില്ലെങ്കിലും ത്രില്ലടിപ്പിക്കുന്ന രംഗങ്ങള്‍ക്ക് ഒട്ടും പഞ്ഞമില്ല. കാഴ്ചക്കാരനെ ഒരു രംഗത്തില്‍ നിന്നും മറ്റൊന്നിലേക്ക് ബോറടിപ്പിക്കാതെ കൈപിടിച്ചു കൊണ്ടു പോകുന്നു സിനിമ.

രാമനുണ്ണിയായെത്തിയ ദിലീപ് തന്റെ സ്ഥിരം കഥാപാത്രങ്ങളില്‍ നിന്നു തീര്‍ത്തും വ്യത്യസ്തനായി. കൗശലവും ഗൗരവവും നിറഞ്ഞ കഥാപാത്രം അദ്ദേഹത്തിന്റെ കൈകളില്‍ ഭദ്രം. വിജയരാഘവന്‍, സിദ്ദിഖ്, മുകേഷ്. ഇവര്‍ മൂന്നു പേരും ഞെട്ടിക്കുന്ന പ്രകടനം കാഴ്ച വച്ചു. കലാഭവന്‍ ഷാജോണ്‍ നിലവാരമുള്ള കോമഡികളുമായി കളം നിറഞ്ഞു. രാമനുണ്ണിയുടെ അമ്മ വേഷം രാധികാ ശരത്കുമാറും മികച്ചതാക്കി. നായികയായ പ്രയാഗ മാര്‍ട്ടില്‍ സാധാരണ ഇത്തരം സിനിമകളില്‍ കാണുന്നതു പോലെ കേവലം വന്നു പോകുന്ന കഥാപാത്രമായി ഒതുങ്ങിയില്ലെന്നതും ശ്രദ്ധേയം. മേനക സുരേഷ്‌കുമാര്‍, സായ്കുമാര്‍, സലിംകുമാര്‍, തുടങ്ങി ചെറുതും വലുതുമായ കഥാപാത്രങ്ങള്‍ അവതരിപ്പിച്ചവരും മോശമാക്കിയില്ല.

അരുണ്‍ ഗോപി എന്ന പുതുമുഖ സംവിധായകന്‍ തന്റെ ആദ്യ ചിത്രം ഗംഭീരമായി തന്നെ ചെയ്തു എന്നു പറയാതെ വയ്യ. പാളിപ്പോയേക്കാവുന്ന അനവധി സന്ദര്‍ഭങ്ങള്‍ ഉണ്ടായിരുന്നിട്ടും അവിടെയൊക്കെ തഴക്കം ചെന്ന സംവിധായകനെ പോലെ അദ്ദേഹം പെരുമാറി. മലയാളത്തിന്റെ ഹിറ്റ് സംവിധായകനായ ജോഷിയുടെ സംവിധാന ശൈലി അനുസ്മരിപ്പിച്ചു പല രംഗങ്ങളിലും അരുണ്‍. തന്റെ ഏറ്റവും മികച്ച തിരക്കഥകളിലൊന്ന് ഒരു പുതുമുഖ സംവിധായകനെ ഏല്‍പ്പിക്കാന്‍ സച്ചി കാണിച്ച ധൈര്യവും അംഗീകരിക്കേണ്ടതാണ്.

ഷാജി കുമാറിന്റെ ഛായാഗ്രഹണം സിനിമയെ കൂടുതല്‍ മനോഹരമാക്കി. സംഗീതവും പശ്ചാത്തലസംഗീതവുമൊരുക്കിയ ഗോപി സുന്ദര്‍ സിനിമയോട് നീതി പുലര്‍ത്തി. ഓണ കാലത്തിനിറങ്ങിയ സൂപ്പര്‍ പടപ്പുകളില്‍ പലതും മനുഷ്യന്റെ സാമാന്യബുദ്ധിയെ വെല്ലുവിളിക്കുന്നതായിരുന്നു. അതുവച്ചുനോക്കിയാല്‍ ഭേദപ്പെട്ട സിനിമയാണ് രാമലീല. പുതിയ കാലത്തിന്റെ അവതരണമില്ലെങ്കിലും പുതിയ കാലത്തിന്റെ കാര്യങ്ങളുണ്ട്, രാഷ്ട്രീയവും. ഒരുതവണ കണ്ടുനോക്കാനുള്ള വകുപ്പുമുണ്ട് സിനിമയില്‍.

വ്യത്യസ്ഥതയും മൗലികതയും അനുഭവിപ്പിച്ച് സിനിമയുടെ ആകാശങ്ങളിലേക്ക് ഉയരത്തില്‍ പറന്ന് പറവ..
Posted by
23 September

വ്യത്യസ്ഥതയും മൗലികതയും അനുഭവിപ്പിച്ച് സിനിമയുടെ ആകാശങ്ങളിലേക്ക് ഉയരത്തില്‍ പറന്ന് പറവ..

ഇച്ചാപ്പിയും ഹസീബും ഇമ്രാനും കാഴ്ചയില്‍ നിന്ന് മായുന്നില്ല. പറന്നു പറന്നുയര്‍ന്ന പറവകളായി മാറുന്നു എല്ലാരും. മട്ടാഞ്ചേരിയില്‍ മാത്രമല്ല ഇപ്പാച്ചിയും ഹസീബും പൊന്നാനിയിലുമുണ്ട്. പ്രാവുകളെ ജീവനിലേറെ സ്‌നേഹിക്കുകയും അവരിലൂടെ ജീവിക്കുകയും ചെയ്യുന്നവര്‍. സ്‌കൂളുകളക്കാള്‍ അവരും ഇഷ്ടപ്പെടുന്നത് പ്രാവുകളുടെ ലോകം തന്നെ. ഇപ്പാച്ചിയും ഹസീബിലും ഞാന്‍ കണ്ടത് പൊന്നാനിക്കാരായ കുട്ടികളെത്തന്നെയാണ് .

തൊപ്പിവെച്ച്, അഞ്ചു നേരം നിസ്‌കരിച്ച്, യുവാക്കളെ നല്ല രീതിയില്‍ കൊണ്ടുപോകുന്ന ഒത്തിരി ഇമ്രാന്‍മാരെ ഞാന്‍ കണ്ടിട്ടുണ്ട്, അനുഭവിച്ചിട്ടുണ്ട്. ഉണങ്ങാത്ത മുറിവായി.. ഒരു നീറ്റലായി ഇമ്രാനെ വരച്ചിടാന്‍ ദുല്‍ഖറിന് കഴിഞ്ഞു.

മുസ്ലിംകളെ ഇത്ര സത്യസന്ധമായി മറ്റൊരു സിനിമയിലും അടയാളപ്പെടുത്തിയിട്ടില്ല. വാര്‍പ്പു മാത്യകയിലുള്ള സിനിമയിലെ മുസ്ലിംകളെ കാണുമ്പോള്‍ ഞാന്‍ ശബ്ദങ്ങളില്ലാതെ ഉച്ചത്തില്‍ പറയാറുണ്ട്. ഞങ്ങള്‍ ഇങ്ങനെയല്ലന്ന്. ഇപ്പോഴിതാ പറവയില്‍ സൗബിന്‍ പതിവുസിനിമാ രീതികളെ തെറ്റിച്ച് യഥാര്‍ത്ഥ മുസ്ലിം സ്വത്വത്തെ പ്രതിഷ്ഠിച്ചിരിക്കുന്നു. പരസ്പരം സലാം പറയുന്ന കഥാപാത്രങ്ങള്‍… ബാങ്ക് കൊടുത്താല്‍ പള്ളിയില്‍ പോകുന്നവര്‍.. തേങ്ങാപ്പാലും പത്തിരിയും ബീഫ് കറിയും അടയാളപ്പെടുത്തുന്ന സ്വത്വങ്ങള്‍…. താടിയിലും വെട്ടിച്ചെറുതാക്കിയ മീശയിലും വരെയുണ്ട് അടയാളപ്പെടുത്തലിന്റെ രാഷ്ട്രീയം.

സൗബിന്‍ നിങ്ങള്‍ നല്ലൊരു അഭിനേതാവ് മാത്രമല്ല മികച്ചൊരു സംവിധായകന്‍ കൂടിയാണ്. ഇടയ്ക്ക് തോന്നി മലയാളം സംസാരിക്കുന്ന ഇറാനിയന്‍ സിനിമകാണുകയാണെന്ന്. മലയാള സിനിമാനുഭവത്തില്‍, ‘ആമേന്‍’ എന്ന ചിത്രത്തിനു ശേഷം ഇത്രയും വ്യത്യസ്തതയും മൗലികതയും അനുഭവിച്ച മറ്റൊരു സിനിമയില്ല. ‘പറവ’ നമ്മുടെ സിനിമാനുഭവത്തിന്റെ ഉത്തുംഗത്തില്‍ തന്നെ പറക്കുന്ന കാഴ്ച അതീവ ഹൃദ്യമാണ്. അമല്‍ ഷാ, ഗോവിന്ദ് പൈ എന്നീ കുട്ടികള്‍ (ഇച്ചാപ്പി, ഹസീബ്) ദുല്‍ഖര്‍ സല്‍മാനും (ഇമ്രാന്‍) മുകളില്‍ പറക്കുന്നതും, ‘പറവ’യില്‍ ഏറെ സ്വാഭാവികമാണ്. സ്‌ക്രിപ്റ്റില്‍ മുനീര്‍ അലിയും ഷഹീറും ഒരു ഉജ്ജ്വല കൂട്ടായ്മയാകുന്നുണ്ടെന്നു വേണം പറയാന്‍. സിദ്ദിഖ്, ഷെയ്ന്‍ നിഗം, ശ്രീനാഥ് ഭാസി, സ്രിന്‍ഡ അര്‍ഹാന്‍, സൗബിന്‍ ഷാഹിര്‍ എന്നിവരെല്ലാം തങ്ങളുടെ റോളുകള്‍ ശക്തവും സുന്ദരവുമാക്കിയിരിക്കുന്നു .

മട്ടാഞ്ചേരിയിലെ പ്രാവ് വളര്‍ത്തലും പ്രാവ് പറത്തലും എങ്ങനെ ജീവിതം തന്നെയാകുന്നു എന്നു കൂടി ഈ ചിത്രം പറയാതെ പറയുന്നു. മലയാളം വീണ്ടും പൂര്‍ണ്ണാര്‍ത്ഥത്തില്‍ ഒരു സംവിധായകന്റെ സിനിമ കാണുകയാണിവിടെ. ഒപ്പം, കാസ്റ്റിംഗ് എന്നത് ഒരു കലയാണ് എന്നത് ഈ നവാഗത പ്രതിഭ എത്ര കൃത്യമായാണ് നമ്മെ ബോധ്യപ്പെടുത്തുന്നത്!!

മട്ടാഞ്ചേരിയിലെ ഇച്ചാപ്പിയെന്ന ഇര്‍ശാദും, ഹസീബും അവരുടെ സ്‌കൂള്‍ ഡേയ്‌സും എന്തുമാത്രം നാച്വറലാണ്. പ്രാവുകള്‍ക്കൊപ്പം പറന്നുപോകുന്ന ക്യാമറകള്‍ വിസ്മയത്തിന്റെ കടലാഴത്തിലെത്തിക്കും. സൗഹൃദം, പ്രതികാരം, ജിവിതം, കൊച്ചു കൊച്ചു സന്തോഷങ്ങള്‍, ഇരുണ്ട ജീവിതങ്ങള്‍… എല്ലാം അടയാളപ്പെടുത്തിയ മനോഹരമായ സിനിമയാണ് പറവ.ദൃശ്യങ്ങള്‍ കൊണ്ട് പൂരിപ്പിക്കുകയാണ് പലയിടങ്ങളിലും.സംഭാഷണങ്ങളേക്കാള്‍ ശക്തമായ ദൃശ്യങ്ങളാല്‍. ഇമ്രാന്‍ ഒരു അടയാളപ്പെടുത്തലാണ് . നമുക്ക് നഷ്ടപ്പെടുന്ന കരുതലുകളുടെ പ്രതീകം .

(ഫഖ്‌റുദ്ധീന്‍ പന്താവൂര്‍ .9946025819)

ഹോളിവുഡിലെ സ്‌പൈ ത്രില്ലര്‍ മൂഡുള്ള ആക്ഷന്‍ ത്രില്ലര്‍: തീയ്യേറ്റര്‍ ഇളക്കി മറിച്ച് വിവേകം
Posted by
24 August

ഹോളിവുഡിലെ സ്‌പൈ ത്രില്ലര്‍ മൂഡുള്ള ആക്ഷന്‍ ത്രില്ലര്‍: തീയ്യേറ്റര്‍ ഇളക്കി മറിച്ച് വിവേകം

ആരാധകരെ ആവേശത്തിലാഴ്ത്താന്‍ വേണ്ട ചേരുവകകള്‍ എല്ലാം ചേര്‍ത്ത് വിവേകം തീയ്യേറ്റര്‍ ഇളക്കിമറിക്കുന്നു. വേതാളത്തിനു ശേഷം അജിത്തിന്റെയും ശിവയുടേയും ചിത്രം വരുന്നു എന്ന വാര്‍ത്ത ആരാധകര്‍ ഏറെ കാത്തിരിപ്പോടെയയാണ് വരവേറ്റത്. ആരാധകരെ പൂര്‍ണമായും തൃപ്തിപ്പെടുത്തുന്ന വിഷ്വല്‍ ട്രീറ്റിലായിരുന്നു ടീസര്‍ പുറത്തിറങ്ങിയത്. റഷ്യയിലാണ് ചിത്രം പൂര്‍ണമായും ചിത്രീകരിച്ചത്.

കോരിത്തരിപ്പിക്കുന്ന ആക്ഷന്‍ രംഗങ്ങളും തീപാറുന്ന ചേസിങും ഹോളിവുഡ് ശൈലിയിലുള്ള മേക്കിങുമാണ് സിനിമയെ വേറിട്ടുനിര്‍ത്തുന്നത്. മികച്ച സാങ്കേതികതികവിലാണ് വിവേകം ഒരുക്കിയിരിക്കുന്നത്. അജിത്തിന്റെ സ്‌ക്രീന്‍പ്രസന്‍സില്‍ നിറഞ്ഞാണ് സിനിമ മുന്നോട്ട് പോകുന്നത്. ‘തല’ സിനിമയുടെ എല്ലാ ചേരുവകളും സമാസമം ചേര്‍ത്തിരിക്കുന്നതിനാല്‍ ‘വിവേകം’ പേരില്‍ മാത്രമാണ്. കഥയും ലോജിക്കുമൊക്കെ വിവേകരഹിതമാണെങ്കിലും തലയുടെ പ്രകടനം ആരാധകരെ ആവേശത്തിലാഴ്ത്തും.

ധനുഷ് ആരാധകര്‍ക്ക് ഒരു വെടിക്കുള്ള മരുന്ന് ഒരുക്കിവെച്ചിട്ടുണ്ട് വിഐപി 2 വില്‍
Posted by
12 August

ധനുഷ് ആരാധകര്‍ക്ക് ഒരു വെടിക്കുള്ള മരുന്ന് ഒരുക്കിവെച്ചിട്ടുണ്ട് വിഐപി 2 വില്‍

തമിഴ് സിനിമാ ലോകം ഈ വര്‍ഷം ഏറെ കാത്തിരുന്ന ചിത്രമാണ് വേലയില്ല പട്ടതാരി 2. പ്രതീക്ഷകള്‍ക്കൊത്തില്ലെങ്കിലും ധനുഷ് ആരാധകര്‍ക്ക് ഒരു വെടിക്കുള്ള മരുന്ന് സൗന്ദര്യയുടെ സംവിധാനത്തില്‍ ഒരുക്കിവച്ചിട്ടുണ്ടെന്ന് സിനിമയെ കുറിച്ച് ചുരുക്കത്തില്‍ പറയാം.

നായകന്‍ ധനുഷ് തന്നെ കഥയും സംഭാഷണവും എഴുതിയ ചിത്രത്തിന്റെ തിരക്കഥയും സംവിധാനവും നിര്‍വഹിച്ചിരിക്കുന്നത് സൗന്ദര്യ രജനീകാന്താണ്. കൊച്ചടിയാന്‍ പോലുള്ള ചിത്രങ്ങള്‍ ഒരുക്കിയ സൗന്ദര്യ ധനുഷിന്റെ ഭാര്യ സഹോദരിയാണ്. ഇതോടെ ചിത്രം ഒരു കുടുംബകാര്യമാണെന്ന് പറയാം. കാജോള്‍ ആണ് ചിത്രത്തിലെ പ്രധാന നെഗറ്റീവ് റോള്‍ ചെയ്യുന്നത്. സമുദ്രക്കനി, വിവേക് അടക്കമുള്ളവര്‍ ചിത്രത്തില്‍ എത്തുന്നു.

2014ല്‍ ഇറങ്ങിയ, ധനുഷിന്റെ അഭിനയ ജീവിതത്തിലെ ഏറ്റവും വലിയ വിജയമായിരുന്നു വിഐപി. അതിന്റെ രണ്ടാം ഭാഗമാണ് വിഐപി 2. സാധാരണപോലെ കഥാപാത്രങ്ങളെ മറ്റൊരു പരിസരത്തില്‍ മാറ്റി പ്രതിഷ്ഠിക്കുന്ന രണ്ടാംഭാഗമല്ല വിഐപി 2. ഒന്നാം ഭാഗം എവിടെ അവസാനിച്ചോ അവിടെ നിന്നാണ് രണ്ടാം ഭാഗം ആരംഭിക്കുന്നത്.

കൃത്യമായ രീതിയില്‍, വിഐപി രണ്ടാം ഭാഗം എന്ന നിലയില്‍ സ്റ്റണ്ട് മുതല്‍ അടി പൊളി പാട്ട് വരെ മികച്ച രീതിയിലാണ് ചിത്രത്തില്‍ സൗന്ദര്യ സംയോജിപ്പിച്ചിരിക്കുന്നത്. പക്ഷെ തിരക്കഥയിലും, ചിത്രത്തിന്റെ മാസ് അപ്പീലിലും ഒന്നാം ഭാഗത്തോളം എത്താന്‍ കഴിയാത്ത ഇടത്ത് വിഐപി 2 പരാജയപ്പെടുന്നു എന്ന് പറയേണ്ടിവരും.

ധനുഷ് പ്രതിനിധാനം ചെയ്യുന്ന നായകന്‍ രഘുവരന്‍ മുതല്‍ വീട്ടില്‍ വളര്‍ത്തിയ പട്ടി ഹാരിപോര്‍ട്ടര്‍ വരെ രണ്ടാം ഭാഗത്തിലുമുണ്ട്. ഇതിന് പുറമേ വിഐപി എന്ന എഞ്ചിനീയറിംഗ് സംഘവും നായകന് ഒപ്പമുണ്ട്. ഇന്ത്യയിലെ മികച്ച എഞ്ചിനീയര്‍ക്കുള്ള അവാര്‍ഡിനെ നായകനെ തെരഞ്ഞെടുത്തതായി പ്രഖ്യാപിക്കുന്നയിടത്താണ് കഥ തുടങ്ങുന്നത്. വസുന്ധര എന്ന കാജോള്‍ അവതരിപ്പിക്കുന്ന കോടീശ്വരിയായ ബില്‍ഡര്‍ അവരുടെ കമ്പനിയിലേക്ക് നായകന്‍ രഘുവരനെ ക്ഷണിക്കുന്നു. എന്നാല്‍ ഈ ഓഫര്‍ രഘുവരന്‍ സ്വീകരിക്കുന്നില്ല, അവിടെ ആരംഭിക്കുന്ന ഇരുവരും തമ്മിലുള്ള സംഘര്‍ഷമാണ് കഥയുടെ കാതല്‍ എങ്കിലും, രക്ത ചൊരിച്ചില്‍ ഇല്ലാത്ത ചിത്രത്തിന്റെ ക്ലൈമാക്‌സ് മികച്ച സന്ദേശമാണ് നല്‍കുന്നത്.

രണ്ടാം ഭാഗത്തില്‍ എത്തുന്നതോടെ കഥാപാത്രങ്ങളുടെ സ്വഭാവത്തില്‍ വരുന്ന മാറ്റങ്ങള്‍ പലപ്പോഴും പ്രേക്ഷകന് ദഹിക്കുന്നില്ല എന്നാണു പ്രേക്ഷക പ്രതികരണങ്ങള്‍ കാണിക്കുന്നത്. ഒന്നാംഭാഗത്തിലെ നായിക അമലപോളിന്, രഘുവരന്റെ കാമുകി എന്ന റോളില്‍ നിന്നും ഭാര്യയായി വിഐപി 2 ല്‍ പ്രമോഷന്‍ ലഭിച്ചിട്ടുണ്ട്.

എന്നാല്‍ ഇതോടെ ഒന്നാം ഭാഗത്തില്‍ ഈ കഥാപാത്രം പുലര്‍ത്തിയിരുന്ന നിഷ്‌കളങ്കത പൂര്‍ണ്ണമായും നഷ്ടപ്പെട്ട് ഒരുതരം കൃത്രിമത്വത്തിലേക്ക് മാറുന്നു. പടയപ്പയിലെ രമ്യാ കൃഷ്ണന്റെ കാദംബരിയുടെ പുനഃ സൃഷ്ടി ആണ് കജോളിന്റെ വസുന്ധര എന്ന റോള്‍ അണിയിച്ചൊരുക്കിയിരിക്കുന്നത്. എന്നാല്‍ രമ്യാകൃഷ്ണന്റെ കാദംബരിയുടെ പ്രകടനത്തിനോട് മത്സരിക്കാന്‍ കാജോളിന് കഴിയുന്നില്ല എന്ന് പറയേണ്ടിവരും.

മലയാളിയായ സമീര്‍ താഹീറാണ് ചിത്രത്തിന്റെ ഛായഗ്രഹണം. ആ രീതിയില്‍ മികച്ച വര്‍ക്കാണെന്ന് പറയാം. സീന്‍ റോള്‍ഡന്റെ ഗാനങ്ങള്‍ അത്ര മികച്ച നിലവാരം പുലര്‍ത്തുന്നില്ലെങ്കിലും അനിരുദ്ധിന്റെ പാശ്ചാത്തല സംഗീതമാണ് ചില സമയങ്ങള്‍ ചിത്രത്തിന് ജീവന്‍ നല്‍കുന്നത് എന്ന് പറയാം. ചിത്രം റിലീസിന് മുമ്പ് സൃഷ്ടിച്ച അമിത പ്രതീക്ഷ ചിത്രത്തിന് തിരിച്ചടിയായി എന്നും പറയേണ്ടി വരും.

ഉണ്ണി മുകുന്ദന്‍െ കരിയറിലെ ഏറ്റവും മികച്ച കഥാപാത്രം:   ആദ്യ ഷോയില്‍ പ്രേക്ഷക മനസ്സുകള്‍ കീഴടക്കി ക്ലിന്റ്
Posted by
11 August

ഉണ്ണി മുകുന്ദന്‍െ കരിയറിലെ ഏറ്റവും മികച്ച കഥാപാത്രം: ആദ്യ ഷോയില്‍ പ്രേക്ഷക മനസ്സുകള്‍ കീഴടക്കി ക്ലിന്റ്

പ്രേക്ഷക മനസ്സുകള്‍ ഏറെ കാത്തിരുന്ന സിനിമയാണ് ഇന്ന് പ്രദര്‍ശനത്തിനെത്തിയ ഹരികുമാര്‍ എഴുതി സംവിധാനം ചെയ്ത ക്ലിന്റ്. ഒരു റിയല്‍ ലൈഫ് സ്റ്റോറിയെ ആസ്പദമാക്കി നിര്‍മ്മിച്ചിരിക്കുന്ന ഈ ചിത്രത്തിന്റെ തിരക്കഥാ രചനയില്‍ ഹരികുമാറിനൊപ്പം കെവി മോഹന്‍ കുമാറും പങ്കാളിയായിട്ടുണ്ട്. മാസ്റ്റര്‍ അലോക്, ഉണ്ണി മുകുന്ദന്‍, റിമ കല്ലിങ്ങല്‍ എന്നിവര്‍ പ്രധാന വേഷങ്ങളിലെത്തിയ ഈ ചിത്രം നിര്‍മ്മിച്ചിരിക്കുന്നത് പ്രശസ്ത സിനിമ നിര്‍മ്മാതാവായ ഗോകുലം ഗോപാലനാണ്. ശ്രീ ഗോകുലം മൂവിസിന്റെ ബാനറിലാണ് അദ്ദേഹം ഈ ചിത്രം നിര്‍മ്മിച്ചിരിക്കുന്നത്.

താന്‍ എന്ത് കൊണ്ടാണ് മലയാള സിനിമയിലെ മികച്ച സംവിധായകരിലൊരാളായി അറിയപ്പെടുന്നതെന്നു ഹരികുമാറെന്ന സംവിധായകന്‍ ഒരിക്കല്‍ കൂടി തെളിയിച്ചു ക്ലിന്റ് എന്ന ചിത്രത്തിലൂടെ . അത്ര മികച്ച രീതിയില്‍ തന്നെ ഈ ചിത്രം പ്രേക്ഷകന് മുന്നില്‍ അവതരിപ്പിക്കാന്‍ അദ്ദേഹത്തിന് സാധിച്ചു. റിയല്‍ ലൈഫ് സ്റ്റോറിയാണെങ്കിലും ഓരോ കഥാപാത്രത്തിനും കൊടുത്ത വ്യക്തിത്വത്തിലും അവരുടെ വൈകാരിക വശങ്ങളെ സൂക്ഷ്മമമായി അനാവരണം ചെയ്യുന്നതിലും കാണിച്ച കയ്യടക്കവും മാത്രം മതി ഒരു സംവിധായകന്‍ എന്ന നിലയില്‍ ഈ പ്രതിഭ വെച്ച് പുലര്‍ത്തുന്ന അച്ചടക്കം മനസ്സിലാക്കാന്‍. പൂര്‍ണ്ണമായും സംവിധായകന്റെ നിയന്ത്രണത്തില്‍ തന്നെയായിരുന്നു ചിത്രത്തിന്റെ കടിഞ്ഞാണ്‍. ക്ലിന്റ് എന്ന പ്രതിഭയുടെ ജീവിതത്തില്‍ സംഭവിച്ച ഓരോ കാര്യങ്ങളും പ്രേക്ഷകന് മുന്നില്‍ വളരെ മനോഹരമായും പ്രേക്ഷകന്റെ ഹൃദയത്തില്‍ തൊടുന്ന രീതിയിലും അവതരിപ്പിച്ച ഈ സംവിധായകന്‍ അഭിനന്ദനം അര്‍ഹിക്കുന്നു . ഒരു തുള്ളി എങ്കിലും കണ്ണീര്‍ പൊഴിക്കാതെ ഈ ചിത്രം നമ്മുക്ക് കണ്ടു തീര്‍ക്കാന്‍ കഴിയില്ല ..സംവിധായകന്റെയും തിരക്കഥ രചയിതാക്കളുടെയും വിജയമാണത്.

tiyan film review
Posted by
08 July

രാവണന്‍മാര്‍ കൂടുതല്‍ ഉള്ള കാലഘട്ടത്തില്‍ ഇത്തരം സിനിമ ആവശ്യം : ക്ലാസും മാസും ഹൊററും ചേര്‍ത്ത് കൈയ്യടിപ്പിച്ച് ടിയാന്‍

ഉറക്കത്തില്‍ നിന്നുമുണരുന്ന ഒരു നിമിഷാര്‍ദ്ധനേരം മാത്രമാണ് സ്വപ്നവും യാഥാര്‍ഥ്യവും തമ്മിലുള്ള അകലം. ഇവിടെ വാരണാസിയില്‍ നിന്നും മൈലുകള്‍ അകലെ കുടുംബത്തോടൊന്നിച്ചു താമസിക്കുന്ന പട്ടാഭിരാമഗിരി കാലങ്ങളായി അത്തരം ഒരു സ്വപ്നത്തിന്റെ തടവറയിലാണ്. വേദപണ്ഡിതനും ബ്രാഹ്മണകുലജാതനുമായ ടിയാന്‍ പൂര്‍ണ ദൈവസങ്കല്പത്തിലും മനുസ്മൃതിയിലും അടിയുറച്ചു വിശ്വസിക്കുന്ന നന്മ കാംക്ഷിക്കുന്ന ഒരു സാത്വികനാണ്. ഒരുനാള്‍ ഭക്തിയെ കച്ചവടമായി കാണുന്ന ഭഗവാന്‍ എന്ന ആള്‍ദൈവവും പട്ടാഭിരാമനും നേര്‍ക്കുനേര്‍ കാണേണ്ടിവരുന്നു. അവിടെ കുടിലതയുടെ കപടമുഖത്തിന് നേര്‍ക്ക് ഗിരിയുടെ സത്യപ്രജ്ഞതയുടെ വിജയം കാംഷിക്കാന്‍ മറ്റൊരഥിതി കൂടി കടന്നുവരുന്നു.fffsf

ഒറ്റ നോട്ടത്തില്‍ ക്ലാസും മാസും ഹൊററും ടെററും ചേര്‍ത്ത് കയ്യടിപ്പിചിരുത്താനുളള ശ്രമമാണ് ചിത്രം. അതേസമയം ആദിശങ്കരനില്‍ തുടങ്ങി ഇന്നിന്റെ മത ദൈവ സങ്കല്പങ്ങളിലെ മൂല്യവശത്തില്‍ ഭാരതം ഉറങ്ങിക്കിടക്കുന്ന ഹൈന്ദവസംസ്‌കാരത്തിന്റെ ഉണര്‍ത്തുപാട്ട് കൂടിയാണ് ടിയാന്‍. ഏകസ്വരൂപമായിരുന്ന ഭാരതമക്കള്‍ പലമതത്തിലായി വിഭജിച്ചുപോയെങ്കിലും ഒടുവില്‍ അവര്‍ അഭിരമിക്കുന്നത് ആ ഏകത്വത്തില്‍ ആണെന്ന് ഉറക്കെ ഉദ്‌ഘോഷിക്കുന്നുമുണ്ട് ടിയാന്‍. ഇന്ത്യന്‍ ജനത എന്നും നേരിടുന്ന ഏറ്റവും വലിയ പാതകമായ ഇന്ത്യന്‍ മുസ്ലിം എന്ന പ്രയോഗത്തെ അത്യന്തം ശക്തിയോടെ അടിവരയിട്ട് ഉറപ്പിക്കുന്നുമുണ്ട് ടിയാന്‍. ഇന്ത്യന്‍ ജനതയെ ഹിന്ദു / മുസല്‍മാന്‍ എന്ന വേര്തിരിവില്‍ നിര്‍ത്തി ഒടുവില്‍ പരിപൂര്‍ണ രക്ഷ പൂര്‍വമതത്തിന്റെ ലിപികളില്‍ മാത്രമെന്നും ഉളുപ്പില്ലാതെ പറഞ്ഞുവെക്കുന്നുണ്ട് ടിയാന്‍. അസ്ലം മുഹമ്മദ് എന്ന മുസല്‍മാന്‍ വീണ്ടും സത്യജന്മം ജനിക്കുന്നത് അഗോരികള്‍ക്കൊപ്പം, പഴയതെല്ലാം മറന്ന് മുന്നോട്ട് സത്യദീക്ഷ കാംഷിക്കുവാന്‍ പറഞ്ഞു വിടുമ്പോള്‍ സംഭാഷണസകലം ഇങ്ങനെ പോകുന്നു. ഹിന്ദുമതം പോലെ ശ്രേഷ്ടമത്രെ മുസ്ലിം മതവും.t
ഒളിച്ചുകടത്തുന്ന ഹൈന്ദവ അജണ്ട അതിന്റെ പൂര്‍ണതയില്‍ നില്‍ക്കുന്ന സിനിമാറ്റിക് എസ്‌പ്ലോസീവ് ആണ് വ്യാപക അര്‍ത്ഥത്തില്‍ ടിയാന്‍. ഗോമാത വിഷയത്തില്‍ അച്ഛന്‍ മകനെ തല്ലുന്നത് പ്രത്യക്ഷത്തില്‍ ഒരു കളിയാക്കല്‍ ആണെങ്കിലും അടിയുറച്ച വിശ്വാസസംഹിതയെ സംരക്ഷിച്ചു നിര്‍ത്തണം എന്നു തന്നെയാണ് ആവശ്യപ്പെടുന്നത്. ഇവിടെ പിന്തുടര്‍ന്ന് വരുന്ന ആചാരങ്ങള്‍ പിന്പറ്റാന്‍ മടി കാണിക്കേണ്ടതില്ല എന്നു തന്നെയാണ് ലേഖകന്റെയും അഭിപ്രായം. അതേസമയം അത് അടിച്ചേല്പിക്കല്‍ ആവുന്നതിനോട് യോജിപ്പുമില്ല. മഹാശയ് ഭഗവാന്‍ എന്ന ആള്‍ദൈവ കള്ളനാണയത്തോട് അകന്നുനില്‍ക്കാന്‍ ആവശ്യപ്പെടുന്ന ടിയാന്‍ തന്നെ വസുന്ധര എന്ന ആള്‍ദൈവത്തെ പ്രകീര്‍ത്ഥിക്കുന്നുമുണ്ട്. ആള്‍ദൈവങ്ങള്‍ തട്ടിപ്പ് എന്നതില്‍ നിന്നും മാറി ചിലര്‍ മാത്രം മോശം ബാക്കി ”അമ്മ’ സങ്കല്പങ്ങള്‍ അത്ര മോശമല്ല എന്നും പൊതിഞ്ഞു പറയുന്നുണ്ട് മേല്‍പടിയാന്‍.
ചതുര്‍വേദവും ചാതുര്‍വര്‍ണവും കെട്ടുപിണഞ്ഞു കിടക്കുന്ന ഭാരതീയ സംസ്‌കാരത്തില്‍ മനുഷ്യാ നീ മണ്ണാകുന്നു എന്നതില്‍ നിന്നും മനുഷ്യാ നീ ഈ മതമാകുന്നു എന്നും വിളിച്ചുപറയുന്നുണ്ട് ടിയാന്‍. പട്ടാഭിരാമന്റെ അവസാന ഉദ്‌ഘോഷവും അസ്‌ലവും ഗിരിയുമായുള്ള അവസാന കൂടിക്കാഴ്ചയും വ്യക്തമാക്കുന്നുണ്ട് ഈ വസ്തുത. അസ്ലം മുഹമ്മദ് എന്ന കഥാപാത്രത്തിന്റെ ശക്തി കേന്ദ്രത്തിന്റെ ഉറവിടം എന്തെന്നോ അയാളുടെ പ്രസക്തിയെന്തെന്നോ ശാസ്ത്രത്തെ തോല്പിച്ചുകൊണ്ടും സാമാന്യയുക്തിയെ വെല്ലുവിളിച്ചുകൊണ്ടും ഇടകലര്‍ത്തി പറയുന്നുണ്ട് സംവിധായകന്‍. അതേ സമയം തന്റെ കയ്യില്‍ കിട്ടിയ തിരക്കഥയെ സിനിമരൂപത്തില്‍ ആക്കിയത്തില്‍.പിഴച്ചില്ല ടിയാന്. ഉഗ്രന്‍ വിഷല്‍സ്, നല്ല vfx രംഗങ്ങള്‍, തകര്‍പ്പന്‍ പശ്ചാത്തല സംഗീതം. പ്രധാന കഥാപാത്രങ്ങളുടെ നല്ല പ്രകടനം ഉപയോഗിച്ചിരിക്കുന്ന കളര്‍ ടോന്‍ തുടങ്ങിയ മേഖലകളില്‍ എല്ലാം ഭേദപ്പെട്ട പ്രകടനം കാഴ്ച വെച്ചിട്ടുണ്ട് ടിയാന്‍. ടിയാന്‍ എന്ന പേരില്‍ പോലും ഒളിപ്പിച്ചു വെച്ച കൗതുകത്തെ സമര്‍ഥമായി വ്യക്തമായ അജണ്ടയില്‍ പ്രതിഷ്ഠ നടത്തുന്നുമുണ്ട് ടിയാന്‍. പട്ടാഭിയില്‍ നിന്നും അസ്ലമിലേക്കുള്ള ദൂരം ഒരു സ്വപ്നത്തില്‍ നിന്നും യാഥാര്‍ഥ്യത്തിലേക്കുള്ള ക്ഷണ നേരം കൊണ്ട് മാറുന്നത് പോലെ ടിയാന്‍ ജനതയെ അഡ്രസ്സ് ചെയ്യുന്നതും മൂല്യത്തിന്റെ അളവുകോല്‍ ആ പ്രത്യേക മതവിഭാഗത്തിന്റെ മൂലക്കല്ലിലേക്ക് കയറ്റി കെട്ടിക്കൊണ്ടാണ്. ഹിന്ദു / ക്രിസ്ത്യന്‍ / മുസ്‌ലിം തുടങ്ങി മനുഷ്യനെ ഭിന്നിപ്പിന്റെ പാതയിലെത്തിച്ച മതവിഭാഗങ്ങളോട് എനിക്ക് യോജിപ്പില്ല. എല്ലാ ഭാരതീയനും സ്വന്തം സഹോദരനാണ് എന്ന രാഷ്ട്രത്തിന്റെ വിശ്വാസ സംഹിത ഉള്‍ക്കൊള്ളുന്ന എന്നെ സംബന്ധിച്ചിടത്തോളം പരസ്പര സ്‌നേഹത്തെക്കാള്‍ വലിയ ദൈവമുമില്ല. ഞാന്‍ നിയാകുന്നു, നി ഞാനാകുന്നു എന്ന ആശയത്തോട് മാത്രം സിനിമയില്‍ യോജിപ്പ് പ്രകടിപ്പിക്കുമ്പോഴും ആ ഞാന്‍ വേദന്തങ്ങളിലും ദ്രാവിഡ സംസ്‌കാരത്തിലും ഉരുവായി ഞാനായി മാറി എന്നതിനെ എതിര്‍ക്കാതെ തരവുമില്ല.
സിനിമാറ്റിക് ആയും പൊളിറ്റിക്കല്‍ ആയും കയ്യടിച്ചിരുത്തേണ്ട ഒന്നല്ല കയ്യകലത്തില്‍ നിര്‍ത്തേണ്ട ഒന്നു മാത്രമാണ് ടിയാന്‍. അതിസങ്കീര്ണവും പ്രത്യക്ഷത്തില്‍ പിടിതരാത്തതുമായ ഒട്ടനവധി മുഹൂര്‍ത്തങ്ങള്‍ കോര്‍ത്തിണക്കിയ ശരാശരിക്കും താഴെ നില്‍ക്കുന്ന സിനിമനുഭവം മാത്രമാണ് ടിയാന്‍.
ദൈവിക സാന്നിധ്യവും മൂല്യങ്ങളും വ്യക്തവും സ്പഷ്ടവുമായി പറഞ്ഞുവെച്ച നന്ദനം പോലുള്ള ചിത്രങ്ങള്‍ മുന്‍മാതൃക ആയി നില്‍ക്കുമ്പോള്‍ ഏകലവ്യനില്‍ പ്രേതം കൂടിയ ഈ ഒളിച്ചുകടത്തല്‍ എന്തിന് എന്നതും ചിന്താവിഷയം.

കടപ്പാട് : ജോണി വെള്ളിക്കാല
മൂവി സ്ട്രീറ്റ് ഫേസ്ബുക്ക് പേജ്

thondimuthalum driksakshium  review
Posted by
30 June

പോത്തന്‍സ് ബ്രില്യന്‍സ് വീണ്ടും: തീയ്യേറ്റര്‍ കീഴടക്കി തൊണ്ടിമുതലും ദൃക്‌സാക്ഷിയും

പണ്ടൊക്കെ സൂപ്പര്‍താര സിനിമകള്‍ക്കും, പിന്നെപ്പിന്നെ മണിരത്‌നം സിനിമകള്‍ക്കും, ഏറ്റവും ഒടുവില്‍ ‘ബാഹുബലി’യ്ക്കും ഒക്കെ വേണ്ടി റിലീസ് ദിവസത്തിന്റെ തലേദിവസം അനുഭവിച്ച അതേ മാനസിക സമ്മര്‍ദ്ദങ്ങള്‍ കണ്ടത് ഇന്നാണ്. പോത്തേട്ടന്‍ ബ്രില്യന്‍സിലൊരുങ്ങുന്ന തൊണ്ടിമുതലും ദൃക്‌സാക്ഷിയുടേയും കാത്തിരിപ്പ്. പടം എത്തി. പ്രേക്ഷക പ്രതികരണങ്ങളും വന്നു. സംഭവം തകര്‍ത്തതായി ആരാദകര്‍. ആദ്യത്തെ സിനിമ ഹിറ്റായ സംവിധായകര്‍ക്ക് അവരുടെ ജീവിതത്തിലെ ഏറ്റവും വലിയ പരീക്ഷണമാണ് രണ്ടാമത്തേത്. ചക്കയും, മുയലും ഒന്നുമല്ല കാര്യമെന്ന് തെളിയിക്കണം, അതാ പ്രശ്‌നം. പക്ഷെ ഇവിടെ ദിലീഷ് പോത്തന് അതിന്റെ ആവശ്യമില്ല. കാരണം, ‘മഹേഷിന്റെ പ്രതികാരം’ എന്ന ആദ്യത്തെ സിനിമ ‘A Dileesh Pothan Movie’ എന്ന് അന്തസ്സോടെ, ഒരല്‍പ്പം അഹങ്കാരത്തോടെ പറയാന്‍ പറ്റിയ ഒന്നു തന്നെയായിരുന്നു. എന്തായാലും ‘മഹേഷിന്റെ പ്രതികാരം’ എന്ന ബാധ്യതയില്ലാതെ, പുതിയ ഒരു സിനിമ കാണാനെന്നോണം മനസ്സിനെ പാകപ്പെടുത്തിയെടുക്കാന്‍ ശ്രമിച്ച ആരാധകരെ നിരാശരാക്കിയില്ല.

ഇടുക്കിയുടെ ഗ്രാമീണ ജീവിതത്തെയും ഭൂപ്രകൃതിയെയും പ്രത്യേകതകളെയുമൊക്കെ കഥ പറച്ചിലിന്റെ ഭാഗമാക്കിയ മഹേഷിന്റെ പ്രതികാരത്തില്‍ പോലെ, തൊണ്ടിമുതലും ദൃക്‌സാക്ഷിയും കാസര്‍ഗോഡാണ് ചിത്രീകരിച്ചത്. മലയാള സിനിമയില്‍ കാസര്‍ഗോഡന്‍ അന്തരീക്ഷം അധികം വന്നിട്ടില്ല. കഥ നടക്കുന്ന പ്രദേശം സിനിമയെ സംബന്ധിച്ചിടത്തോളം പ്രധാനമാണ്. മഹേഷിന്റെ പ്രതികാരം എന്ന കഥ പറയാന്‍ ആ നാടും ആ നാടിന്റെ സവിശേഷതകളും അവിടെയുള്ളവരുടെ ജീവിതരീതിയും പരാമര്‍ശിക്കേണ്ടത് അനിവാര്യമായിരുന്നു. ഈ സിനിമയില്‍ അങ്ങനെ വേണമെന്ന് തോന്നിയില്ല. ഈ കഥ ഏത് പ്രദേശത്തും പ്ലേസ് ചെയ്യാവുന്ന ഒന്നാണ്. എറണാകുളത്ത് സംഭവിച്ചാലും കോഴിക്കോട് സംഭവിച്ചാലും വലിയ മാറ്റങ്ങളൊന്നുമുണ്ടാകില്ല. പ്ലോട്ടിനെയും കഥാപാത്രങ്ങളെയും കേന്ദ്രീകരിച്ച് നീങ്ങുന്ന സിനിമയാണ് ഇത്. ഇടുക്കിയിലെ പ്രകാശ് സിറ്റിയിലെ ഒരു കൂട്ടം മനുഷ്യരുടെ കഥയെന്നതിനൊപ്പം ആ പ്രദേശത്തിന്റെ കഥ തന്നെയായിരുന്നു മഹേഷ്. മൂന്നോ നാലോ ദിവസത്തിനുള്ളില്‍ നടക്കുന്ന മൂന്ന് നാല് വ്യക്തികള്‍ക്കുള്ളില്‍ നടക്കുന്ന കഥയാണ് തൊണ്ടിമുതലും ദൃക്‌സാക്ഷിയും. സിനിമയിലെ പല പ്രധാന കഥാപാത്രങ്ങളും കാസര്‍ഗോഡുകാരല്ല.മഹേഷിന്റെ പ്രതികാരത്തേക്കാള്‍ റിയലിസ്റ്റിക് ആണ് തൊണ്ടിമുതലും ദൃക്‌സാക്ഷിയും. മഹേഷിനെക്കാള്‍ സിനിമാറ്റിക് എലമെന്റ് കുറവാണ് ഈ സിനിമയില്‍. അത് ഈ പ്ലോട്ടിന്റെ പ്രത്യകത കൊണ്ടാണ്. കുറേക്കൂടി റിയലിസ്റ്റിക് പരിചരണമാണ് ഈ കഥയില്‍.

രാജീവ് രവിയുടെ ഛായാഗ്രഹണം ഒരിക്കലും ഈ സിനിമയ്ക്ക് മുകളില്‍ മുഴച്ചുനില്‍ക്കില്ല. ഒരു സിനിമാട്ടോഗ്രഫറും സമ്മതിക്കാത്ത ഷോട്ടുകളും അദ്ദേഹം ഉപയോഗിച്ചിട്ടുണ്ട്. മഹേഷിന്റെ പ്രതികാരം എന്ന സിനിമയുടെ ബാദ്ധ്യതകളില്ലാതെ ഈ സിനിമ കണ്ടാല്‍ കൂടുതലായി ആസ്വദിക്കാനാകുമെന്നാണ് വിശ്വാസം. മഹേഷ് കാണാന്‍ എത്രത്തോളം സ്വതന്ത്രമായാണോ വന്നത് അതുപോലെ പുതിയൊരു ചിത്രമായി മറ്റൊരു മുന്‍വിധിയുമില്ലാതെ ഈ സിനിമയും കാണാം. ഈ സിനിമ കണ്ടിട്ട് ഇഷ്ടപ്പെട്ടാല്‍ ഒരു വട്ടം കൂടി കാണൂ എന്ന് മാത്രം പറഞ്ഞ് ഒരിക്കല്‍ കൂടി പോട്ടേട്ടന്‍ ബ്രില്യന്‍സിനു മുന്നില്‍ നമിക്കുന്നു.

movie Bahubali 2: The Conclusion review by roopasree
Posted by
29 April

കണ്ണെടുക്കാന്‍ വിടാത്ത കാഴ്ച, മനസുനിറയ്ക്കുന്ന പെണ്‍നിര; ജനപ്രിയതയുടെ മര്‍മ്മമറിഞ്ഞ ഇന്ത്യന്‍ സിനിമയിലെ ബ്രഹ്മാണ്ഡം ബാഹുബലി 2

-രൂപശ്രീ

കട്ടപ്പ എന്തിന് ബാഹുബലിയെ കൊന്നു? രണ്ടുവര്‍ഷത്തോളം പ്രേക്ഷകരുടെ തലപുകച്ച ചോദ്യത്തിന് ഒടുക്കം ഉത്തരം കിട്ടി. ബാഹുബലിയുടെ രണ്ടാം പകുതിക്കുവേണ്ടി രണ്ടു വര്‍ഷത്തെ കാത്തിരിപ്പ് എന്തിനെന്ന ചോദ്യത്തിന്റെ മറുപടി ചിത്രം തന്നു കഴിഞ്ഞു. സിനിമ കണ്ടിറങ്ങുമ്പോള്‍ മനസിലാകും ഈ കാത്തിരിപ്പ് അനിവാര്യമായിരുന്നെന്ന്. അതെ, ഒരൊറ്റ സ്‌ട്രെച്ചില്‍ പറഞ്ഞു തീര്‍ക്കാനോ കണ്ടുതീര്‍ക്കാനോ കഴിയുന്നതല്ല ബാഹുബലിയുടെ കഥ. രണ്ടാം പകുതിയിലൂടെ ചിത്രം പൂര്‍ത്തിയാകുമ്പോള്‍ മഹേന്ദ്ര ബാഹുബലിയിലൂടെ, പിതാവ് അമരേന്ദ്ര ബാഹുബലിയിലേക്കുള്ള ബ്രഹ്മാണ്ഡ യാത്രാനുഭവമാകും ബാഹുബലി.

പാഴാകാത്ത കാത്തിരിപ്പ്

ലോകസിനിമയില്‍ ഇതാദ്യമാകും ഒരു സിനിമയ്ക്കിടെ രണ്ടുവര്‍ഷത്തെ ഇടവേള. ക്ഷമയോടെ കാത്തിരുന്ന പ്രേക്ഷകര്‍ക്ക് മനസ് നിറഞ്ഞ് തുളുമ്പാനുള്ള വക കരുതിയിട്ടുണ്ട് സംവിധായകന്‍ എസ്എസ് രാജമൗലി. മഹിഷ്മതി രാജ്യത്തിന്റെ കരുത്തനായ പോരാളി ബാഹുബലിയെ (പ്രഭാസ്) വിശ്വസ്തനായ സേനാധിപന്‍ കട്ടപ്പ (സത്യരാജ്) കൊന്നു എന്ന സസ്‌പെന്‍സില്‍ ഫുള്‍സ്‌റ്റോപ്പിട്ട ഒന്നാം പകുതിയേക്കാള്‍ എന്തുകൊണ്ടും മികവു പുലര്‍ത്തിയിട്ടുണ്ട് ചിത്രത്തിന്റെ രണ്ടാം ഭാഗം. 250 കോടി മുടക്കി നിര്‍മ്മിച്ച രണ്ടാം പകുതി ദൃശ്യഭംഗികൊണ്ടും അഭിനയത്തികവുകൊണ്ടും കഥപറച്ചില്‍ കൊണ്ടും സംവിധാനമികവുകൊണ്ടും പ്രേക്ഷകരെ അമ്പരപ്പിക്കുക തന്നെ ചെയ്യും.

baahu-story_647_022417113846

ഒടുവില്‍ ഉത്തരം കിട്ടി

തുടക്കം മുതല്‍ തന്നെ പ്രേക്ഷകര്‍ കാത്തിരുന്നത് ആ ഉത്തരത്തിന് വേണ്ടിയായിരുന്നു. എന്നാല്‍ ഇടവേളവരെയും അതിനുള്ള ഉത്തരം തരാതെ ബാഹുബലി നമ്മെ പിടിച്ചിരുത്തും. മഹിഷ്മതിക്ക് പ്രിയങ്കരനായ അമരേന്ദ്ര ബാഹുബലിയുടെ ജീവിതത്തിലേക്കുള്ള ദേവസേനയുടെ വരവും സഹോദരന്‍ പല്ലവതേവനുമായുളള തര്‍ക്കവും രാജ്യനഷ്ടവുമെല്ലാമാണ് ബാഹുബലി 2 പറയുന്ന കഥ. പട്ടാഭിഷേകത്തിനു മുന്‍പ് ദിഗ് വിജയത്തിനായി അമ്മ ശിവകാമി (രമ്യാകൃഷ്ണന്‍) ബാഹുബലിയെ കട്ടപ്പയ്‌ക്കൊപ്പം പറഞ്ഞുവിടുന്നു. ഇതിനിടയില്‍ ജീവിതസഖിയായ ദേവസേന (അനുഷ്‌ക)യെയും കൊണ്ട് രാജ്യത്തേക്ക് മടങ്ങിവന്ന ബാഹുബലിക്ക് സഹോദരന്‍ പല്ലവതേവന്റെയും (റാണ ദഗ്ഗുപതി) മന്ത്രിയായ പിന്‍ഗളതേവന്റെയും (നാസര്‍) കുതന്ത്രത്തില്‍ രാജകൊട്ടാരം വിട്ട് പുറത്തുപോകേണ്ടിവരുന്നു. പിന്നീട് സാധാരണക്കാര്‍ക്കൊപ്പം ജനകീനായി ജീവിക്കുന്ന ബാഹുബലി മഹിഷ്മതിയുടെ ജനസമ്മതനായ നേതാവായി മാറും.

കണ്ണെടുക്കാന്‍ വിടാത്ത കാഴ്ച

മൂന്നു മണിക്കൂര്‍ ഇമവെട്ടാന്‍ പോലും ഇടകിട്ടിയെന്നു വരില്ല. കെകെ സെന്തില്‍ കുമാറിന്റെ ഛായാഗ്രഹണ മികവും മനംകവരുന്ന ഗ്രാഫിക്‌സുകളും ബാഹുബലിയെ ഒരു മായക്കാഴ്ചയാക്കും. സ്‌ക്രീനില്‍ നിന്ന് ഒരു നിമിഷം പോലും കണ്ണെടുക്കാന്‍ വിടാത്ത ബാഹുബലി 2 തെന്നിന്ത്യന്‍ സിനിമയുടെ അഭിമാനമായി മാറിക്കഴിഞ്ഞു. സാങ്കേതികത്തികവില്‍ നിറയുന്ന കാഴ്ചകള്‍ കാണാതെ പോയാല്‍ ഒരുപക്ഷേ ഒരു മനുഷ്യായുസിന്റെ വലിയ നഷ്ടമാകും അത്. മഹിഷ്മതിയിലെ കൊട്ടാരവും കോട്ടകൊത്തളങ്ങളും സങ്കല്പങ്ങളെ പോലും കവച്ചുവച്ചേക്കും. എന്നാല്‍ മുഴുനീളെ മായക്കാഴ്ചകള്‍ നല്‍കി യാഥാര്‍ത്ഥ്യത്തില്‍ നിന്ന് വിട്ടുപോകുന്നുമില്ല ചിത്രം. ബാഹുബലി ആദ്യ ഭാഗം നല്‍കിയ ഫാന്റസി എലിമെന്റുകള്‍ ഒരു പൊടിക്ക് കുറച്ചത് സിനിമയെ കൈപ്പിടിയില്‍ നിര്‍ത്തി.

psoter

മനസുനിറയ്ക്കുന്ന പെണ്‍നിര

ഒന്നാം ഭാഗത്തില്‍ ബാഹുബലിയും കട്ടപ്പയുമാണ് മനസില്‍ തങ്ങി നിന്നതെങ്കില്‍ ഇത്തവണ ദേവസേനയും ശിവകാമിയും പ്രേക്ഷകഹൃദയത്തില്‍ വലിയൊരു ചാരുകസേരയിട്ട് ഇരുന്നു. ശിവകാമിയായി രമ്യാകൃഷ്ണന്‍ ഇത്തവണയും ഞെട്ടിച്ചു. ശിവകാമിക്ക് മികച്ച എതിരാളിയായി അഭിനയം കൊണ്ടും കഥാപാത്രത്തിന്റെ ആഴം കൊണ്ടും ദേവസേന നിവര്‍ന്നുനിന്നു. ബാഹുബലിക്കു സമമായി മഹിഷ്മതിയുടെ അങ്കത്തട്ടില്‍ നിവര്‍ന്നു നിന്ന് ആജ്ഞകളും അധികാരവും കൈയാളുന്ന സ്ത്രീകളാണ് ഇവര്‍ രണ്ടുപേരും. ബാഹുബലിയോട് തോള്‍ചേര്‍ന്നു നില്‍ക്കുന്ന പങ്കാളിയായി ദേവസേനയും മഹിഷ്മതിക്ക് അധികാരസ്വരമായ ശിവകാമിയും ചിത്രത്തിന്റെ നെടുംതൂണുകളാണ്. മഹേന്ദ്ര ബാഹുബലിയുടെ വളര്‍ത്തമ്മയായെത്തുന്ന രോഹിണിയെയും രണ്ടാം പകുതിയില്‍ പ്രാധാന്യത്തോടെ പരിഗണിച്ചിട്ടുണ്ട്. മഹേന്ദ്ര ബാഹുബലിയുടെ നായിക അവന്തിക (തമന്ന) ഒടുക്കം ചില ഷോട്ടുകളില്‍ മാത്രം നിലനിര്‍ത്തിയതും ഉചിതമായി.

കെഎം കീരവാണിയുടെ സംഗീതമികവ് ഇത്തവണയും വിസ്മരിക്കാനാവില്ല. വസ്ത്രാലങ്കാരവും മാസ്മരിക സെറ്റുകളും നീണ്ട താരനിരയും പിന്നണി പ്രവര്‍ത്തകരും ഒത്തുപിടിച്ചപ്പോള്‍ ഇന്ത്യന്‍ സിനിമാ പോക്കറ്റില്‍ വീണ്ടുമൊരു ബ്രഹ്മാണ്ഡ ഹിറ്റ് ചരിത്രം തീര്‍ത്തു ബാഹുബലി.

(മാധ്യമപ്രവര്‍ത്തകയാണ് ലേഖിക)

error: This Content is already Published.!!