Sun light Causes Skin to Age
Posted by
09 March

വെയില്‍കൊള്ളാതിരുന്നാല്‍ ഇരുപത് വയസ്സ് കുറയ്ക്കാം

വേനല്‍ക്കാലം വന്നെത്തിയാല്‍ എല്ലാവര്‍ക്കും ആധിയാണ്. ചൂടുകൂടി… സൗന്ദര്യസംരക്ഷണത്തില്‍ കൂടുതല്‍ ശ്രദ്ധിക്കേണ്ടതായിട്ടുവരും. ശരീരം പെട്ടെന്ന് ക്ഷീണിക്കും ഇങ്ങനെ ഒട്ടനവധി പ്രശ്‌നങ്ങള്‍ കൂടെവരും.
വേനലില്‍ ചര്‍മ്മം കണ്ടാല്‍ പ്രായം തോന്നാതിരിക്കാന്‍ സൂര്യതാപം ഒഴിവാക്കണമെന്നാണ് പുതിയ പഠനങ്ങള്‍ പറയുന്നത്

ശരീരത്തെ വെയിലേല്‍ക്കാതെ സൂക്ഷിച്ചാല്‍ കാണാന്‍ 20 വര്‍ഷം വരെ ചെറുപ്പമായി തോന്നുമെന്നാണ് കണ്ടെത്തല്‍. സൂര്യതാപം ഏല്‍ക്കാതിരിക്കുകയും, സണ്‍സ്‌ക്രീന്‍ ഉപയോഗിക്കുകയും ചെയ്യുന്നവര്‍ക്ക് ശരിക്കുമുള്ളതിന്റെ 20 വയസുവരെ കാഴ്ചയില്‍ പ്രായം കുറവ് തോന്നുമെന്നാണ് പഠനം കണ്ടെത്തിയിരിക്കുന്നത്. അമേരിക്കയിലെ മസാചൂസിറ്റ്‌സിലെ ഗവേഷകര്‍ നടത്തിയ പഠനത്തിലാണ് കണ്ടെത്തലുള്ളത്. അമേരിക്കന്‍ അക്കാദമി ഓഫ് ഡെര്‍മ്മറ്റോളജിയിലാണ് പഠന റിപ്പോര്‍ട്ട് അവതരിപ്പിച്ചത്.

231 സ്ത്രീകളെയാണ് പഠനത്തിന് വിധേയരാക്കിയത്. കൃത്യമായ വ്യായാമവും, രാത്രിയില്‍ നന്നായി വെള്ളം കുടിക്കുന്നതും മികച്ച ഉറക്കവുമെല്ലാം ചര്‍മ്മത്തിന്റെ പ്രായക്കുറവിന് കാരണമായി പലരും പറയുന്നുണ്ട്. എന്നാല്‍ ധാരാളം വെള്ളം കുടിക്കുന്നതിന് സൗന്ദര്യവുമായി വലിയ ബന്ധമില്ലെന്നാണ് ഗവേഷണത്തിന് നേതൃത്വം നല്‍കിയ ഡോ. അലക്‌സ കിംബോള്‍ പറയുന്നത്. എത്രമാത്രം വെള്ളം ആവശ്യമാണെന്നത് തിരിച്ചറിയാന്‍ ശരീരത്തിന് കഴിയുമെന്നും, അധികം വെള്ളം കുടിക്കുന്നതിന് വലിയ മാറ്റമുണ്ടാകാനാകില്ലെന്നും അവര്‍ പറയുന്നു.

സ്ത്രീകളുടെ തൊലിയില്‍ നടത്തിയ ഡിഎന്‍എ പരിശോധനയില്‍, സൂര്യതാപം കൊണ്ടുണ്ടാകുന്നത് ഗുരുതരമായ തകരാറുകളാണെന്ന് കണ്ടെത്തിയിട്ടുണ്ട്. മുഖത്തുനിന്നെടുത്ത തൊലിയില്‍ കാണപ്പെടുന്ന സിഡികെഎന്‍2എ എന്ന ജീന്‍, മറ്റ് ശരീരഭാഗങ്ങളേക്കാള്‍ കൂടുതല്‍ സജീവമായി കാണപ്പെടുന്നതായും പഠനം കണ്ടെത്തിയിട്ടുണ്ട്. കൂടുതല്‍ പ്രായമായി കാണപ്പെടുന്ന, സൂര്യതാപമേല്‍ക്കുന്ന സ്ത്രീകളിലും ഈ ജീന്‍ കൂടുതല്‍ സജീവമാണെന്നും കണ്ടെത്തലുണ്ട്.

സജീവമായ സിഡികെഎന്‍2എ ജീനിന്റെ പ്രകടനം, സെല്ലുകള്‍ പ്രായമായി വിശ്രമം ആവശ്യപ്പെടുന്നതിന്റെ സൂചനയാണെന്നും ഡോ കീംബോള്‍ പറയുന്നു. ചര്‍മ്മത്തിന് പ്രായമാകുന്നതിനെക്കുറിച്ചുള്ള ആധികാരിക പഠനമാണ് നടന്നതെന്ന് പ്രമുഖ ശാസ്ത്രജ്ഞന്‍ ഡോ. ഫ്രോക് ന്യൂസറും അഭിപ്രായപ്പെട്ടു. ദിവസവും സൂര്യതാപത്തില്‍ നിന്ന് ചര്‍മ്മത്തെ സംരക്ഷിക്കാനുള്ള നടപടികള്‍ സ്വീകരിക്കണമെന്നും പഠനം നിര്‍ദേശിക്കുന്നു.

Veena’s Curry World; Pravasi Women’s kitchen recipes
Posted by
08 March

പാചകം ഇഷ്ടപ്പെടുന്നവര്‍ക്കും നല്ല ഭക്ഷണം ആഗ്രഹിക്കുന്നവര്‍ക്കും പ്രവാസലോകത്തുനിന്നും വ്യത്യസ്ത റെസിപ്പികളുമായി ഒരു വീട്ടമ്മ

പാചകം ഇഷ്ടപ്പെടുന്നവര്‍ക്കും നല്ല ഭക്ഷണം ഉണ്ടാക്കണമെന്ന് ആഗ്രഹിക്കുന്നവര്‍ക്കും തനി നാടന്‍ രുചിയിലുള്ള വ്യത്യസ്ത റസിപ്പികളുമായി പ്രവാസി വീട്ടമ്മയുടെ വീണാസ് കറിവേള്‍ഡ്. തൃശൂര്‍ സ്വദേശിനി വീണയുടെ റസിപ്പികളുമായുള്ള വെബ്‌സൈറ്റ് ശ്രദ്ധേയമാവുകയാണ്.

വീട്ടമ്മയായ വീണ അമ്മയില്‍ നിന്നും പഠിച്ച പാചകപാഠങ്ങളും സുഹൃത്തുക്കളില്‍ നിന്നും പഠിച്ചവയും ഉള്‍പ്പെടുത്തിയാണ് തന്റെ വൈഡ് വെറൈറ്റി കറികള്‍ തയ്യാറാക്കുന്നത്. റെസിപ്പികളെല്ലാം വീണ വീഡിയോ സഹിതം ഉണ്ടാക്കി കാണിക്കുന്നുണ്ട്. താനെല്ലാം ഉണ്ടാക്കി പരീക്ഷിച്ചിട്ടാണ് പോസ്റ്റ് ചെയ്യുന്നതെന്നും വീണ പറയുന്നു. വെജ്, നോണ്‍വെജുമായി വീണയുടെ റെസിപ്പിയില്‍ എല്ലാ വിഭവങ്ങളുമുണ്ട്.
പെരിഞ്ഞനം സ്വദേശിനിയായ വീണ ദുബായില്‍ സ്ഥിരതാമസമാണ്. ഭര്‍ത്താവ് ജാന്‍ ജോഷി, രണ്ട് മക്കളുണ്ട്.

ചൈനീസ് ഡിഷസ്, വിവിധതരം ഡിസേര്‍ട്ടുകള്‍, സദ്യവിഭവങ്ങള്‍, നോര്‍ത്ത് ഇന്ത്യന്‍ ഫുഡ്‌സ്, വിവിധ തരം അച്ചാറുകള്‍ തുടങ്ങി വളരെ വ്യത്യസ്തമായ റെസിപ്പികള്‍ വീണയുടെ കൈവശമുണ്ട്. പാചകത്തിലെ സംശയങ്ങളും അഭിപ്രായങ്ങളും വീണയുമായി പങ്കുവയ്ക്കുകയും ചെയ്യാം.

Leela Santhosh Tribal Director to Malayalam movie
Posted by
08 March

ആദിവാസി ഉൗരില്‍ നിന്നൊരു സംവിധായിക; കാടും മലയും കടന്ന് മലയാള സിനിമയിലേക്ക് ലീല സന്തോഷ്

സ്ത്രീയുടെ സ്വപ്‌നങ്ങള്‍ക്ക് അതിരുകളില്ലെന്നും സാഹചര്യങ്ങള്‍ക്ക് അവളുടെ സ്വപ്‌നങ്ങള്‍ കടിഞ്ഞാണിടാന്‍ ആവുകയില്ലെന്നും ലീല സന്തോഷിന്റെ ജീവിതം പറയുകയാണ്. ആദിവാസി സമൂഹത്തില്‍ നിന്നു മലയാള സിനിമാലോകത്തേക്കെത്തുന്ന ആദ്യത്തെ സംവിധായികയാണ് ലീല സന്തോഷ്. വയനാട്ടിലെ വനാന്തരങ്ങളില്‍ നിന്നും മലയാളസിനിമയ്‌ക്കൊരു സംവിധായിക പിറവിയെടുക്കുകയാണ്. വെള്ളവും വെളിച്ചവും ഇന്നും ചെന്നത്തൊത്ത കുടിലില്‍ നിന്നും ലീല സന്തോഷ് കണ്ട സ്വപ്‌നം യാഥാര്‍ത്ഥ്യമാവുകയാണ്.
യുവതാരങ്ങളായ ഫഹദ് ഫാസിലും മാളവികയും ഇഷ തല്‍വാറുമൊക്കെ ഒന്നിക്കുന്ന നാളെ എന്ന സിനിമയുടെ സഹസംവിധായികയുടെ കുപ്പായത്തിലാണ് ലീലയിപ്പോള്‍.

2തനിക്കുചുറ്റുമുള്ള അവിവാഹിതരായ അമ്മമാരുടേയും, സഹായത്തിന്റെ കൈ തൊടാന്‍ ആരുമില്ലാത്ത ആദിവാസി സ്ത്രീകളുടെയും നിലവിളികള്‍ നല്‍കിയ ധൈര്യത്തില്‍ നിന്നാണ് ലീല സന്തോഷ് എന്ന സംവിധായിക പിറവിയെടുത്തത്. ഔപചാരിക വിദ്യാഭ്യാസത്തിനായി ഇവര്‍ ഒരു സ്‌കൂളിലും പോയി പഠിച്ചിട്ടില്ല. എന്നാല്‍ അനുഭവങ്ങള്‍ പകര്‍ന്നു നല്‍കിയ പാഠങ്ങളിലൂടെ ഇവര്‍ ജീവിതത്തില്‍ വളരെയേറെ മുന്നേറിക്കഴിഞ്ഞു. പണിയ എന്ന ആദിവാസി വിഭാഗത്തില്‍പ്പെട്ട ലീല വയനാട് നടവയല്‍ സ്വദേശികളായ ശ്രീധരന്റെയും റാണിയുടെയും മകളാണ്. കാടിന്റെ പച്ചപ്പും സ്വച്ഛതയുമൊക്കെ തൊട്ടറിഞ്ഞ അമ്മയാണ് ലീല. മൂന്നു കുഞ്ഞുങ്ങളുടെ അമ്മ കൂടിയായ ലീല സ്വന്തം നാടിന്റെയും നാട്ടുകാരുടെയും ജീവിതവും ആചാരങ്ങളും അനുഷ്ഠാനങ്ങളും പറഞ്ഞു കൊണ്ടാണ് ക്യാമറയ്ക്ക് പിന്നിലേക്ക് വരുന്നത്.

റേഡിയൊയും ടെലിവിഷനും സിനിമാപോസ്റ്ററുകളും.. വയനാട്ടിലെ കൊട്ടകയില്‍ വല്ലപ്പോഴുമെത്തുന്ന സിനിമയും ഇതായിരുന്നു കുട്ടിക്കാലത്തെ സിനിമാബന്ധങ്ങള്‍. പക്ഷേ സ്വപ്‌നങ്ങളില്‍ എപ്പോഴും സിനിമതന്നെയായിരുന്നു. കുട്ടിക്കാലത്തെ പഠനകാലമാണ് സിനിമയിലേക്ക് കൂടുതല്‍ അടുപ്പിച്ചത്. സാധാരണ സ്‌കൂളിലായിരുന്നില്ല പഠനം. ഗുരുകുല വിദ്യാഭ്യാസരീതിയിലുള്ള കനവ് എന്ന സ്ഥാപനത്തിലായിരുന്നു പഠിച്ചത്. കെജെ ബേബി എന്ന സാമൂഹ്യപ്രവര്‍ത്തകന്റെ ബദല്‍ വിദ്യാഭ്യാസ സ്ഥാപനമായിരുന്നു കനവ്. ക്ലാസ് മുറിയും ബ്ലാക്‌ബോര്‍ഡും വടിയുമായി നില്‍ക്കുന്ന അധ്യപകരും ഇവിടെയില്ലായിരുന്നു. ഇഷ്ടമുള്ളതൊക്കെ പഠിക്കാം, കളിക്കാം, വായിക്കാം, യാത്ര പോകാം. എഴുത്തും വായനയും യാത്രയും സിനിമയുമൊക്കെ അറിയുന്നതും ഇഷ്ടപ്പെടുന്നതും കനവിലൂടെയാണ്.

കനവിലെ വര്‍ക്ക്‌വര്‍ക്ക്‌ഷോപ്പുകളാണ് സംവിധാനത്തെ കുറിച്ച് ലഭിച്ച ആകെയുള്ള ഔദ്യോഗിക പരിശീലനം. പഠന കാലയളവില്‍ വികെ ജോസഫ് സംവിധാനം ചെയ്ത ‘ഗുഡ’ എന്ന സിനിമയില്‍ സഹസംവിധായികയായി സിനിമാലോകത്തേക്കെത്തി. 2010ല്‍ ഗുഡയുടെ ചിത്രീകരണം തുടങ്ങി. പൂര്‍ണ്ണമായി ആദിവാസി ഭാഷയില്‍ ചിത്രീകരിച്ച ആദ്യ സിനിമയായിരുന്നു ഗുഡ. പിന്നീട് സ്വന്തമായി ചിത്രം എന്ന സ്വപ്‌നവും ‘നിഴലുകള്‍ നഷ്ടപ്പെടുന്ന ഗോത്രഭൂമി’ എന്നഡോക്യൂമെന്ററിയിലൂടെ സാക്ഷാത്കരിച്ചു.
1
ആദിവാസികള്‍ക്കിടയില്‍ വര്‍ധിച്ചുവരുന്ന അവിവാഹിത അമ്മരുടെ എണ്ണമാണ് ഈ വിഷയത്തേക്കുറിച്ച് ഫീച്ചര്‍ ഫിലിം ചെയ്യാന്‍ ലീല സന്തോഷിനെ പ്രേരിപ്പിച്ചത്. ഇത് ആദിവാസികളുടെ മാത്രം പ്രശ്‌നമല്ല ലോകത്തിലെ എല്ലാ സ്ത്രീകളും നേരിടുന്ന വെല്ലുവിളിയാണ് എന്ന തിരിച്ചറിവും ഫീച്ചര്‍ ഫിലിം എന്ന ആശയത്തിന് കൂടുതല്‍ ശക്തി നല്‍കി.

ഫഹദ് ഫാസിലിനെ നായകനാക്കി ഷിബു എസ് ബാബ സംവിധാനം ചെയ്യുന്ന ‘നാളെ’ എന്ന ചിത്രത്തിന്റെ സഹ സംവിധായികയായി പ്രവര്‍ത്തിച്ചുവരികയാണ് ലീല ഇപ്പോള്‍. മാളവിക മോഹന്‍, ഇഷ തല്‍വാര്‍ എന്നിവരാണ് നായികമാര്‍. കൂടാതെ ഈ ചിത്രത്തില്‍ ലീലയുടെ മൂന്ന് മക്കളും അഭിനയിക്കുന്നുണ്ട്. കാടും ആദിവാസി ജീവിതവും ആസ്പദമാക്കിയ ചിത്രം അവസാന ഘട്ടത്തിലാണ്.

കനവില്‍ തന്റെ സഹപാഠിയും ക്ലേ മോഡലിങ് ആര്‍ട്ടിസ്ട്ടുമായ സന്തോഷിനെയാണ് ലീല വിവാഹം ചെയ്തിരിക്കുന്നത്. സന്തോഷിനും മക്കളായ സത്‌ലജിനും സാത്വികയ്ക്കും സിദ്ധാര്‍ഥിനുമൊപ്പം വയനാട്ടിലാണ് താമസം.കൂടുബത്തിന്റെ പൂര്‍ണ്ണ പിന്തുണയുള്ളതു കൊണ്ടാണ് ഇത് സാധ്യമാകുന്നതെന്ന് ലീല സന്തോഷ് പറയുന്നു. ഡോക്യൂമെന്റെറിയുടെയും ഫീച്ചര്‍ ഫിലിമിന്റെയും പ്രദര്‍ശനം ഒരുമിച്ച് നടത്താനുള്ള തയാറെടുപ്പിലാണ് ഇവര്‍. അഭിനയവും സംവിധാനവുമൊക്കെ പഠിച്ചിറങ്ങുന്നവര്‍ക്കിടയില്‍ ജീവിതം തന്ന കരുത്തില്‍ മാത്രം ഉന്നതികള്‍ കീഴടക്കുന്ന ലീല സന്തോഷ് എന്ന ആദിവാസി വനിത വ്യത്യസ്തയാകുകയാണ്. ചൂഷണങ്ങളും ദുരിതങ്ങളും നേരിടുന്ന തന്റെ സമൂഹത്തിനു സഹായകമാകുന്ന എന്തെങ്കിലും ചെയ്യണമെന്നാണ് ആഗ്രഹിക്കുന്നതെന്നും അവര്‍.
3
പുതിയ സിനിമയുടെ ഷൂട്ടിങ്ങ് ലൊക്കേഷനുകള്‍ വയനാട്ടില്‍ തന്നെയായതും സഹായകമായെന്നു ലീല പറയുന്നു. ജീവിതത്തിരക്കുകള്‍ക്കിടയിലും സ്വന്തം സ്വ്പനങ്ങള്‍ക്ക് പിന്നാലെ ഇവള്‍ സഞ്ചരിക്കുകയാണ്. തന്റെ സ്വപ്നങ്ങള്‍ സഫലമാക്കുന്നതിലൂടെ മറ്റുള്ളവര്‍ക്ക് പ്രചോദനമാകണമെന്ന ലക്ഷ്യം കൂടിയുണ്ട് ഇവര്‍ക്ക്. ഇതിനെല്ലാം കൂട്ടായി ഭര്‍ത്താവ് സന്തോഷും കൂടെയുണ്ട്.

lucky nose on yung  girls
Posted by
02 February

നിങ്ങള്‍ ഇഷ്ടപ്പെടുന്ന പെണ്‍കുട്ടിയുടെ മൂക്ക് ഇങ്ങനെയാണോ?.... മൂക്ക് നോക്കിയേ കെട്ടാവേ ഇല്ലേല്‍ പണികിട്ടും '

കണ്ണുകള്‍ രണ്ടും രണ്ട് വൈരക്കല്ലുകള്‍ പോലെ കവിളുകള്‍ നല്ല തക്കാളിപ്പഴംപോലെ മൂക്കിന്റെ കാര്യം ആണേല്‍ പറയുകേ വേണ്ട’

അതെന്താ മൂക്കില്ലേ?..

അതല്ലടേ നിന്റെ കൂട്ടിങ്ങനെ നത്ത് മൂക്കല്ല….
ഇത് കിലുക്കം സിനിമയില്‍ മോഹന്‍ലാല്‍ രേവതിയെക്കുറിച്ച് ജഗതിയോട് വര്‍ണിയ്ക്കുമ്പോള്‍ ഇരുവരും തമ്മിലുള്ള സംഭാഷണം. അന്ന് മോഹന്‍ലാല്‍ മൂക്കിന്റെ കാര്യം ആണേല്‍ പറയുകേ വേണ്ട എന്നു പറയാന്‍ കാരണം സ്ത്രീകളുടെ മൂക്കിന്റെ ലക്ഷണവും ആയി ബന്ധപ്പെട്ട് പുരുഷന്റെ ഭാഗ്യം തന്നെ.

സ്ത്രീയുടെ മൂക്കാണ് പുരുഷന്റെ ഭാഗ്യം എന്നൊരു ചൊല്ല് പണ്ടേയുണ്ട്. ഒരു മൂക്കിലൊക്കെ എന്തിരിയ്ക്കുന്നു എന്നു ചോദിയ്ക്കാന്‍ വരട്ടെ….അതിലും ചില കാര്യം ഉണ്ടോ…അല്‍പ്പം ഉയര്‍ന്നു നീണ്ട ഭംഗിയുള്ള മൂക്കാണു പെണ്ണിനെങ്കില്‍ വിവാഹ ശേഷം ഭര്‍ത്താവിനു ഭാഗ്യം വരുമെന്നാണു വിശ്വാസം. ചെറുവിരലിന്റെ വണ്ണമുള്ള ദ്വാരവും അധികം കൂര്‍ത്തിരിക്കാതെയും പരക്കാതെയുമുള്ള അഗ്രഭാഗവുമാണു സ്ത്രീകള്‍ക്കുത്തമം. വികസിച്ച ദ്വാരങ്ങളൊടു കൂടി അഗ്രം കൂര്‍ത്ത നാസികയുള്ള സ്ത്രീ ചിന്താശക്തിയുള്ളവളായിരിക്കും. ഒപ്പം ഇവര്‍ ആകര്‍ഷകമായി സംസാരിക്കും. മേല്‍ഭാഗം ഉയര്‍ന്ന് അറ്റം നീണ്ടിരിക്കുന്ന നാസികയോടു കൂടിയ സ്ത്രീ പുരുഷന്മാരെ വകവയ്ക്കാത്തവളും കലയില്‍ താല്‍പര്യമുള്ളവളുമായിരിക്കും അത്രെ. ഏതായാലും ഉടന്‍ തന്നെ കാമുകിയെ നേരില്‍ വിളിച്ചോ വാട്‌സിപ്പിലൂടെ ചിത്രമയപ്പിച്ചോ മൂക്ക് ഒന്ന് സൂക്ഷിച്ച് കണ്ടോളു. പിന്നീട് ദുഃഖിയ്ക്കണ്ടല്ലോ….

women like things on mens body
Posted by
25 September

ഇതെല്ലാം ആണ് പുരുഷ ശരീരത്തില്‍ സ്ത്രീയെ മോഹിപ്പിക്കുന്നത്

സ്ത്രീയോടുള്ള പുരുഷന്റെ ആകര്‍ഷണത്തിനു പല നിര്‍വജനങ്ങളും ഉണ്ട്. എന്നാല്‍ സ്ത്രീയ്ക്കു പുരുഷനോടു തോന്നുന്ന ശാരീരിക ആകര്‍ഷണത്തിനു നിര്‍വജനം ഇല്ല. സ്ത്രീയെ സംബന്ധിച്ച് കരുത്തുറ്റ പുരുഷശരീരം അവളെ ആകര്‍ഷിക്കും എന്നാല്‍ സ്‌െ്രെതണതയുമുള്ള പുരുഷനില്‍ നിന്ന് അവള്‍ അകലം പലിക്കും.

വിരിഞ്ഞ രോമവൃതമായ നെഞ്ചാണു സ്ത്രീകള്‍ക്ക് ഇഷ്ടം. മാത്രമല്ല പുരുഷന്റെ കരുത്തുറ്റ കൈകളും സ്ത്രീകളെ ആകര്‍ഷിക്കുന്ന മറ്റൊരു ഘടകമാണ്. കുടവയറന്മാരെ സ്ത്രീകള്‍ക്ക് ഇഷ്ടമില്ല. ഒതുക്കവും എന്നാല്‍ ഉറപ്പും മസിലുമുള്ള വയറാണ് അവള്‍ക്ക് ഇഷ്ടം. കഷണ്ടിക്കാരേക്കാള്‍ ചുരുണ്ട മുടിയുള്ള പുരുഷനേയാണു സ്ത്രീകള്‍ക്ക് ഇഷ്ടം.

വിടര്‍ന്ന കണ്ണുകളും തീഷ്ണമായ നോട്ടവും ഉള്ള പുരുഷനിലേയ്ക്കു സ്ത്രീകള്‍ ആകൃഷ്‌രാകും. കണ്ണകളിലെ വലുപ്പത്തിനേക്കാള്‍ നോട്ടത്തിലെ തീഷ്ണതയിലാണ് കാര്യം. നീണ്ടവിരലുകള്‍ ഉള്ള പുരുഷന്മാരേയാണു സ്ത്രീകള്‍ക്ക് ഇഷ്ടം എന്നു പഠനങ്ങള്‍ പറയുന്നു. പുരുഷന്റെ വിരിഞ്ഞ പുറവും സ്ത്രീകളെ ആകര്‍ഷിക്കുന്ന ഘടകമാണ്.