ചരിത്ര പരമായ തീരുമാനവുമായി മാതൃഭൂമി; ആര്‍ത്തവത്തിന്റെ ആദ്യ ദിനം ഇനി മുതല്‍ വനിത ജീവനക്കാര്‍ക്ക് അവധി
Posted by
19 July

ചരിത്ര പരമായ തീരുമാനവുമായി മാതൃഭൂമി; ആര്‍ത്തവത്തിന്റെ ആദ്യ ദിനം ഇനി മുതല്‍ വനിത ജീവനക്കാര്‍ക്ക് അവധി

കൊച്ചി: ചരിത്ര പരമായ തീരുമാനവുമായി മാതൃഭൂമി ന്യൂസ്. വനിതാ ജീവനക്കാര്‍ക്ക് ഇനി മുതല്‍ ആര്‍ത്തവ ദിനത്തിന്റെ ആദ്യം ദിനം അവധി നല്‍കുവാന്‍ മാനേജ്‌മെന്റ് തീരുമാനിച്ചു. ഏറെ മാതൃകാ പരമായ തീരുമാനം എന്നാണ് ഇക്കാര്യത്തില്‍ മാതൃഭൂമിയിലെ വനിതാ ജീവനക്കാര്‍ അടക്കമുള്ള സ്ത്രീകളുടെ അഭിപ്രായം.

സ്ത്രീകള്‍ക്ക് വേണ്ടത് സഹതാപമോ കൈത്താങ്ങോ അല്ല അവരെ മനസിലാക്കുക എന്നതാണ് പ്രധാനം എന്ന് മാതൃഭൂമി ജോയിന്റ് മാനേജിംഗ് ഡയറക്ടര്‍ ശ്രേയമസ് കുമാര്‍ പറഞ്ഞിരുന്നു. ചരിത്രപരമായ ഈ തീരുമാനത്തിലൂടെ അദ്ദേഹം തന്റെ വാക്കുക്കള്‍ പ്രവര്‍ത്തിയിലേക്ക് കൊണ്ടുവരികയും ചെയ്തിരിക്കുകയാണ് ഇപ്പോള്‍.

ഇന്ത്യയില്‍ ആദ്യമായി മുംബൈയിലെ കള്‍ച്ചര്‍ മെഷീന്‍ എന്ന കമ്പനി കഴിഞ്ഞയാഴ്ചയാണ് തങ്ങളുടെ സ്ത്രീ ജീവനക്കാര്‍ക്ക് ആര്‍ത്തവാവധി പ്രഖ്യാപിച്ചത്. ഇതില്‍ നിന്നും പ്രചോദനം ഉള്‍ക്കൊണ്ടാണ് തങ്ങള്‍ ഇത്തരത്തിലൊരു തീരുമാനമെടുത്തതെന്ന് അദ്ദേഹം പറഞ്ഞു.
സ്ത്രീകള്‍ക്ക് വേണ്ടത് സഹതാപമോ കൈത്താങ്ങോ അല്ലാ… അവരെ മനസിലാക്കുക എന്നതാണ് പ്രധാനം…

മാതൃഭൂമിയില്‍ എഴുപത്തിഅഞ്ചോളം വനിതാ ജീവനക്കാരുണ്ട്. റിപ്പോര്‍ട്ടര്‍മാര്‍ക്ക് മാത്രമല്ല, എല്ലാ സ്ത്രീജീവനക്കാര്‍ക്കും ആര്‍ത്തവത്തിന്റെ ആദ്യ ദിനം അവധി നല്‍കാന്‍ തീരുമാനിച്ചിട്ടുണ്ട്. തീരുമാനമെടുത്തതിനു ശേഷമാണ് ജീവനക്കാരെ അറിയിച്ചത്. അദ്ദേഹം പറഞ്ഞു. വാര്‍ത്തയെ ഇരുകൈയ്യും നീട്ടിയാണ് ചാനലിലെ സ്ത്രീ ജീവനക്കാരും പൊതു സമൂഹവും സ്വീകരിച്ചത്.

പരീക്ഷണാടിസ്ഥാനത്തില്‍ ആദ്യം മാതൃഭൂമി ന്യൂസിലാണ് ഇത് നടപ്പിലാക്കുക, തുടര്‍ന്ന് സഹോദര സ്ഥാപനങ്ങളിലേക്കും ഈ രീതി വ്യാപിപ്പിക്കും. ജീവനക്കാര്‍ ആവശ്യപ്പെട്ടതിനെ തുടര്‍ന്നല്ല, ഇതിന്റെ ആവശ്യകത മനസിലാക്കിക്കൊണ്ടു തന്നെയാണ് തീരുമാനമെടുത്തതെന്നും, ശ്രേയാംസ് കുമാര്‍ പറഞ്ഞു.

മാതൃഭൂമി ന്യൂസിലെ ജിഷാ കല്ലിങ്കല്‍ ഇക്കാര്യം തന്റെ ഫേസ്ബുക്കില്‍ പങ്ക് വെച്ചിട്ടുണ്ട്.

ജിഷാ കല്ലിങ്കലിന്റെ ഫേസ്ബുക്ക് പോസ്റ്റ് ചുവടെ:

സ്ത്രീകൾക്ക് വേണ്ടത് സഹതാപമോ കൈത്താങ്ങോ അല്ലാ… അവരെ മനസിലാക്കുക എന്നതാണ് പ്രധാനം… വാക്കുകൾ മാതൃഭൂമി ജോയിന്റ് മാനേജിങ് ഡയറക്ടർ M V Sreyams Kumarന്റേത്…..
ചരിത്രപരമായ ഒരു തീരുമാനത്തിലൂടെ അദ്ദേഹം തന്റെ വാക്കുക്കൾ പ്രവർത്തിയിലേക്ക് കൊണ്ടുവരികയും ചെയ്തു…
മാതൃഭൂമി ന്യൂസിലെ സ്ത്രീകൾക്ക് മാസമുറയുടെ ആദ്യദിനം അവധി അനുവദിച്ചു തീരുമാനമായി…
ഞങ്ങൾക്കിതു… ചരിത്രനേട്ടം…..

സ്വന്തം അച്ഛന്‍ പോലും അറിയാതെ സിവില്‍ സര്‍വീസ് പരീക്ഷയില്‍ ഉന്നതവിജയം നേടി ഒരു മകള്‍: അമ്മയില്ലാതെ തന്നെ പോറ്റി വളര്‍ത്തിയ അച്ഛന് മകളുടെ സ്‌നേഹ സമ്മാനം,  അടൂര്‍ കടമ്പനാട് സ്വദേശിനി അനു ആരുമറിയാതെ നേടിയെടുത്തത് സംസ്ഥാനത്തെ നാലാം സ്ഥാനം
Posted by
08 June

സ്വന്തം അച്ഛന്‍ പോലും അറിയാതെ സിവില്‍ സര്‍വീസ് പരീക്ഷയില്‍ ഉന്നതവിജയം നേടി ഒരു മകള്‍: അമ്മയില്ലാതെ തന്നെ പോറ്റി വളര്‍ത്തിയ അച്ഛന് മകളുടെ സ്‌നേഹ സമ്മാനം, അടൂര്‍ കടമ്പനാട് സ്വദേശിനി അനു ആരുമറിയാതെ നേടിയെടുത്തത് സംസ്ഥാനത്തെ നാലാം സ്ഥാനം

അടൂര്‍: സ്വന്തം അച്ഛന്‍ പോലും അറിയാതെ സിവില്‍ സര്‍വീസ് പരീക്ഷയില്‍ ഉന്നതവിജയം നേടി സംസ്ഥാനത്തെ നാലാം സ്ഥാനത്ത് എത്തി ഒരു മകള്‍. അടൂര്‍ കടമ്പനാട് ഇടയ്ക്കാട് മുരളിവിലാസത്തില്‍ മുരളീധരന്‍പിള്ളയ മകളും വെറ്ററിനറി ഡോക്ടറായ എസ് അനുവാണ് അച്ഛനടക്കെ ആരുമറിയാതെ ഉന്നത വിജയം കരസ്ഥമാക്കിയത്.

42ാം റാങ്ക് നേടിയാണ് അനുവിന്റെ പിതാവ് പോലും മകള്‍ സിവില്‍ സര്‍വീസ് പരീക്ഷക്കായി തയ്യാറായതോ പരീക്ഷ എഴുതിയതോ അറിഞ്ഞിരുന്നില്ല. അച്ഛന്റെ ആഗ്രഹം സാധിച്ചു കൊടുക്കാനാണ് അനു രഹസ്യമായി സിവില്‍ സര്‍വീസ് തയ്യാറെടുപ്പുകള്‍ നടത്തിയതും ഉന്നത വിജയം കരസ്ഥമാക്കിയതും. ‘എന്റെ വിജയം അച്ഛനുള്ള സമ്മാനമാണ്. എപ്പോഴും എന്റെ മികച്ച വിജയങ്ങളാണ് അച്ഛന്‍ ആഗ്രഹിക്കുന്നത്. സ്‌കൂളിലും കോളേജിലും പഠിക്കുമ്പോള്‍ അച്ഛന് എപ്പോഴും റാങ്ക് പ്രതീക്ഷയായിരുന്നു. അന്ന് അത് നടന്നില്ല. അച്ഛന്റെ ആഗ്രഹം ഇതിലൂടെ സാധിച്ചുവെന്നുള്ള സന്തോഷമുണ്ട്. തന്റെ സിവില്‍ സര്‍വീസ് വിജയത്തിനുപിന്നില്‍ അച്ഛന്‍ എന്ന വലിയ ശക്തി പ്രചോദനമായി ഉണ്ടായിരുന്നു’ എന്ന് ഇരുപത്തിയെട്ടുകാരിയായ അനു പറയുന്നു.

ഉത്തര്‍പ്രദേശിലെ ബറേലിയില്‍ ഇന്ത്യന്‍ വെറ്ററിനറി റിസേര്‍ച്ച് ഇന്‍സ്റ്റിറ്റിയൂട്ടില്‍ വെറ്ററിനറി സയന്‍സില്‍ ബിരുദാനന്തരബിരുദത്തിന് പഠിക്കുന്ന അനു സ്വന്തമായി പഠിച്ചാണ് സിവില്‍ സര്‍വീസ് പരീക്ഷയിലെ മികച്ച നേട്ടം കൊയ്തത്. ഒരുപക്ഷേ ഉത്തര്‍പ്രദേശിലായതു കാരണമാണ് മറ്റെല്ലാവരുടെയും വിജയം വാര്‍ത്തയായപ്പോള്‍ അനു തിരശ്ശീലയ്ക്കുപിറകിലായി പോയത്. സാധാരണ കുടുംബത്തിലാണ് അനു ജനിച്ചത്. ആറുവയസ്സുള്ളപ്പോഴാണ് അനുവിന്റെ അമ്മ സീതാലക്ഷ്മി മരിച്ചത്. കെ.എസ്.ആര്‍.ടി.സി. അടൂര്‍ ഡിപ്പോയിലെ ജീവനക്കാരനായ അച്ഛന്‍ മുരളീധരന്‍പിള്ളയായിരുന്നു പിന്നെ അനുവിന് എല്ലാം. ഒമ്പത് വര്‍ഷം മുന്‍പ് സ്വയം വിരമിച്ച മുരളീധരന്‍പിള്ള ഏകമകളുടെ കാര്യത്തിലേക്ക് ശ്രദ്ധ കേന്ദ്രീകരിച്ചു. കുണ്ടറ എഴുകോണ്‍ കാരുവേലില്‍ സെന്റ് ജോണ്‍സ് സ്‌കൂളിലായിരുന്നു പന്ത്രണ്ടാം ക്ലാസ് വരെ പഠിച്ചത്.

പത്താം ക്ലാസില്‍ 92 ശതമാനം മാര്‍ക്കും പ്ലസ് ടുവിന് 89 ശതമാനം മാര്‍ക്കും നേടി. മണ്ണുത്തി വെറ്ററിനറി കോളേജില്‍ വെറ്ററിനറി സയന്‍സ് ബിരുദത്തില്‍ രണ്ടാം റാങ്ക് നേടി. മൂന്നു മാസത്തോളം മണ്ണുത്തി കോളേജില്‍തന്നെ ജോലി ചെയ്തു. 2014ല്‍ ചെന്നൈയിലുള്ള ശങ്കര്‍ ഐ.എ.എസ്. അക്കാദമിയില്‍ കുറച്ച് നാള്‍ സിവില്‍ സര്‍വീസ് പരിശീലനത്തിന് പോയി. 2015ല്‍ സിവില്‍ സര്‍വീസിന് ആദ്യ ശ്രമം നടത്തിയെങ്കിലും ഫലം കണ്ടില്ല. പിന്നീടാണ് ഉത്തര്‍പ്രദേശിലെ ബറേലിയില്‍ ഇന്ത്യന്‍ വെറ്ററിനറി റിസേര്‍ച്ച് ഇന്‍സ്റ്റിറ്റിയൂട്ടില്‍ വെറ്ററിനറി സയന്‍സില്‍ പ്രവേശനപരീക്ഷയിലൂടെ പഠിക്കാന്‍ അവസരം കിട്ടിയത്.

പിന്നീട് അനു രഹസ്യമായി സിവില്‍ സര്‍വീസിന് തയ്യാറെടുക്കുകയായിരുന്നു. ആദ്യതവണയേറ്റ തോല്‍വി കാരണം പഠനത്തെക്കുറിച്ച് അച്ഛനോട് പോലും പറഞ്ഞതുമില്ല. ഒപ്പമുണ്ടായിരുന്ന കൂട്ടുകാരുടെയും അധ്യാപകരുടെയും സഹായം പലപ്പോഴും തുണയായി. പഠനവും ഗവേഷണവും ഒന്നിച്ചായതിനാല്‍ ആദ്യം ചെയ്തത് പഠിക്കുന്ന പുസ്തകങ്ങളുടെ എണ്ണം കുറയ്ക്കുകയായിരുന്നു. പഠിച്ചത് ആവര്‍ത്തിച്ചുറപ്പിച്ചാണ് പരീക്ഷയ്ക്ക് പോയതെന്നും അനു പറയുന്നു

Nose ring special story
Posted by
07 June

കണ്ണില്‍ കത്തിയാളുന്ന ഒറ്റക്കല്ല് മൂക്കുത്തി

കന്യാകുമാരി മുതല്‍ കശ്മീര്‍വരെയുളള പരമ്പരാഗത വിവാഹ ആഭരണങ്ങളിലെ ഒഴിച്ചുകൂടാനാകാത്ത ഘടകമാണ് മൂക്കുത്തി.മൂക്കുത്തിയിട്ടിരിക്കുന്നതൊക്കെ കാണാന്‍ രസം തന്നെ എന്നാല്‍ നല്ലവണ്ണം ശ്രദ്ധ വേണ്ട കാര്യമാണ് മൂക്കു കുത്തുക എന്നത്. മൂക്കുകുത്തും മുന്‍പും അതു കഴിഞ്ഞും ശ്രദ്ധിക്കേണ്ട കാര്യങ്ങള്‍ പലതുമുണ്ട്.

മൂക്കു കുത്തി പരിചയമുളള തട്ടാന്റെയടുത്തു കുത്തുന്നതാണ് ഏറ്റവും നല്ലത്, നാഡീ ഞരമ്പുകള്‍ക്ക് ക്ഷതമേല്‍ക്കാതെ കുത്താന്‍ അവര്‍ക്കറിയാം. ചില ഡോക്ടര്‍മാരും മൂക്കുകുത്തി കൊടുക്കുന്നുണ്ട്. ബ്യൂട്ടിപാര്‍ലറുകളില്‍ പോയി ഷൂട്ട് ചെയ്യിക്കുന്നതിനു മുന്‍പ് ഇക്കാര്യത്തിലുളള പരിചയവും വൃത്തിയും ഉറപ്പാക്കിയിട്ട് മാത്രം പോയാല്‍ മതി.

മൂക്കു കുത്തിക്കഴിഞ്ഞ് സ്വര്‍ണം തന്നെ ഇടാന്‍ ശ്രദ്ധിക്കണം. മറ്റു ലോഹങ്ങള്‍ 70 ശതമാനം ആളുകള്‍ അലര്‍ജിയോ ഇന്‍ഫെക്ഷനോ ഉണ്ടാക്കും. അസ്വസ്ഥതകള്‍ തോന്നിയാല്‍ എത്രയും പെട്ടെന്ന് ഡോക്ടറെ കാണുക. സ്വയം ചികിത്സ പാടില്ല.മൂക്കു കുത്തിക്കഴിഞ്ഞാല്‍ കുത്തിയ ഭാഗം ഇടയ്ക്കിടയ്ക്ക് തൊട്ടു നോക്കുന്നത് ഒഴിവാക്കണം. തൊടുന്നതനുസരിച്ച് മുറിവുണങ്ങാന്‍ വൈകും.മുറിവ് പൂര്‍ണമായി ഉണങ്ങാതെ മൂക്കുത്തി ഇളക്കി മാറ്റരുത്. മാറ്റിയാല്‍ മൂക്കിലിട്ട തുള വേഗം അടഞ്ഞുപോകും.

മൂക്കു കുത്തിയിട്ട് തല തുവര്‍ത്തുമ്പോഴും മുടി ചീകുമ്പോഴും ഒക്കെ ശ്രദ്ധിക്കണം. മുടിയും കൈയും തട്ടി മൂക്കുത്തി വലിഞ്ഞ് വേദനയുണ്ടാകും. ചിലപ്പോള്‍ ചോര പൊടിഞ്ഞെന്നും വരാം.മൂക്കുകുത്തി ഒരു വിധം ഉണങ്ങുന്നതു വരെ മലര്‍ന്നു കിടന്ന് ഉറങ്ങുന്നതാണ് നല്ലത്. തലയിണയിലും ഷീറ്റിലും തട്ടി മൂക്കുത്തി വലിയാതിരിക്കും.മുഖം തുടയ്ക്കുമ്പോഴും തലവഴി ഉടുപ്പിടുമ്പോഴും മറ്റും മൂക്കുത്തി എവിടെയും ഉടക്കാതിരിക്കാന്‍ ശ്രമിക്കുക.ഒരു തരത്തിലുളള സ്പിരിറ്റ് ഉപയോഗിച്ചും മൂക്കും പരിസരവും തുടയ്ക്കരുത്. അതു കൂടുതല്‍ ഇന്‍ഫെക്ഷന്‍ ഉണ്ടാക്കുകയേ ചെയ്യൂ.സാധാരണ മൂന്നാഴ്ചയ്ക്കുളളില്‍ മൂക്കു കുത്തിയത് ഉണങ്ങും. അതിനു ശേഷവും രക്തംവരല്‍, നീര്, വീക്കം, ചൊറിച്ചില്‍, പഴുപ്പ് എന്നിവയുണ്ടെങ്കില്‍ ഡോക്ടറെ കാണുക.

face hair removal
Posted by
06 June

മുഖത്തെ അനാവശ്യ രോമങ്ങള്‍ കളയാന്‍ എളുപ്പവഴി

അനാവശ്യ രോമവളര്‍ച്ച സ്ത്രീകളുടെ ആത്മവിശ്വാസത്തെ വരെബാധിക്കുന്ന ഒന്നാണ്. മേല്‍ച്ചുണ്ടിലേയും മുഖത്തുണ്ടാവുന്നതുമായ രോമവളര്‍ച്ചയെ പരിഹരിക്കാനും തടയാനും ഈ വഴികള്‍ തിരഞ്ഞെടുക്കാം. പാര്‍ശ്വഫലങ്ങള്‍ ഇല്ലാത്ത ഈ മാര്‍ഗ്ഗങ്ങള്‍ എന്താണെന്ന് നോക്കാം.

ഒരു ടീസ്പൂണ്‍ കടലമാവും ഒരു നുള്ള് മഞ്ഞള്‍പ്പൊടിയും അല്‍പം പാലില്‍ ചേര്‍ത്ത് പേസ്റ്റ് രൂപത്തില്‍ ആക്കാം. ഇത് മുഖത്ത് തേച്ച് പിടിപ്പിക്കാം.പേസ്റ്റ് രൂപത്തിലായ ഈ മിശ്രിതം മേല്‍ച്ചുണ്ടില്‍ തേച്ച് പിടിപ്പിക്കാം. ഒരാഴ്ച ഇങ്ങനെ ചെയ്താല്‍ മേല്‍ചുണ്ടിലെ രോമം പതുക്കെ കൊഴിഞ്ഞ് പോകാന്‍ തുടങ്ങും.ഒരു സ്പൂണ്‍ പഞ്ചസാരയും പകുതി നാരങ്ങ നീരും ചേര്‍ത്ത് നന്നായി യോജിപ്പിച്ച ശേഷം മുഖത്ത് തേക്കാം. തുടര്‍ച്ചയായി ഇങ്ങനെ ചെയ്താല്‍ മുഖത്തെ രോമം എന്നന്നേക്കുമായി പോവും.പാലും മഞ്ഞളും ചേര്‍ത്ത് യോജിപ്പിച്ച മിശ്രിതം മുഖത്തെയും കക്ഷത്തിലേയും അമിതമായ രോമ വളര്‍ച്ച ഇല്ലാതാക്കാന്‍ സഹായിക്കും.

national-level-shooter-ayisha-falak-saves-her-brother-in-law-by-shooting-two-kidnappers
Posted by
28 May

തട്ടിക്കൊണ്ടുപോയ സംഘത്ത പിന്‍തുടര്‍ന്ന് സിനിമാ സ്റ്റെലില്‍ നേരിട്ട് ബന്ധുവിനെ രക്ഷപ്പെടുത്തി വാര്‍ത്തകളില്‍ താരമായ് ദേശീയ ഷൂട്ടിങ് താരം ആയിഷ ഫലാഖ്

ന്യൂഡല്‍ഹി: തന്റെ ബന്ധുവിനെ തട്ടിക്കൊണ്ടുപോയ സംഘത്തെ സമയോചിതമായി നേരിട്ട് രക്ഷപെടുത്തി വാര്‍ത്തകളില്‍ താരമായ് ദേശീയ ഷൂട്ടിങ് താരം ആയിഷ ഫലാഖ് ആയിഷയുടെ ഭര്‍തൃസഹോദരനെ ഒരു സംഘം തട്ടിക്കൊണ്ടുപോയതിനെത്തുടര്‍ന്നാണ് സംഭവങ്ങളുടെ തുടക്കം. ഡല്‍ഹി യൂണിവേഴ്‌സിറ്റി വിദ്യാര്‍ഥിയായ ആസിഫ് തന്റെ ഒഴിവുസമയങ്ങളില്‍ ടാക്‌സി ഡ്രൈവറായി ജോലി ചെയ്യാറുണ്ടായിരുന്നു. സംഭവദിവസം രാത്രി ജോലി കഴിഞ്ഞ് വീട്ടിലേയ്ക്ക് കാറില്‍ വരികയായിരുന്ന ആസിഫിന്റെ കാറില്‍ രണ്ടുപേര്‍ കയറി. കുറച്ചുദൂരം പിന്നിട്ടപ്പോള്‍ കാര്‍ മറ്റൊരു വഴിക്ക് തിരിച്ചുവിടാന്‍ കാറില്‍ കയറിയവര്‍ ആവശ്യപ്പെട്ടു. വിജനമായ സ്ഥലത്തെത്തിയപ്പോള്‍ കാര്‍ നിര്‍ത്താന്‍ ആവശ്യപ്പെട്ട അക്രമികള്‍ ആസിഫിന്റെ പേഴ്‌സ് തട്ടിയെടുക്കുകയും ക്രൂരമായി മര്‍ദ്ദിക്കുകയും ചെയ്തു.

തുടര്‍ന്ന്, ആസിഫിന്റെ വീട്ടിലേയ്ക്ക് ഫോണ്‍ ചെയ്ത് 25,000 രൂപയുമായി ഒരു മണിക്കൂറിനുള്ളില്‍ ശാസ്ത്രി പാര്‍ക്കില്‍ എത്തിച്ചേരാന്‍ ബന്ധുക്കളോട് ആവശ്യപ്പെട്ടു. അല്ലെങ്കില്‍ ആസിഫിനെ കൊന്നുകളയുമെന്ന് ഭീഷണിപ്പെടുത്തുകയും ചെയ്തു. സംഭവമറിഞ്ഞ് പരിഭ്രാന്തരായ വീട്ടുകാര്‍ പോലീസില്‍ വിവരം അറിയിച്ചു. ആസിഫിന്റെ സഹോദരന്‍ ഫലാഖും ആയിഷയും പോലീസ് സംഘത്തിനൊപ്പം ശാസ്ത്രി പാര്‍ക്കിലേയ്ക്ക് തിരിച്ചു. പാര്‍ക്കിനു സമീപമെത്തിയപ്പോള്‍ത്തന്നെ പോലീസിന്റെ സാന്നിധ്യം തിരിച്ചറിഞ്ഞ അക്രമികള്‍ ആസിഫിനെയും കൊണ്ട് മറ്റൊരു സ്ഥലത്തേയ്ക്ക് കുതിച്ചു.
പണവുമായി ഭജന്‍പുരയില്‍ എത്തിച്ചേരണമെന്നും ഇല്ലെങ്കില്‍ ആസിഫിനെ ഉടന്‍ വധിക്കുമെന്നും ഭീഷണി മുഴക്കി. ആയിഷയും ഭര്‍ത്താവും സിനിമാ സ്‌റ്റൈലില്‍ സംഘത്തെ കാറില്‍ പിന്‍തുടരുകയും ആയിഷ അക്രമികള്‍ക്കുനേരെ വെടിയുതിര്‍ക്കുകയും ചെയ്തു.

അക്രമികളില്‍ ഒരാള്‍ക്ക് ഇടുപ്പിലും മറ്റൊരാള്‍ക്ക് കാലിലും വെടിയേറ്റു. പോലീസ് ആയിഷയുടെ കൈത്തോക്ക് പിടിച്ചെടുത്തിട്ടുണ്ട്. എന്നാല്‍ തോക്ക് ലൈസന്‍സുള്ളതാണെന്നും സ്വയരക്ഷയ്ക്കും ആസിഫിന്റെ ജീവന്‍ രക്ഷിക്കുന്നതിനും വേണ്ടിയായതിനാല്‍ ആയിഷയ്ക്ക് നിയമ പരിരക്ഷ ലഭിക്കുമെന്നും പോലീസ് കമ്മീഷണര്‍ രവീന്ദ്ര യാദവ് പറഞ്ഞു. ഉത്തരമേഖലാ ഷൂട്ടിങ് ചാമ്പ്യന്‍ഷിപ്പില്‍ 2015ല്‍ വെങ്കലം നേടിയിട്ടുള്ള താരമാണ് ആയിഷ ഫലാഖ്.

tips for red lips
Posted by
18 May

അഴകാര്‍ന്ന ചുണ്ടുകള്‍ വേണോ: എങ്കില്‍ ഇതാ ചില എളുപ്പവഴികള്‍

ചുവന്ന ചുണ്ടുകള്‍ പെണ്‍കുട്ടികളുടെ സ്വപ്‌നമാണ്, അതിനായി ഏത് പരീക്ഷണത്തിനും അവര്‍ തയാറാകും.മുഖസൗന്ദര്യം എന്നപോലെ കാത്തുസൂക്ഷിക്കേണ്ട മറ്റൊന്നാണ് ചുണ്ടുകളുടെ സൗന്ദര്യവും. കാലാവസ്ഥ മാറുന്നത് അനുസരിച്ച് ശ്രദ്ധയോടെയുള്ള പരിചരണമാണ് ചുണ്ടുകള്‍ക്ക് ആവശ്യം. വേനല്‍ക്കാലത്ത് ചുണ്ടില്‍ പലതരത്തിലുള്ള രോഗങ്ങള്‍ കാണാറുണ്ട്. ഇതിനായി പല മരുന്നുകളും ഉപയോഗിച്ച് കാണും ഇല്ലേ? എന്നാല്‍ വേനല്‍ക്കാലത്ത് സുന്ദരമായ ചുണ്ടുകള്‍ സ്വന്തമാക്കാന്‍ വീട്ടില്‍ത്തന്നെ പരീക്ഷിക്കാവുന്ന എളുപ്പവഴികള്‍ ധാരാളമാണ്.

അഴകാര്‍ന്ന ചുണ്ടുകള്‍ക്കായി ഇതാ ചില കുറുക്ക് വഴികള്‍ :

* വേനല്‍ക്കാലങ്ങളില്‍ പുറത്തിറങ്ങുമ്പോള്‍ ചുണ്ടില്‍ ലിപ്ബാം പുരട്ടുക. പാല്‍പ്പാടയോ വെണ്ണയോ പുരട്ടുന്നത് നല്ലതാണ്.

* ചുണ്ടിന്റെ കറുപ്പ് നിറം മാറുന്നതിന് നാരങ്ങാനീര്, തേന്‍, ഗിസറിന്‍ ഇവ അര ചെറിയ സ്പൂണ്‍ വീതമെടുത്തു യോജിപ്പിച്ച ശേഷം ചുണ്ടുകളില്‍ പുരുട്ടുക.

*ദിവസവും കിടക്കുന്നതിനു മുമ്പ് ഒലിവെണ്ണയോ ബദാമെണ്ണയോ പുരട്ടുന്നതു ചുണ്ടിനു ഭംഗി ലഭിക്കുന്നതിനും ചുവപ്പു നിറം കൈവരാനും സാധിക്കും.

* ബീറ്റ്‌റൂട്ടും വെണ്ണയും ചേര്‍ത്ത മിശ്രിതം ചുണ്ടിന്റെ കറുപ്പു നിറം മാറ്റി ഭംഗി വര്‍ധിപ്പിക്കാന്‍ ഉത്തമമാണ്.

* ചുണ്ടുകളുടെ നിറം വീണ്ടെടുക്കാന്‍ അര ഔണ്‍സ് പാലില്‍ 10 ഗ്രാം ഉപ്പ് ചേര്‍ത്തതു പുരട്ടി പത്തുമിനിറ്റിനു ശേഷം കഴുകിക്കളയുക വഴി സാധിക്കും.

*പുതിന നീര് പതിവായി ചുണ്ടില്‍ പുരട്ടിയാല്‍ പിങ്കു ചുണ്ടിനുടമയാകാം.

* ചുവന്നുള്ളി നീരും തേനും ഗിസറിനും സമം ചേര്‍ത്തു പുരട്ടിയാല്‍ ചുണ്ടുകള്‍ തുടുക്കും.

*മുട്ടയുടെ വെള്ളയും പാല്‍പ്പാടയും അര സ്പൂണ്‍ വീതമെടുത്തു യോജിപ്പിച്ചു ചുണ്ടില്‍ പുരട്ടിയാല്‍ വരള്‍ച്ച മാറി ചുണ്ടുകള്‍ക്ക് ഭംഗിയുള്ളതാകും.

* വേനല്‍ക്കാലത്ത് പഴങ്ങള്‍ ധാരാളം കഴിക്കുന്നത് ചുണ്ടുകളുടെ സൗന്ദര്യത്തിന് മാറ്റ് കൂട്ടും.

new interest  of Indian girls of their love partners
Posted by
12 May

സുന്ദരികളെ പ്രണയിക്കാനും വിവാഹം കഴിക്കാനും പണവും ഗ്ലാമറും മാത്രം പോര: യുവാക്കള്‍ അറിഞ്ഞിരിക്കേണ്ട പെണ്‍കുട്ടികളുടെ ഡിമാന്‍ഡുകള്‍ ഇവയാണ്

ഇന്നത്തെക്കാലത്ത് പ്രണയിക്കാനോ വിവാഹം കഴിക്കാനോ പണവും ഗ്ലാമറും മാത്രം പോരാതെ വന്നിരിയ്ക്കുകയാണ്. ഇവ കൂടാതെ സ്വന്തമായി ഫേസ്ബുക്കും ട്വിറ്ററും വാട്ട്‌സ് ആപ്പുമൊക്കെ ഉണ്ടെങ്കിലേ ഇനി പ്രണയ അഭ്യര്‍ഥനയുമായി വരാവൂ എന്നാണ് ഇന്ത്യന്‍ പെണ്‍കുട്ടികളുടെ നിലപാട്. വിവാഹ ആലോചനക്കായി വരുന്ന യുവാക്കളോടും പെണ്‍കുട്ടികള്‍ക്കു ചോദിക്കാനുള്ളത് ചോദ്യവും ഇതുതന്നെയാണ്. ഇന്ത്യയിലെ പെണ്‍കുട്ടികളുടെ ഈ പുതിയ നിലപാട് വ്യക്തമാക്കി തന്നത് മാട്രിമോണിയല്‍ വെബ്‌സൈറ്റായ ശാദി ഡോട് കോം നടത്തിയ പഠനത്തിലാണ്.

ഓണ്‍ലൈനിലും സോഷ്യല്‍ മീഡിയകളിലും സജ്ജീവമായിട്ടുള്ള പുരുഷന്‍മാരിലാണ് ഇപ്പോഴത്തെ പെണ്‍കുട്ടികള്‍ക്കു താല്‍പര്യം എന്നു കാണിക്കുന്നത്. ജീവിതപങ്കാളിയെ തെരഞ്ഞെടുക്കുന്നതില്‍ ടെക്‌നോളജിയും പുതിയ ജീവിതരീതിയും പെണ്‍കുട്ടികളെ എത്രമാത്രം സ്വാധീനിക്കുന്നു എന്നറിയാന്‍ നടത്തിയ പഠനത്തിലാണ് ഇതു വ്യക്തമാക്കുന്നത്. പഠനത്തില്‍ പറയുന്നതു 48 ശതമാനം പെണ്‍കുട്ടികളും തങ്ങള്‍ ആഗ്രിഹിക്കുന്ന ജീവിതപങ്കാളിക്ക് ട്വിറ്റര്‍ അക്കൗണ്ട് വേണം എന്നു പറയുന്നവരാണ്. 26 ശതമാനം പെണ്‍കുട്ടികള്‍ക്ക് താല്‍പര്യം ഫേസ്ബുക്കുള്ള പുരുഷന്മാരെ ജീവിത പങ്കാളിയായി ലഭിക്കണമെന്നാണ്.

ട്വിറ്ററിലും ഫേസ്ബുക്കിലുമുള്ള സാന്നിധ്യം പുരുഷന്മാരുടെ സ്വഭാവത്തെയും സാമൂഹികകാര്യങ്ങളില്‍ അവരുടെ വ്യക്തമായ നിലപാടിനെയും തുറന്നു കാട്ടുന്നു എന്നാണ് പെണ്‍കുട്ടികള്‍ പറയുന്നത്. പുരുഷന്മാര്‍ ഉപയോഗിക്കുന്ന ഫോണും, ഷൂസും, വാച്ചും മറ്റും ശ്രദ്ധക്കുന്നവരുടെ എണ്ണത്തിലും കുറവൊന്നും കാണാനില്ല. ജീവിതപങ്കാളിയെക്കുറിച്ചുള്ള ഇന്ത്യയിലെ പെണ്‍കുട്ടികളുടെ മാറിയ മനോഭാവമാണ് ഇതു കാണിക്കുന്നതെന്നും ഇപ്പോഴത്തെ പെണ്‍കുട്ടികള്‍ മുമ്പത്തേതില്‍നിന്നു മാറി സമൂഹത്തില്‍ ഒരു സ്ഥാനമുറപ്പിച്ചിട്ടുള്ള പുരുഷന്‍മാരെയാണു ജീവിതപങ്കാളിയാക്കാന്‍ ആഗ്രഹിക്കുന്നതെന്നും ശാദി ഡോട് കോമിന്റെ ചീഫ് ഓപ്പറേറ്റിംഗ് ഓഫീസര്‍ ഗൗരവ് രക്ഷിത് പറയുന്നു. ഇന്ത്യയില്‍ മൊത്തം മൂന്നു കോടി പേര്‍ക്കാണ് ട്വിറ്റര്‍ അക്കൗണ്ട് ഉള്ളത്.

2014ലെ കണക്കനുസരിച്ച ഇന്ത്യയില്‍ ഫേസ്ബുക്ക് ഉപയോഗിക്കുന്നവരുടെ എണ്ണത്തില്‍ അഞ്ചു ശതമാനമാണ് വളര്‍ച്ച കാണിക്കുന്നത്. മൊത്തം ഇന്ത്യയില്‍ എട്ടു കോടി ജനങ്ങളാണ് ഫേസ്ബുക്ക് ഉപയോഗിക്കുന്നത്. ഇതില്‍ 72 ശതമാനം പുരുഷന്‍മാരാണ്. അതില്‍ 48 ശതമാനം 18 വയസ്സിനും 24 വയസ്സിനു ഇടയില്‍ പ്രായമുള്ളവരും. ലോകത്തില്‍ത്തന്നെ ഫേസ്ബുക്ക് ഉപയോഗിക്കുന്നവരുടെ എണ്ണത്തില്‍ ഇന്ത്യക്കു രണ്ടാം സ്ഥാനമാണുള്ളത്. ഇപ്പോള്‍ പെണ്‍കുട്ടികള്‍ക്കു ഗ്ലാമറും സ്വഭാവവുമല്ല കാര്യം ഫേസ്ബുക്കും ട്വിറ്ററുമാണ് എന്നതാണ് വസ്തുത.

Newborn baby pictured clutching the coil that was meant to STOP his mother from having children
Posted by
06 May

അഞ്ചുവര്‍ഷത്തേക്ക് കുട്ടികള്‍ ഉണ്ടാവാതിരിക്കാന്‍ നൂതന ഗര്‍ഭനിരോധന മാര്‍ഗമായ മിറേന കോയില്‍ ഗര്‍ഭപാത്രത്തില്‍ നിക്ഷേപിച്ച യുവതി ഒരു വര്‍ഷത്തിനുള്ളില്‍ പ്രസവിച്ചു; നവജാത ശിശു പുറത്തേക്ക് വന്നത് കുഞ്ഞു കൈയില്‍ ചുരുട്ടിപ്പിടിച്ച ഗര്‍ഭനിരോധന കോയിലുമായി

അലാബാമ(യുഎസ്): അഞ്ചുവര്‍ഷത്തേക്ക് കുട്ടികള്‍ ഉണ്ടാവാതിരിക്കാന്‍ ഗര്‍ഭപാത്രത്തില്‍ നിക്ഷേിച്ച നൂതന ഗര്‍ഭനിരോധന മാര്‍ഗമായ മിറേന കോയില്‍ കൈയ്യേലേന്തി ഒരു വര്‍ഷത്തിനുള്ളില്‍ പിറന്ന കുഞ്ഞ് ലോകമാധ്യമങ്ങളില്‍ വൈറലാകുന്നു.

അടുത്തകാലത്തൊന്നും കുട്ടികളേ വേണ്ട എന്ന തീരുമാനത്തിലായിരുന്നു അലബാമക്കാരിയായ ഹെല്ലെയിന്‍ എന്ന യുവതി. അതിനുവേണ്ടി അവള്‍ സ്വീകരിച്ചതോ 99 ശതമാനവും വിജയകരമാകുമെന്ന് ശാസ്ത്രം വിലയിരുത്തിയ ഗര്‍ഭനിരോധന മാര്‍ഗവും. ഗര്‍ഭപാത്രത്തില്‍ മിറേനയെന്ന കോയിലാണ് അവള്‍ ഗര്‍ഭ നിരോധനത്തിനായി നിക്ഷേപിച്ചത്. അഞ്ചുവര്‍ഷത്തോളം കാലാവധിയുള്ളതാണ് ഈ കോയില്‍. കഴിഞ്ഞ സെപ്റ്റംബറിലാണ് ഇത് നിക്ഷേപിച്ചത്. എന്നാല്‍ അവളുടെ എല്ലാ പ്രതീക്ഷകളെയും തെറ്റിച്ചുകൊണ്ട് രണ്ടുമാസം പിന്നിട്ടതും ഛര്‍ദിയും തലചുറ്റലും പുറകെയെത്തി.

3FEE91B000000578-4472968-image-a-23_1493895048450ഡോക്ടറെ കാണിച്ചപ്പോഴാണ് ഹെല്ലെയിനെ ഞെട്ടിച്ച് ആ സത്യം പുറത്തുവന്നത്. 18 ആഴ്ചയോളം പ്രായമുള്ള കുഞ്ഞു അവളുടെയുള്ളില്‍ ജീവന്‍വച്ചു തുടങ്ങിയിരുന്നു. എന്നാല്‍ ഇതുകണ്ടൊന്നും ഹെല്ലെയിന്‍ കുലുങ്ങിയില്ല, അവള്‍ ഗര്‍ഭഛിദ്രം നടത്താന്‍ ഡോക്ടറെ സമീപിച്ചു. എന്നാല്‍ ഇത്രയും വൈകിയതുകൊണ്ട് ഗര്‍ഭഛിദ്രം സാധ്യമല്ല എന്ന് പറഞ്ഞുകൊണ്ട് ഡോക്ടര്‍ അവളെ കൈവിട്ടു.

അതുവരെ ഹെല്ലെയിന്‍ ആയിരുന്നു കഥയിലെ നായികയെങ്കില്‍ അവിടം മുതല്‍ കഥയാകെ മാറി. അമ്മയ്ക്ക് വേണ്ടാത്ത കുഞ്ഞ് ഗര്‍ഭപാത്രത്തില്‍ പൂര്‍ണ്ണ ആരോഗ്യത്തോടെ വളര്‍ന്നു. ഇതിനിടയ്ക്ക് ഡോക്ടര്‍മാര്‍ ഗര്‍ഭനിരോധന കോയില്‍ അന്വേഷിച്ചെങ്കിലും തുടക്കത്തില്‍ നടത്തിയ സ്‌കാനിങ്ങില്‍ അത് കണ്ടെത്താനായില്ല. പിന്നീടത് പ്ലാസന്റയ്ക്ക് പുറകിലായി കണ്ടെത്തി. അങ്ങനെ മാസം തികഞ്ഞതും അമ്മയെ തോല്‍പ്പിച്ച് അവന്‍ പുറത്തേക്ക് വന്നു. ആ വരവ് കട്ട ഹീറോയിസം തന്നെയായിരുന്നു. കുഞ്ഞു കൈയില്‍ ചുരുട്ടിപ്പിടിച്ച ഗര്‍ഭനിരോധന കോയിലുമായാണ് ഡെക്സ്റ്റര്‍ എന്ന് ആണ്‍കുഞ്ഞിന്റെ ഹീറോയിക് എന്‍ട്രി.

ഗര്‍ഭനിരോധന കോയില്‍ കൈയില്‍ പിടിച്ചുകൊണ്ടുള്ള ഡെക്സ്റ്ററിന്റെ ഐതിഹാസിക ചിത്രവും ശാസ്ത്രത്തെ തോല്‍പിച്ച് മകന്‍ നടത്തിയ മാസ് എന്‍ട്രിയും അമ്മ ഹെല്ലെയിന്‍ തന്നെയാണ് സോഷ്യല്‍ മീഡിയയിലൂടെ ലോകത്തെ അറിയിച്ചത്. ഇതോടെ ചിത്രം സോഷ്യല്‍ മീഡിയയില്‍ തരംഗമായി. ഇതിനകം 71,000 പേരാണ് ഈ ചിത്രം ഷെയര്‍ ചെയ്തത്. കുഞ്ഞു വേണ്ട എന്ന തന്റെ തീരുമാനം തെറ്റായിരുന്നുവെന്ന് ഈ അമ്മ പറയുന്നു. ഡെക്സ്റ്ററുടെ വരവ് കുടുംബത്തിന്റെ ഭാഗ്യമാണെന്നാണ് ഇപ്പോള്‍ ഹെല്ലെയിന്‍ പറയുന്നത്. സിസേറിയനിലൂടെയാണ് ഹെല്ലെയിന്‍ ഡെക്സ്റ്ററിന് ജന്മം നല്‍കിയത്.

Posted by
13 April

ഞങ്ങള്‍ കെട്ടിപ്പിടിക്കും ഉമ്മകള്‍വയ്ക്കും ആര്‍ത്തവ ദിനങ്ങള്‍ ആഘോഷിക്കും, അത് ഞങ്ങടെ ഇഷ്ടം, ഞങ്ങടെ ഇഷ്ടം ഞങ്ങളതു ചെയ്യും: ആരേയും പേടിക്കാതെ ഒരു കൂട്ടം പെണ്‍കുട്ടികള്‍ വിളിച്ചു പറയുന്നു; വീഡിയോ വൈറല്‍

തൃശ്ശൂര്‍: ഏമാന്‍മാരെ ഏമാന്‍മാരെ എന്നു തുടങ്ങുന്ന ഗാനം ഇപ്പോള്‍ സോഷ്യല്‍ മീഡിയയില്‍ വൈറലാണ്. ഞങ്ങളുടെ ഇഷ്ടം ഞങ്ങളതു ചെയ്യും ഞങ്ങളതു ചെയ്യും, സ്വാതന്ത്ര്യത്തോടെ നടക്കും, രാത്രിയില്‍ ഒറ്റക്കിറങ്ങി കറങ്ങും, മുടിവെട്ടും, ലഗ്ഗിങ്‌സ് ഇടും താലിയിടില്ല തട്ടമിടില്ല ചോദിച്ചാല്‍ പേടിക്കില്ല ഞങ്ങള്‍ കട്ടക്കലിപ്പ് പെണ്ണുങ്ങളാ…. ഞങ്ങള്‍ കെട്ടിപ്പിടിക്കും, ഉമ്മകള്‍ വയ്ക്കും, ആര്‍ത്തവ ദിനങ്ങള്‍ ആഘോഷിക്കും….. എന്നിങ്ങനെ പോകുന്നു ജെന്‍ഡര്‍ ജെസ്റ്റിസ് കട്ടക്കലിപ്പ് പാട്ടിന്റെ വരികള്‍.

ഒരു മെക്‌സിക്കന്‍ അപാരതയിലെ ഏമാന്മാരേ എന്ന പാട്ടിന്റെ വനിതകളുടെ വേര്‍ഷനാണ് ഈ പാട്ട്. വിഎസ് അരവിന്ദ് എഴുതി വനിതകളും ട്രാന്‍സ്‌ജെന്‍ഡേഴ്‌സും ചേര്‍ന്നു ചുവടുവച്ച പാട്ട് യൂട്യൂബില്‍ ഹിറ്റായി കഴിഞ്ഞു. തൃശ്ശൂര്‍ കോര്‍പ്പറേഷന്‍ ഓഫീസിന്റെ മുന്‍ വശത്തായി മുന്‍സിപ്പല്‍ ബസ്റ്റാന്‍ഡിന് അരികിലായാണ് പാട്ടുപാടി ഇവര്‍ നൃത്തം ചെയ്തിരിക്കുന്നത്.

special story about masters athletic winner sisily
Posted by
06 April

സിസിലിയുടെ വിജയത്തിന് പത്തരമാറ്റിന്റെ തിളക്കം; മാസ്‌റ്റേഴ്‌സ് അത്‌ലറ്റിക്കില്‍ അറുപത്തിരണ്ടാം വയസ്സില്‍ 5 കിലോമീറ്റര്‍ നടത്തത്തിലും 100 മീറ്റര്‍ ഓട്ട മത്സരത്തിലും ദേശീയ തലത്തില്‍ ഒന്നാം സ്ഥാനം സിസിലി ജീവിക്കാന്‍ തെരുവില്‍ പത്രങ്ങള്‍ വില്‍ക്കുന്നു

തൃശ്ശൂര്‍: സിസിലി വിന്‍സെന്റ് ഒരു പേരല്ല. കേരളത്തിലെ കോടിക്കണക്കിന് വരുന്ന സ്ത്രീകളുടെ ഒരു പ്രതിനിധിയാണിന്ന്. എല്ലാം ഉണ്ടായിട്ടും ഒറ്റപ്പെട്ടുപോകുകയും ജീവിക്കാന്‍ ആരുടെയും സഹായത്തിന് കാത്തു നില്‍ക്കാതെ അധ്വാനിക്കുകയും ചെയുന്ന സിസിലിയുടെ പെണ്‍കരുത്തിന്റെ മുഖം കാപട്യങ്ങളോ മേക്കപ്പോ ഇല്ലാതെ കാണിച്ചുതരുന്നു. നമുക്ക് ചുറ്റും ഇത്തരത്തില്‍ എത്രയോ സിസിലിമാരുണ്ട്. പക്ഷെ നാം കാണാറില്ല. കാണിക്കാന്‍ ഒരു ചാനലുകാരും അവരെ തേടിയെത്താറില്ല.

തൃശൂര്‍ നഗരത്തിലെ കടകളിലും തെരുവുകളിലും കയറിയിറങ്ങി ഒരു ബാഗും തൂക്കി ന്യൂസ് പേപ്പര്‍ വിറ്റാണ് സിസിലി ജീവിക്കുന്നത്. അതാണവരുടെ വരുമാനം. 20 വര്‍ഷം മുമ്പ് മരണപ്പെട്ടുപോയ ഭര്‍ത്താവ് വിന്‍സെന്റിന്റെ ഓര്‍മകളുടെ കരുത്തില്‍ ഒറ്റക്ക് മക്കളുടെയൊന്നും തുണയില്ലാതെ നഗരത്തിനടുത്ത് പട്ടിക്കാട്ട് ജീവിക്കുന്നു. ഷിംലയില്‍ മാസ്‌റ്റേഴ്‌സ് അത് ലറ്റിക് ഫെഡറേഷന്‍ ഓഫ് ഇന്ത്യ (എംഎഎഫ്‌ഐ) സംഘടിപ്പിച്ച മാസ്‌റ്റേഴ്‌സ് അത്‌ലറ്റിക്ക് ദേശീയ മത്സരത്തില്‍ ഇത്തവണ രണ്ട് ഒന്നാം സ്ഥാനവും ഒരു രണ്ടാം സ്ഥാനവുമാണ് സിസിലിക്ക്. ചാംപ്യന്‍ ഷിപ്പില്‍ കേരളത്തെ പ്രതിനിധീകരിച്ചാണ് സിസിലി പങ്കെടുത്തത്. 5 കിലോമീറ്റര്‍ നടത്തത്തില്‍ ഒന്നാം സ്ഥാനം. നൂറ് മീറ്റര്‍ ഓട്ടത്തിലും ഒന്നാം സ്ഥാനം തന്നെ.

ഇരുന്നൂറ് മീറ്റര്‍ ഓട്ടത്തില്‍ രണ്ടാം സ്ഥാനവും നേടിയാണ് കേരളത്തിന്റെ അഭിമാനമായി സിസിലി പെണ്‍കരുത്തിന്റെ പുതിയ ഭാഷ്യം രചിച്ചത്. ഇതാദ്യമായല്ല സിസിലി ഈ നേട്ടം കൈവരിക്കുന്നത്. കഴിഞ്ഞ പത്ത് കൊല്ലമായി തുടര്‍ച്ചയായി സിസിലി ദേശീയ മത്സരത്തില്‍ കേരളത്തെ പ്രതിനിധീകരിച്ച് പങ്കെടുക്കുന്നത്. യാത്രാ ചെലവും പരിശീലനത്തിനും വലിയൊരു തുക ചെലവ് വേണ്ടിവരും. ആരും സ്‌പോണ്‍സര്‍ ചെയ്യാനില്ലെങ്കിലും പത്രം വിറ്റ് കിട്ടുന്ന കാശ് മിച്ചം വെച്ച് സിസിലി മുടങ്ങാതെ ആവേശത്തോടെ മത്സരത്തിനെത്തും . 28 സംസ്ഥാനങ്ങളില്‍ നിന്നായി നിരവധി പേര്‍ പങ്കെടുത്ത ദേശീയ മത്സരത്തിലെ ദേശീയ ചാംപ്യന്‍ ആരോടും പരിഭവങ്ങളില്ലാതെ ഇന്നലെയും തൃശൂര്‍ നഗരത്തില്‍ പത്രക്കെട്ടുകളുമായി കടകളില്‍ നിന്ന് കടകളിലേക്ക് നടന്നു നീങ്ങി.

കഴിഞ്ഞ പത്ത് കൊല്ലമായി ദേശീയ ചാംപ്യന്‍ഷിപ്പില്‍ ആദ്യത്തെ മൂന്ന് സ്ഥാനം സിസിലിക്കുണ്ട്. ഇത്തവണ രണ്ട് ഒന്നാം സ്ഥാനവും ഒരു രണ്ടാം സ്ഥാനവും ലഭിച്ച ആഹ്ലാദത്തിലാണ് സിസിലി. 35 വയസ്സിന് മുകളിലുള്ളവര്‍ക്കാണ് വ്യത്യസ്ത കാറ്റഗറിയിലായി അത് ലറ്റിക്ക് മത്സരം ദേശീയാടിസ്ഥാനത്തില്‍ സംഘടിപ്പിക്കുന്നത്. കഴിഞ്ഞ ഫെബ്രുവരിയില്‍ തിരുവനന്തപുരത്ത് വെച്ച് നടന്ന സംസ്ഥാന മത്സരത്തിലെ വിജയത്തോടെയാണ് സിസിലി ദേശീയ മത്സരത്തിന് തെരഞ്ഞെടുക്കപ്പെട്ടത് .

മകന്‍ മാര്‍ട്ടിന്‍ സ്വന്തം കുടുംബവുമൊന്നിച്ച് മറ്റൊരിടത്താണ്. മകള്‍ ഷൈജിയും കുടുംബമായി പ്രാരാബ്ധമായി. ആരുടെയും സഹായത്തിന് സിസിലി കാത്തുനില്‍ക്കാറില്ല. കഴിഞ്ഞ പത്ത് വര്‍ഷമായി മക്കളുമായി ബന്ധമില്ലന്നതാണ് സത്യം. എന്നാലും സിസിലിക്ക് പരാതിയില്ല. ഒറ്റക്ക് ജീവിക്കാനുള്ള കരുത്തും ശേഷിയും തന്നില്‍ മരണം വരെ ഉണ്ടാകുമെന്ന ഉറച്ച വിശ്വാസം സിസിലിക്കുണ്ട്.
തൃശൂര്‍ നഗരത്തിലെ ആള്‍ക്കൂട്ടങ്ങള്‍ക്കിടയില്‍ കൈയ്യിലൊരു പത്രവുമായി നിങ്ങള്‍ക്കു മുന്നില്‍ എന്നേങ്കിലും ഇവരെ കാണാം. ഓര്‍ക്കുക ഇവരൊരു ദേശീയതാരമാണെന്ന്. ഉറ്റവരും ഉടയവരും കൈയ്യൊഴിഞ്ഞ കേരളത്തിന്റെ അഭിമാന താരമാണെന്ന്. അഭിനന്ദങ്ങള്‍ മതിയാകില്ല ഇവരുടെ വിജയത്തിളക്കത്തിന് പകരം വെക്കാന്‍.

(ഫഖ്‌റുദ്ധീന്‍ പന്താവൂര്‍)