illegal relationships between couples
Posted by
19 March

അവിഹിതബന്ധങ്ങള്‍ വരുന്ന വഴി; യുവതി തന്റെ അനുഭവം വെളിപ്പെടുത്തുന്നു

കാര്യങ്ങള്‍ ഇങ്ങനെയൊക്കെ ആയി മാറുമെന്ന് ഒരു ധാരണയുമില്ലായിരുന്നു. ഒരു കോണ്‍ഫറന്‍സില്‍ വെച്ചുണ്ടായ നല്ല സൗഹൃദം മാത്രമായിരുന്നു അത്. ഫോണ്‍ വിളികളും വാട്സ് ആപ്പും പരസ്പരമുള്ള മനസ്സിലാക്കലും പ്രോത്സാഹനവുമൊക്കെയായി ആ ബന്ധം പെട്ടെന്ന് വളര്‍ന്നു. അല്ലറ ചില്ലറ പിണക്കങ്ങളുണ്ടാകാറുണ്ടെങ്കിലും ഭര്‍ത്താവിനോടും രണ്ടു മക്കളോടും എനിക്കു യാതൊരു അകല്‍ച്ചയുമില്ല. അദ്ദേഹത്തിനും ഭാര്യയും കുട്ടികളുമൊക്കെയുള്ളതാണ്. അവര്‍ക്കിടയിലും പ്രശ്നങ്ങളുള്ളതായി പറഞ്ഞിട്ടില്ല. പക്ഷേ, ഏതോ ചില ഘടകങ്ങള്‍ ഞങ്ങളെ അടുപ്പിച്ചു. പലപ്പോഴും എല്ലാ അതിര്‍വരമ്പുകളും ലംഘിച്ചു മുന്നോട്ടുപോയ സൗഹൃദം വല്ലാത്ത ഒരു ആത്മബന്ധമായി നില്ക്കുകയാണിപ്പോള്‍.’

കണ്‍സള്‍ട്ടേഷനു വന്ന ഒരു ഐടി വനിതാരത്നം ഒറ്റശ്വാസത്തിലാണ് ഇത്രയും പറഞ്ഞുതീര്‍ത്തത്. സൂചനയില്‍നിന്നും കാര്യങ്ങള്‍ മനസ്സിലായി. വിഷയം ‘അക്കരപ്പച്ച’തന്നെ. ‘എന്നിട്ടിപ്പോള്‍ എന്താണ് അവസ്ഥ’ ഞാന്‍ ചോദിച്ചു. ‘ഡോക്ടര്‍, വല്ലാത്തൊരു ത്രില്ലും അഭിനിവേശവുമായിരുന്നു ആദ്യമൊക്കെ. എന്റെ കുടുംബത്തെയും മക്കളെയുമൊക്കെ മറന്നതുപോലെയായി മനസ്സിന്റെ അവസ്ഥ. കൗമാരക്കാരെക്കാളും കഷ്ടമായി കാര്യങ്ങള്‍.’

വയസ് 38 ആയെങ്കിലും എപ്പോഴും മറ്റേയാളിന്റെ ശബ്ദം കേള്‍ക്കണം, കാണണം, അടുത്തിരിക്കണം തുടങ്ങിയ പല തലങ്ങളിലേക്കായി ചിന്തകള്‍. വല്ലാണ്ട് പൊസ്സസീവ് ആയിപ്പോയി. ജോലിയിലും വീട്ടിലുമുള്ള ശ്രദ്ധ കുറഞ്ഞു. മുന്‍പില്ലാത്തവിധം ചെറിയ കാര്യങ്ങളിലൊക്കെ വീട്ടില്‍ ഞാന്‍ വഴക്കു തുടങ്ങി. പൊതുവേ സ്വസ്ഥമായിരുന്ന എന്റെ മനസ്സ് അസ്വസ്ഥമാകാന്‍ തുടങ്ങി. ‘എന്തു പറ്റീടി നിനക്ക്, എന്താ ഒരു ടെന്‍ഷന്‍ പോലെ’ ഭര്‍ത്താവ് എപ്പോഴും ചോദിക്കുന്നു. ഹസ്ബന്‍ഡ് ഈ റിലേഷന്‍ കണ്ടുപിടിക്കുമോ, കുടുംബം തകരുമോ എന്ന ചിന്ത മനസ്സില്‍ ആധിയായി വളരാന്‍ തുടങ്ങി. ‘തെറ്റാണ് നീ ചെയ്യുന്നത്’ എന്ന് മനസ്സ് ശകാരിക്കാന്‍ തുടങ്ങി. എന്റെ കുടുംബത്തെ ഞാന്‍ ചതിക്കുകയാണല്ലോ എന്നോര്‍ത്ത് പലപ്പോഴും മനസ്സ് വിങ്ങും.ഒറ്റയിരുപ്പില്‍ വായിച്ചുതീര്‍ക്കാവുന്ന ശൈലിയാണ് ഈ പുസ്തകത്തിനുള്ളതെങ്കിലും മനസ്സിരുത്തിയുള്ള നിരന്തരവായന ഹൃദയത്തെ ആഴത്തില്‍ സ്വാധീനിക്കും.

അത് നമ്മുടെ വ്യക്തിത്വത്തിലെ സഹജമായ നന്മകളെ ഉണര്‍ത്തി നമ്മെ ഒരു പുതിയ മനുഷ്യനാക്കിത്തീര്‍ക്കും. ജീവിതത്തിന്റെ ഏത് ഇരുട്ടില്‍നിന്നും നമ്മെ പിടിച്ചുയര്‍ത്തുന്ന പകാശമാര്‍ന്ന വാക്കുകളും ചിന്തകളും.

പക്ഷേ എത്ര ശ്രമിച്ചിട്ടും ആ റിലേഷന്‍ മറക്കാനോ ഒഴിവാക്കാനോ പറ്റുന്നില്ല. രണ്ടും ബാലന്‍സ് ചെയ്യാന്‍ ശ്രമിച്ചു. അപ്പോള്‍ സ്വയം പുച്ഛം തോന്നി. മറ്റേയാളും ചിലപ്പോള്‍ അടുപ്പം കുറയ്ക്കുന്നതുപോലെ. അതും സഹിക്കാന്‍ പറ്റില്ല. ഒരു വശത്തു സ്നേഹനിധിയായ എന്റെ ഭര്‍ത്താവും മക്കളും. മറുവശത്ത് മറ്റൊരു സ്ത്രീക്കു സ്വന്തമായ ആള്‍, അവരുടെ ഭര്‍ത്താവ് എന്റെ കാമുകനായി നില്ക്കുന്നു. തലപെരുത്തുപോവുകയാണ് ആലോചിച്ചാല്‍ അസ്വസ്ഥത കൂടി വട്ടുപിടിക്കും എന്നും തോന്നിയതുകൊണ്ടാണ് ഞാനിവിടെ എത്തിയത്.’

‘മനസ്സു പറയുന്ന പരിഹാരം എന്താണ്’ ഞാന്‍ ചോദിച്ചു. ‘എനിക്കാ ബന്ധം വേണ്ട ഡോക്ടര്‍. എനിക്കിനി എന്റെ മനഃസാക്ഷിയെ വഞ്ചിക്കാനാകില്ല. ഞാനിതുനിര്‍ത്തിയേ പറ്റൂ എന്നു പറഞ്ഞാലും അയാള്‍ ഇപ്പോള്‍ സമ്മതിക്കുന്നില്ല. ബോള്‍ഡ് ആയി നിന്ന് അയാളോട് സംസാരിക്കാനും ഉറച്ച തീരുമാനം എടുക്കാനും എന്റെ മനസ്സിന് ശക്തി വേണം. ഞങ്ങള്‍ ചെയ്തുകൊണ്ടിരിക്കുന്ന തെറ്റ് ഞങ്ങള്‍ക്ക് സംസാരിച്ച് പരിഹരിക്കണം. എന്നന്നേക്കുമായി ഈ ബന്ധം അവസാനിപ്പിച്ച് എന്റെ ഭര്‍ത്താവിനോട് വിശ്വസ്തയായി എനിക്കു ജീവിക്കണം.’

വിവാഹേതരബന്ധത്തില്‍ മനസ്സു കുരുങ്ങിപ്പോയി വിഷാദത്തിലേക്ക് പൊയ്ക്കൊണ്ടിരിക്കുന്ന ഒരു സ്ത്രീയുടെ വാക്കുകളാണിത്. ഇതേ വാക്കുകളും ആശയങ്ങളും വേദനകളും നിസ്സഹായതയും പങ്കുവെച്ചുകൊണ്ടുവരുന്ന പുരുഷന്മാരും സ്ത്രീകളും ഇന്ന് ധാരാളം. ‘പറ്റിപ്പോയി. മനസ്സു കൈവിട്ടുപോയി. അന്തസ്സിനു നിരക്കാത്ത ബന്ധങ്ങള്‍ ജീവിതത്തില്‍ വന്നുഭവിച്ചു, എല്ലാം നിര്‍ത്തണം. ഭാര്യയെയും മക്കളെയും ആത്മാര്‍ഥമായി സ്നേഹിക്കാന്‍ സാധിക്കണം. മനസ്സ് നേര്‍വഴിക്ക് നയിക്കാന്‍ ഡോക്ടറൊന്നു സഹായിക്കണം’ എന്നൊക്കെ അവരും പറയും. കുടുംബന്ധങ്ങളുടെ കെട്ടുറപ്പിനെപ്പറ്റി തെല്ലഹങ്കാരത്തോടെ ചിന്തിച്ചിരുന്ന നമ്മുടെ സംസ്‌കാരം മോഡേണ്‍ ട്രെന്‍ഡിനെ വികലമായി എപ്പോഴോ അനുകരിച്ചു തുടങ്ങിയപ്പോള്‍ പണ്ടേ പേരുകേട്ട ‘വേലിചാട്ടം’ വ്യാപകദുരന്തങ്ങളും, കുടുംബത്തകര്‍ച്ചകളും വിവാഹമോചനവും അസമാധാനവുമെല്ലാം നമ്മുടെ സമൂഹത്തില്‍ സൃഷ്ടിക്കുന്നു.

മദ്യപാനവും പുകവലിയും കഞ്ചാവും മാത്രമാണ് ദുഃശീലങ്ങള്‍ എന്നു വിശ്വസിക്കുകയും വിവാഹേതരബന്ധങ്ങളും വിവാഹപൂര്‍വബന്ധങ്ങളും ‘മികവാ’ണെന്നും ‘സ്മാര്‍ട്്ശീല’ങ്ങളാണെന്നും ചിന്തിക്കുകയും പ്രചരിപ്പിക്കുകയും ചെയ്യുന്ന ഒരു സമൂഹം സ്വയം ഒരുക്കുന്ന കുരുക്കിലേക്കാണ് സുബോധമില്ലാതെ നീങ്ങുന്നത്. സമാധാനക്കേടും ജീവിതത്തിന്റെ തകര്‍ച്ചയും മാത്രമാണ് ‘വേലിചാട്ട’ത്തിന്റെ ഉറപ്പുള്ള റിസള്‍ട്ട്.

വിവാഹേതരബന്ധത്തിന് കാരണം പലതാണ്. ‘ഞാന്‍ പങ്കാളിയില്‍നിന്നും പ്രതീക്ഷിച്ച കരുതലും സ്നേഹവും എനിക്കു ലഭിച്ചില്ല. ഉള്ളില്‍ സ്നേഹമുണ്ടാകാം. പ്രകടിപ്പിക്കാതെ ഞാനെങ്ങനെ അറിയും. ഞാന്‍ പരിചയപ്പെട്ട മറ്റൊരാള്‍ നിരന്തര കരുതലും അഭിനന്ദനവും സ്നേഹവുമെല്ലാം തന്നപ്പോള്‍ ഏതോ ഘട്ടത്തില്‍ മനസ്സ് കൈവിട്ടു’ എന്നു പറയുന്നവരുണ്ട്. പ്രകടിപ്പിക്കാത്ത സ്നേഹം, കരുതല്‍ എല്ലാം ഒരു വില്ലനാണ്.

തക്കസമയത്ത് സ്വന്തം സ്വഭാവം തിരിച്ചറിഞ്ഞ് മാറ്റിയില്ലെങ്കില്‍ സ്നേഹം കുറഞ്ഞ് പൊരുത്തക്കേടുകള്‍ ആരംഭിക്കും. ഈഗോ ശക്തമാകും. മനസ്സുകള്‍ തമ്മിലകലും. ചിലര്‍ക്കിടയില്‍ കുടുംബപരവും സാമ്പത്തികവുമായ തര്‍ക്കങ്ങള്‍ തുടര്‍ക്കഥകളാകും. ‘കീരിയും പാമ്പും’ കളികള്‍ക്കിടയില്‍ ചീത്തവിളികളും ഏറ്റുമുട്ടലുകളും ‘ആംഗ്രി ബേബീസ്’ നിര്‍ബാധം തുടരും. ഇപ്രകാരമുള്ള നിരന്തരപ്രശ്നങ്ങള്‍ മൂലം അസ്വസ്ഥമാകുന്ന മനസ്സ് പങ്കാളിയെ അറിയാതെ വെറുത്തുപോകും. ആശ്വാസം തേടി സുഹൃത്തുക്കളോട് പ്രശ്നങ്ങള്‍ പങ്കുവെച്ചു തുടങ്ങും. നിങ്ങളെ കേള്‍ക്കാനും മനസ്സിലാക്കാനും ശ്രമിക്കുന്ന ആ ആണ്‍-പെണ്‍ സുഹൃത്ത് എന്റെ വേവ്ലെങ്ത്തിലാണെന്ന തോന്നലിലും സഹതാപതരംഗത്തിലും വിഷമം പറയുന്നയാളും കേള്‍ക്കുന്നയാളും തമ്മില്‍ ഒരു ‘ഇത്’ അറിയാതെ അവര്‍ക്കിടയില്‍ സൃഷ്ടിക്കപ്പെടാം. ഇവരുടെ ‘കാര്‍ കൗണ്‍സലിങ്ങും ‘കോഫി ഷോപ്പ് കൗണ്‍സലിങ്ങും’ ‘റോഡ് സൈഡ് കൗണ്‍സലിങ്ങു’മെല്ലാം അവര്‍ക്കിടയില്‍ തോന്നിയ ആ ‘എന്തോ ഒരു ഇത്’ ഫീലിങ്ങിനെ അടുപ്പമായി വളര്‍ത്താം. ഇങ്ങനെ ‘അറിയാത്ത പണി’ ചെയ്ത്
‘പണി’യായവര്‍ നിരവധി. സഹതാപ പ്രണയരോഗം.

കുടുംബജീവിതത്തിലെ ലൈംഗികപൊരുത്തക്കേടുകളും ലൈംഗികപരീക്ഷണങ്ങള്‍ക്കുള്ള അഭിവാഞ്ഛയും മനസ്സില്‍ ഗൂഢമായി കിടക്കുന്ന ലൈംഗികാഭിനിവേശവുമാണ് മൂല്യബോധത്തിന്റെ മതില്‍ക്കെട്ടുകള്‍ തകര്‍ത്തെറിയാന്‍ മറ്റു ചിലരെ പ്രേരിപ്പിക്കുന്നത്. ‘ഉദാത്ത സ്നേഹം’ എന്നൊക്കെ പറഞ്ഞടുക്കുന്ന സ്ത്രീ-പുരുഷ മനസ്സില്‍ യഥാര്‍ഥത്തില്‍ സ്നേഹമായിരുന്നില്ല എന്ന് രണ്ടാളും പരസ്പരം വെളിപ്പെടുത്തണമെന്നുമില്ല.

ആകര്‍ഷണത്തിന് പ്രായമില്ല… പദവിയില്ല… കാരണം മനുഷ്യമനസ്സ് എന്നും ചെറുപ്പമാണ്. ശരീരത്തിനു പ്രായമാകുമ്പോഴും മനസ്സിനു കൗമാരംതന്നെയെന്നത്, നിശ്ശബ്ദ് എന്ന ഹിന്ദി ചലച്ചിത്രത്തില്‍ അമിതാഭ് ബച്ചന്‍ അവതരിപ്പിച്ച വൃദ്ധനായ കഥാപാത്രത്തിന് 18 വയസ്സുള്ള ഒരു പെണ്‍കുട്ടിയോട് തോന്നുന്ന ആകര്‍ഷണത്തില്‍ വ്യക്തം. ആര്‍ക്കും ആരോടും എപ്പോള്‍ വേണമെങ്കിലും അടുപ്പവും പ്രണയവും തോന്നാം… നിരന്തരസമ്പര്‍ക്കത്തിലൂടെ. ഏതു സൗഹൃദത്തിലും ബന്ധത്തിലും ‘അഞ്ചടി അഞ്ചിഞ്ച് അകലം’ ഫോര്‍മുലയും വിവേകവും പാലിച്ചില്ലെങ്കില്‍ ‘അറിയാതെ’ ‘പറയാതെ’ സംഭവിക്കുന്ന ചില ശാരീരിക മൃദുസ്പര്‍ശനങ്ങള്‍പോലും മാനസിക അടുപ്പം വര്‍ധിപ്പിച്ചേക്കാം. കുട്ടികളിലും ടീനേജേഴ്സിനും യുവതീയുവാക്കള്‍ക്കും മുതിര്‍ന്നവര്‍ക്കുമെല്ലാം ‘അഞ്ചടി അഞ്ചിഞ്ച്’ ഫോര്‍മുല ബാധകം. അവിഹിതബന്ധം ഒരിക്കലും നന്മ സമ്മാനിക്കില്ല. ഒടുക്കം നാശത്തിലായിരിക്കും എന്നു തിരിച്ചറിയുക.

ആത്മീയ അടിത്തറയോടെ മൂല്യബോധത്തിന്റെ ചിറകില്‍, പരസ്പരസ്നേഹത്തിന്റെയും പങ്കുവെക്കലിന്റെയും മനസ്സിലാക്കലിന്റെയും വിശ്വസ്തതയുടെയും തണലില്‍ ഭാര്യാ-ഭര്‍ത്താക്കന്മാര്‍ തങ്ങളുടെ ദാമ്പത്യധര്‍മം അനുഷ്ഠിച്ച് ജീവിക്കാന്‍ തയ്യാറാകുക എന്നതു മാത്രമാണ് ഏക പോംവഴി. പങ്കാളിക്ക് ‘മറ്റാരോടോ’ ഒരു ബന്ധമോ അടുപ്പമോ, ഉണ്ടെന്നു തോന്നിയാലോ കണ്ടെത്തിയാലോ തകരരുത്. സമചിത്തതയോടെ തുറന്നു സംസാരിക്കുക. സംശയം മനസ്സില്‍ നിറഞ്ഞുപൊട്ടുന്നതിലും നല്ലത് മനസ്സു പതറാതെ, അലമ്പും അടിയുമുണ്ടാക്കാതെ, ഉള്ളിലുള്ള നൊമ്പരം പങ്കാളിയോട് പങ്കുവെച്ച്, കൂടുതല്‍ സ്നേഹത്തോടെ, ക്ഷമയോടെ അയാളെ /അവളെ നിങ്ങളിലേക്ക് തിരികെ കൊണ്ടുവരിക.

(വിപിന്‍ വി. റോള്‍ഡന്റിന്റെ ജീവിത വിജയത്തിലേക്ക് ഒരു യു ടേണ്‍ എന്ന പുസ്തകത്തില്‍ നിന്ന്)

why-men-look-into-the-lips-women
Posted by
08 February

യുവതികളുടെ ശ്രദ്ധയ്ക്ക്; സംസാരിക്കുമ്പോള്‍ പുരുഷന്‍മാര്‍ നോക്കുന്നത് ചുണ്ടിലേയ്ക്കാണോ? എങ്കില്‍

പരസ്പരം സംസാരിക്കുമ്പോള്‍ പുരുഷനായാലും സ്ത്രീയായാലും കണ്ണില്‍ നോക്കുന്നതാണു മര്യാദ. എന്നാല്‍ ഇതു പലപ്പോഴും സംഭവിക്കണം എന്നില്ല. പുരുഷന്മാര്‍ സ്ത്രീകളോടു സംസാരിക്കുമ്പോഴാണു കൂടുതല്‍ ശ്രദ്ധിക്കേണ്ടത്. കാരണം ഒന്നുനോട്ടം തെറ്റിയാല്‍ അതു തെറ്റായി വ്യാഖ്യാനിക്കപ്പെടാം. സ്ത്രീയോട് പുരുഷന്‍ സംസാരിക്കുമ്പോള്‍ നോക്കുന്നതു ചുണ്ടിലേയ്ക്കാണെങ്കില്‍ അതിനുള്ള കാരണം ഇവയാകാം.

മറുവശത്തുള്ളയാള്‍ പറയുന്നതു വളരെ ആവേശത്തോടെ കേട്ടരിക്കുന്നത് കൊണ്ടാകാം ചുണ്ടിലേയ്ക്കു നോക്കുന്നത്.

മറുവശത്തു നില്‍ക്കുന്നയാളോടു ലൈംഗിക താല്‍പ്പര്യം തോന്നിയാല്‍ ചുണ്ടിലേയ്ക്ക് നോക്കുമെന്നു പറയുന്നു.

മറുവശത്തു നില്‍ക്കുന്ന സ്ത്രീയേ ചുംബിക്കാന്‍ താല്‍പ്പര്യം ഉണ്ടെങ്കിലും പുരുഷന്‍ ചുണ്ടിലേയ്ക്ക് നോക്കുമത്രെ.

സ്ത്രീയുടെ സംസാരം സഹിക്കാന്‍ കഴിയാതെ വരുമ്പോള്‍ ഇവര്‍ എപ്പോഴാണ് ഇതു നിര്‍ത്തുക എന്ന ചിന്തയിലായിരിക്കാം ചുണ്ടിലേയ്ക്കു നോക്കുന്നത്.

മറ്റുള്ളവരെ പെട്ടന്ന് ആകര്‍ഷിക്കുന്ന തരത്തിലുള്ള ലിപ്സ്റ്റിക്ക് ഇടുന്നതും ഈ നോട്ടം വഴിതെറ്റുന്നതിനു കാരണമാകും.

Arunima Sinha’s Story: First Indian Artificial Leg Girl Who Climbed The Everest
Posted by
28 January

കൃതൃമകാലുമായി വിജയത്തിന്റെ 'കൊടുമുടി' കീഴടക്കിയ അരുണിമ സിന്‍ഹ

=ഫഖ്‌റുദ്ധീന്‍ പന്താവൂര്‍

ജയിക്കുന്നതിനും ജേതാവുകന്നതിനും തമ്മില്‍ വ്യത്യാസമുണ്ട്. ജയം ഒരു സംഭവമാണ്. ജേതാവുകുന്നത് ആത്മവീര്യത്തിന്റെ പ്രവര്‍ത്തനമാണ്. പ്രതികൂല സാഹചര്യങ്ങളോട് പൊരുതി വിജയം നേടിയ അനുപമ സിന്‍ഹ എന്ന യുവതി നമുക്കോരോര്‍തര്‍ക്കും വലിയൊരു പാഠമാണ്. നാം എന്ത് ആഗ്രഹിക്കുന്നുവോ അത് യാഥാര്‍ത്ഥ്യമാകുമെന്ന പാഠം. അരുണിമ വിജയത്തിന്റെ കൊടുമുടി കീഴടക്കിയത് യാദൃശ്ചികമല്ല. കഠിനമായ ശ്രമങ്ങളുടെയും ലക്ഷ്യം സാക്ഷാത്കരിക്കാനുള്ള ഇച്ഛാശക്തിയുടെയും സമ്മാനമാണ് ആ വിജയം.

ഉത്തര്‍പ്രദേശിലെ അംബേദ്കര്‍ നഗറില്‍ ഒരു സാധാരണ കുടുംബത്തിലാണ് 1988 ല്‍ അരുണിമ സിന്‍ഹ ജനിച്ചത്. കുട്ടിക്കാലം മുതല്‍ സ്‌പോര്‍ട്‌സില്‍ താല്‍പര്യം കാണിച്ചിരുന്ന അരുണിമ നല്ലൊരു വോളിബോള്‍ താരമായി. നാട്ടുകാരും വീട്ടുകാരും അരുണിമയുടെ സ്വപ്നങ്ങള്‍ക്ക് കരുത്ത് പകര്‍ന്നു . ദേശീയതലത്തില്‍ മികവുകാട്ടിയ വോളിബോള്‍ താരമായി അരുണിമ. സ്വപ്നങ്ങള്‍ക്ക് കൂടുതല്‍ നിറങ്ങള്‍ പകര്‍ന്ന കാലം. 2011 ഏപ്രില്‍ 11ന് സിഐഎസ് എഫില്‍ ജോലി ലഭിക്കുന്നതിനുള്ള പരീക്ഷയില്‍ പങ്കെടുക്കുന്നതിനായി ലക്‌നോവില്‍ നിന്ന് ഡല്‍ഹിയിലേക്ക് നടത്തിയ ട്രയിന്‍ യാത്ര അരുണിമയുടെ ജീവിതത്തെ മാറ്റിമറിച്ചു.

NEPAL-INDIA-RECORD-DISABLED-EVEREST

പത്മാവതി എക്‌സ്പ്രസിലെ ജനറല്‍ കംപാര്‍ട്ട്‌മെന്റിലെ യാത്ര അരുണിമ ഒരിക്കലും മറക്കില്ല. കൊള്ളക്കാരുടെ രൂപത്തിലാണ് അരുണിമയുടെ മുന്നിലേക്ക് ആ ദുരന്തം കടന്നുവന്നത്. മൂന്നുപേര്‍ അടങ്ങുന്ന സംഘം ട്രയിനിലെ യാത്രക്കാരെ കൊള്ളയടിക്കാനുള്ള ശ്രമമായിരുന്നു. കഴുത്തില്‍ കിടന്നിരുന്ന സ്വര്‍ണ്ണമാല കൊള്ളയടിക്കാനുള്ള ശ്രമത്തെ അരുണിമ ശക്തമായി എതിര്‍ത്തു. പിടിവലിക്കിടയില്‍ കൊള്ളക്കാര്‍ അരുണിമയെ ട്രയിനില്‍ നിന്ന് പുറത്തേക്കെറിഞ്ഞു. ട്രാക്കില്‍ വീണ അരുണിമക്ക് എഴുന്നേറ്റ് നില്‍ക്കാന്‍ പോലും കഴിഞ്ഞില്ല. കണ്‍മിഴി തുറക്കും വേഗത്തില്‍ ട്രാക്കിലൂടെ മറ്റൊരു ട്രയിന്‍ പാഞ്ഞുപോയി. എഴുന്നേല്‍ക്കാന്‍ ശ്രമിച്ചെങ്കിലും ഇടതുകാലിലൂടെ ട്രയിന്‍ കയറിയിറങ്ങി. സ്വപ്നങ്ങള്‍ ചതഞ്ഞരഞ്ഞു. അരുണിമയുടെ കാല്‍ ചിന്നഭിന്നമായി.

arunima-sinha1470135892_big

ബോധരഹിതയായ അരുണിമയെ ആശുപത്രിയിലെത്തിച്ചെങ്കിലും കാല്‍ പൂര്‍ണ്ണമായും മുറിച്ചുമാറ്റേണ്ടിവന്നു. സ്വപ്നങ്ങള്‍ പാതിയില്‍ നഷ്ടപ്പെട്ട ആ പെണ്‍കുട്ടിക്ക് രണ്ട് ലക്ഷം രൂപ നഷ്ടപരിഹാരമായി കേന്ദ്ര റെയില്‍വേ മന്ത്രി പ്രഖ്യാപിച്ചു. കാല്‍ നഷ്ടപ്പെട്ടവള്‍ക്ക് ഇനിയൊരു വോളിബോള്‍ ഭാവിയില്ലെന്ന് ഒരു നടുക്കത്തോടെ അവള്‍ തിരിച്ചറിഞ്ഞു. സ്വപനങ്ങള്‍ തകര്‍ന്ന അരുണിമയുടെ ഇച്ഛാശക്തിയെ ചതച്ചരക്കാന്‍ ആ ദുരന്തത്തിനായില്ല. കൃതൃമകാലുമായി അരുണിമ പുതിയൊരു ജീവിതത്തിലേക്ക് സഞ്ചരിച്ചു. യാഥാര്‍ത്ഥ്യങ്ങള്‍ അവളെ പുതിയ സ്വപ്നങ്ങള്‍ കാണാനുള്ള കരുത്ത് പകര്‍ന്നു. എവറസ്റ്റ് കൊടുമുടി കീഴടക്കുക .കണ്ണുകള്‍ ലക്ഷ്യം കണ്ടാല്‍ ശരീരം അതിലേക്കെത്തും തീര്‍ച്ച .ഉറച്ച തീരുമാനമെടുത്തു ആ പെണ്‍കുട്ടി. ഒരു ദുരന്തങ്ങള്‍ക്കും വിധികള്‍ക്കും തകര്‍ക്കാനാവാത്ത ഉറച്ച മനസ്സ് അരുണിമക്ക് ശക്തി പകര്‍ന്നു .മനസ്സ് മുഴുവന്‍ എവറസ്റ്റ് കീഴടക്കുന്നതായിരുന്നു. കൃതൃമ കാലുമായി എവറസ്റ്റ് കീഴടക്കാനാകുമെന്ന് അവള്‍ ഉറച്ച് വിശ്വസിച്ചു. ജേതാക്കള്‍ വ്യത്യസ്ത കാര്യങ്ങളല്ല മറിച്ച് കാര്യങ്ങളെ വ്യത്യസ്തമായാണ് ചെയ്യുന്നതെന്ന് അരുണിമ തിരിച്ചറിഞ്ഞു. നാലു മാസത്തെ ചികിത്സക്കാലം അരുണിമയെ കൂടുതല്‍ ശുഭാപ്തി വിശ്വാസിയാക്കി.

Arunima_Sinha_2680486f

മൂത്ത സഹോദരന്‍ ഓം പ്രകാശിന്റെ സഹായത്തോടെ അരുണിമ മലകയറ്റം പരിശീലിക്കാന്‍ തുടങ്ങി. വീട്ടുകാരും കൂട്ടുകാരും നാട്ടുകാരും പിന്തുണയുമായി ഒപ്പമുണ്ടായിരുന്നു. 2013 മെയ് 13 രാവിലെ 10.55 ന് ലോകം ആ അത്ഭുത വിജയത്തിന് സാക്ഷ്യം വഹിച്ചു. കൃതൃമക്കാലുമായി എവറസ്റ്റ് കീഴടക്കിയ വികലാംഗയായ ആദ്യ ഇന്ത്യക്കാരിയായി അരുണിമ ചരിത്രത്തില്‍ ഇടം നേടി. ഇരുപത്തി അഞ്ചാം വയസ്സിലാണ് അരുണിമ ഈ അപൂര്‍വ്വ നേട്ടം കൈവരിച്ചത്.

മല കയറ്റ പരിശീലകയായ സൂസന്‍ മഹാതേവും ഒപ്പമുണ്ടായിരുന്നു. കഴിഞ്ഞ വര്‍ഷം രാജ്യം അരുണിമക്ക് പത്മശ്രീ നല്‍കി ആദരിച്ചു. പത്മശ്രീ അരുണിമ സിന്‍ഹയുടെ വിജയകഥ പാഠ പുസ്തകത്തിലുള്‍പ്പെടുത്തുകയാണ് കേന്ദ്ര സര്‍ക്കാര്‍. നമുക്കും പാഠമാണ് ഈ ജീവിതം. തോല്‍ക്കാനുള്ളതല്ല ജയിക്കാനുള്ളതാണ് ജീവിതമെന്ന പാഠം.
നോക്കൂ .. നാം ആഗ്രഹിക്കുന്നത് നേടാനായില്ലെങ്കില്‍ നിരാശരാകുന്നവര്‍ ഒത്തിരിയാണ്. യാഥാര്‍ത്ഥ്യങ്ങളെ അംഗീകരിച്ച് പുതിയ സ്വപ്നങ്ങള്‍ കാണാനും ലക്ഷ്യം നേടാനും നമുക്ക് കഴിയും. അതിന് നമ്മുടെ മനോഭാവം എപ്പോഴും പോസറ്റീവായിരിക്കണമെന്നു മാത്രം

(മാധ്യമപ്രവര്‍ത്തകനും, അധ്യാപകനും, ഹിപ്പ്‌നോട്ടിക്കല്‍ കൗണ്‍സിലറുമാണ് ലേഖകന്‍ 9946025819 )

alignthoughts-arunima-sinha-women-inspiraion-at-the-Everest-summit

special story related jaseekka handicapped pilot
Posted by
16 January

പറക്കാന്‍ കൊതിച്ച് പ്രകാശം പരത്തിയ പെണ്‍കുട്ടി, കാലുകള്‍ കൊണ്ട് വിമാനം പറത്തിയ ഇരുകൈകളും ഇല്ലാത്ത ജെസീക്ക; ഇച്ഛാശക്തിയുണ്ടെങ്കില്‍ നമുക്കും സ്വപ്നങ്ങള്‍ സാക്ഷാത്കരിക്കാം

-ഫഖ്‌റുദ്ധീന്‍ പന്താവൂര്‍

പറക്കാന്‍ കൊതിച്ച പെണ്‍കുട്ടിയാണിവള്‍. ജെസീക്കയുടെ സ്വപ്നങ്ങളുടെ ചിറകുകള്‍ അവളുടെ ഇച്ഛാശക്തിയാണ്. കൈകളില്ലാതെ വളപ്പൊട്ട് പോലുള്ള ഒരു കുഞ്ഞിനെ കിട്ടിയപ്പോള്‍ അവരുടെ മാതാപിതാക്കള്‍ എന്തുമാത്രം സങ്കടപ്പെട്ടിട്ടുണ്ടാകും. എന്നിട്ടുമവളുടെ സ്വപ്നങ്ങള്‍ക്ക് മഴവില്ലിന്റെ അഴകായിരുന്നു. സപ്തവര്‍ണ്ണങ്ങള്‍ ചാര്‍ത്താന്‍ രക്ഷിതാക്കള്‍ ഒപ്പം നിന്നപ്പോള്‍ അവള്‍ ചിറകുകളില്ലാതെ തന്നെ പറന്നു. ജീവിതം തോറ്റുകൊടുക്കാനുള്ളതല്ല, ജയിക്കാനുള്ളതാണെന്ന് ജീവിതം കൊണ്ട് പഠിപ്പിച്ചവരാണ് അമേരിക്കക്കാരി ജെസീക്ക കോക്‌സ് .

ജന്മനാ ഇരുകൈകളുമില്ലായിരുന്നു ഇവര്‍ക്ക്. കുട്ടിക്കാലത്ത് കൂട്ടുകാരികള്‍ പട്ടം പറത്തുമ്പോള്‍ പറന്ന് പൊങ്ങുന്ന പട്ടത്തെയും നൂലിന്റെ അറ്റത്തുള്ള കുഞ്ഞിക്കൈകളെയും നോക്കി ജെസീക്കയുടെ ബാല്യം ഒത്തിരി കരഞ്ഞിട്ടുണ്ട്. അന്നവള്‍ ഉറപ്പിച്ച , ഒരു പൈലറ്റാവാന്‍. പട്ടങ്ങള്‍ക്കുമുകളില്‍ സ്വയം പറന്നങ്ങനെ പോകാന്‍. ഒരു കാര്യം ആഗ്രഹിക്കുക മാത്രമല്ല അതിനായി ചിന്തിക്കുകയും വീണ്ടും ചിന്തിക്കുകയും അതുമാത്രം ആഗ്രഹിക്കുകയും പ്രവര്‍ത്തിക്കുകയും ചെയ്തപ്പോള്‍ ജീവിതത്തില്‍ അസാധ്യമായതൊന്നുമില്ലെന്ന് ഈ പെണ്‍കുട്ടി തെളിയിച്ചു .

അസാധ്യമെന്ന് എല്ലാവരും വിധിയെഴുതിയെങ്കിലും കൈകളില്ലാത്ത ജെസീക്ക 2008 ല്‍ വിമാനം പറത്തി ഗിന്നസ് റെക്കോര്‍ഡ് നേടി . പതിനായിരം അടിക്കുമുകളിലൂടെയാണ് കാലുകള്‍ കൊണ്ട് ജെസീക്ക വിമാനം പറത്തിയത് . കരാഠേയില്‍ രണ്ട് ബ്ലാക്ക് ബെല്‍റ്റും ഈ മുപ്പത്തിനാലുകാരി നേടിയിട്ടുണ്ട്.

unnamedജെസീക്കയുടെ ജീവിതം നമുക്കും പാഠമാണ് . ജീവിതത്തില്‍ അസാധ്യമായത് ഒന്നുമില്ലെന്ന പാഠം. മാറാന്‍ നാം തയ്യാറായാല്‍ മാറ്റം ദൈവം നല്‍കും . വിവാഹജീവിതം നയിച്ച് നല്ലൊരു മോട്ടിവേഷണല്‍ സ്പീക്കര്‍ കൂടിയാണ് ജസീക്ക. 1983 ഫെബ്രുവരി 2 നാണ് അമേരിക്കയിലെ അരിസോണയില്‍ ജെസിക്ക ജനിച്ചത് .അരിസോണ സര്‍വ്വകലാശാലയില്‍ സൈക്കോളജിയില്‍ ബിരുദാനന്തര ബിരുദം നേടിയ ഈ മിടുക്കി ഇതിനകം ഇരുപതിലധികം രാജ്യങ്ങള്‍ സന്ദര്‍ശിച്ച് തന്റെ ജീവിത വിജയം പകര്‍ന്നുനല്‍കിയിട്ടുണ്ട് .2005 മുതലാണ് മോട്ടിവേഷണല്‍ സ്പീക്കര്‍ എന്ന നിലക്ക് സജീവമായത്.നിരവധി അവാര്‍ഡുകള്‍ സ്വന്തമാക്കിയ ജെസീക്കക്ക് 2012 ല്‍ അമേരിക്കയിലെ ഇന്‍സ്പിരേഷന്‍ അവാര്‍ഡ്‌സ് ഫോര്‍ വിമണ്‍ അവാര്‍ഡും ലഭിച്ചിട്ടുണ്ട് .

പരാതികളും പരിഭവങ്ങളും മാത്രം കണ്ടെത്തി ജീവിതം തകര്‍ക്കുന്നവര്‍ ഈ പെണ്‍കുട്ടിയെ പഠിക്കുക. ലഭിച്ച അനുഗ്രഹങ്ങളില്‍ നന്ദിയുള്ളവരാകാന്‍ കഴിയാത്തിടത്തോളം നമുക്ക് ശരിയായ വിജയം ലഭിക്കുകയില്ല .ജീവിതത്തില്‍ നാം എന്താണോ എപ്പോഴും ആഗ്രഹിക്കുന്നതും ചിന്തിക്കുന്നതും അത് യാഥാര്‍ത്ഥ്യമാകും. കുറവുകളും കഴിവുകേടുകളും പറഞ്ഞ് മാറിനില്‍ക്കുന്നവര്‍ക്ക് എവിടെയും എത്താന്‍ കഴിയില്ല .നമുക്ക് കൈകളുണ്ട് കാലുകളുണ്ട് .എന്നിട്ടും നമ്മുടെതായ ഒരു കൈയ്യൊപ്പ് പതിപ്പാനായില്ലെങ്കില്‍ അത് നമ്മുടെ മാത്രം പരാജയമാണ്. ഇല്ലായ്മകളിലേക്ക് നോക്കിയിരിക്കാതെ ഈശ്വരന്‍ നല്‍കിയതിനെ ഉപയോഗപ്പെടുത്തുക. അനുഗ്രഹങ്ങളില്‍ നന്ദിയുള്ളവനാകുക .ചരിത്രം വായിച്ച് രസിക്കുന്നതിലും പഠിക്കുന്നതിലും അഭികാമ്യം സ്വയമൊരു ചരിത്രം സൃഷ്ടിക്കുന്നതിലാണ്.

ഓരോ കുഞ്ഞു ജീവിതങ്ങളിലുമുണ്ട് മഹാവിജയത്തിന്റെ പ്രവാഹം. തെറ്റായ മനോഭാവങ്ങള്‍ കൊണ്ട് നാമതിനെ അണകെട്ടി തടഞ്ഞുനിര്‍ത്തിയിരിക്കുകയാണ്. ഇച്ഛാശക്തികൊണ്ട് നമുക്കാ പ്രവാഹത്തെ ഒഴുക്കിവിടാം. മനോഭാവങ്ങള്‍ ശുഭകരമാക്കി അതിന് നാം വഴിയൊരുക്കണം. ഇന്നുതന്നെ നിങ്ങള്‍ ലക്ഷ്യങ്ങള്‍ നിര്‍ണ്ണയിക്കുക.സ്വപ്നങ്ങള്‍ കണ്ടുതുടങ്ങുക. ഒരാള്‍ക്ക് സാധ്യമാണെങ്കില്‍ മറ്റുള്ളവര്‍ക്കുമത് കഴിയും. നാം തയ്യാറാകണമെന്നു മാത്രം. വ്യത്യസ്ത കാര്യങ്ങള്‍ ചെയ്തിട്ടല്ല വിജയിക്കുന്നത്. മറിച്ച് കാര്യങ്ങളെ വ്യത്യസ്തമായി ചെയ്തിട്ടാണ്.

( മാധ്യമപ്രവര്‍ത്തകനും ,അധ്യാപകനും ,ഹിപ്പ്‌നോട്ടിക്കല്‍ കൗണ്‍സിലറും ,മൈന്റ് കണ്‍സള്‍ട്ടന്റുമാണ് ലേഖകന്‍. 9946025819 )

special story about life success
Posted by
12 January

നിമിഷത്തിന്റെ പുത്രനാകാന്‍ കഴിഞ്ഞാല്‍ ഇനി നമ്മള്‍ തോല്‍ക്കില്ല

-ഫഖ്‌റുദ്ധീന്‍ പന്താവൂര്‍

ഭൂമിയിലെ ജീവിതം നരകിച്ചും വിഷമിച്ചും പരാതികളും പരിഭവങ്ങളും പറഞ്ഞും നരകതുല്യമാക്കുന്നവരാണ് നല്ലൊരു പങ്കും. എല്ലാ സുഖങ്ങളും സൗകര്യങ്ങളും വേണ്ടെന്ന് വെച്ച് ചിലര്‍ മരണശേഷമുള്ള ‘ സ്വര്‍ഗീയ ജീവിതത്തെയും ‘ കാത്തിരിപ്പാണ്. ഇത്തിരിപ്പോന്ന ഈ ജീവിതത്തെ സ്വര്‍ഗീയമാക്കാന്‍ കഴിയാത്തവന് മറ്റൊരു സ്വര്‍ഗത്തെ തേടുന്നതില്‍ എന്തര്‍ത്ഥം.

ഇനി നമ്മള്‍ തോല്‍ക്കരുത്. ഇവിടെ സ്വര്‍ഗം തീര്‍ത്ത് ജീവിക്കണം. ഇതൊക്കെ കേവലം ആഗ്രഹങ്ങള്‍ മാത്രമൊന്നുമല്ലട്ടോ. ഏതൊരാള്‍ക്കും കഴിയുമിതൊക്കെ, നിമിഷത്തിന്റെ പുത്രനാകാന്‍ കഴിയണമെന്നുമാത്രം. ഇന്നലെകളിലെ വേദനിക്കുന്ന ഓര്‍മ്മകളും പിറക്കാനിരിക്കുന്ന നാളെ കളെക്കുറിച്ചുള്ള ആശങ്കകളുമാണല്ലോ ജീവിതത്തില്‍ രസംകൊല്ലിയാക്കുന്നത്. അതിനൊരു പരിഹാരമാണ് നിമിഷത്തിന്റെ പുത്രനായി ജീവിക്കാന്‍ കഴിയുക എന്നത്. സൂഫികളുടെ ജീവിത രഹസ്യം അവര്‍ നിമിഷത്തിന്റെ പുത്രന്മാരായി കഴിയുന്നു എന്നതാണ്.

എങ്ങനെയാണ് നിമിഷത്തിന്റെ പുത്രനായി ജീവിക്കാനാവുക ?

മനോഭാവങ്ങള്‍ മാറണം ആദ്യം. എന്തിലും ഏതിലും കുറ്റങ്ങള്‍ കണ്ടെത്തുന്ന ,എല്ലാത്തിലും നെഗറ്റീവ് വശങ്ങള്‍ മാത്രം കാണുന്നൊരു മനോഭാവമാണെങ്കില്‍ നിങ്ങള്‍ നിങ്ങളുടെതന്നെ തടവറയിലാണ്. ജീവിതത്തില്‍ വിജയിക്കാന്‍ കഴിയില്ല. എല്ലാത്തിലും
നന്മയും എല്ലാവരിലും സ്‌നേഹവും കാണാന്‍ കഴിയണം. ഏറ്റവും പ്രിയത്തോടെ കാമുകിക്ക് നല്‍കുന്ന മനോഹരമായൊരു റോസാപ്പൂവില്‍ കാമുകനെ ഒരു കൊലയാളിയായാണ് ചെടി കാണുന്നത് .പക്ഷെ കാമുകനത് ഹൃദയം കൈമാറലും. മനോഭാവമാണ് നിങ്ങളുടെ നല്ല നിമിഷത്തെയും മോശം നിമിഷങ്ങളെയും സൃഷ്ടിക്കുന്നത്. ഇന്നില്‍ ജീവിക്കാന്‍ പഠിക്കണം . മനോഹരമായ ഇന്നുകള്‍ സൃഷ്ടിച്ചാല്‍ ഓര്‍മിക്കാവുന്ന ഇന്നലെകളെയത് സമ്മാനിക്കും .പ്രതീക്ഷയുള്ള നാളെകളെയും തരും. ഓരോ നിമിഷവും മനോഹരമാക്കാന്‍ ശ്രമിച്ചാല്‍ വളപ്പൊട്ട് പോലുള്ള ഈ കൊച്ചു ജീവിതം സ്വര്‍ഗമാണ്. സൂഫികള്‍ പറയാറുണ്ട് ദുനിയാവും സ്വര്‍ഗമാണെന്ന്. കാരണം ഏതു സാഹചര്യത്തെയും അവര്‍ സംതൃപ്തിയോടെ സ്വീകരിക്കുന്നു. ലഭിച്ചതൊക്കെയും തന്റെ നന്മക്കാണെന്ന് വിശ്വസിക്കുന്നു. പരാതികളില്ല പരിഭവങ്ങളില്ല നന്മനിറഞ്ഞ നന്ദി മാത്രം .

നിത്യജീവിതത്തില്‍ ഹിതകരമായതും അല്ലാത്തതുമായ അനുഭവങ്ങള്‍ ഉണ്ടാകും. ഏതു സാഹചര്യത്തിലും നല്ല മനോഭാവത്തോടെ അതിനെ നേരിടാന്‍ കഴിയുമ്പോഴാണ് നിമിഷത്തിന്റെ പുത്രനായി ജീവിക്കാനാവുക. ഒരിക്കല്‍ തന്നെ വല്ലാതെ പരിഹസിക്കുകയും അധിക്ഷേപിക്കുകയും ചെയ്ത ഒരാള്‍ക്ക് സൂഫിയായ ഹസന്‍ ബസരി കൈയ്യിലുള്ള മധുരമുള്ള ഈന്തപ്പഴം സമ്മാനിച്ചൊരു കഥയുണ്ട്. എന്നിട്ടു പറഞ്ഞു എന്റെ കൈയില്‍ നല്‍കാന്‍ ഇതുമാത്രമെയുള്ളൂ. അതോടെ അയാള്‍ പിന്നീടത് ആവര്‍ത്തിച്ചില്ല .നല്ല മനോഭാവമാണ് നിങ്ങള്‍ക്കെങ്കില്‍ ജീവിതവിജയം നേടാം.

മറ്റുള്ളവരുടെ ജീവിതത്തിലേക്കുള്ള ഒളിച്ചുനോട്ടമാണ് നല്ല മനോഭാവങ്ങളെ ഇല്ലാതാക്കുന്നത്. കണ്ണുകള്‍ കാണാന്‍ മാത്രമല്ല; ഇഷ്ടമില്ലാത്തത് കാണാതിരിക്കാനും കൂടിയാണ്. നിങ്ങളുടെ മനോഭാവങ്ങള്‍ ശുഭകരമാണോ അനാകര്‍ഷകമാണോ എന്നത് മനോഭാവത്തെ ആശ്രയിച്ചിരിക്കുന്നു. പരാജയങ്ങളെയും പ്രശ്‌നങ്ങളെയും വെല്ലുവിളിയായി സ്വീകരിച്ച് മുന്നേറാന്‍ കഴിയണം. റിസ്‌ക്ക് എടുക്കുന്നവര്‍ക്കല്ലേ വിജയം ലഭിക്കു. ഒന്നുനേടുമ്പോള്‍ മറ്റൊന്ന് നഷ്ടമാകും. നിങ്ങള്‍ നിമിഷത്തിന്റെ പുത്രനായി ജീവിക്കു… നിങ്ങളെ തോല്‍പ്പിക്കാന്‍ ഒരു ശക്തിക്കുമാവില്ല .

നല്ല മനോഭാവം വളര്‍ത്താനും നിലനിര്‍ത്തുവാനുമുള്ള മാര്‍ഗങ്ങള്‍

1. പോസറ്റീവായ ചിന്ത വളര്‍ത്താന്‍ സഹായിക്കുന്ന ഘടകങ്ങള്‍ തിരിച്ചറിയുക .
2. ശുഭാപ്തിവിശ്വാസിയാകാന്‍ ആത്മാര്‍ത്ഥമായി ആഗ്രഹിക്കുക. അതിനായി പ്രവര്‍ത്തിക്കുക
3. അച്ചടക്കവും അര്‍പ്പണബോധവും വളര്‍ത്തുക .
4. നല്ല കാര്യങ്ങളില്‍ ശ്രദ്ധ കേന്ദ്രീകരിക്കുക
5. നിഷേധാത്മക ചിന്തയും വിമര്‍ശന സ്വഭാവവും ഒഴിവാക്കുക
6. കാര്യങ്ങള്‍ നീട്ടിവെക്കുന്ന പ്രവണത ഒഴിവാക്കി ഉടനെ പ്രവര്‍ത്തിക്കുക
7. നിമിഷത്തിന്റെ പുത്രനാവുക .അതായത് വര്‍ത്തമാനകാലത്തില്‍ ജീവിക്കുക .
8. അനുഗ്രഹങ്ങളില്‍ നന്ദി ഉള്ളവനാകുക

(മാധ്യമപ്രവര്‍ത്തകനും, അധ്യാപകനും, ഹിപ്പ്‌നോട്ടിക്കല്‍ കൗണ്‍സിലറും ,മൈന്റ് കണ്‍സള്‍ട്ടന്റുമാണ് ലേഖകന്‍ 9946025819 )

blind singer fathwima anshi get 3 a grades in school youth festival
Posted by
05 January

അന്ധതയെ തോല്‍പ്പിച്ച് മലപ്പുറം ജില്ലാ സ്‌കൂള്‍ കലോത്സവത്തില്‍ രാഗവിസ്മയമായി സിനിമാ പിന്നണി ഗായിക ഫാത്വിമ അന്‍ഷി; ശാസ്ത്രിയ സംഗീതത്തിലടക്കം മല്‍സരിച്ച എല്ലാ ഇനങ്ങളിലും എ ഗ്രേഡ്

തിരൂര്‍: ഫാത്വിമ അന്‍ഷി എന്ന സിനിമാ പിന്നണിഗായിക ഇന്നുവരെ നിറങ്ങള്‍ കണ്ടിട്ടില്ല. കാഴ്ചയുടെ ലോകത്ത് ഒരു സ്വപ്നം മാത്രമായ ഈ മിടുക്കിയിന്ന് പാട്ട് പാടി കാഴ്ചയുടെ പുതിയ ലോകം തീര്‍ക്കുകയാണ്. സ്വരരാഗതാളലയത്തില്‍ മലപ്പുറം ജില്ലാ സ്‌കൂള്‍ കലോത്സവത്തിലെ താരമാണിന്ന് ഈ മിടുക്കി.

ഫാത്വിമ അന്‍ഷി എന്ന ആറാം ക്ലാസ്സുകാരിയുടെ ജീവിതം ഗാനങ്ങളുടെ ലോകത്ത് നറുവെളിച്ചം സൃഷ്ടിക്കുകയാണ്. ശാസ്ത്രിയ സംഗീതം യുപി വിഭാഗത്തില്‍ ഒന്നാം സ്ഥാനം നേടിയ ഫാത്വിമ എന്ന അന്ധപെണ്‍കുട്ടി പൂര്‍വ്വികല്യാണരാഗത്തില്‍ ത്യാഗരാജകൃതിയിലെ രൂപകതാളത്തില്‍’ ജ്ഞാനമൃ സാഗരാദ ‘ എന്ന് തുടങ്ങുന്ന കീര്‍ത്തനമാണ് ഫാത്വിമയെ ഒന്നാം സ്ഥാനത്ത് എത്തിച്ചത്.

ശാസ്ത്രിയ സംഗീതത്തില്‍ മാത്രമല്ല ദേശഭക്തിഗാനത്തിലും ലളിത ഗാനത്തിലും, സംഘഗാനത്തിലും ഈ മിടുക്കി മല്‍സരിച്ചിരുന്നു. ഇതിലെല്ലാം എ ഗ്രേഡോടെ ആദ്യ മൂന്ന് സ്ഥാനങ്ങളും നേടി. കൈരളി ചാനലിലെ കുട്ടി പട്ടുറുമാല്‍ എന്ന റിയാലിറ്റി ഷോയിലെ താരം കൂടിയാണ് ഫാത്വിമ അന്‍ഷി.

മങ്കട വെള്ളിക്കാപ്പെറ്റ കേരള അന്ധവിദ്യാലയത്തിലെ ആറാം ക്ലാസ് വിദ്യാര്‍ത്ഥിയായ ഫാത്വിമ എസ്ഡിപിഐ ദേശീയ പ്രസിഡന്റായ എം സഈദിന്റെ മകളായ ബേബി ഷംലയുടെ മകളാണ്. പിതാവ് അബ്ദുല്‍ ബാരി. വിഎസ് അച്ചുതാനന്ദന്‍ അഭിനയിച്ച ഈയടുത്ത് റിലീസ് ചെയ്ത ‘അറ്റ് വണ്‍സ് ‘ എന്ന സിനിമയിലും ഈ മിടുക്കി പാടിയിട്ടുണ്ട്. അന്ധനായ നിസാര്‍ തൊടുപുഴയും സജ്‌ന തിരുവമ്പാടിയുമാണ് ശാസ്ത്രീയ സംഗീതത്തില്‍ ഫാത്വിമയുടെ ഗുരുക്കന്മാര്‍.

യുപി വിഭാഗക്കാര്‍ക്ക് സംസ്ഥാന സ്‌കൂള്‍ കലോത്സവത്തിനൊപ്പം മല്‍സരിക്കാന്‍ കഴിയില്ലന്നതാണ് ഫാത്വിമയുടെ സങ്കടം. ‘ഇതാണ് ഞങ്ങടെ സംസ്ഥാന കലോല്‍സവം. അതില്‍ എനിക്കാണ് ഫസ്റ്റ്’ ഫാത്വിമയുടെ നിഷ്‌കളങ്കമായ കമന്റ്.

(ഫഖ്‌റുദ്ധീന്‍ പന്താവൂര്‍)

ponnani famna wedding  special report
Posted by
03 January

ഭിന്നശേഷിക്കാരായ 200 ഓളം വിദ്യാര്‍ത്ഥികളെ ചേര്‍ത്തുപിടിച്ച് പൊന്നാനിക്കാരി ഫംനയുടെ വിവാഹം

പൊന്നാനി: വിവാഹത്തിന്റെ അപൂര്‍വ്വനിമിഷങ്ങളിലും സമൂഹം ഒപ്പം നിര്‍ത്താന്‍ മടിക്കുന്ന ഭിന്നശേഷിക്കാരായ വിദ്യാര്‍ത്ഥികളെ ചേര്‍ത്തിരുത്തി അനുഗ്രഹം വാങ്ങിയാണ് പൊന്നാനിക്കാരായ ഫംന നിക്കാഹ് ചെയ്തത്. ഈ പെണ്‍കുട്ടി വാക്കുകളിലൂടെയല്ല പ്രവര്‍ത്തികളിലൂടെയാണ് തിരസ്‌കരിക്കപ്പെട്ടവര്‍ക്കൊപ്പം ചേര്‍ന്നുനിന്നത്.

പൊന്നാനിയിലെ സാമൂഹ്യ സാംസ്‌കാരിക സംഘടനയായ ‘കര്‍മ്മ’ യുടെ പ്രസിഡന്റ് ജാവ അഷറഫിന്റെ മകളാണ് ഫംന. കഴിഞ്ഞ ദിവസം അക്ബര്‍ ഓഡിറ്റോറിയത്തില്‍ വെച്ച് നടന്ന വിവാഹചടങ്ങിലാണ് ഭിന്നശേഷിക്കാരായ 200 ഓളം വിദ്യാര്‍ത്ഥികളെയും അവരുടെ രക്ഷിതാക്കളെയും ഒപ്പം ചേര്‍ത്തുനിര്‍ത്തി നല്ല മാതൃകയുടെ പുതിയ കുപ്പായം തുന്നിയത്. ഓരോ കുട്ടികളെയും രക്ഷിതാക്കളെയും നേരിട്ട് ക്ഷണിക്കുകയായിരുന്നു ഫംന. പിതാവ് അഷറഫും എല്ലാ പിന്തുണയും നല്‍കിയിരുന്നു. പൊന്നാനി സ്‌കോളര്‍ കോളേജില്‍ നിന്നും ഡിഗ്രി പഠനം പൂര്‍ത്തിയാക്കിയ ഫംന കോളേജ് യൂണിയനിലും സോഷ്യല്‍ ഫോറത്തിലും സജീവമായിരുന്നു.

ഭിന്നശേഷിക്കാരായതിനാല്‍ പൊതുചടങ്ങുകളില്‍ നിന്ന് മാറ്റിനിര്‍ത്തപ്പെടുന്ന ഇത്തരം കുട്ടികളെയും രക്ഷിതാക്കളെയും ഒപ്പം നിര്‍ത്തിയത് അവര്‍ ദൈവത്തിന്റെ മാലാഖപോല്‍ നിഷ്‌കളങ്കരായതുകൊണ്ടാണെന്ന് ഫംന പറയുന്നു. പൊന്നാനി യു ആര്‍ സി ക്ക് കീഴിലെ 200 ഓളം ഭിന്നശേഷിക്കാരായ കുട്ടികളും വധുവരന്മാര്‍ക്ക് ആശംസകളും ഉപഹാരങ്ങളും നല്‍കിയാണ് യാത്ര പറഞ്ഞത്.

കുട്ടികളെ മധുരം നല്‍കി സ്വീകരിക്കാന്‍ നഗരസഭാ ചെയര്‍മാന്‍ മുഹമ്മദ് കുഞ്ഞിയും മുന്നിലുണ്ടായിരുന്നു. വധുവിനും വരനും ഒപ്പം നില്‍ക്കാന്‍ ദിവസക്കൂലിക്ക് സുന്ദരികളെയും സുന്ദരന്മാരെയും ഇവന്റ് മാനേജ്‌മെന്റ് വഴി ഇറക്കുന്ന പുതുപുത്തന്‍ കാലത്താണ് നന്മയുടെ നല്ല മാതൃകയായി ഫംന മാതൃകയായത്. ഇതാണ് വിവാഹം സ്വര്‍ഗത്തില്‍ വെച്ച് നടക്കുമെന്ന് പറയുന്നത് . ഇതാണ് ഭൂമിയിലെ സ്വര്‍ഗം.

(ഫഖ്‌റുദ്ധീന്‍ പന്താവൂര്‍)

An Extraordinary life of CP Shihab
Posted by
29 December

കൈകളില്ല കാലുകളില്ല; പക്ഷെ ജീവിതം കൊണ്ട് വിജയകഥകള്‍ രചിക്കുന്ന ശിഹാബ്

ഫഖ്‌റുദ്ധീന്‍ പന്താവൂര്‍

പൊന്നാനി: ഇത് സിപി ശിഹാബ്. ആത്മവിശ്വാസത്തിന്റെ ക്യാന്‍വാസില്‍ പുതിയ ജീവിതം വരച്ചുചേര്‍ത്ത മലപ്പുറം പൂക്കോട്ടൂര്‍ സ്വദേശിയായ സിപി ശിഹാബ്. കൈകളില്ല ,കാലുകളില്ല പക്ഷെ ജീവിതം കൊണ്ട് വിജയകഥ വരച്ചുചേര്‍ത്ത ശിഹാബ് ഇന്ന് സാധാരണ ആളുകള്‍ പോലും ജീവിക്കാന്‍ കഷ്ടപ്പെടുന്ന ഈ ലോകത്ത് അവര്‍ പോലും പരാതിപറയുന്ന ഈ ലോകത്ത് ഒരു വിസ്മയമാണ്.

പ്രകൃതി ഓരോ മനുഷ്യനിലും വലിയ കഴിവുകളാണ് നിക്ഷേപിച്ചിരിക്കുന്നതെന്ന് ശിഹാബിന്റെ ജീവിതം നമുക്ക് കാണിച്ചു തരുന്നു.25 ശതമാനം മാത്രം ശേഷിയുള്ള കൈകളോ കാലോ ഇല്ലാത്ത ഈ വ്യക്തി അത്ഭുതകരമായി ക്രിക്കറ്റ് കളിക്കും. മനോഹരമായി ചിത്രങ്ങള്‍ വരക്കും. വയലിന്‍ വായിക്കും. പിയാനോ വായിക്കും. ത്രസിപ്പിക്കുന്ന നൃത്തം ചെയ്യും .

നിരവധി ചാനല്‍ ഷോകളില്‍ ശിഹാബ് ഇതിനകം മികച്ച ഡാന്‍സറായി തെരഞ്ഞെടുക്കപ്പെട്ടിട്ടുണ്ട്. ഒന്ന് നേരില്‍ കാണാന്‍ പോലും കഴിയില്ലെന്ന് വിശ്വസിച്ചിരുന്ന സാക്ഷാല്‍ മമ്മൂട്ടി ഒരിക്കല്‍ നെഞ്ചോട് ചേര്‍ത്തുപിടിച്ച് കാതിലോതിയത് ശിഹാബ് ഇന്നും ഓര്‍ക്കുന്നു ‘ഈ ജീവിതം വിജയിക്കാന്‍ മാത്രമുള്ളതാണ്’.

ഒരിക്കലും നിരാശയില്ലാതെ ശുഭകരമായ ചിന്തകള്‍ മാത്രം ചേര്‍ത്തുവെച്ച് അത് സ്വന്തം ജീവിതത്തിന്റെ അനുഭവമാക്കിയത് ലോകത്തിന് സമര്‍പ്പിക്കുകയാണ് ശിഹാബ്.പ്രചോദനാത്മകമായ നിരവധി ക്ലാസുകളാണ് ശിഹാബ് നല്‍കുന്നത്.

നിക്കിനെപോലെ…

ഒരു പക്ഷെ ഇന്ത്യയില്‍ അല്ലായിരുന്നുവെങ്കില്‍ ശിഹാബ് ഓസ്‌ടേലിയക്കാരനായ നിക്കിനെപോലെ ലോകം മുഴുക്കെ അറിയുന്നൊരു മോട്ടിവേഷന്‍ സ്പീക്കറായാനേ ..

ശിഹാബിന്റെ ജനനത്തോടെ ആ കുഞ്ഞു കരച്ചfലിനേക്കാള്‍ ഉച്ചത്തില്‍ നിലവിളിച്ചത് അവന്റെ മാതാപിതാക്കളായിരുന്നു. കൈകളില്ലാത്ത കാലില്ലാത്ത ഒരു പൊട്ട് കുഞ്ഞ്… ആറാം വയസ്സില്‍ പതിയെ നടക്കാന്‍ തുടങ്ങിയപ്പോള്‍ ഉമ്മ പറഞ്ഞു ‘മോനേ കാലുകളില്ലാത്ത നീ ഈ ലോകത്തിന് മുന്നില്‍ നടന്നു കാണിക്കുന്നതാണ് എന്നെ ഏറ്റവും അധികം സന്തോഷിപ്പിക്കുക ‘ ഉമ്മയുടെ ഈ വാക്കുകള്‍ ആ കുഞ്ഞുമനസ്സില്‍ സ്വപനങ്ങളുടെ കൊട്ടാരങ്ങള്‍ പണിതു .ആത്മവിശ്വാസം കൊണ്ട് ജീവിതത്തെ മാറ്റിമറിച്ചു .എട്ടാം ക്ലാസ് മുതലാണ് പഠിച്ചുതുടങ്ങിയത്. പത്താം ക്ലാസില്‍ 96 ശതമാനം മാര്‍ക്ക് നേടി വിജയകഥ രചിക്കാന്‍ തുടങ്ങി.രണ്ടുമാസത്തിനപ്പുറത്തേക്ക് ആയുസ്സില്ലെന്ന് ജനിച്ചപ്പോള്‍ വിധിയെഴുതിയ ഡോക്ടര്‍മാരെ മന:ശ്ശക്തിക്കൊണ്ട് ജീവിച്ച് തോല്‍പ്പിച്ച് വിസ്മയമാവുകയാണ് ശിഹാബ് ഇന്ന്.

ഒരാളുടെ ഭാവി നിശ്ചയിക്കുന്നത് അയാളുടെ മനോഭാവവും സ്വപ്നങ്ങള്‍ സാക്ഷാത്കരിക്കാനുള്ള ഇച്ചാശക്തിയുമാണ് .അതാണ് ശിഹാബിന്റെ വിജയം .നമുക്ക് കൈകളുണ്ട് ,കാലുകളുണ്ട് .എന്നിട്ടും നമുക്കുള്ളത് പരാതികളും പരിഭവങ്ങളും മാത്രം .സ്വന്തം പശ്ചാത്തലത്തിനുമപ്പുറം, ഇല്ലായ്മകള്‍ക്കുമപ്പുറം സ്വന്തം ജീവിതം കൊണ്ട് മറ്റുള്ളവര്‍ക്ക് സുഗന്ധം പരത്താന്‍ ശിഹാബിന് കഴിയുന്നു .മന:ശക്തികൊണ്ട് എന്തും നേടാം എന്ന വിജയമന്ത്രമാണ് ശിഹാബിന്റെ ജിവിതം.

നടക്കാന്‍ പ്രയാസമുണ്ടായിരുന്ന വ്യക്തിയാണ് പിന്നീട് പ്രശസ്ത എഴുത്തുകാരനായി മാറിയ ചാള്‍സ് ഡിക്കന്‍സ് , അന്ധയും മൂകയും ബധിരയുമായിരുന്നു പിന്നീട് ലോകപ്രശസ്ത സാമൂഹിക പ്രവര്‍ത്തകയും എഴുത്തുകാരിയുമായി തീര്‍ന്ന ഹെലന്‍ കെല്ലര്‍, കൂനുമായി ജീവിച്ചയാളാണ് ചിത്തനായ പ്ലേറ്റോ, ബാല്യത്തില്‍ പോളിയോ ബാധിച്ച് കാലുകള്‍ തളര്‍ന്ന വ്യക്തിയായിരുന്നു പിന്നീട് അമേരിക്കന്‍ പ്രസിഡന്റായിത്തീര്‍ന്ന ഫ്രാങ്ക്‌ലിന്‍ റൂസ് വെല്‍റ്റ്,പോളിയോ ബാധിച്ച് നടക്കാന്‍ പോലും കഴിയാത്ത പെണ്‍കുട്ടിയാണ് പിന്നിട് ലോകത്തെ മികച്ച ഓട്ടക്കാരിയായി മാറിയ വില്‍മ റുഡോള്‍ഫ്. അക്കൂട്ടത്തിലിതാ കൈകളോ കാലുകളോ ഇല്ലാത്ത ഇപ്പോള്‍ ജീവിതം കൊണ്ട് വിജയകഥകള്‍ രചിക്കുന്ന മലപ്പുറത്തുകാരന്‍ സിപി ശിഹാബ്. ഈ പുതുവത്സരത്തിന് പരിചയപ്പെടാന്‍ ഈ മിടുക്കനേക്കാള്‍ വലിയ ഏതു വ്യക്തിയാണുള്ളത് ?

ജീവിതത്തിലെ ഇല്ലായ്മകളില്‍ പരിഭവിക്കാതെ അതിനെതിരെ പോരാടാന്‍ കഴിയണം. ശിഹാബിന്റെ ജിവിതം നമുക്കതാണ് പഠിപ്പിച്ച് തരുന്നത്. എല്ലാം ലഭിച്ചിട്ടും ചെറിയ പരാജയങ്ങളില്‍ പരിഭവിക്കുന്നവര്‍ ഒരു നിമിഷം ശിഹാബിന്റെ ജീവിതത്തിലേക്ക് നോക്കുക. ഏതുസാഹചര്യത്തിലാണെങ്കിലും ജീവിതം തോറ്റുകൊടുക്കാനുള്ളതല്ല.

( മാധ്യമപ്രവര്‍ത്തകനും, അധ്യാപകനും, ഹിപ്പ്‌നോട്ടിക്കല്‍ കൗണ്‍സിലറും, മൈന്റ് കണ്‍സള്‍ട്ടന്റുമാണ് ലേഖകന്‍.
9946025819 )

Usefull tips for lovers and couples for strengthen relationship
Posted by
27 December

പങ്കാളികളുടെ ശ്രദ്ധയ്ക്ക്... തമ്മില്‍ തല്ലാതെ ബന്ധം മുന്നോട്ട് കൊണ്ടുപോകണോ... ചില മാര്‍ഗ്ഗങ്ങള്‍ ഇതാ

ജീവിത്തില്‍ ഒരിക്കല്‍ പോലും പ്രണയിക്കാത്തവരായി ആരും ഉണ്ടാകില്ല. അതില്‍ ചിലരെങ്കിലും അനശ്വര പ്രണയത്തിന്റെ രക്തസാക്ഷികളും സ്മാരകങ്ങളും ആകും. ചിലര്‍ എപ്പോഴും പ്രണയിച്ചുകൊണ്ടേയിരിക്കും. ഇപ്പറയുന്ന പ്രേമമാണെങ്കിലും സ്‌നേഹമാണെങ്കിലും ബന്ധങ്ങള്‍ വിജയിക്കണമെങ്കില്‍ ഇരുവരും തമ്മിലുള്ള കൂട്ടായ പരിശ്രമം വേണമെന്ന കാര്യത്തില്‍ സംശയമില്ല. ഏറെ നാളത്തെ പ്രണയത്തിനൊടുവില്‍ ഒന്നിച്ച് ജീവിച്ച് തുടങ്ങുമ്പോള്‍ യോജിച്ച് പോകുകയെന്നത് വളരെ പ്രധാനപ്പെട്ട കാര്യമാണ്. മനസ്സിലാക്കാനും മനസ്സിലാക്കപ്പെടുവാനും ഇരു കൂട്ടര്‍ക്കും പ്രത്യേകം കഴിവും വേണമെന്നതില്‍ സംശയമില്ല. പ്രണയിക്കുന്നവര്‍ തമ്മില്‍ പരസ്പരം സ്‌നേഹവും ബഹുമാനവും നല്‍കുമ്പോഴാണ് നല്ലരീതിയില്‍ പ്രണയ ബന്ധം മുന്നോട്ട് പോകുകയുള്ളൂ….

തനിക്കെന്ന പോലെ മറ്റെയാള്‍ക്കും സ്വപ്‌നങ്ങള്‍ ഉണ്ടെന്ന് മനസ്സിലാക്കി പെരുമാറുക എന്നത് ഏറെ പ്രധാനപ്പെട്ട കാര്യമാണ്. ഞാന്‍,എന്റെ എന്നീ സ്വാര്‍ത്ഥ വിചാരങ്ങളാണ് പലപ്പോഴും ബന്ധങ്ങളില്‍ വിള്ളലുണ്ടാക്കുന്നത്. അതിനാല്‍ ‘എന്റെ’ എന്നതിന് പകരം നമ്മുടേത് എന്നും അതുപോലെ ‘നിന്റെ’ എന്ന വാക്കിനും ജീവിതത്തില്‍ പ്രാധാന്യം കൊടുക്കുക. പരസ്പരം രണ്ടാളും കരുതല്‍ നല്‍കുന്നുണ്ടെന്നത് ഏറെ പ്രധാനമാണ്. ഇന്ത് ബന്ധത്തിന് കൂടുതല്‍ ദൃഢത നല്‍കും.

സ്വന്തം വീട്ടുകാര്‍ എന്നത് പോലെ കൂടെയുള്ള ആള്‍ക്കും കുടുംബക്കാര്‍ ഉണ്ടെന്നോര്‍ക്കുക. ഒരുമിച്ച് ജീവിക്കുകയാണെങ്കില്‍ രണ്ട് പേരുടേയും കുടുംബത്തെയും അംഗീകരിച്ചു മുന്നോട്ട് പോകാന്‍ കഴിയണമെന്നതിന് ഏറെ പ്രസക്തിയുണ്ട്. ഇഷ്ടമായില്ലെങ്കില്‍ കൂടി പങ്കാളിയുടെ കുടുംബത്തോട് മോശമായി പെരുമാറാതിരിക്കാനുള്ള മാന്യതയുണ്ടാവണം. മിക്ക പ്രേമബന്ധങ്ങളും കുടുംബ ബന്ധങ്ങളും തകരുന്നതിന്റെ ഒരു കാരണം ഈ മാന്യത കൈവിട്ടു പോകുന്നതാണ് എന്നത് മറക്കരുത്. അവന്റെ അല്ലെങ്കില്‍ അവളുടെ കുടുംബത്തെയോ ബന്ധുക്കളെയോ ഒരു കാര്യമില്ലാതെ കളിയാക്കുകയോ പരിഹസിക്കുകയോ ചെയ്യരുത് എന്നത് ഏറെ ശ്രദ്ധിക്കുക.

സുഹൃത്തുക്കളുമായുള്ള ബന്ധത്തിന്റെ പേരില്‍ സ്വരചേര്‍ച്ചകള്‍ ഇണ്ടാകുക സാധാരണമാണ്. കാമുകന്റെ സുഹൃത്തിനെ കാമുകിയ്ക്ക് ഇഷ്ടമില്ലെങ്കില്‍ അതിന്റെ പേരില്‍ പ്രണയബന്ധത്തിനും കുടുംബ ബന്ധത്തിനും വിള്ളല്‍ വീഴുക സാധാരണമാണ്. അതുകൊണ്ട് തന്നെ പങ്കാളിയുടെ സുഹൃത്തുമായി ഒത്തു പോകാന്‍ കഴിയില്ലെങ്കില്‍ ഇഷ്ടമില്ലാത്ത സുഹൃത്ത് ബന്ധങ്ങളില്‍ വലിച്ചിടാന്‍ ശ്രമിക്കാതിരിക്കുക. നിങ്ങളുടെ സുഹൃത്തിനെ എപ്പോഴും സുഹൃത്തായി കാണാനോ സംസാരിക്കാനോ പങ്കാളിക്ക് കഴിയുന്നില്ലെങ്കില്‍ നിര്‍ബന്ധിച്ച് പ്രശ്‌നമുണ്ടാക്കാതിരിക്കുക. അതേപോലെ തന്നെ എല്ലാവര്‍ക്കും ഇഷ്ടങ്ങളും അനിഷ്ടങ്ങളുമുണ്ടെന്ന ഓര്‍മ്മ വേണം.ഒരിക്കലും നിര്‍ബന്ധിച്ച് ഒരു കാര്യത്തിന് പുറപ്പെടരുത്. എത്രത്തോളം സമയം ഒരു ബന്ധത്തിന് നല്‍കണമെന്നത് ഒരാളുടെ വ്യക്തിപരമായ കാര്യമാണ്. അത് എന്റെ എന്നതു പോലെ മറ്റൊരാളുടേതും എന്ന ചിന്തയുണ്ടാവണം.

എല്ലാ ചിലവുകളും ഒരാള്‍ വഹിക്കുകയെന്നത് ഇന്നത്തെ കാലത്ത് ബുദ്ധിമുട്ടുണ്ടാക്കും, അത് കുടുംബ ബന്ധത്തിലാണെങ്കിലും പ്രണയിക്കുന്ന സമയത്താണെങ്കിലും . പക്ഷേ പ്രണയിക്കുന്ന സമയത്ത് ഒരാള്‍ തന്നെ ബില്ലടയ്ക്കുന്ന സ്ഥിതിയാണ് നാം കാണുക. പക്ഷേ ഒരു കാര്യം ശ്രദ്ധിക്കണം പ്രണയിച്ച് നടക്കുന്ന കാലമാണെങ്കില്‍ എപ്പോഴും ഒരാള്‍ തന്നെ ബില്ലടയ്ക്കുന്നത് അത്ര നല്ല രീതിയില്‍ മുന്നോട്ട് പോവില്ല. കൊടുക്കല്‍ വാങ്ങലുകള്‍ രണ്ട് കൂട്ടരുടേയും ഭാഗത്ത് നിന്ന് ഉണ്ടാവുന്നതാണ് ബന്ധങ്ങള്‍ നല്ല രീതിയില്‍ മുന്നോട്ട് പോകാന്‍ ആവശ്യം.

വഴക്കിനിടയില്‍ താഴ്ത്തി കെട്ടി സംസാരിക്കുന്നതും കഴിഞ്ഞ കാര്യങ്ങളെ കുറിച്ച് സംസാരിക്കുന്നതും ഒഴിവാക്കാന്‍ പ്രത്യേകം ശ്രദ്ധിക്കണം. ചെറിയ ചെറിയ പിണക്കങ്ങള്‍ എല്ലാ ബന്ധങ്ങളിലും സാധാരണമാണ്. എന്നാല്‍ വഴക്ക് മൂര്‍ഛിക്കുമ്പോള്‍ വാക്കുകള്‍ സൂക്ഷിച്ച് ഉപയോഗിക്കാന്‍ ശ്രദ്ധിക്കണം. അതേപോലെ മുന്‍ കാമുകന്റെയോ കാമുകിയുടെയോ കാര്യങ്ങള്‍ പറഞ്ഞ് പരസ്പരം വാക്ക്‌പോര് നടത്താതിരിക്കാന്‍ ശ്രമിക്കണം എക്‌സ് കാമുകി, എക്‌സ് കാമുകന്‍ എന്നത് മലയാള പദമെന്ന പോലെ ആയി കഴിഞ്ഞു. മുന്‍ കാമുകിയും കാമുകനും ബന്ധങ്ങള്‍ക്കിടയില്‍ ചര്‍ച്ചയാവുന്നത് ദോഷം മാത്രമേ ഉണ്ടാക്കൂ.

ഇരുവരുടേയും ജീവിതത്തിലെ സ്ഥാനം അഥവ ‘ഇടം’ എന്നിവയെ കുറിച്ചുള്ള തുറന്ന സംസാരം ആവശ്യമാണ്. ജീവിതത്തില്‍ ഓരോ കാര്യങ്ങള്‍ക്കും പ്രത്യേക ഇടവും സ്ഥാനവും എല്ലാവര്‍ക്കും ഉണ്ട്. ഇത് പരസ്പരം അറിയുകയും സംസാരിച്ച് വ്യക്തത വരുത്തുകയും ചെയ്യേണ്ടത് അത്യാവശമാണ്. പേഴ്‌സണല്‍ മാറ്ററുകളില്‍ ഇടപെടരുതെന്നും വ്യക്തി സ്വാതന്ത്ര്യത്തില്‍ കൈകടത്തരുതെന്നും ചുരുക്കം. അതേസമയം നിങ്ങളുടെ ജീവിതത്തിലെ പ്രധാനപ്പെട്ട മുന്‍ഗണനയുള്ള കാര്യങ്ങള്‍ പങ്കാളിയുമായി ഉറപ്പായും പങ്കുവെയ്ക്കുക. ചിലര്‍ക്ക് ജോലി മുന്‍ഗണന ആയിരിക്കും ചിലര്‍ക്ക് കുടുംബം രക്ഷിതാക്കള്‍ എന്നിവരായിരിക്കും മുന്‍ഗണന. ഇതറിഞ്ഞ് പ്രവര്‍ത്തിക്കാന്‍ പങ്കാളിക്ക് കഴിയുമ്പോള്‍ ബന്ധങ്ങള്‍ ഊഷ്മളമായി തുടരും.

ഞാനൊരു വിധവയാണ്, അമ്മയും; ചോരയും നീരുമുള്ള സ്ത്രീയെന്ന നിലയ്ക്ക് എനിക്കും വികാരങ്ങളും ആഗ്രഹങ്ങളും ഉണ്ട്, ഞാനും നിങ്ങളെ പോലെ സെക്‌സ് ആഗ്രഹിക്കുന്നു, അത് തുറന്ന് പറയാന്‍ ഞാനെന്തിന് മടിക്കണം;  സദാചാര വാദികളുടെ നെറ്റി ചുളിപ്പിച്ച് ഊര്‍മ്മിളാ ദാസിന്റെ ചോദ്യങ്ങള്‍
Posted by
24 December

ഞാനൊരു വിധവയാണ്, അമ്മയും; ചോരയും നീരുമുള്ള സ്ത്രീയെന്ന നിലയ്ക്ക് എനിക്കും വികാരങ്ങളും ആഗ്രഹങ്ങളും ഉണ്ട്, ഞാനും നിങ്ങളെ പോലെ സെക്‌സ് ആഗ്രഹിക്കുന്നു, അത് തുറന്ന് പറയാന്‍ ഞാനെന്തിന് മടിക്കണം; സദാചാര വാദികളുടെ നെറ്റി ചുളിപ്പിച്ച് ഊര്‍മ്മിളാ ദാസിന്റെ ചോദ്യങ്ങള്‍

കൊച്ചി: സ്വതന്ത്രചിന്തകയും പ്രമുഖ അസ്സാമീ എഴുത്തുകാരിയുമായ ഊര്‍മ്മിളാ ദാസിന്റെ ആത്മകാഥാംശമുള്ള ലേഖനം സമൂഹത്തില്‍ വലിയ ചര്‍ച്ചയ്ക്ക്
വഴിവെക്കുന്നു. 40 വയസുള്ള വിധവയായ സ്ത്രീയാണ് ഞാന്‍, എനിക്ക് 20വയസുള്ള മകനുമുണ്ട്. എനിക്കും നിങ്ങളെ പോലെ ലൈംഗികാസക്തികളുണ്ട്. അത് ഞാന്‍ അടിച്ചമര്‍ത്തി വയ്ക്കണോ..? സമൂഹത്തിന് നേര്‍ക്ക് ചാട്ടുളി പോലെ ഉയരുകയാണ് എഴുത്തുകാരിയായ ഊര്‍മ്മിളയുടെ ചോദ്യം. അതേ സമയം ഒരു സ്ത്രീയ്ക്ക് ഇങ്ങെനെ ഒക്കെ പറയാമോ എന്നതരത്തിലുള്ള ചര്‍ച്ചകള്‍ ആരംഭിച്ചുകഴിഞ്ഞു. എന്നാല്‍ സാധാരണ സ്ത്രീയെന്ന നിലയ്ക്ക് കപടസദാചാരത്തിന്റെ പൊയ്മുഖമണിയാതെയുള്ള തുറന്ന് പറച്ചില്‍ നടത്തിയ ഊര്‍മ്മിളയെ വലിയൊരുവിഭാഗം അഭിനന്ദിക്കുന്നുമുണ്ട്.

ഏതാനും ദിവസ്സം മുമ്പാണ് ഊര്‍മ്മിളാ ദാസിന്റെ ലേഖനം പുറത്ത് വന്നത്. തികച്ചു യാഥാസ്ഥിതികമായ കുടുംബത്തില്‍ മാതാവ് മരണപ്പെട്ടതിനെ തുടര്‍ന്ന് പിതാവിന്റെ സംരക്ഷണയിലായിരുന്നു ഊര്‍മ്മിളയുടെ ബാല്യം. പോലീസുകാരനായ പിതാവ് കാന്‍സര്‍ ബാധിതനുമായിരുന്നു. തന്നെക്കാള്‍ ഒരുവയസ് മാത്രം കുറവുള്ള സഹോദനോടായിരുന്നു പിതാവിനും മറ്റ് ബന്ധുക്കള്‍ക്കും സ്‌നേഹവും അടുപ്പവും കാണിച്ചിരുന്നത്.

ആര്‍ക്കും വേണ്ടാത്ത ജന്മമെന്ന നിലയ്ക്കായിരുന്നു ബാല്യം. കൗമാരം അതിലേറെ അവഗണനകളുടെ ഭാരംപേറിയതായിരുന്നു. ചിത്രരചന ആതായിരുന്നു ഊര്‍മ്മിളയുടെ ഏക അശ്വാസം. മകനെ ഒരു നിലയിലെത്തിക്കുക എന്നത് മാത്രമായിരുന്നു പിതാവിന്റെ ചിന്ത. അതോടെ മകളെന്ന ചിന്ത പോലും ആ പിതാവ് മറന്നുഇതിനിടയില്‍ പൂര്‍ണ്ണ സമയവും മദ്യത്തിന് അടിമയായ ഒരാളാളെ ഭര്‍ത്താവായി കണ്ടെത്തിനല്‍കിയതോടെ ചെറുപ്രായത്തില്‍ തന്നെ ഊര്‍മ്മിളയുടെ ജീവിതം കൂടുതല്‍ ദുരിതപൂര്‍ണ്ണവുമായി. ഏറെക്കഴിയും മുമ്പ് ഒരു കുഞ്ഞിന് ജന്മംനല്‍കിയതോടെ അവളുടെ ഏല്ലാ സ്വപ്‌നങ്ങളും കെട്ടടങ്ങുകയായിരുന്നു.

മുഴുക്കുടിയനായ ഭര്‍ത്താവുമായി ഒരുമിച്ച് പോകുക പ്രയാസകരമായതോടെ ഊര്‍മ്മിള മറ്റൊരു വീട്ടിലേക്ക് കുഞ്ഞുമായി താമസം മാറി. കുഞ്ഞിനെ എങ്ങനെ പോറ്റുമെന്നത് ചോദ്യചിഹ്ന്മയി തന്നെ മുന്നില്‍ നിന്നസമയം.18കാരിയായ ഒരു പെണ്‍കുട്ടി സമൂഹത്തിന് മുന്നില്‍ പല ചോദ്യങ്ങളും ഉയര്‍ത്തി. എങ്കിലും അവള്‍ തോല്‍ക്കാനൊരുക്കമായിരുന്നില്ല.ഇതിനിടെ ലഭിച്ച ചെറിയൊരു ജോലിയില്‍ നിന്നും ലഭിക്കുന്ന വരുമാനം കൊണ്ട് തന്റെ മുടങ്ങിയ പഠനം പുനരാരംഭിക്കും, കുഞ്ഞിന്റെ കാര്യങ്ങള്‍ നോക്കാനും അവള്‍ ശ്രമിച്ചുപോന്നു. മറ്റൊരു വിവാഹം പലരും നിര്‍ദ്ദേശിച്ചെങ്കിലും അദ്യവിവാഹ ബന്ധം ഒഴിയാതെ നിലനിന്നത് സമുഹത്തിന് മുന്നില്‍ വിവാഹിത എന്ന ലേബലില്‍ തന്നെ തുടരാന്‍ അവളെ പ്രേരിപ്പിച്ചു.

ഏറെ നാളുകള്‍ക്കം നിയമപരമായുണ്ടായിരുന്ന ഭര്‍ത്താവ് മരണപ്പെട്ടു. ഇതോടെ വിധവ എന്ന ചാര്‍ത്തിലേക്ക് ചെറുപ്രായത്തില്‍ തന്നെ അവളും അകപ്പെട്ടു. സമുഹം വിധവകള്‍ക്ക് ചാര്‍ത്തിനല്‍കിയ മുദ്രകള്‍ എടുത്തണിയാന്‍ ഊര്‍മ്മിളയും നിര്‍ബന്ധിതയായി. തന്റെ വികാരങ്ങളും ചിന്തകളും സമൂഹം കെട്ടിയടക്കപ്പെട്ട ശീലങ്ങള്‍ക്കുള്ളില്‍ തളക്കപ്പെട്ടു. ഇതുവരെയുള്ള ജീവിതകാലത്ത് മറ്റൊരാളുടെയും സ്വകാര്യ ജീവിതത്തില്‍ എത്തിനോക്കാത്ത തനിക്ക് മറ്റുള്ളവരില്‍ നിന്നും തിരിച്ച് അപ്രകാരം ആഗ്രഹിച്ചാല്‍ എന്താണ് തെറ്റെന്ന് ഊര്‍മ്മിള ചോദിക്കുന്നു.

ചോരയും നീരുമുള്ള സ്ത്രീയെന്ന നിലയ്ക്ക് തനിക്കും വികാരങ്ങളും ആഗ്രഹങ്ങളും ഉണ്ട്. അത് തടഞ്ഞ് വയ്ക്കാന്‍ സമൂഹത്തിനെന്താണ് അധികാരം. ഒരു മാതാവെന്ന നിലയ്ക്കുള്ള എല്ലാ കടമകളും താന്‍ ഭംഗിയായി നിര്‍വഹിക്കുന്നുണ്ട്. ഭാരത സമൂഹത്തില്‍ വിധവകള്‍ക്ക് പുനര്‍വിവാഹമെന്നത് എുപ്പമുള്ള കാര്യവുമല്ല. ഇത്തരം സാഹചര്യങ്ങളില്‍ മിക്കവരും ഇത്തരക്കാരായസ്ത്രീകളോട് സെക്‌സ് പരമായി സംസാരിക്കാന്‍ താല്‍പര്യം കാട്ടാറുമില്ല.അവര്‍ക്ക് അവരുടേതായ വികാരങ്ങള്‍ പ്രകടിപ്പിക്കുന്നതിനെ സമൂഹം വെറുക്കുന്നതെന്തിനാണ്. ഞാന്‍ എന്റെ സെക്‌സ് പരമായ ചിന്തകള്‍ തുറന്ന് പറഞ്ഞപ്പോള്‍ തന്നെ സമൂഹം അതിന് എത്ര യാഥാസ്ഥിതികമായാണ് കണ്ടെതെന്ന് എനിക്കറിയാം. അപ്പോള്‍ മറ്റ് വിധവകളുടെയും, വിവാഹമോചിതരുടെയും അനുഭം എങ്ങനെയായിരിക്കും. സമൂഹം ചിന്താഗതി മാറ്റേണ്ട സമയമം അതിക്രമിച്ചിരിക്കുന്നു. വിധവകളും മനുഷ്യരാണ്. അവര്‍ക്കും ജീവിക്കണംമറ്റ് മനുഷ്യരെ പോലെ.. ഊര്‍മ്മിള പറഞ്ഞുവെക്കുന്നു.