രാജകീയ പദവികളെല്ലാം ഉപേക്ഷിച്ച് സാധാരണക്കാരനെ വിവാഹം കഴിക്കാനൊരുങ്ങി ജപ്പാന്‍ രാജകുമാരി
Posted by
05 September

രാജകീയ പദവികളെല്ലാം ഉപേക്ഷിച്ച് സാധാരണക്കാരനെ വിവാഹം കഴിക്കാനൊരുങ്ങി ജപ്പാന്‍ രാജകുമാരി

ഒന്നുകില്‍ ഇന്നോളം പ്രാണന്‍ കൊടുത്ത് പ്രണയിച്ച പുരുഷന്‍ അല്ലെങ്കില്‍ സകല ആഡംബരത്തോടെയുമുള്ള രാജകീയ ജീവിതം. ഇതില്‍ നിന്നും ഒന്നു തിരഞ്ഞെടുക്കാന്‍ ജപ്പാന്‍ രാജകുമാരി മാക്കോയ്ക്ക് നിമിഷങ്ങള്‍ മതിയായിരുന്നു. ഇഷ്ടപ്പെട്ട പുരുഷനൊപ്പം ജീവിക്കാന്‍ അവര്‍ തീരുമാനിച്ചപ്പോള്‍ ജനിച്ച ദിവസം മുതല്‍ അങ്ങനെയൊരു തീരുമാനമെടുക്കാന്‍ മനസ്സുകാണിച്ച ദിവസംവരെ അനുഭവിച്ച സകല ആഡംബരത്തോടും രാജകീയ ജീവിതത്തോടും രാജകുമാരിക്ക് എന്നെന്നേക്കുമായി വിടപറയേണ്ടി വന്നു.

സുഖസൗകര്യങ്ങളേക്കാള്‍ പ്രണയത്തിന്റെ വിശുദ്ധിയില്‍ വിശ്വസിക്കുന്ന രാജകുമാരിക്ക് ഇനി പ്രണയ സാഫല്യത്തിന്റെ നിമിഷങ്ങള്‍. മൂന്നുവര്‍ഷം മുന്‍പ് ടോക്കിയോയിലെ ഇന്റര്‍നാഷണല്‍ ക്രിസ്റ്റ്യന്‍ യൂണിവേഴ്‌സിറ്റിയില്‍വെച്ചാണ് രാജകുമാരി മാക്കോയും സാധാരണക്കാരനായ കെയ് കുമേറോയും തമ്മില്‍ കണ്ടുമുട്ടിയത്. പരിചയം പിന്നീട് സൗഹൃദമായും പ്രണയമായും വളര്‍ന്നപ്പോള്‍ ഇരുവരും വിവാഹിതരാവാന്‍ തീരുമാനിച്ചു.

രാജകുടുംബത്തില്‍ ആര്‍ക്കും ഈ വിവാഹത്തിന് എതിര്‍പ്പൊന്നുമുണ്ടായിരുന്നില്ല. പുരുഷകേന്ദ്രീകൃതമാണ് ഇവിടുത്തെ ഭരണം. രാജകുടുംബത്തിലെ സ്ത്രീകള്‍ക്ക് രാജകീയ പദവിയുണ്ടെങ്കിലും അധികാരം പുരുഷന്മാരുടെ കൈയിലാണ്. എന്നാല്‍ രാജകുടുംബത്തിനു പുറത്തുള്ള ആളെയാണ് രാജകുടുംബത്തിലെ സ്ത്രീകള്‍ വിവാഹം കഴിക്കുന്നതെങ്കില്‍ അവര്‍ക്ക് സ്വന്തമായിരുന്ന രാജകീയ പദവികളെല്ലാം നഷ്ടപ്പെടുകയും ചെയ്യും.

ജപ്പാന്‍ ചക്രവര്‍ത്തിയായ അകിഹിതോയുടെ രണ്ടാമത്തെ മകന്‍ അക്കിഷിനോയുടെ മൂത്തമകളാണ് മാക്കോ. വിവാഹത്തിന് രണ്ടു കുടുംബത്തിനും എതിര്‍പ്പില്ലാത്തതിനാല്‍ നേരത്തെ തന്നെ വിവാഹക്കാര്യം തീരുമാനിച്ചിരുന്നു. എന്നാല്‍ രാജ്യത്തിന്റെ ചില ഭാഗങ്ങളില്‍ വെള്ളപ്പൊക്കമുണ്ടായതിനെത്തുടര്‍ന്ന് അന്ന് ആ വാര്‍ത്ത പുറത്തുവിട്ടിരുന്നില്ല. അടുത്ത വര്‍ഷം വിവാഹമുണ്ടാവുമെന്നും എല്ലാ അധികാരങ്ങളും നഷ്ടപ്പെടുമെന്നറിഞ്ഞുകൊണ്ടു തന്നെയാണ് വിവാഹത്തിനൊരുങ്ങിയതെന്നും തന്റെ തെരഞ്ഞെടുപ്പില്‍ താന്‍ സന്തുഷ്ടയാണെന്നുമാണ് രാജകുമാരി പറയുന്നത്.

സ്ത്രീകള്‍ ഏറ്റവും സുന്ദരികളാകുന്നത് സാരിയിലാണെന്ന് ഈ ഫോട്ടോകള്‍ കണ്ടാല്‍ നിസംശയം നിങ്ങള്‍ പറയും
Posted by
03 September

സ്ത്രീകള്‍ ഏറ്റവും സുന്ദരികളാകുന്നത് സാരിയിലാണെന്ന് ഈ ഫോട്ടോകള്‍ കണ്ടാല്‍ നിസംശയം നിങ്ങള്‍ പറയും

കാമുകിയെക്കുറിച്ചുള്ള ഭാവസാന്ദ്രമായ വികാരത്തള്ളലില്‍ നെയ്ത്തുകാരന്‍ തന്റെ തറികള്‍ ചലിപ്പിച്ചു കൊണ്ടിരുന്നു. അവന്റെ സ്വപ്നലോകത്ത് അവളുടെ ലോല സ്പര്‍ശനവും അനേക ഭാവങ്ങളിലെ വര്‍ണ്ണശബളിമയും മുടിയുടെ നേര്‍ത്ത ചലനങ്ങളും മിന്നിത്തിളങ്ങുന്ന കണ്ണുനീര്‍ തുള്ളികളും ഒന്നൊന്നായി മിന്നിമറഞ്ഞു. സ്വപ്ന സഞ്ചാരത്തില്‍ മുഴുകി അവന്‍ നെയ്തു കൂട്ടിയ മുഴുനീള വര്‍ണ്ണവസ്ത്രവും സ്വപ്ന സദൃശ്യമായ അനുഭവമായി തീര്‍ന്നു.

ഇതൊരു നാടോടിക്കഥയാണ്. കഥയെന്തായാലും സ്ത്രീയുടെ മുഗ്ധസൗന്ദര്യത്തിന്റെ സ്വപ്ന സാക്ഷാത്കാരമാണ് വൈവിധ്യങ്ങളുടെ കലവറയായ സാരികള്‍. നൂറ്റാണ്ടുകള്‍ പലത് കഴിഞ്ഞിട്ടും ഭാരത സ്ത്രീത്വത്തിന്റെ പൂര്‍ണ്ണത സാരിയില്‍ ദര്‍ശിക്കുന്നതിന്റെ കാരണവും മറ്റൊന്നല്ല.

സാരി ധരിക്കാന്‍ ആഗ്രഹിക്കാത്ത സ്ത്രീകള്‍ ഉണ്ടാകുമോ? സാരി ധരിക്കുമ്പോള്‍ ആകര്‍ഷണവും മനോഹാരിതയും വര്‍ദ്ധിക്കുന്നുവെന്നാണ് പൊതുവെ പറയാറുള്ളത്. പ്രധാനമായും വിവാഹം പോലെയുള്ള ചടങ്ങുകള്‍ക്കാണ് സ്ത്രീകള്‍ കൂടുതലായും സാരി ധരിക്കുന്നത്.

സൗമ്യ ഗുപ്ത എന്ന ഫോട്ടോഗ്രാഫറുടെ ഈ ഫോട്ടോകള്‍ കണ്ടാല്‍, സ്ത്രീകള്‍ ഏറ്റവും സുന്ദരികളാകുന്നത് സാരിയിലാണെന്ന് നിസംശയം നിങ്ങള്‍ പറയും.

പല്ലു തേക്കാതെ വെറും വയറ്റില്‍ വെള്ളം കുടിക്കണം ! നെറ്റി ചുളിക്കണ്ട പ്രമേഹവും ഗ്യാസും പമ്പ കടക്കും
Posted by
03 September

പല്ലു തേക്കാതെ വെറും വയറ്റില്‍ വെള്ളം കുടിക്കണം ! നെറ്റി ചുളിക്കണ്ട പ്രമേഹവും ഗ്യാസും പമ്പ കടക്കും

പല്ലു തേക്കാതെ വെള്ളം കുടുക്കുന്നതിനെ കുറിച്ച് ആലോചിക്കാന്‍ പോലും മലയാളിക്ക് കഴിയില്ല. എന്നാല്‍ ഇതാ പല്ലു തേക്കാതെ വെള്ളം കുടിച്ചാല്‍ അത് പല അസുഖങ്ങള്‍ക്കുമുള്ള ഒറ്റ മൂലി ആണെന്നാണ് വിദഗ്ദര്‍ വിശദമായ പഠനങ്ങള്‍ക്കും പരീക്ഷണങ്ങള്‍ക്കും ശേഷം പറയുന്നത്. വായ കഴുകാന്‍ പോലും പാടില്ലെന്ന് ഡോക്ടര്‍മാര്‍ ഉറപ്പിച്ചു പറയുന്നു. പല്ലു തേക്കാതിരിക്കുമ്പോള്‍ രാത്രിയില്‍ വായില്‍ ഉത്പാദിക്കപ്പെടുന്ന ചില ആല്‍ക്കലൈന്‍ മിനറല്‍സ് വയറ്റില്‍ ചെന്നാല്‍ മാത്രമേ ഈ ഒറ്റമൂലി പ്രാവര്‍ത്തികമാവൂ.

പല്ലു തേക്കുന്നതിന് മുമ്പ് തന്നെ വെള്ളം കുടിക്കുന്നത് ആരോഗ്യത്തിന് ഏറേ ഹാനികരമാണെന്നാണ് പൊതുവിലുള്ള ധാരണ ശരിയല്ലെന്നു ഇവര്‍ സമത്ഥിക്കുന്നുണ്ട്. ഉറക്കമുണര്‍ന്ന് പല്ലു തേക്കുന്നതിന് മുമ്പ് വെറും വയറ്റിലുള്ള വെള്ളം കുടി നിരവധിയായ ആരോഗ്യപ്രശ്‌നങ്ങള്‍ക്ക് പരിഹാരമാണ് ഡോക്ടര്‍മാര്‍ അടിവരയിട്ട് പറയുന്നു.

പുതിയ പരീക്ഷണത്തെ പറ്റി ഇവര്‍ പറയുന്നത് കേള്‍ക്കൂ. പൂര്‍ണ്ണമായി വായിച്ചതിനു ശേഷം നമുക്ക് ഒന്ന് പരീക്ഷിക്കാവുന്നതാണ്.

1. രാവിലെ വെള്ളം കുടിച്ചു കഴിഞ്ഞ് ഏകദേശം അരമണിക്കൂറിനു ശേഷമേ ഭക്ഷണം കഴിച്ച് തുടങ്ങാവൂ.

2. ദിവസേന 4 ഗ്ലാസ്സ് വെള്ളം വീതം കുടിച്ചു തുടങ്ങാവുന്നതാണ്.

3. പത്തു ദിവസം തുടര്‍ച്ചയായി ആവര്‍ത്തിച്ചാല്‍ ഗ്യാസ് സംബന്ധമായ പല അസുഖങ്ങള്‍ക്കും മലബന്ധത്തിനും പരിഹാരമാണ്.

4. മുപ്പതു ദിവസത്തോളം തുടരുകയാണെങ്കില്‍ പ്രമേഹവും ബിപി യും നിയന്ത്രിക്കാം.

5. 90 ദിവസം അടുപ്പിച്ചിട്ട് ഇതു പോലെ വെള്ളം കുടിച്ചാല്‍ ക്ഷയവും ടിബിയും മാറും വാതം ഉള്ളവര്‍ക്കും ഇത് ഏറെ ആശ്വാസകമാണ്.

6 .പല രോഗങ്ങള്‍ക്കും വെറും വയറ്റില്‍ വെള്ളം കുടിക്കുന്നത് പരിഹാരമാകും. പല്ലു തേയ്ക്കുന്നതിനു മുന്‍പ് വെള്ളം കുടിക്കണം.

7 .4045 മിനിറ്റു നേരത്തേയ്ക്ക് പിന്നീട് ഒന്നും കഴിക്കരുത്.

8 .തിളപ്പിച്ചാറ്റിയ വെള്ളം കുടിക്കുന്നതാണ് നല്ലത്.

9 .നാല് ഗ്ലാസ് വെള്ളം ഓരോ ദിവസവും കുടിയ്ക്കുക. പിന്നീട് ഓരോ ഗ്ലാസ് വീതം കൂട്ടിയാല്‍ മതി.

ചുരുക്കത്തില്‍ പറഞ്ഞാല്‍ വായ കഴുകാതെ വെറും വയറ്റില്‍ തിളപ്പിച്ചാറിയ വെള്ളം കുടിക്കുന്നത് ദിനചര്യയാക്കി മാറ്റിയാല്‍ ഗ്യാസ് സംബന്ധമായ എല്ലാ പ്രശ്‌നങ്ങളും മാറും. പ്രമേഹം, ബിപി എന്നിവ കുറയ്ക്കാന്‍ സാധിക്കും. വാതമുള്ളവരും ഇതു പോലെ വെള്ളം കുടിക്കുക.

ഡോ.അനൂജ് ശ്രീവാസ്തവ് വാട്ടര്‍ തെറാപ്പിയെകുറിച്ച് പറയുന്നത് കേള്‍ക്കൂ..

വിശ്വസിച്ചാലും ഇല്ലെങ്കിലും! പുരുഷന്‍മാര്‍ സ്ത്രീകളില്‍ ഇഷ്ടപ്പെടുന്ന വിചിത്രമായ 8 കാര്യങ്ങള്‍ ഇതാണ്
Posted by
02 September

വിശ്വസിച്ചാലും ഇല്ലെങ്കിലും! പുരുഷന്‍മാര്‍ സ്ത്രീകളില്‍ ഇഷ്ടപ്പെടുന്ന വിചിത്രമായ 8 കാര്യങ്ങള്‍ ഇതാണ്

സ്ത്രീകളെ പുരുഷന്മാര്‍ക്ക് ഇഷ്ടപ്പെടാന്‍ കാരണങ്ങള്‍ ഉണ്ടോ. ഇല്ലെന്നും ഉണ്ടെന്നുമൊക്കെയുള്ള വാദങ്ങള്‍ ഉണ്ട്. സാധാരണ ഇഷ്ടപ്പെടാനുള്ള കാരണങ്ങള്‍ അല്ലാതെ വിചിത്രമായ ചില കാര്യങ്ങള്‍ കൂടി ഉണ്ടെന്നാണ് ചില പഠനങ്ങള്‍ ഒരു പോലെ അവകാശപ്പെടുന്നത്.

ഒരു പുരുഷന് തന്റെ ഭാര്യയായി വരുന്ന പെണ്ണിന് അല്ലെങ്കില്‍ ഒരു കാമുകന് കാമുകിയായി കാണുന്ന പെണ്ണിനെക്കുറിച്ച് അവര്‍ക്ക് ആയിരക്കണക്കിന് കാര്യങ്ങളുണ്ട് എന്നാല്‍ ഇതില്‍ ഒരിക്കലും വിശ്വസിക്കാന്‍ കഴിയാത്ത ചിലതുമുണ്ട് എന്നീ പഠനങ്ങള്‍ വ്യക്തമാക്കുന്നു. നമ്മള്‍ വിശ്വസിച്ചാലും ഇല്ലെങ്കിലും പുരുഷന്‍മാര്‍ സ്ത്രീകളില്‍ ഇഷ്ടപ്പെടുന്ന 8 വിചിത്രമായ കാര്യങ്ങള്‍ ഇതൊക്കെയാണ്.

1.ചമയം

പെണ്‍കുട്ടികള്‍ ശരിക്കും ഞെട്ടുന്ന ഒരു കാര്യമാണിത്. ചമയങ്ങള്‍ ഇല്ലാത്ത സ്ത്രീകളെയാണ് പലര്‍ക്കും ഇഷ്ടം. നിങ്ങളുടെ കണ്ണുകളിലെയും മുഖത്തെയും ചമയങ്ങള്‍ ശ്രദ്ധിക്കാത്തയാളാണ് പങ്കാളിയെങ്കില്‍ പിന്നെ എന്തിന് ഇതിനായി പണം ചെലവാക്കണം സ്ത്രീകള്‍ ചിന്തിക്കേണ്ടതാണ്.

2.വസ്ത്രങ്ങള്‍

അധികം ചേര്‍ച്ചയില്ലാത്ത വസ്ത്രങ്ങളാണ് ചിലര്‍ക്ക് താല്‍പര്യം (Mix and Match). മറ്റുള്ളവരുടെ ശ്രദ്ധ ആകര്‍ഷിക്കാന്‍ ശ്രമിക്കാത്ത ഇത്തരക്കാരില്‍ പലരും പെട്ടെന്ന് ആകര്‍ഷകരാവുമെത്രെ.

3.തമാശ

സ്ത്രീകളുടെ കളിയാക്കലിലും ചിരിയിലും തമാശയിലും ആകൃഷ്ടരാകുന്ന പുരുഷന്‍മാരുണ്ട്. നര്‍മ്മം ആര്‍ക്കാണ് ആസ്വദിക്കാന്‍ കഴിയാത്തത്.

4.അരയളവ്

പരന്നവയറും സീറോസൈസും ഇഷ്ടമല്ലാത്ത പുരുഷന്‍മാരുണ്ട്. അരയളവ് കൂടുന്നതാണ് ചിലര്‍ക്കിഷ്ടം

5.ബുദ്ധി, ആത്മവിശ്വാസം, പക്വത

വലിയ ബുദ്ധിയും പക്വതയും കാണിക്കുന്നവരേക്കാള്‍ യഥാര്‍ത്ഥത്തില്‍ ഉള്ള സ്വഭാവം പ്രകടിപ്പിക്കുന്നവരെ ഇഷ്ടപ്പെടുന്നവര്‍ ഉണ്ട്. തളരുമ്പോള്‍ പുരുഷന്മാരെ പിന്താങ്ങുന്നവരെ ആണ് പലരും കൂടുതല്‍ ഇഷ്ടപ്പെടുന്നത്.

6.സാധാരണ വസ്ത്രം

നിങ്ങള്‍ സാധാരണ വസ്ത്രങ്ങള്‍ ധരിച്ചെത്തുന്നവരെ അസാധാരണമായി ഇഷ്ടപ്പെടുന്നവര്‍ ഉണ്ട്.

7.ഔപചാരികത

കൂടുതല്‍ ഔപചാരികതയോടെയും എല്ലാം അറിയാവുന്നവരെപ്പോലെയും പെരുമാറുന്നത് വെറുക്കുന്നവരാണ് കൂടുതല്‍ പേരും.

8.അലസമായ മുടി

അലസമായ മുടിയും കരിയെഴുതാത്ത കണ്ണുകളും പ്രണയിക്കുന്നവര്‍ ധാരാളമാണ്.

ചൂടുവെള്ളം കുടിച്ച് കുടവയറും പൊണ്ണത്തടിയും കുറയ്ക്കാം
Posted by
30 August

ചൂടുവെള്ളം കുടിച്ച് കുടവയറും പൊണ്ണത്തടിയും കുറയ്ക്കാം

വില കൊടുത്ത് വാങ്ങിയ പലതരം മരുന്നുകള്‍ ഉപയോഗിച്ച് നേരം കളയുന്നതിന് പകരം ഒരു ഗ്ലാസ് ചൂടുവെള്ളം കൊണ്ട് വയറിലടിഞ്ഞുകൂടുന്ന കൊഴുപ്പിനെ നീക്കം ചെയ്യാം. രാവിലെയും വൈകുന്നേരവും ഒരു ഗ്ലാസ് ചൂടുവെള്ളം ശീലമാക്കിയാല്‍ ഒരുപാട് ഗുണങ്ങളുണ്ട്.

പച്ചവെള്ളത്തെക്കാള്‍ മികച്ച ഫലം തരുമെന്നതിനാല്‍ ചൂടുവെള്ളം ശീലമാക്കുന്നത് തടി കുറയ്ക്കാന്‍ സഹായിക്കും. രാവിലെ ഒരു ഗ്ലാസ് ചൂടു വെള്ളം കുടിച്ച് തുടങ്ങുന്നത് മെറ്റബോളിസം വേഗത്തിലാക്കും. ശരീരത്തെ വിഷവിമുക്തമാക്കി വെക്കാന്‍ മികച്ച മാര്‍ഗ്ഗമാണിത്. രാവിലെ ചൂടുവെള്ളം ശീലമാക്കുന്നതും ഭക്ഷണത്തിനു ശേഷം ചൂടുവെള്ളം കുടിക്കുന്നതും ദഹനപ്രക്രിയ മെച്ചപ്പെടുത്തും. ദിവസവും ഒരു ഗ്ലാസ് ചൂടുവെള്ളം കുടിക്കുന്നതിലൂടെ പൊണ്ണത്തടിയും കുടവയറും കുറയ്ക്കാന്‍ സാധിക്കുമെന്നാണ് പുതിയ പഠനങ്ങള്‍ തെളിയിക്കുന്നത്.

വെറും വയറ്റിലുള്ള ചൂടുവെള്ളം കുടിക്കുന്നത് പ്രമേഹരോഗികള്‍ക്കും ഏറെ ഗുണം ചെയ്യും. ചൂടുവെള്ളം കുടിക്കുന്നതിലൂടെ രക്ത പ്രവാഹം വര്‍ദ്ധിക്കുകയും ചെയ്യുന്നു. ശരീരത്തിലെ വിഷാംശത്തെ വിയര്‍പ്പാക്കി പുറന്തള്ളാനും ചൂടുവെള്ളം സഹായിക്കും.

ഭര്‍ത്താവല്ലാത്ത മറ്റൊരു പുരുഷനുമായി കിടക്ക പങ്കിടുന്നതില്‍ സ്ത്രീകള്‍ക്ക് കുറ്റബോധമില്ലാത്തത് ഈ കാരണം കൊണ്ടാണ്
Posted by
29 August

ഭര്‍ത്താവല്ലാത്ത മറ്റൊരു പുരുഷനുമായി കിടക്ക പങ്കിടുന്നതില്‍ സ്ത്രീകള്‍ക്ക് കുറ്റബോധമില്ലാത്തത് ഈ കാരണം കൊണ്ടാണ്

ഭര്‍ത്താവോ കാമുകനോ ഉണ്ടായിട്ടും മറ്റ് പുരുഷന്‍മാര്‍ക്കൊപ്പം ചില സ്ത്രീകള്‍ കിടക്ക പങ്കിടാന്‍ തയ്യാറാകുന്നത് എന്തുകൊണ്ടാണെന്ന് കണ്ടെത്തിയിരിക്കുകയാണ് വിസ്പര്‍ എന്ന വെബ്‌സൈറ്റ്. എന്താണ് ഇത്തരത്തിലേക്ക് സ്ത്രീകളെ പ്രേരിപ്പിക്കുന്ന മനശാസ്ത്രം എന്ന് ഈ സ്ത്രീകള്‍ തന്നെയാണ് തുറന്നുപറഞ്ഞിരിക്കുന്നത്.

ചില സ്ത്രീകള്‍ക്ക് തങ്ങളുടെ പ്രവൃത്തിയില്‍ കുറ്റബോധം ഉണ്ട്. എന്നാല്‍ മറ്റ് ചിലരാകട്ടെ മറ്റ് പുരുഷന്‍മാര്‍ക്കൊപ്പം കിടക്ക പങ്കിടുന്നത് ഒരു തെറ്റായി കാണുന്നില്ല. പങ്കാളിക്ക് പുറമെ മറ്റ് പുരുഷന്‍മാര്‍ക്കൊപ്പം ഉറങ്ങുന്നത് ഒരു ലഹരിയായി മാറിയ സ്ത്രീകളും ഉണ്ട്. ‘ഞാന്‍ എന്റെ പങ്കാളിയെ വഞ്ചിക്കുന്നതില്‍ ലഹരി കണ്ടെത്തുന്നു’, ഒരു സ്ത്രീ കുറിച്ചു. ‘ഞാന്‍ ഭര്‍ത്താവിനെ വഞ്ചിക്കുന്നതില്‍ ലഹരി കണ്ടെത്തുന്നു.പക്ഷെ അതിനര്‍ഥം അദ്ദേഹത്തോട് സ്‌നേഹമില്ല എന്നല്ല’, മറ്റൊരു യുവതി വിശദീകരിക്കുന്നു.താനാഗ്രഹിക്കുന്നതുപോലെ സെക്‌സ് നല്‍കാന്‍ ഭര്‍ത്താവിന് സാധിക്കാത്തതുകൊണ്ട് മറ്റൊരാളെ തേടിപ്പോകുന്നു എന്നേയുള്ളൂവെന്നും അവര്‍ പറയുന്നു.

പങ്കാളിയല്ലാത്ത പുരുഷന്മാരുമായി കിടപ്പറ പങ്കിടുകയെന്ന അടക്കാനാവാത്ത മോഹമാണ് പലരെയും അതിലേക്ക് നയിക്കുന്നതെന്നാണ് റിപ്പോര്‍ട്ട്. ഇതൊരു ശീലം പോലെ ചെയ്യുന്നവരും ഏറെയാണെന്ന് പങ്കാളികളെ പറ്റിക്കുന്ന സ്ത്രീകളുമായി സംസാരിച്ച് തയ്യാറാക്കിയ റിപ്പോര്‍ട്ടില്‍ പറയുന്നു.

ഒറ്റമക്കളായി വളര്‍ന്നവരാണ് ഇത്തരത്തില്‍ പങ്കാളിയെ വഞ്ചിക്കുന്നതില്‍ മുന്നിട്ടുനില്‍ക്കുന്നതെന്ന് ഒന്നിലേറെ സര്‍വേകള്‍ കണ്ടെത്തിയിട്ടുണ്ട്. സഹോദരങ്ങള്‍ക്കൊപ്പം വളര്‍ന്നവരില്‍ ബ്‌നധങ്ങളുടെ ഇഴയടുപ്പം കൂടുതലായിരിക്കും. ഇല്ലിസിറ്റ് എന്‍കൗണ്ടേഴ്‌സ് എന്ന വെബ്‌സൈറ്റ് നടത്തിയ സര്‍വേയില്‍, പങ്കാളിയെ വഞ്ചിച്ചുവെന്ന് തുറന്നുപറഞ്ഞവരില്‍ 34 ശതമാനവും ഒറ്റമക്കളായി വളര്‍ന്നവരാണെന്ന് കണ്ടെത്തിയിരുന്നു.

നിങ്ങളുടെ കണ്ണുകള്‍ക്ക് പുറകിലെ ഞെട്ടിക്കുന്ന രഹസ്യം
Posted by
23 August

നിങ്ങളുടെ കണ്ണുകള്‍ക്ക് പുറകിലെ ഞെട്ടിക്കുന്ന രഹസ്യം

എല്ലാവര്‍ക്കും അവരുടെ കണ്ണുകളോട് പ്രത്യേക ഇഷ്ടമാണ്. കൃഷ്ണമണിയുടെ അസാധാരണനിറങ്ങള്‍ പലപ്പോഴും പലരെയും ആള്‍ക്കൂട്ടത്തില്‍ വിത്യസ്തരാക്കാറുണ്ട്. എല്ലാവരെയും ഒരുപോലെ ആകര്‍ഷിക്കുന്ന ഒന്നാണ് നീലമിറമുള്ള കണ്ണുകള്‍. അത്തരം കണ്ണുകള്‍ക്കു പുറകിലെ രഹസ്യം ഇതാണ്.

കോപ്പന്‍ഹേഗ് സര്‍വകലാശാലയിലെ ഒരു സംഘം ഗവേഷകര്‍ നടത്തിയ പഠനത്തിലാണ് 6-10,000 വര്‍ഷങ്ങള്‍ക്ക് മുമ്പ് നടന്ന ഒരു ജനിതകപരിണാമത്തിന്റെ ഫലമായാണ് ഇന്ന് പലരിലും കാണപ്പെടുന്ന നീലക്കണ്ണുകള്‍. എന്നാല്‍, ചാരനിറമുള്ള കൃഷ്ണമണികളില്‍ നിന്ന് നീലനിറമുള്ള കൃഷ്ണമണിയിലേക്കുള്ള ജനിതകപരിണാമം പോസിറ്റീവോ നെഗറ്റീവോ അല്ലെന്നും പഠനഫലത്തിലുണ്ട്.

മറുകുകള്‍, തലമുടിയുടെ നിറം പോലുള്ള സാധാരണ ജനിതകമാറ്റങ്ങളെപ്പോലെതന്നെയാണ് ഇതും. മാത്രമല്ല, അതിജീവനത്തിനുള്ള മുനഷ്യന്റെ സാദ്ധ്യതകളെ ഇത് കൂട്ടുകയോ കുറയ്ക്കുകയോ ചെയ്യുന്നില്ലെന്നും പഠനത്തിന് നേതൃത്വം നല്‍കിയ പ്രഫ ഐബര്‍ഗ് പറയുന്നു. 1996 ല്‍ ആരംഭിച്ച ഇത് ജനിതകശാസ്ത്രത്തിലെ ഏറ്റവും പുതിയ കണ്ടെത്തലുകളില്‍ ഒന്നാണ് ഇത്.

കൂടുതല്‍ അവിഹിത ബന്ധങ്ങള്‍ക്ക് പിന്നിലും സ്ത്രീകള്‍; ഞെട്ടിക്കുന്ന റിപ്പോര്‍ട്ട്
Posted by
21 August

കൂടുതല്‍ അവിഹിത ബന്ധങ്ങള്‍ക്ക് പിന്നിലും സ്ത്രീകള്‍; ഞെട്ടിക്കുന്ന റിപ്പോര്‍ട്ട്

കൊച്ചി: ലോകത്ത് ഉണ്ടാകുന്ന വിവാഹേതരബന്ധത്തെക്കുറിച്ച് ഒരു പുതിയ റിപ്പോര്‍ട്ട്. ഇത്തരം ബന്ധങ്ങള്‍ക്ക് മുന്‍കൈ എടുക്കാന്‍ സ്ത്രീകളും പിന്നിലല്ല എന്നാണു റിപ്പോര്‍ട്ടുകള്‍. മൂന്നിലൊന്നു വിവാഹേതര ബന്ധങ്ങളിലും മുന്‍കൈ എടുക്കുന്നതു സ്ത്രീകളാണ് എന്നും സര്‍വേ. വിവാഹേതര ബന്ധത്തില്‍ ഏര്‍പ്പെടുന്ന 88 ശതമാനം പേരും ഇക്കാര്യം മൂന്നാമത് ഒരാളോടു പറയില്ല. എന്നാല്‍ 8 ശതമാനം പേര്‍ ഇക്കാര്യം അടുത്ത സുഹൃത്തുക്കളോടു പറയും. 4 ശതമാനം പേര്‍ ഇതു വീട്ടുകാരില്‍ നിന്നു മറച്ചു വയ്ക്കാറില്ല എന്നും സര്‍വേ പറയുന്നു.


സര്‍വേയില്‍ പങ്കെടുത്ത 50 ശതമാനം പേര്‍ക്കും വിവാഹേതരബന്ധത്തില്‍ ഒരു കുറ്റബോധവും ഇല്ല എന്നു പറയുന്നു. ശരീരികം എന്നതിനപ്പുറം മാനസികമായ ബന്ധങ്ങള്‍ക്കാണ് ഇവര്‍ പ്രാധാന്യം കല്‍പ്പിക്കുന്നത്. പുരുഷന്മാര്‍ക്ക് അന്യസ്ത്രീകളുമായിള്ള വൈകാരിമായ അടുപ്പംം ശരീരിക അടുപ്പത്തേക്കാള്‍ സ്ത്രീകളെ വേദനിപ്പിക്കും എന്നു സര്‍വേയില്‍ പറയുന്നു. ഡേറ്റിംഗ് വെബ്‌സൈറ്റായ ഡീഡന്‍ ഡോട്ട് കോം നടത്തിയ സര്‍വേയിലാണ് ഈ വിവരങ്ങള്‍ പുറത്തു വന്നത്.

പഴയ ഷര്‍ട്ടുകൊണ്ട് ഭംഗിയുള്ള കുഞ്ഞുടുപ്പുകള്‍ : നിങ്ങള്‍ക്കും പരീക്ഷിക്കാം
Posted by
15 August

പഴയ ഷര്‍ട്ടുകൊണ്ട് ഭംഗിയുള്ള കുഞ്ഞുടുപ്പുകള്‍ : നിങ്ങള്‍ക്കും പരീക്ഷിക്കാം

നമ്മുടെയൊക്കെ വീട്ടില്‍ പഴയഷര്‍ട്ടുകളുടെ സ്ഥാനം അടുക്കളയിലും, ബാത്ത്‌റൂമിലും ഒക്കെയാണ്. എന്നാല്‍ അമേരിക്കക്കാരിയായ ഒരു വീട്ടമ്മയുടെ ആശയം ലോകത്തെതന്നെ ഞെട്ടിച്ചിരിക്കുകയാണ്.

ഭര്‍ത്താവിന്റെ പഴയ ഷര്‍ട്ടുകള്‍കൊണ്ട് 3 വയസ്സുകാരിയായ തന്റെ മകള്‍ക്ക് തുന്നിയ കുഞ്ഞുടുപ്പുകള്‍ ആണ് ഇപ്പോള്‍ എല്ലാവരുടേയും ചര്‍ച്ചാവിഷയം.


ഭര്‍ത്താവിന്റെ പഴയ ഷര്‍ട്ടുകള്‍ എന്ത് ചെയ്യും എന്നുള്ള ചിന്തയില്‍ നിന്നാണ് അമേരിക്കക്കാരിയായ സ്‌റ്റെഫിനി മില്ലര്‍ എന്ന വീട്ടമ്മയ്ക്ക് ഈ കിടിലന്‍ ആശയം കിട്ടിയത്.
ചിത്രകാരികൂടിയായ സ്റ്റെഫിനിക്ക് മറ്റൊന്നും ചിന്തിക്കേണ്ടിവന്നില്ല വാള്‍മാര്‍ട്ടില്‍ നിന്ന് വാങ്ങിയ 50 ഡോളറിന്റെ തയ്യല്‍മെഷീന്‍ ഉപയോഗിച്ച് പഴയ ഷര്‍ട്ടുകള്‍ അവര്‍ കുഞ്ഞുടുപ്പുകളാക്കി മാറ്റി.


പ്രസവശേഷം വിഷാദരോഗത്തിനടിമയായ താന്‍, വ്യക്തിത്വം നഷ്ടപ്പെട്ടവളായി മാറിയിരുന്നു. സന്തോഷകരമായ ജീവിതത്തിലേയ്ക്ക് ഇനിയൊരു തിരിച്ചുവരവ് പ്രതീക്ഷിച്ചിരിക്കുമ്പോഴാണ് ഇത്തരമൊരു ആശയം മനസ്സിലേയ്ക്ക് വരുന്നത്, സ്‌റ്റെഫിനി പറയുന്നു.


ചിത്രകലാ അധ്യാപികകൂടിയായ തനിക്ക് യൂറ്റൂബ് വഴി ഈയൊരു ആശയം പഠിച്ചെടുക്കാന്‍ വളരെ എളുപ്പമായിരുന്നു എന്നും, ആദ്യം പഴയ ഷര്‍ട്ടുപയോഗിച്ച് ഉണ്ടാക്കിയത് ഒരു തലയിണ ആയിരുന്നു എന്നും സ്‌റ്റെഫിനി കൂട്ടിചേര്‍ത്തു.

പഴയതും പുതിയതുമായ ഷര്‍ട്ടുകളുമായി ഇപ്പോള്‍ സുഹൃത്തുക്കളും അയല്‍വാസികളും സ്റ്റെഫിനിയുടെ വീട്ടില്‍ തന്നെയാണ്. തങ്ങളുടെ കുട്ടികള്‍ക്കും വ്യത്യസ്തമായ ഉടുപ്പുകള്‍ ഉണ്ടാക്കാനായി.

മഞ്ഞിനെയും മണ്ണിടിച്ചിലിനെയും തോല്‍പ്പിച്ച് ബുള്ളറ്റില്‍ 2400 കിലോമീറ്റര്‍ പിന്നിട്ട മലയാളി പെണ്‍കരുത്തിന്അമ്പത്തൊന്ന് വയസ്
Posted by
14 August

മഞ്ഞിനെയും മണ്ണിടിച്ചിലിനെയും തോല്‍പ്പിച്ച് ബുള്ളറ്റില്‍ 2400 കിലോമീറ്റര്‍ പിന്നിട്ട മലയാളി പെണ്‍കരുത്തിന്അമ്പത്തൊന്ന് വയസ്

കോട്ടയം: മഞ്ഞിനെയും മണ്ണിടിച്ചിലിനെയും തോല്‍പിച്ചു സ്വപ്നഭൂമിയിലെത്തിനിന്ന പെണ്‍കരുത്ത്.അമ്പത്തൊന്നാം വയസ്സില്‍ മണാലിയും സര്‍ച്ചുവും ഖാര്‍ദുങ്‌ലാപാസുമെല്ലാം കടന്ന് ലേയിലെത്തിയപ്പോള്‍ കൂടെയുണ്ടായിരുന്ന അറുപതുപേരും അഭിനന്ദിച്ചത് മിനിയുടെ മനക്കരുത്തിനെയാണ്. കോട്ടയത്തു ജനിച്ച് കോയമ്പത്തൂരില്‍ വളര്‍ന്ന മിനി ഇപ്പോള്‍ ചാലപ്പുറം കനറാ ബാങ്ക് റീജനല്‍ ഓഫിസില്‍ സീനിയര്‍ മാനേജരാണ്.റോയല്‍ എന്‍ഫീല്‍ഡ് കഴിഞ്ഞമാസം സംഘടിപ്പിച്ച ഹിമാലയന്‍ ഒഡീസിയില്‍ പങ്കെടുത്ത 61 അംഗ സംഘത്തില്‍ മിനിയെ കൂടാതെ മൂന്നു വനിതകളുണ്ടായിരുന്നു. ഇരുചക്രവാഹനത്തില്‍ ലേ യാത്ര നടത്തുന്ന വനിതകളുടെ എണ്ണം വര്‍ധിക്കുന്നുണ്ടെങ്കിലും 51 വയസ്സുള്ള വനിത ഇതാദ്യമായാണെന്നാണ് സംഘാടകര്‍ പറയുന്നത്. ഡല്‍ഹിയില്‍ തുടങ്ങി ലേയിലെത്തി തിരികെ ചണ്ഡീഗഡില്‍ അവസാനിച്ച 15 ദിവസത്തെ യാത്രയില്‍ റോയല്‍ എന്‍ഫീല്‍ഡ് തണ്ടര്‍ബേഡില്‍ പിന്നിട്ടത് 2400 കിലോമീറ്റര്‍.

ഇതിനുമുന്‍പ് ഭര്‍ത്താവിനൊപ്പം കൊല്‍ക്കത്ത-നൈനിറ്റാള്‍, കൊല്‍ക്കത്ത -ഭൂട്ടാന്‍ യാത്രകളും ബൈക്കില്‍ നടത്തിയിരുന്നു. കോഴിക്കോട്ട് സെന്‍ട്രല്‍ എക്‌സൈസ് ആന്‍ഡ് കസ്റ്റംസില്‍ അസി. കമ്മിഷണറാണ് ബിജു പോള്‍. മകന്‍ കെവിന്‍ ഓഡിയോ എന്‍ജിനീയര്‍. മകള്‍ ആന്‍ എലിസബത്ത് ബികോം പഠിക്കുന്നു.