ayurveda treatment
Posted by
20 November

മുഖസൗന്ദര്യത്തിന് ആയുര്‍വേദം

മുഖ സൗന്ദര്യത്തിന് എന്നും പാര്‍ശ്വഫലങ്ങളില്ലാതെ ഉപയോഗിക്കാവുന്നയാണ് ആയുര്‍വേദം . മുഖകാന്തിയ്ക്കായി ആയുര്‍വേദത്തില്‍ നിന്നും പൊടിക്കൈകള്‍.

1. ഉലുവ കുതിര്‍ത്ത് അരച്ച് അല്‍പം ഒലിവെണ്ണ ചേര്‍ത്ത് അരച്ച് മുഖത്തു പുരട്ടുക. അര മണിക്കൂര്‍ കഴിഞ്ഞ് 2. കഴുകി കളയാം. ചുളിവുകള്‍ വീഴുന്നത് തടയാം.
3. കുങ്കുമാദി തൈലം മുഖത്തു പുരട്ടി അര മണിക്കൂര്‍ കഴിഞ്ഞ് കഴുകാം. മുഖത്തെ കറുപ്പു നിറം മാറും.
4. ഏലാദി വെളിച്ചെണ്ണ ദിവസവും മുഖത്തു പുരട്ടാം മുഖത്തിന് നിറവും മാര്‍ദ്ദവവും കൂടും.
5. പച്ചമഞ്ഞള്‍ നേര്‍മയായി അരച്ച് മുഖത്തു പുരട്ടിയാല്‍ മുഖക്കുരു മാറി മുഖകാന്തി വര്‍ധിക്കും.
6. രാമച്ചം, കസ്തൂരി മഞ്ഞള്‍ എന്നിവ ഉണക്കിപ്പൊടിച്ച് ചെറുചൂടുവെള്ളത്തില്‍ ചാലിച്ച് മുഖത്തുപുരട്ടുക.

eyes beauty
Posted by
16 November

കവിത വിരിയും കണ്ണുകള്‍ക്ക്

ഒരു സ്ത്രീയുടെ സൗന്ദര്യത്തില്‍ കണ്ണുകള്‍ക്ക് പ്രത്യേക സ്ഥാനമുണ്ട്. നല്ല ഭംഗിയുള്ള കണ്ണുകളാണെങ്കില്‍ മുഖത്തേക്കു നോക്കുമ്പോള്‍ ആദ്യം നോട്ടം പതിയുക കണ്ണുകളിലേക്കു തന്നെയായിരിക്കും.
എന്നൊക്കെയുള്ള പ്രയോഗം അര്‍ത്ഥവത്താകണമെങ്കില്‍ കണ്ണുകളുടെ സൗന്ദര്യത്തിന്റെ കാര്യത്തില്‍ പ്രത്യേക ശ്രദ്ധ വേണം. വലിയ ബുദ്ധിമുട്ടൊന്നുമില്ല, ചെലവുമില്ല. നമുക്കു തന്നെ ചെയ്യാം, ചില നിസാര കാര്യങ്ങള്‍. കണ്‍തടത്തിലെ കറുപ്പ് വലിയൊരു സൗന്ദര്യപ്രശ്‌നമാണ്. പരിഹാരവുമുണ്ട്. കുക്കുമ്പര്‍ നീരില്‍ പഞ്ഞി മുക്കി കണ്ണിനു മുകളില്‍ വയ്ക്കുക. കണ്ണിനും കുളിര്‍മ ലഭിക്കും. കണ്‍തടത്തിലെ കറുപ്പ് കുറയുകയും ചെയ്യും. ഇത് രണ്ടാഴ്ച അടുപ്പിച്ചു ചെയ്യണം. കുക്കുമ്പര്‍ വട്ടത്തില്‍ മുറിച്ച് കണ്ണുകള്‍ക്ക് മുകളില്‍ വച്ചാലും മതി.

ബദാം ഓയില്‍, തേന്‍ എന്നിവ കൂട്ടിച്ചേര്‍ത്ത് കണ്ണിനു ചുറ്റും പുരട്ടുക. കണ്‍തടത്തിലെ കറുപ്പും ചുളിവും അകലും. വൈറ്റമിന്‍ എ ഓയില്‍ തേയ്ക്കുന്നതും നല്ലതാണ്. തണുത്ത വെള്ളത്തില്‍ മുഖം അല്‍പനേരം താഴ്ത്തിപ്പിടിക്കുക. കണ്ണുകള്‍ക്ക് ഇത് നല്ലതാണ്. കണ്‍തടത്തില്‍ പനിനീര്‍ പുരട്ടുന്നതും നല്ലതാണ്. ഇത് കിടക്കുന്നതിനു മുന്‍പു ചെയ്യാം. തക്കാളി, ചെറുനാരങ്ങാനീര് കൂട്ടിച്ചേര്‍ത്ത് കണ്ണിനു ചുറ്റും പുരട്ടുന്നതും ഗുണം ചെയ്യും. പുറത്തു പോയി വന്നാല്‍ തണുത്ത വെള്ളത്തില്‍ മുഖവും കണ്ണുകളും കഴുകുന്നതു ശീലമാക്കുക. ഇളനീര്‍ കുഴമ്പു പോലുള്ളവ കണ്ണിലെഴുതുന്നത് കണ്ണുകളുടെ ആരോഗ്യത്തിന് നല്ലതാണ്. പൊടിയിലും ചൂടിലും പോകേണ്ടി വരുമ്പോള്‍ കൂളിംഗ് ഗ്ലാസ് ധരിക്കുന്നതും കണ്ണുകളുടെ സൗന്ദര്യത്തിനും ആരോഗ്യത്തിനും ഒരുപോലെ നല്ലതാണ്.

pedicure making
Posted by
14 November

പാദങ്ങള്‍ സുന്ദരമാക്കാന്‍ ഇനി പെഡിക്യൂര്‍ വീട്ടില്‍ ചെയ്യാം

പാദങ്ങള്‍ മൃദുലവും തിളക്കമുള്ളതും മനോഹരവും ആക്കാന്‍ നിങ്ങള്‍ക്ക് ആഗ്രഹമില്ലേ. അധികം ചെലവില്ലാതെ പ്രകൃതിദത്ത മാര്‍ഗ്ഗങ്ങളിലൂടെ പെഡിക്യൂര്‍ ഇനി വീട്ടില്‍ തന്നെ ചെയ്യാം.പെഡിക്യൂറിന് ആയി ഇനി ബ്യൂട്ടി സലൂണ് സന്ദര്‍ശിക്കേണ്ടതില്ല.

നഖങ്ങളില്‍ പഴയ നെയില്‍ പോളിഷുണ്ടെങ്കില്‍ ആദ്യം അത് നീക്കം ചെയ്യുക. നല്ലൊരു നെയില്‍ പോളിഷ് റിമൂവര്‍ ഉപയോഗിച്ച് പഴയ നെയില്‍ പോളിഷിന്റെ അവശിഷ്ടങ്ങള്‍ കാല്‍ നഖങ്ങളില്‍ നിന്നും നീക്കം ചെയ്യുക. പോളിഷ് നീക്കം ചെയ്തു കഴിയുമ്പോള്‍ നഖങ്ങളില്‍ മഞ്ഞ നിറം കാണുന്നുണ്ടെങ്കില്‍ ഒരു കഷ്ണം പഞ്ഞി ഹൈഡ്രജന്‍ പെറോക്‌സൈഡില്‍ മുക്കി വൃത്തിയാക്കുക.

കാല്‍ നഖങ്ങള്‍ വെട്ടി നേരെയാക്കുകയാണ് അടുത്തതായി ചെയ്യേണ്ടത് . കാല്‍ വിരലുകളുടെ അറ്റത്തേക്കാള്‍ നീളത്തില്‍ നഖങ്ങള്‍ വളരുന്നത് ചിലപ്പോള്‍ നഖങ്ങള്‍ അകത്തേയ്ക്ക് കയറി വേദന ഉണ്ടാകാന്‍ കാരണമാകും. ഒരേ ക്രമത്തില്‍ വേണം നഖങ്ങള്‍ വെട്ടി നേരെയാക്കാന്‍ അല്ലെങ്കില്‍ പൊട്ടി പോകാനുള്ള സാധ്യത ഉണ്ട്. വെട്ടിയതിന് ശേഷം നഖങ്ങള്‍ രാകി ഇഷ്ടമുള്ള ആകൃതിയില്‍ ആക്കാം.

കാല്‍ പാദങ്ങള്‍ ചൂട് വെള്ളത്തില്‍ മുക്കി വയ്ക്കുക. വരണ്ടതും തഴമ്പിച്ചതുമായ ചര്‍മ്മം മൃദുലമാകാന്‍ ഇത് സഹായിക്കും.ഒരു പാത്രത്തില്‍ കണങ്കാല്‍ മുങ്ങുന്നത് വരെ ചൂട് വെള്ളം എടുത്ത് അതില്‍ അര കപ്പ് ഇന്തുപ്പ്, ഒരു കപ്പ് ചൂട് പാല്‍ , ഏതാനം തുള്ളി സുഗന്ധ തൈലം എന്നിവ ചേര്‍ത്ത് കാലുകള്‍ മുക്കി വയ്ക്കുക. കൂടുതല്‍ മണവും സുഖവും ലഭിക്കുന്നതിന് റോസപ്പൂവിന്റെ ഇതളുകളും ചേര്‍ക്കാവുന്നതാണ്. 1015 മിനുട്ട് നേരം ഈ വെള്ളത്തില്‍ കാലുകള്‍ മുക്കി വയ്ക്കുക.

കഴുകി കഴിഞ്ഞാല്‍ ഉടന്‍ തന്നെ പാദങ്ങള്‍ ഉണക്കി കാല്‍നഖങ്ങള്‍ക്ക് താഴെ ചര്‍മ്മത്തിനിണങ്ങുന്ന ഏതെങ്കിലും ക്രീം പുരട്ടുക. വെള്ളത്തില്‍ കുതിര്‍ത്ത് വെച്ചതിന് ശേഷം പാദത്തിലെ ചര്‍മ്മങ്ങള്‍ വളരെ മൃദുലമായിരിക്കും.ഓറഞ്ച് സ്റ്റിക് ഉപയോഗിച്ച് മൃത ചര്‍മ്മം നീക്കം ചെയ്യുക. ആവശ്യമെങ്കില്‍ ചര്‍മ്മം നീക്കം ചെയ്യാനുള്ള ലോഷനോ ക്രീമോ പുരട്ടുക.

നനവും മൃദുലതയും നിലനിര്‍ത്തി ചര്‍മ്മം വിണ്ടു കീറുന്നതില്‍ നിന്നും സംരക്ഷിക്കാന്‍ മോയ്ച്യുറൈസേഷന്‍ സഹായിക്കും. മോയ്‌സ്ച്യുറൈസര്‍ പുരട്ടി പാദങ്ങള്‍ നന്നായി മസ്സാജ് ചെയ്യുക. പതിവായി പാദങ്ങള്‍ മസ്സാജ് ചെയ്യുന്നത് നാഡികള്‍ക്ക് ഉത്തേജനം നല്‍കാനും രക്തയോട്ടം മെച്ചപ്പെടുത്തി ചര്‍മ്മത്തെ പുഷ്ടിപ്പെടുത്താനും സഹായിക്കും.

അവസാനമായി ചെയ്യേണ്ട കാര്യ കാല്‍ നഖങ്ങള്‍ക്ക് നിറം നല്‍കുക എന്നതാണ്. നെയില്‍ പോളിഷ് ഇടുന്നതിന് മുമ്പ് നഖങ്ങള്‍ റിമൂവര്‍ ഉപയോഗിച്ച് വൃത്തിയാക്കുക. മോയ്‌സ്ച്യുറൈസ് ചെയ്തതിന് ശേഷം അധികമായി എണ്ണമയം നഖങ്ങളില്‍ അവശേഷിക്കുന്നുണ്ടെങ്കില്‍ നീക്കം ചെയ്യാന്‍ ഇത് സഹായിക്കും. പഞ്ഞി ഉപയോഗിച്ച് കാല്‍ വിരലുകള്‍ അകറ്റിയതിന് ശേഷം നഖങ്ങള്‍ക്ക് ഇഷ്ടമുള്ള നിറം നല്‍കുക. നെയില്‍ പോളിഷ് ഒരാവര്‍ത്തി ഇട്ടതിന് ശേഷം അതുണങ്ങിയിട്ട് വേണം അതിന് മേല്‍ വീണ്ടും ഇടാന്‍. ഇത് ഉണങ്ങിയതിന് ശേഷം വീണ്ടും ഇടുക. ഇങ്ങനെ ചെയ്യുന്നത് നെയില്‍ പോളിഷ് ദീര്‍ഘകാലം നിലനില്‍ക്കാന്‍ സഹായിക്കും.

Red sandal for beauty
Posted by
13 November

രക്ത ചന്ദനത്തിലുണ്ട് ബ്ലാക്ക് ഹെഡ്‌സിനുള്ള പരിഹാരം

ചര്‍മ്മത്തിന്റെ നിറം തന്നെയാണ് പലരുടേയും പ്രശ്‌നം. എന്നാല്‍ പ്രകൃതി ദത്തമായ വഴികള്‍ ഒരും തന്നെ ഉപയോഗിക്കാറില്ല ഇന്നത്തെ കാലത്ത്. പെട്ടെന്നുള്ള ഫലം ലഭിയ്ക്കുന്നതിനായി കൃത്രിമമായ സൗന്ദര്യസംരക്ഷണമാണ് ഇന്ന് പലരും ഉപയോഗിക്കുന്നത്. ആയുര്‍വ്വേദത്തില്‍ ഏറ്റവും പ്രാധാന്യം നല്‍കുന്ന സൗന്ദര്യസംരക്ഷണ വസ്തുവാണ് രക്തചന്ദനം. രക്ത ചന്ദനം പാര്‍ശ്വഫലങ്ങള്‍ ഇല്ലെന്നു മാത്രമല്ല അതിലേറെ ആരോഗ്യഗുണങ്ങളും നല്‍കുന്നുണ്ട്

അതിനായി 1 സ്പൂണ്‍ രക്തചന്ദനത്തിന്റെ പൊടിയും അല്‍പം പാലും മിക്‌സ് ചെയ്ത് മുഖത്ത് പുരട്ടുക. 20 മിനിട്ടിനു ശേഷം കഴുകിക്കളഞ്ഞാല്‍ മതി. ഇത്തരത്തില്‍ ആഴ്ചയില്‍ നാല് തവണ ചെയ്യുക. ഫലം ഉടന്‍ തന്നെ നിങ്ങളുടെ മുഖത്ത് തെളിഞ്ഞു കാണാം

സ്ത്രീകള്‍ക്കും പുരുഷന്‍മാര്‍ക്കും രക്ത ചന്ദനം സൗന്ദര്യസംരക്ഷണത്തിന് ഉപയോഗിക്കാം. അല്‍പം രക്ത ചന്ദനം വെള്ളത്തിലോ പാലിലോ ചാലിച്ച് കഴുത്തിലും മുഖത്തും തേയ്ക്കുക. ഇത് ചര്‍മ്മത്തിന് നിറം നല്‍കുകയും കഴുത്തിലുണ്ടാകുന്ന കറുപ്പിന് പരിഹാരമാവുകയും ചെയ്യുന്നു. മുഖക്കുരുവിന് പരിഹാരം കാണാന്‍ ഏറ്റവും നല്ല വഴിയാണ് ഇത്. ആന്റി ഓക്‌സിഡന്റുകളാല്‍ സമ്പുഷ്ടമാണ് എ്ന്നത് തന്നെയാണ് ഇതിന്റെ പ്രധാന കാരണവും.ഇന്നത്തെ കാലത്ത് സൗന്ദര്യസംരക്ഷണത്തിലെ വെല്ലുവിളിയാണ് സണ്‍ടോന്‍. ഇതിനെ മറികടക്കാനും രക്തചന്ദനത്തിന് കഴിയും.

curly beauty full hair
Posted by
12 November

ചുരുണ്ട മുടിയിലെ സൗന്ദര്യം സംരക്ഷിക്കാന്‍

ഇന്നത്തെ കാലത്ത് പെണ്‍കുട്ടികള്‍ മുടി സ്‌ട്രെയിറ്റന്‍ ചെയ്യുന്നതിനു പുറകേയാണ്. എന്നാല്‍ പലപ്പോഴും ഇതിനായി ആയിരങ്ങള്‍ മുടക്കുന്ന പെണ്‍കുട്ടികള്‍ അറിയുന്നില്ല കേശസംരക്ഷണത്തിന് ഇത്തരം കെട്ടിച്ചമച്ച അലങ്കാരങ്ങള്‍ ഉണ്ടാക്കുന്ന പ്രശ്‌നങ്ങള്‍.

ചുരുണ്ട മുടി പലര്‍ക്കും ഉപദ്രവമാണ് ഉണ്ടാക്കുന്നത് എന്നാണ് ധാരണ. എന്നാല്‍ വൃത്തിയായി സൂക്ഷിച്ചാല്‍ ഇത്രയധികം സൗന്ദര്യം നീണ്ടു വളര്‍ന്ന മുടിയില്‍ കണ്ടെടുക്കാന്‍ പ്രയാസമാണ്. ചുരുണ്ട മുടിയുടെ സൗന്ദര്യം സംരക്ഷിക്കാന്‍ ചില മാര്‍ഗ്ഗങ്ങള്‍ ഉണ്ട്. അവ എന്തൊക്കെയെന്ന് നോക്കാം.

ആവണക്കെണ്ണ മുടി വളര്‍ച്ച വര്‍ദ്ധിപ്പിക്കും. എന്നാല്‍ മുടിവളര്‍ച്ചയോടൊപ്പം മുടിയുടെ തിളക്കവും വര്‍ദ്ധിപ്പിക്കാന്‍ ആവണക്കെണ്ണ മതി. ആവണക്കെണ്ണ ദിവസവും മുടിയില്‍ പുരട്ടാം. ഇത് ചുരുണ്ട മുടിയില്‍ ഉണ്ടാകുന്ന കെട്ടുകളും മറ്റും ഇല്ലാതാക്കും. ഇവ രണ്ടും മുടിയുടെ ആരോഗ്യത്തിന് മുന്നില്‍ നില്‍ക്കുന്നവ തന്നെയാണ്. കറ്റാര്‍വാഴയും ആവണക്കെണ്ണയും അല്‍പം നാരങ്ങ നീരും മിക്‌സ് ചെയ്ത് മുടിയില്‍ പുരട്ടാം. മുടിയുടെ ഉള്ളിലുള്ള ഇഴകള്‍ പോലും തിളക്കമുറ്റതാകും.

മുടിയുടെ തിളക്കവും മിനിസവും ചുരുണ്ട മുടിക്കാര്‍ എന്നും പ്രശ്‌നമുണ്ടാക്കുന്ന ഒന്നാണ്. എന്നാല്‍ കറ്റാര്‍ വാഴ ഇതിന് പരിഹരാമാണ്. ഒരു ടീ സ്പൂണ്‍ കറ്റാര്‍വാഴയില്‍ ഒരു ടീ സ്പൂണ്‍ വെളിച്ചെണ്ണ മിക്‌സ് ചെയ്ത് അല്‍പം തൈരും കടി ചേര്‍ത്ത് തലയില്‍ തേച്ച് പിടിപ്പിക്കുക. ഇത് മുടിയിലെ മിനുസവും തിളക്കവും നിലനിര്‍ത്തുന്നു. മുടി കഴുകുക ചീകുക എന്നതൊക്കെ വലിയ പ്രശ്‌നമാണ് ചുരുണ്ട മുടിക്കാര്‍ക്ക്. എന്നാല്‍ ഇനി ഇത്തരം പ്രശ്‌നങ്ങളെ ചെമ്പരത്തി കൊണ്ട് നമുക്ക് ഇല്ലാതാക്കാം. ചെമ്പരത്തിയും കറ്റാര്‍ വാഴയും ഇട്ട് മുടി കഴുകിയാല്‍ ഇത് ഇത്തരം പ്രശ്‌നങ്ങളെയെല്ലാം പരിഹരിയ്ക്കുന്നു.

tomato for beauty
Posted by
12 November

സൗന്ദര്യം കൂട്ടാന്‍ തക്കാളി മതി

ചര്‍മസംരക്ഷണത്തിന് പ്രകൃതിദത്ത മാര്‍ഗങ്ങള്‍ പലതുണ്ട്. ഇതിലൊന്നാണ് തക്കാളി. നല്ലൊരു ഭക്ഷ്യവിഭവമെന്നതിലുമുപരിയായി സൗന്ദര്യവര്‍ദ്ധനവിനു സഹായിക്കുന്നൊരു വസ്തുവാണ് തക്കാളി. തക്കാളിയുടെ നീര് മുഖത്തു പുരട്ടുന്നതു കൊണ്ട് ധാരാളം പ്രയോജനങ്ങളുണ്ട്.

ചര്‍മത്തിലെ സുഷിരങ്ങള്‍ക്കു വലിപ്പം കൂടുന്നത് നല്ലതല്ല. ഇത് ചര്‍മത്തില്‍ ചെളി അടിഞ്ഞു കൂടുവാന്‍ കാരണമാകും. തക്കാളിയുടെ നീര് മുഖത്തു പുരട്ടുന്നത് ചര്‍മസുഷിരങ്ങള്‍ ചെറുതാകാന്‍ കാരണമാകും.
തക്കാളി നീര് മുഖക്കുരുവിനുള്ളൊരു പരിഹാരം കൂടിയാണ്. തക്കാളി നീര് മുഖത്തു പുരട്ടി 20 മിനിറ്റു കഴിയുമ്പോള്‍ കഴുകിക്കളയാം. ഇത് മുഖക്കുരുവിനുള്ള നല്ലൊരു പരിഹാരമാണ്. വേനല്‍ക്കാലത്ത് പുറത്തിറങ്ങിയാല്‍ വെയിലേറ്റ് ചര്‍മം കരുവാളിയ്ക്കാനുള്ള സാധ്യത കൂടുതലാണ്. തക്കാളിയുടെ നീര് മുഖത്തു പുരട്ടുന്നത് കരുവാളിപ്പു കുറയ്ക്കും.

സണ്‍ടോന്‍ അകറ്റുന്നതിനും ചര്‍മത്തിലുണ്ടാകുന്ന ഡാര്‍ക് സ്‌പോട്‌സിന്റെ നിറം കുറയ്ക്കുന്നതിനും തക്കാളി നീര് നല്ലതാണ്. ചര്‍മം വൃത്തിയാക്കാനുള്ള ഒരു സ്വാഭാവിക ക്ലെന്‍സറാണ് തക്കാളി നീര്. ഇത് മുഖത്തു പുരട്ടുന്നത് ചര്‍മം വൃത്തിയാക്കാന്‍ സഹായിക്കും. മുഖചര്‍മത്തിന് തിളക്കം നല്‍കാനും തക്കാളിയുടെ നീര് നല്ലതു തന്നെ. ഇതിന് ബ്ലീച്ചിംഗ് ഇഫക്ടുമുണ്ട്.

beauty treatment
Posted by
04 November

ആരോഗ്യവും സൗന്ദര്യവും സംരക്ഷിക്കാന്‍ ആവണക്കെണ്ണ

ആവണക്കെണ്ണയ്ക്ക് ആരോഗ്യവും സൗന്ദര്യവും സംരക്ഷിക്കാന്‍ കഴിയും. സൗന്ദര്യത്തിന്റെ കാര്യത്തില്‍ ആരോഗ്യ കാര്യത്തേക്കാള്‍ അല്‍പം മുന്നിലാണ് ആവണക്കെണ്ണ. ആവണക്കെണ്ണ മുടി വളരാനും താടിയും മീശയും വളരാനും എല്ലാം ഉപയോഗിക്കുന്നവരുണ്ട്. അകാല നരയെ ഓടിയ്ക്കാന്‍ അത്ഭുത ഭക്ഷണം

എന്നാല്‍ മുഖക്കുരുവിനെ ഇല്ലാതാക്കാന്‍ ആവണക്കെണ്ണ ഉപയോഗിക്കുന്നവര്‍ ചില്ലറയല്ല. മുഖക്കുരുവിന് പരിഹാരമായി ആവണക്കെണ്ണ ഏഴ് ഘട്ടങ്ങളായി ഉപയോഗിക്കാം. എങ്ങനെയൊക്കെ എന്ന് നോക്കാം.

പ്രധാനമായും ഏഴ് ഘട്ടമായാണ് ആവണക്കെണ്ണ ഉപയോഗിക്കേണ്ടത്. ഉപയോഗിക്കുന്ന വിധം അനുസരിച്ചായിരിക്കും പലപ്പോഴും മുഖക്കുരുവിന്റെ കാര്യത്തില്‍ കുറവ് വരുന്നത്. ഏതൊക്കെ വിധത്തില്‍ ഉപയോഗിക്കാം എന്ന് നോക്കാം.

ആദ്യം തന്നെ മുഖക്കുരുവിനെ പ്രതിരോധിയ്ക്കാന്‍ മുഖം ക്ലീന്‍ ചെയ്യുകയാണ് വേണ്ടത്. അതിനായി ആദ്യം ചെയ്യേണ്ടത് വെള്ളം നല്ലതു പോലെ ചൂടാക്കുക. ആവി പിടിയ്ക്കുകയാണ് മറ്റൊന്ന്. രണ്ടാമതായി മുഖത്ത് നല്ലതു പോലെ ആവി പിടിയ്ക്കാന്‍ ശ്രമിക്കുക. മുഖത്ത് വൃത്താകൃതിയില്‍ കൈകൊണ്ട് സാവധാനം ആവണക്കെണ്ണ മുഖക്കുരു ഉള്ള ഭാഗങ്ങളില്‍ തേച്ച് പിടിപ്പിക്കാം. ആവണക്കെണ്ണ തേച്ച് പിടിപ്പിച്ച് നല്ലതു പോലെ മസ്സാജ് ചെയ്യുക. 10 മിനിട്ട് മസ്സാജ് ചെയ്യുക.

അതിനു ശേഷം നല്ലതു പോലെ തണുത്ത വെള്ളത്തില്‍ മുഖം കഴുകാം.അതിനു ശേഷം അല്‍പം മോയ്‌സ്ചുറൈസര്‍ ഉപയോഗിക്കാം. അത് ചര്‍മ്മം ഡ്രൈ ആവാതെ സൂക്ഷിക്കുന്നു.

pomegranate
Posted by on 31 October

പ്രായത്തെ തടയാന്‍ മാതളനാരങ്ങ ഉപയോഗിക്കാം

പേശികളുടെ കരുത്ത് വര്‍ധിപ്പിക്കാനും പ്രായമേറുന്നതിന്റെ ലക്ഷണങ്ങളെ ചെറുക്കാനും മാതളനാരങ്ങ ഗുണകരമാണെന്നാണ് ഗവേഷകര്‍ പറയുന്നത്. കണ്ടെത്തലുകള്‍ അനുസരിച്ച് മാതളനാരങ്ങ ജ്യൂസ് കുടിക്കുമ്പോള്‍ നമ്മുടെ ശരീരം ഒരു മോളിക്യൂളായ യൂറോലിതിന്‍ എ ഉത്പാദിപ്പിക്കും. കുടലില്‍ വെച്ച് ഈ മോളിക്യൂള്‍ മൈക്രോബുകളായി മാറുകയും പേശികളിലെ കോശങ്ങള്‍ക്ക് പ്രായാധിക്യത്തില്‍ നിന്ന് സ്വയം സംരക്ഷിക്കാനുള്ള കഴിവ് നല്‍കുകയും പേശികളുടെ വലുപ്പം വര്‍ദ്ധിപ്പിക്കുകയും ചെയ്യും. നമുക്ക് പ്രായമാകുമ്പോള്‍ കോശങ്ങളുടെ പവര്‍ഹൗസായി അറിയപ്പെടുന്ന മൈറ്റോകോണ്‍ഡ്രിയയെ പുനരുജ്ജീവിപ്പിക്കുന്നതില്‍ കോശങ്ങള്‍ക്ക് വിഷമത നേരിടും. കൂടാതെ ഇത് അടിഞ്ഞ് കൂടുന്നതിനാല്‍ പ്രവര്‍ത്തനം മികച്ച രീതിയില്‍ നടത്താനാവാതെ വരുകയും ചെയ്യും.

നിരവധി ടിഷ്യുക്കളുടെയും, പേശികളുടെയും, ആരോഗ്യത്തെ ബാധിക്കുകയും വര്‍ഷങ്ങള്‍ക്കൊണ്ട് അവ ദുര്‍ബലമാകുകയും പ്രായവുമായി ബന്ധപ്പെട്ട പല രോഗങ്ങള്‍ക്കും കാരണമാകുകയും ചെയ്യും.മാതളനാരങ്ങ കഴിച്ചാല്‍ ആരോഗ്യം വീണ്ടെടുക്കാനാകുമെന്നാണ് ഡോക്ടേര്‍സ് വെളിപ്പെടുത്തുന്നത്.യൂറോലിതിന്‍ എയുടെ മുന്‍ഗാമികള്‍ മാതളനാരങ്ങയില്‍ മാത്രമല്ല മറ്റ് നിരവധി ബെറികളിലും പരിപ്പുവര്‍ഗ്ഗങ്ങളിലുമുണ്ടെന്ന് ഡോക്ടേര്‍സ് അഭിപ്രായപ്പെടുന്നു.

eyelashes
Posted by
30 October

കണ്‍ പീലിയ്ക്ക് നീളം കുറവോ, പരിഹാരം ഉടന്‍

നല്ല കൂമ്പിയ താമരമൊട്ട് പോലുള്ള കണ്ണുകള്‍ എല്ലാ സ്ത്രീകളുടേയും ആഗ്രഹമാണ്. എന്നാല്‍ പലര്‍ക്കും ആഗ്രഹത്തിനനുസരിച്ച് അത്തരത്തിലൊരു സൗന്ദര്യം ലഭിക്കണം എന്നില്ല. കാരണം പലപ്പോഴും കണ്‍പീലികള്‍ തന്നെയാണ് പ്രശ്‌നം. കണ്ണ് സുന്ദരമാകാന്‍ കണ്‍പീലികളും വലിയൊരു പങ്കാണ് വഹിയ്ക്കുന്നത്. കണ്‍പീലികള്‍ക്ക് നീളം വര്‍ദ്ധിപ്പിക്കാന്‍ സഹായിക്കുന്ന ചില പൊടിക്കൈകള്‍ ഉണ്ട്.

നീളമുള്ള കണ്‍പീലികള്‍ ലഭിയ്ക്കുന്നതിനായി മസ്‌കാര പുരട്ടുന്നതിനു മുന്‍പ് നിങ്ങള്‍ പ്രൈമര്‍ ഉപയോഗിക്കുക. ഇത് കണ്‍പീലികള്‍ക്ക് നീളം വര്‍ദ്ധിപ്പിക്കാന്‍ കാരണമാകും.കണ്‍പീലി കൂടുതല്‍ സമയം ഭംഗിയായി ഇരിയ്ക്കുന്നതിന് ഐലാഷ് കേളര്‍ ഉപയോഗിക്കാം. എന്നാല്‍ ഡ്രൈയര്‍ ഉപയോഗിച്ച് ഇത് ചൂടാക്കിയതിനു ശേഷം മാത്രം ഉപയോഗിക്കുക. കണ്‍പീലി നല്ല രീതിയില്‍ ചീകി ഭംഗിയാക്കാം. ഇത് പരസ്പരം കൂടിച്ചരുന്ന കണ്‍പീലികളെ വേര്‍പെടുത്തും.

ബേബി പൗഡര്‍ ട്രിക്ക് മസ്‌കാര പുരട്ടുന്നതിനു മുന്‍പ് അല്‍പം ബേബി പൗഡര്‍ കണ്‍പീലിയില്‍ പുരട്ടാം. ഇതിനു ശേഷം മസ്‌കാര പുരട്ടാം. ഇത് കണ്‍പീലിയ്ക്ക് കട്ടി കൂടുതല്‍ തോന്നിയ്ക്കാന്‍ കാരണമാകും.
കണ്‍പീലിയുടെ വളര്‍ച്ചയ്ക്ക് ആവണക്കെണ്ണ ഉപയോഗിക്കാം. ഒരു ബ്രഷ് അല്ലെങ്കില്‍ പഞ്ഞി ഉപയോഗിച്ച് ആവണക്കെണ്ണ കണ്‍പീലിയുടെ മുകളില്‍ തേച്ച് പിടിപ്പിക്കാം. രാവിലെ എഴുന്നേറ്റ് തണുത്ത വെള്ളത്തില്‍ മുഖം കഴുകാം.അല്‍പം നാരങ്ങയുടെ തൊലി ഉണക്കിപ്പൊടിച്ച് ഒലീവ് ഓയിലോ ആവണക്കെണ്ണയോ മിക്‌സ് ചെയ്ത് കണ്‍പീലിയില്‍ ഉപയോഗിക്കാം. ഇത് കണ്‍പീലിയുടെ വളര്‍ച്ചയ്ക്ക് വളരെയധികം സഹായിക്കും.

Coconut water
Posted by
29 October

വെളുപ്പു നല്‍കും വിദ്യകള്‍ തേങ്ങാവെള്ളത്തിനറിയാം

കറുപ്പിന് ഏഴ് അഴകെന്നത് കവിഭാവനയാണ്. വെളുപ്പുനിറം തന്നെയാണ് ബഹുഭൂരിപക്ഷത്തിനും താല്‍പര്യമുണ്ടാവുക. ഇതുകൊണ്ടാണ് വെളുക്കാനായി കയ്യില്‍ കിട്ടുന്ന ക്രീമുകള്‍ വാരിപ്പൊത്തുന്നതും. ഇത്തരം കൃത്രിമവഴികള്‍ക്കു പുറകെ പോയി കാശു കളയണമെന്നില്ല, നമ്മുടെ പ്രകൃതി തന്നെ പല വഴികളും നിര്‍ദേശിയ്ക്കുന്നുണ്ട്.

തേങ്ങാവെള്ളമാണ് ഇതിനുള്ള വളരെ സുരക്ഷിതമായ, ഫലപ്രദമായ ഒരു മാര്‍ഗം.

കുക്കുമ്പര്‍ തുല്യ അളവില്‍ കുക്കുമ്പര്‍ ജ്യൂസ്, തേങ്ങാവെള്ളം എന്നിവ കലര്‍ത്തുക. ഇത് 5 മിനിറ്റ് റെഫ്രിജറേറ്ററില്‍ വയ്ക്കണം. പിന്നീടു പുറത്തെടുത്ത് പഞ്ഞി മുക്കി മുഖത്തു പുരട്ടുക. അല്‍പം കഴിഞ്ഞു കഴുകാം. മുഖത്തിന് തിളക്കവും ലഭിയ്ക്കും.
പൈനാപ്പിള്‍ ജ്യൂസ്, തേങ്ങാവെള്ളം എന്നിവ തുല്യഅളവിലെടുക്കുക. ഇതു മുഖത്തു പുരട്ടി അല്‍പം കഴിയുമ്പോള്‍ പച്ചവെള്ളം കൊണ്ടു കഴുകുക.

മുള്‍ത്താണി മിട്ടി, തേന്‍ എന്നിവയെടുത്ത് ഇത് തേങ്ങാവെള്ളത്തില്‍ കലക്കി മുഖത്തു പുരട്ടുക. ഇടയ്ക്കിടെ ഉണങ്ങിപ്പോകാതെ വെള്ളം തളിയ്ക്കുക. 15 മിനിറ്റു കഴിഞ്ഞ് കഴുകിക്കളയാം.