വാലന്റൈന്‍സ് ദിനം വിവാഹത്തിന് അശുഭമോ? ഫെബ്രുവരി 14ന് വിവാഹിതരായാല്‍…
Posted by
14 February

വാലന്റൈന്‍സ് ദിനം വിവാഹത്തിന് അശുഭമോ? ഫെബ്രുവരി 14ന് വിവാഹിതരായാല്‍...

കമിതാക്കള്‍ ജാഗ്രതൈ! ഫെബ്രുവരി 14ന് വിവാഹിതരായി എന്നെന്നും തങ്ങളുടെ പ്രണയം കാത്ത് സൂക്ഷിക്കാമെന്ന് കരുതുന്നവരുടെ എണ്ണം വര്‍ധിച്ച് വരികയാണെങ്കിലും ആ ചിന്ത തന്നെ ഉപേക്ഷിച്ചോളൂ എന്നാണ് പുതിയ പഠനങ്ങള്‍ പറയുന്നത്. പ്രണയദിനത്തിലെ വിവാഹം ശുഭമല്ലെന്നാണ് റിപ്പോര്‍ട്ടുകള്‍ തെളിയിക്കുന്നത്. വാലന്റൈന്‍സ് ദിനത്തില്‍ നടന്നിട്ടുള്ള വിവാഹങ്ങള്‍ പലതും വിവാഹ മോചനത്തിലാണ് അവസാനിക്കുന്നതെന്നും ഈ പുതിയ പഠനങ്ങള്‍ വ്യക്തമാക്കുന്നു.

വാലന്റൈന്‍സ് ദിനത്തില്‍ വിവാഹിതരായ ദമ്പതിമാരില്‍ 37 ശതമാനം പേരും വിവാഹ ബന്ധം വേര്‍പെടുത്തി. കൂടാതെ 45 ശതമാനം പേര്‍ തങ്ങളുടെ വൈവാഹിക ജീവിതം മൂന്ന് വര്‍ഷത്തിനപ്പുറം കൊണ്ടുപോയതുമില്ല. 11 ലക്ഷം ഡച്ച് ദമ്പതിമാരില്‍ മെല്‍ബണ്‍ യൂണിവേഴ്സിറ്റിയാണ് ഇത്തരത്തില്‍ ഒരു പഠനം നടത്തിയത്. ബന്ധങ്ങളിലെ തീവ്രതക്കുറവാണ് ഇതിന് കാരണമായി ശാസ്ത്രജ്ഞര്‍ ചൂണ്ടിക്കാട്ടുന്നത്.

വാലന്റൈന്‍സ് ദിനത്തില്‍ വിവാഹം കഴിക്കുന്നവരില്‍ ഭൂരിഭാഗവും തങ്ങളുടെ പ്രണയബന്ധത്തിന്റെ പ്രാരംഭഘട്ടത്തിലായിരിക്കും. കൂടാതെ ഇത്തരം പ്രത്യേക ദിനങ്ങളില്‍ കല്യാണം കഴിക്കുന്ന ദമ്പതിമാരില്‍ വൈവാഹിക ജീവിതത്തോടുള്ള ആസക്തി കുറവായിരിക്കും. ദിനങ്ങളുടെ പ്രത്യേകത ജീവിതത്തില്‍ എത്തിക്കാനുള്ള തിരക്കില്‍ മറ്റ് പലതും ശ്രദ്ധിക്കാതെ പോകുന്നതാണ് കാരണം. ഇത് ബന്ധങ്ങളിലെ വിള്ളലിലേക്ക് നയിക്കുമെന്നും ശാസ്ത്രജ്ഞര്‍ വിലയിരുത്തുന്നു.

എത്ര സ്‌നേഹമുണ്ടെങ്കിലും ഭാര്യമാര്‍ ഭര്‍ത്താക്കന്‍മാരില്‍ നിന്നും മറയ്ക്കുന്ന രഹസ്യങ്ങള്‍
Posted by
05 February

എത്ര സ്‌നേഹമുണ്ടെങ്കിലും ഭാര്യമാര്‍ ഭര്‍ത്താക്കന്‍മാരില്‍ നിന്നും മറയ്ക്കുന്ന രഹസ്യങ്ങള്‍

പരസ്പരം എത്ര സ്‌നേഹമുണ്ടെങ്കിലും ഭാര്യമാര്‍ ചില കാര്യങ്ങള്‍ ഭര്‍ത്താക്കന്‍മാരില്‍ നിന്നും മറയ്ക്കുന്നുണ്ടെന്നതാണ് സത്യം. ദോഷകരമായ കാര്യങ്ങളല്ലാത്ത ഇവ പല ഭര്‍ത്താക്കന്‍മാര്‍ക്കും അറിയാമെങ്കിലും അവര്‍ അതരിഞ്ഞ ഭാവം നടിയ്ക്കാറുമില്ല. ഭാര്യമാര്‍ മറച്ചുവെക്കുന്ന ചില രഹസ്യങ്ങള്‍.

ഭര്‍ത്താവിന്റെ ചില ബന്ധുവിനേയോ സുഹൃത്തിനേയോ ഇഷ്ടമല്ലെന്ന കാര്യം ഭര്‍ത്താവിനോട് തുറന്നു പറയാറില്ല. തന്നോട് അപ്രീതി തോന്നിയാലോ എന്ന ഭയമാണ് കാരണം.

ഭര്‍ത്താവിന്റെ ഇമെയില്‍,ഫേസ്ബുക്ക്, വാട്‌സ്ആപ്പ് പാസ് വേര്‍ഡുകള്‍ അറിയാന്‍ ശ്രമിക്കുന്നവരുണ്ട്. അറിഞ്ഞാല്‍ പരിശോധനയും നടത്തും. ഇതും ഇവര്‍ വെളിപ്പെടുത്താറില്ല.

സ്വന്തം ബാങ്ക് അക്കൗണ്ട് വിവരങ്ങള്‍ സ്വകാര്യമായി സൂക്ഷിക്കുകയും ഭര്‍ത്താവില്‍ നിന്ന് ഇടയ്ക്ക് പണം ആവശ്യപ്പെടുകയും ചെയ്യും.
ചെറിയ ആരോഗ്യപ്രശ്ങ്ങളാണെങ്കില്‍ മറച്ചുവയ്ക്കും.

മുന്‍കാമുകനോടുള്ള അടുപ്പം ചില സ്ത്രീകള്‍ വിവാഹ ശേഷവും തുടരും. എന്നാല്‍ അടുപ്പമില്ലെന്ന് പറയാനാണ് ശ്രമിക്കാറുള്ളത്. കൂട്ടത്തില്‍ ഇതു മാത്രമാണ് ഭര്‍ത്താവ് അറിഞ്ഞാല്‍ എന്തെങ്കിലും പൊട്ടിത്തെറി ഉണ്ടാവാനുള്ള ഒരു രഹസ്യം

പുരുഷന്‍മാരുടെ ശ്രദ്ധയ്ക്ക്: ഇതുപോലുള്ള പെണ്‍പിള്ളാരെ കല്യാണം കഴിക്കല്ലേ; ജീവിതം പാഴായിപ്പോകും
Posted by
04 February

പുരുഷന്‍മാരുടെ ശ്രദ്ധയ്ക്ക്: ഇതുപോലുള്ള പെണ്‍പിള്ളാരെ കല്യാണം കഴിക്കല്ലേ; ജീവിതം പാഴായിപ്പോകും

ജീവിതകാലം മുഴുവന്‍ നിലനില്‍ക്കുന്ന മഹത്തായ ഒന്നാണ് വിവാഹം എന്നത് ഏതൊരു പുരുഷനും. അതിനാല്‍ നിങ്ങള്‍ ശരിയായ ആളെയാണ് തിരഞ്ഞടുത്തിരിക്കുന്നതെന്ന് ഉറപ്പ് വരുത്തേണ്ടതുണ്ട്. നിങ്ങളെ ഇഷ്ടപ്പെടുന്ന, മനസിലാക്കുന്ന, സംരക്ഷിക്കുന്ന ഒരു പെണ്‍കുട്ടിയുമായുള്ള ബന്ധം എല്ലാ കാലത്തും നിലനില്‍ക്കുന്നതും ജീവിതത്തില്‍ സന്തോഷവും സംതൃപ്തിയും നിറയ്ക്കുന്നതുമായിരിക്കും. പക്ഷെ നിങ്ങള്‍ക്കിണക്കാത്ത ഒരാളെയാണ് തിരഞ്ഞെടുത്തിരിക്കുന്നതെങ്കിലോ അതോടെ ജീവിതം കോഞ്ഞാട്ടയായി എന്ന് തന്നെ പറയാം. നിങ്ങള്‍ക്ക് ഇണങ്ങിയ ആളെ തന്നെയാണോ നിങ്ങള്‍ കണ്ടുപിടിച്ചത് എന്ന് അറിയാന്‍ ചില മാര്‍ഗങ്ങള്‍.
അമിത സ്വാര്‍ത്ഥത ബന്ധത്തിന്റെ ആദ്യ കാലങ്ങളില്‍ അല്‍പം സന്തോഷം നല്‍കും എങ്കിലും, പിന്നീടത് ബാധ്യതയാകും. ബന്ധങ്ങളില്‍ അകല്‍ച്ച ഉണ്ടാക്കാനും ഈ സ്വാര്‍ത്ഥത ഒന്ന് മാത്രം മതി. സ്വാര്‍ത്ഥത അമിതമാണെങ്കില്‍ അവര്‍ നിങ്ങള്‍ക്കിണങ്ങാത്ത പങ്കാളിയായിരിയ്ക്കും എന്ന് ഉറപ്പാണ്.

നിരവധി മുന്‍കാമുകന്‍മാര്‍ ഉണ്ടായിരുന്നു എങ്കില്‍ നിങ്ങളും അതിലൊരാളായി മാറാനുള്ള സാധ്യത കൂടുതലാണ്. പരസ്പരമുള്ള ബന്ധത്തെ അത്ര ഗൗരവത്തോടെ കാണുന്ന പ്രകൃതമായിരിക്കില്ല പെണ്‍ കുട്ടിയുടേത്. ഇതും നിങ്ങള്‍ക്കനുയോജ്യയല്ല അവള്‍ എന്നതിന്റെ ലക്ഷണമാണ്.

സ്‌നേഹം കൊണ്ടുള്ള സ്വാര്‍ത്ഥതയുടെ ഭാഗമായി അല്‍പ സ്വല്‍പം വാശിയുള്ള പങ്കാളിയെ ഏതൊരു വ്യക്തിയും ഇഷ്ടപ്പെടും. എന്നാല്‍ , ഇത് പരിധി വിടാതെ നോക്കണം എന്ന് മാത്രം. ബന്ധുക്കളുമായി ഇടപഴകരുത്, സുഹൃത്തുകളെ കാണരുത് ഇപ്പോഴും എന്റെ അടുത്ത് വേണം തുടങ്ങിയ നിര്‍ബന്ധബുദ്ധി കാര്യങ്ങള്‍ അവതാളത്തിലാക്കും എന്ന് തീര്‍ച്ച.

നിങ്ങളെ ഒഴിവാക്കി സുഹൃത്തുക്കള്‍ക്ക് പ്രാധാന്യം നല്‍കുകയും അവരോടൊത്ത് സമയം ചെലവഴിക്കാന്‍ ആഗ്രഹിക്കുകയും ചെയ്യുന്ന ആളാണ് നിങ്ങളുടെ പങ്കാളി എങ്കില്‍ ഉറപ്പിച്ചു കൊള്ളൂ, ഈ ബന്ധം അധികനാള്‍ മുന്നോട്ടു പോകില്ല.

ഓരോ വ്യക്തിക്കും അവരുടേതായ വ്യക്തിത്വം ഉണ്ട്. എന്നാല്‍ താന്‍ പിടിച്ച മുയലിനു കൊമ്പ് 3 എന്ന വാശി പോലെ, ഇതു വിധേനയും തങ്ങളുടെ ഇഷ്ടങ്ങള്‍ക്ക് ഒത്ത് മാറാന്‍ ശഠിക്കുന്ന പങ്കാളികള്‍ ഭാവിയില്‍ തലവേദനയാകും. മാത്രമല്ല പെണ്‍കുട്ടിയുടെ ഇഷ്ടങ്ങള്‍ക്കനുസരിച്ച് പെരുമാറുന്നതിനായി സ്വന്തം വ്യക്തിത്വം മറച്ച് വച്ച് മറ്റൊരാളായി പെരുമാറുക എന്നത് പുരുഷന്റെ വ്യക്തിത്വത്തെ വില്‍ക്കുന്നതിനു തുല്യമാണ്. മറിച്ചും അങ്ങനെ തന്നെ.

കൂടുതല്‍ സമയം അവള്‍ക്കൊപ്പം ചെലവിടുന്നത് ഒഴിവാക്കാന്‍ കാരണം കണ്ടെത്താറുണ്ടോ? സുഹൃത്തുക്കള്‍ക്കൊപ്പം സമയം ചെലവഴിക്കുന്നതാണോ കൂടുതല്‍ സുഖപ്രദമായി തോന്നുന്നത്. എങ്കില്‍ നിങ്ങളുടെ തിരഞ്ഞെടുപ്പ് തെറ്റാണന്ന് പറയാം.

അസൂയക്കാരായ പെണ്‍കുട്ടികള്‍ക്ക് നല്ല ഭാര്യമാരാവാന്‍ സാധിക്കില്ല. അവര്‍ അധികം വൈകാതെ നിങ്ങളെ നിയന്ത്രിച്ച് തുടങ്ങും.

നിങ്ങള്‍ ചെയ്യുന്നതില്‍ അവള്‍ക്ക് താല്പര്യമുണ്ടോ? അതോ നിങ്ങളുടെ ഹോബികളില്‍ താല്പര്യമുണ്ടെന്ന് നടിക്കുകയാണോ? ദമ്പതികള്‍ക്ക് പൊതുവായ താല്പര്യങ്ങളുണ്ടെങ്കില്‍ വിവാഹബന്ധം ഏറെക്കാലം നിലനില്‍ക്കും.

പുരുഷന്‍മാര്‍ ബില്‍ അടയ്ക്കുക എന്നത് പൊതുവില്‍ അംഗീകരിക്കപ്പെട്ടിട്ടുള്ള കാര്യമാണ്. എന്നാല്‍, എത്ര പണം നിങ്ങള്‍ ചെലവാക്കുന്നുണ്ടെന്ന് അറിയാന്‍ പെണ്‍കുട്ടി തീരെ താല്‍പര്യം കാണിക്കുന്നില്ല എങ്കില്‍ നിങ്ങള്‍ക്കനുയോജ്യയാണോ അവള്‍ എന്ന് ഒന്നു കൂടി ചിന്തിക്കുക.

ഗൗരവമുള്ള സംസാരങ്ങളേക്കാള്‍ നിങ്ങളുടെ പ്രശംസകള്‍ കേള്‍ക്കാനാണ് പങ്കാളി ഇഷ്ടപ്പെടുന്നത് എങ്കില്‍ അവള്‍ നിങ്ങള്‍ക്കിണങ്ങുന്നവളാണോ എന്ന് ചിന്തിക്കണം.

നിങ്ങളുടെ ഇഷ്ടങ്ങള്‍ക്ക് പ്രാധാന്യം നല്‍കാതെ നിര്‍ദ്ദേശങ്ങളും ആജ്ഞകളുമായി നിങ്ങള്‍ക്ക് മേല്‍ ആധിപത്യം സ്ഥാപിക്കുന്ന ശീലം അവള്‍ നിങ്ങള്‍ക്ക് ഇണങ്ങില്ല എന്നതിന്റെ മറ്റൊരു ലക്ഷണമാണ്.

നിങ്ങളുടെ ഭാര്യക്ക് വീട്ടിലെ കാര്യങ്ങള്‍ നിയന്ത്രിക്കാനും വിജയകരമായി ചെയ്യാനും കഴിവുണ്ടാകണം. അലസയും ആശ്രിതത്വമുള്ളവളുമായ ഭാര്യക്ക് നിങ്ങള്‍ക്ക് ആവശ്യമായ പിന്തുണ നല്‍കാനാവില്ല.

പങ്കാളിയോടുള്ള സ്‌നേഹവും ബന്ധവും കൂടുതല്‍ ദൃഡമാകും; സ്ഥിരമായി പോണ്‍ വീഡിയോകള്‍ കാണുന്നവര്‍ക്ക് ഒരു സന്തോഷ വാര്‍ത്ത
Posted by
28 January

പങ്കാളിയോടുള്ള സ്‌നേഹവും ബന്ധവും കൂടുതല്‍ ദൃഡമാകും; സ്ഥിരമായി പോണ്‍ വീഡിയോകള്‍ കാണുന്നവര്‍ക്ക് ഒരു സന്തോഷ വാര്‍ത്ത

പോണ്‍ അഡിക്ഷന്‍ പങ്കാളികള്‍ തമ്മിലുള്ള ബന്ധത്തെ ശക്തിപ്പെടുത്തുമെന്ന് പുതിയ ഒരു പഠനം. പഠനം പറയുന്ന പ്രകാരം പോണ്‍ കാണുന്നവരില്‍ ബന്ധം കുടുതല്‍ ഉറയ്ക്കുമത്രേ. പശ്ചിമ ഒന്റാരിയോ സര്‍വകലാശാലയിലെ ഒരു പിഎച്ച്ഡി വിദ്യാര്‍ത്ഥിനിയുടെ പഠനമാണ് പോണ്‍ കാഴ്ചയ്‌ക്കെതിരേ മുമ്പ് ഇറങ്ങിയിരിക്കുന്ന സിദ്ധാന്തങ്ങളെയെല്ലാം പൊളിച്ചടുക്കിയിരിക്കുന്നത്. വിവാഹിതരായവരും പങ്കാളികളുമായി ഒമ്പതിലധികം വര്‍ഷം ഒന്നിച്ചു താമസിക്കുന്നവരുമായ അനേകം യുവാക്കളെ ഇവര്‍ പഠനത്തിന് വിധേയമാക്കിയത്. ഇതില്‍ പോണ്‍ അഡിക്ഷന്‍ ഉള്ളവരെയും ഇല്ലാത്തവരെയും വേര്‍തിരിക്കുകയും ചെയ്തു.

സെക്‌സ് മാഗസിന്‍ പതിവായി കാണുന്നവരും അതിലെ യുവ മോഡലുകളുടെ നഗ്‌നദൃശ്യങ്ങള്‍ അടങ്ങുന്ന സെന്റര്‍ സ്‌പ്രെഡ് പതിവായി ആസ്വദിക്കുകയും ചെയ്തിരുന്ന യുവാക്കളെയായിരുന്നു ഒരു വിഭാഗത്തില്‍ പെടുത്തിയത്. ഈ വിഭാഗക്കാര്‍ മാന്യന്മാരെന്ന വിശ്വസിക്കുന്നവരേക്കാള്‍ പങ്കാളിയുമായി അതിശക്തമായ ബന്ധം നില നിര്‍ത്തുന്നതായി കണ്ടെത്തുകയായിരുന്നു. ഇത്തരക്കാര്‍ക്ക് ലൈംഗികദൃശ്യങ്ങള്‍ ആസ്വദിക്കുന്നത് കൊണ്ട് പങ്കാളിയോടുള്ള സ്‌നേഹം ഒട്ടും കുറയുന്നില്ലെന്നും എതിര്‍വിഭാഗത്തേക്കാള്‍ കൂടുതലാണെന്നും പഠനം വ്യക്തമാക്കി.

പോണ്‍ അഡിക്ക്ഷന്‍ ബന്ധങ്ങളില്‍ ചീത്തപ്പേര് മാത്രമല്ല പങ്കാളിയുടെ മതിപ്പും കുറയ്ക്കാനും ചിലപ്പോള്‍ കാരണമാകുമെന്നാണ് ഇതുവരെ പറഞ്ഞിരുന്നത്. ഇത് മാത്രമല്ല പരമ്പരാഗത വിശ്വാസം അനുസരിച്ച് പങ്കാളിയോടുള്ള താല്‍പ്പര്യം കുറയുമെന്നും ലൈംഗികബലഹീനതകള്‍ ഉണ്ടാക്കുമെന്നും ലൈംഗിക ദൃശ്യങ്ങളുടെ ആസ്വദിക്കല്‍ പ്രവണതയുമായി ബന്ധപ്പെട്ട് കേട്ടിരുന്ന വിദഗ്‌ദ്ധോപദേശങ്ങളില്‍ പറയുന്നു. എന്നാല്‍ എല്ലാം തെറ്റാണെന്ന് വരുത്തി തീര്‍ക്കുകയാണ് ഈ പുതിയ പഠനം.

പ്രണയക്കുരുക്കില്‍ നിന്ന് മക്കളെ രക്ഷിച്ചെടുക്കാനുള്ള മാര്‍ഗങ്ങള്‍
Posted by
23 January

പ്രണയക്കുരുക്കില്‍ നിന്ന് മക്കളെ രക്ഷിച്ചെടുക്കാനുള്ള മാര്‍ഗങ്ങള്‍

-ഫഖ്‌റുദ്ധീന്‍ പന്താവൂര്‍

പ്രണയിക്കുന്നവര്‍ക്ക് പ്രണയം മനോഹരമായൊരു മായാനദിയാണെങ്കിലും ഇക്കാലത്ത് രക്ഷിതാക്കള്‍ക്ക് വലിയൊരു ആശങ്കയാണ് നല്‍കുന്നത്. ആണ്‍കുട്ടികളെക്കാള്‍ പെണ്‍കുട്ടികളുടെ രക്ഷിതാക്കളാണ് പ്രണയഭീതിയില്‍ കഴിയുന്നത്. കാരണം വര്‍ത്തമാനകാല അനുഭവങ്ങള്‍ പലതും ഏതൊരു രക്ഷിതാവിനെയും ആശങ്കയിലാഴ്ത്തുന്നതാണ്.

മക്കള്‍ പ്രണയിക്കുന്നതിനേക്കാള്‍ രക്ഷിതാക്കള്‍ക്ക് ഭയം പ്രണയം കൊണ്ടെത്തിക്കുന്ന അപകടങ്ങളിലാണ്. വളര്‍ത്തി വലുതാക്കിയ മക്കള്‍ ജാതിയും മതവും കുടുംബവും എല്ലാം ഉപേക്ഷിച്ച് ഇന്നലെ കണ്ട ഒരുത്തന്റെ പിന്നാലെ പോകുന്നത് എങ്ങനെയെന്ന് രക്ഷിതാക്കള്‍ക്ക് ഒട്ടും മനസിലാവില്ല. ദുരഭിമാനക്കൊലകളിലൂടെ പകരം വീട്ടുന്ന രക്ഷിതാക്കളുമുണ്ട്.

ആരാണ് പ്രണയത്തിലെ വില്ലന്‍? ഒരു പ്രണയത്തിലും ചെന്ന് ചാടരുത് എന്നാഗ്രഹിച്ച എത്രയോപേര്‍ പ്രണയനദിയില്‍ മുങ്ങിത്താഴുന്നു. മക്കളുടെ അപക്വമായ പ്രണയങ്ങളാല്‍ എത്രയോ കുടുംബങ്ങളില്‍ സന്തോഷം നഷ്ടപ്പെടുന്നു. പ്രണയത്തില്‍ ശരിയായ വില്ലന്‍ നമ്മുടെ തലച്ചോറിലെ ന്യൂറോ കെമിക്കല്‍സ് ആണ്. പ്രായമോ വിദ്യാഭ്യാസ യോഗ്യതയോ സ്റ്റാറ്റസോ പ്രണയത്തെ സ്വാഭാവികമായി തടുത്തു നിര്‍ത്തുമെന്ന് ചിന്തിക്കുന്നതില്‍ കാര്യമില്ല. ബുദ്ധിയും ചിന്തയും ഉപദേശങ്ങളുമൊന്നും ഇതിലില്ല.

ഈ കെമിക്കലുകള്‍ പ്രവര്‍ത്തിക്കുന്നതുകൊണ്ടാണ് പ്രേമത്തിനു കണ്ണില്ല എന്ന സാഹചര്യമുണ്ടാകുന്നത് .ഇതൊന്നും പ്രണയിക്കുന്നവര്‍ക്കറിയില്ലെങ്കിലും ഇതാണ് സത്യം. കൗമാരക്കാലപ്രണയങ്ങള്‍ ഉണ്ടാക്കുന്ന അപകടങ്ങള്‍ ചെറുതല്ല .ചെറിയ ക്ലാസ് മുതല്‍ തന്നെ പ്രണയത്തില്‍ കുരുങ്ങി പഠനം ഉഴപ്പുകയും സ്വയം നശിക്കുകയും ചെയ്യുന്നവരുടെ എണ്ണം വര്‍ധിക്കുകയാണ് .ചെറിയ ചെറിയ സൗഹൃദങ്ങളാണ് പലപ്പോഴും പ്രണയത്തിലെത്തുന്നത് .ആണും പെണ്ണും തമ്മിലുള്ള സൗഹൃദമൊക്കെ ആരോഗ്യപരമായാല്‍ നല്ലത് .അല്ലെങ്കിലത് പ്രണയത്തിലെത്തി കുഴപ്പത്തിലെത്തും.

സ്ത്രീക്കും പുരുഷനും എവിടെവെച്ചും ആരോടും തോന്നുന്ന ലൈംഗിക ആകര്‍ഷണമാണ് പ്രണയത്തിന്റെ ആദ്യ ഘട്ടം .യഥാര്‍ത്ഥത്തില്‍ സ്‌നേഹമല്ലത്. ഇഷ്ടം മാത്രമാണ് .ഇഷ്ടപ്പെടുന്നതൊക്കെ പിന്നെ വെറുക്കുകയും ചെയ്യും. പദവിയോ പഠനമോ ജീവിത സാഹചര്യമോ വ്യക്തിയുടെ പശ്ചാത്തലമോ ഒന്നും പരിഗണിക്കാതെ ആരോടും ഈ ആകര്‍ഷണം തോന്നാം. ഇന്‍ഫാക്‌ച്ച്വേഷന്‍ എന്ന ഓമനപ്പേരിലുള്ള പ്രണയഭാവം ടെസ്റ്റോസ്റ്റീറോണ്‍ എന്ന പുരുഷ ഹോര്‍മോണിന്റെയും ഈസ്ട്രജന്‍ എന്ന സ്ത്രീ ഹോര്‍മോണിന്റെയും സംഭാവനയാണ്. എതിര്‍ലിംഗത്തില്‍പ്പെട്ടവര്‍ തന്നെ ശ്രദ്ധിക്കണമെന്ന് ആഗ്രഹിക്കുന്നതും അവരെ ആകര്‍ഷിക്കാന്‍ ശ്രമിക്കുന്നതുമെല്ലാം ഈ ഹോര്‍മോണുകളുടെ കളികളാണ്. ഇത്തരം ഇഷ്ടങ്ങളെ പ്രണയമെന്ന് വിശ്വസിച്ചാണ് പലരും അബദ്ധത്തില്‍പോയി ചാടുന്നത്.

ഒന്നാം ഘട്ടത്തിലുണ്ടായ ഇഷ്ടത്തെ സ്‌നേഹമെന്ന് വിശ്വസിക്കുകയും മൃദുലവികാരങ്ങളെ പരിപോഷിപ്പിക്കാന്‍ ശ്രമിക്കുകയും ചെയ്താല്‍ പ്രണയം നമ്മുടെ വിവേകത്തെ തോല്‍പ്പിച്ച് തുടങ്ങും. എതിര്‍ലിംഗത്തിന്റെ ശക്തമായ ആകര്‍ഷണമാണ് ഊ ഘട്ടത്തില്‍ ആരംഭിക്കുക . ഒന്നു നേരില്‍ കാണാനും സംസാരിക്കാനുമൊക്കെ ആഗ്രഹിക്കും. എന്നാല്‍ അതിനുള്ള അവസരം എങ്ങനെയെങ്കിലും സൃഷ്ടിക്കും .രണ്ടുകുട്ടരും പിന്നെയൊരു മായാലോകത്തായിരിക്കും. നോര്‍ അഡ്രിനാലിന്‍ എന്ന കെമിക്കല്‍ പ്രണയിക്കുന്ന ആളെ കൂടുതല്‍ കരുതാനും ശ്രദ്ധിക്കാനുമൊക്കെ മനസ്സിനെ പ്രേരിപ്പിക്കും. നിഷ്‌കളങ്ക പ്രണയം എന്നൊരു തോന്നലൊക്ക മനസ്സില്‍ ഉണ്ടാക്കാന്‍ കഴിവുള്ള കെമിക്കല്‍ സമ്മിശ്രമായ ഭാവങ്ങളിലൂടെ മനസ്സിനെ നയിക്കും. ഇവിടെയാണ് ഏറ്റവും വലിയ അപകടം. പ്രണയമൊരു മാജിക്കാണെന്ന് പലരും പറയുന്നത് ഇതുകൊണ്ടാണ്.

ബൈല്‍ ഫോണും, വാട്ട്‌സ്ആപ്പും, ഫെയ്‌സ്ബുക്കും, ഒരുമിച്ചുള്ള കറക്കങ്ങളും ഭക്ഷണവുമൊക്കെയായി പ്രണയത്തെ ഉണര്‍ത്തി വിടുന്ന ഘട്ടത്തിലെത്താന്‍ ഇനി അധികസമയം വേണ്ടിവരില്ല. ഇതിന്റെ വളര്‍ച്ചയ്ക്ക് എത്ര നുണകള്‍ വേണമെങ്കിലും സത്യമെന്നപോലെ അവതരിപ്പിക്കും. ഈ സമയത്തുള്ള പ്രണയം ശരിയായ വ്യക്തിത്വത്തെയല്ലയെന്നത് വിവാഹശേഷമാണ് ബോധ്യപ്പെടുക. അതോടെ രൂക്ഷമായ കലഹവും നിത്യസംഭവമാകും. കാരണം പ്രണയനാളിലെ അടുപ്പങ്ങളും തിരിച്ചറിവും വിവേകത്തോടെയായിരിക്കില്ല. ആണ്‍കുട്ടിയും പെണ്‍കുട്ടിയും മാതാപിതാക്കളോട് എതിര്‍ക്കുകയും അവരെ ശത്രുക്കളായി കാണുകയും നുണകള്‍ പറയുന്നതും താനിഷ്ടപ്പെടുന്ന ആളെ കണ്ണുമടച്ച് വിശ്വസിച്ച് പോകുന്നതുമെല്ലാം ഓക്‌സിടോസിന്‍ വാസോപ്രസിന്‍ എന്നീ കെമിക്കലുകളുടെ മാജിക്കാണ്. അടുത്തിരിക്കാനും ചാരിയിരിക്കാനും കെട്ടിപ്പിടിക്കാനും ഉമ്മവയ്ക്കാനുമൊക്കെ ഈ കെമിക്കലുകള്‍ തോന്നിച്ചുകോണ്ടേയിരിക്കും.

ലവ് ഹോര്‍മോണ്‍ ഉയര്‍ത്തിവിടുന്ന ഓളങ്ങളാണ് ശാരീരിക ബന്ധത്തിലേക്കും അടുപ്പത്തിലേക്കും എന്തു റിസ്‌കിലേക്കും കമിതാക്കളെ തള്ളിവിടുന്നത്. ശരിയായ കൗണ്‍സിലിംഗിലൂടെ മാത്രമെ പ്രണയക്കുരുക്കില്‍ നിന്ന് രക്ഷപ്പെടാനൊക്കൂ .രക്ഷിതാക്കള്‍ ഇത്തരം സന്ദര്‍ഭങ്ങളില്‍ വിവേകത്തോടെയും പക്വതയോടെയും കൈകാര്യം ചെയ്യണം. അല്ലെങ്കില്‍ കാര്യങ്ങള്‍ കൈവിട്ടുപോകും.

(മാധ്യമപ്രവര്‍ത്തകനും അധ്യാപകനും മൈന്റ് കണ്‍സള്‍ട്ടന്റുമാണ് ലേഖകന്‍,9946025819)

ഈ മൂന്ന് കാര്യങ്ങള്‍ ജീവിതത്തിലുണ്ടെങ്കില്‍ സന്തോഷവും സംതൃപ്തിയുമുള്ള ജീവിതം ലഭിക്കും
Posted by
18 January

ഈ മൂന്ന് കാര്യങ്ങള്‍ ജീവിതത്തിലുണ്ടെങ്കില്‍ സന്തോഷവും സംതൃപ്തിയുമുള്ള ജീവിതം ലഭിക്കും

ഫഖ്‌റുദ്ധീന്‍ പന്താവൂര്‍

ബിസ്സിനസിലായാലും ജോലിയിലായാലും സ്വകാര്യ ജീവിതത്തിലായാലും സന്തോഷത്തോടെ വിജയിക്കണമെന്നാണ് എല്ലാവരുടെയും ആഗ്രഹം. ചിലര്‍ ദുരിതങ്ങളിലൂടെ കടന്ന് പോയി അവസാനം വിജയിക്കും .ചിലരാകട്ടെ ജീവിതത്തില്‍ വിജയിച്ച് ഒടുവില്‍ ദയനീയമായി പരാജയപ്പെടുകയും ചെയ്യും. ജീവിതം മുഴുക്കെ സന്തോഷത്തോടെ പോവുകയും സംതൃപ്തിയോടെ അവസാനിക്കുകയും ചെയ്യുമ്പോഴാണ് ശരിയായ ജീവിതവിജയം ലഭിക്കുക. അതെങ്ങനെ ലഭിക്കും ?
ഈ മൂന്ന് കാര്യങ്ങള്‍ ജീവിതത്തില്‍ പകര്‍ത്തൂ .. ജോലിയിലായാലും ബിസിനസിലായാലും സ്വകാര്യജീവിതത്തിലായാലും സംതൃപ്തിയോടെ സന്തോഷത്തോടെ ജീവിക്കുകയും വിജയിക്കുകയും ചെയ്യാം .

1. ശുഭചിന്തകള്‍:

ശുഭചിന്തകള്‍ ജീവിതത്തെ അലങ്കരിക്കട്ടെ .ഇത് വലിയ പ്രയാസകരമായി ചിലപ്പോള്‍ തോന്നാം .പരിചയമുള്ളവരെക്കുറിച്ചും അല്ലാത്തവരെക്കുറിച്ചും നല്ലത് മാത്രം വിചാരിക്കുക. ചിന്തകള്‍ നന്നാവണം ഇതിന് നിരന്തരം നിങ്ങളുടെ മനസ്സിലുള്ളതെന്തോ അതാണ് നിങ്ങളുടെ ചിന്ത .ഒരു ചിന്ത ഒരു മനസ്സല്ല .നിരന്തരം ചിന്തിക്കുന്നതെന്തോ അതാണ് നിങ്ങള്‍. ഒരുതുള്ളി വെള്ളം ഒരു നദിയല്ലല്ലോ .എല്ലാകാര്യത്തിലും ശുഭചിന്തയാണ് ആദ്യം വേണ്ടത് .നമുക്ക് എന്ത് സംഭവിച്ചാലും അതിനെ പോസറ്റീവായി സമീപിക്കാനാവണം .ശുഭചിന്തകളുള്ളവര്‍ക്കെ അതിന് കഴിയൂ .

2. ഗുഡ് ബിഹേവിയര്‍:

ശുഭചിന്തകള്‍ ജീവിതത്തില്‍ വര്‍ധിച്ചാല്‍ നിങ്ങളുടെ പെരുമാറ്റങ്ങളും സ്വഭാവങ്ങളും മാന്യതയും പക്വതയുമുള്ളതാവും .നിത്യജീവിതത്തെയും ജോലിയെയും ബിസിനസിനെയും കൂടുതല്‍ സ്വാധീനിക്കുന്നത് നിങ്ങളുടെ ചിന്തകള്‍പോലെ നിങ്ങളുടെ സ്വഭാവങ്ങളും മറ്റുള്ളവരോടുള്ള പെരുമാറ്റങ്ങളുമാണ് .ശുഭചിന്തകള്‍ മനസ്സില്‍ നിറച്ചവര്‍ക്കെ ശരിയായ രീതിയില്‍ പെരുമാറാനും കഴിയൂ .അല്ലെങ്കില്‍
കേവലമൊരു അഭിനയമായിപ്പോകും ജീവിതം.

3. ഉറച്ച വിശ്വാസം:

ശുഭചിന്തയും നല്ല സ്വഭാവരീതികളും ഉണ്ടായാല്‍ സ്വാഭാവികമായും നിങ്ങളുടെ വിശ്വാസങ്ങളും ഉറച്ചതാകും. നിങ്ങളെടുക്കുന്ന തീരുമാനങ്ങളില്‍ നിങ്ങള്‍ക്ക് കൂടുതല്‍ വിശ്വാസമുണ്ടാകുന്നു. ഉറച്ച വിശ്വാസമുണ്ടാകുമ്പോള്‍ നിങ്ങളെ പരാജയപ്പെടുത്താന്‍ പ്രതികൂലസാഹചര്യങ്ങള്‍ക്ക് കഴിയില്ല .മിക്കവര്‍ക്കും അവനവന്‍ ചെയ്യുന്ന കാര്യങ്ങളില്‍ വിശ്വാസമില്ല . ഉണ്ടെങ്കില്‍തന്നെ ഇതുപോലെ ശുഭചിന്തകളിലൂടെയും അതിലൂടെ ഉണ്ടാകുന്ന സ്വഭാവസവിശേഷതകളും അതിലൂടെ ഉണ്ടാകുന്ന വിശ്വാസവുമായിരിക്കില്ല . ഫലമോ ആത്മവിശ്വാസം വേഗം നഷ്ടപ്പെടും .എടുക്കുന്ന തൊഴിലിനോട് അലര്‍ജി ,താല്‍പര്യമില്ലായ്മ ഇതൊക്കെയാവും.ബിസിനസില്‍ കനത്ത തോല്‍വി. വ്യക്തി ജീവിതത്തില്‍ പരാജയവും .

ഒരിക്കലും അന്തിമ വിജയത്തെ മാത്രം ലക്ഷ്യം വെയ്ക്കരുത് .ജീവിതം മുഴുക്കെ സന്തോഷത്തോടെയും സംതൃപ്തിയോടെയും വിജയിക്കുകയാണ് വേണ്ടത്. അതിന് ഈ രീതി ജീവിതത്തില്‍ സ്വീകരിക്കുക. ഒപ്പം പ്രാര്‍ത്ഥിക്കുക. ശുഭചിന്ത ,ഗുഡ് ബിഹേവിയര്‍ ,നല്ല വിശ്വാസം എന്നീ മൂന്ന് കാര്യങ്ങള്‍ ജീവിതത്തില്‍ പകര്‍ത്തിയാല്‍ ജീവിതം മുഴുക്കെ സന്തോഷവും സംതൃപ്തിയും വിജയവും ലഭിക്കുമെന്നാണ് സൂഫികള്‍ നല്‍കുന്ന പാഠം.

(അധ്യാപകനും മാധ്യമപ്രവര്‍ത്തകനും, മൈന്റ് കണ്‍സള്‍ട്ടന്റുമാണ് ലേഖകന്‍.9946025819)

എന്റെ പെങ്ങളാണ്, നീ അവളുടെ മുഖത്ത് പോലും നോക്കരുതെന്ന് യുവിയുടെ താക്കീത്: റിതികയെ പരിചയപ്പെട്ട സംഭവം വെളിപ്പെടുത്തി രോഹിത്ത് ശര്‍മ്മ
Posted by
30 December

എന്റെ പെങ്ങളാണ്, നീ അവളുടെ മുഖത്ത് പോലും നോക്കരുതെന്ന് യുവിയുടെ താക്കീത്: റിതികയെ പരിചയപ്പെട്ട സംഭവം വെളിപ്പെടുത്തി രോഹിത്ത് ശര്‍മ്മ

ശ്രീലങ്കയ്‌ക്കെതിരായ രണ്ടാം ഏകദിനത്തില്‍ രോഹിത്ത് ശര്‍മ്മ നേടിയ പ്രണയോജ്ജ്വലമായ ഇരട്ട സെഞ്ചുറി കണ്ടു നിന്നവരെയെല്ലാം ആവേശത്തിലാഴ്ത്തിയിരുന്നു. ഗ്യാലറയില്‍ നിറകണ്ണുകളോടെ കൂപ്പ് കൈയുമായി നിന്നിരുന്ന ഭാര്യ റിതികയ്ക്ക് മോതിരത്തില്‍ മുത്തിയാണ് താരം തന്റെ വിവാഹവാര്‍ഷിക സമ്മാനം നല്‍കിയത്. തുടര്‍ന്ന് റിതികയുടെ പിറന്നാള്‍ ദിനത്തിലും രോഹിത് നേടിയ സെഞ്ചുറി, ഒരു നിമിത്തമാണെന്ന് വിശ്വസിക്കാനും ആരാധകര്‍ തയാറല്ല. അത്രമേല്‍ അവര്‍ ഏറ്റെടുത്ത് കഴിഞ്ഞു ഈ താര ദമ്പതികളെ.

എന്നാല്‍ റിതികയെ ആദ്യം കണ്ടുമുട്ടിയപ്പോള്‍ മര്യാദക്ക് അവരുടെ മുഖത്ത് പോലും നോക്കാന്‍ തനിക്ക് അനുവാദമില്ലായിരുന്നു എന്ന് രോഹിത്ത് ഓര്‍ത്തെടുക്കുന്നു. ഗൗരവ് കപൂറിന്റെ ബ്രേക്ക്ഫാസ്റ്റ് വിത്ത് ചാമ്പ്യന്‍സ് എന്ന പരിപാടിയിലാണ് താരം തന്റെ പ്രിയതമയെ ആദ്യം പരിചയപ്പെട്ട സംഭവം വിവരിച്ചത്. പരസ്യ ചിത്രീകരണത്തിനായി സ്റ്റുഡിയോയില്‍ എത്തിയതായിരുന്നു രോഹിത്ത്. യുവരാജ് സിംഗും, ഇര്‍ഫാന്‍ പഠാനും രോഹിത്തിനോടൊപ്പം ഷൂട്ടിനുണ്ടായിരുന്നു. അന്ന് അവിടെ സ്‌പോര്‍ട്‌സ് മാനേജറായിരുന്ന റിതികയെ ചൂണ്ടി യൂവി രോഹിത്തിനോട് പറഞ്ഞു, ഇത് എന്റെ പെങ്ങളാണ്, നീ ഇവളുടെ മുഖത്ത് പോലും നോക്കി പോവരുത്.

ഇത് കേട്ടതും തനിക്ക് റിതികയോട് ദേഷ്യമാണ് തോന്നിയത്. എന്ത് അഹങ്കാരമാണ് ഈ പെണ്ണിന്, ഇവള്‍ ആരാണ്? എന്നെല്ലാം താന്‍ മനസില്‍ വിചാരിച്ചെന്ന് രോഹിത്ത് അഭിമുഖത്തില്‍ വെളിപ്പെടുത്തി. എന്നാല്‍ ഷൂട്ട് കഴിഞ്ഞപ്പോള്‍ റിതിക തന്നോട് വന്ന് സംസാരിച്ചു, എന്തെങ്കിലും ആവശ്യമുണ്ടെങ്കില്‍ അറിയിക്കണമെന്നും പറഞ്ഞു. തുടര്‍ന്ന് തങ്ങള്‍ ഇരുവരും നല്ല സൗഹൃദത്തിലാവുകയും, റിതിക തന്റെ മാനേജറാവുകയും ചെയ്തു. പിന്നീട് പ്രണയത്തിലായതോടെ 2015ല്‍ വിവാഹം ചെയ്യാന്‍ തീരുമാനിക്കുകയായിരുന്നു എന്ന് രോഹിത്ത് പറഞ്ഞു.

ലൈംഗികത ഇല്ലാത്ത പ്രണയം വെടിക്കെട്ട് ഇല്ലാത്ത പൂരം പോലെ, മാറിടം കണ്ടാലറിയാം സ്ത്രീയുടെ ശരീരഘടന; ലൈംഗികതയെക്കുറിച്ച് തുറന്നെഴുതി ക്രൈസ്തവ മാസിക
Posted by
27 December

ലൈംഗികത ഇല്ലാത്ത പ്രണയം വെടിക്കെട്ട് ഇല്ലാത്ത പൂരം പോലെ, മാറിടം കണ്ടാലറിയാം സ്ത്രീയുടെ ശരീരഘടന; ലൈംഗികതയെക്കുറിച്ച് തുറന്നെഴുതി ക്രൈസ്തവ മാസിക

കൊച്ചി: ലൈംഗികതയെക്കുറിച്ച് തുറന്നെഴുതിയി ഒരു ക്രൈസ്തവ മാസിക.പലരും തുറന്ന് സംസാരിക്കാന്‍ മടിക്കുന്ന വിഷയമാണ് ലൈംഗികത. പ്രത്യേകിച്ച് മതത്തിന്റെ കര്‍ശനമായ ചട്ടക്കുടുകളിലുള്ളവര്‍. മുഖരേഖ എന്ന ക്രൈസ്തവ മാസികയുടെ ക്രിസ്മസ് പതിപ്പിലാണ് ലൈംഗികതയെക്കുറിച്ചുള്ള തുറന്നെഴുത്ത്. രതിയും ആയുര്‍വേദവും എന്ന പേരിലാണ് ലേഖനം.

മാസികയിലെ സ്ഥിരം എഴുത്തുകാരനായ ഡോ. സന്തോഷ് തോമസാണ് ലേഖനം എഴുതിയിരിക്കുന്നത്. ദമ്പതികള്‍ക്കിടയിലെ ലൈംഗികതയെ പ്രോത്സാഹിപ്പിക്കുക എന്ന ലക്ഷ്യം മുന്‍നിര്‍ത്തിയാണ് ലേഖനം പ്രസിദ്ധീകരിച്ചതെന്ന് മാസികയുടെ അണിയറ പ്രവര്‍ത്തകര്‍ പറഞ്ഞു. ശരീരത്തിന്റേയും മനസിന്റേയും ആഘോഷമാണ് ലൈംഗികതയെന്ന് ലേഖനം പറയുന്നു. ശാരീരികബന്ധം ഇല്ലാത്ത പ്രണയം വെടിക്കെട്ട് ഇല്ലാത്ത പൂരം പോലെയാണെന്നും ലേഖനം പറയുന്നു.

ആയുര്‍വേദ ഗ്രന്ഥമായ അഷ്ടാംഗഹൃദയത്തില്‍ സ്ത്രീകളെക്കുറിച്ച് വിവരിക്കുന്ന രംഗങ്ങളും ശ്ലോകങ്ങളുമെല്ലാം മാസികയില്‍ വിവരിക്കുന്നുണ്ട്്. ലൈംഗികതയുമായി ബന്ധപ്പെട്ട് സ്ത്രീകളുടെ സ്വഭാവവും രൂപവും അടിസ്ഥാനമാക്കി വേര്‍തിരിച്ചിരിക്കുന്നതിനെക്കുറിച്ചും ലേഖനം വിശദീകരിക്കുന്നു. പദ്മിനി, ചിത്രിണി, സംഗിനി, ഹസ്തിനി തുടങ്ങിയവയാണ് അത്. മാറിടത്തിന്റെ വലുപ്പവും ശരീരത്തിന്റെ ഘടനയും കണ്ടാല്‍ ആ സ്ത്രീ ഏത് വിഭാഗത്തില്‍ വരുന്നുവെന്ന് തിരിച്ചറിയാകാനുമെന്നും ലേഖനം പറയുന്നു.

ഈ നാല് തരം ശരീരഘടനയുള്ള സ്ത്രീകളുമായി എങ്ങനെ പുരുഷന് ആരോഗ്യകരമായ ലൈംഗികതയില്‍ ഏര്‍പ്പെടാമെന്ന് ലേഖനം വിശദീകരിക്കുന്നു. ഭക്ഷണം, ഉറക്കം, വ്യായാമം, ലൈംഗികത എന്നിവയാണ് സന്തോഷകരമായ ജീവിതത്തിന്റെ ആധാരശില, ഋതുഭേദങ്ങള്‍, കരുത്ത്, എന്നിവയ്ക്ക് അനുസരിച്ചും വൈദ്യശാസ്ത്ര തത്വങ്ങള്‍ പ്രകാരവും മാത്രമേ ലൈംഗികജീവിതം നയിക്കാവൂ എന്നും ലേഖനത്തില്‍ പറയുന്നു.

അമിത മദ്യാസക്തി തടയാം; യുവാക്കളെ നേര്‍വഴിക്ക് നയിക്കാന്‍ മരുന്ന് കണ്ടെത്തി
Posted by
05 November

അമിത മദ്യാസക്തി തടയാം; യുവാക്കളെ നേര്‍വഴിക്ക് നയിക്കാന്‍ മരുന്ന് കണ്ടെത്തി

ന്യൂയോര്‍ക്ക്: അമിത മദ്യപാനം തലച്ചോറിനെ ബാധിക്കുമെന്ന പഠനത്തിന് പിന്നാലെ അമിത മദ്യാസക്തി തടയാനുള്ള മാര്‍ഗവും കണ്ടെത്തി ഗവേഷകര്‍. കൗമാരപ്രായത്തില്‍ തലച്ചോറ് പൂര്‍ണ പക്വത നേടിയിട്ടുണ്ടാവില്ല. ഈ പ്രായത്തിലെ അമിതമദ്യപാനം തലച്ചോറിന്റെ വളര്‍ച്ചയെ പ്രതികൂലമായി ബാധിക്കും. കൂടാതെ കൗമാരപ്രായത്തിലെ അമിത മദ്യപാനം പിന്നീട് പ്രായപൂര്‍ത്തിയാകുമ്പോള്‍ മദ്യത്തിന് അടിമപ്പെടാനുള്ള കാരണമാവുന്നു.

എന്നാല്‍ മദ്യത്തിന് അടിമയായ യുവാക്കളെ രക്ഷിച്ചെടുക്കാനും മദ്യത്തില്‍ നിന്നും മുക്തരാക്കാനും ഗവേഷകര്‍ വികസിപ്പിച്ച പ്ലസ്‌നാല്‍ട്രിക്‌സോണ്‍ എന്ന മരുന്ന് വികസിപ്പിച്ചെടുത്തു. അമിതമദ്യപാനം കൗമാരക്കാരുടെ തലച്ചോറിനുണ്ടാക്കുന്ന ആഘാതം ഈ മരുന്ന് കുറയ്ക്കുമെന്ന് ന്യൂറോഫാര്‍മക്കോളജി ജേണലില്‍ പ്രസിദ്ധീകരിച്ച പഠനം പറയുന്നു.

തലച്ചോറിലെ പ്രതിരോധവ്യവസ്ഥ മെച്ചപ്പെടുത്തുകയാണ് മരുന്ന് ചെയ്യുന്നത്. എലികളില്‍ പരീക്ഷണം വിജയമായിരുന്നെന്ന് അഡ്‌ലേഡ് സര്‍വകലാശാലാ പ്രൊഫസര്‍ മാര്‍ക് ഹച്ചിന്‍സണ്‍ പറഞ്ഞു.

നിങ്ങളുടെ പ്രേമം തുണ്ട് വീഡിയോയായി ഇന്റര്‍നെറ്റില്‍ എത്താതിരിക്കാന്‍ പെണ്‍കുട്ടികള്‍ അറിഞ്ഞിരിക്കേണ്ട കാര്യങ്ങളുമായി മുരളി തുമ്മാരുകുടി
Posted by
01 November

നിങ്ങളുടെ പ്രേമം തുണ്ട് വീഡിയോയായി ഇന്റര്‍നെറ്റില്‍ എത്താതിരിക്കാന്‍ പെണ്‍കുട്ടികള്‍ അറിഞ്ഞിരിക്കേണ്ട കാര്യങ്ങളുമായി മുരളി തുമ്മാരുകുടി

തുണ്ടുതുണ്ടാകുന്ന വിശ്വാസം.

കഴിഞ്ഞ വർഷം ഇറ്റലിയിൽ ഒരു സംഭവമുണ്ടായി. ഒരു ഇറ്റാലിയൻ പെൺകുട്ടി സ്വന്തം ബോയ്‌ഫ്രണ്ടിനൊപ്പം ലൈംഗികബന്ധത്തിൽ ഏർപ്പെടുന്ന ദൃശ്യം ഇൻറർനെറ്റിൽ പ്രചരിച്ചു. പെൺകുട്ടി അറിഞ്ഞുതന്നെയാണ് വീഡിയോ എടുത്തത്. “നീ വീഡിയോ എടുക്കുകയാണോ” എന്ന് പെൺകുട്ടി തുടക്കത്തിൽ ചോദിക്കുന്നുമുണ്ട്. എങ്ങനെയാണ് സ്വകാര്യമായി പകർത്തിയ ഈ വീഡിയോ ഇന്റർനെറ്റിലെത്തിയതെന്ന് വ്യക്തമല്ല. മാനഹാനി കൊണ്ട് വിഷാദരോഗം ബാധിച്ച പെൺകുട്ടി ഒടുവിൽ ആത്മഹത്യ ചെയ്തു. (https://www.theguardian.com/…/italy-grapples-with-suicide-o…)

ഇത് ഇറ്റലിയിലെ മാത്രം കാര്യമല്ല. ലോകത്തെമ്പാടു നിന്നും പലരുടെയും സ്വകാര്യനിമിഷങ്ങളുടെ വീഡിയോകൾ പലപ്പോഴും പൊതുമാധ്യമത്തിൽ എത്താറുണ്ട്. ചിലപ്പോൾ രണ്ടു പേരുടെയും അറിവോടെ, ചിലപ്പോൾ ഒരാളുടെ മാത്രം അറിവോടെ, മറ്റു ചിലപ്പോൾ രണ്ടുപേരും അറിയാതെ എടുത്തവ. സ്മാർട്ട് ഫോണുകളുടെ കാലത്ത് ഈ വീഡിയോ എടുക്കൽ ഒന്നും പ്രയാസമുള്ള കാര്യമല്ല. പക്ഷെ സ്മാർട്ട് ഫോണിന്റെയും ഇന്റെർനെറ്റിന്ററിയും ലോകത്തിന് ചില ദൂഷ്യവശങ്ങളുണ്ട്. ഒരിക്കൽ എടുത്താൽ പിന്നെ വീഡിയോ ദൃശ്യങ്ങൾ മായ്ച്ചുകളയുക പ്രായോഗികമായി എളുപ്പമല്ല. നമ്മൾ ഡിലീറ്റ് ചെയ്താലും അല്പം ബുദ്ധിയുള്ളവർക്ക് അതെളുപ്പം തിരിച്ചുപിടിക്കാൻ പറ്റും. ഫോൺ നശിപ്പിച്ചുകളയുക എന്നതല്ലാതെ വേറെ മാർഗ്ഗമില്ല.

നമ്മുടെ ഫോണിൽ സ്വകാര്യമായിരിക്കുന്നതല്ലേ എന്നാശ്വസിക്കാൻ വരട്ടെ. നമ്മുടെ ഫോൺ മറ്റൊരാൾക്ക് ഹാക്ക് ചെയ്യാൻ നിമിഷങ്ങൾ മതി. അത് നമ്മൾ ഫോൺ റിപ്പയറിനോ റീചാർജിങിനോ കൊടുക്കുമ്പോഴോ, അറിയാതെ നഷ്ടപ്പെട്ടാലോ ആകാം. സത്യത്തിൽ നാം അറിയാതെ നമ്മുടെ സ്വകാര്യനിമിഷങ്ങൾ നമ്മുടെ കംപ്യൂട്ടറും ഫോണും റെക്കോർഡ് ചെയ്യുന്നുണ്ടോ, നമ്മുടെ ഫോണിൽ റെക്കോർഡ് ചെയ്യുന്ന പലതും ഫോൺ തന്നെ ആർക്കെങ്കിലും ചോർത്തിക്കൊടുക്കുന്നുണ്ടോ എന്നൊക്കെയുള്ള സംശയം അസ്ഥാനത്തല്ല. നമ്മുടെ വീട്ടിലുള്ള പുതിയ ജനറേഷൻ ടി വി പോലും നമ്മുടെ നീക്കങ്ങൾ ശ്രദ്ധിക്കുന്നു എന്നും, വേണമെങ്കിൽ നമ്മെ റെക്കോർഡ് ചെയ്ത് മറ്റൊരാൾക്ക് അയച്ചുകൊടുക്കാൻ സാധിക്കുമെന്നുമുള്ള വാർത്ത കുറച്ചു നാൾ മുൻപ് ഉണ്ടായിരുന്നു (https://www.youtube.com/watch?v=JpkAdFkfKIs).

നമ്മൾ ഉപയോഗിക്കുന്ന ഉപകരണങ്ങൾ സ്വയമോ മറ്റുള്ളവർ വഴിയോ നമ്മുടെ ചിത്രങ്ങൾ ഇന്റർനെറ്റിൽ എത്തിക്കുന്നത് കൂടാതെ പങ്കാളികളിലൊരാൾ സ്വയം ‘പൊങ്ങച്ച’ത്തിനുവേണ്ടി മറ്റുള്ളവരെ കാണിക്കാനോ, അല്ലെങ്കിൽ വീഡിയോ എടുത്തതിന് ശേഷം ബ്ലാക്ക്മെയിൽ ചെയ്യാനോ ഉള്ള സാധ്യതയുമുണ്ട്. വീഡിയോ എടുക്കുന്ന സമയത്ത് നിങ്ങൾ എത്ര അടുത്ത സുഹൃത്തുക്കളായിരുന്നു, എത്രമാത്രം പരസ്പരം വിശ്വസിച്ചിരുന്നു, എന്നതൊന്നും ഇതിന് തടസ്സമാകുന്നില്ല. ഇംഗ്ലീഷിൽ ‘റിവഞ്ച് പോൺ’ എന്നൊരു വിഭാഗം തന്നെയുണ്ട്. തന്നെ വിട്ടുപോകുന്ന പങ്കാളിക്ക് ഒരു പണി കൊടുക്കാനായി പൊതുവെ പുരുഷന്മാർ ചെയ്യുന്ന വേലയാണിത്. പല രാജ്യങ്ങളിലും ഇതിനെ ചെറുക്കാൻ വേണ്ടി മാത്രം നിയമങ്ങളുണ്ട്. (http://www.telegraph.co.uk/…/What-is-the-law-on-revenge-por…)

ഇന്ത്യയിൽ റിവഞ്ച് പോണിനെതിരെ മാത്രമായി പ്രത്യേക നിയമമൊന്നുമില്ല. ദിവസവും ഒന്നോ അതിലധികമോ തുണ്ടുകൾ ‘desi scandal video’ എന്ന പേരിൽ ഇറങ്ങുന്നുണ്ട്. ഇത് മുൻപ് പറഞ്ഞതുപോലെ ഒന്നുകിൽ ലൈംഗികബന്ധങ്ങളിൽ ഏർപ്പെടുന്ന സ്ത്രീയുടെ അറിവോടെയോ അല്ലാതെയോ പകർത്തിയതാകാം. എന്തായാലും സ്നേഹത്തിലും വിശ്വാസത്തിലുമിരിക്കുമ്പോൾ രണ്ടുപേർ ചേർന്ന് സ്വകാര്യമായി നടത്തിയ കാര്യങ്ങൾ പിന്നീട് തുണ്ടുകളായി ഇന്റർനെറ്റിൽ പറക്കുകയാണ്. ഇതിൽ എത്രയോ അധികം തുണ്ടുകൾ വാട്ട്സാപ്പിൽ കാണും. പുറത്തു വിടും എന്ന് പറഞ്ഞു ബ്ലാക്ക് മെയിൽ ചെയ്യുന്നത് ഇതിലും പതിന്മടങ്ങായിരിക്കും. ഇങ്ങനെ ഒരു വാർത്ത ഇല്ലാത്ത ഒരാഴ്ച പോലും കേരളത്തിൽ കടന്നു പോകുന്നില്ലല്ലോ. ഇങ്ങനെയുള്ള സാഹചര്യം ഉണ്ടാകാതിരിക്കാനും അതിൽ പെട്ടാൽ രക്ഷപെടാനും ആളുകൾ ശ്രദ്ധിക്കേണ്ടതാണ്.

ചില നിർദ്ദേശങ്ങൾ മാത്രം ഇവിടെ പറയാം.

1. നല്ല കുട്ടികൾ അശ്ലീലവീഡിയോ ഒന്നും കാണില്ല എന്നാണല്ലോ വെയ്പ്പ്. ആ നല്ലകുട്ടി സ്വഭാവമൊക്കെ ഒന്നു മാറ്റിവെച്ച് ‘Indian sex scandal’ എന്ന വിഷയത്തിൽ അല്പം ഗൂഗിൾ ഗവേഷണം നടത്തണം. എങ്ങനെയാണ് ഇന്ത്യയൊട്ടാകെ ഒരു പകർച്ചവ്യാധിയായി ഈ പ്രശ്നമുള്ളതെന്ന് മനസ്സിലാക്കണം.

2. നിങ്ങൾക്ക് ഇഷ്ടമുള്ള പങ്കാളിയുമായി അടുത്തിടപഴകുന്നതിനോ ലൈംഗികബന്ധത്തിലേർപ്പെടുന്നതിനോ ഞാൻ എതിരല്ല. എന്നാൽ അത് റെക്കോർഡ് ചെയ്യപ്പെടാനുള്ള സാധ്യത മനസ്സിലുണ്ടാകണം. വീട്ടിലോ ഓഫിസിലോ ഹോട്ടലിലോ എവിടെ ആണെങ്കിലും ഒളികാമറ ഉണ്ടോ എന്ന് ശ്രദ്ധിക്കുക. അറിഞ്ഞുകൊണ്ട് ഒരിക്കലും സ്വകാര്യനിമിഷങ്ങൾ റെക്കോർഡ് ചെയ്യാൻ സമ്മതിക്കുകയും അരുത്. അതിന്റെ പേരിൽ ബന്ധം തന്നെ തകർന്നാലും. അപ്പോഴത്തെ സ്നേഹത്തിൽ ചെയ്യുന്ന അഡ്ജസ്റ്റ്മെന്റ് പിന്നീട് വലിയ പാരയായേക്കാം. ഏറെ നിർബന്ധിച്ചാൽ അവരോടും മുൻപറഞ്ഞ ഗൂഗിൾ സെർച്ച് ചെയ്യാൻ പറയുക.

3. ഇങ്ങനെ ഒരു വീഡിയോയുടെ പേരിൽ പങ്കാളിയോ മറ്റൊരാളോ നിങ്ങളെ ഭീഷണിപ്പെടുത്തിയാൽ ഒരിക്കലും അതിന് വഴങ്ങരുത്. ബ്ലാക്ക്മെയിലിങ്ങിന്റെ ഒരു മനഃശാസ്ത്രം അതൊരു ‘ഒറ്റത്തവണ തീർപ്പാക്കൽ’ അല്ല എന്നതാണ്. ഒരിക്കൽ നമ്മൾ വഴങ്ങിയാൽ ഡിമാൻഡ് കൂടി വരും. അവസാനം നമ്മൾ തിരിച്ചടിക്കുകയോ പൂണ്ണമായോ കീഴടങ്ങുകയോ ചെയ്യുന്നതുവരെ അത് നമ്മളെ ഉപദ്രവിക്കും. പതിനായിരം രൂപ കൊടുത്തോ, ഭീഷണിക്ക് വഴങ്ങി മറ്റൊരാൾക്ക് കൂടി വഴങ്ങിക്കൊടുത്തോ പ്രശ്നം തീർക്കാം എന്നു കരുതരുത്. പതിനായിരം പിന്നീട് രണ്ടുലക്ഷമാകും, ഒരാൾ രണ്ടും പത്തുമാകും. ഭീഷണിയുണ്ടായാലുടൻ പോലീസിനെ അറിയിക്കുക, മാതാപിതാക്കളെയും. അതുകൊണ്ടുണ്ടാകുന്ന പ്രത്യാഘാതം എന്തായാലും ഭീഷണിയുടെ പ്രത്യാഘാതത്തെക്കാൾ കുറവായിരിക്കും, ഉറപ്പ്. ഇക്കാര്യം പോലീസിൽ എത്തിയാൽ നിങ്ങളെ ബ്ലാക്ക് മെയിൽ ചെയ്യാൻ ശ്രമിച്ചവരാണ് ജയിലിൽ ആകുന്നത്. കേരളത്തിൽ അടുത്തുണ്ടായ ബ്ലാക്ക് മെയിൽ ശ്രമം ശ്രദ്ധിക്കുക. ആ പ്രശ്നം പോലീസിൽ അറിയിച്ചതോടെ സമൂഹം ബ്ലാക്ക് മെയിലിംഗിന് ഇരയായവരോട് എത്ര പോസിറ്റീവ് ആയാണ് പ്രതികരിച്ചതെന്നും പ്രതികളുടെ കാര്യം എത്ര കുഴപ്പത്തിൽ ആയി എന്നും ശ്രദ്ധിക്കുക. ബ്ലാക്ക് മെയിലിംഗിന് വഴങ്ങി മിണ്ടാതിരുന്നെങ്കിൽ ജീവിതകാലം മുഴുവൻ അവർ വിട്ടുവീഴ്ചകൾ ചെയ്യേണ്ടി വന്നേനെ.

4. ഒരു വീഡിയോക്ലിപ്പ് ഇന്റർനെറ്റിൽ വന്നതുകൊണ്ട് ജീവിതം പോയി എന്നൊന്നും കരുതാനില്ല. ദിനവും ഒരെണ്ണമെങ്കിലും ഇന്ത്യയിൽനിന്നും ഇന്റർനെറ്റിൽ വരുന്നുണ്ടെന്ന് പറഞ്ഞല്ലോ. നിങ്ങൾക്ക് ഇഷ്ടമുള്ള ഒരാളോട് അടുത്തിടപഴകി, അഥവാ, സെക്സിൽ ഏർപ്പെട്ടു എന്നതൊന്നും ഒരു കുറ്റമല്ല. കുറ്റം ചെയ്തവർ ആ വീഡിയോ പ്രചരിപ്പിച്ചവരാണ്. അവർക്കാണ് മാനഹാനിയുണ്ടാകേണ്ടത്.

5. നിങ്ങൾ ഏറ്റവും ഇഷ്ടപ്പെടുന്ന, അറിയുന്ന, വിശ്വസിക്കുന്നവർ ആണ് പലപ്പോഴും ഇത്തരം ചെറ്റത്തരം കാണിക്കുന്നത്. ആളുകളെ വിശ്വസിക്കുകയും സ്നേഹിക്കുകയും ചെയ്യാമെങ്കിലും ഇത്തരം സാധ്യതകളെ മുൻകൂട്ടി കാണണം. ‘എന്നെ വിശ്വാസമില്ലേ?’ എന്ന് ചോദിച്ചാൽ ‘ഇക്കാര്യത്തിൽ ഇല്ല’ എന്നായിരിക്കണം ഉത്തരം.
സൂക്ഷിച്ചില്ലെങ്കിൽ നിങ്ങളുടെ സ്നേഹം തുണ്ടാകും, വിശ്വാസം തുണ്ടുതുണ്ടായി നഷ്ടപ്പെടുകയും ചെയ്യും.

error: This Content is already Published.!!