വിവാഹിതരായ 5 സ്ത്രീകള്‍ നടത്തിയ വെളിപ്പെടുത്തല്‍ വൈറലാകുന്നു
Posted by
10 October

വിവാഹിതരായ 5 സ്ത്രീകള്‍ നടത്തിയ വെളിപ്പെടുത്തല്‍ വൈറലാകുന്നു

കൊച്ചി: വിവാഹം എന്നത് ചെറുപ്പക്കാരായ പെണ്‍കുട്ടികളെ സംബന്ധിച്ച് സ്വപ്‌നസമാനമായ ഒന്നാണ് വിവാഹത്തെക്കുറിച്ച് പലവിധ സങ്കല്‍പങ്ങളും അവര്‍ക്ക് ഉണ്ട്. എന്നാല്‍ വിവാഹിതരായ അഞ്ച് യുവതികള്‍ നടത്തിയ വെളിപ്പെടുത്തലുകള്‍, വിവാഹം കഴിക്കാന്‍ പോകുന്നവര്‍ ഒന്ന് ശ്രദ്ധിക്കുന്നത് നല്ലതാണ്. വിവാഹജീവിതം വിജയകരമായി മുന്നോട്ടുകൊണ്ടുപോകാന്‍ ഇത് നിങ്ങളെ സഹായിക്കും. ഏറെ ചര്‍ച്ച ചെയ്യപ്പെട്ട ഈ വെളിപ്പെടുത്തല്‍ പ്രസിദ്ധീകരിച്ചത് ടൈംസ് ഓഫ് ഇന്ത്യയാണ്.

1, വിവാഹ ജീവിതത്തെക്കുറിച്ചുള്ള ഗോസിപ്പുകള്‍

വിവാഹശേഷം പലതരം ഗോസിപ്പുകള്‍ കേള്‍ക്കേണ്ടി വരുമെന്നാണ് പ്രാചി അഗര്‍വാള്‍ പറയുന്നത്. വിവാഹം കഴിഞ്ഞയുടന്‍, തന്റെ അമ്മായിയമ്മ, അവരുടെ ചിലരെക്കുറിച്ചുള്ള കുറ്റങ്ങള്‍ തന്നോട് പറഞ്ഞിരുന്നു. എന്നാല്‍ ഒരു വര്‍ഷം കഴിഞ്ഞപ്പോള്‍ അമ്മായിയമ്മ, തന്നെക്കുറിച്ചുള്ള കുറ്റങ്ങള്‍ മറ്റുചിലരോട് പറഞ്ഞതായി തനിക്ക് അറിയാന്‍ കഴിഞ്ഞുവെന്നാണ് പ്രാചി പറയുന്നത്.

2, കുടുംബ രാഷ്ട്രീയം

ഏറെ അംഗങ്ങളുള്ള ഒരു കുടുംബത്തിലേക്ക് വിവാഹം ചെയ്യപ്പെട്ട അഹാന ശര്‍മ്മയ്ക്ക് പറയാനുള്ളത് മറ്റൊരു അനുഭവമാണ്. അവിടെ പലരും പല തട്ടിലായാണ് നില്‍ക്കുന്നത്. പല ഗ്രൂപ്പുകളുണ്ട്. അവര്‍ തമ്മില്‍ പരസ്പരം പാരകളുമാണ്. ഇത്തരമൊരു കുടുംബത്തില്‍ ആരോടെങ്കിലും സംസസാരിക്കുന്നത് സൂക്ഷിച്ചുവേണമെന്നാണ് അഹാന പറയുന്നത്. അരെയെങ്കിലും പിന്തുണച്ച് സംസാരിച്ചാല്‍, അവരുടെ എതിരാളികളായ ബന്ധുക്കളുടെ ശത്രുത ഏറ്റുവാങ്ങേണ്ടിവരുമെന്നും അഹാന പറയുന്നു.

3, ഭര്‍ത്താവിന്റെ പിന്തുണ എപ്പോഴും ലഭിക്കില്ല

ഭര്‍ത്താവിന്റെ വീട്ടുകാരുമായി എന്തെങ്കിലും പ്രശ്‌നമുണ്ടാകുമ്പോള്‍ ഭര്‍ത്താവിന്റെ പിന്തുണ ലഭിക്കാതിരിക്കുന്നത് അങ്ങേയറ്റം അസഹനീയമായ കാര്യമാണെന്ന് ഭാവന ശേഖര്‍ എന്ന ഇരുപത്തിയൊമ്പതുകാരി പറയുന്നു. വിവാഹത്തിന് മുമ്പ് വീട്ടുകാരെക്കുറിച്ച് തന്നോട് പറഞ്ഞിരുന്നെങ്കിലും, വിവാഹശേഷം ഒരു പ്രശ്‌നം വരുമ്പോള്‍ തന്നെ പിന്തുണയ്ക്കാതെ ഒഴിഞ്ഞുമാറുകയാണ് ഭര്‍ത്താവ് ചെയ്യുന്നതെന്ന് ഭാവന പറയുന്നു.

4, ഭര്‍ത്താവിന്റെ വീട്ടുകാര്‍ക്ക് അറിയേണ്ടത് ശമ്പളകാര്യം

പുതിയ ഒരു ജോലിയുമായി ബന്ധപ്പെട്ട് മറ്റൊരു നഗരത്തിലേക്ക് ചേക്കേറേണ്ടി വന്ന രുചിര ജെയിന് പറയാനുള്ളത് മറ്റൊരു കാര്യമാണ്. ജോലി കിട്ടി ഒരു മാസത്തിനുശേഷം തിരികെ നാട്ടിലെത്തിയപ്പോള്‍, തന്റെ അച്ഛന്‍ താമസത്തെക്കുറിച്ചും സുരക്ഷയെക്കുറിച്ചും ചോദിച്ച് അറിഞ്ഞപ്പോള്‍, ഭര്‍ത്താവിന്റെ അച്ഛനും അമ്മയ്ക്കും അറിയേണ്ടിയിരുന്നത് തന്റെ ശമ്പളത്തെക്കുറിച്ച് മാത്രമാണെന്നാണ് രുചിര പറയുന്നത്.

5, ഭക്ഷണശീലം മാറ്റേണ്ടിവരും

വിവാഹത്തിന് മുമ്പ് നമുക്ക് ഇഷ്ടമുള്ള ഭക്ഷണം കഴിക്കാം. എന്നാല്‍ വിവാഹശേഷം ഭര്‍ത്താവിന്റെ വീട്ടുകാരുടെ ഇഷ്ടത്തിന് അനുസരിച്ച് ഭക്ഷണശീലം മാറ്റേണ്ടിവരുമെന്നാണ് ശോഭന ഗുപ്ത പറയുന്നത്. മനസിന് ഇഷ്ടപ്പെട്ട ഭക്ഷണം കഴിക്കേണമെങ്കില്‍ പുറത്ത് ഹോട്ടലില്‍ പോകേണ്ടിവരുമെന്നാണ് ശോഭന പറയുന്നത്.

പുരുഷന്മാര്‍ സ്ത്രീകളെ വെറുക്കുന്നതിന് പിന്നിലെ 9 കാരണങ്ങള്‍
Posted by
30 September

പുരുഷന്മാര്‍ സ്ത്രീകളെ വെറുക്കുന്നതിന് പിന്നിലെ 9 കാരണങ്ങള്‍

പൊതുവെ സ്തീകളോട് മമതയുള്ളവരാണ് പുരുഷ ലോകം.എന്നാല്‍ ചില കാര്യങ്ങള്‍ കാരണം പുരുഷന്മാര്‍ സ്ത്രീകളെ വെറുക്കാറുണ്ട്. ഈ കാരണങ്ങള്‍ കേട്ടാല്‍ സ്തീകള്‍ക്ക് പോലും അത് ശരിയാണെന്ന് മനസ്സിലാവും. ഇതൊരു പൊതുവികാരമാണെന്നു പറയുന്നില്ല.ഇങ്ങനെയും ഉണ്ട് എന്നെ ഉള്ളൂ.

1.പുരുഷന്‍മാര്‍ സ്ത്രീകളോട് അടുക്കുമ്പോള്‍ അത് പ്രണയം മാത്രമാണെന്ന് കരുതുന്ന കൂട്ടരുണ്ട്. സ്ത്രീകള്‍ക്ക് കഴിയുന്നത് പോലെ പുരുഷനും സ്ത്രീകളെ നല്ല സുഹൃത്തുക്കളായ് കാണാന്‍ സാധിക്കും. ഈ പ്രണയമെന്ന മുന്‍ധാരണ ഒരു വെറുപ്പിക്കല്‍സാണ്.

2.എല്ലാ പുരുഷന്മാരിലും ഒരു പീഡനക്കാരനെ ചിന്തിച്ചു കൂട്ടുന്ന സ്ത്രീകളോടും പുരുഷനു വെറുപ്പാണ്. ഒരുപാട് പീഡനക്കേസുകള്‍ ഉള്ള നാടാണെങ്കിലും എല്ലാവരെയും അങ്ങനെ കാണരുതല്ലോ.

3.പുരുഷന്റെ നോട്ടത്തിനു വായ്‌നൊട്ടമെന്ന ഒറ്റ പേരെ ചില സ്ത്രീകള്‍ക്കറിയൂ. ദുഷ്ട ലാക്കോടെ നോക്കുന്നവനെ അങ്ങനെതന്നെ വേണം നേരിടാന്‍.പക്ഷെ നല്ല നോട്ടങ്ങളെ തെറ്റിദ്ധരിക്കാതിരിക്കാനുള്ള മാന്യത കാണിക്കണം.

4.സ്ത്രീകള്‍ സമ്പാദ്യശീലം നല്ല പോലെയുള്ള പങ്കാളികളെ ആഗ്രഹിക്കുന്നു. നല്ല പോലെ സമ്പാദിക്കുന്ന ഒരാളെ തിരഞ്ഞെടുത്തു അയാളില്‍ ഭാവി സുരക്ഷിതമാക്കുക എന്ന അടവുനയം നല്ലതല്ല. എല്ലായ്‌പ്പോഴും കാശു മുടക്കാന്‍ കഴിവുള്ള ഒരാള്‍, എല്ലായ്‌പ്പോളും അയ്യാള്‍ ചിലവാക്കിക്കൊള്ളും തങ്ങളുടെ ഒരു ഇടപെടല്‍ അവിടെ ആവശ്യമില്ലെന്നു കരുതുന്ന ഇത്തരക്കാരെ വെറുക്കാതെ വഴിയില്ല.

5.അനാവശ്യ സ്ത്രീപക്ഷ ചിന്തകള്‍. എല്ലായിടത്തും സ്ത്രീ എന്ന് പറഞ്ഞു തുല്യത ആവശ്യപ്പെടും,എന്നാല്‍ ഉത്തരവാദിത്തങ്ങളില്‍ അത് പ്രകടിപ്പിക്കാന്‍ തയ്യാറല്ല.

6. വസ്ത്രധാരണം മോശമായ സ്ത്രീയെ സ്തീകള്‍ പോലും മോശം പറയുമ്പോള്‍ പുരുഷന പറഞ്ഞാലെന്താ.എന്നാലിവിടെയത് വില പോവില്ല.സ്ത്രീകള്‍ പറയുന്ന അതെ കമന്റ് പുരുഷന്‍ പറഞ്ഞാല്‍ എങ്ങനെയാണ് അവന്‍ മാത്രം മോശക്കാരനാവുന്നത്.

7. ഒരേ സമയം തുല്യത ആവശ്യപ്പെടും എന്നിട്ടോ ചില കാര്യങ്ങളില്‍ സ്ത്രീ ആണെന്നും പറഞ്ഞു ചില അവകാശങ്ങള്‍ നേടിയെടുക്കും.വെറുപ്പിനു കാരണമില്ലേ

8. സ്ത്രീ ചങ്ങാത്തങ്ങളെ തെറ്റിദ്ധരിക്കുന്നതും വലിയൊരളവില്‍ വെറുപ്പിനു കാരണമാണ്.പുരുഷന്മാരും ഇത്തരം ചിന്താഗതിയുള്ളവരാണ്.എങ്കില്‍ കൂടിയും താനൊരു ആളുമായി അടുത്തതിന്റെ പേരില്‍ നിലവിലെ സൗഹൃദങ്ങള്‍ തുടരുന്നതില്‍ എന്താണ് തെറ്റ്.അതിനെ മോശമായ് കാണുന്നതല്ലേ തെറ്റ്.

9.കല്യാണം കഴിക്കുന്നത് വരെ അധ്വാനിക്കാന്‍ തയ്യാറാണ് തുടര്‍ന്നല്ല.സ്ത്രീകളുടെ ഈ മനോഭാവം വില കുറഞ്ഞതായ് കാണുന്ന പുരുഷന്മാര്‍ അവരെ വേറുത്തില്ലെങ്കിലെ അത്ഭുതമുള്ളൂ.

മുന്‍ പരിചയമില്ലാത്ത യുവതിയെ ഫേസ്ബുക്കില്‍ ഫ്രണ്ടാക്കി ചാറ്റും മറ്റ് ബന്ധങ്ങളും തുടങ്ങിയ യുവാവിന് നഷ്ടമായത് സ്വന്തം ജീവന്‍
Posted by
30 September

മുന്‍ പരിചയമില്ലാത്ത യുവതിയെ ഫേസ്ബുക്കില്‍ ഫ്രണ്ടാക്കി ചാറ്റും മറ്റ് ബന്ധങ്ങളും തുടങ്ങിയ യുവാവിന് നഷ്ടമായത് സ്വന്തം ജീവന്‍

പതിവുപോലെ ഫേസ്ബുക്കില്‍ സുന്ദരികളായ പെണ്‍കുട്ടികള്‍ക്ക് ഫ്രണ്ട് റിക്വസ്റ്റ് അയച്ചു കൊണ്ടിരുന്നപ്പോള്‍ ആണ് അരുണിന് ഒരു റിക്വസ്റ്റ് വന്നത്. പണക്കാരന്‍ ആയ അച്ഛനും അമ്മയ്ക്ക് ഉള്ള ഒരേ ഒരു മകന്‍ ആണ് അരുണ്‍, വീട്ടില്‍ പൂത്ത ക്യാഷ് അതുകൊണ്ടു തന്നെ ബിസിനസ് എന്ന പേരില്‍ പണം ദൂര്‍ത്തടിച്ചു നടക്കലാണ് ജോലി ഒരു പരിചയവും ഇല്ലാത്ത സുന്ദരി ആയ പെണ്ണിന്റ റിക്വസ്റ്റ് വന്നപ്പോള്‍ അവന്‍ ഒന്ന് സംശയിച്ചു ആരെങ്കിലും പറ്റിക്കാന്‍ വേണ്ടി ചെയ്യുന്നതാണോ എന്ന് അത് കൊണ്ട് തന്നെ റിക്വസ്റ്റ് അച്‌സിപ്റ്റ് ചെയ്തു എങ്കിലും അവന്‍ മെസേജ് അയക്കാന്‍ താല്പര്യം കാണിച്ചില്ല

ഹായ് ..ഞാന്‍ രേഷ്മ .അരുണിന്റെ വാളില്‍ ഷെയര്‍ ചെയ്ത പോസ്റ്റുകള്‍ കണ്ടീട്ടു റിക്വസ്റ്റ് അയച്ചതാണ്. അതില്‍ സ്ത്രീകളെയും കുട്ടികളെയും കുറിച്ചൊക്കെ വളരെ നല്ല പോസ്റ്റുകള്‍ ആണ്. മാത്രമല്ല സ്ത്രീകളെയും കുട്ടികളെയും പീഡിപ്പിക്കുന്നവര്‍ക്കു വധ ശിക്ഷ നല്‍കണം എന്നും പറഞ്ഞു അരുണ്‍ ഒരു പോസ്റ്റ് ഇട്ടില്ലേ അതെനിക്ക് ഒരുപാടു ഇഷ്ടമായി. ദൈവമേ അപ്പോള്‍ ഫേക്ക് അല്ല അവന് ആശ്വാസമായി അരുണ്‍ എന്ത് ചെയ്യുന്നു.

ഞാന്‍ ബിസിനസ്.. രേഷ്മയോ ഞാന്‍ ഒരു വീട്ടമ്മ ഭര്‍ത്താവു സൗദിയില്‍ ആണ്. അത് കേട്ടതോടെ അരുണിന്റെ ഉള്ളില്‍ ഒരു മഴതുള്ളി കിലുക്കം നിറഞ്ഞു..കുട്ടികള്‍..മകനാണ് ആറാം ക്ലാസ്സില്‍ പഠിക്കുന്നു. പിന്നീടുള്ള അരുണിന്റെ ദിവസങ്ങള്‍ തുടങ്ങുന്നത് തന്നെ രേഷ്മക്കു വേണ്ടി ആയിരുന്നു

രാവിലെയും രാത്രിയും അവള്‍ക്കുള്ള മെസ്സേജുകള്‍ കൃത്യമായി അയക്കാന്‍ അവന് ശ്രദ്ധിച്ചു. എങ്ങനെ എങ്കിലും അവളെ വളക്കണം എന്നതായിരുന്നു അവന്റെ മനസ്സില്‍. ഒരു ദിവസം ചാറ്റ് ചെയ്തു ചെയ്തു രാത്രി ഒരു മണി ആയി. ഇത്രയും സമയം തന്നോട് ചാറ്റ് ചെയ്യുന്ന ഈ പെണ്ണ് ആഗ്രഹിക്കുന്നതും മറ്റൊന്നായിരിക്കില്ല എന്ന് അവന്റെ മനസ്സ് പറഞ്ഞു. പതിയെ അവന്‍ ചാറ്റിന്റെ രീതികള്‍ മാറ്റി

ഇവിടെ നല്ല മഴയാ.. ആണോ..ഇവിടെ ചൂടാണ് എന്നാല്‍ ഇങ്ങോട്ടു പോന്നോളൂ.. അയ്യോടാ ചെക്കന്റെ പൂതി കൊള്ളാല്ലോ..ഞാന്‍ വന്നാല്‍ എന്ത് തരും ..എന്ത് വേണം.അതുപിന്നെ ഒന്നും വേണ്ട. അത് പറ്റില്ല എന്ത് വേണമെന്ന് പറ… വേണ്ടാട്ടോ ഞാന്‍ തമാശ പറഞ്ഞതാ

പിന്നീടുള്ള അവരുടെ ചാറ്റുകള്‍ പലപ്പോഴും പരിധികള്‍ ഇല്ലാതെ പറന്നു നടന്നു. അവന്റെ മനസ്സില്‍ പ്രണയം പൂത്തു തളിര്‍ത്തു. പ്രണയം എന്ന് പറയുന്നതിലും നല്ലതു അവളെ വളച്ചു കാര്യം സാധിക്കുക എന്നതായിരുന്നു. എനിക്ക് കാണാന്‍ തോന്നുന്നു

അയ്യോടാ അങ്ങനെ ഇപ്പോള്‍ കണ്ടു സുഖിക്കണ്ട. ദിവസങ്ങള്‍ പ്രണയ സുരഭിലമായി കടന്നു പോയി..അവന്റെ നിര്‍ബന്ധത്തിനു വഴങ്ങി ഒരു ദിവസം അവള്‍ കാണാം എന്ന് ഏറ്റു..അരുണ്‍ നാളെ നീ ഫ്രീ ആണോ…അതേല്ലോ..എന്നാല്‍ ഞാന്‍ എറണാകുളം വരുന്നുണ്ട് നീ ഫ്രീ ആണെകില്‍ നമുക്ക് കാണാം

അവന്റെ മനസ്സില്‍ ഒരായിരം പൂത്തിരികള്‍ ഒന്നിച്ചു തെളിഞ്ഞു..ഒരുപാടു നാളത്തെ കാത്തിരിപ്പായിരുന്നു അവളെ ഒന്ന് സ്വന്തമാക്കാന്‍…എവിടെ വച്ച് കാണും…നീ മറൈന്‍ ഡ്രൈവില്‍ വരുമോ.. അത് വേണ്ട ആരെങ്കിലും കണ്ടാലോ…പ്രൈവറ്റ് ആയിട്ടുള്ള സ്ഥലം മതി

അതുകൂടി കേട്ടപ്പോള്‍ അവന്‍ കോരി തരിച്ചു…അവളെ കുറ്റം പറഞ്ഞിട്ട് കാര്യമില്ലല്ലോ ഭര്‍ത്താവ് സൗദിയില്‍ അവള്‍ക്കു കാണില്ലേ ആഗ്രഹങ്ങള്‍. അങ്ങനെ അവര്‍ നഗരത്തിലെ ഹോട്ടല്‍ മുറിയില്‍ കണ്ടുമുട്ടാന്‍ തീരുമാനിച്ചു…അരുണ്‍ ഞാന്‍ വരുമ്പോള്‍ ആരെങ്കിലും കണ്ടാലോ..ഞാന്‍ ഒരു പര്‍ദ്ദ ഇട്ടു വന്നാലോ

അത് കൊള്ളാം അപ്പോള്‍ ആരും കാണില്ല..മൂന്നു മണിക്കാണ് രേഷ്മ വരം എന്ന് പറഞ്ഞത് എന്നാലും അവനു കാത്തിരിക്കാന്‍ പറ്റാത്ത പോലെ രണ്ടു മാണി ആയപോളെക്കും അവന് ഹോട്ടല്‍ മുറിയില്‍ എത്തി…കൃത്യം മൂന്നു മണിക്ക് തന്നെ അവള്‍ എത്തി അവളുടെ ശരീരത്തില്‍ നിന്നും വന്ന ഏതോ സ്‌പ്രേയുടെ സുഗന്ധം അവിടെ എല്ലാം നിറഞ്ഞു. അതവനെ മത്തുപിടിപ്പിക്കുന്ന പോലെ തോന്നി .

പര്‍ദ്ദ മാറ്റിയപ്പോള്‍ അവളുടെ സൗദര്യം അവന്റെ മനസ്സില്‍ കുളിരു കോരിയിട്ടു…നാല്‍പതു വയസ്സ് ആയെങ്കിലും കണ്ടാല്‍ ഒരു മുപ്പതേ പറയു..വലിയ കണ്ണുകളും തുടുത്ത കവിളും..അവന്റെ മനസ്സില്‍ മോഹത്തിന് പക്ഷികള്‍ ചിറകടിച്ചു..അരുണ്‍ പുറത്തു എന്തൊരു ചൂടാണ് ..

വല്ലാത്ത ദാഹം..ചൂടൊക്കെ ഞാന്‍ മാറ്റി തരാം. എന്നും പറഞ്ഞു അവന്‍ അവളുടെ കയ്യില്‍ പിടിച്ചു..അരുണ്‍ വേണ്ടാട്ടോ. എനിക്ക് ദാഹിക്കുന്നു നീ എന്തെങ്കിലും ഓര്‍ഡര്‍ ചെയ്യൂ. അവന്‍ വേഗം വിളിച്ചു ജ്യൂസ് ഓര്‍ഡര്‍ ചെയ്തു. വെയ്റ്റര്‍ ജ്യൂസ് കൊണ്ട് വന്നപ്പോളേക്കും അവനെ അവളെ ചേര്‍ത്ത് പിടിച്ചു ഉമ്മകള്‍ കൊടുത്തു.. അവള്‍ വേണ്ട എന്ന് പറഞ്ഞിട്ടും അവന് കേട്ടില്ല

വെയ്റ്റര്‍ കൊണ്ട് വന്ന ജ്യൂസ് ഗ്ലാസില്‍ പകര്‍ന്നു അവന്റെ നേരെ നീട്ടി..അവന്‍ അവളുടെ അരയിലൂടെ കൈ ചുറ്റി ബെഡില്‍ ഇരുത്തി..ഗ്ലാസ് അവളുടെ ലിപ്സ്റ്റിക്ക് പുരട്ടി ചുവപ്പിച്ച ചുണ്ടിലേക്കു അടുപ്പിച്ചു..വേണ്ട അരുണ്‍ കുടിച്ചോളൂ എന്നിട്ടു ഞാന്‍ കുടിക്കാം..അവന്‍ പതിയെ ജ്യൂസ് കുടിച്ചിട്ട് അവളെ തന്റെ നെഞ്ചിലേക്ക് ചേര്‍ത്ത് പിടിച്ചു…

അയ്യേ ഈ ചെക്കന് എന്തൊരു ആര്‍ത്തിയ..അതുപിന്നെ നിന്നെ പോലെ ഉള്ള സുന്ദരി മുന്നില്‍ നിന്നാല്‍ ഏതൊരു ആണിനും ആര്‍ത്തി കൂടും
അയ്യോടാ ചെക്കാ അങ്ങനെ ആര്‍ത്തി തോന്നണ്ട ഞാന്‍ നിനക്ക് വേണ്ടി ഉള്ളതല്ലേ..ഈ ഒരു ദിവസത്തിന് വേണ്ടി ഞാന്‍ എത്ര കാത്തിരുന്നു എന്നറിയാമോ

അവള്‍ പതിയെ ജ്യൂസ് നിറച്ച ഗ്ലാസ് അവന്റെ ചുണ്ടയ്ക്കലിലേക്കു വീണ്ടും വീണ്ടും അടുപ്പിച്ചു അവന്‍ കുടിക്കുന്നതും നോക്കി അവന്റെ മടിയില്‍ കിടന്നു
അവന്റെ വിരലുകള്‍ അവളുടെ ശരീരത്തില്‍ പാമ്പിനെ പോലെ ഇഴഞ്ഞു നടന്നു. നീ ജ്യൂസ് കുടിക്കുന്നില്ലേ നിനക്ക് വല്ലാത്ത ദാഹം ആയിരുന്നല്ലോ..എന്റെ ദാഹം നിന്റ മാറില്‍ ചേര്‍ന്ന് കിടന്നപ്പോള്‍ തീര്‍ന്നു ഇനി കുറെ നേരം കഴിഞ്ഞു ക്ഷീണം മാറ്റാന്‍ ഞാന്‍ കുടിച്ചോളാം…

അപ്പോള്‍ ഷീണിക്കാന്‍ തയ്യാറായി ആണല്ലേ വന്നിരിക്കുന്നത്. അവന്‍ അവളെ ഇറുകെ പുണര്‍ന്നു നെഞ്ചോടു ചേര്‍ത്ത് പിടിച്ചു.
അവളുടെ കൈകള്‍ അവനെ വരിഞ്ഞു മുറുക്കി. അവളിലേക്ക് ഒരു വന്യമൃഗത്തെ പോലെ അവന് ചാടി വീണു അവനെന്തോ ക്ഷീണം തോന്നി .അവളുടെ കൈകള്‍ അവനെ വിടാതെ ചേര്‍ത്ത് അമര്‍ത്തി…അവനു ശ്വാസം മുട്ടുന്ന പോലെ തോന്നി.

രേഷ്മ വീടു എനിക്ക് ശ്വാസം മുട്ടുന്നു..അവളുടെ കൈകള്‍ അവനെ വിടാന്‍ ഭാവം ഇല്ലായിരുന്നു..അവന്‍ അവളുടെ കണ്ണുകളിലേക്കു നോക്കി..കണ്ണുകളില്‍ വന്യമായ ഒരു തിളക്കം..അവളുടെ കൈകളുടെ ശക്തി കൂടി കൂടി വന്നു…അവന്‍ ശ്വാസം കിട്ടാതെ പിടഞ്ഞു…നിനക്ക് എന്നെ ഓര്‍മ്മയുണ്ടോ എന്ന അവളുടെ ചോദ്യത്തിന് അവന്‍ ഇല്ല എന്നര്‍ത്ഥത്തില്‍ മെല്ലെ തലയാട്ടി.

മേഘ എന്ന മൂന്നു വയസുകാരിയെ നീ അറിയുമോ…ഓര്‍മ്മ കാണില്ല കാരണം അത് നിന്റെ ജീവിതത്തിലെ ആദ്യ സംഭവം ഒന്നും അല്ലല്ലോ…മൂന്നു വയസുകാരിയില്‍ നീ എന്ത് കാമം ആണ് കണ്ടത്…അവളെ പിച്ചിച്ചീന്തി വലിച്ചെറിഞ്ഞപ്പോള്‍ നീ അനുഭവിച്ച സുഖം…അന്ന് എന്റെ പൊന്നുമോള്‍ നിന്റെ കയ്യില്‍ ശ്വാസം കിട്ടാതെ പിടഞ്ഞപ്പോള്‍ അനുഭവിച്ച വേദന നീ അറിയണം…പണക്കൊഴുപ്പില്‍ നീ പലരെയും സ്വാധീനിച്ചു…തെളിവെല്ലാം ഇല്ലാതാക്കി

എന്റെ മകള്‍ പീഡനത്തിന് ഇരയായി മരിച്ചതാണെന്നു കോടതിക്ക് സംശയം ഇല്ല…എന്നിട്ടും തെളിവുകള്‍ ഇഴകീറി പരിശോധിച്ചപ്പോള്‍ നീ രക്ഷപെട്ടു കോടതിയാണ് പോലും നീതി കിട്ടാത്ത എത്രയോ ആത്മാക്കളുടെ ശാപവും പേറി .. നിയമങ്ങള്‍ നോക്കി കുത്തിയാക്കി പലരും രക്ഷപെടുമ്പോള്‍.

എന്നെ പോലെ ഉള്ളവര്‍ ശിക്ഷ വിധിക്കേണ്ടി വരുന്നു..നിന്നെ വെറുതെ വിട്ടു എന്നറിഞ്ഞത് മുതല്‍ നിന്റെ മരണം മാത്രമായിരുന്നു എന്റെ മനസ്സില്‍..
അതിനുള്ള പദ്ധതികള്‍ ആയിരുന്നു പിന്നീടുള്ള എന്റെ ജീവിതം.. കാരണം എന്റെ മകളുടെ ആത്മാവിനു ശാന്തി കിട്ടണം നീ ജീവിച്ചിരുന്നാല്‍ അവളുടെ ആത്മാവ് ഗതി കിട്ടാതെ അലയും…ശ്വാസം കിട്ടാതെ പിടയുമ്പോള്‍ ഉള്ള വേദന നീ അറിയണം..ഞാന്‍ നിനക്ക് പകര്‍ന്നു തന്ന വിഷത്തിന്റെ വീര്യം ഇപ്പോള്‍ നിന്നെ തളര്‍ത്തി കളഞ്ഞു .പതിയെ നീ മരണത്തിലേക്ക് വീഴും. അത് കണ്ടു എന്റെ മനസ്സ് സന്തോഷിക്കും

അവനെ ഒന്ന് കൂടി അവള്‍ ചേര്‍ത്ത് പിടിച്ചു കൈകള്‍ കഴുത്തില്‍ ചേര്‍ത്ത് അമര്‍ത്തി ..അവന്‍ പിടയുന്നത് കണ്ടു അവള്‍ പൊട്ടി ചിരിച്ചു.. ഒടുവില്‍ ചലനമറ്റു അവന്‍ താഴേക്ക് വീണപ്പോള്‍ ഒരു ചെറു പുഞ്ചിരിയോടെ അവള്‍ വന്നപോലെ പുറത്തേക്കു നടന്നു…മനസ്സില്‍ ഒരു മധുര പ്രതികാരത്തിന്റെ കുളിര്‍ അവള്‍ അനുഭവിക്കുകയായിരുന്നു.

കടപ്പാട് :ജിമ്മി ചേന്ദമംഗലം

നിങ്ങള്‍ സ്ഥിരമായി കാണുന്ന 16 സ്വപ്‌നങ്ങളും അവയുടെ അര്‍ത്ഥവും
Posted by
29 September

നിങ്ങള്‍ സ്ഥിരമായി കാണുന്ന 16 സ്വപ്‌നങ്ങളും അവയുടെ അര്‍ത്ഥവും

സ്വപ്‌നം കാണാത്തവരായി ആരുമുണ്ടാവില്ല. പലപ്പോഴും നമ്മള്‍ ഉണരുന്നതുതന്നെ ഏതെങ്കിലും സ്വപ്‌നത്തിന്റെ അവസാനത്തിലായിരിക്കും. എന്തായിരിക്കും ആ സ്വപ്‌നത്തിന്റെ അര്‍ത്ഥമെന്ന് ചിന്തിക്കാറുണ്ടോ? എല്ലാ സ്വപ്‌നങ്ങള്‍ക്കും ഓരോ അര്‍ത്ഥങ്ങളുണ്ട്. സൈക്കോളജിസ്റ്റും, സ്വപ്‌നവുമായി ബന്ധപ്പെട്ട് പഠനം നടത്തുന്നവരും, സ്വപ്‌നങ്ങളും അര്‍ത്ഥം വിശദീകരിച്ച് നല്‍കാറുണ്ട്. നമ്മള്‍ സാധാരണയായി കാണാറുള്ള സ്വപ്‌നങ്ങളും അവയ്ക്ക് ലഭിച്ചിട്ടുള്ള വിശദീകരണങ്ങളുമാണ് ഇവിടെ പരിശോധിക്കുന്നത്.

ചില സ്വപ്‌നങ്ങളും അതിന്റെ നിഗൂഢ അര്‍ത്ഥങ്ങളും

1. നിങ്ങളെ ആരോ പിന്‍തുടരുന്നു

എന്തോ ഒരു പ്രശ്‌നം നമ്മെ അലട്ടുന്നുണ്ട്. എന്നാല്‍ അത് എങ്ങനെ പരിഹരിക്കണമെന്ന് അറിയില്ല. ഇത് ഒരു പക്ഷേ ഒരു പ്രത്യേക അഭിലാഷം സഫലമാക്കാനുള്ള അവസരമായിരിക്കാം.
ഏത് സന്ദര്‍ഭത്തിലാണ് ആരാണ് അല്ലെങ്കില്‍ എന്താണ് നിങ്ങളെ പിന്തുടരുന്നത് എന്നതും പ്രാധാന്യം അര്‍ഹിക്കുന്നു. ഇത്തരം സ്വപ്‌നങ്ങള്‍ കാണാതിരിക്കുന്നതിന് ശരിക്കുള്ള ജീവിതത്തില്‍ ഈ സന്ദര്‍ഭത്തെ മറികടക്കണം.

2. വീഴുക

താഴേക്ക് വീണ് ഭൂമിയില്‍ പതിച്ചതായി സ്വപ്‌നം കണ്ടാല്‍ നിങ്ങള്‍ മരിക്കും എന്നു പറയുന്നത് വെറും കെട്ടുകഥയാണ്. വീഴുന്നതായുള്ള സ്വപ്‌നം സൂചിപ്പിക്കുന്നത് നിങ്ങളുടെ ജീവിതത്തിലെ കാര്യങ്ങള്‍ ശരിയായിട്ടല്ല പോകുന്നത് എന്നാണ്. നിങ്ങളുടെ ജീവിതത്തിലെ എന്തോ ഒന്ന് വളരെ പെട്ടന്ന് തെറ്റായ ദിശയിലേക്ക് ചലിക്കും എന്നതിന്റെ സൂചനയാണ് ഇതിലൂടെ ഉപബോധ മനസ്സ് തരുന്നത്. നിങ്ങളുടെ ബന്ധങ്ങള്‍, ജോലി, സാമ്പത്തികം അങ്ങനെ എന്തുമാകാം ഇത്. പൊതുവെ വിഷാദമുള്ളവരാണ് ഈ സ്വപ്‌നം സാധാരണയായി കാണുന്നത്.

3. നഗ്‌നരാവുക

വ്രണപ്പെട്ടതായോ തുറന്നു കാട്ടിയതായോ ഉള്ള അനുഭവമാണ് ഇത് സൂചിപ്പിക്കുന്നത്. ദി ഡ്രീമര്‍ ആന്‍ഡ് ദി ബീസ്റ്റ് എന്ന പുസ്‌കം എഴുതിയ കെയ്ത്ത് സ്റ്റീവന്‍സ് പറയുന്നു നമ്മുടെ പ്രാഥമികമായ സഹജവാസനകളെയും സ്വപ്‌ന വ്യാഖ്യാനത്തിലെ ‘ത്രട്ട് റിഹേഴ്‌സല്‍’ സിദ്ധാന്തവും എങ്ങനെയാണ് സ്വപ്‌നം കൈകാര്യം ചെയ്യുന്നതെന്ന് , ആദിമകാലത്ത് നഗ്‌നനാക്കപ്പെടുന്നതായി സ്വപ്‌നം കാണുന്നത് നിങ്ങള്‍ക്ക് ഗുണകരമല്ല എന്നാണ് കണക്കാക്കിയിരുന്നത്. അത് ചെറുക്കാനുള്ള വഴികണ്ടെത്താനുള്ള സൂചന കൂടിയാണിത് . അങ്ങനെ ഇത്തരം സ്വപ്‌നങ്ങള്‍ ഗുണകരമല്ലാത്ത അവസ്ഥയില്‍ ചെന്നു പെടാതിരിക്കാനുള്ള ബോധം ഉണര്‍ത്തും.ആലങ്കാരികമായി പറഞ്ഞാല്‍ പൊതു സമൂഹത്തില്‍ നഗ്‌നനനാക്കപ്പെടുന്നത് സൂചിപ്പിക്കുന്നത് വൈകാരികമായി നിങ്ങളുടെ തുറന്ന് കാട്ടല്‍ ആണ്. ഉദാഹരണത്തിന് വളരെ ഹാനികരമായ വ്യക്തിപരമായ രഹസ്യം തുറന്ന് പറയുക.

4. വെള്ളം

വ്യത്യസ്ത തരത്തില്‍ നമ്മള്‍ വെള്ളം സ്വപ്‌നം കാണാറുണ്ട്. സുന്ദരമായൊരു തടാകമാണ് സ്വപ്‌നമെങ്കില്‍ നിങ്ങളുടെ മനസിന്റെ ശാന്തതയാണ് ഈ സ്വപ്‌നം കാണിക്കുന്നത്. കടലുരകള്‍ അസ്വസ്ഥമായ മനസിനെയാണ് സൂചിപ്പിക്കുന്നത്.

5. പല്ല് കൊഴിയുക

പരിണാമകാലം തൊട്ട് നിലനില്‍പ്പിനും ( കഴിക്കാന്‍ പല്ലുകള്‍ വേണം) പ്രത്യുത്പാദനത്തിനും ( നല്ല ഇണയെ ആകര്‍ഷിക്കാന്‍) പല്ലുകള്‍ക്ക് ഏറെ പ്രാധാന്യമുണ്ട്. പല്ല് കൊഴിയുന്ന സ്വപ്‌നം നല്‍കുന്നത് സ്വന്തം രൂപത്തെ സംരക്ഷിക്കാനുള്ള ബോധമാണന്ന് കെയ്ത്ത് സ്റ്റീവന്‍സ് പറയുന്നു. പ്രതീകാത്മകമായി പറഞ്ഞാല്‍, പല്ലുകള്‍ നിങ്ങളുടെ ശക്തിയെയും ആത്മവിശ്വാസത്തെയുമാണ് സൂചിപ്പിക്കുന്നത്, അതുകൊണ്ട് അവ നഷ്ടപ്പെടുന്നതായി സ്വപ്‌നം കാണുന്നത് നിങ്ങളുടെ ആത്മവിശ്വാസം നഷ്ടപ്പെടുത്തുന്ന എന്തിനോയോ കുറിച്ചുള്ള സൂചനയാണ്.

6. പരീക്ഷ

പരീക്ഷകള്‍ എപ്പോഴും ആത്മ പരിശോധനകളാണ്. ഇത്തരം സ്വപ്‌നങ്ങള്‍ സൂചിപ്പിക്കുന്നത് നിങ്ങള്‍ എന്തിനോ വേണ്ടിയുള്ള അന്വേഷണത്തിലാണ് എന്നതാണ്.

7. വാഹനങ്ങള്‍

നിങ്ങളെ ആരൊക്കെയോ നിയന്ത്രിക്കന്നുണ്ട് എന്ന തോന്നല്‍ നിങ്ങള്‍ക്ക് ഉണ്ട് എന്നതാണ് ഇത്തരം സ്വപ്‌നങ്ങള്‍ കാണിക്കുന്നത്. ഉദാഹരണത്തിന് ഒരു കാര്‍ നിയന്ത്രണം വിട്ട് പോകുന്നതാണ് നിങ്ങളുടെ സ്വപ്‌നമെങ്കില്‍ നിങ്ങളെക്കൂടാതെ മറ്റാരോകൂടി നിങ്ങളെ നിയന്ത്രിക്കുന്നുണ്ടെന്നാണ് അര്‍ത്ഥം.

8. മരണം

നിങ്ങളുടെ സുഹൃത്തുക്കളുടെയോ നിങ്ങള്‍ സ്‌നേഹിക്കുന്ന ആള്‍ക്കാരുടെയോ മരണമാണ് നിങ്ങള്‍ സ്വപ്‌നം കാണുന്നതെങ്കില്‍ അതൊരു മാറ്റത്തെയാണ് സൂചിപ്പിക്കുന്നത്. അത് പുതിയൊരു തുടക്കമോ ഏതെങ്കിലും ഒരു പ്രവര്‍ത്തനം അവസാനിപ്പിക്കുന്നതോ ആവാം. നിങ്ങള്‍ക്ക് അടുത്തിടെ എന്തെങ്കിലും നഷ്ടപ്പെട്ടിട്ടുണ്ടെങ്കില്‍ അതിലേക്ക് തിരിച്ചുവരും എന്നുള്ള സൂചനയുമാവാം ഇത്തരം സ്വപ്‌നങ്ങള്‍.

9. പറക്കുന്നു

യഥാര്‍ത്ഥ ജീവിതത്തില്‍ മറ്റുള്ളവരാല്‍ അടിച്ചമര്‍ത്തിയ സാഹചര്യത്തില്‍ നിന്നും നിങ്ങള്‍ രക്ഷപ്പെട്ടു എന്നതാണ് ഇത് സൂചിപ്പിക്കുന്നത്.

10. ചിലന്തികള്‍

ചിലന്തികളെ സ്വപ്‌നം കാണുന്നത് സൂചിപ്പിക്കുന്നത് സ്വപ്‌നം കാണുന്ന ആളെ ഒരു സാഹചര്യം അല്ലെങ്കില്‍ വ്യക്തി കൗശലത്താല്‍ സ്വാധീനിക്കും എന്നാണ്. ചിലന്തി വിഷമുള്ളതാണെങ്കില്‍ വളരെ വിഷമുള്ള, ഒരു പക്ഷെ മരണകാരണമായേക്കാവുന്ന ശക്തികളെ കുറിച്ച് സ്വപ്‌നം കണ്ടവര്‍ക്ക് ജാഗ്രത വേണമെന്ന് റിച്ച് മോണ്ട് പറയുന്നു. ഉണര്‍ന്നിരിക്കുമ്പോള്‍ ചിലന്തികളെ ഭയമുള്ളവരാണെങ്കില്‍ സ്വപ്‌നത്തിന്റെ അര്‍ത്ഥം വ്യത്യസ്തമാണ്: അവന്‍/ അവള്‍ ഈ പേടിയെ മറികടക്കണം . പൊതുവെ പ്രാണികളെ സ്വപ്‌നം കണ്ടാല്‍ അര്‍ത്ഥമാക്കുന്നത് എന്തോ നിങ്ങളെ ഭയപ്പെടുത്തുന്നുണ്ട് എന്നാണ്.

11. മൃഗങ്ങള്‍

നിങ്ങളുടെ മാനസികാവസ്ഥയുടെ ഭാഗമായാണ് നിങ്ങള്‍ മൃഗങ്ങളെ സ്വപ്‌നം കാണുന്നത്. ഇത്തരം സ്വപ്‌നങ്ങള്‍ പ്രകൃതിയുമായും രക്ഷപ്പെടലുമായും ബന്ധപ്പെട്ടുകിടക്കുന്നു. നിങ്ങളെ മൃഗം ഓടിക്കുന്ന സ്വപ്‌നമാണ് നിങ്ങള്‍ കാണുന്നതെങ്കില്‍ അതിനര്‍ത്ഥം നിങ്ങള്‍ പേടിയോ ദേഷ്യമോ പോലുള്ള വികാരങ്ങള്‍ക്ക് അടിമപ്പെട്ടിരിക്കുകയാണ് എന്നതാണ്.

12. വസ്ത്രങ്ങള്‍

മറ്റുള്ളവര്‍ നമ്മളെ ഏങ്ങനെ മനസിലാക്കണമെന്നാണ് നമ്മള്‍ ആഗ്രഹിക്കുന്നത് എന്നാണ് ഈ സ്വപ്‌നങ്ങളുടെ അര്‍ത്ഥം. പഴയ വസ്ത്രങ്ങളാണ് നിങ്ങള്‍ സ്വപ്‌നം കാണുന്നതെങ്കില്‍ നിങ്ങള്‍ ക്ഷീണിച്ചിരിക്കുകയാണെന്നോ അല്ലെങ്കില്‍ നിങ്ങളില്‍ മറ്റുള്ളവര്‍ ആകര്‍ഷിക്കപ്പെടുന്നില്ല എന്ന തോന്നല്‍ നിങ്ങള്‍ക്കുണ്ട് എന്നതോ ആണ് അര്‍ത്ഥം.

13. കുന്നുകള്‍

കുന്നുകള്‍ എപ്പോഴും തടസ്സങ്ങള്‍ നിറഞ്ഞതാണ്. നിങ്ങള്‍ ഒരു കുന്ന് വിജയകരമായി കയറുന്നതാണ് സ്വപ്‌നം കാണുന്നതെങ്കില്‍ നിങ്ങളുടെ വിജയമാണ് സ്വപ്‌നം സൂചിപ്പിക്കുന്നത്. ആദ്യ ദൃശ്യത്തില്‍ തവന്നെ കൊടുമുടിയാണ് നിങ്ങള്‍ കാണുന്നതെങ്കില്‍ നിങ്ങള്‍ മുന്‍വിധിയോടെ കാര്യങ്ങളെ സമീപിക്കുന്നയാളാണ് എന്നാണ് അര്‍ത്ഥം.

14. വിദ്യാലയങ്ങള്‍

സ്‌കൂള്‍ വിദ്യാര്‍ത്ഥികളുടെ സ്ഥിരം സ്വപ്‌നമാണ് വിദ്യാലയങ്ങള്‍. പക്ഷേ വലുതായ ശേഷവും എന്തുകൊണ്ടാണ് ഇതേ സ്വപ്‌നം തന്നെ കാണുന്നത്? ഈ സ്വപ്‌നങ്ങള്‍ സ്വയം മനസിലാക്കുന്നതിനും സ്വയം അറിയുന്നതിനും വേണ്ടിയാണ്.

15. വീടുകള്‍

വീടുകള്‍ക്ക് ധാരാളം അര്‍ത്ഥങ്ങള്‍ ഉണ്ട്. നിങ്ങളുടെ ഉള്‍മനസിനെയാണ് ഇത്തരം സ്വപ്‌നങ്ങള്‍ സൂചിപ്പിക്കുന്നത്. ഓരോ റൂമുകളും വ്യത്യസ്ത വികാരങ്ങളെയും ഓര്‍മകളെയും എന്തെങ്കിലും പരിപാടികളുടെ വിശദീകരണങ്ങളെയും ആണ് സൂചിപ്പിക്കുന്നത്.

16. കുട്ടികള്‍

നിങ്ങള്‍ക്ക് രക്ഷിതാവാന്‍ ആഗ്രമുണ്ട് എന്നതിന്റെ സൂചനയായാണ് കുട്ടികളെ സ്വപ്‌നം കാണുന്നത്. അല്ലെങ്കില്‍ നിങ്ങളുടെ തന്നെ അശ്രദ്ധയോ സ്‌നേഹിക്കപ്പെടാനുള്ള ആഗ്രഹമോ ആവാം ഇത്തരം സ്വപ്‌നങ്ങള്‍ കാണാന്‍ കാരണം. പുതിയൊരു തുടക്കത്തിന്റെ ലക്ഷണമായും ഇത്തരം സ്വപ്‌നങ്ങളെ വ്യാഖ്യാനിക്കാം.

സന്തോഷത്തിന്റെയും ആസ്വാദനത്തിന്റെയും നാളുകള്‍, ജീവിതം മാറി മറിഞ്ഞത് ഒറ്റ ദിവസംകൊണ്ട്; ജീവിതത്തില്‍ ചിരിച്ച് കളിച്ച് ഒപ്പം നടന്ന അച്ഛന്‍ ക്രൂരനായതിനു പുറകില്‍…
Posted by
26 September

സന്തോഷത്തിന്റെയും ആസ്വാദനത്തിന്റെയും നാളുകള്‍, ജീവിതം മാറി മറിഞ്ഞത് ഒറ്റ ദിവസംകൊണ്ട്; ജീവിതത്തില്‍ ചിരിച്ച് കളിച്ച് ഒപ്പം നടന്ന അച്ഛന്‍ ക്രൂരനായതിനു പുറകില്‍...

ഏതൊരു കുട്ടിയെയും കുഴപ്പിക്കുന്ന ഒരു ചോദ്യമാണ് അച്ഛനെയാണോ, അമ്മയെയാണോ ഇഷ്ടം എന്നുള്ളത്. എന്നാല്‍ കുറച്ച് അറിവു വന്നാല്‍ മുക്കി മുളി കുഞ്ഞുങ്ങള്‍ ആദ്യം പറയുന്നത് അമ്മ എന്ന പദമായിരിക്കും. അമ്മയുടെ സ്‌നേഹം മാത്രമായിരിക്കും കുട്ടി ഏറ്റവും കൂടുതല്‍ അനുഭവിക്കുന്നത്. അതിന്റെ അടിസ്ഥാനത്തിലാണ് കുട്ടിയോടു ചേദിക്കുമ്പോള്‍ അമ്മ എന്ന മറുപടി ലഭിക്കുന്നത്. ഒരു കുട്ടിക്ക് ജന്മം ഉടലെടുക്കുമ്പോള്‍ മുതല്‍ വളര്‍ത്തി വലുതാക്കി കൊണ്ടുവന്ന് നല്ല നിലയില്‍ എത്തിക്കുന്നതുവരെ അച്ഛന്‍ ചോര നീരാക്കുന്നത് ആരുടെയും ശ്രദ്ധയില്‍പ്പെടുന്നില്ല എന്നതാണ് സത്യം. ജീവിതം കരയ്ക്കടുപ്പിക്കാന്‍ ശ്രമിക്കുന്ന അച്ഛന്‍ മക്കളോട് ചിരിച്ചു കളിക്കുന്നില്ല എന്നതുകൊണ്ടാവാം മക്കള്‍ ഒരു പക്ഷേ അമ്മയോട് ഇഷ്ട കൂടുതല്‍ കാണിക്കുന്നത്. മക്കള്‍ക്ക് എന്തെങ്കിലും ചെറിയ അസ്സുഖം വന്നാല്‍ ആദ്യം ചോര പൊടിയുന്നത് അച്ഛന്റെ നെഞ്ചിലായിരിക്കും എന്നത് സത്യം. സമാന രീതിയിലുള്ള ജീവിതമാണ് അശോക് എന്ന ഗൃഹനാഥന്റെയും.

ചെറിയ ബിസിനസാണ് അശോകനുള്ളത്. വലിയ വരുമാനമൊന്നും അതില്‍നിന്ന് ഇല്ലെങ്കിലും, തന്നെ ആശ്രയിച്ചുകഴിയുന്ന ഭാര്യക്കും കുട്ടികള്‍ക്കും ജീവിതത്തില്‍ ഒരുതരത്തിലുള്ള ബുദ്ധിമുട്ടും ഉണ്ടാവരുത് എന്ന് അദ്ദേഹത്തിന് നിര്‍ബന്ധമുണ്ടായിരുന്നു. അതുകൊണ്ട്, എത്ര ബുദ്ധിമുട്ടിയാണെങ്കിലും അവരുടെ എല്ലാ ആവശ്യങ്ങളും സാധിച്ചുകൊടുക്കുമായിരുന്നു. കോളേജില്‍ പഠിക്കുന്ന മക്കള്‍ക്ക് പോക്കറ്റ് മണിയുള്‍പ്പെടെ നല്‍കുന്നതില്‍ ഉത്സാഹമായിരുന്നു. അതിന്റെ ഫലമായി ലക്ഷക്കണക്കിന് രൂപയുടെ കടവും വരുത്തിവച്ചു.

എന്നാല്‍, പെട്ടെന്നാണ് താന്‍ ഒരു വലിയ മാറാരോഗത്തിന് അടിമയാണ് എന്ന് അദ്ദേഹം മനസ്സിലാക്കുന്നത്. ചികിത്സയ്ക്കുള്ള പണമൊന്നും അദ്ദേഹത്തിന്റെ കൈവശമില്ലായിരുന്നു. എന്നാല്‍, താന്‍ മരിച്ചാല്‍ തന്റെ ഭാര്യയുടേയും മക്കളുടേയും കാര്യമോര്‍ത്തായിരുന്നു അദ്ദേഹം വിഷമിച്ചത്. എങ്ങനെ അവര്‍ ജീവിക്കുമെന്നു മാത്രമല്ല, എങ്ങനെ കടങ്ങള്‍ വീട്ടുമെന്നതും അശോകിനെ ഏറെ അസ്വസ്ഥനാക്കി. പിന്നീട് ചില ശക്തമായ സാമ്പത്തിക തീരുമാനങ്ങള്‍ എടുക്കാന്‍ അദ്ദേഹം തീരുമാനിച്ചു. മക്കള്‍ക്ക് നല്‍കുന്ന പോക്കറ്റ് മണി വെട്ടിക്കുറച്ചു. തന്റെ ഭാര്യയും മക്കളും സുഖലോലുപതയുള്ള ജീവിതത്തിന് അടിമയാണെന്ന് അദ്ദേഹം മനസ്സിലാക്കി. അതുകൊണ്ട്, എല്ലാക്കാര്യത്തിലും ശക്തമായ സാമ്പത്തിക നിയന്ത്രണം ഏര്‍പ്പെടുത്തി. ഭാര്യയെയും തന്റെ ബിസിനസില്‍ പങ്കാളിയാക്കി.

പണവും ബിസിനസും കൈകാര്യം ചെയ്യുന്നതില്‍ പ്രാപ്തയാക്കി. തുടര്‍ന്ന് കടങ്ങള്‍ വീട്ടാന്‍ സാധിച്ചു. അച്ഛന്റെ ഈ മാറ്റം മനസ്സില്ലാമനസ്സോടെ മക്കള്‍ സ്വീകരിച്ചു. പഴയ അച്ഛനെയായിരുന്നു അവര്‍ക്കിഷ്ടമെന്നു പറഞ്ഞ് പലപ്പോഴും കുറ്റപ്പെടുത്തുകയും പരിഹസിക്കുകയും ചെയ്തു. അച്ഛന്റെ രോഗം തീര്‍ത്തും വഷളായപ്പോള്‍ മാത്രമാണ് കുടുംബാംഗങ്ങള്‍ക്ക് ഈ ഭാവമാറ്റത്തിന്റെ അര്‍ഥം മനസ്സിലായത്. സാമ്പത്തിക പിടിപ്പുകേടിന് പഴി കേള്‍ക്കേണ്ടിവരുന്നവര്‍ നമുക്കുചുറ്റും ധാരാളമുണ്ട്. ദുര്‍ന്നടപ്പുകാരും കുടുംബം അന്വേഷിക്കാത്തവരും മദ്യപാനികളുമായ കുറച്ചാളുകളുടെ പേരില്‍, മറ്റു ഗൃഹനാഥന്മാരുടെ വിയര്‍പ്പ് കാണാതെ പോവുകയാണ് ചെയ്യുന്നത്.

എന്നാല്‍, വന്‍വൃക്ഷം പോലെ തണലേകുന്നവര്‍ ധാരാളമുണ്ട്. പത്തുമാസം ചുമന്ന കഥ അമ്മ പല പ്രാവശ്യം പറഞ്ഞിട്ടും രാത്രിയെ പകലാക്കി മാറ്റി പണിയെടുത്ത കഥ ഒരിക്കലും പറയാത്ത അച്ഛന്‍ ഒരു ഇതിഹാസമാണ്. ‘കുഞ്ഞിന് വേദനിക്കുമോ’ എന്നു ഭയന്ന്, അമ്മയുടെ വീര്‍ത്തുവരുന്ന വയറില്‍ പതുക്കെ തഴുകിയ സ്‌നേഹമാണച്ഛന്‍. മകളെ വിവാഹം കഴിച്ച് യാത്രയാക്കുന്ന നിമിഷം അച്ഛന്റെ കണ്ണുകളിലേക്ക് നോക്കണം, കടലോളം ദുഃഖം ഒളിപ്പിച്ചു വച്ച് അഭിമാനത്തോടെ തലയുയര്‍ത്തി നില്‍ക്കുമ്പോഴും ആ കണ്ണുകളില്‍ നനവുണ്ടാവും. അതുകൊണ്ട് അമ്മയെന്ന പുഴയെ ധ്യാനിച്ച്, അച്ഛനെന്ന കടലിലെത്താന്‍ മറക്കരുത്.

അച്ഛന്റെ സ്‌നേഹത്തിലെ അധികാരഭാവം സൃഷ്ടിക്കുന്ന അകല്‍ച്ച വലുതാവുമ്പോള്‍, മക്കള്‍ക്ക് അവര്‍ അപ്രാപ്യമാവുന്നതു പോലെയാവും. എന്നാല്‍, മക്കളെ തല്ലിയതിനു ശേഷം അവര്‍ക്ക് വേദനിച്ചോ എന്ന് അവരറിയാതെ അമ്മയോട് ചോദിക്കുന്ന മൃദുലവികാരമാണച്ഛന്‍. അതുകൊണ്ടാണ്, പിണങ്ങി ഉറങ്ങുന്ന മക്കളെ നോക്കി ‘എനിക്കും വിശപ്പില്ല’ എന്നു പറയുന്നത്. കരയുന്ന അച്ഛനെ മക്കള്‍ കണ്ടിട്ടുണ്ടാവില്ല. പക്ഷേ, അമ്മ കണ്ടിട്ടുണ്ടാവും. സിഗ്മണ്ട് ഫ്രോയിഡിന്റെ അഭിപ്രായത്തില്‍, ‘കുട്ടിക്കാലത്ത് അച്ഛനെപ്പോലെ സംരക്ഷണം നല്കാന്‍ മറ്റാര്‍ക്കുമാവില്ല’.

നിങ്ങളുടെ പ്രണയിനി ഇങ്ങനെയൊക്കെയാണോ?; എങ്കില്‍ സൂക്ഷിക്കു അവള്‍ കൈവിട്ട് പോവുകയാണ്‌
Posted by
24 September

നിങ്ങളുടെ പ്രണയിനി ഇങ്ങനെയൊക്കെയാണോ?; എങ്കില്‍ സൂക്ഷിക്കു അവള്‍ കൈവിട്ട് പോവുകയാണ്

ഒരു പനിനീര്‍ പുഷ്പം വിരിയും പോലെ മനോഹരമാണ് ആത്മാര്‍ഥമായൊരു സ്‌നേഹബന്ധം എന്നാണ് പലരും പറയാറുള്ളത്. പുലര്‍ക്കാലത്തില്‍ പെയ്യുന്ന മഞ്ഞിന്‍ കണങ്ങളുടെ നൈര്‍മല്യം ആണ് ഇത്തരം ബന്ധങ്ങള്‍ക്കുണ്ടാകുമെങ്കിലും ഒരു നിമിഷം കൊണ്ട് ഇതെല്ലാം നഷ്ടമായേക്കാം. മിക്കസ്‌നേഹ ബന്ധങ്ങള്‍ തകരുന്നതിന് പിന്നിലും വ്യക്തമായ കാരണങ്ങള്‍ തന്നെ പറയാന്‍ ചിലപ്പോള്‍ ഉണ്ടാവില്ല. ഒന്നു ശ്രദ്ധിച്ചാല്‍ ഇങ്ങനെയുളള അകാരണമായ പ്രണയ ദുരന്തങ്ങള്‍ ഒഴിവാക്കാം. നിങ്ങള്‍ക്ക് പ്രണയമുണ്ടോ? അല്ലെങ്കില്‍ ഒരു പങ്കാളിയുണ്ടോ? മനസ്സ് തുറന്ന് സ്‌നേഹിക്കുന്ന ഒരു പെണ്‍സുഹൃത്തുണ്ടോ? ഇവരിലാര്‍ക്കെങ്കിലും ഈ ലക്ഷണങ്ങള്‍ കണ്ടാല്‍ സുക്ഷിക്കുക. അവര്‍ നിങ്ങളില്‍ നിന്ന് അകലുന്നുണ്ട്.

അവള്‍ പതിവുകള്‍ തെറ്റിക്കുന്നുണ്ടോ?. മുന്‍പത്തെപ്പോലെ നിങ്ങളുടെ സംസാരങ്ങള്‍ക്കും വാക്കുകള്‍ക്കും അവളെ സന്തോഷിപ്പിക്കാന്‍ കഴിയുന്നില്ലേ?

കൊച്ചു കൊച്ചു കാര്യങ്ങള്‍ക്കു പോലും നിരന്തരം കലഹിക്കുന്നുണ്ടോ? ‘എനിക്കു കുഴപ്പമൊന്നുമില്ല ഞാന്‍ പഴയപോലെയാണ്’ എന്ന് നിങ്ങളെ ബോധ്യപെടുത്താന്‍ ശ്രമിക്കുകയും എന്നാല്‍ പഴയപോലെ സംസാരിക്കാന്‍ താല്‍പര്യം പ്രകടിപ്പിക്കാതിരിക്കുകയും ചെയ്യുന്നുണ്ടോ? എങ്കില്‍ സൂക്ഷിക്കുക.
നിങ്ങളുടെ ഫോണ്‍ വിളികള്‍ക്ക് കൃത്യമായി പ്രതികരിക്കാതിരിക്കുന്നുണ്ടോ? നിങ്ങളുടെ മെസേജുകളെ കണ്ടില്ലന്നു നടിക്കുന്നുണ്ടോ?
അവള്‍ക്കു വരുന്ന ഫോണുകള്‍ നിങ്ങളുടെ മുമ്പില്‍ നിന്ന് അവഗണിക്കാന്‍ ശ്രമിക്കുന്നുണ്ടോ? ഒന്നു ശ്രദ്ധിച്ചോളു.

അവളുടെ ഫാഷനില്‍ മാറ്റം വരുന്നുണ്ടോ?
നിങ്ങള്‍ക്കപരിചിതമായ മറ്റു ഫാഷനുകള്‍ തിരഞ്ഞെടുക്കുന്നുണ്ടെങ്കില്‍ ശ്രദ്ധിക്കുക അവള്‍ മറ്റാരെയോ ഇംപ്രസ്‌ചെയ്യാന്‍ ശ്രമിക്കുന്നുണ്ട്.
പ്രത്യേകിച്ച് കാരണങ്ങളൊന്നുമില്ലാതെ ജോലി സമയം മാറ്റുന്നുണ്ടെങ്കില്‍ അവള്‍ നിങ്ങളെ ഒഴിവാക്കാനുളള ശ്രമം നടത്തുന്നുണ്ടാകും. അസാധാരണമായ രീതിയിലുളള സമയമാറ്റം നിങ്ങളെ ഒഴിവാക്കാനുളള ഏറ്റവും നല്ല മാര്‍ഗമായി അവള്‍ തിരഞ്ഞെടുക്കുന്നു.

പഴയതിനെക്കാള്‍ സൗന്ദര്യത്തെക്കുറിച്ച് ബോധവതിയാകുന്നുണ്ടോ?

നിങ്ങളില്‍ നിന്ന് അകലുന്നതൊടൊപ്പം കൂടുതല്‍ സുന്ദരിയാകുന്നതിനുളള ശ്രമം നടത്തുന്നുണ്ടെങ്കില്‍ ഉറപ്പിക്കാം അവള്‍ മറ്റാരിലോ ആകൃഷ്ടയായിരിക്കുന്നു.

പതിവുകള്‍ തെറ്റിച്ച് അവള്‍ നിങ്ങളറിയാതെ സ്ഥിരമായി സുഹൃത്തുക്കള്‍ക്കൊപ്പം പുറത്തു പോകുന്നുണ്ടോ?
ഈ പറഞ്ഞ ലക്ഷണങ്ങള്‍ നിങ്ങളുടെ പങ്കാളിക്കോ കാമുകിക്കോ പെണ്‍സുഹൃത്തിനോ ഉണ്ടെങ്കില്‍ ഇനി മനസു തുറന്നു സംസാരിക്കാന്‍ വൈകരുത്. നിങ്ങളറിയാത്ത കാരണത്താല്‍ അവള്‍ നിങ്ങളില്‍ നിന്ന് അകന്നു കൊണ്ടിരിക്കുകയാണ്. ഒന്നു മനസുതുറന്നു സംസാരിച്ചാല്‍ എല്ലാം പഴയതുപൊലെയാക്കാം, ജിവിതം തിരിച്ചു പിടിക്കാം. വേഗമാകട്ടെ ഇനി വൈകിയാല്‍ എല്ലാം കൈവിട്ടു പോയേക്കാം

ലക്ഷണങ്ങള്‍ നേരത്തെ തിരിച്ചറിഞ്ഞ് മനസുതുറന്ന് സംസാരിച്ചാല്‍ നിങ്ങള്‍ക്ക് വലിയ ദുരന്തങ്ങളില്‍ നിന്നും നിരാശയില്‍ നിന്നും രക്ഷപെടാന്‍ കഴിയും. പതിവുകള്‍ തെറ്റുമ്പോള്‍ തിരിച്ചറിയുക നിങ്ങളുടെ പങ്കാളി നിങ്ങളില്‍ നിന്ന് അകലുകയാണ്. എന്നന്നേക്കുമായി അകന്നു പോകാതിരിക്കാന്‍ മനസു തുറന്ന് സംസാരിച്ച് പ്രശ്‌നങ്ങള്‍ കണ്ടെത്തി പരിഹരിക്കുക.

പഴയ കാമുകിയെ മറക്കാന്‍ ചില എളുപ്പ വഴികള്‍
Posted by
24 September

പഴയ കാമുകിയെ മറക്കാന്‍ ചില എളുപ്പ വഴികള്‍

തകര്‍ന്ന പ്രണയത്തെ ഓര്‍ത്തു ഒരു പാട് കണ്ണുനീര്‍ പൊഴിച്ചു  അവളെ  മറക്കാന്‍ ശ്രമിച്ചു,  വെറുക്കാന്‍ ശ്രമിച്ചു പക്ഷേ കഴിയുന്നില്ല. പഴയ കാമുകിയെ മനസില്‍ നിന്നും കുടിയിറക്കിക്കോളു ഇനി നിരാശ കാമുകനായി നടന്ന്  സമയം കളയേണ്ടതില്ല. അവളുടെ  പേര് കേള്‍ക്കുമ്പോള്‍ നിങ്ങളുടെ നാഡിമിടിപ്പ് കൂടുന്നുണ്ടോ  അതെ നിങ്ങളുടെ മനസില്‍ നിന്നും അവള്‍ ഇതുവരെ പടിയിറങ്ങിപ്പോയില്ലെന്നു തന്നെയാണ് അതിന്റെ അര്‍ത്ഥം.

ഇതാ പഴയതെല്ലാം മറക്കാന്‍ ഒരു എളുപ്പ വഴി

  • മനസിനെ നിയന്ത്രിക്കുക

മനസിന് പഴയ കാരങ്ങളിലേക്ക് വിടാന്‍ അനുവദിക്കാതെ എപ്പോഴും എന്തെങ്കിലും കാര്യങ്ങള്‍ ചെയ്തുകൊണ്ടിരിക്കുക, നിങ്ങള്‍ സാധാരണ ചെയ്യുന്ന പ്രവര്‍ത്തികള്‍ തന്നെ തുടരുക. ഏകനായി ഇരിക്കാതെ  സുഹൃത്തുക്കളുമായും ബന്ധുക്കളോടൊത്തും സമയം ചിലവഴിക്കുക

  • പഴയ  കാര്യങ്ങള്‍ ഒരിക്കലും ചിന്തിക്കാതിരിക്കുക

ബന്ധം തകരുന്നതിനു മുമ്പെ നിങ്ങള്‍ കാമുകിയുമായൊത്തു ചിലവഴിച്ച നിമിഷങ്ങള്‍  മനസില്‍ നിന്നും മായ്ച്ചുകയുക.
നാളെ ഭാവിയില്‍ നിങ്ങള്‍ക്കു ചെയ്തു തീര്‍ക്കേണ്ട ജോലിയെക്കുറിച്ച് മനസിനെ ബോധ്യപ്പെടുത്തികൊണ്ടിരിക്കുക,

  • എങ്ങനെ ബന്ധം തകര്‍ന്നു എന്നു ഇടയ്ക്കിടെ ഓര്‍മ്മിക്കുക

അവളുമായുള്ള ബന്ധം എങ്ങനെ തകര്‍ന്നു എന്നു ഇടയ്ക്കിടെ മനസിനെ ബോധ്യപ്പെടുത്തികൊണ്ടിരിക്കുക, ബന്ധം തകര്‍ന്ന കാര്യം മനസിനു ബോധ്യപ്പെട്ടാല്‍ പിന്നെ നിങ്ങള്‍ അവളെ മറന്നു തുടങ്ങും.

  • സ്വയം കുറ്റപ്പെടുത്താതിരിക്കുക

സ്വയം നിങ്ങളെക്കുറിച്ച് നിങ്ങള്‍ തന്നെ കുറ്റപ്പെടുത്തി സംസാരിക്കാതിരിക്കുക ബന്ധം തകര്‍ന്നതില്‍ കുറ്റബോധം തോന്നാതെ നല്ലതിനാണെന്നു മാത്രം മനസിനെ ഓര്‍മ്മപ്പെടുത്തികൊണ്ടിരിക്കുക കുറ്റബോധമുണ്ടെങ്കില്‍ അവളെ ഒരിക്കലും മറക്കാനാകില്ല.

  • നിങ്ങളുടെ വ്യക്തിത്വത്തിലെ നല്ല കാര്യങ്ങളെക്കുറിച്ച് ചിന്തിക്കുക

നിങ്ങളുടെ വ്യക്തിത്വത്തിലെ പോസിറ്റീവായ കാര്യങ്ങള്‍ തിരിച്ചറിയാനായാല്‍ നിങ്ങളുടെ ആത്മവിശ്വാസം വര്‍ദ്ധിക്കും. ഇതു മനസിലാക്കാനായാല്‍ കാമുകി പോയതില്‍ നിങ്ങള്‍ സന്തോഷിക്കും അവളെക്കാള്‍ മികച്ച വ്യക്തിയായിരുന്നു നിങ്ങളെന്നറിയുമ്പോശ് നിങ്ങള്‍ സന്തോഷിക്കും അവളുടെ അസാനിധ്യം ഭാഗ്യമാണെന്നു തിരിച്ചറിയും.

  • ശുഭാപ്തി വിശ്വാസം

തകര്‍ന്ന പ്രണയം മറക്കാന്‍ ശുഭാപ്തി വിശ്വാസത്തോളം ഫലം ചെയ്യുന്ന മറ്റൊരു ഒറ്റമൂലിയില്ല. സംഭവിച്ചതൊക്കെയും ഇനി സംഭവിക്കാനിരിക്കുന്നതും നല്ലതിനുമാത്രമാണെന്നു കരുതുക. അപ്പോള്‍  പുതിയൊരു ജീവിതം തുടങ്ങാന്‍ നിങ്ങള്‍ക്കു സാധിക്കും.

അവളെ മറക്കാനുള്ള കുറുക്കുവഴികള്‍

  1. നിങ്ങളുടെ ജീവിതത്തില്‍ നിന്നും അവളെ മുറിച്ചു മാറ്റുക.
      അവളെ ഓര്‍മ്മപ്പെടുത്തുന്നതെല്ലാം നീക്കം ചെയ്യുക.
  2. അവളുമായുള്ള ആശയവിനിമയം നിര്‍ത്തുക,മെസേജയക്കുകയോ വിളിക്കുകയോ അരുത്
  3. സോഷ്യല്‍ മീഡിയയില്‍ നിന്നും അകലം പാലിക്കുക.
  4. നിങ്ങളുടെ പഴയ കാമുകി സോഷ്യല്‍ മീഡിയില്‍ സജീവമാണെങ്കില്‍  നിങ്ങള്‍ സോഷ്യല്‍ മീഡിയ ഉപയോഗിക്കാതിരിക്കുക. കഴിയുമെങ്കില്‍ അവളെ ബ്ലോക്ക് ചെയ്യുക, സോഷ്യല്‍ മീഡിയ ഉപയോഗിച്ചാല്‍ നിങ്ങള്‍ ഇടയ്ക്കിടെ അവളുടെ പ്രെഫൈല്‍ പരിശോധിക്കാന്‍ ഇടവരും.
  5. അവളെക്കുറിച്ച് ആരോടും അന്വേഷിക്കാതിരിക്കുക.
  6. കുടുംബത്തിന്റെ പിന്തുണ ഉറപ്പാക്കുക.
  7. നിങ്ങള്‍ അവളെ മറന്നു എന്നു തോന്നിയാല്‍ പുതിയ ഒരു ബന്ധം ആരംഭിക്കുക.. പിന്നീട് ഒരിക്കലും അവളെ ഓര്‍മ്മവരില്ല.
പെണ്ണുകാണാന്‍ ചെന്ന യുവാവ് പെണ്‍കുട്ടിയെ കണ്ട് ഞെട്ടി: താന്‍ കഴിഞ്ഞ ഒരു ദിവസം വാട്‌സ് ആപ്പ് ഗ്രൂപ്പില്‍ മറ്റൊരു യുവാവിന് ഒപ്പംകണ്ട അതേ കുട്ടി: പ്രവാസി യുവാവിന്റെ അനുഭവം ഞെട്ടിക്കുന്നത്
Posted by
24 September

പെണ്ണുകാണാന്‍ ചെന്ന യുവാവ് പെണ്‍കുട്ടിയെ കണ്ട് ഞെട്ടി: താന്‍ കഴിഞ്ഞ ഒരു ദിവസം വാട്‌സ് ആപ്പ് ഗ്രൂപ്പില്‍ മറ്റൊരു യുവാവിന് ഒപ്പംകണ്ട അതേ കുട്ടി: പ്രവാസി യുവാവിന്റെ അനുഭവം ഞെട്ടിക്കുന്നത്

കൊച്ചി: തന്റെ കൂട്ടുകാരിക്ക് ഉണ്ടായ അനുഭവം കഥരൂപത്തിലാക്കി യുവതി ഫേസ്ബുക്കില്‍ പോസ്റ്റ് ചെയ്ത കുറിപ്പ് സോഷ്യല്‍ മീഡിയയില്‍ വൈറലാകുന്നു. ഫര്‍സാന വി എന്ന പെണ്‍കുട്ടിയാണ് തന്റെ സുഹൃത്തിന് യഥാര്‍ത്ഥത്തില്‍ സംഭവിച്ചത് ഫേസ്ബുക്കില്‍ ഷെയര്‍ ചെയ്തിരിക്കുന്നത്. ഈ സംഭവം കഥയായി മാറ്റിയതില്‍ എത്രത്തോളം ഞാന്‍ വിജയിച്ചു എന്നെനിക്കറിയില്ല പക്ഷേ എന്റെ കൂട്ടുകാരിക്കുണ്ടായ ഈ അനുഭവത്തിന് ഇന്ന് പല പെണ്‍കുട്ടികളും അവരുടെ കുടുംബങ്ങളും വിധേയരാകുന്നുണ്ട് .പല ഒളിച്ചോട്ട വാര്‍ത്തകളും സോഷ്യല്‍ മീഡിയയില്‍ വരുന്നുണ്ട് .എന്നാല്‍ അതിന്റെ കൂടെ വരുന്ന ഫോട്ടോസില്‍ അധികവും നിരപരാധികളായ പല പെണ്‍കുട്ടികളുടെയും ആണ് . അതുകൊണ്ട് തന്നെ ഇത്തരത്തിലുള്ള വാര്‍ത്തകളും ഫോട്ടോകളും നമ്മുടെ കൈകളില്‍ കിട്ടുമ്പോള്‍ അതിന്റെ സത്യാവസ്ഥ അറിയാന്‍ ശ്രമിക്കുക നിരപരാധികളായ പെണ്‍കുട്ടികളെയും അവരുടെ കുടുംബത്തെയും വേട്ടയാടാതിരിക്കുക. എന്നും ഫര്‍സാന തന്റെ കുറിപ്പിന് ഒടുവില്‍ ആവശ്യപ്പെടുന്നു.

ഫര്‍സാനയുടെ കുറിപ്പ് ഇങ്ങനെ

പെണ്ണുകാണലിനിടയില്‍

****************************
ഖഫീലിന്റെ കയ്യും കാലും പിടിച്ചാണ് മൂന്നു മാസത്തേക്ക് ലീവ് തരപ്പെടുത്തിയത് ..മൂന്നു വര്‍ഷക്കാലം ഉറ്റവരെയും സുഹൃത്തുക്കളെയും പിരിഞ്ഞുള്ള ജീവിതത്തിന് തെല്ലൊരാശ്വാസം ആയിരുന്നു അത് .. നാട്ടിലേക്ക് പോകുവാണെന്നറിഞ്ഞതോടെ പലരും അവരവരുടെ വീടിലേക്കുള്ള സാധനങ്ങള്‍ എന്റെ കയ്യില്‍ തന്നു വിട്ടു ..കിട്ടിയ ലീവില്‍ പകുതി ഭാഗവും ഇതൊക്കെ അതാതു സ്ഥലങ്ങളില്‍ എത്തിച്ചു കൊടുക്കുന്നതോടെ തീരും ..ബാക്കിയുള്ള പകുതി ദിനങ്ങളാണ് വീട്ടുകാരുടെയും കൂട്ടുകാരുടെയും കൂടെ ചിലവഴിക്കാന്‍ കിട്ടുക .. നാട്ടിലെത്തി തന്നെയേല്‍പ്പിച്ച സാധനങ്ങളെല്ലാം അതാതു വീടുകളിലെത്തിച്ചു .

എല്ലാം കഴിഞ്ഞു സ്വസ്ഥമായി വീട്ടുകാര്‍ക്കൊപ്പം ചിലവഴിക്കുന്നതിനിടയില്‍. ഇടക്കിടക്ക് ഉമ്മയെയും പെങ്ങന്മാരെയും ഇമ വെട്ടാതെ നോക്കിയിരിക്കുന്നത്കണ്ടപ്പോഴാണ് പെങ്ങളുടെ വക ചോദ്യം .. ‘നീയെന്താടാ ..ആദ്യമായി കാണുന്ന പോലെ നോക്കുന്നെ ..?’
അവളുടെ തമാശ രൂപേണയുള്ള ചോദ്യം കേട്ട് എല്ലാവരും ചിരിച്ചപ്പോള്‍ ..മൗനമായ് ഞാനും അവര്‍ക്കൊപ്പം ചിരിച്ചു…
അവള്‍ക്കറിയില്ലല്ലോ മൂന്നു വര്‍ഷക്കാലം അവരെയെല്ലാം നേരില്‍ കാണാന്‍ കൊതിച്ചുകൊണ്ട് മരുഭൂമിയില്‍ ഞാന്‍ കഴിച്ചു കൂട്ടിയ നാളുകളുടെ ദയനീയാവസ്ഥ .

ഓരോ കുശലാന്വേഷണങ്ങളും വിശേഷങ്ങളും ഒരുമിച്ചിരുന്നു പങ്കു വെക്കുന്നതിനിടയിലാണ് ഉമ്മ അക്കാര്യം ഓര്‍മിപ്പിച്ചത് ..
‘കുഞ്ഞോ ..ന്റെ കുട്ടിക്ക് ഒരു ജീവിതം വേണ്ടേ ഇനി ..എല്ലാരേം ഓരോ കരക്കെത്തിച്ചില്ലേ ..ഇനി അന്റെ കാര്യം കൂടെ ഒന്ന് നോക്ക് ..ആ കുഞ്ഞാലി ഒരാലോചന കൊണ്ടു വന്നിര്‍ന്ന് ..നല്ല കൂട്ടക്കാരാ …ഇയ്യ് വന്നിട്ട് പറയാന്നാ ഞാന്‍ ഓനോട് പറഞ്ഞെ ‘
‘ഇപ്പോ ..തന്നെ വേണോ മ്മാ ‘?.

‘പിന്നെ ഇനി എപ്പഴാ …അന്റെ കൂടെ ഉള്ളോരൊക്കെ കെട്ടി കുട്ടിയോളായി ..എത്ര നാളാ ഇയ്യൊറ്റാക്കിങ്ങനെ ..’
ഉമ്മാന്റെ കരച്ചിലും പിഴിച്ചിലും പെങ്ങന്മാരുടെ വാശിക്കും മുന്‍പിലും പെണ്ണ് കാണാന്‍ പോകാന്‍ സമ്മതം മൂളി ..
പിറ്റേന്ന് അത്യാവിശ്യം മിനുക്കു പണികളൊക്കെ ചെയ്തു മൊഞ്ചനായി …ഉമ്മനോടും പെങ്ങന്മാരോടും സലാം ചൊല്ലി ബ്രോക്കര്‍ കുഞ്ഞാലിക്കക്കൊപ്പം പെണ്ണു കാണാനിറങ്ങി ..ആദ്യത്തെ പെണ്ണു കാണല്‍ ..മനസ്സില്‍ ചെറുതായിട്ട് പേടി തോന്നിയെങ്കിലും അതൊന്നും പുറത്തു കാണിക്കാതെ പുറമെ ഗൗരവം വരുത്തി ഞാന്‍ വണ്ടിയോടിച്ചു …
കാറിലിരുന്ന് കുഞ്ഞാലിക്ക പറഞ്ഞതൊക്കെയും കാണാന്‍ പോകുന്ന പെണ്ണിനെക്കുറിച്ചും അവളുടെ വീട്ടുകാരെക്കുറിച്ചും ആയിരുന്നു ..

ഭാര്യ ആകാന്‍ പോകുന്ന പെണ്ണിനെക്കുറിച്ചു വല്ല്യ സങ്കല്പങ്ങളൊന്നും ഇല്ലെങ്കിലും എന്നെയും ഉമ്മയെയും കൂടപ്പിറപ്പുകളെയും മനസ്സിലാക്കി സ്‌നേഹിക്കാന്‍ കഴിയുന്നൊരുവളായിരിക്കണം എന്ന നിര്‍ബന്ധം മാത്രമേ ഉണ്ടായിരുന്നുള്ളൂ ..
‘മോനേ ..നിര്‍ത്ത് ..ദേ അവിടെ ..അവിടെ സൈഡാക്കിക്കോ വണ്ടി ..’

റോഡിനോട് ഓരം ചേര്‍ന്നു കാര്‍ പാര്‍ക്ക് ചെയ്തു കുഞ്ഞാലിക്കക്കൊപ്പം ഞാനും ഇറങ്ങി ..റോഡില്‍ നിന്നും ഒരിട വഴിയിലൂടെ നടന്നായിരുന്നു പിന്നെയുള്ള യാത്ര ..രണ്ടു മൂന്നു വീടിനപ്പുറം അത്യാവിശ്യം നല്ലൊരു വീട്ടിലേക്ക് എന്നെയും നയിച്ചുകൊണ്ട് കുഞ്ഞാലിക്ക നടന്നു ..വീടിന്റെ ഉമ്മറത്ത് തന്നെ ഞങ്ങളെയും കാത്ത് അവളുടെ ഉപ്പയും വല്ലിപ്പയും നിന്നിരുന്നു ..
സലാം ചൊല്ലി ഞങ്ങളെ അകത്തേക്ക് ക്ഷണിച്ചു …
ജോലിയെ കുറിച്ചും വീട്ടുകാരെക്കുറിച്ചും അവളുടെ ഉപ്പയും വല്ലിപ്പയും ഒരുപാട് കാര്യങ്ങള്‍ എന്നോട് ചോദിച്ചറിഞ്ഞു ..കൂട്ടത്തില്‍ അവരുടെ കാര്യങ്ങള്‍ എന്നോടും പറഞ്ഞു …
‘ന്നാ …കുട്ടിനെ വിളിക്കാലെ …’
കുഞ്ഞാലിക്കയുടെകനത്ത ശബ്ദം തന്റെ ചെവിയില്‍ പതിഞ്ഞപ്പോള്‍ ഒരു വിറയല്‍ ശരീരത്തില്‍ അനുഭവപ്പെടുന്ന പോലെ ..

കയ്യില്‍ ഞങ്ങള്‍ക്കുള്ള ചായയുമായി വന്നപ്പോള്‍ കുഞ്ഞാലിക്ക തന്നെ ആയിരുന്നു പറഞ്ഞത് ..
‘നേരാവണ്ണം നോക്കിക്കോട്ടാ ..ഇനി കണ്ടില്ലെന്ന് പറയരുത് ..’
ചെറിയൊരു ചമ്മലുണ്ടെങ്കിലും തലയുയര്‍ത്തി അവളുടെ മുഖത്തേക്ക് നോക്കിയതും ഞാനൊന്ന് ഞെട്ടി .എനിക്ക് പരിജയമുള്ള മുഖം .കയ്യിലുള്ള ചായ ഗ്ലാസ് തെന്നി പോകാതിരിക്കാന്‍ രണ്ടു കൈകൊണ്ടും ഞാനമര്‍ത്തി പിടിച്ചു …
‘എന്തെങ്കിലും സംസാരിക്കണെങ്കില്‍ സംസാരിച്ചോളിന്‍ .നമ്മക്കങ്ങു മാറിയിരിക്കാ അല്ലേ ..’
കുഞ്ഞാലിക്ക അവളുടെ ഉപ്പയുടെ സമ്മതത്തിനായ് ചോദിച്ചു ..സമ്മത രൂപേണ അവര്‍ ഞങ്ങളെ തനിച്ചു വിട്ടു അല്‍പ്പ നേരത്തേക്ക് മാറി നിന്നു ..

‘നീ ..നീയല്ലേ ..’
വിക്കി വിക്കി അവളോട് ചോദിച്ചപ്പോള്‍ കാര്യമറിയാതെ എന്നെ തന്നെ മിഴിച്ചു നോക്കുവായിരിന്നു അവള്‍ .
‘എന്ത് ..നിങ്ങള്‍ക്കെന്നെ അറിയോ …ഞാന്‍ നിങ്ങളെ ഇപ്പോഴാണ് കാണുന്നെ ..’
പോക്കറ്റില്‍ നിന്ന് ഫോണെടുത്ത് വാട്‌സപ്പ് ഓപ്പണ്‍ ചെയ്ത് ഇന്നലെ നാട്ടിലെ ഗ്രൂപ്പില്‍ വന്ന ഫോട്ടോയും കുറിപ്പും കാണിച്ചു കൊടുത്തു ..
‘ഭര്‍ത്താവിന്റെ കൂട്ടുകാരനൊപ്പം യുവതി ഒളിച്ചോടി .’
ഇതായിരുന്നു കുറിപ്പ് ..കൂടെ വന്ന ഫോട്ടോ തനിക്ക് മുന്‍പില്‍ നില്‍ക്കുന്ന ഞാന്‍ പെണ്ണു കാണാന്‍ വന്ന പെണ്ണിന്റെയും ..

അത് കണ്ടതും അവളാകെ തരിച്ചിരുന്നു ..വിവാഹം പോലും കഴിയാതെ തന്റെ ഫോട്ടോ ഒരു വ്യാജ വാര്‍ത്തക്കൊപ്പം കൊടുത്തിരിക്കുന്നത് …എന്തു ചെയ്യണമെന്നറിയാതെ തളര്‍ന്നിരിക്കുന്ന അവളോട് എന്തു പറയണം എന്ന് എനിക്കും നിശ്ചയമില്ലായിരുന്നു ..ഇന്നലെ തന്റെ കയ്യില്‍ ഈ വാര്‍ത്ത കിട്ടിയപ്പോള്‍ കാര്യമറിയാതെ ഞാനും പല ഗ്രൂപ്പുകളിലേക്കും ഷെയര്‍ ചെയ്തിരുന്നു ..ഇന്നത് ഒരുപാട് കൈകളിലേക്ക് എത്തിയിട്ടുണ്ടാകും എന്നത് തീര്‍ച്ച..നിരപരാധിയായൊരു പെണ്ണിനെ നാളെ അപരാധിയായി മുദ്ര കുത്താന്‍ അധികം സമയം വേണ്ടിയിരുന്നില്ല …
കാര്യങ്ങളെല്ലാം അവളോടും വീട്ടുകാരോടും തുറന്നു പറഞ്ഞു കുഞ്ഞാലിക്കയെയും അവളുടെ ഉപ്പയെയും കൂട്ടി ഞാന്‍ നേരെ വിട്ടു പോലീസ് സ്‌റ്റേഷനിലേക്ക് ..
‘സാര്‍ ഇതെന്റെ ഭാര്യ ആകാന്‍ പോകുന്ന പെണ്ണാ ..ഇവളാരുടെ കൂടെയും ഒളിച്ചോടിയിട്ടില്ല ദയവു ചെയ്തു ആ വാര്‍ത്ത സ്‌റ്റോപ്പ് ചെയ്യണം ..’
എസ് ഐ ക്ക് മുന്‍പില്‍ നിന്ന് ..ആത്മ വിശ്വാസത്തോടെ അത് പറയുമ്പോള്‍ അറിഞ്ഞുക്കൊണ്ടല്ലെങ്കിലും ചെയ്ത തെറ്റിന് പ്രായശ്ചിത്തം ചെയ്തതിന്റെ മനസുഖം എനിക്കുണ്ടായിരുന്നു .

Nb:
ഈ ആശയത്തെ കഥയായി മാറ്റിയതില്‍ എത്രത്തോളം ഞാന്‍ വിജയിച്ചു എന്നെനിക്കറിയില്ല ..പക്ഷേ എന്റെ കൂട്ടുകാരിക്കുണ്ടായ ഈ അനുഭവത്തിന് ഇന്ന് പല പെണ്‍കുട്ടികളും അവരുടെ കുടുംബങ്ങളും വിധേയരാകുന്നുണ്ട് ..പല ഒളിച്ചോട്ട വാര്‍ത്തകളും സോഷ്യല്‍ മീഡിയയില്‍ വരുന്നുണ്ട് ..എന്നാല്‍ അതിന്റെ കൂടെ വരുന്ന ഫോട്ടോസില്‍ അധികവും നിരപരാധികളായ പല പെണ്‍കുട്ടികളുടെയും ആണ് ..അതുകൊണ്ട് തന്നെ ഇത്തരത്തിലുള്ള വാര്‍ത്തകളും ഫോട്ടോകളും നമ്മുടെ കൈകളില്‍ കിട്ടുമ്പോള്‍ അതിന്റെ സത്യാവസ്ഥ അറിയാന്‍ ശ്രമിക്കുക … നിരപരാധികളായ പെണ്‍കുട്ടികളെയും അവരുടെ കുടുംബത്തെയും വേട്ടയാടാതിരിക്കുക..
രചന: ഫര്‍സാന. വി

ഉയരം കുറഞ്ഞ പെണ്‍കുട്ടികളെ പുരുഷന്മാര്‍ ഏറെയിഷ്ടപ്പെടുന്നതിന് പിന്നില്‍
Posted by
23 September

ഉയരം കുറഞ്ഞ പെണ്‍കുട്ടികളെ പുരുഷന്മാര്‍ ഏറെയിഷ്ടപ്പെടുന്നതിന് പിന്നില്‍

നമ്മുടെ നാട്ടിലെ പുരുഷന്‍മാരില്‍ ഒട്ടു മിക്കവരും പ്രണയിക്കാനും വിവാഹം കഴിക്കാനും ആഗ്രഹിക്കുന്നത് ഉയരം കുറഞ്ഞ പെണ്‍കുട്ടികളെയാണ്. എന്തുകൊണ്ടാണ് പരുഷന്‍മാര്‍ ഉയരം കുറഞ്ഞ പെണ്‍കുട്ടികളെ ഇഷ്ടപ്പെടുന്നതെന്ന് ആലോചിച്ചിട്ടുണ്ടോ?..പുരുഷന്മാര്‍ക്ക് ഉയരം കുറഞ്ഞ പെണ്‍കുട്ടികളോട് അടുപ്പം തോന്നാന്‍ ശാസ്ത്രീയമായ കാരണങ്ങള്‍ക്കു പുറമേ മാനസീകമായ കാര്യങ്ങളും ഉണ്ടെന്നാണ് പറയപ്പെടുന്നത്.

പ്രണയമായാലും ദാമ്പത്യമായാലും പുരുഷന്മാര്‍ക്ക് തന്നെക്കാള്‍ ഉയരം കുറഞ്ഞ സ്ത്രീകളെയാണ് ഇഷ്ടം. ഉയരം കുറഞ്ഞ സ്ത്രീയുമായുള്ള ബന്ധത്തിന് കൂടുതല്‍ ദൃഢത ഉണ്ടാകും. പെണ്ണിന്റെ ഉയരക്കുറവ് പുരുഷന്റെ ആത്മവിശ്വാസം വര്‍ധിപ്പിക്കുമ്രേത. ഉയരം കുറഞ്ഞ പെണ്‍കുട്ടിയോട് പുരുഷന് വാത്സല്യം കൂടുതല്‍ തോന്നും. ഇത് തന്റെ പങ്കാളിയ്ക്ക് എപ്പോഴും സംരക്ഷണം നല്‍കണം എന്ന ചിന്ത പുരുഷനില്‍ വളര്‍ത്തും. ഉയരം കുറഞ്ഞ സ്ത്രീയൊടൊത്തുള്ള കിടപ്പറ കൂടുതല്‍ സുഖകരമായിരിക്കും എന്നു പഠനങ്ങള്‍.

പങ്കാളികള്‍ പരസ്പരം കലഹിക്കുന്നത് ഈ കാരണങ്ങളാലാണ്; പ്രണയിക്കുന്നവര്‍ വായിച്ചറിയാന്‍
Posted by
22 September

പങ്കാളികള്‍ പരസ്പരം കലഹിക്കുന്നത് ഈ കാരണങ്ങളാലാണ്; പ്രണയിക്കുന്നവര്‍ വായിച്ചറിയാന്‍

-ഫഖ്‌റുദ്ധീന്‍ പന്താവൂര്‍

പരസ്പരം കലഹിക്കുന്ന ദമ്പതികളുടെ എണ്ണം നാള്‍ക്കുനാള്‍ വര്‍ധിക്കുകയാണ്. എത്ര സ്‌നേഹിച്ചാലും പങ്കാളിക്കത് മനസിലാകുന്നില്ലെന്നാണ് പരാതി.
തിരിച്ചറിയപ്പെടാത്ത സ്‌നേഹം കൊണ്ട് എന്തുപ്രയോജനം.

ഒട്ടും യോജിച്ചുപോകാന്‍ കഴിയില്ലെങ്കിലും മിക്ക ദമ്പതികളും രണ്ട് ധ്രുവങ്ങളിലായി ഒരേ ഇരിപ്പിടത്തില്‍ തന്നെ കഴിയും .മാനസികമായ ഈ അകല്‍ച്ച എങ്ങനെയാണ് സംഭവിക്കുന്നത് ? പങ്കാളികള്‍ പരസ്പരം കലഹിക്കാനുള്ള കാരണങ്ങള്‍ ഇതാണ് .

1. രണ്ടുപേര്‍ക്കുമിടയില്‍ ശിശോമര്യ ( പ്രണയാര്‍ദ്രമായ സ്‌നേഹബന്ധം ) യുടെ കുറവ് ഉണ്ടാകുമ്പോഴാണ് കലഹങ്ങള്‍ ആരംഭിക്കുന്നത്. പൈങ്കിളി പ്രണയങ്ങള്‍ക്കുമപ്പുറം രണ്ടുപേര്‍ക്കിടയിലും ഉണ്ടാവേണ്ട വികാരം ശിശോമര്യ യാണ്.

2. രണ്ടാമത്തെ കാര്യം പങ്കാളികള്‍ വ്യത്യസ്ഥ ശീലങ്ങള്‍ ഉള്ളവരാണെന്നും അത് പരസ്പരം അംഗീകരിക്കലുമാണ് .ഇതില്ലാത്തിടങ്ങളില്‍ ഭിന്നതയും കലഹവും ഉറപ്പ് .അഭിരുചികളിലെ ഈ വ്യത്യസ്ഥ തിരിച്ചറിയുകയും അതിനനുസരിച്ച് പങ്കാളികളെ അംഗീകരിക്കുകയും ചെയ്താല്‍ കലഹങ്ങളൊന്നുമില്ലാതെ ജീവിക്കാം .

3. ഒരാള്‍ ആഗ്രഹിക്കുകയും ചിന്തിക്കുകയും ചെയ്യുന്നതുപോലെ മറ്റെയാളെയും ആക്കാന്‍ ശ്രമിക്കരുത്. അവിടെയാണ് മാനസിക അകല്‍ച്ച ആരംഭിക്കുക.ഒരു കാര്യം പ്രത്യേകം ഓര്‍മിക്കുക .സെക്‌സിലൂടെ ലഭിക്കേണ്ടത് കേവലം സുഖമല്ല സമാധാനവും സന്തോഷവുമാണ്. അത് ശരീരങ്ങളുടെ മാത്രം കൊടുക്കല്‍ വാങ്ങലുകളല്ല … മനസ്സുകളുടെ കൈമാറ്റമാണ് .

ജീവിതത്തില്‍ ഈ കാര്യങ്ങള്‍ മനസ്സിലാക്കുകയും ശീലമാക്കുകയും ചെയ്താല്‍ പങ്കാളികള്‍ക്കിടയിലെ കലഹങ്ങള്‍ ഇല്ലാതാകും. കുടുംബജീവിതത്തിന്റെ വിജയം സത്യസന്ധതയിലും അതിന്റെ തൂണുകള്‍ പരസ്പരം അംഗീകാരങ്ങളിലുമാണല്ലോ ..
വിജയകരമായ ,കലഹങ്ങളില്ലാത്ത ദാമ്പത്യമുണ്ടാകാനുള്ള മാര്‍ഗമിതാ .

താഴെ പറയുന്ന നാലുകാര്യങ്ങള്‍ ജീവിതത്തില്‍ പാലിക്കാനായാല്‍ പരസ്പരം കലഹങ്ങളില്ലാത്ത കുടുംബജീവിതം ലഭിക്കും .

ഒന്ന്: ആകര്‍ഷണീയത്വമുള്ള വ്യക്തിത്വം: പരസ്പരം ആകര്‍ഷിപ്പിക്കാവുന്ന ഗുണങ്ങള്‍ സ്വഭാവങ്ങളിലുണ്ടാവണം .

രണ്ട്: പ്രതികരണം , പങ്കാളികള്‍ക്കിടയില്‍ ക്രിയാന്മകമായ / സ്‌നേഹപൂര്‍ണ്ണമായ പ്രതികരണങ്ങള്‍ ഉണ്ടാവണം .തുറന്ന് സംസാരിക്കാനിടമില്ലാത്ത എത്രയോ ദമ്പതികള്‍ നമുക്കിടയിലുണ്ട് .ഒരേയാത്ര… ഒരേ ഇടങ്ങള്‍ … എന്നിട്ടും വ്യത്യസ്ഥത ധ്രുവങ്ങളിലായവര്‍.

മൂന്ന്: ചിന്തകളിലെ സമാനത :
ചിന്തകളില്‍ വ്യത്യസ്ഥത ഉണ്ടാവുക എന്നത് പ്രകൃതിപരമാണ് .എന്നിട്ടും പങ്കാളികള്‍ക്കായ് പരസ്പരം സമാനത പുലര്‍ത്താന്നാവണം .

നാല്: ആശയവിനിമയം നടക്കണം :
ഓരോ ദിവസവും പുതിയതാണ്, അതോടൊപ്പം എന്നും പുതിയ കാര്യങ്ങള്‍ പറയാനുണ്ടാവണം. ഫോണില്‍ സംസാരിക്കുമ്പോള്‍ ഒന്നും പറയാനില്ലാതെ ‘ പിന്നെന്താ. പിന്നെന്താ. ‘ എന്ന് നിരന്തരം ചോദിച്ചതിന് പിണങ്ങിയ ഭര്‍ത്താവിനെ എനിക്കറിയാം…

ഈ 4 കാര്യങ്ങള്‍ പാലിക്കാനായാല്‍ കുടുംബജീവിതം പ്രണയാതുരമാകുകയും അതോടെ കലഹങ്ങളൊന്നുമില്ലാതെ സംതൃപ്തിയുണ്ടാവുകയു ചെയ്യും. പ്രണയിക്കാന്‍ കഴിയാത്ത ദമ്പതികള്‍ ഒരര്‍ത്ഥത്തില്‍ പരാജയങ്ങളാണ് .ഈ ഘടകങ്ങളെ ഇല്ലാതാക്കിയാല്‍ പ്രണയങ്ങള്‍ തകരും. സന്തോഷം നഷ്ടപ്പെടും.

(മാധ്യമപ്രവര്‍ത്തകനും അധ്യാപകനും ഹിപ്പ്‌നോട്ടിക്കല്‍ കൗണ്‍സിലറുമാണ് ലേഖകന്‍ .
9946025819 )