അസിഡിറ്റിയെ അറിയാം
Posted by
15 January

അസിഡിറ്റിയെ അറിയാം

ഇന്ന് ഒട്ടുമിക്ക ആളുകളേയും അലട്ടുന്ന പ്രധാന ആരോഗ്യ പ്രശ്‌നങ്ങളിലൊന്നാണ് അസിഡിറ്റി. ആമാശയത്തില്‍ ദഹന പ്രക്രിയയ്ക്കായി ഉല്‍പാദിപ്പിക്കപ്പെടുന്ന ഹൈഡ്രോക്ലോറിക് ആസിഡിന്റെ അളവ് കൂടുമ്പോഴാണ് അസിഡിറ്റി ഉണ്ടാകുന്നത്. അമിത മദ്യപാനവും ടെന്‍ഷനുമൊക്കെയാണ് ആസിഡ് ഉല്‍പ്പാദനം കൂടുന്നതിനുള്ള പ്രധാന കാരണങ്ങള്‍.

വയറിലെ ഗാസ്ട്രിക്ക് ഗ്ലാന്റുകള്‍ അമിതമായി ആസിഡ് ഉല്‍പ്പാദിപ്പിക്കുമ്പോള്‍, അത് ആമാശയത്തില്‍ നിന്നും അന്നനാളത്തിലേക്ക് എത്താനിടയാകും. ആസിഡിന്റെ വീര്യത്തെ താങ്ങാന്‍ കഴിയുന്ന തരത്തിലാണ് ആമാശയം രൂപകല്‍പ്പന ചെയ്തിരിക്കുന്നത്.

എന്നാല്‍, അന്നനാളത്തിന് ഇത് സാധ്യമല്ല. അതിനാല്‍ ഇവിടേക്ക് ആസിഡ് എത്തുമ്പോള്‍ നെഞ്ചെരിച്ചില്‍ അനുഭവപ്പെടും. അതുപോലെ പുളിച്ചുതികട്ടല്‍, വയര്‍ കത്തുന്നതായി തോന്നുക തുടങ്ങിയ അസ്വസ്ഥതകള്‍ ഉണ്ടാകും.

ലക്ഷണങ്ങള്‍

എപ്പോഴും ഏമ്പക്കമുണ്ടാവുക, നെഞ്ചെരിച്ചില്‍, പുളിച്ചുതികട്ടല്‍ എന്നിവയാണ് പ്രധാന ലക്ഷണങ്ങള്‍. കൂടാതെ വയറെരിച്ചില്‍, വയറുവീര്‍ക്കല്‍, മനംപിരട്ടല്‍, ദഹനക്കേട്, മലബന്ധം തുടങ്ങിയവയും അസിഡിറ്റിയുടെ ലക്ഷണങ്ങളില്‍പ്പെടുന്നു. ഇടയ്ക്കിടെ കോട്ടുവായിടുക, വായില്‍ കയ്പുതോന്നുക, തലചുറ്റല്‍ എന്നിവയും അസിഡിറ്റിയുടെ സൂചനകളാണ്.

തെറ്റായ ഭക്ഷണശീലങ്ങളാണ് പൊതുവെ അസിഡിറ്റിയിലേക്ക് നയിക്കുന്നത്. മാംസാഹാരികളിലും മസാലക്കൂട്ടുകള്‍ ചേര്‍ന്ന ഭക്ഷണം കഴിക്കുന്നവരിലുമാണ് ഈ രോഗം കൂടുതലും കണ്ടുവരുന്നത്.

മറ്റുകാരണങ്ങള്‍

മാനസിക സംഘര്‍ഷം

  • രുചിയും മണവും ലഭിക്കാന്‍ ആഹാരത്തില്‍ ചേര്‍ക്കുന്ന രാസവസ്തുക്കള്‍
  • എരിവ്, പുളി, മസാല എന്നിവ അധികം ചേര്‍ത്ത ആഹാരം
  • മദ്യപാനവും പുകവലിയും
  • വിരുദ്ധ ആഹാരം കഴിക്കുന്നത് (പാലും മീനും, കോഴിയിറച്ചിയും തൈരും)
  • ആന്റിബയോട്ടിക് മരുന്നുകളുടെ അമിത ഉപയോഗം

കരുതലുകള്‍

  • ചൂടുള്ളതും എരിവുള്ളതുമായ ആഹാരം കഴിക്കരുത്. അതുപോലെ, ഒട്ടും ധൃതി കൂട്ടാതെ, ആഹാരം പതുക്കെ കഴിക്കണം. ഏത്തപ്പഴം, ചൂടാറിയ പാല്‍, ജീരകം, പുതിനയില, ഇഞ്ചി, നെല്ലിക്ക എന്നിവ ആഹാരത്തില്‍ ഉള്‍പ്പെടുത്തുക.
  • മസാല ചേര്‍ത്ത ഭക്ഷണം കഴിക്കാതിരിക്കുക
  • പഴങ്ങളും പച്ചക്കറികളും ധാരാളം കഴിക്കുക
  • ആഹാരം കൃത്യസമയത്ത് കഴിക്കാന്‍ ശീലിക്കുക
  • ഉറങ്ങുന്നതിന് രണ്ടു മണിക്കൂര്‍ മുമ്പെങ്കിലും അത്താഴം കഴിക്കണം
  • NSAID(Non- steroidal anti- inflammatory drugs) പോലെയുളള മരുന്നുകള്‍ ഒഴിവാക്കുക
  • മാനസികസംഘര്‍ഷം കുറയ്ക്കുക
പോഷക സമ്പന്നം ഈന്തപ്പഴം
Posted by
15 January

പോഷക സമ്പന്നം ഈന്തപ്പഴം

കൊഴുപ്പ് വളരെ കുറഞ്ഞ ഫലവര്‍ഗ്ഗമായ ഈന്തപ്പഴം പോഷകസമൃദ്ധമാണ്. ഉണക്കിയോ അല്ലാതെയോ ഒക്കെ സ്വാദിഷ്ഠമായ ഈ ഫലവര്‍ഗ്ഗം കഴിക്കാവുന്നതാണ്. ഉണക്കിയെടുക്കുമ്പോള്‍ ഇവയുടെ പോഷകങ്ങളൊന്നും തന്നെ നഷ്ടപ്പെടുകയില്ല.

പ്രകൃതിദത്ത പഞ്ചസാരകളായ ഗ്ലൂക്കോസ്, സുക്രോസ്, ഫ്രക്ടോസ് എന്നിവ ഈന്തപ്പഴത്തില്‍ ധാരാളമുണ്ട്. ഇവയിലെ നാരുകള്‍ രക്തത്തിലെ ചീത്ത കൊളസ്‌ട്രോളായ എല്‍ഡി എല്ലിന്റെ തോത് കുറയ്ക്കും.

ശരീരത്തില്‍ ഹീമോഗ്ലോബിന്റെ അളവ് കുറയുമ്പോഴുണ്ടാകുന്ന വിളര്‍ച്ചയ്ക്ക് ഉത്തമ പരിഹാരമാണ് ഈന്തപ്പഴം. ഈന്തപ്പഴത്തിലെ ഇരുമ്പ് ഹീമോഗ്ലോബിന്റെ ഉത്പാദനത്തിന് സഹായിക്കുകയും വിളര്‍ച്ച അകറ്റുകയും ചെയ്യും. രക്ത കോശങ്ങളുടെ എണ്ണം ആരോഗ്യകരമായ തോതില്‍ നിലനിര്‍ത്തുന്നതിനും ഇരുമ്പ് വേണം. കൂടാതെ തൂക്കം കൂടാനും ശരീരം പുഷ്ടിപ്പെടുന്നതിനും സഹായിക്കും.

ദഹനത്തിന് ഉത്തമം: നാരുകള്‍ ധാരാളമടങ്ങിയിരിക്കുന്നത് കൊണ്ട് ദഹന പ്രക്രിയ സുഗമമാക്കാന്‍ സഹായിക്കും. വെളളത്തില്‍ ലയിക്കുന്നതും ലയിക്കാത്തതുമായ നാരുകള്‍ ദഹന വ്യവസ്ഥയുടെ അറ്റകുറ്റപ്പണികള്‍ തീര്‍ത്ത് പ്രവര്‍ത്തന ക്ഷമത കൂട്ടുന്നു. കൂടാതെ കുടല്‍ വീക്കം, കുടല്‍ കാന്‍സര്‍, മൂലക്കുരു എന്നിവ തടയുന്നതിനും ഈന്തപ്പഴത്തിലെ നാരുകള്‍ സഹായിക്കും.

ഹൃദയാരോഗ്യത്തിന്: നിത്യവും ഈന്തപ്പഴം കഴിക്കുന്നത് ഹൃദയാരോഗ്യം മെച്ചപ്പെടുത്തും. ഇവയിലെ നാരുകള്‍ കുടലിന്റെ ആരോഗ്യത്തിനു മാത്രമല്ല, ഹൃദയത്തിന്റെ പ്രവര്‍ത്തന ക്ഷമത കൂട്ടുന്നതിനും നല്ലതാണ്.

രക്തസമ്മര്‍ദ്ദം കുറയ്ക്കും: ഈന്തപ്പഴത്തിലുളള മഗ്നീഷ്യം, പൊട്ടാസ്യം തുടങ്ങിയ ധാതുക്കള്‍ രക്തസമ്മര്‍ദ്ദം കുറയ്ക്കാന്‍ സഹായിക്കും.

പക്ഷാഘാത സാധ്യത കുറയ്ക്കും: ഈന്തപ്പഴത്തിലെ പൊട്ടാസ്യം പക്ഷാഘാത സാധ്യത കുറയ്ക്കും. ദിവസേന 100 മില്ലി ഗ്രാം പൊട്ടാസ്യം ഉളളില്‍ ചെന്നാല്‍ പക്ഷാഘാത സാധ്യത 9 % കുറയുമെന്ന് ഗവേഷകര്‍ കണ്ടെത്തിയിട്ടുണ്ട്.

സുഖപ്രസവത്തിന്: പ്രസവ സമയത്തെ ബുദ്ധിമുട്ടുകള്‍ കുറച്ച് സുഖപ്രസവം നടക്കാന്‍ ഈന്തപ്പഴം കഴിച്ചാല്‍ മതിയെന്നാണ് മറ്റൊരു പഠനം പറയുന്നത്. പ്രസവത്തിന് നാലാഴ്ച മുമ്പ് ഈന്തപ്പഴം കഴിക്കുന്നത് ശീലമാക്കിയാല്‍ സുഖപ്രസവം നടക്കുമെന്ന് സയന്‍സ് ആന്‍ഡ് ടെക്‌നോളജി യൂണിവേഴ്‌സിറ്റിയിലെ ഗവേഷകര്‍, 69 ഗര്‍ഭിണികളില്‍ നടത്തിയ പഠനമാണ് തെളിയിച്ചത്.

ബുദ്ധി വികാസത്തിന്: ഈന്തപ്പഴത്തിലെ വൈറ്റമിന്‍ B6 ബുദ്ധി വളര്‍ച്ചയ്ക്കും തലച്ചോറിന്റെ ആരോഗ്യത്തിനും ഉത്തമമാണ്.

നിശാന്ധത: നിശാന്ധതയ്ക്ക് (Night blindness) പരിഹാരമാണ് ഈന്തപ്പഴവും ഈന്തപ്പനയുടെ ഇലകളും. ഈന്തപ്പനയുടെ ഇലകള്‍ അരച്ച് കണ്ണിനു ചുറ്റും പുരട്ടുന്നത് നിശാന്ധതക്ക് ഫലപ്രദമാണ്. ഈന്തപ്പഴം കഴിക്കുന്നതും ഇതേ ഫലം ചെയ്യും.

മദ്യം അമിതമായി കഴിച്ചാല്‍: മദ്യം അമിതമായി ഉളളില്‍ ചെന്നാലുളള ദോഷ ഫലങ്ങള്‍ കുറച്ച് ശരീരത്തിന് ആശ്വാസം നല്‍കാന്‍ ഈന്തപ്പഴത്തിന് കഴിവുണ്ട്.

വയറിളക്കം: നാരുകളും പൊട്ടാസ്യവും ധാരാളമുളള ഈന്തപ്പഴം വയറിളക്കത്തിന് പരിഹാരമാണ്. ദഹന വ്യവസ്ഥയെ സുഗമമാക്കാന്‍ ഈന്തപ്പഴത്തിന് കഴിയും.

നാഡീ വ്യൂഹത്തിന്റെ ആരോഗ്യത്തിന്: ഈന്തപ്പഴത്തിലെ വിറ്റാമിനുകള്‍ നാഡീ വ്യൂഹത്തിന്റെ പ്രവര്‍ത്തനക്ഷമത കൂട്ടാന്‍ സഹായിക്കും.

ലൈംഗികശേഷി കൂട്ടും: ഒരു പിടി ഈന്തപ്പഴം ഒരു ഗ്ലാസ് ആട്ടിന്‍ പാലില്‍ രാത്രി മുഴുവന്‍ ഇട്ടു വയ്ക്കുക. പിറ്റേന്ന് ഏലയ്ക്കാപ്പൊടിയും ചേര്‍ത്ത് ഇത് നന്നായി ഉടച്ചെടുക്കുക. ഉയര്‍ന്ന ലൈംഗിക ശേഷി കൈവരിക്കാന്‍ സഹായിക്കുന്ന നല്ലൊരു ടോണിക് ആണിത്. ഈന്തപ്പഴത്തിലെ ഇസ്ട്രാഡിയോള്‍, ഫ്ളവനോയ്ഡ് എന്നിവ ബീജത്തിന്റെ എണ്ണം വര്‍ദ്ധിപ്പിക്കും.

ഇളനീരിനെ അറിയാം
Posted by
12 January

ഇളനീരിനെ അറിയാം

മലയാളിക്ക് ഇളനീരിനെ പ്രത്യേകം പരിചയപ്പെടുത്തേണ്ട ആവശ്യമില്ല. കേരത്തിന്റെ നാടായ കേരളത്തില്‍ ഇളനീര്‍ അഥവാ കരിക്കിനെക്കുറിച്ചറിയാത്തവരില്ല. എന്നാല്‍ ഇതിലടങ്ങിയിരിക്കുന്ന പോഷകങ്ങളെക്കുറിച്ചും ഔഷധഗുണത്തെക്കുറിച്ചും എത്ര പേര്‍ക്കറിയാം?

പ്രാചീന കാലം മുതല്‍ തന്നെ ഇളനീര്‍ ഒരു ശീതള-ഔഷധ പാനീയമായി ഇന്ത്യയില്‍ ഉപയോഗിച്ചുവരുന്നു. ഏതാണ്ട് അര ലിറ്റര്‍ വെളളം കരിക്കിലുണ്ടാകും. ഇതില്‍ കൂടുതല്‍ വെളളമുളള ഇനങ്ങളുമുണ്ട്. കേരളീയര്‍ ഇളനീരിനു വേണ്ടി എല്ലായിനം തെങ്ങുകളുടേയും കരിക്ക് ഉപയോഗിക്കാറുണ്ട്. ഓരോ തരം കരിക്കിന്റെയും സ്വാദിനും അളവിനും വ്യത്യാസമുണ്ടാകും.

ഔഷധ ഗുണവും പോഷണ ഗുണവും ഒപ്പത്തിനൊപ്പമാണ് ഇളനീരിലുള്ളത്. ഒരു ഗ്ലാസ് ഇളനീരില്‍ അരഗ്ലാസ് പാലിനു തുല്യമായ പോഷണ മൂല്യങ്ങള്‍ അടങ്ങിയിട്ടുണ്ട്. കൊഴുപ്പിന്റെ അളവ് പാലിനേക്കാള്‍ കുറവായതിനാല്‍ പൊണ്ണത്തടിയുളളവര്‍ക്ക് ക്ഷീണം തോന്നാതെ തന്നെ തടി കുറയ്ക്കാന്‍ ഇളനീര്‍ സഹായിക്കും.

ഉത്തമ ഔഷധം

ഹൃദയം, വൃക്ക, കരള്‍, കുടല്‍ രോഗങ്ങളാല്‍ വിഷമത അനുഭവിക്കുന്നവര്‍ക്ക് സുരക്ഷിതമായി ഉപയോഗിക്കാവുന്നതും ആശ്വാസം നല്‍കുന്നതുമായ പാനീയമാണിത്.

പൊട്ടാസ്യവും ലവണങ്ങളും ധാരാളമുളള ഇളനീര്‍ രോഗത്തിന്റെ തീവ്രത കുറയ്ക്കുകയും, മരുന്നുകളുടെ ആഗിരണം ത്വരിതപ്പെടുത്തുകയും, രോഗശാന്തി വേഗത്തിലാക്കുകയും അപകടകാരികളായ വിഷപദാര്‍ത്ഥങ്ങളെ പുറന്തളളുകയും ചെയ്യുന്നു. വയറിളക്കം, ഛര്‍ദ്ദി, അതിസാരം തുടങ്ങി ജലനഷ്ടം ക്രമാതീതമാകുന്ന അവസരങ്ങളില്‍ ഇളനീര്‍ ഏറ്റവും ഉത്തമമത്രേ.

ഭാരം കുറയ്ക്കണോ? പഴങ്ങള്‍ കഴിക്കൂ
Posted by
11 January

ഭാരം കുറയ്ക്കണോ? പഴങ്ങള്‍ കഴിക്കൂ

ഭാരം കുറയ്ക്കാന്‍ സകലവിദ്യകളും പരീക്ഷിച്ച് മടുത്തവരാണോ നിങ്ങള്‍? ഭാരം കൂടുമെന്ന് പേടിച്ച് ഇഷ്ട ഭക്ഷണങ്ങള്‍ ഒഴിവാക്കുന്ന ശീലമുണ്ടോ നിങ്ങള്‍ക്ക്? എന്നാല്‍ ഇഷ്ടഭക്ഷണങ്ങള്‍ ഒഴിവാക്കാതെ തന്നെ ഭാരം കുറയ്ക്കാനാകും. ഫ്ളവനോയ്ഡുകളടങ്ങിയ പഴവര്‍ഗ്ഗങ്ങളും പച്ചക്കറികളും ആഹാരത്തിലുള്‍പ്പെടുത്തിയാല്‍ മതി.  ആപ്പിള്‍, സബര്‍ജില്ലി, സ്ട്രോബെറി, റാഡിഷ്, ഓറഞ്ച്, ഉള്ളി എന്നിവ ഫ്ളവനോയ്ഡുകളാല്‍ സമൃദ്ധമാണ്. അവ അമിതഭാരവും വണ്ണവും കുറയ്ക്കാന്‍ സാധിക്കും.

ഫ്ളവനോയിഡുകള്‍ക്ക് ശരീരഭാരത്തെ ക്രമീകരിക്കാന്‍ കഴിയുന്നതുകൊണ്ടാണിത്. ശരീരഭാരം കുറയ്ക്കാന്‍ മാത്രമല്ല, ഹൈപ്പര്‍ ടെന്‍ഷന്‍, പ്രമേഹം, ഹൃദ്രോഗം, അര്‍ബുദം എന്നീ രോഗങ്ങളെ പ്രതിരോധിക്കാനും ഇത്തരം പഴവര്‍ഗ്ഗങ്ങള്‍ക്ക് കഴിയും.ഫ്ളവനോയിഡുകള്‍ ധാരാളമടങ്ങിയിരിക്കുന്നതുകൊണ്ടാണ് ഡോക്ടര്‍മാര്‍ ഗ്രീന്‍ ടീ കഴിക്കുന്നതിനെ പ്രോല്‍സാഹിപ്പിക്കുന്നത്.

ഹാര്‍വാഡ് സര്‍വകലാശാലയിലെ ഗവേഷകരുടേതാണ് ഈ കണ്ടെത്തല്‍. കഴിഞ്ഞ 24 വര്‍ഷത്തെ അമേരിക്കയിലെ ഒന്നേകാല്‍ ലക്ഷം സ്ത്രീകളുടേയും പുരുഷന്മാരുടേയും ഭക്ഷണശീലങ്ങളെ പഠനവിധേയമാക്കിയതില്‍ നിന്നാണ് ഗവേഷകര്‍ ഈ നിഗമനത്തിലെത്തിച്ചേര്‍ന്നത്.

മുടി കൊഴിച്ചിലാണോ പ്രശ്നം…? സംരക്ഷിക്കാന്‍ എളുപ്പ വഴികള്‍
Posted by
10 January

മുടി കൊഴിച്ചിലാണോ പ്രശ്നം...? സംരക്ഷിക്കാന്‍ എളുപ്പ വഴികള്‍

സ്ത്രീ ജനങ്ങളെ ഏറെ അലട്ടുന്ന പ്രശ്‌നമാണ് മുടികൊഴിച്ചില്‍. അതിനിതാ ശാശ്വത പരിഹാരം. ഒരാളുടെ തലയില്‍ ഒരു ലക്ഷം മുടികള്‍ ഉണ്ടാകും. ദിവസേന 50 മുതല്‍ 100 വരെ മുടികള്‍ കൊഴിയുന്നത് സാധാരണമാണ്. ടെസ്റ്റോസിറോണ്‍ എന്ന ഹോര്‍മോണിന്റെ വര്‍ധന, സ്ട്രെസ്, ചില മരുന്നുകളും ചികിത്സാ രീതികളും, ആര്‍ത്തവ വിരാമം, ഗര്‍ഭധാരണം, തൈറോയിഡ് വ്യതിയാനങ്ങള്‍, പോഷകാഹാരക്കുറവ്(ഇരുമ്പ്) എന്നിവ മുടി കൊഴിച്ചിലിന് കാരണമാകാം. ചിലരില്‍ മുടികൊഴിച്ചില്‍ പാരമ്പര്യമായിക്കും. ഡൈ, കളര്‍, ബ്ലീച്ച്, സ്ട്രെയ്റ്റനിങ് എന്നിവ സ്ഥിരമായി ചെയ്യുന്നത് മുടിയുടെ ആരോഗ്യം നശിപ്പിക്കും.

മുടി സംരക്ഷിക്കാന്‍

1. ഇരുമ്പും ബി വൈറ്റമിനുകളും ബയോഫ്ലാവനോയ്ഡ്സും (സിട്രസ് പഴങ്ങള്‍) പ്രോട്ടീനും ഭക്ഷണത്തില്‍ ഉള്‍പ്പെടുത്തുക. പ്രോട്ടീന്‍ ചികിത്സകളും പരീക്ഷിക്കാം.

2. ഹെയര്‍ കെയര്‍ തിരഞ്ഞെടുക്കുമ്പോള്‍ അമോണിയയും മുടി കേട് വരുത്തുന്ന സള്‍ഫേറ്റുകളും ഇല്ലാത്തതാണ് എന്ന് ഉറപ്പുവരുത്താം.

3. ദിവസവും മെഡിറ്റേഷന്‍, യോഗ, ജോഗിങ്, വായന എന്നിവയ്ക്ക് സമയം കണ്ടെത്തണം. അങ്ങനെ സ്ട്രെസ് ഒഴിവാക്കാം.

3. മുറുകിയ തൊപ്പി, സ്‌കാര്‍ഫ് എന്നിവ ഒഴിവാക്കണം. നീണ്ടമുടി പിന്നോട്ടെടുത്ത് മുറുക്കി കെട്ടുന്നതും മുടികൊഴിച്ചില്‍ അധികമാക്കും. പെട്ടന്ന് അധികമായി മുടികൊഴിച്ചില്‍ അനുഭവപ്പെട്ടാല്‍ ഡോക്ടറെ സമീപിക്കാം.

എണ്ണയുണ്ടാക്കുന്ന വിധം

ഹെയര്‍ ഓയിലുകള്‍ തലയോട്ടിയിലെ ജലാംശം നിലനിര്‍ത്തും. വെളിച്ചെണ്ണ മുടികൊഴിച്ചിലിനും താരനും ഇല്ലാതാക്കാന്‍ ഫലപ്രദമാണ്. വെളിച്ചെണ്ണയില്‍ കറിവേപ്പിലയിട്ട് 10-15 മിനിട്ട് ചൂടാക്കുക. ഇതിനുശേഷം ഉള്ളി അരിഞ്ഞ് നീരെടുക്കുക. ഇത് നേരത്തെ ചൂടാക്കിയ എണ്ണയിലേക്ക് ചേര്‍ക്കുക. ഇനി എണ്ണ അരിച്ചെടുക്കാം. ആഴ്ചയില്‍ മൂന്നോ നാലോ തവണ തലയില്‍ പുരട്ടാം. മുടി നന്നായി വളരും.

സൗന്ദര്യ സംരക്ഷണം കരുതലോടെ
Posted by
09 January

സൗന്ദര്യ സംരക്ഷണം കരുതലോടെ

സുന്ദരിയായിരിക്കാന്‍ ആഗ്രഹമില്ലാത്തവരാരാണ്? വിപണിയിലെ സൗന്ദര്യ വര്‍ദ്ധക വസ്തുക്കളെ ആശ്രയിക്കുന്നവരാണ് ഇന്നേറെയും. ഇവ ഉപയോഗിക്കുമ്പോള്‍ ഏറെ ശ്രദ്ധ വേണം. ഏറ്റവുമാദ്യം തിരിച്ചറിയേണ്ട കാര്യം നമ്മുടെ കുറവുകളെ മറയ്ക്കാനും ഉള്ള സൗന്ദര്യത്തെ എടുത്തു കാട്ടാനുമാണ് മേക്കപ്പ് ചെയ്യുന്നത് എന്നതാണ്.

ഫൗണ്ടേഷന്‍ ക്രീം ഉപയോഗിക്കുമ്പോള്‍

മേക്കപ്പിലെ പ്രധാനപ്പെട്ട ഘടകമാണ് ഫൗണ്ടേഷന്‍ ക്രീം. മുഖചര്‍മ്മത്തിലെ എല്ലാ ഭാഗത്തേയും കളര്‍ടോണ്‍ ഒരുപോലെയാക്കാനും നിറം കൂട്ടാനുമാണ് ഫൗണ്ടേഷന്‍ ക്രീം ഉപയോഗിക്കുന്നത്. മുന്തിയ ബ്രാന്‍ഡ് വാങ്ങിയതുകൊണ്ടു കാര്യമില്ല. നിങ്ങളുടെ ചര്‍മ്മത്തിനു ചേരുന്ന ഫൗണ്ടേഷന്‍ വേണം തെരഞ്ഞെടുക്കാന്‍. ഫൗണ്ടേഷന്‍ ക്രീം അളവില്‍ കൂടുതല്‍ ഉപയോഗിക്കുന്നതും ദോഷം ചെയ്യും.

ലിപ്‌ഗ്ലോസ്

ചര്‍മ്മത്തിന്റെ നിറത്തിനിണങ്ങുന്ന ലിപ്കളര്‍ തെറഞ്ഞെടുക്കാന്‍ ശ്രദ്ധിക്കണം. ചുണ്ടുകളെ സംറക്ഷിക്കുന്ന കൃത്രിമത്വം തോന്നാത്ത നിറങ്ങള്‍ വേണം ഉപയോഗിക്കാന്‍.

ഫേസ്പൗഡര്‍

മുഖത്തെ എണ്ണമയം അകറ്റി തിളക്കം നല്‍കാന്‍ സഹായിക്കുന്നതാണ്‌ഫേസ് പൗഡറുകള്‍. എന്നാല്‍ ഇത് അളവില്‍ക്കൂടിയാല്‍ ചര്‍മ്മത്തില്‍ ചുളിവുകളുണ്ടാക്കും. ചന്ദന നിറമുള്ള ഫേസ്പൗഡറുകളാണ് നല്ലത്. ഇത് ചര്‍മ്മത്തെ കൂടുതല്‍ പ്രകാശമുള്ളതാക്കും.

ഐഷാഡോ

കണ്‍പോളകളുടെ പുറമേ പുരട്ടുന്നതിനാല്‍ വളരെയധികം ശ്രദ്ധ വേണം. മികച്ച ഗുണനിലവാരമുള്ള ഐഷാഡോകള്‍ തെരഞ്ഞെടുക്കുക. മെറ്റാലിക് ഐഷാഡോ ഉപയോഗിച്ചാല്‍ അധികനേരം വെക്കാതിരിക്കാന്‍ ശ്രദ്ധിക്കണം.

മസ്‌കാര

കണ്ണുകള്‍ക്ക് വലിപ്പം തോന്നിപ്പിക്കാനും കണ്‍പീലികള്‍ കൂടുതല്‍ കറുപ്പുള്ളതാക്കാനും മസ്‌കാര സഹായിക്കുന്നു. കഴിവതും കെമിക്കലുകള്‍ ചേരാത്ത മസ്‌കാര വേണം ഉപയോഗിക്കാന്‍. മസ്‌കാര ഉപയോഗിക്കുമ്പോള്‍ കണ്ണുകള്‍ തുറന്നു പിടിക്കണം.

രക്തം ഊറ്റിക്കുടിച്ച് കുടലിലെ കൊക്കപ്പുഴുക്കള്‍; രണ്ടുവര്‍ഷം കൊണ്ട് പതിനാലുകാരന് നഷ്ടമായത് 22 ലിറ്റര്‍ രക്തം
Posted by
09 January

രക്തം ഊറ്റിക്കുടിച്ച് കുടലിലെ കൊക്കപ്പുഴുക്കള്‍; രണ്ടുവര്‍ഷം കൊണ്ട് പതിനാലുകാരന് നഷ്ടമായത് 22 ലിറ്റര്‍ രക്തം

ഹൈദരാബാദ്: പതിനാലുകാരന്റെ ശരീരത്തില്‍നിന്ന് രക്തം ഊറ്റിക്കുടിച്ച് കൊക്കപ്പുഴുക്കള്‍. ഹൈദരാബാദിലെ ഹല്‍ദ്വാനി സ്വദേശിയില്‍ നിന്നും രണ്ടുവര്‍ഷത്തിനിടെ 22 ലിറ്ററോളം രക്തമാണ് ചെറുകുടലിലെ കൊക്കപ്പുഴുക്കള്‍ കുടിച്ചത്. സര്‍ ഗംഗാറാം ആശുപത്രിയിലെ ഡോക്ടര്‍മാരാണ് വിദഗ്ധ പരിശോധനയിലൂടെ ഇക്കാര്യം കണ്ടെത്തിയതെന്ന് ദ ഇന്ത്യന്‍ എക്സ്പ്രസ് റിപ്പോര്‍ട്ട് ചെയ്തു. ചെറുകുടലിനുള്ളില്‍ വയര്‍ലെസ് ക്യാമറ കടത്തിവിട്ടുള്ള ക്യാപ്സൂള്‍ എന്‍ഡോസ്‌കോപ്പി പരിശോധനയ്ക്കിടെയാണ് ഇക്കാര്യം കണ്ടെത്തിയത്.

കുട്ടി അനീമിയാ ബാധിതനാണെന്നായിരുന്നു ആദ്യം കരുതിയിരുന്നത്. അതിനാല്‍ അനീമിയക്കുള്ള ചികിത്സയായിരുന്നു ആദ്യം നല്‍കിയിരുന്നത്. എന്നാല്‍ ചികിത്സ കൊണ്ട് പ്രത്യേകിച്ച് ഗുണമൊന്നുമുണ്ടായില്ല. രക്തക്കുറവ് പരിഹരിക്കാന്‍ അമ്പത് യൂണിറ്റ് രക്തം ഇതിനോടകം കുട്ടിക്ക് നല്‍കുകയും ചെയ്തിരുന്നു.

തുടര്‍ന്നാണ് ചെറുകുടലിനുള്ളില്‍ വയര്‍ലെസ് ക്യാമറ കടത്തിവിട്ടുള്ള പരിശോധന നടത്തിയത്. ചെറുകുടലിന്റെ ആദ്യഭാഗങ്ങളില്‍ വ്യത്യാസമൊന്നും കണ്ടെത്താനായില്ലെങ്കിലും രണ്ടാമത്തെ ഭാഗത്തായാണ് കൊക്കപ്പുഴുക്കളെ കണ്ടെത്താനായത്.

കുടങ്ങലെന്ന അത്ഭുത സസ്യം
Posted by
08 January

കുടങ്ങലെന്ന അത്ഭുത സസ്യം

തികച്ചും ഒരു നാട്ടു സസ്യമാണ് കുടങ്ങല്‍(മുത്തിള്‍). വെറുമൊരു സസ്യം മാത്രമല്ല കുടങ്ങല്‍, ഒരു സിദ്ധൗഷധവും കൂടിയാണിത്. മുത്തിള്‍, കരിന്തക്കാളി, കരിമുത്തിള്‍, കുടകന്‍, കൊടുങ്ങല്‍, സ്ഥലബ്രഹ്മി എന്നിങ്ങനെ ദേശവ്യത്യാസമനുസരിച്ച് കുടങ്ങല്‍ അറിയപ്പെടുന്നു.സെന്റെല്ലാ ഏഷ്യാറ്റിക്ക (Centella Asiatica ) എന്നാണ് കുടങ്ങലിന്റെ ശാസ്ത്രനാമം.

ഓര്‍മ്മശക്തിയും ബുദ്ധിശക്തിയും വര്‍ദ്ധിപ്പിക്കാന്‍ സഹായിക്കുന്ന കുടങ്ങലിന് സരസ്വതി എന്ന് സംസ്‌കൃതത്തിലും പേരുണ്ട്. മാത്രമല്ല ഇതിന്റെ ഇലയ്ക്ക് മസ്തിഷ്‌കത്തോട് സാമ്യമുണ്ടെന്നതും കൗതുകകരമാണ്. മസ്തിഷ്‌ക സെല്ലുകള്‍ക്ക് നവജീവന്‍ പകരുന്ന ഈ അത്ഭുത ഔഷധം ശരീരത്തിന് യുവത്വവും ആരോഗ്യവും പ്രദാനം ചെയ്യും.

മോരുകറിയാക്കിയും മറ്റുകറികളില്‍ ചേര്‍ത്തുമൊക്കെ കുടങ്ങലിനെ നാം ഭക്ഷണത്തില്‍ ഉള്‍പ്പെടുത്തിയിരുന്നു ശ്രീലങ്ക, തായ്‌ലന്റ്, ബംഗ്‌ളാദേശ് മുതലായ പലരാജ്യങ്ങ്‌ളിലും ഇപ്പോഴും കുടങ്ങല്‍ വിവിധരീതിയില്‍ ഭക്ഷണത്തില്‍ ഉള്‍പ്പെടുത്തിപ്പോരുന്നു.

കുടങ്ങലിന്റെ ഇലയും തേങ്ങയും ചേര്‍ത്തുണ്ടാക്കുന്ന കറി ചോറിനൊപ്പം ശ്രീലങ്കക്കാര്‍ക്ക് ഏറെ പ്രിയം. ഇല അരച്ച് കഞ്ഞിയില്‍ തേങ്ങയുമയി ചേര്‍ത്ത് മധുരം ചേര്‍ത്തോ അല്ലാതെയോ കഴിക്കുന്ന പതിവുമൂണ്ട്. കുടങ്ങള്‍ ജ്യൂസ് ‘ബായി ബുവാ ബോക്ക്’ എന്നപേരില്‍ തായലന്റില്‍ സുലഭമാണ്.

അളവില്ലാത്ത ആരോഗ്യം നല്‍കുന്ന കുടങ്ങലിനെ നാം ഇനിയും ഭക്ഷണത്തിലുള്‍പ്പെടുത്താന്‍ വൈകിക്കൂടാ. സലാഡായും മറ്റു കറികളിലെ ചേരുവകളോടൊപ്പവും ഈ ഇല അരിഞ്ഞു ചേര്‍ക്കാം. തേങ്ങ ചേര്‍ത്ത് തോരനുണ്ടാക്കിയും കഴിക്കാം.

കയ്പുരസവും ശീതവീര്യവുമായ കുടങ്ങല്‍ സമൂലമാണ് ഔഷധമായി ഉപയോഗിക്കുന്നത്. നല്ല ഉറക്കം നല്കുകയും ഉന്മാദാവസ്ഥ കുറയ്ക്കുകയും ചെയ്യുന്ന ഇത് ചര്‍മ്മരോഗങ്ങള്‍ക്കെതിരായും ഔഷധമാണ്. ഇതിന്റെ ഇല അരച്ചു പുരട്ടിയാല്‍ ചര്‍മ്മരോഗങ്ങള്‍ ശമിക്കും.

ഇലച്ചാര്‍ ഒരു ടീസ്പൂണ്‍ വീതം വെണ്ണ ചേര്‍ത്ത് കുട്ടികള്‍ക്ക് ദിവസവും നല്കിയാല്‍ രോഗപ്രതിരോധശേഷിയും ബുദ്ധിശക്തിയും വര്‍ദ്ധിക്കും. ഇലനീരും തളിരില ചമ്മന്തിയും ശ്വാസകോശങ്ങളെയും ഹൃദയത്തെയും ഉത്തേജിപ്പിക്കുകയും പ്രമേഹത്തെ നിയന്ത്രിക്കുകയും ചെയ്യും.

കൊച്ചുകുട്ടികള്‍ക്ക് ഇതിന്റെ നീര് ഒരു സ്പൂണ്‍ വീതം തേന്‍ ചേര്‍ത്ത് രാവിലെ കൊടുത്താല്‍ ത്വക്ക് രോഗങ്ങളില്‍ നിന്നും രക്ഷപ്പെടും. ഓര്‍മ്മശക്തി കൂട്ടുകയും ചെയ്യും. കുടങ്ങല്‍ സമൂലം പിഴഞ്ഞെടുത്ത് സ്വരസം അര ഔണ്‍സ് വീതമെടുത്ത് വെണ്ണ ചേര്‍ത്ത് ദിവസവും രാവിലെ കുട്ടികള്‍ക്ക് കൊടുത്താല്‍ ബുദ്ധി ശക്തിയും ധാരണാ ശക്തിയും വര്‍ദ്ധിക്കും.

First aids for accident recue
Posted by
08 January

റോഡില്‍ ജീവനുകള്‍ പൊലിയാതിരിക്കാന്‍ ഒരു കൈ സഹായം; അടിയന്തിര രക്ഷാപ്രവര്‍ത്തനത്തില്‍ ഇവ ശ്രദ്ധിക്കുക

റോഡില്‍ പൊലിയുന്ന മിക്ക ജീവനുകള്‍ക്കും കാരണം കൃത്യസമയത്തെ
രക്ഷാപ്രവര്‍ത്തനത്തിന്റെ അഭാവം തന്നെയാണ്. സുരക്ഷിതമായ രീതിയിലുള്ള രക്ഷാപ്രവര്‍ത്തനം ലഭ്യമായാല്‍ എത്രയോ ജീവനുകളെ രക്ഷിക്കാനാവും. എന്നാല്‍ എങ്ങനെയാണ് അടിയന്തിര രക്ഷാപ്രവര്‍ത്തനം നടത്തുക? പ്രാഥമികശുശ്രൂഷ എങ്ങനെ,
അതേസമയം ഒരു ധാരണയുമില്ലാത്ത സാഹചര്യത്തിലേക്ക് എടുത്ത് ചാടി രക്ഷപ്പെടുത്താന്‍ ശ്രമിക്കുമ്പോള്‍ ഒരു പക്ഷേ നഷ്ടപ്പെട്ടേക്കാം.

രക്ഷാപ്രവര്‍ത്തനത്തിന്റെ ഘട്ടങ്ങളെ അറിയാം:

അപകടം കണ്ടാലുടനെ ഏറ്റവും അടുത്ത ആശുപത്രിയിലേക്ക് വിളിച്ച് ആംബുലന്‍സ് ആവശ്യപ്പെടുക. പരുക്കേറ്റയാളുടെ ചുറ്റുപാട്, അയാളുടെ കിടപ്പ് എന്നിവയെല്ലാം ശ്രദ്ധിക്കുക. റോഡില്‍ കിടക്കുന്ന ആളെ പെട്ടെന്ന് പിടിച്ച് എഴുന്നേല്‍പിക്കരുത്, കഴുത്തു പോലുമുയര്‍ത്തരുത്. സ്പൈനല്‍ കോര്‍ഡിന് വരുന്ന കുഞ്ഞുഡാമേജ് പോലും അയാളെ സ്ഥിരമായി കട്ടിലിലാക്കാം. എന്തിന്റെയെങ്കിലും അടിയില്‍ പെട്ട് കിടക്കുന്ന ആളെ പുറത്തേക്ക് വലിച്ചെടുക്കുന്നതിനു പകരം മുകളില്‍ മറിഞ്ഞു കിടക്കുന്ന വസ്തുക്കള്‍ സൂക്ഷ്മതയോടെ ഉയര്‍ത്തി മാറ്റാന്‍ പറ്റുമോ എന്ന് ആദ്യം ശ്രമിക്കണം.

ആശുപത്രിയിലേക്ക് പോകാനുള്ള വാഹനമെത്തിയതിന് ശേഷം രോഗിയുടെ കഴുത്തുള്‍പ്പെടെ തല ഒരാള്‍ അനക്കമേല്‍ക്കാതെ പിടിക്കണം. ആവശ്യത്തിന് രക്ഷാപ്രവര്‍ത്തകര്‍ ഉണ്ടെങ്കില്‍, രോഗിയുടെ മുതുകിന് ഇരുവശവും, തുടകള്‍ക്കിരുവശവും മുട്ടിന് കീഴില്‍ ചേര്‍ത്ത് പിടിക്കാനൊരാളും എന്ന രീതിയില്‍ രോഗിയെ വാഹനത്തിലേക്ക് മാറ്റാം. ശ്രദ്ധിക്കേണ്ടത് കഴുത്ത് മുതല്‍ നടു വരെ അനങ്ങാതെ നേരെ കിടത്തി വേണം രോഗിയെ മാറ്റാന്‍. കിടത്തി തന്നെ കൊണ്ടു പോവണം.

ഓട്ടോറിക്ഷയില്‍ രോഗിയെ ബലമായി പിടിച്ചിരുത്തി പിന്നേം നാലാള്‍ കയറി വാഗണ്‍ ട്രാജഡി പരുവത്തില്‍ ആശുപത്രിയിലേക്ക് പോകരുത്. പുറപ്പെടുന്ന സമയത്ത് രോഗിയെ കൊണ്ടു പോകുന്ന ആശുപത്രിയിലേക്ക് ഒന്ന് വിളിച്ച് പറയുക കൂടി ചെയ്താല്‍ അവര്‍ക്ക് മുന്‍കൂട്ടി തയ്യാറായിരിക്കാന്‍ സാധിക്കും. ആശുപത്രികളുടെ ഫോണ്‍ നമ്പറുകളുടെ കമനീയശേഖരം തന്നെ ഗൂഗിള്‍ നിങ്ങള്‍ക്കായി ഒരുക്കിയിട്ടുണ്ട്.

രോഗിയുടെ ദേഹത്ത് തുറന്ന മുറിവുണ്ടെങ്കില്‍ ഒരു വലിയ തുണി മടക്കി അതിന്‍മേല്‍ വെച്ച് മറ്റൊരു തുണി കൊണ്ട് വലിയ മുറുക്കമില്ലാതെ കെട്ടാം. വണ്ടിക്കകത്ത് അകപ്പെട്ട രീതിയിലാണ് രോഗിയെങ്കില്‍ വണ്ടി വെട്ടിപ്പൊളിക്കാന്‍ ഫയര്‍ഫോഴ്സിനെയോ മറ്റ് ഉത്തരവാദിത്വപ്പെട്ടവരെയോ അറിയിക്കുകയാണ് ആദ്യം വേണ്ടത്. ഇത് നമ്മുടെ ചുറ്റുപാടുകളില്‍ പലപ്പോഴും സാധ്യമല്ല എന്നത് കൊണ്ട് തന്നെ വാഹനത്തിനകത്ത് കുടുങ്ങിയ രോഗിയെ രക്ഷിക്കാന്‍ ശ്രമിക്കുമ്പോള്‍ രോഗിക്കോ സ്വയമോ പരിക്കേല്‍ക്കുന്നത് സൂക്ഷിക്കുക.

(മഞ്ചേരി മെഡിക്കല്‍ കോളേജിലെ ഡോക്ടര്‍ ഷിംന അസീസിന്റെ ഫേസ്ബുക്ക് പോസ്റ്റില്‍ നിന്ന്)

ഗര്‍ഭിണികള്‍ പാരസെറ്റമോള്‍ കഴിക്കുന്നത് പെണ്‍കുട്ടികളെ ദോഷകരമായി ബാധിക്കും
Posted by
08 January

ഗര്‍ഭിണികള്‍ പാരസെറ്റമോള്‍ കഴിക്കുന്നത് പെണ്‍കുട്ടികളെ ദോഷകരമായി ബാധിക്കും

ഗര്‍ഭിണികള്‍ പാരസെറ്റമോള്‍ കഴിക്കുന്നത് ഗര്‍ഭാവസ്ഥയിലുള്ള പെണ്‍കുഞ്ഞിനെ ദോഷകരമായി ബാധിക്കുമെന്ന് പഠനം. സ്‌കോട്ട്‌ലന്റിലെ എഡിന്‍ബറ സര്‍വ്വകലാശാലയിലെ ഗവേഷകരാണ് പഠനം നടത്തിയത്. പാരസെറ്റമോള്‍ പെണ്‍കുട്ടികളുടെ പ്രത്യുത്പാദന ശേഷിയെ പ്രതികൂലമായി ബാധിക്കുമെന്നാണ് കണ്ടെത്തല്‍.

പാരസെറ്റമോളിന്റെ സാന്നിധ്യം മൂലം 40ശതമാനം അണ്ഡങ്ങളും നശിച്ചതായി ഗവേഷകര്‍ നടത്തിയ പരീക്ഷണത്തില്‍ കണ്ടെത്തി. ഗര്‍ഭിണികള്‍ പാരസെറ്റമോള്‍ കഴിച്ചാല്‍ ജനിക്കുന്ന പെണ്‍കുഞ്ഞുങ്ങളില്‍ അണ്ഡങ്ങളുടെ എണ്ണം കുറയുമെന്നും ഗവേഷകര്‍ മുന്നറിയിപ്പു നല്‍കുന്നു. ഭാവിയില്‍ ഗര്‍ഭധാരണം വൈകുന്നതിനും ആര്‍ത്തവവിരാമം നേരത്തെയാകുന്നതിനും ഇത് കാരണമാകും.

error: This Content is already Published.!!