കഞ്ഞി വെറും ‘കഞ്ഞി’യല്ല : സൗന്ദര്യ സംരക്ഷണത്തിന് കഞ്ഞി വെള്ളം
Posted by
11 September

കഞ്ഞി വെറും 'കഞ്ഞി'യല്ല : സൗന്ദര്യ സംരക്ഷണത്തിന് കഞ്ഞി വെള്ളം

ഊര്‍ജ ദായകവും പോഷക സമ്പുഷ്ടവുമായ കഞ്ഞി വെള്ളം ആരോഗ്യത്തിനു വളരെ നല്ലതാണെന്നു എല്ലാവര്‍ക്കും അറിയാവുന്ന കാര്യമാണ്. ആരോഗ്യത്തിനു മാത്രമല്ല സൗന്ദര്യ സംരക്ഷണത്തിന് കഞ്ഞി വെള്ളം വളരെ ഉപകാരപ്രദമാണെന്നറിയുമോ?

ആന്റി ഓക്‌സിഡന്റുകളാല്‍ സമ്പുഷ്ടമായ കഞ്ഞി വെള്ളം ഉപയോഗിച്ച് മുഖം കഴുകിയാല്‍ ചര്‍മം പട്ടുപോലെയാകും.



ചിക്കന്‍ പോക്‌സ് വന്നതിന്റെയും മറ്റും പാടുകള്‍ മുഖത്ത് നിന്നും കളയാന്‍ നിത്യവും കഞ്ഞി വെള്ളം കൊണ്ട് മുഖം കഴുകിയാല്‍ മതി.

കഞ്ഞി വെള്ളം കൊണ്ട് മുഖം കഴുകുന്നത് മുഖക്കുരുവിനെ ചെറുക്കും.

നല്ലൊരു ടോണറാണ് കഞ്ഞി വെള്ളം കഞ്ഞി വെള്ളം കൊണ്ട് മുഖം കഴുകുന്നത് ചര്‍മ്മത്തിലെ സുഷിരങ്ങള്‍ കുറച്ച് ചര്‍മത്തെ ദൃഢമാക്കാന്‍ സഹായിക്കും.

തണുത്ത കഞ്ഞി വെള്ളത്തില്‍ പഞ്ഞി മുക്കിയോ ഒരു സ്‌പ്രേ ബോട്ടിലിലാക്കി ഇടയ്ക്ക് മുഖത്ത് സ്‌പ്രേ ചെയ്‌തോ ഉപയോഗിക്കാം. എണ്ണമയമുള്ള ചര്‍മമാണെങ്കില്‍ പിന്നീട് ഒരു മോയ്‌സ്ച്യുറൈസര്‍ ഉപയോഗിക്കണമെന്ന നിര്‍ബന്ധവുമില്ല.

കഞ്ഞി വെള്ളം മികച്ചൊരു കണ്ടീഷണര്‍ കൂടിയാണ്. ഷാംപൂ ചെയ്തതിനു ശേഷം തണുത്ത കഞ്ഞിവെള്ളം ഉപയോഗിച്ച് കഴുകിയാല്‍ മുടി തിളങ്ങും.

കഞ്ഞി വെള്ളം കൊണ്ട് തല കഴുകുന്നത് മുടി അറ്റം പിളരാതിരിക്കാന്‍ സഹായിക്കും.

കഞ്ഞി വെള്ളത്തില്‍ അല്പം ചെറുനാരങ്ങാ നീരൊഴിച്ചു അത് കൊണ്ട് മുടി കഴുകിയാല്‍ താരനകലും.

കഞ്ഞി വെള്ളത്തില്‍ കറിവേപ്പില ചതച്ച നീരും കൂടി മിക്‌സ് ചെയ്ത് തല കഴുകുന്നത് മുടി വളരാന്‍ സഹായിക്കും.

കുതിര്‍ത്ത ഉലുവ കഞ്ഞി വെള്ളത്തില്‍ അരച്ച് ചേര്‍ത്ത് തലയില്‍ തേക്കാവുന്നതാണ്. തലമുടിക്ക് നല്ലൊരു പ്രോട്ടിന്‍ പാക്ക് ആണിത്.

ലോകത്തെ ഏറ്റവും നീളംകൂടിയ കാലുകള്‍ ഈ സുന്ദരിയുടേതാണ്‌
Posted by
11 September

ലോകത്തെ ഏറ്റവും നീളംകൂടിയ കാലുകള്‍ ഈ സുന്ദരിയുടേതാണ്‌

ഒളിമ്പിക് മെഡല്‍ ജേതാവും റഷ്യന്‍ മോഡലുമായ ഏകാതെറീന ലിസിന എന്ന സുന്ദരിയ്ക്ക് ഇനി ഗിന്നസ് വേള്‍ഡ് റെക്കോഡും സ്വന്തം. രണ്ട് ഗിന്നസ് നേട്ടങ്ങളാണ് ഈ റഷ്യന്‍ താരം തന്റെ പേരിനൊപ്പം എഴുതിച്ചേര്‍ത്തിരിക്കുന്നത്.

ഈ ആറടി ഒമ്പതിഞ്ച് ഉയരക്കാരി ലോകത്തിലെ ഏറ്റവും ഉയരമുള്ള ഫാഷന്‍ മോഡലാണ്. മാത്രമല്ല ഏറ്റവും നീളമുള്ള കാലുകളള്ള സ്ത്രീ എന്ന റെക്കോഡും ഏകാതെറീന സ്വന്തമാക്കി. ഇടതു കാലിന് 132.8 സെന്റിമീറ്ററും വലതുകാലിന് 132.2 സെന്റിമീറ്ററുമാണ് ഏകാതെറീനയ്ക്കുള്ളത്.

2008ലെ ബെയ്ജിംഗ് ഒളിമ്പിക്‌സില്‍ വെങ്കല മെഡല്‍ നേടിയ റഷ്യന്‍ ബാസ്‌കറ്റ് ബോള്‍ ടീമിലെ അംഗമായിരുന്നു ഏകാതെറീന. 2014 ല്‍ സ്‌പോര്‍ട്‌സിനോട് വിടപറഞ്ഞ ഏകാതെറീന ഇപ്പോള്‍ മോഡലിംഗിലാണ് ശ്രദ്ധ കേന്ദ്രീകരിക്കുന്നത്.

ഉയരക്കാരുടെ കുടുംബത്തില്‍ നിന്നാണ് ഏകാതെറീനയുടെ വരവ്. മാതാപിതാക്കളും സഹോദരനും ആറടിയിലധികം നീളമുള്ളവരാണ്. ആറ് വയസ്സുള്ള കുഞ്ഞിന്റെ അമ്മ കൂടിയാണ് ഏകാതെറീന.

ലിംഗസമത്വം: പെണ്‍കുട്ടികള്‍ക്ക് സ്‌കൂളില്‍ പാവാടയ്ക്ക് പകരം പാന്റ്സ്
Posted by
08 September

ലിംഗസമത്വം: പെണ്‍കുട്ടികള്‍ക്ക് സ്‌കൂളില്‍ പാവാടയ്ക്ക് പകരം പാന്റ്സ്

ലണ്ടന്‍: ലിംഗസമത്വം ഉറപ്പുവരുത്തുന്നതിനായി സ്‌കൂള്‍ യൂണിഫോമില്‍ നിന്ന് പാവാടയ്ക്ക് പകരം പാന്റ്‌സ് നിര്‍ദേശിച്ച് ലണ്ടനിലെ സസെക്‌സിലെ പ്രയോറി സ്‌കൂള്‍. ലിംഗസമത്വത്തിന് പുറമെ പാവാടയുടെ ഇറക്കക്കുറവുമായി ബന്ധപ്പെട്ടുയരുന്ന പരാതികള്‍ അവസാനിപ്പിക്കുക എന്ന ഉദ്ദേശ്യവും ഈ പുതിയ തീരുമാനത്തിന് പിറകിലുണ്ട്.

സ്‌കൂള്‍ യൂണിഫോമിലുള്ള വേര്‍തിരിവില്‍ ഔചിത്യക്കുറവുണ്ടെന്ന് വിദ്യാര്‍ത്ഥികള്‍ ചൂണ്ടിക്കാട്ടിയതുകൊണ്ടാണ് യൂണിഫോം ഏകീകരിക്കാന്‍ തീരുമാനിച്ചതെന്ന് സ്‌കൂളിലെ പ്രധാനാധ്യാപകന്‍ ടോണി സ്മിത്ത് പറയുന്നു. പെണ്‍കുട്ടികളുടെ യൂണിഫോം പാവാടയുടെ ഇറക്കത്തെ ചൊല്ലി നിരവധി പരാതികളും ലഭിച്ചതും ഏകീകരണതീരുമാനത്തില്‍ നിര്‍ണായക പങ്കുവഹിച്ചു. സ്‌കൂള്‍ അധികൃതരുടെയും വിദ്യാര്‍ത്ഥിനികളുടെയും രക്ഷിതാക്കളുടെയും നിര്‍ദേശങ്ങള്‍ കണക്കിലെടുത്ത് പ്രത്യേകമായി രൂപകല്‍പന ചെയ്തതാണ് പുതിയ യൂണിഫോം.

സ്‌കൂള്‍ അധികൃതരുടെ തീരുമാനത്തെ ഇരുകൈയും നീട്ടിയാണ് രക്ഷിതാക്കളും വിദ്യാര്‍ത്ഥിനികളും സ്വീകരിച്ചിരിക്കുന്നത്.

ഇതാണ് താടി : ലോക താടി-മീശ മത്സരത്തില്‍ പങ്കെടുക്കുന്നവരെ കാണാം
Posted by
07 September

ഇതാണ് താടി : ലോക താടി-മീശ മത്സരത്തില്‍ പങ്കെടുക്കുന്നവരെ കാണാം

താടി വളര്‍ത്തുന്നത് ഓരോ കാലത്തും പല രീതികളില്‍ വ്യാഖ്യാനിക്കപ്പെട്ടിണ്ട്. ബുദ്ധിജീവികള്‍ എന്ന ലേബലിലേക്ക് താടിവളര്‍ത്തുന്നവരെ പണ്ടും ഇപ്പോഴും കണക്കാക്കാറുണ്ട്. പൗരുഷത്തിന്റെ പ്രതീകമായും മധ്യകാലഘട്ടത്തില്‍ താടിയെ കരുതിയിരുന്നു. പിന്നീട് സിനിമകള്‍ വ്യാപകമായതോടെ പ്രണയനൈരാശ്യത്തിന്റെ മറ്റൊരു മുഖമായി മാറി താടി വടിയ്ക്കാത്ത നായകന്‍. ട്രെന്‍ഡും ഫ്രീക്കും എന്ന് പറഞ്ഞ് ഇപ്പോഴത്തെ ഫ്രീക്കന്‍മാരും താടി വളര്‍ത്തുന്നത് ശീലമാക്കിയിട്ടുണ്ട്, എന്നാല്‍ ബുദ്ധി ജീവി സ്‌റ്റൈലില്‍ അല്ലെന്നു മാത്രം.

ലോകത്ത് പല വിചിത്രമായ മത്സരങ്ങളും നടക്കാറുണ്ട്. ഏറ്റവും സൗന്ദര്യമുള്ള ആളുകളെ കണ്ടെത്തുവാനും മസില്‍മാന്‍മാരെ കണ്ടെത്തുവാനും അങ്ങിനെ പല വിധത്തിലുള്ള മത്സരങ്ങള്‍ ലോകത്ത് നടക്കുന്നു. ഈയടുത്ത് നടന്ന ലോക താടി മീശ മത്സരത്തില്‍ പങ്കെടുത്ത ചില മത്സരാര്‍ഥികളെ കാണാം നമുക്ക്.

പ്രമേഹരോഗികള്‍ വ്യായാമം ചെയ്യുമ്പോള്‍ അബദ്ധങ്ങള്‍ കൂടുന്നു; പ്രത്യേകം ശ്രദ്ധിക്കേണ്ട ചില കാര്യങ്ങള്‍
Posted by
07 September

പ്രമേഹരോഗികള്‍ വ്യായാമം ചെയ്യുമ്പോള്‍ അബദ്ധങ്ങള്‍ കൂടുന്നു; പ്രത്യേകം ശ്രദ്ധിക്കേണ്ട ചില കാര്യങ്ങള്‍

പ്രമേഹം ബാധിച്ചവര്‍ വ്യായാമം ചെയ്യേണ്ടത് നിര്‍ബന്ധമാണ്. ഇതുവഴി ക്ഷീണം കുറയുന്നതിനും പ്രമേഹം ഇല്ലാതാകുന്നതിനും കഴിയും. എന്നാല്‍, പ്രമേഹരോഗികള്‍ വ്യായാമം ചെയ്യുമ്പോള്‍ അബന്ധങ്ങള്‍ കൂടുന്നതായി ഗവേഷകര്‍ വ്യക്തമാക്കുന്നു. ചികിത്സയും ഡോക്ടറുടെ ഉപദേശവും പ്രമേഹരോഗികള്‍ക്ക് അത്യാവശ്യമാണെങ്കിലും ചില കര്യങ്ങളില്‍ പ്രത്യേകം ശ്രദ്ധിക്കേണ്ടതുണ്ട്.

ഷുഗര്‍ എത്രയുണ്ടെന്നു പരിശേധിച്ചശേഷം മാത്രമെ വ്യായാമം തുടങ്ങാന്‍ പാടുള്ളൂ. ഇതിനായി വിദഗ്ദരുടെയോ ഡോക്ടര്‍മാരുടെയോ നിര്‍ദേശങ്ങള്‍ സ്വീകരിക്കണം.വെറുംവയറ്റില്‍ കടുത്ത വ്യായാമങ്ങള്‍ ചെയ്യാന്‍ പാടില്ല. കൃത്യമായ ഇടവേളകളില്‍ വെള്ളം കുടിക്കണം. തിളപ്പിച്ചാറ്റിയ വെള്ളമാണ് ഏറ്റവും നല്ലത്. മധുരമടങ്ങിയ സോഫ്റ്റ് ഡ്രിങ്ക്‌സ് വ്യായമസമയത്ത് പൂര്‍ണ്ണമായും ഒഴിവാക്കണം.

വേഗത്തില്‍ നടക്കുകയോ ഓടുകയോ ചെയ്യുന്നതാകും പ്രമേഹരോഗികള്‍ പതിവായി ചെയ്യുന്ന വ്യായാമങ്ങള്‍. ചിലര്‍ സൈക്കിള്‍ ചവിട്ടുന്നതും ശീലമാക്കാറുണ്ട്. ഷുഗര്‍നില അപ്രതീക്ഷിതമായി താഴ്ന്നു പോകാന്‍ സാധ്യതയുള്ളതിനാല്‍ ഈ സമയങ്ങളില്‍ രോഗി ഒരു എമര്‍ജന്‍സി കിറ്റ് കരുതണം. കിറ്റില്‍ വെള്ളം, ഗ്ലൂക്കോസ്, മിഠായി, മരുന്നുകള്‍ എന്നിവ തീര്‍ച്ചയായും ഉണ്ടാകണം. ക്ഷീണം താങ്ങാന്‍ സാധിക്കില്ലെന്നു വ്യക്തമായാല്‍ വിശ്രമിക്കുകയോ മറ്റുള്ളവരുടെ സഹായം സ്വീകരിക്കുകയോ ചെയ്യണം. തനിച്ചുള്ള വ്യായാമം ഒഴിവാക്കുന്നതാകും നല്ലത്.

ശരീരത്തിന് കൂടുതല്‍ ആഘാതമുണ്ടാക്കുന്ന വ്യായാമം പാടില്ല. പാദങ്ങളുടെ സുരക്ഷ എപ്പോഴും ശ്രദ്ധിക്കണം. മുറിവുകള്‍ ഉണ്ടായാല്‍ അണുബാധയുണ്ടാകുമെന്ന കാര്യത്തില്‍ സംശയമില്ല. അതിനാല്‍, പാദങ്ങളുടെ സുരക്ഷയ്ക്കായി ഷൂസും സോക്‌സും ധരിക്കുകയും വേണം.

വയറ് വേദനയെ പേടിക്കണം: കാരണങ്ങള്‍ ഇതാണ്
Posted by
07 September

വയറ് വേദനയെ പേടിക്കണം: കാരണങ്ങള്‍ ഇതാണ്

വയറ് വേദന ഒരു സാധാരണ അസുഖമായിട്ടാണ് എല്ലാവരും കാണുന്നത്. നേരിയ ദഹന പ്രശ്‌നങ്ങള്‍ എന്നിവ മുതല്‍ പിരിമുറക്കം വരെ വയറുവേദനയ്ക്ക് കാരണമാകാം. പലതരത്തില്‍ വയറ് വേദന വരാറുണ്ട്. പലപ്പോഴും നമ്മള്‍ അത് ശ്രദ്ധിക്കാറില്ല. എന്നാല്‍ ചില വയറ് വേദനയെ കുറിച്ചും അവയുടെ ലക്ഷണങ്ങളെ കുറിച്ചും അറിഞ്ഞിരിക്കേണ്ടതുണ്ട്.

1. അപ്പന്‍ഡിസൈറ്റിസ്: അപ്പന്‍ഡിക്‌സ് വീര്‍ത്ത് വരുന്നത് മൂലം വയറിന്റെ വലതുവശത്ത് താഴെയായി കടുത്ത വേദനയുണ്ടാവും. അടിയന്തര ശസ്ത്രക്രിയയിലൂടെ അപ്പന്‍ഡിക്‌സ് നീക്കം ചെയ്യേണ്ടി വരും.

2. ഗ്യാസ്ട്രിക് അള്‍സര്‍: ചെറുകുടലിലെ അള്‍സര്‍ മൂലം വയറ്റില്‍ രക്തസ്രാവവും കഠിനമായ വേദനയുമുണ്ടാവും.

3. പിത്തസഞ്ചിയുടെ വീക്കം: പിത്തസഞ്ചിയുടെ വീക്കം മൂലം അല്ലെങ്കില്‍ പിത്തസഞ്ചിയുടെ കല്ലുകള്‍ മൂലമുള്ള കോളിയോസിസ്‌റ്റൈറ്റിസ് മൂലം വേദനയുണ്ടാകാം. പിത്ത സഞ്ചിയിലെ കല്ലുകള്‍ നീക്കം ചെയ്യുന്നതാണ് ഇതിനുള്ള പരിഹാരം. പലപ്പോഴും വയറിന്റെ മുകളില്‍ ഒരു ഗ്യാസ് കുടുങ്ങുന്ന വേദനയുമുണ്ടാവും.

4. വൃക്കയിലെ കല്ലുകള്‍: ഇത് പലപ്പോഴും കഠിനമായ വേദനയുണ്ടാക്കും. പ്രത്യേകിച്ച് മൂത്രനാളിയിലൂടെയോ, വൃക്കനാളിയിലൂടെയോ കല്ലുകള്‍ പുറത്തേക്ക് നീങ്ങുന്ന സമയത്ത്.

5. ആയോഗ്രിയുടെ വീക്കം: പാന്‍ക്രിയാസ്(ആയോഗ്രിയുടെ വീക്കം) മൂലം വയറിന്റെ മധ്യഭാഗത്തായോ മുകള്‍ ഭാഗത്തായോ എരിയുന്നപോലുള്ള കഠിനമായ വേദനയുണ്ടാകാം. മദ്യം ഉപയോഗിച്ചാല്‍ ഈ വേദന വര്‍ധിക്കുകയും ചെയ്യും.

6. കുടലിലെ ഡൈവെര്‍ട്ടിക്കുല എന്നു വിളിക്കുന്ന മടക്കുകളിലെ വീക്കംമൂലം(ഡൈവെര്‍ട്ടിക്കുലൈറ്റിസ്)വേദന തോന്നാം.

7. ആള്‍സറേറ്റീവ് കൊളൈറ്റിസ്, ക്രോണ്‍സ് ഡിസീസ് തുടങ്ങി കുടലിലെ വീക്കം മൂലം കഠിനമായ വേദനയും വയറിളക്കവും രക്തസ്രാവവും ഉണ്ടാകാം.

8. ഗ്യാസ്‌ട്രോ എന്റൈറ്റിസ് അല്ലെങ്കില്‍ ആമാശയത്തിലെയോ കുടലിലെയോ അണുബാധ മൂലം വേദനയുണ്ടാകാം.

9. മുറിവോ വയറിലെ പേശികള്‍ വലിയുന്നതോ മൂലവും വേദനയുണ്ടാകം.

169 മക്ഡൊണാള്‍ഡ് ഫ്രാഞ്ചൈസികള്‍ ഇന്ന് പൂട്ടും
Posted by
06 September

169 മക്ഡൊണാള്‍ഡ് ഫ്രാഞ്ചൈസികള്‍ ഇന്ന് പൂട്ടും

ന്യൂഡല്‍ഹി: ബ്രാന്‍ഡ് നെയിമോ ട്രേഡ് മാര്‍ക്കോ ഉപയോഗിക്കാന്‍ സെപ്റ്റംബര്‍ ആറ് മുതല്‍ കൊണാട്ട് പ്ലെയ്‌സ് റസ്റ്റോറന്റ് ലിമിറ്റഡിന് അനുമതിയില്ലാത്തതിനാല്‍ ഇന്ത്യയില്‍ മക്‌ഡൊണാള്‍ഡിന്റെ 169 റസ്‌റ്റോറന്റുകള്‍ ഇന്ന് പൂട്ടും. റസ്റ്റോറന്റുകള്‍ പൂട്ടുന്നതോടെ പ്രത്യക്ഷമായും പരോക്ഷമായും 10,000 പേരെ ബാധിക്കുമെന്നാണ് കണക്കുകൂട്ടുന്നത്. സപ്ലയേഴ്‌സ് മുതല്‍ ബിസിനസ് അസോസിയേറ്റ്‌സിനുവരെ തൊഴില്‍ നഷ്ടമാകും.

യുഎസ് ആസ്ഥാനമായുള്ള മക്‌ഡൊണാള്‍ഡ് ഫ്രാഞ്ചൈസി എഗ്രിമെന്റ് റദ്ദാക്കിയിരുന്നു. കമ്പനിയുടെ നടപടിക്കെതിരെ സിപിആര്‍എല്‍ എംഡി വിക്രം ബക്ഷി നാഷണല്‍ കമ്പനി ട്രിബ്യൂണലിനെ സമീപിച്ചെങ്കിലും ഹര്‍ജി തള്ളി. സ്റ്റോറുകള്‍ പൂട്ടുന്നത് സംബന്ധിച്ച് പ്രതികരിക്കാന്‍ വിക്രം ബക്ഷി വിസമ്മതിച്ചു. നാഷണല്‍ കമ്പനി ലോ അപ്പലേറ്റ് ട്രിബ്യൂണലിനെ സമീപിച്ചിട്ടുണ്ടെന്നുമാത്രമാണ് അദ്ദേഹം പറഞ്ഞത്.

ആര്‍ത്തവ കാലത്ത് പ്രത്യേകം ശ്രദ്ധിക്കേണ്ടവ
Posted by
05 September

ആര്‍ത്തവ കാലത്ത് പ്രത്യേകം ശ്രദ്ധിക്കേണ്ടവ

ആര്‍ത്തവ സമയത്ത് കഠിനമായ വേദനയും ഗ്യാസ് മൂലമുള്ള പ്രശ്‌നങ്ങളും സാധാരണമാണ്. വെള്ളം ധാരാളം കുടിക്കുന്നത് വയറിലെ സ്തംഭനം ഒഴിവാക്കാനും ഗ്യാസ് കുറയ്ക്കാനും നല്ലതാണ്. ആര്‍ത്തവം വരുന്നതിന് പത്ത് ദിവസം മുന്നെ തന്നെ ആഹാര ക്രമത്തില്‍ മാറ്റം വരുത്താം. തവിടുള്ള ധാന്യങ്ങള്‍, പാല്‍, പച്ചക്കറി, ചെറുമത്സ്യങ്ങള്‍, റാഗി, ഉലുവ, വെളുത്തുള്ളി, കായം, എള്ള്, കറുവപ്പട്ട, ഇഞ്ചി എന്നിവ ഉള്‍പ്പെട്ട നാടന്‍ ഭക്ഷണം ആര്‍ത്തവകാലത്ത് കഴിക്കുന്നതാണ് ഉചിതം. കാരറ്റ് ആര്‍ത്തവ രക്തത്തിന്റെ അളവ് ക്രമീകരിക്കും. മുരിങ്ങക്കായ് അണ്ഡോല്‍പ്പാദനം ക്രമപ്പെടുത്തും. ആര്‍ത്തവ കാലത്ത് ഉപ്പും പഞ്ചസാരയും കൂടിയ ഭക്ഷണം ഔഴിവാക്കാന്‍ ശ്രദ്ധിക്കണം. കാപ്പി, ചായ, കോള ഇവയും ഗുണകരമല്ല. എന്നാല്‍ തിളപ്പിച്ചാറിയ വെള്ളം,മോര്, കരിക്കിന്‍ വെള്ളം ഇവ നല്ല ഫലം തരും.

രാജകീയ പദവികളെല്ലാം ഉപേക്ഷിച്ച് സാധാരണക്കാരനെ വിവാഹം കഴിക്കാനൊരുങ്ങി ജപ്പാന്‍ രാജകുമാരി
Posted by
05 September

രാജകീയ പദവികളെല്ലാം ഉപേക്ഷിച്ച് സാധാരണക്കാരനെ വിവാഹം കഴിക്കാനൊരുങ്ങി ജപ്പാന്‍ രാജകുമാരി

ഒന്നുകില്‍ ഇന്നോളം പ്രാണന്‍ കൊടുത്ത് പ്രണയിച്ച പുരുഷന്‍ അല്ലെങ്കില്‍ സകല ആഡംബരത്തോടെയുമുള്ള രാജകീയ ജീവിതം. ഇതില്‍ നിന്നും ഒന്നു തിരഞ്ഞെടുക്കാന്‍ ജപ്പാന്‍ രാജകുമാരി മാക്കോയ്ക്ക് നിമിഷങ്ങള്‍ മതിയായിരുന്നു. ഇഷ്ടപ്പെട്ട പുരുഷനൊപ്പം ജീവിക്കാന്‍ അവര്‍ തീരുമാനിച്ചപ്പോള്‍ ജനിച്ച ദിവസം മുതല്‍ അങ്ങനെയൊരു തീരുമാനമെടുക്കാന്‍ മനസ്സുകാണിച്ച ദിവസംവരെ അനുഭവിച്ച സകല ആഡംബരത്തോടും രാജകീയ ജീവിതത്തോടും രാജകുമാരിക്ക് എന്നെന്നേക്കുമായി വിടപറയേണ്ടി വന്നു.

സുഖസൗകര്യങ്ങളേക്കാള്‍ പ്രണയത്തിന്റെ വിശുദ്ധിയില്‍ വിശ്വസിക്കുന്ന രാജകുമാരിക്ക് ഇനി പ്രണയ സാഫല്യത്തിന്റെ നിമിഷങ്ങള്‍. മൂന്നുവര്‍ഷം മുന്‍പ് ടോക്കിയോയിലെ ഇന്റര്‍നാഷണല്‍ ക്രിസ്റ്റ്യന്‍ യൂണിവേഴ്‌സിറ്റിയില്‍വെച്ചാണ് രാജകുമാരി മാക്കോയും സാധാരണക്കാരനായ കെയ് കുമേറോയും തമ്മില്‍ കണ്ടുമുട്ടിയത്. പരിചയം പിന്നീട് സൗഹൃദമായും പ്രണയമായും വളര്‍ന്നപ്പോള്‍ ഇരുവരും വിവാഹിതരാവാന്‍ തീരുമാനിച്ചു.

രാജകുടുംബത്തില്‍ ആര്‍ക്കും ഈ വിവാഹത്തിന് എതിര്‍പ്പൊന്നുമുണ്ടായിരുന്നില്ല. പുരുഷകേന്ദ്രീകൃതമാണ് ഇവിടുത്തെ ഭരണം. രാജകുടുംബത്തിലെ സ്ത്രീകള്‍ക്ക് രാജകീയ പദവിയുണ്ടെങ്കിലും അധികാരം പുരുഷന്മാരുടെ കൈയിലാണ്. എന്നാല്‍ രാജകുടുംബത്തിനു പുറത്തുള്ള ആളെയാണ് രാജകുടുംബത്തിലെ സ്ത്രീകള്‍ വിവാഹം കഴിക്കുന്നതെങ്കില്‍ അവര്‍ക്ക് സ്വന്തമായിരുന്ന രാജകീയ പദവികളെല്ലാം നഷ്ടപ്പെടുകയും ചെയ്യും.

ജപ്പാന്‍ ചക്രവര്‍ത്തിയായ അകിഹിതോയുടെ രണ്ടാമത്തെ മകന്‍ അക്കിഷിനോയുടെ മൂത്തമകളാണ് മാക്കോ. വിവാഹത്തിന് രണ്ടു കുടുംബത്തിനും എതിര്‍പ്പില്ലാത്തതിനാല്‍ നേരത്തെ തന്നെ വിവാഹക്കാര്യം തീരുമാനിച്ചിരുന്നു. എന്നാല്‍ രാജ്യത്തിന്റെ ചില ഭാഗങ്ങളില്‍ വെള്ളപ്പൊക്കമുണ്ടായതിനെത്തുടര്‍ന്ന് അന്ന് ആ വാര്‍ത്ത പുറത്തുവിട്ടിരുന്നില്ല. അടുത്ത വര്‍ഷം വിവാഹമുണ്ടാവുമെന്നും എല്ലാ അധികാരങ്ങളും നഷ്ടപ്പെടുമെന്നറിഞ്ഞുകൊണ്ടു തന്നെയാണ് വിവാഹത്തിനൊരുങ്ങിയതെന്നും തന്റെ തെരഞ്ഞെടുപ്പില്‍ താന്‍ സന്തുഷ്ടയാണെന്നുമാണ് രാജകുമാരി പറയുന്നത്.

പ്രമേഹരോഗികള്‍ കഴിക്കേണ്ട ഉച്ചഭക്ഷണം ഇവയാണ്
Posted by
05 September

പ്രമേഹരോഗികള്‍ കഴിക്കേണ്ട ഉച്ചഭക്ഷണം ഇവയാണ്

പ്രമേഹരോഗികള്‍ ഉച്ചനേരത്ത് ഊണിനു പകരം മറ്റു ചില ഡയറ്റ് വിഭവങ്ങള്‍ പരീക്ഷിക്കുന്നതാണ് ആരോഗ്യത്തിന് നല്ലത്.

1. വെജിറ്റബിള്‍ സാലഡ്- ഉച്ചയ്ക്ക് സാലഡോ എന്നു നിരാശപ്പെടാന്‍ വരട്ടെ. വിവിധയിനം പച്ചക്കറികള്‍ കൊണ്ട് ഈ സാലഡ് രുചികരമാക്കാം. തക്കാളി, വെള്ളരിക്ക, കോവയ്ക്ക, സവാള, കാരറ്റ്, കാബേജ്, കാപ്‌സിക്കം തുടങ്ങിയ പച്ചക്കറികള്‍ ചെറുതായി അരിഞ്ഞ് അല്‍പം നാരങ്ങാനീരും ഉപ്പും ചേര്‍ത്ത് ടിഫിന്‍ ബോക്‌സില്‍ കരുതിക്കോളൂ.

2. സാന്‍ഡ്വിച്ച്- പച്ചക്കറികള്‍ കൊണ്ടും മുട്ട, ഇറച്ചി എന്നിവ ചേര്‍ത്തും സാന്‍ഡ്വിച്ച് തയാറാക്കാം. ബേക്കറിയില്‍നിന്നു സാന്‍ഡ്വിച്ച് ബ്രഡ് വാങ്ങുക. പച്ചക്കറികള്‍ ചെറുതായരിഞ്ഞ് പാതിവേവിച്ചോ പച്ചയ്‌ക്കോ അല്‍പം മയണീസ് ചേര്‍ത്ത് ഫില്ലിങ് തയാറാക്കാം. ഇറച്ചി എല്ലില്ലാതെ വേവിച്ച് നോണ്‍വെജ് ഫില്ലിങ് നല്‍കാം.പച്ചക്കറികള്‍ക്കൊപ്പം മുട്ടയും പരീക്ഷിക്കാം.

3. സൂപ്പ്- കാച്ചിക്കുറുക്കിയ പോഷകപാനീയമാണ് ഓരോ സൂപ്പും. ടൊമാറ്റോ സൂപ്പ്, വെജ് സൂപ്പ്, ചിക്കന്‍ സൂപ്പ്, സ്വീറ്റ് കോണ്‍ സൂപ്പ് അങ്ങനെ ഓരോ ദിവസവും വൈവിധ്യമാര്‍ന്ന സൂപ്പ് പരീക്ഷിക്കാം. ചൂടാറാതെ കഴിക്കണം. ഇതു നിങ്ങള്‍ക്കു കൂടുതല്‍ ഉന്മേഷം നല്‍കും.