പെര്‍ഫ്യൂം പൂശുന്നവരുടെ ശ്രദ്ധയ്ക്ക്
Posted by on 10 October

പെര്‍ഫ്യൂം പൂശുന്നവരുടെ ശ്രദ്ധയ്ക്ക്

പെര്‍ഫ്യൂം എല്ലാവര്‍ക്കും ഇഷ്ടമാണ്. പുറത്തിറങ്ങും മുമ്പ് ഒരല്പം ആത്മവിശ്വാസം പെര്‍ഫ്യൂം അടിച്ച് നേടുന്നവരാണ് മിക്കവരും. എന്നാല്‍, സ്ഥിരമായി പെര്‍ഫ്യൂം അടിച്ചാല്‍ ഉണ്ടാകുന്ന ആരോഗ്യപ്രശ്‌നങ്ങള്‍ നിരവധിയാണെന്നാണ് പഠനങ്ങള്‍ സൂചിപ്പിക്കുന്നത്.

കൃത്രിമ സുഗന്ധദ്രവ്യങ്ങള്‍ ഉപയോഗിക്കുന്നവരില്‍ ആസ്മ, തലവേദന, ത്വക്ക് രോഗങ്ങള്‍ എന്നിവ ഉണ്ടാകാനുള്ള സാദ്ധ്യത കൂടുതലാണെന്നാണ് പഠനങ്ങളിലുള്ളത്. കൈറ്റ് ഗ്രിന്‍വില്‍ എന്ന ഗവേഷക നടത്തിയ കണ്ടെത്തലിലാണ് കൃത്രിമ സുഗന്ധദ്രവ്യങ്ങള്‍ ആരോഗ്യത്തെ പ്രതികൂലമായി ബാധിക്കുന്നതെങ്ങനെയെന്ന് പറഞ്ഞിട്ടുള്ളത്. ദി കേസ് എഗെയ്ന്‍സ്റ്റ് ഫ്രാഗ്രെന്‍സ് എന്ന ലേഖനത്തിലാണ് കൈറ്റിന്റെ കണ്ടെത്തലുള്ളത്. കൃത്രിമ സുഗന്ധദ്രവ്യങ്ങള്‍ പൂശുന്നവര്‍ക്ക് മാത്രമല്ല, അടുത്ത് നിന്ന് ശ്വസിക്കുന്നവര്‍ക്കും സമാനമായ ആരോഗ്യപ്രശ്‌നങ്ങള്‍ ഉണ്ടാകാന്‍ ഇടയുണ്ടെന്നും പഠനത്തിലുണ്ട്.

ബോറടിക്കുന്നുണ്ടോ? കാരണം ഇതാണ്
Posted by
09 October

ബോറടിക്കുന്നുണ്ടോ? കാരണം ഇതാണ്

ടോക്യോ: എല്ലാവരും എപ്പോഴും പറയുന്ന കാര്യമാണ് ‘ ബോറടിക്കുന്നു’ എന്ന്. ബോറടിക്കുമ്പാള്‍ മിക്കവരും കോട്ടുവായ് ഇടുകയും ഉറക്കത്തിലേയ്ക്ക് വഴുതി വീഴുകയും ചെയുന്നു. എന്തുകൊണ്ടാണ് ബോറടിക്കുമ്പോള്‍ ഉറക്കം വരുന്നത്? ജപ്പാനിലെ ഒരുകൂട്ടം ശാസ്ത്രജ്ഞന്മാര്‍ ഇതിനുള്ള ഉത്തരവും കണ്ടെത്തിയിരിക്കുകയാണ്.

ഒരു വ്യക്തിക്ക് സുഖകരം എന്നു തോന്നുന്ന അവസ്ഥയുള്ളപ്പോള്‍ പ്രചോദിപ്പിക്കപ്പെടുന്ന മസ്തിഷ്‌കത്തിന്റെ ഒരുഭാഗമായ ഹൈപോതലാമസിന്റെ മധ്യത്തിലുള്ള കേന്ദ്രമാണ് ബോറടിയെ പ്രതിരോധിക്കാന്‍ ഉറക്കത്തിന്റെ വഴിതേടുന്നെതന്നാണ് കണ്ടെത്തല്‍. ആവശ്യത്തിന് ഉറങ്ങിയശേഷം ഉന്മേഷത്തോടെ ഇരിക്കുന്ന വ്യക്തികള്‍ പോലും വിരസതയുണ്ടാക്കുന്ന പ്രക്രിയകളിലേര്‍പ്പെടുേമ്പാള്‍ ഉറക്കം തൂങ്ങുന്നത് എന്തുകൊണ്ടാണെന്നായിരുന്നു ഗവേഷണ വിഷയം.

മസ്തിഷ്‌കത്തിന്റെ മുന്‍ഭാഗത്തുള്ള ഈ കേന്ദ്രത്തിലെ ന്യൂക്ലിയസുകളാണത്രെ വിരസതയോട് പ്രതികൂലമായി പ്രതികരിക്കുന്നത്. ജപ്പാനിലെ തുഷ്‌കുബ യൂനിവേഴ്‌സിറ്റിയിലാണ് ഇതുസംബന്ധിച്ച് ഗവേഷണങ്ങള്‍ നടന്നത്. ഡോ യോ ഒയിഷിയുടെ നേതൃത്വത്തില്‍ നടന്ന പഠനത്തിന്റെ റിപ്പോര്‍ട്ട് ‘നേച്ചര്‍ കമ്യൂണിക്കേഷന്‍സ്’ എന്ന ശാസ്ത്ര മാസികയിലാണ് പ്രസിദ്ധീകരിച്ചിരിക്കുന്നത്.

ഇഷ്ടമുള്ള കാര്യങ്ങള്‍ ചെയ്യുേമ്പാള്‍ ഉത്തേജിക്കപ്പെടുന്ന തലച്ചോറിലെ ഈ ഭാഗം വിരസമായ സാഹചര്യങ്ങളില്‍ ഉത്തേജിക്കപ്പെടാതിരിക്കുകയും ഇവിടെയുള്ള ന്യൂക്ലിയസുകള്‍ക്കിടയിലെ ആശയവിനിമയം മന്ദഗതിയിലാവുകയും ചെയ്യുന്നതോടെയാണ് വ്യക്തി ഉറക്കത്തിലേക്ക് വഴുതുന്നത്. ഒരു വ്യക്തി സ്ഥിരമായി ഉറങ്ങുന്ന സമയത്ത് ഉറക്കംവരുന്നതും ഉണരുന്ന സമയത്ത് സ്വാഭാവികമായി ഉണരുന്നതും തലച്ചോറിലെ ഒരുതരം ‘ബയോളജിക്കല്‍ ക്ലോക്കിന്റെ പ്രവര്‍ത്തനം മൂലമാണെന്ന് ശാസ്ത്രം നേരത്തെ, കണ്ടെത്തിയിരുന്നു. ഈ ജൈവഘടികാരത്തിന്റെ കേന്ദ്രവും തലച്ചോറിലെ ഈ ഭാഗമാണെന്ന് പഠനം പറയുന്നു. സ്വാഭാവികമായ ഉറക്കവും ബോറടിക്കുേമ്പാഴുള്ള ഉറക്കവും ഇല്ലാതാക്കാന്‍ കാപ്പിയില്‍ അടങ്ങിയ കഫിന്‍ എന്ന രാസവസ്തുവിന് കഴിയും എന്നുതന്നെയാണ് ഈ പഠനവും തെളിയിക്കുന്നത്. ‘ഇന്‍സോമാനിയ’ അഥവാ ഉറക്കമില്ലായ്മ രോഗ ചികിത്സയില്‍ പുതിയ കണ്ടെത്തല്‍ സഹായിക്കുമെന്നാണ് വിലയിരുത്തല്‍.

കണ്ണിനെ അല്‍പ്പം ശ്രദ്ധിക്കാം
Posted by
08 October

കണ്ണിനെ അല്‍പ്പം ശ്രദ്ധിക്കാം

ആധുനിക കാലത്ത് കമ്പ്യൂട്ടറും മൊബൈലും ഉള്‍പ്പടെ കണ്ണിന് ഒരല്‍പ്പം ആയാസം നല്‍കുന്ന ഉപകരണങ്ങള്‍ ഉപയോഗിക്കാതിരിക്കാന്‍ ആര്‍ക്കുമാവില്ല. അതേസമയം വളരെ അശ്രദ്ധമായാണ് പലരും കംപ്യൂട്ടറും ടിവിയും ഉപയോഗിക്കുമ്പോള്‍ കണ്ണിനെ പരിരക്ഷിക്കുന്നതും. അതിനാല്‍ ഒരല്‍പ്പം ശ്രദ്ധ വളരെ നല്ലതാണ്. മുറിയിലെ വെളിച്ചത്തിന്റെ കാര്യത്തിലായാലും ഇരിക്കുന്നതിലെ പൊസിഷന്റെ കാര്യത്തിലായാലും രണ്ടും കണ്ണിന്റെ ആരോഗ്യത്തിന് വളരെ അത്യാവശ്യമാണ്.

മുറിയിലെ പ്രകാശം

മുറിയില്‍ നല്ല ലൈറ്റ് ഉണ്ടാവണം. ചിലര്‍ ലൈറ്റ് ഓഫ് ചെയ്തിട്ട് ടിവി കാണാറുണ്ട്. ഇത് കണ്ണിന് നല്ലതല്ല. സ്‌ക്രീനില്‍ മാറി മാറി വരുന്ന തിളക്കമുള്ള വെളിച്ചം കണ്ണിലെ പേശികളെ ദുര്‍ബ്ബലമാക്കും.
ക്രമേണ ഇത് കണ്ണിന് അസ്വസ്ഥത ഉണ്ടാക്കും.

കംപ്യൂട്ടര്‍ ഉപയോഗിക്കുമ്പോള്‍ കണ്ണുകളുടെ സംരക്ഷണം എങ്ങനെ?

ടിവി കാണുന്നതിലെ പ്രശ്‌നങ്ങള്‍ തന്നെയാണ് കംപ്യൂട്ടറില്‍ നോക്കുമ്പോഴും മൊബൈല്‍ നോക്കുമ്പോഴും ഉണ്ടാവുന്നത്. ഒരേ ദിശയിലേക്ക് കുറേ നേരം ഇമ ചിമ്മാതെ നോക്കുമ്പോള്‍ കണ്ണുകള്‍ വരളാനിടയാവുന്നു.
അതുപോലെ എസിയില്‍ കൂടുതല്‍ നേരം ഇരിക്കുന്നതും വരള്‍ച്ച ഉണ്ടാക്കുന്നു.

ഇടയ്ക്ക് ഇമ ചിമ്മണമെന്നത് ഓര്‍മ്മിക്കുക. കാറിന്റെ വൈപ്പര്‍ പോലെയാണ് കണ്ണിന്റെ ഇമകള്‍. അവ അടഞ്ഞ് തുറക്കുമ്പോഴാണ് കണ്ണില്‍ നനവ് വരുന്നത്. ഓഫീസിലാണെങ്കില്‍ ഇടയ്ക്ക് സീറ്റില്‍ നിന്നും എഴുന്നേറ്റ് നടക്കുക. കണ്ണിന് സുഖകരമാവും അത്.

മോണിറ്ററില്‍ ആന്റിഗ്ലെയര്‍ സ്‌ക്രീന്‍ വെയ്ക്കുന്നതും കണ്ണിന് ഗുണകരമാണ്. അപൂര്‍വം ചിലരില്‍ നീറ്റലും പുകച്ചിലും വരാറുണ്ട്. അങ്ങനെ ഉണ്ടാവുമ്പോള്‍ അവ വീണ്ടും ഉപയോഗിക്കുന്നത് നിര്‍ത്തുക.

കട്ടന്‍ ചായ കുടിച്ച് ശരീരഭാരം കുറയ്ക്കാം
Posted by
08 October

കട്ടന്‍ ചായ കുടിച്ച് ശരീരഭാരം കുറയ്ക്കാം

രാവിലെ എഴുനേറ്റാല്‍ ആദ്യം ഒരു കട്ടന്‍ ചായ അല്ലെങ്കില്‍ കട്ടന്‍ കാപ്പി കുടിച്ചാലെ നമ്മളില്‍ പലര്‍ക്കും അന്നത്തെ ദിവസം ഒരു ഉന്‍മേഷം ഉണ്ടാവുകയുള്ളു. ചിലര്‍ക്ക് രാവിലെ മാത്രമല്ല ഇടനേരങ്ങളിലും കട്ടന്‍ ചായ കുടിക്കുന്നവരാണ്. രാവിലെ പത്രം വായനയുടെ കൂടെ ടിവി കാണുമ്പോള്‍ വെറുതെ ഇരിക്കുമ്പോള്‍ അങ്ങനെ കട്ടന്‍ ചായ ജീവിതത്തിന്റെ ഒരു ഭാഗമാണെന്ന് തന്നെ പറയാം. എന്നാല്‍ കട്ടന്‍ ചായ പ്രേമികള്‍ ഇതാ ഒരു സന്തോഷ വാര്‍ത്ത. പൊണ്ണത്തടി വരാതിരിക്കാനും സൗഖ്യമേകാനും കട്ടന്‍ചായ സാഹായിക്കും.

കട്ടന്‍ചായയില്‍ അടങ്ങിയ രാസവസ്തുക്കളായ പോളിഫിനോളുകള്‍ കരളിലെ ഊര്‍ജ്ജത്തിന്റെ ഉപാപചയ പ്രവര്‍ത്തനങ്ങളില്‍ മാറ്റം വരുത്തുന്നു. മെറ്റബോളൈറ്റുകളില്‍ മാറ്റം വരുത്തുക വഴിയാണിത്. ഗ്രീന്‍ ടീയിലെ രാസവസ്തുക്കള്‍ രക്തത്തിലേക്കും കരളിലേക്കും ആഗിരണം ചെയ്യപ്പെടുന്നതിനാല്‍ ഗ്രീന്‍ ടീ പോളിഫിനോളുകള്‍ കട്ടന്‍ചായയേക്കാള്‍ ആരോഗ്യ ഗുണങ്ങള്‍ ഉള്ളതാണ് എന്നാണ് കരുതിയിരിക്കുന്നത്. എന്നാല്‍ പുതിയ പഠനം പറയുന്നത്, പ്രത്യേക പ്രവര്‍ത്തനത്തിലൂടെ കട്ടന്‍ചായയും ആരോഗ്യത്തിനും ശരീരഭാരം കുറയ്ക്കാനും സഹായിക്കുന്നു എന്നാണ്. കാലിഫോര്‍ണിയ ലൊസാഞ്ചലസ് സര്‍വകലാശാലയിലെ പ്രൊഫസറായ സൂസേന്‍ ഹെന്നിങ്ങ് പറഞ്ഞു.

ഗ്രീന്‍ടീയും കട്ടന്‍ചായയും പ്രീ ബയോട്ടിക്കുകളാണ്. നല്ല അതിസൂക്ഷ്മ ജീവികളുടെ വളര്‍ച്ച ത്വരിതപ്പെടുത്തി വ്യക്തിക്ക് സൗഖ്യമേകുന്ന വസ്തുക്കളാണ് പ്രീ ബയോട്ടിക്കുകള്‍.

യൂറോപ്യന്‍ ജേണല്‍ ഓഫ് ന്യൂട്രീഷണില്‍ പ്രസിദ്ധീകരിച്ച ഈ പഠനം എലികളിലാണ് നടത്തിയത്. എലികള്‍ക്ക് ഉയര്‍ന്ന കൊഴുപ്പും ഉയര്‍ന്ന അളവില്‍ പഞ്ചസാര അടങ്ങിയ ഭക്ഷണവും നല്‍കി. ഇതോടൊപ്പം ഗ്രീന്‍ ടീയോ കട്ടന്‍ ചായയോ നല്‍കി. രണ്ടു ഗ്രൂപ്പുകളില്‍ പൊണ്ണത്തടിയുമായി ബന്ധപ്പെട്ട ബാക്ടീരിയയുടെ എണ്ണം കുറവാണെന്നു കണ്ടു. എന്നാല്‍ കുറഞ്ഞ ബോഡിമാസുമായി ബന്ധപ്പെട്ട ബാക്ടീരിയ കൂടുതലും ആയിരുന്നു. എന്നാല്‍ കട്ടന്‍ചായ സത്തു കുടിച്ച എലികളില്‍ സ്വൂഡോ ബ്യൂട്ടിറിവിമ്പ്രിയോ എന്നയിനം ബാക്ടീരിയ വളരെ കൂടിയ അളവില്‍ ഉണ്ടെന്നു കണ്ടു. ഇത് കട്ടന്‍ ചായയും ഗ്രീന്‍ ടീയും ഊര്‍ജ്ജത്തിന്റെ ചയാപചയത്തെ എങ്ങനെ മാറ്റം വരുത്തുന്നു എന്ന് വിശദീകരിക്കാന്‍ കഴിയും.

രണ്ടു ചായയുടെയും ഗുണങ്ങള്‍ നിരോക്‌സീകാരികള്‍ നല്‍കുന്ന പ്രയോജനങ്ങള്‍ക്കും അപ്പുറമാണെന്നും പഠനം പറയുന്നു. രണ്ടു ചായയ്ക്കും ഉദരത്തിലെ സൂക്ഷ്മാണുക്കളില്‍ (gut microbiome) ശക്തമായ സ്വാധീനമുണ്ട് എന്ന് പഠനത്തിനു നേതൃത്വം നല്‍കിയ യു സി എല്‍ എ സെന്റര്‍ ഫോര്‍ ഹ്യൂമന്‍ ന്യൂട്രീഷന്‍ ഡയറക്ടറായ ഷാപോപിങ് ലി പറയുന്നു.

ഗുണനിലവാരമില്ലാത്ത വെളിച്ചെണ്ണ: മൂന്ന് കമ്പനികള്‍ക്ക് നിരോധനാജ്ഞ
Posted by
07 October

ഗുണനിലവാരമില്ലാത്ത വെളിച്ചെണ്ണ: മൂന്ന് കമ്പനികള്‍ക്ക് നിരോധനാജ്ഞ

പാലക്കാട്: ഗുണനിലവാരമില്ലാത്തതിനാല്‍ മൂന്ന് കമ്പനികളുടെ വെളിച്ചെണ്ണ സംസ്ഥാനത്ത് നിരോധിച്ചു. കാക്കനാട് റീജനല്‍ ലബോറട്ടറിയില്‍ നടത്തിയ പരിശോധനയില്‍ ഗുണനിലവാരമില്ലെന്ന് തെളിഞ്ഞതോടെയാണ് ഭക്ഷ്യസുരക്ഷ വകുപ്പ് നിരോധിച്ചത്.

പാലക്കാട് കൊല്ലങ്കോട് പ്രവര്‍ത്തിക്കുന്ന ജീസസ് ട്രെഡേഴ്‌സ് എന്ന കമ്പനിയുടെ കൊകോ സമൃദ്ധി (ബാച്ച് നമ്പര്‍ ഒന്ന്), മലപ്പുറം എടപ്പറ്റയില്‍ പ്രവര്‍ത്തിക്കുന്ന എസി ട്രേഡിങ് കമ്പനിയുടെ കൊകോ വിറ്റ (ബാച്ച് നമ്പര്‍ രണ്ട്), തമിഴ്‌നാട് തിരുപ്പൂരിലെ കങ്കാണത്ത് പ്രവര്‍ത്തിക്കുന്ന ഗംഗ കൊക്കനട്ട് ഫുഡ് എന്ന കമ്പനിയുടെ ഗംഗ ഗോള്‍ഡ് (പിഎഫ് നമ്പര്‍ 81) എന്നീ ബ്രാന്‍ഡുകളില്‍ വില്‍ക്കുന്ന വെളിച്ചെണ്ണയാണ് നിരോധിച്ചത്. ഇവ വില്‍പന നടത്തുന്നത് ശിക്ഷാര്‍ഹമാണെന്ന് ഭക്ഷ്യസുരക്ഷ വിഭാഗം അറിയിച്ചു. ഈ കമ്പനികളുടെ വെളിച്ചെണ്ണ ഗുണനിലവാരമില്ലെന്ന പരാതി ലഭിച്ചതോടെ ഭക്ഷ്യ സുരക്ഷ വിഭാഗം പരിശോധനക്ക് അയക്കുകയായിരുന്നു.

മുഖം വെളുക്കാന്‍ ഉള്ള ക്രീം വാങ്ങി തേച്ച നൂറിലേറെ പേര്‍ ആശുപത്രിയില്‍, സംഭവം കാസര്‍കോട്
Posted by
05 October

മുഖം വെളുക്കാന്‍ ഉള്ള ക്രീം വാങ്ങി തേച്ച നൂറിലേറെ പേര്‍ ആശുപത്രിയില്‍, സംഭവം കാസര്‍കോട്

കാസര്‍കോട് : മുഖം വെളുക്കാന്‍ ഉള്ള ക്രീം വാങ്ങി തേച്ച നൂറിലേറെ പേര്‍ ചികിത്സയില്‍. കാസര്‍ഗോഡ് ആണ് സംഭവം.മുഖം വെളുക്കാനുള്ള വിദേശ ക്രീം വാങ്ങി പുരട്ടിയ നൂറ്റിയറുപതോളം പേരാണു ചര്‍മപ്രശ്‌നങ്ങളുമായി ചികിത്സ തേടിയത്. ഇന്‍സ്റ്റിറ്റിയൂട്ട് ഓഫ് അപ്ലൈഡ് ഡെര്‍മറ്റോളജിയില്‍ (ഐഎഡി) ഒരുമാസത്തിനിടെ എത്തിയത് നൂറ്റി അറുപതോളം പേര്‍. ഡോക്ടറുടെ കുറിപ്പടിയില്ലാതെ നല്‍കാവുന്ന ഗണത്തില്‍പെട്ടതിന്റെ ആനുകൂല്യം മുതലാക്കി ബുക്ക് സ്റ്റാളിലും ബാര്‍ബര്‍ ഷോപ്പിലും വരെ ഇത് ലഭ്യമാണ്.

വിദേശത്തു നിന്നെത്തുന്ന രണ്ടു ക്രീമുകള്‍ക്കു പുറമെ, അഞ്ചിലേറെ ഇന്ത്യന്‍ ക്രീമുകളും ഇവിടെ ലഭിക്കുന്നു.അയാള്‍ ജില്ലകളില്‍ നിന്നും കര്‍ണ്ണാടകയില്‍ നിന്നും വരെ ക്രീം വാങ്ങാന്‍ ആളുകള്‍ എത്തുന്നുണ്ട്. ഇതിലുള്ള ഘടക പദാര്‍ത്ഥങ്ങള്‍ ഏതെന്നു പോലും മരുന്നില്‍ വ്യക്തമാക്കിയിട്ടില്ല. ഈ ക്രീം ഉപയോഗിക്കുന്നതില്‍ അധികവും ആണ്‍കുട്ടികള്‍ ആണ്.

ചികിത്സ തേടുന്നവര്‍ക്ക് ക്രീം ഉപയോഗിക്കാത്തപ്പോള്‍ മുഖം കൂടുതല്‍ ഇരുണ്ടുപോവുന്നു, പൊള്ളലേറ്റതു പോലെ ചുവന്നു തിണര്‍ത്ത പാടുകള്‍ ഉണ്ടാവുന്നു, നെറ്റിയില്‍ ഇരുണ്ട പാടുകള്‍ ഉണ്ടാവുന്നു തുടങ്ങിയവ ആണ് പ്രധാന പരാതികള്‍. സ്റ്റിറോയ്ഡുകളുടെയും മെര്‍ക്കുറിയുടെയും സാന്നിധ്യം ഈ ക്രീമുകളിലുണ്ടാവുമെന്നു ചര്‍മരോഗ വിദഗ്ധര്‍ പറയുന്നത്.

ചുരുങ്ങിയ ദിവസം കൊണ്ട് 98 കിലോയില്‍ നിന്നും 75 കിലോയിലേക്ക്; മാറ്റത്തിനു പിന്നിലെ രഹസ്യം തുറന്നു പറഞ്ഞ് രൂപേഷ് പീതാംബരന്‍
Posted by
03 October

ചുരുങ്ങിയ ദിവസം കൊണ്ട് 98 കിലോയില്‍ നിന്നും 75 കിലോയിലേക്ക്; മാറ്റത്തിനു പിന്നിലെ രഹസ്യം തുറന്നു പറഞ്ഞ് രൂപേഷ് പീതാംബരന്‍

ഒരു മെക്‌സിക്കന്‍ അപാരത’ എന്ന സിനിമയിലെ വില്ലനായ രൂപേഷിനെ ആരും മറന്നു കാണില്ല. ഒരു മെക്‌സിക്കന്‍ അപാരത’ എന്ന സിനിമയുടെ പ്രോമോ സോങ് കണ്ടവര്‍ ആദ്യം അന്വേഷിച്ചത് ഏതാണ് ആ കറുത്ത തടിയന്‍ പയ്യന്നാണ്. എന്നാല്‍ സിനിമ റിലീസായപ്പോള്‍ പ്രേക്ഷകര്‍ ഞെട്ടി. പ്രൊമോ സോങ്ങില്‍ രൂപേഷ് മുടിനീട്ടി കറുത്തു തടിച്ചിട്ടാണെങ്കില്‍ സിനിമയില്‍ മെലിഞ്ഞ് വെളുത്ത് സ്‌റ്റൈലിഷ് ആയിരിക്കുന്നു…അതൊടൊപ്പം തന്നെ പ്രേക്ഷകരെ ഞെട്ടിപ്പിച്ച മറ്റൊന്ന് ‘സ്ഫടികം’ സിനിമയില്‍ മോഹന്‍ലാലിന്റെ ബാല്യം അവതരിപ്പിച്ച രൂപേഷ് പീതാംബരന്‍ എന്ന കൊച്ചു താരവും ഒരു മെക്‌സിക്കന്‍ അപാരത എന്ന സിനിമയിലെ വില്ലാനായ രൂപേഷും ഒന്നുതന്നെയാണ് എന്ന് അറിഞ്ഞപ്പോഴാണ്.

98 കിലോ ഉണ്ടായിരുന്ന രൂപേഷ് വളരെ കുറച്ചുക്കാലം കൊണ്ട് 75 കിലോ ആയത് എല്ലാവരെയും ഒരുപോലെ അമ്പരപ്പിച്ചു. വണ്ണം കുറയ്ക്കാന്‍ തീരുമാനിച്ചതിനു പിന്നിലെ രഹസ്യവും കഠിന പ്രയത്‌നത്തെ കുറിച്ചും രൂപേഷ് തുറന്നു പറയുന്നു.

”ഒരു മെക്‌സിക്കന്‍ അപാരതയുടെ സംവിധായകന്‍ ടോം ഇമ്മട്ടി ‘യൂ ടൂ ബ്രൂട്ടസില്‍’ എന്റെ സംവിധാന സഹായി ആയിരുന്നു. ടോമിന്റെ നിര്‍ബന്ധം മൂലമാണ് ആ സിനിമ ചെയ്യാന്‍ തീരുമാനിച്ചത്. സിനിമയ്ക്കുവേണ്ടി ആദ്യം തന്നെ ‘കട്ട കലിപ്പ്…’ എന്ന പ്രൊമോ സോങ് ഷൂട്ട് ചെയ്തു. ആ പാട്ട് സ്‌ക്രീനില്‍ കണ്ടപ്പോള്‍ ഞാന്‍ ദൈവമേ… എന്നു വിളിച്ചുപോയി. അതില്‍ കറുത്തു തടിച്ച് ഒരു കുട്ടിയാനയെ പോലിരിക്കുന്നു ഞാന്‍. എന്തായാലും ഈ രൂപത്തില്‍ പ്രേക്ഷകരുടെ മുന്നിലേക്കില്ല എന്നു ഞാനുറപ്പിച്ചു. വണ്ണം കുറയ്ക്കാനുള്ള ആഗ്രഹം അറിഞ്ഞപ്പോള്‍ ടൊവിനോ സ്വന്തം ട്രെയിനറെ പരിചയപ്പെടുത്തി തന്നു. ഷൂട്ടിങ് തുടങ്ങാന്‍ മൂന്നുമാസം കൂടി സമയമുണ്ടായിരുന്നു. രണ്ടും കല്‍പിച്ച് ഞാന്‍ ‘ജിമ്മിലേക്ക് എടുത്തുചാടി.’

ബംഗളൂരുവിലായിരുന്നു ഞാന്‍ പഠിച്ചതും ജോലി ചെയ്തിരുന്നതും. ജങ്ക് ഫൂഡും നൈറ്റ് ഷിഫ്റ്റ് ജോലിയും സമ്മര്‍ദങ്ങളെ ഭക്ഷണം കഴിച്ച് അതിജീവിക്കുന്ന ശീലവുമൊക്കെയാകാം അമിതവണ്ണത്തിലേക്കു വഴിതെളിച്ചത്. തീവ്രം, യു ടൂ ബ്രൂട്ടസ് എന്നീ ചിത്രങ്ങള്‍ സംവിധാനം ചെയ്ത സമയത്തും നല്ല വണ്ണമുണ്ട്. എന്നാല്‍, കുടവയറു മൂലം ഷൂ ലേസ് കെട്ടാന്‍ പ്രയാസമുണ്ടെന്നല്ലാതെ ആരോഗ്യപ്രശ്‌നങ്ങളൊന്നും ഇല്ലായിരുന്നുവെന്ന് രൂപേഷ് പറയുന്നു.

പുരുഷന്മാര്‍ സ്ത്രീകളെ വെറുക്കുന്നതിന് പിന്നിലെ 9 കാരണങ്ങള്‍
Posted by
30 September

പുരുഷന്മാര്‍ സ്ത്രീകളെ വെറുക്കുന്നതിന് പിന്നിലെ 9 കാരണങ്ങള്‍

പൊതുവെ സ്തീകളോട് മമതയുള്ളവരാണ് പുരുഷ ലോകം.എന്നാല്‍ ചില കാര്യങ്ങള്‍ കാരണം പുരുഷന്മാര്‍ സ്ത്രീകളെ വെറുക്കാറുണ്ട്. ഈ കാരണങ്ങള്‍ കേട്ടാല്‍ സ്തീകള്‍ക്ക് പോലും അത് ശരിയാണെന്ന് മനസ്സിലാവും. ഇതൊരു പൊതുവികാരമാണെന്നു പറയുന്നില്ല.ഇങ്ങനെയും ഉണ്ട് എന്നെ ഉള്ളൂ.

1.പുരുഷന്‍മാര്‍ സ്ത്രീകളോട് അടുക്കുമ്പോള്‍ അത് പ്രണയം മാത്രമാണെന്ന് കരുതുന്ന കൂട്ടരുണ്ട്. സ്ത്രീകള്‍ക്ക് കഴിയുന്നത് പോലെ പുരുഷനും സ്ത്രീകളെ നല്ല സുഹൃത്തുക്കളായ് കാണാന്‍ സാധിക്കും. ഈ പ്രണയമെന്ന മുന്‍ധാരണ ഒരു വെറുപ്പിക്കല്‍സാണ്.

2.എല്ലാ പുരുഷന്മാരിലും ഒരു പീഡനക്കാരനെ ചിന്തിച്ചു കൂട്ടുന്ന സ്ത്രീകളോടും പുരുഷനു വെറുപ്പാണ്. ഒരുപാട് പീഡനക്കേസുകള്‍ ഉള്ള നാടാണെങ്കിലും എല്ലാവരെയും അങ്ങനെ കാണരുതല്ലോ.

3.പുരുഷന്റെ നോട്ടത്തിനു വായ്‌നൊട്ടമെന്ന ഒറ്റ പേരെ ചില സ്ത്രീകള്‍ക്കറിയൂ. ദുഷ്ട ലാക്കോടെ നോക്കുന്നവനെ അങ്ങനെതന്നെ വേണം നേരിടാന്‍.പക്ഷെ നല്ല നോട്ടങ്ങളെ തെറ്റിദ്ധരിക്കാതിരിക്കാനുള്ള മാന്യത കാണിക്കണം.

4.സ്ത്രീകള്‍ സമ്പാദ്യശീലം നല്ല പോലെയുള്ള പങ്കാളികളെ ആഗ്രഹിക്കുന്നു. നല്ല പോലെ സമ്പാദിക്കുന്ന ഒരാളെ തിരഞ്ഞെടുത്തു അയാളില്‍ ഭാവി സുരക്ഷിതമാക്കുക എന്ന അടവുനയം നല്ലതല്ല. എല്ലായ്‌പ്പോഴും കാശു മുടക്കാന്‍ കഴിവുള്ള ഒരാള്‍, എല്ലായ്‌പ്പോളും അയ്യാള്‍ ചിലവാക്കിക്കൊള്ളും തങ്ങളുടെ ഒരു ഇടപെടല്‍ അവിടെ ആവശ്യമില്ലെന്നു കരുതുന്ന ഇത്തരക്കാരെ വെറുക്കാതെ വഴിയില്ല.

5.അനാവശ്യ സ്ത്രീപക്ഷ ചിന്തകള്‍. എല്ലായിടത്തും സ്ത്രീ എന്ന് പറഞ്ഞു തുല്യത ആവശ്യപ്പെടും,എന്നാല്‍ ഉത്തരവാദിത്തങ്ങളില്‍ അത് പ്രകടിപ്പിക്കാന്‍ തയ്യാറല്ല.

6. വസ്ത്രധാരണം മോശമായ സ്ത്രീയെ സ്തീകള്‍ പോലും മോശം പറയുമ്പോള്‍ പുരുഷന പറഞ്ഞാലെന്താ.എന്നാലിവിടെയത് വില പോവില്ല.സ്ത്രീകള്‍ പറയുന്ന അതെ കമന്റ് പുരുഷന്‍ പറഞ്ഞാല്‍ എങ്ങനെയാണ് അവന്‍ മാത്രം മോശക്കാരനാവുന്നത്.

7. ഒരേ സമയം തുല്യത ആവശ്യപ്പെടും എന്നിട്ടോ ചില കാര്യങ്ങളില്‍ സ്ത്രീ ആണെന്നും പറഞ്ഞു ചില അവകാശങ്ങള്‍ നേടിയെടുക്കും.വെറുപ്പിനു കാരണമില്ലേ

8. സ്ത്രീ ചങ്ങാത്തങ്ങളെ തെറ്റിദ്ധരിക്കുന്നതും വലിയൊരളവില്‍ വെറുപ്പിനു കാരണമാണ്.പുരുഷന്മാരും ഇത്തരം ചിന്താഗതിയുള്ളവരാണ്.എങ്കില്‍ കൂടിയും താനൊരു ആളുമായി അടുത്തതിന്റെ പേരില്‍ നിലവിലെ സൗഹൃദങ്ങള്‍ തുടരുന്നതില്‍ എന്താണ് തെറ്റ്.അതിനെ മോശമായ് കാണുന്നതല്ലേ തെറ്റ്.

9.കല്യാണം കഴിക്കുന്നത് വരെ അധ്വാനിക്കാന്‍ തയ്യാറാണ് തുടര്‍ന്നല്ല.സ്ത്രീകളുടെ ഈ മനോഭാവം വില കുറഞ്ഞതായ് കാണുന്ന പുരുഷന്മാര്‍ അവരെ വേറുത്തില്ലെങ്കിലെ അത്ഭുതമുള്ളൂ.

മുന്‍ പരിചയമില്ലാത്ത യുവതിയെ ഫേസ്ബുക്കില്‍ ഫ്രണ്ടാക്കി ചാറ്റും മറ്റ് ബന്ധങ്ങളും തുടങ്ങിയ യുവാവിന് നഷ്ടമായത് സ്വന്തം ജീവന്‍
Posted by
30 September

മുന്‍ പരിചയമില്ലാത്ത യുവതിയെ ഫേസ്ബുക്കില്‍ ഫ്രണ്ടാക്കി ചാറ്റും മറ്റ് ബന്ധങ്ങളും തുടങ്ങിയ യുവാവിന് നഷ്ടമായത് സ്വന്തം ജീവന്‍

പതിവുപോലെ ഫേസ്ബുക്കില്‍ സുന്ദരികളായ പെണ്‍കുട്ടികള്‍ക്ക് ഫ്രണ്ട് റിക്വസ്റ്റ് അയച്ചു കൊണ്ടിരുന്നപ്പോള്‍ ആണ് അരുണിന് ഒരു റിക്വസ്റ്റ് വന്നത്. പണക്കാരന്‍ ആയ അച്ഛനും അമ്മയ്ക്ക് ഉള്ള ഒരേ ഒരു മകന്‍ ആണ് അരുണ്‍, വീട്ടില്‍ പൂത്ത ക്യാഷ് അതുകൊണ്ടു തന്നെ ബിസിനസ് എന്ന പേരില്‍ പണം ദൂര്‍ത്തടിച്ചു നടക്കലാണ് ജോലി ഒരു പരിചയവും ഇല്ലാത്ത സുന്ദരി ആയ പെണ്ണിന്റ റിക്വസ്റ്റ് വന്നപ്പോള്‍ അവന്‍ ഒന്ന് സംശയിച്ചു ആരെങ്കിലും പറ്റിക്കാന്‍ വേണ്ടി ചെയ്യുന്നതാണോ എന്ന് അത് കൊണ്ട് തന്നെ റിക്വസ്റ്റ് അച്‌സിപ്റ്റ് ചെയ്തു എങ്കിലും അവന്‍ മെസേജ് അയക്കാന്‍ താല്പര്യം കാണിച്ചില്ല

ഹായ് ..ഞാന്‍ രേഷ്മ .അരുണിന്റെ വാളില്‍ ഷെയര്‍ ചെയ്ത പോസ്റ്റുകള്‍ കണ്ടീട്ടു റിക്വസ്റ്റ് അയച്ചതാണ്. അതില്‍ സ്ത്രീകളെയും കുട്ടികളെയും കുറിച്ചൊക്കെ വളരെ നല്ല പോസ്റ്റുകള്‍ ആണ്. മാത്രമല്ല സ്ത്രീകളെയും കുട്ടികളെയും പീഡിപ്പിക്കുന്നവര്‍ക്കു വധ ശിക്ഷ നല്‍കണം എന്നും പറഞ്ഞു അരുണ്‍ ഒരു പോസ്റ്റ് ഇട്ടില്ലേ അതെനിക്ക് ഒരുപാടു ഇഷ്ടമായി. ദൈവമേ അപ്പോള്‍ ഫേക്ക് അല്ല അവന് ആശ്വാസമായി അരുണ്‍ എന്ത് ചെയ്യുന്നു.

ഞാന്‍ ബിസിനസ്.. രേഷ്മയോ ഞാന്‍ ഒരു വീട്ടമ്മ ഭര്‍ത്താവു സൗദിയില്‍ ആണ്. അത് കേട്ടതോടെ അരുണിന്റെ ഉള്ളില്‍ ഒരു മഴതുള്ളി കിലുക്കം നിറഞ്ഞു..കുട്ടികള്‍..മകനാണ് ആറാം ക്ലാസ്സില്‍ പഠിക്കുന്നു. പിന്നീടുള്ള അരുണിന്റെ ദിവസങ്ങള്‍ തുടങ്ങുന്നത് തന്നെ രേഷ്മക്കു വേണ്ടി ആയിരുന്നു

രാവിലെയും രാത്രിയും അവള്‍ക്കുള്ള മെസ്സേജുകള്‍ കൃത്യമായി അയക്കാന്‍ അവന് ശ്രദ്ധിച്ചു. എങ്ങനെ എങ്കിലും അവളെ വളക്കണം എന്നതായിരുന്നു അവന്റെ മനസ്സില്‍. ഒരു ദിവസം ചാറ്റ് ചെയ്തു ചെയ്തു രാത്രി ഒരു മണി ആയി. ഇത്രയും സമയം തന്നോട് ചാറ്റ് ചെയ്യുന്ന ഈ പെണ്ണ് ആഗ്രഹിക്കുന്നതും മറ്റൊന്നായിരിക്കില്ല എന്ന് അവന്റെ മനസ്സ് പറഞ്ഞു. പതിയെ അവന്‍ ചാറ്റിന്റെ രീതികള്‍ മാറ്റി

ഇവിടെ നല്ല മഴയാ.. ആണോ..ഇവിടെ ചൂടാണ് എന്നാല്‍ ഇങ്ങോട്ടു പോന്നോളൂ.. അയ്യോടാ ചെക്കന്റെ പൂതി കൊള്ളാല്ലോ..ഞാന്‍ വന്നാല്‍ എന്ത് തരും ..എന്ത് വേണം.അതുപിന്നെ ഒന്നും വേണ്ട. അത് പറ്റില്ല എന്ത് വേണമെന്ന് പറ… വേണ്ടാട്ടോ ഞാന്‍ തമാശ പറഞ്ഞതാ

പിന്നീടുള്ള അവരുടെ ചാറ്റുകള്‍ പലപ്പോഴും പരിധികള്‍ ഇല്ലാതെ പറന്നു നടന്നു. അവന്റെ മനസ്സില്‍ പ്രണയം പൂത്തു തളിര്‍ത്തു. പ്രണയം എന്ന് പറയുന്നതിലും നല്ലതു അവളെ വളച്ചു കാര്യം സാധിക്കുക എന്നതായിരുന്നു. എനിക്ക് കാണാന്‍ തോന്നുന്നു

അയ്യോടാ അങ്ങനെ ഇപ്പോള്‍ കണ്ടു സുഖിക്കണ്ട. ദിവസങ്ങള്‍ പ്രണയ സുരഭിലമായി കടന്നു പോയി..അവന്റെ നിര്‍ബന്ധത്തിനു വഴങ്ങി ഒരു ദിവസം അവള്‍ കാണാം എന്ന് ഏറ്റു..അരുണ്‍ നാളെ നീ ഫ്രീ ആണോ…അതേല്ലോ..എന്നാല്‍ ഞാന്‍ എറണാകുളം വരുന്നുണ്ട് നീ ഫ്രീ ആണെകില്‍ നമുക്ക് കാണാം

അവന്റെ മനസ്സില്‍ ഒരായിരം പൂത്തിരികള്‍ ഒന്നിച്ചു തെളിഞ്ഞു..ഒരുപാടു നാളത്തെ കാത്തിരിപ്പായിരുന്നു അവളെ ഒന്ന് സ്വന്തമാക്കാന്‍…എവിടെ വച്ച് കാണും…നീ മറൈന്‍ ഡ്രൈവില്‍ വരുമോ.. അത് വേണ്ട ആരെങ്കിലും കണ്ടാലോ…പ്രൈവറ്റ് ആയിട്ടുള്ള സ്ഥലം മതി

അതുകൂടി കേട്ടപ്പോള്‍ അവന്‍ കോരി തരിച്ചു…അവളെ കുറ്റം പറഞ്ഞിട്ട് കാര്യമില്ലല്ലോ ഭര്‍ത്താവ് സൗദിയില്‍ അവള്‍ക്കു കാണില്ലേ ആഗ്രഹങ്ങള്‍. അങ്ങനെ അവര്‍ നഗരത്തിലെ ഹോട്ടല്‍ മുറിയില്‍ കണ്ടുമുട്ടാന്‍ തീരുമാനിച്ചു…അരുണ്‍ ഞാന്‍ വരുമ്പോള്‍ ആരെങ്കിലും കണ്ടാലോ..ഞാന്‍ ഒരു പര്‍ദ്ദ ഇട്ടു വന്നാലോ

അത് കൊള്ളാം അപ്പോള്‍ ആരും കാണില്ല..മൂന്നു മണിക്കാണ് രേഷ്മ വരം എന്ന് പറഞ്ഞത് എന്നാലും അവനു കാത്തിരിക്കാന്‍ പറ്റാത്ത പോലെ രണ്ടു മാണി ആയപോളെക്കും അവന് ഹോട്ടല്‍ മുറിയില്‍ എത്തി…കൃത്യം മൂന്നു മണിക്ക് തന്നെ അവള്‍ എത്തി അവളുടെ ശരീരത്തില്‍ നിന്നും വന്ന ഏതോ സ്‌പ്രേയുടെ സുഗന്ധം അവിടെ എല്ലാം നിറഞ്ഞു. അതവനെ മത്തുപിടിപ്പിക്കുന്ന പോലെ തോന്നി .

പര്‍ദ്ദ മാറ്റിയപ്പോള്‍ അവളുടെ സൗദര്യം അവന്റെ മനസ്സില്‍ കുളിരു കോരിയിട്ടു…നാല്‍പതു വയസ്സ് ആയെങ്കിലും കണ്ടാല്‍ ഒരു മുപ്പതേ പറയു..വലിയ കണ്ണുകളും തുടുത്ത കവിളും..അവന്റെ മനസ്സില്‍ മോഹത്തിന് പക്ഷികള്‍ ചിറകടിച്ചു..അരുണ്‍ പുറത്തു എന്തൊരു ചൂടാണ് ..

വല്ലാത്ത ദാഹം..ചൂടൊക്കെ ഞാന്‍ മാറ്റി തരാം. എന്നും പറഞ്ഞു അവന്‍ അവളുടെ കയ്യില്‍ പിടിച്ചു..അരുണ്‍ വേണ്ടാട്ടോ. എനിക്ക് ദാഹിക്കുന്നു നീ എന്തെങ്കിലും ഓര്‍ഡര്‍ ചെയ്യൂ. അവന്‍ വേഗം വിളിച്ചു ജ്യൂസ് ഓര്‍ഡര്‍ ചെയ്തു. വെയ്റ്റര്‍ ജ്യൂസ് കൊണ്ട് വന്നപ്പോളേക്കും അവനെ അവളെ ചേര്‍ത്ത് പിടിച്ചു ഉമ്മകള്‍ കൊടുത്തു.. അവള്‍ വേണ്ട എന്ന് പറഞ്ഞിട്ടും അവന് കേട്ടില്ല

വെയ്റ്റര്‍ കൊണ്ട് വന്ന ജ്യൂസ് ഗ്ലാസില്‍ പകര്‍ന്നു അവന്റെ നേരെ നീട്ടി..അവന്‍ അവളുടെ അരയിലൂടെ കൈ ചുറ്റി ബെഡില്‍ ഇരുത്തി..ഗ്ലാസ് അവളുടെ ലിപ്സ്റ്റിക്ക് പുരട്ടി ചുവപ്പിച്ച ചുണ്ടിലേക്കു അടുപ്പിച്ചു..വേണ്ട അരുണ്‍ കുടിച്ചോളൂ എന്നിട്ടു ഞാന്‍ കുടിക്കാം..അവന്‍ പതിയെ ജ്യൂസ് കുടിച്ചിട്ട് അവളെ തന്റെ നെഞ്ചിലേക്ക് ചേര്‍ത്ത് പിടിച്ചു…

അയ്യേ ഈ ചെക്കന് എന്തൊരു ആര്‍ത്തിയ..അതുപിന്നെ നിന്നെ പോലെ ഉള്ള സുന്ദരി മുന്നില്‍ നിന്നാല്‍ ഏതൊരു ആണിനും ആര്‍ത്തി കൂടും
അയ്യോടാ ചെക്കാ അങ്ങനെ ആര്‍ത്തി തോന്നണ്ട ഞാന്‍ നിനക്ക് വേണ്ടി ഉള്ളതല്ലേ..ഈ ഒരു ദിവസത്തിന് വേണ്ടി ഞാന്‍ എത്ര കാത്തിരുന്നു എന്നറിയാമോ

അവള്‍ പതിയെ ജ്യൂസ് നിറച്ച ഗ്ലാസ് അവന്റെ ചുണ്ടയ്ക്കലിലേക്കു വീണ്ടും വീണ്ടും അടുപ്പിച്ചു അവന്‍ കുടിക്കുന്നതും നോക്കി അവന്റെ മടിയില്‍ കിടന്നു
അവന്റെ വിരലുകള്‍ അവളുടെ ശരീരത്തില്‍ പാമ്പിനെ പോലെ ഇഴഞ്ഞു നടന്നു. നീ ജ്യൂസ് കുടിക്കുന്നില്ലേ നിനക്ക് വല്ലാത്ത ദാഹം ആയിരുന്നല്ലോ..എന്റെ ദാഹം നിന്റ മാറില്‍ ചേര്‍ന്ന് കിടന്നപ്പോള്‍ തീര്‍ന്നു ഇനി കുറെ നേരം കഴിഞ്ഞു ക്ഷീണം മാറ്റാന്‍ ഞാന്‍ കുടിച്ചോളാം…

അപ്പോള്‍ ഷീണിക്കാന്‍ തയ്യാറായി ആണല്ലേ വന്നിരിക്കുന്നത്. അവന്‍ അവളെ ഇറുകെ പുണര്‍ന്നു നെഞ്ചോടു ചേര്‍ത്ത് പിടിച്ചു.
അവളുടെ കൈകള്‍ അവനെ വരിഞ്ഞു മുറുക്കി. അവളിലേക്ക് ഒരു വന്യമൃഗത്തെ പോലെ അവന് ചാടി വീണു അവനെന്തോ ക്ഷീണം തോന്നി .അവളുടെ കൈകള്‍ അവനെ വിടാതെ ചേര്‍ത്ത് അമര്‍ത്തി…അവനു ശ്വാസം മുട്ടുന്ന പോലെ തോന്നി.

രേഷ്മ വീടു എനിക്ക് ശ്വാസം മുട്ടുന്നു..അവളുടെ കൈകള്‍ അവനെ വിടാന്‍ ഭാവം ഇല്ലായിരുന്നു..അവന്‍ അവളുടെ കണ്ണുകളിലേക്കു നോക്കി..കണ്ണുകളില്‍ വന്യമായ ഒരു തിളക്കം..അവളുടെ കൈകളുടെ ശക്തി കൂടി കൂടി വന്നു…അവന്‍ ശ്വാസം കിട്ടാതെ പിടഞ്ഞു…നിനക്ക് എന്നെ ഓര്‍മ്മയുണ്ടോ എന്ന അവളുടെ ചോദ്യത്തിന് അവന്‍ ഇല്ല എന്നര്‍ത്ഥത്തില്‍ മെല്ലെ തലയാട്ടി.

മേഘ എന്ന മൂന്നു വയസുകാരിയെ നീ അറിയുമോ…ഓര്‍മ്മ കാണില്ല കാരണം അത് നിന്റെ ജീവിതത്തിലെ ആദ്യ സംഭവം ഒന്നും അല്ലല്ലോ…മൂന്നു വയസുകാരിയില്‍ നീ എന്ത് കാമം ആണ് കണ്ടത്…അവളെ പിച്ചിച്ചീന്തി വലിച്ചെറിഞ്ഞപ്പോള്‍ നീ അനുഭവിച്ച സുഖം…അന്ന് എന്റെ പൊന്നുമോള്‍ നിന്റെ കയ്യില്‍ ശ്വാസം കിട്ടാതെ പിടഞ്ഞപ്പോള്‍ അനുഭവിച്ച വേദന നീ അറിയണം…പണക്കൊഴുപ്പില്‍ നീ പലരെയും സ്വാധീനിച്ചു…തെളിവെല്ലാം ഇല്ലാതാക്കി

എന്റെ മകള്‍ പീഡനത്തിന് ഇരയായി മരിച്ചതാണെന്നു കോടതിക്ക് സംശയം ഇല്ല…എന്നിട്ടും തെളിവുകള്‍ ഇഴകീറി പരിശോധിച്ചപ്പോള്‍ നീ രക്ഷപെട്ടു കോടതിയാണ് പോലും നീതി കിട്ടാത്ത എത്രയോ ആത്മാക്കളുടെ ശാപവും പേറി .. നിയമങ്ങള്‍ നോക്കി കുത്തിയാക്കി പലരും രക്ഷപെടുമ്പോള്‍.

എന്നെ പോലെ ഉള്ളവര്‍ ശിക്ഷ വിധിക്കേണ്ടി വരുന്നു..നിന്നെ വെറുതെ വിട്ടു എന്നറിഞ്ഞത് മുതല്‍ നിന്റെ മരണം മാത്രമായിരുന്നു എന്റെ മനസ്സില്‍..
അതിനുള്ള പദ്ധതികള്‍ ആയിരുന്നു പിന്നീടുള്ള എന്റെ ജീവിതം.. കാരണം എന്റെ മകളുടെ ആത്മാവിനു ശാന്തി കിട്ടണം നീ ജീവിച്ചിരുന്നാല്‍ അവളുടെ ആത്മാവ് ഗതി കിട്ടാതെ അലയും…ശ്വാസം കിട്ടാതെ പിടയുമ്പോള്‍ ഉള്ള വേദന നീ അറിയണം..ഞാന്‍ നിനക്ക് പകര്‍ന്നു തന്ന വിഷത്തിന്റെ വീര്യം ഇപ്പോള്‍ നിന്നെ തളര്‍ത്തി കളഞ്ഞു .പതിയെ നീ മരണത്തിലേക്ക് വീഴും. അത് കണ്ടു എന്റെ മനസ്സ് സന്തോഷിക്കും

അവനെ ഒന്ന് കൂടി അവള്‍ ചേര്‍ത്ത് പിടിച്ചു കൈകള്‍ കഴുത്തില്‍ ചേര്‍ത്ത് അമര്‍ത്തി ..അവന്‍ പിടയുന്നത് കണ്ടു അവള്‍ പൊട്ടി ചിരിച്ചു.. ഒടുവില്‍ ചലനമറ്റു അവന്‍ താഴേക്ക് വീണപ്പോള്‍ ഒരു ചെറു പുഞ്ചിരിയോടെ അവള്‍ വന്നപോലെ പുറത്തേക്കു നടന്നു…മനസ്സില്‍ ഒരു മധുര പ്രതികാരത്തിന്റെ കുളിര്‍ അവള്‍ അനുഭവിക്കുകയായിരുന്നു.

കടപ്പാട് :ജിമ്മി ചേന്ദമംഗലം

കൊതിയൂറും രാമശ്ശേരി ഇഡ്ഡലി ഇനി തിരുവനന്തപുരത്തും; മസ്‌കറ്റ് ഹോട്ടലില്‍ ഫെസ്റ്റ്
Posted by
30 September

കൊതിയൂറും രാമശ്ശേരി ഇഡ്ഡലി ഇനി തിരുവനന്തപുരത്തും; മസ്‌കറ്റ് ഹോട്ടലില്‍ ഫെസ്റ്റ്

തിരുവനന്തപുരം: ഇഡ്ഡലി രുചിക്കാന്‍ രാമശ്ശേരി വരെ പോകേണ്ട. തിരുവനന്തപുരം മാസ്‌കറ്റ് ഹോട്ടലിലെ സായാഹ്ന ഗാര്‍ഡന്‍ റസ്റ്ററന്റില്‍ രാമശ്ശേരി ഇഡ്ഡലി ഫെസ്റ്റിനു തുടക്കമായി. വേറിട്ട രുചിയുമായി പാലക്കാട്ടെ രാമശ്ശേരി ഇഡ്ഡലി ഫെസ്റ്റ് സെപ്റ്റബര്‍ 28 മുതല്‍ ഒക്ടോബര്‍ 1 വരെയാണ്. മാസ്‌കറ്റ് ഹോട്ടലിലെ സായാഹ്ന ഗാര്‍ഡന്‍ റസ്റ്ററന്റില്‍ എത്തിയാല്‍ മനസ്സും വയറും നിറഞ്ഞ് ഇഡ്ഡലി കഴിക്കാം. കീശ കാലിയാകുമെന്ന ആശങ്കയും വേണ്ട. സാധാരണക്കാരുള്‍പ്പടെയുള്ളവര്‍ക്ക് ന്യായവിലയില്‍ രൂചിയൂറും ഇഡ്ഡലി കഴിച്ച് മടങ്ങാം. വൈകുന്നേരം 5 മണിമുതല്‍ 11 മണി വരെയാണ് ഫെസ്റ്റിന്റെ സമയം. സായാഹ്നയിലെ പതിവ് റസ്റ്റോറന്റും പ്രവര്‍ത്തിക്കും.

മലയാളിയുടെ ഇഷ്ടഭക്ഷണമായ ഇഡ്ഡലിയെ ലോകത്തിന്റെ തീന്‍മേശയിലെത്തിച്ച പെരുമ പാലക്കാടിന്റെ സ്വന്തമാണ്. കണ്ടാല്‍ തട്ടുദോശ ലുക്ക് ആണെങ്കിലും ദോശ അല്ല ഇഡ്ഡലി തന്നെ സാക്ഷാല്‍ രാമശ്ശേരി ഇഡ്ഡലി. പൂപോലെ മൃദുലമായ ഇഡ്ഡലിക്കൊപ്പം നല്ല ഒന്നാന്തരം എരിവുള്ള ചമ്മന്തിപ്പൊടിയും ഉണ്ടെങ്കില്‍ കുശാലായി. കുരുമുളക്, ഉഴുന്ന് പൊടി, വറ്റല്‍ മുളക് എന്നിവ ചേര്‍ത്തുണ്ടാക്കുന്ന ചമ്മന്തിപ്പൊടിയാണ് കൂട്ട് എങ്കില്‍ പിന്നെ പറയുകയും വേണ്ട.

ഒരിക്കല്‍ രുചി അറിഞ്ഞവര്‍ പാലക്കാട്ടേയ്ക്ക് യാത്ര ചെയ്യുമ്പോള്‍ രാമശ്ശേരിലേക്കു പോകാമെന്ന് മനസ്സ് മന്ത്രിക്കും. അത്രക്കും സ്വാദാണ്. ഇഡ്ഡലികളില്‍ത്തന്നെ സ്‌പെഷ്യല്‍ ഐറ്റമായ രാമശ്ശേരി ഇഡ്ഡലി കേരളത്തിലെ പലഹാരങ്ങള്‍ക്കിടയില്‍ പ്രത്യേകിച്ച് മുഖവുര വേണ്ടാത്ത ഒന്നാണ്. പാലക്കാട് കോയമ്പത്തൂര്‍ ദേശീയപാതയില്‍ നെല്‍പ്പാടങ്ങളുടെ മധ്യത്തില്‍ ഇലപ്പുള്ളിയ്ക്കടുത്തായാണ് രാമശ്ശേരി എന്ന കൊച്ചു ഗ്രാമം.

എലപ്പുള്ളി, കുന്നാച്ചി-പുതുശ്ശേരി റോഡില്‍ രാമശ്ശേരിയിലുള്ള മുതലിയാര്‍ കുടുംബങ്ങളാണ് ഈ വിഭവത്തിന്റെ പെരുമയ്ക്കും രുചിക്കും പിന്നില്‍. നൂറ്റാണ്ടുകള്‍ക്ക് മുമ്പ് കോയമ്പത്തൂരില്‍ നിന്ന് കുടിയേറിയവരാണ് മുതലിയാര്‍ കുടുംബങ്ങള്‍. ഉപജീവനത്തിനായി അവര്‍ തുടങ്ങിയ ഇഡ്ഡലി നിര്‍മ്മാണം രുചിയുടെ മേന്മ കൊണ്ട് ജനശ്രദ്ധയാകര്‍ഷിച്ചു.

രാമശ്ശേരിക്കാര്‍ ഇഡ്ഡലിച്ചെമ്പില്‍ അല്ല ഇഡ്ഡലി പാകപ്പെടുത്തുന്നത്. മറിച്ച് മണ്‍കലത്തിന്റെ കഴുത്തു മാത്രമെടുത്ത് അതില്‍ നൈലോണ്‍ നൂല്‍ വല പോലെ പാകി കെട്ടി തട്ടുണ്ടാക്കി അതിനു മുകളില്‍ വെളുത്ത തുണിക്കഷ്ണം നനച്ച് വിരിച്ച് അതില്‍ മാവ് കോരിയൊഴിച്ചാണ് ഇഡ്ഡലി പാകപ്പെടുത്തുന്നത്. മൃദുവായതും ദോശപോലെ പരന്നതുമാണ് ഈ ഇഡ്ഡലി.

ഇഡ്ഡലിയുണ്ടാക്കാന്‍ പൊന്നി അരി മാത്രമാണ് ഉപയോഗിക്കുക. സാധാരണ ഇഡ്ഡലി പോലെ ഇതു വൈകുന്നേരമാകുമ്പോഴേക്കും ചീത്തയാകില്ല. 24 മണിക്കൂര്‍ വരെ ഒരു കേടുപാടും രുചിവ്യത്യാസവുമില്ലാതെയിരിക്കും. ചേരുവകള്‍ക്കപ്പുറം മറ്റെന്തോ രഹസ്യമുണ്ടെന്നാണു രാമശ്ശേരി ഇഡ്ഡലിയെക്കുറിച്ച് പലരും പറയുന്നത്.