മത്തിക്ക് അജ്ഞാത രോഗം! കഴിച്ചാല്‍ എട്ടിന്റെ പണി ഉറപ്പ്; ഇതാണ് ആ രോഗം
Posted by
29 January

മത്തിക്ക് അജ്ഞാത രോഗം! കഴിച്ചാല്‍ എട്ടിന്റെ പണി ഉറപ്പ്; ഇതാണ് ആ രോഗം

മലയാളികള്‍ ഏറ്റവും അധികം ഉപയോഗിക്കുന്ന മത്സ്യമാണ് മത്തി അഥവ ചാള. എന്നാല്‍ ഇപ്പോള്‍ ഇതാ മലയാളികളുടെ പ്രിയപ്പെട്ട മത്തി ഇനിമുതല്‍ കഴിക്കാന്‍ പറ്റില്ലെന്ന തരത്തിലുള്ള വാര്‍ത്തകള്‍ പുറത്തുവരുന്നു. വാട്ട്‌സാപ്പിലൂടെയാണ് അത്തരമൊരു വാര്‍ത്തയും ചിത്രങ്ങളും പ്രചരിക്കുന്നത്. മത്തിക്ക് എന്തോ ഒരു അപൂര്‍വ്വ രോഗം ബാധിച്ചു എന്നാണ് ചിത്രസഹിതം വിശദീകരിക്കുന്നത്.

ആ ചിത്രങ്ങള്‍ ഒറ്റനോട്ടത്തില്‍ കണ്ടാല്‍ മത്തിയുടെ മുട്ടയാണെന്നാണ് തോന്നുക. എന്നാല്‍ അത് മുട്ടയല്ലെന്നും ഒരു രോഗമാണെന്നുമാണ് പ്രചാരണം. മത്തിക്ക് രോഗമാണെന്നു മാത്രമല്ല, രോഗമുള്ള മത്തി കഴിച്ചാല്‍ ആ രോഗം മനുഷ്യര്‍ക്കും ബാധിച്ചെക്കുമെന്നും പറയുന്നു. എന്നാല്‍ ഈ പറയുന്നതുപോലെ ഒരു തരത്തിലുള്ള പ്രശ്‌നവും ഇല്ല എന്നതാണ് സത്യം. എങ്കിലും ആ ഫോട്ടോയില്‍ കാണുന്നത് തട്ടിപ്പല്ലെന്നും പറയുന്നു.

ചിത്രങ്ങള്‍ പ്രചരിച്ചതിനു പിന്നാലെയാണ് അതിന്റെ സത്യാവസ്ഥ പുറത്തുവന്നത്. മത്തിയുടെ ഉള്ളില്‍ കാണുന്നത് ഒരു പരാദമാണ്. അതായത് നമ്മുടെ ഇത്തിള്‍ കണ്ണിയെപ്പോലെയുള്ള ഒന്ന്. പാരസൈറ്റ് എന്നാണ് അതിനെ ഇംഗ്ലീഷില്‍ പറയുക. ടുണീഷ്യയിലുള്ള മത്തിയിലാണ് ഈ പരാദജീവികള്‍ കാണുന്നത്. അതിനാല്‍ അത്തരത്തിലുള്ള മത്തി കഴിക്കുന്നത് ഒരു തരത്തിലുള്ള ആരോഗ്യ പ്രശ്‌നങ്ങളും ഉണ്ടാക്കില്ലെന്നും ആരോഗ്യവിദഗ്ദര്‍ പറയുന്നു.

പ്രണയിച്ചു വഞ്ചിച്ച കാമുകനോട് മധുരപ്രതികാരം; യുവതിയുടെ  കുറിപ്പ് വൈറലാകുന്നു
Posted by
28 January

പ്രണയിച്ചു വഞ്ചിച്ച കാമുകനോട് മധുരപ്രതികാരം; യുവതിയുടെ കുറിപ്പ് വൈറലാകുന്നു

ലോകത്തിലെ ഏറ്റവും മനോഹരമായ വികാരമാണ് പ്രണയം. എന്നാല്‍ ജീവനേക്കാളേറെ സ്‌നേഹിച്ച വ്യക്തി ചതിച്ചാലോ, കാമുകനും കാമുകിയും പ്രതികാര ദാഹിയാകും എന്നതില്‍ സംശയമൊന്നും ഇല്ല. എന്നാല്‍ തന്നെ പ്രണയിച്ച് വഞ്ചിച്ച കാമുകനോട് യുവതിയുടെ മധുരപ്രതികാരത്തിന്റെ കഥ സമൂഹമാധ്യമങ്ങളില്‍ വൈറലാകുകയാണ്. സമൂഹമാധ്യമമായ റെഡ്ഡിറ്റിലാണ് പേരു വെളിപ്പെടുത്താത്ത യുവതി തന്റെ പ്രണയ തകര്‍ച്ച മറികടന്ന കഥ വ്യക്തമാക്കിയത്.

ഒരുദിവസം രാവിലെ കാമുകനു സര്‍പ്രൈസ് നല്‍കാനായി ബ്രേക്ഫാസ്റ്റും അദ്ദേഹത്തിനിഷ്ടപ്പെട്ട വീഡിയോ ഗെയിമുമായി പോയപ്പോള്‍ അവള്‍ കണ്ട കാഴ്ച ഞെട്ടിക്കുന്നതായിരുന്നു. അയാള്‍ തന്റെ മുന്‍കാമുകിക്കൊപ്പം കിടന്നുറങ്ങുന്നു.
ഞാന്‍ വന്നത് അവര്‍ കണ്ടിരുന്നില്ല, ഞാന്‍ പതുക്കെ അവരുടെ ബെഡ്‌റൂമിന്റെ കതകടച്ച് ബ്രേക്ഫാസ്റ്റും ഗെയിമും ആ വീടു തുറക്കാനായി എനിക്കു നല്‍കിയിരുന്ന കീയും അടുക്കളയില്‍ വച്ച് തിരിച്ചുവന്നു.

വന്നയുടന്‍ സമൂഹമാധ്യമത്തിലെ അക്കൗണ്ടുകള്‍ ഡീആക്റ്റിവേറ്റ് ചെയ്യുകയും അയാളെ മറ്റുള്ളവയില്‍ നിന്നെല്ലാം ബ്ലോക്കും ചെയ്തു. ശേഷം എന്റെ ഫോണ്‍ നമ്പര്‍ മാറ്റാന്‍ തീരുമാനിച്ചു. തുടര്‍ന്ന് എന്റെ ബന്ധുക്കളോടും സുഹൃത്തുക്കളോടുമെല്ലാം അവനുമായി പിരിഞ്ഞ കാര്യം വ്യക്തമാക്കുകയും ചെയ്തു. ശേഷം ആ ആഴ്ചയില്‍ തന്നെ മറ്റൊരു നഗരത്തില്‍ ജോലി വാങ്ങി. അയാളില്‍ നിന്നും എന്നെ പൂര്‍ണമായും മുക്തമാക്കിയതിനൊപ്പം ഒരു ഏറ്റുപറച്ചിലിനുള്ള അവസരം പോലും നല്‍കാതെ ആ ജീവിതത്തില്‍ നിന്നും ഞാന്‍ തിരികെവന്നു.

യുവതി ആരെന്നോ എന്തെന്നോ അറിഞ്ഞില്ലെങ്കിലും തീര്‍ത്തും തകര്‍ന്നു പോയേക്കാവുന്ന ഒരവസ്ഥയെ പോസിറ്റീവായി സ്വീകരിക്കുകയും പ്രതികാരത്തിനോ വിശദീകരണത്തിനോ ഇടനല്‍കാതെ പുതിയ ജീവിതത്തെ വരിക്കുകയും ചെയ്ത പെണ്‍കുട്ടിക്ക് സമൂഹമാധ്യമത്തിലാകെ അഭിനന്ദനങ്ങള്‍ കൊണ്ടുനിറയുകയാണ്. അഞ്ചുവര്‍ഷം യുവതിയെ വഞ്ചിച്ച കാമുകനു നല്‍കിയ ഏറ്റവും ധീരമായ മറുപടിയാണ് ഇതെന്നാണ് പലരും പറയുന്നത്. ഒച്ചയുയര്‍ത്താതെ സംയമനം കൈവിടാതെ ആ സാഹചര്യത്തെ അവള്‍ കൈകാര്യം ചെയ്ത രീതിയാണ് മറ്റുള്ളവരില്‍ നിന്നും വ്യത്യസ്തയാക്കിയത്. ട്വിറ്ററിലും ഷെയര്‍ ചെയ്യപ്പെട്ട പോസ്റ്റിന് ഇതിനകം തന്നെ ലക്ഷങ്ങളോളം ലൈക്കുകളും ഒരുലക്ഷത്തോളം റീട്വീറ്റുകളും ലഭിച്ചു.

പങ്കാളിയോടുള്ള സ്‌നേഹവും ബന്ധവും കൂടുതല്‍ ദൃഡമാകും; സ്ഥിരമായി പോണ്‍ വീഡിയോകള്‍ കാണുന്നവര്‍ക്ക് ഒരു സന്തോഷ വാര്‍ത്ത
Posted by
28 January

പങ്കാളിയോടുള്ള സ്‌നേഹവും ബന്ധവും കൂടുതല്‍ ദൃഡമാകും; സ്ഥിരമായി പോണ്‍ വീഡിയോകള്‍ കാണുന്നവര്‍ക്ക് ഒരു സന്തോഷ വാര്‍ത്ത

പോണ്‍ അഡിക്ഷന്‍ പങ്കാളികള്‍ തമ്മിലുള്ള ബന്ധത്തെ ശക്തിപ്പെടുത്തുമെന്ന് പുതിയ ഒരു പഠനം. പഠനം പറയുന്ന പ്രകാരം പോണ്‍ കാണുന്നവരില്‍ ബന്ധം കുടുതല്‍ ഉറയ്ക്കുമത്രേ. പശ്ചിമ ഒന്റാരിയോ സര്‍വകലാശാലയിലെ ഒരു പിഎച്ച്ഡി വിദ്യാര്‍ത്ഥിനിയുടെ പഠനമാണ് പോണ്‍ കാഴ്ചയ്‌ക്കെതിരേ മുമ്പ് ഇറങ്ങിയിരിക്കുന്ന സിദ്ധാന്തങ്ങളെയെല്ലാം പൊളിച്ചടുക്കിയിരിക്കുന്നത്. വിവാഹിതരായവരും പങ്കാളികളുമായി ഒമ്പതിലധികം വര്‍ഷം ഒന്നിച്ചു താമസിക്കുന്നവരുമായ അനേകം യുവാക്കളെ ഇവര്‍ പഠനത്തിന് വിധേയമാക്കിയത്. ഇതില്‍ പോണ്‍ അഡിക്ഷന്‍ ഉള്ളവരെയും ഇല്ലാത്തവരെയും വേര്‍തിരിക്കുകയും ചെയ്തു.

സെക്‌സ് മാഗസിന്‍ പതിവായി കാണുന്നവരും അതിലെ യുവ മോഡലുകളുടെ നഗ്‌നദൃശ്യങ്ങള്‍ അടങ്ങുന്ന സെന്റര്‍ സ്‌പ്രെഡ് പതിവായി ആസ്വദിക്കുകയും ചെയ്തിരുന്ന യുവാക്കളെയായിരുന്നു ഒരു വിഭാഗത്തില്‍ പെടുത്തിയത്. ഈ വിഭാഗക്കാര്‍ മാന്യന്മാരെന്ന വിശ്വസിക്കുന്നവരേക്കാള്‍ പങ്കാളിയുമായി അതിശക്തമായ ബന്ധം നില നിര്‍ത്തുന്നതായി കണ്ടെത്തുകയായിരുന്നു. ഇത്തരക്കാര്‍ക്ക് ലൈംഗികദൃശ്യങ്ങള്‍ ആസ്വദിക്കുന്നത് കൊണ്ട് പങ്കാളിയോടുള്ള സ്‌നേഹം ഒട്ടും കുറയുന്നില്ലെന്നും എതിര്‍വിഭാഗത്തേക്കാള്‍ കൂടുതലാണെന്നും പഠനം വ്യക്തമാക്കി.

പോണ്‍ അഡിക്ക്ഷന്‍ ബന്ധങ്ങളില്‍ ചീത്തപ്പേര് മാത്രമല്ല പങ്കാളിയുടെ മതിപ്പും കുറയ്ക്കാനും ചിലപ്പോള്‍ കാരണമാകുമെന്നാണ് ഇതുവരെ പറഞ്ഞിരുന്നത്. ഇത് മാത്രമല്ല പരമ്പരാഗത വിശ്വാസം അനുസരിച്ച് പങ്കാളിയോടുള്ള താല്‍പ്പര്യം കുറയുമെന്നും ലൈംഗികബലഹീനതകള്‍ ഉണ്ടാക്കുമെന്നും ലൈംഗിക ദൃശ്യങ്ങളുടെ ആസ്വദിക്കല്‍ പ്രവണതയുമായി ബന്ധപ്പെട്ട് കേട്ടിരുന്ന വിദഗ്‌ദ്ധോപദേശങ്ങളില്‍ പറയുന്നു. എന്നാല്‍ എല്ലാം തെറ്റാണെന്ന് വരുത്തി തീര്‍ക്കുകയാണ് ഈ പുതിയ പഠനം.

എള്ള്: ആരോഗ്യത്തിനും സൗന്ദര്യത്തിനും
Posted by
25 January

എള്ള്: ആരോഗ്യത്തിനും സൗന്ദര്യത്തിനും

അടിസ്ഥാനപരമായി എണ്ണക്കുരുവാണ് എള്ള്. കറുത്ത എള്ള്, വെളുത്ത എള്ള് എന്നിങ്ങനെ രണ്ടുതരം എള്ള് കണ്ടു വരുന്നു. എള്ളില്‍ നിന്നും എടുക്കുന്ന എള്ളെണ്ണ അഥവാ നല്ലെണ്ണയില്‍ ചര്‍മ്മ സൗന്ദര്യത്തിന് സഹായകമായ വൈറ്റമിന്‍-ഇ ധാരാളമായി അടങ്ങിയിരിക്കുന്നു.

ശരീരത്തില്‍ തേച്ചു കുളിക്കുന്നത് ഉത്തമമാണ് എള്ളെണ്ണ. കുഞ്ഞുങ്ങളുടെ ശരീരം മസാജ് ചെയ്യുന്നതിനും എളെളണ്ണ ഉപയോഗിക്കാം. ഡയപ്പര്‍ ഉപയോഗിക്കുമ്പോള്‍ ചര്‍മത്തിലുണ്ടാകുന്ന പാടുകള്‍, ചര്‍മത്തിന്റെ വരണ്ട സ്വഭാവം എന്നിവ മാറ്റുന്നതിനും എള്ളെണ്ണ നല്ലതാണ്.

കരളിന്റെ ആരോഗ്യം നിലനിര്‍ത്തുന്നതിനും എളള് ഗുണപ്രദമാണ്. ആന്റിബയോട്ടിക്കുകളുടെ പാര്‍ശ്വ ഫലമായി വൃക്കകള്‍ക്കുണ്ടാകുന്ന തകരാറുകള്‍ തടയുന്നതിനും എളെളണ്ണ സഹായകമാണെന്ന് പഠനങ്ങള്‍ സൂചിപ്പിക്കുന്നു.

എളെളണ്ണയിലെ സെസമോള്‍ (sesamol) എന്ന ആന്റി ഓക്‌സിഡന്റ്, ഗാമാ റേഡിയേഷന്‍ മൂലം ഡിഎന്‍എയ്ക്കു കേടുപാടു വരുന്നത് തടയുന്നതായി പഠനത്തിലൂടെ കണ്ടെത്തിയിട്ടുണ്ട്. കൂടാതെ അമിതമായ ഉത്കണ്ഠയും ഡിപ്രഷനും കുറയ്ക്കാനും സെസ്മോള്‍ സഹായിക്കുന്നു.

നാരുകള്‍ ധാരാളമായടങ്ങിയിരിക്കുന്നത് കൊണ്ട് മലബന്ധം കുറയ്ക്കുന്നതിനും ദഹനം മെച്ചപ്പെടുത്തുന്നതിനും എളള് ആഹാരത്തില്‍ ഉള്‍പ്പെടുത്തുന്നത് ഉത്തമമാണ്. പല്ലുകള്‍, മോണ എന്നിവയുടെ ആരോഗ്യത്തിനും എളള് സഹായകമാണ്.

എളളിലടങ്ങിയ വിറ്റാമിനുകള്‍ മാനസികാരോഗ്യം, ഗാഢനിദ്ര, വേദന കുറയ്ക്കല്‍ എന്നിവയ്ക്കു സഹായകമായ സെറോടോണിന്‍ ഉത്പാദിപ്പിക്കുന്നതില്‍ പ്രധാന പങ്ക് വഹിക്കുന്നുണ്ട്.

സ്ഥിരമായി ജീന്‍സ് അലക്കാതെ ഉപയോഗിക്കുന്നവരുടെ ശ്രദ്ധയ്ക്ക്: നിങ്ങളെ കാത്തിരിക്കുന്നത് കുഷ്ഠരോഗം
Posted by
24 January

സ്ഥിരമായി ജീന്‍സ് അലക്കാതെ ഉപയോഗിക്കുന്നവരുടെ ശ്രദ്ധയ്ക്ക്: നിങ്ങളെ കാത്തിരിക്കുന്നത് കുഷ്ഠരോഗം

ആണ്‍ പെണ്‍ വ്യത്യാസമില്ലാതെ യുവജനങ്ങളുടെ ഇഷ്ടവേഷമാണ് ജീന്‍സ്. ലുക്കില്‍ ട്രെന്റിയും ഉപയോഗിക്കാന്‍ എളുപ്പവുമാണ് ജീന്‍സ്. കാരണം മൂന്നോ നാലോ തവണയിട്ട് അലക്കിയാല്‍ മതി. രണ്ടാഴ്ചയൊക്കെ ജീന്‍സ് അലക്കാതെ ഉപയോഗിക്കുന്നവരും നമ്മുടെ നാട്ടിലുണ്ട്. ഇത്തരത്തില്‍ വൃത്തിഹീനമായി ജീന്‍സ് ഉപയോഗിക്കുന്നത് കുഷ്ഠരോഗം ഉള്‍പ്പെടെ കടുത്ത ചര്‍മ്മ രോഗങ്ങള്‍ക്ക് കാരണമാകും എന്നാണു പുതിയ റിപ്പോര്‍ട്ടുകള്‍.

ചൂടുള്ള കാലാവസ്ഥയില്‍ അനുയോജ്യ വസ്ത്രമല്ല ജീന്‍സ്. ദിവസങ്ങളോളം ഇത് ഉപയോഗിക്കുമ്പോള്‍ വസ്ത്രത്തില്‍ വിയര്‍പ്പ് തങ്ങി നില്‍ക്കാന്‍ കാരണമാകും. ഇങ്ങനെ വിയര്‍പ്പില്‍ നിന്നുണ്ടാകുന്ന അഴുക്ക് മൂലം ചിരങ്ങ്, വട്ടച്ചൊറി പോലുള്ള രോഗങ്ങള്‍ ഉണ്ടാകും. ഇത്തരം അസുഖങ്ങള്‍ വന്നാല്‍ പലര്‍ക്കും ഡോക്ടറെ കാണാനും ചികിത്സിക്കാനുമെല്ലാം മടിയാണ്. പലരും മെഡിക്കല്‍ ഷോപ്പില്‍ നിന്ന് മരുന്ന് വാങ്ങി സ്വയം ചികിത്സിക്കുന്നവരാണ്. അഭിമാനം നോക്കാതെ ചര്‍മ്മ രോഗത്തിന് ഡോക്ടര്‍മാരുടെ ഉപദേശം തേടുന്നതാണ് നല്ലതെന്ന് ആരോഗ്യ വിദഗ്ദര്‍ പറയുന്നു.

പ്രണയക്കുരുക്കില്‍ നിന്ന് മക്കളെ രക്ഷിച്ചെടുക്കാനുള്ള മാര്‍ഗങ്ങള്‍
Posted by
23 January

പ്രണയക്കുരുക്കില്‍ നിന്ന് മക്കളെ രക്ഷിച്ചെടുക്കാനുള്ള മാര്‍ഗങ്ങള്‍

-ഫഖ്‌റുദ്ധീന്‍ പന്താവൂര്‍

പ്രണയിക്കുന്നവര്‍ക്ക് പ്രണയം മനോഹരമായൊരു മായാനദിയാണെങ്കിലും ഇക്കാലത്ത് രക്ഷിതാക്കള്‍ക്ക് വലിയൊരു ആശങ്കയാണ് നല്‍കുന്നത്. ആണ്‍കുട്ടികളെക്കാള്‍ പെണ്‍കുട്ടികളുടെ രക്ഷിതാക്കളാണ് പ്രണയഭീതിയില്‍ കഴിയുന്നത്. കാരണം വര്‍ത്തമാനകാല അനുഭവങ്ങള്‍ പലതും ഏതൊരു രക്ഷിതാവിനെയും ആശങ്കയിലാഴ്ത്തുന്നതാണ്.

മക്കള്‍ പ്രണയിക്കുന്നതിനേക്കാള്‍ രക്ഷിതാക്കള്‍ക്ക് ഭയം പ്രണയം കൊണ്ടെത്തിക്കുന്ന അപകടങ്ങളിലാണ്. വളര്‍ത്തി വലുതാക്കിയ മക്കള്‍ ജാതിയും മതവും കുടുംബവും എല്ലാം ഉപേക്ഷിച്ച് ഇന്നലെ കണ്ട ഒരുത്തന്റെ പിന്നാലെ പോകുന്നത് എങ്ങനെയെന്ന് രക്ഷിതാക്കള്‍ക്ക് ഒട്ടും മനസിലാവില്ല. ദുരഭിമാനക്കൊലകളിലൂടെ പകരം വീട്ടുന്ന രക്ഷിതാക്കളുമുണ്ട്.

ആരാണ് പ്രണയത്തിലെ വില്ലന്‍? ഒരു പ്രണയത്തിലും ചെന്ന് ചാടരുത് എന്നാഗ്രഹിച്ച എത്രയോപേര്‍ പ്രണയനദിയില്‍ മുങ്ങിത്താഴുന്നു. മക്കളുടെ അപക്വമായ പ്രണയങ്ങളാല്‍ എത്രയോ കുടുംബങ്ങളില്‍ സന്തോഷം നഷ്ടപ്പെടുന്നു. പ്രണയത്തില്‍ ശരിയായ വില്ലന്‍ നമ്മുടെ തലച്ചോറിലെ ന്യൂറോ കെമിക്കല്‍സ് ആണ്. പ്രായമോ വിദ്യാഭ്യാസ യോഗ്യതയോ സ്റ്റാറ്റസോ പ്രണയത്തെ സ്വാഭാവികമായി തടുത്തു നിര്‍ത്തുമെന്ന് ചിന്തിക്കുന്നതില്‍ കാര്യമില്ല. ബുദ്ധിയും ചിന്തയും ഉപദേശങ്ങളുമൊന്നും ഇതിലില്ല.

ഈ കെമിക്കലുകള്‍ പ്രവര്‍ത്തിക്കുന്നതുകൊണ്ടാണ് പ്രേമത്തിനു കണ്ണില്ല എന്ന സാഹചര്യമുണ്ടാകുന്നത് .ഇതൊന്നും പ്രണയിക്കുന്നവര്‍ക്കറിയില്ലെങ്കിലും ഇതാണ് സത്യം. കൗമാരക്കാലപ്രണയങ്ങള്‍ ഉണ്ടാക്കുന്ന അപകടങ്ങള്‍ ചെറുതല്ല .ചെറിയ ക്ലാസ് മുതല്‍ തന്നെ പ്രണയത്തില്‍ കുരുങ്ങി പഠനം ഉഴപ്പുകയും സ്വയം നശിക്കുകയും ചെയ്യുന്നവരുടെ എണ്ണം വര്‍ധിക്കുകയാണ് .ചെറിയ ചെറിയ സൗഹൃദങ്ങളാണ് പലപ്പോഴും പ്രണയത്തിലെത്തുന്നത് .ആണും പെണ്ണും തമ്മിലുള്ള സൗഹൃദമൊക്കെ ആരോഗ്യപരമായാല്‍ നല്ലത് .അല്ലെങ്കിലത് പ്രണയത്തിലെത്തി കുഴപ്പത്തിലെത്തും.

സ്ത്രീക്കും പുരുഷനും എവിടെവെച്ചും ആരോടും തോന്നുന്ന ലൈംഗിക ആകര്‍ഷണമാണ് പ്രണയത്തിന്റെ ആദ്യ ഘട്ടം .യഥാര്‍ത്ഥത്തില്‍ സ്‌നേഹമല്ലത്. ഇഷ്ടം മാത്രമാണ് .ഇഷ്ടപ്പെടുന്നതൊക്കെ പിന്നെ വെറുക്കുകയും ചെയ്യും. പദവിയോ പഠനമോ ജീവിത സാഹചര്യമോ വ്യക്തിയുടെ പശ്ചാത്തലമോ ഒന്നും പരിഗണിക്കാതെ ആരോടും ഈ ആകര്‍ഷണം തോന്നാം. ഇന്‍ഫാക്‌ച്ച്വേഷന്‍ എന്ന ഓമനപ്പേരിലുള്ള പ്രണയഭാവം ടെസ്റ്റോസ്റ്റീറോണ്‍ എന്ന പുരുഷ ഹോര്‍മോണിന്റെയും ഈസ്ട്രജന്‍ എന്ന സ്ത്രീ ഹോര്‍മോണിന്റെയും സംഭാവനയാണ്. എതിര്‍ലിംഗത്തില്‍പ്പെട്ടവര്‍ തന്നെ ശ്രദ്ധിക്കണമെന്ന് ആഗ്രഹിക്കുന്നതും അവരെ ആകര്‍ഷിക്കാന്‍ ശ്രമിക്കുന്നതുമെല്ലാം ഈ ഹോര്‍മോണുകളുടെ കളികളാണ്. ഇത്തരം ഇഷ്ടങ്ങളെ പ്രണയമെന്ന് വിശ്വസിച്ചാണ് പലരും അബദ്ധത്തില്‍പോയി ചാടുന്നത്.

ഒന്നാം ഘട്ടത്തിലുണ്ടായ ഇഷ്ടത്തെ സ്‌നേഹമെന്ന് വിശ്വസിക്കുകയും മൃദുലവികാരങ്ങളെ പരിപോഷിപ്പിക്കാന്‍ ശ്രമിക്കുകയും ചെയ്താല്‍ പ്രണയം നമ്മുടെ വിവേകത്തെ തോല്‍പ്പിച്ച് തുടങ്ങും. എതിര്‍ലിംഗത്തിന്റെ ശക്തമായ ആകര്‍ഷണമാണ് ഊ ഘട്ടത്തില്‍ ആരംഭിക്കുക . ഒന്നു നേരില്‍ കാണാനും സംസാരിക്കാനുമൊക്കെ ആഗ്രഹിക്കും. എന്നാല്‍ അതിനുള്ള അവസരം എങ്ങനെയെങ്കിലും സൃഷ്ടിക്കും .രണ്ടുകുട്ടരും പിന്നെയൊരു മായാലോകത്തായിരിക്കും. നോര്‍ അഡ്രിനാലിന്‍ എന്ന കെമിക്കല്‍ പ്രണയിക്കുന്ന ആളെ കൂടുതല്‍ കരുതാനും ശ്രദ്ധിക്കാനുമൊക്കെ മനസ്സിനെ പ്രേരിപ്പിക്കും. നിഷ്‌കളങ്ക പ്രണയം എന്നൊരു തോന്നലൊക്ക മനസ്സില്‍ ഉണ്ടാക്കാന്‍ കഴിവുള്ള കെമിക്കല്‍ സമ്മിശ്രമായ ഭാവങ്ങളിലൂടെ മനസ്സിനെ നയിക്കും. ഇവിടെയാണ് ഏറ്റവും വലിയ അപകടം. പ്രണയമൊരു മാജിക്കാണെന്ന് പലരും പറയുന്നത് ഇതുകൊണ്ടാണ്.

ബൈല്‍ ഫോണും, വാട്ട്‌സ്ആപ്പും, ഫെയ്‌സ്ബുക്കും, ഒരുമിച്ചുള്ള കറക്കങ്ങളും ഭക്ഷണവുമൊക്കെയായി പ്രണയത്തെ ഉണര്‍ത്തി വിടുന്ന ഘട്ടത്തിലെത്താന്‍ ഇനി അധികസമയം വേണ്ടിവരില്ല. ഇതിന്റെ വളര്‍ച്ചയ്ക്ക് എത്ര നുണകള്‍ വേണമെങ്കിലും സത്യമെന്നപോലെ അവതരിപ്പിക്കും. ഈ സമയത്തുള്ള പ്രണയം ശരിയായ വ്യക്തിത്വത്തെയല്ലയെന്നത് വിവാഹശേഷമാണ് ബോധ്യപ്പെടുക. അതോടെ രൂക്ഷമായ കലഹവും നിത്യസംഭവമാകും. കാരണം പ്രണയനാളിലെ അടുപ്പങ്ങളും തിരിച്ചറിവും വിവേകത്തോടെയായിരിക്കില്ല. ആണ്‍കുട്ടിയും പെണ്‍കുട്ടിയും മാതാപിതാക്കളോട് എതിര്‍ക്കുകയും അവരെ ശത്രുക്കളായി കാണുകയും നുണകള്‍ പറയുന്നതും താനിഷ്ടപ്പെടുന്ന ആളെ കണ്ണുമടച്ച് വിശ്വസിച്ച് പോകുന്നതുമെല്ലാം ഓക്‌സിടോസിന്‍ വാസോപ്രസിന്‍ എന്നീ കെമിക്കലുകളുടെ മാജിക്കാണ്. അടുത്തിരിക്കാനും ചാരിയിരിക്കാനും കെട്ടിപ്പിടിക്കാനും ഉമ്മവയ്ക്കാനുമൊക്കെ ഈ കെമിക്കലുകള്‍ തോന്നിച്ചുകോണ്ടേയിരിക്കും.

ലവ് ഹോര്‍മോണ്‍ ഉയര്‍ത്തിവിടുന്ന ഓളങ്ങളാണ് ശാരീരിക ബന്ധത്തിലേക്കും അടുപ്പത്തിലേക്കും എന്തു റിസ്‌കിലേക്കും കമിതാക്കളെ തള്ളിവിടുന്നത്. ശരിയായ കൗണ്‍സിലിംഗിലൂടെ മാത്രമെ പ്രണയക്കുരുക്കില്‍ നിന്ന് രക്ഷപ്പെടാനൊക്കൂ .രക്ഷിതാക്കള്‍ ഇത്തരം സന്ദര്‍ഭങ്ങളില്‍ വിവേകത്തോടെയും പക്വതയോടെയും കൈകാര്യം ചെയ്യണം. അല്ലെങ്കില്‍ കാര്യങ്ങള്‍ കൈവിട്ടുപോകും.

(മാധ്യമപ്രവര്‍ത്തകനും അധ്യാപകനും മൈന്റ് കണ്‍സള്‍ട്ടന്റുമാണ് ലേഖകന്‍,9946025819)

വൈറ്റമിന്‍ കുറവ് വെള്ളം കുടിച്ച് പരിഹരിക്കാം; ‘വൈറ്റമിന്‍ ഡി’ കുടിവെള്ളം വിപണിയില്‍
Posted by
19 January

വൈറ്റമിന്‍ കുറവ് വെള്ളം കുടിച്ച് പരിഹരിക്കാം; 'വൈറ്റമിന്‍ ഡി' കുടിവെള്ളം വിപണിയില്‍

ദുബായ്: ലോകത്തിലെ ആദ്യത്തെ വൈറ്റമിന്‍ ഡി കുടിവെള്ളം വിപണിയിലെത്തി.
അബുദാബിയില്‍ നടക്കുന്ന അന്താരാഷ്ട്ര ജല സമ്മേളനത്തിലാണ് വൈറ്റമിന്‍ ഡി വെള്ളം പുറത്തിറക്കിയത്. ഓറഞ്ച് നിറത്തിലുള്ള ‘അല്‍ ഐന്‍ വൈറ്റമിന്‍ ഡി’ ബോട്ടിലെ വെള്ളം ബുധനാഴചയാണ് സൂപ്പര്‍ മാര്‍ക്കറ്റുകളില്‍ എത്തിച്ചത്. ഊര്‍ജ്ജ വകുപ്പ് മന്ത്രി സുഹൈല്‍ മൊഹമ്മദ് ഫറജ് അല്‍ മസ്റോയുടെ സാന്നിദ്ധ്യത്തിലായിരുന്നു ചടങ്ങ്. 500 മില്ലി ലിറ്റര്‍ ബോട്ടിലിലെ വെള്ളത്തിനു രണ്ടു ദിര്‍ഹമാണ് വില.

അഗതിയ ഗ്രൂപ്പാണ് വൈറ്റമിന്‍ ഡി വെള്ളത്തിന്റെ നിര്‍മ്മാതാക്കള്‍. യാതൊരു പ്രിസര്‍വേറ്റീവുകളും ഇതില്‍ ഉപയോഗിക്കുന്നില്ലെന്നും കുട്ടികള്‍ക്കും സ്ത്രീകള്‍ക്കും നൂറു ശതമാനം സുരക്ഷിതമാണിതെന്നും നിര്‍മ്മാതാക്കള്‍ അവകാശപ്പെടുന്നു. ദിവസവും മൂന്ന് ലിറ്റര്‍ അല്‍ ഐന്‍ വൈറ്റമിന്‍ ഡി വെള്ളം കുടിച്ചാല്‍ ആവശ്യമായതിന്റെ പകുതി വൈറ്റമിന്‍ ഡി ശരീരത്തിന് ലഭിക്കും. വൈറ്റമിന്‍ ഡി യുടെ അപര്യാപ്ത നേരിടുന്നവര്‍ക്ക് ഇത് സഹായകരമാകും.

അസ്ഥിക്ഷയം, ഹൃദയ സംബന്ധമായ രോഗങ്ങള്‍, വിവിധ തരം ക്യാന്‍സറുകള്‍, മള്‍ട്ടിപ്പള്‍ സ്ലിറോസിസ്, കൂടാതെ ക്ഷയം പോലെയുള്ള സാംക്രമിക രോഗങ്ങള്‍ എന്നിവ ചെറുക്കാന്‍ വൈറ്റമിന്‍ ഡി വെള്ളം വളരെ ഉപയോഗപ്രദമാണെന്നാണ് കമ്പനി ഉടമകളുടെ അവകാശ വാദം. ചര്‍മ്മ സംബന്ധമായ എല്ലാം അസുഖങ്ങള്‍ക്കും ഈ വെള്ളം ഫലപ്രദമാണ്. ദുബായില്‍ ജീവിക്കുന്ന 78 ശതമാനം ജനങ്ങളിലും വൈറ്റമിന്‍ ഡിയുടെ അപര്യാപ്തത ഉള്ളതായി നേരത്തേ പഠനങ്ങളില്‍ കണ്ടെത്തിയിരുന്നു.

ചോക്ലേറ്റ് പ്രേമികള്‍ക്ക് സന്തോഷവാര്‍ത്ത റൂബി കിറ്റ്-കാറ്റുമായി നെസ്‌ലെ എത്തി
Posted by
18 January

ചോക്ലേറ്റ് പ്രേമികള്‍ക്ക് സന്തോഷവാര്‍ത്ത റൂബി കിറ്റ്-കാറ്റുമായി നെസ്‌ലെ എത്തി

ലോകത്തെ ആദ്യത്തെ റൂബി കിറ്റ്-കാറ്റുമായി നെസ്‌ലേ എത്തി. സ്വിറ്റ്‌സര്‍ലന്റിലെ ചോക്ലേറ്റ് നിര്‍മ്മാതാക്കളായ ബാരി കാലെബോട്ടാണ് റൂബി കിറ്റ്-കാറ്റ് രൂപകല്‍പ്പന ചെയ്തിരിക്കുന്നത്. ജപ്പാനിലേയും സൗത്ത് കൊറിയയിലേയും വിപണികളില്‍ ജനുവരി 19 മുതല്‍ റൂബി ചോക്ലേറ്റ് ലഭ്യമായിത്തുടങ്ങും.

വാലന്റൈന്‍സ് ഡേയ്ക്കു മുന്നോടിയായാണ് ജപ്പാനില്‍ റൂബി അവതരിപ്പിച്ചത്.ആവശ്യക്കാര്‍ക്ക് ഓണ്‍ലൈനിലും ലഭ്യമാണെന്ന് കമ്പനി അറിയിച്ചു. കഴിഞ്ഞ സെപ്തംബറിലാണ് റൂബിയെക്കുറിച്ചുള്ള വിവരങ്ങള്‍ കമ്പനി പുറത്തു വിട്ടത്. ശരിക്കും ചുവപ്പല്ല, റൂബി നിറമാണിതിന്. ബെറിപ്പഴത്തിന്റെ രുചിയുള്ള ഈ ചോക്ലേറ്റ്് റൂബി കൊക്കോയില്‍ നിന്നാണ് ഉണ്ടാക്കിയിരിക്കുന്നത്.

ഈ മൂന്ന് കാര്യങ്ങള്‍ ജീവിതത്തിലുണ്ടെങ്കില്‍ സന്തോഷവും സംതൃപ്തിയുമുള്ള ജീവിതം ലഭിക്കും
Posted by
18 January

ഈ മൂന്ന് കാര്യങ്ങള്‍ ജീവിതത്തിലുണ്ടെങ്കില്‍ സന്തോഷവും സംതൃപ്തിയുമുള്ള ജീവിതം ലഭിക്കും

ഫഖ്‌റുദ്ധീന്‍ പന്താവൂര്‍

ബിസ്സിനസിലായാലും ജോലിയിലായാലും സ്വകാര്യ ജീവിതത്തിലായാലും സന്തോഷത്തോടെ വിജയിക്കണമെന്നാണ് എല്ലാവരുടെയും ആഗ്രഹം. ചിലര്‍ ദുരിതങ്ങളിലൂടെ കടന്ന് പോയി അവസാനം വിജയിക്കും .ചിലരാകട്ടെ ജീവിതത്തില്‍ വിജയിച്ച് ഒടുവില്‍ ദയനീയമായി പരാജയപ്പെടുകയും ചെയ്യും. ജീവിതം മുഴുക്കെ സന്തോഷത്തോടെ പോവുകയും സംതൃപ്തിയോടെ അവസാനിക്കുകയും ചെയ്യുമ്പോഴാണ് ശരിയായ ജീവിതവിജയം ലഭിക്കുക. അതെങ്ങനെ ലഭിക്കും ?
ഈ മൂന്ന് കാര്യങ്ങള്‍ ജീവിതത്തില്‍ പകര്‍ത്തൂ .. ജോലിയിലായാലും ബിസിനസിലായാലും സ്വകാര്യജീവിതത്തിലായാലും സംതൃപ്തിയോടെ സന്തോഷത്തോടെ ജീവിക്കുകയും വിജയിക്കുകയും ചെയ്യാം .

1. ശുഭചിന്തകള്‍:

ശുഭചിന്തകള്‍ ജീവിതത്തെ അലങ്കരിക്കട്ടെ .ഇത് വലിയ പ്രയാസകരമായി ചിലപ്പോള്‍ തോന്നാം .പരിചയമുള്ളവരെക്കുറിച്ചും അല്ലാത്തവരെക്കുറിച്ചും നല്ലത് മാത്രം വിചാരിക്കുക. ചിന്തകള്‍ നന്നാവണം ഇതിന് നിരന്തരം നിങ്ങളുടെ മനസ്സിലുള്ളതെന്തോ അതാണ് നിങ്ങളുടെ ചിന്ത .ഒരു ചിന്ത ഒരു മനസ്സല്ല .നിരന്തരം ചിന്തിക്കുന്നതെന്തോ അതാണ് നിങ്ങള്‍. ഒരുതുള്ളി വെള്ളം ഒരു നദിയല്ലല്ലോ .എല്ലാകാര്യത്തിലും ശുഭചിന്തയാണ് ആദ്യം വേണ്ടത് .നമുക്ക് എന്ത് സംഭവിച്ചാലും അതിനെ പോസറ്റീവായി സമീപിക്കാനാവണം .ശുഭചിന്തകളുള്ളവര്‍ക്കെ അതിന് കഴിയൂ .

2. ഗുഡ് ബിഹേവിയര്‍:

ശുഭചിന്തകള്‍ ജീവിതത്തില്‍ വര്‍ധിച്ചാല്‍ നിങ്ങളുടെ പെരുമാറ്റങ്ങളും സ്വഭാവങ്ങളും മാന്യതയും പക്വതയുമുള്ളതാവും .നിത്യജീവിതത്തെയും ജോലിയെയും ബിസിനസിനെയും കൂടുതല്‍ സ്വാധീനിക്കുന്നത് നിങ്ങളുടെ ചിന്തകള്‍പോലെ നിങ്ങളുടെ സ്വഭാവങ്ങളും മറ്റുള്ളവരോടുള്ള പെരുമാറ്റങ്ങളുമാണ് .ശുഭചിന്തകള്‍ മനസ്സില്‍ നിറച്ചവര്‍ക്കെ ശരിയായ രീതിയില്‍ പെരുമാറാനും കഴിയൂ .അല്ലെങ്കില്‍
കേവലമൊരു അഭിനയമായിപ്പോകും ജീവിതം.

3. ഉറച്ച വിശ്വാസം:

ശുഭചിന്തയും നല്ല സ്വഭാവരീതികളും ഉണ്ടായാല്‍ സ്വാഭാവികമായും നിങ്ങളുടെ വിശ്വാസങ്ങളും ഉറച്ചതാകും. നിങ്ങളെടുക്കുന്ന തീരുമാനങ്ങളില്‍ നിങ്ങള്‍ക്ക് കൂടുതല്‍ വിശ്വാസമുണ്ടാകുന്നു. ഉറച്ച വിശ്വാസമുണ്ടാകുമ്പോള്‍ നിങ്ങളെ പരാജയപ്പെടുത്താന്‍ പ്രതികൂലസാഹചര്യങ്ങള്‍ക്ക് കഴിയില്ല .മിക്കവര്‍ക്കും അവനവന്‍ ചെയ്യുന്ന കാര്യങ്ങളില്‍ വിശ്വാസമില്ല . ഉണ്ടെങ്കില്‍തന്നെ ഇതുപോലെ ശുഭചിന്തകളിലൂടെയും അതിലൂടെ ഉണ്ടാകുന്ന സ്വഭാവസവിശേഷതകളും അതിലൂടെ ഉണ്ടാകുന്ന വിശ്വാസവുമായിരിക്കില്ല . ഫലമോ ആത്മവിശ്വാസം വേഗം നഷ്ടപ്പെടും .എടുക്കുന്ന തൊഴിലിനോട് അലര്‍ജി ,താല്‍പര്യമില്ലായ്മ ഇതൊക്കെയാവും.ബിസിനസില്‍ കനത്ത തോല്‍വി. വ്യക്തി ജീവിതത്തില്‍ പരാജയവും .

ഒരിക്കലും അന്തിമ വിജയത്തെ മാത്രം ലക്ഷ്യം വെയ്ക്കരുത് .ജീവിതം മുഴുക്കെ സന്തോഷത്തോടെയും സംതൃപ്തിയോടെയും വിജയിക്കുകയാണ് വേണ്ടത്. അതിന് ഈ രീതി ജീവിതത്തില്‍ സ്വീകരിക്കുക. ഒപ്പം പ്രാര്‍ത്ഥിക്കുക. ശുഭചിന്ത ,ഗുഡ് ബിഹേവിയര്‍ ,നല്ല വിശ്വാസം എന്നീ മൂന്ന് കാര്യങ്ങള്‍ ജീവിതത്തില്‍ പകര്‍ത്തിയാല്‍ ജീവിതം മുഴുക്കെ സന്തോഷവും സംതൃപ്തിയും വിജയവും ലഭിക്കുമെന്നാണ് സൂഫികള്‍ നല്‍കുന്ന പാഠം.

(അധ്യാപകനും മാധ്യമപ്രവര്‍ത്തകനും, മൈന്റ് കണ്‍സള്‍ട്ടന്റുമാണ് ലേഖകന്‍.9946025819)

യോഗയിലൂടെ ദീര്‍ഘായുസ്സ്  നേടാം
Posted by
16 January

യോഗയിലൂടെ ദീര്‍ഘായുസ്സ് നേടാം

കേവലം ശാരീരികമായ ഒരു പ്രവര്‍ത്തിയല്ല യോഗ. ശരീരത്തിന്റെ പൂര്‍ണ്ണ ആരോഗ്യത്തിന് ഉത്തമ പരിഹാരമാര്‍ഗവും ചികത്സയുമാണതെന്ന് നമ്മുടെ പൂര്‍വ്വികര്‍ പണ്ടേയ്ക്കു പണ്ടേ പറഞ്ഞിട്ടുണ്ട്. ഹൃദയാരോഗ്യമാണ് ഒരു വ്യക്തിയുടെ ആരോഗ്യത്തിനും ആയുസ്സിനും അടിസ്ഥാനം.

ഹൃദയമിടിപ്പിന്റെ വേഗത കുറച്ച് ആയുസ്സ് നീട്ടാന്‍ യോഗയിലൂടെ സാധിക്കും. ഹൃദയമിടിപ്പിന്റെ നിരക്ക കുറക്കുന്നത് ശ്വസനം വഴിയാണ്. ആരോഗ്യകരമായ രീതിയില്‍ ശ്വാസോഛ്വാസം ക്രമീകരിച്ച് ഹൃദയത്തിന്റെ ജോലി ഭാരം കുറയ്ക്കുന്നു. ഈ ശ്വാസക്രമീകരണമാണ് യോഗാഭ്യാസത്തിന്റെ മര്‍മ്മം.

ഉടലിനെ വളയ്ക്കുന്നതും തിരിക്കുന്നതുമെല്ലാം ഈ ശ്വാസതാളത്തിന്റെ തെറ്റാത്ത ക്രമത്തിന് അനുസൃതമായിരിക്കും. ഇതുവഴി നാഡീവ്യവസ്ഥയെയും അത് താളബദ്ധമാക്കുന്നു. ശ്വാസത്തെ പൂര്‍ണനിയന്ത്രണത്തിലാക്കുന്ന യോഗാഭ്യാസികള്‍ക്ക് അവയെ നിര്‍ത്തിവെക്കാനും കഴിയുമെന്ന് ഹഠയോഗയെപ്പറ്റിപഠിച്ച വിദഗ്ധര്‍ പറയുന്നു.

പ്രധാനമായും മൂന്ന് കാര്യങ്ങളാണ് യോഗയിലൂടെ കൈവരിക്കാനാവുക രക്തത്തെ ശുദ്ധീകരണം, ശ്വാസത്തെ ക്രമീകരിച്ച് നല്ല പ്രാണവായുവിനെ രക്തത്തില്‍ കടത്തിവിടല്‍, അശുദ്ധവായുവിനെ ശരീരത്തില്‍ നിന്ന് പുറത്തുകടത്തുക. ഈ സമഗ്രമായ ആസൂത്രണത്തിലൂടെയാണ് യോഗ ദീര്‍ഘായുസ്സ് വാഗ്ദാനം ചെയ്യുന്നത്.

നാഡീ വ്യവസ്ഥയെ സമതുലനം ചെയ്യാനും യോഗയിലൂടെ സാധിക്കും. ശ്വാസ നിയന്ത്രണം വഴി ഞരമ്പുകളും ശുദ്ധവും താളബദ്ധവുമാകുന്നു. സാവധാനത്തിലും ദീര്‍ഘവും ശാന്തവുമായ രീതികളിലാണ് ശ്വാസോഛ്വാസ ക്രമങ്ങള്‍ ചിട്ടപ്പെടുത്തിയിരിക്കുന്നത്. ഉഛ്വാസത്തിന്റെയും നിശ്വാസത്തിന്റെയും അളവുംസമയവും ഒക്കെ ക്രമപ്പെടുത്തുന്നു.

സംഘര്‍ഷ ഭരിതമായ നാഡീ വ്യവസ്ഥയെയും അവയവ വ്യവസ്ഥയെയും സാവധാനത്തിലാക്കുന്ന ഒരു ചിട്ട യോഗയില്‍ അന്തര്‍ലീനമായിട്ടുണ്ട്. ശരീരത്തെ കൂടുതല്‍ ഊര്‍ജവത്താക്കുന്നതാണ് യോഗയിലെ ഓരോ നിമിഷവും. അനുകൂലമായ സമയവും സ്ഥലവും അത് നിശ്ചയിക്കുന്നതും ഈ ലക്ഷ്യപ്രാപ്തിക്ക് വേണ്ടിയാണ്. അവയവങ്ങളുടെയും കോടിക്കണക്കിന് കോശങ്ങളുടേയും പ്രവര്‍ത്തനം കരുത്തുറ്റതാക്കുക എന്നതാണ് യോഗയുടെ ലക്ഷ്യം.

ശരീരത്തിനേയും മനസ്സിനേയും യോഗ ഫ്‌ളക്‌സിബിളാക്കും. വലിഞ്ഞുമുറുകിയ അവസ്ഥയില്‍ നിന്ന് ജൈവമായ ഒരു ലാളിത്യത്തിലേക്ക് നമ്മെ കൊണ്ടുപോകാന്‍ യോഗയ്ക്കാകും. പ്രകൃതി നിര്‍ദ്ദേശിച്ചിരിക്കുന്ന രീതിയെ അംഗീകരിച്ചുകൊണ്ടാണ് അത് ശരീരത്തോട് പെരുമാറുന്നത്.

അമിതമായ വേഗത്തെയും ആയാസത്തെയും കുടഞ്ഞുകളയാന്‍ യോഗ പറയുന്നു. മനസ്സിനെ ‘റിലാക്‌സ്’ ചെയ്യുകയും ഒന്നില്‍ത്തന്നെ ശ്രദ്ധകേന്ദ്രീകരിക്കുകയും ചെയ്ത് യോഗ ബുദ്ധിയെ സൂക്ഷ്മവും സുതാര്യവുമാക്കുന്നു. ഒരു ശരീരത്തിന്റെ പരമാവധി ഊര്‍ജശേഷി ഉപയോഗപ്പെടുത്തിക്കൊണ്ടാണ് യോഗ നമുക്ക് ‘ലോംഗ് ലൈഫ്’ വാഗ്ദാനം ചെയ്യുന്നത്.

error: This Content is already Published.!!