Arunima Sinha’s Story: First Indian Artificial Leg Girl Who Climbed The Everest
Posted by
28 January

കൃതൃമകാലുമായി വിജയത്തിന്റെ 'കൊടുമുടി' കീഴടക്കിയ അരുണിമ സിന്‍ഹ

=ഫഖ്‌റുദ്ധീന്‍ പന്താവൂര്‍

ജയിക്കുന്നതിനും ജേതാവുകന്നതിനും തമ്മില്‍ വ്യത്യാസമുണ്ട്. ജയം ഒരു സംഭവമാണ്. ജേതാവുകുന്നത് ആത്മവീര്യത്തിന്റെ പ്രവര്‍ത്തനമാണ്. പ്രതികൂല സാഹചര്യങ്ങളോട് പൊരുതി വിജയം നേടിയ അനുപമ സിന്‍ഹ എന്ന യുവതി നമുക്കോരോര്‍തര്‍ക്കും വലിയൊരു പാഠമാണ്. നാം എന്ത് ആഗ്രഹിക്കുന്നുവോ അത് യാഥാര്‍ത്ഥ്യമാകുമെന്ന പാഠം. അരുണിമ വിജയത്തിന്റെ കൊടുമുടി കീഴടക്കിയത് യാദൃശ്ചികമല്ല. കഠിനമായ ശ്രമങ്ങളുടെയും ലക്ഷ്യം സാക്ഷാത്കരിക്കാനുള്ള ഇച്ഛാശക്തിയുടെയും സമ്മാനമാണ് ആ വിജയം.

ഉത്തര്‍പ്രദേശിലെ അംബേദ്കര്‍ നഗറില്‍ ഒരു സാധാരണ കുടുംബത്തിലാണ് 1988 ല്‍ അരുണിമ സിന്‍ഹ ജനിച്ചത്. കുട്ടിക്കാലം മുതല്‍ സ്‌പോര്‍ട്‌സില്‍ താല്‍പര്യം കാണിച്ചിരുന്ന അരുണിമ നല്ലൊരു വോളിബോള്‍ താരമായി. നാട്ടുകാരും വീട്ടുകാരും അരുണിമയുടെ സ്വപ്നങ്ങള്‍ക്ക് കരുത്ത് പകര്‍ന്നു . ദേശീയതലത്തില്‍ മികവുകാട്ടിയ വോളിബോള്‍ താരമായി അരുണിമ. സ്വപ്നങ്ങള്‍ക്ക് കൂടുതല്‍ നിറങ്ങള്‍ പകര്‍ന്ന കാലം. 2011 ഏപ്രില്‍ 11ന് സിഐഎസ് എഫില്‍ ജോലി ലഭിക്കുന്നതിനുള്ള പരീക്ഷയില്‍ പങ്കെടുക്കുന്നതിനായി ലക്‌നോവില്‍ നിന്ന് ഡല്‍ഹിയിലേക്ക് നടത്തിയ ട്രയിന്‍ യാത്ര അരുണിമയുടെ ജീവിതത്തെ മാറ്റിമറിച്ചു.

NEPAL-INDIA-RECORD-DISABLED-EVEREST

പത്മാവതി എക്‌സ്പ്രസിലെ ജനറല്‍ കംപാര്‍ട്ട്‌മെന്റിലെ യാത്ര അരുണിമ ഒരിക്കലും മറക്കില്ല. കൊള്ളക്കാരുടെ രൂപത്തിലാണ് അരുണിമയുടെ മുന്നിലേക്ക് ആ ദുരന്തം കടന്നുവന്നത്. മൂന്നുപേര്‍ അടങ്ങുന്ന സംഘം ട്രയിനിലെ യാത്രക്കാരെ കൊള്ളയടിക്കാനുള്ള ശ്രമമായിരുന്നു. കഴുത്തില്‍ കിടന്നിരുന്ന സ്വര്‍ണ്ണമാല കൊള്ളയടിക്കാനുള്ള ശ്രമത്തെ അരുണിമ ശക്തമായി എതിര്‍ത്തു. പിടിവലിക്കിടയില്‍ കൊള്ളക്കാര്‍ അരുണിമയെ ട്രയിനില്‍ നിന്ന് പുറത്തേക്കെറിഞ്ഞു. ട്രാക്കില്‍ വീണ അരുണിമക്ക് എഴുന്നേറ്റ് നില്‍ക്കാന്‍ പോലും കഴിഞ്ഞില്ല. കണ്‍മിഴി തുറക്കും വേഗത്തില്‍ ട്രാക്കിലൂടെ മറ്റൊരു ട്രയിന്‍ പാഞ്ഞുപോയി. എഴുന്നേല്‍ക്കാന്‍ ശ്രമിച്ചെങ്കിലും ഇടതുകാലിലൂടെ ട്രയിന്‍ കയറിയിറങ്ങി. സ്വപ്നങ്ങള്‍ ചതഞ്ഞരഞ്ഞു. അരുണിമയുടെ കാല്‍ ചിന്നഭിന്നമായി.

arunima-sinha1470135892_big

ബോധരഹിതയായ അരുണിമയെ ആശുപത്രിയിലെത്തിച്ചെങ്കിലും കാല്‍ പൂര്‍ണ്ണമായും മുറിച്ചുമാറ്റേണ്ടിവന്നു. സ്വപ്നങ്ങള്‍ പാതിയില്‍ നഷ്ടപ്പെട്ട ആ പെണ്‍കുട്ടിക്ക് രണ്ട് ലക്ഷം രൂപ നഷ്ടപരിഹാരമായി കേന്ദ്ര റെയില്‍വേ മന്ത്രി പ്രഖ്യാപിച്ചു. കാല്‍ നഷ്ടപ്പെട്ടവള്‍ക്ക് ഇനിയൊരു വോളിബോള്‍ ഭാവിയില്ലെന്ന് ഒരു നടുക്കത്തോടെ അവള്‍ തിരിച്ചറിഞ്ഞു. സ്വപനങ്ങള്‍ തകര്‍ന്ന അരുണിമയുടെ ഇച്ഛാശക്തിയെ ചതച്ചരക്കാന്‍ ആ ദുരന്തത്തിനായില്ല. കൃതൃമകാലുമായി അരുണിമ പുതിയൊരു ജീവിതത്തിലേക്ക് സഞ്ചരിച്ചു. യാഥാര്‍ത്ഥ്യങ്ങള്‍ അവളെ പുതിയ സ്വപ്നങ്ങള്‍ കാണാനുള്ള കരുത്ത് പകര്‍ന്നു. എവറസ്റ്റ് കൊടുമുടി കീഴടക്കുക .കണ്ണുകള്‍ ലക്ഷ്യം കണ്ടാല്‍ ശരീരം അതിലേക്കെത്തും തീര്‍ച്ച .ഉറച്ച തീരുമാനമെടുത്തു ആ പെണ്‍കുട്ടി. ഒരു ദുരന്തങ്ങള്‍ക്കും വിധികള്‍ക്കും തകര്‍ക്കാനാവാത്ത ഉറച്ച മനസ്സ് അരുണിമക്ക് ശക്തി പകര്‍ന്നു .മനസ്സ് മുഴുവന്‍ എവറസ്റ്റ് കീഴടക്കുന്നതായിരുന്നു. കൃതൃമ കാലുമായി എവറസ്റ്റ് കീഴടക്കാനാകുമെന്ന് അവള്‍ ഉറച്ച് വിശ്വസിച്ചു. ജേതാക്കള്‍ വ്യത്യസ്ത കാര്യങ്ങളല്ല മറിച്ച് കാര്യങ്ങളെ വ്യത്യസ്തമായാണ് ചെയ്യുന്നതെന്ന് അരുണിമ തിരിച്ചറിഞ്ഞു. നാലു മാസത്തെ ചികിത്സക്കാലം അരുണിമയെ കൂടുതല്‍ ശുഭാപ്തി വിശ്വാസിയാക്കി.

Arunima_Sinha_2680486f

മൂത്ത സഹോദരന്‍ ഓം പ്രകാശിന്റെ സഹായത്തോടെ അരുണിമ മലകയറ്റം പരിശീലിക്കാന്‍ തുടങ്ങി. വീട്ടുകാരും കൂട്ടുകാരും നാട്ടുകാരും പിന്തുണയുമായി ഒപ്പമുണ്ടായിരുന്നു. 2013 മെയ് 13 രാവിലെ 10.55 ന് ലോകം ആ അത്ഭുത വിജയത്തിന് സാക്ഷ്യം വഹിച്ചു. കൃതൃമക്കാലുമായി എവറസ്റ്റ് കീഴടക്കിയ വികലാംഗയായ ആദ്യ ഇന്ത്യക്കാരിയായി അരുണിമ ചരിത്രത്തില്‍ ഇടം നേടി. ഇരുപത്തി അഞ്ചാം വയസ്സിലാണ് അരുണിമ ഈ അപൂര്‍വ്വ നേട്ടം കൈവരിച്ചത്.

മല കയറ്റ പരിശീലകയായ സൂസന്‍ മഹാതേവും ഒപ്പമുണ്ടായിരുന്നു. കഴിഞ്ഞ വര്‍ഷം രാജ്യം അരുണിമക്ക് പത്മശ്രീ നല്‍കി ആദരിച്ചു. പത്മശ്രീ അരുണിമ സിന്‍ഹയുടെ വിജയകഥ പാഠ പുസ്തകത്തിലുള്‍പ്പെടുത്തുകയാണ് കേന്ദ്ര സര്‍ക്കാര്‍. നമുക്കും പാഠമാണ് ഈ ജീവിതം. തോല്‍ക്കാനുള്ളതല്ല ജയിക്കാനുള്ളതാണ് ജീവിതമെന്ന പാഠം.
നോക്കൂ .. നാം ആഗ്രഹിക്കുന്നത് നേടാനായില്ലെങ്കില്‍ നിരാശരാകുന്നവര്‍ ഒത്തിരിയാണ്. യാഥാര്‍ത്ഥ്യങ്ങളെ അംഗീകരിച്ച് പുതിയ സ്വപ്നങ്ങള്‍ കാണാനും ലക്ഷ്യം നേടാനും നമുക്ക് കഴിയും. അതിന് നമ്മുടെ മനോഭാവം എപ്പോഴും പോസറ്റീവായിരിക്കണമെന്നു മാത്രം

(മാധ്യമപ്രവര്‍ത്തകനും, അധ്യാപകനും, ഹിപ്പ്‌നോട്ടിക്കല്‍ കൗണ്‍സിലറുമാണ് ലേഖകന്‍ 9946025819 )

alignthoughts-arunima-sinha-women-inspiraion-at-the-Everest-summit

happy news for daily sex-porn-watchers
Posted by
27 January

പങ്കാളിയോടുള്ള സ്‌നേഹവും ബന്ധവും കൂടുതല്‍ ദൃഡമാകും; സ്ഥിരമായി പോണ്‍ വീഡിയോകള്‍ കാണുന്നവര്‍ക്ക് ഒരു സന്തോഷ വാര്‍ത്ത

പോണ്‍ അഡിക്ഷന്‍ പങ്കാളികള്‍ തമ്മിലുള്ള ബന്ധത്തെ ശക്തിപ്പെടുത്തുമെന്ന് പുതിയ ഒരു പഠനം. പഠനം പറയുന്ന പ്രകാരം പോണ്‍ കാണുന്നവരില്‍ ബന്ധം കുടുതല്‍ ഉറയ്ക്കുമത്രേ. പശ്ചിമ ഒന്റാരിയോ സര്‍വകലാശാലയിലെ ഒരു പിഎച്ച്ഡി വിദ്യാര്‍ത്ഥിനിയുടെ പഠനമാണ് പോണ്‍ കാഴ്ചയ്‌ക്കെതിരേ മുമ്പ് ഇറങ്ങിയിരിക്കുന്ന സിദ്ധാന്തങ്ങളെയെല്ലാം പൊളിച്ചടുക്കിയിരിക്കുന്നത്. വിവാഹിതരായവരും പങ്കാളികളുമായി ഒമ്പതിലധികം വര്‍ഷം ഒന്നിച്ചു താമസിക്കുന്നവരുമായ അനേകം യുവാക്കളെ ഇവര്‍ പഠനത്തിന് വിധേയമാക്കിയത്. ഇതില്‍ പോണ്‍ അഡിക്ഷന്‍ ഉള്ളവരെയും ഇല്ലാത്തവരെയും വേര്‍തിരിക്കുകയും ചെയ്തു.

സെക്‌സ് മാഗസിന്‍ പതിവായി കാണുന്നവരും അതിലെ യുവ മോഡലുകളുടെ നഗ്‌നദൃശ്യങ്ങള്‍ അടങ്ങുന്ന സെന്റര്‍ സ്‌പ്രെഡ് പതിവായി ആസ്വദിക്കുകയും ചെയ്തിരുന്ന യുവാക്കളെയായിരുന്നു ഒരു വിഭാഗത്തില്‍ പെടുത്തിയത്. ഈ വിഭാഗക്കാര്‍ മാന്യന്മാരെന്ന വിശ്വസിക്കുന്നവരേക്കാള്‍ പങ്കാളിയുമായി അതിശക്തമായ ബന്ധം നില നിര്‍ത്തുന്നതായി കണ്ടെത്തുകയായിരുന്നു. ഇത്തരക്കാര്‍ക്ക് ലൈംഗികദൃശ്യങ്ങള്‍ ആസ്വദിക്കുന്നത് കൊണ്ട് പങ്കാളിയോടുള്ള സ്‌നേഹം ഒട്ടും കുറയുന്നില്ലെന്നും എതിര്‍വിഭാഗത്തേക്കാള്‍ കൂടുതലാണെന്നും പഠനം വ്യക്തമാക്കി.

പോണ്‍ അഡിക്ക്ഷന്‍ ബന്ധങ്ങളില്‍ ചീത്തപ്പേര് മാത്രമല്ല പങ്കാളിയുടെ മതിപ്പും കുറയ്ക്കാനും ചിലപ്പോള്‍ കാരണമാകുമെന്നാണ് ഇതുവരെ പറഞ്ഞിരുന്നത്. ഇത് മാത്രമല്ല പരമ്പരാഗത വിശ്വാസം അനുസരിച്ച് പങ്കാളിയോടുള്ള താല്‍പ്പര്യം കുറയുമെന്നും ലൈംഗികബലഹീനതകള്‍ ഉണ്ടാക്കുമെന്നും ലൈംഗിക ദൃശ്യങ്ങളുടെ ആസ്വദിക്കല്‍ പ്രവണതയുമായി ബന്ധപ്പെട്ട് കേട്ടിരുന്ന വിദഗ്‌ദ്ധോപദേശങ്ങളില്‍ പറയുന്നു. എന്നാല്‍ എല്ലാം തെറ്റാണെന്ന് വരുത്തി തീര്‍ക്കുകയാണ് ഈ പുതിയ പഠനം.

special report about sense of humor
Posted by
25 January

നര്‍മ്മ ബോധം ജീവിത സംഘര്‍ഷം ഇല്ലാതാക്കും

-ഫഖ്‌റുദ്ധീന്‍ പന്താവൂര്‍

ഹ്യൂമര്‍സെന്‍സ് അഥവാ നര്‍മ്മബോധം മികച്ച വ്യക്തിത്വത്തിന്റെ ലക്ഷണങ്ങളിലൊന്നാണ്. ചിരിക്കാനും ചിരിപ്പിക്കാനും കഴിയുക എന്നത് ചെറിയ കാര്യമല്ലല്ലോ. ഉള്ളില്‍ നന്മയുള്ളവര്‍ക്കെ ചിരിക്കാനും ചിരിപ്പിക്കാനും കഴിയൂ.

ചിരി വിടരുന്നത് ചുണ്ടിലാണെങ്കിലും അത് ജനിക്കുന്നത് ഖല്‍ബിലാണ്. ചിരിയും ചിരിപ്പിക്കലും ജീവിതത്തില്‍ ഒത്തിരി പോസറ്റീവ് കാര്യങ്ങള്‍ കൊണ്ടുവരുന്നുണ്ട്. നര്‍മ്മബോധം രോഗശാന്തിക്ക് കാരണമാകുമെന്ന് നിരവധി പഠനങ്ങള്‍ തെളിയിച്ചിട്ടുണ്ട്. ചിരി സ്വഭാവികമായും മന:ശാന്തി നല്‍കും. നര്‍മ്മബോധം ആകര്‍ഷണീയമായ വ്യക്തിത്വത്തെ ഉണ്ടാക്കും. സ്വന്തം ന്യൂനതകളെ നര്‍മ്മബോധത്തോടെ സമീപിക്കാന്‍ കഴിയണം.

സൂഫികള്‍ പരിചയപ്പെടുത്തുന്ന മുത്ത് നബി നന്നായി ചിരിക്കാറുണ്ടായിരുന്നു. ചില വേളകളില്‍ അണപ്പല്ല് കാണുവോളം നന്നായി ചിരിക്കുന്ന നബിയെ കാണാം. ചിരിപ്പിക്കാന്‍ വേണ്ടി മാത്രം മുത്ത് നബിയുടെ അരികില്‍ വന്നിരുന്ന നുഅമാന്‍ എന്നൊരാള്‍ ഉണ്ടായിരുന്നു. അല്‍പ്പം മദ്യസേവയെന്ന ന്യൂനതയുണ്ടായിരുന്നെങ്കിലും അദ്ദേഹത്തെ നബി ഇഷ്ടപ്പെട്ടത് നര്‍മ്മബോധത്താലാണ്.

ചിരി എന്തോ മഹാ അപരാധമായി കാണുന്നവരുണ്ട്. ഉറക്കെ ചിരിച്ചാല്‍ വഴക്ക് പറയുന്നവര്‍ ഇപ്പോഴുമുണ്ട്. ഒത്തിരി ചിരിച്ചാല്‍ കരയുമെന്നാണ് ചിലരുടെ ധാരണ. ചിരിക്കുമ്പോള്‍ ചിരിപ്പിക്കുമ്പോള്‍ പോസിറ്റീവായ രാസപദാര്‍ത്ഥങ്ങള്‍ ശരീരത്തില്‍ വളരും. ജീവിത സംഘര്‍ഷങ്ങള്‍ വളരെ വലിയൊരളവില്‍ ലഘൂകരിക്കാന്‍ നര്‍മ്മബോധം കാരണമാകും.

ചിരിപ്പിക്കാന്‍ വേണ്ടി മറ്റുള്ളവരെ പരിഹസിക്കുന്നതും തരംതാഴ്ത്തുന്നതും ഒഴിവാക്കണം. നര്‍മ്മബോധം നിഷേധാത്മകമാകരുത്. സഹജീവികളെ വേദനിപ്പിക്കുന്ന നര്‍മ്മ ബോധം ഒഴിവാക്കണം. പരിഹാസവും നിന്ദയും നിങ്ങളെ മറ്റുള്ളവരില്‍ നിന്ന് അകറ്റാനെ സഹായിക്കൂ. സുഹൃത്തുക്കള്‍ ഒന്നിക്കുമ്പോള്‍ സ്ഥലത്തില്ലാത്തവരെ ഇത്തരത്തില്‍ പരിഹസിച്ച് ചിരിക്കുന്നത് കാണാം ചിലര്‍. അത് വില കുറഞ്ഞ ഫലിതത്തിന്റെ ഉദാഹരണമാണ്.

സന്തോഷ പ്രകടനങ്ങളും ചിരിയും ജീവിത ചര്യയാക്കി മാറ്റാന്‍ കഴിയണം. ഏതു കാര്യങ്ങളിലും സംഘര്‍ഷം ഒഴിവാക്കാന്‍ ഇതിലൂടെ കഴിയും. നമ്മുടെ കുടുംബങ്ങളില്‍ നഷ്ടപ്പെട്ടത് ഈ നര്‍മ്മബോധമാണ്. ഉള്ളില്‍ നിന്നും ചിരി വരാതെ കൃതൃമമായി ചിരി വരുത്തി മെഡിറ്റേഷന്‍ ചെയ്യുന്നവരെ നഗരങ്ങളില്‍ കാണാം. നല്ലതുതന്നെ.പക്ഷെ ഒന്നോര്‍ക്കുക ആ ചിരി ഖല്‍ബില്‍ നിന്നും ജനിക്കുന്നതാണങ്കിലോ.. അതാണ് യഥാര്‍ത്ഥ മെഡിറ്റേഷന്‍. അത് രോഗശാന്തിവരെ ഉണ്ടാക്കും.

കോളേജില്‍ എന്റെ ഒരു സഹപ്രവര്‍ത്തകനുണ്ടായിരുന്നു. തമാശപറയാന്‍ കഴിയുമെങ്കിലും അധ്യാപനം നടത്തുമ്പോള്‍ ഗൗരവം മാത്രമെ വരൂ. അല്‍പ്പമൊക്കെ നര്‍മ്മബോധമാകാം എന്ന് ഞങ്ങള്‍ നിര്‍ദ്ധേശിച്ചതിനുസരിച്ച് മൂപ്പര് നമ്പൂരി ഫലിതങ്ങളുടെ ബുക്ക് വാങ്ങി കാണാതെ പഠിച്ച് ക്ലാസിലെത്തി ചിരിപ്പിക്കാന്‍ ശ്രമിച്ചിരുന്നു. ചിരി വന്നില്ലെന്ന് മാത്രമല്ല ക്ലാസിന്റെ സൗന്ദര്യം നഷ്ടപ്പെടുകയും ചെയ്തു. നര്‍മ്മബോധം കൃതൃമമായി ഉണ്ടാക്കേണ്ടതല്ല അത് തനിയെ ഉണ്ടാകേണ്ടതാണ്. നര്‍മ്മബോധം ഉള്ളവര്‍ക്ക് പല സന്ദേശങ്ങളെയും കൂടുതല്‍ സ്വീകാര്യമാക്കും. ജീവിതം വളരെ ലളിതമാണ്. അത് സന്തോഷിച്ചും സന്തോഷിപ്പിച്ചും മുന്നോട്ടുകൊണ്ടുപോകാന്‍ കഴിയണം.

ചിരിച്ച് ചിരിച്ച് മണ്ണ് കപ്പുന്ന സൂഫികള്‍ ഒത്തിരി പേരുണ്ടായിരുന്നു. ആരെ കാണുമ്പോഴും ചെറിയൊരു പുഞ്ചിരി ചുണ്ടില്‍ വിടരെട്ട. നിത്യജീവിതത്തില്‍ മറ്റൊരാളെ സന്തോഷിപ്പിക്കാന്‍ എന്തുമാത്രം കഴിഞ്ഞുവെന്ന് കിടന്നുറങ്ങുന്നതിന് മുമ്പ് നെഞ്ചില്‍ കൈവെച്ച് ഓര്‍ത്തുനോക്കുക. ചെറിയ പിണക്കങ്ങള്‍ നനുത്തൊരു പുഞ്ചിരിയില്‍ അലിഞ്ഞില്ലാതാകുന്നത് കാണാം. മനോഹരമായി ചിരിക്കാന്‍ കഴിയുക സ്ത്രീകള്‍ക്കാണ് .അതുപോലെ കരയാനും. നന്നായി ചിരിക്കാത്തവരെ അപേക്ഷിച്ച് ചിരിക്കുന്നവര്‍ക്ക് ആയുസ്സും കൂടും.
കരഞ്ഞ് കലങ്ങിയ കണ്ണുകളുമായി സ്വര്‍ഗത്തെ കാത്തിരിക്കുന്നതിനേക്കാള്‍ സൂഫികള്‍ ഇഷ്ടപ്പെട്ടത് മനോഹരമായി ചിരിച്ചും ചിരിപ്പിച്ചും ഈശ്വര സംതൃപ്തിയിലാണ്.

(മാധ്യമപ്രവര്‍ത്തകനും, അധ്യാപകനും, ഹിപ്പ്‌നോട്ടിക്കല്‍ കൗണ്‍സിലറും, മൈന്റ് കണ്‍സള്‍ട്ടന്റുമാണ് ലേഖകന്‍ 9946025819 )

masala dosa in mac donald’s
Posted by
25 January

ഒരു എക്‌സ്‌ക്ലൂസീവ് മസാല ദോശ; മാക് ഡോണാള്‍ഡ്‌സില്‍ ഇനി ബര്‍ഗര്‍ രൂപത്തില്‍ മസാല ദോശയും

മാക് ഡോണാള്‍ഡ്‌സ് കാണുമ്പോള്‍ മുഖം തിരിച്ച് നടക്കുന്ന മസാലദോശ പ്രേമികള്‍ക്ക് ഇതാ ഒരു സന്തോഷ വാര്‍ത്ത. മാക് ഡി നിങ്ങള്‍ക്കായി എക്‌സ്‌ക്ലൂസീവ് ദോശ ഒരുക്കുന്നു. മസാല ദോശയുടെ പരിഷ്‌കരിച്ച ബര്‍ഗര്‍ രൂപം ഇനി ഇവിടെ നിന്നും ആസ്വദിയ്ക്കാം.

ഇന്ത്യയുടെ ക്ലാസ്സിക് ഭക്ഷണങ്ങളില്‍ ഒന്നായ മസാല ദോശ ബര്‍ഗര്‍ രൂപത്തിലാകുമ്പോള്‍ മാറ്റങ്ങളുണ്ട്. ബര്‍ഗര്‍ ഫില്ലിംഗ് ആകുന്നത് ഉരുളക്കിഴങ്ങ് മസാലയാണ്. ബ്രോച്ച്‌ചേ എന്ന ഫ്രഞ്ച് ബ്രെഡ് കൊണ്ടുണ്ടാക്കിയ ബര്‍ഗര്‍ ആണിത്. മുളക് പൊടി ചട്‌നിയുടെ ഒരു ലെയറും ഉണ്ടാകും. ചുരുക്കത്തില്‍ വിദേശവല്ക്കരിച്ച ഒരു മസാല ദോശയായിരിയ്ക്കും ഫലത്തില്‍ ലഭിയ്കുക.

മാക് ബ്രെയ്ക്ക്ഫാസ്റ്റ് എന്ന സീരീസില്‍ ആയിരിയ്ക്കും ഈ മസാല ദോശ ബര്‍ഗര്‍ അവതരിയ്ക്കുക. ഇന്ത്യന്‍അമേരിക്കന്‍ ഫ്യൂഷന്‍ ഫുഡ് ആണ് പ്രധാനമായും ഈ സീരീസില്‍ ഉള്ളത്. രാവിലെ ഏഴുമുതല്‍ പതിനൊന്ന് വരെയാണ് ഈ സീരീസിലെ ഭക്ഷണം ലഭിയ്ക്കുക. ദോശയുടെ ജന്മദേശമായ ദക്ഷിണേന്ത്യയില്‍ ഈ ഫ്യൂഷന്‍ ബ്രെയ്ക്ക് ഫാസ്റ്റിനു പ്രചാരം ഉണ്ടാക്കാനാണ് മാക് ഡോണാള്‍ഡിന്റെ ശ്രമം.

healthy  peanuts
Posted by
19 January

പയര്‍ വിഭവങ്ങള്‍ കഴിച്ചാല്‍

ഒട്ടേറെ പോഷകങ്ങളുടെ കലവറയാണ് പയര്‍വിളകള്‍. പാവപ്പെട്ടവരുടെ മാംസ്യം എന്നാണ് ഇതറിയപ്പെടുന്നത്. കലോറി വളരെ കുറഞ്ഞവയാണു പയറു വര്‍ഗ്ഗങ്ങള്‍. കാര്‍ബോഹൈഡ്രേറ്റുകളും ഫൈബറുകളുമൊക്കെ ഇവയില്‍ ധാരാളമുണ്ട്.

വളരെ സാവധാനമേ പയറുകളുടെ ദഹനം നടക്കു. വിശപ്പുമാറ്റാനും പോക്ഷകത്തിനായും ഇവ ഉത്തമമാണ്. പയര്‍ഇനത്തില്‍പ്പെട്ട വിളകളിലെല്ലാം വൈറ്റാമിനുകള്‍ ധാരാളമുണ്ട്. അമ്മമാര്‍ ഇതു കഴിക്കുന്നത് നവജാതശിശുക്കളില്‍ സ്പിന ബൈഫിഡ എന്ന രോഗം ഉണ്ടാകാതിരിക്കാന്‍ സഹായിക്കും.കുഞ്ഞുങ്ങളുടെ നട്ടെല്ലിനെ ബാധിക്കുന്നതും തളര്‍ച്ചയ്ക്കു കാരണമാകുന്നതുമായ ഒരു രോഗമാണിത്. പയര്‍വിളകളിലെ ഇരുമ്പിന്റെ സാനിധ്യം വിളര്‍ച്ച പോലുള്ള രോഗങ്ങളില്‍ നിന്നു സംരക്ഷണം നല്‍കുന്നു. പയര്‍വിഭവങ്ങള്‍ കഴിക്കുന്നത് എല്ലുകള്‍ക്ക് ബലമുണ്ടാകാന്‍ സഹായിക്കും.

പയറുവര്‍ഗങ്ങളിലടങ്ങിയ ഇരുമ്പ് ശരീരത്തിലെ ഓക്‌സിജന്‍ ചംക്രമണം വേഗത്തിലാക്കുകയും രക്തയോട്ടം സുഗമമാക്കുകയും ചെയ്യുന്നു. പയര്‍വര്‍ഗങ്ങളിലെ ഇരുമ്പ് നമുക്ക് നന്നായി കിട്ടണമെങ്കില്‍ വൈറ്റമിന്‍ സി അടങ്ങിയ ഭക്ഷണത്തോടൊപ്പം ഇവ കഴിച്ചാല്‍ മതി. നാരകവര്‍ഗത്തില്‍പ്പെട്ട ഫലങ്ങള്‍ വൈറ്റമിന്‍ സിയുടെ കലവറയാണ്.ശരീരത്തിലെത്തുമ്പോള്‍ പഞ്ചസാരയായി മാറുന്ന കാര്‍ബോഹൈഡ്രേറ്റുകളുടെ അളവ് പയര്‍വിളകളില്‍ വളരെ കുറവാണ്. കുറഞ്ഞ അളവിലുള്ള കൊഴുപ്പും പെട്ടെന്നു ദഹിക്കുന്ന മികച്ച നാരുകളുമാണ് ഇവയിലുള്ളത്.പയറിലുള്ള ധാന്യകങ്ങള്‍ സങ്കീര്‍ണ്ണ ഘടനയുള്ളതാണ്. ഇവയെ ലളിതമായ രൂപത്തിലേക്കു മാറ്റിയാലെ ഊര്‍ജ്ജം വേര്‍പെടുത്താനാവൂ. അതിനാല്‍ പയറു വിഭവങ്ങള്‍ കഴിച്ചാല്‍ രക്തത്തിലെ പഞ്ചസാരയുടെ അളവ് അത്ര പെട്ടെന്നു കൂടില്ല. അതിനാല്‍ത്തന്നെ പയര്‍വിഭവങ്ങള്‍ പ്രമേഹരോഗികള്‍ക്കു ധൈര്യത്തോടെ കഴിക്കാം.

special story related jaseekka handicapped pilot
Posted by
16 January

പറക്കാന്‍ കൊതിച്ച് പ്രകാശം പരത്തിയ പെണ്‍കുട്ടി, കാലുകള്‍ കൊണ്ട് വിമാനം പറത്തിയ ഇരുകൈകളും ഇല്ലാത്ത ജെസീക്ക; ഇച്ഛാശക്തിയുണ്ടെങ്കില്‍ നമുക്കും സ്വപ്നങ്ങള്‍ സാക്ഷാത്കരിക്കാം

-ഫഖ്‌റുദ്ധീന്‍ പന്താവൂര്‍

പറക്കാന്‍ കൊതിച്ച പെണ്‍കുട്ടിയാണിവള്‍. ജെസീക്കയുടെ സ്വപ്നങ്ങളുടെ ചിറകുകള്‍ അവളുടെ ഇച്ഛാശക്തിയാണ്. കൈകളില്ലാതെ വളപ്പൊട്ട് പോലുള്ള ഒരു കുഞ്ഞിനെ കിട്ടിയപ്പോള്‍ അവരുടെ മാതാപിതാക്കള്‍ എന്തുമാത്രം സങ്കടപ്പെട്ടിട്ടുണ്ടാകും. എന്നിട്ടുമവളുടെ സ്വപ്നങ്ങള്‍ക്ക് മഴവില്ലിന്റെ അഴകായിരുന്നു. സപ്തവര്‍ണ്ണങ്ങള്‍ ചാര്‍ത്താന്‍ രക്ഷിതാക്കള്‍ ഒപ്പം നിന്നപ്പോള്‍ അവള്‍ ചിറകുകളില്ലാതെ തന്നെ പറന്നു. ജീവിതം തോറ്റുകൊടുക്കാനുള്ളതല്ല, ജയിക്കാനുള്ളതാണെന്ന് ജീവിതം കൊണ്ട് പഠിപ്പിച്ചവരാണ് അമേരിക്കക്കാരി ജെസീക്ക കോക്‌സ് .

ജന്മനാ ഇരുകൈകളുമില്ലായിരുന്നു ഇവര്‍ക്ക്. കുട്ടിക്കാലത്ത് കൂട്ടുകാരികള്‍ പട്ടം പറത്തുമ്പോള്‍ പറന്ന് പൊങ്ങുന്ന പട്ടത്തെയും നൂലിന്റെ അറ്റത്തുള്ള കുഞ്ഞിക്കൈകളെയും നോക്കി ജെസീക്കയുടെ ബാല്യം ഒത്തിരി കരഞ്ഞിട്ടുണ്ട്. അന്നവള്‍ ഉറപ്പിച്ച , ഒരു പൈലറ്റാവാന്‍. പട്ടങ്ങള്‍ക്കുമുകളില്‍ സ്വയം പറന്നങ്ങനെ പോകാന്‍. ഒരു കാര്യം ആഗ്രഹിക്കുക മാത്രമല്ല അതിനായി ചിന്തിക്കുകയും വീണ്ടും ചിന്തിക്കുകയും അതുമാത്രം ആഗ്രഹിക്കുകയും പ്രവര്‍ത്തിക്കുകയും ചെയ്തപ്പോള്‍ ജീവിതത്തില്‍ അസാധ്യമായതൊന്നുമില്ലെന്ന് ഈ പെണ്‍കുട്ടി തെളിയിച്ചു .

അസാധ്യമെന്ന് എല്ലാവരും വിധിയെഴുതിയെങ്കിലും കൈകളില്ലാത്ത ജെസീക്ക 2008 ല്‍ വിമാനം പറത്തി ഗിന്നസ് റെക്കോര്‍ഡ് നേടി . പതിനായിരം അടിക്കുമുകളിലൂടെയാണ് കാലുകള്‍ കൊണ്ട് ജെസീക്ക വിമാനം പറത്തിയത് . കരാഠേയില്‍ രണ്ട് ബ്ലാക്ക് ബെല്‍റ്റും ഈ മുപ്പത്തിനാലുകാരി നേടിയിട്ടുണ്ട്.

unnamedജെസീക്കയുടെ ജീവിതം നമുക്കും പാഠമാണ് . ജീവിതത്തില്‍ അസാധ്യമായത് ഒന്നുമില്ലെന്ന പാഠം. മാറാന്‍ നാം തയ്യാറായാല്‍ മാറ്റം ദൈവം നല്‍കും . വിവാഹജീവിതം നയിച്ച് നല്ലൊരു മോട്ടിവേഷണല്‍ സ്പീക്കര്‍ കൂടിയാണ് ജസീക്ക. 1983 ഫെബ്രുവരി 2 നാണ് അമേരിക്കയിലെ അരിസോണയില്‍ ജെസിക്ക ജനിച്ചത് .അരിസോണ സര്‍വ്വകലാശാലയില്‍ സൈക്കോളജിയില്‍ ബിരുദാനന്തര ബിരുദം നേടിയ ഈ മിടുക്കി ഇതിനകം ഇരുപതിലധികം രാജ്യങ്ങള്‍ സന്ദര്‍ശിച്ച് തന്റെ ജീവിത വിജയം പകര്‍ന്നുനല്‍കിയിട്ടുണ്ട് .2005 മുതലാണ് മോട്ടിവേഷണല്‍ സ്പീക്കര്‍ എന്ന നിലക്ക് സജീവമായത്.നിരവധി അവാര്‍ഡുകള്‍ സ്വന്തമാക്കിയ ജെസീക്കക്ക് 2012 ല്‍ അമേരിക്കയിലെ ഇന്‍സ്പിരേഷന്‍ അവാര്‍ഡ്‌സ് ഫോര്‍ വിമണ്‍ അവാര്‍ഡും ലഭിച്ചിട്ടുണ്ട് .

പരാതികളും പരിഭവങ്ങളും മാത്രം കണ്ടെത്തി ജീവിതം തകര്‍ക്കുന്നവര്‍ ഈ പെണ്‍കുട്ടിയെ പഠിക്കുക. ലഭിച്ച അനുഗ്രഹങ്ങളില്‍ നന്ദിയുള്ളവരാകാന്‍ കഴിയാത്തിടത്തോളം നമുക്ക് ശരിയായ വിജയം ലഭിക്കുകയില്ല .ജീവിതത്തില്‍ നാം എന്താണോ എപ്പോഴും ആഗ്രഹിക്കുന്നതും ചിന്തിക്കുന്നതും അത് യാഥാര്‍ത്ഥ്യമാകും. കുറവുകളും കഴിവുകേടുകളും പറഞ്ഞ് മാറിനില്‍ക്കുന്നവര്‍ക്ക് എവിടെയും എത്താന്‍ കഴിയില്ല .നമുക്ക് കൈകളുണ്ട് കാലുകളുണ്ട് .എന്നിട്ടും നമ്മുടെതായ ഒരു കൈയ്യൊപ്പ് പതിപ്പാനായില്ലെങ്കില്‍ അത് നമ്മുടെ മാത്രം പരാജയമാണ്. ഇല്ലായ്മകളിലേക്ക് നോക്കിയിരിക്കാതെ ഈശ്വരന്‍ നല്‍കിയതിനെ ഉപയോഗപ്പെടുത്തുക. അനുഗ്രഹങ്ങളില്‍ നന്ദിയുള്ളവനാകുക .ചരിത്രം വായിച്ച് രസിക്കുന്നതിലും പഠിക്കുന്നതിലും അഭികാമ്യം സ്വയമൊരു ചരിത്രം സൃഷ്ടിക്കുന്നതിലാണ്.

ഓരോ കുഞ്ഞു ജീവിതങ്ങളിലുമുണ്ട് മഹാവിജയത്തിന്റെ പ്രവാഹം. തെറ്റായ മനോഭാവങ്ങള്‍ കൊണ്ട് നാമതിനെ അണകെട്ടി തടഞ്ഞുനിര്‍ത്തിയിരിക്കുകയാണ്. ഇച്ഛാശക്തികൊണ്ട് നമുക്കാ പ്രവാഹത്തെ ഒഴുക്കിവിടാം. മനോഭാവങ്ങള്‍ ശുഭകരമാക്കി അതിന് നാം വഴിയൊരുക്കണം. ഇന്നുതന്നെ നിങ്ങള്‍ ലക്ഷ്യങ്ങള്‍ നിര്‍ണ്ണയിക്കുക.സ്വപ്നങ്ങള്‍ കണ്ടുതുടങ്ങുക. ഒരാള്‍ക്ക് സാധ്യമാണെങ്കില്‍ മറ്റുള്ളവര്‍ക്കുമത് കഴിയും. നാം തയ്യാറാകണമെന്നു മാത്രം. വ്യത്യസ്ത കാര്യങ്ങള്‍ ചെയ്തിട്ടല്ല വിജയിക്കുന്നത്. മറിച്ച് കാര്യങ്ങളെ വ്യത്യസ്തമായി ചെയ്തിട്ടാണ്.

( മാധ്യമപ്രവര്‍ത്തകനും ,അധ്യാപകനും ,ഹിപ്പ്‌നോട്ടിക്കല്‍ കൗണ്‍സിലറും ,മൈന്റ് കണ്‍സള്‍ട്ടന്റുമാണ് ലേഖകന്‍. 9946025819 )

women carry babies on left
Posted by
15 January

കൈകുഞ്ഞിനെ ഇടതുവശം ചേര്‍ത്തെടുക്കുന്നതിനു പിന്നിലെ ശരീരശാസ്ത്രം

കൈകുഞ്ഞിനെ ഇടതുവശം ചേര്‍ത്താണോ നിങ്ങള്‍ എടുക്കാറുള്ളത്.എടുക്കുമ്പോള്‍ കൂടുതല്‍ ബാലന്‍സ് നല്‍കുന്നത് ഇടതുകൈയാണെന്ന് എത്ര പേര്‍ക്ക് തോന്നിയിട്ടുണ്ട്. വൈദ്യശാസ്ത്രപരമായും ഇത് ശരിയാണെന്നാണ് പുതിയ പഠനം പറയുന്നത്.

മുന്‍ ഗവേഷണ ഫലങ്ങളുടെ അടിസ്ഥാനത്തില്‍, 7085% സ്ത്രീകളും കുഞ്ഞുങ്ങളെ അവരുടെ ഇടതു ഭാഗത്താണ് കിടത്തുന്നത്. പുതിയ പഠനത്തില്‍, ശാസ്ത്രജ്ഞര്‍ പത്ത് വ്യത്യസ്ത മൃഗങ്ങളെ(മനുഷ്യര്‍ക്കു ഉള്‍പ്പെടെ നീര്‍ക്കുതിര, തിമിംഗലങ്ങള്‍, കങ്കാരു പോലുള്ള ) നിരീക്ഷിച്ചപ്പോള്‍, അമ്മമാര്‍ അവരുടെ ഇടത്തു ഭാഗത്ത് വെച്ചാണ് കുഞ്ഞുങ്ങളെ കാക്കുന്നതെന്ന് കണ്ടെത്തി. ഈ നിര്‍ദ്ദിഷ്ട സ്ഥാനനിര്‍ണ്ണയം തലച്ചോറിന്റെ വലത്തുഭാഗം നല്‍കുന്ന നിര്‍ദ്ദേശത്തിന്റെ അടിസ്ഥാനത്തിലാണെന്ന നിഗമനത്തിലാണ് പഠനം എത്തി ചേര്‍ന്നത്.

use full tips of eyes caring
Posted by
14 January

കണ്ണുകളെ സംരക്ഷിക്കാന്‍ ചില മാര്‍ഗങ്ങള്‍

മനുഷ്യ ശരീരത്തിന്റെ വിളക്കാണ് കണ്ണുകള്‍. കാഴ്ചയുടെ വസന്തം നല്‍കുന്ന കണ്ണുകളുടെ ആരോഗ്യത്തിന് പ്രത്യേകം പരിപാലനം വേണം. ആധുനിക ജീവിത ശൈലിയിലെ സമ്മര്‍ദങ്ങള്‍, ഉത്ക്കണ്ഠ, മാനസികപിരിമുറുക്കം, ഭക്ഷണക്രമം, മദ്യപാനം, പുകവലി, പൊടിയും പുകയും നിറഞ്ഞ എന്നി വിവിധ പ്രതികൂല ഘടകങ്ങളോട് പോരാടി നമ്മുടെ കാഴ്ചയെ കാക്കുന്ന കണ്ണുകള്‍ക്ക് പ്രത്യേക പരിപാലനം നല്‍കണം.

ഇപ്പോള്‍ ശീതകാലം വന്നതോടു കൂടി കണ്ണിന് ഏറെ ശ്രദ്ധയും പരിചരണവും നല്‍കണം. കാഴ്ച നഷ്ടപ്പെട്ടാല്‍ ജീവിതം പിന്നെ തള്ളി നീക്കേണ്ടത് ഇരുട്ടിന്റെ ലോകത്തായിരിക്കും. അതിനാല്‍ ദിവസവും കണ്ണിനു പ്രധാന്യം കെടുക്കുന്നതിന് പുറമെ തണുപ്പുകാലങ്ങളില്‍ പ്രത്യേക പരിചരണം നല്‍കണം. അതിനു ചില വഴികള്‍ ഇവിടെ കാണാം.

കണ്ണട ധരിക്കുക

എപ്പോള്‍ പുറത്തേക്ക് പോയാലും കണ്ണട ധരിക്കുന്നത് ശീതകാലത്ത് കണ്ണിന്റെ ആരോഗ്യം നില നിര്‍ത്താന്‍ ഏറെ സഹായകരമാകും. കണ്ണാടിയുടെ ഫ്രേയിം തെരഞ്ഞെടുക്കുമ്പോള്‍ മുഖത്തിനു ചേര്‍ന്ന വിധത്തിലുളളതു തെരഞ്ഞെടുക്കണം. തീരെ ചെറുതോ വലുപ്പമേറിയതോ തെരഞ്ഞെടുക്കരുത്.

വെള്ളം ധാരാളം കുടിക്കുക

തണുപ്പ് കാലത്ത് നമ്മള്‍ ഒരു ദിവസം കുടിക്കുന്ന വെള്ളത്തിന്റെ അളവ് പരിശോധിച്ചാല്‍ തീരെ കുറവാണ്. ഇത് ടൈഫോയിഡ് പോലുള്ള മാരക രോഗങ്ങളെ ക്ഷണിച്ചു വരുത്തും. അതുപോലെതന്നെ ഇത് നമ്മുടെ കണ്ണിനെയും ബാധിക്കും.

ഐ ഡ്രോപ്‌സ് ഉപയോഗിക്കുക

കണ്ണുകള്‍ ഉണങ്ങിയ പോലെ അടിക്കടി തോന്നുകയാണെങ്കില്‍ ഡോക്റ്ററുടെ നിര്‍ദേശപ്രകാരം കണ്ണില്‍ ഒഴിക്കുന്ന മരുന്ന് ഉപയോഗിക്കുക.

കണ്ണുകള്‍ക്ക് വിശ്രമം നല്‍കുക

കമ്പ്യൂട്ടര്‍, മെബൈല്‍ ഫോണ്‍ എന്നിവ അധികനേരം ഉപയോഗിക്കുന്നവര്‍ ഇടക്കിടക്ക് കണ്ണിന് വിശ്രമം നല്‍കണം

special story about life success
Posted by
12 January

നിമിഷത്തിന്റെ പുത്രനാകാന്‍ കഴിഞ്ഞാല്‍ ഇനി നമ്മള്‍ തോല്‍ക്കില്ല

-ഫഖ്‌റുദ്ധീന്‍ പന്താവൂര്‍

ഭൂമിയിലെ ജീവിതം നരകിച്ചും വിഷമിച്ചും പരാതികളും പരിഭവങ്ങളും പറഞ്ഞും നരകതുല്യമാക്കുന്നവരാണ് നല്ലൊരു പങ്കും. എല്ലാ സുഖങ്ങളും സൗകര്യങ്ങളും വേണ്ടെന്ന് വെച്ച് ചിലര്‍ മരണശേഷമുള്ള ‘ സ്വര്‍ഗീയ ജീവിതത്തെയും ‘ കാത്തിരിപ്പാണ്. ഇത്തിരിപ്പോന്ന ഈ ജീവിതത്തെ സ്വര്‍ഗീയമാക്കാന്‍ കഴിയാത്തവന് മറ്റൊരു സ്വര്‍ഗത്തെ തേടുന്നതില്‍ എന്തര്‍ത്ഥം.

ഇനി നമ്മള്‍ തോല്‍ക്കരുത്. ഇവിടെ സ്വര്‍ഗം തീര്‍ത്ത് ജീവിക്കണം. ഇതൊക്കെ കേവലം ആഗ്രഹങ്ങള്‍ മാത്രമൊന്നുമല്ലട്ടോ. ഏതൊരാള്‍ക്കും കഴിയുമിതൊക്കെ, നിമിഷത്തിന്റെ പുത്രനാകാന്‍ കഴിയണമെന്നുമാത്രം. ഇന്നലെകളിലെ വേദനിക്കുന്ന ഓര്‍മ്മകളും പിറക്കാനിരിക്കുന്ന നാളെ കളെക്കുറിച്ചുള്ള ആശങ്കകളുമാണല്ലോ ജീവിതത്തില്‍ രസംകൊല്ലിയാക്കുന്നത്. അതിനൊരു പരിഹാരമാണ് നിമിഷത്തിന്റെ പുത്രനായി ജീവിക്കാന്‍ കഴിയുക എന്നത്. സൂഫികളുടെ ജീവിത രഹസ്യം അവര്‍ നിമിഷത്തിന്റെ പുത്രന്മാരായി കഴിയുന്നു എന്നതാണ്.

എങ്ങനെയാണ് നിമിഷത്തിന്റെ പുത്രനായി ജീവിക്കാനാവുക ?

മനോഭാവങ്ങള്‍ മാറണം ആദ്യം. എന്തിലും ഏതിലും കുറ്റങ്ങള്‍ കണ്ടെത്തുന്ന ,എല്ലാത്തിലും നെഗറ്റീവ് വശങ്ങള്‍ മാത്രം കാണുന്നൊരു മനോഭാവമാണെങ്കില്‍ നിങ്ങള്‍ നിങ്ങളുടെതന്നെ തടവറയിലാണ്. ജീവിതത്തില്‍ വിജയിക്കാന്‍ കഴിയില്ല. എല്ലാത്തിലും
നന്മയും എല്ലാവരിലും സ്‌നേഹവും കാണാന്‍ കഴിയണം. ഏറ്റവും പ്രിയത്തോടെ കാമുകിക്ക് നല്‍കുന്ന മനോഹരമായൊരു റോസാപ്പൂവില്‍ കാമുകനെ ഒരു കൊലയാളിയായാണ് ചെടി കാണുന്നത് .പക്ഷെ കാമുകനത് ഹൃദയം കൈമാറലും. മനോഭാവമാണ് നിങ്ങളുടെ നല്ല നിമിഷത്തെയും മോശം നിമിഷങ്ങളെയും സൃഷ്ടിക്കുന്നത്. ഇന്നില്‍ ജീവിക്കാന്‍ പഠിക്കണം . മനോഹരമായ ഇന്നുകള്‍ സൃഷ്ടിച്ചാല്‍ ഓര്‍മിക്കാവുന്ന ഇന്നലെകളെയത് സമ്മാനിക്കും .പ്രതീക്ഷയുള്ള നാളെകളെയും തരും. ഓരോ നിമിഷവും മനോഹരമാക്കാന്‍ ശ്രമിച്ചാല്‍ വളപ്പൊട്ട് പോലുള്ള ഈ കൊച്ചു ജീവിതം സ്വര്‍ഗമാണ്. സൂഫികള്‍ പറയാറുണ്ട് ദുനിയാവും സ്വര്‍ഗമാണെന്ന്. കാരണം ഏതു സാഹചര്യത്തെയും അവര്‍ സംതൃപ്തിയോടെ സ്വീകരിക്കുന്നു. ലഭിച്ചതൊക്കെയും തന്റെ നന്മക്കാണെന്ന് വിശ്വസിക്കുന്നു. പരാതികളില്ല പരിഭവങ്ങളില്ല നന്മനിറഞ്ഞ നന്ദി മാത്രം .

നിത്യജീവിതത്തില്‍ ഹിതകരമായതും അല്ലാത്തതുമായ അനുഭവങ്ങള്‍ ഉണ്ടാകും. ഏതു സാഹചര്യത്തിലും നല്ല മനോഭാവത്തോടെ അതിനെ നേരിടാന്‍ കഴിയുമ്പോഴാണ് നിമിഷത്തിന്റെ പുത്രനായി ജീവിക്കാനാവുക. ഒരിക്കല്‍ തന്നെ വല്ലാതെ പരിഹസിക്കുകയും അധിക്ഷേപിക്കുകയും ചെയ്ത ഒരാള്‍ക്ക് സൂഫിയായ ഹസന്‍ ബസരി കൈയ്യിലുള്ള മധുരമുള്ള ഈന്തപ്പഴം സമ്മാനിച്ചൊരു കഥയുണ്ട്. എന്നിട്ടു പറഞ്ഞു എന്റെ കൈയില്‍ നല്‍കാന്‍ ഇതുമാത്രമെയുള്ളൂ. അതോടെ അയാള്‍ പിന്നീടത് ആവര്‍ത്തിച്ചില്ല .നല്ല മനോഭാവമാണ് നിങ്ങള്‍ക്കെങ്കില്‍ ജീവിതവിജയം നേടാം.

മറ്റുള്ളവരുടെ ജീവിതത്തിലേക്കുള്ള ഒളിച്ചുനോട്ടമാണ് നല്ല മനോഭാവങ്ങളെ ഇല്ലാതാക്കുന്നത്. കണ്ണുകള്‍ കാണാന്‍ മാത്രമല്ല; ഇഷ്ടമില്ലാത്തത് കാണാതിരിക്കാനും കൂടിയാണ്. നിങ്ങളുടെ മനോഭാവങ്ങള്‍ ശുഭകരമാണോ അനാകര്‍ഷകമാണോ എന്നത് മനോഭാവത്തെ ആശ്രയിച്ചിരിക്കുന്നു. പരാജയങ്ങളെയും പ്രശ്‌നങ്ങളെയും വെല്ലുവിളിയായി സ്വീകരിച്ച് മുന്നേറാന്‍ കഴിയണം. റിസ്‌ക്ക് എടുക്കുന്നവര്‍ക്കല്ലേ വിജയം ലഭിക്കു. ഒന്നുനേടുമ്പോള്‍ മറ്റൊന്ന് നഷ്ടമാകും. നിങ്ങള്‍ നിമിഷത്തിന്റെ പുത്രനായി ജീവിക്കു… നിങ്ങളെ തോല്‍പ്പിക്കാന്‍ ഒരു ശക്തിക്കുമാവില്ല .

നല്ല മനോഭാവം വളര്‍ത്താനും നിലനിര്‍ത്തുവാനുമുള്ള മാര്‍ഗങ്ങള്‍

1. പോസറ്റീവായ ചിന്ത വളര്‍ത്താന്‍ സഹായിക്കുന്ന ഘടകങ്ങള്‍ തിരിച്ചറിയുക .
2. ശുഭാപ്തിവിശ്വാസിയാകാന്‍ ആത്മാര്‍ത്ഥമായി ആഗ്രഹിക്കുക. അതിനായി പ്രവര്‍ത്തിക്കുക
3. അച്ചടക്കവും അര്‍പ്പണബോധവും വളര്‍ത്തുക .
4. നല്ല കാര്യങ്ങളില്‍ ശ്രദ്ധ കേന്ദ്രീകരിക്കുക
5. നിഷേധാത്മക ചിന്തയും വിമര്‍ശന സ്വഭാവവും ഒഴിവാക്കുക
6. കാര്യങ്ങള്‍ നീട്ടിവെക്കുന്ന പ്രവണത ഒഴിവാക്കി ഉടനെ പ്രവര്‍ത്തിക്കുക
7. നിമിഷത്തിന്റെ പുത്രനാവുക .അതായത് വര്‍ത്തമാനകാലത്തില്‍ ജീവിക്കുക .
8. അനുഗ്രഹങ്ങളില്‍ നന്ദി ഉള്ളവനാകുക

(മാധ്യമപ്രവര്‍ത്തകനും, അധ്യാപകനും, ഹിപ്പ്‌നോട്ടിക്കല്‍ കൗണ്‍സിലറും ,മൈന്റ് കണ്‍സള്‍ട്ടന്റുമാണ് ലേഖകന്‍ 9946025819 )

samrtphone use in children affect eyes
Posted by
12 January

കുസൃതിക്കുരുന്നുകളെ അടക്കിയിരുത്താന്‍ സ്മാര്‍ട്ട്‌ഫോണ്‍ കൊടുക്കുന്നവരുടെ ശ്രദ്ധയ്ക്ക്

മൊബൈല്‍ ഫോണ്‍ ഒരു പക്ഷേ നിങ്ങളുടെ കുസൃതിക്കുരുന്നിനെ അടക്കിയിരുത്താന്‍ ഉപകരിച്ചേക്കാം. പക്ഷേ കുഞ്ഞിന്റെ കാഴ്ചശക്തിയെ സാരമായി ബാധിക്കും. പുതിയ സാങ്കേതികവിദ്യയില്‍ പുറത്തിറങ്ങുന്ന സ്മാര്‍ട്ട്് ഫോണുകള്‍ക്ക് വളരെ ശക്തമായ ഡിസ്‌പ്ലേ സംവിധാനമാണുള്ളത്. ഈ ഡിസ്‌പ്ലേ ലൈറ്റിന്റെ തീവ്രത കുഞ്ഞുങ്ങളുടെ കണ്ണുകളുടെ ആരോഗ്യത്തെ ദോഷകരമായി ബാധിക്കുന്നു. ആദ്യം കണ്ണുകളില്‍ ചൊറിച്ചില്‍ ആയിട്ടാണ് രോഗലക്ഷണം പ്രത്യക്ഷപ്പെടുക. പിന്നീട് കണ്ണുകള്‍ക്ക് ചുവപ്പും തടിപ്പും വരുന്നു. ചിലപ്പോള്‍ കണ്ണുകള്‍ക്ക് വരള്‍ച്ച ബാധിക്കാനും ഇടയുണ്ട്. കണ്‍പോളകളില്‍ നീരുവീക്കവും വന്നേക്കാം.

ഇരുട്ടുമുറിയില്‍ സ്മാര്‍ട്‌ഫോണ്‍ ഉപയോഗിക്കാന്‍ അനുവദിക്കരുത്.
ഡിസ്‌പ്ലേ പ്രകാശത്തിന്റെ തീവ്രത കണ്ണുകള്‍ക്ക് ആയാസകരമല്ലാത്ത വിധം ക്രമീകരിക്കുക,തുടര്‍ച്ചയായി മൊബൈല്‍ സ്‌ക്രീനിലേക്ക് നോക്കുന്നത് ഒഴിവാക്കുക,മൊബൈലില്‍ സിനിമ, വിഡിയോ ഗെയിം എന്നിവ കാണുമ്പോള്‍ ഇടവേളകള്‍ ശീലമാക്കുക,
കഴുത്ത് കുമ്പിട്ടിരുന്ന് മൊബൈല്‍ ഉപയോഗിക്കുന്നത് പ്രോല്‍സാഹിപ്പിക്കരുത്.
കിടന്നുകൊണ്ട് മൊബൈല്‍ നോക്കുന്നത് കഴുത്തിന് ആയാസകരമാണ്.
മൊബൈല്‍ എപ്പോഴും കണ്ണുകളില്‍നിന്ന് നിശ്ചിത അകലത്തില്‍ മാത്രം പിടിക്കുക.