ടാറ്റൂ പതിപ്പിക്കുന്നവരുടെ ശ്രദ്ധയ്ക്ക്
Posted by
14 September

ടാറ്റൂ പതിപ്പിക്കുന്നവരുടെ ശ്രദ്ധയ്ക്ക്

ശരീരത്തില്‍ ടാറ്റൂ പതിപ്പിക്കുന്നത് ഒരു ഹരമായി മാറിയിരിക്കുകയാണ് യുവ തലമുറയ്ക്ക്. കഴുത്തില്‍ പറക്കുന്ന പൂമ്പാറ്റയും തോളിലെ വലിയ വ്യാളിയുമൊക്കെ ടാറ്റൂ പ്രിയരുടെ ഇഷ്ടം പിടിച്ച് പറ്റിയവയാണ്. സ്വത്വരാഷ്ട്രീയവും ഫെമിനിസവും ഒക്കെ വെളിപ്പെടുത്താന്‍ പറ്റിയ മാര്‍ഗങ്ങളായി ടാറ്റൂവിനെ കാണുന്നവരുമുണ്ട്. എന്നാല്‍, ഇത്തരത്തിലെ വലിയ ടാറ്റൂ ചിഹ്നങ്ങള്‍ പതിപ്പിക്കുന്നത് ശരീരത്തിനെ ദോഷകരമായി ബാധിക്കുമെന്നാണ് ചര്‍മ്മരോഗ വിദഗ്ദ്ധരുടെ അഭിപ്രായം. മാത്രമല്ല, സ്ഥിരമായ ടാറ്റൂ പ്രയോഗം രോഗപ്രതിരോധശേഷിയെപ്പോലും കാര്യമായി ബാധിക്കുന്നതാണെന്നും പറയപ്പെടുന്നു.

ടാറ്റൂ ചെയ്യാനുപയോഗിക്കുന്ന മഷിയോടൊപ്പമുള്ള വിഷമയമായ പദാര്‍ത്ഥങ്ങള്‍ ശരീരത്തിലെത്തുന്നതോടെയാണ് ടാറ്റൂ ആരോഗ്യത്തിന് വില്ലനാകുന്നത്. നിക്കല്‍, ക്രോമിയം, മാംഗനീസ്, കൊബാള്‍ട്ട് തുടങ്ങിയവയും ടാറ്റൂ പതിക്കുന്നതിലൂടെ ശരീരത്തിനുള്ളിലെത്തും.

പെണ്ണെന്നു കേട്ടാല്‍ ഹരമായിരുന്നവന്‍, വീട്ടില്‍ ജോലിക്ക് വന്ന സ്ത്രീയോട് പോലും മോശമായി പെരുമാറുന്നവന്‍, അയാള്‍ക്ക് ഒരു മകളുണ്ടായപ്പോള്‍ സംഭവിച്ചത്
Posted by
14 September

പെണ്ണെന്നു കേട്ടാല്‍ ഹരമായിരുന്നവന്‍, വീട്ടില്‍ ജോലിക്ക് വന്ന സ്ത്രീയോട് പോലും മോശമായി പെരുമാറുന്നവന്‍, അയാള്‍ക്ക് ഒരു മകളുണ്ടായപ്പോള്‍ സംഭവിച്ചത്

പെണ്ണെന്നു കേട്ടാല്‍ അവനു ഹരമായിരുന്നു. വീട്ടില്‍ പുറം ജോലിക്ക് വന്ന സ്ത്രീയോട് മോശമായി പെരുമാറിയതിന് വാപ്പയുടെ കയ്യുടെ ചൂടറിഞ്ഞ സമയത്തു അവനു വയസ്സ് പതിനാറു. പാരലല്‍ കോളേജില്‍ ആയിരുന്ന സമയത്തു ഏതൊ പെണ്ണിനോടു മോശമായി പെരുമാറി എന്നും പറഞ്ഞു ക്ലാസ്സീന്നു പുറത്താക്കുന്ന സമയത്തു വയസ്സു പതിനെട്ടു ആവുന്നെ ഉണ്ടാരുന്നുള്ളൂ പിന്നീടങ്ങോട്ടു അവന്‍ കൂടുതല്‍ മോശമായി വരികയാരുന്നു. തിരക്കുള്ള ബസ് ബസ്‌റ്റോപ്പുകള്‍ ..എന്നു വേണ്ട ഇടവഴികളില്‍ കൂടി വരെ പെണ്ണുങ്ങള്‍ക്ക് തനിച്ചു നടക്കാന്‍ വയ്യാത്ത അവസ്ഥയായി .. മാനാഭിമാനം ഓര്‍ത്തു പലരും പുറത്തു പറയാത്തത് അവനു കൂടുതല്‍ വളമായെന്നു പറയാം.


ഒരൊറ്റ മോനുള്ളത് ഇങ്ങനെ വഴിപിഴച്ചു പോയതു കണ്ടു നിസ്‌കാരപ്പായെന്നു കണ്ണീരൊഴുക്കി പടച്ചോനോട് പ്രാര്‍ഥിക്കാന്‍ മാത്രമെ അവന്റെ ഉമ്മാക്കു കഴിയുമാരുന്നുള്ളൂ .. നാട്ടുകാരുടേം കുടുംബക്കാരുടെം മുഖത്തു നോക്കാന്‍ വയ്യാതെ വാപ്പ എങ്ങും പോവാതെ വീട്ടിലിരിപ്പായി. ആയിടക്കാണ് ആരോ പറഞ്ഞതു അവനെ ഒരു പെണ്ണു കെട്ടിച്ചു നോക്കാം …ചിലപ്പൊ നന്നാവാന്‍ വഴിയുണ്ടെന്നു… പെണ്ണു കെട്ടി പലരും രക്ഷപ്പെട്ട കഥയും അയാള്‍ വിശദീകരിച്ചു പറയുകയും ചെയ്തു. അങ്ങിനെ ആ വഴിക്കായി ആലോചന. കയ്യിലിരിപ്പു വെച്ചു കൊള്ളാവുന്ന വീട്ടീന്നു ആരും പെണ്ണു കൊടുക്കൂല്ലാന്നുള്ളത് കൊണ്ടു ഒരു പാവപ്പെട്ട വീട്ടിലെ കുട്ടിയെ കണ്ടെത്തി അവരാ ചടങ്ങ് നടത്തി .. പക്ഷേ വിവാഹ ശേഷവും അവന്റെ സ്വഭാവത്തില്‍ കാര്യമായ മാറ്റമൊന്നും ഉണ്ടായില്ലന്നുള്ളത് എല്ലാവരെയും ഒരുപോലെ സങ്കടപ്പെടുത്തി. അതിനിടയിലെപ്പോഴോ അവന്റെ ഭാര്യ ഗര്‍ഭിണിയായി.

വീട്ടിലൊരു പേരക്കുട്ടി വരുന്നതിന്റെ സന്തോഷത്തിലായി ഉമ്മയും വാപ്പയും … അവന്‍ അതൊന്നും കണ്ടതായി തന്നെ ഭാവിച്ചില്ല.. പ്രസവ ദിവസം അടുത്തു വന്നു… സ്വന്തം മകന്റെ സ്വഭാവ ദൂഷ്യം സമ്മാനിച്ച അനുഭവങ്ങള്‍ കൊണ്ടാവണം മകന് ജനിക്കാന്‍ പോവുന്നത് പെണ്‍കുഞ്ഞു ആവണെന്നു ആ ഉമ്മയും വാപ്പയും മനസ്സുരുകി പ്രാര്‍ഥിച്ചു പോയതു. അവരുടെയാ പ്രാര്ത്ഥന പടച്ചോന്‍ കേട്ടു.. പക്ഷേ കുഞ്ഞിനെ അവര്‍ക്കു നല്‍കി അവള്‍ എന്നെന്നേക്കുമായി ഈ ലോകത്തോടു വിട പറഞ്ഞു.. ഇനിയൊരു പരീക്ഷണം കൂടി സഹിക്കണ്ടാന്നു കരുതി ദൈവം ആ പാവത്തിനെ നേരത്തെ വിളിച്ചതാവണം . അവളെ സ്‌നേഹിക്കാനും സംരക്ഷിക്കാനും കഴിയാതെ പോയതിന്റെ കുറ്റബോധം കൊണ്ടാവണം അയാള്‍ ആകെ മാറിയതു. പിന്നീടങ്ങോട്ടു അയാളുടെ ജീവിതം മകള്‍ക്ക് വേണ്ടി മാത്രം ആയി മാറുകയാരുന്നു …


അവളുടെ ഒരോ വളര്‍ച്ചയും അയാള്‍ നോക്കിക്കാണുകയായിരുന്നു .. അവള്‍ പത്താം ക്ലാസില്‍ പഠിക്കുന്ന സമയത്താണു കൂടെ പഠിക്കുന്ന ഏതൊ ചെറുക്കന്‍ അവളോടെന്തോ മോശമായി പെരുമാറിയെന്നും പറഞ്ഞു അയാള്‍ സ്‌കൂളില്‍ ചെന്നു ബഹളമുണ്ടാക്കിയത്… അന്നത്തെ ആ സംഭവത്തോടെ അയാള്‍ക്ക് മകളെ ഓര്‍ത്തുള്ള ആധി കൂടിക്കൂടി വന്നു… ക്ലാസ് ടൈം കഴിഞ്ഞു അവളെത്തുന്നത് അല്‍പം താമസിച്ചാല്‍ അയാള്‍ നെഞ്ച് തടവിക്കൊണ്ട് മുറ്റത്തൂടെ അങ്ങൊട്ടുമിങ്ങൊട്ടും നടക്കുന്നതു പതിവു കാഴ്ചയായി… ആയ കാലത്തു പെണ്‍കുട്ടികളെ ഉപദ്രവിച്ചതിനു ദൈവം കൊടുത്ത ശിക്ഷയാണ് ഇതെന്നു പലരും അടക്കം പറഞ്ഞു… അങ്ങിനൊരു ദിവസം പതിവു സമയം കഴിഞ്ഞും അവളെത്തിയില്ല … എന്തു ചെയ്യണം എന്നറിയാതെ അയാള്‍ പരക്കം പാഞ്ഞു…

നിങ്ങള്‍ ബേജാര്‍ ആവാണ്ടിരിക്ക്… അവളിങ്ങു വന്നോളും … പലരും ആശ്വസിപ്പിച്ചു വെങ്കിലും അതൊന്നും കേള്‍ക്കാനുള്ള മാനസികാവസ്ഥയില്‍ ആയിരുന്നില്ല അയാള്‍ .. മനസ്സിലൂടെ ഒരായിരം ചിന്തകള് കടന്നു പോയി … ഇടവഴികളില്‍ യാത്രാ വേളകളില്‍ ഒക്കെയും ഭയപ്പാടോടെ അയാളെ നോക്കിയിരുന്ന കണ്ണുകള്‍ അയാളുടെ മുന്നില് തെളിഞ്ഞു വന്നു. ചെയ്തു പോയ തെറ്റുകളുടെ ശിക്ഷ മകളുടെ രൂപത്തിലാണ് ദൈവം നല്‍കിയതെന്ന തോന്നലാവണം ആ കണ്ണുകള്‍ പശ്ചാത്താപ ഭാരത്താല്‍ നിറഞ്ഞൊഴുകി … അയാള്‍ തിരിച്ചറിയുകയായിരുന്നു പെണ്മക്കളുള്ള അച്ചനമ്മമാരുടെ വേദന … പുറത്തൊരു വണ്ടി വന്നു നിര്‍ത്തുന്ന ശബ്ദം കേട്ടയാള്‍ ഓടി ചെന്നു നോക്കി … മകളെ കൈപിടിച്ചു വണ്ടിയില്‍ നിന്നിറക്കാന്‍ ശ്രമിക്കുന്നു രണ്ടു ചെറുപ്പക്കാര്‍.

അവരിലൊരാള്‍ അയാളുടെ അടുത്തേക്കു വന്നു.റോഡരികില്‍ ബോധമില്ലാതെ കിടക്കുന്നതു കണ്ടു ഞങ്ങള്‍ അപ്പൊ തന്നെ ആശുപത്രിയില്‍ എത്തിച്ചതാണ്… ബോധം വീണപ്പോഴാണ് ഇവളോട് കാര്യങ്ങളൊക്കെ ചോദിച്ചു മനസ്സിലാക്കിയതു… കുഴപ്പമൊന്നുമില്ല അരമണിക്കൂര്‍ റെസ്റ്റ് എടുത്തു വീട്ടിലേക്കു പോവാന്നു ഡോക്ടര്‍ പറഞ്ഞപ്പൊ അവളെ തനിച്ചു വിടാന്‍ തോന്നിയില്ല .. സുരക്ഷിതമായി ഇവളെ വീട്ടിലെത്തിക്കുക എന്ന ദൗത്യം ഞങ്ങള്‍ ഏറ്റെടുക്കുകയായിരുന്നു. അല്ലെങ്കില്‍ പിന്നെ ആണാന്നു പറഞ്ഞിട്ടെന്തു കാര്യം അല്ലെ ഇക്കാ .. അയാളൊന്നും മിണ്ടിയില്ല . … അപമാന ഭാരത്താല്‍ ആ മുഖം കുനിഞ്ഞു പോവുന്നുണ്ടായിരുന്നു. മകളെ ചേര്‍ത്തു പിടിച്ചു സന്തോഷാധിക്യം കൊണ്ടു വിതുംബുമ്പോഴും ആ ചെറുപ്പക്കാരന്‍ പറഞ്ഞ വാക്കുകള്‍ അയാളുടെ കാതില്‍ മുഴങ്ങുന്നുണ്ടായിരുന്നു. അതെ ആണു ആണായി മാറുന്നതും തലയുയര്‍ത്തി നടക്കാന്‍ കഴിയുന്നതും പെണ്ണിന്റെ അന്തസ്സും അഭിമാനവും കാത്തു സൂക്ഷിക്കാന്‍ കഴിയുന്ന സമൂഹത്തില്‍ മാത്രമാണു.

കടപ്പാട് : സോഷ്യല്‍ മീഡിയ

പ്രസവിച്ചയുടന്‍ ഭാര്യ മരിച്ചിട്ടും ആ മോളെ അയാള്‍  മറ്റൊരു കല്യാണം പോലും കഴിക്കാതെ പൊന്നുപോലെ നോക്കി വളര്‍ത്തി; പക്ഷേ സ്വന്തം കാലില്‍ നില്‍ക്കാമെന്നായപ്പോള്‍ അവള്‍ അച്ഛനോട് പറഞ്ഞ വാക്കുകള്‍ നെഞ്ചകം തകര്‍ക്കുന്നത്
Posted by
14 September

പ്രസവിച്ചയുടന്‍ ഭാര്യ മരിച്ചിട്ടും ആ മോളെ അയാള്‍ മറ്റൊരു കല്യാണം പോലും കഴിക്കാതെ പൊന്നുപോലെ നോക്കി വളര്‍ത്തി; പക്ഷേ സ്വന്തം കാലില്‍ നില്‍ക്കാമെന്നായപ്പോള്‍ അവള്‍ അച്ഛനോട് പറഞ്ഞ വാക്കുകള്‍ നെഞ്ചകം തകര്‍ക്കുന്നത്

പെണ്‍കുഞ്ഞിനെ പ്രസവിച്ച ഉടന്‍ പ്രഷർ കൂടി അതിന്‍റെ അമ്മ മരിച്ചു. പിതാവ് ആ ചോരക്കുഞ്ഞിനെ ഏറ്റു വാങ്ങി. കാശ് കൊടുത്ത് അയാൾ പെണ്‍കുഞ്ഞിന് മുലപ്പാല് വാങ്ങിക്കൊടുത്തു.

രണ്ട് വയസ് വരെ പല പല സ്ത്രീകൾ ആ കുട്ടിയെ പണത്തിന് മുലയൂട്ടി. അദ്ദേഹം ഹന്നയെന്ന് മകളെ വിളിച്ചു. ഛര്‍ദിക്കുന്നത് പപ്പയുടെ വെളുത്ത ഷര്‍ട്ടിലേക്കും പോക്കറ്റിലേക്കുമായിരുന്നു. പലപ്പോഴും കടയിലേക്ക് പോവാന്‍ ഡ്രസ്സ് മാറ്റി വരവേ പപ്പയുടെ മേലാ കുട്ടി മൂത്രമൊഴിച്ചു. ചിലപ്പോ മറ്റേതും സാധിപ്പിച്ചു.. ആ പപ്പ മോളെ ചേര്‍ത്ത് പിടിച്ചു. താരാട്ടു പാടി. പലരും മോളെ നോക്കാനൊരു പെണ്ണ് കെട്ടാന്‍ പറഞ്ഞു. കൂട്ടാക്കിയില്ല.

”എന്‍റെ മോളെ മറ്റൊരു സ്ത്രീ അന്യയായേ കാണൂ” എന്നയാള് പറഞ്ഞു.. ജോലിക്ക് പോകുമ്പോ വീട്ടിലുളളവർ മോളെ നോക്കി.പപ്പയുടെ പാട്ടുകേട്ട് , കൈച്ചൂടിനുളളില്‍ ഒരു പുതപ്പിനുളളില്‍ തണുത്ത മഴകളില്‍ പിഞ്ച്മോളുറങ്ങി.കാലം നീങ്ങി.ഹന്ന വലുതായി.ചെറുപ്രായത്തില്‍ തന്നെ ഭാര്യ നഷ്ട്ടപ്പെട്ടിട്ടും തന്നോടുള്ള സ്നേഹം കൊണ്ട് മറ്റൊരു പെണ്ണ് കെട്ടാത്ത പപ്പയെ മോള്‍ക്ക് വല്ലാതെ മതിപ്പായി. പപ്പായ്ക്ക് വേണ്ടി മോളും മോള്‍ക്ക് വേണ്ടി പപ്പയും ജീവിച്ചു.ഹന്നയ്ക്ക് പതിനെട്ടു തികഞ്ഞു.സൗന്ദര്യമുള്ള ഒരു പെൺകുട്ടിയായി.പപ്പ നല്ലൊരു ചെക്കനെ കണ്ടുപിടിച്ച് വിവാഹം ചെയ്ത് കൊടുത്തു. ആദ്യ രാത്രിയില്‍ ഭര്‍ത്താവ് ഹന്നയോട് ചോദിച്ചു.’നീ ഈ ലോകത്ത് ഏറ്റവും ഇഷ്ടപ്പെടുന്നത് ആരെയാണ്….സത്യം മാത്രം പറയണം..എന്നെയൊന്നും വെറുതെ ഫോര്‍മാലിറ്റിക്ക് വേണ്ടി പറയുകയും വേണ്ടാ..”

ഹന്ന ചിരിച്ചു.”ഒരു പക്ഷെ ഭാവിയില്‍ നിങ്ങളായിരിക്കാം..ഇപ്പോ എന്‍റെ അമ്മയെയാണ്..’ഹന്നയുടെ മറുപടി കേട്ടയാളമ്പരന്നു.ലോകം മുഴുവന്‍ പാടി നടക്കുന്ന അവളുടെ പപ്പയോടുള്ള സ്നേഹം അയാളും കേട്ടതാണ്..ആ പപ്പയുടെ പേരാണ് അയാള് പ്രതീക്ഷിച്ചതും.”അല്ല അതിന് നിന്‍റെ അമ്മയെ നീ കണ്ടിട്ട് പോലുമില്ലല്ലോ..””അതെ അതാണ് അതിന്റെ കാരണവും..ഒരിക്കൽ എന്‍റെ പ്രിയപ്പെട്ട പപ്പ എന്നോട് ചോദിച്ചു..

“നിനക്ക് ഈ ലോകത്തിൽ ആരെയാണ് ഏറ്റവും ഇഷ്ടം?”ഞാനപ്പനെന്ന് പറഞ്ഞു..പപ്പ എന്നെ തിരുത്തി..അല്ല മോളേ നീ എന്നേക്കാളായിരം മടങ്ങ് സ്നേഹിക്കേണ്ടത് നിന്‍റമ്മയെ ആണ്. കാരണം ഹൃദയവാൽവ് വീക്കായിരുന്ന നിന്‍റെ അമ്മ ഗര്‍ഭിണിയായി മൂന്നാം മാസം ഡോക്ട്ർ പറഞ്ഞു..പ്രസവം റിസ്ക്കാണെന്ന്.മാസങ്ങള് പിന്നെയും കഴിഞ്ഞപ്പോ ഡോക്ടറുറപ്പിച്ചു പറഞ്ഞു..ചിലപ്പോ കുട്ടിയുടെ ജനനത്തോടെ അമ്മ ഇല്ലാതായേക്കാം.ഇതുകേട്ട് പലതവണ ഞാനപേക്ഷിച്ചു ഈ പ്രസവമുപേക്ഷിക്കാന്‍..എന്‍റെ വയറ്റിലെ കുഞ്ഞിനെ ഇല്ലാണ്ടാക്കാൻ എനിക്കാവില്ലാന്ന് നിന്റമ്മ പറഞ്ഞു.. ജീവിതം മുഴുക്കെ ഓര്‍ഫനേജ് പഠിച്ച് സന്തോഷകരമായ ഒരു ദാമ്പത്യ ജീവിതത്തിലേക്ക് വന്ന നിന്‍റമ്മ സ്വന്തം ജീവന്‍ നല്കി പ്രസവിച്ചതാ മോളേ നിന്നെ..

ആ പൊന്ന് മോളുടെ മുഖമൊന്ന് കാണാനോ, ഒരുമ്മ വെക്കാനോ, കുഞ്ഞ് കരച്ചിലൊന്ന് കേള്‍ക്കാനോ, പാല്‍ച്ചിരിയൊന്ന് കാണാനോ ആവാതെ മോളേ നിനക്കുവേണ്ടി ജീവിതം ത്യജിച്ച അമ്മ കഴിഞ്ഞേ മനസ്സിലുണ്ടാകാവൂ ഞാനൊക്കെ..”പപ്പ പറഞ്ഞത് പറഞ്ഞ് നിറകണ്ണോടെ ഹന്ന നിന്നു.ചെറുപ്പക്കാരന്‍റെ കണ്ണും നിറഞ്ഞു.വല്ലാത്ത സ്നേഹമാണ്..ഭാര്യയോടും മോളോടുമുള്ള സ്നേഹത്തിന്‍റെപേരില്‍ ചെറുപ്പത്തിലേ ഒറ്റക്കായിട്ടും ഒരു വിവാഹം ചെയ്യാത്ത പിതാവിന്‍റെ കഥ..എന്നിട്ടും മോളോട് അമ്മയുടെ സ്നേഹത്തിന്‍റെ , ത്യാഗത്തിന്‍റെ വലിപ്പം പറഞ്ഞ് സ്വയം ചെറുതാവുന്ന പപ്പയുടെ കഥ… അതിലുപരി മോള്‍ക്ക് വേണ്ടി ജീവിതം ത്യജിച്ച അമ്മയുടെ കഥ.ഇതാണ് സ്നേഹം.ഒരു കുഞ്ഞ് ജനിക്കാൻ സ്വന്തം ജീവൻ കൊടുത്ത അമ്മ.
ആഴമായ സ്നേഹം…

കടപ്പാട്- നല്ല ഒരു മനുഷ്യൻ

‘വസ്ത്രമഴിക്കാനാണ് നിന്നോട് പറഞ്ഞത്, അതോ ഞാന്‍ വലിച്ചഴിക്കണോ?’ ഇതുപോലുള്ള ആദ്യരാത്രി ഇനിയൊരു പെണ്‍കുട്ടിക്കും ഉണ്ടാവാതിരിക്കട്ടെ; തന്റെ ആദ്യരാത്രിയെ കുറിച്ചുള്ള യുവതിയുടെ കുറിപ്പ് വൈറല്‍
Posted by
13 September

'വസ്ത്രമഴിക്കാനാണ് നിന്നോട് പറഞ്ഞത്, അതോ ഞാന്‍ വലിച്ചഴിക്കണോ?' ഇതുപോലുള്ള ആദ്യരാത്രി ഇനിയൊരു പെണ്‍കുട്ടിക്കും ഉണ്ടാവാതിരിക്കട്ടെ; തന്റെ ആദ്യരാത്രിയെ കുറിച്ചുള്ള യുവതിയുടെ കുറിപ്പ് വൈറല്‍

ഇതുപോലുള്ള ആദ്യരാത്രി ഇനിയൊരു പെൺകുട്ടിക്കും ഉണ്ടാവാതിരിക്കട്ടെ വിവാഹം കഴിഞ്ഞ ആദ്യ രാത്രി പോലെ ഒരു ദിവസം ജീവിതത്തിൽ അനുഭവിച്ചിട്ടില്ല. സത്യം പറഞ്ഞാൽ പിന്നീടുള്ള രാത്രികളൊക്കെയും ആദ്യത്തേതിന്റെ ആവർത്തനങ്ങൾ മാത്രമായിരുന്നു. സിനിമയിലൊക്കെ കാണുന്നത് പോലെ നാത്തൂൻ കയ്യിൽ ചൂട് പാലിന്റെ ഗ്ലാസ് തരുമ്പോൾ അവരുടെ ചുണ്ടിൽ തുമ്പിൽ ഒരു ചെറു ചിരിയുണ്ടായിരുന്നത് അവൾ കണ്ടിട്ടും കാണാതെ വിട്ടു കളഞ്ഞു.

പരിഭ്രമം കൊണ്ട് കണ്ണ് കാണാൻ വയ്യാതെ നെഞ്ചിടിപ്പ് കൂടുതലായിരുന്നു. ഇളം മഞ്ഞ നിറത്തിലുള്ള സാരി പുതിയതാണ്. വിവാഹം കഴിഞ്ഞു ഭർത്താവിന്റെ വീട്ടിൽ വന്നിട്ട് ഉടുക്കാനായി സ്നേഹമുള്ള അമ്മായിയമ്മ വാങ്ങി വച്ചിരുന്ന സമ്മാനം. പക്ഷെ ഈ നെഞ്ചിടിപ്പ് തന്നെയും കൊണ്ടേ പോകൂവെന്ന തോന്നുന്നേ. അദ്ദേഹത്തിന്റെ മുറിയിലേയ്ക്ക് കാലെടുത്തു വച്ചപ്പോൾ വിറയൽ കാരണം കയ്യിലിരുന്ന പാല് തുളുമ്പി.

കതക് മെല്ലെ ചാരിയപ്പോൾ നന്നായി അടച്ചു കുറ്റിയിടാൻ ഉത്തരവ്. അപരിചിതനല്ല. നാലു മാസത്തോളം ഫോണും വാട്സാപ്പും ഒഴിവാക്കിയ അപരിചിതത്വമാണെങ്കിലും ആദ്യരാത്രിയുടെ പേടികൾ വല്ലാതെയുണ്ട്. കയ്യിലെ ഗ്ലാസ് വാങ്ങിയില്ല , അവിടെ വച്ചേക്കൂ എന്ന വാചകം. ഇന്ന് മുഴുവൻ നമുക്ക് സംസാരിച്ചിരുന്നാലോ?- ഏതോ സിനിമയിൽ നായിക നായകനോട് പറഞ്ഞ വാക്കുകൾ ഓർമ്മയിലെത്തി. പറഞ്ഞാലോ… പക്ഷെ ആ വാക്കുകൾ പറയുന്നതിന് മുൻപ് ഭിത്തിയോട് ചേർന്ന സി എഫ് എൽ കെടുത്തി ചെറിയ വാൾട്ടിന്റെ ബൾബിട്ടപ്പോൾ ഒരു തണുപ്പ് തോന്നി. ആള് റൊമാന്റിക്കാണ്.

പക്ഷെ പിന്നെ പറഞ്ഞ വാചകങ്ങൾ ഓർക്കാൻ കൂടി വയ്യ… നാണം കൊണ്ട് വിവശയായി നിൽക്കുന്നവളുടെ മുന്നിൽ വന്നു മുഖത്ത് പോലും നോക്കാതെ അയാൾ അനന്തരം ഉത്തരവിട്ടു… “നിന്റെയീ വസ്ത്രങ്ങളെല്ലാം അഴിച്ചു മാറ്റ്…” എന്താണ് പറഞ്ഞതെന്നു ഉദ്വേഗത്തോടെ പതിഞ്ഞ വെളിച്ചത്തിൽ മുഖത്തേയ്ക്കു നോക്കുമ്പോൾ ആവേശം കൊണ്ട് ഒരു വിടനെ പോലെ തിളങ്ങുന്ന കണ്ണുകൾക്ക് മുന്നിൽ ഭയം തേരട്ടയെ പോലെ ഇഴഞ്ഞെത്തി.

“വസ്ത്രമഴിക്കാനാണ് നിന്നോട് പറഞ്ഞത്, അതോ ഞാൻ വലിച്ചഴിക്കണോ?” വേണ്ട…. ബഹളം വേണ്ട, ചിലപ്പോൾ ചില പുരുഷന്മാർ ഇങ്ങനെയും ആയിരിക്കാം.. മുല്ലപ്പൂ സെന്റടിച്ച മഞ്ഞ സാരി നിലത്തേക്ക് ഊർന്നു പോകുമ്പോൾ അയാളുടെ കൈകൾ പെട്ടെന്ന് ശരീരത്തിലേയ്ക്ക് വന്നടിച്ചതും വലിച്ചു കൊണ്ട് പോയതും മാത്രമേ ഓർമ്മയുള്ളൂ. തകർന്നു വീണുടഞ്ഞ സ്വപ്നങ്ങൾക്ക് മേൽ ചതഞ്ഞ മുല്ലപ്പൂക്കൾ അവിടെയും ഇവിടെയും കൊഴിഞ്ഞു കിടക്കുമ്പോൾ അവൾക്ക് മനസ്സിലായി പെണ്ണത്തവും ഈ മുല്ലപ്പൂക്കൾ പോലെ ചിതറിപ്പോയിരിക്കുന്നുവെന്ന്… പ്രതീകാത്മക ചിത്രം.

വെറും കഥയല്ല ഈ പെൺകുട്ടിയും അവളുടെ സ്വപ്നങ്ങളും. എണ്ണിയാലൊടുങ്ങാത്ത എത്രയോ പെൺകുട്ടികളുടെ പ്രതീകം മാത്രമാണ് ഈ കഥയിലെ “അവൾ”. വിവാഹിതരായ പെൺകുട്ടികൾ പലപ്പോഴും പുതിയ ജീവിതത്തിലേയ്ക്ക് ചെന്ന് കയറുമ്പോൾ ഒരായിരം സ്വപ്നങ്ങളുണ്ടാകും ഒപ്പം. അമിതമായ സ്വപ്‌നങ്ങൾ കൊണ്ട് പലപ്പോഴും അവൾ വീർപ്പു മുട്ടിയേക്കാം പക്ഷെ ഒപ്പം നിൽക്കുന്ന ഭർത്താവ് അപാരമായൊരു ധൈര്യമാണ്. സുപ്രീം കോടതിയുടെ സ്വകാര്യതാ നിയമം ആവിഷ്കരിക്കപ്പെടുമ്പോൾ ഇനിയൊരു പക്ഷേ ഇത്തരം കഥകൾ ഒരു ആവർത്തനമെങ്കിലുമാകാതെ ഇരിക്കാൻ നാളെകളിൽ കഴിഞ്ഞേക്കാം.

സുപ്രീം കോടതിയുടെ ഒൻപതംഗ ബഞ്ച് വിധി പറഞ്ഞ സ്വകാര്യതാ നിയമത്തിലെ സ്ത്രീകളുടെ ഭാഗത്തിൽ അടിവരയിട്ട് പറഞ്ഞിരിക്കുന്ന ഭാഗം സ്ത്രീകളുടെ ലൈംഗിക സ്വാതന്ത്ര്യത്തെ കുറിച്ചാണ്. സ്ത്രീകൾക്കെതിരെ ഒരു ആക്രമണം നടക്കുമ്പോൾ അവളെ കൂടുതൽ സംരക്ഷിക്കുക എന്നതിനേക്കാൾ അവളെ കൂടുതൽ ശക്തിശാലിയാക്കുകയാണ് വേണ്ടതെന്ന് കഴിഞ്ഞ നൂറ്റാണ്ടിൽ തന്നെ യു എൻ പുറത്തിറക്കിയ സ്ത്രീ ലൈംഗികതയുമായി ബന്ധപ്പെട്ട ഉത്തരവുകളിൽ പറയുന്നുണ്ട്. പതിനൊന്ന് ലൈംഗിക അവകാശങ്ങളാണ് നിയമ പ്രകാരം സ്ത്രീകൾക്കുള്ളത്,

“The right to sexual freedom.The right to sexual autonomy, sexual integrity, and safety of the sexual body.The right to sexual privacy.The right to sexual equity.The right to sexual pleasure.The right to emotional sexual expression.The right to sexually associate freely.The right to make free and responsible reproductive choices.The right to sexual information based upon scientific inquiry.The right to comprehensive sexuality education.The right to sexual health care ” എന്നിവയാണ്.

അവ. പലപ്പോഴും ഈ നിയമം നിലവിൽ ഉള്ളപ്പോൾ പോലും എത്രയോ സ്ത്രീകൾ സ്വന്തം വീടിനുള്ളിൽ പോലും സ്വാതന്ത്ര്യമില്ലായ്മ എല്ലാ വിഷയങ്ങളിലും അനുഭവിക്കുന്നു! പക്ഷെ ഇപ്പോൾ സുപ്രീം കോടതി ഈ നിയമം ഒന്നുകൂടി തേച്ച് മിനുക്കി ഉപയോഗിക്കുമ്പോൾ ഇനി കളി മാറും. സ്ത്രീകൾ പ്രതികരണ ശേഷി കൂടി ഉള്ളവരാകുമ്പോൾ അവൾ വെറും ശരീരവും ഉപഭോഗവസ്തുവുമാണെന്നുള്ള ധാരണയിൽ നിന്നും പുരുഷന്മാർ പിന്മാറേണ്ടി വരും. പ്രതീകാത്മക ചിത്രം.

മാനഭംഗം ചെയ്യപ്പെടുന്ന സ്ത്രീകളെക്കുറിച്ച് എല്ലായ്പ്പോഴും സമൂഹം ഉറക്കെ സംസാരിക്കാറുണ്ട്. അവരുടെ അവകാശങ്ങളെക്കുറിച്ചും പേരു പോലും പരസ്യപ്പെടുത്താതെ അവരെ “ഇര”യാക്കി മാത്രം വച്ച് കൊണ്ടും നാമവരുടെ ഒപ്പം നിൽക്കുന്നതായി അഭിനയിക്കാറുമുണ്ട്. പക്ഷെ വീടിനുള്ളിൽ ശരീരം മാത്രമാക്കപ്പെടുന്ന സ്ത്രീകളുടെ കഥകൾ എന്തുകൊണ്ടോ ഒരിക്കലും പുറത്ത് വരാറില്ല. എന്തുകൊണ്ടോ നമ്മൾ നമ്മുടെ ആൺകുട്ടികളെ പോലും എപ്പോഴും പഠിപ്പിക്കുന്നത് കുടുംബത്തിലെ സ്ഥാനം പുരുഷന് മാത്രമാണെന്നും വീട്ടുജോലിചെയ്യേണ്ടത് സ്ത്രീമാത്രമാണെന്നുമാണ്. കാലം മാറി വരുമ്പോൾ മാറ്റങ്ങൾ ഉണ്ടായി വരുന്നുണ്ടാകാം, പക്ഷെ ഇപ്പോഴും മാറാൻ കഴിയാത്ത ഒരു തലമുറ വളർന്നു വരുന്നുണ്ട് എന്നത് അത്ര ആശ്വാസമല്ല നൽകുന്നത്.

ഒരു നിയമം ഭേദഗതി വരുത്തിയതു കൊണ്ടോ അത് ആവർത്തിച്ചു പറഞ്ഞതുകൊണ്ടോ ഒരിക്കലും സ്ത്രീകളുടെ അടിമത്ത സമ്പ്രദായം മാറാൻ പോകുന്നില്ല. ഒരുപക്ഷെ ഈ നിയമങ്ങളൊന്നും ചർച്ച ചെയ്യപ്പെടുക പോലുമില്ല. സ്വകാര്യതാ നിയമം ചർച്ച വന്നപ്പോൾ പോലും അതിലെ ഏറ്റവും പ്രാധാന്യമുള്ള വിഷയമായി ആധാറും വ്യക്തിത്വ അടയാളപ്പെടുത്തൽ കാർഡുകളും മാറി. പക്ഷെ കുടുംബങ്ങളിൽ പോലും സ്വന്തം വ്യക്തിത്വം നഷ്ടപ്പെട്ട സ്ത്രീകൾ ചർച്ച ചെയ്യപ്പെട്ടതേയില്ല. വിധിന്യായത്തിൽ ഒട്ടും മോശമല്ലാത്തൊരു ഭാഗമാണ് സ്ത്രീ സ്വകാര്യതയ്ക്ക് വേണ്ടി ഒൻപതംഗ ബഞ്ച് നീക്കി വച്ചത്, അതുകൊണ്ടു തന്നെ അവ കൃത്യമായി അറിയുകയും

ബോധവത്കരണം നൽകേണ്ടത് വിദ്യാഭ്യാസ സമ്പ്രദായത്തിൽ കൂടി തന്നെയാകണം. പക്ഷെ സ്‌കൂളിന് പുറത്തുള്ള സിലബസും സമ്പ്രദായങ്ങളും തീരെ അവഗണിക്കാനും വയ്യ.. കാരണം അറിവാകുന്ന പ്രായം വരെ കുട്ടി വളരുന്ന വീടിന്റെ സാഹചര്യം വളരെ പ്രധാനമാണ്. ലിംഗഭേദമില്ലാതെ മനുഷ്യരെ മനുഷ്യനായി കാണാനും , ലിംഗവ്യത്യാസം വരുത്തുന്ന മാറ്റങ്ങൾ സ്വാഭാവികമാണെന്നും അത് അവളെ അകറ്റി നിർത്താനുള്ളതല്ലെന്നും കുഞ്ഞു മനസ്സിലാക്കി വളരട്ടെ. ആദ്യത്തെ പാരഗ്രാഫിൽ പറഞ്ഞത് പോലെയുള്ള അനുഭവങ്ങൾ ഇനിയെങ്കിലും ഒരു പെൺകുട്ടിയ്ക്കും ഉണ്ടാകാതെയും ഇരിക്കട്ടെ. നിയമങ്ങൾ ആവിഷ്കരിക്കുകയും അത് മനുഷ്യന്റെ മനസ്സുകളിലേക്ക് ഏറ്റവും പോസിറ്റീവ് ആയി എത്തുകയും ചെയ്യട്ടെ.

കടപ്പാട് – മനോരമ – ശ്രീ പാർവതി

സ്‌കൂള്‍ കാന്റീനുകളില്‍ ജങ്ക് ഫുഡിന് വിലക്ക്
Posted by
13 September

സ്‌കൂള്‍ കാന്റീനുകളില്‍ ജങ്ക് ഫുഡിന് വിലക്ക്

റിയാദ്: സൗദി അറേബ്യയിലെ സ്‌കൂള്‍ കാന്റീനുകളില്‍ ജങ്ക് ഫുഡ് വില്‍പ്പന നിരോധിച്ചു. വിദ്യാര്‍ത്ഥികളുടെ ആരോഗ്യ സുരക്ഷ മുന്‍നിര്‍ത്തിയാണ് സ്‌കൂള്‍ കാന്റീനുകള്‍ക്ക് നിയന്ത്രണം ഏര്‍പ്പെടുത്തുന്നത്.

സ്‌കൂള്‍ കാന്റീനുകളില്‍ വില്‍പ്പന നടത്താന്‍ അനുമതി ഇല്ലാത്ത ഭക്ഷ്യവസ്തുക്കളുടെ പട്ടിക വിദ്യാഭ്യാസ വകുപ്പ് സര്‍ക്കുലറില്‍ അറിയിച്ചു. അറബികള്‍ക്കിടയില്‍ കിബ്ദ എന്നറിയപ്പെടുന്ന കരളും മാസംവും ചേര്‍ത്ത സാന്റ്‌വിച്ച്, ഉരുളക്കിഴങ്ങ് ചിപ്‌സ്, മിഠായികള്‍, ചോക്കലേറ്റ്, ശീതളപാനീയങ്ങള്‍, എനര്‍ജി ഡ്രിങ്കുകള്‍ എന്നിവ സ്‌കൂള്‍ കാന്റീനുകളില്‍ വില്‍ക്കുവാന്‍ അനുവദിക്കില്ല. ഇതുസംബന്ധിച്ച് റിയാദ് വിദ്യാഭ്യാസ വകുപ്പ് സ്‌കൂള്‍ അധികൃതര്‍ക്ക് സര്‍ക്കുലര്‍ അയച്ചു.

കാന്റീനുകളിലെ ജീവനക്കാര്‍ രോഗമുക്തരാണെന്ന് തെളിയിക്കുന്ന ഹെല്‍ത്ത് സര്‍ട്ടിഫിക്കറ്റുകള്‍ നഗരസഭയില്‍ നിന്ന് നേടിയിരിക്കണം. പാല്‍ പാക്കറ്റുകള്‍, പഴങ്ങള്‍, മുട്ട, തേന്‍, പാല്‍ക്കട്ടി എന്നിവ ചേര്‍ത്ത കേക്കുകള്‍, മുപ്പത് ശതമാനം പഴസത്ത് അടങ്ങിയ പാക്കറ്റ് ജ്യൂസുകള്‍, നൂറ് ശതമാനവും പ്രകൃതിദത്തമായ ജ്യൂസുകള്‍ എന്നിവ കാന്റീനുകളില്‍ വില്‍ക്കാന്‍ അനുമതിയുണ്ട്.

ചില ഭക്ഷ്യവസ്തുക്കള്‍ വിദ്യാര്‍ത്ഥികളില്‍ അലര്‍ജി ഉളവാക്കുന്നതായി കണ്ടെത്തിയിട്ടുണ്ട്. മാംസവും കരളും ചേര്‍ത്ത സാന്റ്‌വിച്ച് ചിലരില്‍ ചര്‍ദി ഉളവാക്കിയതും സ്‌കൂളുകളില്‍ വില്‍പന നിരോധിക്കാന്‍ കാരണമാണ്. നിയമം ലംഘകിക്കുന്ന കാന്റീനുകള്‍ക്കെതിരെ കര്‍ശന ശിക്ഷാ നടപടി സ്വീകരിക്കുമെന്നും വിദ്യാഭ്യാസ വകുപ്പ് മുന്നറിയിപ്പ് നല്‍കി.

പ്രസവശേഷമുള്ള മാനസികസമ്മര്‍ദ്ദം: അമ്മമാര്‍ക്ക് മാത്രമല്ല, അച്ഛന്മാര്‍ക്കുമുണ്ട്
Posted by
13 September

പ്രസവശേഷമുള്ള മാനസികസമ്മര്‍ദ്ദം: അമ്മമാര്‍ക്ക് മാത്രമല്ല, അച്ഛന്മാര്‍ക്കുമുണ്ട്

പ്രസവശേഷം സ്ത്രീകളില്‍ കാണപ്പെടുന്ന മാനസികസമ്മര്‍ദ്ദങ്ങള്‍ സര്‍വസാധാരണമാണ്. പക്ഷേ, പുതിയ പഠനങ്ങള്‍ പറയുന്നത്, അമ്മമാര്‍ മാത്രമല്ല, അച്ഛന്മാരും ഇതേ അവസ്ഥയിലൂടെ കടന്നുപോകുന്നു എന്നാണ്. പുരുഷഹോര്‍മോണായ ടെസ്‌റ്രോസ്റ്റിറോണിലുണ്ടാകുന്ന വ്യതിയാനം മൂലം ഉണ്ടാകുന്ന ഈ അവസ്ഥ പുരുഷന്മാരില്‍ കുട്ടി ജനിച്ച് ഏകദേശം ഒമ്പത് മാസത്തോളം നിലനില്‍ക്കുകയും ചെയ്യുന്നു.

ടെസ്‌റ്രോസ്റ്റിറോണ്‍ കുറഞ്ഞ അവസ്ഥ അവരുടെ പങ്കാളിയെ ബാധിക്കുമെന്നും പഠനത്തിലുണ്ട്. പക്ഷേ, നല്ല രീതിയില്‍ ആണെന്ന് മാത്രം. കാരണം, ഇത്തരം പുരുഷന്മാരുടെ ഭാര്യമാരില്‍ മാനസികസമ്മര്‍ദ്ദം കുറഞ്ഞിരിക്കുമെന്നാണ് റിപ്പോര്‍ട്ടുകള്‍. അതേസമയം, ടെസ്റ്റോസ്റ്റിറോണ്‍ കൂടിയ പുരുഷന്മാരുടെ ഭാര്യമാരില്‍ ഈ അവസ്ഥ വിപരീത ഫലം ചെയ്യുകയും ചെയ്യുമത്രേ. ഹോര്‍മോണ്‍സ് ആന്‍ഡ് ബിഹേവിയേഴ്‌സ് എന്ന ജേര്‍ണലിലാണ് ഇത് സംബന്ധിച്ച പഠനഫലമുള്ളത്.

പ്രവാസിയായ ഭര്‍ത്താവിനോടുള്ള സ്‌നേഹം നിലനിര്‍ത്താനുള്ള അഞ്ച് വഴികള്‍
Posted by
13 September

പ്രവാസിയായ ഭര്‍ത്താവിനോടുള്ള സ്‌നേഹം നിലനിര്‍ത്താനുള്ള അഞ്ച് വഴികള്‍

അനേകം സഹോദരിമാര്‍ തങ്ങളുടെ ഭര്‍ത്താക്കന്മാരില്‍ നിന്നും അകന്നു കഴിയുന്നവരാണ്. ജോലിക്കായും മറ്റും പ്രിയപ്പെട്ടവര്‍ തങ്ങളില്‍ നിന്നും അകന്നു കഴിയുന്നതിനാല്‍ ഇവര്‍ അത്ര കംഫര്‍ട്ടബിള്‍ അല്ല. അങ്ങിനെയുള്ള സഹോദരിമാര്‍ക്ക് സ്വന്തം ഭര്‍ത്താവിനോടുള്ള സ്‌നേഹം നിലനിറുത്താന്‍ ഉള്ള മാര്‍ഗ്ഗങ്ങളെ കുറിച്ച്.

നല്ല അറ്റാച്ച്‌മെന്റ് ഭര്‍ത്താവുമായി ഉണ്ടാക്കണം.

പിരിഞ്ഞ് താമസിക്കുന്നതിനു മുമ്പ് ഏതു തരം അറ്റാച്ച്‌മെന്റ് ആണ് ഭാര്യയും ഭര്‍ത്താവും തമ്മില്‍ ഉള്ളത് എന്നത് വളരെ ഇമ്പോര്‍ട്ടന്റ് ആയ ഒരു കാര്യം തന്നെയാണ്. ഇന്‍സെക്വര്‍ ആയ അറ്റാച്‌മെന്റ് ആണ് ഒരു ദമ്പതികള്‍ക്ക് എങ്കില്‍ ദൂരെ താമസിക്കുന്നത് രണ്ടു പേര്‍ക്കും ദോഷം ഉണ്ടാക്കും. അതിനാല്‍ എല്ലാവരും പിരിഞ്ഞു താമസിക്കുന്നതിനു മുമ്പായി നല്ല പരസ്പര ധാരണയും സ്‌നേഹവും തമ്മില്‍ തമ്മില്‍ ഉണ്ടാക്കിയിരിക്കണം. അല്ലെങ്കില്‍ ചിലപ്പോള്‍ പ്രോബ്ലെംസ് ഉണ്ടാവും.

വിവരങ്ങള്‍ തുറന്നു പറയണം.

എല്ലാ വൈഫുമാരും ഭര്‍ത്താക്കന്മാരോട് നിങ്ങളുടെ ചുറ്റും നടക്കുന്ന എല്ലാ കാര്യങ്ങളും ദിവസവും അറിയിക്കണം. ഈ ഗോസിപ്പുകള്‍ ദമ്പതികള്‍ തമ്മിലുള്ള മാനസിക അകലം കുറയ്ക്കും.നമ്മുടെ ചുറ്റും നടക്കുന്ന കാര്യങ്ങള്‍ ഭര്‍ത്താവിനെ അറിയിക്കുന്നത് വഴി നമ്മളെ പറ്റി വളരെ കളര്‍ഫുള്‍ ആയ ഒരു ചിത്രമാവും ഭര്‍ത്താവിന്റെ മനസ്സില്‍ ഉണ്ടാവുന്നത്. അത് സ്‌നേഹബന്ധത്തിനെ കൂടുതല്‍ സ്‌ട്രോങ്ങ് ആക്കുന്നതിന് സഹായിക്കും.

പോസിറ്റിവ് ആയ കാര്യങ്ങള്‍ ഓര്‍ക്കണം.

ദൂരെ ദേശങ്ങളില്‍ ഇരുന്ന് ഭാര്യയും ഭര്‍ത്താവും ഫോണ്‍ ചെയ്യുന്ന സമയങ്ങളില്‍ ജീവിതത്തില്‍ ഉണ്ടായിട്ടുള്ള നല്ല കാര്യങ്ങള്‍ ആയിരിക്കണം സംസാരത്തിന് വിഷയം ആവേണ്ടത്. രണ്ടുപേരും പരസ്പരം നല്ല കാര്യങ്ങള്‍ പറയുവാന്‍ ആവണം ട്രൈ ചെയ്യേണ്ടത്. അങ്ങിനെ ചെയ്യുമ്പോള്‍ ഭര്‍ത്താവും നിങ്ങളെ പറ്റി മനസ്സില്‍ നല്ല ഒരു ചിത്രം വരച്ചിടും. അല്ലാതെ അദ്ദേഹത്തിനെ മൂഡ് ഔട്ട് ആക്കാന്‍ ശ്രമിക്കരുത്.

സ്വയം താഴ്ത്തി പറയരുത്.

ചില ഭാര്യമാര്‍ തങ്ങളെ പറ്റി സ്വയം താഴ്ത്തി സ്വന്തം ഭര്‍ത്താവിനോട് പറയാറുണ്ട്. മനസ്സില്‍ ഒന്നും സൂക്ഷിക്കാന്‍ കഴിവില്ലാത്ത നിഷ്‌കളങ്കരായ യുവതികള്‍ ആണ് ഇങ്ങനെ ചെയ്യുന്നത്. ഇത് അവര്‍ക്ക് ദോഷമേ ഉണ്ടാക്കൂ എന്ന കാര്യം അവര്‍ വിസ്മരിക്കുന്നു. ഭര്‍ത്താവിന്റെ മനസ്സില്‍ നമ്മളെ കുറിച്ച് നല്ല അഭിപ്രായം നിലനിറുത്തുവാന്‍ ആണ് എല്ലാ ഭാര്യയും ശ്രമിക്കേണ്ടത്.

ഓണ്‍ലൈനില്‍ ഉള്ള ബന്ധം വിടാതെ നോക്കണം.

ഭര്‍ത്താവുമായി എത്രയും ക്ലോസ് ആയി ഇരിക്കാനുള്ള മാര്‍ഗ്ഗം ഇത് തന്നെയാണ്. ഫേസ്ബുക്കും മറ്റും ഇതിനായി ഉപയോഗിക്കണം. ഇത് ഒരു തരത്തില്‍ നിങ്ങള്‍ തമ്മിലുള്ള ബന്ധം കൂടുതല്‍ നന്നാക്കാന്‍ ഉപകരിക്കും. ഇരുപത്തിനാല് മണിക്കൂറും ചാറ്റ് ചെയ്യണം എന്നല്ല പറയുന്നത്. എല്ലാ ദിവസവും നിങ്ങള്‍ ഇതിന് കുറെ നേരം കണ്ടെത്തണം. ഭൂമിയില്‍ നിങ്ങള്‍ അകലെ ആണെങ്കിലും മനസ്സുകൊണ്ട് അടുക്കേണ്ടത് നല്ല ഒരു ദാമ്പത്യത്തിന് വളരെ അത്യാവശം തന്നെ.

ഇപ്പറഞ്ഞ കാര്യങ്ങള്‍ നിങ്ങള്‍ മനസ്സില്‍ സൂക്ഷിക്കുന്നു എങ്കില്‍ അകലങ്ങളില്‍ താമസിക്കുകയാണ് എന്നിരുന്നാലും നല്ല ഒരു ദാമ്പത്യം നിങ്ങള്‍ക്ക് ഉണ്ടാവും.

നിങ്ങള്‍ സോഡ കുടിക്കുന്നവരാണോ; സൂക്ഷിക്കണം
Posted by
13 September

നിങ്ങള്‍ സോഡ കുടിക്കുന്നവരാണോ; സൂക്ഷിക്കണം

സോഡാ കുടിക്കാത്ത മലയാളികള്‍ വളരെക്കുറമാണ്. കഠിനമായ ദാഹം അനുഭവപ്പെടുമ്പോള്‍ നമ്മളില്‍ പലരും സോഡാ കുടിക്കാറുണ്ട്. സോഡാ നാരങ്ങാവെള്ളം മലയാളികളുടെ ഇഷ്ടവിഭവമാണ്. മാത്രമല്ല പെപ്‌സി, കോള, സെവന്‍അപ് തുടങ്ങി സോഡ അടങ്ങിയ പാനിയങ്ങള്‍ക്കും അടിമയാണ് മലയാളികള്‍. എന്നാല്‍ സോഡാ പതിവായി കുടിക്കുന്നത് മാരകമായ ആരോഗ്യപ്രശ്‌നങ്ങള്‍ക്ക് വഴിയൊരുക്കും.

മധുരമുള്ള സോഡ സ്ഥിരമായി കഴിക്കുന്നവര്‍ക്ക് അമിതവണ്ണവും പ്രമേഹസാധ്യതയും കൂടുതല്‍ ആയിരിക്കും. മാത്രമല്ല ശരീരത്തിലെ ഹോര്‍മോണുകളെയും ദോഷകരമായി ബാധിക്കാനും സോഡ കാരണമാകുന്നു. സോഡയിലെ ചില ചേരുവകള്‍ കാരണം വിശപ്പില്ലാതാകാനും തുടര്‍ച്ചയായ ഉപയോഗം എല്ലുകളുടെ തേയ്മാനത്തിനും കാരണമാകുന്നുണ്ട്.കരള്‍ രോഗം, വൃക്കരോഗം, ഹൃദ്രോഗം തുടങ്ങിയ ഗുരുതരമായ ആരോഗ്യ പ്രശ്‌നങ്ങളിലേക്കും സോഡ നയിക്കും

പെണ്ണുങ്ങള്‍ക്ക് പിഴവ് പറ്റുന്നത് ഇങ്ങനെയൊക്കെ
Posted by
13 September

പെണ്ണുങ്ങള്‍ക്ക് പിഴവ് പറ്റുന്നത് ഇങ്ങനെയൊക്കെ

ഇണയുടെ വൈകാരികാവശ്യങ്ങളില്‍നിന്നും ഏറെ വ്യത്യസ്തമാണ് തന്റെ വൈകാരികാവശ്യങ്ങളും കാഴ്ചപ്പാടുകളുമെന്ന തിരിച്ചറിവിന്റെ അഭാവമാണ് സ്ത്രീപുരുഷബന്ധങ്ങളില്‍ അസ്വാരസ്യങ്ങളുണ്ടാകുന്നതിനുള്ള മുഖ്യകാരണം. ഈ വസ്തുത മനസ്സിലാക്കാതെയുള്ള പെരുമാറ്റം ഇണയുടെ വികാരങ്ങളെ എന്തുമാത്രം വ്രണപ്പെടുത്തുമെന്നതിനെക്കുറിച്ച് മിക്ക സ്ത്രീപുരുഷന്മാരും ഒരുപോലെ അജ്ഞരാണ്. ഒട്ടും മനഃപൂര്‍വമല്ലാതെയുള്ളവയാണ് ഇത്തരം പെരുമാറ്റങ്ങളെങ്കിലും അവ ഇണയിലുളവാക്കുന്ന നീരസം പലപ്പോഴും മറുപക്ഷത്തിന്റെ സങ്കല്പത്തിലും എത്രയോ അപ്പുറമായിരിക്കും.

പ്രാഥമിക വൈകാരികാവശ്യങ്ങളുടെ പൂര്‍ത്തീകരണത്തില്‍ ഇണയുടെ ഭാഗത്തുനിന്നും അവഗണനയുണ്ടെന്ന തോന്നല്‍ ആണിന്റെയും പെണ്ണിന്റെയും മനസ്സിനെ ഒരുപോലെ വേദനിപ്പിക്കുകയും അസ്വസ്ഥമാക്കുകയും ചെയ്യും. തങ്ങളുടെ ചില പ്രത്യേക ആശയവിനിമയ രീതികള്‍ ആണുങ്ങളുടെ ‘ഈഗോ’ അഥവാ ഞാനെന്ന ഭാവത്തെ എത്രമാത്രം അപകടകരമായ നിലയിലാണ് നിലംപരിശാക്കുന്നതെന്ന് സ്ത്രീകള്‍ അറിഞ്ഞുകൊള്ളണമെന്നില്ല.

സ്ത്രീ അവളുടെ വൈകാരികാവസ്ഥയെ പുരുഷന്റെ മുന്നില്‍ അതിന്റെ പൂര്‍ണതയില്‍ പ്രകടിപ്പിക്കുന്നതിനുവേണ്ടി മാത്രമായിരിക്കാം ഒരുപക്ഷേ, അത്തരമൊരു സമീപനം സ്വീകരിക്കുന്നത്. പക്ഷേ, സ്ത്രീയുടെ ഈവിധമുള്ള പെരുമാറ്റം എത്ര സദുദ്ദേശ്യപരമാണെങ്കില്‍ത്തന്നെയും നേര്‍വിപരീതഫലമാണ് പുരുഷനില്‍ ഉളവാക്കുക. പുരുഷനുമായുള്ള ആശയവിനിമയത്തില്‍ സ്ത്രീയുടെ ഭാഗത്തുനിന്ന് സംഭവിക്കാനിടയുള്ള സര്‍വസാധാരണമായ ചില പിഴവുകള്‍ വിശദീകരിക്കാം.

എന്നെത്തല്ലണ്ടമ്മാവാ

ആണിന്റെ സ്വഭാവമൊന്നു ‘നന്നാക്കിക്കളയാമെന്ന’ പ്രതീക്ഷയിലും വിശ്വാസത്തിലുമാണ് മിക്ക പെണ്ണുങ്ങളും ആണുങ്ങളെ ഗുണദോഷിക്കുകയും ഉപദേശിക്കുകയുമെല്ലാം ചെയ്യാറുള്ളത്. എന്നുവെച്ചാല്‍ പുരുഷന്മാര്‍ തങ്ങള്‍ ചിന്തിക്കുന്നതുപോലെ ചിന്തിക്കുകയും പ്രവര്‍ത്തിക്കുകയും ചെയ്താല്‍ സംഗതികളെല്ലാം ശുഭമായിത്തീരുമെന്ന് അവര്‍ കരുതുന്നു. പക്ഷേ, മുന്‍പു പല പ്രാവശ്യം പറഞ്ഞിട്ടുള്ളതുപോലെ പുരുഷന്‍ പുരുഷനും സ്ത്രീ സ്ത്രീയുമാണല്ലോ. പുരുഷനു പുരുഷന്റേതായ രീതിയിലല്ലേ ചിന്തിക്കാനും പ്രവര്‍ത്തിക്കാനുമൊക്കൂ.

അതുകൊണ്ട് സ്ത്രീയുടെ തികച്ചും സദുദ്ദേശ്യപരമായ ഉപദേശങ്ങളും ശാസനകളും കേള്‍ക്കുമ്പോള്‍ പോലും പുരുഷനു തോന്നുക അവള്‍ തന്റെ കഴിവുകളെ അംഗീകരിക്കുകയോ വിശ്വാസത്തിലെടുക്കുകയോ ചെയ്യുന്നില്ലെന്നാണ്. ‘എന്നെത്തല്ലണ്ടമ്മാവാ ഞാന്‍ നന്നാവില്ല’ എന്ന് പണ്ടു പറഞ്ഞ അനന്തരവന്റെ മനോഭാവത്തോടെയായിരിക്കും ഇത്തരം പെരുമാറ്റങ്ങളോട് അധിക പുരുഷന്മാരും പ്രതികരിക്കുക.

സ്വീകാര്യതയുടെ പ്രശ്‌നം സ്വന്തം വിഷമങ്ങളും പ്രയാസങ്ങളും അതേപടി പുരുഷനു മുന്നില്‍ അവതരിപ്പിച്ചാല്‍ അതുവഴി പുരുഷന്റെ സ്വഭാവങ്ങള്‍ പ്രസ്തുത ബുദ്ധിമുട്ടുകളെയെല്ലാം അകറ്റത്തക്കവിധത്തില്‍ മാറ്റിയെടുക്കുകയോ പരിഷ്‌കരിച്ചെടുക്കുകയോ ചെയ്യാമെന്ന് അവള്‍ പ്രത്യാശിക്കുന്നു.

പക്ഷേ, ഇവിടെ പുരുഷനു തോന്നുന്നതോ? തന്നെ ഒരു വ്യക്തിയെന്ന നിലയ്ക്കുള്ള എല്ലാ ശക്തിദൗര്‍ബല്യങ്ങളോടെയും സ്വീകരിക്കാന്‍ തയാറാകുന്നതിനു പകരം തന്റെ ദൗര്‍ബല്യങ്ങളെയോ വീഴ്ചകളെയോ മാത്രം എടുത്തുകാണിച്ചു വിലയിടിക്കുന്ന പ്രവണതയാണ് സ്ത്രീയുടേതെന്ന് പുരുഷന്‍ തെറ്റിദ്ധരിക്കും. സ്വാഭാവികമായും പുരുഷന്റെ പ്രതികരണവും നിഷേധാത്മകമായിരിക്കുമല്ലോ.

എന്തു ചെയ്താലും തൃപ്തയാകാത്തവള്‍?

സ്ത്രീക്കുവേണ്ടി എന്തെല്ലാം ചെയ്തുവോ അതെല്ലാം മറക്കുകയോ അവഗണിക്കുകയോ ചെയ്തുകൊണ്ട് ചെയ്യാത്ത കാര്യങ്ങളെ മാത്രം പെരുപ്പിച്ചു പുരുഷനോട് സംസാരിക്കുന്ന പ്രവണത ചില സ്ത്രീകളില്‍ കാണാറുണ്ട്. ചെയ്യാത്ത കാര്യങ്ങളെ ഓര്‍മിപ്പിക്കുമ്പോള്‍ പുരുഷന്‍ കൂടുതല്‍ ഊര്‍ജസ്വലമായും ക്രിയാത്മകമായും കാര്യങ്ങളെ സമീപിക്കുമെന്ന് സ്ത്രീ കരുതുന്നു. പക്ഷേ, സ്ത്രീക്കുവേണ്ടി എന്തുതന്നെ ചെയ്താലും, എത്ര കഷ്ടപ്പാടുകള്‍ സഹിച്ചാലും, അതെല്ലാം പുരുഷന്റെ ഉത്തരവാദിത്വമല്ലേ എന്നും അതുകൊണ്ടുതന്നെ ഒരു നന്ദിപ്രകടനത്തിന്റെയോ പ്രത്യേകാംഗീകാരത്തിന്റെയോ കാര്യമില്ലെന്നും സ്ത്രീ കരുതുന്നതായി പുരുഷന്‍ ധരിച്ചേക്കാം.

ഈ ധാരണ പുരുഷനെ നിരാശനാക്കുമെന്നു മാത്രമല്ല, കൂടുതല്‍ ചെയ്യാനുള്ള അവന്റെ മനഃസ്ഥിതിയെ പ്രതികൂലമായി ബാധിക്കുകയും ചെയ്‌തേക്കാം. സ്ത്രീ പ്രതീക്ഷിക്കുന്നതിനു നേര്‍വിപരീതമായി സമ്പൂര്‍ണ നിഷ്‌ക്രിയത്വത്തിലേക്കായിരിക്കും ഈവിധത്തിലുള്ള അവളുടെ പെരുമാറ്റം പുരുഷനെ നയിക്കുക.
ഞാനെന്താ, സ്‌കൂള്‍കുട്ടിയോ…! അധ്യാപികമാര്‍ സ്‌കൂള്‍കുട്ടികളോടെന്നപോലെയോ അമ്മമാര്‍ കൊച്ചു കുട്ടികളോടെന്നപോലെയോ പുരുഷനെ അതു ചെയ്യരുത്, ഇതു ചെയ്യരുത് എന്ന മട്ടില്‍ നിയന്ത്രിക്കാന്‍ ശ്രമിക്കുന്ന ചില സ്ത്രീകളുടെ സ്വഭാവം മിക്ക പുരുഷന്മാരെസ്സംബന്ധിച്ചിടത്തോളവും വളരെ അരോചകമായിരിക്കും. പുരുഷനോടുള്ള അമിത ശ്രദ്ധയോ സ്‌നേഹമോ ആയിരിക്കാം ഒരുപക്ഷേ, പുരുഷനെ നിയന്ത്രിക്കുന്ന വിധത്തില്‍ പെരുമാറാനോ ചിലപ്പോഴെങ്കിലും ശാസനാസ്വരത്തില്‍ സംസാരിക്കാന്‍ പോലുമോ സ്ത്രീയെ പ്രേരിപ്പിക്കുന്നത്.

സംഗതികളുടെ കിടപ്പ് ഇങ്ങനെയെല്ലാമാണെങ്കിലും ഇത്തരത്തിലുള്ള സമീപനം പുരുഷനില്‍ അപകര്‍ഷതാബോധം ഉണര്‍ത്തുന്നതിനു കാരണമായേക്കാം. സ്ത്രീയുടെ മുന്നില്‍ എല്ലാം തികഞ്ഞ ഹീറോ ചമയാനായിരിക്കും അധിക പുരുഷന്മാരുടെയും ഉള്ളിന്റെയുള്ളിലെ ആഗ്രഹമെന്ന് നേരത്തേ പറഞ്ഞുവല്ലോ. സ്ത്രീയുടെ ഭാഗത്തുനിന്ന് ഈ ആഗ്രഹത്തെ ഹനിക്കുന്ന വിധത്തിലുള്ള ഏതു പെരുമാറ്റവും പുരുഷനില്‍ മാനസികമായ അകല്‍ച്ചയുണ്ടാക്കും.

അതിവൈകാരികത ചോദ്യശരങ്ങളാകുമ്പോള്‍ മാനസികമായി കടുത്ത സമ്മര്‍ദമനുഭവിക്കുന്ന നേരങ്ങളില്‍ സ്ത്രീകളുടെ സംസാരരീതി പലപ്പോഴും അതിവൈകാരികതയുടെ കുത്തൊഴുക്കാകാറുണ്ടെന്ന് നേരത്തേ സൂചിപ്പിച്ചിരുന്നത് വായനക്കാര്‍ മറന്നുകാണില്ലല്ലോ. സമ്മര്‍ദങ്ങള്‍ സംസാരിച്ചു തീര്‍ക്കുന്ന പ്രകൃതമാണ് സ്ത്രീകളുടേത്.

ഇത്തരം സംസാരത്തിന്റെ പാരമ്യത്തില്‍ ‘ നിങ്ങള്‍ക്കതെങ്ങനെ ചെയ്യാന്‍ തോന്നി’, ‘അല്പമെങ്കിലും ബുദ്ധിയും വിവേകവുമുള്ള ആര്‍ക്കെങ്കിലും അങ്ങനെ പറയാനോ പ്രവര്‍ത്തിക്കാനോ തോന്നുമോ’ എന്ന മട്ടില്‍ മുനവെച്ച ചോദ്യങ്ങള്‍ സ്ത്രീ പുരുഷന്റെ നേരേ എയ്തുവിട്ടേക്കാം. തന്നെ ഒന്നിനും കൊള്ളാത്തവനാണെന്ന് സ്ത്രീ കരുതുന്നുവെന്ന തോന്നലാണ് ഇത്തരം കടുത്ത പ്രയോഗങ്ങള്‍ പുരുഷനിലുളവാക്കുക.

ആണെന്ന നിലയ്ക്കുള്ള തന്റെ അസ്തിത്വത്തെത്തന്നെ ചോദ്യം ചെയ്യുന്ന അത്തരം പ്രയോഗങ്ങള്‍ ഒരു പുരുഷനും ക്ഷമിക്കാന്‍ കഴിഞ്ഞുകൊള്ളണമെന്നില്ല. ഇത്തരം വാക്കുകള്‍ താന്‍ കരുതുന്നതിനെക്കാള്‍ എത്രയോ ഗുരുതരമായ, ഉണങ്ങാത്ത, മുറിവുകളാണ് പുരുഷന്റെ മനസ്സിലുണ്ടാക്കുകയെന്ന കാര്യത്തെക്കുറിച്ച് സ്ത്രീകള്‍ പലപ്പോഴും അജ്ഞരായിരിക്കുമെന്നുള്ളതാണ് വസ്തുത.

നിഷേധാത്മക ഇടപെടലുകള്‍ ഏതെങ്കിലും ഒരു കാര്യത്തില്‍ പുരുഷന്‍ തീരുമാനമെടുക്കുകയോ മുന്‍കൈയെടുക്കുകയോ ചെയ്യുമ്പോള്‍ അതില്‍ ആവശ്യപ്പെടാതെ ഇടപെടുകയും അതിനെ തിരുത്താന്‍ പ്രേരിപ്പിക്കുകയോ വിമര്‍ശിക്കുകയോ ചെയ്യുന്ന പെണ്ണുങ്ങളുണ്ട്. പുറമേനിന്നുള്ള സുഹൃത്തുക്കളുടെയെല്ലാം അനുഭാവവും പ്രോത്സാഹനവും ലഭിക്കുന്ന ഒരു വിഷയത്തില്‍ സ്വന്തം ഇണയുടെ ഭാഗത്തുനിന്നുള്ള നിഷേധാത്മക ഇടപെടല്‍ പുരുഷനെ മാനസികമായി വല്ലാതെ നിര്‍വീര്യനാക്കും.

മറ്റുള്ളവരെല്ലാം പ്രോത്സാഹനത്തിന്റേതായ സമീപനം സ്വീകരിക്കുമ്പോള്‍ തന്റെ ഇണയില്‍നിന്നു മാത്രം പ്രോത്സാഹനം ലഭിക്കുന്നില്ലെന്നു മാത്രമല്ല, വിമര്‍ശനമാണല്ലോ ലഭിക്കുന്നതെന്ന ചിന്ത പുരുഷന്മാരെ അസ്വസ്ഥരാക്കും. കുടുംബജീവിതത്തില്‍ തന്റെയും കുടുംബത്തിന്റെയും കാര്യത്തില്‍ പുരുഷന്റെ കൂടുതല്‍ ശ്രദ്ധ വേണമെന്ന ആഗ്രഹം മാത്രമായിരിക്കാം സ്ത്രീയെ പുരുഷന്റെ കുടുംബബാഹ്യപ്രവര്‍ത്തനങ്ങളെയും പദ്ധതികളെയും വിമര്‍ശിക്കാന്‍ പ്രേരിക്കുന്നത്.

ഉദാഹരണത്തിന് സാമൂഹികപ്രവര്‍ത്തകനായ പുരുഷന് അവന്‍ എത്ര നിസ്വാര്‍ഥനും അര്‍പ്പണബോധമുള്ളവനുമാണെങ്കിലും ചിലപ്പോള്‍ ജീവിതപങ്കാളിയില്‍നിന്ന് വിമര്‍ശനങ്ങള്‍ നേരിടേണ്ടി വരാറുണ്ട്. ഇത്തരം വിമര്‍ശനങ്ങള്‍കൊണ്ട് സ്ത്രീ ഉദ്ദേശിച്ച അധികശ്രദ്ധ കിട്ടുകയുമില്ല പുരുഷന് തന്റെ പ്രവൃത്തികളിലുള്ള സംതൃപ്തി കുറയുകയും ചെയ്യുമെന്നതായിരിക്കും ഫലം. സ്ത്രീയില്‍നിന്നും ലഭിക്കുന്ന അഭിനന്ദനങ്ങള്‍ പുരുഷന്റെ പ്രാഥമിക വൈകാരികാവശ്യങ്ങളിലൊന്നാണെന്നിരിക്കേ, അതിനു കടകവിരുദ്ധമായ വിമര്‍ശനങ്ങള്‍ പുരുഷനെ നിര്‍വീര്യമാക്കുമെന്നത് തികച്ചും സ്വാഭാവികമാണല്ലോ.

( പി.കെ.എ. റഷീദിന്റെ സംതൃപ്തമായ സ്ത്രീപുരുഷ ബന്ധങ്ങള്‍ എന്ന പുസ്തകത്തില്‍ നിന്ന് )

സ്ത്രീകളുടെ നീലച്ചിത്രം കാണലിന്റെ പിന്നാമ്പുറ കഥകള്‍ വിശദമാക്കികൊണ്ട് ഹാര്‍വാര്‍ഡ് യൂണിവേഴ്‌സിറ്റിയിലെ ഗവേഷകര്‍
Posted by
12 September

സ്ത്രീകളുടെ നീലച്ചിത്രം കാണലിന്റെ പിന്നാമ്പുറ കഥകള്‍ വിശദമാക്കികൊണ്ട് ഹാര്‍വാര്‍ഡ് യൂണിവേഴ്‌സിറ്റിയിലെ ഗവേഷകര്‍

സ്ത്രീകളെ ക്രൂരമായ രീതിയില്‍ ഉപയോഗിക്കുന്ന തരത്തിലുള്ള നീലച്ചിത്രങ്ങള്‍ സ്ത്രീകള്‍ എന്തുകൊണ്ടാണ് കൂടുതലായി കാണുന്നത് എന്നതുമായി ബന്ധപ്പെട്ട് ഹാര്‍വാര്‍ഡ് യൂണിവേഴ്‌സിറ്റിയിലെ ഗവേഷക വിദ്യാര്‍ത്ഥി സ്റ്റീഫന്‍ ഡേവിഡോവിസ് അടുത്തിടെ പഠനം നടത്തിയിരുന്നു. സ്ത്രീകളുടെ നീലച്ചിത്രം കാണലിന്റെ പിന്നാമ്പുറ കഥകള്‍ വിശദമാക്കികൊണ്ട് സ്റ്റീഫന്‍ ‘എവരിബഡി ലൈസ്’ എന്ന പേരില്‍ ഒരു പുസ്തകവും പ്രസിദ്ധീകരിച്ചിരുന്നു. മനഃശാസ്ത്രജ്ഞയായ അവാനി തിവാരിയും സ്റ്റീഫന്റെ വാദങ്ങളോട് യോജിക്കുന്നു.

ക്രൂര പീഡനങ്ങളും വന്യ വേഴ്ചകളുമുള്ള നീലചിത്രം കാണുന്ന സ്ത്രീകളുടെ എണ്ണത്തില്‍ വര്‍ദ്ധനവുണ്ടായെന്നു പറയുന്ന സ്റ്റീഫന്‍ അതിന്റെ കാരണങ്ങളും വിശദീകരിക്കുന്നുണ്ട്. ഇന്റര്‍നെറ്റില്‍ നീലചിത്രം ‘സേര്‍ച്ച്’ ചെയ്യുന്ന സ്ത്രീകള്‍ ഭൂരിഭാഗവും ഫോഴ്‌സ്ഡ്, റേപ്പഡ് എന്നീ വാക്കുകളാണ് ഉപയോഗിക്കുന്നത്. ഇതിനര്‍ത്ഥം ക്രിമിനല്‍ സ്വഭാവമുള്ള ക്രൂരമായ ലൈംഗിക ദൃശ്യങ്ങള്‍ കാണാന്‍ സ്ത്രീകള്‍ ഇഷ്ടപ്പെടുന്നു എന്നതാണെന്നും പഠനത്തില്‍ പറയുന്നു. 20 ശതമാനത്തോളം സ്ത്രീകള്‍ പേര്‍ ലസ്ബിയന്‍ ചിത്രങ്ങള്‍ കാണാന്‍ ഇഷ്ടപ്പെടുന്നവരാണെന്നും പഠനം പറയുന്നു.

ഇതിനു കാരണം സ്ത്രീകള്‍ക്കെതിരെയുള്ള ലൈംഗിക അതിക്രമങ്ങള്‍ ചിത്രീകരിക്കുന്ന പോണ്‍ സിനിമകള്‍ക്ക് സ്ത്രീകളുടെ ഇടയില്‍ വളരെ പ്രചാരമുണ്ടെന്നാണെന്നും ഇതിന്റെ ആരാധകര്‍ പുരുഷന്‍മാരെ അപേക്ഷിച്ച് സ്ത്രീകള്‍ക്ക് ഇടയില്‍ നിന്നാണ് കൂടുതലെന്നും പഠനം പറയുന്നു.

ഒരു വിഭാഗം സ്ത്രീകളെങ്കിലും ബലപ്രയോഗം ആസ്വദിക്കുന്നുവെന്നു പറയുന്ന ഗ്രന്ഥകാരന്‍ വൈകൃതങ്ങള്‍ ചിത്രീകരിക്കുന്ന സെക്‌സ് സിനിമ സ്ത്രീകള്‍ ഇഷ്ടപ്പെടുന്നതിന്റെ ഒരു കാരണം ഇതാണെന്നു ചൂണ്ടിക്കാട്ടുന്നു. പോണ്‍ സിനിമ കാണുന്നത് സ്ത്രീ പുരുഷ സമത്വത്തിന്റെ ഭാഗമാണെന്ന് വിശ്വസിച്ച് പോണ്‍ സെക്‌സ് ആസ്വദിക്കുന്നവരും കുറവല്ല പുസ്തകം പറയുന്നു.

മനഃശാസ്ത്രജ്ഞയായ അവനി തിവാരി സ്ത്രീകള്‍ രതി വൈകൃത്യങ്ങള്‍ ആസ്വദിക്കുന്നതിന് പ്രധാനമായും രണ്ട് കാരണങ്ങളാണ് പറയുന്നത്. ഒന്നാമത്തേത് സ്ത്രീകള്‍ക്ക് പലപ്പോഴും ഭാവനകളുടെ പൂര്‍ത്തീകരണമാണ് പോണ്‍ സിനിമകള്‍. സ്ത്രീകള്‍ എപ്പോഴും ആധുനികരാകാന്‍ ഇഷ്ടപ്പെടുകയും അതോടൊപ്പം അവരെപ്പോഴും സമത്വവും അധികാരവും ഇഷ്ടപ്പെടുന്നവരും അതിനുവേണ്ടി നിരന്തരം പ്രയത്‌നിക്കുകയും ചെയ്യുന്നവരാണ്. യഥാര്‍ത്ഥ ജീവിതത്തില്‍ സ്ത്രീകള്‍ അധികാരം ആസ്വദിക്കുമ്പോള്‍ ഭാവനയില്‍ അവരെപ്പോഴും ആണിന് വിധേയയാകാന്‍ ഇഷ്ടപ്പെടുന്നു. ഇതാണ് ബലാത്കാരമായുള്ള സെക്‌സില്‍ സ്ത്രീകള്‍ കൂടുതല്‍ ആസ്വാദ്യത കണ്ടെത്തുന്നതിന് പ്രധാന കാരണം. സമൂഹത്തില്‍ ലൈംഗിക ചൂഷണങ്ങള്‍ നടക്കുന്നുണ്ടെന്ന് വിസ്മരിക്കുന്നവരോ അതല്ലെങ്കില്‍ യഥാര്‍ത്ഥ ജീവിതത്തില്‍ ഇത്തരം ചൂഷണങ്ങള്‍ക്ക് വിധേയരാകാത്തവരോ ആണ് പ്രധാനമായും പോണ്‍ സിനിമകളിലെ വൈകൃതങ്ങളുടെ ആരാധകരാകുന്നതെന്നും അവാനി തിവാരി പറയുന്നു.

സ്ത്രീസമത്വത്തിനുവേണ്ടി വാദിയ്ക്കുമ്പോഴും പ്രയത്‌നിക്കുമ്പോഴും ഉള്ളിന്റെ ഉള്ളില്‍ സ്ത്രീകള്‍ക്ക് തങ്ങള്‍ ഒരു പുരുഷകേന്ദ്രീകൃത സമൂഹത്തിന്റെ ഭാഗമാണെന്നു വിശ്വസിക്കുന്നു. മാത്രമല്ല പുരുഷന്റെ കായികബലത്തെ അംഗീകരിക്കുകയോ ആസ്വദിയ്ക്കുകയോ ചെയ്യുന്നുമുണ്ട്. അവനി പറയുന്നു.