Rohit edappal native student recive award from president
Posted by
15 November

അപകടങ്ങളില്‍ മുന്നറിയിപ്പ് നല്‍കുന്ന നൂതന സാങ്കേതിക വിദ്യയുമായി പ്ലസ് വണ്‍ വിദ്യാര്‍ത്ഥി എടപ്പാള്‍ സ്വദേശി രോഹിത്; രാഷ്ട്രപതിയില്‍ നിന്നും അവാര്‍ഡ് ഏറ്റുവാങ്ങി

പൊന്നാനി: അപകടങ്ങളില്‍ മുന്നറിയിപ്പ് നല്‍കുന്ന നൂതന സാങ്കേതിക വിദ്യയുമായി ഒരു വിദ്യാര്‍ത്ഥി ശാസ്ത്രലോകത്ത് കൗതുകമാവുകയാണ്. പൊന്നാനി താലൂക്കില്‍പ്പെട്ട അംശക്കച്ചേരി സ്വദേശി ശിവദം കളരിക്കല്‍ രോഹിത്താണ് നൂതന കണ്ട് പിടുത്തവുമായി രാഷ്ട്രപതിയില്‍ നിന്നും ശാസ്ത്ര പ്രതിഭാ അവാര്‍ഡ് വാങ്ങിച്ചത്.

ശാസ്ത്ര പരീക്ഷണങ്ങളുടെ ലോകമാണ് രോഹിത്തിന്റെ ലോകം. കളിയുപകരണങ്ങള്‍ പോലെ ശാസ്ത്രകൗതുകം നിറഞ്ഞ രോഹിത്തിന്റെ ലോകത്ത് അടിയന്തിര ഘട്ടങ്ങളില്‍ അപായ സൂചന നല്‍കുന്ന സ്വൂവല്‍ അലര്‍ട്ട് കോളര്‍ എന്ന അത്യാധുനിക സംവിധാനമാണ് രോഹിത്ത് വികസിപ്പിച്ചെടുത്തത്. ഇത് കൊണ്ട് ഏതപകടങ്ങളിലും സുരക്ഷാ മുന്നറിയിപ്പ് നല്‍കാന്‍ കഴിയുമെന്ന് രോഹിത്ത് എന്ന കുട്ടി ശാസ്ത്രജ്ഞന്‍ തെളിയിക്കുന്നു.

വീട്ടില്‍ കള്ളന്‍ കയറിയാലും തീപിടുത്തമുണ്ടായാലും ഗ്യാസ് ചോര്‍ന്നാലും മഴവെള്ളം ചേര്‍ന്നാലും ഗൃഹനാഥന്റെ മൊബൈലിലേക്ക് അപായ സന്ദേശം എത്തും. നേരത്തേ പലരും ഇത്തരത്തിലുള്ള ഉപകരണങ്ങള്‍ വികസിപ്പിച്ചിട്ടുണ്ടെങ്കിലും ഒരേ സമയം വിവിധ ഉപയോഗങ്ങള്‍ സാധ്യമാക്കാം എന്നതാണ് രോഹിത്തിന്റെ കണ്ടെത്തലിനെ ശ്രദ്ധേയമാക്കുന്നത്. നേരത്തേയും വ്യത്യസ്ഥ കണ്ടുപിടുത്തങ്ങള്‍ രോഹിത്ത് നടത്തിയിട്ടുണ്ട്.

unnamed

കഴിഞ്ഞ സംസ്ഥാന ശാസ്ത്ര മേളയില്‍ ഈ ഉപകരണം പ്രദര്‍ശിപ്പിച്ചതോടെയാണ് രോഹിത്തിലെ പ്രതിഭയെ തിരിച്ചറിഞ്ഞത്. സംസ്ഥാന ശാസ്ത്ര മേളയിലെ വിജയത്തെ തുടര്‍ന്ന് സൗത്ത് സോണിലും രോഹിത്ത് മത്സരിച്ച് വര്‍ക്കിങ്ങ് മോഡലില്‍ രണ്ടാം സ്ഥാനം നേടിയിരുന്നു. ഇതാടെയാണ് യുവ ശാസ്ത്ര പ്രതിഭാ അവാര്‍ഡ് രോഹിത്തിനെ തേടിയെത്തിയത്. ഇതിന് പുറമെ മിനിസ്ട്രറി ഓഫ് വിമണ്‍ ആന്റ് ചൈല്‍ഡ് ഡെവലപ്‌മെന്റിന്റെ അവാര്‍ഡും ടിവി പത്മകുമാര്‍ അവാര്‍ഡും ഈ കണ്ടുപിടുത്തതിന് രോഹിത്തിനെ തേടിയെത്തിയിട്ടുണ്ട്. ഇന്ത്യയില്‍ നിന്നും 40 പേര്‍ക്കാണ് ശാസ്ത്ര വിഭാഗത്തില്‍ അവാര്‍ഡ് ലഭിക്കുന്നത്. അതില്‍ കേരളത്തില്‍ നിന്ന് തിരഞ്ഞെടുത്ത രണ്ടുപേരില്‍ ഒരാളാണ് രോഹിത്.

ശിവദം കളരിക്കല്‍ മോഹന്‍ദാസിന്റെയും ഇന്ദുവിന്റെയും മകനായ രോഹിത്ത് പൊന്നാനി എവി ഹൈസ്‌കൂളിലെ പ്ലസ് വണ്‍ വിദ്യാര്‍ത്ഥിയാണ്. ഡല്‍ഹിയില്‍ തിങ്കളാഴ്ച നടന്ന ചടങ്ങില്‍ യുവ ശാസ്ത്ര പ്രതിഭക്കുള്ള അവാര്‍ഡ് ഇന്ത്യന്‍ പ്രസിഡണ്ടില്‍ നിന്ന് രോഹിത്ത് ഏറ്റു വാങ്ങി.

(ഫഖ്‌റുദ്ധീന്‍ പന്താവൂര്‍)

kids stealing not a simple matter
Posted by
14 November

കുട്ടികളിലെ മോഷണം അത്ര നിസാരമായി തള്ളിക്കളയരുത്

-ഫഖ്‌റുദ്ധീന്‍ പന്താവൂര്‍

ചെറിയ പ്രായം മുതല്‍ കൗമാരക്കാലം കണ്ടുവരുന്ന ഒരു ദുശ്ശീലമാണ് മോഷണം. ചിലതൊക്കെ തമാശയായും അവഗണിക്കാവുന്നതാകാമെങ്കിലും മോഷണം അത്ര നിസാരമല്ല. രക്ഷിതാക്കളും അധ്യാപകരും ഇത്തരം കുട്ടികളെ കൈകാര്യം ചെയ്യുന്നത് തെറ്റായ രീതിയിലാണെങ്കില്‍ കുട്ടികള്‍ കൈവിട്ട് പോകും. ചെറിയകുട്ടികള്‍ക്കിടയില്‍ പോലും മോഷണം പതിവാകുന്നൊരു അനുഭവങ്ങള്‍ നിരവധിയാണ് .

ചെറിയ ക്ലാസിലെ ഫാത്തിമയുടെ പരാതി അവള്‍ കൊണ്ട് വന്ന പത്ത് രൂപ കാണാനില്ലെന്നാണ്. കരച്ചിലോടു കരച്ചില്‍ ഞാന്‍ പറഞ്ഞു. കാശ് കണ്ടെത്താം കൂള്‍. ക്ലാസിലെ കുട്ടികളുടെ കണ്ണുകളിലേക്കൊരു നോട്ടം പായിച്ചു എല്ലാവരും നിഷ്‌കളങ്കര്‍.എല്ലാരും ഒരു കാര്യത്തില്‍ ഒരേ അഭിപ്രായത്തില്‍..
ആരും ഫാത്തിമയുടെ കാശ് എടുത്തിട്ടില്ല .

ഒടുവില്‍ ഒരു തന്ത്രം പ്രയോഗിച്ചു. ചൂലിന്റെ ഈര്‍ക്കിലി കൊണ്ട് വന്നു. ഒരേ അളവില്‍ ക്ലാസിലെ കുട്ടികളുടെ എണ്ണത്തിനനുസരിച്ച് ഈര്‍ക്കിലി മുറിച്ചു. മേശപ്പുറത്ത് വെച്ചു. ഓരോര്‍ത്തര്‍ക്കും ഓരോ ഈര്‍ക്കിലി നല്‍കി. ബുക്കിനിടയില്‍ വെക്കാന്‍ പറഞ്ഞു. എന്നിട്ട് ചെറിയൊരു ഗ്രൂപ്പ് കൗണ്‍സിലിങ്ങ് നല്‍കി. ഒപ്പം ഈര്‍ക്കിലി മന്ത്രവും.

കാശ് എടുത്തവന്റെ കൈയ്യിലെ ഈര്‍ക്കിലി നീളം കൂടുമെന്ന് അവരെ വിശ്വസിപ്പിച്ചു. കുട്ടികള്‍ മുഖത്തോട് മുഖം നോക്കിയിരുന്നു. പിന്നെ ഈര്‍ക്കിലിയിലേക്കും. ഒരോര്‍ത്തരുടെ കൈയ്യിലെയും ഈര്‍ക്കിലി തിരികെ വാങ്ങി. ഒരുത്തന്റെ ഈര്‍ക്കിലി മാത്രം നീളം കുറവ്. ഞാനത് മനസ്സിലാക്കിയത് പുറത്ത് കാണിച്ചില്ല.

പാവം.. നീളം കൂടാന്‍ പോകുന്ന ഈര്‍ക്കിലി അവന്‍ അല്‍പ്പം മുറിച്ച് ” ബാലന്‍സ് ‘ ചെയ്തതാണ്.. സുന്ദരന്‍…അവനെ ഞാന്‍ സ്‌നേഹത്തോടെ അരികില്‍ വിളിപ്പിച്ചു.. അവന്‍ തലയും താഴ്ത്തി അരികിലെത്തി.. ബുക്കിനിടയില്‍ ഒളിപ്പിച്ചു വെച്ച പത്ത് രൂപ എന്റെ കൈയ്യില്‍ വെച്ച് തന്നു. ഞാനവന് 5 രൂപ സമ്മാനമായി നല്‍കി …

ഫാത്തിമ മാത്രമല്ല അവനും സന്തോഷത്തോടെയാണ് അന്ന് വീട്ടിലേക്ക് തിരിച്ച് പോയത്. കുട്ടികളുടെ ഇത്തരം ദുശ്ശീലങ്ങള്‍ കൈകാര്യം ചെയ്യുമ്പോള്‍ അധ്യാപകരും രക്ഷിതാക്കളും ചില കാര്യങ്ങള്‍ ശ്രദ്ധിക്കാനുണ്ട്. ഇവരെ അകറ്റി നിര്‍ത്തുന്ന രീതിയില്‍ ഒരിക്കലും പെരുമാറരുത് . അവഗണന ഇവരെ കൂടുതല്‍ ദുശ്ശീലങ്ങളിലേക്ക് എത്തിക്കുകയാണ് ചെയ്യുക. ശിക്ഷകള്‍ക്ക് ശിക്ഷണങ്ങളാകാം .. ശിക്ഷകള്‍ ലഘുവായി മാത്രമെ ഉണ്ടാകാവു. അവരൊടൊപ്പം കൂടുതല്‍ സമയം ചെലവഴിച്ച് കൂടുതല്‍ സംസാരിക്കാന്‍ സമയം കണ്ടെത്തുക . അവരുടെ പ്രശ്‌നങ്ങള്‍ക്ക് സ്‌നേഹത്തോടെ പരിഹാരം കാണുക . ഒരു കുറ്റവാളിയെപ്പോലെ ഒരിക്കലും പെരുമാറരുത്.

ചെറുപ്രായത്തില്‍ രക്ഷിതാക്കളുടെ സ്‌നേഹവും വാല്‍സല്യവും വേണ്ടത്ര കിട്ടാതെ വരുന്നത് കൊണ്ടാണ് കുട്ടികള്‍ മോഷ്ടാക്കളാകുന്നത്. സാമ്പത്തിക പ്രശ്‌നങ്ങളും രക്ഷിതാക്കളുടെ ദാമ്പത്യ പ്രശ്‌നങ്ങളും ഇതിന് കാരണമാകും. ഇത്തരം കുട്ടികളൊട് വഴക്കിടുകയോ കഠിനമായ ശിക്ഷാരീതികള്‍ നല്‍കുകയോ ചെയ്യരുത്. എന്നാല്‍ അവഗണിച്ച് വിടാനും പാടില്ല . സ്‌നേഹത്തോടെയും വാല്‍സല്യത്തോടെയും കൈകാര്യം ചെയ്യണം. അല്‍പ്പം ക്ഷമ തന്നെ വേണമിതിന്.

(മാധ്യമപ്രവര്‍ത്തകനും, അധ്യാപകനും, ഹിപ്പ്‌നോട്ടിക്കല്‍ കൗണ്‍സിലറും, മൈന്റ് കണസള്‍ട്ടന്റുമാണ് ലേഖകന്‍- 9946025819)

music as a treatment for depression
Posted by
14 November

വിഷാദരോഗത്തിന് സംഗീത ചികിത്സ

കൊച്ചി: സംഗീതം ഇഷ്ടപ്പെടാത്തവരായി ആരുമുണ്ടാവില്ല. മനുഷ്യമനസ്സിനെ ശക്തമായി സ്വാധീനിക്കാന്‍ സംഗീതത്തിന് കഴിയുന്ന പോലെ മറ്റൊന്നിനും സാധിക്കില്ല. ഇത്തരത്തില്‍ സംഗീതത്തെ ഇഷ്ടപ്പെടുന്നവര്‍ക്കായിതാ ഒരു സന്തോഷ വാര്‍ത്ത. വിഷാദരോഗത്തിന് അടിമയായ കുട്ടികളുടെയും യുവാക്കളുടെയും മാനസികപ്രശ്‌നങ്ങള്‍ കുറയ്ക്കാനും സംഗീതം സഹായിക്കുമെന്നു പുതിയ പഠനം തെളിയിക്കുന്നു.

വിഷാദ രോഗികളായ കുട്ടികളും യുവാക്കളുമടങ്ങുന്ന 251 പേരെയാണ് പഠനത്തിനായി തെരഞ്ഞെടുത്തത്. ശേഷം ഇവരെ രണ്ട് ഗ്രൂപ്പുകളായി തിരിച്ചു. പിന്നീട് ഒരു ഗ്രൂപ്പിന് സാധാരണ ചികിത്സയും ഒരു ഗ്രൂപ്പിന് സംഗീത ചികിത്സയും നല്‍കി. ഇതില്‍ മ്യൂസിക് തെറാപ്പി ചെയ്ത കുട്ടികളില്‍ വന്‍ മാറ്റമാണ് സംഭവിച്ചത്. സംഗീത ചികിത്സ ലഭിച്ച 8നും 16നും വയസ്സിനിടയിലുള്ള കുട്ടികളുടെ വിഷാദ രോഗം കുറഞ്ഞതായി കണ്ടെത്തി.

സാധാരണ ചികിത്സകൊണ്ടുണ്ടാകുന്നതിനേക്കാള്‍ മികച്ച ഫലമാണ് മ്യൂസിക് തെറാപ്പി നല്‍കുന്നതെന്നു യുകെയിലെ ബോണ്‍മൗത്ത് യൂണിവേഴ്‌സിറ്റി നടത്തിയ പഠനത്തില്‍ പറയുന്നു. രോഗികളുടെ വിഷാദവും ആശങ്കയും കുറയ്ക്കാന്‍ സംഗീത ചികിത്സകൊണ്ടു സാധിക്കുമെന്നു കണ്ടെത്തിയതായി ഗവേഷണത്തിനു നേതൃത്വം നല്‍കിയ പ്രൊഫസര്‍ സാം പോര്‍ട്ടര്‍ പറഞ്ഞു.

pedicure making
Posted by
14 November

പാദങ്ങള്‍ സുന്ദരമാക്കാന്‍ ഇനി പെഡിക്യൂര്‍ വീട്ടില്‍ ചെയ്യാം

പാദങ്ങള്‍ മൃദുലവും തിളക്കമുള്ളതും മനോഹരവും ആക്കാന്‍ നിങ്ങള്‍ക്ക് ആഗ്രഹമില്ലേ. അധികം ചെലവില്ലാതെ പ്രകൃതിദത്ത മാര്‍ഗ്ഗങ്ങളിലൂടെ പെഡിക്യൂര്‍ ഇനി വീട്ടില്‍ തന്നെ ചെയ്യാം.പെഡിക്യൂറിന് ആയി ഇനി ബ്യൂട്ടി സലൂണ് സന്ദര്‍ശിക്കേണ്ടതില്ല.

നഖങ്ങളില്‍ പഴയ നെയില്‍ പോളിഷുണ്ടെങ്കില്‍ ആദ്യം അത് നീക്കം ചെയ്യുക. നല്ലൊരു നെയില്‍ പോളിഷ് റിമൂവര്‍ ഉപയോഗിച്ച് പഴയ നെയില്‍ പോളിഷിന്റെ അവശിഷ്ടങ്ങള്‍ കാല്‍ നഖങ്ങളില്‍ നിന്നും നീക്കം ചെയ്യുക. പോളിഷ് നീക്കം ചെയ്തു കഴിയുമ്പോള്‍ നഖങ്ങളില്‍ മഞ്ഞ നിറം കാണുന്നുണ്ടെങ്കില്‍ ഒരു കഷ്ണം പഞ്ഞി ഹൈഡ്രജന്‍ പെറോക്‌സൈഡില്‍ മുക്കി വൃത്തിയാക്കുക.

കാല്‍ നഖങ്ങള്‍ വെട്ടി നേരെയാക്കുകയാണ് അടുത്തതായി ചെയ്യേണ്ടത് . കാല്‍ വിരലുകളുടെ അറ്റത്തേക്കാള്‍ നീളത്തില്‍ നഖങ്ങള്‍ വളരുന്നത് ചിലപ്പോള്‍ നഖങ്ങള്‍ അകത്തേയ്ക്ക് കയറി വേദന ഉണ്ടാകാന്‍ കാരണമാകും. ഒരേ ക്രമത്തില്‍ വേണം നഖങ്ങള്‍ വെട്ടി നേരെയാക്കാന്‍ അല്ലെങ്കില്‍ പൊട്ടി പോകാനുള്ള സാധ്യത ഉണ്ട്. വെട്ടിയതിന് ശേഷം നഖങ്ങള്‍ രാകി ഇഷ്ടമുള്ള ആകൃതിയില്‍ ആക്കാം.

കാല്‍ പാദങ്ങള്‍ ചൂട് വെള്ളത്തില്‍ മുക്കി വയ്ക്കുക. വരണ്ടതും തഴമ്പിച്ചതുമായ ചര്‍മ്മം മൃദുലമാകാന്‍ ഇത് സഹായിക്കും.ഒരു പാത്രത്തില്‍ കണങ്കാല്‍ മുങ്ങുന്നത് വരെ ചൂട് വെള്ളം എടുത്ത് അതില്‍ അര കപ്പ് ഇന്തുപ്പ്, ഒരു കപ്പ് ചൂട് പാല്‍ , ഏതാനം തുള്ളി സുഗന്ധ തൈലം എന്നിവ ചേര്‍ത്ത് കാലുകള്‍ മുക്കി വയ്ക്കുക. കൂടുതല്‍ മണവും സുഖവും ലഭിക്കുന്നതിന് റോസപ്പൂവിന്റെ ഇതളുകളും ചേര്‍ക്കാവുന്നതാണ്. 1015 മിനുട്ട് നേരം ഈ വെള്ളത്തില്‍ കാലുകള്‍ മുക്കി വയ്ക്കുക.

കഴുകി കഴിഞ്ഞാല്‍ ഉടന്‍ തന്നെ പാദങ്ങള്‍ ഉണക്കി കാല്‍നഖങ്ങള്‍ക്ക് താഴെ ചര്‍മ്മത്തിനിണങ്ങുന്ന ഏതെങ്കിലും ക്രീം പുരട്ടുക. വെള്ളത്തില്‍ കുതിര്‍ത്ത് വെച്ചതിന് ശേഷം പാദത്തിലെ ചര്‍മ്മങ്ങള്‍ വളരെ മൃദുലമായിരിക്കും.ഓറഞ്ച് സ്റ്റിക് ഉപയോഗിച്ച് മൃത ചര്‍മ്മം നീക്കം ചെയ്യുക. ആവശ്യമെങ്കില്‍ ചര്‍മ്മം നീക്കം ചെയ്യാനുള്ള ലോഷനോ ക്രീമോ പുരട്ടുക.

നനവും മൃദുലതയും നിലനിര്‍ത്തി ചര്‍മ്മം വിണ്ടു കീറുന്നതില്‍ നിന്നും സംരക്ഷിക്കാന്‍ മോയ്ച്യുറൈസേഷന്‍ സഹായിക്കും. മോയ്‌സ്ച്യുറൈസര്‍ പുരട്ടി പാദങ്ങള്‍ നന്നായി മസ്സാജ് ചെയ്യുക. പതിവായി പാദങ്ങള്‍ മസ്സാജ് ചെയ്യുന്നത് നാഡികള്‍ക്ക് ഉത്തേജനം നല്‍കാനും രക്തയോട്ടം മെച്ചപ്പെടുത്തി ചര്‍മ്മത്തെ പുഷ്ടിപ്പെടുത്താനും സഹായിക്കും.

അവസാനമായി ചെയ്യേണ്ട കാര്യ കാല്‍ നഖങ്ങള്‍ക്ക് നിറം നല്‍കുക എന്നതാണ്. നെയില്‍ പോളിഷ് ഇടുന്നതിന് മുമ്പ് നഖങ്ങള്‍ റിമൂവര്‍ ഉപയോഗിച്ച് വൃത്തിയാക്കുക. മോയ്‌സ്ച്യുറൈസ് ചെയ്തതിന് ശേഷം അധികമായി എണ്ണമയം നഖങ്ങളില്‍ അവശേഷിക്കുന്നുണ്ടെങ്കില്‍ നീക്കം ചെയ്യാന്‍ ഇത് സഹായിക്കും. പഞ്ഞി ഉപയോഗിച്ച് കാല്‍ വിരലുകള്‍ അകറ്റിയതിന് ശേഷം നഖങ്ങള്‍ക്ക് ഇഷ്ടമുള്ള നിറം നല്‍കുക. നെയില്‍ പോളിഷ് ഒരാവര്‍ത്തി ഇട്ടതിന് ശേഷം അതുണങ്ങിയിട്ട് വേണം അതിന് മേല്‍ വീണ്ടും ഇടാന്‍. ഇത് ഉണങ്ങിയതിന് ശേഷം വീണ്ടും ഇടുക. ഇങ്ങനെ ചെയ്യുന്നത് നെയില്‍ പോളിഷ് ദീര്‍ഘകാലം നിലനില്‍ക്കാന്‍ സഹായിക്കും.

Red sandal for beauty
Posted by
13 November

രക്ത ചന്ദനത്തിലുണ്ട് ബ്ലാക്ക് ഹെഡ്‌സിനുള്ള പരിഹാരം

ചര്‍മ്മത്തിന്റെ നിറം തന്നെയാണ് പലരുടേയും പ്രശ്‌നം. എന്നാല്‍ പ്രകൃതി ദത്തമായ വഴികള്‍ ഒരും തന്നെ ഉപയോഗിക്കാറില്ല ഇന്നത്തെ കാലത്ത്. പെട്ടെന്നുള്ള ഫലം ലഭിയ്ക്കുന്നതിനായി കൃത്രിമമായ സൗന്ദര്യസംരക്ഷണമാണ് ഇന്ന് പലരും ഉപയോഗിക്കുന്നത്. ആയുര്‍വ്വേദത്തില്‍ ഏറ്റവും പ്രാധാന്യം നല്‍കുന്ന സൗന്ദര്യസംരക്ഷണ വസ്തുവാണ് രക്തചന്ദനം. രക്ത ചന്ദനം പാര്‍ശ്വഫലങ്ങള്‍ ഇല്ലെന്നു മാത്രമല്ല അതിലേറെ ആരോഗ്യഗുണങ്ങളും നല്‍കുന്നുണ്ട്

അതിനായി 1 സ്പൂണ്‍ രക്തചന്ദനത്തിന്റെ പൊടിയും അല്‍പം പാലും മിക്‌സ് ചെയ്ത് മുഖത്ത് പുരട്ടുക. 20 മിനിട്ടിനു ശേഷം കഴുകിക്കളഞ്ഞാല്‍ മതി. ഇത്തരത്തില്‍ ആഴ്ചയില്‍ നാല് തവണ ചെയ്യുക. ഫലം ഉടന്‍ തന്നെ നിങ്ങളുടെ മുഖത്ത് തെളിഞ്ഞു കാണാം

സ്ത്രീകള്‍ക്കും പുരുഷന്‍മാര്‍ക്കും രക്ത ചന്ദനം സൗന്ദര്യസംരക്ഷണത്തിന് ഉപയോഗിക്കാം. അല്‍പം രക്ത ചന്ദനം വെള്ളത്തിലോ പാലിലോ ചാലിച്ച് കഴുത്തിലും മുഖത്തും തേയ്ക്കുക. ഇത് ചര്‍മ്മത്തിന് നിറം നല്‍കുകയും കഴുത്തിലുണ്ടാകുന്ന കറുപ്പിന് പരിഹാരമാവുകയും ചെയ്യുന്നു. മുഖക്കുരുവിന് പരിഹാരം കാണാന്‍ ഏറ്റവും നല്ല വഴിയാണ് ഇത്. ആന്റി ഓക്‌സിഡന്റുകളാല്‍ സമ്പുഷ്ടമാണ് എ്ന്നത് തന്നെയാണ് ഇതിന്റെ പ്രധാന കാരണവും.ഇന്നത്തെ കാലത്ത് സൗന്ദര്യസംരക്ഷണത്തിലെ വെല്ലുവിളിയാണ് സണ്‍ടോന്‍. ഇതിനെ മറികടക്കാനും രക്തചന്ദനത്തിന് കഴിയും.

curly beauty full hair
Posted by
12 November

ചുരുണ്ട മുടിയിലെ സൗന്ദര്യം സംരക്ഷിക്കാന്‍

ഇന്നത്തെ കാലത്ത് പെണ്‍കുട്ടികള്‍ മുടി സ്‌ട്രെയിറ്റന്‍ ചെയ്യുന്നതിനു പുറകേയാണ്. എന്നാല്‍ പലപ്പോഴും ഇതിനായി ആയിരങ്ങള്‍ മുടക്കുന്ന പെണ്‍കുട്ടികള്‍ അറിയുന്നില്ല കേശസംരക്ഷണത്തിന് ഇത്തരം കെട്ടിച്ചമച്ച അലങ്കാരങ്ങള്‍ ഉണ്ടാക്കുന്ന പ്രശ്‌നങ്ങള്‍.

ചുരുണ്ട മുടി പലര്‍ക്കും ഉപദ്രവമാണ് ഉണ്ടാക്കുന്നത് എന്നാണ് ധാരണ. എന്നാല്‍ വൃത്തിയായി സൂക്ഷിച്ചാല്‍ ഇത്രയധികം സൗന്ദര്യം നീണ്ടു വളര്‍ന്ന മുടിയില്‍ കണ്ടെടുക്കാന്‍ പ്രയാസമാണ്. ചുരുണ്ട മുടിയുടെ സൗന്ദര്യം സംരക്ഷിക്കാന്‍ ചില മാര്‍ഗ്ഗങ്ങള്‍ ഉണ്ട്. അവ എന്തൊക്കെയെന്ന് നോക്കാം.

ആവണക്കെണ്ണ മുടി വളര്‍ച്ച വര്‍ദ്ധിപ്പിക്കും. എന്നാല്‍ മുടിവളര്‍ച്ചയോടൊപ്പം മുടിയുടെ തിളക്കവും വര്‍ദ്ധിപ്പിക്കാന്‍ ആവണക്കെണ്ണ മതി. ആവണക്കെണ്ണ ദിവസവും മുടിയില്‍ പുരട്ടാം. ഇത് ചുരുണ്ട മുടിയില്‍ ഉണ്ടാകുന്ന കെട്ടുകളും മറ്റും ഇല്ലാതാക്കും. ഇവ രണ്ടും മുടിയുടെ ആരോഗ്യത്തിന് മുന്നില്‍ നില്‍ക്കുന്നവ തന്നെയാണ്. കറ്റാര്‍വാഴയും ആവണക്കെണ്ണയും അല്‍പം നാരങ്ങ നീരും മിക്‌സ് ചെയ്ത് മുടിയില്‍ പുരട്ടാം. മുടിയുടെ ഉള്ളിലുള്ള ഇഴകള്‍ പോലും തിളക്കമുറ്റതാകും.

മുടിയുടെ തിളക്കവും മിനിസവും ചുരുണ്ട മുടിക്കാര്‍ എന്നും പ്രശ്‌നമുണ്ടാക്കുന്ന ഒന്നാണ്. എന്നാല്‍ കറ്റാര്‍ വാഴ ഇതിന് പരിഹരാമാണ്. ഒരു ടീ സ്പൂണ്‍ കറ്റാര്‍വാഴയില്‍ ഒരു ടീ സ്പൂണ്‍ വെളിച്ചെണ്ണ മിക്‌സ് ചെയ്ത് അല്‍പം തൈരും കടി ചേര്‍ത്ത് തലയില്‍ തേച്ച് പിടിപ്പിക്കുക. ഇത് മുടിയിലെ മിനുസവും തിളക്കവും നിലനിര്‍ത്തുന്നു. മുടി കഴുകുക ചീകുക എന്നതൊക്കെ വലിയ പ്രശ്‌നമാണ് ചുരുണ്ട മുടിക്കാര്‍ക്ക്. എന്നാല്‍ ഇനി ഇത്തരം പ്രശ്‌നങ്ങളെ ചെമ്പരത്തി കൊണ്ട് നമുക്ക് ഇല്ലാതാക്കാം. ചെമ്പരത്തിയും കറ്റാര്‍ വാഴയും ഇട്ട് മുടി കഴുകിയാല്‍ ഇത് ഇത്തരം പ്രശ്‌നങ്ങളെയെല്ലാം പരിഹരിയ്ക്കുന്നു.

a tasty Kozhikkod Chicken Biriyani recipe
Posted by
12 November

രുചിയില്‍ കേമം ഈ കോഴിക്കോടന്‍ ചിക്കന്‍ ബിരിയാണി

കോഴിക്കോടന്‍ വിഭവങ്ങളെല്ലാം തന്നെ രുചിയുടെ കാര്യത്തില്‍ മുമ്പില്‍ നില്‍ക്കുന്നതാണ്. നോണ്‍വെജ് വിഭവങ്ങളുടെ കാര്യത്തിലെ മുമ്പനാണ് ചിക്കന്‍ ബിരിയാണി. അപ്പോള്‍ കോഴിക്കോടിന്റെ പാരമ്പര്യവും ബിരിയാണിയുടെ രുചിയും ചേരുന്ന ഒരു അത്യുഗ്രന്‍ വിഭവമായ കോഴിക്കോടന്‍ ബിരിയാണിയുടെ രുചി വൈവിധ്യം പറഞ്ഞറിയിക്കേണ്ടതില്ലല്ലോ. രുചിച്ച് തന്നെ അറിയാം.
എങ്ങനെയാണ് കോഴിക്കോടന്‍ ബിരിയാണി ഉണ്ടാക്കാമെന്ന് നോക്കാം.

ആവശ്യമായ വസ്തുക്കള്‍:

1.ബസ്മതി അരി – ഒരു കിലോ

2.നെയ്യ് – 250 ഗ്രാം

3.ഗ്രാമ്പൂ – നാല്malabar chicken biriyani

4.കറുക പട്ട -ചെറുതാക്കിയ നാല് കഷണങ്ങള്‍

5.ഏലക്ക – 3 എണ്ണം

6.അണ്ടിപ്പരിപ്പ് -10 എണ്ണം

7.കിസ്മിസ് – ഒരു വലിയ സ്പൂണ്‍

8.സവാള – അര കപ്പ് കനം കുറഞ്ഞു അരിഞ്ഞത്

9.വെള്ളം -ആവശ്യത്തിന്

10.ഉപ്പ് – പാകത്തിന്

11.കോഴി ഇറച്ചി – ഒരു കിലോ

12.പച്ചമുളക് – 100ഗ്രാം

13.ഇഞ്ചി വെളുത്തുള്ളി പേസ്റ്റ് – രണ്ടു വലിയ സ്പൂണ്‍

14.മല്ലിയില ,പുതിനയില ഇവ ചെറുതായി അരിഞ്ഞത് – മൂന്ന് ടേബിള്‍സ്പൂണ്‍

15.നാരങ്ങ നീര് – രണ്ടു വലിയ സ്പൂണ്‍

16.കസ് കസ്(പോപ്പി സീഡ് ) – രണ്ടു ടേബിള്‍സ്പൂണ്‍(വെള്ളത്തില്‍ പത്ത് മിനുട്ട് കുതുര്‍ത്ത് വെക്കുക ,പിന്നീട് പേസ്റ്റ് ആക്കുക )

17.തൈര് – ഒരു കപ്പ്

18. ഏലക്ക -6

ജാതിക്ക -കാല്‍ കഷണം

ജാതിപത്രി -ഒരു വലിയ സ്പൂണ്‍

ഗ്രാമ്പൂ -4
പട്ട -1

പെരുംജീരകം-ഒരു വലിയ സ്പൂണ്‍ ( ഇവ നന്നായി പൊടിച്ചെടുക്കുക. ഇതാണ് ബിരിയാണി മസാല കൂട്ട്)

19.മുട്ട പുഴുങ്ങിയത് – രണ്ട്

20.ഉപ്പ് – പാകത്തിന്

21.കോഴി കഷണങ്ങള്‍ മാരിനറ്റ് ചെയ്യുവാന്‍

മഞ്ഞള്‍ പൊടി – അര ടി സ്പൂണ്‍

മുളക് പൊടി – ഒരു ടി സ്പൂണ്‍

ഉപ്പ് – പാകത്തിന്

22.കറി വേപ്പില _ഒരു തണ്ട്

23.മല്ലിയില അരിഞ്ഞത് – കുറച്ചു

തയ്യാറാക്കുന്ന വിധം

* ചിക്കന്‍ മഞ്ഞള്‍ ,മുളക് പൊടി, ഉപ്പ് ഇവ തേച്ച് പിടുപ്പിച്ചു അര മണിക്കൂര്‍ മാറ്റി വെക്കുക.(ഫ്രിഡ്ജില്‍ വെക്കുന്നതാണ് നല്ലത് )

* ബിരിയാണി അരി നെയില്‍ വറുത്തു ശേഷം ആവശ്യമായ ഉപ്പും വെള്ളവും കറുക പട്ടയും ഏലക്ക,ഗ്രാമ്പൂവും ചേര്‍ത്ത് തിളപ്പിക്കുക. (ഒരു കപ്പ് അരിക്ക് രണ്ടു കപ്പ് വെള്ളം എന്ന കണക്കില്‍ ).

* അരി പകുതി വേവാകുമ്പോള്‍ വാര്‍ത്തെടുതത് ഒരു പരന്ന പത്രത്തില്‍ നിരത്തി തണുക്കാന്‍ വെക്കുക .

ഒരു പാനില്‍ നെയ്യ് ചൂടാക്കി അതില്‍ അണ്ടിപ്പരിപ്പ്,കിസ്മിസ് ഇവ വറുത്തു കോരുക .

* അതെ നെയ്യില്‍ തന്നെ പകുതി സവാള നല്ല കരുകരുപ്പായി വറക്കുക. മാറ്റി വെച്ച ശേഷം ആവശ്യമെങ്കില്‍ കുറച്ചു നെയ്യ് കൂടി ചേര്‍ത്ത് മരിനറ്റ് ചെയ്ത ചിക്കന്‍ വറുത്തു മാറ്റുക. (മൊരിയേണ്ട ആവശ്യമില്ല )

* അതേ നെയ്യില്‍ ബാക്കി സവാള വഴറ്റുക .ഈ നെയ്യ് പിന്നിട് ആവശ്യമായി വരും .

* ഒരു ബിരിയാണി ചെമ്പില്‍ അല്പം നെയ്യ് ഒഴിച്ച് അതില്‍ സവാള വഴട്ടിയത് ,കോഴിയിറച്ചി,ഇഞ്ചി വെളുത്തുള്ളി പേസ്റ്റ്, മല്ലി -പുതിനയില പേസ്റ്റ്, നാരങ്ങ നീര് ,കറി വേപ്പില ,മല്ലി അരച്ചത് ,പോപ്പി സീഡ് അരച്ചത് ,തൈര് ,ബിരിയാണി മസാല പൊടിച്ചതില്‍ പകുതി, പാകത്തിന് ഉപ്പും ചേര്‍ത്ത് നല്ലവണ്ണം യോജിപ്പിക്കണം. ഇതു ചെറിയ തീയില്‍ വേവാന്‍ അനുവദിക്കുക. ചിക്കന്‍ പാകത്തിന് വെന്തു കഴിയുമ്പോള്‍ തീ അണക്കുക.

* ഇതിനു മുകളില്‍ വെന്ത ചോറില്‍ പകുതി നിരത്തുക .

* ഇതിനു മീതെ വറുത്തു കോരിയ സവാള ,അണ്ടിപ്പരിപ്പ്,എന്നിവയും ബാക്കി ബിരിയാണി മസാല പൊടിയും വിതറുക. ഇതിനു മീതെ ബാകി ചോറ് നിരത്തുക . സവാള വഴറ്റിയ നെയ്യ് ഇതിനു മുകളില്‍ ഒഴിക്കുക .

* ചെമ്പ് ,അടപ്പ് കൊണ്ട് അടക്കുക. ആവി പുറത്തു പോകാതിരിക്കാന്‍ വേണ്ടി അടപ്പിന് ചുറ്റും മൈദാ മാവ് കുഴച്ചു ഒട്ടിക്കുക. 15 മിനുട് വേവിക്കുക (150 ഡിഗ്രി സെല്‍ഷ്യസ്).(അടുപ്പിലാണ്‌നെങ്കില്‍ പത്തോ പന്ത്രണ്ടോ ചിരട്ട കത്തിച്ചു ആ തീയില്‍ 15 മിനുട് വേവിച്ചു പിന്നീട് തീ അണച്ച് ആ കനലില്‍ മുക്കാല്‍ മണിക്കൂര്‍ വെക്കണം ).

* ഇതിനുശേഷം അടപ്പ് തുറന്നു എല്ലാം കൂടി ഇളക്കി മുകളില്‍ മുട്ട പുഴുങ്ങി യതും മല്ലിയിലയും തൂവി ചൂടോടു കൂടി ഉപയോഗിക്കാം.

* തൈര് -ഉള്ളി സലാഡ് ,നാരങ്ങ അച്ചാര്‍,പപ്പടം എന്നിവ ഈ ബിരിയാണിയുടെ സൈഡ് ഡിഷ് ആയി കഴിക്കാവുന്നതാണ്

tomato for beauty
Posted by
12 November

സൗന്ദര്യം കൂട്ടാന്‍ തക്കാളി മതി

ചര്‍മസംരക്ഷണത്തിന് പ്രകൃതിദത്ത മാര്‍ഗങ്ങള്‍ പലതുണ്ട്. ഇതിലൊന്നാണ് തക്കാളി. നല്ലൊരു ഭക്ഷ്യവിഭവമെന്നതിലുമുപരിയായി സൗന്ദര്യവര്‍ദ്ധനവിനു സഹായിക്കുന്നൊരു വസ്തുവാണ് തക്കാളി. തക്കാളിയുടെ നീര് മുഖത്തു പുരട്ടുന്നതു കൊണ്ട് ധാരാളം പ്രയോജനങ്ങളുണ്ട്.

ചര്‍മത്തിലെ സുഷിരങ്ങള്‍ക്കു വലിപ്പം കൂടുന്നത് നല്ലതല്ല. ഇത് ചര്‍മത്തില്‍ ചെളി അടിഞ്ഞു കൂടുവാന്‍ കാരണമാകും. തക്കാളിയുടെ നീര് മുഖത്തു പുരട്ടുന്നത് ചര്‍മസുഷിരങ്ങള്‍ ചെറുതാകാന്‍ കാരണമാകും.
തക്കാളി നീര് മുഖക്കുരുവിനുള്ളൊരു പരിഹാരം കൂടിയാണ്. തക്കാളി നീര് മുഖത്തു പുരട്ടി 20 മിനിറ്റു കഴിയുമ്പോള്‍ കഴുകിക്കളയാം. ഇത് മുഖക്കുരുവിനുള്ള നല്ലൊരു പരിഹാരമാണ്. വേനല്‍ക്കാലത്ത് പുറത്തിറങ്ങിയാല്‍ വെയിലേറ്റ് ചര്‍മം കരുവാളിയ്ക്കാനുള്ള സാധ്യത കൂടുതലാണ്. തക്കാളിയുടെ നീര് മുഖത്തു പുരട്ടുന്നത് കരുവാളിപ്പു കുറയ്ക്കും.

സണ്‍ടോന്‍ അകറ്റുന്നതിനും ചര്‍മത്തിലുണ്ടാകുന്ന ഡാര്‍ക് സ്‌പോട്‌സിന്റെ നിറം കുറയ്ക്കുന്നതിനും തക്കാളി നീര് നല്ലതാണ്. ചര്‍മം വൃത്തിയാക്കാനുള്ള ഒരു സ്വാഭാവിക ക്ലെന്‍സറാണ് തക്കാളി നീര്. ഇത് മുഖത്തു പുരട്ടുന്നത് ചര്‍മം വൃത്തിയാക്കാന്‍ സഹായിക്കും. മുഖചര്‍മത്തിന് തിളക്കം നല്‍കാനും തക്കാളിയുടെ നീര് നല്ലതു തന്നെ. ഇതിന് ബ്ലീച്ചിംഗ് ഇഫക്ടുമുണ്ട്.

 gooseberry for healthy
Posted by
11 November

വെറുംവയറ്റില്‍ ഒരു സ്പൂണ്‍ നെല്ലിക്കാ ജ്യൂസ്

നെല്ലിക്കയ്ക്കു കയ്പ്പാണു രുചിയെങ്കിലും ആരോഗ്യത്തിന് ഏറെ ഉത്തമമാണിത്. ആരോഗ്യത്തിനു മാത്രമല്ല, സൗന്ദര്യത്തിനും ചര്‍മത്തിനുമെല്ലാം ഒരുപോലെ ഗുണം ചെയ്യുന്ന ഒന്ന്. നെല്ലിക്കയിലെ വൈറ്റമിന്‍ സി തന്നെയാണ് ഏറ്റവും ഗുണകരമായ ഒന്ന്. നെല്ലിക്കയുടെ ഗുണങ്ങള്‍ ഉള്ളിലെത്താനുള്ള ഒരു എളുപ്പവഴിയാണ് നെല്ലിക്കാജ്യൂസ് കുടിയ്ക്കുന്നത്. അതും വെറുംവയറ്റില്‍ രാവിലെ തന്നെ.

ഒരു സ്പൂണ്‍ നെല്ലിക്കാജ്യൂസ് രാവിലെ വെറുംവയറ്റില്‍ കുടിയ്ക്കണമെന്നു പറയുന്നതെന്തുകൊണ്ടെന്നറിയൂ,
ശരീരത്തിന്റെ പ്രതിരോധശേഷി വര്‍ദ്ധിപ്പിയ്ക്കുന്നതിനുള്ള നല്ലൊരു വഴിയാണിത്. ഇതുകൊണ്ടുതന്നെ ഒരു സ്പൂണ്‍ നെല്ലിക്കാജ്യൂസ് വെറുംവയറ്റില്‍ കുടിയ്ക്കുന്നത് അസുഖങ്ങളെ അകറ്റും. ഇതിലെ വൈറ്റമിന്‍ സിയാണ് ഗുണം ചെയ്യുന്നത് .ആര്‍ബിസി തോത് വര്‍ദ്ധിപ്പിയ്ക്കാനുള്ള നല്ലൊരു വഴിയാണിത്. നെല്ലിക്കയിലെ അയണാണ് ഈ ഗുണം നല്‍കുന്നത്. വിളര്‍ച്ച പോലുള്ള പ്രശ്‌നങ്ങള്‍ക്ക് നല്ല മരുന്ന്.

tips for enhance students memory power
Posted by
10 November

പഠിച്ചതെല്ലാം മറക്കുന്നുണ്ടോ? ഇതാ ഒരു ലളിത പരിഹാരം

-ഫഖ്‌റുദ്ധീന്‍ പന്താവൂര്‍

പരീക്ഷക്ക് എല്ലാം പഠിച്ചാണ് ഹിബമോള്‍ പോയത്. ചോദ്യപേപ്പര്‍ കൈയില്‍ കിട്ടിയപ്പോള്‍ ഒന്നും ഓര്‍മ വരുന്നില്ല. കൈ കാലുകള്‍ തളരും പോലെ.. കണ്ണുകളില്‍ സങ്കടം കടലോളം.. മറ്റുള്ളവരൊക്കെ എഴുതിത്തുടങ്ങി.. എല്ലാം പഠിച്ച ചോദ്യങ്ങള്‍ തന്നെ.. എന്നിട്ടും മറന്നു പോയി ..

ഹിബമോളുടെ അനുഭവം ഒറ്റപ്പെട്ട ഒന്നല്ല. പഠിച്ചതെല്ലാം മറന്നു പോകുന്നു എന്ന് പരാതിപ്പെടാത്ത മക്കളുണ്ടാവില്ല. എന്താണ് ഇതിനൊരു പോംവഴി.
ചിലര്‍ ചീത്ത പറഞ്ഞ് പരിഹാരം കാണാന്‍ ശ്രമിക്കും..വിജയിക്കില്ല, ചിലര്‍ മരുന്ന് വാങ്ങി നല്‍കും, കാര്യമില്ല. രക്ഷിതാക്കളുടെയും അധ്യാപകരുടെയും ഏറ്റവും വലിയ ആശങ്ക കുട്ടികളുടെ ഈ മറവിയെക്കുറിച്ചാണ്. ഒന്ന് ശ്രമിച്ചാല്‍ ഇത്തരം മറവികള്‍ മാറ്റിയെടുക്കാം.

പഠിച്ചത് മറന്നു പോകുന്നത് പല കാരണങ്ങളിലാണ്. ഭയം ഒരു കാരണമാണ്. പരീക്ഷാപേടിമൂലം പഠിച്ചതൊന്നും പരീക്ഷാ ഹാളില്‍ ഓര്‍മയില്‍ വരില്ല. ക്ലാസ് റൂമില്‍ അധ്യാപകന്‍ ചോദ്യം ചോദിച്ചാല്‍ ഭയം മൂലം അറിയുന്ന ഉത്തരങ്ങള്‍ പോലും മറന്ന് പോകും. പരീക്ഷ പേടിക്കേണ്ട ഒന്നല്ല എന്ന് കുട്ടികളെ ബോധ്യപ്പെടുത്താന്‍ രക്ഷിതാക്കള്‍ക്കും അധ്യാപകര്‍ക്കും കഴിയണം. ഇവിടെ ഭയം മനസ്സില്‍ നിന്ന് മാറ്റിയാല്‍ ഓര്‍മക്കുറവും മാറിക്കിട്ടും.

അമിത സമ്മര്‍ദ്ധവും മറവിക്ക് കാരണമാകാറുണ്ട്. നന്നായി പഠിക്കുന്ന കുട്ടികളിലാണ് ഇത്തരം മറവികള്‍ കണ്ട് വരുന്നത്. അധ്യാപകരും രക്ഷിതാക്കളും അടിച്ചേല്‍പ്പിക്കുന്ന അമിത സമ്മര്‍ദ്ധം മൂലം പലപ്പോഴും നിര്‍ണ്ണായക ഘട്ടത്തില്‍ ഇവര്‍ പലതും മറന്ന് പോകുന്നു. കൂള്‍ മനസ്സിലേക്ക് ഇവരെ കൊണ്ട് വന്നാല്‍ പ്രശ്‌നം തീരും.

പഠിച്ചത് മറക്കാതിരിക്കാന്‍ ലളിതമായൊരു മാര്‍ഗമുണ്ട്. അതായത് നമ്മുടെ മനസ്സിന്റെ 10 ശതമാനം മാത്രമാണ് ബോധമനസ്. ബാക്കി 90 ശതമാനം ഉപബോധ മനസ്സാണ്. പഠിക്കുന്നത് ഉപബോധ മനസ്സില്‍ എത്താതിരിക്കുമ്പോഴാണ് മറവി സംഭവിക്കുക. മനസ്സിലാക്കുക എന്നാല്‍ മനസ്സിലേക്ക് ആക്കുക എന്നാണ് അര്‍ത്ഥം .എന്ന് വെച്ചാല്‍ ഉപബോധ മനസ്സിലേക്ക് ആക്കുക എന്ന്. മനസ്സിലായി എന്നാല്‍ മനസ്സിലേക്ക് ആയി എന്നാണ് അര്‍ത്ഥം. അതായത് ഉപബോധ മനസ്സിലേക്ക് ആയി എന്ന്.

ഇമേജുകളും ഇമോഷനലുകളും (വികാരങ്ങള്‍) വേഗത്തില്‍ ഉപബോധമനസ്സില്‍ സ്ഥാനം പിടിക്കും. പഠനങ്ങള്‍ ആ രീതിയില്‍ കൊണ്ട് പോവുക .ഒരേസമയം ബോധ മനസ്സ് കൊണ്ട് ഒരു കാര്യം മാത്രമാണ് ചെയ്യാനൊക്കുക. ചെയ്യുന്ന കാര്യത്തില്‍ / പഠിക്കുന്ന കാര്യത്തില്‍ ശ്രദ്ധ അതിലേക്ക് മാത്രമാവുക .അപ്പോഴത് ഉപബോധ മനസ്സ് പിടിച്ചെടുക്കും . ഫലമോ മറക്കില്ല .ഇനി അഥവാ പൊടുന്നനെ മറന്നാല്‍ തന്നെ ഒന്ന് ഓര്‍ക്കുമ്പോഴേക്കും അത് ഓര്‍മയില്‍ തെളിഞ്ഞ് വരും.

പലരും പഠിക്കും. പക്ഷെ പഠന രീതി ശരിയായ രീതിയില്‍ അല്ലാത്തതിനാല്‍ മറവി വരും. പഠിച്ചത് വിഷ്വല്‍ ചെയ്തും എഴുതി ശീലിച്ചും മനസ്സില്‍ ഉറപ്പിച്ച് നിര്‍ത്തണം. ജോലിയിലാണെങ്കിലും പഠനത്തിലാണെങ്കിലും ചെയ്യുന്ന കാര്യങ്ങള്‍ അതിലേക്ക് മാത്രം ശ്രദ്ധയോടെ ചെയ്യാന്‍ ശീലിക്കണം. എങ്കില്‍ വലിയ വിജയങ്ങള്‍ തീര്‍ച്ച. മറവിയും പമ്പ കടക്കും.

ഓര്‍മ്മ വര്‍ധിക്കാന്‍ ഒരു സൂത്രമുണ്ട് .രാത്രിയില്‍ ഉറങ്ങാന്‍ കിടക്കും നേരം അല്‍പ്പനേരം അന്നത്തെ പകലിലെ സംഭവങ്ങള്‍ ഓര്‍ത്തെടുക്കുക. രാവിലെ ഉണര്‍ന്നതു മുതല്‍ കിടക്കാന്‍ വന്നതുവരെയുള്ള നിമിഷങ്ങള്‍ മനസ്സില്‍ ഓര്‍ത്തെടുക്കുക. ഇത് 21 ദിവസം തുടര്‍ച്ചയായി ചെയ്യണം. ആദ്യ ദിവസങ്ങളില്‍ ഒരു പകനുഭവങ്ങള്‍ മൂന്ന് മിനിറ്റില്‍ അവസാനിക്കും. ആത്മാര്‍ത്ഥതയോടെ ചെയ്താല്‍ വരും ദിവസങ്ങളില്‍ ഓര്‍മയുടെ സമയ ദൈര്‍ഘ്യം വര്‍ധിക്കുന്നതായി കാണും. വളരെ ചെറിയ നിമിഷങ്ങളെ പോലും ഇങ്ങനെ ഓര്‍ത്തെടുത്ത് പരിശീലിക്കുക. മറവി തോറ്റ് പോകും.

(മാധ്യമപ്രവര്‍ത്തകനും, അധ്യാപകനും, ഹിപ്‌നോട്ടിക്ക് കൗണ്‍സിലറും, മൈന്റ് കണ്‍സള്‍ട്ടന്റുമാണ് ലേഖകന്‍. 9946025819)