eyelashes
Posted by
30 October

കണ്‍ പീലിയ്ക്ക് നീളം കുറവോ, പരിഹാരം ഉടന്‍

നല്ല കൂമ്പിയ താമരമൊട്ട് പോലുള്ള കണ്ണുകള്‍ എല്ലാ സ്ത്രീകളുടേയും ആഗ്രഹമാണ്. എന്നാല്‍ പലര്‍ക്കും ആഗ്രഹത്തിനനുസരിച്ച് അത്തരത്തിലൊരു സൗന്ദര്യം ലഭിക്കണം എന്നില്ല. കാരണം പലപ്പോഴും കണ്‍പീലികള്‍ തന്നെയാണ് പ്രശ്‌നം. കണ്ണ് സുന്ദരമാകാന്‍ കണ്‍പീലികളും വലിയൊരു പങ്കാണ് വഹിയ്ക്കുന്നത്. കണ്‍പീലികള്‍ക്ക് നീളം വര്‍ദ്ധിപ്പിക്കാന്‍ സഹായിക്കുന്ന ചില പൊടിക്കൈകള്‍ ഉണ്ട്.

നീളമുള്ള കണ്‍പീലികള്‍ ലഭിയ്ക്കുന്നതിനായി മസ്‌കാര പുരട്ടുന്നതിനു മുന്‍പ് നിങ്ങള്‍ പ്രൈമര്‍ ഉപയോഗിക്കുക. ഇത് കണ്‍പീലികള്‍ക്ക് നീളം വര്‍ദ്ധിപ്പിക്കാന്‍ കാരണമാകും.കണ്‍പീലി കൂടുതല്‍ സമയം ഭംഗിയായി ഇരിയ്ക്കുന്നതിന് ഐലാഷ് കേളര്‍ ഉപയോഗിക്കാം. എന്നാല്‍ ഡ്രൈയര്‍ ഉപയോഗിച്ച് ഇത് ചൂടാക്കിയതിനു ശേഷം മാത്രം ഉപയോഗിക്കുക. കണ്‍പീലി നല്ല രീതിയില്‍ ചീകി ഭംഗിയാക്കാം. ഇത് പരസ്പരം കൂടിച്ചരുന്ന കണ്‍പീലികളെ വേര്‍പെടുത്തും.

ബേബി പൗഡര്‍ ട്രിക്ക് മസ്‌കാര പുരട്ടുന്നതിനു മുന്‍പ് അല്‍പം ബേബി പൗഡര്‍ കണ്‍പീലിയില്‍ പുരട്ടാം. ഇതിനു ശേഷം മസ്‌കാര പുരട്ടാം. ഇത് കണ്‍പീലിയ്ക്ക് കട്ടി കൂടുതല്‍ തോന്നിയ്ക്കാന്‍ കാരണമാകും.
കണ്‍പീലിയുടെ വളര്‍ച്ചയ്ക്ക് ആവണക്കെണ്ണ ഉപയോഗിക്കാം. ഒരു ബ്രഷ് അല്ലെങ്കില്‍ പഞ്ഞി ഉപയോഗിച്ച് ആവണക്കെണ്ണ കണ്‍പീലിയുടെ മുകളില്‍ തേച്ച് പിടിപ്പിക്കാം. രാവിലെ എഴുന്നേറ്റ് തണുത്ത വെള്ളത്തില്‍ മുഖം കഴുകാം.അല്‍പം നാരങ്ങയുടെ തൊലി ഉണക്കിപ്പൊടിച്ച് ഒലീവ് ഓയിലോ ആവണക്കെണ്ണയോ മിക്‌സ് ചെയ്ത് കണ്‍പീലിയില്‍ ഉപയോഗിക്കാം. ഇത് കണ്‍പീലിയുടെ വളര്‍ച്ചയ്ക്ക് വളരെയധികം സഹായിക്കും.

Sweet corn chicken soup recipe
Posted by
30 October

ആരോഗ്യപ്രദവും രുചികരവും ഈ സ്വീറ്റ് കോണ്‍ ചിക്കന്‍ സൂപ്പ്

ആരോഗ്യ കാര്യങ്ങളില്‍ ഏറെ ശ്രദ്ധ ചെലുത്തുന്നവര്‍ക്ക് ഭക്ഷണത്തില്‍ നിന്നും ഒഴിച്ചുകൂടാനാവാത്ത ഒന്നാണ് സൂപ്പ്. ആരോഗ്യസംരക്ഷണത്തിന് വളരെയേറെ സഹായകരമാണ് സൂപ്പുകള്‍. ഗര്‍ഭിണികള്‍ക്കും ആരോഗ്യ പുഷ്ടിക്കായി വര്‍ക്ക് ഔട്ട് ചെയ്യുന്നവര്‍ക്കും ക്ഷീണമകറ്റാന്‍ വളരെ നല്ലതാണ് ഈ സൂപ്പ്. അതുകൊണ്ട് തന്നെ രുചികരമായ ഒരു സ്വീറ്റ് കോണ്‍ ചിക്കന്‍ സൂപ്പ് ആയാലോ ഇന്ന്. എല്ലാവര്‍ക്കും ഇഷ്ടമാവുന്ന ഒരു ഉഗ്രന്‍ സൂപ്പ്.

സ്വീറ്റ് കോണ്‍ ചിക്കന്‍ സൂപ്പ് തയ്യാറാക്കുന്ന വിധം:

ചിക്കന്‍ സ്റ്റോക്ക് ക്യൂബ് 2 കപ്പ് വെള്ളത്തില്‍ തിളപ്പിക്കുക..
അതിലേക്ക് ഫ്രോസണ്‍ സ്വീറ്റ് കോണ്‍ ഒരു കപ്പ് ചേര്‍ക്കുക..
തിളച്ചു വരുമ്പോള്‍ ഒരു സ്പൂണ്‍ കോണ്‍ഫ്‌ളോറു വെള്ളത്തില്‍ കട്ടിയായി കലക്കി ഒഴിക്കുക..
പിന്നീട് ബോണ്‍ലൈസ് ചിക്കന്‍ കഷ്ണങ്ങള്‍ വേവിച്ചു ചെറുതായി പിച്ചി കീറി ഇടുക. ഇതിലേക്ക് 2 മുട്ട വെള്ള ബീറ്റ് ചെയ്തത് പതിയെ ഒഴിച്ച് ഇളക്കി വാങ്ങുക. പിന്നീട് രുചിക്കനുസരിച്ച് ചൂടോടെ ഉപ്പും കുരുമുളകും ചേര്‍ത്ത് ഭക്ഷണത്തോടൊപ്പം വിളമ്പാം.

Coconut water
Posted by
29 October

വെളുപ്പു നല്‍കും വിദ്യകള്‍ തേങ്ങാവെള്ളത്തിനറിയാം

കറുപ്പിന് ഏഴ് അഴകെന്നത് കവിഭാവനയാണ്. വെളുപ്പുനിറം തന്നെയാണ് ബഹുഭൂരിപക്ഷത്തിനും താല്‍പര്യമുണ്ടാവുക. ഇതുകൊണ്ടാണ് വെളുക്കാനായി കയ്യില്‍ കിട്ടുന്ന ക്രീമുകള്‍ വാരിപ്പൊത്തുന്നതും. ഇത്തരം കൃത്രിമവഴികള്‍ക്കു പുറകെ പോയി കാശു കളയണമെന്നില്ല, നമ്മുടെ പ്രകൃതി തന്നെ പല വഴികളും നിര്‍ദേശിയ്ക്കുന്നുണ്ട്.

തേങ്ങാവെള്ളമാണ് ഇതിനുള്ള വളരെ സുരക്ഷിതമായ, ഫലപ്രദമായ ഒരു മാര്‍ഗം.

കുക്കുമ്പര്‍ തുല്യ അളവില്‍ കുക്കുമ്പര്‍ ജ്യൂസ്, തേങ്ങാവെള്ളം എന്നിവ കലര്‍ത്തുക. ഇത് 5 മിനിറ്റ് റെഫ്രിജറേറ്ററില്‍ വയ്ക്കണം. പിന്നീടു പുറത്തെടുത്ത് പഞ്ഞി മുക്കി മുഖത്തു പുരട്ടുക. അല്‍പം കഴിഞ്ഞു കഴുകാം. മുഖത്തിന് തിളക്കവും ലഭിയ്ക്കും.
പൈനാപ്പിള്‍ ജ്യൂസ്, തേങ്ങാവെള്ളം എന്നിവ തുല്യഅളവിലെടുക്കുക. ഇതു മുഖത്തു പുരട്ടി അല്‍പം കഴിയുമ്പോള്‍ പച്ചവെള്ളം കൊണ്ടു കഴുകുക.

മുള്‍ത്താണി മിട്ടി, തേന്‍ എന്നിവയെടുത്ത് ഇത് തേങ്ങാവെള്ളത്തില്‍ കലക്കി മുഖത്തു പുരട്ടുക. ഇടയ്ക്കിടെ ഉണങ്ങിപ്പോകാതെ വെള്ളം തളിയ്ക്കുക. 15 മിനിറ്റു കഴിഞ്ഞ് കഴുകിക്കളയാം.

news story about extra marital affairs
Posted by
28 October

അവിഹിത ബന്ധങ്ങളില്‍ ജീവിതം സുഖിക്കുന്നവര്‍ മനോരോഗികള്‍

ഫഖ്‌റുദ്ധീന്‍ പന്താവൂര്‍

ഹിതവും അവിഹിതവും തീരുമാനിക്കുന്നത് മനസ്സാക്ഷിയാണ്. ചുറ്റുമുള്ള സമൂഹം ചിലതിനെയൊക്കെ ഇത്തരത്തില്‍ വിഭജിച്ച് നിര്‍ത്താറുണ്ട്. എന്നിട്ട് ആ സര്‍ക്കിള്‍ ഭേദിക്കുന്നവരെ സദാചാരത്തിന്റെ വടിയുമായി ആഞ്ഞടിക്കുകയും ചെയ്യും. എല്ലാ സൗകര്യങ്ങളും ലഭിച്ചിട്ടും ദമ്പതികളില്‍ അവിഹിത ബന്ധങ്ങള്‍ വര്‍ധിക്കുന്നത് എന്തു കൊണ്ടാവും. സത്യത്തില്‍ ഇതിനായുള്ള പ്രവണത ഒരു മനോവൈകല്യമാണ്.

ഭര്‍ത്താവ് അറിയാതെ ഭാര്യക്കൊരു സുഹൃത്ത്. ഭാര്യയറിയാതെ ഒരു രഹസ്യ കൂട്ടുകാരി ഭര്‍ത്താവിന്. എല്ലാം ഷെയര്‍ ചെയ്തതിനൊടുവില്‍ ഒരു പക്ഷെ എല്ലാം ഉപേക്ഷിച്ച് അവനോടൊപ്പം/ അവളോടൊപ്പം പോകാനും തയ്യാറാകുന്നു . ഭര്‍ത്താവില്‍ നിന്നും കുടുംബത്തില്‍ നിന്നും ലഭിക്കാത്ത എന്തോ ഒന്ന് കാമുകനില്‍ നിന്ന് ലഭിക്കുന്നുണ്ട് എന്നത് സത്യം .എന്തായിരിക്കുമത്. അത് കണ്ടെത്താന്‍ കഴിഞ്ഞാല്‍ ഈ മനോരോഗം മാറ്റിയെടുക്കാം.

ചില കുടുംബങ്ങള്‍ ഷാജി കൈലാസ് സിനിമകള്‍ പോലെയാണ്. നെടുങ്കന്‍ സയലോഗുകള്‍.. വെടി.. അലര്‍ച്ച.. ബഹളം..പോലിസ്. സംഘട്ടനം. ഇവിടെ പാട്ടില്ല.. പ്രണയമില്ല… പഞ്ചാര വര്‍ത്തമാനമില്ല.. സ്ത്രീ കഥാപാത്രങ്ങള്‍ക്ക് കാര്യമായ റോളില്ല ..
ഇത്തരം കുടുംബങ്ങള്‍ അസംതൃപ്തരുടെ ലോകത്തായിരിക്കും .വിവാഹം കഴിഞ്ഞ് രണ്ട് മൂന്ന് വര്‍ഷങ്ങള്‍ക്ക് ശേഷമാണ് പലര്‍ക്കും കുടുംബ ജീവിതം ഷാജി കൈലാസ് സിനിമ പോലെയാകുന്നത്.

വിവാഹം കഴിഞ്ഞ നാളുകളില്‍ കുടുംബം സത്യന്‍ അന്തിക്കാട് സിനിമകള്‍ പോലെയാണ്. പച്ചപ്പ്.. ഗ്രാമീണതയുടെ ശുദ്ധത.. ലളിതം മനോഹരം .. ഉപദേശങ്ങള്‍ ..അത്യാവശ്യത്തിന് പ്രണയം.. പാട്ട്..കുടുംബത്തോടുള്ള കടപ്പാട്… ഇത്തരം കുടുംബങ്ങള്‍ ചെറിയ പരിഭവങ്ങളും പിണക്കങ്ങളുമായി പതിയെ മുന്നോട്ട് പോകും . ചെറിയൊരളവില്‍ മാതൃകാ ദമ്പതികള്‍ തന്നെയാണിവര്‍. കുറെയെത്തുമ്പോള്‍ ഇവര്‍ ഷാജി കൈലാസ് സിനിമകള്‍ പോലെയാകാന്‍ സാധ്യത കൂടുതലാണ് .സൂക്ഷിക്കണം

ചില കുടുംബങ്ങള്‍ തുടക്കം മുതല്‍ ഒടുക്കം വരെ ലാല്‍ ജോസ് സിനിമ പോലെയാണ്. പാട്ടിന് പാട്ട്.. കളര്‍ഫുള്‍.. പ്രണയത്തിന് ശുദ്ധമായ പ്രണയം.. നല്ല തമാശകള്‍.. ഒടുക്കം വരെ രസിപ്പിക്കുന്ന എല്ലാം. അമിത ഉപദേശങ്ങളില്ല.. തത്വങ്ങള്‍ വിളമ്പി ബോറടിയില്ല.. പഴമയെ അധികം പ്രതിഷ്ഠിക്കില്ല.

ഇത്തരം കുടുംബ ജീവിതങ്ങള്‍ മനോഹരമാണ്. മാതൃകകളാണ്. ഇത്തരം കുടുംബങ്ങള്‍ ഷാജി കൈലാസ് ചിത്രങ്ങള്‍ പോലെ ആകാന്‍ സാധ്യത വിരളമാണ് .എന്നാല്‍ ഇവര്‍ സത്യന്‍ അന്തിക്കാട് സിനിമകള്‍ പോലെയായാല്‍ താളം തെറ്റലുകള്‍ തുടങ്ങും. അതിന് സാധ്യത കൂടുതലാണ് .

ചില കുടുംബങ്ങള്‍ അടൂര്‍ സിനിമകള്‍ പോലെയാണ്. പാട്ടില്ല..പ്രണയമില്ല.. മ്യൂസിക്കില്ല.. സംഭാഷണം തന്നെ കൊള്ളാവുന്നതില്ല.. ഉള്ളത് തന്നെ വല്ലപ്പോഴും .. ചിന്തിച്ച് അര്‍ത്ഥം കണ്ടെത്തേണ്ടതും ആയിരിക്കും .അകലങ്ങളിലേക്ക് കണ്ണും നട്ട് നോക്കിയിരിക്കും..

ഗൗരവപ്രധാനമായ ഇത്തരം കുടംബങ്ങളുടെ മനസ്സിന്റെ ഉള്ളിന്റെയുള്ളില്‍ അസംതൃപ്തിയുടെ അഗ്‌നിപര്‍വതം തന്നെ പുകയുന്നുണ്ടാകും .. അവസരം ഒത്തുവന്നാലത് പൊട്ടിത്തെറിക്കും..

ജീവിതത്തിന്റെ തിരക്കിനിടയില്‍ കുടുംബത്തിന് വേണ്ടി ‘കേള്‍ക്കാന്‍’ സമയം കണ്ടെത്തുക .ചില പരിഭവങ്ങള്‍ കേട്ടാല്‍ മതി … അത് പമ്പകടക്കും. പങ്കാളിയെ അംഗീകരിക്കാന്‍ തയ്യാറാകാതെ വരുമ്പോഴാണ് അവിഹിത ബഡങ്ങളില്‍ രക്ഷകനെ കണ്ടെത്തുന്നത് .

ഭൂമിയിലെ ഏറ്റവും മനോഹരമായ ഇടം കിടപ്പറയാണ്.അവിടെ വേണ്ടത് പ്രണയവും നല്ല സ്വപ്നങ്ങളുമാണ്. അതാണ് ശരിയായ കോവില്‍. മനസ്സ് തുറന്ന് സംസാരിക്കുകയും അല്‍പ്പമൊക്കെ റൊമാന്റിക്കാവുകയും ചെയ്യാന്‍ കഴിയാത്തിടത്തോളം കുടുംബത്തില്‍ സന്തോഷം ഉണ്ടാകില്ല .സന്തോഷം നിങ്ങളുടെ ഉള്ളില്‍ തന്നെയാണ് .അത് കണ്ടെത്തേണ്ടത് നിങ്ങള്‍ തന്നെയാണ്.ഇത് കൊടുക്കാന്‍ കഴിയാതെ വന്നാല്‍ പങ്കാളികള്‍ മറ്റു ബന്ധങ്ങളിലേക്ക് പോകും . തുടക്കം ഒരു കൗതുകവും തമാശയും ആകുമെങ്കിലും പിന്നിടത് മനോ വൈകല്യമായി മാറന്നു . പങ്കാളിയെ വഞ്ചിക്കുന്നതിലുള്ള കുറ്റബോധം വിഷാദ രോഗങ്ങളിലേക്കും എത്തിക്കുന്നു .

സൗഹൃദ ബന്ധങ്ങള്‍ ജീവിതത്തിന് കരുത്ത് പകരുന്നവയാണ് . ജീവിത സംഘര്‍ഷങ്ങള്‍ ലഘൂകരിക്കാന്‍ നല്ലൊരു മാര്‍ഗവുമാണ് .അതെല്ലാം ഹൃദ്യവും സുതാര്യവുമായിരിക്കണം .അതിരുവിട്ട സൗഹൃദ ബന്ധങ്ങള്‍ ചിലപ്പോഴൊക്കെ അവിഹിത ബന്ധങ്ങളിലേക്കെത്തുന്നതായി കാണാറുണ്ട് . ഒന്ന് ഓര്‍ക്കുക എല്ലാം നല്ലതിനാണ് .പക്ഷെ ഒന്നും അമിതമാകരുത് .
ഒന്നും വെറുതെ സംഭവിക്കുന്നതല്ല .കാര്യകാരണങ്ങള്‍ എല്ലാത്തിനുമുണ്ടാകും . വിട്ട് വീഴ്ചക്കും അഡ്ജസ്റ്റുമെന്റിനും പകരം പരസ്പരം മനസ്സ് തുറന്ന് അംഗീകരിക്കുകയും അഭിനന്ദിക്കുകയും ചെയ്തുനോക്കൂ… പങ്കാളികള്‍ അവിഹിത ബന്ധങ്ങളില്‍ കുരുങ്ങി മനോരോഗികള്‍ ആവില്ല. തീര്‍ച്ച

ഫഖ്‌റുദ്ധീന്‍ പന്താവൂര്‍ +91 9946025819

(അധ്യാപകനും, മാധ്യമപ്രവര്‍ത്തകനും , ഹിപ്പ്‌നോട്ടിക്കല്‍ കൗണ്‍സിലറും, മൈന്റ് കണ്‍സള്‍ട്ടന്റുമാണ് ലേഖകന്‍)

use ice for redusing fat
Posted by
28 October

ഐസ് ഉപയോഗിക്കൂ... കുടവയര്‍ കുറയ്ക്കൂ

തണുപ്പു നല്‍കാന്‍ മാത്രമുള്ള ഒരു വസ്തുവല്ല ഐസ്. വേദന കുറക്കാനും ശരീരം മരവിക്കാനുമെല്ലാം നമ്മള്‍ ഐസ് ഉപയോഗിക്കാറുണ്ട്. എന്നാല്‍ ഐസ് തെറാപ്പിയെന്ന ഒരു രീതിയുണ്ട്. ഇത് മൂലം വയറുള്‍പ്പെടെയുള്ള ശരീരഭാഗങ്ങളിലെ തടി കുറയ്ക്കാനും ശരീരത്തിന്റെ ഏതു ഭാഗത്തും അടിഞ്ഞുകൂടിയ കൊഴുപ്പ് കുറയ്ക്കാനും സാധിക്കും. 2000ല്‍ മെക്‌സിക്കോയിലാണ് ഈ രീതി ആദ്യമായി പരിക്ഷിച്ചത്. എങ്ങിനെയാണ് ഐസ് തെറാപ്പി ചെയ്യുകയെന്ന് നോക്കാം. ശരീരത്തിലെ കൊഴുപ്പുള്ള ഭാഗങ്ങളില്‍ ഐസ് ഉപയോഗിച്ചു മസാജ് ചെയ്യുന്ന ലളിതമായ വ്യായാമ രീതിയാണ് ഇത്.

ഇത്തരത്തില്‍ ചെയ്യുന്നത് വയര്‍, തുട, കയ്യ്, കാല്‍, നെഞ്ച്, നിതംബം തുടങ്ങിയ ശരീരത്തിന്റെ പല ഭാഗങ്ങളിലേയും കൊഴുപ്പു കുറയ്ക്കാന്‍ സഹായിക്കും. വയറു കുറയ്ക്കുന്നതിനായി ഐസ് ബാഗോ അല്ലെങ്കില്‍ ഐസിന്റെ ജെല്‍ പായ്‌ക്കോ ആണ് ഉപയോഗിക്കേണ്ടത്. ഇതുപയോഗിച്ച് ഈ ഭാഗത്ത് മസാജ് ചെയ്യുന്നതുമൂലം 300 ശതമാനത്തോളം കൊഴുപ്പ് കുറയുമെന്നാണ് പഠനങ്ങള്‍ സൂചിപ്പിക്കുന്നത്.

പ്രസവശേഷം അയഞ്ഞുതൂങ്ങിയ വയറിന്റെ ചര്‍മം ഇറുക്കമുള്ളതാക്കാനും ഐസ് തെറാപ്പി വളരെ ഉത്തമമാണ്. അതുപോലെ കണ്ണിനടിയിലെ വീര്‍പ്പു കുറയ്ക്കാനും ഐസ് തെറാപ്പിയ്ക്ക് സാധിക്കും.

rise soup
Posted by
27 October

റൈസ് സൂപ്പ് ശീലമാക്കൂ.. ആയുസ്സിന്റെ ദൈര്‍ഘ്യം വര്‍ധിപ്പിക്കൂ

അല്പം കഞ്ഞിവെള്ളത്തില്‍ ഉപ്പിട്ടു കുടിക്കുന്നതിലൂടെ എത്ര വലിയ ക്ഷീണവും പമ്പ കടക്കും എന്നതാണ് സത്യം. നമ്മുടെ ആയുസ്സിന്റെ ദൈര്‍ഘ്യം കൂട്ടാനും കുറയ്ക്കാനും കഞ്ഞിവെള്ളത്തിന് കഴിയുമെന്നാണ് പല പഠനങ്ങളും തെളിയിച്ചിട്ടുള്ളത്. പല തരത്തിലുള്ള ആരോഗ്യ പ്രശ്‌നങ്ങള്‍ക്കും ഉത്തമ പ്രതിവിധി കൂടിയാണ് റൈസ് സൂപ്പ് എന്ന് പേരില്‍ അറിയപ്പെടുന്ന കഞ്ഞിവെള്ളം.

വയറിളക്കം ഛര്‍ദ്ദി എന്നിവ ഉണ്ടാകുന്ന വേളയില്‍ നമ്മുടെ ശരീരത്തിലെ ജലാംശം നഷ്ടപ്പെടാറുണ്ട്. ഈ സമയങ്ങളില്‍ കഞ്ഞിവെള്ളം കുടിക്കുന്നതിലൂടെ ശരീരത്തിലുണ്ടാകുന്ന നിര്‍ജ്ജലീകരണം തടയാന്‍ സാധിക്കുന്നു. മുടി കൊഴിച്ചില്‍, താരന്‍ എന്നിങ്ങനെയുള്ള ശല്യങ്ങള്‍ ഇല്ലാതാക്കുന്നതിനും കഞ്ഞിവെള്ളം ഉപയോഗിക്കുന്നതിലൂടെ സാധിക്കും.

വൈറല്‍ ഇന്‍ഫക്ഷന്‍ തടയുന്നതിനുള്ള ഒരു ഉത്തമ പ്രതിവിധികൂടിയാണ് കഞ്ഞിവെള്ളം
വളരെ നല്ലൊരു കണ്ടീഷണര്‍ കൂടിയാണ് കഞ്ഞിവെള്ളം. കഞ്ഞിവെള്ളത്തില്‍ അല്‍പം ഉപ്പിട്ട് കഴിക്കുന്നതിലൂടെ രക്ത സമ്മര്‍ദ്ദം കുറയ്ക്കുന്നതിനും സാധിക്കും.

ക്യാന്‍സറിനെ തടയുന്നതില്‍ കഞ്ഞിവെള്ളത്തിന് വളരെ വലിയ സ്ഥാനമാണുള്ളത്. കഞ്ഞിവെള്ളത്തില്‍ ധാരാളം പ്രോട്ടീന്‍ അടങ്ങിയിട്ടുണ്ട്. ഈ പ്രോട്ടീനാണ് ക്യാന്‍സര്‍ കോശങ്ങളെ നശിപ്പിക്കുന്നതിന് സഹായകമാകുന്നത്. ദഹന പ്രശ്‌നങ്ങളെ ഇല്ലാതാക്കുന്നതിലും കഞ്ഞിവെള്ളത്തിന് വളരെ നല്ല പങ്കാണ് ഉള്ളത്. കഞ്ഞിവെള്ളം കുടിയ്ക്കുന്നതിലൂടെ വയറില്‍ ബാക്ടീരിയകള്‍ വളരുകയും ആ ബാക്റ്റീരിയകള്‍ ദഹനപ്രശ്‌നങ്ങളെ ചെറുക്കുകയും ചെയ്യുന്നു.

Vietnam Chicken recipe for all
Posted by
26 October

നോണ്‍വെജ് പ്രിയര്‍ക്കായി, രുചിയൂറും വിയറ്റ്‌നാം ചിക്കന്‍ കറി

എന്നും ചിക്കന്‍ കഡായി, ചില്ലി ചിക്കന്‍, അറേബ്യന്‍ ചിക്കന്‍ പരീക്ഷണങ്ങള്‍ എല്ലാം കഴിച്ച് മടുത്ത നോണ്‍വെജ് പ്രിയര്‍ക്കായി ഏറെ വ്യത്യസ്തമായ വിയറ്റ്‌നാം ചിക്കന്‍ കറി. ഒട്ടും സ്‌പൈസി അല്ലാത്തതിനാല്‍ തന്നെ ഈ ചിക്കന്‍ കറി ആരോഗ്യത്തിന് വെല്ലുലവിളി ആവുന്നുമില്ല. ചൈനീസ് വിഭവങ്ഹളെ പോലെ അത്ര കളര്‍ഫുള്‍ അല്ലെങ്കിലും പച്ചക്കറികള്‍ കൊണ്ട് അലങ്കൃതം തന്നെയാണ് ഈ ചിക്കന്‍കറി. പൊതുവെ വിയറ്റ്‌നാം ഭക്ഷണരീതിയില്‍ ചിക്കന് വളരെയധികം പ്രാധാന്യം ഉണ്ട് . അതുപോലെ തന്നെ പച്ചക്കറികള്‍ക്കും പഴവര്‍ഗ്ഗങ്ങള്‍ക്കും പ്രാധാന്യവുമുണ്ട്.

വിയറ്റ്‌നാം പാചകത്തില്‍ ചിക്കന്‍, ബീഫ്, പോര്‍ക്ക് വിഭവങ്ങളില്‍ ഫ്േളവര്‍ ആയി ഫിഷ് സോസ് ആണ് ഉപയോഗിക്കുന്നത്. അതുപോലെ തന്നെ ഇഷ്ടം പോലെ മത്സ്യങ്ങള്‍ ലഭിക്കുന്ന വിയറ്റ്‌നാമിലെ ജനങ്ങള്‍ കടല്‍ വിഭവങ്ങളിലും, സസ്യാഹാരത്തിലും എല്ലാം ഫിഷ് സോസ് ഉപയോഗിക്കുന്നു . നല്ല ഫ്‌ളേവര്‍ എന്നതിനുപരി ഉപ്പ് രുചിക്കായി അവര്‍ ഫിഷ് സോസ് ഉപയോഗിക്കുന്നു.

ഇവിടെ ചോറിനൊപ്പം 4 പേര്‍ക്ക് വിളമ്പാവുന്ന 2 വിയറ്റ്‌നാം വിഭവങ്ങള്‍ പരിചയപ്പെടാം:

1. വിയറ്റ്‌നാം ചിക്കന്‍

ചേരുവകള്‍ തോലില്ലാത്ത മുഴുവന്‍ ചിക്കന്‍ – 1
വെളുത്തുള്ളി- 2 അല്ലി
കാനോല ഓയില്‍- 2 സ്പൂണ്‍
വൈറ്റ് ഷുഗര്‍- 1 സ്പൂണ്‍
ഫിഷ് സോസ്- 1
ലോ സാള്‍ട്ട് സോയാ സോസ്- 1/ 2 കപ്പ്
പച്ച പഴം- 2
ഡയഗണല്‍ ആയി മുറിച്ച ലെമണ്‍ ഗ്രാസ് (അടിഭാഗം 6 ഇഞ്ച് )- 2
പകുതി സ്ലൈസ് ചെയ്ത പൈനാപ്പിള്‍- 4

തയ്യാറാക്കുന്ന വിധം: ഒരു ബൗളില്‍ സോയാബീന്‍ സോസ്, ലെമണ്‍ ഗ്രാസ്, ഫിഷ് സോസ്, ഷുഗര്‍, ഗാര്‍ലിക് എന്നിവയുമായി മിക്‌സ് ചെയ്യുക. ഓയില്‍ ഒരു ബൗളിലും, ചിക്കന്‍ മറ്റൊരു ബൗളിലും എടുക്കുക. ഈ മിശ്രിതം ചിക്കനു മുകളിലേക്ക് ഒഴിച്ച് നന്നായി പിടിപ്പിച്ചു 3 മണിക്കൂര്‍ റഫ്രിജറേറ്ററില്‍ വയ്ക്കുക. നല്ല ഫ്‌ളേവര്‍ കിട്ടാനായി രാത്രി മുഴുവനും റഫ്രിജറേറ്ററില്‍ വയ്ക്കാം. ശേഷം പൈനാപ്പിളും ബനാനയും ഇതിനു പുറത്തേക്കു ഒഴിച്ച് 350 ഡിഗ്രിയില്‍ 30 മിനിറ്റ് ബേക്ക് ചെയ്യുക. തിരിച്ചുവച്ച് വീണ്ടും 30 മിനിട്ടു കൂടി ബേക്ക് ചെയ്യുക. ഇത് 6 പേര്‍ക്ക് കഴിക്കാവുന്ന അത്ര അലവിലുള്ളതാണ്.

ഈ വിഭവം ചൈനീസ് ന്യൂഡില്‍സിന്റെ കൂടെയോ ചോറിന്റെ കൂടെയോ വിളമ്പാം. ഫിഷ് സോസ്, ബാംബൂ ഷൂട്ട്, എള്ള് എന്നിവ ഇതിനു ഏഷ്യന്‍ ഫ്‌ളേവര്‍ നല്‍കുന്നു. ഇവ ഒഴിവാക്കിയാല്‍ സ്പാനിഷ്, അല്ലെങ്കില്‍ ഇറ്റാലിയന്‍ വിഭവമായി മാറും.

രണ്ടാമത്തെ പാചക വിധി പരിചയപ്പെടാം:

ചേരുവകള്‍:

പച്ച ഉള്ളി 1 ഇഞ്ച് കനത്തില്‍- 2
കറുത്ത കുരുമുളക്- 1/ 8
എല്ലും , തോലും മാറ്റിയ ചിക്കന്റെ നെഞ്ച്- 1/ 4 കപ്പു
വെള്ളം- 1/ 2 കപ്പ്
തക്കാളി സോസ്- 1/ 2 സ്പൂണ്‍
വെളുത്തുള്ളി- 1/ 2 സ്പൂണ്‍ ഉപ്പ്- 2 സ്പൂണ്‍
എള്ള്- 2 സ്പൂണ്‍
ഫിഷ് സോസ്- 1/ 2 സ്പൂണ്‍
വെജിറ്റബിള്‍ ഓയില്‍- 2 ഔണ്‍സ്
ബാംബൂ ഷൂട്ട്- 8

തയ്യാറാക്കുന്ന വിധം ചിക്കന്‍ കുരുമുളക്, ഫിഷ് സോസ്, ഓയില്‍, റ്റൊമാറ്റോ സോസ്, വെളുത്തുള്ളി, ഉപ്പ് എന്നിവ ചേര്‍ത്ത് പിടിപ്പിച്ചു 15 മിനിറ്റ് തണുപ്പിക്കുക. ഫ്രയിങ്ങ് പാനില്‍ എണ്ണ ഒഴിച്ച് ഉള്ളി, എള്ള്, ബാംബൂ ഷൂട്ട് എന്നിവ ഇടുക. കുറച്ചു കഴിഞ്ഞതിനു ശേഷം തണുത്ത ചിക്കന്‍ ചേര്‍ക്കുക. വെള്ളം ഒഴിച്ച് 10 മിനിറ്റ് വേവിച്ച് വാങ്ങുന്നതോടെ നാവില്‍ കൊതിയൂറും വിയറ്റ്‌നാം വിഭവങ്ങള്‍ തയ്യാറായിക്കഴിഞ്ഞു.

all divorce will done before marriage ; couples must learn this
Posted by
26 October

വിവാഹ മോചനങ്ങള്‍ നടക്കുന്നത് വിവാഹത്തിന് മുന്‍പ്; ദമ്പതികള്‍ അറിഞ്ഞിരിക്കേണ്ട രഹസ്യം

-ഫഖ്‌റുദ്ധീന്‍ പന്താവൂര്‍

മനോഹരമായാല്‍ സ്വര്‍ഗത്തേക്കാള്‍ സുന്ദരവും പിഴവുകള്‍ പറ്റിത്തുടങ്ങിയാല്‍ നരകത്തേക്കാള്‍ ഭീകരവുമാണ് ദാമ്പത്യം. ചെറിയ കാരണങ്ങള്‍ പോലും വിവാഹമോചനങ്ങളില്‍ അവസാനിക്കുന്ന പ്രവണതകള്‍ വര്‍ധിക്കുകയും ചെയ്യുന്നു. എന്തുകൊണ്ടാണ് പുതിയ കാലത്ത് ദാമ്പത്യ ബന്ധങ്ങള്‍ ദൃഢമാകാതെ പോകുന്നത് ? അല്ലെങ്കില്‍ വിവാഹമോചനങ്ങള്‍ പതിവ് കാഴ്ചയായി മാറുന്നത്.

വിവാഹമോചനങ്ങള്‍ വിവാഹത്തിന് ശേഷമല്ല മുമ്പാണ് സംഭവിക്കുന്നത്. ഓരോ വിവാഹമോചനക്കേസുകളും പഠനവിധേയമാക്കിയാല്‍ ഇത് ബോധ്യമാകും. വിവാഹത്തിന് മുമ്പ് തന്നെ ഓരോരുത്തരും ഓരോ സങ്കല്‍പ്പത്തിലാണ്. ആ സ്വപ്നലോകം ലഭിക്കാതിരുന്നാല്‍ അതാടെ അവസാനിപ്പിക്കും എല്ലാം എന്ന തീരുമാനം പണ്ടേ ഉപബോധ മനസ്സിലേക്ക് നിരന്തരം നല്‍കിയിട്ടുണ്ടാകും. ഉപബോധമനസ്സിലുള്ള ഈ ഇമേജിനേഷന്‍ ബോധ മനസ്സിലേക്ക് വേഗത്തില്‍ സ്വാധിനിക്കും. ഫലമൊ പരസ്പര സഹകരണമോ വിട്ടു വീഴ്ചയോ ഇല്ലാതെ വേര്‍ പിരിയും അത്രതന്നെ…

പരസ്പ്പരം അംഗീകരിക്കാന്‍ കഴിയാത്ത ദമ്പതികളാണ് വിവാഹമോചനങ്ങളില്‍ എത്തുന്നതില്‍ നല്ലൊരു പങ്കും. ഒരു സ്ത്രീ പുരുഷനില്‍ നിന്നാഗ്രഹിക്കുന്നത് സെക്‌സ് അല്ല മറിച്ച് കെയര്‍ ആണ്. കരുത്തുള്ള ഒരു ആണിന്റെ സംരക്ഷണ. അവളുടെ ഹീറോ ആണയാള്‍. അവള്‍ക്ക് നല്ലൊരു കേള്‍വിക്കാരന്‍… സംരക്ഷകന്‍.. ചെറിയ ചെറിയ ആവശ്യങ്ങള്‍ പോലും റൊമാറ്റിക്കായി ചോദിച്ചറിയാന്‍ കഴിയുന്നൊരു സംരക്ഷകന്‍. അതൊക്കെയാണ് ഓരോ ഭാര്യയും മിനിമം ഭര്‍ത്താവില്‍ നിന്നും പ്രതിക്ഷിക്കുന്നത്.

എന്നാല്‍ പലര്‍ക്കും അതിന് കഴിയില്ല. ഫലമോ ദമ്പതികള്‍ക്കിടയില്‍ അസ്വസ്ഥകള്‍ ജനിക്കാന്‍ തുടങ്ങും. പണവും പ്രതാപവും വലിയ വീടും മുന്തിയ ആഡംബര കാറുകള്‍ ഉണ്ടായിട്ടും ഒരു സാധാരണക്കാരന്റെ കൂടെ രക്ഷപ്പെട്ട് പോകുന്ന ഭാര്യമാര്‍ ഉണ്ട്. ഭര്‍ത്താവില്‍ നിന്ന് ലഭിക്കാത്ത എന്തോ ഒന്ന് അപരനില്‍ നിന്ന് ലഭിക്കുന്നത് കൊണ്ടാണത്. അത് കെയര്‍ ആണ്. തിരക്ക് പിടിച്ച ഭര്‍ത്താവിന്റെ ജീവിതത്തിനിടയില്‍ അവള്‍ക്ക് അല്‍പ്പം ആശ്വാസം നല്‍കുന്നത് ആരോ അവന്‍ തന്നെയാണ് അവളുടെ ഹീറോ. അയാളെ സ്വന്തമാക്കാന്‍ അവള്‍ ഒരു പക്ഷെ മക്കളെവരെ ഉപേക്ഷിക്കാന്‍ തയ്യാറാകും. സെക്‌സിനേക്കാള്‍ സ്ത്രീകള്‍ ആഗ്രഹിക്കുന്നത് ഈ സംരക്ഷണം ആണന്ന് ഭര്‍ത്താവ് തിരിച്ചറിഞ്ഞ് അത് നല്‍കാന്‍ തയ്യാറായാല്‍ ഭാര്യയോളം വലിയൊരു മാലാഖ ഭൂമിയിലുണ്ടാകില്ല.

ഭര്‍ത്താവ് ഭാര്യയില്‍ നിന്നാഗ്രഹിക്കുന്നത് സംരക്ഷണം അല്ല, മറിച്ച് സപ്പോര്‍ട്ടിങ്ങ് ആണ്. അയാളുടെ ജീവിതത്തിലെ/ജോലിയിലെ ഓരോ കാര്യങ്ങളിലും സപ്പോര്‍ട്ട് ചെയ്യാന്‍ ഭാര്യക്ക് കഴിഞ്ഞാല്‍ നല്ല ഭര്‍ത്താവിനെ ലഭിക്കും. ഭര്‍ത്താവിനെ അമിതമായി ‘കെയര്‍’ ചെയ്യാന്‍ ശ്രമിക്കുന്ന ചില ഭാര്യമാരുണ്ട്.
ചേട്ടാ ഭക്ഷണം കഴിച്ചോ … ചായ കുടിക്കാന്‍ മറക്കരുത്‌ട്ടോ… വാഹനമോടിക്കുമ്പോള്‍ സൂക്ഷിക്കണേ…
എന്നൊക്കെ ഇടക്കിടെ ഫോണില്‍ വിളിച്ച് ചോദിച്ച് വല്ലാതെ കെയര്‍ ചെയ്യുന്ന ഭാര്യയെ ഒരു ശല്യമായാണ് ഭര്‍ത്താവിന് അനുഭവപ്പെടുക. ഒരോ ബിസിനസ്സില്‍ ഇറങ്ങുമ്പോഴും ധൈര്യം കൊടുക്കാനും സപ്പോര്‍ട്ട് ചെയ്യാനും ഭാര്യക്ക് കഴിഞ്ഞാല്‍ നല്ല ഭര്‍ത്താവിനെ ലഭിക്കും.

നല്ല ഭാര്യയെ ലഭിക്കാത്തത് നിങ്ങള്‍ നല്ല ഭര്‍ത്താവ് അല്ലാത്തത് കൊണ്ടാണ്. നല്ല ഭാര്യയെ ലഭിക്കാത്തത് നിങ്ങളില്‍ അവളെ മനസ്സിലാക്കിയ നല്ലൊരു ഭര്‍ത്താവ് ഇല്ലാത്തത് കൊണ്ടാണ്. അപ്പോള്‍ കുഴപ്പം മറ്റുള്ളവര്‍ക്കല്ല നിങ്ങള്‍ക്കാണ്. നിങ്ങള്‍ ശരിയായാല്‍ ചുറ്റും ശരിയാകും. ഇതാണ് ഓരോ ദമ്പതികളും അറിഞ്ഞിരിക്കേണ്ട രഹസ്യം. സകല്‍പ്പത്തിലെ ഭര്‍ത്താവും ഭാര്യയും കിട്ടിയെന്ന് വരില്ല. കിട്ടിയതിലെ നന്മയെ കണ്ടെത്തുക. അപ്പോള്‍ ജീവിതം മനോഹരമാകും. എല്ലാ ഭര്‍ത്താക്കന്മാര്‍ക്കുമുണ്ട് രണ്ട് ഭാര്യയും, ഭാര്യമാര്‍ക്കെല്ലാം രണ്ട് ഭര്‍ത്താവു. അതായത് യഥാര്‍ത്ഥ ഇണക്ക് പുറമെ സങ്കല്‍പത്തിലെ ഭാര്യ / ഭര്‍ത്താവ് എന്നിവരുമുണ്ട് എന്നര്‍ത്ഥം ..

സത്യത്തില്‍ ഈ സങ്കല്‍പ്പവും യാഥാര്‍ത്യവും തമ്മില്‍ ഒരിക്കലും ഒത്തുപോകുന്നുണ്ടാവില്ല. സങ്കല്‍പ്പത്തിലെ പങ്കാളികള്‍ക്കായി സ്വപ്നം കണ്ടു നടന്നവര്‍ക്ക് കിട്ടിയത് ഒട്ടും സ്വപ്നത്തില്‍ കാണാത്ത ഒന്നിനെയാവും.
സങ്കല്‍പ്പത്തിലെ പങ്കാളിയെ കൈവിടാന്‍ ആരും ഒരുക്കമല്ല. യഥാര്‍ത്ഥ പങ്കാളിയെ സങ്കല്‍പ്പത്തിലെ ഇണയെപ്പോലെയാക്കാന്‍ ശ്രമിക്കുന്നതാണ് നല്ല ദാമ്പത്യം നഷ്ടപ്പെടാന്‍ ഇടയാക്കുന്നത് .യാഥാര്‍ത്ഥ്യങ്ങളെ അംഗീകരിച്ചാല്‍ തീരാവുന്ന പ്രശ്‌നങ്ങളെയുള്ളൂ. പക്ഷെ മിക്കവരും സങ്കല്‍പ്പത്തിലെ ഇണകളില്‍ ജീവിതം ഹോമിക്കുന്നവരാണ് .മുന്നോട്ടുള്ള ജീവിതത്തിന്ന് ചിലതെല്ലാം ഉപേക്ഷിച്ചേ മതിയാകൂ…

ഫഖ്‌റുദ്ധീന്‍ പന്താവൂര്‍
(അധ്യാപകനും, മാധ്യമപ്രവര്‍ത്തകനും, ഹിപ്പ്‌നോട്ടിക്കല്‍ കൗണ്‍സിലറും, മൈന്റ് കണ്‍സള്‍ട്ടന്റുമാണ് ലേഖകന്‍ )

low rates on mri and ct scan in ernakulam ceneram hospital
Posted by
24 October

സ്വകാര്യ ആശുപത്രികളുടെയും ലാബുകളുടേയും കൊള്ളയ്ക്ക് ആശ്വാസമായി എറണാകുളം ജനറല്‍ ആശുപത്രി; എംആര്‍ഐ സ്‌കാനിങ്ങിന് വെറും 1800 മുതല്‍ 3300 വരെ, സിറ്റി സ്‌കാന് 900 മുതല്‍ 1500 വരെ; ഉപയോഗിക്കുന്നത് ഏറ്റവും അത്യാധുനിക സ്‌കാനിംഗ് ഉപകരണങ്ങള്‍

കൊച്ചി; സാധാരണക്കാരായ രോഗികള്‍ക്ക് ആശ്വാസമായി എറണാകുളം ജനറല്‍ ആശുപത്രി. എംആര്‍ഐ സ്‌കാനിങ്ങിനും സിറ്റി സ്‌കാനിങ്ങിനും തുച്ഛമായ നിരക്കുമാത്രം ഈടാക്കിയാണ് ഈ ആശുപത്രി സ്വകാര്യ ലാബുകളിലേയും ആശുപത്രികളളിലേയും കൊള്ളയ്ക്ക് ബദല്‍ ആകുന്നത്.
ആന്തരിക അവയവങ്ങളുടെ പ്രവര്‍ത്തനം അതി സുഷ്മമായി വ്യക്തമാകുന്ന എംആര്‍ഐ സ്‌കാനിങ്ങിനു സ്വകാര്യ ആശുപത്രികള്‍ ഈടാക്കുന്നത് 4000 മുതല്‍ 10000 വരെ ആണ്. ഏറ്റവും അത്യാധുനിക സ്‌കാനിംഗ് ഉപകരണം ഉപയോഗിക്കുന്ന എറണാകുളം ജനറല്‍ ആശുപത്രിയില്‍ ഇതിനു വെറും 1800 മുതല്‍ 3300 വരെ മാത്രം. ഇനി സിറ്റി സ്‌കാനിങ്ങിന്റെ കാര്യം ആണെങ്കില്‍ ഇവുടത്തെ നിരക്ക് 900 മുതല്‍ 1500 വരെ ആണ്.

പുറത്തുള്ള ആശുപത്രിയില്‍ ആണെങ്കില്‍ ഇതിനു 2000 മുതല്‍ 8000 രൂപ വരെ ആണ്. പുറത്തുള്ള ഏതൊരു ആശുപത്രിയില്‍ ഉള്ള രോഗിക്കും ഡോക്ടറുടെ കുറുപ്പുമായി വന്നാല്‍ ഇവിടെ എംആര്‍ഐ സ്‌കാനിംഗ് നടത്താവുന്നതാണ്. പക്ഷെ അതിനു ഒരു 450 രൂപ അധികം അടക്കേണ്ടി വരും.
ഇത്ര കുറഞ്ഞ ചാര്‍ജ് ആയിട്ടും പുറത്തു നിന്നും വളരെ കുറച്ചു രോഗികളെ ഇവിടെ സ്‌കാനിങ്ങിനു വരുന്നുള്ളൂ. എറണാകുളം ആശുപത്രിയില്‍ ഇതുവരെ പുറത്തുനിന്നും വന്ന രോഗികള്‍ 150 താഴെ മാത്രം.

എംആര്‍ഐ സ്‌കാനിംഗ് നിരക്കുകള്‍

തല,സ്‌പൈനല്‍കൊട് : 1800 രൂപ
വയര്‍                                       : 2400
കാല്‍                                         :  2200
നട്ടെല്ല്                                       : 1400 

വലിയ ഓഫറുകള്‍ പ്രഖ്യാപിക്കുന്ന സ്വകാര്യ ലാബുകള്‍ പോലും 4000 രൂപയില്‍ കുറവുള്ള ഒരു സ്‌കാനിങ്ങും ഇല്ല. എന്നിട്ടും വളരെ കുറവ് രോഗികള്‍ മാത്രം. ഇതിന്റെ കാരണം ചില പാവപ്പെട്ട രേഗികളുടെ അറിവില്ലായ്മയും അത് മുതലെടുത്ത് സ്വകാര്യ ലാബുകളെ കൊള്ള ലാഭം കൊയ്യാന്‍ അനുവദിക്കുന്ന ഡോക്ടര്‍മാരും ആണ്. നമ്മുടെ ഇടയില്‍ ഉള്ള സുഹൃത്തുക്കളുടെ പരിചയത്തില്‍ ഇതുപോലെ സ്‌കാനിങ്ങിനായി ബുദ്ധിമുട്ടുന്ന ആരെങ്കിലും ഉണ്ടങ്കില്‍ ആശുപത്രിയും ആയി ബന്ധപെടുക. ഷെയര്‍ ചെയ്യുക നിങ്ങളുടെ സുഹൃത്തുകള്‍ക്കു കൂടി ഉപകാരം ആകട്ടെ

ബന്ധപ്പെടേണ്ട നമ്പര്‍ : 04842367252 , 2870274.
MRI Scanning Radiology department. GENERAL HOSPITAL ERNAKULAM

honey and garlic
Posted by
23 October

അറിയാമോ വെളുത്തുള്ളിയും തേനും ചേര്‍ന്നാല്‍ സംഭവിക്കുന്ന ആരോഗ്യകരമായ മാറ്റം

വെളുത്തുള്ളിയും തേനും ചേര്‍ന്നിട്ടുള്ള ഭക്ഷണങ്ങള്‍ക്ക് ധാരാളം ഔഷധ ഗുണങ്ങള്‍ ഉണ്ട്. ആരോഗ്യസംരക്ഷണത്തിനായി ആയുര്‍വേദത്തിലെ പല മരുന്നുകളിലും ഇവ ഉപയോഗിക്കുകയും ചെയ്യുന്നു. എങ്കിലും വെളുത്തുള്ളിയും തേനും ദൈനം ദിന ആഹാരത്തിന്റെ ഭാഗമാക്കി ഉള്‍പെടുത്തുവാന്‍ കഴിയുമോ?

വെളുത്തുള്ളിയുടെ ഔഷധ ഗുണങ്ങള്‍ രക്തസമ്മര്‍ദ്ധവും കൊളസ്‌ട്രോളും കുറയ്ക്കുന്നതോടോപ്പം ഹൃദ്രോഗങ്ങളെ അകറ്റി നിര്‍ത്തുവാനുമുള്ള കഴിവ് വെളുത്തുള്ളിയ്ക്കുണ്ട്. പനി, ജലദോഷം, വയറിളക്കം , എന്നിവയ്ക്കുള്ള ഔഷധവുമായി വെളുത്തുള്ളി ഉപയോഗിക്കുന്നു. പോഷകങ്ങളും വിറ്റമിനുകളും നാരുകളും അടങ്ങിയിരിക്കുന്നു. മഗ്‌നീഷ്യം, വിറ്റമിന്‍ B6, വിറ്റമിന്‍ C, സെലെനിയം, ചെറിയ അളവില്‍ കാത്സ്യം, കോപ്പര്‍, പൊറ്റാസ്സിയം, ഫോസ്‌ഫൊരസ്, വിറ്റമിന്‍ B1 എന്നിവയും വെളുത്തുള്ളിയില്‍ കാണപെടുന്നു.

1500 BC യോടെ വെളുത്തുള്ളിയുടെ ഇരുപത്തി രണ്ടില്‍ പരം വ്യത്യസ്ഥ ഗുണവിശേഷങ്ങള്‍ ഈജിപ്ഷ്യന്‍ ജനങ്ങള്‍ മനസ്സിലാക്കിയിരുന്നു. ചുരുക്കം വ്യക്തികളില്‍ ഈ രോഗശമന ഗുണങ്ങളെ പറ്റി എതിര്‍പ്പുണ്ടെങ്കിലും ഗ്രൂപ്പുകളില്‍ നടത്തിയ പഠനങ്ങളില്‍ നിന്നും അനുഭവങ്ങളില്‍ നിന്നും വെളുത്തുള്ളിയ്ക്ക് അതിവിശിഷ്ടമായ ഔഷധഗുണങ്ങള്‍ ഉള്ളതായി തെളിയിക്കപെട്ടിട്ടുണ്ട്. തേനിന്റെ ഔഷധ ഗുണങ്ങള്‍ കാന്‍സര്‍, ഹൃദ്രോഗം എന്നിവ തടയുന്നു.

ആമാശയ രോഗങ്ങളെയും വയറ്റിലും കുടലിലും ഉണ്ടാകുന്ന വൃണങ്ങളെയും തടയുന്നു. രോഗപ്രധിരോധ ശക്തി നല്കുന്നു. ശരീരത്തിലെ ഗ്ലൈക്കൊജെന്റെ അളവ് നിയന്ത്രിച്ച് ഊര്‍ജം പ്രദാനം ചെയ്യുന്നു ചുമയും, തൊണ്ടയുടെ അസ്വസ്ഥതയും മാറ്റുന്നു. തൂക്ക കുറവ്, ലൈംഗിക രോഗങ്ങള്‍, മൂത്രാശയ പരമായ രോഗങ്ങള്‍, ആസ്തമ, വയറിളക്കം, ചര്‍ദ്ദി എന്നിവയ്ക്കുള്ള ആയുര്‍വേദ മരുന്നായി ഉപയോഗിക്കുന്നു പൊള്ളലിനും, മുറിവിനുമുള്ള മരുന്നായി തേന്‍ ഉപയോഗിക്കുന്നു.