ഗര്‍ഭിണികള്‍ക്ക് മാത്രമല്ല പപ്പായ വില്ലന്‍!
Posted by
20 September

ഗര്‍ഭിണികള്‍ക്ക് മാത്രമല്ല പപ്പായ വില്ലന്‍!

ഒരുപാട് ഔഷധമൂല്യങ്ങളുള്ള ഒരു ഫലമാണ് പപ്പായ. ഗര്‍ഭിണികള്‍ പപ്പായ കഴിക്കാന്‍ പാടില്ലെന്നു പറയാറുണ്ട്. എന്നാല്‍ ഗര്‍ഭിണികള്‍ക്ക് മാത്രമല്ല ബാക്കിയുള്ളവരും പപ്പായ കഴിക്കാന്‍ പാടില്ലാത്ത അവസരങ്ങള്‍ ഉണ്ട്. പപ്പായ വിഷകരമായി പ്രവര്‍ത്തിക്കുന്ന ചില അവസരങ്ങള്‍ ഇവയാണ്.

1. അബോര്‍ഷന്‍ സാധ്യത

നിരവധി ആരോഗ്യഗുണങ്ങള്‍ പപ്പായയ്ക്കുണ്ട്. പക്ഷേ ഇതിന്റെ കുരുക്കളും വേരും ഗര്‍ഭച്ഛിദ്രത്തിനുള്ള സാധ്യത വര്‍ധിപ്പിക്കും. പഴുക്കാത്ത പപ്പായ ഗര്‍ഭാശയപരമായ അസ്വസ്ഥതകളുമുണ്ടാക്കും. അതുകൊണ്ടുതന്നെ ഗര്‍ഭകാലത്ത് ഈ പഴം കഴിക്കാതിരിക്കുന്നതാകും നല്ലത്.

2. അന്നനാളത്തിനു തടസ്സം

കഴിക്കാന്‍ നല്ല രുചിയാണെങ്കിലും അമിതമായി പപ്പായ കഴിക്കുന്നത് അന്നനാളത്തിനു ദോഷമുണ്ടാക്കും. അതുകൊണ്ട് ഒരു ദിവസം ഒരു കപ്പില്‍ കൂടുതല്‍ പപ്പായ കഴിക്കരുത്.

3. ജനനവൈകല്യങ്ങള്‍

പപ്പായയുടെ ഇലയില്‍ അടങ്ങിയിരിക്കുന്ന പപ്പെയ്ന്‍ എന്ന ഘടകം കുഞ്ഞുങ്ങള്‍ക്ക് വളരെ ദോഷകരമാണ്. ഇതു ജനനവൈകല്യങ്ങള്‍ക്കു വരെ കാരണമാകും. അതുകൊണ്ട് ഗര്‍ഭിണികള്‍ പ്രസവത്തിനു മുന്‍പും പ്രസവശേഷം കുറച്ചുകാലത്തേക്കും പപ്പായ കഴിക്കുന്നത് ഒഴിവാക്കുന്നതാകും നല്ലത്.

4. അലര്‍ജി

പപ്പായയിലുള്ള ലാറ്റക്‌സ് ചിലരില്‍ അലര്‍ജിക്കു കാരണമാകുന്നുണ്ട്. പഴുക്കാത്ത പപ്പായയാണ് കൂടുതലും അലര്‍ജി ഉണ്ടാക്കുന്നത്.

5. രക്തസമ്മര്‍ദം

രക്തസമ്മര്‍ദത്തിനു മരുന്നു കഴിക്കുന്നവര്‍ പപ്പായ കഴിച്ചാല്‍ ബിപി വല്ലാതെ താഴാനുള്ള സാധ്യതയുമുണ്ട്. ഇത് ഏറെ അപകടകരമാണ്.

6. പ്രത്യുല്‍പ്പാദനത്തെ ബാധിക്കും

പപ്പായയുടെ കുരു പുരുഷന്റെ പ്രത്യുല്‍പ്പാദനശേഷിയെ ബാധിക്കും. ബീജാണുക്കളുടെ അളവു കുറയ്ക്കുകയും ചലനത്തെ ബാധിക്കുകയും ചെയ്യും.

ഇത്തരം പുരുഷന്മാരെ വിവാഹം കഴിച്ചാല്‍ പണിപാളും
Posted by
20 September

ഇത്തരം പുരുഷന്മാരെ വിവാഹം കഴിച്ചാല്‍ പണിപാളും

വിവാഹം എന്നത് ജീവിതകാലം മുഴുവന്‍ നിലനില്‍ക്കുന്ന കാര്യം ആയതിനാല്‍ അത് തിരഞ്ഞെടുക്കുമ്പോഴും ശ്രദ്ധ വേണം. നിങ്ങള്‍ക്ക് അനുയോജ്യനല്ലാത്ത ആളെ വിവാഹം ചെയ്താല്‍ ആ വ്യക്തിയുമായി യോജിച്ച് പോകാന്‍ ഒരുപാട് ബുദ്ധിമുട്ട് ആയിരിക്കും. നല്ലയും ചീത്തയുമായ നിങ്ങളുടെ പുരുഷന്റെ സ്വഭാവങ്ങളെ കുറിച്ച് പൂര്‍ണ്ണബോധ്യം ഉണ്ടായിരിക്കണം. പെണ്‍കുട്ടികള്‍ക്ക് ഒരിക്കലും അനുയോജ്യനല്ലാത്ത പുരുഷന്മാരെ കുറിച്ച് മനസ്സിലാക്കാം.


അധിക്ഷേപിക്കുന്ന വ്യക്തിയെ തിരഞ്ഞെടുക്കരുത്

ലോകത്തുള്ള എല്ലാത്തിനെയും അധിക്ഷേപിക്കുന്ന വ്യക്തികളെ നിങ്ങളുടെ പുരുഷനാക്കരുത്. അത്തരക്കാരുടെ ദേഷ്യവും വരിക്തിയുമൊന്നും നിങ്ങള്‍ക്ക് അടക്കാന്‍ സാധിക്കില്ല. ഇത്തരക്കാര്‍ ശാരീരക പരമായും അധിക്ഷേപിക്കുന്നതിനാല്‍ ഇത്തരം പുരുഷന്മാരെ ഒഴിവാക്കേണ്ടതാണ്.


ജീവിതമെന്നതേ തൊഴിലെന്ന ചിന്തയുള്ളവര്‍

ദിവസം മുഴുവന്‍ തന്റെ തൊഴിലില്‍ മാത്രം ശ്രദ്ധയുള്ള തരത്തിലുള്ള പുരുഷന്മാരെ ഒഴിവാക്കുക. ഇത്തരക്കാര്‍ തന്റെ തൊഴില്‍ കാര്യങ്ങളില്‍ മാത്രമായിരിക്കും ശ്രദ്ധ പുലര്‍ത്തുക. ഭാവിയെ കുറിച്ചോ മറ്റോ ഒരു ചിന്തയും ഉണ്ടാകുകയില്ല.


വിവാഹം എന്ന കാര്യം മാത്രം ചിന്തിക്കുന്നവര്‍

എപ്പോഴും വിവാഹം വിവാഹം എന്ന കാര്യം മാത്രം സംസാരിക്കുന്ന പുരുഷന്മാരെ വിവാഹം കഴിക്കരുത്. ഇത്തരക്കാര്‍ക്ക് പ്രണയം ഉണ്ടാകില്ല. ഇവരോടൊപ്പമുള്ള ജീവിതം ശൂന്യമായിരിക്കും. പ്രണയിക്കുമ്പോള്‍ വിവാഹത്തിനെ കുറിച്ച് മാത്രം സംസാരിക്കുന്ന പുരുഷന്മാര്‍, വിവാഹം കഴിഞ്ഞാല്‍ ഉത്തരവാദിത്വങ്ങള്‍ പാലിക്കാറല്ല.


അമിതമായി പൊസസീവ് ആകുന്ന വ്യക്തി

അമിതമായ പൊസസീവ് കൊണ്ടു നടക്കുന്ന വ്യക്തിയാണെങ്കില്‍ നിങ്ങള്‍ക്ക് യാതൊരു വിധ സ്വാതന്ത്ര്യവും ഉണ്ടായിരിക്കില്ല. നിങ്ങള്‍ കൂടുതലായി ഒരാളോട് സംസാരിച്ചാല്‍, സോഷ്യല്‍ മീഡിയയില്‍ ചിലവിട്ടാല്‍, ഇങ്ങനെയുള്ളവര്‍ അതിനെയൊക്കെ എതിര്‍ക്കുന്നവരായിരിക്കും.


അടുത്ത ബന്ധുവിനെ

അടുത്ത ബന്ധുവിനെ ഒരിക്കലും വിവാഹം കഴിക്കരുത്. നിങ്ങള്‍ക്ക് സ്വന്തമായ തീരുമാനങ്ങള്‍ എടുക്കാപോലും വീട്ടുകാര്‍ അനുവദിച്ചെന്ന് വരില്ല. കാരണം എന്തിനും ഏതിനും ബന്ധുക്കളെ മാത്രം ആശ്രയിക്കുന്നവരാണ് മാതാപിതാക്കള്‍ എങ്കില്‍ എന്ത് പ്രശ്‌നം ഉണ്ടായാലും നിങ്ങള്‍ക്കൊപ്പം നില്‍ക്കേണ്ടതിനുപകരം നിങ്ങളെ ഉപദേശിക്കാനാണ് അവര്‍ ശ്രമിക്കുക. പ്രശ്‌നങ്ങളുടെ തീവ്രത എത്രമാത്രം ഉണ്ടെങ്കിലും അവര്‍ക്ക് മനസ്സിലാകണമെന്നില്ല.

Read More :: പെണ്‍കുട്ടികളുടെ സങ്കല്‍പത്തില്‍ ഭാവി വരന് ഉണ്ടായിരിക്കേണ്ട പ്രധാന ഗുണങ്ങള്‍

Read More :: വിവാഹത്തിന് മുന്‍പ് ഈ കാര്യങ്ങള്‍ മനസ്സിലാക്കിയാല്‍ ജീവിതകാലം മുഴുവന്‍ സന്തോഷത്തോടെ ഒരുമിച്ച് ജീവിക്കാം

പെണ്‍കുട്ടികളുടെ സങ്കല്‍പത്തില്‍ ഭാവി വരന് ഉണ്ടായിരിക്കേണ്ട പ്രധാന ഗുണങ്ങള്‍
Posted by
20 September

പെണ്‍കുട്ടികളുടെ സങ്കല്‍പത്തില്‍ ഭാവി വരന് ഉണ്ടായിരിക്കേണ്ട പ്രധാന ഗുണങ്ങള്‍

വിവാഹം കഴിച്ചാല്‍ ഭാര്യ ഭര്‍ത്താവിന്റെ കീഴില്‍ കഴിഞ്ഞ് കൂടണം എന്ന പഴയ സങ്കല്‍പ്പത്തില്‍ നിന്നും മാറി രണ്ട് പേര്‍ക്കും തുല്യ പങ്കാളിത്തമുള്ള വിവാഹ ജീവിതമാണ് ഇന്ന് എല്ലാലരുടെയും സങ്കല്‍പം. ഇവിടെ ഭാര്യ എന്നത് കുട്ടികളെ പ്രസവിക്കാനോ ഭര്‍ത്താവിന്റെ കാര്യം നോക്കാനോ മാത്രമുള്ള ഒരാളല്ല. ഏറ്റവും നല്ല ഒരു സുഹൃത്ത് കൂടിയാണെന്ന ചിന്ത പുതിയ കാലത്തെ യുവാക്കളില്‍ വളര്‍ന്ന് വന്നിട്ടുണ്ട്. പെണ്‍കുട്ടികള്‍ ഭാവിവരനെ കുറിച്ചുള്ള പ്രധാന സങ്കല്‍പങ്ങള്‍ ഇതാണ്.

എല്ലാ സ്ത്രീകളും ഒരു പോലെ ആഗ്രഹിക്കുന്ന ഒന്നാണ് സ്‌നേഹവും കരുതലും. മനസ്സില്‍ സ്‌നേഹം ഒളിപ്പിച്ച് നടക്കുന്ന ഭര്‍ത്താവിന് ഭാര്യയുടെ ഹൃദയം കാണാന്‍ കഴിയില്ല. തുറന്ന് പ്രകടിപ്പിക്കുന്നത് സ്ത്രീകള്‍ക്ക് കൂടുതല്‍ ഊര്‍ജം നല്‍കും. സ്‌നേഹം അവള്‍ക്ക് നല്‍കുന്ന സംരക്ഷണത്തിലൂടെയും കരുതലിലൂടെയുമാണ്. സുഖമില്ലാതിരിക്കുന്ന സമയത്തും, ഒറ്റക്കായിരിക്കുമ്പോഴും ഇടയ്ക്കിടെ വിളിച്ച് വിശേഷം തിരക്കുന്നതുമെല്ലാം ഒരു കുറച്ചിലായി കാണണ്ട.

നല്ല ഒരു ജോലിയും വരുമാനവും ഭര്‍ത്താവിനെ കുറിച്ചുള്ള സങ്കല്‍പ്പങ്ങളില്‍ ഏറെ പ്രധാനപ്പെട്ടതാണ്. കുടുംബത്തിന്റെ ആവശ്യങ്ങള്‍ നിറവേറ്റുന്നതോടൊപ്പം കുറച്ച് സമ്പാദിക്കാനും കഴിയുന്ന വരുമാനം ഭര്‍ത്താവിനുണ്ടായിരിക്കണം. ഒരുപാട് ആര്‍ഭാടങ്ങള്‍ ഇല്ലെങ്കിലും സ്വന്തമായി ഒരു വീടും വാഹനവും ഉണ്ടാവുക എന്നത് ഏതൊരു സ്ത്രീയും ആഗ്രഹിക്കുന്നതാണ്. കൂട്ടുകുടുംബം എന്നതിന് പുറമെ സ്വകാര്യത ആഗ്രഹിക്കുന്നതാണ് മിക്ക സ്ത്രീകളും.

മദ്യപിക്കുകയോ പുകവലിക്കുകയോ മറ്റ് ലഹരി വസ്തുക്കള്‍ ഉപയോഗിക്കുകയോ ചെയ്യുന്ന പുരുഷനെ സ്ത്രീകള്‍ ഇഷ്ടപ്പെടില്ല. പലപ്പോഴും പുരുഷനില്‍ ഏറ്റവും വെറുക്കുന്ന കാര്യവും ഇതാണെന്ന് പറയാം. ഇതൊന്നും വലിയ തെറ്റല്ലെന്ന് ചിന്തിക്കുന്നവരും ഉണ്ടെങ്കിലും ഭൂരിഭാഗം സ്ത്രീകളും ഇത്തരം ദുശ്ശീലങ്ങള്‍ ഇഷ്ടപ്പെടുന്നില്ല.

വിവാഹ ശേഷം കുടുംബത്തിന് പ്രാധാന്യം നല്‍കി ഭാര്യയ്ക്കും മക്കള്‍ക്കും വേണ്ടതെല്ലാം ഉത്തരവാദിത്വത്തോട് കൂടി ചെയ്യുന്ന ഭാര്‍ത്താവായിരിക്കണം. കുടുംബത്തിന് വേണ്ടി സമയം ചെലവഴിക്കാന്‍ ശ്രമിക്കുന്ന ആളാവാണം പുരുഷന്‍. പ്രത്യേകിച്ചും അവധി ദിവസങ്ങളില്‍. ഒരുമിച്ചുള്ള യാത്രകള്‍, ഷോപ്പിംങ്, വല്ലപ്പോഴും പുറത്ത് നിന്നുള്ള ഭക്ഷണം, വര്‍ഷത്തിലൊരിക്കലെങ്കിലും ഉല്ലാസ യാത്ര എന്നിവയും പലരും ആഗ്രഹിക്കുന്നതാണ്. ചില യാത്രകളെങ്കിലും ഭാര്യ, ഭര്‍ത്താവ്, മക്കള്‍ എന്നിവരില്‍ ഒതുങ്ങണം.

എന്തിനും ഏതിനും മറ്റുള്ളവരുടെ മുന്നില്‍ വെച്ച് കുറ്റപ്പെടുത്തുന്ന ഭര്‍ത്താവിനെ ഒരിക്കലും സ്ത്രീ ഇഷ്ടപ്പെടില്ല. മറിച്ച് അവളെ ജോലിയിലോ പഠനത്തിലോ കലാരംഗത്തോ ചെറിയ പാചക പരീക്ഷണങ്ങളിലോ ഒക്കെ പ്രോത്സാഹിപ്പിക്കുകയും പിന്തുണയ്ക്കുകയും ചെയ്യന്ന ഭര്‍ത്താവ് അവള്‍ക്ക് പ്രിയപ്പെട്ടവനായിരിക്കും. എല്ലാ കാര്യത്തിലും ഭാര്യ മാത്രമാണ് ഉത്തരവാദി എന്ന രീതിയില്‍ പെരുമാറാതിരിക്കുക. അവള്‍ ചെയ്യുന്ന നല്ല കാര്യം കൂടി കണ്ടെത്തി പ്രശംസിക്കുക.

ഇനി ആര്‍ത്തവ ദിവസങ്ങളില്‍ നിങ്ങള്‍ക്ക് വേദനയുണ്ടാകില്ല, ചില പൊടികൈകള്‍
Posted by
19 September

ഇനി ആര്‍ത്തവ ദിവസങ്ങളില്‍ നിങ്ങള്‍ക്ക് വേദനയുണ്ടാകില്ല, ചില പൊടികൈകള്‍

 

സ്ത്രീകളിലുണ്ടാവുന്ന സ്വഭാവികമായ ഒരു പ്രക്രിയയാണ് ആര്‍ത്തവം. ചിലര്‍ക്ക് ഈ കാലയിളവില്‍ കടുത്ത വേദന നേരിടേണ്ടി വരുന്നു.എന്നാല്‍ ഇതിനും ഇനി പരിഹാരമുണ്ട്. ആര്‍ത്തവം തുടങ്ങുന്നതിന് രണ്ട് ദിവസം മുന്നേ മുതല്‍ ആര്‍ത്തവം തുടങ്ങി മൂന്നു ദിവസം വരെ ദിവസവും 500 മില്ലി ചുക്കുപൊടി കഴിക്കുന്നത് വേദനയ്ക് പരിഹാരമാണ്.

കൂടാതെ ഈ സമയത്ത് ചോക്ലേറ്റ് കഴിക്കുന്നതും ഏറ്റവും അനുയോജ്യമാണ്. ഇതൊരു കൗതുക സത്യമാണ്. ചോക്ലേറ്റ് ശരീരത്തില്‍ അടങ്ങിയിരിക്കുന്ന സെറാ ടോണിന്റെ അളവ് വര്‍ദ്ധിപ്പിക്കുന്നതിനും അതിലൂടെ മാനസിക നില സന്തുലിതമാക്കാനും സഹായിക്കുന്നു.

തുളസി, പുതിന തുടങ്ങിയവയുടെ ഇലകള്‍ ഇട്ട വെള്ളം തിളപ്പിച്ചു കുടിക്കുകയോ ഭക്ഷണസാധനങ്ങളില്‍ ചേര്‍ത്ത് കഴിക്കുകയോ ചെയ്യാം

ചൂടുപാലില്‍ നെയ്യ് ചേര്‍ത്ത് കഴിക്കുന്നതും ഈ സമയത്തെ വേദനകുറയ്ക്കാന്‍ സഹായിക്കും.

ആര്‍ത്തവ സമയത്ത് കാപ്പി കുടിക്കുന്നത് വയറുവേദന കൂട്ടുകയാണ് ചെയ്യുക. കാപ്പിയിലെ കഫീന്‍ ശരീരത്തിലെ ജലാംശം കുറയ്ക്കും ആയതിനാല്‍ ഈ സമയത്തെ കാപ്പി കുടി ഒഴിവാക്കുക.

 

 

 

 

വിവാഹത്തിന് മുന്‍പ് ഈ കാര്യങ്ങള്‍ മനസ്സിലാക്കിയാല്‍ ജീവിതകാലം മുഴുവന്‍ സന്തോഷത്തോടെ ഒരുമിച്ച് ജീവിക്കാം
Posted by
19 September

വിവാഹത്തിന് മുന്‍പ് ഈ കാര്യങ്ങള്‍ മനസ്സിലാക്കിയാല്‍ ജീവിതകാലം മുഴുവന്‍ സന്തോഷത്തോടെ ഒരുമിച്ച് ജീവിക്കാം

വിദേശ രാജ്യങ്ങളെ അപേക്ഷിച്ച് ഇന്ത്യന്‍ സംസ്‌കാരത്തില്‍ വിവാഹത്തിന് വലിയ പ്രാധാന്യമുണ്ടെന്നിരിക്കേ ഇന്ത്യന്‍ ദമ്പതികള്‍ക്കിടയിലാണ് വിവാഹത്തോടെ ജീവിതം അപ്പാടെ മാറി എന്ന തോന്നല്‍ കൂടുതലായി കണ്ടു വരുന്നത്.

വിവാഹം എന്നത് മഹത്തരമായൊരു പ്രക്രിയയാണ്. രണ്ട് വഴികളിലൂടെ സഞ്ചരിച്ചിരുന്നവര്‍ ഒന്നായി ഒരു ജീവിതകാലം മുഴുവന്‍ ഒഴുകാന്‍ തുടങ്ങുന്നതിന്റെ ആരംഭം. ഒരുപാട് പ്രതീക്ഷകളോടെയാണ് ഓരോരുത്തരും വിവാഹ ജീവിതത്തിലേക്ക് കാലെടുത്ത് വയ്ക്കുന്നത്. പ്രതീക്ഷകള്‍ക്കൊപ്പം ഇത്തിരി മുന്‍കരുതല്‍ കൂടിയുണ്ടെങ്കില്‍ ദാമ്പത്യം സുഖകരമാകും. അതിനായി അറിഞ്ഞിരിക്കേണ്ട ചില പ്രശ്‌നങ്ങളുണ്ട്. ചില കുഞ്ഞുകുഞ്ഞു പ്രതിസന്ധികള്‍.

പലപ്പോഴും പ്രതീക്ഷയ്ക്കു വിപരീതമായ കാര്യങ്ങളാണ് വിവാഹജീവിതത്തില്‍ കാത്തിരിക്കുന്നത്. വിദേശ രാജ്യങ്ങളെ അപേക്ഷിച്ച് ഇന്ത്യന്‍ സംസ്‌കാരത്തില്‍ വിവാഹത്തിന് വലിയ പ്രാധാന്യമുണ്ടെന്നിരിക്കേ ഇന്ത്യന്‍ ദമ്പതികള്‍ക്കിടയിലാണ് വിവാഹത്തോടെ ജീവിതം അപ്പാടെ മാറി എന്ന തോന്നല്‍ കൂടുതലായി കണ്ടു വരുന്നത്.

പ്രണയ വിവാഹമായാലും ശരി അറേഞ്ച്ഡ് മാര്യേജ് ആയാലും ശരി ഇന്ത്യന്‍ ദമ്പതികള്‍ കടന്നു പോകുന്ന മാറ്റങ്ങള്‍, അല്ലെങ്കില്‍ നേരിടുന്ന സംഘര്‍ഷങ്ങള്‍ എല്ലാ സംസ്ഥാനത്തും ഏതാണ്ട് ഒരുപോലെയൊക്കെ തന്നെയാണ്. പൊതുവായ ചില സങ്കീര്‍ണതകള്‍ ഇതെല്ലാമാണ്.

ഇന്ത്യക്കാരുടെ ആഭരണഭ്രമം ചെറുതൊന്നുമല്ല. ദേഹം നിറയെ ആഭരങ്ങളുമായാണ് ഓരോ നവവധുവും പന്തലിലേക്കിറങ്ങുന്നത്. ഇഷ്ടമല്ലെങ്കില്‍ പോലും പലപ്പോഴും വിവാഹത്തിന്റെ അന്നും അതിനു ശേഷവും ആഭരങ്ങളണിയാന്‍ മിക്ക പെണ്‍കുട്ടികളും നിര്‍ബന്ധിതരാകാറുണ്ട്. ബന്ധുവീടുകളില്‍ വിരുന്നു പോകുമ്പോഴും ബന്ധുക്കള്‍ കാണാന്‍ വരുമ്പോഴും വീട്ടിലെ വിശേഷാവസരങ്ങളിലും സര്‍വാഭരണവിഭൂഷിതയായി നിന്നില്ലെങ്കില്‍ അമ്മായിഅമ്മയുടെ മുഖം കറുക്കുന്നത് കാണേണ്ടി വരും.

അസ്ഥിത്വ പ്രതിസന്ധിയാണ് മിക്ക പെണ്‍കുട്ടികളും നേരിടുന്ന മറ്റൊരു പ്രധാന പ്രശ്‌നം. കല്യാണത്തിന് ശേഷം അവളുടെ പേര് തന്നെ ഭര്‍ത്താവിന്റേതാണ്. തന്റെ പേരിന് പിന്നില്‍ ചേര്‍ക്കുന്ന ഭര്‍ത്താവിന്റെ പേരിലാണ് പിന്നീട് അവളെ ലോകം കാണുന്നത്. സ്വന്തം വ്യക്തിത്വം നഷ്ടപ്പെട്ട് പോകുന്നു എന്ന് പല പെണ്‍കുട്ടികള്‍ക്കും തോന്നുന്നതും അത് കൊണ്ട് തന്നെ.

സ്വന്തം വീട്ടിലെ സ്വാതന്ത്ര്യം ചെന്ന് കയറിയ വീട്ടില്‍ കിട്ടുന്നില്ലെന്നതാണ് മറ്റൊരു പ്രശ്‌നം. എല്ലാത്തിനും എല്ലാവരോടും സമാധാനം പറയേണ്ടി വരുന്ന അവസ്ഥ ചില്ലറ മാനസിക പ്രയാസങ്ങളൊന്നുമല്ല പെണ്‍കുട്ടികള്‍ക്കുണ്ടാക്കുന്നത്. അമ്മയെയും അമ്മായി അമ്മയെയും വേര്‍തിരിച്ച് കാണാതെ മരുമകള്‍ നോക്കിയാലും അമ്മായിഅമ്മയും അങ്ങനെ തന്നെ കണ്ടാലും ആ വേര്‍തിരിവ് കാണിക്കുന്നിടത്ത് പ്രശ്‌നങ്ങള്‍ സങ്കീര്‍ണമാകാറുണ്ട്.

പരസ്പരം പ്രണിയിച്ചിരുന്നവര്‍ ആണെങ്കില്‍ പോലും വിവാഹശേഷം കാമുകനില്‍ നിന്നും കാമുകിയില്‍ നിന്നും ഭര്‍ത്താവും ഭാര്യയുമായി പ്രൊമോഷന്‍ കിട്ടുന്നതോടെ ഇരുവരിലും കാര്യമായ മാറ്റങ്ങള്‍ സംഭവിക്കുന്നു. കളിച്ചു ചിരിച്ചു നടന്നിടത്ത് നിന്ന് പക്വതയും ഉത്തരവാദിത്വവും ഏറ്റെടുക്കേണ്ടി വരുമ്പോള്‍ വലിയ മാറ്റങ്ങള്‍ തന്നെയാണ് ഇരുവര്‍ക്കുമിടയില്‍ സംഭവിക്കുക . പ്രത്യേകിച്ചും ഇന്ത്യന്‍ സമൂഹത്തില്‍. ആ മാറ്റങ്ങളോട് പൊരുത്തപ്പെടാന്‍ കഴിയാതെ വരുന്നതും ദമ്പതികള്‍ക്കിടയില്‍ കണ്ടു വരുന്ന പ്രശ്‌നങ്ങളാണ്.

രണ്ടു പേര്‍ക്കും ജോലിയുണ്ടെങ്കിലും വീട്ടിലെ സാമ്പത്തിക കാര്യങ്ങള്‍ ആരുടെ ഉത്തരവാദിത്വമാണ് എന്നതിന്റെ പേരിലും പലപ്പോഴും പ്രശ്‌നങ്ങള്‍ കണ്ടുവരുന്നുണ്ട്. ഒരു കുടുംബമായി കഴിഞ്ഞാല്‍ അവിടുത്തെ കാര്യങ്ങള്‍ നോക്കേണ്ടത് രണ്ടു പേരുടെയും ഉത്തരവാദിത്തമായി കണ്ടു സന്തോഷത്തോടെ സ്വീകരിച്ചാല്‍ തീരാവുന്നതേ ഉള്ളു ആ പ്രശ്‌നം.

അമ്മായിഅമ്മമരുമകള്‍ പോരാട്ടം മിക്ക ഇന്ത്യന്‍ കുടുംബങ്ങളിലും സംഭവിക്കുന്നതാണ്. ഇതിന്റെ ഇടയില്‍ കുടുങ്ങി ആരുടെ ഭാഗം നില്‍ക്കണമെന്ന് അറിയാത്ത ആശയക്കുഴപ്പമാണ് പുരുഷന്‍ നേരിടുന്ന ഏറ്റവും വലിയ പ്രതിസന്ധി.

സ്വന്തം വീടിനേയും വീട്ടുകാരെയും മിസ് ചെയ്യുന്നതാണ് പെണ്‍കുട്ടികളെ അലട്ടുന്ന മറ്റൊരു വലിയ പ്രശ്‌നം. കാണണമെന്ന് തോന്നുമ്പോഴൊക്കെ അവരുടെ അടുത്തേക്ക് ഓടി ചെല്ലാന്‍ കഴിയാത്തത് കുറച്ചൊന്നുമല്ല അവളെ മനഃസംഘര്‍ഷത്തിലാക്കുന്നത്.

കുടവയര്‍ കുറയ്ക്കാന്‍ ചില പൊടിക്കൈകള്‍
Posted by
18 September

കുടവയര്‍ കുറയ്ക്കാന്‍ ചില പൊടിക്കൈകള്‍

കുടവയര്‍ പലരെയും അലട്ടുന്ന വലിയ പ്രശ്‌നം തന്നെയാണ്. വയര്‍ കുറയ്ക്കാന്‍ വേണ്ടി ഭക്ഷണ ക്രമവും വ്യായാമവുമെല്ലാം ചെയ്തിട്ടും കുറയാതത്തില്‍ നിരാശരാക്കുന്നവരുമുണ്ട്. ഇതാ എളുപ്പത്തില്‍ കുടവയര്‍ കുറയ്ക്കാന്‍ ചില പാടിക്കൈകള്‍

1. നാരങ്ങാ ജ്യൂസ്
ദിവസവും രാവിലെ ഇളം ചൂട് വെള്ളത്തില്‍ അല്‍പ്പം നാരങ്ങാനീര് പിഴിഞ്ഞ് കുടിക്കുക. ഇതിലേക്ക് അല്‍പ്പം തേന്‍ കൂടി ചേര്‍ക്കുന്നത് വളരെ നല്ലതാണ്. രാവിലെ വെറുംവയറ്റില്‍ വേണം ഇത് കുടിക്കേണ്ടത്. കുറച്ചുദിവസം ഇത് തുടര്‍ന്നാല്‍ കുടവയര്‍ കുറയും.

2. ഇഞ്ചി ചായ
ചായയില്‍ ഇഞ്ചി ചതച്ച് ഇട്ട് കുടിക്കുന്നത് കുടവയര്‍ കുറയ്ക്കാന്‍ സഹായിക്കും. ഇഞ്ചി ശരീരത്തിലെ ഊഷ്മാവ് വര്‍ദ്ധിപ്പിക്കാന്‍ സഹായകരമാണ്. ഊഷ്മാവ് വര്‍ദ്ധിക്കുമ്പോള്‍, ശരീരത്തിലെ അമിത കൊഴുപ്പ് ഇല്ലാതാക്കാന്‍ കഴിയും.

3. വെളുത്തുള്ളി
ഭക്ഷണത്തില്‍ വെളുത്തുള്ളി ഉള്‍പ്പെടുത്തുന്നത് ശരീരത്തിലെ കൊഴുപ്പിന്റെ അളവ് കുറയ്ക്കാന്‍ സഹായകരമാണ്. ഇതിലൂടെ കുടവയര്‍ ഇല്ലാതാക്കാന്‍ കഴിയും.

4. ബദാം
ബദാം സ്ഥിരമായി കഴിക്കുന്നത് കുടയവര്‍ ഇല്ലതാക്കാന്‍ സഹായിക്കും. ബദാമില്‍ അടങ്ങിയിട്ടുള്ള ഒമേഗ ത്രീ ഫാറ്റി ആസിഡ്, ശരീരത്തിലെ കൊഴുപ്പിനെ ഇല്ലാതാക്കും.

5. തണ്ണിമത്തന്‍
91 ശതമാനവും ജലാംശം അടങ്ങിയിട്ടുള്ള തണ്ണിമത്തന്‍, സ്ഥിരമായി കഴിച്ചാല്‍ കുടവയര്‍ കുറയും. ഭക്ഷണം കഴിക്കുന്നതിന് തൊട്ടുമുമ്പ് വേണം തണ്ണി മത്തന്‍ കഴിക്കേണ്ടത്. ദഹനപ്രക്രിയ എളുപ്പമാകാന്‍ ഇത് സഹായിക്കും.

6. പയര്‍
വിവിധതരം പയര്‍ വര്‍ഗങ്ങള്‍ സ്ഥിരമായി കഴിച്ചാല്‍ കുടവയര്‍ കുറയും. ധാരാളം പ്രോട്ടീന്‍ അടങ്ങിയിട്ടുള്ള പയര്‍ കഴിച്ചാല്‍, ശരീരത്തിലെ കൊഴുപ്പിന്റെ അളവ് സ്വാഭാവികമായും കുറഞ്ഞുവരും. ഇത് കുടവയര്‍ ഇല്ലാതാക്കാന്‍ സഹായകരമാണ്.

7. തക്കാളി
തക്കാളിയില്‍ 33 കാലറി ഊര്‍ജ്ജം മാത്രമാണ് ഉള്ളത്. ഇതില്‍ അടങ്ങിയിട്ടുള്ള 9-ഓക്സോ-ഒഡിഎ എന്ന ഘടകം, രക്തത്തിലെ ചീത്ത കൊളസ്ട്രോളിന്റെ അളവ് കുറയ്ക്കുക വഴി കുടവയര്‍ ഇല്ലാതാക്കാന്‍ സഹായിക്കുന്നതാണ്.

ഇഷ്ടപ്പെട്ട മീന്‍ തന്നെ പാരയായി: ഹോട്ടലില്‍ മോഷണം നടത്തിയ ആള്‍ പിടിയില്‍
Posted by
18 September

ഇഷ്ടപ്പെട്ട മീന്‍ തന്നെ പാരയായി: ഹോട്ടലില്‍ മോഷണം നടത്തിയ ആള്‍ പിടിയില്‍

പാലക്കാട്: ഹോട്ടലില്‍നിന്ന് മോഷണം നടത്തുന്നതിനിടെ ഇഷ്ടപ്പെട്ട മീനും അടിച്ചുമാറ്റിയ പ്രതി കുടുങ്ങി. ഹോട്ടലിലെ മുന്‍ പാചകക്കാരന്‍ മങ്കര കണ്ണംപരിയാരം വെള്ളാട്ടുപറമ്പില്‍ മനോജാണ് (32) വാളയാര്‍ പോലീസിന്റെ പിടിയിലായത്.

അടുക്കളയില്‍നിന്ന് മീനും ഇറച്ചിയും കവര്‍ന്നിരുന്നു. വട്ടംകണ്ണി എന്ന് പ്രാദേശികമായി പേരുള്ള കടല്‍ മീനാണ് മോഷ്ടിച്ചത്. ഒപ്പം പാഷന്‍ ഫ്രൂട്ട് ജ്യൂസും കവര്‍ന്നു. ഇതുരണ്ടും മനോജിന്റെ ഇഷ്ടവിഭവങ്ങളാണ്. അതിനാല്‍ ഹോട്ടല്‍ ഉടമയ്ക്ക് സംശയം തോന്നിയിരുന്നു. ഇതുപ്രകാരം പോലീസ് നടത്തിയ അന്വേഷണത്തിലാണ് പ്രതി പിടിയിലായത്. നഷ്ടപ്പെട്ട ഗ്യാസ് സ്റ്റൗവും സിലിന്‍ഡറും പ്രതിയുടെ അമ്മാവന്റെ വീട്ടില്‍നിന്നും കംപ്യൂട്ടര്‍ തത്തമംഗലത്ത് വില്പനനടത്തിയ സ്ഥലത്തുനിന്നും കണ്ടെടുത്തു.

മനോജിനെ കഴിഞ്ഞമാസം ഹോട്ടലില്‍ നിന്ന് പിരിച്ചുവിട്ടിരുന്നു. പിന്നീട് പണം ചോദിച്ച് എത്തിയെങ്കിലും നല്‍കിയില്ലെന്ന് ഹോട്ടല്‍ ഉടമ പറഞ്ഞു. സെപ്റ്റംബര്‍ നാലിന് മോഷണം നടന്നു എന്നായിരുന്നു പരാതിയെങ്കിലും അഞ്ചിന് രാത്രി 10നാണ് മോഷണം നടന്നത് എന്നാണ് അന്വേഷണത്തില്‍ മനസ്സിലായത്.

ചുള്ളിമടയ്ക്ക് സമീപമുള്ള കോട്ടയം ഫുഡ്‌സ് എന്ന ഹോട്ടലിലെ ഗ്യാസ് സ്റ്റൗ, സിലിന്‍ഡര്‍, കമ്പ്യൂട്ടര്‍ എന്നിവയാണ് മോഷണം പോയത്. എന്നാല്‍ കമ്പ്യൂട്ടറിനൊപ്പമുണ്ടായിരുന്ന 12,000 രൂപ നഷ്ടപ്പെട്ടിട്ടുമില്ല.

കസബ സിഐ ആര്‍ ഹരിപ്രസാദിന്റെ നേതൃത്വത്തില്‍ വാളയാര്‍ എസ്‌ഐയുടെ ചുമതലയുള്ള അസി സബ് ഇന്‍സ്‌പെക്ടര്‍ ജിബി ശ്യാംകുമാര്‍, ക്രൈം സ്‌ക്വാഡ് അംഗം ആര്‍ വിനീഷ്, സിപിഒമാരായ അനില്‍കുമാര്‍, വിനോദ്, ജയരാജ്, ഫിറോസ്, ഹോം ഗാര്‍ഡ് നാരായണന്‍കുട്ടി, ഡ്രൈവര്‍ എസ്‌സിപിഒ പ്രിന്‍സ് എന്നിവരുള്‍പ്പെട്ട സംഘമാണ് അന്വേഷണം നടത്തിയത്.

അപകടത്തില്‍ നിന്റെ മുഖം മാത്രമാണ് തകര്‍ന്നത്, എന്റെ പ്രണയം അന്നും ഇന്നും നിന്റെ മനസ്സിനോടാണ്: കാറപകടത്തെ തുടര്‍ന്ന് വീരൂപയായിട്ടും തന്നെ കൈവിടാതെ വിവാഹം കഴിച്ച കാമുകനെ കുറിച്ചും സന്തോഷ ജീവിതത്തെക്കുറിച്ചുമുള്ള സുനിതയുടെ കുറിപ്പ് വൈറല്‍
Posted by
18 September

അപകടത്തില്‍ നിന്റെ മുഖം മാത്രമാണ് തകര്‍ന്നത്, എന്റെ പ്രണയം അന്നും ഇന്നും നിന്റെ മനസ്സിനോടാണ്: കാറപകടത്തെ തുടര്‍ന്ന് വീരൂപയായിട്ടും തന്നെ കൈവിടാതെ വിവാഹം കഴിച്ച കാമുകനെ കുറിച്ചും സന്തോഷ ജീവിതത്തെക്കുറിച്ചുമുള്ള സുനിതയുടെ കുറിപ്പ് വൈറല്‍

കൊച്ചി: നാം പ്രതീക്ഷിക്കുന്നതുപോലെയാകില്ല പലപ്പോഴും ജീവിതത്തിന്റെ പോക്ക്. നാം സ്വപ്നം പോലും കാണാത്ത കറുത്ത വീഥികളിലൂടെ പോകേണ്ട സാഹചര്യങ്ങള്‍ വരാം. തിരിച്ചടികള്‍ നേരിടുമ്പോള്‍ പതറാനല്ല മറിച്ച് കരുത്തോടെ മുന്നേറാനാണ് ശ്രമിക്കേണ്ടത്. ഇന്ന് സമൂഹമാധ്യമത്തില്‍ വൈറലാകുന്ന സുനിത അതിനസ് എന്ന യുവതിയുടെ കഥയും അതാണു പങ്കുവെക്കുന്നത്. സുനിതയുടെ ജീവിതകഥ നിങ്ങളെ പ്രചോദിപ്പിക്കുക മാത്രമല്ല മറിച്ച് ഒന്നിനു മുന്നിലും തോറ്റുകൊടുക്കില്ലെന്ന ആത്മവിശ്വാസം കൂടി നല്‍കും.

2011ലുണ്ടായ ഒരു കാറപകടമാണ് സുനിതയുടെ ജീവിതത്തിന്റെ താളം തെറ്റിച്ചത്. സുഹൃത്തുക്കളോടൊപ്പം വീട്ടിലേക്കു വരുന്നതിനിടെ കാര്‍ അപകടത്തില്‍ പെടുകയായിരുന്നു. അപകടത്തില്‍ മുഖം പൂര്‍ണമായും തകര്‍ന്ന സുനിതയെ പിന്നീട് കാത്തിരുന്നത് ആശുപത്രിയുടെ നാളുകളായിരുന്നു. താന്‍ പ്രതീക്ഷിച്ചതിനു നേര്‍വിപരീതം ജീവിതത്തില്‍ സംഭവിച്ചപ്പോഴും അവള്‍ തകരാതെ കരുത്തയായി മുന്നേറി. ആ ആത്മവിശ്വാസം ഒന്നു മാത്രമാണ് സുനിതയെ സഹപാഠിയായിരുന്ന ജയ് എന്ന യുവാവിന്റെ പ്രണയത്തെ തിരിച്ചറിയാന്‍ സഹായിച്ചതും കുടുംബ ജീവിതത്തിലേക്കു കാലെടുത്തു വെപ്പിച്ചതുമൊക്കെ.

‘എല്ലാവരും ആസൂയപ്പെട്ടിരുന്ന ഒരു പെണ്‍കുട്ടിയായിരുന്നു അന്നു ഞാന്‍, എനിക്ക് ആണ്‍സുഹൃത്തുക്കളുമുണ്ടായിരുന്നു, എന്റെ ശ്രദ്ധ ലഭിക്കാന്‍ പിന്നാലെ നടന്നവരുമുണ്ട്, എനിക്കറിയാമായിരുന്നു ഞാന്‍ സുന്ദരിയാണെന്ന്. പക്ഷേ ജീവിതം റോസാപൂക്കളാല്‍ മനോഹരം മാത്രമാകില്ലല്ലോ. എന്റെ സഹോദരിയും മാതാപിതാക്കളും ഞാനും 250 സ്‌ക്വയര്‍ഫൂട്ടുള്ള ഒരു വീട്ടിലാണ് കഴിഞ്ഞു കൂടിയിരുന്നത്, അച്ഛന്‍ അമിത മദ്യപാനിയായിരുന്നു. ചിലപ്പോഴൊക്കെ മൂന്നുനേരവും ഭക്ഷണം കഴിക്കാന്‍ പോലും ഞങ്ങള്‍ പാടുപെട്ടു. നല്ലൊരു ജീവിതം കെട്ടിപ്പടുക്കണമെന്ന എന്റെ ആഗ്രഹമാണ് പ്ലസ്ടു കഴിഞ്ഞതോടെ എന്നെ ബാംഗ്ലൂരിലേക്കെത്തിച്ചത്. അവിടെ ഒരു ഫിസിയോതെറാപ്പി കോഴ്‌സിനു ചേരുകയും ജോലി ലഭിക്കുകയും ചെയ്തു.

2011 ഓഗസ്റ്റ് 27 ശനിയാഴ്ച ഞാന്‍ എന്റെ കോയമ്പത്തൂരിലുള്ള വീട്ടിലേക്കു പോവുകയായിരുന്നു. തിരുപ്പൂരിലേക്കു ഷോപ്പിങ്ങിനു പോകുന്ന സുഹൃത്തുക്കള്‍ എന്നെ ഡ്രോപ് ചെയ്യാമെന്നു പറയുകയായിരുന്നു. ഞങ്ങള്‍ കൃഷ്ണഗിരിയില്‍ എത്താറായപ്പോഴാണ് അതു സംഭവിച്ചത്. മാരുതി 800ല്‍ പുറകില്‍ പാട്ടുംകേട്ട് ഉറങ്ങിയ ഞാന്‍ ആ വലിയ ശബ്ദം കേട്ടാണ് ഉണര്‍ന്നത്. പിന്നീടു സുഹൃത്തുക്കള്‍ പറഞ്ഞാണു ഞാനറിഞ്ഞത്, എന്റെ മുടിയാകെ കെട്ടു പിണഞ്ഞു കിടക്കുകയായിരുന്നുവെന്നും ഡിവൈഡറില്‍ തട്ടി വാഹനം മൂന്നുതവണ മലക്കം മറിഞ്ഞ സമയത്ത് എന്റെ മുഖം വിന്‍ഡോയ്ക്ക് പുറത്തായിരുന്നുവെന്നുമൊക്കെ.

ജയ് എന്ന ഭര്‍ത്താവിന്റെ സാന്ത്വനം ഒന്നു മാത്രമാണ് അവളെ നാള്‍ക്കുനാള്‍ കരുത്തയാക്കുന്നത്. ഇന്ന് രണ്ടു കുട്ടികളുടെ അമ്മ കൂടിയാണ് സുനിത എന്റെ മുഖം ആകെ മാറിയിരുന്നു, ഏതാണ്ട് മൂന്ന് ആഴ്ചയെങ്കിലും എടുത്താണ് ചര്‍മം പൂര്‍ണമായും വൃത്തിയാക്കാന്‍ കഴിഞ്ഞതു തന്നെ.

വൃത്തിയാക്കിക്കൊണ്ടിരിക്കെയാണ് എന്റെ ഇടത്തേ കൃഷ്ണമണി കവിളിലിരിക്കുന്നത് അവര്‍ കണ്ടത്, ഡോക്ടര്‍മാര്‍ സശ്രദ്ധം അതു തല്‍സ്ഥാനത്തേക്കു നീക്കി. ട്യൂബിലൂടെയാണ് ആഹാരം കഴിച്ചിരുന്നത്. അവര്‍ എന്നും എന്റെ കൈകള്‍ ബെഡിനു പുറകില്‍ കെട്ടിയിരുന്നു, മുഖത്തിന്റെ അവസ്ഥ ഞാന്‍ തിരിച്ചറിയാതിരിക്കാനായിരുന്നു അങ്ങനെ ചെയ്തത്. എന്റെ കീഴ്ത്താടി അഞ്ചിടങ്ങളില്‍ പൊട്ടിയിരുന്നു, മേല്‍ത്താടിയാകട്ടെ പൂര്‍ണമായും തകര്‍ന്നിരുന്നു. ഒരു പല്ലു മാത്രമേ ബാക്കിയുണ്ടായിരുന്നുള്ളു, പിന്നീട് അവര്‍ കൃത്രിമപ്പല്ലു വെച്ചു തരികയായിരുന്നു.

എന്റെ മുഖം കാണാതിരിക്കാന്‍ കുറേക്കാലത്തേക്ക് മുറിയില്‍ കണ്ണാടികളൊന്നും വച്ചിരുന്നില്ല. കുറച്ചുകാലത്തിനിടെ ആദ്യമായി ഞാന്‍ എന്റെ മുഖം കാണുന്നത് എലിവേറ്റര്‍ ഡോറിലൂടെയായിരുന്നു, അക്ഷരാര്‍ഥത്തില്‍ നിരാശയായ ഞാന്‍ അന്നു ശരിക്കും നിലവിളിച്ചു. വിരൂപമായ മുഖത്തിന്റെ മധ്യഭാഗത്ത് ഒരു ദ്വാരവുമായൊരു രൂപം എന്നെ തുറിച്ചു നോക്കുന്നു. 2011നും 2014നും ഇടയിലുള്ള കാലങ്ങളിലായി 27ഓളം സര്‍ജറികള്‍ എന്നില്‍ ചെയ്തു. ഇന്ന് എനിക്ക് രുചിയറിയാനുള്ള കഴിവോ കണ്ണുനീര്‍ ഗ്രന്ഥിയോ ഇല്ല. മണക്കാനുള്ള കഴിവോ ഭക്ഷണം ചവയ്ക്കാനുള്ള കഴിവോ ഇല്ലെന്നു മാത്രമല്ല വായ അടയ്ക്കാനും കഴിയില്ല.

ഈ യാത്ര എന്നെ ബന്ധങ്ങളെക്കുറിച്ച് ഒരുപാടു പഠിപ്പിച്ചു. ഒരു തൂണുപോലെ എനിക്കൊപ്പം ഉറച്ചുനിന്ന സഹോദരിയും എന്റെ ശബ്ദമാകാന്‍ മുന്നോട്ടുവന്ന സുഹൃത്തുക്കളും. ഒപ്പം എന്നെ വിട്ടുപോയവരുമുണ്ട്, എന്നെ കാണാന്‍ ധൈര്യമില്ലാത്തവരും തകര്‍ന്നു പോയവരുമൊക്കെ അക്കൂട്ടത്തിലുണ്ട്.

ഡിസ്ചാര്‍ജ് ആയതോടെ ഞാന്‍ തമിഴ്‌നാട്ടിലേക്കു പോയിരുന്നെങ്കിലും വീണ്ടും ബാംഗ്ലൂരിലേക്കു തിരിച്ചുവന്നു. അന്നാണ് ഞങ്ങള്‍ക്കു പതിനേഴു വയസ്സു പ്രായമുള്ളപ്പോള്‍ എന്നോടു പ്രണയം ഉണ്ടായിരുന്ന ആ സഹപാഠി എന്നെ കണ്ടതും പ്രണയാഭ്യര്‍ഥന നടത്തിയതും. 2012നു ശേഷം എന്റെ എല്ലാ സര്‍ജറികള്‍ക്കും കൂട്ടായി അദ്ദേഹവും ഉണ്ടായിരുന്നു. അദ്ദേഹത്തെ സംബന്ധിച്ചിടത്തോളം എന്റെ അപകടമോ, സര്‍ജറികളോ, ദുരിതം നിറഞ്ഞ കുട്ടിക്കാലമോ ഒന്നും പ്രശ്‌നമല്ല. 2014ല്‍ ഞങ്ങള്‍ വിവാഹിതരായി. കുട്ടികള്‍ ഉണ്ടാകാതിരിക്കാന്‍ ശ്രദ്ധിക്കണം, കാരണം അവര്‍ക്ക് എന്റെ മുഖമായിരിക്കും എന്നു പറഞ്ഞവര്‍ വരെയുണ്ട്. അതിനെയൊക്കെ ഞങ്ങള്‍ ചിരിച്ചു തള്ളിയിട്ടേയുള്ളു.

ആദ്യമൊക്കെ എനിക്കു ദേഷ്യം തോന്നുകയും മടുപ്പു തോന്നുകയും ഒക്കെ ചെയ്യുമായിരുന്നു. എനിക്കെന്തു കൊണ്ടാണ് ഇങ്ങനെ സംഭവിച്ചത്? ഇത് കര്‍മഫലമാണോ? അതിന് ഞാന്‍ ആരെയും വേദനിപ്പിച്ചിട്ടില്ലല്ലോ, എന്നും എനിക്കൊരു നല്ല ജീവിതം വേണമെന്നു മാത്രമേ ആഗ്രഹമുണ്ടായിരുന്നുളളു. പക്ഷേ ജീവിതം ഒരിക്കലും എന്നെ നോക്കി കളിയാക്കിച്ചിരിക്കരുത് എന്നു നിര്‍ബന്ധമുണ്ടായിരുന്നു. അതുകൊണ്ടുതന്നെ ഞാന്‍ അതെല്ലാം മറികടന്നു.’

സുനിതയുടെയും ഭര്‍ത്താവ് ജയ്‌യുടെയും പ്രണയകഥ അന്നൊക്കെ വാര്‍ത്തകളിലും നിറഞ്ഞിരുന്നു. കാര്‍ അപകടത്തില്‍ മുഴുവനായി മുഖം തകര്‍ന്നിട്ടും പ്രണയത്തിനു മുന്നില്‍ മുട്ടുമടക്കാതിരുന്ന ജയ് യഥാര്‍ഥ പ്രണയം എന്താണെന്നു കാണിച്ചു തരികയായിരുന്നു.

പ്ലസ് ടു കാലത്തായിരുന്നു ജയ്‌യ്ക്ക് സുനിതയോടു പ്രണയം തോന്നിത്തുടങ്ങിയത്, പക്ഷേ പരീക്ഷയില്‍ ഉഴപ്പാതിരിക്കാനും പ്രണയം പറഞ്ഞാല്‍ സുനിത സൗഹൃദം ഉപേക്ഷിച്ചേക്കുമോ എന്നു ഭയന്നും ജയ് അക്കാര്യം മറച്ചുവച്ചു. അന്നു പിരിഞ്ഞതിനു ശേഷം രണ്ടുവര്‍ഷത്തേക്ക് യാതൊരു ബന്ധവും ഇരുവരും തമ്മിലുണ്ടായില്ല. പിന്നീട് ജയ്‌യുടെ ഒരു പിറന്നാള്‍ ദിനത്തില്‍ സുനിത ഫോണ്‍ വിളിച്ച് ആശംസ അറിയിച്ചതോടെയാണ് ആ പ്രണയം ജയ് വീണ്ടും തിരിച്ചറിയുന്നത്. അങ്ങനെ സുനിതയെ തന്റെ ഇഷ്ടം അറിയിക്കുയായിരുന്നു.

ആ ഇടയ്ക്കാണ് സുനിതയുടെ കാറപകടം സംഭവിക്കുന്നത്. അപകടം അറിഞ്ഞ് ആശുപത്രിയിലെത്തിയ ജയ് തിരിച്ചറിയാനാകാത്ത വിധം മുഖം നഷ്ടമായ സുനിതയെ കണ്ടു ശരിക്കും തളര്‍ന്നു. എങ്കിലും ഒരിക്കലും അവളെ കൈവിടില്ലെന്ന് അന്നുതന്നെ ജയ് തീരുമാനമെടുത്തിരുന്നു. പിന്നീട് വിവാഹം ചെയ്യാന്‍ തയാറാണെന്ന് ജയ് അറിയിച്ചപ്പോള്‍ ആദ്യമേ സുനിത എതിര്‍ത്തിരുന്നു. പക്ഷേ ജയ്‌യുടെ ആത്മാര്‍ഥ പ്രണയമാണെന്നു മനസിലാക്കിയതോടെ വിവാഹത്തിനു സുനിതയും തയ്യാറാവുകയായിരുന്നു.

വീട്ടുകാരും സുഹൃത്തുക്കളുമൊക്കെ തുടക്കത്തില്‍ എതിര്‍പ്പുമായി നിന്നപ്പോഴും ജയ് പതറിയില്ല, അവരെയെല്ലാം സമ്മതിപ്പിച്ച് സുനിതയുടെ കഴുത്തില്‍ താലി കെട്ടി. നിരവധി ശസ്ത്രക്രിയകള്‍ നടത്തിയെങ്കിലും ഇപ്പോഴും പഴയ അവസ്ഥയിലേക്ക് സുനിത എത്തിയിട്ടില്ല, ജയ് എന്ന ഭര്‍ത്താവിന്റെ സാന്ത്വനം ഒന്നു മാത്രമാണ് അവളെ നാള്‍ക്കുനാള്‍ കരുത്തയാക്കുന്നത്. ഇന്ന് രണ്ടു കുട്ടികളുടെ അമ്മ കൂടിയാണ് സുനിത.

കുഞ്ഞുങ്ങള്‍ക്ക് തേന്‍ നല്‍കാമേ?
Posted by
15 September

കുഞ്ഞുങ്ങള്‍ക്ക് തേന്‍ നല്‍കാമേ?

ജനിച്ചയുടന്‍ തന്നെ കുഞ്ഞിന് തേനും വയമ്പുമൊക്കെ ചാലിച്ച് കൊടുക്കുന്ന രീതി നമ്മുടെ നാട്ടില്‍ പതിവാണല്ലോ.

ഈ തേനൂട്ടല്‍ ഒരു അവകാശമായി കാണുന്നവരാണ് ഏറെയും. പല ഡോക്ടര്‍മാരും ഇന്ന് ഇക്കാര്യം സമ്മതിക്കില്ല എങ്കിലും ഡോക്ടറുടെയും നഴ്‌സിന്റെയും കണ്ണില്‍പ്പെടാതെ പലരും കുഞ്ഞിന് തേന്‍ നല്‍കും.

ജനിച്ചയുടനെ എന്നല്ല, അടുത്ത ഒരു മാസത്തോളം കുഞ്ഞിന് തേന്‍ നല്‍കരുത് എന്നാണ് പഠനങ്ങള്‍ പറയുന്നത്. തേന്‍ നല്‍കുന്നതു മൂലമുണ്ടാകുന്ന രോഗാവ്‌സഥയായ ബോട്ടുലിസം കുഞ്ഞിന്റെ ജീവന് പോലും ഹാനികരണമാണെന്നാണ് വിദഗ്ദ്ധരുടെ കണ്ടെത്തല്‍.

ചര്‍മ്മ സൗന്ദര്യത്തിനും യൗവ്വനം കാത്തുസൂക്ഷിക്കാനും ഒരു ചിരി മരുന്ന്
Posted by
15 September

ചര്‍മ്മ സൗന്ദര്യത്തിനും യൗവ്വനം കാത്തുസൂക്ഷിക്കാനും ഒരു ചിരി മരുന്ന്

ആരോഗ്യവും സൗന്ദര്യവും വര്‍ദ്ധിക്കാന്‍ പല മാര്‍ഗ്ഗങ്ങളും അന്വേഷിച്ച് നടക്കുന്നവര്‍ക്കായി ഒരു ചിരി മരുന്ന് ഇതാ. ചിരി ആയുസ്സുകൂട്ടുമെന്നാണ് ചൊല്ല്. സൗന്ദര്യവും ആരോഗ്യവും വര്‍ദ്ധിക്കാന്‍ നന്നായി മനസറിഞ്ഞ് ചിരിച്ചാല്‍ മതി. പല ആരോഗ്യ പ്രശ്‌നങ്ങള്‍ക്കും ഒരു ചിരി മതി.

ചിരിക്കുമ്പോള്‍ മാനസിക സമ്മര്‍ദം കുറയുന്നു. രക്തയോട്ടം വര്‍ധിക്കുന്നു. സുഖനിദ്ര നല്‍കും, ചിരിക്കുന്നവര്‍ക്ക് നല്ല ഉറക്കം കിട്ടും. ചിരി ശരീരഭാരം നിയന്ത്രിക്കും. ചിരിക്കുമ്പോള്‍ തലച്ചോറില്‍ നടക്കുന്ന രാസപ്രക്രിയ ശരീരഭാരം കുറക്കുകയും വയര്‍ ചാടുന്നത് ചടയുകയും ചെയ്യുന്നു.

ഹൃദയത്തെ കാക്കും. ചിരിക്കുമ്പോള്‍ ഹൃദയത്തിലേക്ക് രക്തയോട്ടം വര്‍ധിക്കുകയും ഹൃദ്രോഗ സാധ്യത 40ശതമാനത്തോളം തടയുകയും ചെയ്യുന്നു. മുഖസൗന്ദര്യം കൂട്ടും. ചര്‍മ്മ സൗന്ദര്യത്തിനും യൗവനം കാത്തുസൂക്ഷിക്കാനും ചിരി മരുന്നാണ്.