Usefull tips for lovers and couples for strengthen relationship
Posted by
27 December

പങ്കാളികളുടെ ശ്രദ്ധയ്ക്ക്... തമ്മില്‍ തല്ലാതെ ബന്ധം മുന്നോട്ട് കൊണ്ടുപോകണോ... ചില മാര്‍ഗ്ഗങ്ങള്‍ ഇതാ

ജീവിത്തില്‍ ഒരിക്കല്‍ പോലും പ്രണയിക്കാത്തവരായി ആരും ഉണ്ടാകില്ല. അതില്‍ ചിലരെങ്കിലും അനശ്വര പ്രണയത്തിന്റെ രക്തസാക്ഷികളും സ്മാരകങ്ങളും ആകും. ചിലര്‍ എപ്പോഴും പ്രണയിച്ചുകൊണ്ടേയിരിക്കും. ഇപ്പറയുന്ന പ്രേമമാണെങ്കിലും സ്‌നേഹമാണെങ്കിലും ബന്ധങ്ങള്‍ വിജയിക്കണമെങ്കില്‍ ഇരുവരും തമ്മിലുള്ള കൂട്ടായ പരിശ്രമം വേണമെന്ന കാര്യത്തില്‍ സംശയമില്ല. ഏറെ നാളത്തെ പ്രണയത്തിനൊടുവില്‍ ഒന്നിച്ച് ജീവിച്ച് തുടങ്ങുമ്പോള്‍ യോജിച്ച് പോകുകയെന്നത് വളരെ പ്രധാനപ്പെട്ട കാര്യമാണ്. മനസ്സിലാക്കാനും മനസ്സിലാക്കപ്പെടുവാനും ഇരു കൂട്ടര്‍ക്കും പ്രത്യേകം കഴിവും വേണമെന്നതില്‍ സംശയമില്ല. പ്രണയിക്കുന്നവര്‍ തമ്മില്‍ പരസ്പരം സ്‌നേഹവും ബഹുമാനവും നല്‍കുമ്പോഴാണ് നല്ലരീതിയില്‍ പ്രണയ ബന്ധം മുന്നോട്ട് പോകുകയുള്ളൂ….

തനിക്കെന്ന പോലെ മറ്റെയാള്‍ക്കും സ്വപ്‌നങ്ങള്‍ ഉണ്ടെന്ന് മനസ്സിലാക്കി പെരുമാറുക എന്നത് ഏറെ പ്രധാനപ്പെട്ട കാര്യമാണ്. ഞാന്‍,എന്റെ എന്നീ സ്വാര്‍ത്ഥ വിചാരങ്ങളാണ് പലപ്പോഴും ബന്ധങ്ങളില്‍ വിള്ളലുണ്ടാക്കുന്നത്. അതിനാല്‍ ‘എന്റെ’ എന്നതിന് പകരം നമ്മുടേത് എന്നും അതുപോലെ ‘നിന്റെ’ എന്ന വാക്കിനും ജീവിതത്തില്‍ പ്രാധാന്യം കൊടുക്കുക. പരസ്പരം രണ്ടാളും കരുതല്‍ നല്‍കുന്നുണ്ടെന്നത് ഏറെ പ്രധാനമാണ്. ഇന്ത് ബന്ധത്തിന് കൂടുതല്‍ ദൃഢത നല്‍കും.

സ്വന്തം വീട്ടുകാര്‍ എന്നത് പോലെ കൂടെയുള്ള ആള്‍ക്കും കുടുംബക്കാര്‍ ഉണ്ടെന്നോര്‍ക്കുക. ഒരുമിച്ച് ജീവിക്കുകയാണെങ്കില്‍ രണ്ട് പേരുടേയും കുടുംബത്തെയും അംഗീകരിച്ചു മുന്നോട്ട് പോകാന്‍ കഴിയണമെന്നതിന് ഏറെ പ്രസക്തിയുണ്ട്. ഇഷ്ടമായില്ലെങ്കില്‍ കൂടി പങ്കാളിയുടെ കുടുംബത്തോട് മോശമായി പെരുമാറാതിരിക്കാനുള്ള മാന്യതയുണ്ടാവണം. മിക്ക പ്രേമബന്ധങ്ങളും കുടുംബ ബന്ധങ്ങളും തകരുന്നതിന്റെ ഒരു കാരണം ഈ മാന്യത കൈവിട്ടു പോകുന്നതാണ് എന്നത് മറക്കരുത്. അവന്റെ അല്ലെങ്കില്‍ അവളുടെ കുടുംബത്തെയോ ബന്ധുക്കളെയോ ഒരു കാര്യമില്ലാതെ കളിയാക്കുകയോ പരിഹസിക്കുകയോ ചെയ്യരുത് എന്നത് ഏറെ ശ്രദ്ധിക്കുക.

സുഹൃത്തുക്കളുമായുള്ള ബന്ധത്തിന്റെ പേരില്‍ സ്വരചേര്‍ച്ചകള്‍ ഇണ്ടാകുക സാധാരണമാണ്. കാമുകന്റെ സുഹൃത്തിനെ കാമുകിയ്ക്ക് ഇഷ്ടമില്ലെങ്കില്‍ അതിന്റെ പേരില്‍ പ്രണയബന്ധത്തിനും കുടുംബ ബന്ധത്തിനും വിള്ളല്‍ വീഴുക സാധാരണമാണ്. അതുകൊണ്ട് തന്നെ പങ്കാളിയുടെ സുഹൃത്തുമായി ഒത്തു പോകാന്‍ കഴിയില്ലെങ്കില്‍ ഇഷ്ടമില്ലാത്ത സുഹൃത്ത് ബന്ധങ്ങളില്‍ വലിച്ചിടാന്‍ ശ്രമിക്കാതിരിക്കുക. നിങ്ങളുടെ സുഹൃത്തിനെ എപ്പോഴും സുഹൃത്തായി കാണാനോ സംസാരിക്കാനോ പങ്കാളിക്ക് കഴിയുന്നില്ലെങ്കില്‍ നിര്‍ബന്ധിച്ച് പ്രശ്‌നമുണ്ടാക്കാതിരിക്കുക. അതേപോലെ തന്നെ എല്ലാവര്‍ക്കും ഇഷ്ടങ്ങളും അനിഷ്ടങ്ങളുമുണ്ടെന്ന ഓര്‍മ്മ വേണം.ഒരിക്കലും നിര്‍ബന്ധിച്ച് ഒരു കാര്യത്തിന് പുറപ്പെടരുത്. എത്രത്തോളം സമയം ഒരു ബന്ധത്തിന് നല്‍കണമെന്നത് ഒരാളുടെ വ്യക്തിപരമായ കാര്യമാണ്. അത് എന്റെ എന്നതു പോലെ മറ്റൊരാളുടേതും എന്ന ചിന്തയുണ്ടാവണം.

എല്ലാ ചിലവുകളും ഒരാള്‍ വഹിക്കുകയെന്നത് ഇന്നത്തെ കാലത്ത് ബുദ്ധിമുട്ടുണ്ടാക്കും, അത് കുടുംബ ബന്ധത്തിലാണെങ്കിലും പ്രണയിക്കുന്ന സമയത്താണെങ്കിലും . പക്ഷേ പ്രണയിക്കുന്ന സമയത്ത് ഒരാള്‍ തന്നെ ബില്ലടയ്ക്കുന്ന സ്ഥിതിയാണ് നാം കാണുക. പക്ഷേ ഒരു കാര്യം ശ്രദ്ധിക്കണം പ്രണയിച്ച് നടക്കുന്ന കാലമാണെങ്കില്‍ എപ്പോഴും ഒരാള്‍ തന്നെ ബില്ലടയ്ക്കുന്നത് അത്ര നല്ല രീതിയില്‍ മുന്നോട്ട് പോവില്ല. കൊടുക്കല്‍ വാങ്ങലുകള്‍ രണ്ട് കൂട്ടരുടേയും ഭാഗത്ത് നിന്ന് ഉണ്ടാവുന്നതാണ് ബന്ധങ്ങള്‍ നല്ല രീതിയില്‍ മുന്നോട്ട് പോകാന്‍ ആവശ്യം.

വഴക്കിനിടയില്‍ താഴ്ത്തി കെട്ടി സംസാരിക്കുന്നതും കഴിഞ്ഞ കാര്യങ്ങളെ കുറിച്ച് സംസാരിക്കുന്നതും ഒഴിവാക്കാന്‍ പ്രത്യേകം ശ്രദ്ധിക്കണം. ചെറിയ ചെറിയ പിണക്കങ്ങള്‍ എല്ലാ ബന്ധങ്ങളിലും സാധാരണമാണ്. എന്നാല്‍ വഴക്ക് മൂര്‍ഛിക്കുമ്പോള്‍ വാക്കുകള്‍ സൂക്ഷിച്ച് ഉപയോഗിക്കാന്‍ ശ്രദ്ധിക്കണം. അതേപോലെ മുന്‍ കാമുകന്റെയോ കാമുകിയുടെയോ കാര്യങ്ങള്‍ പറഞ്ഞ് പരസ്പരം വാക്ക്‌പോര് നടത്താതിരിക്കാന്‍ ശ്രമിക്കണം എക്‌സ് കാമുകി, എക്‌സ് കാമുകന്‍ എന്നത് മലയാള പദമെന്ന പോലെ ആയി കഴിഞ്ഞു. മുന്‍ കാമുകിയും കാമുകനും ബന്ധങ്ങള്‍ക്കിടയില്‍ ചര്‍ച്ചയാവുന്നത് ദോഷം മാത്രമേ ഉണ്ടാക്കൂ.

ഇരുവരുടേയും ജീവിതത്തിലെ സ്ഥാനം അഥവ ‘ഇടം’ എന്നിവയെ കുറിച്ചുള്ള തുറന്ന സംസാരം ആവശ്യമാണ്. ജീവിതത്തില്‍ ഓരോ കാര്യങ്ങള്‍ക്കും പ്രത്യേക ഇടവും സ്ഥാനവും എല്ലാവര്‍ക്കും ഉണ്ട്. ഇത് പരസ്പരം അറിയുകയും സംസാരിച്ച് വ്യക്തത വരുത്തുകയും ചെയ്യേണ്ടത് അത്യാവശമാണ്. പേഴ്‌സണല്‍ മാറ്ററുകളില്‍ ഇടപെടരുതെന്നും വ്യക്തി സ്വാതന്ത്ര്യത്തില്‍ കൈകടത്തരുതെന്നും ചുരുക്കം. അതേസമയം നിങ്ങളുടെ ജീവിതത്തിലെ പ്രധാനപ്പെട്ട മുന്‍ഗണനയുള്ള കാര്യങ്ങള്‍ പങ്കാളിയുമായി ഉറപ്പായും പങ്കുവെയ്ക്കുക. ചിലര്‍ക്ക് ജോലി മുന്‍ഗണന ആയിരിക്കും ചിലര്‍ക്ക് കുടുംബം രക്ഷിതാക്കള്‍ എന്നിവരായിരിക്കും മുന്‍ഗണന. ഇതറിഞ്ഞ് പ്രവര്‍ത്തിക്കാന്‍ പങ്കാളിക്ക് കഴിയുമ്പോള്‍ ബന്ധങ്ങള്‍ ഊഷ്മളമായി തുടരും.

watching porn video habits destroy your family life
Posted by
05 December

അശ്ലീല വീഡിയോ കാണുന്നവര്‍ സൂക്ഷിക്കുക; ദാമ്പത്യം തകര്‍ക്കും

-ഫഖ്‌റുദ്ധീന്‍ പന്താവൂര്‍

ലൈംഗികാസ്വാദനത്തിന് അശ്ലീല വീഡിയോകള്‍ കാണുന്നവര്‍ ജാഗ്രതൈ. അവര്‍ക്ക് ദാമ്പത്യത്തില്‍ വിജയിക്കാനാവില്ല. വിവാഹത്തിന് മുമ്പ് യുവതികളും യുവാക്കളും രഹസ്യമായും പരസ്യമായും ഇത്തരം വീഡിയോകള്‍ കാണുന്നത് പതിവാണ്. എന്നാല്‍ ഇത് പതിവാകുന്നത് മനോനിലയെ തകര്‍ക്കും. ഉപബോധ മനസ്സില്‍ ആഴത്തില്‍ പതിയുന്ന ഇത്തരം ശീലങ്ങള്‍ വിവാഹജീവതത്തില്‍ ഒരു ദുരന്തമായി കലാശിക്കുകയാണ് ചെയ്യുക. അശ്ലീല ചിത്രങ്ങള്‍ കാണുന്നത് പതിവാകുകയും സ്വയംഭോഗം ദിവസത്തില്‍ കൂടുതലാക്കുകയും ചെയ്താല്‍ പിന്നീട് ലൈംഗിക ഉദ്ധാരണ ശേഷിയെത്തന്നെ ഇല്ലാതാക്കും. ഇതോടെ ദാമ്പത്യ ജീവിതം പരാജയത്തില്‍ തന്നെ. തകരുന്ന ദാമ്പത്യങ്ങളില്‍ നല്ലൊരു പങ്കിന്റെയും യഥാര്‍ത്ഥ കാരണങ്ങള്‍ പുറത്ത് വരാറില്ല. കാരണങ്ങളിലേക്കന്വേഷിച്ചാല്‍ കിട്ടുക ഇതുപോലുള്ള കാരണങ്ങളാകും.

ലൈംഗികാസ്വാദനത്തിന് പലരും പല വഴികള്‍ തേടാറുണ്ട്. അതില്‍ പ്രധാനമാണ് അശ്ലീല വീഡിയോകള്‍ കാണുക എന്നത്. അശ്ലീല വീഡിയോകള്‍ ഓണ്‍ലൈനായും ഓഫ്‌ലൈനായും കാണുന്നവര്‍ നിരവധിയാണ്. എന്നാല്‍ ഇത്തരക്കാര്‍ക്ക് അത്ര ശുഭകരമല്ലാത്ത ഒരു വാര്‍ത്തയാണ് ഇപ്പോള്‍ പുറത്തുവന്നിരിക്കുന്നത്. അമിതമായി അശ്ലീല വീഡിയോകള്‍ കാണുന്നവരില്‍ ലൈംഗിക ശേഷി നഷ്ടപ്പെടുമെന്ന് റിപ്പോര്‍ട്ടുകള്‍ വ്യക്തമാക്കുന്നു. ലൈംഗിക ശേഷിക്ക് പുറമെ മാനസികശാരീരിക ആരോഗ്യത്തേയും പോണ്‍ വീഡിയോ കാണുന്നത് പ്രതികൂലമായി ബാധിക്കും. പുരുഷന്‍മാരെയാണ് ഇത് ഏറ്റവുമധികം ബാധിക്കുകയെന്നും റിപ്പോര്‍ട്ടില്‍ പറയുന്നു.

വിവാഹിതരല്ലാത്തവര്‍ ഒരു കൗതുകത്തിന് തുടങ്ങി പിന്നിടിതിന് അടിമയാകുന്നിടത്താണ് അപകടം. കൗമാരക്കാലത്ത ലൈംഗിക അറിവുകള്‍ ശരിയായ രീതിയില്‍ ലഭിച്ചിരുന്നെങ്കില്‍ ഇതില്‍ നിന്നെല്ലാം രക്ഷപ്പെടുത്താം. ഇപ്പോള്‍ പത്തില്‍ ഒന്ന് എന്ന നിരക്കില്‍ യുവാക്കളില്‍ ഉദ്ധാരണ ശേഷിക്കുറവ് ഉണ്ടാകുന്നുണ്ടെന്നാണ് കണക്കുകള്‍ പറയുന്നത്. 13 നും 25 നും ഇടയില്‍ പ്രായമുള്ളവരാണ് ഇത്തരം പ്രശ്‌നങ്ങളുമായി ആശുപത്രികളില്‍ എത്തുന്നത്. ഇത് വളരെ ഗുരുതരമായ സ്ഥിതിവിശേഷമാണ് സൃഷ്ടിക്കുന്നതെന്നും ജനങ്ങളില്‍ അവബോധം സൃഷ്ടിക്കേണ്ട സമയം അതിക്രമിച്ചിരിക്കുകയാണെന്നും കണക്കുകള്‍ പറയുന്നു .

ഒരു യുവാവ് അശ്ലീല വീഡിയോ കണ്ട് ദിവസവും പതിനഞ്ച് മിനിട്ട് സ്വയംഭോഗം ചെയ്യുകയാണെങ്കില്‍ ഭാവിയില്‍ അയാള്‍ക്ക് ജീവിത പങ്കാളിയുമായി ലൈംഗിക ബന്ധത്തില്‍ ഏര്‍പ്പെടുന്നതിനുള്ള താത്പര്യം നഷ്ടപ്പെടും. ലൈംഗിക ഉത്തേജനം ലഭിക്കാന്‍ ഇത്തരക്കാര്‍ക്ക് പിന്നീട് പോണ്‍ വീഡിയോകളെ മാത്രം ആശ്രയിക്കേണ്ട അവസ്ഥ ഉണ്ടാകും. പോണ്‍ വീഡിയോ കാണുന്നത് പതിവാക്കിയവര്‍ ദമ്പതികളായാല്‍ സ്വന്തം ഇണയെ ചിത്രങ്ങളിലെ കഥാപാത്രങ്ങളായി സങ്കല്‍പ്പിച്ചാല്‍ മാത്രമെ യഥാര്‍ത്ഥ ലൈംഗികാസ്വാദനം ലഭിക്കൂ. ഇത്തരം വീഡിയോകളോ അതിനെക്കുറിച്ചുള്ള കഥകളോ ഭാവനകളോ ഇല്ലെങ്കില്‍ ഇവര്‍ക്ക് ഇണകളുമായി ലൈംഗികസുഖം പോലും അനുഭവപ്പെടില്ല .

സംഗതി ലളിതമാണ് .ഉപബോധമനസ്സില്‍ അങ്ങനെ പതിഞ്ഞു . നിരന്തരം മനസ്സിലേക്ക് നല്‍കുന്ന ചിത്രങ്ങളും ചിന്തകളും സന്ദേശങ്ങളുമാണ് ഉപബോധമനസ്സില്‍ ആഴത്തില്‍ പതിയുക .നിങ്ങള്‍ എന്ത് ചിന്തിക്കുന്നോ അതാണ് നിങ്ങളുടെ മനസ്സ്. പുരുഷന്‍മാരില്‍ മൂന്നിലൊന്നും ദിവസവും പോണ്‍ വീഡിയോ കാണുന്നവരാണെന്നാണ് പഠനത്തില്‍ പറയുന്നത്. സ്മാര്‍ട്ട് ഫോണുകളുടെയും മറ്റും വരവോടെ ഈ എണ്ണത്തില്‍ വന്‍വര്‍ധനവാണ് ഉണ്ടായിരിക്കുന്നത്. ജീവിത പങ്കാളിയില്‍ നിന്ന് ലൈംഗിക ഉത്തേജനം നേടാന്‍ കഴിയാത്ത അവസ്ഥയിലേക്കാവും ഇത് പുരുഷന്‍മാരെ നയിക്കുക.
ഇവര്‍ക്ക് ഭാര്യമാരുടെ നഗ്‌നഫോട്ടോകള്‍ മൊബൈലിലോ കമ്പ്യൂട്ടറിലോ കണ്ടാല്‍ മാത്രമെ ലൈംഗിക സുഖം ലഭിക്കൂ. ഇതിനായി എടുക്കുന്ന ചിത്രങ്ങള്‍ മൊബൈലില്‍ നിന്ന് ലീക്കാകുന്നതോടെ നഷ്ടപ്പെടുന്നത് ജീവന്‍ മാത്രമല്ല വിശ്വാസവും കൂടിയാണ് .

(മാധ്യമ പ്രവര്‍ത്തകനും അധ്യാപകനും ഹിപ്പ്‌നോട്ടിക്കല്‍ കൗണ്‍സിലറുമാണ് ലേഖകന്‍;946025819 )

Are You in Love
Posted by
21 August

നിങ്ങളില്‍ ഈ മാറ്റങ്ങളുണ്ടോ? എങ്കില്‍ നിങ്ങളും പ്രണയിക്കുകയാണ്

മനസില്‍ ഒരിക്കല്‍പോലും പ്രണയം തോന്നാത്തവരായി ആരും ഉണ്ടാകില്ല. പ്രണയം മനസിനും ശരീരത്തിനും മാറ്റങ്ങളുണ്ടാക്കുന്നുണ്ടെന്നത് പലരും ശ്രദ്ധിക്കാത്ത കാര്യമാണ്. പ്രണയിക്കുന്നവരാണോ നിങ്ങള്‍? അതറിയാന്‍ ഇക്കാര്യങ്ങളൊന്നു ശ്രദ്ധിക്കൂ.

പ്രണയിക്കുന്നുണ്ടോ ഇല്ലയോ എന്ന് കണ്ണുകള്‍ പറയും. പ്രണയിനിയെ കാണുമ്പോള്‍ കണ്ണിലെ കൃഷ്ണമണി താനേ വികസിക്കും. കണ്‍മണിയെ കാണുമ്പോള്‍ നാഡീവ്യവസ്ഥയിലുണ്ടാകുന്ന ഉത്തേജനം മൂലമാണ് കൃഷ്ണമണി വികസിക്കുന്നതെന്ന് ശാസ്ത്രം പറയുന്നു.

പ്രണയിക്കുന്നവര്‍ക്ക് ഉറക്കമുണര്‍ന്നു വരുമ്പോള്‍ ചെറിയ അസുഖകരമായ അവസ്ഥ ഉണ്ടാകാറുണ്ട്. സ്ട്രസ് ഹോര്‍മോണായ കോര്‍ട്ടിസോണിന്റെ പ്രവര്‍ത്തനമാണ് ഇതിന് കാരണം.

പ്രണയിക്കുന്നവരുടെ ശരീരത്തിന് കൂടുതല്‍ ഉന്‍മേഷവും ഊര്‍ജവും നല്‍കുമെന്ന് പഠനങ്ങള്‍ പറയുന്നു. ഓക്സിടോസിന്‍ ഹോര്‍മോണിന്റെ അളവ് വര്‍ദ്ധിക്കുന്നതാണ് കാരണം. ഇതോടെ കിട്ടുന്ന അധികബലത്തിന് ഹിസ്റ്റീരിക്കല്‍ സ്ട്രങ്ത് എന്നു പറയും. ശബ്ദത്തിനും ഉണ്ടാകും ചില മാറ്റങ്ങള്‍. മെല്ലെ സംസാരിച്ചു കൊണ്ടിരുന്നവര്‍ ഉറച്ച ശബ്ദത്തില്‍ സംസാരിച്ചു തുടങ്ങും. പ്രണയിക്കുന്ന പുരുഷന്‍മാരുടെ അസ്ഥികള്‍ക്കും പേശികള്‍ക്കും ബലം വര്‍ദ്ധിക്കുമെന്നും പഠനം പറയുന്നു.

പ്രണയം സ്ത്രീയിലും പുരുഷനിലും ഹോര്‍മോണുകളില്‍ വ്യതിയാനം ഉണ്ടാക്കുന്നു. പുരുഷന്‍മാരിലും സ്ത്രീകളിലും കോര്‍ട്ടിസോണ്‍ ഹോര്‍മോണിന്റെ അളവ് വര്‍ദ്ധിക്കുന്നു. അതേപോലെ പുരുഷ ലൈംഗിക ഹോര്‍മോണായ ടെസ്റ്റോസ്റ്റീറോണിന്റെ അളവ് പുരുഷന്‍മാരിലും സ്ത്രീകളിലും വര്‍ധിക്കുന്നു.

പ്രണയം കൊടുമ്പിരികൊള്ളുമ്പോള്‍ ഉറക്കം നഷ്ടമാകുക സ്വാഭാവികമാണ്. പ്രണയം കാരണം രാവിലെയും വൈകിട്ടും കൂടുതല്‍ ഊര്‍ജ്ജം ലഭിക്കുന്നു. ഇതാണ് രാത്രി ഉറക്കം നഷ്ടപ്പെടാന്‍ കാരണമെന്ന് ചില പഠനങ്ങള്‍ പറയുന്നു.

എഴുത്തുകാരോ, ചിത്രകാരോ ആണെങ്കില്‍ ഒരാള്‍ പ്രണയിച്ചു തുടങ്ങുമ്പോള്‍, അയാളുടെ ക്രിയാത്മകത വര്‍ദ്ധിക്കുന്നതായും കാണാം