വാലന്റൈന്‍സ് ദിനം വിവാഹത്തിന് അശുഭമോ? ഫെബ്രുവരി 14ന് വിവാഹിതരായാല്‍…
Posted by
14 February

വാലന്റൈന്‍സ് ദിനം വിവാഹത്തിന് അശുഭമോ? ഫെബ്രുവരി 14ന് വിവാഹിതരായാല്‍...

കമിതാക്കള്‍ ജാഗ്രതൈ! ഫെബ്രുവരി 14ന് വിവാഹിതരായി എന്നെന്നും തങ്ങളുടെ പ്രണയം കാത്ത് സൂക്ഷിക്കാമെന്ന് കരുതുന്നവരുടെ എണ്ണം വര്‍ധിച്ച് വരികയാണെങ്കിലും ആ ചിന്ത തന്നെ ഉപേക്ഷിച്ചോളൂ എന്നാണ് പുതിയ പഠനങ്ങള്‍ പറയുന്നത്. പ്രണയദിനത്തിലെ വിവാഹം ശുഭമല്ലെന്നാണ് റിപ്പോര്‍ട്ടുകള്‍ തെളിയിക്കുന്നത്. വാലന്റൈന്‍സ് ദിനത്തില്‍ നടന്നിട്ടുള്ള വിവാഹങ്ങള്‍ പലതും വിവാഹ മോചനത്തിലാണ് അവസാനിക്കുന്നതെന്നും ഈ പുതിയ പഠനങ്ങള്‍ വ്യക്തമാക്കുന്നു.

വാലന്റൈന്‍സ് ദിനത്തില്‍ വിവാഹിതരായ ദമ്പതിമാരില്‍ 37 ശതമാനം പേരും വിവാഹ ബന്ധം വേര്‍പെടുത്തി. കൂടാതെ 45 ശതമാനം പേര്‍ തങ്ങളുടെ വൈവാഹിക ജീവിതം മൂന്ന് വര്‍ഷത്തിനപ്പുറം കൊണ്ടുപോയതുമില്ല. 11 ലക്ഷം ഡച്ച് ദമ്പതിമാരില്‍ മെല്‍ബണ്‍ യൂണിവേഴ്സിറ്റിയാണ് ഇത്തരത്തില്‍ ഒരു പഠനം നടത്തിയത്. ബന്ധങ്ങളിലെ തീവ്രതക്കുറവാണ് ഇതിന് കാരണമായി ശാസ്ത്രജ്ഞര്‍ ചൂണ്ടിക്കാട്ടുന്നത്.

വാലന്റൈന്‍സ് ദിനത്തില്‍ വിവാഹം കഴിക്കുന്നവരില്‍ ഭൂരിഭാഗവും തങ്ങളുടെ പ്രണയബന്ധത്തിന്റെ പ്രാരംഭഘട്ടത്തിലായിരിക്കും. കൂടാതെ ഇത്തരം പ്രത്യേക ദിനങ്ങളില്‍ കല്യാണം കഴിക്കുന്ന ദമ്പതിമാരില്‍ വൈവാഹിക ജീവിതത്തോടുള്ള ആസക്തി കുറവായിരിക്കും. ദിനങ്ങളുടെ പ്രത്യേകത ജീവിതത്തില്‍ എത്തിക്കാനുള്ള തിരക്കില്‍ മറ്റ് പലതും ശ്രദ്ധിക്കാതെ പോകുന്നതാണ് കാരണം. ഇത് ബന്ധങ്ങളിലെ വിള്ളലിലേക്ക് നയിക്കുമെന്നും ശാസ്ത്രജ്ഞര്‍ വിലയിരുത്തുന്നു.

വിവാഹം കഴിക്കാന്‍ പോവുകയാണോ എങ്കില്‍ ഈ 4 ഭക്ഷണങ്ങള്‍ ഇപ്പോള്‍ തന്നെ ശീലമാക്കൂ
Posted by
12 December

വിവാഹം കഴിക്കാന്‍ പോവുകയാണോ എങ്കില്‍ ഈ 4 ഭക്ഷണങ്ങള്‍ ഇപ്പോള്‍ തന്നെ ശീലമാക്കൂ

വിവാഹം ജീവിതത്തിലെ പ്രധാനപ്പെട്ട ഒരു മുഹൂര്‍ത്തമാണ്. മാനസികമായും ശാരീരകവുമായി ഏറെ തയ്യാറെടുപ്പുകളുമായി വേണം വിവാഹത്തിലേക്ക് പോകാന്‍. അതുകൊണ്ടുതന്നെ വിവാഹം കഴിക്കാന്‍ തീരുമാനിച്ചാല്‍ ഭക്ഷണക്രമത്തില്‍ കാര്യമായ മാറ്റങ്ങള്‍ വരുത്തണം. ഭാരം കുറയ്ക്കുക, തലമുടി, ചര്‍മ്മം എന്നിവയുടെ ആരോഗ്യമാണ് ഭക്ഷണക്രമത്തിലൂടെ മെച്ചപ്പെടുത്തേണ്ടത്.

1, ചീര – ചീരയില്‍ ലൂട്ടിന്‍ എന്ന ആന്റി ഓക്‌സിഡന്റ് ഉണ്ട്. ഇത് ചര്‍മ്മത്തിന്റെ ആരോഗ്യത്തിന് ഏറെ പ്രധാനമാണ്. ചര്‍മ്മത്തിനുണ്ടാകുന്ന കേടുപാടുകള്‍ പരിഹരിക്കാനും ഇത് സഹായകരമാണ്. കണ്ണിനു ചുറ്റുമുണ്ടാകുന്ന കറുത്ത പാടുകള്‍ ഇല്ലാതാക്കാന്‍ ചീരയിലെ വിറ്റാമിന്‍ കെ, വിറ്റാമിന്‍ സി എന്നിവ സഹായിക്കും. ചീര കൂടാതെ മറ്റ് പച്ചക്കറികളും ഭക്ഷണത്തില്‍ ഉള്‍പ്പെടുത്തുക. പച്ചക്കറികളില്‍ അടങ്ങിയിട്ടുള്ള നാരുകള്‍, നിങ്ങളുടെ ആരോഗ്യവും സൗന്ദര്യവും വര്‍ദ്ദിപ്പിക്കുന്നു.

2, നേന്ത്രപ്പഴം – പ്രധാനമായും നേന്ത്രപ്പഴമാണ് ശീലമാക്കേണ്ടത്. അമിത വണ്ണം കുറയ്ക്കാന്‍ വാഴപ്പഴത്തിലെ പൊട്ടാസ്യം സഹായിക്കുന്നു. പൊട്ടാസ്യത്തിന്റെ അളവ് കൂടുതലുള്ള തണ്ണിമത്തന്‍, പപ്പായ എന്നിവ കഴിക്കുന്നതും നല്ലതാണ്.

3, ഗ്രീന്‍ടീ – തലമുടിയുടെ ആരോഗ്യം കാത്തുസൂക്ഷിക്കണമെങ്കില്‍ തലയോട്ടിയുടെ ആരോഗ്യവും പ്രധാനമാണ്. തലയോട്ടിയുടെ ആരോഗ്യത്തിന് ഗ്രീന്‍ടീ ഉത്തമമാണ്. ഗ്രീന്‍ടീയില്‍ അടങ്ങിയിട്ടുള്ള ആന്റി ഓക്‌സിഡന്റാണ്, തലയോട്ടിയുടെ ആരോഗ്യത്തെ സഹായിക്കുന്നത്. കൂടാതെ ചര്‍മ്മത്തിന്റെയും തലമുടിയുടെയും ആരോഗ്യത്തിന് ഗ്രീന്‍ടിയിലെ ആന്റി ഓക്‌സിഡന്റ് ഉത്തമമാണ്. ഗ്രീന്‍ടീ തലയില്‍ തേച്ചുപിടിപ്പിച്ചാല്‍, മുടിയുടെ സൗന്ദര്യം കൂടുകയും താരന്‍ ഇല്ലാതാകുകയും ചെയ്യും.

4, മുട്ട – മുട്ട കഴിക്കുന്നത് ആരോഗ്യത്തിന് ഏറെ നല്ലതാണ്. മുടിയുടെ സൗന്ദര്യം വര്‍ദ്ദിപ്പിക്കാന്‍ മുട്ട, മുടിയില്‍ തേച്ചുപിടിപ്പിച്ചശേഷം കഴുകി കളയുന്നത് നല്ലതാണ്. മുട്ടയില്‍ അടങ്ങിയിട്ടുള്ള ബയോട്ടിന്‍ മുടിക്ക് തിളക്കം നല്‍കുന്നു. മിക്ക ഷാംപൂ ബ്രാന്‍ഡുകളും തയ്യാറാക്കാന്‍ മുട്ട ഉപയോഗിക്കുന്നത് ഇതുകൊണ്ടാണ്.

നാല്‍പ്പതിനു മുന്‍പേ അകാലനരയും കഷണ്ടിയുമുണ്ടോ?  എങ്കില്‍ സൂക്ഷിച്ചോളൂ…
Posted by
09 December

നാല്‍പ്പതിനു മുന്‍പേ അകാലനരയും കഷണ്ടിയുമുണ്ടോ? എങ്കില്‍ സൂക്ഷിച്ചോളൂ...

നരയും കഷണ്ടിയും പ്രായഭേദമില്ലാതെ കയറിവരുന്ന ക്ഷണിക്കപ്പെടാത്ത അതിഥികളാണ്. എന്നാല്‍ ഇവര്‍ രണ്ടുപേരും അപകടകാരികളാണെന്ന് പുതിയ റിപ്പോര്‍ട്ടുകള്‍.
അകാലനരയും കഷണ്ടിയും ഹൃദ്രോഗത്തിനുള്ള സാധ്യത അഞ്ചിരട്ടി വര്‍ധിപ്പിക്കും.
നാല്‍പ്പതു വയസ്സിനു മുന്‍പേ മുടി നരയ്ക്കുകയോ കഷണ്ടി കയറുകയോ ചെയ്യുന്നത് പൊണ്ണത്തടിയെക്കാള്‍ അപകടകരമാണ്. പൊണ്ണത്തടി ഉള്ളവര്‍ക്ക് ഹൃദ്രോഗം ഉണ്ടാകാനുള്ള സാധ്യത നാലിരട്ടിയാണ്.

ഗുജറാത്തിലെ അഹമ്മദാബാദിലുള്ള യുഎന്‍ മെഹ്ത്ത ഇന്‍സ്റ്റിറ്റ്യൂട്ട് ഓഫ് കാര്‍ഡിയോളജി ആന്‍ഡ് റിസേര്‍ച്ച് സെന്ററിലെ സച്ചീന്‍ പാട്ടീലിന്റെ നേതൃത്വത്തില്‍ നടത്തിയ പഠനത്തില്‍ ചെറുപ്പക്കാരില്‍ വര്‍ധിച്ചു വരുന്ന കൊറോണറി ആര്‍ട്ടറി ഡിസീസിന് പരമ്പരാഗതമായ സാധ്യതാ ഘടകങ്ങള്‍ കാരണമാണെന്നു കണ്ടു.
അകാലനരയ്ക്കും ആന്‍ഡ്രോജെനിക് അലോപേഷ്യ എന്ന പുരുഷന്മാരിലെ കഷണ്ടിയ്ക്കും ക്രോണോളജിക്കല്‍ പ്രായവുമായി ബന്ധമില്ല. എങ്കിലും വാസ്‌കുലാര്‍ ഏജുമായി ഇത് ബന്ധപ്പെട്ടിരിക്കുന്നു.

ഇന്ത്യയിലെ ചെറുപ്പക്കാരില്‍ അകാലനരയ്ക്കും കഷണ്ടിക്കുമുള്ള ബന്ധം ഗവേഷകര്‍ പരിശോധിച്ചു. നാല്‍പ്പതു വയസ്സില്‍ താഴെ പ്രായമുള്ള 790 പുരുഷന്മാരെ പഠനവിധേയരാക്കി. ഇവരെ കണ്‍ട്രോള്‍ ഗ്രൂപ്പില്‍പ്പെട്ട, ഇതേ പ്രായത്തിലുള്ള ആരോഗ്യവാന്‍മാരായ 1270 പുരുഷന്മാരുമായി താരതമ്യതപ്പെടുത്തി. എല്ലാവരുടെയും വൈദ്യചരിത്രം പരിശോധിച്ചു. ഇസിജി, എക്കോ കാര്‍ഡിയോഗ്രഫി, രക്തപരിശോധന, കൊറോണറി ആന്‍ജിയോഗ്രാം ഇവ നടത്തി.

കണ്‍ട്രോള്‍ ഗ്രൂപ്പില്‍പ്പെട്ട 30 ശതമാനം പേരെ അപേക്ഷിച്ച് ഹൃദ്രോഗം ബാധിച്ച 50 ശതമാനം ചെറുപ്പക്കാരില്‍ അകാലനര ബാധിച്ചതായും 49 ശതമാനം പേര്‍ക്ക് ആരോഗ്യമുള്ള 27 ശതമാനം പേരെ അപേക്ഷിച്ച് കഷണ്ടി ബാധിച്ചതായും കണ്ടു.

പ്രായം, ഹൃദയസംബന്ധമായ രോഗങ്ങള്‍ക്കുള്ള സാധ്യതാ ഘടകങ്ങള്‍ ഇവ പരിശോധിച്ചപ്പോള്‍ കഷണ്ടിയുള്ളവര്‍ക്ക് കൊറോണറി ആര്‍ട്ടറി ഡിസീസ് വരാനുള്ള സാധ്യത 5.6 ഇരട്ടിയാണെന്നും കണ്ടു.

ഈ അഞ്ച് കാര്യങ്ങള്‍ ശ്രദ്ധിച്ചില്ലെങ്കില്‍ നിങ്ങളുടെ ലൈംഗികശേഷി എന്നന്നേക്കുമായി നഷ്ടപ്പെടും
Posted by
08 December

ഈ അഞ്ച് കാര്യങ്ങള്‍ ശ്രദ്ധിച്ചില്ലെങ്കില്‍ നിങ്ങളുടെ ലൈംഗികശേഷി എന്നന്നേക്കുമായി നഷ്ടപ്പെടും

ഒരാളുടെ ജീവിതശൈലിയാണ് രോഗം വിളിച്ച് വരുത്തുന്നത്. ജീവിതശൈലി മാറ്റിയാല്‍ തന്നെ പല രോഗങ്ങളും ഇല്ലാതാകും. നമ്മുടെ പല ജീവിശൈലികളും ലൈംഗികശേഷിയെ പ്രതികൂലമായി ബാധിച്ചേക്കാം. അത്തരം ചില ശീലങ്ങള്‍ എന്തൊക്കെയെന്ന് നോക്കാം.

ലൈംഗിക ബന്ധത്തിന്റെ അപര്യാപ്തത | ശരിയായ രീതിയില്‍ ലൈംഗികബന്ധത്തിലേര്‍പ്പെടാതിരിക്കലും നിങ്ങളുടെ ലൈംഗികശേഷിയെ ബാധിക്കും. ആഴ്ചയില്‍ മൂന്ന് തവണ ലൈംഗിക ബന്ധത്തില്‍ ഏര്‍പ്പെടുന്നതാണ് ശരിയായ രീതി.

അലസത | സ്ഥിരമായി വ്യായാമം ചെയ്യുന്നയാളുടെ ശരീരക്ഷമത വളരെയധികമായിരിക്കും. ഇത്തരക്കാര്‍ക്ക് നല്ലരീതിയില്‍ ലൈംഗികബന്ധത്തിലേര്‍പ്പെടാനും കഴിയും. എന്നാല്‍ ജീവിതത്തില്‍ അലസത കാട്ടുകയും വ്യായാമങ്ങള്‍ ചെയ്യാതിരിക്കുകയും ചെയ്യുന്നവര്‍ക്ക് ലൈംഗികശേഷി വളരെ കുറവായിരിക്കും.

പുകവലി | സ്ഥിരമായി പുകവലിക്കുന്നവരുടെ ലൈംഗികശേഷി കുറയാനുള്ള സാധ്യത വളരെയധികമാണ്. അതിനാല്‍ പുകവലി ഉപേക്ഷിക്കുക.

ദന്ത ശുചിത്വം | പല്ലും ലൈംഗികശേഷിയും തമ്മിലുള്ള ബന്ധം എന്താണെന്നാണ് ചിന്തിക്കുന്നതെങ്കില്‍ ആരോഗ്യമുള്ള പല്ലുകളും ലൈംഗികശേഷിയും തമ്മില്‍ ബന്ധമുണ്ടെന്നാണ് ഡോക്ടര്‍മാര്‍ പറയുന്നത്. ശുചിത്വമില്ലാത്ത പല്ലുകളാണെങ്കില്‍ വായില്‍ കൂടുതല്‍ ബാക്ടീരിയകളുടെ പ്രവര്‍ത്തനം ഉണ്ടാകുമെന്നും, ഇവ ശരീരത്തിലൂടെ സഞ്ചരിക്കാനും രക്തക്കുഴലുകളില്‍ പ്രവേശിക്കുക വഴി ലൈംഗികശേഷിയെ ബാധിക്കാമെന്നും പഠനങ്ങള്‍ പറയുന്നു.

ഉറക്കമില്ലായ്മ | നിങ്ങളുടെ ശരീരത്തിന് ആവശ്യമായ ഉറക്കം ലഭിക്കാതെ വരുമ്പോള്‍ ശരീരത്തിലെ ടെസ്റ്റിസ്റ്റിറോണിന്റെ അളവ് കുറയുകയും ഇത് ക്ഷീണം ഉണ്ടാക്കുകയും ചെയ്യും. നിങ്ങളുടെ പേശികളെയും അസ്ഥി സാന്ദ്രതയും ടെസ്റ്റിസ്റ്റിറോണിന്റെ കുറവ് ബാധിക്കുകയും ചെയ്യും. ഈ ഘടകങ്ങളെല്ലാം നിങ്ങളുടെ ലൈംഗികശേഷിയെ പ്രതികൂലമായി ബാധിക്കും.

ഭക്ഷണമോ ഗുളികയോ തൊണ്ടയില്‍ കുടുങ്ങിയാല്‍ ആദ്യം ചെയ്യേണ്ടത്
Posted by
07 December

ഭക്ഷണമോ ഗുളികയോ തൊണ്ടയില്‍ കുടുങ്ങിയാല്‍ ആദ്യം ചെയ്യേണ്ടത്

ഗുളിക തൊണ്ടയില്‍ക്കുടുങ്ങി മരണപ്പെട്ട അഞ്ചു വയസ്സുകാരി ഐലിന്‍ എന്ന പെണ്‍കുഞ്ഞിനെ നമ്മളാരും മറക്കാന്‍ വഴിയില്ല. തിരിച്ചു പിടിക്കാമായിരുന്ന ആ ജീവന്‍ നഷ്ടപ്പെടുത്തിയത് ഗതാഗതക്കുരുക്കു കൂടി ആയിരുന്നെന്ന് ഓര്‍ക്കുമ്പോഴാണ് നാം ഓരോരുത്തരും അതിന് ഉത്തരവാദികളാണല്ലോ എന്നു ചിന്തിക്കുന്നത്.

ഗുളിക തൊണ്ടയില്‍ കുടുങ്ങിയപ്പോള്‍ത്തന്നെ അസ്വസ്ഥത പ്രകടിപ്പിച്ച കുട്ടിയെയുമെടുത്ത് ബന്ധുക്കള്‍ ആശുപത്രിയിലേക്ക് ഓടുകയായിരുന്നു. ഇങ്ങനെ സംഭവിക്കുമ്പോള്‍ വീട്ടില്‍ത്തന്നെ പ്രഥമശുശ്രൂഷ നല്‍കാന്‍ ആദ്യം ശ്രദ്ധിക്കണം. ഭക്ഷണസാധനങ്ങളോ ഗുളികയോ തൊണ്ടയില്‍ കുടുങ്ങിയാല്‍ നല്‍കാവുന്ന പ്രഥമശുശ്രൂഷകളെക്കുറിച്ച് അറിയാം.

1. കുടുങ്ങിയ സാധനം കാണാന്‍ പറ്റുമെങ്കില്‍ മാത്രം കയ്യിട്ട് എടുക്കാന്‍ ശ്രമിക്കുക.

2. കൈ കൊണ്ട് പുറത്ത് അഞ്ചു പ്രാവശ്യം ശക്തമായി തട്ടുക. കുടുങ്ങി. ആഹാരം മിക്കവാറും അതോടെ പുറത്തു വരും.

3. ഭക്ഷണം പുറത്തു വന്നില്ലെങ്കില്‍ ആളിനെ തല കുനിച്ചു നിര്‍ത്തി പുറകില്‍ നിന്ന് വയറ്റില്‍ ഒരു കൈപ്പത്തി ചുരുട്ടി വച്ച് മറ്റേ കൈ അതിന്റെ മീതെ പൊതിഞ്ഞു പിടിച്ചു വയര്‍ ശക്തിയായി അഞ്ചു പ്രാവശ്യം മുകളിലേക്കും അകത്തേക്കും അമര്‍ത്തുക.

4. എന്നിട്ടും ഭക്ഷണം പുറത്തു വന്നില്ലെങ്കില്‍ വീണ്ടും ആവര്‍ത്തിക്കുക. ആള്‍ ചുമയ്ക്കുകയോ ശ്വസിക്കുകയോ ചെയ്യുന്നതു വരെ ഇതു ചെയ്യണം.

5. ഗര്‍ഭിണികളിലും അമിത വണ്ണമുള്ളലവരിലും വയറില്‍ അമര്‍ത്തുന്നതിനു പകരം നെഞ്ചില്‍ അമര്‍ത്തുക.

6. ബോധം നഷ്ടപ്പെട്ടെങ്കില്‍ മുകളില്‍ പറഞ്ഞ മാര്‍ഗങ്ങളൊന്നും ഫലപ്രദമാകില്ല, അങ്ങനെയെങ്കില്‍ സി.പി.ആര്‍ നല്‍കി എത്രയും വേഗം അടുത്തുള്ള ആശുപത്രിയില്‍ എത്തിക്കുക.

7. ഒരു വയസ്സില്‍ താഴെയുള്ള കുട്ടികളിലാണെങ്കില്‍, കുട്ടിക്ക് ബോധമുണ്ടെങ്കില്‍ കുഞ്ഞിനെ മുഖം കീഴായി കൈത്തണ്ടയില്‍ കമിഴ്ത്തിക്കിടത്തി കാലിന്റെ തുട കൊണ്ട് കൈത്തണ്ട താങ്ങി മറ്റേ കൈ കൊണ്ട് കുഞ്ഞിന്റെ പുറത്തുതട്ടുക.

8. ഒരു വയസ്സിനു മുകളിലുള്ള കുട്ടികള്‍ക്കാണെങ്കില്‍, കുട്ടിക്കു ബോധമുണ്ടെങ്കില്‍ ചുമയ്ക്കുവാന്‍ പോലും കഴിയുന്നില്ലെങ്കില്‍ കുട്ടിയുടെ പുറകില്‍ നിന്ന് വയറ്റില്‍ രണ്ടു കൈയും അമര്‍ത്തി ഭക്ഷണശകലം പുറന്തള്ളാവുന്നതാണ്.

9. ബോധം നഷ്ടപ്പെട്ടെങ്കില്‍ സി.പി.ആര്‍ കൊടുത്ത് എത്രയും വേഗം അടുത്തുള്ള ആശുപത്രിയില്‍ എത്തിക്കുക.

കൂടുതല്‍ അറിയാന്‍ താഴെകാണുന്ന വീഡിയോ കാണുക..

അമിത മദ്യാസക്തി തടയാം; യുവാക്കളെ നേര്‍വഴിക്ക് നയിക്കാന്‍ മരുന്ന് കണ്ടെത്തി
Posted by
05 November

അമിത മദ്യാസക്തി തടയാം; യുവാക്കളെ നേര്‍വഴിക്ക് നയിക്കാന്‍ മരുന്ന് കണ്ടെത്തി

ന്യൂയോര്‍ക്ക്: അമിത മദ്യപാനം തലച്ചോറിനെ ബാധിക്കുമെന്ന പഠനത്തിന് പിന്നാലെ അമിത മദ്യാസക്തി തടയാനുള്ള മാര്‍ഗവും കണ്ടെത്തി ഗവേഷകര്‍. കൗമാരപ്രായത്തില്‍ തലച്ചോറ് പൂര്‍ണ പക്വത നേടിയിട്ടുണ്ടാവില്ല. ഈ പ്രായത്തിലെ അമിതമദ്യപാനം തലച്ചോറിന്റെ വളര്‍ച്ചയെ പ്രതികൂലമായി ബാധിക്കും. കൂടാതെ കൗമാരപ്രായത്തിലെ അമിത മദ്യപാനം പിന്നീട് പ്രായപൂര്‍ത്തിയാകുമ്പോള്‍ മദ്യത്തിന് അടിമപ്പെടാനുള്ള കാരണമാവുന്നു.

എന്നാല്‍ മദ്യത്തിന് അടിമയായ യുവാക്കളെ രക്ഷിച്ചെടുക്കാനും മദ്യത്തില്‍ നിന്നും മുക്തരാക്കാനും ഗവേഷകര്‍ വികസിപ്പിച്ച പ്ലസ്‌നാല്‍ട്രിക്‌സോണ്‍ എന്ന മരുന്ന് വികസിപ്പിച്ചെടുത്തു. അമിതമദ്യപാനം കൗമാരക്കാരുടെ തലച്ചോറിനുണ്ടാക്കുന്ന ആഘാതം ഈ മരുന്ന് കുറയ്ക്കുമെന്ന് ന്യൂറോഫാര്‍മക്കോളജി ജേണലില്‍ പ്രസിദ്ധീകരിച്ച പഠനം പറയുന്നു.

തലച്ചോറിലെ പ്രതിരോധവ്യവസ്ഥ മെച്ചപ്പെടുത്തുകയാണ് മരുന്ന് ചെയ്യുന്നത്. എലികളില്‍ പരീക്ഷണം വിജയമായിരുന്നെന്ന് അഡ്‌ലേഡ് സര്‍വകലാശാലാ പ്രൊഫസര്‍ മാര്‍ക് ഹച്ചിന്‍സണ്‍ പറഞ്ഞു.

താരനെ പൂര്‍ണ്ണമായും അകറ്റാം..
Posted by
18 October

താരനെ പൂര്‍ണ്ണമായും അകറ്റാം..

പലപ്പോഴും നമ്മളെ അസ്വസ്ഥപ്പെടുത്തുന്ന ഒന്നാണ് തലയിലെ താരന്‍. നിസാരനെങ്കിലും മുടികൊഴിച്ചിലിനും ചൊറിച്ചിലിനും അസ്വസ്ഥതക്കുമെല്ലാം താരന്‍ കാരണമാവുന്നു. വരണ്ട ചര്‍മവും പൊടിയും അഴുക്കുമൊക്കെയാണ് പലപ്പോഴും താരന് കാരണമാകുന്നത്. താരനെ ഫലപ്രദമായി തടയാന്‍ ചില മാര്‍ഗ്ഗങ്ങളുണ്ട്. പ്രകൃതിദത്തമായ ചേരുവകളുടെ പ്രയോഗങ്ങളിലൂടെ താരനെ അകറ്റി നിര്‍ത്തുവാന്‍ കഴിയും. ചര്‍മത്തിലെ സെബേഷ്യസ് ഗ്രന്ഥികള്‍ അമിതമായി ഉല്‍പ്പാദിപ്പിക്കപ്പെടുന്ന സേബം താരന്റെ മൂലകാരണമാണ്.

*കീഴാര്‍നെല്ലി ചതച്ച് താളിയാക്കി കുളിക്കുന്നതിനുമുന്‍പ് ദിവസവും ഉപയോഗിക്കുക. സ്ഥിരമായി ഇതു ചെയ്യുകയാണെങ്കില്‍ താരന്‍ പൂര്‍ണമായും ഇല്ലാതാകുമെന്നു മാത്രമല്ല മുടി തഴച്ചു വളരുകയും ചെയ്യും.

*ചെറുനാരങ്ങ, ചീവക്കായ്, വിട്ടിത്താളി ഇവ സമാസമം ചേര്‍ത്ത് കുഴമ്പുരൂപത്തിലാക്കി തലയോട്ടിയില്‍ തേയ്ക്കുക. പത്തുമിനിട്ട് കഴിഞ്ഞ് കുളിക്കുക.

*തെറ്റിപ്പൂവ്, വെറ്റില, തുളസിയില എന്നിവ ചതച്ചെടുത്ത ചാറ് വെളിച്ചെണ്ണയില്‍ ചേര്‍ത്ത് തലയില്‍ പുരട്ടിയശേഷം കുളിക്കുക. ഫലം ഉണ്ടാകും.

*കടുക് അരച്ച് വെളിച്ചെണ്ണ ചേര്‍ത്ത് കുഴമ്പുരൂപത്തിലാക്കി തലയില്‍ തേച്ചുകുളിക്കുന്നതു നല്ലതാണ്.

*ഓരിലത്താമര താളിയാക്കി തലയില്‍ തേച്ചുകുളിക്കുക.

*മുട്ടയുടെ മഞ്ഞക്കരു തലയില്‍ തേച്ച് പിടിപ്പിച്ചശേഷം അരമണിക്കൂര്‍ കഴിഞ്ഞ് ഷാമ്പുവോ ബാത്ത് സോപ്പോ ഉപയോഗിച്ച് വൃത്തിയായി കഴുകികളയുക.

*വെളിച്ചെണ്ണയില്‍ പച്ചകര്‍പ്പൂരം ചേര്‍ത്ത് കാച്ചി തിളപ്പിച്ച എണ്ണ തലയില്‍ തേച്ച് കുളിക്കുക

വീട്ടിലുണ്ടാക്കാവുന്ന പ്രകൃതിദത്തമായ കൂട്ടുകള്‍:

*രാമച്ചം, നെല്ലിക്ക എന്നിവ ചേര്‍ത്ത വെള്ളം തിളപ്പിച്ചാറ്റിയശേഷം ആ വെള്ളത്തില്‍ തല വൃത്തിയായി കഴുകുക. ഇതു കുറച്ചു ദിവസങ്ങളില്‍ നിത്യവും ആവര്‍ത്തിക്കുക. താരന് ശമനമുണ്ടാകും.

*പാളയംകോടന്‍ പഴം താരനു നല്ലതാണ്. ഇത് ഉടച്ച് കുഴമ്പാക്കി തലയില്‍ പുരട്ടിയശേഷം പത്തു മിനിട്ട് കഴിഞ്ഞ് കഴുകികളയുക.

*ശുദ്ധമായ ചെറുപയര്‍പൊടി തൈരില്‍ കലക്കി തലയില്‍ തേച്ചു കുളിക്കുന്നത് ഫലം ചെയ്യും.

*ചെമ്പരത്തിപ്പൂവോ തെച്ചിപ്പൂവോ ചേര്‍ത്ത് വെളിച്ചെണ്ണ കാച്ചി കുളിക്കുന്നതിനു മുന്‍പായി സ്ഥിരമായി തലയില്‍ തേയ്ക്കുന്നതു നല്ലതാണ്.

*വെള്ളത്തില്‍ കുതിര്‍ത്ത ഒരു കപ്പ് ഉലുവ അരച്ചെടുത്ത് രണ്ടുകപ്പ് വെളിച്ചെണ്ണയില്‍ ചേര്‍ത്ത് കാച്ചി പതിവായി കുളിക്കുന്നതിനു മുന്‍പായി ഉപയോഗിക്കുക. താരന്‍ ക്രമേണ മാറികിട്ടും.

**ആഴ്ചയില്‍ ഒന്നോ രണ്ടോ പ്രാവശ്യം തല ചെമ്പരത്തിത്താളി തേച്ച് കഴുകുന്നതു താരനെ പ്രതിരോധിക്കും. തലയില്‍ സ്ഥിരമായി എണ്ണ തേയ്ക്കുന്നവര്‍ ഫംഗസ് ബാധയുള്ള എണ്ണ ഉപയോഗിക്കാതിരിക്കുവാന്‍ ശ്രദ്ധിക്കണം. തലയും തലമുടിയും എപ്പോഴും ശുദ്ധമായി സൂക്ഷിക്കുക. ഇക്കാര്യങ്ങള്‍ ശദ്ധ്രിച്ചാല്‍ താരനെ ഒരു പരിധി വരെ ഒഴിവാക്കാന്‍ കഴിയും. ചികിത്സിച്ചാല്‍ പൂര്‍ണമായി ഭേദമാകാവുന്നതേയുള്ളു ഈ താരനും.

ഇനി കഷണ്ടിക്കാരോട് അയൂയ തോന്നും! കാരണം ഇതാണ്
Posted by
21 September

ഇനി കഷണ്ടിക്കാരോട് അയൂയ തോന്നും! കാരണം ഇതാണ്

കഷണ്ടിക്കും അസൂയക്കും മരുന്നില്ലെന്ന് പറഞ്ഞു കളിയാക്കി ചിരിച്ചവരുടെ എല്ലാം ചിരി നിര്‍ത്താന്‍ സമയമായി. നിങ്ങള്‍ക്ക് കഷണ്ടിക്കാരോട് അസൂയ തോന്നുന്ന ഒരു വാര്‍ത്ത ഇതാ. മുടിയുള്ള പുരുഷന്മാരേക്കാള്‍ ആരോഗ്യവാന്മാരും ശക്തരുമാണ് കഷണ്ടിക്കാര്‍ എന്നാണ് പൊതുസമൂഹം കരുതുന്നതെന്നാണ് പുതിയ പഠനം തെളിയിക്കുന്നത്. ബ്രിട്ടനിലെ പെന്‍സല്വേനിയ യൂനിവേഴ്‌സിറ്റിയിലെ ഗവേഷകരുടെതാണ് പുതിയ കണ്ടുപിടുത്തം.

ഗവേഷകര്‍ മൂന്നു ഘട്ടങ്ങളിലായി നടത്തിയ പഠനങ്ങളില്‍ പങ്കെടുത്തവരെല്ലാം ഈ അഭിപ്രായം വെച്ചുപുലര്‍ത്തുന്നവരാണെന്നാണ് ഡെയിലിമെയില്‍ പത്രം റിപ്പോര്‍ട്ട് ചെയ്യുന്നത്. ഒരു വ്യക്തിയുടെതന്നെ മുടിയുള്ളതും മുടിയില്ലാത്തതുമായ ചിത്രങ്ങള്‍ ഉപയോഗിച്ച് 35 വനിതകള്‍ ഉള്‍പ്പെട്ട 59 വിദ്യാര്‍ത്ഥികളിലായിരുന്നു സര്‍വേ നടത്തിയത്. ഈ സര്‍വേയില്‍ ഭൂരിപക്ഷം പേരും കഷണ്ടിയള്ളവരെ കൂടുതല്‍ പൗരുഷമുള്ളവരായി കണ്ടെത്തി. തുടര്‍ന്ന് പകുതിയിലധികം സ്ത്രീകളെ ഉള്‍പ്പെടുത്തി 344 പേരെ ഉപയോഗിച്ച് വിശദമായ പഠനം നടത്തിയപ്പോഴും കഷണ്ടിക്കാര്‍ മുടിയുള്ളവരേക്കാര്‍ പതിമൂന്ന് ശതമാനം ശക്തരും പൗരുഷമുള്ളവരുമാണെന്നായിരുന്നു കണ്ടെത്തല്‍. 552 പേരെ ഉള്‍പ്പെടുത്തിയുള്ള മൂന്നാമത്തെ പഠനത്തിലും ഫലം വ്യത്യസ്തമായിരുന്നില്ല. കഷണ്ടിയുള്ളവരുടെ ശരീരത്തില്‍ ഉറച്ച മസിലുകളുണ്ടെന്നും അവര്‍ മറ്റുള്ളവരെ അപേക്ഷിച്ച് ശക്തിയുള്ളവരാണെന്നുമാണ് പഠനത്തില്‍ തെളിയുന്ന കാര്യം. ഹോളിവുഡ് നടന്മാരായ ബ്രൂസ് വില്ലീസ്, വിന് ഡീസല്‍ തുടങ്ങിയവരുടെ സ്വാധീനം ഈ കാഴ്ചപ്പാടിന് പിന്നിലുണ്ടാകാമെന്നും ഗവേഷകര്‍ കരുതുന്നു.

സോഷ്യല്‍ സൈക്കോളജിക്കല്‍ ആന്‍ഡ് പേഴ്‌സനാലിറ്റി സയന്‍സ് എന്ന ജേണലിലാണ് പഠനം പ്രസിദ്ധീകരിച്ചിരിക്കുന്നത്. മുടികൊഴിച്ചില്‍ തടയുന്നതിനുള്ള ചികിത്സക്കായി ലോകത്താകമാനമുള്ള പുരുഷന്മാര്‍ പ്രതിവര്‍ഷം ഒന്നര ദശലക്ഷം പൗണ്ട് ചെലവിടുന്നുവെന്നാണ് കണക്ക്. എന്നാല്‍ കഷണ്ടിയുടെ ചികിത്സക്കുള്ള ഗവേഷണങ്ങള്‍ക്കും കൃത്രിമ മുടികള്‍ വെച്ചുപിടിപ്പിക്കുന്നതിനുമായുള്ള കോടികളുടെ ചെലവ് ഇനി അവസാനിപ്പിക്കാമെന്നും കഷണ്ടിക്കാര്‍ ഹീറോകളാവുന്ന കാലം അകലെയല്ലെന്നും പഠനങ്ങള്‍ക്ക് നേതൃത്വം നല്‍കിയ ഡോ ആല്‍ബര്‍ട്ട് മാന്‍സ് വ്യക്തമാക്കി.

ഇരിക്കാന്‍ വരട്ടേ!  ആയുസ്സ് കുറയും
Posted by
20 September

ഇരിക്കാന്‍ വരട്ടേ! ആയുസ്സ് കുറയും

ദിവസവും എട്ടുമണിക്കൂര്‍ ഇരുന്ന് ഓഫീസ് ജോലി ചെയ്യുന്നവരാണോ നിങ്ങള്‍? എങ്കില്‍ നിങ്ങള്‍ ദിവസവും വ്യായാമം ചെയ്താലും തുടര്‍ച്ചയായ ഇരിപ്പ് അതിന്റെ ഗുണങ്ങള്‍ ഇല്ലാതാക്കുമെന്ന് പഠനങ്ങള്‍ തെളിയിക്കുന്നു. മണിക്കൂറുകള്‍ നീണ്ട ഇരിപ്പ് ആരോഗ്യത്തെ പ്രതികൂലമായി ബാധിക്കുമെന്നാണ് കണ്ടെത്തല്‍. ഇരിപ്പ് കൂടുന്നതിനനുസരിച്ച് ആയുസ്സും കുറയും.

‘ഇരിപ്പ് കുറയ്ക്കാം; ശരീരമനക്കാം’ എന്നതാണ് അമേരിക്കന്‍ ഹാര്‍ട്ട് അസോസിയേഷന്‍ ലോകജനതയോട് പറയുന്നത്. എയ്റോബിക് പോലുളള വ്യായാമങ്ങള്‍ ശീലമാക്കുകയാണ് ഇരിപ്പധികമാക്കിയവര്‍ക്ക് ചെയ്യാവുന്ന പ്രതിവിധി. കൂടാതെ ജോലി സമയത്ത് ഓരോ മുപ്പത് മിനിറ്റ് എഴുന്നേറ്റ് റിലാക്സ് ചെയ്യുകയും നടക്കുകയും ചെയ്യുന്നത് ശീലമാക്കണം.

ഗര്‍ഭിണികള്‍ക്ക് മാത്രമല്ല പപ്പായ വില്ലന്‍!
Posted by
20 September

ഗര്‍ഭിണികള്‍ക്ക് മാത്രമല്ല പപ്പായ വില്ലന്‍!

ഒരുപാട് ഔഷധമൂല്യങ്ങളുള്ള ഒരു ഫലമാണ് പപ്പായ. ഗര്‍ഭിണികള്‍ പപ്പായ കഴിക്കാന്‍ പാടില്ലെന്നു പറയാറുണ്ട്. എന്നാല്‍ ഗര്‍ഭിണികള്‍ക്ക് മാത്രമല്ല ബാക്കിയുള്ളവരും പപ്പായ കഴിക്കാന്‍ പാടില്ലാത്ത അവസരങ്ങള്‍ ഉണ്ട്. പപ്പായ വിഷകരമായി പ്രവര്‍ത്തിക്കുന്ന ചില അവസരങ്ങള്‍ ഇവയാണ്.

1. അബോര്‍ഷന്‍ സാധ്യത

നിരവധി ആരോഗ്യഗുണങ്ങള്‍ പപ്പായയ്ക്കുണ്ട്. പക്ഷേ ഇതിന്റെ കുരുക്കളും വേരും ഗര്‍ഭച്ഛിദ്രത്തിനുള്ള സാധ്യത വര്‍ധിപ്പിക്കും. പഴുക്കാത്ത പപ്പായ ഗര്‍ഭാശയപരമായ അസ്വസ്ഥതകളുമുണ്ടാക്കും. അതുകൊണ്ടുതന്നെ ഗര്‍ഭകാലത്ത് ഈ പഴം കഴിക്കാതിരിക്കുന്നതാകും നല്ലത്.

2. അന്നനാളത്തിനു തടസ്സം

കഴിക്കാന്‍ നല്ല രുചിയാണെങ്കിലും അമിതമായി പപ്പായ കഴിക്കുന്നത് അന്നനാളത്തിനു ദോഷമുണ്ടാക്കും. അതുകൊണ്ട് ഒരു ദിവസം ഒരു കപ്പില്‍ കൂടുതല്‍ പപ്പായ കഴിക്കരുത്.

3. ജനനവൈകല്യങ്ങള്‍

പപ്പായയുടെ ഇലയില്‍ അടങ്ങിയിരിക്കുന്ന പപ്പെയ്ന്‍ എന്ന ഘടകം കുഞ്ഞുങ്ങള്‍ക്ക് വളരെ ദോഷകരമാണ്. ഇതു ജനനവൈകല്യങ്ങള്‍ക്കു വരെ കാരണമാകും. അതുകൊണ്ട് ഗര്‍ഭിണികള്‍ പ്രസവത്തിനു മുന്‍പും പ്രസവശേഷം കുറച്ചുകാലത്തേക്കും പപ്പായ കഴിക്കുന്നത് ഒഴിവാക്കുന്നതാകും നല്ലത്.

4. അലര്‍ജി

പപ്പായയിലുള്ള ലാറ്റക്‌സ് ചിലരില്‍ അലര്‍ജിക്കു കാരണമാകുന്നുണ്ട്. പഴുക്കാത്ത പപ്പായയാണ് കൂടുതലും അലര്‍ജി ഉണ്ടാക്കുന്നത്.

5. രക്തസമ്മര്‍ദം

രക്തസമ്മര്‍ദത്തിനു മരുന്നു കഴിക്കുന്നവര്‍ പപ്പായ കഴിച്ചാല്‍ ബിപി വല്ലാതെ താഴാനുള്ള സാധ്യതയുമുണ്ട്. ഇത് ഏറെ അപകടകരമാണ്.

6. പ്രത്യുല്‍പ്പാദനത്തെ ബാധിക്കും

പപ്പായയുടെ കുരു പുരുഷന്റെ പ്രത്യുല്‍പ്പാദനശേഷിയെ ബാധിക്കും. ബീജാണുക്കളുടെ അളവു കുറയ്ക്കുകയും ചലനത്തെ ബാധിക്കുകയും ചെയ്യും.

error: This Content is already Published.!!