London Fire Brigade issues warning over skin creams deaths
Posted by
13 June

സ്‌കിന്‍ ക്രീമുകള്‍ പൊള്ളലേറ്റു മരിക്കാന്‍ കാരണമാവുന്നുവെന്ന് പഠനം; മുന്നറിയിപ്പുമായി അഗ്നിശമന സേന

ലണ്ടന്‍: സൗന്ദര്യം വര്‍ധക വസ്തുക്കള്‍ മരണകാരണമാവുന്നു എന്ന വാര്‍ത്തകള്‍ പുതിയതല്ല, എന്നാല്‍ സ്‌കിന്‍ ക്രീം തേച്ചാല്‍ പൊള്ളലേറ്റ് മരിക്കുമെന്ന് കേട്ടാല്‍ ഞെട്ടാത്തവരായി ആരുമുണ്ടാകില്ല. എന്നാല്‍ ഇതു സത്യമാണ് പഠനം തെളിയിച്ചതുമാണ്. കൂടാതെ ഇത്തരത്തില്‍ 15ലേറെ ആളുകള്‍ മരിച്ചിട്ടുണ്ടെന്നും ലണ്ടന്‍ അഗ്‌നിശമനസേന വെളിപ്പെടുത്തുന്നു.

കഴിഞ്ഞ മൂന്നു വര്‍ഷത്തിനുള്ളില്‍ 15 പേര്‍ ഇത്തരത്തില്‍ മരിച്ചുവെന്നാണ് ലണ്ടന്‍ ഫയര്‍ ബ്രിഗേഡിന്റെ കണക്ക്. പാരാഫിനും പെട്രോളിയം ഘടകങ്ങളും അടങ്ങിയ ക്രീമുകള്‍ മുഖത്തും ശരീരത്തും തേച്ച് കിടന്നുറങ്ങുമ്പോള്‍ ബെഡ്ഷീറ്റിലും വസ്ത്രങ്ങളിലും അതു പുരണ്ടു പെട്ടെന്നു തീപടരാന്‍ സാധ്യതയുള്ളതായി മാറുന്നുവെന്നാണ് അഗ്നിശമന സേന ചൂണ്ടിക്കാണിക്കുന്നത്. ഉയര്‍ന്ന താപനിലയില്‍ കഴുകിയാലും ഇത്തരം ഘടകങ്ങള്‍ തുണികളില്‍നിന്നു പോകില്ല. ഒടുവില്‍ ഒരു സിഗരറ്റ് വീണാല്‍ പോലും പെട്ടെന്നു തീയാളിപ്പിടിക്കാന്‍ ഇതു കാരണമാകുമെന്നും ഫയര്‍ ബ്രിഗേഡ് മുന്നറിയിപ്പ് നല്‍കുന്നു.

കഴിഞ്ഞ വര്‍ഷം ലണ്ടനിലെ ഏല്‍സ്ഫീല്‍ഡില്‍ ഹില്‍ഡ ബാറ്റണ്‍ എന്ന സ്ത്രീ അബദ്ധത്തില്‍ തീപിടിച്ചു മരിച്ചതിനു കാരണം ഇതായിരുന്നു. സ്ഥിരമായി പുകവലിച്ചിരുന്ന അവര്‍ വര്‍ഷങ്ങളായി സ്‌കിന്‍ ക്രീം ഉപയോഗിച്ചിരുന്നു. സിഗരറ്റിന്റെ കുറ്റിയില്‍നിന്നു വസ്ത്രങ്ങളിലേക്കു പെട്ടെന്നു തീപടരാന്‍ ഇതുകാരണമാകുകയായിരുന്നു.

hildabatten

സ്‌കിന്‍ ക്രീം നിരന്തരം ഉപയോഗിക്കുന്ന പലര്‍ക്കും ഇത്തരത്തിലുള്ള അപകടത്തെക്കുറിച്ച് അറിവില്ല. സ്ഥിരമായി ക്രീമുകള്‍ ഉപയോഗിക്കുന്നവര്‍ സൂക്ഷിക്കണം. അബദ്ധത്തില്‍ സിഗരത്തിന്റെ ചാരം തട്ടുന്നതോ തീപ്പെട്ടിക്കൊള്ളി എറിയുന്നതോ സ്വയം തീ കൊളുത്തുന്നതിനു സമമായിരിക്കുമെന്ന് ഫയര്‍ സേഫ്റ്റി അസിസ്റ്റന്റ് കമ്മിഷണര്‍ ഡാന്‍ ഡാലി പറഞ്ഞു. ക്രീമുകള്‍ പുരണ്ട തുണിയിലാണ് ഇതു വീഴുന്നതെങ്കിലും അപകടസാധ്യത ഇരട്ടിയാകും.

2013 മാര്‍ച്ച് 5 മുതല്‍ 2016 ഒക്ടോബര്‍ 12 വരെ തീപ്പൊള്ളലേറ്റു മരിച്ച സംഭവത്തില്‍ സ്‌കിന്‍ ക്രീമുകളുടെ സാന്നിധ്യമുണ്ടായിരുന്നുവെന്നും അദ്ദേഹം പറഞ്ഞു. പാരാഫിന്‍ അടങ്ങിയിട്ടുള്ള ക്രീമുകള്‍ ഇറക്കുന്ന കമ്പനികള്‍ ഇത്തരത്തില്‍ മുന്നറിയിപ്പു നല്‍കണമെന്ന് നിയന്ത്രണ അതോറിട്ടി നിര്‍ദേശം നല്‍കി.

dangers in caffeine addiction
Posted by
09 June

കഫീനില്‍ ഒളിഞ്ഞിരിക്കുന്ന അപകടങ്ങള്‍

കാപ്പി, ചായ എന്നത് ലോകത്തില്‍ തന്നെ വളരെ പ്രിയങ്കരമായ പാനീയങ്ങളാണ്. കഫീന്‍ ഉപയോഗിക്കുന്നത് കൊണ്ട് മനുഷ്യരില്‍ ഭൗതീകമായും മാനസികമായും ഒരു ശക്തി ലഭിക്കുമെന്നതില്‍ തര്‍ക്കമില്ല. പ്രഭാതത്തില്‍ കുടിക്കുന്ന ഒരു കപ്പ് ചായയോ കാപ്പിയോ നമ്മുടെ ക്ഷീണത്തെയും തളര്‍ച്ചയെയും മാറ്റി ഉണര്‍വ്വും ഉന്മേഷവും നല്‍കുന്നത് അതിന്റെ തെളിവാണ്.കാപ്പിയിലും ചായയിലും അടങ്ങിയിരിക്കുന്ന കഫീന്‍ എന്ന രാസവസ്തു സ്ഥിരമായി കുടിച്ചോ, മറ്റു രീതികളില്‍ ഉപയോഗിച്ചോ അതിനു അടിമയായാല്‍, ദൂഷ്യവശങ്ങള്‍ പലതുണ്ട്.

കഫീനില്‍ നിന്ന് പെട്ടെന്നൊരു വിമോചനം കഠിനമാണ്

ദിവസവും ചായയോ കാപ്പിയോ കുടിക്കുക എന്നത് പലരുടെയും ശീലമാണ്. കഫീന്‍ എന്നത് ഒരു ലഹരിയാണ്. സ്ഥിരമായി കഫീനൊ, അത് അടങ്ങിയ ഉത്പ്പന്നങ്ങളോ ഉപയോഗിക്കുന്ന ഒരാള്‍ക്ക് ഇത് പെട്ടെന്നൊരു ദിവസം അവസാനിപ്പിക്കാന്‍ കഴിയുന്നതല്ല. അങ്ങനെ നിര്‍ത്തിയാല്‍ ഒരുപക്ഷേ അത് അയാളുടെ ജീവിതശൈലികളെ വരെ ബാധിച്ചേക്കാം. അസ്വസ്ഥതയും,പരിഭ്രാന്തിയും ചിലപ്പോള്‍ തല വേദനയുമെല്ലാം ഒരാളില്‍ സൃഷ്ടിക്കാനും ഇടയുണ്ട്. ഏറ്റവും നല്ലത് പതിയെ പതിയെ കഫീനിന്റെ ഉപയോഗം നിയന്ത്രിക്കുന്നതാണ്.

സമ്മര്‍ദ്ദവും ഉത്കണ്ഠയും കൂട്ടും

കഫീന്‍ കുടിക്കുമ്പോള്‍ ഉന്മേഷം കിട്ടുമെന്നത് ശരിയാണ്, എന്നാല്‍ കഫീനിന് അടിമപ്പെടുന്നത് മൂലം ഒരു വ്യക്തിയില്‍ സമ്മര്‍ദ്ദവും ഉത്കണ്ഠയും കൂടുമെന്നാണ് പഠനങ്ങള്‍ പറയുന്നത്. ഇങ്ങനെ അനുഭവപ്പെട്ടാല്‍ കഫീന്‍ ഉപയോഗം ഉടന്‍ നിര്‍ത്തുക.

അതിവേഗമായ ഏജിംഗ് സംഭവിക്കുന്നു

പഠനങ്ങള്‍ പ്രകാരം കഫീനിന് ഏജിനെ എതിര്‍ക്കുവാനുള്ള ഏജിംഗ് ഹോര്‍മോണുകളെ( melatonin and DHEA) സാരമായി ഇല്ലാതാക്കാന്‍ സാധിക്കും. കൂടാതെ ശരീരത്തിലെ ജലാംശത്തെ നീക്കം ചെയ്യുകയും സ്‌കിന്നിനെ വരണ്ടതാക്കുകയും, ബലം കുറയ്ക്കുകയും,ചുളിവുകള്‍ വരുത്തുകയും ചെയ്യും. മുഖക്കുരു ഉണ്ടാകാനും സാധ്യതയുണ്ടെന്ന് പറയുന്നു.

കാഫീന്‍ ഉപയോഗം ഗര്‍ഭിണികള്‍ക്ക് ആപത്ത്

ഗര്‍ഭിണികള്‍ കഫീനിന്റെ ഉപയോഗം നന്നായി നിയന്ത്രിക്കുകയോ അല്ലെങ്കില്‍ പൂര്‍ണമായി ഉപേക്ഷിക്കുകയോ ചെയ്യണം. പഠനങ്ങള്‍ പ്രകാരം കഫീനിന്റെ ഉപയോഗം കാരണം അണ്ഡവാഹിനിക്കുഴലിലെ( fallopian tubes) മസില്‍ പ്രവര്‍ത്തനങ്ങള്‍ കുറയുവാനും ഇടയാക്കും. ഒരുപക്ഷെ ഗര്‍ഭധാരണത്തെ വരെ ഇത് ബാധിക്കാമെന്നാണ് റിസര്‍ച്ചുകള്‍ പറയുന്നത്. അമിതമായി കഫീന്‍ ഉപയോഗിക്കുന്ന ഗര്‍ഭിണികളായ സ്ത്രീകള്‍ക്ക് ഗര്‍ഭച്ഛിദ്രം സംഭവിക്കാനുള്ള സാധ്യത കൂടുതലാണ്.

ശരീരത്തിലെ എല്ലുകളെ ബാധിച്ചേക്കാം

കഫീനിന്റെ അമിതമായ ഉപയോഗം ഭാവിയില്‍ ശരീരത്തിന്റെ എല്ലുകളെ കേടാക്കാനും സാധ്യതയുണ്ട്. ഇത് ശരീരത്തിലെ കാല്‍സ്യത്തെയും മറ്റു പോഷകങ്ങളെയും നഷ്ടപ്പെടുത്തുകയും ചെയ്യും. ഈ കാരണത്താലാണ് എല്ലുകള്‍ക്കും സന്ധികള്‍ക്കും പ്രശ്‌നമുള്ളവര്‍ കഫീനിന്റെ ഉപയോഗം നിയന്ത്രിക്കണമെന്ന് ഡോക്ടര്‍മാര്‍ നിര്‍ദേശിക്കുന്നത്.

attention please listen this before eating rambutan fruit
Posted by
08 June

റമ്പൂട്ടാന്‍ കഴിക്കും മുമ്പ് ഇക്കാര്യം ശ്രദ്ധിക്കുക, ഇല്ലെങ്കില്‍ മരണം വരെ സംഭവിക്കാം

പൊന്നാനി: ശ്രദ്ധയോടെ കഴിച്ചില്ലെങ്കില്‍ അപകടം വരുത്തുന്ന പഴമാണ് റമ്പൂട്ടാന്‍ .റമ്പൂട്ടാന്‍ കഴിക്കുമ്പോള്‍ കുരു തൊണ്ടയില്‍ കുരുങ്ങി കുഞ്ഞ് മരിച്ചത് കഴിഞ്ഞ ദിവസമാണ് .ഈ പഴം ശ്രദ്ധിച്ച് കഴിച്ചാല്‍ അപകടമെന്നും വരുത്തില്ല .

വളരെ സ്വാദിഷ്ടവും പോഷകസമ്പന്നവുമായ പഴമാണ് റമ്പൂട്ടാന്‍. കുറച്ചു നാള്‍ മുന്‍പുവരെ മലയാളികള്‍ക്ക് ഇതത്ര സുപരിചിതമായ പഴമായിരുന്നില്ലെങ്കിലും കേരളത്തിന്റെ പല ഭാഗങ്ങളിലും അടുത്ത കാലത്ത് ഇതിന്റെ കൃഷി ആരംഭിച്ചിട്ടുണ്ട്. പ്രത്യേകിച്ചും പത്തനംതിട്ട, കോട്ടയം ജില്ലകളില്‍. മലപ്പുറം ജില്ലയിലും ചിലര്‍ ചെറിയ തോതില്‍ റമ്പൂട്ടാന്‍ വളര്‍ത്തിത്തുടങ്ങിയിട്ടുണ്ട്. കേരളത്തിലെ സാഹചര്യങ്ങളില്‍ നല്ല വിളവ് ലഭിക്കുന്നതായാണ് കൃഷി ചെയ്തവരുടെ അഭിപ്രായം. അതുകൊണ്ടു തന്ന പലയിടത്തും കുട്ടികള്‍ മാങ്ങയും ചക്കയുമെന്ന പോലെ എറിഞ്ഞുവീഴ്ത്തി കഴിക്കുന്ന നാടന്‍ പഴമായി മാറിക്കിഞ്ഞു റമ്പൂട്ടാന്‍.

എന്നാല്‍ ഇതില്‍ ഒരു അപകടം ഒളിഞ്ഞിരിക്കുന്നു. റമ്പൂട്ടാന്റെ കുരു തൊണ്ടയില്‍ കുടുങ്ങിയാല്‍ മരണം വരെ സംഭവിക്കാം. കഴിഞ്ഞ ദിവസം ഇത്തരത്തിലൊരു അപകടം ചെങ്ങന്നൂരിലുണ്ടായി. എട്ടുമാസം പ്രായമായ പിഞ്ചുകുഞ്ഞ് റമ്പൂട്ടാന്റെ കുരു തൊണ്ടയില്‍ കുടുങ്ങി ശ്വാസം മുട്ടി മരിച്ചു. കുഞ്ഞിന് റമ്പൂട്ടാന്‍ പഴം കഴിക്കാന്‍ കൊടുക്കുന്നതിനിടെ കുരുവും വായിലേക്ക് വീഴുകയായിരുന്നുവത്രേ.
ഇത്തരത്തിലുള്ള ആദ്യ സംഭവമല്ലിത്.

ലോകത്തിന്റെ വിവിധ ഭാഗങ്ങളില്‍ ഇത്തരം അപകടങ്ങള്‍ റിപോര്‍ട്ട് ചെയ്യപ്പെട്ടിട്ടുണ്ട്.ഈ സാഹചര്യത്തില്‍ റമ്പൂട്ടാന്‍ പഴം കഴിക്കുമ്പോഴും കുഞ്ഞുങ്ങള്‍ക്ക് കൊടുക്കുമ്പോഴും ചില മുന്‍കരുതലുകളെടുക്കുന്നതാണ് നല്ലത്. കുരു തൊണ്ടയില്‍ കുടുങ്ങാതിരിക്കാന്‍രണ്ട് മാര്‍ഗങ്ങളാണുള്ളത്. പഴത്തിന്റെ മാംസളമായ ഭാഗം പൂര്‍ണമായി വിട്ടുകിട്ടുന്ന പുതിയ ഇനം റമ്പൂട്ടാന്‍ വിപണിയിലെത്തിയിട്ടുണ്ട്. അവ വാങ്ങി, കുരു നീക്കി കഴിക്കുന്നതാണ് ഒരു മാര്‍ഗം.തീരെച്ചെറിയ കുഞ്ഞുങ്ങള്‍ക്കണെങ്കില്‍ കുരുനീക്കിയ ശേഷം ചെറിയ കഷണങ്ങളാക്കി നല്‍കുന്നതാണ് നല്ലത്. രണ്ടാമത്തെ മാര്‍ഗം ചെറിയൊരു കത്തി ഉപയോഗിച്ച് കുരു പൂര്‍ണമായും നീക്കം ചെയ്തശേഷം റമ്പൂട്ടാന്‍ കഴിക്കുക എന്നതാണ്.

special story about acupuncture treatment
Posted by
06 June

മരുന്നില്ലാത്ത ചികിത്സ: അടുത്തറിയാം അക്യുപങ്ച്ചര്‍ എന്ന ചികിത്സാരീതിയെ

ഫഖ്‌റുദ്ധീന്‍ പന്താവൂര്‍

മരുന്നുകള്‍ മനുഷ്യന് പുതിയ അസുഖങ്ങളെ സമ്മാനിക്കുന്ന ഇക്കാലത്ത് മരുന്ന് രഹിത ചികിത്സാരീതിക്ക് ഏറെ പ്രചാരം വര്‍ധിക്കുകയാണ് . ഇത്തരത്തില്‍ ലോകത്ത് വ്യാപകമാണ് അക്യുപങ്ചര്‍ എന്ന ചികിത്സാരീതി . മരുന്നുകള്‍ ഇല്ലാതെതന്നെ ഏതു രോഗവും ഈ ചികിത്സാരീതിയിലൂടെ സുഖപ്പെടും.. ഇന്ത്യയിലെ കേരളമൊഴിച്ചുള്ള മറ്റു സംസ്ഥാനങ്ങളില്‍ ഈ ചികിത്സാരീതി പണ്ടെ വ്യാപകമാണ് .കേരളത്തില്‍ ഈ അടുത്തകാലത്താണ് ഇത്തരമൊരു ചികിത്സാരീതി വ്യാപകമായത് .

എണ്ണായിരം കൊല്ലത്തിന്റെ പഴക്കമുണ്ട് ഈ ചികിത്സാരീതിക്ക് .ചൈനയില്‍ ഉടലെടുത്ത ഈ ചികിത്സാരീതിക്ക് അക്കാലത്ത് അക്യുപങ്ച്ചര്‍ എന്നായിരുന്നില്ല പേര് .സെന്‍ജ്വയ്ന്‍ എന്നായിരുന്നു വിളിച്ചിരുന്നത് . അക്കാലത്ത് ശരീരത്തിന്റെ ചില പ്രത്യേക സ്ഥലങ്ങളില്‍ നിശ്ചിത അളവില്‍ മര്‍ദ്ധം കൊടുത്താണ് ഈ ചികിത്സ നടത്തിയിരുന്നത് .അന്നും ഇന്നും ഈ ചികിത്സാരീതിക്ക് അത്ഭുതകരമായ മാറ്റങ്ങള്‍ ഉണ്ടായിരുന്നു .കാലം കഴിയും തോറും ഈ ചികിത്സാരീതിക്ക് പല മാറ്റങ്ങളും വന്നെങ്കിലും മരുന്നില്ലാതെയുള്ള ചികിത്സ എന്ന അടിസ്ഥാന തത്വങ്ങള്‍ക്ക് മാറ്റം വന്നിട്ടില്ല . അക്യുപങ്ച്ചര്‍ എന്ന പേരിന് പോലും 200 കൊല്ലത്തെ പഴക്കമെ കാണൂ .

ഈ ചികിത്സാരീതി വ്യാപകമായതിന് പിന്നില്‍ രസകരമായ പല കഥകളും ചൈനയില്‍ പ്രചാരത്തിലുണ്ട് .പണ്ട് ഒരു യോദ്ധാവ് യുദ്ധത്തിനിടയില്‍ കാലിന് ശക്തമായ മുറിവേറ്റു .വര്‍ഷങ്ങളായി അയാളെ അലട്ടിയിരുന്ന ഷോള്‍ഡര്‍ വേദന അതോടെ മാറിയത്രേ .. അന്നാട്ടിലെ ഗ്രാമീണ വൈദ്യനെ ഇക്കാര്യം അറിയിച്ചപ്പോള്‍ അന്ന് മുതല്‍ അയാള്‍ അസുഖമായി വരുന്നവരെ ഇത്തരത്തില്‍ ചികില്‍സിക്കാന്‍ തുടങ്ങി . അതിന് നല്ല റിസള്‍ട്ടുമുണ്ടാവുകയും ചെയ്തു .

unnamed5000 കൊല്ലം മുമ്പ് ചൈനയിലെ രാജാവിയിരുന്ന ഹുവാങ്ങ്ഡി ( Huang Di ) നാട്ടിലെ വൈദ്യന്മാരെയെല്ലാം കൊട്ടാരത്തില്‍ വിളിച്ച് വരുത്തി ചികിത്സാരീതികളെക്കുറിച്ച് ചോദിച്ചറിയുകയും അത് പിന്നീട് ഒരു ഗ്രന്ഥരൂപത്തിലാക്കുകയും ചെയ്തു. ഇതാണ് ലോകത്തെ ഏറ്റവും പഴക്കമുള്ള ചികിത്സാ ഗ്രന്ഥം . ഇംഗ്ലിഷ് അടക്കം വിവിധ ഭാഷകളില്‍ ഈ പുസ്തകം ഇന്നും ലഭ്യമാണ് . നൈജിങ്ങ് ( Nei Jing) എന്നാണ് പുസ്തകത്തിന്റെ പേര്. ഇംഗ്ലിഷില്‍ The medical classic of the yellow Emperor എന്ന പേരില്‍ ലഭ്യമാണ് .രണ്ട് വാള്യങ്ങളായാണ് പുസ്തകം രചിക്കപ്പെട്ടത് . ഒന്നാം വാള്യം സുവെന്‍ ഇതില്‍ വിവിധ രോഗകാരണങ്ങളും ശരീരശാസ്ത്രവുമാണ് പ്രതിപാദിക്കുന്നത് . രണ്ടാമത്തെത് ലിങ്ഷു ഇതില്‍ അക്യുപങ്ച്ചര്‍ ചികിത്സാരീതികളും പറയുന്നു .

കൊറിയയിലും ചൈനയിലും ഈ ചികിത്സാരീതിക്ക് അക്കാലത്ത് തന്നെ നല്ല പ്രചാരം ലഭിച്ചു. ബ്രിട്ടിഷുകാര്‍ ചൈന കീഴടക്കിയതോടെ ഈ ചികിത്സാരീതി നിരോധിച്ചു . ആധുനിക ചൈനയുടെ പിതാവ് മാവോയാണ് പിന്നീട് ഈ ചികിത്സാരീതിക്ക് വീണ്ടും പ്രചാരം നല്‍കിയത് .ചൈനയുടെ യഥാര്‍ത്ഥ സമ്പത്ത് ഈ ചികിത്സാരീതിയെന്ന് unnamed (1)മാവോ പ്രചരണം നടത്തി .

1948 ല്‍ രൂപം കൊണ്ട ലോകാരോഗ്യ സംഘടന ഈ ചികിത്സാരീതിയെക്കുറിച്ച് പിന്നീട് സമഗ്രമായി പഠനം നടത്തുകയും ഇതിനെ അംഗീകരിക്കുകയും ചെയ്തു .അപ്പോഴേക്കും റഷ്യ അടക്കമുള്ള വിവിധ രാജ്യങ്ങളില്‍ ഈ ചികിത്സാരീതിക്ക് വന്‍ പ്രചാരം ലഭിക്കുകയുണ്ടായി . അക്കാലത്ത് ലോകാരോഗ്യസംഘടനക്ക് വേണ്ടി അക്യുപങ്ച്ചറിനെക്കുറിച്ച് വിശദമായി പഠനം നടത്തിയ സംഘത്തിലുണ്ടായിരുന്ന ശ്രീലങ്കക്കാരനായ ഡോ: പ്രൊഫസര്‍ ആന്റണ്‍ ജയസൂര്യ ഇന്ത്യയിലും ശ്രീലങ്കയിലും ഈ ചികിത്സാരീതിയെ പ്രചരിപ്പിച്ചു .2007 ല്‍ ജയസൂര്യ മരിക്കുന്നത് വരെ കൊളംബോ അന്താരാഷ്ട്ര സര്‍വകലാശാലയില്‍ അക്യുപങ്ച്ചര്‍ പഠിപ്പിക്കാന്‍ ഒരു ഡിപ്പാര്‍ട്ട്‌മെന്റ് തന്നെ ഉണ്ടായിരുന്നു .ക്ലിനിക്കല്‍ അക്യുപങ്ച്ചര്‍ ഉള്‍പ്പെടെ നിരവധി ഗ്രന്ഥങ്ങളുടെ രചയിതാവായ ഇദ്ധേഹത്തിന് ഐക്യരാഷ്ട്രസഭയുടെ അവാര്‍ഡും ലഭിച്ചിട്ടുണ്ട് .

1972 ല്‍ അമേരിക്കന്‍ പ്രസിഡണ്ട് റിച്ചാര്‍ഡ് നിക്‌സണ്‍ ചൈന സന്ദര്‍ശിച്ചപ്പോള്‍ കൂടെ വന്ന റുസ്റ്റണ്‍ എന്നയാള്‍ക്ക് അപ്പന്റിക്‌സ് പിടിപെട്ടു .ചൈനയിലെ അക്യുപങ്ച്ചര്‍ ചികിത്സാരീതിയാണ് അദ്ധേഹത്തിന് നല്‍കിയത് .വേഗത്തില്‍ സുഖപ്പെട്ടത് എല്ലാവരെയും അത്ഭുതപ്പെടുത്തി .
”അമേരിക്കന്‍ ടൈംസിന്റെ ‘ എഡിറ്റര്‍ കൂടിയായ റുസ്റ്റണ്‍ ഈ ചികിത്സാരീതിയുടെ ഗുണങ്ങളെക്കുറിച്ച് നിരവധി ലേഖനങ്ങള്‍ എഴുതി .ഇതോടെ അമേരിക്കയിലും അക്യുപങ്ച്ചറിന് വന്‍ പ്രചാരം ലഭിച്ചു. അമേരിക്കയിലും യൂറോപ്പിലും ഗള്‍ഫ് രാഷ്ട്രങ്ങളിച്ച് ആഫ്രിക്കന്‍ രാജ്യങ്ങളിലും മറ്റു ഏഷ്യന്‍ രാജ്യങ്ങളിലും വന്‍ സ്വീകാര്യതയാണ് ഈ ചികിത്സാരീതിക്ക് ഇന്ന് .

1975 ഓടെയാണ് ഇന്ത്യയില്‍ അക്യുപങ്ച്ചര്‍ വ്യാപകമാവുന്നത് . മദ്രാസിലെ ഡോക്ടര്‍ സഹോദരങ്ങളായ ഡോ: ഫസല്‍ റഹ്മാനും ,ഡോ : സിദ്ധിഖ് ജമാലുമാണ് ഇതിന്ന് പിന്നില്‍ . സിദ്ധിഖ് ജമാല്‍ അകാലത്തില്‍ ചരമമടഞ്ഞു. പിന്നിട് ഡോ. ഫസല്‍ റഹ്മാന്‍ ഇത് പ്രചരിപ്പിച്ചു.ഇന്ത്യന്‍ അക്യുപങ്ച്ചറിന്റെ പിതാവായാണ് ഇദ്ധേഹത്തെ അറിയപ്പെടുന്നത്.ഈ വിഷയത്തില്‍ നിരവധി പഠന്നങ്ങളും ഗ്രന്ഥങ്ങളും എഴുതിയ ഇദ്ധേഹം 2000 ത്തിന് ശേഷം ഈ ചികിത്സാരീതിയെ കൈവിടുകയാണ് ഉണ്ടായത് .ബിലീവ് തെറാപ്പി എന്ന പേരില്‍ മറ്റൊരു ചികിത്സാ രിതിയുമായി ഇന്നും മദ്രാസില്‍ സജീവമാണ് ഇദ്ധേഹം. ഇന്ന് കേരളത്തിലും ഇന്ത്യയിലെ മറ്റു സംസ്ഥാനങ്ങളിലും ഈ ചികിത്സാരീതി വ്യാപകമാണ് .

മരുന്നുകള്‍ ഉപയോഗിക്കാതെ തന്നെ ഏതു അസുഖങ്ങള്‍ക്കും അക്യുപങ്ച്ചറില്‍ ചികിത്സയുണ്ട്. ഈ ചികിത്സാ രീതി സ്വീകരിച്ചവര്‍ക്ക് അതിന്റെ ഗുണം ലഭിക്കുകയും ചെയ്തിട്ടുണ്ട് . മരുന്നുകള്‍ മനുഷ്യനെ നിത്യ രോഗിയാക്കുകയും ആശുപത്രികള്‍ കൊള്ളലാഭത്തിന് കൂട്ടുനില്‍ക്കുകയും ചെയ്യുന്ന ഇക്കാലത്ത് എന്തുകൊണ്ടും സ്വീകരിക്കാവുന്ന ചികിത്സാരീതിയാണ് ഇതെന്ന് അനുഭവസ്ഥര്‍ സാക്ഷ്യപ്പെടുത്തുന്നു .

(മാധ്യമപ്രവര്‍ത്തകനും ,അധ്യാപകനും, മൈന്റ് കണ്‍സള്‍ട്ടന്റുമാണ് ലേഖകന്‍. 9946025819 )

face hair removal
Posted by
06 June

മുഖത്തെ അനാവശ്യ രോമങ്ങള്‍ കളയാന്‍ എളുപ്പവഴി

അനാവശ്യ രോമവളര്‍ച്ച സ്ത്രീകളുടെ ആത്മവിശ്വാസത്തെ വരെബാധിക്കുന്ന ഒന്നാണ്. മേല്‍ച്ചുണ്ടിലേയും മുഖത്തുണ്ടാവുന്നതുമായ രോമവളര്‍ച്ചയെ പരിഹരിക്കാനും തടയാനും ഈ വഴികള്‍ തിരഞ്ഞെടുക്കാം. പാര്‍ശ്വഫലങ്ങള്‍ ഇല്ലാത്ത ഈ മാര്‍ഗ്ഗങ്ങള്‍ എന്താണെന്ന് നോക്കാം.

ഒരു ടീസ്പൂണ്‍ കടലമാവും ഒരു നുള്ള് മഞ്ഞള്‍പ്പൊടിയും അല്‍പം പാലില്‍ ചേര്‍ത്ത് പേസ്റ്റ് രൂപത്തില്‍ ആക്കാം. ഇത് മുഖത്ത് തേച്ച് പിടിപ്പിക്കാം.പേസ്റ്റ് രൂപത്തിലായ ഈ മിശ്രിതം മേല്‍ച്ചുണ്ടില്‍ തേച്ച് പിടിപ്പിക്കാം. ഒരാഴ്ച ഇങ്ങനെ ചെയ്താല്‍ മേല്‍ചുണ്ടിലെ രോമം പതുക്കെ കൊഴിഞ്ഞ് പോകാന്‍ തുടങ്ങും.ഒരു സ്പൂണ്‍ പഞ്ചസാരയും പകുതി നാരങ്ങ നീരും ചേര്‍ത്ത് നന്നായി യോജിപ്പിച്ച ശേഷം മുഖത്ത് തേക്കാം. തുടര്‍ച്ചയായി ഇങ്ങനെ ചെയ്താല്‍ മുഖത്തെ രോമം എന്നന്നേക്കുമായി പോവും.പാലും മഞ്ഞളും ചേര്‍ത്ത് യോജിപ്പിച്ച മിശ്രിതം മുഖത്തെയും കക്ഷത്തിലേയും അമിതമായ രോമ വളര്‍ച്ച ഇല്ലാതാക്കാന്‍ സഹായിക്കും.

breath will tell u your problem
Posted by
05 June

ശ്വാസം പറയുന്നു നിങ്ങള്‍ക്കുള്ള രോഗങ്ങള്‍

ശ്വാസോച്ഛ്വാസം ജീവന്റെ അടിസ്ഥാനമാണല്ലോ. വായുവും അതുപോലെ വെള്ളവും അത്രയേറെ പ്രധാനപ്പെട്ടതാണ് നമ്മുടെ ജീവിതത്തില്‍. എന്നാല്‍ നമ്മളെ ഏതെങ്കിലും തരത്തിലുള്ള രോഗങ്ങള്‍ പിടികൂടിയിട്ടുണ്ടോയെന്നും നമ്മുടെ ശ്വാസത്തിന്റെ ഗന്ധം നോക്കി മനസ്സിലാക്കാമെങ്കിലോ? കാര്യം സത്യമാണ് നമ്മുടെ ശ്വാസനിശ്വാസങ്ങളിലൂടെ നമ്മെ ബാധിച്ചിരിക്കുന്ന പല ആരോഗ്യപ്രശ്‌നങ്ങളെയും തിരിച്ചറിയുവാന്‍ സാധിക്കും.

ഗുരുതരമായ പല രോഗങ്ങളും ശ്വാസത്തിന്റെ ഗന്ധത്തിലൂടെയും ശ്വാസമെടുക്കുന്ന സമയത്തിലൂടെയും മനസ്സിലാക്കുവാന്‍ കഴിയും. പലപ്പോഴും ശ്വാസത്തിന്റെ ഗന്ധം നോക്കി വയറിലെ ക്യാന്‍സര്‍ വരെ കണ്ടെത്താന്‍ കഴിയും.

മധുരത്തിന്റെ മണം

നിങ്ങളുടെ നിശ്വാസവായുവിന് മധുരത്തിന്റെ മണമുണ്ടോ? എങ്കില്‍ നിങ്ങളൊരു പ്രമേഹ രോഗിയാണ് എന്ന്! ഉറപ്പിച്ചോളൂ . നിങ്ങളുടെ ശരീരത്തിന് ബാക്ടീരിയകളോട് പ്രതികരിയ്ക്കാനുള്ള കഴിവില്ലാത്തതിനാലാണ് ഇത്തരം പ്രശ്‌നങ്ങള്‍ ഉണ്ടാവുന്നത്.

ദുര്‍ഗന്ധം

നിശ്വാസവായുവിന്റെ ദുര്‍ഗന്ധം നിങ്ങളുടെ ദന്തപ്രശ്‌നങ്ങളെയാണ് പലപ്പോഴും സൂചിപ്പിക്കുന്നത്. ബാക്ടീരിയകളും മറ്റുമാണ് ഈ ദുര്‍ഗന്ധത്തോടു കൂടിയ നിശ്വാസ വായുവിന് കാരണം.

മത്സ്യത്തിന്റെ ഗന്ധം

വായുവിന് മത്സ്യത്തിന്റെ ഗന്ധമുള്ളതുപോലെ നിങ്ങള്‍ക്ക് തോന്നുന്നുണ്ടോ? എന്നാല്‍ നിങ്ങളുടെ കിഡ്‌നിക്ക് കാര്യമായ ആരോഗ്യപ്രശ്‌നമുണ്ടെന്നതിന്റെ സൂചനയാണത്. ഏതുതരം ഭക്ഷണത്തിനും കടല്‍ വിഭവങ്ങളുടെ മണം പോലെ തോന്നുന്നുവെങ്കില്‍ കിഡ്‌നി പ്രശ്‌നത്തിലാണ് എന്ന് ഉറപ്പിക്കാം.

പുളിപ്പുള്ള വായ

വായയ്ക്ക് എപ്പോഴും പുളിപ്പ് അനുഭവപ്പെടുകയാണെങ്കില്‍ അതും ഗുരുതരമായ ആരോഗ്യപ്രശ്‌നമാണ് സൂചിപ്പിക്കുന്നത്. ഉറക്കമില്ലായ്മയേയും ഉറക്കത്തില്‍ കൂടുതല്‍ ദുര്‍ഗന്ധത്തോടു കൂടിയ ഉമിനീര്‍ ഉത്പാദിപ്പിക്കുന്നതും ഇതിന്റെ ലക്ഷണമാണ്.

ശ്വാസകോശത്തിലെ ക്യാന്‍സര്‍

ശ്വാസകോശാര്‍ബുദത്തേയും ഇത് വഴി നമ്മുടെ നിശ്വാസവായുവിലൂടെ കണ്ടെത്താം. കാരണം ശ്വാസകോശാര്‍ബുദത്തിന്റെ സൂചനയാണ് ദുര്‍ഗന്ധത്തോടുള്ള വായുവും ഇടയ്ക്കിടെ രക്തമയത്തോടു കൂടിയുമുള്ള ഉമിനീരും. പുകവലിക്കാരില്‍ ഇത്തരം ലക്ഷണങ്ങള്‍ കൂടുതലായും കണ്ടുവരാറുണ്ട്. ഇങ്ങനെ വന്നാല്‍ ഉടന്‍ തന്നെ ഡോക്ടറെ സമീപിക്കാന്‍ മറക്കേണ്ട.

ഹൃദയസംബന്ധമായ പ്രശ്‌നങ്ങള്‍

ഹൃദയസംബന്ധമായ പ്രശ്‌നങ്ങളും നിശ്വാസ വായുവിന്റെ ദുര്‍ഗന്ധത്തിലൂടെ മനസ്സിലാക്കാന്‍ സാധിയ്ക്കും. ഒരു പഠനത്തില്‍ 41ലധികം രോഗികളുടെ ശ്വാസോച്ഛ്വാസത്തിന്റെ സാമ്പില്‍ പരിശോധിച്ചതിലൂടെയാണ് ഇത് മനസ്സിലാക്കാന്‍ കഴിഞ്ഞത്

healthy food during ramdas fasting time
Posted by
30 May

നോമ്പ് കാലത്തെ ആരോഗ്യമുള്ള ഭക്ഷണരീതി

നോമ്പ് ശരീരത്തിനും മനസിനും ഏറ്റവും ആരോഗ്യപ്രദമാണല്ലോ .നോമ്പിന്റെ ശാസ്ത്രീയ പാഠങ്ങള്‍ പലരും അംഗീകരിച്ചതും അഭിനന്ദിച്ചതും ഇക്കാരണത്താലാണ് .നിത്യ ജീവിതത്തില്‍ നോമ്പിനാല്‍ ഉണ്ടാകുന്ന ആരോഗ്യ സംരക്ഷണത്തില്‍ ആര്‍ക്കും സംശയവുമില്ല.പക്ഷെ ഇക്കാലത്തെ നോമ്പ് പൂര്‍ണ്ണാര്‍ത്ഥത്തില്‍ ആരോഗ്യകരമാകുന്നുണ്ടോ എന്നത് അന്വേഷിക്കേണ്ടതാണ് .

നോമ്പ്കാലം ഏറ്റവും സുഭിക്ഷമായി ഭക്ഷണം കഴിക്കുന്ന കാലമായി മാറിയിരിക്കുന്നു ഇന്ന് .പകല്‍ ഭക്ഷണമോ വെള്ളമോ ഇല്ലാതെ സന്ധ്യമുതല്‍ ഒരു വാശിക്ക് എല്ലാം തിന്ന് കടം വീട്ടുന്ന സ്വഭാവം ആരോഗ്യമുള്ള നോമ്പെന്ന സങ്കല്‍പ്പത്തെ തന്നെ ഇല്ലാതാക്കുന്നുണ്ട് .ആരോഗ്യമുള്ള നോമ്പിന് ഇഫ്താറിന് ശേഷമുള്ള ഭക്ഷണക്രമത്തില്‍ വലിയൊരു പങ്കുണ്ട് .നമുക്ക് ഏറ്റവും ആരോഗ്യകരവും ലളിതവുമായ ഇഫ്താര്‍ ഭക്ഷണ രീതി പരിചയപ്പെടാം .ഈ മാതൃക നിങ്ങള്‍ നോമ്പ്കാലത്ത് പതിവാക്കിയാല്‍ ശരീരത്തില്‍ ശരിയായ മാറ്റങ്ങള്‍ അനുഭവപ്പെടും . ആരോഗ്യമുള്ള ,രോഗമില്ലാത്ത ജീവിതം ലഭിക്കുകയും ചെയ്യും.

നമുക്ക് ആദ്യം ഇഫ്താറിലേക്ക് വരാം. ഇഫ്ത്താര്‍ നല്ല ശുദ്ധജലവും ഈന്തപ്പഴവും ഉപയോഗിച്ച് മാത്രമാവുക. മറ്റൊന്നും വേണ്ട .വെള്ളം തൃപ്തികരമായ അളവില്‍ കുടിക്കാം. പലരും ഇഫ്താര്‍ തിന്ന് തീര്‍ക്കുകയാണ് .മുന്നിലുള്ള വിഭവങ്ങളെല്ലാം ഒരു വാശിക്ക് തിന്ന് തീര്‍ക്കുമ്പോള്‍ ശരീരത്തിന് ഉണ്ടാകുന്ന ക്ഷീണത്തെക്കുറിച്ച് യാതൊന്നും ആലോചിക്കാറില്ല . ഇഫ്താര്‍ സമയത്ത് കഴിയുന്നതും പഴങ്ങള്‍ ഒഴിവാക്കുക .

ഇഫ്താര്‍ കഴിഞ്ഞാല്‍ പ്രാര്‍ത്ഥനക്ക് ശേഷം ഭക്ഷണം കഴിക്കുക .ഇഷ്ടമുള്ളത് കഴിക്കാം. അമിതമാകരുത് .പൊരി വിപവങ്ങള്‍ പൂര്‍ണ്ണമായി ഒഴിവാക്കുക .ഈ സമയം പഴങ്ങളും കഴിക്കാം .മാംസാഹാരം കഴിക്കുന്നതില്‍ പ്രത്യേകിച്ച് വിലക്കൊന്നുമില്ല .പക്ഷെ അമിതമാകരുത് എന്നുമാത്രം. ബിരിയാണി പോലുള്ളത് നോമ്പ് തുറയിലെ ഭക്ഷണത്തില്‍ ഉള്‍പ്പെടുത്താതിരിക്കലാണ് നല്ലത് .

ഭക്ഷണം കഴിച്ചാല്‍ പിന്നീട് ക്ഷീണം തോന്നുന്ന സാഹചര്യം ഉണ്ടാക്കരുത് .മിക്ക നോമ്പുകാരും ഭക്ഷണം കഴിച്ചാല്‍ പിന്നെ ഭയങ്കര ക്ഷീണത്തിലായിരിക്കും .അമിതമായ തീറ്റമൂലം അകത്തേക്ക് പോയ ഭക്ഷണങ്ങള്‍ ദഹിപ്പിക്കാന്‍ ആമാശയം ശരീരത്തിന്റെ മറ്റു ഭാഗങ്ങളില്‍ നിന്ന് ഊര്‍ജ്ജം കടം വാങ്ങും .ഇത്തരത്തില്‍ കൈയ്യിന്റെയും കാലിന്റെയും ഊര്‍ജം കടം വാങ്ങുന്നതോടെ ആ അവയവങ്ങള്‍ അടങ്ങിയൊതുങ്ങി ഒരു ഭാഗത്തിരിക്കും .ഫലമോ അമിതമായി കഴിച്ചവര്‍ക്ക് കൈകാലുകള്‍ അനക്കാന്‍ പോലും കഴിയാതെ തല പൊങ്ങാതെ ഒരു ഭാഗത്ത് കിടക്കും . നോമ്പെടുക്കുമ്പോള്‍ ഇല്ലാത്ത ക്ഷീണമാണ് മിക്ക ആളുകള്‍ക്കും ഇഫ്താര്‍ കഴിഞ്ഞാല്‍. ഈ സമയത്തുള്ള ഭക്ഷണം മരുന്ന് കഞ്ഞി മാത്രമാക്കുന്നതായാല്‍ കേമായി .ദഹനത്തിനും ക്ഷീണം മാറാനും ഏറ്റവും ഉപകാരപ്രദം ഇതാണ്. പഴങ്ങളും ഒപ്പം മരുന്ന് കഞ്ഞിയും .

നോമ്പ് തുറയിലെ പ്രധാന ഭക്ഷണം കഴിഞ്ഞാല്‍ പിന്നീട് തറാവീഹ് പോലുള്ള പ്രാര്‍ത്ഥനകള്‍ ഉണ്ട് .അത് കഴിഞ്ഞാല്‍ ഭക്ഷണം കഴിക്കരുത് .മിക്ക ആളുകളും ഒന്നു കൂടി ഭക്ഷണം കഴിക്കും .മലബാറില്‍ ഇതിന് മുത്താഴം എന്നാണ് പേര് . നോമ്പ് തുറക്ക് മരുന്ന് കഞ്ഞി മാത്രം കുടിച്ചവര്‍ ഈ സമയത്ത് അല്‍പ്പം കൂടി കഞ്ഞി കുടിക്കുന്നതില്‍ തെറ്റില്ല .എന്ത് ഭക്ഷണം കഴിക്കുമ്പോഴും ആസ്വദിച്ചും നന്നായി ചവച്ചരച്ചും കഴിക്കുക .ഭക്ഷണത്തോടൊപ്പം വെള്ളം കുടിക്കാതിരിക്കുക .ഭക്ഷണത്തിന് ശേഷം നന്നായി ദാഹിക്കും.അപ്പോള്‍ കുടിക്കുക .ഭക്ഷണം കഴിച്ച ഉടന്‍ വെള്ളം കുടിക്കുന്ന രീതി നല്ലതാണെന്നാണ് പലരും കരുത്തുന്നത്. എന്നാല്‍ ഇതു വേണ്ടെന്നാണ് വിദഗ്ധാഭിപ്രായം. ഉമിനീരുതന്നെ ദഹനത്തിനു സഹായിക്കുമെന്നും ആഹാരത്തിലുള്ള ചീത്ത ബാക്ടീരിയകളെ നശിപ്പിക്കുമെന്നും ഇവര്‍ പറയുന്നു. ഭക്ഷണശേഷം ഉടന്‍ തന്നെ വെള്ളം കുടിക്കുന്നത് ഉമിനീരിന്റെ ഈ ശക്തിയെ ഇല്ലാതാക്കുന്നു. ആഹാരത്തിനു പിറകേ വെള്ളം കുടിക്കുമ്പോള്‍ ഈ പ്രവര്‍ത്തനത്തിനു തടസ്സം ഉണ്ടാകും. അതുകൊണ്ട് ആഹാരം കഴിച്ച് 30 മിനിറ്റ് കഴിഞ്ഞ് മാത്രമേ വെള്ളം കുടിയ്ക്കാന്‍ പാടുകയുള്ളൂ.
ശേഷം നേരത്തേ ഉറങ്ങുകയോ മറ്റു ആരാധനകളോയാവാം.

മൂന്ന് മണിക്ക് ശേഷമെ അത്താഴം കഴിക്കാവു .. അമിതമാവാത കഴിക്കുക .വൈകുന്നേരം വരെ വിശക്കാതിരിക്കാന്‍ പരമാവധി കഴിക്കുന്നവരുണ്ട് .അത് ആരോഗ്യകരമല്ല .വിശപ്പ് മാറുവോളം കഴിച്ചാല്‍ മതി .നേരത്തേ പറഞ്ഞ രീതിയില്‍ നോമ്പ്തുറ നടത്തിയൊരാള്‍ക്ക് ഈ സമയത്ത് വിശക്കും .
ചിലര്‍ അത്താഴം കഴിക്കാതിരുക്കുന്നത് കാണാം .അത്താഴത്തിന് ഒരു ഗ്ലാസ് പച്ചവെള്ളമെങ്കിലും കുടിക്കുക .അത്താഴം പൂര്‍ണ്ണമായും ഒഴിവാക്കുന്നത് നല്ലതല്ല .അത്താഴത്തിന് എഴുന്നേറ്റാല്‍ കുളിക്കുന്നത് വളരെ നല്ലതാണ് .ശരീരത്തിനും മനസിനും കൂടുതല്‍ ഉന്മേഷം ഉണ്ടാകും .

ഈ ഭക്ഷണക്രമം ഒരു മാസം ഫോളോ ചെയ്താല്‍ വലിയ മാറ്റം തന്നെ നിങ്ങള്‍ക്ക് അനുഭവിക്കാനാവും. ഭക്ഷണം കൊണ്ടല്ല നാം ജീവിക്കുന്നത് മറിച്ച് ജീവനുള്ളതു കൊണ്ടാണെന്ന് തിരിച്ചറിയും. നോമ്പെടുക്കുന്ന പകല്‍ നേരങ്ങളില്‍ നല്ല ഊര്‍ജ്വസ്വലതയും ലഭിക്കും. നോമ്പ് ഒരു ആനന്ദമാണ്. ത്യാഗമല്ല ,സാഹസികവുമല്ല. നിങ്ങളും ഒന്നു പരീക്ഷിച്ച് നോക്കൂ. മനസ്സും ശരീരവും മാറും. നല്ല മാറ്റങ്ങള്‍ അനുഭവിക്കും. ഭക്ഷണം കഴിച്ചാണ് രോഗികളുടെ എണ്ണം വര്‍ധിക്കുന്നതെന്ന ബാലപാഠം ഓര്‍മിക്കുക എപ്പോഴും .

( ഫഖ്‌റുദ്ധീന്‍ പന്താവൂര്‍ )

tips for red lips
Posted by
18 May

അഴകാര്‍ന്ന ചുണ്ടുകള്‍ വേണോ: എങ്കില്‍ ഇതാ ചില എളുപ്പവഴികള്‍

ചുവന്ന ചുണ്ടുകള്‍ പെണ്‍കുട്ടികളുടെ സ്വപ്‌നമാണ്, അതിനായി ഏത് പരീക്ഷണത്തിനും അവര്‍ തയാറാകും.മുഖസൗന്ദര്യം എന്നപോലെ കാത്തുസൂക്ഷിക്കേണ്ട മറ്റൊന്നാണ് ചുണ്ടുകളുടെ സൗന്ദര്യവും. കാലാവസ്ഥ മാറുന്നത് അനുസരിച്ച് ശ്രദ്ധയോടെയുള്ള പരിചരണമാണ് ചുണ്ടുകള്‍ക്ക് ആവശ്യം. വേനല്‍ക്കാലത്ത് ചുണ്ടില്‍ പലതരത്തിലുള്ള രോഗങ്ങള്‍ കാണാറുണ്ട്. ഇതിനായി പല മരുന്നുകളും ഉപയോഗിച്ച് കാണും ഇല്ലേ? എന്നാല്‍ വേനല്‍ക്കാലത്ത് സുന്ദരമായ ചുണ്ടുകള്‍ സ്വന്തമാക്കാന്‍ വീട്ടില്‍ത്തന്നെ പരീക്ഷിക്കാവുന്ന എളുപ്പവഴികള്‍ ധാരാളമാണ്.

അഴകാര്‍ന്ന ചുണ്ടുകള്‍ക്കായി ഇതാ ചില കുറുക്ക് വഴികള്‍ :

* വേനല്‍ക്കാലങ്ങളില്‍ പുറത്തിറങ്ങുമ്പോള്‍ ചുണ്ടില്‍ ലിപ്ബാം പുരട്ടുക. പാല്‍പ്പാടയോ വെണ്ണയോ പുരട്ടുന്നത് നല്ലതാണ്.

* ചുണ്ടിന്റെ കറുപ്പ് നിറം മാറുന്നതിന് നാരങ്ങാനീര്, തേന്‍, ഗിസറിന്‍ ഇവ അര ചെറിയ സ്പൂണ്‍ വീതമെടുത്തു യോജിപ്പിച്ച ശേഷം ചുണ്ടുകളില്‍ പുരുട്ടുക.

*ദിവസവും കിടക്കുന്നതിനു മുമ്പ് ഒലിവെണ്ണയോ ബദാമെണ്ണയോ പുരട്ടുന്നതു ചുണ്ടിനു ഭംഗി ലഭിക്കുന്നതിനും ചുവപ്പു നിറം കൈവരാനും സാധിക്കും.

* ബീറ്റ്‌റൂട്ടും വെണ്ണയും ചേര്‍ത്ത മിശ്രിതം ചുണ്ടിന്റെ കറുപ്പു നിറം മാറ്റി ഭംഗി വര്‍ധിപ്പിക്കാന്‍ ഉത്തമമാണ്.

* ചുണ്ടുകളുടെ നിറം വീണ്ടെടുക്കാന്‍ അര ഔണ്‍സ് പാലില്‍ 10 ഗ്രാം ഉപ്പ് ചേര്‍ത്തതു പുരട്ടി പത്തുമിനിറ്റിനു ശേഷം കഴുകിക്കളയുക വഴി സാധിക്കും.

*പുതിന നീര് പതിവായി ചുണ്ടില്‍ പുരട്ടിയാല്‍ പിങ്കു ചുണ്ടിനുടമയാകാം.

* ചുവന്നുള്ളി നീരും തേനും ഗിസറിനും സമം ചേര്‍ത്തു പുരട്ടിയാല്‍ ചുണ്ടുകള്‍ തുടുക്കും.

*മുട്ടയുടെ വെള്ളയും പാല്‍പ്പാടയും അര സ്പൂണ്‍ വീതമെടുത്തു യോജിപ്പിച്ചു ചുണ്ടില്‍ പുരട്ടിയാല്‍ വരള്‍ച്ച മാറി ചുണ്ടുകള്‍ക്ക് ഭംഗിയുള്ളതാകും.

* വേനല്‍ക്കാലത്ത് പഴങ്ങള്‍ ധാരാളം കഴിക്കുന്നത് ചുണ്ടുകളുടെ സൗന്ദര്യത്തിന് മാറ്റ് കൂട്ടും.

benefits of green tea
Posted by
16 May

ഗ്രീന്‍ ടീ ശീലമാക്കിയാല്‍

ഇന്ന് ഒട്ടനേകം പേരുടെ ദിനം ആരംഭിക്കുന്നത് തന്നെ ഒരു ചൂടുള്ള ഗ്രീന്‍ ടീയില്‍ നിന്നാണ്. അമിതഭാരത്തിന് തടയിടാനായാണ് ഗ്രീന്‍ ടീ മിക്കവരും ശീലമാക്കിയിരിക്കുന്നതും. എന്നാല്‍ ആരോഗ്യദായകമായ ഈ പാനീയം ഒരു ശീലമാക്കിയാല്‍ ലഭിക്കുന്നത് അനേകം ഔഷധ ഗുണങ്ങള്‍ കൂടിയാണ്. തളിരില മാത്രം നുള്ളി ഉടനെ വെയിലത്തുണക്കിയെടുത്താണ് ഗ്രീന്‍ ടീ ഉണ്ടാക്കുന്നത്. ഇതു കാരണം ഓക്സിഡേഷന്‍ സംഭവിക്കുന്നില്ല എന്നതാണ് ഗ്രീന്‍ ടീ കൊണ്ടുള്ള പ്രധാന ഗുണം.

മറ്റ് സവിശേഷതകള്‍ എന്തൊക്കെയെന്ന് പരിശോധിക്കാം:

* കാന്‍സര്‍ തടയുന്നു

ഗ്രീന്‍ ടീയില്‍ അടങ്ങിയ ആന്റിഓക്‌സിഡന്റ്, വിറ്റാമിന്‍ സി യേക്കാള്‍ നൂറ് ഇരട്ടിയും വിറ്റാമിന്‍ ഇ യേക്കാള്‍ 24 ഇരട്ടിയും ഫലപ്രദമാണ്. ഇത് കാന്‍സര്‍ കോശങ്ങളുടെ വളര്‍ച്ചയെ തടയുന്നു.

* ചീത്ത കൊളസ്‌ട്രോള്‍ കുറയ്ക്കുന്നു

ചീത്ത കൊളസ്ട്രോളായ എല്‍ഡിഎലിന്റെ തോതു കുറയ്ക്കാനും ഇതു ഗുണപ്രദം. രക്തം കട്ട പിടിക്കുന്നതു (ത്രോംബോസിസ്) തടയാന്‍ ഇതു സഹായകം. ഇതു ഹൃദയാഘാതം, സ്ട്രോക്ക് എന്നിവയ്ക്കുളള സാധ്യത കുറയ്ക്കുന്നു.

* യുവത്വം നിലനിര്‍ത്താന്‍

ഗ്രീന്‍ ടീയിലടങ്ങിയിരിക്കുന്ന ആന്റി ഓക്സിഡന്റുകള്‍ പ്രായമാകുന്നതിനെ തടയുന്നു. ശരീരത്തിലുണ്ടാകുന്ന ഫ്രീ റാഡിക്കലുകളെയും ഓക്സിഡന്റുകളെയും ഗ്രീന്‍ ടിയിലെ ആന്റി ഓക്സിഡന്റുകള്‍ നിര്‍വീര്യമാക്കുന്നു. പതിവായി ഗ്രീന്‍ ടീ കുടിക്കുന്നത് യുവത്വം നിലനിര്‍ത്തുന്നതിനും സഹായകം.

* പ്രതിരോധ ശക്തി കൂട്ടുന്നു

ഗ്രീന്‍ ടീയില്‍ അടങ്ങിയ വിറ്റാമിന്‍ സി പ്രതിരോധശക്തി വര്‍ധിപ്പിക്കാന്‍ സഹായിക്കുന്നു. ജലദോഷവും പനിയും മാറാനും ഗ്രീന്‍ ടീ സഹായകരമാണ്.

* ചര്‍മസംരക്ഷണത്തിനും ഗ്രീന്‍ ടീ

ശരീരത്തില്‍ അടിഞ്ഞു കൂടുന്ന വിഷപദാര്‍ത്ഥങ്ങള്‍ നീക്കം ചെയ്ത് ചര്‍മസംരക്ഷണത്തിനും ഗ്രീന്‍ ടീ സഹായിക്കുന്നുണ്ട്. മുഖക്കുരു അകറ്റുവാനും ചര്‍മം അയഞ്ഞ് തൂങ്ങി പ്രായാധിക്യം തോന്നാതിരിക്കാനും ഗ്രീന്‍ ടീ നല്ലതാണ്.

get rid off Hair fall
Posted by
15 May

പണം ചിലവഴിക്കാതെ മണിക്കൂറുകള്‍ കൊണ്ട് കഷണ്ടി മാറ്റാം

പുരുഷന്മാരുടെയും സ്ത്രീകളുടെയും മനസമാധാനം കളയുന്ന പ്രശ്‌നമാണ് മുടി കൊഴിച്ചില്‍. മരുന്നുകള്‍ മാറി മാറി ഉപയോഗിച്ചിട്ടും ഫലം ഇല്ലാ എന്ന് പറയുന്ന നിരവധി പേര്‍ നമുക്കിടയില്‍ ഉണ്ട്. ഇതിന് വേണ്ടി പണം എത്ര വേണമെങ്കിലും ചെലവഴിക്കാനും ഇത്തരത്തിലുള്ളവര്‍ തയ്യാറാണ്. ഇത്തരം പ്രശ്‌നങ്ങള്‍ക്ക് നാടന്‍ മരുന്ന് രീതിയാണ് ഏറ്റവും നല്ലത്.

നാടന്‍ രീതിയിലെ ചില പൊടിക്കൈകള്‍ കൃത്യമായി ഉപയോഗിച്ചാല്‍ കഷണ്ടി പെട്ടെന്ന് മാറ്റാന്‍ സാധിക്കും. ഈ കൂട്ട് ആഴ്ചയില്‍ മൂന്ന് ദിവസമെങ്കിലും മൂന്ന് മാസം അടുപ്പിച്ച് ചെയ്താല്‍ അത്ഭുതം കാണാന്‍ സാധിക്കും. കഷണ്ടിയില്‍ പോലും മുടി വളരുമെന്നാണ് ഈ മരുന്ന് ഉപയോഗിക്കുന്നവര്‍ പറയുന്നത്.

2സ്പൂണ്‍ വെളിച്ചെണ്ണയും ഒരു സ്പൂണ്‍ ഒലീവ് ഓയിലും മിക്‌സ് ചെയ്ത് ചെറുതീയില്‍ ചൂടാക്കിയെടുത്ത ശേഷം ഇതിലേക്ക് ഒരു സവാളയുടെ നീരും രണ്ട് തുള്ളി ചെറുനാരങ്ങാ നീരും ചേര്‍ത്ത് നന്നായി മിക്‌സ് ചെയ്താല്‍ മരുന്ന് റെഡി. ഈ മിശ്രിതം നന്നായി തലയില്‍ തേച്ച് പിടിപ്പിച്ച് 45 മിനിറ്റിന് ശേഷം വീര്യം കുറഞ്ഞ ഷാംപൂ ഉപയോഗിച്ച് കഴുകി കളയുകയും വേണം.