കാന്‍സര്‍ ചികിത്സ ഫലപ്രദമാക്കാന്‍ ബ്ലൂബെറി
Posted by
01 January

കാന്‍സര്‍ ചികിത്സ ഫലപ്രദമാക്കാന്‍ ബ്ലൂബെറി

അര്‍ബുദചികിത്സാ വേളയില്‍ ബ്ലൂബെറി കഴിക്കുന്നത് വളരെ ഫലപ്രദമാണെന്ന് പഠനം. അര്‍ബുദചികിത്സയുടെ ഭാഗമായ റേഡിയേഷന്‍ തെറാപ്പിയില്‍ അതിശക്തമായ എക്‌സ്- ഗാമാ റേകളാണ് കാന്‍സര്‍ കോശങ്ങളെ നശിപ്പിക്കാനായി ഉപയോഗിക്കുന്നത്. എന്നാല്‍ കാന്‍സര്‍ കോശങ്ങളോടൊപ്പം ആരോഗ്യമുള്ള കോശങ്ങളും ഇതോടൊപ്പം നശിക്കും.

എന്നാല്‍ റേഡിയോ തെറാപ്പിയെ പ്രതിരോധിക്കാന്‍ ബ്ലൂബെറിക്കാകുമെന്നാണ് ഗവേഷകരുടെ കണ്ടെത്തല്‍. റേഡിയോ ആക്ടീവതയെ പ്രതിരോധിക്കുന്ന റെസ്‌വെട്രോള്‍ എന്ന രാസസംയുക്തം ബ്ലൂബെറിയില്‍ ധാരാളമായടങ്ങിയിരിക്കുന്നതിനാലാണിത്. മിസ്സൗറി സ്‌കൂള്‍ ഓഫ് മെഡിസിനിലെ ഗവേഷകരാണ് ഇതു സംബന്ധിച്ച പഠനം നടത്തിയത്.

അര്‍ബുദരോഗബാധിതരെ റേഡിയേഷന്‍ തെറാപ്പി മാത്രം നല്‍കുന്നവര്‍, ബ്ലൂബെറി സത്ത് മാത്രം നല്‍കുന്നവര്‍, റേഡിയേഷനും ബ്ലൂബെറി സത്തും ഒരേ സമയം നല്‍കുന്നവര്‍ എന്നിങ്ങനെ മൂന്നു ഗ്രൂപ്പുകളാക്കി തിരിച്ചായിരുന്നു പരീക്ഷണം.

റേഡിയേഷന്‍ ചികിത്സ മാത്രം സ്വീകരിച്ചവരില്‍ 20 ശതമാനം അര്‍ബുദകോശങ്ങള്‍ നശിച്ചപ്പോള്‍ ബ്ലൂബെറി സത്തുമാത്രം കഴിച്ചവരില്‍ ഇത് 25 ശതമാനമായിരുന്നു. എന്നാല്‍ രണ്ടും ഒരു പോലെ സ്വീകരിച്ചവരില്‍ 70 ശതമാനം അര്‍ബുദകോശങ്ങളാണ് നശിച്ചത്! അര്‍ബുദ ചികിത്സാ രംഗത്ത് ഈ കണ്ടെത്തല്‍ മാറ്റങ്ങള്‍ക്കു വഴി തുറന്നിരിക്കുകയാണ്.

കാലിന്‍മേല്‍ കാല്‍ കയറ്റി ഇരുന്നാല്‍….
Posted by
28 December

കാലിന്‍മേല്‍ കാല്‍ കയറ്റി ഇരുന്നാല്‍....

ഒരു കാലിന് മേല്‍ മറ്റേ കാല്‍ കയറ്റി ഇരിക്കുന്നവരുണ്ട്. എന്നാല്‍ ഇങ്ങനെ ഇരിക്കുന്നത് ആരോഗ്യത്തെ ഹാനികരമായി ബാധിക്കുമെന്നാണ് വിദഗ്ദ്ധരുടെ പഠനം ചൂണ്ടിക്കാണിക്കുന്നത്. ഇത് രക്തസമ്മര്‍ദ്ദം കൂട്ടാനിടയാക്കുമെന്നാണ് വിദഗ്ദരുടെ വാദം.

ഏറെ നേര ഇങ്ങനെ ഇരിക്കുമ്പോള്‍ രക്തസമ്മര്‍ദ്ദം കൂടുകയും നാഡികള്‍ക്ക് സമ്മര്‍ദ്ദമേറുകയും ചെയ്യുന്നു. ചിലരിലെങ്കിലും ഇത് നാഡികള്‍ സ്തംഭനവും അതുവഴി മസ്തിഷ്‌ക്കാഘാതവും ഉണ്ടാകാന്‍ സാധ്യത കൂട്ടുന്നു. അതുപോലെ രക്തയോട്ടത്തിന്റെ വേഗം കുറയാനും ഇത് കാരണമാകും.

ഇതിലൂടെ കാലുകള്‍ക്കും കൈകള്‍ക്കും തളര്‍ച്ച അനുഭവപ്പെടാനും ഇടയാകും. ഏറെനേരം കാലിനുമേല്‍ കാല്‍ കയറ്റിയിരുന്നാല്‍, ഇടുപ്പ് വേദന അനുഭവപ്പെടാന്‍ കാരണമാകും. ഇടുപ്പിലെ ആന്തരിക-ബാഹ്യ പേശികളെ ഇത് ഹാനികരമായി ബാധിക്കും.

വെരിക്കോസ് വെയിന്‍ എന്ന അസുഖം വരാനുള്ള സാധ്യത കൂടുതലാക്കുകയും ചെയ്യും. ഔദ്യോഗികമായും വ്യക്തിപരമായുമുള്ള സന്ദര്‍ഭങ്ങളില്‍ നേരെ ഇരിക്കാന്‍ ശീലിക്കുക. ശരീരം നിവര്‍ന്ന് കാല്‍ രണ്ടും മുന്നിട്ടിട്ട് ആയാസരഹിതമായി ഇരിക്കാന്‍ ശീലിച്ചാല്‍ അത് നിങ്ങളുടെ ആരോഗ്യത്തിന് ഏറെ ഗുണകരമാകും.

വിവാഹം കഴിക്കാന്‍ പോവുകയാണോ എങ്കില്‍ ഈ 4 ഭക്ഷണങ്ങള്‍ ഇപ്പോള്‍ തന്നെ ശീലമാക്കൂ
Posted by
12 December

വിവാഹം കഴിക്കാന്‍ പോവുകയാണോ എങ്കില്‍ ഈ 4 ഭക്ഷണങ്ങള്‍ ഇപ്പോള്‍ തന്നെ ശീലമാക്കൂ

വിവാഹം ജീവിതത്തിലെ പ്രധാനപ്പെട്ട ഒരു മുഹൂര്‍ത്തമാണ്. മാനസികമായും ശാരീരകവുമായി ഏറെ തയ്യാറെടുപ്പുകളുമായി വേണം വിവാഹത്തിലേക്ക് പോകാന്‍. അതുകൊണ്ടുതന്നെ വിവാഹം കഴിക്കാന്‍ തീരുമാനിച്ചാല്‍ ഭക്ഷണക്രമത്തില്‍ കാര്യമായ മാറ്റങ്ങള്‍ വരുത്തണം. ഭാരം കുറയ്ക്കുക, തലമുടി, ചര്‍മ്മം എന്നിവയുടെ ആരോഗ്യമാണ് ഭക്ഷണക്രമത്തിലൂടെ മെച്ചപ്പെടുത്തേണ്ടത്.

1, ചീര – ചീരയില്‍ ലൂട്ടിന്‍ എന്ന ആന്റി ഓക്‌സിഡന്റ് ഉണ്ട്. ഇത് ചര്‍മ്മത്തിന്റെ ആരോഗ്യത്തിന് ഏറെ പ്രധാനമാണ്. ചര്‍മ്മത്തിനുണ്ടാകുന്ന കേടുപാടുകള്‍ പരിഹരിക്കാനും ഇത് സഹായകരമാണ്. കണ്ണിനു ചുറ്റുമുണ്ടാകുന്ന കറുത്ത പാടുകള്‍ ഇല്ലാതാക്കാന്‍ ചീരയിലെ വിറ്റാമിന്‍ കെ, വിറ്റാമിന്‍ സി എന്നിവ സഹായിക്കും. ചീര കൂടാതെ മറ്റ് പച്ചക്കറികളും ഭക്ഷണത്തില്‍ ഉള്‍പ്പെടുത്തുക. പച്ചക്കറികളില്‍ അടങ്ങിയിട്ടുള്ള നാരുകള്‍, നിങ്ങളുടെ ആരോഗ്യവും സൗന്ദര്യവും വര്‍ദ്ദിപ്പിക്കുന്നു.

2, നേന്ത്രപ്പഴം – പ്രധാനമായും നേന്ത്രപ്പഴമാണ് ശീലമാക്കേണ്ടത്. അമിത വണ്ണം കുറയ്ക്കാന്‍ വാഴപ്പഴത്തിലെ പൊട്ടാസ്യം സഹായിക്കുന്നു. പൊട്ടാസ്യത്തിന്റെ അളവ് കൂടുതലുള്ള തണ്ണിമത്തന്‍, പപ്പായ എന്നിവ കഴിക്കുന്നതും നല്ലതാണ്.

3, ഗ്രീന്‍ടീ – തലമുടിയുടെ ആരോഗ്യം കാത്തുസൂക്ഷിക്കണമെങ്കില്‍ തലയോട്ടിയുടെ ആരോഗ്യവും പ്രധാനമാണ്. തലയോട്ടിയുടെ ആരോഗ്യത്തിന് ഗ്രീന്‍ടീ ഉത്തമമാണ്. ഗ്രീന്‍ടീയില്‍ അടങ്ങിയിട്ടുള്ള ആന്റി ഓക്‌സിഡന്റാണ്, തലയോട്ടിയുടെ ആരോഗ്യത്തെ സഹായിക്കുന്നത്. കൂടാതെ ചര്‍മ്മത്തിന്റെയും തലമുടിയുടെയും ആരോഗ്യത്തിന് ഗ്രീന്‍ടിയിലെ ആന്റി ഓക്‌സിഡന്റ് ഉത്തമമാണ്. ഗ്രീന്‍ടീ തലയില്‍ തേച്ചുപിടിപ്പിച്ചാല്‍, മുടിയുടെ സൗന്ദര്യം കൂടുകയും താരന്‍ ഇല്ലാതാകുകയും ചെയ്യും.

4, മുട്ട – മുട്ട കഴിക്കുന്നത് ആരോഗ്യത്തിന് ഏറെ നല്ലതാണ്. മുടിയുടെ സൗന്ദര്യം വര്‍ദ്ദിപ്പിക്കാന്‍ മുട്ട, മുടിയില്‍ തേച്ചുപിടിപ്പിച്ചശേഷം കഴുകി കളയുന്നത് നല്ലതാണ്. മുട്ടയില്‍ അടങ്ങിയിട്ടുള്ള ബയോട്ടിന്‍ മുടിക്ക് തിളക്കം നല്‍കുന്നു. മിക്ക ഷാംപൂ ബ്രാന്‍ഡുകളും തയ്യാറാക്കാന്‍ മുട്ട ഉപയോഗിക്കുന്നത് ഇതുകൊണ്ടാണ്.

ബെഡ് കോഫീ ശീലം ഉള്ളവരാണോ…എങ്കില്‍ നിര്‍ത്തിക്കോളൂ
Posted by
10 December

ബെഡ് കോഫീ ശീലം ഉള്ളവരാണോ...എങ്കില്‍ നിര്‍ത്തിക്കോളൂ

ബെഡ് കോഫീ ശീലം ഉള്ളവരാണ് ഭൂരിഭാഗം പേരും, ഉറക്കം ഉണരുമ്പോഴേ കാപ്പി കുടിച്ച് ദിവസം തുടങ്ങുന്നവരാണ് അധികവും. എന്നാല്‍ ഈ ബെഡ് കോഫീ ശീലം ആരോഗ്യത്തിന് അത്ര നല്ലതല്ല എന്നാണ് ഗവേഷകരുടെ മുന്നറിയിപ്പ്.

വെറും വയറ്റില്‍ കാപ്പി കുടിക്കരുതെന്നാണ് ഇവര്‍ പറയുന്നത്. ഇത് വയറില്‍ ആസിഡ് ഉല്‍പ്പാദനം കൂട്ടുമത്രേ. ഡികോഫിനേറ്റഡ് കാപ്പിയാണ് കുടിക്കുന്നതെങ്കിലും ആസിഡ് ഉല്‍പ്പാദനം കൂടുമെന്നാണ് ഗവേഷകര്‍ പറയുന്നത്.

ഒഴിഞ്ഞ വയറിലെ കാപ്പികുടി ശീലം ഹൃദയമിടിപ്പ് കൂട്ടുകയും അസ്വസ്ഥത ഉണ്ടാക്കുകയും ഉത്കണ്ഠാരോഗങ്ങള്‍ക്കുള്ള സാധ്യത കൂട്ടുകയും ചെയ്യും. ദഹനേന്ദ്രിയ വ്യവസ്ഥ സെന്‍സിറ്റീവ് ആണെങ്കില്‍ സ്റ്റൊമക് ലൈനിങിന് കേടുവരുത്തി ദഹനം നടക്കാത്ത അവസ്ഥ സംജാതമാക്കുകയും നെഞ്ചെരിച്ചിലിനു കാരണമാകുകയും ചെയ്യും.

മലശോധന സുഗമമാക്കുന്നതിനു വേണ്ടിയാണ് കാലി വയറില്‍ കാപ്പി കുടിക്കുന്നതെങ്കില്‍ ഈ ശീലം മാറ്റി പകരം വെള്ളം കുടിക്കുന്നതാകും ആരോഗ്യത്തിനു നല്ലത്. ഇനി അതല്ല രാവിലെ കാപ്പി കുടിച്ചേ മതിയാകൂ എന്നാണെങ്കില്‍ അതിനു മുന്നേ ഒരു ഗ്ലാസ്സ് വെള്ളം കുടിക്കുക. ഇത് വയറിലെ ആസിഡ് നില കുറയ്ക്കും.

നാല്‍പ്പതിനു മുന്‍പേ അകാലനരയും കഷണ്ടിയുമുണ്ടോ?  എങ്കില്‍ സൂക്ഷിച്ചോളൂ…
Posted by
09 December

നാല്‍പ്പതിനു മുന്‍പേ അകാലനരയും കഷണ്ടിയുമുണ്ടോ? എങ്കില്‍ സൂക്ഷിച്ചോളൂ...

നരയും കഷണ്ടിയും പ്രായഭേദമില്ലാതെ കയറിവരുന്ന ക്ഷണിക്കപ്പെടാത്ത അതിഥികളാണ്. എന്നാല്‍ ഇവര്‍ രണ്ടുപേരും അപകടകാരികളാണെന്ന് പുതിയ റിപ്പോര്‍ട്ടുകള്‍.
അകാലനരയും കഷണ്ടിയും ഹൃദ്രോഗത്തിനുള്ള സാധ്യത അഞ്ചിരട്ടി വര്‍ധിപ്പിക്കും.
നാല്‍പ്പതു വയസ്സിനു മുന്‍പേ മുടി നരയ്ക്കുകയോ കഷണ്ടി കയറുകയോ ചെയ്യുന്നത് പൊണ്ണത്തടിയെക്കാള്‍ അപകടകരമാണ്. പൊണ്ണത്തടി ഉള്ളവര്‍ക്ക് ഹൃദ്രോഗം ഉണ്ടാകാനുള്ള സാധ്യത നാലിരട്ടിയാണ്.

ഗുജറാത്തിലെ അഹമ്മദാബാദിലുള്ള യുഎന്‍ മെഹ്ത്ത ഇന്‍സ്റ്റിറ്റ്യൂട്ട് ഓഫ് കാര്‍ഡിയോളജി ആന്‍ഡ് റിസേര്‍ച്ച് സെന്ററിലെ സച്ചീന്‍ പാട്ടീലിന്റെ നേതൃത്വത്തില്‍ നടത്തിയ പഠനത്തില്‍ ചെറുപ്പക്കാരില്‍ വര്‍ധിച്ചു വരുന്ന കൊറോണറി ആര്‍ട്ടറി ഡിസീസിന് പരമ്പരാഗതമായ സാധ്യതാ ഘടകങ്ങള്‍ കാരണമാണെന്നു കണ്ടു.
അകാലനരയ്ക്കും ആന്‍ഡ്രോജെനിക് അലോപേഷ്യ എന്ന പുരുഷന്മാരിലെ കഷണ്ടിയ്ക്കും ക്രോണോളജിക്കല്‍ പ്രായവുമായി ബന്ധമില്ല. എങ്കിലും വാസ്‌കുലാര്‍ ഏജുമായി ഇത് ബന്ധപ്പെട്ടിരിക്കുന്നു.

ഇന്ത്യയിലെ ചെറുപ്പക്കാരില്‍ അകാലനരയ്ക്കും കഷണ്ടിക്കുമുള്ള ബന്ധം ഗവേഷകര്‍ പരിശോധിച്ചു. നാല്‍പ്പതു വയസ്സില്‍ താഴെ പ്രായമുള്ള 790 പുരുഷന്മാരെ പഠനവിധേയരാക്കി. ഇവരെ കണ്‍ട്രോള്‍ ഗ്രൂപ്പില്‍പ്പെട്ട, ഇതേ പ്രായത്തിലുള്ള ആരോഗ്യവാന്‍മാരായ 1270 പുരുഷന്മാരുമായി താരതമ്യതപ്പെടുത്തി. എല്ലാവരുടെയും വൈദ്യചരിത്രം പരിശോധിച്ചു. ഇസിജി, എക്കോ കാര്‍ഡിയോഗ്രഫി, രക്തപരിശോധന, കൊറോണറി ആന്‍ജിയോഗ്രാം ഇവ നടത്തി.

കണ്‍ട്രോള്‍ ഗ്രൂപ്പില്‍പ്പെട്ട 30 ശതമാനം പേരെ അപേക്ഷിച്ച് ഹൃദ്രോഗം ബാധിച്ച 50 ശതമാനം ചെറുപ്പക്കാരില്‍ അകാലനര ബാധിച്ചതായും 49 ശതമാനം പേര്‍ക്ക് ആരോഗ്യമുള്ള 27 ശതമാനം പേരെ അപേക്ഷിച്ച് കഷണ്ടി ബാധിച്ചതായും കണ്ടു.

പ്രായം, ഹൃദയസംബന്ധമായ രോഗങ്ങള്‍ക്കുള്ള സാധ്യതാ ഘടകങ്ങള്‍ ഇവ പരിശോധിച്ചപ്പോള്‍ കഷണ്ടിയുള്ളവര്‍ക്ക് കൊറോണറി ആര്‍ട്ടറി ഡിസീസ് വരാനുള്ള സാധ്യത 5.6 ഇരട്ടിയാണെന്നും കണ്ടു.

ഈ അഞ്ച് കാര്യങ്ങള്‍ ശ്രദ്ധിച്ചില്ലെങ്കില്‍ നിങ്ങളുടെ ലൈംഗികശേഷി എന്നന്നേക്കുമായി നഷ്ടപ്പെടും
Posted by
08 December

ഈ അഞ്ച് കാര്യങ്ങള്‍ ശ്രദ്ധിച്ചില്ലെങ്കില്‍ നിങ്ങളുടെ ലൈംഗികശേഷി എന്നന്നേക്കുമായി നഷ്ടപ്പെടും

ഒരാളുടെ ജീവിതശൈലിയാണ് രോഗം വിളിച്ച് വരുത്തുന്നത്. ജീവിതശൈലി മാറ്റിയാല്‍ തന്നെ പല രോഗങ്ങളും ഇല്ലാതാകും. നമ്മുടെ പല ജീവിശൈലികളും ലൈംഗികശേഷിയെ പ്രതികൂലമായി ബാധിച്ചേക്കാം. അത്തരം ചില ശീലങ്ങള്‍ എന്തൊക്കെയെന്ന് നോക്കാം.

ലൈംഗിക ബന്ധത്തിന്റെ അപര്യാപ്തത | ശരിയായ രീതിയില്‍ ലൈംഗികബന്ധത്തിലേര്‍പ്പെടാതിരിക്കലും നിങ്ങളുടെ ലൈംഗികശേഷിയെ ബാധിക്കും. ആഴ്ചയില്‍ മൂന്ന് തവണ ലൈംഗിക ബന്ധത്തില്‍ ഏര്‍പ്പെടുന്നതാണ് ശരിയായ രീതി.

അലസത | സ്ഥിരമായി വ്യായാമം ചെയ്യുന്നയാളുടെ ശരീരക്ഷമത വളരെയധികമായിരിക്കും. ഇത്തരക്കാര്‍ക്ക് നല്ലരീതിയില്‍ ലൈംഗികബന്ധത്തിലേര്‍പ്പെടാനും കഴിയും. എന്നാല്‍ ജീവിതത്തില്‍ അലസത കാട്ടുകയും വ്യായാമങ്ങള്‍ ചെയ്യാതിരിക്കുകയും ചെയ്യുന്നവര്‍ക്ക് ലൈംഗികശേഷി വളരെ കുറവായിരിക്കും.

പുകവലി | സ്ഥിരമായി പുകവലിക്കുന്നവരുടെ ലൈംഗികശേഷി കുറയാനുള്ള സാധ്യത വളരെയധികമാണ്. അതിനാല്‍ പുകവലി ഉപേക്ഷിക്കുക.

ദന്ത ശുചിത്വം | പല്ലും ലൈംഗികശേഷിയും തമ്മിലുള്ള ബന്ധം എന്താണെന്നാണ് ചിന്തിക്കുന്നതെങ്കില്‍ ആരോഗ്യമുള്ള പല്ലുകളും ലൈംഗികശേഷിയും തമ്മില്‍ ബന്ധമുണ്ടെന്നാണ് ഡോക്ടര്‍മാര്‍ പറയുന്നത്. ശുചിത്വമില്ലാത്ത പല്ലുകളാണെങ്കില്‍ വായില്‍ കൂടുതല്‍ ബാക്ടീരിയകളുടെ പ്രവര്‍ത്തനം ഉണ്ടാകുമെന്നും, ഇവ ശരീരത്തിലൂടെ സഞ്ചരിക്കാനും രക്തക്കുഴലുകളില്‍ പ്രവേശിക്കുക വഴി ലൈംഗികശേഷിയെ ബാധിക്കാമെന്നും പഠനങ്ങള്‍ പറയുന്നു.

ഉറക്കമില്ലായ്മ | നിങ്ങളുടെ ശരീരത്തിന് ആവശ്യമായ ഉറക്കം ലഭിക്കാതെ വരുമ്പോള്‍ ശരീരത്തിലെ ടെസ്റ്റിസ്റ്റിറോണിന്റെ അളവ് കുറയുകയും ഇത് ക്ഷീണം ഉണ്ടാക്കുകയും ചെയ്യും. നിങ്ങളുടെ പേശികളെയും അസ്ഥി സാന്ദ്രതയും ടെസ്റ്റിസ്റ്റിറോണിന്റെ കുറവ് ബാധിക്കുകയും ചെയ്യും. ഈ ഘടകങ്ങളെല്ലാം നിങ്ങളുടെ ലൈംഗികശേഷിയെ പ്രതികൂലമായി ബാധിക്കും.

ഭക്ഷണമോ ഗുളികയോ തൊണ്ടയില്‍ കുടുങ്ങിയാല്‍ ആദ്യം ചെയ്യേണ്ടത്
Posted by
07 December

ഭക്ഷണമോ ഗുളികയോ തൊണ്ടയില്‍ കുടുങ്ങിയാല്‍ ആദ്യം ചെയ്യേണ്ടത്

ഗുളിക തൊണ്ടയില്‍ക്കുടുങ്ങി മരണപ്പെട്ട അഞ്ചു വയസ്സുകാരി ഐലിന്‍ എന്ന പെണ്‍കുഞ്ഞിനെ നമ്മളാരും മറക്കാന്‍ വഴിയില്ല. തിരിച്ചു പിടിക്കാമായിരുന്ന ആ ജീവന്‍ നഷ്ടപ്പെടുത്തിയത് ഗതാഗതക്കുരുക്കു കൂടി ആയിരുന്നെന്ന് ഓര്‍ക്കുമ്പോഴാണ് നാം ഓരോരുത്തരും അതിന് ഉത്തരവാദികളാണല്ലോ എന്നു ചിന്തിക്കുന്നത്.

ഗുളിക തൊണ്ടയില്‍ കുടുങ്ങിയപ്പോള്‍ത്തന്നെ അസ്വസ്ഥത പ്രകടിപ്പിച്ച കുട്ടിയെയുമെടുത്ത് ബന്ധുക്കള്‍ ആശുപത്രിയിലേക്ക് ഓടുകയായിരുന്നു. ഇങ്ങനെ സംഭവിക്കുമ്പോള്‍ വീട്ടില്‍ത്തന്നെ പ്രഥമശുശ്രൂഷ നല്‍കാന്‍ ആദ്യം ശ്രദ്ധിക്കണം. ഭക്ഷണസാധനങ്ങളോ ഗുളികയോ തൊണ്ടയില്‍ കുടുങ്ങിയാല്‍ നല്‍കാവുന്ന പ്രഥമശുശ്രൂഷകളെക്കുറിച്ച് അറിയാം.

1. കുടുങ്ങിയ സാധനം കാണാന്‍ പറ്റുമെങ്കില്‍ മാത്രം കയ്യിട്ട് എടുക്കാന്‍ ശ്രമിക്കുക.

2. കൈ കൊണ്ട് പുറത്ത് അഞ്ചു പ്രാവശ്യം ശക്തമായി തട്ടുക. കുടുങ്ങി. ആഹാരം മിക്കവാറും അതോടെ പുറത്തു വരും.

3. ഭക്ഷണം പുറത്തു വന്നില്ലെങ്കില്‍ ആളിനെ തല കുനിച്ചു നിര്‍ത്തി പുറകില്‍ നിന്ന് വയറ്റില്‍ ഒരു കൈപ്പത്തി ചുരുട്ടി വച്ച് മറ്റേ കൈ അതിന്റെ മീതെ പൊതിഞ്ഞു പിടിച്ചു വയര്‍ ശക്തിയായി അഞ്ചു പ്രാവശ്യം മുകളിലേക്കും അകത്തേക്കും അമര്‍ത്തുക.

4. എന്നിട്ടും ഭക്ഷണം പുറത്തു വന്നില്ലെങ്കില്‍ വീണ്ടും ആവര്‍ത്തിക്കുക. ആള്‍ ചുമയ്ക്കുകയോ ശ്വസിക്കുകയോ ചെയ്യുന്നതു വരെ ഇതു ചെയ്യണം.

5. ഗര്‍ഭിണികളിലും അമിത വണ്ണമുള്ളലവരിലും വയറില്‍ അമര്‍ത്തുന്നതിനു പകരം നെഞ്ചില്‍ അമര്‍ത്തുക.

6. ബോധം നഷ്ടപ്പെട്ടെങ്കില്‍ മുകളില്‍ പറഞ്ഞ മാര്‍ഗങ്ങളൊന്നും ഫലപ്രദമാകില്ല, അങ്ങനെയെങ്കില്‍ സി.പി.ആര്‍ നല്‍കി എത്രയും വേഗം അടുത്തുള്ള ആശുപത്രിയില്‍ എത്തിക്കുക.

7. ഒരു വയസ്സില്‍ താഴെയുള്ള കുട്ടികളിലാണെങ്കില്‍, കുട്ടിക്ക് ബോധമുണ്ടെങ്കില്‍ കുഞ്ഞിനെ മുഖം കീഴായി കൈത്തണ്ടയില്‍ കമിഴ്ത്തിക്കിടത്തി കാലിന്റെ തുട കൊണ്ട് കൈത്തണ്ട താങ്ങി മറ്റേ കൈ കൊണ്ട് കുഞ്ഞിന്റെ പുറത്തുതട്ടുക.

8. ഒരു വയസ്സിനു മുകളിലുള്ള കുട്ടികള്‍ക്കാണെങ്കില്‍, കുട്ടിക്കു ബോധമുണ്ടെങ്കില്‍ ചുമയ്ക്കുവാന്‍ പോലും കഴിയുന്നില്ലെങ്കില്‍ കുട്ടിയുടെ പുറകില്‍ നിന്ന് വയറ്റില്‍ രണ്ടു കൈയും അമര്‍ത്തി ഭക്ഷണശകലം പുറന്തള്ളാവുന്നതാണ്.

9. ബോധം നഷ്ടപ്പെട്ടെങ്കില്‍ സി.പി.ആര്‍ കൊടുത്ത് എത്രയും വേഗം അടുത്തുള്ള ആശുപത്രിയില്‍ എത്തിക്കുക.

കൂടുതല്‍ അറിയാന്‍ താഴെകാണുന്ന വീഡിയോ കാണുക..

വൈദ്യശാസ്ത്രത്തിന് ചരിത്ര നേട്ടം; ഗര്‍ഭപാത്രം മാറ്റിവെയ്ക്കല്‍ ശസ്ത്രക്രിയയ്ക്ക് വിധേയയായ യുവതിക്ക് ആരോഗ്യമുള്ള കുഞ്ഞ് ജനിച്ചു
Posted by
05 December

വൈദ്യശാസ്ത്രത്തിന് ചരിത്ര നേട്ടം; ഗര്‍ഭപാത്രം മാറ്റിവെയ്ക്കല്‍ ശസ്ത്രക്രിയയ്ക്ക് വിധേയയായ യുവതിക്ക് ആരോഗ്യമുള്ള കുഞ്ഞ് ജനിച്ചു

വാഷിങ്ടണ്‍ : ഗര്‍ഭപാത്രം മാറ്റി വെക്കല്‍ ശസ്ത്രക്രിയയ്ക്ക് വിധേയയായ യുവതി ആരോഗ്യമുള്ള കുഞ്ഞിന് ജന്‍മം നല്‍കി. അമേരിക്കയിലെ ടെക്‌സാസിലെ ഹോസ്പിറ്റലിലാണ് സംഭവം. ഡാല്ലാസിലെ ബെയ്‌ലര്‍ യൂണിവേഴ്‌സിറ്റി മെഡിക്കല്‍ സെന്റര്‍ നടത്തിയ പരീക്ഷണമാണ് വിജയകരമായി പൂര്‍ത്തിയായത്. ഇതാദ്യമായാണ് മാറ്റിവെച്ച ഗര്‍ഭപാത്രത്തില്‍ ആരോഗ്യമുള്ള കുഞ്ഞ് ജനിക്കുന്നത്. ആണ്‍ കുഞ്ഞും മാതാവും സുഖമായിരിക്കുന്നെന്നും ഇവര്‍ സ്വകാര്യത ആവശ്യപ്പെടുന്നതിനാല്‍ പേരുവിവരങ്ങള്‍ പുറത്തുവിടാനാവില്ലെന്നും ആശുപത്രി അധികൃതര്‍ അറിയിച്ചു.

വന്ധ്യതാ ചികില്‍സ, ഗര്‍ഭപാത്രം മാറ്റി വെക്കല്‍ തുടങ്ങി ശസ്ത്രക്രിയകളില്‍ പല നൂതന പരിക്ഷണങ്ങള്‍ അമേരിക്കയില്‍ നടക്കുന്നുണ്ടെങ്കിലും ആദ്യമായാണ് ആരോഗ്യമുള്ള കുഞ്ഞ് മാറ്റിവെച്ച ഗര്‍ഭപാത്രത്തില്‍ ഗര്‍ഭപാത്രം മാറ്റിവച്ച് നാലാഴ്ചയ്ക്കുള്ളില്‍ ആര്‍ത്തവം ഉണ്ടാവണം. എന്നാല്‍ മാത്രമേ ശസ്ത്രക്രിയ വിജയിച്ചുവെന്ന് പറയാന്‍ സാധിക്കൂ. ഇതിനു ശേഷമാണ് ഐ.വി.എഫിലൂടെ ഗര്‍ഭധാരണത്തിനുള്ള ചികില്‍സ ആരംഭിക്കുക. വൈദ്യശാസ്ത്ര രംഗത്തെ പുതിയ നേട്ടമാണിത്.

പുരുഷന്‍മാര്‍ സൂക്ഷിക്കുക.. വാഴ നിങ്ങള്‍ക്ക് എട്ടിന്റെ പണി തരും
Posted by
05 December

പുരുഷന്‍മാര്‍ സൂക്ഷിക്കുക.. വാഴ നിങ്ങള്‍ക്ക് എട്ടിന്റെ പണി തരും

കൊച്ചി: കേരളത്തില്‍ എവിടേയും സുലഭമായി കാണപ്പെടുന്നതാണ് വാഴയും വാഴപ്പഴവും. വാഴപ്പഴം ഇഷ്ടമല്ലാത്ത മലയാളികള്‍ ചുരുക്കമാണുതാനും. കൂടാതെ വാഴയുടെ മറ്റു പല ഭാഗങ്ങളും നമ്മള്‍ ഭക്ഷ്യാവിശ്യത്തിനായി ഉപയോഗിക്കാറുണ്ട്. എന്നാല്‍ വീട്ടുമുറ്റത്തെ വാഴയില്‍ പുരുഷന്‍മാരുടെ ഒരു ശത്രു ഒളിഞ്ഞിരിപ്പുണ്ടെന്ന സത്യം എത്ര പേര്‍ക്കറിയാം.

വാഴയുടെ വേരാണ് ഈ വില്ലന്‍. നിരവധി ആയുര്‍വേദ ഗുണങ്ങള്‍ അടങ്ങിയതാണ് വാഴയുടെ വേരുകള്‍. പല ആയുര്‍വേദ മരുന്നുകള്‍ ഉണ്ടാക്കുന്നതിലും വാഴയുടെ വേര് ചതച്ചെടുക്കുന്ന നീര് ഉപയോഗിക്കാറുണ്ട്. എന്നാല്‍ മറ്റു ചില കടും കൈ പ്രയോഗങ്ങള്‍ക്കും പണ്ട് കാലത്ത് വാഴയുടെ വേരുകള്‍ ഉപയോഗിച്ചിരുന്നതായി പറയപ്പെടുന്നു.പുരുഷന്‍മാരുടെ ലൈംഗിക ശേഷി കുറയ്ക്കുവാന്‍ ഈ വേരുകള്‍ക്ക് പ്രത്യേക കഴിവുണ്ട്. പുരുഷ ഹോര്‍മോണുകളുടെ ഉല്‍പ്പാദനം കുറയ്ക്കുവാന്‍ ഇവ സഹായിക്കും.

അതുകൊണ്ട് തന്നെ പണ്ട് കാലത്ത് ബ്രഹ്മചര്യം അനുഷ്ഠിച്ചിരുന്ന സന്ന്യാസിമാര്‍ ഇവയെ ആശ്രയിക്കാറുണ്ടായിരുന്നു.കൂടാതെ ഉത്തരേന്ത്യയിലെ ചില ഉള്‍നാടന്‍ ഗ്രാമങ്ങളിലെ ചില പ്രത്യേക സമുദായക്കാര്‍ക്കിടയില്‍ ഇപ്പോഴും ഈ രീതി നടന്നു വരുന്നുണ്ട്. എന്നാല്‍ ലൈംഗിക ശേഷി വര്‍ദ്ധിപ്പിക്കുന്നത് പോലുള്ള നേര്‍ വിപരീത ഫലങ്ങളാണ് വാഴപ്പഴം കഴിക്കുന്നതിലൂടെ ലഭിക്കുന്നത്.

പഴങ്കഞ്ഞിയില്‍ കട്ടത്തൈരും കപ്പയും മീന്‍ കറിയും ചേര്‍ത്ത് ഒരു പിടിപിടിക്കാം
Posted by
03 December

പഴങ്കഞ്ഞിയില്‍ കട്ടത്തൈരും കപ്പയും മീന്‍ കറിയും ചേര്‍ത്ത് ഒരു പിടിപിടിക്കാം

തലേന്ന് വെള്ളമൊഴിച്ച് മൂടി വച്ച് പാകമായ നല്ല പഴങ്കഞ്ഞി രാവിലെ എടുത്ത് കട്ടത്തൈരും കാന്താരിമുളകും എല്ലാം ചേര്‍ത്ത് ഒരു പിടി പിടിക്കണം’ എന്നു മോഹന്‍ലാല്‍ പറയുന്ന ഒരു സീനുണ്ട് കളിപ്പാട്ടം എന്ന ചിത്രത്തില്‍. പഴങ്കഞ്ഞി ഇഷ്ടമുള്ള ഒരു ശരാശരി മലയാളിയുടെ നാവില്‍ കപ്പലോടിക്കും ആ രംഗം. മലയാളിയുടെ പഴങ്കഞ്ഞി പ്രിയം അവിടെ തീരുന്നില്ല, പഴങ്കഞ്ഞി കിട്ടാനായി രാത്രി ഏറെ ചോറു വച്ച് രാവിലത്തേക്ക് മണ്‍കലങ്ങളില്‍ വെള്ളമൊഴിച്ചു വച്ച് ഉപയോഗിക്കുന്നവരുണ്ട്. പഴങ്കഞ്ഞിയും തൈരും കാന്താരിമുളകും എല്ലാം നന്നായി യോജിപ്പിച്ചാല്‍ അസ്സല്‍ കോമ്പിനേഷനാണ് ഈ വിഭവം എന്ന അഭിപ്രായക്കാര്‍ കേട്ടോളൂ… കൊല്ലം ചവറ റൂട്ടില്‍ ശങ്കരമങ്കലത്ത് പഴങ്കഞ്ഞിയും കപ്പയും മത്തിക്കറിയും തൈരും എല്ലാം ചേര്‍ത്ത് ഒരു ചട്ടി 50 രൂപയ്ക്ക് വാങ്ങി കഴിക്കാം. അതും നല്ല ഹോം മെയ്ഡ്.

സംഭവം ഹോം മെയ്ഡ് ആണെങ്കിലും ഇത് ‘ഹാങ്ഔട്ട്’ റസ്‌റ്റോറന്റ് ആന്റ് ബേക്കേഴ്‌സിന്റെ മെനുവിലെ പ്രധാന വിഭവമാണ്. പഴങ്കഞ്ഞി മാത്രമല്ല അതിനൊപ്പം സ്‌പെഷലും വാങ്ങി കഴിക്കാം. തലക്കറി, ചൂരക്കറി, നല്ല ഫ്രഷ് മീന്‍ വറുത്തത്, കക്കയിറച്ചി, ബീഫ് വരട്ടിയത്…എല്ലാം ഇവിടെ കിട്ടും. ഹാങ്ഔട്ട് റസ്‌റ്റോറന്റിന് പിന്നില്‍ ഇതിനു വേണ്ടി പ്രത്യേകം ഫുഡ് കൗണ്ടറുമുണ്ട്. സെലിബ്രിറ്റീസ് പോലും തേടി വന്നു കഴിക്കുന്ന ഈ സ്‌പെഷല്‍ കോമ്പോയുടെ മാസ്റ്റര്‍ ബ്രെയ്ന്‍ ഹാങ് ഔട്ട് റസ്‌റ്റോറന്റിന്റെ ഉടമ മഹേഷിന്റേതാണ്.

മഹേഷിന് ഈ കോമ്പിനേഷന്‍ വലിയ ഇഷ്ടമാണ്. പഴങ്കഞ്ഞിക്കൊപ്പം നല്ല മുളകിട്ട മത്തിക്കറിയും തൈരും അച്ചാറും കൂടെ ഉണക്കമീന്‍ ഉള്ളി ചേര്‍ത്തു വറുത്തതും. എല്ലാ ദിവസവും ഏകദേശം മുന്നൂറു പേര്‍ക്കോളം വേണ്ട പഴങ്കഞ്ഞി ഇവിടെ ലഭിക്കും. എല്ലാം ശുദ്ധമായതും ആരോഗ്യത്തിന് ഹാനികരമല്ലാത്തതുമാണ് എന്നകാര്യം ഉറപ്പുവരുത്താന്‍ താന്‍ ശ്രദ്ധിക്കുന്നു. ബാക്കിയെല്ലാം ഇവിടുത്തു കാരുടെ കൈപുണ്യമെന്നാണ് മഹേഷ് പറയുന്നത്.

പൊതിച്ചോറും ഷാപ്പു കറികളും ഒപ്പം 50 രൂപയ്ക്ക് നല്ല പഴങ്കഞ്ഞി കോമ്പോയും കഴിക്കണമെങ്കില്‍ വിട്ടോളൂ. കൊല്ലം – ചവറ റൂട്ടില്‍ ഈ സൂപ്പര്‍ കോമ്പിനേഷന്‍ കൊതിയൂറും രുചിയോടെ നിങ്ങളെ കാത്തിരിക്കുന്നു.

error: This Content is already Published.!!