വിമാനത്തിലെ വെള്ളം ജീവനക്കാര്‍ കുടിക്കാറില്ല; ഞെട്ടിക്കുന്ന വെളിപ്പെടുത്തലുമായി എയര്‍ഹോസ്റ്റസ്
Posted by
20 August

വിമാനത്തിലെ വെള്ളം ജീവനക്കാര്‍ കുടിക്കാറില്ല; ഞെട്ടിക്കുന്ന വെളിപ്പെടുത്തലുമായി എയര്‍ഹോസ്റ്റസ്

വെള്ളം എല്ലാവര്‍ക്കും ഒരുപോലെ എപ്പോഴും ആവശ്യമുള്ള ഒന്നാണല്ലോ, പ്രത്യേകിച്ച് യാത്രക്കാര്‍ക്ക്. വിമാനത്തിലെ അമിത മര്‍ദ്ദം, പെട്ടെന്നുള്ള നിര്‍ജ്ജലീകരണത്തിന് കാരണമാകുന്നത് കൊണ്ട് വിമാനയാത്രക്കാര്‍ ധാരാളം വെള്ളം കുടിക്കണമെന്നാണ് പറയാറുള്ളത്. എന്നാല്‍ വിമാനത്തില്‍ ലഭിക്കുന്ന വെള്ളത്തെ കുറിച്ചും അതിന്റെ പുറകിലുള്ള അപകടത്തെ കുറിച്ചും യാത്രക്കാര്‍ക്ക് അറിവുണ്ടായിരുന്നില്ല.

ലോകത്തെ വിമാനങ്ങളിലെ ശുചിത്വം സംബന്ധിച്ച് 2013ല്‍ ഒരു ആഗോള ഏജന്‍സി നടത്തിയ പഠനത്തില്‍ പുറത്തു വന്ന ഞെട്ടിക്കുന്ന വിവരങ്ങളുടെ അടിസ്ഥാനത്തില്‍ നടത്തിയ അന്വേഷത്തിലാണ് എയര്‍ഹോസ്റ്റിന്റെ വെളിപ്പെടുത്തല്‍. എയര്‍ഹോസ്റ്റസുമാര്‍ ഉള്‍പ്പടെ വിമാനത്തിലെ ജീവനക്കാര്‍ വിമാനത്തിനുള്ളില്‍വെച്ച് വെള്ളമോ ചായയോ കോഫിയോ കുടിക്കാറില്ല.

വിമാനത്തില്‍ കുടിക്കാനും ചായ, കോഫി എന്നിവ ഉണ്ടാക്കാന്‍ ഉപയോഗിക്കുന്ന വെള്ളത്തിലെ കോളിഫോം ബാക്ടീരിയയുടെ അളവ് വളരെ ഉയര്‍ന്നതാണെന്നാണ് പഠനത്തില്‍ വ്യക്തമായിരുന്നു. ലോകത്തെ പ്രമുഖ എയര്‍ലൈനുകളിലെല്ലാം ഇതാണ് സ്ഥിതി. ഈ പഠനറിപ്പോര്‍ട്ട് പുറത്തുവന്നശേഷം വിമാനജീവനക്കാര്‍ കുടിക്കാന്‍ ആ വെള്ളം ഉപയോഗിക്കാറില്ല. വിമാനം യാത്രതിരിക്കുന്നതിന് മുമ്പ് എയര്‍പോര്‍ട്ടില്‍നിന്ന് കുടിക്കാനുള്ള വെള്ളവും ചായ, കോഫി എന്നിവ വാങ്ങിസൂക്ഷിക്കുകയാണ് ചെയ്യുന്നത്.

ശ്വാസം കിട്ടാതെ ഇന്ത്യ: ശ്വാസകോശരോഗങ്ങള്‍ മൂലം ഏറ്റവും കൂടുതല്‍ മരണം ഇന്ത്യയില്‍
Posted by
19 August

ശ്വാസം കിട്ടാതെ ഇന്ത്യ: ശ്വാസകോശരോഗങ്ങള്‍ മൂലം ഏറ്റവും കൂടുതല്‍ മരണം ഇന്ത്യയില്‍

ന്യൂഡല്‍ഹി: ശ്വാസകോശരോഗങ്ങള്‍ മൂലം ഏറ്റവും കൂടുതല്‍ മരണങ്ങള്‍ ഉണ്ടാകുന്ന രാജ്യങ്ങളുടെ പട്ടികയില്‍ ഇന്ത്യ മുന്നില്‍. 2015-ല്‍ ആസ്ത്മ, സിഒപിഡി രോഗങ്ങളാല്‍ ലോകത്ത് 30 ലക്ഷത്തിലധികം മരണങ്ങള്‍ ഉണ്ടായെന്ന് പ്രമുഖ ആരോഗ്യ ജേണലായ ലാന്‍സെറ്റ് പ്രസിദ്ധീകരിച്ച ഗ്ലോബല്‍ ബേര്‍ഡന്‍ ഓഫ് ഡിസീസ് എന്ന പഠനത്തില്‍ വ്യക്തമാക്കുന്നു.

ഇന്ത്യയില്‍ പതിനായിരത്തില്‍ മൂവായിരത്തോളം പേര്‍ ശ്വാസകോശ രോഗങ്ങള്‍കാരണം ബുദ്ധിമുട്ടനുഭവിക്കുന്നുണ്ടെന്നാണ് കണക്ക്. 1990 മുതല്‍ 2015 വരെയുള്ള കാലഘട്ടത്തിലെ വിവരങ്ങളാണ് പഠനത്തിന് ആധാരമാക്കിത്. ഈ കാലയളവില്‍ 11.6 ശതമാനമാണ് മരണനിരക്കിലുണ്ടായ വര്‍ധന. രോഗങ്ങള്‍ 44 ശതമാനവും. ആസ്ത്മ മൂലമുണ്ടാകുന്നതിന്റെ എട്ട് ഇരട്ടിയാണ് സിഒപിഡി മൂലമുണ്ടാകുന്ന മരണങ്ങള്‍.

ക്രോണിക് ബ്രോങ്കൈറ്റിസ്, എംഫിസിമ തുടങ്ങിയ ശ്വാസകോശാവസ്ഥകളാണ് സിഒപിഡി വായുമലിനീകരണവും പുകവലിയുമാണ് ഇതിന്റെ പ്രധാന കാരണങ്ങള്‍. ശ്വാസകോശ രോഗങ്ങള്‍ വലിയതോതില്‍ വൈകല്യങ്ങള്‍ക്ക് കാരണമാകുന്നുവെന്നും പഠനം വ്യക്തമാക്കുന്നു. വികസ്വര രാജ്യങ്ങളിലാണ് ശ്വാസകോശരോഗങ്ങള്‍ കൂടുതല്‍ പിടിമുറുക്കുന്നത്.

ഇന്ത്യയ്‌ക്കൊപ്പം പാപ്പുവ ന്യൂ ഗിനി, ലെസോത്തോ, നേപ്പാള്‍ എന്നീ രാജ്യങ്ങളിലാണ് ശ്വാസകോശ രോഗങ്ങള്‍ ഏറ്റവും കൂടുതല്‍. അഫ്ഗാനിസ്താന്‍, മധ്യ ആഫ്രിക്ക, ഫിജി തുടങ്ങിയ രാജ്യങ്ങളിലും ആസ്ത്മ കൊലയാളിയാകുന്നു.

അമിതഭാരം കുറയ്ക്കാം: ഭക്ഷണം കഴിച്ചു കൊണ്ട് തന്നെ!
Posted by
14 August

അമിതഭാരം കുറയ്ക്കാം: ഭക്ഷണം കഴിച്ചു കൊണ്ട് തന്നെ!

അമിതഭാരം കുറയ്ക്കാന്‍ എന്തു മാര്‍ഗവും സ്വീകരിക്കുന്നവരാണ് നമ്മള്‍. അതിനു വേണ്ടി പട്ടിണി കിടക്കുന്നവരുമാണ് ഭൂരിഭാഗവും. എന്നാല്‍ ഇനി മുതല്‍ പട്ടിണി കിടക്കാതെ തന്നെ അമിതഭാരം കുറയ്ക്കാം. ഭക്ഷണം അമിതമായി കഴിച്ചുകൊണ്ട് തന്നെ ശരീര ഭാരം കുറയ്ക്കാം.

അമിതമായ പ്രാതല്‍ പൊണ്ണത്തടി കുറക്കുമെന്നാണ് ആരോഗ്യ മേഖലയിലെ വിദഗ്തര്‍ പറയുന്നത്. പ്രഭാതത്തില്‍ പ്രോട്ടീനും നാരുകളുമടങ്ങിയ ഭക്ഷണം അമിതമായി കഴിക്കുക എന്നാതാണ് ഭാരം കുറക്കുവാനുള്ള എളുപ്പവഴിയായി പഠനം പറയുന്നത്.
ശരീരഭാരം കുറയാനായി പ്രഭാത ഭക്ഷണം ഒഴിവാക്കുന്നത് തെറ്റായ പ്രവണതയാണ്. പ്രാതല്‍ ഒഴിവക്കുന്നത് വഴി കലോറി കുറയുന്നില്ല, പകരം കൂടുതല്‍ ഭക്ഷണം കഴിക്കാന്‍ കാരണമാകുകയാണ് ചെയ്യുന്നത്.

പ്രോട്ടീനുകളും നാരുകളും ധാരാളമടങ്ങിയ ഭക്ഷണമാണ് പ്രാതലിന് കഴിക്കേണ്ടത്. ഇത് ശരീരത്തിന്റെ മെറ്റബോളിസം നന്നായി നടത്തുന്നു.

കൂടാതെ അമിതമായ പ്രാതല്‍ ദഹിപ്പിക്കാനായി ശരീരം കൂടുതല്‍ സമയവും എടുക്കുന്നു. ഇതുമൂലം വിശപ്പ് കുറയുകയും വയര്‍ നിറഞ്ഞിരിക്കുകയാണെന്ന് തോന്നല്‍ അവരിലുണ്ടാക്കുകയും ചെയ്യും. അതേസമയം പ്രഭാതത്തിലെ ഭക്ഷണമാണ് ഒരു ദിവസത്തെ ഏറ്റവും പ്രധാന ഭക്ഷണമെന്നും പ്രാതല്‍ ഒഴിവാക്കുന്ന ഒരാള്‍ അമിത ഭാരത്തിലേക്കാണ് പട്ടിണികിടക്കുകയാണെന്നും പഠനം വ്യക്തമാക്കുന്നു.

അമിത ഭാരം കുറക്കാനായി പ്രാതലും ഉച്ച ഭക്ഷണവും നന്നായി കഴിച്ച് രാത്രി ഭക്ഷണം ഒഴിവാക്കുന്ന രീതിയും ഫലപ്രതമാണെന്നും പഠനം പറയുന്നു. രാത്രി ഭക്ഷം പൂര്‍ണമായി ഒഴിവാക്കി 18 മണിക്കൂര്‍ ഫാസ്റ്റിങ് നടത്തിലായാല്‍ അത് അമിത ഭാരം കുറക്കാന്‍ ഫലപ്രതമായ രീതിയാണെന്നാണ് ചെക്ക് റിപ്ലബിക്കിലെ ലോമ ലിന്റാ യൂണിവേഴ്സിറ്റി പഠനം വ്യക്തമാക്കുന്നത്.

പ്രാതലില്‍ മുട്ട കഴിക്കുന്നതും നല്ലതാണ്. മുട്ടയിലെ പ്രോട്ടീന്‍ വിശപ്പ് തടയുന്നതോടൊപ്പം ശരീരത്തിലെ അധിക കലോറിയെ എരിച്ചു കളയുകയും ചെയ്യുന്നു. എന്നാല്‍, പഞ്ചസാരയും മധുര പലഹാരങ്ങളും ഒഴിവാക്കുക. മധുരം ഇന്‍സുലിന്‍ ഉത്പാദിപ്പിക്കുന്നതോടൊപ്പം നിങ്ങളിലെ വിശപ്പിനെ വര്‍ധിപ്പിക്കുകയും ചെയ്യും.

അമിത പ്രാതല്‍ ഭാരം ഇതിനാല്‍ തന്നെ കുട്ടികള്‍ക്ക് രാവിലെ അമിത ഭക്ഷണം നല്‍കാന്‍ രക്ഷിതാക്കള്‍ ശ്രമിക്കരുതെന്നും ആരോഗ്യമേഖലയിലെ വിദഗ്തര്‍ പറയുന്നു

ചെറിയ കുരുമുളകിലെ വലിയ കാര്യങ്ങള്‍
Posted by
14 August

ചെറിയ കുരുമുളകിലെ വലിയ കാര്യങ്ങള്‍

കുരുമുളക് ചേര്‍ക്കുന്ന വിഭവങ്ങള്‍ക്ക് എന്നും ഒരു പ്രത്യേക രുചിയാണ്. രുചിയുടെ കാര്യത്തില്‍ കുന്നിക്കുരുവിനോളംപോലും വലിപ്പമില്ലാത്ത ഈ കക്ഷിയെ കഴിഞ്ഞേ ഉള്ളൂ ആളെന്നും നമുക്കറിയാം. രുചിയുടെ കാര്യത്തില്‍ മാത്രമല്ല, ഔഷധഗുണങ്ങളിലും കേമന്‍ കുരുമുളകു തന്നെയാണ്.

ആമാശയത്തിലടങ്ങിയിരിക്കുന്ന വിഷാംശത്തെ നിര്‍വീര്യമാക്കാനുള്ള കഴിവ് ഇവയ്ക്കുണ്ട്. മാത്രമല്ല, കടുത്ത ജലദോഷം, പനി, ശരീരത്തിന്റെ വിറയല്‍, കഫക്കെട്ട് തുടങ്ങിയവയ്ക്കും കുരുമുളക് കൊണ്ടുള്ള കഷായം ബെസ്റ്റാണ്. കുരുമുളക്, വെളിച്ചെണ്ണയില്‍ കാച്ചി ശരീരത്തില്‍ തേച്ച് തുടര്‍ച്ചയായി തടവിയാല്‍ പക്ഷവാതം, വിറവാതം എന്നിവയ്ക്കും ശമനമുണ്ടെന്നാണ് പറയുന്നത്.

നടത്തം ശീലമാക്കുന്നവര്‍ ഇതൊന്നു വായിച്ചോളൂ
Posted by
12 August

നടത്തം ശീലമാക്കുന്നവര്‍ ഇതൊന്നു വായിച്ചോളൂ

ആരോഗ്യജീവിതം ഉറപ്പുവരുത്തുന്നതില്‍ വ്യായാമത്തിനു പകരംവയ്ക്കാന്‍ മറ്റൊന്നുമില്ല. എല്ലാ പ്രായക്കാരും നടത്തം ശീലമാക്കുന്നത് നല്ലതാണ്. അതിരാവിലെയോ വൈകിട്ടോ തുറസായ സ്ഥലത്തു നടക്കുന്നതു ഗുണകരം. ഭക്ഷണം കഴിച്ച ഉടനേ നടക്കരുത്. ആവശ്യമെങ്കില്‍ ലഘുപാനീയമോ വെള്ളമോ കുടിക്കുക.

നടത്തം ശീലമാക്കാനൊരുങ്ങുന്നവര്‍ ആദ്യം 10- 15 മിനിട്ട് നടന്നാല്‍ മതിയാവും. ക്രമേണ 30- 45 മിനിട്ട് വരെയാക്കാം. ആദ്യത്തെയും അവസാനത്തെയും 10 മിനിട്ട് സാവധാനത്തില്‍ നടക്കണം. അധ്വാനം കുറച്ചു കൂടുതല്‍ സമയം നടന്നാലും വ്യായാമത്തിന്റെ ഗുണം ലഭിക്കികയുള്ളു. സൈക്കിള്‍ സവാരി, ജോഗിംഗ്, സ്റ്റാറ്റിക്ക് സൈക്കിള്‍, ട്രെഡ്മില്‍ മുതലായ ഉപകരണങ്ങള്‍ ഉപയോഗിച്ചുള്ള വ്യായാമം എന്നിവയും ഗുണകരമാണ്. പലതരം അസുഖങ്ങളില്‍ നിന്നും ഒഴിവാക്കാനും നടത്തം ശീലമാക്കുന്നത് നല്ലതാണ്. അസുഖങ്ങള്‍ ഉള്ളവര്‍ക്കു ശിഷ്ടകാലം പ്രയാസങ്ങള്‍ കൂടാതെ ജീവിക്കാം.

കേക്കിലെ മെഴുകുതിരി ഊതി കെടുത്തിയാല്‍?
Posted by
11 August

കേക്കിലെ മെഴുകുതിരി ഊതി കെടുത്തിയാല്‍?

ബര്‍ത്തിഡേ കേക്കില്‍ കുറച്ചു മെഴുകുതിരി വേണം. എന്നാലെ പാര്‍ട്ടിയ്ക്കു പൂര്‍ണത കിട്ടുകയുള്ളൂ എന്നു കരുതുന്നവരാണ് നമ്മളില്‍ പലരും. പക്ഷേ, കേക്ക് മുറിക്കുമ്പോള്‍ ഉള്ള മെഴുകുതിരി കത്തിക്കലും ഊതിക്കെടുത്തലും ആരോഗ്യത്തിന് എത്രത്തോളം ദോഷം ചെയ്യുമെന്ന് ആര്‍ക്കും അറിയില്ല.

കത്തിച്ച മെഴുകുതിരി ഊതിക്കെടുത്തുന്നതിലൂടെ കേക്കിനുള്ളിലെ ബാക്ടീരിയ പെരുകുമെന്നാണ് ആരോഗ്യ വിദഗ്ദരുടെ പുതിയ കണ്ടെത്തല്‍. സൗത്ത് കരോലിനയില്‍ ക്ലോസണ്‍ സര്‍വകലാശാലയിലെ ഗവേഷകരാണ് കേക്കിനും മെഴുകുതിരിക്കുമുള്ള ഈ ശത്രുതയെക്കുറിച്ച് പഠനം നടത്തിയത്. മനുഷ്യന്റെ വായില്‍ കാണപ്പെടുന്ന ബാക്ടീരിയകള്‍ മെഴുകുതിരി ഊതുന്ന അവസരത്തില്‍ പുറത്തേക്ക് വരുകയും അത് സ്വന്തം ജീവനു തന്നെ അപകടകാരിയായി മാറുകയും ചെയുന്നു. മനുഷ്യന്റെ വായിലെ ബാക്ടീരിയകള്‍ അപകടക്കാരികള്‍ അല്ല എന്നായിരുന്നു ഇതുവരെയുള്ള ശാസ്ത്രലോകത്തിന്റെ വിശ്വാസം.

സംസ്ഥാനത്ത് കോളറക്ക് പിന്നാലെ ഭീതി പടര്‍ത്തി മഞ്ഞപ്പിത്തം; 66 പേര്‍ക്ക് രോഗം സ്ഥീരികരിച്ചു
Posted by
09 August

സംസ്ഥാനത്ത് കോളറക്ക് പിന്നാലെ ഭീതി പടര്‍ത്തി മഞ്ഞപ്പിത്തം; 66 പേര്‍ക്ക് രോഗം സ്ഥീരികരിച്ചു

പത്തനംതിട്ട: കോളറക്ക് പിന്നാലെ ഭീതി പടര്‍ത്തി മഞ്ഞപ്പിത്തവും പടര്‍ന്ന്പിടിക്കുന്നു. പത്തനംതിട്ടയില്‍ ഇതുവരെ 66 പേര്‍ക്ക് രോഗം സ്ഥീരികരിച്ചതില്‍ കഴിഞ്ഞ മാസം ഒരാള്‍ മരിക്കുകയും ചെയ്തു. ഗ്രാമങ്ങളേക്കാള്‍ പത്തനംതിട്ട നഗര പരിധിയിലാണ് കൂടുതല്‍ കേസുകള്‍ റിപ്പോര്‍ട്ട് ചെയ്തിരിക്കുന്നത്.

ജലജന്യരോഗമായ മഞ്ഞപ്പിത്തത്തിന്റെ വ്യാപനം ഒരു ഇടവേളക്ക് ശേഷം പത്തനംതിട്ടയില്‍ പടര്‍ന്നുപിടിക്കുന്നതായാണ് ജില്ലാ മെഡിക്കല്‍ ഓഫീസിന്റെ വിലയിരുത്തല്‍.

വെള്ളക്കെട്ടുകളും അലക്ഷ്യമായ മാലിന്യ നിര്‍മാര്‍ജ്ജനവുമാണ് രോഗവ്യാപനത്തിന് കാരണം. പുതിയ സാഹചര്യത്തില്‍ ബന്ധപ്പെട്ട വകുപ്പുകള്‍ക്കും തദ്ദേശ സ്ഥാപനങ്ങള്‍ക്കും ജില്ലാ മെഡിക്കല്‍ ഓഫീസ് ജാഗ്രത നിര്‍ദ്ദേശം നല്‍കുകയും കുടിവെള്ള ശ്രോതസ്സുകള്‍ കര്‍ശനമായി നിരീക്ഷിക്കാന്‍ നിര്‍ദ്ദേശം നല്‍കുകയും ചെയ്തിട്ടുണ്ട്.

രക്തത്തിലെ ബിലിറുബിന്റെ അളവ് ക്രമാതീതമായി ഉയരുന്നതാണ് മഞ്ഞപ്പിത്തം. ശുചിത്വം ഇല്ലായ്മയാണ് ഹെപ്പറ്റൈറ്റിസ് എ വൈറസ് പകരുന്നതിന് പ്രധാന കാരണം. മലിനജലം കുടിക്കാനോ ഭക്ഷണം പാകം ചെയ്യാനോ വീട്ടിലെ മറ്റ് ആവശ്യങ്ങള്‍ക്കോ ഉപയോഗിക്കുന്നതും രോഗം പകരാന്‍ കാരണമാകുന്നു. ചപ്പുചവറുകളും മറ്റും കൂട്ടിയിടുന്നത് കൂടുതല്‍ അപകടങ്ങള്‍ ക്ഷണിച്ചു വരുത്തുകയാണ്. വ്യക്തിശുചിത്വവും പരിസര ശുചിത്വവും പാലിക്കാത്ത മേഖലകളില്‍ രോഗം വളരെ വേഗത്തില്‍ പടരും.

ഹെപ്പറ്റൈറ്റിസ് എ വൈറസ് മനുഷ്യ ശരീരത്തില്‍ പ്രവേശിച്ചാലുടന്‍ തന്നെ ലക്ഷണങ്ങള്‍ പ്രകടിപ്പിക്കുകയില്ല. വളരെ സാവധാനത്തില്‍ മാത്രമേ ഇവ പ്രകടമാകൂ. രോഗാണു ശരീരത്തില്‍ പ്രവേശിച്ച് 2 മുതല്‍ 7 ആഴ്ചക്കകം രോഗലക്ഷണങ്ങള്‍ പ്രകടമാകുന്നു. വിശപ്പില്ലായ്മ , ക്ഷീണം, വയറുവേദന, മനംപിരട്ടല്‍, ഛര്‍ദി, പനി, മൂത്രത്തിന് നിറം മാറുക തുടങ്ങിയവയാണ് രോഗലക്ഷണങ്ങള്‍.എന്നാല്‍ ചിലര്‍ക്ക് മഞ്ഞപ്പിത്തത്തിനൊപ്പം ചൊറിച്ചിലും ഉണ്ടാവുന്നു.

ഈ ഭക്ഷണങ്ങള്‍ ഒരുമിച്ച് കഴിക്കരുത്!
Posted by
07 August

ഈ ഭക്ഷണങ്ങള്‍ ഒരുമിച്ച് കഴിക്കരുത്!

നമ്മളില്‍ പലരും പറയുന്ന ഒരു വാചകമാണ് ‘ഭക്ഷണ കാര്യത്തില്‍ ഒരു വിട്ടുവീഴ്ചയുമില്ലെന്ന്’, എന്നാല്‍ വിട്ടുവീഴ്ച്ച ചെയ്തില്ലെങ്കിലും ചില ഭക്ഷണള്‍ തമ്മില്‍ ഒരുമിച്ചു കഴിക്കാന്‍ പാടില്ല. ആയുര്‍വേദം ഉള്‍പ്പടെയുള്ളവ ചില ഭക്ഷണങ്ങള്‍ ഒരുമിച്ച് കഴിക്കരുതെന്ന് മുന്നറിയിപ്പ് നല്‍കിയിരുന്നു. ചില ഭക്ഷണങ്ങള്‍ ഒരുമിച്ച് ചേരുമ്പോള്‍, അത് വിഷമയമാകുകയും, അനാരോഗ്യകരമായി മാറുകയും ചെയ്യുന്നു. അത്തരത്തില്‍ ഒരുമിച്ച് കഴിക്കാന്‍ പാടില്ലാത്ത ചില ഭക്ഷണങ്ങള്‍ ഏതൊക്കെയാണെന്ന് നോക്കാം…

1. തണ്ണിമത്തനും വെള്ളവും

തണ്ണിമത്തനില്‍ 90-95 ശതമാനവും വെള്ളമാണ്. അതുകൊണ്ടുതന്നെ തണ്ണിമത്തന്‍ കഴിച്ച ശേഷം വെള്ളം കുടിക്കരുത്. അങ്ങനെ ചെയ്യുന്നത് ദഹനപ്രശ്നങ്ങളുണ്ടാക്കും.

2. ചായയും തൈരും

ചായയും തൈരും അസിഡിക് സ്വഭാവമുള്ളവയാണ്. ഇവ ഒന്നിച്ച് കഴിച്ചാല്‍, ശരീരത്തിന്റെ തുലനനിലയില്‍ വ്യത്യാസമുണ്ടാകുകയും ദഹനപ്രശ്നങ്ങളുണ്ടാക്കുകയും ചെയ്യും.

3. പാലും പഴവും

ആയുര്‍വേദ വിധി പ്രകാരം പാലും പഴയും ഒരുകാരണവശാലും ഒരുമിച്ച് കഴിക്കരുതെന്നാണ്. രണ്ടിലും നല്ല അളവില്‍ പോഷകങ്ങള്‍ അടങ്ങിയിട്ടുണ്ട്. ഒരേസമയം അമിത പോഷണം ശരീരത്തില്‍ എത്തുന്നത് ഹാനികരമായ സ്ഥിതിയുണ്ടാക്കും.

4. തൈരും പഴങ്ങളും

തൈരും പഴങ്ങളും ഒരുമിച്ച് കഴിക്കുമ്പോള്‍ ശരീരത്തില്‍ അസിഡിറ്റി പ്രശ്നങ്ങള്‍ കൂട്ടും. ഇത് ചയാപചയ പ്രവര്‍ത്തനങ്ങളെ പ്രതികൂലമായി ബാധിക്കും.

5. മാംസവും പാലും

മുലപ്പാലുകൊണ്ട് ഭക്ഷണം പാകം ചെയ്യുന്നത് വലിയ പാപമാണെന്നാണ് ആദിമകാലം മുതല്‍ക്കേ മനുഷ്യര്‍ വിശ്വസിച്ചിരുന്നത്. പാലും മാംസവും ഒരുമിച്ച് കഴിക്കുന്നത് ഗുരുതരമായ ദഹനപ്രശ്നങ്ങളും അനാരോഗ്യകരവുമായതിനാല്‍, അക്കാലത്തെ വൈദ്യന്‍മാരാണ് ഇത്തരമൊരു വിശ്വാസത്തെ കെട്ടഴിച്ചുവിട്ടത്.

6. നാരങ്ങയും പാലും

നാരങ്ങ അസിഡിക് ആണ്. അത് പാലില്‍ ചേരുമ്പോള്‍ പാല്‍ പിരിയുന്നു. പാലും നാരങ്ങയും ഒരുമിച്ച് വയറ്റിലെത്തുന്നത് ദഹനപ്രശ്നം, വയറിളക്കം, അതിസാരം, ഛര്‍ദ്ദി തുടങ്ങിയ പ്രശ്നങ്ങള്‍ക്ക് കാരണമാകും.

7. പാല്‍ ഉല്‍പന്നങ്ങളും ആന്റിബയോട്ടിക്കുകളും

ആന്റിബയോട്ടിക്കുകള്‍ പാല്‍ ഉല്‍പന്നങ്ങളിലെ പോഷകങ്ങള്‍ ശരീരം ആഗിരണം ചെയ്യുന്നത് തടസപ്പെടുത്തും. പാലില്‍ അടങ്ങിയിട്ടുള്ള അയണ്‍, കാല്‍സ്യം തുടങ്ങിയ പോഷകങ്ങള്‍ ആഗിരണം ചെയ്യപ്പെടുന്നതാണ് ആന്റിബയോട്ടിക് പോലെയുള്ള മരുന്നുകള്‍ തടസപ്പെടുത്തുന്നത്.

ഹൃദയാഘാതം തടയണമോ?  ഹൃദയത്തിന് ഹാനികരമാകുന്ന ഭക്ഷണങ്ങള്‍ ഇവയാണ്
Posted by
05 August

ഹൃദയാഘാതം തടയണമോ? ഹൃദയത്തിന് ഹാനികരമാകുന്ന ഭക്ഷണങ്ങള്‍ ഇവയാണ്

ഇപ്പോള്‍ പ്രായഭേദമില്ലാതെ ഹൃദയാഘാതം കൂടിവരികയാണല്ലോ. ഹൃദയാഘാതം പിടിപ്പെടുന്നതിന്റെ പ്രധാന കാരണങ്ങളിലൊന്ന് ഭക്ഷണ രീതികള്‍ തന്നെയാണ്. ഹൃദയാഘാതത്തെ തടയാന്‍ വേണ്ടി പലരും ഫാസ്റ്റ് ഫുഡ് ഉപേക്ഷിക്കുന്നത് കാണാം. എന്നാല്‍ ഫാസ്റ്റ് ഫുഡുകളിലൂടെ മാത്രമല്ല നാം വീട്ടില്‍ ഉണ്ടാക്കി കഴിക്കുന്ന ചില ഭക്ഷണങ്ങള്‍ മൂലവും ഹൃദയാഘാതം പിടിപ്പെടാം. ഹൃദയാരോഗ്യത്തിന് ദോഷകരമായ ഭക്ഷണങ്ങള്‍ തീര്‍ത്തും ഒഴിവാക്കണമെന്നാണ് ഹൃദ്രോഗവിദഗ്ദ്ധരുടെ നിര്‍ദ്ദേശം. ഹൃദയത്തിന് ഹാനികരമാകുന്ന ഭക്ഷണങ്ങള്‍ ഇവയാണ്.

പൊരിച്ച ഭക്ഷണം

ഉയര്‍ന്ന അളവില്‍ എണ്ണ, ഉപ്പ്, മസാല എന്നിവ ചേര്‍ത്ത് പൊരിച്ച ഭക്ഷണം ഹൃദയത്തെ ഗുരുതരമായി ബാധിക്കും. പ്രത്യേകിച്ചും രക്തസമ്മര്‍ദ്ദം, പ്രമേഹം എന്നീ പ്രശ്നങ്ങള്‍ ഉള്ളവര്‍ പൊരിച്ച ഭക്ഷണം കൂടി കഴിച്ചാല്‍, ഹൃദ്രോഗം പിടിപെടാനുള്ള സാധ്യത വളരെ കൂടുതലായിരിക്കും.

സംസ്‌ക്കരിച്ച ഭക്ഷണം

ഇപ്പോള്‍ കടകളില്‍ ലഭ്യമാകുന്ന റെഡി ടു ഈറ്റ്, റെഡി ടു കുക്ക്, ഫാസ്റ്റ് ഫുഡ് തുടങ്ങിയവ ഉള്‍പ്പടെയുള്ള സംസ്‌ക്കരിച്ച ഭക്ഷണം ഹൃദയത്തിന് അത്യന്തം ഗുരുതരമായ പ്രശ്നമുണ്ടാക്കുന്നവയാണ്. സംസ്‌ക്കരിച്ച ഭക്ഷണം കഴിച്ചാല്‍ ശരീരത്തിലെ മോശം കൊളസ്ട്രോളും സോഡിയവും വര്‍ദ്ധിക്കും. ഇത് ഹൃദയാരോഗ്യം അപകടത്തിലാക്കും.

പൂരിതകൊഴുപ്പ്

അമിതമായ കൊഴുപ്പ് അടങ്ങിയ ഉപ്പും എണ്ണയും പാല്‍ഉല്‍പന്നങ്ങളും അടങ്ങിയ ഭക്ഷണത്തിലാണ് പൂരിതകൊഴുപ്പ് ഏറെയുള്ളത്. ഇത്തരം ഭക്ഷണം അമിതമായി കഴിക്കുന്നത് ശരീരത്തിലെ മോശം കൊളസ്ട്രോള്‍(എല്‍ഡിഎല്‍) കൂടാന്‍ കാരണമാകും. ഈ മോശം കൊളസ്ട്രോള്‍ രക്തധമനികളില്‍ അടിഞ്ഞുകൂടുന്നതാണ് ഭൂരിഭാഗം ഹൃദ്രോഗപ്രശ്നങ്ങള്‍ക്കും കാരണമാകുന്നത്. സസ്യഎണ്ണ, വെളിച്ചെണ്ണ എന്നിവയ്ക്ക് പകരം ഒലിവ് ഓയില്‍ ഉപയോഗിക്കുന്നത് ഏറെ നല്ലതാണെന്ന് വിദഗ്ദ്ധര്‍ നിര്‍ദ്ദേശിക്കുന്നു. വളരെ ചെറിയ അളവില്‍ നെയ്യ് കഴിക്കുന്നതും ഹൃദയാരോഗ്യത്തിന് ഏറെ നല്ലതാണ്.

ഫാസ്റ്റ് ഫുഡ്

ആഴ്ച്ചയില്‍ ഒരു ദിവസമെങ്കിലും പുറത്തു നിന്നു ഭക്ഷണം കഴിക്കുന്നവരാണ് നമ്മള്‍ പലരും. ഹോട്ടലുകളില്‍ ലഭ്യമാകുന്ന ഫാസ്റ്റ്ഫുഡ് ആണ് ഭക്ഷണപ്രേമികളെ ആകര്‍ഷിക്കുന്നത്. എന്നാല്‍ അമിതമായ ഉപ്പ്, മധുരം, എണ്ണ എന്നിവ ഉപയോഗിച്ച് തയ്യാറാക്കുന്ന ബര്‍ഗര്‍, പിസ, പഫ്‌സ്, സാന്‍ഡ്വിച്ച് പോലെയുള്ള ഫാസ്റ്റ് ഫുഡ് ഹൃദയാരോഗ്യത്തിന് ഒട്ടും അഭികാമ്യമല്ല. സ്ഥിരമായി ഫാസ്റ്റ് ഫുഡ് കഴിക്കുന്നത് വളരെപെട്ടെന്ന് ഹൃദ്രോഗം ക്ഷണിച്ചുവരുത്തും. കൂടാതെ ഇത്തരക്കാരില്‍ സ്ട്രോക്ക് അഥവാ പക്ഷാഘാതം വരാനുള്ള സാധ്യതയും കൂടുതലാണ്.

ചുവന്ന മാംസം

ഇക്കാലത്ത് എണ്ണം ക്രമാതീതമായി വര്‍ദ്ധിക്കാനുള്ള പ്രധാനകാരണമായി ഡോക്ടര്‍മാര്‍ ചൂണ്ടിക്കാണിക്കുന്നത് മാംസാഹാരത്തിന്റെ അമിത ഉപയോഗമാണ്. പ്രത്യേകിച്ചും ബീഫ് പോലെയുള്ള ചുവന്ന മാംസം ശരീരത്തിലെ മോശം കൊളസ്ട്രോളിന്റെ അളവ് വര്‍ദ്ധിപ്പിക്കും. ശരീരത്തിന് ആവശ്യമായ മാംസ്യം ലഭിക്കുന്നതിനായി ചുവന്ന മാംസം ഒഴിവാക്കി, പകരം ചിക്കന്‍, മല്‍സ്യം, ബദാം പോലെയുള്ളവ ശീലമാക്കണമെന്നാണ് വിദഗ്ദ്ധര്‍ നിര്‍ദ്ദേശിക്കുന്നത്.

നാലുകാലുള്ള കൈകുഞ്ഞിനെ പുഴയിലൊഴുക്കി കൊല്ലാന്‍ ശ്രമം; കുട്ടിക്ക് വേണ്ട ചികിത്സ സൗജന്യമായി നല്‍കാമെന്നറിയിച്ച് ആശുപത്രി അധികൃതര്‍
Posted by
04 August

നാലുകാലുള്ള കൈകുഞ്ഞിനെ പുഴയിലൊഴുക്കി കൊല്ലാന്‍ ശ്രമം; കുട്ടിക്ക് വേണ്ട ചികിത്സ സൗജന്യമായി നല്‍കാമെന്നറിയിച്ച് ആശുപത്രി അധികൃതര്‍

അന്ധവിശ്വാസത്തിന്റെ മറവില്‍ നാലുകാലുകളും രണ്ട് ജനനേന്ദ്രിയവുമായി ജനിച്ച കുഞ്ഞിനെ മാതാപിതാക്കള്‍ പുഴയിലൊഴുക്കി. എന്നാല്‍ കുട്ടിയുടെ ഈ അവസ്ഥയ്ക്ക് സൗജന്യമായി ശസ്ത്രക്രിയ ചെയ്ത് സാധാരണ കുട്ടികളെ പോലെ ആക്കാമെന്ന് ആശുപത്രി അധികൃതര്‍ മാതാപിതാക്കള്‍ക്ക് ഉറപ്പ് നല്‍കി.

പിന്‍ഡ്വാര എന്ന ഗ്രാമത്തിലെ കുലി ബായ് എന്ന 22 കാരിയാണ് കുട്ടിക്ക് ജന്മം നല്‍കിയത്. എന്നാല്‍ കുട്ടിയുടെ രൂപം കണ്ട് ചെകുത്താന് പിറന്ന കുഞ്ഞാണെന്ന അന്ധവിശ്വാസത്തിന്റെ മറവില്‍ സമീപത്തുള്ള നദിയില്‍ മുക്കി കൊല്ലാമെന്ന് തീരുമാനിക്കുകയായിരുന്നു. എന്നാല്‍ ഭാരത് പാല്‍ ഡന്‍ഡ എന്ന 35കാരന്‍ ഗ്രാമത്തില്‍ ഇങ്ങനെ ഒരു കുട്ടി ജനിച്ചിട്ടുണ്ടെന്ന് ഗ്രാമീമരില്‍ നിന്ന് അറിയുകയും, മാതാപിതാക്കള്‍ കുട്ടിയെ കൊല്ലാനൊരുങ്ങുകയാണെന്ന് അറിഞ്ഞ് എത്തുകയുമായിരുന്നു.

തുടര്‍ന്ന് ഭാരത് മാത്ര ചയ്യ ആശുപത്രിയില്‍ വിവരം അറിയിക്കുകയും അമ്മയെയും കുഞ്ഞിനെയും ആംബുലന്‍സില്‍ ആശുപത്രിയില്‍ എത്തിക്കുകയും ചെയ്തു. കുട്ടിയെ കണ്ടപ്പോള്‍ തന്നെ അവസ്ഥമോശമാണെന്ന് മനസ്സിലായ പിന്‍ഡ്വാര ആശുപത്രിയിലെ ഡോക്ടര്‍ ഉടന്‍ തന്നെ നല്ല ചികിത്സ ലഭ്യമാകുന്ന ജെയ്പൂര്‍ എസ്എംഎസ് മെഡിക്കല്‍ ഇന്‍സ്റ്റിറ്റ്യൂട്ട് ആന്‍ഡ് ഹോസ്പിറ്റലിലേക്ക് കുട്ടിയെ അയക്കുകയായിരുന്നു.

തുടര്‍ന്ന് അവിടുത്തെ നാല് ഡോക്ടര്‍മാരുടെ സംഘം കുട്ടിയുടെ നാല് കാലുകളില്‍ രണ്ട് കാലുകളും ജനനേന്ദ്രിയവും വിജയകരമായി നീക്കം ചെയ്യുകയായിരുന്നു. കുട്ടി സുഖം പ്രാപിച്ചു വരുന്നുവെന്നും എന്നാല്‍ കുട്ടിയെ നിരീക്ഷിക്കാനായി ഒരാഴ്ച ആശുപത്രിയില്‍ കിടത്തുകയാണെന്നും ഡോക്ടര്‍മാര്‍ വ്യക്തമാക്കി.