വെള്ളം മാത്രം കുടിച്ച് തടി കുറയ്ക്കാം
Posted by
23 October

വെള്ളം മാത്രം കുടിച്ച് തടി കുറയ്ക്കാം

ശരീര സൗന്ദര്യത്തിന് വിഘാതമായി നില്‍ക്കുന്ന അമിതവണ്ണത്തെ തുരത്താന്‍ എളുപ്പവഴി. അമിതവണ്ണം മൂലം സൗന്ദര്യത്തോടൊപ്പം ആരോഗ്യവും നശിക്കുന്നതില്‍ വിഷണ്ണരായിരിക്കുന്നവര്‍ക്ക് സന്തോഷവാര്‍ത്ത. ധാരാളമായി വെള്ളം കുടിക്കുന്നത് ശീലമാക്കിയാല്‍ ശരീരഭാരം നിയന്ത്രിക്കാനാവും.

അമിത ഭക്ഷണം മൂലം ശരീരത്തില്‍ ആവശ്യത്തിലധികം കൊഴുപ്പ് അടിഞ്ഞു കൂടുന്നതാണ് അമിത വണ്ണത്തിന് കാരണം. ഇതൊഴിവാക്കാന്‍ പ്രധാന ഭക്ഷണങ്ങള്‍ കഴിക്കുന്നതിന് അര മണിക്കൂര്‍ മുമ്പ് രണ്ട് ഗ്ലാസ് വെള്ളം കുടിക്കുന്നത് ശീലമാക്കുക.

അമിതാഹാരം ഒഴിവാക്കുന്നതിനൊപ്പം ശരീരഭാരം നിയന്ത്രിക്കുന്നതിനും ഇത് സഹായകരമാകും. ഇത് പെട്ടെന്ന് വയര്‍ നിറഞ്ഞതായി തോന്നുന്നതിനാല്‍ ആവശ്യത്തിലധികം കഴിക്കുന്നത് ഇല്ലാതാക്കും.

അമിതവണ്ണത്തിലേക്ക് നീങ്ങുന്ന കുട്ടികളിലും ഈ ശീലമുണ്ടാക്കിയാല്‍ ഭാവിയിലെ പ്രതിസന്ധികള്‍ ഒഴിവാക്കാനാവും

താരനെ പൂര്‍ണ്ണമായും അകറ്റാം..
Posted by
18 October

താരനെ പൂര്‍ണ്ണമായും അകറ്റാം..

പലപ്പോഴും നമ്മളെ അസ്വസ്ഥപ്പെടുത്തുന്ന ഒന്നാണ് തലയിലെ താരന്‍. നിസാരനെങ്കിലും മുടികൊഴിച്ചിലിനും ചൊറിച്ചിലിനും അസ്വസ്ഥതക്കുമെല്ലാം താരന്‍ കാരണമാവുന്നു. വരണ്ട ചര്‍മവും പൊടിയും അഴുക്കുമൊക്കെയാണ് പലപ്പോഴും താരന് കാരണമാകുന്നത്. താരനെ ഫലപ്രദമായി തടയാന്‍ ചില മാര്‍ഗ്ഗങ്ങളുണ്ട്. പ്രകൃതിദത്തമായ ചേരുവകളുടെ പ്രയോഗങ്ങളിലൂടെ താരനെ അകറ്റി നിര്‍ത്തുവാന്‍ കഴിയും. ചര്‍മത്തിലെ സെബേഷ്യസ് ഗ്രന്ഥികള്‍ അമിതമായി ഉല്‍പ്പാദിപ്പിക്കപ്പെടുന്ന സേബം താരന്റെ മൂലകാരണമാണ്.

*കീഴാര്‍നെല്ലി ചതച്ച് താളിയാക്കി കുളിക്കുന്നതിനുമുന്‍പ് ദിവസവും ഉപയോഗിക്കുക. സ്ഥിരമായി ഇതു ചെയ്യുകയാണെങ്കില്‍ താരന്‍ പൂര്‍ണമായും ഇല്ലാതാകുമെന്നു മാത്രമല്ല മുടി തഴച്ചു വളരുകയും ചെയ്യും.

*ചെറുനാരങ്ങ, ചീവക്കായ്, വിട്ടിത്താളി ഇവ സമാസമം ചേര്‍ത്ത് കുഴമ്പുരൂപത്തിലാക്കി തലയോട്ടിയില്‍ തേയ്ക്കുക. പത്തുമിനിട്ട് കഴിഞ്ഞ് കുളിക്കുക.

*തെറ്റിപ്പൂവ്, വെറ്റില, തുളസിയില എന്നിവ ചതച്ചെടുത്ത ചാറ് വെളിച്ചെണ്ണയില്‍ ചേര്‍ത്ത് തലയില്‍ പുരട്ടിയശേഷം കുളിക്കുക. ഫലം ഉണ്ടാകും.

*കടുക് അരച്ച് വെളിച്ചെണ്ണ ചേര്‍ത്ത് കുഴമ്പുരൂപത്തിലാക്കി തലയില്‍ തേച്ചുകുളിക്കുന്നതു നല്ലതാണ്.

*ഓരിലത്താമര താളിയാക്കി തലയില്‍ തേച്ചുകുളിക്കുക.

*മുട്ടയുടെ മഞ്ഞക്കരു തലയില്‍ തേച്ച് പിടിപ്പിച്ചശേഷം അരമണിക്കൂര്‍ കഴിഞ്ഞ് ഷാമ്പുവോ ബാത്ത് സോപ്പോ ഉപയോഗിച്ച് വൃത്തിയായി കഴുകികളയുക.

*വെളിച്ചെണ്ണയില്‍ പച്ചകര്‍പ്പൂരം ചേര്‍ത്ത് കാച്ചി തിളപ്പിച്ച എണ്ണ തലയില്‍ തേച്ച് കുളിക്കുക

വീട്ടിലുണ്ടാക്കാവുന്ന പ്രകൃതിദത്തമായ കൂട്ടുകള്‍:

*രാമച്ചം, നെല്ലിക്ക എന്നിവ ചേര്‍ത്ത വെള്ളം തിളപ്പിച്ചാറ്റിയശേഷം ആ വെള്ളത്തില്‍ തല വൃത്തിയായി കഴുകുക. ഇതു കുറച്ചു ദിവസങ്ങളില്‍ നിത്യവും ആവര്‍ത്തിക്കുക. താരന് ശമനമുണ്ടാകും.

*പാളയംകോടന്‍ പഴം താരനു നല്ലതാണ്. ഇത് ഉടച്ച് കുഴമ്പാക്കി തലയില്‍ പുരട്ടിയശേഷം പത്തു മിനിട്ട് കഴിഞ്ഞ് കഴുകികളയുക.

*ശുദ്ധമായ ചെറുപയര്‍പൊടി തൈരില്‍ കലക്കി തലയില്‍ തേച്ചു കുളിക്കുന്നത് ഫലം ചെയ്യും.

*ചെമ്പരത്തിപ്പൂവോ തെച്ചിപ്പൂവോ ചേര്‍ത്ത് വെളിച്ചെണ്ണ കാച്ചി കുളിക്കുന്നതിനു മുന്‍പായി സ്ഥിരമായി തലയില്‍ തേയ്ക്കുന്നതു നല്ലതാണ്.

*വെള്ളത്തില്‍ കുതിര്‍ത്ത ഒരു കപ്പ് ഉലുവ അരച്ചെടുത്ത് രണ്ടുകപ്പ് വെളിച്ചെണ്ണയില്‍ ചേര്‍ത്ത് കാച്ചി പതിവായി കുളിക്കുന്നതിനു മുന്‍പായി ഉപയോഗിക്കുക. താരന്‍ ക്രമേണ മാറികിട്ടും.

**ആഴ്ചയില്‍ ഒന്നോ രണ്ടോ പ്രാവശ്യം തല ചെമ്പരത്തിത്താളി തേച്ച് കഴുകുന്നതു താരനെ പ്രതിരോധിക്കും. തലയില്‍ സ്ഥിരമായി എണ്ണ തേയ്ക്കുന്നവര്‍ ഫംഗസ് ബാധയുള്ള എണ്ണ ഉപയോഗിക്കാതിരിക്കുവാന്‍ ശ്രദ്ധിക്കണം. തലയും തലമുടിയും എപ്പോഴും ശുദ്ധമായി സൂക്ഷിക്കുക. ഇക്കാര്യങ്ങള്‍ ശദ്ധ്രിച്ചാല്‍ താരനെ ഒരു പരിധി വരെ ഒഴിവാക്കാന്‍ കഴിയും. ചികിത്സിച്ചാല്‍ പൂര്‍ണമായി ഭേദമാകാവുന്നതേയുള്ളു ഈ താരനും.

ഒരു കഷ്ണം ചെറുനാരങ്ങ മതി, സൂപ്പറായി വായനാറ്റമകറ്റാം
Posted by
16 October

ഒരു കഷ്ണം ചെറുനാരങ്ങ മതി, സൂപ്പറായി വായനാറ്റമകറ്റാം

വായ്‌നാറ്റം നമുക്കു മാത്രമല്ല, നമ്മുടെ ചുറ്റുമുള്ളവരേയും വെറുപ്പിയ്ക്കുന്ന ഒന്നാണ്. ഇതിന് വായ ശരിയായി വൃത്തിയാക്കാത്തതും പല്ലു കേടു വരുന്നതും ദന്തരോഗങ്ങളുമെല്ലാം കാരണമാകാറുണ്ട്.വായിലെ ഉമിനീര് കുറയുമ്പോഴാണ് സാധാരണ വായ്‌നാറ്റമുണ്ടാകുന്നത്. ഇതുകൊണ്ടുതന്നെ െ്രെഡ മൗത്ത് വായനാറ്റത്തിനുള്ള ഒരു പ്രധാന കാരണമാണ്.

വായില്‍ വളരുന്ന ബാക്ടീരിയകളാണ് വായ്‌നാറ്റത്തിനുള്ള മറ്റൊരു പ്രത്യേക കാരണം. ഇവയാണ് ദന്ത,മോണരോഗങ്ങള്‍ ഉണ്ടാക്കുന്നതും.വായനാറ്റമകറ്റാന്‍ സ്വാഭാവിക വഴികള്‍ തേടുന്നതാണ് എല്ലായ്‌പ്പോഴും നല്ലത്. മൗത്ത് വാഷ് പോലുള്ളവയിലെ കെമിക്കലുകള്‍ വായനാറ്റത്തിനു താല്‍ക്കാലികമായ പ്രതിവിധിയാകുമെങ്കിലും പല്ലപ്പോഴും ആരോഗ്യപരമായ പ്രശ്‌നങ്ങളുണ്ടാക്കുന്നുണ്ട്. ഇവയേക്കാള്‍ എന്തുകൊണ്ടും നല്ലത് തികച്ചും സ്വാഭാവികപരിഹാരങ്ങളാണ്. ഇതിലൊന്നാണ് ചെറുനാരങ്ങ.

പല ആരോഗ്യഗുണങ്ങളുമുള്ള ഒന്നാണ് ചെറുനാരങ്ങ. ഇതിലെ വൈറ്റമിന്‍ സി, ആന്റിഓക്‌സിഡന്റുകള്‍ എന്നിവ പലപ്പോഴും ആരോഗ്യത്തിന് ഏറെ ഗുണം ചെയ്യും. സൗന്ദര്യത്തിനും മുടിയ്ക്കും ആരോഗ്യത്തിനും ഒരുപോലെ സഹായകമായ ചെറുനാരങ്ങ വായ്‌നാറ്റമകറ്റാനുള്ള ഉത്തമമപരിഹാരം കൂടിയാണ്. യാതൊരു ദോഷവശങ്ങളുമില്ലാത്ത സ്വാഭാവിക പരിഹാരമെന്നു വേണം, പറയാന്‍. പല്ലിന് തിളക്കവും ആരോഗ്യവും നല്‍കുന്ന ഒരു ഘടകം കൂടിയാണ് ചെറുനാരങ്ങ.

ചെറുനാരങ്ങിലെ വൈറ്റമിന്‍ സിയാണ് വായനാറ്റമകറ്റാന്‍ സഹായിക്കുന്നത്. വായിലെ ബാക്ടീരിയകള കൊന്നൊടുക്കാന്‍ ഇവയ്ക്കു കഴിയും. വായില്‍ ഉമിനീരുല്‍പാദിപ്പിയ്ക്കാനും.വായ്‌നാറ്റത്തിന് മൗത്ത്‌വാഷ് പോലുള്ളവ ഉപയോഗിയ്ക്കുന്നവരുണ്ട്. ഇതില്‍ കെമിക്കലുകള്‍ അടങ്ങിയിരിയ്ക്കുന്നതു കൊണ്ട് എല്ലാ അര്‍ത്ഥത്തിലും ആരോഗ്യകരമെന്നു പറയാനാകില്ല.വായ്‌നാറ്റത്തിന് സ്വാഭാവിക പ്രതിവിധികളുമുണ്ട്. ഇതിലൊന്നാണ് ചെറുനാരങ്ങ. ചെറുനാരങ്ങ പല വിധത്തിലും വായ്‌നാറ്റത്തിന് പ്രതിവിധിയായി ഉപയോഗിയ്ക്കാം.

ചെറുനാരങ്ങ പല്ലിനു നിറം നല്‍കാനും മോണയുടെ ആരോഗ്യത്തിനുമെല്ലാം അത്യുത്തമമാണ്. വായിലെ പല പ്രശ്‌നങ്ങള്‍ക്കുമുള്ള സ്വാഭാവിക പരിഹാരമാണ് ചെറുനാരങ്ങ. ചെറുനാരങ്ങയ്‌ക്കൊപ്പം പല ചേരുവകളും കലര്‍ത്തിയോ അല്ലാതെയോ ഉപയോഗിയ്ക്കാം. തികച്ചും സ്വാഭാവിക വഴികളായതുകൊണ്ടുതന്നെ പല്ലിനു ദോഷം വരുമെന്ന പ്രശ്‌നവും വരുന്നില്ല.

ഒരു കപ്പു ചൂടുവെള്ളത്തില്‍

ഒരു കപ്പു ചൂടുവെള്ളത്തില്‍ 1 ടേബിള്‍സ്പൂണ്‍ നാരങ്ങ പിഴിഞ്ഞൊഴിയ്ക്കുക. ഇതില്‍ കാല്‍ ടീസ്പൂണ്‍ ഉപ്പു ചേര്‍ത്തിളക്കുക. ഇത് വായിലൊഴിയ്ച്ച് ഇടയ്ക്കിടെയോ രാവിലെയോ വൈകീട്ടോ വായ വൃത്തിയ്ക്കാംഉപ്പും നല്ലൊരു അണുനാശിനിയാണ്. ചെറുനാരങ്ങയിലെ വൈറ്റമിന്‍ സിയും ഇതിനു സഹായിക്കും. ഇവ രണ്ടും ചേരുമ്പോള്‍ പ്രയോജനം ഇരട്ടിയാകും. ഇത് പല്ലിന്റെയും മോണയുടേയും ആരോഗ്യത്തിനും ഏറെ ഗുണകരമാണ്. ദിവസവും ചെയ്യാന്‍ പറ്റില്ലെങ്കിലും ആഴ്ചയില്‍ രണ്ടുമൂന്നുതവണയെങ്കിലും ഇതു ചെയ്യുന്നതു ഗുണം നല്‍കും.

ഇഞ്ചി നീര്

ഒരു ടീസ്പൂണ്‍ ഇഞ്ചി നീര്, 1 ടീസ്പൂണ്‍ ചെറുനാരങ്ങാനീര് എന്നിവ കലര്‍ത്തുക. ഇത് വായിലൊഴിച്ചു രണ്ടുനേരം കഴുകാം.ഇഞ്ചി വായിലെ ബാക്ടീരിയകളെ കൊന്നൊടുക്കാന്‍ ഏറെ നല്ലതാണ്. വൈറ്റമിന്‍ സി കൂടിയാകുമ്പോള്‍ ഇത് ഇരട്ടി ഗുണം നല്‍കും. മോണരോഗങ്ങളകറ്റാനും ഈ മിശ്രിതം ഏറെ നല്ലതാണ്. ഇത് വെള്ളത്തില്‍ ചേര്‍ത്തു മിക്‌സ് ചെയ്ത ശേഷം ഉപയോഗിയ്ക്കാം. ദിവസവും ഉപയോഗിയ്ക്കാവുന്ന ഒരു മൗത്ത് വാഷാണിത്. വായ്‌നാറ്റകലുമെന്നുറപ്പു നല്‍കുന്ന ഒരു മിശ്രിതമാണിത്.ദോഷങ്ങള്‍ നല്‍കാത്ത ഒന്നെന്നു വേണം, പറയാന്‍.

നാരങ്ങാനീര്, തേന്‍

ഒരു ഗ്ലാസ് ചെറുചൂടുവെള്ളത്തില്‍ നാരങ്ങാനീര്, തേന്‍ എന്നിവ കലര്‍ത്തി കുടിയ്ക്കുന്നതും നല്ലതാണ്. ഇത് വായില്‍ ഉമിനീരുണ്ടാകാനും ഇതുവഴി വായ്‌നാറ്റമകറ്റാനും സഹായിക്കും.തേനും ചെറുനാരങ്ങയുമെല്ലാം സ്വാഭാവിക ആന്റിഓക്‌സിഡന്റുകള്‍ അടങ്ങിയവയാണ്. ഇവ വായിലെ ബാക്ടീരിയകളെ കൊന്നൊടുക്കുക മാത്രമല്ല, വായ്ക്ക് സ്വാഭാവിക ഗന്ധം നല്‍കുകയും ചെയ്യും. വായില്‍ ഉമിനിരുണ്ടാകുവാന്‍ ഈ മിശ്രിതം ഏറെ നല്ലതുമാണ്.

ബേക്കിംഗ് സോഡ

ഒരു ബോട്ടിലില്‍ ഒരു ചെറുനാരങ്ങയുടെ ജ്യൂസ് പിഴിഞ്ഞൊഴിയിക്കുക. ഇതിലേയ്ക്ക് ഒരു ടീസ്പൂണ്‍ ബേക്കിംഗ് സോഡ ചേര്‍ത്തിളക്കാം. അര കപ്പു വെള്ളവും ചേര്‍ത്തിളക്കുക. ദിവസവും രണ്ടുനേരം ഇതില്‍ നിന്നല്‍പം വായിലൊഴിച്ചു കുലുക്കുഴിയുകഇത് വായിലെ ബാക്ടീരിയകളെ കൊന്നൊടുക്കാനും ആരോഗ്യഗുണങ്ങള്‍ നല്‍കാനും ഏറെ ഗുണകരമാണ.ബേക്കിംഗ് സോഡയും വായയ്ക്കു ദോഷം വരുത്താത്ത ഒന്നാണെന്നു വേണം, പറയാന്‍. ദിവസവും രണ്ടുനേരം വീതം ഈ മാര്‍ഗം ചെയ്യാവുന്നതാണ്. അല്ലെങ്കില്‍ ആഴ്ചയില്‍ രണ്ടുമൂന്നുതവണയെങ്കിലും.

പുതിന

ഒരു പുതിനയുടെ ഇല നല്ലപോലെ കഴുകി വൃത്തിയാക്കിയ ശേഷം ഇതില്‍ രണ്ടു തുള്ളി ചെറുനാരങ്ങാനീരൊഴിയ്ക്കുക. ഇത് കടിച്ചുചവയ്ക്കുക. ഇത് ഇടയ്ക്കിടെ ചെയ്യാം. നല്ലൊരു മൗത്ത് ഫ്രഷ്‌നറിന്റെ ഗുണം ലഭിയ്ക്കും.

ചെറുനാരങ്ങാനീരും തൈരും

ഒരു ബൗളില്‍ ഒരു ടേബിള്‍സ്പൂണ്‍ ചെറുനാരങ്ങാനീരും 2 ടേബിള്‍സ്പൂണ്‍ തൈരും ചേര്‍ത്തിളക്കുക. ഇത് പല്ലില്‍ അല്‍പനേരം പുരട്ടുക. അല്‍പം കഴിഞ്ഞു വായ കഴുകാം. ഇത് ഒന്നരാടം ചെയ്യുന്നതു വായനാറ്റമൊഴിവാക്കും.

ഒരു ടീസ്പൂണ്‍ നാരങ്ങാനീര്, ഒലീവ് ഓയില്‍

ഒരു കപ്പു ചെറുചൂടുവെള്ളത്തില്‍ ഒരു ടീസ്പൂണ്‍ നാരങ്ങാനീര്, ഒലീവ് ഓയില്‍ എന്നിവ കലര്‍ത്തുക. ഇത് വായിലൊഴിച്ച് ഇടയ്ക്കിടെ കഴുകാം. ഇതും വായ്‌നാറ്റം അകറ്റും.നാരങ്ങാനീരും ഒലീവ് ഓയിലും ചേരുമ്പോള്‍ ഇരട്ടി പ്രയോജനം ലഭിയ്ക്കും. ഇത് വായിലെ ബാക്ടീരിയകളെ കൊന്നൊടുക്കാനും ആരോഗ്യഗുണങ്ങള്‍ നല്‍കാനും ഏറെ ഗുണകരമാണ്. ഇതിനു ശേഷം എണ്ണയുടെ വഴുപ്പ് വായിലുണ്ടെങ്കില്‍ ബ്രഷ് ചെയ്യുകയുമാകാം.

ചെറുനാരങ്ങ

ചെറുനാരങ്ങ ഇടയ്ക്കിടെ ചപ്പുന്നത് വായ്‌നാറ്റമകറ്റാന്‍ സഹായിക്കുന്ന നല്ലൊരു വഴിയാണ് ചെറുനാരങ്ങിലെ വൈറ്റമിന്‍ സിയാണ് വായനാറ്റമകറ്റാന്‍ സഹായിക്കുന്നത്. വായിലെ ബാക്ടീരിയകള കൊന്നൊടുക്കാന്‍ ഇവയ്ക്കു കഴിയും. വായില്‍ ഉമിനീരുല്‍പാദിപ്പിയ്ക്കാനും. ഒരു ചെറിയ കഷ്ണം ചെറുനാരങ്ങ ദിവസവും പല തവണയായി ഇതുപോലെ ചെയ്യാം. ഇത് വായില്‍ ഉമിനീരുല്‍പാദിപ്പിയ്ക്കും. അതുപോലെ വായിലെ ദോഷകരമായ ബാക്ടീരിയകളെ കൊന്നൊടക്കുകയും ചെയ്യും. എന്നാല്‍ സിട്രസ് അലര്‍ജിയുള്ളവര്‍ ചെറുനാരങ്ങ മാത്രം ഉപയോഗിയ്ക്കുമ്പോള്‍ ഏറെ ശ്രദ്ധിയ്ക്കണം.

ചെറുനാരങ്ങ, പോംഗ്രനേറ്റ്, ഇഞ്ചി

ചെറുനാരങ്ങ, പോംഗ്രനേറ്റ്, ഇഞ്ചി എന്നിവയുപയോഗിയ്ച്ചും വായ്‌നാറ്റത്തിനുള്ള പ്രതിവിധി കണ്ടെത്താം. പോംഗ്രനൈറ്റിന്റെ തോടാണ് ഇതിനായി വേണ്ടതും. ഇതില്‍ വൈറ്റമിന്‍ സി, ആന്റിഓക്‌സിഡന്റുകള്‍ എന്നിവ ധാരാളം അടങ്ങിയിട്ടുണ്ട്‌ചെറുനാരങ്ങയിലെ വൈറ്റമിന്‍ സി കൂടിയാകുമ്പോള്‍ ഗുണമേറും

പോംഗ്രനേറ്റിന്റെ തോടുണക്കുക. ഇത് പൊടിച്ചെടുക്കണം. 3 ഗ്രാം പൊടി ഒരു ഗ്ലാസ് വെള്ളത്തില്‍ കലക്കുക. ഇതില്‍ ഒരു ടീസ്പൂണ്‍ വീതം ഇഞ്ചി നീര്, ചെറുനാരങ്ങാനീര് എന്നിവ കലര്‍ത്തുക. ഈ പാനീയം കുടിയ്്ക്കുകയോ അല്ലെങ്കില്‍ ഗാര്‍ഗിള്‍ ചെയ്യുകയോ ആകാം. ഇത് ആഴ്ചയില്‍ മൂന്നു ദിവസമെങ്കിലും ചെയ്താല്‍ വായ്‌നാറ്റം മാറിക്കിട്ടും.

പരീക്ഷിച്ചു കഴിഞ്ഞാല്‍

നാരങ്ങയുപയോഗിച്ചുള്ള സ്വാഭാവികവഴികള്‍ പരീക്ഷിച്ചു കഴിഞ്ഞാല്‍ പെട്ടെന്നു തന്നെ വെള്ളം കൊണ്ടു വായ കഴുകുകയോ വെള്ളം കുടിയ്ക്കുകയോ ചെയ്യണം. ഇത് പല്ലില്‍ സിട്രിക് ആസിഡ് പറ്റിപ്പിടിച്ച് പല്ലുകള്‍ കേടാകുന്നതു തടയാന്‍ സഹായിക്കും. എപ്പോഴും വെള്ളം ചേര്‍ത്തു നേര്‍പ്പിച്ചു വേണം ചെറുനാരങ്ങാനീര് ഉപയോഗിയ്ക്കാന്‍. അ്ല്ലാത്ത പക്ഷം ഇത് പല്ലുകള്‍ക്കു കേടു വരുത്തും. സ്വാഭാവിക വഴികള്‍ കൊണ്ടു പരിഹാരമില്ലെങ്കില്‍ ഡോക്ടറെ കാണാം. ഇത് ചിലപ്പോള്‍ മെഡിക്കല്‍ സംബന്ധമായ പ്രശ്‌നങ്ങള്‍ കൊണ്ടുമാകാം.

ചിലര്‍ക്ക് വളരെ സെന്‍സിറ്റീവായ പല്ലുകളാകും. ഇത്തരക്കാര്‍ നാരങ്ങ സ്ഥിരമായി ഉപയോഗിയ്ക്കരുത്. മാത്രമല്ല, ഇത് നല്ലപോലെ നേര്‍പ്പിച്ചു വേണം ഉപയോഗിയ്ക്കാന്‍. ഇതു നേര്‍പ്പിയ്ക്കാന്‍ ഇതില്‍ വെള്ളം ചേര്‍ത്താല്‍ മതിയാകും. ആഴ്ചയില്‍ രണ്ടുമൂന്നുതവണ അത്തരം മാര്‍ഗങ്ങള്‍ പരീക്ഷിയ്ക്കുന്നതാണ് ആരോഗ്യകരം. പല്ലിന് കൂടുതല്‍ പുളിപ്പോ മറ്റോ വരികയാണെങ്കില്‍ ഡോക്ടറുടെ അഭിപ്രായപ്രകാരം മാത്രം നാരങ്ങ ഉപയോഗിയ്ക്കുക. നേരിട്ട് ചെറുനാരങ്ങാനീര് പല്ലിലാകാകന്‍ സമ്മതിയ്ക്കരുത്. പ്രത്യേകിച്ചും പല്ലിന്റെ ഇനാമലിന് കേടു വന്നിട്ടുണ്ടെങ്കില്‍. ഇത്തരം പല്ലുകളില്‍ ചെറുനാരങ്ങ സ്ഥിരം ഉപയോഗിയ്ക്കുന്നത് ദോഷ വരുത്തും.

നേരെ നില്‍ക്കാന്‍ ശേഷിയില്ലാത്ത അവസ്ഥയില്‍ നിന്നും അതീവ സുന്ദരിയായ ഫിറ്റ്‌നസ് ട്രെയിനറിലേക്ക്: പതിനെട്ടുകാരിയുടെ ഞെട്ടിക്കുന്ന ജീവിതം
Posted by
11 October

നേരെ നില്‍ക്കാന്‍ ശേഷിയില്ലാത്ത അവസ്ഥയില്‍ നിന്നും അതീവ സുന്ദരിയായ ഫിറ്റ്‌നസ് ട്രെയിനറിലേക്ക്: പതിനെട്ടുകാരിയുടെ ഞെട്ടിക്കുന്ന ജീവിതം

വേരിനിടയിലൂടെ വലിച്ച രൂപം എന്നായിരുന്നു റഷ്യന്‍ സ്വദേശിയായ വേരാ ഷൂള്‍സിനെ കണ്ടവരെല്ലാം അഭിപ്രായപ്പെട്ടിരുന്നത്. മെലിഞ്ഞ് ഒട്ടി, കാഴ്ച്ചയില്‍ ഒട്ടും ഊര്‍ജസ്വലതയില്ലത്ത പെണ്‍കുട്ടി. എന്നാല്‍ നാലു വര്‍ഷം കൊണ്ട് പരിഹസിച്ചവരുടെ വായടപ്പിച്ചിരിക്കുകയാണ് ഈ മിടുക്കി. മുന്‍പ് സഹതാപത്തോടെ നോക്കിയിരുന്നവര്‍ ഇന്ന് അത്ഭുതത്തോടെയാണ് വേരയെ നോക്കുന്നത്.

അത്രയ്ക്കും ആശ്ചര്യം ഉണര്‍ത്തുന്നതാണ് അവരുടെ ജീവിതം. അനോറെകസ്യ എന്ന രോഗമായിരുന്നു വേരയുടെ മെലിഞ്ഞ ശരീര പ്രകൃതത്തിനു കാരണം. വണ്ണം കൂടി പോകുമോ എന്ന ഭയത്തില്‍ നിന്നും ഭക്ഷണത്തിനോട് വിരക്തി തോന്നു മാനസീകമായ അവസ്ഥയാണ് അനോറെക്‌സ്യ. ഇങ്ങനെയുള്ളവര്‍ക്ക് വണ്ണം കുറവാണെങ്കില്‍ പോലും അമിതവണ്ണമുണ്ടാകുമെന്ന് പേടിച്ച് ഭക്ഷണത്തെ മാറ്റി നിര്‍ത്തും. വൈകാതെ കടുത്ത മാനസിക സമ്മര്‍ദ്ദവും ഇക്കൂട്ടരില്‍ കാണപ്പെടാറുണ്ട്. അനോറെക്‌സ്യയുടെ എല്ലാ ലക്ഷണങ്ങളും കൂടിയ തോതിലായിരുന്നു വേരയുടെ കാര്യത്തില്‍ സംഭവിച്ചത്. ഖരരൂപത്തിലുള്ള ഭക്ഷണങ്ങള്‍ കളിക്കാന്‍ ഭയപ്പെട്ടിരുന്ന വേരയ്ക്ക് പതിയെ മുടികൊഴിച്ചലും തുടങ്ങി.

എന്നാല്‍ 2014ല്‍ മുപ്പത് കിലോയില്‍ നിന്ന് നിശ്ചയദാര്‍ഡ്യം ഒന്നുകൊണ്ട് മാത്രം പഴയ രൂപം പൊളിച്ചെഴുതി പുത്തന്‍ ഉണര്‍വോടെ സ്വയം നിര്‍മ്മിക്കുകയായിരുന്നു വേര.
താന്‍ അനോറെക്‌സ്യക്ക് അടിമപ്പെടുകയാണെന്നു മനസ്സിലായതോടെ അവള്‍ തന്നെ തന്റെ വിധി തിരുത്തിയഴുതാന്‍ തുനിഞ്ഞിറങ്ങി. അന്ന് ജിമ്മിലേക്കു പോകാനെടുത്ത തീരുമാനമാണ് വേരയുടെ ജീവിതത്തെ തന്നെ മാറ്റിമറിച്ചത്.

ജിമ്മില്‍ എത്തിയതോടെ താന്‍ ഭക്ഷണം കഴിക്കുന്ന രീതിയില്‍ മാറ്റം വരുത്തേണ്ടതുണ്ടെന്ന് അവള്‍ക്കു മനസ്സിലായി. തുടക്കത്തില്‍ പച്ചക്കറിയും പഴവര്‍ഗങ്ങളുമൊക്കെയാണ് കഴിച്ചിരുന്നത്. പതിയെ പലവിധത്തിലുള്ള ഭക്ഷണങ്ങളിലേക്കു മാറുകയും മസിലുകളെ ശക്തമാക്കുന്നതിനുള്ള വ്യായാമങ്ങള്‍ തുടങ്ങുകയും ചെയ്തു. വളരെ വേഗം തന്നെ അവള്‍ സ്വന്തം ശരീരത്തെ സ്േനഹിച്ചു തുടങ്ങുകയും പഴയപടിയിലേക്കെത്താന്‍ ശ്രമിക്കുകയും ചെയ്തു.

#shinkory_до_после Несмотря на то,что выпуск “прямого эфира” 📽не затрагивает тему анорексии,булимии,орторексии и других расстройств пищевого поведения😷…ДА,я решилась рассказать свою историю. И съемки конкретно про это у @malakhov007 тоже будут,но чуть-чуть позже⏳ . Все свое время болезни я старалась скрывать от семьи👪,близких реальную причину плохого самочувствия🤒 и потери веса. Когда уже начала восстановление-даже не обратилась к врачам👩🏽‍⚕️Настолько я закрылась в себе,никому не доверяла и боялась осуждения🗣Было буквально несколько человек,знавших о реальной моей проблеме. И все они из интернета😹например, @rozi_meow😽А с @koshkinyslezki интернет-дружба 📱перетекла в реальную,несмотря на большое расстояние между городами ✈️Мои хорошие,спасибо за поддержку!🙏🏽 . Даже после того,как я уже приобрела более-менее “человеческий облик”…продолжала сваливать худобу на быстрый обмен веществ🍏 и прочее. . Чувство вины—то что охватывает тебя целиком и полностью🌪Ненависть к самому себе,за то что натворила🤦🏽‍♀️За то,что не видела 👀в кого и во ЧТО превращаешься.Не так,видела и позволила☝🏽За собственную слабость😒 . Я захотела рассказать об этом,дать людям узнать,когда поняла,что могу помогать🆘Одним-просто осознанием того,что всегда есть шанс жить💚И жить лучше. Иначе. Другим-советами📝,разборам питания🥕 и тренировок🏋🏽‍♀️Я поняла,что мы совершаем ОШИБКИ.Разные. И это нормально,нужно себя прощать🙂 и не зацикливаться на них. Были и были,прошли👣Оставили след,но прошли. А если нет-надо приложить все силы к их исправлению❗️ • • • #анорексия#anorexia#anorexiarecovery#bulimia#bulimiarecovery#булимия#bodybuilding #sport #squats #happy #healthy #фитнес #фитнесбикини #бодифитнес #бодибилдинг#fitness#москва#moscow#fitnessmotivation #сушка #похудение

A post shared by Вера Шульц (@shinkory) on

ഇന്ന് വേരയുെട ഭാരം അറുപതു കിലോ ആണ്. അനോറെക്‌സ്യ പോലുള്ള ഭക്ഷണ നിയന്ത്രണ രോഗത്തില്‍ നിന്നും എളുപ്പത്തില്‍ മുക്തമാകാന്‍ സാധ്യമല്ലെന്ന് വേര പറയുന്നു, പക്ഷേ എന്തൊക്കെ ബുദ്ധിമുട്ടുകള്‍ സഹിച്ചും വിജയം കാണും വരെ പോരാടും എന്നുറപ്പിച്ച് ഇറങ്ങുന്നവര്‍ സന്തുഷ്ടരായേ മടങ്ങൂ എന്നും വേര പറയുന്നു.

 

 

വിവാഹിതരായ 5 സ്ത്രീകള്‍ നടത്തിയ വെളിപ്പെടുത്തല്‍ വൈറലാകുന്നു
Posted by
10 October

വിവാഹിതരായ 5 സ്ത്രീകള്‍ നടത്തിയ വെളിപ്പെടുത്തല്‍ വൈറലാകുന്നു

കൊച്ചി: വിവാഹം എന്നത് ചെറുപ്പക്കാരായ പെണ്‍കുട്ടികളെ സംബന്ധിച്ച് സ്വപ്‌നസമാനമായ ഒന്നാണ് വിവാഹത്തെക്കുറിച്ച് പലവിധ സങ്കല്‍പങ്ങളും അവര്‍ക്ക് ഉണ്ട്. എന്നാല്‍ വിവാഹിതരായ അഞ്ച് യുവതികള്‍ നടത്തിയ വെളിപ്പെടുത്തലുകള്‍, വിവാഹം കഴിക്കാന്‍ പോകുന്നവര്‍ ഒന്ന് ശ്രദ്ധിക്കുന്നത് നല്ലതാണ്. വിവാഹജീവിതം വിജയകരമായി മുന്നോട്ടുകൊണ്ടുപോകാന്‍ ഇത് നിങ്ങളെ സഹായിക്കും. ഏറെ ചര്‍ച്ച ചെയ്യപ്പെട്ട ഈ വെളിപ്പെടുത്തല്‍ പ്രസിദ്ധീകരിച്ചത് ടൈംസ് ഓഫ് ഇന്ത്യയാണ്.

1, വിവാഹ ജീവിതത്തെക്കുറിച്ചുള്ള ഗോസിപ്പുകള്‍

വിവാഹശേഷം പലതരം ഗോസിപ്പുകള്‍ കേള്‍ക്കേണ്ടി വരുമെന്നാണ് പ്രാചി അഗര്‍വാള്‍ പറയുന്നത്. വിവാഹം കഴിഞ്ഞയുടന്‍, തന്റെ അമ്മായിയമ്മ, അവരുടെ ചിലരെക്കുറിച്ചുള്ള കുറ്റങ്ങള്‍ തന്നോട് പറഞ്ഞിരുന്നു. എന്നാല്‍ ഒരു വര്‍ഷം കഴിഞ്ഞപ്പോള്‍ അമ്മായിയമ്മ, തന്നെക്കുറിച്ചുള്ള കുറ്റങ്ങള്‍ മറ്റുചിലരോട് പറഞ്ഞതായി തനിക്ക് അറിയാന്‍ കഴിഞ്ഞുവെന്നാണ് പ്രാചി പറയുന്നത്.

2, കുടുംബ രാഷ്ട്രീയം

ഏറെ അംഗങ്ങളുള്ള ഒരു കുടുംബത്തിലേക്ക് വിവാഹം ചെയ്യപ്പെട്ട അഹാന ശര്‍മ്മയ്ക്ക് പറയാനുള്ളത് മറ്റൊരു അനുഭവമാണ്. അവിടെ പലരും പല തട്ടിലായാണ് നില്‍ക്കുന്നത്. പല ഗ്രൂപ്പുകളുണ്ട്. അവര്‍ തമ്മില്‍ പരസ്പരം പാരകളുമാണ്. ഇത്തരമൊരു കുടുംബത്തില്‍ ആരോടെങ്കിലും സംസസാരിക്കുന്നത് സൂക്ഷിച്ചുവേണമെന്നാണ് അഹാന പറയുന്നത്. അരെയെങ്കിലും പിന്തുണച്ച് സംസാരിച്ചാല്‍, അവരുടെ എതിരാളികളായ ബന്ധുക്കളുടെ ശത്രുത ഏറ്റുവാങ്ങേണ്ടിവരുമെന്നും അഹാന പറയുന്നു.

3, ഭര്‍ത്താവിന്റെ പിന്തുണ എപ്പോഴും ലഭിക്കില്ല

ഭര്‍ത്താവിന്റെ വീട്ടുകാരുമായി എന്തെങ്കിലും പ്രശ്‌നമുണ്ടാകുമ്പോള്‍ ഭര്‍ത്താവിന്റെ പിന്തുണ ലഭിക്കാതിരിക്കുന്നത് അങ്ങേയറ്റം അസഹനീയമായ കാര്യമാണെന്ന് ഭാവന ശേഖര്‍ എന്ന ഇരുപത്തിയൊമ്പതുകാരി പറയുന്നു. വിവാഹത്തിന് മുമ്പ് വീട്ടുകാരെക്കുറിച്ച് തന്നോട് പറഞ്ഞിരുന്നെങ്കിലും, വിവാഹശേഷം ഒരു പ്രശ്‌നം വരുമ്പോള്‍ തന്നെ പിന്തുണയ്ക്കാതെ ഒഴിഞ്ഞുമാറുകയാണ് ഭര്‍ത്താവ് ചെയ്യുന്നതെന്ന് ഭാവന പറയുന്നു.

4, ഭര്‍ത്താവിന്റെ വീട്ടുകാര്‍ക്ക് അറിയേണ്ടത് ശമ്പളകാര്യം

പുതിയ ഒരു ജോലിയുമായി ബന്ധപ്പെട്ട് മറ്റൊരു നഗരത്തിലേക്ക് ചേക്കേറേണ്ടി വന്ന രുചിര ജെയിന് പറയാനുള്ളത് മറ്റൊരു കാര്യമാണ്. ജോലി കിട്ടി ഒരു മാസത്തിനുശേഷം തിരികെ നാട്ടിലെത്തിയപ്പോള്‍, തന്റെ അച്ഛന്‍ താമസത്തെക്കുറിച്ചും സുരക്ഷയെക്കുറിച്ചും ചോദിച്ച് അറിഞ്ഞപ്പോള്‍, ഭര്‍ത്താവിന്റെ അച്ഛനും അമ്മയ്ക്കും അറിയേണ്ടിയിരുന്നത് തന്റെ ശമ്പളത്തെക്കുറിച്ച് മാത്രമാണെന്നാണ് രുചിര പറയുന്നത്.

5, ഭക്ഷണശീലം മാറ്റേണ്ടിവരും

വിവാഹത്തിന് മുമ്പ് നമുക്ക് ഇഷ്ടമുള്ള ഭക്ഷണം കഴിക്കാം. എന്നാല്‍ വിവാഹശേഷം ഭര്‍ത്താവിന്റെ വീട്ടുകാരുടെ ഇഷ്ടത്തിന് അനുസരിച്ച് ഭക്ഷണശീലം മാറ്റേണ്ടിവരുമെന്നാണ് ശോഭന ഗുപ്ത പറയുന്നത്. മനസിന് ഇഷ്ടപ്പെട്ട ഭക്ഷണം കഴിക്കേണമെങ്കില്‍ പുറത്ത് ഹോട്ടലില്‍ പോകേണ്ടിവരുമെന്നാണ് ശോഭന പറയുന്നത്.

പെര്‍ഫ്യൂം പൂശുന്നവരുടെ ശ്രദ്ധയ്ക്ക്
Posted by on 10 October

പെര്‍ഫ്യൂം പൂശുന്നവരുടെ ശ്രദ്ധയ്ക്ക്

പെര്‍ഫ്യൂം എല്ലാവര്‍ക്കും ഇഷ്ടമാണ്. പുറത്തിറങ്ങും മുമ്പ് ഒരല്പം ആത്മവിശ്വാസം പെര്‍ഫ്യൂം അടിച്ച് നേടുന്നവരാണ് മിക്കവരും. എന്നാല്‍, സ്ഥിരമായി പെര്‍ഫ്യൂം അടിച്ചാല്‍ ഉണ്ടാകുന്ന ആരോഗ്യപ്രശ്‌നങ്ങള്‍ നിരവധിയാണെന്നാണ് പഠനങ്ങള്‍ സൂചിപ്പിക്കുന്നത്.

കൃത്രിമ സുഗന്ധദ്രവ്യങ്ങള്‍ ഉപയോഗിക്കുന്നവരില്‍ ആസ്മ, തലവേദന, ത്വക്ക് രോഗങ്ങള്‍ എന്നിവ ഉണ്ടാകാനുള്ള സാദ്ധ്യത കൂടുതലാണെന്നാണ് പഠനങ്ങളിലുള്ളത്. കൈറ്റ് ഗ്രിന്‍വില്‍ എന്ന ഗവേഷക നടത്തിയ കണ്ടെത്തലിലാണ് കൃത്രിമ സുഗന്ധദ്രവ്യങ്ങള്‍ ആരോഗ്യത്തെ പ്രതികൂലമായി ബാധിക്കുന്നതെങ്ങനെയെന്ന് പറഞ്ഞിട്ടുള്ളത്. ദി കേസ് എഗെയ്ന്‍സ്റ്റ് ഫ്രാഗ്രെന്‍സ് എന്ന ലേഖനത്തിലാണ് കൈറ്റിന്റെ കണ്ടെത്തലുള്ളത്. കൃത്രിമ സുഗന്ധദ്രവ്യങ്ങള്‍ പൂശുന്നവര്‍ക്ക് മാത്രമല്ല, അടുത്ത് നിന്ന് ശ്വസിക്കുന്നവര്‍ക്കും സമാനമായ ആരോഗ്യപ്രശ്‌നങ്ങള്‍ ഉണ്ടാകാന്‍ ഇടയുണ്ടെന്നും പഠനത്തിലുണ്ട്.

ബോറടിക്കുന്നുണ്ടോ? കാരണം ഇതാണ്
Posted by
09 October

ബോറടിക്കുന്നുണ്ടോ? കാരണം ഇതാണ്

ടോക്യോ: എല്ലാവരും എപ്പോഴും പറയുന്ന കാര്യമാണ് ‘ ബോറടിക്കുന്നു’ എന്ന്. ബോറടിക്കുമ്പാള്‍ മിക്കവരും കോട്ടുവായ് ഇടുകയും ഉറക്കത്തിലേയ്ക്ക് വഴുതി വീഴുകയും ചെയുന്നു. എന്തുകൊണ്ടാണ് ബോറടിക്കുമ്പോള്‍ ഉറക്കം വരുന്നത്? ജപ്പാനിലെ ഒരുകൂട്ടം ശാസ്ത്രജ്ഞന്മാര്‍ ഇതിനുള്ള ഉത്തരവും കണ്ടെത്തിയിരിക്കുകയാണ്.

ഒരു വ്യക്തിക്ക് സുഖകരം എന്നു തോന്നുന്ന അവസ്ഥയുള്ളപ്പോള്‍ പ്രചോദിപ്പിക്കപ്പെടുന്ന മസ്തിഷ്‌കത്തിന്റെ ഒരുഭാഗമായ ഹൈപോതലാമസിന്റെ മധ്യത്തിലുള്ള കേന്ദ്രമാണ് ബോറടിയെ പ്രതിരോധിക്കാന്‍ ഉറക്കത്തിന്റെ വഴിതേടുന്നെതന്നാണ് കണ്ടെത്തല്‍. ആവശ്യത്തിന് ഉറങ്ങിയശേഷം ഉന്മേഷത്തോടെ ഇരിക്കുന്ന വ്യക്തികള്‍ പോലും വിരസതയുണ്ടാക്കുന്ന പ്രക്രിയകളിലേര്‍പ്പെടുേമ്പാള്‍ ഉറക്കം തൂങ്ങുന്നത് എന്തുകൊണ്ടാണെന്നായിരുന്നു ഗവേഷണ വിഷയം.

മസ്തിഷ്‌കത്തിന്റെ മുന്‍ഭാഗത്തുള്ള ഈ കേന്ദ്രത്തിലെ ന്യൂക്ലിയസുകളാണത്രെ വിരസതയോട് പ്രതികൂലമായി പ്രതികരിക്കുന്നത്. ജപ്പാനിലെ തുഷ്‌കുബ യൂനിവേഴ്‌സിറ്റിയിലാണ് ഇതുസംബന്ധിച്ച് ഗവേഷണങ്ങള്‍ നടന്നത്. ഡോ യോ ഒയിഷിയുടെ നേതൃത്വത്തില്‍ നടന്ന പഠനത്തിന്റെ റിപ്പോര്‍ട്ട് ‘നേച്ചര്‍ കമ്യൂണിക്കേഷന്‍സ്’ എന്ന ശാസ്ത്ര മാസികയിലാണ് പ്രസിദ്ധീകരിച്ചിരിക്കുന്നത്.

ഇഷ്ടമുള്ള കാര്യങ്ങള്‍ ചെയ്യുേമ്പാള്‍ ഉത്തേജിക്കപ്പെടുന്ന തലച്ചോറിലെ ഈ ഭാഗം വിരസമായ സാഹചര്യങ്ങളില്‍ ഉത്തേജിക്കപ്പെടാതിരിക്കുകയും ഇവിടെയുള്ള ന്യൂക്ലിയസുകള്‍ക്കിടയിലെ ആശയവിനിമയം മന്ദഗതിയിലാവുകയും ചെയ്യുന്നതോടെയാണ് വ്യക്തി ഉറക്കത്തിലേക്ക് വഴുതുന്നത്. ഒരു വ്യക്തി സ്ഥിരമായി ഉറങ്ങുന്ന സമയത്ത് ഉറക്കംവരുന്നതും ഉണരുന്ന സമയത്ത് സ്വാഭാവികമായി ഉണരുന്നതും തലച്ചോറിലെ ഒരുതരം ‘ബയോളജിക്കല്‍ ക്ലോക്കിന്റെ പ്രവര്‍ത്തനം മൂലമാണെന്ന് ശാസ്ത്രം നേരത്തെ, കണ്ടെത്തിയിരുന്നു. ഈ ജൈവഘടികാരത്തിന്റെ കേന്ദ്രവും തലച്ചോറിലെ ഈ ഭാഗമാണെന്ന് പഠനം പറയുന്നു. സ്വാഭാവികമായ ഉറക്കവും ബോറടിക്കുേമ്പാഴുള്ള ഉറക്കവും ഇല്ലാതാക്കാന്‍ കാപ്പിയില്‍ അടങ്ങിയ കഫിന്‍ എന്ന രാസവസ്തുവിന് കഴിയും എന്നുതന്നെയാണ് ഈ പഠനവും തെളിയിക്കുന്നത്. ‘ഇന്‍സോമാനിയ’ അഥവാ ഉറക്കമില്ലായ്മ രോഗ ചികിത്സയില്‍ പുതിയ കണ്ടെത്തല്‍ സഹായിക്കുമെന്നാണ് വിലയിരുത്തല്‍.

കണ്ണിനെ അല്‍പ്പം ശ്രദ്ധിക്കാം
Posted by
08 October

കണ്ണിനെ അല്‍പ്പം ശ്രദ്ധിക്കാം

ആധുനിക കാലത്ത് കമ്പ്യൂട്ടറും മൊബൈലും ഉള്‍പ്പടെ കണ്ണിന് ഒരല്‍പ്പം ആയാസം നല്‍കുന്ന ഉപകരണങ്ങള്‍ ഉപയോഗിക്കാതിരിക്കാന്‍ ആര്‍ക്കുമാവില്ല. അതേസമയം വളരെ അശ്രദ്ധമായാണ് പലരും കംപ്യൂട്ടറും ടിവിയും ഉപയോഗിക്കുമ്പോള്‍ കണ്ണിനെ പരിരക്ഷിക്കുന്നതും. അതിനാല്‍ ഒരല്‍പ്പം ശ്രദ്ധ വളരെ നല്ലതാണ്. മുറിയിലെ വെളിച്ചത്തിന്റെ കാര്യത്തിലായാലും ഇരിക്കുന്നതിലെ പൊസിഷന്റെ കാര്യത്തിലായാലും രണ്ടും കണ്ണിന്റെ ആരോഗ്യത്തിന് വളരെ അത്യാവശ്യമാണ്.

മുറിയിലെ പ്രകാശം

മുറിയില്‍ നല്ല ലൈറ്റ് ഉണ്ടാവണം. ചിലര്‍ ലൈറ്റ് ഓഫ് ചെയ്തിട്ട് ടിവി കാണാറുണ്ട്. ഇത് കണ്ണിന് നല്ലതല്ല. സ്‌ക്രീനില്‍ മാറി മാറി വരുന്ന തിളക്കമുള്ള വെളിച്ചം കണ്ണിലെ പേശികളെ ദുര്‍ബ്ബലമാക്കും.
ക്രമേണ ഇത് കണ്ണിന് അസ്വസ്ഥത ഉണ്ടാക്കും.

കംപ്യൂട്ടര്‍ ഉപയോഗിക്കുമ്പോള്‍ കണ്ണുകളുടെ സംരക്ഷണം എങ്ങനെ?

ടിവി കാണുന്നതിലെ പ്രശ്‌നങ്ങള്‍ തന്നെയാണ് കംപ്യൂട്ടറില്‍ നോക്കുമ്പോഴും മൊബൈല്‍ നോക്കുമ്പോഴും ഉണ്ടാവുന്നത്. ഒരേ ദിശയിലേക്ക് കുറേ നേരം ഇമ ചിമ്മാതെ നോക്കുമ്പോള്‍ കണ്ണുകള്‍ വരളാനിടയാവുന്നു.
അതുപോലെ എസിയില്‍ കൂടുതല്‍ നേരം ഇരിക്കുന്നതും വരള്‍ച്ച ഉണ്ടാക്കുന്നു.

ഇടയ്ക്ക് ഇമ ചിമ്മണമെന്നത് ഓര്‍മ്മിക്കുക. കാറിന്റെ വൈപ്പര്‍ പോലെയാണ് കണ്ണിന്റെ ഇമകള്‍. അവ അടഞ്ഞ് തുറക്കുമ്പോഴാണ് കണ്ണില്‍ നനവ് വരുന്നത്. ഓഫീസിലാണെങ്കില്‍ ഇടയ്ക്ക് സീറ്റില്‍ നിന്നും എഴുന്നേറ്റ് നടക്കുക. കണ്ണിന് സുഖകരമാവും അത്.

മോണിറ്ററില്‍ ആന്റിഗ്ലെയര്‍ സ്‌ക്രീന്‍ വെയ്ക്കുന്നതും കണ്ണിന് ഗുണകരമാണ്. അപൂര്‍വം ചിലരില്‍ നീറ്റലും പുകച്ചിലും വരാറുണ്ട്. അങ്ങനെ ഉണ്ടാവുമ്പോള്‍ അവ വീണ്ടും ഉപയോഗിക്കുന്നത് നിര്‍ത്തുക.

കട്ടന്‍ ചായ കുടിച്ച് ശരീരഭാരം കുറയ്ക്കാം
Posted by
08 October

കട്ടന്‍ ചായ കുടിച്ച് ശരീരഭാരം കുറയ്ക്കാം

രാവിലെ എഴുനേറ്റാല്‍ ആദ്യം ഒരു കട്ടന്‍ ചായ അല്ലെങ്കില്‍ കട്ടന്‍ കാപ്പി കുടിച്ചാലെ നമ്മളില്‍ പലര്‍ക്കും അന്നത്തെ ദിവസം ഒരു ഉന്‍മേഷം ഉണ്ടാവുകയുള്ളു. ചിലര്‍ക്ക് രാവിലെ മാത്രമല്ല ഇടനേരങ്ങളിലും കട്ടന്‍ ചായ കുടിക്കുന്നവരാണ്. രാവിലെ പത്രം വായനയുടെ കൂടെ ടിവി കാണുമ്പോള്‍ വെറുതെ ഇരിക്കുമ്പോള്‍ അങ്ങനെ കട്ടന്‍ ചായ ജീവിതത്തിന്റെ ഒരു ഭാഗമാണെന്ന് തന്നെ പറയാം. എന്നാല്‍ കട്ടന്‍ ചായ പ്രേമികള്‍ ഇതാ ഒരു സന്തോഷ വാര്‍ത്ത. പൊണ്ണത്തടി വരാതിരിക്കാനും സൗഖ്യമേകാനും കട്ടന്‍ചായ സാഹായിക്കും.

കട്ടന്‍ചായയില്‍ അടങ്ങിയ രാസവസ്തുക്കളായ പോളിഫിനോളുകള്‍ കരളിലെ ഊര്‍ജ്ജത്തിന്റെ ഉപാപചയ പ്രവര്‍ത്തനങ്ങളില്‍ മാറ്റം വരുത്തുന്നു. മെറ്റബോളൈറ്റുകളില്‍ മാറ്റം വരുത്തുക വഴിയാണിത്. ഗ്രീന്‍ ടീയിലെ രാസവസ്തുക്കള്‍ രക്തത്തിലേക്കും കരളിലേക്കും ആഗിരണം ചെയ്യപ്പെടുന്നതിനാല്‍ ഗ്രീന്‍ ടീ പോളിഫിനോളുകള്‍ കട്ടന്‍ചായയേക്കാള്‍ ആരോഗ്യ ഗുണങ്ങള്‍ ഉള്ളതാണ് എന്നാണ് കരുതിയിരിക്കുന്നത്. എന്നാല്‍ പുതിയ പഠനം പറയുന്നത്, പ്രത്യേക പ്രവര്‍ത്തനത്തിലൂടെ കട്ടന്‍ചായയും ആരോഗ്യത്തിനും ശരീരഭാരം കുറയ്ക്കാനും സഹായിക്കുന്നു എന്നാണ്. കാലിഫോര്‍ണിയ ലൊസാഞ്ചലസ് സര്‍വകലാശാലയിലെ പ്രൊഫസറായ സൂസേന്‍ ഹെന്നിങ്ങ് പറഞ്ഞു.

ഗ്രീന്‍ടീയും കട്ടന്‍ചായയും പ്രീ ബയോട്ടിക്കുകളാണ്. നല്ല അതിസൂക്ഷ്മ ജീവികളുടെ വളര്‍ച്ച ത്വരിതപ്പെടുത്തി വ്യക്തിക്ക് സൗഖ്യമേകുന്ന വസ്തുക്കളാണ് പ്രീ ബയോട്ടിക്കുകള്‍.

യൂറോപ്യന്‍ ജേണല്‍ ഓഫ് ന്യൂട്രീഷണില്‍ പ്രസിദ്ധീകരിച്ച ഈ പഠനം എലികളിലാണ് നടത്തിയത്. എലികള്‍ക്ക് ഉയര്‍ന്ന കൊഴുപ്പും ഉയര്‍ന്ന അളവില്‍ പഞ്ചസാര അടങ്ങിയ ഭക്ഷണവും നല്‍കി. ഇതോടൊപ്പം ഗ്രീന്‍ ടീയോ കട്ടന്‍ ചായയോ നല്‍കി. രണ്ടു ഗ്രൂപ്പുകളില്‍ പൊണ്ണത്തടിയുമായി ബന്ധപ്പെട്ട ബാക്ടീരിയയുടെ എണ്ണം കുറവാണെന്നു കണ്ടു. എന്നാല്‍ കുറഞ്ഞ ബോഡിമാസുമായി ബന്ധപ്പെട്ട ബാക്ടീരിയ കൂടുതലും ആയിരുന്നു. എന്നാല്‍ കട്ടന്‍ചായ സത്തു കുടിച്ച എലികളില്‍ സ്വൂഡോ ബ്യൂട്ടിറിവിമ്പ്രിയോ എന്നയിനം ബാക്ടീരിയ വളരെ കൂടിയ അളവില്‍ ഉണ്ടെന്നു കണ്ടു. ഇത് കട്ടന്‍ ചായയും ഗ്രീന്‍ ടീയും ഊര്‍ജ്ജത്തിന്റെ ചയാപചയത്തെ എങ്ങനെ മാറ്റം വരുത്തുന്നു എന്ന് വിശദീകരിക്കാന്‍ കഴിയും.

രണ്ടു ചായയുടെയും ഗുണങ്ങള്‍ നിരോക്‌സീകാരികള്‍ നല്‍കുന്ന പ്രയോജനങ്ങള്‍ക്കും അപ്പുറമാണെന്നും പഠനം പറയുന്നു. രണ്ടു ചായയ്ക്കും ഉദരത്തിലെ സൂക്ഷ്മാണുക്കളില്‍ (gut microbiome) ശക്തമായ സ്വാധീനമുണ്ട് എന്ന് പഠനത്തിനു നേതൃത്വം നല്‍കിയ യു സി എല്‍ എ സെന്റര്‍ ഫോര്‍ ഹ്യൂമന്‍ ന്യൂട്രീഷന്‍ ഡയറക്ടറായ ഷാപോപിങ് ലി പറയുന്നു.

മുഖം വെളുക്കാന്‍ ഉള്ള ക്രീം വാങ്ങി തേച്ച നൂറിലേറെ പേര്‍ ആശുപത്രിയില്‍, സംഭവം കാസര്‍കോട്
Posted by
05 October

മുഖം വെളുക്കാന്‍ ഉള്ള ക്രീം വാങ്ങി തേച്ച നൂറിലേറെ പേര്‍ ആശുപത്രിയില്‍, സംഭവം കാസര്‍കോട്

കാസര്‍കോട് : മുഖം വെളുക്കാന്‍ ഉള്ള ക്രീം വാങ്ങി തേച്ച നൂറിലേറെ പേര്‍ ചികിത്സയില്‍. കാസര്‍ഗോഡ് ആണ് സംഭവം.മുഖം വെളുക്കാനുള്ള വിദേശ ക്രീം വാങ്ങി പുരട്ടിയ നൂറ്റിയറുപതോളം പേരാണു ചര്‍മപ്രശ്‌നങ്ങളുമായി ചികിത്സ തേടിയത്. ഇന്‍സ്റ്റിറ്റിയൂട്ട് ഓഫ് അപ്ലൈഡ് ഡെര്‍മറ്റോളജിയില്‍ (ഐഎഡി) ഒരുമാസത്തിനിടെ എത്തിയത് നൂറ്റി അറുപതോളം പേര്‍. ഡോക്ടറുടെ കുറിപ്പടിയില്ലാതെ നല്‍കാവുന്ന ഗണത്തില്‍പെട്ടതിന്റെ ആനുകൂല്യം മുതലാക്കി ബുക്ക് സ്റ്റാളിലും ബാര്‍ബര്‍ ഷോപ്പിലും വരെ ഇത് ലഭ്യമാണ്.

വിദേശത്തു നിന്നെത്തുന്ന രണ്ടു ക്രീമുകള്‍ക്കു പുറമെ, അഞ്ചിലേറെ ഇന്ത്യന്‍ ക്രീമുകളും ഇവിടെ ലഭിക്കുന്നു.അയാള്‍ ജില്ലകളില്‍ നിന്നും കര്‍ണ്ണാടകയില്‍ നിന്നും വരെ ക്രീം വാങ്ങാന്‍ ആളുകള്‍ എത്തുന്നുണ്ട്. ഇതിലുള്ള ഘടക പദാര്‍ത്ഥങ്ങള്‍ ഏതെന്നു പോലും മരുന്നില്‍ വ്യക്തമാക്കിയിട്ടില്ല. ഈ ക്രീം ഉപയോഗിക്കുന്നതില്‍ അധികവും ആണ്‍കുട്ടികള്‍ ആണ്.

ചികിത്സ തേടുന്നവര്‍ക്ക് ക്രീം ഉപയോഗിക്കാത്തപ്പോള്‍ മുഖം കൂടുതല്‍ ഇരുണ്ടുപോവുന്നു, പൊള്ളലേറ്റതു പോലെ ചുവന്നു തിണര്‍ത്ത പാടുകള്‍ ഉണ്ടാവുന്നു, നെറ്റിയില്‍ ഇരുണ്ട പാടുകള്‍ ഉണ്ടാവുന്നു തുടങ്ങിയവ ആണ് പ്രധാന പരാതികള്‍. സ്റ്റിറോയ്ഡുകളുടെയും മെര്‍ക്കുറിയുടെയും സാന്നിധ്യം ഈ ക്രീമുകളിലുണ്ടാവുമെന്നു ചര്‍മരോഗ വിദഗ്ധര്‍ പറയുന്നത്.