Today world mental health day: Children likes loneliness more prone to suicide
Posted by
10 October

ഇന്ന് ലോക മാനസികാരോഗ്യദിനം; കതകടച്ച് ഒറ്റക്കിരിക്കുന്ന കുട്ടികളില്‍ ആത്മഹത്യാ പ്രവണത വര്‍ധിക്കും

-ഫഖ്‌റുദ്ധീന്‍ പന്താവൂര്‍

ഓടോബര്‍ 10 ലോക മാസികാരോഗ്യ ദിനമായാണ് ഐക്യരാഷ്ട്ര സഭ കൊണ്ടാടുന്നത്. മനശാസ്ത്രപരമായ പ്രഥമ ശുശ്രൂഷയെന്നതാണ് ഇത്തവണത്തെ ലോക മനശാസ്ത്ര ദിനം മുന്നോട്ടുവയ്ക്കുന്ന പ്രധാന ആശയം. ശരീരത്തിന്റെ ആരോഗ്യം പോല്‍ പ്രധാനമാണ് മനസിന്റെ ആരോഗ്യവും.

കുട്ടികളിലാണ് മാനസികാരോഗ്യത്തിന്റെ കുറവ് കൂടുതല്‍ കാണുന്നത്. അണുകുടുംബങ്ങളിലെ ജീവിതമാകാം ഇതിന് പ്രധാന കാരണം. ലോകത്തിലേക്കുള്ള കിളിവാതിലുകളായ കുട്ടികളുടെ മാനസികാരോഗ്യം രക്ഷിതാക്കള്‍ ശ്രദ്ധിച്ചില്ലെങ്കില്‍ വലിയ അപകടങ്ങളാണ് നേരിടേണ്ടി വരിക.
പിണങ്ങിയാല്‍ വാതിലടച്ച് റൂമില്‍ ഒറ്റക്കിരിക്കുന്നവരാണോ നിങ്ങളുടെ കുട്ടികള്‍? സൂക്ഷിക്കണം വിഷാദ രോഗികള്‍ ആകുമെന്ന് മാത്രമല്ല ഇത്തരക്കാരില്‍ ആത്മഹത്യാ പ്രവണതയും കൂടുതലാണ്.
നിങ്ങള്‍ നല്ലൊരു കേള്‍വിക്കാരനാവുക. കുട്ടികളുടെ മാനസികാരോഗ്യത്തിന് രക്ഷിതാക്കളുടെ മാനസികാരോഗ്യവും പ്രധാനമാണ്. കുട്ടികളോടൊപ്പമാകുമ്പോള്‍ നിങ്ങളും കുട്ടിയാവുക. അവരുടെ കൊച്ചു കൊച്ചു കാര്യങ്ങള്‍ കേള്‍ക്കാന്‍ തയ്യാറാവുക. നിങ്ങളാവട്ടെ അവരുടെ റോള്‍ മോഡല്‍. കൂട്ടുകാരന്‍/കൂട്ടുകാരി എല്ലാം …

ഒന്ന് സംസാരിച്ചാല്‍ മാത്രം തീരാവുന്ന പ്രശ്‌നങ്ങളെ നമ്മുടെ കുട്ടികള്‍ക്കുള്ളൂ. മാനസികാരോഗ്യമില്ലാത്ത തലമുറ രാജ്യത്തിന്റെ പുരോഗതിയെ പാടെ പിറകിലേക്ക് വലിക്കും. കുട്ടികളെ പ്രോല്‍സാഹിപ്പിക്കാനും അനുമോദിക്കാനും ശ്രമിച്ച് നോക്കൂ. അവര്‍ മാലാഖമാരെപ്പോലെയാകും.
ചെറിയ കാര്യങ്ങളില്‍ പോലും അസ്വസ്ഥത പ്രകടിപ്പിക്കുന്നവരാണോ നിങ്ങള്‍ ? ഏത് കാര്യങ്ങളും എതിര്‍ക്കുന്നവരാണോ ? നിങ്ങളൊരു സംശയാലുവാണോ? അമിതഭയം മൂലം ഒന്നിലും ഇടപെടാതെ മാറി നില്‍ക്കുന്നവരാണോ?
ഉത്തരം യേസ് എന്നാണെങ്കില്‍ നിങ്ങളുടെ മാനസികരാഗ്യം തകരാറിലാണ്. ഒരു കാര്യം മനസിലാക്കുക. പ്രശ്‌നങ്ങളെ അഭിമുഖീകരിക്കുക. റിസള്‍ട്ട് എന്തുമാകട്ടെ… പ്രശ്‌നങ്ങളെ അഭിമുഖീകരിച്ച് മുന്നോട്ട് പോകാനുള്ള കഴിവാണ് നിങ്ങള്‍ നേടിയെടക്കുന്നത്. അതാണ് ജീവിതത്തിലെ യഥാര്‍ത്ഥ വിജയം .

മനസ്സിന്റെ അടിസ്ഥാന വികാരങ്ങള്‍ നാലാണ്

1. സന്തോഷം
2. വെറുപ്പ്
3. ദുഃഖം
4. ഭയം

ഈ നാല് അടിസ്ഥാന വികാരങ്ങള്‍ക്കുമേലാണ് മറ്റു വികാരങ്ങളെല്ലാം. സന്തോഷമില്ലെങ്കില്‍ സ്‌നേഹമോ സെക്‌സോ ആസ്വദിക്കാന്‍ കഴിയില്ല.
ഇതില്‍ സന്തോഷം മാത്രമാണ് പോസറ്റീവായ വികാരം. ബാക്കി മൂന്നും നെഗറ്റീവാണ്. അതായത് ഒരാളെ നോര്‍മല്‍ എന്ന് പറയുന്നത് 1:3 എന്ന് നോക്കിയാണ്. യഥാര്‍ത്ഥത്തില്‍ ഇയാള്‍ നോര്‍മലെന്ന് പറയാനൊക്കില്ല. കാരണം മൂന്ന് നെഗറ്റിവ് വികാരങ്ങളാണ് അയാളെ സ്വാധിനാക്കുന്നത്.

ഒരാളില്‍ സന്തോഷം ഉണ്ടാകുമ്പോള്‍ 25 % *സെറാട്ടോണിന്‍* എന്ന ഹോര്‍മോണ്‍ ഉല്‍പ്പാദിപ്പിക്കുന്നു. എന്നാല്‍ ഒരാളില്‍ ഭയം, വെറുപ്പ്, േദഷ്യം എന്നി വികാരങ്ങള്‍ ഉണ്ടാകുമ്പോള്‍ *അഡ്രിനാലിന്‍* എന്ന ഹോര്‍മോണാണ് ഉല്‍പ്പാദിപ്പിക്കുക .

നിങ്ങള്‍ രാവിലെ സന്തോഷവനാകുമ്പോള്‍ നിങ്ങളുടെ രക്തത്തില്‍ *സെറാട്ടോണിന്‍* 25 % ഉല്‍പ്പാദിപ്പിക്കുന്നു. നിങ്ങള്‍ ആരോടെങ്കിലും ദേഷ്യപ്പെട്ടാലോ 50 ശതമാനം അഡ്രിനാലിന്‍ ആണ് ഉല്‍പ്പാദിപ്പിക്കുക. അതോടെ നല്ല ഹോര്‍മോണ്‍ പകുതി കുറയും. വെറുപ്പ് ആണെങ്കില്‍ അഡ്രിനാലിന്റെ അളവ് 75 % ആണ്. ഭയമാണങ്കിലോ 100 ശതമാനവും. നിങ്ങള്‍ ഭാര്യയോട്/മക്കളോട്/ഭര്‍ത്താക്കന്മാരോട്/ ജീവനക്കാരോട് ദേഷ്യപ്പെട്ടാല്‍ വെറുപ്പ് ഉണ്ടായാല്‍ നിങ്ങളെ നോര്‍മല്‍ എന്ന് വിളിക്കാനാവില്ല .

ഇതിനര്‍ത്ഥം നിങ്ങള്‍ ഒട്ടും ദേഷ്യപ്പെടുകയോ വെറുപ്പ് കാണിക്കുകയോ ഭയപ്പെടുകയോ ചെയ്യരുത് എന്നല്ല. ഇത്തരം വികാരങ്ങള്‍ ഉണ്ടാകുമ്പോള്‍ അതില്‍ സന്തോഷം കണ്ടെത്താന്‍ ശ്രമിക്കുക. മക്കളോട് അരുതാത്തത് കാണുമ്പോള്‍ ദേഷ്യപ്പെടുന്നയാള്‍ അതവന്റെ നല്ലതിനെന്ന് കരുതി അതില്‍ സന്തോഷിക്കുക. അതോടെ *സെറാട്ടോണിന്‍* ഹോര്‍മോണ്‍ രക്തത്തില്‍ ബാലന്‍സ് ചെയ്യാനാകും. ഏതവസ്ഥയിലും സന്തോഷവാനാകാന്‍ കഴിയും എന്ന് സാരം …

ഇന്ന് മുതല്‍ ജീവിതത്തില്‍ എപ്പോഴും സന്തോഷം കണ്ടെത്താന്‍ ശ്രമിക്കുമല്ലോ… നിങ്ങള്‍ക്കത് കഴിയും. അതിലാണ് നിങ്ങളുടെ മാനസികാരോഗ്യം.
മനസ്സില്‍ ദു:ഖമാണെങ്കില്‍ 50 ശതമാനം അഡ്രിനാല്‍ ഉണ്ടാകും. ദേഷ്യത്തിലാണെങ്കില്‍ 75 ശതമാനവും. ഭയത്തിലാണ് മനസ്സ് എങ്കില്‍ 100 ശതമാനമാണ് അഡ്രിനാല്‍ എന്ന ഹോര്‍മോണ്‍ ശരീരത്തില്‍ ഉല്‍പ്പാദിപ്പിക്കുന്നത്. ഫലമോ മനസ്സും ശരീരവും രോഗത്തിന് കീഴ്‌പ്പെടും.

( ഹിപ്പ് നോട്ടിക്കല്‍ കൗണ്‍സിലറും മൈന്റ് കണ്‍സള്‍ട്ടന്റുമാണ് ലേഖകന്‍ )

main symptoms of heart attack
Posted by
07 October

നിങ്ങളില്‍ ഈ ലക്ഷണങ്ങള്‍ കണ്ടു തുടങ്ങിയോ?.. എങ്കില്‍ ഉറപ്പിച്ചോളു ഒരു മാസത്തിനുള്ളില്‍ നിങ്ങള്‍ക്ക് ഹാര്‍ട്ട് അറ്റാക്ക് വന്നിരിയ്ക്കും

ചിട്ടയല്ലാത്ത ഭക്ഷണക്രമം കൊണ്ടും തെറ്റായ ജീവിതശൈലി കൊണ്ടും ഹൃദ്രോഗ ബാധിതരുടെ എണ്ണം ദിനം പ്രതി വര്‍ധിച്ചു വരികയാണ്. അന്‍പതുവയസിലും അറുപത് വയസിലും ഉണ്ടാകുന്ന അറ്റായ്ക്ക് ഇന്ന് 25നു ശേഷം എപ്പോള്‍ വേണമെങ്കിലും വരാം എന്നായിരിക്കുന്നു.

ആരോഗ്യകരമല്ലാത്ത ഭക്ഷണക്രമവും വ്യായാമക്കുറവുമാണ് ഇതിനു കാരണം. താഴെ പറയുന്ന ലക്ഷണങ്ങള്‍ ശ്രദ്ധയില്‍ പെട്ടാല്‍ എത്രയും വേഗം വൈദ്യസഹായം തേടുക. കാരണം ഹൃദയാഘാതം ഉണ്ടാകുന്നതിനു ഒരു മാസം മുമ്പ് ഈ ലക്ഷണങ്ങള്‍ ഉണ്ടാകാം.

 

1, ശരീരത്തിന്റെ ആരോഗ്യം നഷ്ടപ്പെടുകയും ശക്തമായ തളര്‍ച്ചയും ക്ഷീണവും തോന്നുകയും ചെയ്യുന്നുണ്ടെങ്കില്‍ ശ്രദ്ധിക്കുക. ശരീരത്തിലെ രക്തപ്രവാഹം കുറഞ്ഞുവരുന്നതുകൊണ്ടാണ് ഇങ്ങനെ സംഭവിക്കുന്നത്.

2, ശരീരം അമിതമായി വിയര്‍ക്കുന്നുണ്ടെങ്കിലും ശ്രദ്ധിക്കണം. തലച്ചോറിലേയ്ക്കുള്ള രക്തപ്രവാഹം തടസപ്പെടുന്നതു കൊണ്ടാണ് ഇങ്ങനെ സംഭവിക്കുന്നത്.

3, നെഞ്ചില്‍ ഭാരം ഇരിക്കുന്ന പോലെ തോന്നുകയും ശക്തമായ നെഞ്ചുവേദന അനുഭവപ്പെടുകയും ചെയ്താല്‍ അവഗണിക്കരുത്. ഈ വേദന തോളിലേയ്ക്കും കൈകളിലേയ്ക്കും പുറത്തേയ്ക്കും വ്യാപിച്ചാല്‍ സൂക്ഷിക്കുക.
4, മുകളില്‍ പറഞ്ഞ ലക്ഷണങ്ങളൊടൊപ്പം ശക്തമായ ജലദോഷം പനി എന്നിവ ഉണ്ടാകുന്നതും അവഗണിക്കാതിരിക്കുക. ഇത് ഹൃദയാഘാതത്തിന്റെ പ്രധാന ലക്ഷണങ്ങളില്‍ ഒന്നായി കണക്കാക്കുന്നു.

5, ശക്തമായ ശ്വാസതടസം അനുഭവപ്പെടുകയാണെങ്കില്‍ ഡോക്ടറെ കാണാന്‍ വൈകരുത്. രക്തപ്രവാഹം കുറയുന്നതിന്റെ പ്രധാന ലക്ഷണങ്ങളില്‍ ഒന്നാണിത്.

hair protection
Posted by
07 October

നര അകറ്റാന്‍ ഇനി സവാളയായാലോ

മുടിയില്‍ ഉപയോഗിക്കുന്ന കെമിക്കലുകള്‍, സുരഷിതമല്ലാത്ത വെള്ളം, ഹോര്‍മോണ്‍ വ്യത്യാസം എന്നിവയൊക്കെ കാരണം നേരിടുന്ന പ്രശ്‌നമാണ് അകാല നര. പ്രായമായവരായാലും ചെറുപ്പക്കാരായാലും നര മറയ്ക്കാന്‍ ഉപയോഗിക്കുന്നത് വീണ്ടും കെമിക്കലുകള്‍ അടങ്ങിയ ഡൈയോ ഹെയര്‍ കളറോ ആണ്. ഇത് മുടിക്ക് കൂടുതല്‍ ദോഷം ചെയ്യുകയേ ഉള്ളൂ. എന്നാല്‍ നര മാറ്റാനും മുടി കൊഴിയുന്നത് ഒഴിവാക്കാനും സവാള ഉപയോഗിച്ചാലോ. വീട്ടില്‍ തന്നെ ചെയ്യാന്‍ സാധിക്കുന്ന ഈ പൊടിക്കൈയിലൂടെ മുടിയുടെ എല്ലാ പ്രശ്‌നങ്ങളും മാറ്റാം.

ഒരു സവാള എടുത്ത് ചെറിയ കഷ്ണങ്ങളാക്കിയ ശേഷം മിക്‌സിയില്‍ നന്നായി അരച്ച് പേസ്റ്റ് രൂപത്തിലാക്കിയ ശേഷം തലയോട്ടിയില്‍ നന്നായി തേച്ചു പിടിപ്പിക്കുക. ഒരു മണിക്കൂറിന് ശേഷം നന്നായി കഴുകി കളയുക. താരന്‍ മാറാനും മുടി കൊഴിച്ചില്‍ മാറാനും ഏറ്റവും ഫലപ്രദമായ മാര്‍ഗ്ഗമാണിത്.

ഇതേ രീതിയില്‍ സവോള പേസ്റ്റ് തലയോട്ടിയില്‍ പുരുട്ടന്നതോടൊപ്പം സവാള നീര് എടുത്ത് തല മുടിയിലും നന്നായി തേച്ചു പിടിപ്പിക്കുക. ഡൈ ഉപയോഗിക്കുന്നതിന് പകരം ചെയ്യാന്‍ പറ്റുന്ന പ്രകൃതി ദത്തമായ മാര്‍ഗ്ഗമാണിത്.

മുടികള്‍ സംരക്ഷിക്കാനുള്ള കരുത്ത് സവാളയ്ക്കുണ്ട്. വിറ്റാമിന്‍ സി, വിറ്റാമിന്‍ ബി6, സള്‍ഫര്‍, ജര്‍മേനിയം, മഗ്‌നീഷ്യം, പൊട്ടാസ്യം എന്നിവ സവോളയില്‍ അടങ്ങിയിരിക്കുന്നു. ഇവയാണ് മുടിയെ സംരക്ഷിക്കാന്‍ സഹായിക്കുന്നത്. എന്നാല്‍ ഇത് ഉപയോഗിക്കുന്നതിനു മുന്‍പ് കൈകളില്‍ പുരട്ടി അലര്‍ജി ഉണ്ടാകുമോ എന്ന് പരിശോധിക്കുന്നത് നല്ലതാണ്.

alert on bitter gourd used woman
Posted by
06 October

പാവയ്ക്ക ഉപയോഗിക്കുന്ന സ്ത്രീകള്‍ക്ക് ഒരു മുന്നറിയിപ്പ്

മലയാളികളുടെ ഇഷ്ട വിഭവങ്ങളില്‍ ഒന്നാണു പാവയ്ക്ക. എന്നാല്‍ പാവയ്ക്കയുടെ അമിത ഉപയോഗം ചില അപകടങ്ങള്‍ ക്ഷണിച്ചുവരുത്തുമത്രെ. പാവയ്ക്കയുടെ അമിതമായ ഉപയോഗം ഉണ്ടാക്കുന്ന പ്രശ്‌നങ്ങള്‍ ഇവയാണ്.

ഗര്‍ഭകാലത്തു ഗര്‍ഭിണികള്‍ കഴിക്കുന്ന ആഹാരത്തില്‍ കൂടുതല്‍ ശ്രദ്ധ വേണം ഇല്ലെങ്കില്‍ ചിലപ്പോള്‍ പണിപാളും. കാരണം ചില ആഹാരം ഗര്‍ഭം അലസാന്‍ കാരണമായേക്കാം.

ഗര്‍ഭം അലസിപ്പിക്കുന്ന ഭക്ഷണങ്ങളില്‍ ഒന്നാണത്രെ പാവയ്ക്ക.ആര്‍ത്തവകാലത്തും പാവയ്ക്ക കഴിക്കാതിരിക്കുന്നതാണു നല്ലത്. കാരണം ഈ സമയത്തു പാവയ്ക്ക കഴിക്കുന്നതു രക്തപ്രവാഹം വര്‍ധിപ്പിക്കാന്‍ ഇടയാക്കും.

പ്രമേഹത്തിന് മികച്ച മരുന്നാണു പാവയ്ക്ക എന്നു പറയുന്നു. എന്നാല്‍ പ്രമേഹത്തിനുള്ള മരുന്നും പാവയ്ക്ക ജ്യൂസും ഒരുമിച്ചു കഴിക്കുന്നത് അപകടമാണ് എന്നു പറയുന്നു.

പാവയ്ക്കയുടെ അമിതമായ ഉപയോഗം പലപ്പോഴും പ്രമേഹത്തിന്റെ അളവ് വളരെയതികം താഴ്ത്താന്‍ ഇടയാക്കുമത്രെ. അമിതമായ പാവയ്ക്കയുടെ ഉപയോഗം ഛര്‍ദ്ദിക്ക് കാരണമായേക്കാം.

toothpaste usage
Posted by
06 October

ടൂത്ത് പേസ്റ്റ് ഉപയോഗിച്ച് നഖങ്ങള്‍ വൃത്തിയാക്കാം

പല്ലുകളുടെ ഇനാമല്‍ സംരക്ഷിക്കുന്നതിനു മാത്രമല്ല ഇനി ടൂത്ത് പേസ്റ്റ് ഉപയോഗിക്കാന്‍ മറ്റു ചില കാരണങ്ങള്‍ കൂടിയുണ്ട്. നഖങ്ങള്‍ വൃത്തിയാക്കാനും ഇനി മുതല്‍ ടൂത്ത് പേസ്റ്റ് പരീക്ഷിച്ചുനോക്കാം. ഒരല്പം ടൂത്ത് പേസ്റ്റ് നഖങ്ങള്‍ക്കുചുറ്റും തേച്ചതിനു ശേഷം നന്നായി ബ്രഷ് ഉപയോഗിച്ച് വൃത്തിയാക്കുക. നഖങ്ങള്‍ വൃത്തിയാകുക മാത്രമല്ല, നെയില്‍പോളീഷും ഇതിലൂടെ കളയാന്‍ സാധിക്കും. നഖങ്ങള്‍ വെളുക്കാനും വൃത്തിയാക്കാനും ഇതിലൂടെ സാധിക്കും.

special story healthy foods for mind
Posted by
06 October

ശരീരത്തിന് മാത്രമല്ല മനസ്സിനും വേണം ഭക്ഷണം; മനസ്സിന്റെ അലസതയാണ് രോഗങ്ങള്‍ ക്ഷണിച്ച് വരുത്തുന്നത്

-ഫഖ്‌റുദ്ധീന്‍ പന്താവൂര്‍

മനസ്സിനും ഭക്ഷണമോ? ഞെട്ടണ്ട ശരീരത്തിന് മാത്രമല്ല മനസ്സിനും വേണം ഭക്ഷണം. മനസ്സിന് വേണ്ടുന്ന ഭക്ഷണങ്ങളെക്കുറിച്ച് ശരിക്ക് മനസ്സിലാക്കിയാല്‍ ശരീരത്തിന്റെ ആരോഗ്യം വര്‍ധിക്കും. കാരണം രോഗങ്ങള്‍ വരാന്‍ പ്രധാന കാരണം മനസ്സാണ്.

രോഗങ്ങളും മനസും തമ്മില്‍ വല്ല ബന്ധവുമുണ്ടോ? ഉണ്ട് എന്നാണ് ഉത്തരം. ശരീരത്തിന് രോഗമുണ്ടാകുന്നതില്‍ കാര്യമായ പങ്ക് മനസിനാണ്. മനസ്സിന്റെ അലസതയാണ് പലപ്പോഴും രോഗങ്ങളെ ക്ഷണിച്ച് വരുത്തുന്നത്. മനസ്സ് ദുര്‍ബലമായാല്‍ ശരീരവും ദുര്‍ബലമാകും. മനസ്സിനെ നിയന്ത്രിച്ച് വരുതിയില്‍ നിര്‍ത്താന്‍ കഴിഞാല്‍ ജിവിതം വിജയിച്ചു എന്ന് പറയാം.

ശരീരത്തിനെന്ന പോലെ മനസ്സിനും വേണം ഭക്ഷണം. ഓരോ ശരീരത്തിനും മൂന്ന് രീതിയിലാണ് ഭക്ഷണം വേണ്ടത്.

1. ഓര്‍ഡിനറി ഭക്ഷണം
2. എനര്‍ജിക് ഭക്ഷണം
3. വ്യായാമം

ഇതുപോലെ തന്നെ മനസ്സിനും ഭക്ഷണം വേണം .എന്നാലേ മനസ്സ് ആരോഗ്യത്തോടെയിരിക്കു. മനസ്സ് നന്നായാല്‍ രോഗങ്ങള്‍ നമ്മെ കീഴടക്കില്ല. ഏത് വലിയ അസുഖങ്ങളോടും ചീ പറയാം.

എന്തൊക്കെയാണ് മനസ്സിന് ആവശ്യമായ ഭക്ഷണം ?

1. ഓര്‍ഡിനറി ഭക്ഷണം: അതായത് മനസ്സിന് ആവശ്യമായ ഓര്‍ഡിനറി ഭക്ഷണം അറിവുകളും ആശയങ്ങളുമാണ്. മനസ്സിലേക്ക് നല്ലത് മാത്രം നല്‍കുക. നല്ലത് മാത്രം ചിന്തിക്കുക. നാം എന്ത് ചിന്തിക്കുന്നോ അതാണ് നാം എന്ന് എപ്പോഴും ഓര്‍ക്കുക. ചീത്ത ആശയങ്ങളും യൂസ്ഫുള്‍ അല്ലാത്ത അറിവുകളും നല്‍കുമ്പോള്‍ മനസ്സ് കലുഷിതമാകും. ഫലമോ മനസ്സിന്റെ ആരോഗ്യം നഷ്ടപ്പെട്ട് പോകും. ശുഭ ചിന്തകള്‍ കൊണ്ട് സമ്പന്നമായ മനസ്സ് ആരോഗ്യത്തിന്റെ ലക്ഷണമാണ്. അപ്പോള്‍ ഒരു ശരാശരി മനസ്സിന് ആരോഗ്യം ഉണ്ടാകാന്‍ നല്ല അറിവുകളും ആശയങ്ങളും അടങ്ങുന്ന ഓര്‍ഡിനറി ഭക്ഷണം നിര്‍ബന്ധമാണ്.

2 എനര്‍ജിക് ഫുഡ്: മനസ്സിന്റെ എനര്‍ജിക് ഫുഡ് മനസ്സിനെ തിരിച്ചറിയുക എന്നതാണ്. ഓരോരുത്തരുടെയും കഴിവും കഴിവുകേടുകളും തിരിച്ചറിയുക. ഒരാള്‍ തന്നെത്തന്നെ അറിഞ്ഞാല്‍ ഈശ്വരനെ അറിഞ്ഞു എന്നാണ് പ്രവാചക വചനം. എല്ലാ മതങ്ങളും സൈക്കോളജിയും ഇത് തന്നെയാണ് പറയുന്നതും
3. വ്യായാമം: ശരീരരത്തിനെന്ന പോലെ മനസ്സിനും വേണം വ്യായാമം . മനസ്സിന്റെ വ്യായാമം ധ്യാനം , യോഗ ,ഉപാസന എന്നിവയൊക്കെയാണ് . മനസ്സിന്റെ ചിന്തകളെ നിയന്ത്രിച്ച് നിര്‍ത്താന്‍ ധ്യാനത്തിനും യോഗക്കും കഴിയുന്നു .

ശരീരത്തിന് നന്നായി ഭക്ഷണം നല്‍കിയാലും ആവശ്യമായ വ്യായാമം ഇല്ലെങ്കില്‍ അസുഖങ്ങള്‍ വരാറില്ലേ. അതുപോലെയാണ് മനസ്സും. ആവശ്യമായ ധ്യാനവും യോഗയും ഉപാസനയുമൊക്കെ വേണം .ഏതെങ്കിലും ഒന്ന് നിര്‍ബന്ധമാണ്. ചിന്തകളുടെ സംഭരണിയാണ് മനസ്സ് . അതില്‍ നെഗറ്റീവ് ചിന്തയുണ്ട്. പോസറ്റീവ് ഉണ്ട് .അനാവശ്യ ചിന്തകളുടെ എണ്ണം കുറക്കാനും നിയന്ത്രിക്കാനും എടുക്കുന്ന പ്രക്രിയയാണ് ധ്യാനം .
നിങ്ങള്‍ക്ക് കൃത്യമായ ഒരു ധ്യാന രീതി അറിയില്ലെങ്കില്‍ പേടിക്കേണ്ട ഒരു വഴിയുണ്ട്. ഏതൊരു പ്രവര്‍ത്തി ചെയ്യുമ്പോഴും അതില്‍ മാത്രം ശ്രദ്ധ കേന്ദ്രീകരിക്കുക. അതും ഒരു ധ്യാനമാണ്.

നിങ്ങളുടെ മനസ്സ് ആരോഗ്യത്തോടെ യിരിക്കേണ്ടത് നിങ്ങളുടെ മാത്രം ആവശ്യമല്ല .നിങ്ങളെ ആശ്രയിക്കുന്ന ഭാര്യ / ഭര്‍ത്താവ് / ,മക്കള്‍ ,രക്ഷിതാക്കള്‍ , തൊഴിലാളികള്‍, മേലുദ്യോഗസ്ഥര്‍ തുടങ്ങി എല്ലാവരുടെയും ആരോഗ്യത്തിനും ഗുണകരമായ മാറ്റങ്ങള്‍ക്കും ആവശ്യമാണ്. ചുറ്റുമുള്ളതൊക്കെ നന്നായതിന് ശേഷം നന്നാകാന്‍ കാത്തിരിക്കുന്ന ചിലരുണ്ട്.തിരയൊഴിഞ് കടലിലിറങ്ങാന്‍ കാത്തിരിക്കുന്നവരെപ്പോലെയാണിവര്‍. നിങ്ങള്‍ ശുഭകാര്യങ്ങള്‍ മാത്രം ചിന്തിക്കുക, മനസ്സ് നിറയെ നന്മകളാല്‍ പൂക്കട്ടെ. രോഗവിമുക്തമായ ശരീരം നിങ്ങള്‍ക്ക് ലഭിക്കും. മനസ്സിനെക്കുറിച്ചുള്ള ശരിയായ അറിവാണ് ആത്മീയത. (മതങ്ങള്‍ പറയുന്ന ആത്മീയതയല്ല ഇവിടെ പറയുന്നത്) ഞാന്‍ ആരാണെന്നുള്ള അറിവാണ് ആത്മീയത. 95 ശതമാനം പേര്‍ക്കും ഇല്ലാതെ പോയത് ഈ അറിവാണ് .

(ഹിപ്പ്‌നോട്ടിക്കല്‍ കൗണ്‍സിലറും മൈന്റ് കണ്‍സള്‍ട്ടന്റുമാണ് ലേഖകന്‍)

beer habit in daily life
Posted by
05 October

മദ്യപാനം ആരോഗ്യത്തിന് ഹാനികരമാകുമ്പോഴും ബിയര്‍ കുടിക്കുന്നതിന്റെ പത്തു ഗുണങ്ങള്‍

മദ്യപാനം ആരോഗ്യത്തിന് ഹാനികരമാണെന്ന് എല്ലാവര്‍ക്കും അറിയാം. അത് ബിയറായാലും ലിക്കറായാലും ആരോഗ്യം നശിപ്പിക്കും. ഇക്കാര്യം അറിയാത്തവര്‍ അല്ല ആരും. ഇവിടെ പറഞ്ഞുവരുന്നത് മറ്റു ചില കാര്യങ്ങളാണ്. ചില മാറ്റങ്ങള്‍ വരുത്തിയാല്‍ ബിയര്‍ കുടിക്കുന്നത് നിങ്ങള്‍ക്ക് ആരോഗ്യത്തിന് നല്ലതാണെന്ന കാര്യം. മദ്യപാനത്തെ പ്രോത്സാഹിപ്പിക്കാനല്ലെന്ന കാര്യം എടുത്തു പറഞ്ഞു കൊണ്ട് തന്നെ പറയട്ടെ മോഡറേറ്റ് ഡ്രിങ്കിംഗ് ചിലപ്പോഴൊക്കെ ഗുണം ചെയ്‌തേക്കാം.

ബിയര്‍ കുടിക്കുന്നവര്‍ ദീര്‍ഘകാലം ജീവിക്കും എന്നാണ് പഠനങ്ങള്‍ വ്യക്തമാക്കുന്നത.്
പരിമിതമായ മദ്യപാനം ആരോഗ്യത്തിന് ഹാനികരമാകുന്നില്ലെന്നിരിക്കെ ബിയര്‍ ആണ് ഈ ഗണത്തില്‍ പെടുന്നത്. അമിതമായ മദ്യപാനം ആരോഗ്യത്തെ തകര്‍ക്കുമെന്ന കാര്യം ഉറപ്പാണ്. അമിതമായി മദ്യപിക്കുന്നവര്‍ക്ക് ക്യാന്‍സര്‍, ലിവര്‍ സിറോസിസ് അടക്കമുള്ള രോഗങ്ങള്‍ ഉണ്ടാവുക സ്വാഭാവികമാണ്. എന്നു കരുതി മദ്യപിക്കാതിരുന്നാല്‍ അസുഖങ്ങള്‍ ഉണ്ടാവില്ലെന്ന് പറയാനുമാവില്ല.

ബിയര്‍ മദ്യത്തിന്റെ ഉപഘടകം എന്നതിലുപരി പ്രകൃതിദത്തമാണെന്നതാണ് വസ്തുത. ബിയറില്‍ അഡിറ്റീവുകളും പ്രിസര്‍വേറ്റീവുകളും അടങ്ങിയിട്ടുണ്ട്. സത്യം എന്താണെന്നാല്‍, ബിയര്‍ പാലോ ഓറഞ്ച് ജ്യൂസോ പോലെ പ്രകൃതിദത്തമാണെന്നാണ് ഗവേഷകര്‍ പറയുന്നത്.
ബിയര്‍ കുടിക്കുന്നതിന്റെ ചില ഗുണങ്ങള്‍ ;

1. ബിയര്‍ കൊളസ്‌ട്രോളിനെ പുരോഗതിയിലെത്തിക്കുന്നു
2.ബിയര്‍ ഉന്‍മേഷം പകരുന്നു
3.വൈറ്റമിന്‍ ബി ധാരാളം അടങ്ങിയിരിക്കുന്നു
4.ബിയര്‍ പച്ചവെള്ളത്തേക്കാള്‍ സുരക്ഷിതം
5.ഹൃദ്രോഗത്തെ പ്രതിരോധിക്കുന്നു
6.അര്‍ബുദത്തോട് പൊരുതുന്നു
7.ബിയര്‍ അമിത ലഹരിയുണ്ടാക്കുന്നില്ല
8.ബിയര്‍ കുടിക്കുന്നവര്‍ ദീര്‍ഘകാലം ജീവിക്കും

Alert to the users of bottled water
Posted by
05 October

പ്ലാസ്റ്റിക് കുപ്പികളില്‍ വെള്ളം കുടിയ്ക്കുന്നവര്‍ അറിയാന്‍

ഭക്ഷണം ഇല്ലെങ്കില്‍ വേണ്ട, എന്നാല്‍ കുടിവെള്ളമില്ലാതെ ജീവന്‍ നിലനിര്‍ത്താനാവുമോ, ഒരിക്കലുമില്ല. കൃത്യമായ ഇടവേളകളില്‍ ആവശ്യമായ വെള്ളം കുടിക്കാത്തതു മൂലമുണ്ടാകുന്ന ആരോഗ്യപ്രശ്‌നങ്ങളും നിരവധിയാണ്. അതുകൊണ്ടു തന്നെ ഒരു യാത്ര പുറപ്പെടുമ്പോള്‍ ഒരു കുപ്പിയില്‍ വെള്ളം കൈയ്യില്‍ കരുതുന്നതാണ് എല്ലാവരുടേയും ശീലം. എന്നാല്‍ വെള്ളം കൊണ്ടുപോകാന്‍ പ്ലാസ്റ്റിക് ബോട്ടിലുകളെ വിശ്വസിക്കാമോ എന്നാണ് ഉയരുന്ന ചോദ്യം. വെള്ളം ശേഖരിക്കാന്‍ നാം ഉപയോഗിക്കുന്ന ബോട്ടില്‍ ആണെങ്കിലും അല്ലെങ്കില്‍ ഷോപ്പുകളില്‍ നിന്നും വില കൊടുത്ത് വാങ്ങുന്ന കുപ്പിവെള്ളം ആണെങ്കിലും വിശ്വസിച്ചുകൂട എന്നാണ് പഠനങ്ങള്‍ പറയുന്നത്.

വീണ്ടും ഉപയോഗിക്കാന്‍ കഴിയുന്ന പ്ലാസ്റ്റിക് കുപ്പികളില്‍ ആണെങ്കില്‍ പോലും വെള്ളം ശേഖരിച്ചുവച്ച് കുടിക്കുന്നത് ഒട്ടും ആരോഗ്യകരമല്ലെന്നാണ് പഠനങ്ങള്‍ തെളിയിക്കുന്നത്. കഴുകാതെ വച്ച പ്ലാസ്റ്റിക് കുപ്പികളിലെ വെള്ളത്തില്‍ ടോയ്ലെറ്റുകളില്‍ കാണുന്നതിലധികം ബാക്ടീരിയകളുടെ സാന്നിധ്യമുണ്ടെന്നാണ് പുതിയ പഠനഫലങ്ങള്‍. ഓക്സ്ഫോര്‍ഡ് സര്‍വ്വകലാശാലയിലെ ട്രില്‍മില്‍ റിവ്യൂസ് നടത്തിയ പഠനത്തിലാണ് ഞെട്ടിക്കുന്ന കണ്ടെത്തല്‍.

പ്ലാസ്റ്റിക് കുപ്പികള്‍ കഴുകാതെ ഒരാഴ്ച സ്ഥിരമായി ശുദ്ധജലമെടുത്ത് ഉപയോഗിച്ച് നടത്തിയ പഠനത്തിലാണ് ഈ കണ്ടെത്തല്‍. വിവിധതരം അടപ്പുകളുള്ള പ്ലാസ്റ്റിക് കുപ്പികള്‍ ഉപയോഗിച്ചാണ് പരീക്ഷണം നടത്തിയത്. പരീക്ഷണത്തില്‍ പങ്കെടുത്തതാവട്ടെ പ്രശസ്തനായ ഒരു കായിക താരവുമായിരുന്നു. ഒരാഴ്ചത്തെ ഉപയോഗത്തിനു ശേഷം കുടിവെള്ളക്കുപ്പി പരിശോധനയ്ക്ക് വിധേയമാക്കിയപ്പോള്‍ ടോയ്ലെറ്റുകളില്‍ കാണുന്ന തരത്തിലുളള ബാക്ടീരിയകളുടെ സാന്നിധ്യം വെള്ളത്തില്‍ പോലും കണ്ടെത്താന്‍ സാധിച്ചുവെന്ന് പരീക്ഷണം നടത്തിയ ശസ്ത്രജ്ഞര്‍ വ്യക്തമാക്കുന്നു. മനുഷ്യശരീരത്തെ വളരെയധികം ദോഷകരമായി ബാധിക്കുന്ന ബാക്ടീരിയകളെയാണ് പരീക്ഷണത്തിനിടയില്‍ കണ്ടെത്താനായത്.

അതേസമയം കുടിവെള്ളം സൂക്ഷിക്കാനായി സ്റ്റീല്‍ പാത്രങ്ങള്‍ ഉപയോഗിക്കുന്നതാണ് ഏറ്റവും ഉത്തമമെന്നും പഠനം വ്യക്തമാക്കുന്നുണ്ട്. ഒരു ദിവസം ഏഴ് ലിറ്റര്‍ വരെ ശുദ്ധജലം കുടിക്കുന്നതാവും ശരീരത്തിന് ഏറ്റവും ഉത്തമമെന്നും പഠനത്തില്‍ പങ്കെടുത്ത ഗവേഷകര്‍ വ്യക്തമാക്കുന്നു.

ഗര്‍ഭിണികളായ യുവതികള്‍ മുട്ട കഴിച്ചാല്‍
Posted by
04 October

ഗര്‍ഭിണികളായ യുവതികള്‍ മുട്ട കഴിച്ചാല്‍

വളരെ ഇഷ്ടമാണെങ്കിലും നമ്മളില്‍ പലരും മുട്ട കഴിക്കുന്നത് അല്‍പ്പം ഭയത്തോടെ തന്നെയാണ്. ഇതിനുള്ള പ്രധാന കാരണം കൊളസ്‌ട്രോളാണ്. മുട്ടയുടെ ഉപയോഗം കൊളസ്‌ട്രോളിനു കാരണമാകുമെന്ന ചിന്ത മുട്ട കഴിക്കുന്നതില്‍ നിന്നു പലരേയും പിന്തിരിപ്പിക്കുന്നു.eggs

എന്നാല്‍ മുട്ട കഴിക്കേണ്ടതു ശരീരത്തിന് അത്യവശ്യമാണെന്നു പഠനം. പ്രത്യേകിച്ച് ഗര്‍ഭിണികളായ യുവതികള്‍.കാരണം ഗര്‍ഭസ്ഥ ശിശുവിന്റെ വളര്‍ച്ചയ്ക്കു ഗര്‍ഭിണികള്‍ മുട്ട കഴിക്കേണ്ടത് നിര്‍ബന്ധം ആണത്രെ. മുട്ടയിലൂള്ള പോഷകങ്ങള്‍ കുഞ്ഞിന്റെ വളര്‍ച്ചയ്ക്കു വളരെയധികം സഹായിക്കും. കുഞ്ഞിന്റെ കേന്ദ്രനാഡിവ്യൂഹത്തിന്റെ വളര്‍ച്ചയ്ക്കു മുട്ടയുടെ ഉപയോഗം അത്യന്താപേക്ഷിതമാണ്.

ഗര്‍ഭസ്ഥ ശിശുവിന്റെ സ്‌പൈനല്‍കോഡ്, തലച്ചോര്‍ എന്നിവയുടെ വളര്‍ച്ചയ്ക്കും ഗര്‍ഭിണികള്‍ മുട്ട കഴിക്കേണ്ടതു വളരെ അത്യാവശ്യമാണെന്നു പഠനം പറയുന്നു.

listen black tea drinkers
Posted by
04 October

രാവിലെ കട്ടന്‍ ചായ കുടിയ്ക്കുന്നവര്‍ പ്രത്യേകം ശ്രദ്ധിയ്ക്കുക

ഒട്ടുമിക്ക ആളുകള്‍ക്കും രാവിലെ ഒരു ഗ്ലാസ് ചായ കുടിക്കാതെ ഒരു ദിവസം ആരംഭിക്കുന്ന കാര്യം ഓര്‍ക്കാനെ കഴിയില്ല? ഇനി പാല്‍ ഇല്ലെങ്കില്‍ കട്ടന്‍ ചായ തന്നെ ശരണം. കട്ടന്‍ ചായ ഇഷ്ടപ്പെടാത്തവര്‍ കുറവായിരിക്കും. എന്നാല്‍ ഈ കട്ടന്‍ ചായയ്ക്ക് ചില ഗുണങ്ങളൊക്കെയുണ്ട്. ഇവയൊക്കെയാണ് കട്ടന്‍ ചായയുടെ ഗുണങ്ങള്‍…

1, വിവിധതരം ക്യാന്‍സറുകള്‍ പ്രതിരോധിക്കുന്ന തീഫ്‌ലാവിന്‍സ്, തീരുബിജിന്‍സ്, കാറ്റെച്ചിന്‍സ് തുടങ്ങിയ ആന്റി ഓക്‌സിഡന്റുകള്‍ കട്ടന്‍ ചായയില്‍ അടങ്ങിയിട്ടുണ്ട്.

2, കട്ടന്‍ ചായയില്‍ അടങ്ങിയിട്ടുള്ള തിയോഫിലിന്‍, കഫീന്‍ എന്നിവ, ഉന്‍മേഷവും ഊര്‍ജവും പകരും.

3, കോശങ്ങള്‍ക്കും ഡിഎന്‍എയ്ക്കും സംഭവിക്കുന്ന കേടുപാടുകളെ ചെറുക്കുന്ന പോളിഫിനോള്‍സ് കട്ടന്‍ചായയില്‍ അടങ്ങിയിട്ടുണ്ട്.

4, ഹൃദയാരോഗ്യത്തിനും ഉത്തമം ഹൃദയാഘാതത്തെ ചെറുക്കുകയും ഹൃദയാരോഗ്യത്തിന് ആവശ്യമുള്ള ആന്റി ഓക്‌സിഡന്റുകളുടെ കലവറയാണ് കട്ടന്‍ചായ

5, സ്ഥിരമായി കട്ടചായ കുടിച്ചാല്‍ കൊളസ്‌ട്രോള്‍, പ്രമേഹം എന്നിവ പ്രതിരോധിക്കാനും നിയന്ത്രിക്കാനുമാകും.

6, ചായയില്‍ അടങ്ങിയിട്ടുള്ള ഫൈറ്റോകെമിക്കല്‍സ് അസ്ഥികളുടെ ആരോഗ്യത്തിന് ഉത്തമമാണ്.

7, ചായയില്‍ അടങ്ങിയിട്ടുള്ള അമിനോ ആസിഡ് എല്‍തിയാനിന്‍ എന്ന ഘടകം ഒരു വ്യക്തിയുടെ ഏകാഗ്രത വര്‍ദ്ധിപ്പിക്കുന്നു.

8, ചായയില്‍ അടങ്ങിയിട്ടുള്ള ആല്‍ക്കലിന്‍ എന്ന ആന്റിജന്‍ ശരീരത്തിലെ പ്രതിരോധശേഷി വര്‍ദ്ധിപ്പിക്കുന്നു.

9, കട്ടന്‍ചായയിലെ ഫ്‌ലൂറൈഡ്, പല്ലുകള്‍ക്കും അസ്ഥികള്‍ക്കും നല്ലതാണ്.

10, ക്ഷോഭമില്ലാതാക്കാന്‍ കട്ടന്‍ചായ കുടി സഹായിക്കും.