Cancer death rates declines in America
Posted by
10 January

അമേരിക്കയില്‍ ക്യാന്‍സര്‍ മരണങ്ങള്‍ കുറയുന്നതായി പഠനങ്ങള്‍

ന്യൂയോര്‍ക്ക്: അമേരിക്കയില്‍ കഴിഞ്ഞ 25 വര്‍ഷത്തിനിടയില്‍ ക്യാന്‍സര്‍ മൂലം മരിക്കുന്നവരുടെ എണ്ണത്തില്‍ ഗണ്യമായ കുറവ്. 1991 മുതല്‍ 2014 വരെയുള്ള കണക്ക് പരിശോധിച്ചതില്‍നിന്ന് ക്യാന്‍സര്‍ രോഗം മൂലമുള്ള മരണനിരക്ക് 25 ശതമാനം കുറഞ്ഞതായാണ് അമേരിക്കന്‍ കാന്‍സര്‍ സൊസൈറ്റി നടത്തിയ പഠനത്തില്‍ കണ്ടെത്തിയിരിക്കുന്നത്.

ലക്ഷം പേരില്‍ 215.1 എന്ന നിരക്കിലായിരുന്നു 1991ല്‍ അര്‍ബുദ മരണങ്ങള്‍. ഏറ്റവും കൂടിയ നിരക്കായിരുന്നു ഇത്. എന്നാല്‍, 2014ല്‍ 161.2 എന്ന നിലയിലേക്ക് ഇത് താഴ്ന്നു. പുകവലിക്കുന്നവരുടെ എണ്ണം കുറഞ്ഞതും അര്‍ബുദം നേരത്തേ കണ്ടെത്തി ചികിത്സ തേടുന്നതുമാണ് മരണനിരക്കില്‍ വലിയ വ്യത്യാസം വരാനുള്ള കാരണമായി പഠനം ചൂണ്ടിക്കാണിക്കുന്നത്.

സ്ത്രീകളേക്കാള്‍ 20 ശതമാനം കൂടുതലാണ് പുരുഷന്മാരിലെ ക്യാന്‍സര്‍ ബാധിതര്‍. മരണനിരക്കിലും 40 ശതമാനവും പുരുഷന്മാര്‍ മുന്നില്‍ നില്‍ക്കുന്നുവെന്നും അമേരിക്കന്‍ കാന്‍സര്‍ സൊസൈറ്റി പഠനത്തില്‍ കണ്ടെത്തി.

benefits to follow rainbow diet
Posted by
10 January

ചെറുപ്പം നിലനിര്‍ത്താന്‍ ശീലമാക്കിക്കോളൂ മഴവില്‍ ഡയറ്റ്

ശീലമാക്കിക്കോളൂ മഴവില്‍ ഡയറ്റ് .മഴവില്ലിലെ ഏഴുനിറങ്ങളിലുള്ള ഭക്ഷണങ്ങള്‍ ഉള്‍പ്പെടുത്തിക്കൊണ്ടുള്ള ഡയറ്റിനെയാണ് മഴവില്‍ ഡയറ്റ് എന്നു പറയുന്നത്. മഴവില്‍ ഡയറ്റ് ശീലമാക്കുന്നത് ചെറുപ്പം നിലനിര്‍ത്തുന്നതിനും രോഗങ്ങളെ അകറ്റിനിര്‍ത്തുന്നതിനും സഹായിക്കുമത്രേ. ഡയറ്റില്‍ ഉള്‍പ്പെടുത്തേണ്ടവ:

1. ചുവപ്പ്: നല്ല കടുംചുവന്ന നിറത്തിലുള്ള തക്കാളി, ചുവന്ന കാപ്‌സിക്കം
വിറ്റാമിന്‍ സിയുടെയും ആന്റി അക്‌സിഡന്റുകളുടെയും കലവറയാണിവ. ഹൃദയത്തിന്റെ ആരോഗ്യം നിലനിര്‍ത്തുന്നു, പ്രതിരോധശേഷി വര്‍ധിപ്പിക്കുന്നു.

2. പച്ച: വെള്ളരിക്ക, പാവയ്ക്ക, ബീന്‍സ്, പച്ചമുളക്, പച്ചപ്പയര്‍, പച്ചക്കായ
ധാരാളം ഫൈബര്‍ അടങ്ങിയിരിക്കുന്നതിനാല്‍ ദഹനത്തിനു സഹായിക്കുന്നു. കാഴ്ചശക്തി നിലനിര്‍ത്തുന്നു. യുവത്വം നല്‍കുന്നു

3. മഞ്ഞ: പപ്പായ, ചെറുപഴം, മഞ്ഞ കാപ്‌സിക്കം, ചോളം, ഗോതമ്പ്
വിറ്റാമിന്‍സി, മഗ്‌നീഷ്യം എന്നിവ ധാരളമായി അടങ്ങുന്നു. ഇവ എല്ലുകള്‍ക്ക് ആരോഗ്യം നല്‍കുന്നു. ബുദ്ധിശക്തിയും ഓര്‍മശക്തിയും വര്‍ധിപ്പിക്കുന്നു

4. ഓറഞ്ച്: ഓറഞ്ച് പതിവായി കഴിക്കുന്നവര്‍ക്ക് വിറ്റാമിന്‍ എ ധാരാളമായി ലഭിക്കുന്നു. ഇതു നാഡീവ്യവസ്ഥയെ ഉത്തേജിപ്പിക്കുന്നു.

5. നീല: ഇന്‍ഡിഗോ, വയലറ്റ്, വയലറ്റ് നിറമുള്ള കാബേജ്, വഴുതനങ്ങ എന്നിവയില്‍ വാര്‍ധക്യത്തെ ചെറുക്കുന്നതിനു സഹായകമായ ആന്റി ഓക്‌സിഡന്റുകള്‍ ധാരളമായുണ്ട്. ഇതു ഹൃദയത്തിലേക്കും മസ്തിഷ്‌കത്തിലേക്കുമുള്ള രക്തപ്രവാഹത്തെ സുഗമമാക്കുന്നു. നിങ്ങള്‍ക്ക് ഉന്മേഷം തരുന്നു.

benefits of kokum
Posted by
07 January

കുടംപുളിയുടെ ഔഷധപ്രയോഗങ്ങള്‍

മരപ്പുളി, പിണംപുളി, വടക്കന്‍പുളി എന്നിങ്ങനെ വിവിധ പേരുകളില്‍ അറിയപ്പെടുന്ന കുടംപുളി ക്ലൗസിയേസിയെ എന്ന സസ്യകുടുംബത്തില്‍പ്പെടുന്നു. ശാസ്ത്രനാമം ഗാര്‍സിനിയ കംബോജിയ എന്നാണ്. കുടംപുളിയുടെ പൂക്കള്‍ സാധാരണ മഞ്ഞകലര്‍ന്ന വെള്ളനിറത്തിലാണു കാണുന്നത്. കുടം പുളി മരം പൂക്കുന്നതു ഡിസംബര്‍-മാര്‍ച്ച് മാസങ്ങളിലാണ്.

ജൂണ്‍-ജൂലൈ മാസങ്ങളില്‍ കായകള്‍ പഴുക്കുന്നതോടെ ഓറഞ്ച് കലര്‍ന്ന മഞ്ഞനിറത്തിലാകും . കുടംപുളിയുടെ തോടുതന്നെയാണു പ്രധാന ഉപയോഗഭാഗം. കൂടാതെ തളിരില, വിത്ത്, വേരിന്‍ മേല്‍തൊലി എന്നിവയും ഉപയോഗിക്കുന്നുണ്ട് . കുടംപുളി ഔഷധമായും ആഹാരമായും പരമ്പരാഗതമായി ഉപയോഗിച്ചുവരുന്നു. കുടംപുളിയുടെ തോടില്‍ അമ്ലങ്ങള്‍, ധാതുലവണങ്ങള്‍, മാംസ്യം, കൊഴുപ്പ്, അന്നജം എന്നിവ അടങ്ങിയിരിക്കുന്നു. ഹൈഡ്രോക്‌സി സിട്രിക് ആസിഡ്, അസ്‌കോര്‍ബിക് ആസി!ഡ്, ടാര്‍ടാറിക് ആസിഡ്, ഫോസ്‌ഫേറിക് ആസിഡ് എന്നിവയാണ് കുടംപുളിതോടിലെ പ്രധാന അമ്ലങ്ങള്‍. കൂടാതെ കാല്‍സ്യം, പൊട്ടാസ്യം, എന്നിവയുമുണ്ട.്

solutions on over angry
Posted by
06 January

അമിത ദേഷ്യം ഒഴിവാക്കാന്‍ ചില മാര്‍ഗങ്ങള്‍

-ഫഖ്‌റുദ്ധീന്‍ പന്താവൂര്‍

മിക്ക ആളുകളുടെയും പരാതിയാണ് അമിതമായ കോപം ജീവിതം താറുമാറാക്കുന്നുവെന്ന്. കോപം, കലി, ദേഷ്യം, ക്രോധം പേരുകള്‍ പലതാണെങ്കിലും ഇവന്റെ തീഷ്ണഭാവം പലപ്പോഴും ജീവിതത്തിന്റെ ഒഴുക്ക് നഷ്ടപ്പെടുത്തും. ഭീഷണിയുടെ, പേടിപ്പിക്കലിന്റെ, ബലപ്രയോഗത്താലുള്ള കാര്യസാധ്യത്തിന്റെ, ആധിപത്യത്തിന്റെ എല്ലാം ഉപകരണമാണ് ദേഷ്യം.

കോപം നിയന്ത്രിക്കാന്‍ വഴികള്‍ പലതുണ്ട്. അതിന് മുമ്പ് നാം മനസ്സിലാക്കേണ്ടത് കോപം അത്ര നീചമായൊരു വികാരമല്ല എന്നതാണ്. ആവശ്യമുള്ളിടത്തുപോലും ദേഷ്യം പ്രകടിപ്പിക്കാന്‍ കഴിയാത്തവന്‍ ഒന്നിനും കൊള്ളാത്തവനാണ്. സന്തോഷം, വെറുപ്പ്, ഭയം, കോപം ഇതെല്ലാം ഈശ്വരന്‍ മനുഷ്യനില്‍ ഒളിപ്പിച്ചു വെച്ച കഴിവുകളാണ്. ഇത് ആവശ്യ സമയത്ത് പ്രകടിപ്പിക്കാനും നിയന്ത്രിക്കാനാവശ്യവുമായ പക്വതയാണ് ജീവിതത്തില്‍ നാം നേടിയെടുക്കേണ്ടത്. വൈകാരിക പക്വത ഇല്ലാതെ വരുമ്പോഴാണ് അമിത ദേഷ്യക്കാരായി മാറുന്നത്. അമിത ദേഷ്യം കുടുംബത്തിലും, ഓഫീസിലും, ജോലിയിലും, സുഹൃത്തുക്കള്‍ക്കിടയിലും ഒരാളെ അസ്വസ്ഥനാക്കും. നമ്മെ നിയന്ത്രിക്കുന്നത് ദേഷ്യം എന്ന വികാരമാണങ്കില്‍ നമുക്കതിനെ വരുതിയില്‍ കൊണ്ടുവരാന്‍ കഴിയില്ല. അതേസമയം നമ്മുടെ നിയന്തണത്തിലാണങ്കിലോ കാര്യങ്ങള്‍ കൈപ്പിടിയിലൊതുക്കാം.

ദേഷ്യം വരുമ്പോള്‍ തലച്ചോറില്‍ ചില മാറ്റങ്ങള്‍ സംഭവിക്കും. സമൂഹജീവിയായ മനുഷ്യന് അതുവരെ സാധിക്കാത്ത പലതും ദേഷ്യം വരുമ്പോള്‍ ചെലവുകുറഞ്ഞ രീതിയില്‍ ചെയ്യാനാകും. അതിജീവനത്തിനുള്ള കരുത്ത് പലപ്പോഴും ദേഷ്യം മൂലം ഉണ്ടാകുന്നതലച്ചോറിലെ മാറ്റങ്ങള്‍ നല്‍കുന്നുണ്ട്. ജീവന്‍ നിലനിര്‍ത്താന്‍ അതിയായി പോരാടാന്‍ തലച്ചോറിനെ സജ്ജമാക്കുകയാണ് ദേഷ്യത്തിന്റെ പ്രരകശക്തികളിലൊന്ന്. ദേഷ്യം വരാന്‍ കാരണങ്ങള്‍ പലതാണ്. അധിക്ഷേപം, പരിഹാസം, വിശ്വാസത്തെ ചോദ്യം ചെയ്യല്‍, ഭീഷണി, വിശപ്പ് ഇങ്ങനെ ദേഷ്യം ഉല്‍പ്പാദിപ്പിക്കാന്‍ കാരണങ്ങള്‍ പലതാണ്.

തലച്ചോറിലെ ന്യൂറോണ്‍ സംഘത്തിലെ ക്ഷതങ്ങളാണ് നിയന്ത്രിക്കാനാവാത്ത ദേഷ്യത്തിന് കാരണം. ഇവര്‍ക്ക് സന്തോഷം കുറവായിരിക്കും. എന്തുകാര്യങ്ങളും പെട്ടെന്ന് ‘ചൂടായി’ട്ടാണ് പ്രതികരിക്കുക. തലച്ചോറിന്റെ ഇടതും വലതും ഭാഗത്തായി സ്ഥിതിചെയ്യുന്ന അമിഗ്ദല എന്ന ന്യൂറോണ്‍ സംഘമാണ് സന്തോഷവും സങ്കടവും പേടിയും തോന്നിപ്പിക്കുന്നത്. പേടിയുമായി ബന്ധപ്പെട്ട വികാരങ്ങളുടെ കേന്ദ്രമാണ് അമിഗ്ദല. പേടിപ്പിക്കുന്ന മുഖങ്ങള്‍ ഇവിടെയാണ് ഓര്‍ത്തുവെക്കാറ്. ഇതേമുഖം പിന്നെ കാണുമ്പോള്‍ ഇതിനെ പ്രതിരോധിക്കാന്‍ തലച്ചോറ് തയ്യാറെടുക്കും. ദേഷ്യത്തിന്റെ തുടക്കം ഇതാണ്.

ദേഷ്യം നിയന്ത്രിക്കുന്നത് വലതുഭാഗത്തെ അമിഗ്ദലയും, ദേഷ്യം ഉല്‍പ്പാദിപ്പിക്കുന്നത് ഇടതുഭാഗത്തെ അമിഗ്ദലയുമാണ്. തലച്ചോറിലെ സന്ദേശ കൈമാറ്റങ്ങള്‍ താറുമാറായാല്‍ ദേഷ്യം നിയന്ത്രിക്കാനാവില്ല. അമിത ദേഷ്യക്കാരെ കണ്ണടച്ച് കുറ്റപ്പെടുത്തും മുമ്പ് ഇതെല്ലാം ഒര്‍ക്കുന്നത് നന്ന്. ഒന്നും മനപ്പൂര്‍വ്വമല്ലെന്നര്‍ത്ഥം. നിരന്തരം മെഡിറ്റേഷന്‍ ചെയ്തും, മുദ്ര ചികില്‍സകളിലൂടെയും അമിത ദേഷ്യങ്ങള്‍ നിയന്ത്രിക്കാം. കാര്യങ്ങളെ ശാന്തമായി സ്വീകരിക്കാന്‍ മനസ്സിനെ പാകപ്പെടുത്തുക. സന്തോഷം എന്ന വികാരം സിറടോണ്‍ എന്ന ഹോര്‍മോണ്‍ ശരീരത്തില്‍ ഉല്‍പ്പാദിപ്പിക്കുന്നുണ്ട്. ഇതിന്റെ അളവ് കുറഞ്ഞവരില്‍ ദേഷ്യം കൂടും. ദേഷ്യം ‘അഡ്രീനലീന്‍ ‘ എന്ന ഹോര്‍മോണാണ് ഉല്‍പ്പാദിപ്പിക്കുന്നത്. ഇതോടെ കണ്ണ് ചുവക്കും… ശക്തി വര്‍ധിക്കും.. ഞരമ്പുകള്‍ വലിഞ്ഞുമുറുകും… എന്തും ചെയ്യാന്‍ തലച്ചോറ് പാകപ്പെടുത്തും. അതുകൊണ്ട് അമിത ദേഷ്യക്കാര്‍ സിറടോണിന്റെ അളവ് വര്‍ധിപ്പിക്കണം .പാരമ്പര്യമായി കോപത്തിന്റെ വര്‍ധിത അളവ് കൈമാറ്റം ചെയ്യപ്പെടും.

ഒരു കഥയുണ്ട്. നമ്മുടെ വികാരങ്ങള്‍ ഓരോന്നും നൈസര്‍ഗികമാണെന്നും അത് അടക്കിവെച്ച് നശിപ്പിക്കാനുള്ളതല്ലെന്നും ഈ കഥ നമ്മെ പഠിപ്പിക്കുന്നു .
കുന്നിന്‍ചെരുവിലൊരിടത്ത് കുറ്റിക്കാട്ടില്‍ ഉഗ്ര വിഷമുള്ള ഒരു സര്‍പ്പം ജീവിച്ചിരുന്നു. ഗ്രാമീണരില്‍ പലരെയും ആ പാമ്പ് കൊന്നിട്ടുണ്ട്. ഇതോടെ കുറ്റിക്കാട്ടിലെ മരച്ചുവട്ടിലേക്ക് ആരും പോകാതായി. ഒരിക്കല്‍ അതുവഴി ഒരു സൂഫിഗുരു വന്നു. ഗ്രാമീണര്‍ സര്‍പ്പത്തിനെക്കുറിച്ച് പറഞ്ഞിട്ടും ഒട്ടും ഭയക്കാതെ സൂഫി കുറ്റിക്കാട്ടിലെത്തി.

സൂഫിയെ കണ്ടതോടെ ഒരു ഇരയെ കണ്ട സന്തോഷത്തില്‍ ഭീകരനായ സര്‍പ്പം വിഷം ചീറ്റാന്‍ പാഞ്ഞെത്തി.
ഒട്ടും കൂസലില്ലാത്ത സൂഫി എന്താകാര്യം എന്ന് പാമ്പിനോട് ചോദിച്ചു .

സര്‍പ്പം ഞെട്ടി ..!
”ഞാന്‍ നിങ്ങളെ കൊല്ലാന്‍ പോകുന്നു’ .
‘ എന്നെ കൊന്നിട്ട് നിനക്കെന്ത് ഗുണം ?
അതോടെ സര്‍പ്പം കൂളായി …
സൂഫി പറഞ്ഞു
”ഇനി മുതല്‍ ആരെയും കൊല്ലരുത് ‘

അന്ന് മുതല്‍ പാമ്പ് അഹിംസ മാര്‍ഗം സ്വീകരിച്ചു. ഒരെലിയെപ്പോലും തിന്നാതായ പാമ്പ് മരത്തില്‍ നിന്ന് വീണ ഇലകള്‍ മാത്രം തിന്ന് ജീവിക്കാന്‍ തുടങ്ങി .

നാളുകള്‍ക്ക് ശേഷം ഗ്രാമീണര്‍ കുറ്റിക്കാട്ടിലെത്തിയപ്പോള്‍ മയങ്ങിക്കിടക്കുന്ന പാമ്പിനെ കണ്ടു. പഴയ ശൗര്യമൊക്കെ പോയി പച്ചിലപ്പാമ്പ് പോലെ ആയിരുന്നു.കുട്ടികള്‍ കല്ലെറിഞ്ഞും അടിച്ചും പാമ്പിനെ ദ്രോഹിക്കാന്‍ തുടങ്ങി. അഹിംസയല്ലേ …. അഹിംസ.
പാമ്പ് എല്ലാം സഹിച്ചു. പോരാത്തതിന് സൂഫിയുടെ ശിഷ്യത്വവും.

അങ്ങനെ അതുവഴി വന്ന സൂഫി, പാമ്പിനെ കണ്ടതോടെ ആകെ വിഷമിച്ചു.
സൂഫി ചോദിച്ചു.

‘നിങ്ങള്‍ക്ക് എന്ത് പറ്റി ?
പാമ്പ് വിഷമത്തോടെ പറഞ്ഞു
‘അങ്ങ് പറഞ്ഞ പോലെ ഞാന്‍ ആരെയും കൊല്ലുന്നില്ല. നന്നായി, ഇപ്പോള്‍ അഹിംസാ മാര്‍ഗത്തിലാണ് ‘
സൂഫി ചെറിയൊരു മൗനത്തിന് ശേഷം പറഞ്ഞു.
‘ ഞാന്‍ കൊല്ലരുത് എന്ന് മാത്രമെ പറഞ്ഞുള്ളൂ .. ചീറ്റരുത് എന്ന് പറഞ്ഞിട്ടില്ല. നൈസര്‍ഗികമായ കഴിവുകള്‍ പ്രകടിപ്പിക്കാതിരുന്നാല്‍ സ്വയം നശിക്കുകയെയുള്ളൂ … ‘

ഈ കഥയില്‍ വലിയൊരു പാഠമുണ്ട്. ജീവിതത്തില്‍ നാം എപ്പോഴും ഒരേ ഇമോഷനില്‍ മാത്രം ഒതുങ്ങിയാല്‍ പോര. എല്ലാം വേണം. അതായത് സന്തോഷം, ദുഃഖം, കോപം, ഭയം എല്ലാം വേണം. പക്ഷെ ഒന്നിന്റെയും അടിമയാകരുത്.

(മാധ്യമപ്രവര്‍ത്തകനും, അധ്യാപകനും, ഹിപ്പ്‌നോട്ടിക്കല്‍ കൗണ്‍സിലറും, മൈന്റ് കണ്‍സള്‍ട്ടന്റുമാണ് ലേഖകന്‍. 9946025819)

90 to 60 kgs in 3 months
Posted by
06 January

90 കിലോയില്‍ നിന്നും മൂന്ന് മാസത്തിനുള്ളില്‍ 30 കിലോ കുറച്ച് ഞെട്ടിച്ച യുവാവ്

2013 ല്‍ ഇറങ്ങിയ ഇംഗ്ലീഷ് നോവല്‍ പിങ്ക് സ്‌മോക്കിലൂടെ പ്രശസ്തനായ എഴുത്തുകാരനാണ് സോംപ്രകാശ് സിന്‍ഹ റോയ്. എന്നാല്‍ എഴുത്തിന്റെ പേരില്‍ അല്ല തടി കുറച്ചതിന്റെ പേരിലാണ് ഇപ്പോള്‍ ഇദ്ദേഹം ശ്രദ്ധേയനായത്. 90 കിലോയില്‍ നിന്നും ഇദ്ദേഹം 30 കിലോയാണ് മൂന്നുമാസം കൊണ്ട് കുറച്ചത്.
2016 മെയ് മാസം വരെ ഫ്രൈ ഫുഡും, ബീയറും ഒക്കെ നിറഞ്ഞതായിരുന്നു സോമിന്റെ ജീവിതം.

ആരോഗ്യത്തോടുള്ള സോമിന്റെ ഈ അലസമായ നിലപാട് അയാളുടെ വിവാഹം നിശ്ചയിച്ച കൂട്ടുകാരി പിണങ്ങി പോകുവാനുള്ള കാരണങ്ങളില്‍ ഒന്നായി മാറി. ഇതോടെ തീര്‍ത്തും മാനസികമായി തകര്‍ന്ന സോം ഒരു മാറ്റത്തിന് വേണ്ടി ശ്രമിച്ചാണ് കൃത്യമായ വര്‍ക്ക് ഔട്ടിലൂടെയും ആഹാര ക്രമത്തിലൂടെയും തന്റെ തടി കുറച്ചത്.ക്രിസ് ജിതിന്‍ എന്ന ഓണ്‍ലൈന്‍ ട്രെയിനറുടെ 12 വാരത്തെ ട്രെയ്‌നിംഗ് പ്രോഗ്രാം വഴിയാണ് ഇത്തരത്തില്‍ ഒരു സാഹസം സോം നടത്തിയത്. ഇതിനായി ആഹാരക്രമത്തിലും സോം മാറ്റങ്ങള്‍ വരുത്തി.

Mesentery-new organ found
Posted by
05 January

മനുഷ്യ ശരീരത്തില്‍ തിരിച്ചറിയാതെ പോയ 79ാം അവയവത്തെ ഒടുവില്‍ കണ്ടെത്തി

ലണ്ടന്‍: നൂറിലേറെ വര്‍ഷങ്ങളായി അനാട്ടമി ക്ലാസുകളില്‍ പഠിപ്പിച്ചിരുന്ന 78 അവയവങ്ങളുടെ വിശദീകരണം ഇനി തിരുത്താം. ശരീരത്തില്‍ 78 അല്ല 79 അവയവങ്ങളുണ്ടെന്ന് കണ്ടെത്തിയിരിക്കുകയാണ് ഇപ്പോള്‍. മനുഷ്യശരീരത്തില്‍ ഇതുവരെ തിരിച്ചറിയാതെ പോയ അവയവത്തെ ഐറിഷ് ശാസ്ത്രജ്ഞരാണ് ഇപ്പോള്‍ കണ്ടെത്തിയിരിക്കുന്നത്.

‘മെസെന്ററി’ എന്നാണ് ഈ അവയവത്തിന് നല്‍കിയ പേര്. ഇത്രയും കാലം കാഴ്ചവട്ടത്തു തന്നെ ഉണ്ടായിരുന്നുവെങ്കിലും മെസെന്ററിയെ അവയവമായി കണക്കാക്കിയിരുന്നില്ല. ദഹനേന്ദ്രിയ വ്യവസ്ഥയുടെ ഭാഗമായ അവയവങ്ങളുടെ കൂട്ടമാണ് ഇതെന്നാണ് ഇത്രയും കാലം കരുതിയിരുന്നത്. എന്നാല്‍ അത് തെറ്റാണെന്നും ഇത് ഒരൊറ്റ അവയവമാണെന്നും കണ്ടെത്തിക്കഴിഞ്ഞു. ഉദരഭിത്തിയായ പെരിട്ടോണിയത്തോട് കുടലിനേയും മറ്റും ചേര്‍ത്ത് നിര്‍ത്തുന്ന സ്തരങ്ങളുടെ മടക്കുകളാണ് മെസെന്ററി. ലിമറിക് സര്‍വ്വകലാശാലയിലെ സര്‍ജറി പ്രൊഫസര്‍ ജെ കാല്‍വിന്‍ കൊഫീയുടെ നേതൃത്വത്തിലുള്ള ഗവേഷണ സംഘമാണ് ശരീരശാസ്ത്ര രംഗത്തെ സുപ്രധാന കണ്ടെത്തല്‍ നടത്തിയിരിക്കുന്നത്.

organ

എന്നാല്‍ ഈ അവയവത്തിന്റെ ധര്‍മ്മം എന്താണെന്ന ചോദ്യത്തിന് ഇതുവരെ ഉത്തരമായിട്ടില്ല. മെസെന്ററി അവയവമാണെന്ന് തിരിച്ചറിയപ്പെട്ടതോടെ ഇതേ കുറിച്ചുള്ള കൂടുതല്‍ പഠനങ്ങള്‍ നടത്തുന്നതിനായി പുതിയ ശാസ്ത്രശാഖ തന്നെ രൂപീകരിക്കുമെന്ന് ഡോ. കാല്‍വിന്‍ പറഞ്ഞു. ഇദ്ദേഹത്തിന്റെ നേതൃത്വത്തില്‍ നടന്ന ഗവേഷണത്തിന്റെ വിശദമായ പ്രബന്ധം ആരോഗ്യ രംഗത്തെ ജേര്‍ണലായ ദി ലാന്‍സെറ്റില്‍ പ്രസിദ്ധീകരിച്ചിട്ടുണ്ട്.

1500-കളില്‍ ലിയനാര്‍ഡോ ഡാവിഞ്ചിയുടെ പഠനങ്ങളില്‍ മെസെന്ററിയെ പറ്റി പറയുന്നുണ്ട്. എന്നാല്‍ ഇപ്പോള്‍ മാത്രമാണ് ഇത് അവയവമാണെന്ന കണ്ടെത്തല്‍ ഉണ്ടാകുന്നത്. ഈ കണ്ടെത്തലിന്റെ ഗുണഫലമായി ശരീരം അധികം കീറിമുറിക്കാതെ ശസ്ത്രക്രിയ നടത്താനും സങ്കീര്‍ണ്ണതയും ചെലവും കുറയ്ക്കാനും സാധിക്കുമെന്നാണ് വിലയിരുത്തല്‍. ഉദരരോഗങ്ങളെ ഇനി മെസെന്ററിയെ അടിസ്ഥാനമാക്കിയും വര്‍ഗീകരിക്കാനാകുമെന്നും ഡോ. കാല്‍വിന്‍ കോഫി പറഞ്ഞു.

eating-red-meats beef and pork good for health new study
Posted by
24 December

കൊളസട്രോളിന്റൈ കാര്യത്തില്‍ പേടി വേണ്ട, രക്തസമ്മര്‍ദം സാധാരണ നിലയില്‍ നിലനിര്‍ത്തിക്കൊണ്ടു പോകും; ബീഫും പന്നിയിറച്ചിയും കഴിക്കുന്നത് ശരീരത്തിന് നല്ലതാണെന്ന് പുതിയ പഠനം

കൊളസട്രോളിനെ പേടിച്ച് ഇറച്ചി കഴിക്കുന്നതിന്റെ അളവ് കുറച്ചവര്‍ക്ക് ഒരു സന്തോഷ വാര്‍ത്ത. ബീഫും പന്നിയിറച്ചിയുമൊക്കെ കഴിക്കുന്നത് ശരീരത്തിനു നല്ലതാണെന്നാണു പുതിയ പഠനം. ഇന്‍ഡിയാനയിലെ പുര്‍ഡുവെ സര്‍വകലാശാലയാണ് പഠന റിപ്പോര്‍ട്ട് പുറത്തുവിട്ടത്.

ഡോക്ടര്‍മാര്‍ ഇത്രകാലം പറഞ്ഞിരുന്നത് പതിവായി ബീഫ് കഴിക്കുന്നവര്‍ അതിന്റെ അളവ് 70 ഗ്രാമില്‍ ഒതുക്കിയില്ലെങ്കില്‍ പണി കിട്ടുമെന്നായിരുന്നു. ഇറച്ചി പതിവായി കഴിക്കാതിരിക്കുന്നതാണു ശരീരത്തിന് നല്ലതെന്നായിരുന്നു അവരുടെ പക്ഷം. എന്നാല്‍ പുതിയ പഠനം പറയുന്നത് റെഡ് മീറ്റ് പോഷകങ്ങളുടെ കലവറയാണെന്നാണ്. പ്രോട്ടീനും ഇരുമ്പും ഇതില്‍ ധാരാളമുണ്ട്. അത് എത്ര കഴിക്കുന്നോ അത്രകണ്ടു നല്ലതാണ്. സര്‍വകലാശാലയിലെ ന്യൂട്രീഷന്‍ സയന്‍സ് വിഭാഗത്തിലെ പ്രൊഫ. വെയിന്‍ ഷാംപ്‌ബെല്‍ പറയുന്നു. പതിവായി മാട്ടിറച്ചി കഴിക്കുന്ന നിരവധി പേരില്‍ തുടര്‍ച്ചയായി നടത്തിയ നിരീക്ഷണത്തിനും പഠനത്തിനും ഒടുവിലാണു റിപ്പോര്‍ട്ട് പുറത്തുവിട്ടത്.

പഠനകാലത്തു നിരീക്ഷിച്ചവരില്‍ ആര്‍ക്കും കൊളസ്‌ട്രോള്‍, ബിപി എന്നിവയുടെ നിലയില്‍ യാതൊരു വ്യതിയാനവും ദൃശ്യമായില്ല. ഇതുമൂലം ഹൃദയാരോഗ്യത്തിനു ദോഷകരമായ യാതൊരു സാഹചര്യവും സൃഷ്ടിക്കപ്പെട്ടുമില്ല. മറിച്ച് രക്തസമ്മര്‍ദം സാധാരണ നിലയില്‍ നിലനിര്‍ത്തിക്കൊണ്ടു പോകുന്നതിന് സഹായകമായെന്നും വ്യക്തമായി.

if lose 5 kg weight in 5 days; pleas listen
Posted by
22 December

അഞ്ച് ദിവസം കൊണ്ട് അഞ്ച് കിലോ ശരീരഭാരം കുറയ്ക്കണോ? ഇതാ ഒരു ലളിത മാര്‍ഗം

പുരുഷന്‍ ആയാലും സ്ത്രീക്കായാലും അമിതഭാരം ഒരു വെല്ലുവിളി തന്നെയാണ്. സൗന്ദര്യത്തിനുമാത്രമല്ല ആരോഗ്യത്തിനും ഇതു കടുത്ത വെല്ലുവിളി തന്നെയാണ്. ഹൃദ്രോഗത്തിനുള്ള ഏറ്റവും പ്രധാന കാരണം അമിതഭാരവും അതിനെ ചെറുക്കാനായി കൃത്യമായ വ്യായമം ചെയ്യാത്തതുമാണ്. ദൈനം ദിന വ്യായാമങ്ങള്‍ കൊണ്ടു ശരീരംചഭാരം കുറയ്ക്കാന്‍ കഴിയാത്തവര്‍ക്കു വേഗത്തില്‍ ശരീരഭാരം കുറയ്ക്കാന്‍ ഒരു എളുപ്പവഴി. തുടര്‍ച്ചയായി അഞ്ചു ദിവസം ഈ പാനീയം കുടിച്ചാല്‍ അഞ്ച് കിലോഭാരം കുറയ്ക്കാന്‍ കഴിയും. ഇതു തയാറാക്കാന്‍ 5 മിനിറ്റ് മതി. മല്ലിയിലയും നാരങ്ങയും ചേര്‍ത്താണ് ഈ പാനീയം തയാറാക്കുന്നത്.

lime

60 ഗ്രാം മല്ലിയില നാലു ഗ്ലാസ് വെള്ളം ചേര്‍ത്ത് ജ്യൂസ് ആക്കുക ഇതിലേയ്ക്ക് ഒരു നാരങ്ങ പിഴിഞ്ഞൊഴിക്കുക. രാവിലെ വെറുംവയറ്റില്‍ തുടര്‍ച്ചയായി അഞ്ചു ദിവസം ഇത് കുടിക്കുക. നിങ്ങളുടെ ശരീരഭാരത്തില്‍ അത്ഭുതകരമായ കുറവ് അനുഭവപ്പെടും. ഇത് പ്രതിരോധശക്തി വര്‍ധിപ്പിക്കും. ദഹനം കൃത്യമായി നടക്കാന്‍ സഹായിക്കും. കൂടാതെ ഈ പാനീയം രക്തശുദ്ധികരിക്കാന്‍ സഹായിക്കുകയും രക്തസമ്മര്‍ദ്ദം നിയന്ത്രിക്കുകയും ചെയ്യും

healthy yoga
Posted by
22 December

രോഗങ്ങളകറ്റാന്‍ യോഗ ശീലമാക്കാം

യോഗ നിങ്ങള്‍ക്ക് അമരത്വം നല്‍കില്ല. എന്നാല്‍ ശരീരത്തിന്റെയും മനസിന്റെയും ആത്മാവിന്റെയും ഈ സംയോഗം പ്രായത്തെ ചെറുത്തു തോല്‍പ്പിക്കാന്‍ ശാരീരികമായും മാനസികമായും നിങ്ങളെ സഹായിക്കും.

പതിവായി യോഗ പരിശീലിച്ചാല്‍ ജീവിതശൈലീ രോഗങ്ങളായ രക്തസമര്‍ദ്ദം, ഹോര്‍മോണ്‍ അസന്തുലിതാവസ്ഥ, പ്രമേഹം, പ്രത്യുല്‍പ്പാദന പ്രശ്‌നങ്ങള്‍, ശ്വാസകോശ രോഗങ്ങള്‍, ഹൃദയസംബന്ധമായ പ്രശ്‌നങ്ങള്‍ എന്നിവയെ ചെറുത്തു തോല്‍പ്പിക്കാനാകും. പൊണ്ണത്തടി, ഉത്കണ്ഠ, മലബന്ധം, ദഹനപ്രശ്‌നങ്ങള്‍ എന്നീ പ്രശ്‌നങ്ങളുള്ളവരും യോഗ ശീലമാക്കുന്നത് ഗുണം ചെയ്യും. രക്തസമ്മര്‍ദ്ദം, ഉയര്‍ന്ന കൊളസ്‌ട്രോള്‍ എന്നിവയ്‌ക്കെതിരെ പൊരുതാന്‍ യോഗ സഹായിക്കും.

സന്ധിവാതത്തിനും യോഗ ഗുണകരമാണ്. ശരീരത്തെ കൂടുതല്‍ ക്രിയാത്മകവും വഴക്കമുള്ളതുമാക്കാന്‍ യോഗ സഹായിക്കും. ശരീരത്തിലെ രക്ത ചംക്രമണം മെച്ചപ്പെടുത്താനും കോശങ്ങളിലേക്കുള്ള ഓക്‌സിജന്‍ വിതരണം മെച്ചപ്പെടുത്താനും യോഗ പരിശീലിക്കുന്നതിലൂടെ സാധിക്കും.ദിവസവും 20-30 മിനിറ്റു വരെ യോഗയും ശ്വസനക്രിയയും പരിശീലിക്കുന്നത് സൂക്ഷ്മതയും ശ്രദ്ധയും നിയന്ത്രണവുമുള്ള ജീവിതം നയിക്കാന്‍ സഹായിക്കും.

CARE FULL WHILE MAKEUP
Posted by
20 December

മേക്കപ്പ് മാറ്റിയില്ലെങ്കില്‍ സംഭവിക്കാവുന്ന അപകടങ്ങള്‍

ഏറ്റവും നന്നായി മേക്കപ്പ് ചെയ്ത് സുന്ദരിയാകുക എന്നത് സ്ത്രീകളുടെ ആഗ്രഹമാണ്. ഓഫീസ് ജോലിക്കു പോകുമ്പോള്‍ പോലും എല്ലാ ദിവസവും മേക്കപ്പ് ഉപയോഗിക്കുന്നരുടെ എണ്ണം കൂടി വരികയാണ്. എന്നാല്‍ വീട്ടില്‍ തിരിച്ചെത്തി കഴിഞ്ഞാല്‍ മേക്കപ്പ് മുഴുവനായി നീക്കം ചെയ്യാന്‍ പലരും ശ്രദ്ധ നല്‍കാറില്ല.

മേക്കപ്പണിഞ്ഞ് ഉറങ്ങിയാല്‍

മേക്കപ്പ് മാറ്റാതെ ഇടയ്ക്ക് ഒന്നോ രണ്ടോ ദിവസം കിടന്നുറങ്ങുന്നത് ചര്‍മത്തിന് അധികം ദോഷം ചെയ്യില്ല. എന്നാല്‍ ഇതു സ്ഥിരമാക്കിയാല്‍ പാര്‍ശ്വഫലങ്ങള്‍ ഉണ്ടാകാം. ഫൗണ്ടേഷന്‍ ക്രീമുകള്‍ രാത്രി മുഴുവന്‍ മുഖത്ത് അണിയുകയാണെങ്കില്‍ സെബേഷ്യസ് ഗ്രന്ഥികളുടെ നാളികളും രോമകൂപങ്ങളും അടഞ്ഞ് മുഖക്കുരു ഉണ്ടാകാനുള്ള സാധ്യത ഏറെയാണ്. അതോടൊപ്പം ബാക്ടീരിയല്‍ അണുബാധ ഉണ്ടാവുകയാണെങ്കില്‍ പഴുപ്പു നിറഞ്ഞ കുരുക്കളും ഉണ്ടാകാം. എണ്ണമയം കൂടുതലുള്ള ചര്‍മമുള്ളവര്‍ക്ക് ഇങ്ങനെ കുരുക്കളുണ്ടാകാനുള്ള സാധ്യത ഏറും.

വരണ്ട ചര്‍മമുള്ളവര്‍ ശ്രദ്ധിക്കാന്‍

വരണ്ട ചര്‍മമുള്ളവര്‍ ഏറെനേരം മേക്കപ്പ് അണിഞ്ഞാല്‍ ചര്‍മം കൂടുതല്‍ വരണ്ട് വ!ിണ്ടു കീറുകയും ചുവപ്പു നിറമുള്ളതാകുകയും ചെയ്യാം. സ്ഥിരമായി മേക്കപ്പ് ധരിച്ച് ഉറങ്ങിയാല്‍ അത് ചര്‍മത്തിന്റെ ഉപരിതലത്തിലുള്ള മൃതകോശങ്ങളുടെ സ്വാഭാവികമായുള്ള പുറംതള്ളലിനെ ബാധിക്കുകയും ചര്‍മകോശങ്ങളുടെ പുനരുജ്ജീവനത്തെ തടയുകയും ചെയ്യും. ചിലരില്‍ കറുപ്പുനിറം വ്യാപിക്കുന്നതായും കാണാറുണ്ട്. സെന്‍സിറ്റീവ് ചര്‍മമുള്ളവരില്‍ ചൊറിച്ചില്‍, ചുവന്ന തടിപ്പുകള്‍ എന്നിവ ഉണ്ടാകാം.

മസ്‌കാര,ഐലൈനര്‍ തുടങ്ങിയവ ഏറെ നേരം ഉപയോഗിച്ചാല്‍ കണ്‍കുരു ഉണ്ടാകാന്‍ സാധ്യതയുണ്ട്. ഇവ കണ്ണിനുള്ളിലേക്ക് ഇറങ്ങിയാല്‍ കണ്ണില്‍ ചുവപ്പുനിറം, ചൊറിച്ചില്‍ എന്നിവ ഉണ്ടാകാം. ചുണ്ടുകളിലെ മേക്കപ്പ് കാരണം അവ വരണ്ടു വിണ്ടുകീറുകയും കറുപ്പ് നിറം ബാധിക്കുകയും ചെയ്യാം.

ചുളിവുകള്‍ വീഴാം

സ്ഥിരമായി മേക്കപ്പ് ധരിച്ച് ഉറങ്ങുന്നവരുടെ ചര്‍മത്തില്‍ ചെറുപ്പത്തിലെതന്നെ ചുളിവുകള്‍ വീഴാന്‍ സാധ്യതയുണ്ടെന്ന് ചില പഠനങ്ങള്‍ കാണിക്കുന്നു. ദീര്‍ഘനേരം മേക്കപ്പ് അണിഞ്ഞാല്‍ ചില രാസവസ്തുക്കള്‍ വര്‍ധിച്ച അളവില്‍ ശരീരത്തില്‍ എത്തുകയാണെങ്കില്‍ അര്‍ബുദകാരിയായി തീരാം. അതിനാല്‍ ഉറങ്ങുംമുമ്പ് മേക്കപ്പ് പൂര്‍ണമായും കഴുകി മാറ്റാനായി ശ്രദ്ധിക്കണം. ചര്‍മത്തിന്റെ സ്വഭാവമനുസരിച്ച് വെളിച്ചെണ്ണ, കോള്‍ഡ് ക്രീം, വൈപ്‌സ് ഇവ ഉപയോഗിക്കാം. ശേഷം വളരെ വീര്യം കുറഞ്ഞ ക്ലെന്‍സര്‍ ഉപയോഗിച്ച് കഴുകുകയും വേണം.