ആരോഗ്യഗുണവും ഔഷധ ഗുണവും ഒത്തുചേര്‍ന്ന കറിവേപ്പില
Posted by
17 February

ആരോഗ്യഗുണവും ഔഷധ ഗുണവും ഒത്തുചേര്‍ന്ന കറിവേപ്പില

വിഭവങ്ങള്‍ക്ക് രുചിയും മണവും വര്‍ദ്ധിപ്പിക്കാന്‍ ഉപയോഗിക്കുന്ന ഇലയായി മാത്രമാണ് നമുക്ക് കറിവേപ്പിലയെ അറിയാവുന്നത്. പല രോഗങ്ങള്‍ക്കെതിരേയും ഉപയോഗിക്കാവുന്ന കണ്‍കണ്ട ഔഷധമാണ് കറിവേപ്പിലയെന്ന് എത്ര പേര്‍ക്കറിയാം?

കറിവേപ്പിന്റെ ഇലകളും വേരും തൊലിയുമെല്ലാം ഔഷധമൂല്യമുളളതാണ്. വയറുവേദന, അതിസാരം, അരുചി, കൃമിദോഷം, അമിതവണ്ണം, പ്രമേഹം, കൊളസ്‌ട്രോള്‍ തുടങ്ങിയ രോഗങ്ങളെ നിയന്ത്രിക്കാന്‍ കഴിവുള്ള അത്യപൂര്‍വ്വ ഔഷധ ചെടിയാണ് കറിവേപ്പില. വിറ്റാമിന്‍ എ കൂടുതല്‍ ഉള്ള കറിവേപ്പില കാഴ്ച ശക്തി വര്‍ദ്ധിപ്പിക്കാന്‍ സഹായിക്കുന്നു.

ഹൃദയപ്രവര്‍ത്തനങ്ങളെ ത്വരിതപ്പെടുത്തുന്നതിനും ബ്ലഡ് ഷുഗര്‍, കൊളസ്‌ട്രോള്‍ എന്നിവ നിയന്ത്രിക്കുന്നതിനും കരള്‍ സംബന്ധമായ അസുഖങ്ങള്‍ക്ക് ശമനം നല്‍കുന്നതിനും കറിവേപ്പില സഹായകമാണ്.

ദഹന ശക്തി വര്‍ദ്ധിപ്പിക്കാനും, ഉദര രോഗങ്ങള്‍ ശമിപ്പിക്കുവാനും കറിവേപ്പില അത്യുത്തമമാണ്. ആസ്ത്മ രോഗികള്‍ ഒരു തണ്ടു കറിവേപ്പിലയും അല്‍പ്പം പച്ചമഞ്ഞളും നന്നായി അരച്ച് നെല്ലിക്കാ വലിപ്പത്തില്‍ നിത്യേന കഴിക്കുന്നത് രോഗം ശമിക്കുവാന്‍ സഹായിക്കും

കറിവേപ്പിലയും മഞ്ഞളും കൂട്ടി കഴിക്കുന്നത് കൊളസ്‌ട്രോളിനും അലര്‍ജി തുമ്മല്‍ എന്നിവക്കും ഫലപ്രദമാണ്. കറിവേപ്പില പാലില്‍ അരച്ചു വേവിച്ച് പുരട്ടിയാല്‍ ശരീരത്തിലുണ്ടാകുന്ന ചുട്ടുനീറ്റല്‍, വിഷാഘാതം എന്നിവക്ക് ശമനമുണ്ടാകും. ചിലതരം ത്വക്ക്രോഗങ്ങള്‍ വെളിച്ചെണ്ണയില്‍ കറിവേപ്പിലയും മഞ്ഞളും അരച്ചു തേച്ചാല്‍ ശമനമുണ്ടാകും.

സൗന്ദര്യസംരക്ഷണം

തലമുടി വളരാനുള്ള കൂട്ടുകളില്‍ കറിവേപ്പിലയ്ക്ക് വലിയ സ്ഥാനമുണ്ട്. കറിവേപ്പിലയിട്ട് കാച്ചിയ എണ്ണ തേച്ചുകുളിക്കുന്നത് മുടി സമൃദ്ധമായി വളരുന്നതിനും മുടിയുടെ കറുപ്പ് നിറം സംരക്ഷിക്കുന്നതിനും സഹായകമാണ്.

തലമുടി കൊഴിച്ചില്‍ തടയാന്‍ കറിവേപ്പില, കറ്റാര്‍വാഴ, മൈലാഞ്ചി എന്നിവ ചേര്‍ത്ത് എണ്ണ കാച്ചി തലയില്‍ തേച്ചാല്‍ മതിയാവും കറിവേപ്പിലക്കുരു ചെറുനാരങ്ങാനീരില്‍ അരച്ച് തലയില്‍ തേച്ച് അരമണിക്കൂറിന് കുളിച്ചാല്‍ പേന്‍, ഈര്, താരന്‍ എന്നിവ നിശ്ശേഷം മാറിക്കിട്ടും.

കറിവേപ്പില അരച്ച് പുളിച്ച മോരില്‍ കവിള്‍കൊള്ളുന്നത് വായ്പുണ്ണിനെ ശമിപ്പിക്കും. ഉപ്പൂറ്റി വിണ്ടു കീറുന്നതിന് പച്ചമഞ്ഞളും കറിവേപ്പിലയും ചേര്‍ത്തരച്ച് തുടര്‍ച്ചയായി മൂന്ന് ദിവസം കാലില്‍ പുരട്ടിയാല്‍ മതി.

മസ്തിഷ്‌കാഘാതത്തേയും ഹൃദ്രോഗത്തേയും പ്രതിരോധിക്കാന്‍ വാഴപ്പഴം
Posted by
15 February

മസ്തിഷ്‌കാഘാതത്തേയും ഹൃദ്രോഗത്തേയും പ്രതിരോധിക്കാന്‍ വാഴപ്പഴം

വാഴപ്പഴത്തിന് മസ്തിഷ്‌കാഘാതവും ഹൃദ്രോഗവും തടയാന്‍ കഴിവുണ്ടെന്ന് ഗവേഷകര്‍. എലികളില്‍ നടത്തിയ പഠനത്തിലാണ് ഈ കണ്ടെത്തല്‍. വാഴപ്പഴത്തിലടങ്ങിയിരിക്കുന്ന പൊട്ടാസ്യമാണത്രേ ഈ രക്ഷകന്‍.

പൊട്ടാസ്യം ധമനികളില്‍ കൊഴുപ്പടിയുന്നത് തടയും. ഇതിലടങ്ങിയിരിക്കുന്ന മറ്റു ധാതുക്കളാകട്ടെ മസ്തിഷ്‌കാഘാതത്തിനുളള സാധ്യതയും കുറയ്ക്കും.

ആരോഗ്യവാനായ ഒരാള്‍ക്ക് നിത്യവും 3,500 മില്ലിഗ്രാം പൊട്ടാസ്യമാണ് വേണ്ടത്. ദിവസവും രണ്ട് പഴം കഴിച്ചാല്‍ ഈ അളവ് നില നിര്‍ത്താനാകും.

ഉരുളക്കിഴങ്ങ്, ബ്രൊക്കോളി, മത്സ്യം, മുളപ്പിച്ച ധാന്യങ്ങള്‍ എന്നിവയാണ് പൊട്ടാസ്യത്തിന്റെ മറ്റ് ഉറവിടങ്ങള്‍

കേരളത്തില്‍ ഒന്നര വര്‍ഷത്തിനിടെ രക്തദാനത്തിലൂടെ എച്ച്‌ഐവി പകര്‍ന്നത് 89 പേര്‍ക്ക്; സംസ്ഥാനത്ത് ശേഖരിക്കുന്ന രക്തത്തില്‍ 0.5-1 ശതമാനത്തോളം അണുബാധ; ഞെട്ടിക്കുന്ന കണക്കുമായി സര്‍ക്കാര്‍
Posted by
15 February

കേരളത്തില്‍ ഒന്നര വര്‍ഷത്തിനിടെ രക്തദാനത്തിലൂടെ എച്ച്‌ഐവി പകര്‍ന്നത് 89 പേര്‍ക്ക്; സംസ്ഥാനത്ത് ശേഖരിക്കുന്ന രക്തത്തില്‍ 0.5-1 ശതമാനത്തോളം അണുബാധ; ഞെട്ടിക്കുന്ന കണക്കുമായി സര്‍ക്കാര്‍

കൊച്ചി: ഒന്നര വര്‍ഷത്തിനിടെയില്‍ രക്തം സ്വീകരിച്ചതുവഴി കേരളത്തില്‍ 89 പേര്‍ക്ക് എച്ച്‌ഐവി ബാധിച്ചെന്ന ഞെട്ടിക്കുന്ന റിപ്പോര്‍ട്ട് പുറത്ത്. 2016 വരെയുള്ള ഒന്നരവര്‍ഷത്തിനിടെയിലെ പഠന റിപ്പോര്‍ട്ട് എന്‍എസിഒ ആണ് പുറത്തു വിട്ടിരിക്കുന്നത്. 2007 മുതല്‍ രക്തം സ്വീകരിച്ചതു വഴി രാജ്യത്ത് 20,592 പേര്‍ക്ക് എച്ച്‌ഐവി ബാധിച്ചതായാണു സര്‍ക്കാരിന്റെ കണക്ക്. കേരളത്തില്‍ ശേഖരിക്കുന്ന രക്തത്തില്‍ 0.5-1 ശതമാനത്തോളം അണുബാധയുള്ളതാണ്.

രക്തം നല്‍കുന്നതിലൂടെ രോഗം പടരുന്നതു തടയാന്‍ കേരളത്തില്‍ രക്ത പരിശോധനയ്ക്കു ന്യൂക്ലിയിക് ആസിഡ് ആംപ്ലിഫിക്കേഷന്‍ ടെക്നോളജി (നാറ്റ്) അടിയന്തരമായി നടപ്പാക്കണമെന്നു വിദഗ്ധര്‍. രാജ്യത്തെ നിരവധി ആശുപത്രികളും രക്തബാങ്കുകളും ഇതുവരെ നാറ്റ് സൗകര്യം സ്ഥാപിച്ചിട്ടില്ല.

സംസ്ഥാനത്ത് 160 രക്ത ബാങ്കുകളും രക്തശേഖരണ സൗകര്യങ്ങളുമുണ്ട്. ഇതില്‍ 1-2 ശതമാനത്തിനു മാത്രമേ നാറ്റ് സൗകര്യമുള്ളു. നാറ്റ് സാങ്കേതിക വിദ്യ നടപ്പിലാക്കാന്‍ ചുരുങ്ങിയത് മൂന്നുകോടി രൂപ മുതല്‍മുടക്കുവരും. കനത്ത സാമ്പത്തികച്ചെലവാണു സര്‍ക്കാര്‍ ആശുപത്രികളില്‍ ഇതു നടപ്പാക്കാനുള്ള തടസം.

ജനിതക ഘടകങ്ങളെ ബാധിക്കുന്ന എച്ച്‌ഐവി, ഹെപ്പെറ്റെറ്റിസ് ബി, ഹെപ്പെറ്റെറ്റിസ് സി തുടങ്ങിയ വൈറസുകളെ നേരിട്ടു കണ്ടുപിടിക്കാന്‍ നാറ്റ് ടെസ്റ്റ് സഹായിക്കുമെന്നും സംസ്ഥാനത്തെ രക്തബാങ്കുകളില്‍ ഇത് അടിയന്തരമായി നടപ്പാക്കണമെന്നും വിദഗ്ധ സമിതി പറഞ്ഞു.

കൊച്ചി ഐഎംഎ ബ്ലഡ് ബാങ്ക് മെഡിക്കല്‍ ഓഫീസര്‍ ഡോ. ഏബ്രഹാം വര്‍ഗീസ്, തൃശൂര്‍ ജൂബിലി മിഷന്‍ മെഡിക്കല്‍ കോളജ് ആന്‍ഡ് റിസര്‍ച് ഇന്‍സ്റ്റിറ്റ്യൂട്ടിലെ ക്ലിനിക്കല്‍ ലാബ് ആന്‍ഡ് ബ്ലഡ് ബാങ്ക് ഹെഡ് ഡോ. സുശീല ജെ ഇന്ന, റോഷ് ഡയഗ്‌നോസ്റ്റിക്സ് ഇന്ത്യയുടെ മെഡിക്കല്‍ ആന്‍ഡ് സയന്റിഫിക് അഫയേഴ്സ് തലവന്‍ ഡോ. സന്ദീപ് സ്യൂലികര്‍ എന്നിവരടങ്ങിയ പാനലാണു നാറ്റ് ടെസ്റ്റിന്റെ പ്രാധാന്യം വ്യക്തമാക്കിയത്. ദാനം ചെയ്യുന്ന രക്തത്തിലെ അണുബാധ കണ്ടെത്താനുള്ള ഏറ്റവും സൂക്ഷ്മമായ സാങ്കേതികവിദ്യയാണ് നാറ്റ് ടെസ്റ്റിങ്.

ഔഷധ സസ്യങ്ങളെ അറിയാം; നട്ടു വളര്‍ത്താം
Posted by
13 February

ഔഷധ സസ്യങ്ങളെ അറിയാം; നട്ടു വളര്‍ത്താം

ചെറുതായൊരു പനിവന്നാല്‍ പോലും ഇന്ന് നാമെല്ലാം ഓടുന്നത് മള്‍ട്ടി സ്‌പെഷ്യാലിറ്റി ഹോസ്പിറ്റലുകളിലേക്കാണ്. എന്നാല്‍ പണ്ടിങ്ങനെയായിരുന്നില്ല.

വീട്ടിലാര്‍ക്കെങ്കിലും പനിയോ തുമ്മലോ ഛര്‍ദ്ദിയോ ഒക്കെ വന്നാല്‍ വീട്ടിലെ മുതിര്‍ന്നവര്‍ മുറ്റത്തേക്കിറങ്ങും. തിരിച്ചു വരുന്നത് കയ്യിലൊതുക്കിപ്പിടിച്ച പച്ചില മരുന്നുകളുമായാകും. എന്തിനും ഏതിനും ഒറ്റമൂലി അവരുടെയടുത്തുണ്ടായിരുന്നു.

എല്ലാ വീട്ടുമുറ്റത്തും അത്യാവശ്യം വേണ്ട ഔഷധസസ്യങ്ങളെല്ലാം ഉണ്ടായിരുന്നു പണ്ട്. നട്ടു വളര്‍ത്താതെ താനേ ഉണ്ടായി വരുമായിരുന്നു അവ.

പഴയകാലം തിരിച്ചു വരില്ലെങ്കിലും വീട്ടുമുറ്റത്ത് നമുക്ക് അവ നട്ടുവളര്‍ത്താനാകും. അത്തരം ചില സസ്യങ്ങളെ പരിചയപ്പെടാം.

തുളസി

ഔഷധസസ്യങ്ങളുടെ റാണിയെന്നാണ് തുളസി അറിയപ്പെടുന്നത്. നാലുതരം തുളസികളുണ്ട്- രാമതുളസി, കൃഷ്ണ തുളസി, കര്‍പ്പൂര തുളസി. പലതരം രോഗങ്ങള്‍ക്കും തുളസി ഒരു ദിവ്യൗഷധം തന്നെയാണ്. പനിക്ക് കണ്‍കണ്ട മരുന്നാണ് തുളസി.

കറ്റാര്‍വാഴ

നല്ല സൂര്യപ്രകാശത്തില്‍ വളരുന്ന സസ്യമാണ് കറ്റാര്‍വാഴ. കറ്റാര്‍വാഴ നീര് സൗന്ദര്യവര്‍ദ്ധകമായി ഉപയോഗിക്കുന്നു.

പുറമേയുളള ഉപയോഗത്തിനു മാത്രമല്ല, ഉദരസംബന്ധിയായ രോഗങ്ങള്‍ക്കും മലബന്ധത്തിനുമൊക്കെ പ്രതിവിധിയാണ് കറ്റാര്‍വാഴനീര്.

 

കരിനൊച്ചി

മൂന്ന് മീറ്ററോ അതിലും കൂടുതലോ ഉയരത്തില്‍ ശാഖോപശാഖകളായി പടര്‍ന്ന് വളരുന്ന ഒരു സസ്യമാണിത്.
ഇലകളില്‍ ബാഷ്പശീലതൈഅലം, റേസിന്‍, സുഗന്ധതൈലം, കാര്‍ബണിക അമ്ലം, ആല്‍ക്കലോയിഡുകള്‍ എന്നിവ അടങ്ങിയിരിക്കുന്നു.
വേര്, തൊലി , ഇല എന്നിവയാണ് ഔഷധയോഗ്യമായ ഭാഗങ്ങള്‍. നീര്, വേദന, വാതം എന്നിവയെ ശമിപ്പിക്കും

 

കാശിത്തുമ്പ

കാശിത്തുമ്പ അണുനാശിനിയായാണ് അറിയപ്പെടുന്നത്. ഇതില്‍ നിന്ന് ഉത്പാദിപ്പിക്കുന്ന തൈമോയില്‍ വിപണിയില്‍ ലഭ്യമായ മൗത്ത്വാഷുകളിലെ പ്രധാന ഘടകമാണ്. വായുക്ഷോഭത്തിനും ചുമയ്ക്കും ഔഷധമായി ഉപയോഗിക്കുന്നു.

 

ഇഞ്ചിപ്പുല്ല്

ഒട്ടേറെ ഔഷധഗുണങ്ങളുളള സസ്യമാണിത്. ഇതില്‍ നിന്നെടുക്കുന്ന എണ്ണ എല്ലാത്തരം വേദനകള്‍ക്കും ഒരു ശമനൗഷധമായി ഉപയോഗിക്കുന്നു. ഡിപ്രഷന്‍- നാഡീ സംബന്ധിയായ രോഗങ്ങള്‍ക്കും ഔഷധമാണിത്.

ഹെഡ്‌ഫോണ്‍ തുടര്‍ച്ചയായി ഉപയോഗിക്കുന്നവരില്‍ ഹൃദ്രോഗ സാധ്യത കൂടും
Posted by
12 February

ഹെഡ്‌ഫോണ്‍ തുടര്‍ച്ചയായി ഉപയോഗിക്കുന്നവരില്‍ ഹൃദ്രോഗ സാധ്യത കൂടും

തുടര്‍ച്ചയായി ഹെഡ്‌ഫോണ്‍ ഉപയോഗിച്ച് പാട്ട് കേള്‍ക്കുന്നത് ശീലമാക്കിയവര്‍ സൂക്ഷിക്കുക. കമ്പ്യൂട്ടറില്‍ നിന്നോ മൊബൈല്‍ ഫോണിലെ എഫ് എം റേഡിയോയില്‍ നിന്നോ തുടര്‍ച്ചയായി ഹെഡ്‌ഫോണ്‍ ഉപയോഗിച്ച് പാട്ട് കേള്‍ക്കുന്നവര്‍ക്ക് ഹൃദ്രോഗം ഉണ്ടാകാനുള്ള സാധ്യത അധികമെന്ന് വിദഗ്ദ്ധര്‍ മുന്നറിയിപ്പ് നല്‍കുന്നു.

തുടര്‍ച്ചയായുള്ള ഹെഡ്‌ഫോണിന്റെ ഉപയോഗം മാനസിക അസ്വസ്ഥത, ഹൈപ്പര്‍ടെന്‍ഷന്‍ തുടങ്ങിയ അവസ്ഥകളിലേക്കും ഇത് ഹൃദ്രോഗത്തിലേക്കും നയിക്കുമെന്നുമാണ് ഡോക്ടര്‍മാര്‍ അഭിപ്രായപ്പെടുന്നത്.

ഇത് കൂടാതെ ഉച്ചത്തിലുള്ള ശബ്ദം തുടര്‍ച്ചയായി കേള്‍ക്കുന്ന നാഡിവ്യൂഹത്തിനും ചെവിയിലെ ഞരമ്പുകള്‍ക്കും പ്രശ്‌നങ്ങള്‍ സൃഷ്ടിക്കും ഡോക്ടര്‍മാര്‍ പറയുന്നു

ഇരുപ്പ് കൂടിയാല്‍ ആയുസ്സ് കുറയും….
Posted by
09 February

ഇരുപ്പ് കൂടിയാല്‍ ആയുസ്സ് കുറയും....

ദിവസവും വ്യായാമം ചെയ്യുന്നുണ്ട്; എന്നാല്‍ എട്ടുമണിക്കൂര്‍ ഇരുന്ന് ഓഫീസ് ജോലി ചെയ്യുന്നവരാണോ നിങ്ങള്‍? എങ്കില്‍ വ്യായാമം ചെയ്യുന്നതിന്റെ ഗുണഫലങ്ങള്‍ ഈ ഇരിപ്പ് ഇല്ലാതാക്കുമെന്ന് പഠനം.

മണിക്കൂറുകള്‍ നീണ്ട ഇരുപ്പ് ആരോഗ്യത്തെ പ്രതികൂലമായി ബാധിക്കുമെന്നാണ് കണ്ടെത്തല്‍. ഇരിപ്പ് കൂടുന്നതിനനുസരിച്ച് ആയുസ്സും കുറയും.

നിഷ്‌ക്രിയമായ മാംസപേശികളുമായി മണിക്കൂറുകളോളം ഇരുന്ന് ജോലിചെയ്യുന്നവരില്‍ പ്രമേഹം, ഹൃദ്രോഗം, പൊണ്ണത്തടി എന്നീ രോഗാവസ്ഥകള്‍ക്കുള്ള സാധ്യത വളരെ അധികമാണെന്നാണ് കൊളംബിയയില്‍ മിസൗറി സര്‍വകലാശാലയിലെ ഗവേഷകര്‍ കണ്ടെത്തിയത്.

‘കൊഴുപ്പ് ഉരുക്കിക്കളയാന്‍ കഴിവുള്ള ദീപനരസങ്ങള്‍ (എന്‍സൈമുകള്‍) അടങ്ങിയ മാംസപേശികളിലെ രക്തക്കുഴലുകള്‍, ഏതാനും മണിക്കൂര്‍ ഇരുന്ന് ജോലിചെയ്യുമ്പോള്‍ തന്നെ അടഞ്ഞുപോകുന്നു.

കൂടുതല്‍ സമയം ഇരുന്ന് ജോലിചെയ്യുന്നവരില്‍, ഏറ്റവും അനുകൂലമായ തോതില്‍പ്പോലും ഉപാപചയ പ്രവര്‍ത്തനങ്ങള്‍ നടക്കാനുള്ള സാധ്യതയും വിരളമാണ്. ഇത്തരക്കാരില്‍ രോഗഹേതുകമായ ഘടകങ്ങളുടെ പ്രവര്‍ത്തനം ത്വരപ്പെടുകയും ചെയ്യുന്നു.

‘ഇരിപ്പ് കുറയ്ക്കാം; ശരീരമനക്കാം’ എന്നതാണ് അമേരിക്കന്‍ ഹാര്‍ട്ട് അസോസിയേഷന്‍ ലോകജനതയോട് പറയുന്നത്. എയ്റോബിക് പോലുളള വ്യായാമങ്ങള്‍ ശീലമാക്കുകയാണ് ഇരിപ്പധികമാക്കിയവര്‍ക്ക് ചെയ്യാവുന്ന പ്രതിവിധി.

കൂടാതെ ജോലി സമയത്ത് ഓരോ മുപ്പത് മിനിറ്റ് എഴുന്നേറ്റ് റിലാക്സ് ചെയ്യുകയും നടക്കുകയും ചെയ്യുന്നത് ശീലമാക്കണം.

നടുവേദനയോ? പോംവഴിയുണ്ട്
Posted by
06 February

നടുവേദനയോ? പോംവഴിയുണ്ട്

ഇരുപതു വയസ്സ് പ്രായമുളളവരില്‍ പോലും നടുവേദന സാധാരണമാവുകയാണ്. പലരുടേയും ശരീരം ഫിറ്റ് അല്ല എന്നതാണ് ചെറുപ്രായത്തിലേ നടുവേദന ഉണ്ടാകാന്‍ കാരണം. പണ്ടുളള ആളുകള്‍ പത്തും പതിനാറും കിലോമീറ്ററുകള്‍ നടന്നു പോയാണ് പഠിച്ചിരുന്നത്.

അതുകൊണ്ടു തന്നെ അവരുടേത് ആരോഗ്യമുളള ശരീരമായിരുന്നു. പേശികളും സന്ധികളുമൊക്കെ ഫിറ്റായിരിക്കും. ഇന്നത്തെ തലമുറയില്‍ കായിക പ്രവര്‍ത്തനങ്ങള്‍ വളരെ കുറവാണ്. മാറിവരുന്ന ആഹാരശൈലിയാണ് നടുവേദന ഉണ്ടാക്കുന്ന മറ്റൊരു വില്ലന്‍.

നമ്മുടെ ഭക്ഷണങ്ങളില്‍ നിന്നും പഴങ്ങളും പച്ചക്കറികളും ഒഴിവാക്കപ്പെടുകയും ഫാസ്റ്റ് ഫുഡ് സംസ്‌കാരം ജീവിതത്തെ കീഴടക്കുകയും ചെയ്തതോടെ ശരീരത്തില്‍ അമിതമായി കൊഴുപ്പ് അടിയുകയും ഇതു മൂലം ശരീരഭാരം കൂടുകയും ചെയ്യുന്നു.

ശരീരഭാരം പേശികള്‍ക്ക് താങ്ങാന്‍ കഴിയാത്തതാണ് നടുവേദനയുടെ പ്രധാനകാരണം

നടുവെട്ടല്‍ എന്തുകൊണ്ട്?

കായികമായ അധ്വാനമില്ലാത്തവര്‍ കുനിഞ്ഞ് ഭാരമുളള എന്തെങ്കിലും വസ്തു ഉയര്‍ത്താന്‍ ശ്രമിക്കുമ്പോള്‍ ഈ അവസ്ഥ ഉണ്ടാകാറുണ്ട്. വ്യായാമത്തിന്റെ അഭാവമാണ് ഇതിനു കാരണം. വ്യായാമം ഇല്ലാത്ത ഒരാള്‍ എന്തെങ്കിലും ഉയര്‍ത്താന്‍ ശ്രമിക്കുമ്പോള്‍ പേശികള്‍ക്ക് സ്ട്രയിനുണ്ടാവുകയും ചതയുകയും ചെയ്യും.

ഇതാണ് നടുവെട്ടല്‍ അല്ലെങ്കില്‍ കൊളുത്തിപ്പിടിക്കുക എന്നു പറയുന്നത്. ഈ അവസ്ഥ വ്യക്തമാക്കുന്നത് ആരോഗ്യമില്ലായ്മയേയാണ്.

അതായത്, വ്യായാമം ചെയ്യുകയും ശരീരഭാരം കുറയ്ക്കുകയും ചെയ്യേണ്ട സമയം അതിക്രമിച്ചിരിക്കുന്നു. അങ്ങനെയുളളവര്‍ ദിവസവും 45 മിനിറ്റു നേരം കൃത്യമായി വ്യായാമോ നടത്തമോ ചെയ്യേണ്ടതാണ്.

നടുവേദന ഒഴിവാക്കാന്‍

  • ഇരിക്കുമ്പോള്‍ തീരെ മൃദുവായതും ശരീരഭാരം കൊണ്ട് പതിഞ്ഞമര്‍ന്ന് പോകുന്നതുമായ പ്രതലങ്ങള്‍ ഒഴിവാക്കുക.
  • നില്‍ക്കുമ്പോള്‍ നടുവ് നിവര്‍ത്തി വയറ് ഉളളിലേക്ക് വലിച്ച് നില്‍ക്കാന്‍ ശ്രദ്ധിക്കുക. മുന്നോട്ട് കുനിയുമ്പോള്‍ മുട്ടുവളച്ചു മാത്രം കുനിയുക.
  • ഉറങ്ങുമ്പോള്‍ തീരെ മൃദുവായതും പതിഞ്ഞു പോകുന്നതുമായ മെത്ത നല്ലതല്ല. മലര്‍ന്ന് കിടക്കുമ്പോള്‍ നട്ടെല്ലിന്റെ സ്വാഭാവിക ആകൃതിക്ക് മാറ്റം വരുത്താത്തതും എന്നാല്‍ നട്ടെല്ലിന് പൂര്‍ണമായും താങ്ങു കൊടുക്കുന്നതുമായ മെത്ത ഉപയോഗിക്കുക.
  • ഭാരം ഉയര്‍ത്തുമ്പോള്‍ മുട്ടു മടക്കി നടുവ് നിവര്‍ത്തി താഴെ നിന്നും ഉയര്‍ത്തുക. മുട്ടുമടക്കാതെ മുന്നോട്ട് കുനിയരുത്. ഉയര്‍ത്തുന്ന ഭാരം മുഴുവന്‍ തുടയിലെ മാംസ പേശികള്‍ പേറുന്നതിനാല്‍ നടുവിന് ക്ഷതം വരുന്നില്ല.
25 ശസ്ത്രക്രിയകളും ഫലം കണ്ടില്ല: മുറിച്ച്മാറ്റിയ വേരുകള്‍ പൊട്ടിമുളയ്ക്കുന്നു: വീണ്ടും ശസ്ത്രക്രിയയ്ക്ക് ഒരുങ്ങി മരമനുഷ്യന്‍
Posted by
04 February

25 ശസ്ത്രക്രിയകളും ഫലം കണ്ടില്ല: മുറിച്ച്മാറ്റിയ വേരുകള്‍ പൊട്ടിമുളയ്ക്കുന്നു: വീണ്ടും ശസ്ത്രക്രിയയ്ക്ക് ഒരുങ്ങി മരമനുഷ്യന്‍

ധാക്ക: ശരീരത്തില്‍ വേരുകള്‍ക്ക് സമാനമായ വളര്‍ച്ചയുണ്ടായതിനെ തുടര്‍ന്ന് ബംഗ്ലാദിശേി യുവിവനെ വീണ്ടും ശസ്ത്രക്രിയയ്ക്ക് വിധേയനാക്കി. 25 ശസ്ത്രക്രിയ നടത്തി അധികമായി വളരുന്ന പേശികള്‍ നീക്കം ചെയ്തിരുന്നുവെങ്കിലും വീണ്ടും വളരുകയായിരുന്നു. എപിഡെര്‍മോഡൈപ്ലേഷ്യ വെറസിഫോര്‍മിസ് എന്ന അവസ്ഥയാണിത്.

റിക്ഷാ തൊഴിലാളിയായ അബ്ദുള്‍ ബജനന്ദര്‍ എന്ന യുവാവിനാണ് ഈ വിചിത്ര രോഗം പിടിപ്പെട്ടത്. അപൂര്‍വ്വമായി പിടിപ്പടെുന്ന ജനറ്റിക്ക് രോഗം ഈ യുവാവിന്റെ കൈ കാലുകളില്‍ പടര്‍ന്ന് വ്യാപിച്ചിട്ടുണ്ട്. അധികമായി വളരുന്ന പേശികള്‍ക്ക് ഏതാണ്ട് അഞ്ച് കിലോയോളം തൂക്കമുള്ളതിനാല്‍ പലകാര്യങ്ങള്‍ ചെയ്യുന്നതിനും തനിക്ക് പരിമിതികളുണ്ടെന്ന് അബ്ദുള്‍ പറയുന്നു.

ശ്വാസകോശം മാത്രമല്ല ഹൃദയവും സ്‌പോഞ്ച് പോലെയാണ്; ദിവസവും ഒരോ സിഗരറ്റ് വലിച്ചാലും ഹൃദയം തകരാറിലാകുമെന്ന് പഠനം
Posted by
04 February

ശ്വാസകോശം മാത്രമല്ല ഹൃദയവും സ്‌പോഞ്ച് പോലെയാണ്; ദിവസവും ഒരോ സിഗരറ്റ് വലിച്ചാലും ഹൃദയം തകരാറിലാകുമെന്ന് പഠനം

ശ്വാസകോശങ്ങളെ മാത്രമല്ല നിങ്ങളുടെ പുകവലി ശീലം ഹൃദയത്തേയും തകരാറിലാക്കും. ഇതുവരെ ശ്വാസകോശങ്ങളെ മാത്രമാണ് പുകവലി ദോഷമായി ബാധിക്കുക എന്നായിരുന്നു പൊതു ധാരണ. ഇതിനെ തിരുത്തുന്നതും ആരോഗ്യത്തെ കുറിച്ച് ആശങ്കപ്പെടുന്നവരെ ഏറെ ഭയപ്പെടുത്തുന്നതുമാണ് പുതിയ പഠനം. ദിവസവും ഓരോ സിഗററ്റ് വലിക്കുന്നവരുടെ പോലും ‘ഹൃദയം തകര്‍ക്കുന്ന’താണ് ഈ വിവരങ്ങള്‍. ദിവസം ഒരു സിഗരറ്റ് വലിക്കുന്നവരുടെ ഹൃദയം തകരാറിലാകാനുള്ള സാധ്യത ഉണ്ടെന്നാണ് പുതിയ പഠനം മുന്നറിയിപ്പ് നല്‍കുന്നത്. ഇതിനെ മറികടക്കാന്‍ പുകവലി പൂര്‍ണ്ണമായും നിര്‍ത്തുക മാത്രമാണ് വഴിയെന്നും പഠനം പറയുന്നു.

ബ്രിട്ടീഷ് മെഡിക്കല്‍ ജേര്‍ണലിലാണ് പഠനം പ്രസിദ്ധീകരിച്ചിരിക്കുന്നത്. ദിവസവും പുകവലിക്കുന്നവരില്‍ കൊറോണറി ഹൃദയരോഗങ്ങള്‍ക്കുള്ള സാധ്യത പ്രതീക്ഷിച്ചതിലും വളരെ കൂടുതലാണ് എന്നാണ് ഗവേഷകര്‍ പറയുന്നത്. പുകവലിക്കാരില്‍ കാന്‍സറിനേക്കാള്‍ കൂടുതല്‍ മരണ കാരണമാകുന്നത് ഹൃദ്രോഗങ്ങളാണ്. 48 ശതമാനം പേരാണ് പുകവലിയെ തുടര്‍ന്നുള്ള ഹൃദ്രോഗങ്ങളാല്‍ മരണപ്പെടുന്നത്.

പ്രായം, ബോഡി മാസ് ഇന്‍ഡക്സ് (ബിഎംഐ), രക്തസമ്മര്‍ദ്ദം, പ്രമേഹം, മദ്യപാനം തുടങ്ങി നിരവധി ഘടകങ്ങള്‍ ഹൃദ്രോഗങ്ങള്‍ ഉണ്ടാകുന്നതിന് കാരണമാണ്. ഇക്കൂട്ടത്തില്‍ പുകവലി കൂടി ഉണ്ടെന്നത് പുകവലി ശീലമാക്കിയവരില്‍ ആശങ്ക സൃഷ്ടിക്കുന്നതാണ്.

ഹൃദയമിടിപ്പിന്റെ നിരക്ക് കൂടുന്നതിനും രക്തസമ്മര്‍ദ്ദം ഉയരുന്നതിനും പുകവലി കാരണമാകുന്നു. സിഗരറ്റില്‍ അടങ്ങിയ പദാര്‍ത്ഥങ്ങള്‍ രക്തക്കുഴലുകളെ തകരാറിലാക്കും. ഇതാണ് പുകവലിക്കാരെ ഹൃദ്രോഗത്തിലേക്ക് നയിക്കുന്നത്. ലോകമാകെ 26 ദശലക്ഷം ആളുകള്‍ ഹൃദ്രോഗികളാണ്. ഇന്ത്യയിലാകട്ടെ ഇത് 10 ദശലക്ഷം പേരാണ്. ഇതില്‍ പുകവലിക്കാരും ഉള്‍പ്പെടുന്നു.

‘കാന്‍സര്‍ വാക്‌സിന്‍’ പരീക്ഷണം വിജയം
Posted by
03 February

'കാന്‍സര്‍ വാക്‌സിന്‍' പരീക്ഷണം വിജയം

ന്യൂയോര്‍ക്ക്: കാന്‍സര്‍ ചികിത്സാ രംഗത്ത് പ്രതീക്ഷയേകുന്ന വിജയവുമായി ഗവേഷകര്‍. അര്‍ബുദത്തിനെതിരെ വികസിപ്പിച്ച വാക്‌സിന്‍ ഉപയോഗിച്ച് ചുണ്ടെലികളിലെ കാന്‍സര്‍ പരിപൂര്‍ണ്ണമായും നീക്കംചെയ്യാന്‍ ഗവേഷകര്‍ക്കായി. ചുണ്ടെലികളിലെ പരീക്ഷണം വിജയമായതിനെത്തുടര്‍ന്ന് ഇത് മനുഷ്യരില്‍ പരീക്ഷിക്കാനൊരുങ്ങുകയാണ് ഗവേഷകര്‍.

‘വളരെ സൂക്ഷ്മമായ അളവില്‍ രണ്ട് പ്രതിരോധ വര്‍ധക ഏജന്റ് (ഇമ്മ്യൂണ്‍ സ്റ്റിമുലേറ്റിങ് എജന്റ്സ്) കാന്‍സര്‍ മുഴകളിലേക്ക് കുത്തിവെച്ചായിരുന്നു പരീക്ഷണം. ഈ രണ്ട് ഏജന്റുകളെ ഒരുമിച്ച് ഉപയോഗിക്കുമ്പോള്‍ ശരീരമാസകലമുള്ള മുഴകള്‍ അപ്രത്യക്ഷമാവുന്ന കാഴ്ച്ചയാണ് ഉണ്ടായത്’-സ്റ്റാന്‍ഫഡ് സര്‍വകലാശാലയിലെ ഓങ്കോളജി പ്രൊഫസര്‍ റൊണാള്‍ഡ് ലെവി പറയുന്നു.

ലിംഫോമ കാന്‍സറിനെതിരെ 90 എലികളില്‍ പരീക്ഷണം നടത്തിയപ്പോള്‍ അതില്‍ 87 എണ്ണവും പൂര്‍ണ്ണമുക്തി നേടി. അവശേഷിച്ച മൂന്ന് എലികള്‍ക്ക് രണ്ടാംഘട്ട കുത്തിവെപ്പ് നല്‍കും. രാസസംയുക്തം കുത്തിവെച്ചപ്പോള്‍ കാന്‍സര്‍ ബാധിത കോശങ്ങളെ അത് നശിപ്പിക്കുന്നതായി പരീക്ഷണത്തില്‍ തെളിഞ്ഞു. വ്യത്യസ്തമായ പലയിനം കാന്‍സറുകളില്‍ നിന്ന് പരിപൂര്‍ണ്ണ മുക്തി നേടാന്‍ സഹായിക്കുന്നതാണ് ഈ ‘വാക്‌സിന്‍’ എന്ന് ഗവേഷകര്‍ കരുതുന്നു. ‘സയന്‍സ് ട്രാന്‍സ്ലേഷണല്‍ മെഡിസിന്‍’ ജേര്‍ണലിലാണ് പഠനറിപ്പോര്‍ട്ട് പ്രസിദ്ധീകരിച്ചത്

ഇതില്‍ ഒരു സംയുക്തം മനുഷ്യരില്‍ പ്രയോഗിക്കാന്‍ അംഗീകാരം ലഭിച്ചിട്ടുണ്ട്. 15 രോഗികളിലാണ് ആദ്യം പരീക്ഷണം നടത്തുന്നത്. മനുഷ്യരിലും പരീക്ഷണം വിജയമാകുമെന്നാണ് ഗവേഷകരുടെ പ്രതീക്ഷ.

error: This Content is already Published.!!