മത്തിക്ക് അജ്ഞാത രോഗം! കഴിച്ചാല്‍ എട്ടിന്റെ പണി ഉറപ്പ്; ഇതാണ് ആ രോഗം
Posted by
29 January

മത്തിക്ക് അജ്ഞാത രോഗം! കഴിച്ചാല്‍ എട്ടിന്റെ പണി ഉറപ്പ്; ഇതാണ് ആ രോഗം

മലയാളികള്‍ ഏറ്റവും അധികം ഉപയോഗിക്കുന്ന മത്സ്യമാണ് മത്തി അഥവ ചാള. എന്നാല്‍ ഇപ്പോള്‍ ഇതാ മലയാളികളുടെ പ്രിയപ്പെട്ട മത്തി ഇനിമുതല്‍ കഴിക്കാന്‍ പറ്റില്ലെന്ന തരത്തിലുള്ള വാര്‍ത്തകള്‍ പുറത്തുവരുന്നു. വാട്ട്‌സാപ്പിലൂടെയാണ് അത്തരമൊരു വാര്‍ത്തയും ചിത്രങ്ങളും പ്രചരിക്കുന്നത്. മത്തിക്ക് എന്തോ ഒരു അപൂര്‍വ്വ രോഗം ബാധിച്ചു എന്നാണ് ചിത്രസഹിതം വിശദീകരിക്കുന്നത്.

ആ ചിത്രങ്ങള്‍ ഒറ്റനോട്ടത്തില്‍ കണ്ടാല്‍ മത്തിയുടെ മുട്ടയാണെന്നാണ് തോന്നുക. എന്നാല്‍ അത് മുട്ടയല്ലെന്നും ഒരു രോഗമാണെന്നുമാണ് പ്രചാരണം. മത്തിക്ക് രോഗമാണെന്നു മാത്രമല്ല, രോഗമുള്ള മത്തി കഴിച്ചാല്‍ ആ രോഗം മനുഷ്യര്‍ക്കും ബാധിച്ചെക്കുമെന്നും പറയുന്നു. എന്നാല്‍ ഈ പറയുന്നതുപോലെ ഒരു തരത്തിലുള്ള പ്രശ്‌നവും ഇല്ല എന്നതാണ് സത്യം. എങ്കിലും ആ ഫോട്ടോയില്‍ കാണുന്നത് തട്ടിപ്പല്ലെന്നും പറയുന്നു.

ചിത്രങ്ങള്‍ പ്രചരിച്ചതിനു പിന്നാലെയാണ് അതിന്റെ സത്യാവസ്ഥ പുറത്തുവന്നത്. മത്തിയുടെ ഉള്ളില്‍ കാണുന്നത് ഒരു പരാദമാണ്. അതായത് നമ്മുടെ ഇത്തിള്‍ കണ്ണിയെപ്പോലെയുള്ള ഒന്ന്. പാരസൈറ്റ് എന്നാണ് അതിനെ ഇംഗ്ലീഷില്‍ പറയുക. ടുണീഷ്യയിലുള്ള മത്തിയിലാണ് ഈ പരാദജീവികള്‍ കാണുന്നത്. അതിനാല്‍ അത്തരത്തിലുള്ള മത്തി കഴിക്കുന്നത് ഒരു തരത്തിലുള്ള ആരോഗ്യ പ്രശ്‌നങ്ങളും ഉണ്ടാക്കില്ലെന്നും ആരോഗ്യവിദഗ്ദര്‍ പറയുന്നു.

ചോക്കലേറ്റിന്റെ കാലം കഴിയുന്നു
Posted by
04 January

ചോക്കലേറ്റിന്റെ കാലം കഴിയുന്നു

ചോക്കലേറ്റ് പ്രേമികള്‍ക്ക് ഒരു ദു:ഖ വാര്‍ത്ത. കൊതിയോടെ നുണഞ്ഞു കഴിക്കാന്‍
ചോക്കലേറ്റുകള്‍ ഇനി അധികകാലം ഉണ്ടാവില്ലത്രേ…

കൊക്കോ മരത്തിന്റെ നാശമാണ് ചോക്കലേറ്റിന്റെ അന്ത്യത്തിന് കാരണമായി പറയുന്നത്. ആഗോള താപനവും വരണ്ട കാലാവസ്ഥയുമാണ് കൊക്കോ മരത്തിന് ഭീഷണിയായിരിക്കുന്നത്. ഏകദേശം 30 വര്‍ഷം മാത്രമായിരിക്കും ചോക്കലേറ്റിന് ആയുസ്സെന്ന് കാലിഫോര്‍ണിയ സര്‍വകലാശാലയിലെ ശാസ്ത്രജ്ഞര്‍ പറയുന്നു. 2050 ആകുമ്പോഴേക്ക് ചോക്കലേറ്റ് അപ്രത്യക്ഷമാകുമെന്നാണ് ശാസ്ത്രജ്ഞന്‍മാരുടെ നിഗമനം.

കൊക്കോ ബീന്‍സ് ഉത്പാദിപ്പിക്കുന്ന കൊക്കോ മരങ്ങള്‍ ഭൂമധ്യരേഖയില്‍ നിന്ന് 20 ഡിഗ്രി വടക്ക്, തെക്ക് ഭാഗത്തുള്ള പ്രദേശങ്ങളിലാണ് വളരുന്നത്. ഈ പ്രദേശത്തെ താപനില, മഴ, ഈര്‍പ്പം എന്നിവ വര്‍ഷത്തിലുടനീളം ഒരേ നിലയില്‍ തുടരുന്നതാണ് വളര്‍ച്ചയുടെ രഹസ്യം. വര്‍ധിച്ചുവരുന്ന ചൂട് മണ്ണിലെ ഈര്‍പ്പം കുറയ്ക്കുമ്പോള്‍ 2050-ഓടെ ലോകത്തെ പല പ്രദേശങ്ങളിലെയും മണ്ണ് ഊഷരമായി, കൊക്കോ ഉത്പാദിപ്പിക്കാന്‍ ശേഷിയില്ലാത്തവയാവും. പുറമേ രോഗങ്ങളും കൊക്കോ മരത്തിന്റെ ആയുസ്സിന് ഭീഷണിയാവുന്നു.

ജീന്‍ എഡിറ്റിങ് സങ്കേതികവിദ്യയായ സിആര്‍ഐഎസ്പിആര്‍ (ക്രിസ്പര്‍) ഉപയോഗിച്ച് പാരിസ്ഥിതിക വെല്ലുവിളികള്‍ അതിജീവിക്കാന്‍ കഴിയുന്ന കൊക്കോചെടികളെ വികസിപ്പിക്കുന്നതിനുള്ള സാധ്യതകള്‍ ശാസ്ത്രജ്ഞര്‍ പരീക്ഷിക്കുന്നുണ്ട്. കാലിഫോര്‍ണിയ സര്‍വകലാശാലയിലെ ശാസ്ത്രജ്ഞരും മിഠായിക്കമ്പനി മാഴ്‌സും ചേര്‍ന്ന് സഹകരിച്ചാണ് ഇതില്‍ പരീക്ഷണം നടത്തുന്നത്.

കഴിക്കുന്നവരുടെ മനസ്സ് നിറക്കുന്ന തൃശൂര്‍ പെരുമ ‘അക്ഷയ’
Posted by
29 December

കഴിക്കുന്നവരുടെ മനസ്സ് നിറക്കുന്ന തൃശൂര്‍ പെരുമ 'അക്ഷയ'

തൃശൂര്‍ : ‘വയറുനിറയ്ക്കാന്‍ ആരെകൊണ്ടും പറ്റും, കഴിക്കുന്നവരുടെ മനസ്സുനിറയണം അതാണ് ശരിയായ കൈപുണ്യം’ ഇത് ഉസ്താദ് ഹോട്ടല്‍ എന്ന സിനിമയില്‍ നമ്മുടെ എല്ലാം ഹൃദയത്തില്‍ നിന്ന് കയ്യടി വാങ്ങിയ തിലകന്‍ പറഞ്ഞ ഡയലോഗാണ്. തൃശൂരുകാര്‍ക്കുമുണ്ട് ‘ഉസ്താദ് ഹോട്ടല്‍’ പോലെ ഒരു ‘അക്ഷയ ഹോട്ടലും’ തിലകന്‍ അഭിനയിച്ചു ഫലിപ്പിച്ചത് ജീവിതത്തില്‍ അടയാളപ്പെടുത്തുന്ന വികാസേട്ടനും.

ഒരു മന്ത്രിയും സിനിമാക്കാരനും ഇല്ലാതെ കഴിഞ്ഞ ദിവസം കാലത്ത് ഏഴു മണിക്ക് തൃശൂര്‍ കോഴിക്കോട് റോഡില്‍ പൂങ്കുന്നത്ത് അക്ഷയയുടെ നാലാമത്തെ ഹോട്ടല്‍ ഉല്‍ഘാടനം ചെയ്യപ്പെട്ടു. മണിക്കൂറോളം ട്രാഫിക് ബ്ലോക്ക് സമ്മാനിച്ച ഈ ചടങ്ങിന്റെ ജനബാഹുല്യം വിഭവങ്ങളുടെ വേറിട്ട രുചിക്കൂട്ടുകള്‍ക്ക് മേല്‍ ജനഹൃദയങ്ങള്‍ ചാര്‍ത്തി നല്‍കിയ കൈയ്യൊപ്പായിരുന്നു. തൃശൂര്‍ നിവാസികളുടെ ഇഷ്ടഭോജനത്തിന്റെ കൈവഴികള്‍ ചെന്നുചേരുന്നത് അക്ഷയയുടെ അടുക്കള മുറ്റത്തായതില്‍ അതിശയിക്കാനില്ല. അത്രയേറെ വൈഭവസമ്പന്നമാണ് വിഭവങ്ങള്‍.

ഇവിടെ പൂരം പോലെ ആസ്വാദ്യമാണ് ഭക്ഷണവും. പരമ്പരാഗത രുചികള്‍ കലര്‍ന്നൊഴുകുന്ന നാട്ടില്‍ വലിയവനെന്നോ ചെറിയവനെന്നോ വ്യത്യാസമില്ലാതെ അക്ഷയ ഹോട്ടല്‍ എല്ലാവര്‍ക്കും ഏഴു പതിറ്റാണ്ടിലേറെയായി വിരുന്നൂട്ടുകയാണ്.

ഹൈ റോഡിലുള്ള അക്ഷയയില്‍ നിന്ന് പൂങ്കുന്നത്തെ അക്ഷയയില്‍ എത്തുമ്പോള്‍ എ സി, നോണ്‍ എ സി റസ്‌റ്റോറന്റ് ഉള്‍പ്പെടെ അഞ്ചു നിലയുള്ള വിശാലമായ സ്വാദിന്റെ ലോകമാണ് തുറന്നു വെച്ചിട്ടുള്ളത്. പരമ്പരാഗത രീതിയില്‍ കത്തിച്ചു വെച്ചിട്ടുള്ള കല്‍വിളക്കിന്റെ ശോഭയേറ്റു വാങ്ങി ഹോട്ടലിലേക്ക് കാലെടുത്തു വെക്കുന്നവര്‍ക്ക് വിഭവ സമൃദ്ധമായ ഭക്ഷണം കഴിച്ചിറങ്ങുമ്പോഴും ആ പ്രകാശം അണയാതെ നില്‍പ്പുണ്ടാവും.

ഹരിതമയവിശാലമായ അകത്തളം വിട്ടൊഴിഞ്ഞു പോരേണ്ടി വരുന്ന വിഷമം ആണ് പലരുടെയും മുഖത്ത് കാണാന്‍ കഴിഞ്ഞത്. ക്ഷണിക്കപ്പെട്ട വിവാഹത്തിനോ മറ്റേതെങ്കിലും ചടങ്ങിനോ എത്തിപ്പെട്ട പ്രതീതി. സ്വീകരിക്കാന്‍ നിറപുഞ്ചിരിയോടെ പലപ്പോഴും മുന്നിലുണ്ടാവുക അക്ഷയയുടെ സാരഥി വികാസേട്ടന്‍ തന്നെയാകും.

ഹോട്ടല്‍ ഉടമ വികാസേട്ടനും സഹോദരങ്ങളായ കൃഷ്ണനും വിനോദും പ്രദീപും ഉള്‍പ്പെടുന്ന അക്ഷയ, നാട്ടുകാര്‍ക്ക് രുചിക്കൊപ്പം കലര്‍പ്പില്ലാത്ത സൗഹൃദങ്ങളുടെയും സ്‌നേഹത്തിന്റെയും പങ്കു വെക്കലിലൂടെ നല്‍കുന്നത് വിരുന്നൂട്ടലിന്റെ അനുഭവം കൂടിയാണ്.

വൈകുന്നേരം ഹോട്ടലിലെ മേശയ്ക്കു ചുറ്റും നിറയുന്ന പൊട്ടിച്ചിരികളും തമാശകളും തൃശൂര്‍ നഗരത്തിന് തന്നെ ഭംഗി പകരുന്നു. അച്ഛനുമമ്മയും കുഞ്ഞുങ്ങളുമായി കുടുംബങ്ങള്‍. നിയന്ത്രണമില്ലാതെ ചിരിയും കളിയുമായി പൊറോട്ടയും ബീഫും തട്ടിവിടുന്ന കൂട്ടുകാര്‍. അത്ര ബഹളമില്ലാതെയെങ്കിലും ബിരിയാണിയും സൗഹൃദവും ഒന്നിച്ചാസ്വദിക്കുന്ന മുതിര്‍ന്നവരുടെ സംഘം.

ചൂടുള്ള പുട്ടും കടലയും, കപ്പയും മീനും, നോര്‍ത്തിന്ത്യന്‍ ഡിഷസ്, അടി പൊളി ചൈനീസ് ഐറ്റംസ്, തലശ്ശേരി രുചിയില്‍ പല തരം ബിരിയാണികള്‍, പൊറോട്ടയും ബീഫും, നെയ്‌റോസ്റ്റ്, ഊണ്, നെയ്‌ച്ചോറും ചിക്കനും, ജിഞ്ചര്‍ ചിക്കണ്‍, കോഴി പൊരിച്ചത്, എല്ലാ വിഭവങ്ങളും ലഭ്യമാണെങ്കിലും ഭക്ഷണ പ്രേമികളെ വീണ്ടും വീണ്ടും അക്ഷയയിലേക്ക് അടുപ്പിക്കുന്ന ചിലതാണിതെല്ലാം.

രുചിയും സ്വാദും തേടി എത്ര അലഞ്ഞ് നടക്കാനും മടിയില്ലാതെ, സ്വാദില്‍ ഗവേഷണം ചെയ്ത് അത് സ്വന്തം ഹോട്ടലിലെത്തിച്ചു കൊടുക്കുന്നതില്‍ ഇപ്പോഴും അക്ഷയയും വികാസേട്ടനും ശ്രദ്ധിക്കുന്നു. തൃശൂരിന്റെ പുറത്തുള്ളവരും അറിഞ്ഞോ അറിയാതെയോ ഒരിക്കല്‍ എത്തിപ്പെട്ടാല്‍ പിന്നെ മറക്കാതെ വീണ്ടും എത്തുന്നു.

നഗരത്തില്‍ എത്രയോ വലിയ ഹോട്ടലുകള്‍ ഉണ്ടായിട്ടും സിനിമ സാംസ്‌കാരിക രാഷ്ട്രീയ വ്യക്തികള്‍ തൃശൂരില്‍ എത്തിയാല്‍ തിരഞ്ഞെടുക്കുക അക്ഷയ ആണ്. മന്ത്രിമാരും നേതാക്കളുമെല്ലാം ഭക്ഷണം കഴിക്കാന്‍ എത്തുന്നത് ഇവിടെത്തെ സ്ഥിരം കാഴ്ചയാണ്.

ഇപ്പൊ അക്ഷയ ഹോട്ടലിന്റെ ഉടമസ്ഥനായ വികാസേട്ടന്റെയും കൃഷ്ണന്റെയും അച്ഛന്‍ ബാലന്‍ ചേട്ടനില്‍ നിന്നാണ് 70 വര്‍ഷം പഴക്കമുള്ള അക്ഷയയുടെ കൈപ്പുണ്യത്തിന്റെ ചരിത്രം തുടങ്ങുന്നത്.

ഇവിടെ നാട്ടിന്‍പുറങ്ങളിലെ മണ്‍മറഞ്ഞുപോയ ഓരോ വിഭവങ്ങളും കണ്ടെത്താന്‍ ശ്രമിക്കുമ്പോള്‍ തന്നെ മട്ടന്‍, ഫിഷ്, ബീഫ് ചിക്കന്‍, താറാവ്, കാട, ഞണ്ട്, കടുക്ക ഐറ്റംസും മട്ടണ്‍ ചിക്കന്‍ഫിഷ് ബിരിയാണികളും നെയ്‌ച്ചോറും കോഴിപൊരിച്ചതുമെല്ലാം പഴയ അതേ സ്വാദില്‍തന്നെയാണ് തയ്യാറാക്കുന്നതെന്ന് ഹോട്ടലിന്റെ ഇപ്പോഴത്തെ സാരഥി വികാസേട്ടന്‍ പറയുന്നു.

വേറെയും പല പ്രത്യേകതകള്‍ കൊണ്ട് സമ്പന്നമാണ് തൃശൂരിന്റെ ഈ സ്വന്തം രുചി പെരുമ. സാധാരണ വെജിറ്റേറിയന്‍ ഹോട്ടലുകളില്‍ മാത്രം കയറുന്ന വെജിറ്റേറിയന്‍സും അക്ഷയയിലെ സ്ഥിരം സാന്നിധ്യമാണ്. വെജിറ്റേറിയന്‍, നോണ്‍ വെജിറ്റേറിയന്‍ വിഭവങ്ങള്‍ രണ്ടായി തന്നെ അത്യാധുനിക കിച്ചന്‍ ഉപകരണങ്ങളുടെ സഹായത്തോടെ തയ്യാറാക്കുന്നത് കൊണ്ട് തന്നെ ആര്‍ക്കും ഇതുവരെ പരിഭവപ്പെടേണ്ടി വന്നിട്ടില്ല.

ഒരിക്കല്‍ പോലും ഉണ്ടാക്കിയ ഭക്ഷണം ഫ്രിഡ്ജിലും ഫ്രീസറിലും വെച്ച് അടുത്ത ദിവസം കൊടുത്തിട്ടില്ല. എല്ലാ ദിവസവും പച്ചക്കറികളും മത്സ്യവും ഇറച്ചികളും വാങ്ങുന്നത് പതിറ്റാണ്ടുകളായി ഹോട്ടല്‍ ഉടമസ്ഥനായ വികാസേട്ടന്‍ നേരിട്ട് പോയാണ്. ആ പതിവ് ഇന്നും തെറ്റിക്കുന്നില്ല. അതു കൊണ്ട് തന്നെ തൃശൂരുകാര്‍ വീടുപോലെ വയറും മനസ്സും നിറയാന്‍ ഓടിയെത്തുന്ന പതിവും തുടരുകയാണ്. തൃശൂരുകാരുടെ രുചി ഉത്സവത്തിന്റെ, പെരുമ എന്നും നില നിര്‍ത്തട്ടെ അക്ഷയയും വികാസേട്ടനും..

കൂടുതല്‍ അറിയാന്‍:
Hotel Akshaya
Veg. and Non Veg Restaurant
Guruvayur Road, Poonkunnam, Thrissur
Phone : 0487-2381865, Mob : 8943475555
വികാസേട്ടൻ : 98-47-970183

ചിക്കന്‍ ബിരിയാണി; ഈവര്‍ഷം ഏറ്റവും കൂടുതല്‍ പേര്‍ ഓര്‍ഡര്‍ ചെയ്ത ഭക്ഷണം
Posted by
26 December

ചിക്കന്‍ ബിരിയാണി; ഈവര്‍ഷം ഏറ്റവും കൂടുതല്‍ പേര്‍ ഓര്‍ഡര്‍ ചെയ്ത ഭക്ഷണം

കൊച്ചി: ഭക്ഷണപ്രേമികളുടെ ഇഷ്ടഭക്ഷണം ഏതെന്ന് ചോദിച്ചാല്‍ ഭൂരിഭാഗവും പറയും ബിരിയാണി. വ്യത്യസ്ത രുചിയുമായി വിവിധ തരത്തിലുണ്ട് ബിരിയാണികള്‍. എങ്കിലും
ചിക്കന്‍ ബിരിയാണിയോടാണ് പൊതുവേ ഇഷ്ടക്കൂടുതല്‍.

ഈ വര്‍ഷം ഏറ്റവും കൂടുതല്‍ പേര്‍ ഓര്‍ഡര്‍ ചെയ്ത് കഴിച്ച ഭക്ഷണവും ചിക്കന്‍ ബിരിയാണെന്നാണ് ഓണ്‍ലൈന്‍ സര്‍വേ പറയുന്നത്. ഓണ്‍ലൈനിലൂടെ ഭക്ഷണം ഓര്‍ഡര്‍ സ്വീകരിച്ച് ഡെലിവറി ചെയ്യുന്ന സ്വിഗിയാണ് സര്‍വേ നടത്തിയത്. കഴിഞ്ഞ രണ്ട് വര്‍ഷത്തെ കണക്ക് നോക്കിയാല്‍ ഇന്റര്‍നാഷണല്‍ വിഭവങ്ങളോട് ഇന്ത്യാക്കാര്‍ക്ക് താല്‍പര്യം കൂടിവരുന്നുണ്ടെന്നും സര്‍വേ പറയുന്നു. വ്യത്യസ്തമായ രുചികള്‍ പരീക്ഷിക്കാന്‍ ആളുകള്‍ താല്‍പര്യം പ്രകടിപ്പിക്കുന്നുണ്ട്.

മസാലദോശ, ബട്ടര്‍നാന്‍, തന്തൂരി റൊട്ടി, പനീര്‍ ബട്ടര്‍ മസാല എന്നിവയാണ് ഏറ്റവും കൂടുതല്‍ പേര്‍ ഓര്‍ഡര്‍ ചെയ്യുന്ന മറ്റ് നാല് വിഭവങ്ങള്‍. പിസയെക്കുറിച്ച് സ്വിഗിയുടെ ഓണ്‍ലൈനില്‍ തിരയുന്നുണ്ടെങ്കിലും അത്ര പ്രിയം പോരാ. ബര്‍ഗര്‍, ചിക്കന്‍, കേക്ക്, മോമോസ് എന്നിവയ്ക്കും ഇഷ്ടക്കാരുണ്ട്.

പ്രഭാത ഭക്ഷണത്തിനായി ഭൂരിഭാഗം ദക്ഷിണേന്ത്യക്കാരും തെരഞ്ഞെടുക്കുന്നത് മസാലദോശ, ഇഡ്ഡലി, വട എന്നിവയാണ്. ഇവയുടെ ആധിപത്യം തകര്‍ക്കാന്‍ വിദേശ വിഭവങ്ങള്‍ക്ക് സാധിച്ചിട്ടില്ല. ഉച്ചഭക്ഷണത്തിനും അത്താഴത്തിനുമായി ചിക്കന്‍,മട്ടന്‍, വെജിറ്റബിള്‍ ബിരിയാണിയും തെരഞ്ഞെടുക്കുന്നു. സ്‌നാക്കുകളില്‍ കൂടുതല്‍ പേര്‍ ഓര്‍ഡര്‍ ചെയ്യുന്നത് പാവ് ബജി, ഫ്രഞ്ച് ഫ്രൈസ്, സമോസ, ചിക്കന്‍ റോള്‍, ബര്‍ഗര്‍, ബേല്‍പുരി എന്നിവയാണ്.

ഡല്‍ഹി, മുംബൈ, ബംഗളൂരു, കൊല്‍ക്കൊത്ത, ഹൈദരാബാദ്, ചെന്നൈ, പൂനൈ എന്നീ നഗരങ്ങളെ കേന്ദ്രീകരിച്ച് കഴിഞ്ഞ 12 മാസത്തിനുള്ളില്‍ നടത്തിയ സര്‍വേ പ്രകാരമാണ് സ്വിഗി കണക്കുകള്‍ പുറത്തുവിട്ടത്.

മുംബൈക്കാരാണ് പാവ് ബജിയുടെ ആരാധകര്‍. കൂടാതെ ചിക്കന്‍ ബിരിയാണിയും മുംബൈക്കാരുടെ ഇഷ്ടവിഭവമാണ്. ഡല്‍ഹി, ഗുഡ്ഗാവ് തുടങ്ങിയ സ്ഥലങ്ങളിലുള്ളവര്‍ ദാല്‍ മക്കാനി, നാന്‍ എന്നിവയാണ് തെരഞ്ഞെടുക്കുന്നത്. ന്യൂഡല്‍ഹി സ്വദേശികള്‍ പാസ്തയുടെ ഇഷ്ടക്കാരാണ്.

ബിരിയാണി പ്രേമത്തിന്റെ കാര്യത്തില്‍ കൊല്‍ക്കൊത്തക്കാരും ഒട്ടും പിന്നിലല്ല. ചെന്നൈ നിവാസികള്‍ക്ക് പൊങ്കലിനോടും ബിരിയാണിയോടുമാണ് പ്രിയം. പുനൈക്കാര്‍ക്ക് ദാല്‍ കിച്ചടിയും ബിരിയാണിയുമാണ് ഇഷ്ടം. മെട്രോ നഗരമാണെങ്കിലും ബംഗളൂരുവിന് പ്രിയം ദക്ഷിണേന്ത്യന്‍ വിഭവങ്ങളോടാണ്.

അക്ഷയയും വികാസേട്ടനും ഉസ്താദ് ഹോട്ടലിലെ തിലകനെ പോലെ തൃശൂരിന്റെ രുചി പെരുമയാകുന്നത് ഇങ്ങനെയാണ്
Posted by
26 December

അക്ഷയയും വികാസേട്ടനും ഉസ്താദ് ഹോട്ടലിലെ തിലകനെ പോലെ തൃശൂരിന്റെ രുചി പെരുമയാകുന്നത് ഇങ്ങനെയാണ്

തൃശൂര്‍ : ‘വയറുനിറയ്ക്കാന്‍ ആരെകൊണ്ടും പറ്റും, കഴിക്കുന്നവരുടെ മനസ്സുനിറയണം അതാണ് ശരിയായ കൈപുണ്യം’ ഇത് ഉസ്താദ് ഹോട്ടല്‍ എന്ന സിനിമയില്‍ നമ്മുടെ എല്ലാം ഹൃദയത്തില്‍ നിന്ന് കയ്യടി വാങ്ങിയ തിലകന്‍ പറഞ്ഞ ഡയലോഗാണ്. തൃശൂരുകാര്‍ക്കുമുണ്ട് ‘ഉസ്താദ് ഹോട്ടല്‍’ പോലെ ഒരു ‘അക്ഷയ ഹോട്ടലും’ തിലകന്‍ അഭിനയിച്ചു ഫലിപ്പിച്ചത് ജീവിതത്തില്‍ അടയാളപ്പെടുത്തുന്ന വികാസേട്ടനും.

ഒരു മന്ത്രിയും സിനിമാക്കാരനും ഇല്ലാതെ കഴിഞ്ഞ ദിവസം കാലത്ത് ഏഴു മണിക്ക് തൃശൂര്‍ കോഴിക്കോട് റോഡില്‍ പൂങ്കുന്നത്ത് അക്ഷയയുടെ നാലാമത്തെ ഹോട്ടല്‍ ഉല്‍ഘാടനം ചെയ്യപ്പെട്ടു. മണിക്കൂറോളം ട്രാഫിക് ബ്ലോക്ക് സമ്മാനിച്ച ഈ ചടങ്ങിന്റെ ജനബാഹുല്യം വിഭവങ്ങളുടെ വേറിട്ട രുചിക്കൂട്ടുകള്‍ക്ക് മേല്‍ ജനഹൃദയങ്ങള്‍ ചാര്‍ത്തി നല്‍കിയ കൈയ്യൊപ്പായിരുന്നു. തൃശൂര്‍ നിവാസികളുടെ ഇഷ്ടഭോജനത്തിന്റെ കൈവഴികള്‍ ചെന്നുചേരുന്നത് അക്ഷയയുടെ അടുക്കള മുറ്റത്തായതില്‍ അതിശയിക്കാനില്ല. അത്രയേറെ വൈഭവസമ്പന്നമാണ് വിഭവങ്ങള്‍.

ഇവിടെ പൂരം പോലെ ആസ്വാദ്യമാണ് ഭക്ഷണവും. പരമ്പരാഗത രുചികള്‍ കലര്‍ന്നൊഴുകുന്ന നാട്ടില്‍ വലിയവനെന്നോ ചെറിയവനെന്നോ വ്യത്യാസമില്ലാതെ അക്ഷയ ഹോട്ടല്‍ എല്ലാവര്‍ക്കും ഏഴു പതിറ്റാണ്ടിലേറെയായി വിരുന്നൂട്ടുകയാണ്.

ഹൈ റോഡിലുള്ള അക്ഷയയില്‍ നിന്ന് പൂങ്കുന്നത്തെ അക്ഷയയില്‍ എത്തുമ്പോള്‍ എ സി, നോണ്‍ എ സി റസ്‌റ്റോറന്റ് ഉള്‍പ്പെടെ അഞ്ചു നിലയുള്ള വിശാലമായ സ്വാദിന്റെ ലോകമാണ് തുറന്നു വെച്ചിട്ടുള്ളത്. പരമ്പരാഗത രീതിയില്‍ കത്തിച്ചു വെച്ചിട്ടുള്ള കല്‍വിളക്കിന്റെ ശോഭയേറ്റു വാങ്ങി ഹോട്ടലിലേക്ക് കാലെടുത്തു വെക്കുന്നവര്‍ക്ക് വിഭവ സമൃദ്ധമായ ഭക്ഷണം കഴിച്ചിറങ്ങുമ്പോഴും ആ പ്രകാശം അണയാതെ നില്‍പ്പുണ്ടാവും.

ഹരിതമയവിശാലമായ അകത്തളം വിട്ടൊഴിഞ്ഞു പോരേണ്ടി വരുന്ന വിഷമം ആണ് പലരുടെയും മുഖത്ത് കാണാന്‍ കഴിഞ്ഞത്. ക്ഷണിക്കപ്പെട്ട വിവാഹത്തിനോ മറ്റേതെങ്കിലും ചടങ്ങിനോ എത്തിപ്പെട്ട പ്രതീതി. സ്വീകരിക്കാന്‍ നിറപുഞ്ചിരിയോടെ പലപ്പോഴും മുന്നിലുണ്ടാവുക അക്ഷയയുടെ സാരഥി വികാസേട്ടന്‍ തന്നെയാകും.

ഹോട്ടല്‍ ഉടമ വികാസേട്ടനും സഹോദരങ്ങളായ കൃഷ്ണനും വിനോദും പ്രദീപും ഉള്‍പ്പെടുന്ന അക്ഷയ, നാട്ടുകാര്‍ക്ക് രുചിക്കൊപ്പം കലര്‍പ്പില്ലാത്ത സൗഹൃദങ്ങളുടെയും സ്‌നേഹത്തിന്റെയും പങ്കു വെക്കലിലൂടെ നല്‍കുന്നത് വിരുന്നൂട്ടലിന്റെ അനുഭവം കൂടിയാണ്.

വൈകുന്നേരം ഹോട്ടലിലെ മേശയ്ക്കു ചുറ്റും നിറയുന്ന പൊട്ടിച്ചിരികളും തമാശകളും തൃശൂര്‍ നഗരത്തിന് തന്നെ ഭംഗി പകരുന്നു. അച്ഛനുമമ്മയും കുഞ്ഞുങ്ങളുമായി കുടുംബങ്ങള്‍. നിയന്ത്രണമില്ലാതെ ചിരിയും കളിയുമായി പൊറോട്ടയും ബീഫും തട്ടിവിടുന്ന കൂട്ടുകാര്‍. അത്ര ബഹളമില്ലാതെയെങ്കിലും ബിരിയാണിയും സൗഹൃദവും ഒന്നിച്ചാസ്വദിക്കുന്ന മുതിര്‍ന്നവരുടെ സംഘം.

ചൂടുള്ള പുട്ടും കടലയും, കപ്പയും മീനും, നോര്‍ത്തിന്ത്യന്‍ ഡിഷസ്, അടി പൊളി ചൈനീസ് ഐറ്റംസ്, തലശ്ശേരി രുചിയില്‍ പല തരം ബിരിയാണികള്‍, പൊറോട്ടയും ബീഫും, നെയ്‌റോസ്റ്റ്, ഊണ്, നെയ്‌ച്ചോറും ചിക്കനും, ജിഞ്ചര്‍ ചിക്കണ്‍, കോഴി പൊരിച്ചത്, എല്ലാ വിഭവങ്ങളും ലഭ്യമാണെങ്കിലും ഭക്ഷണ പ്രേമികളെ വീണ്ടും വീണ്ടും അക്ഷയയിലേക്ക് അടുപ്പിക്കുന്ന ചിലതാണിതെല്ലാം.

രുചിയും സ്വാദും തേടി എത്ര അലഞ്ഞ് നടക്കാനും മടിയില്ലാതെ, സ്വാദില്‍ ഗവേഷണം ചെയ്ത് അത് സ്വന്തം ഹോട്ടലിലെത്തിച്ചു കൊടുക്കുന്നതില്‍ ഇപ്പോഴും അക്ഷയയും വികാസേട്ടനും ശ്രദ്ധിക്കുന്നു. തൃശൂരിന്റെ പുറത്തുള്ളവരും അറിഞ്ഞോ അറിയാതെയോ ഒരിക്കല്‍ എത്തിപ്പെട്ടാല്‍ പിന്നെ മറക്കാതെ വീണ്ടും എത്തുന്നു.

നഗരത്തില്‍ എത്രയോ വലിയ ഹോട്ടലുകള്‍ ഉണ്ടായിട്ടും സിനിമ സാംസ്‌കാരിക രാഷ്ട്രീയ വ്യക്തികള്‍ തൃശൂരില്‍ എത്തിയാല്‍ തിരഞ്ഞെടുക്കുക അക്ഷയ ആണ്. മന്ത്രിമാരും നേതാക്കളുമെല്ലാം ഭക്ഷണം കഴിക്കാന്‍ എത്തുന്നത് ഇവിടെത്തെ സ്ഥിരം കാഴ്ചയാണ്.

ഇപ്പൊ അക്ഷയ ഹോട്ടലിന്റെ ഉടമസ്ഥനായ വികാസേട്ടന്റെയും കൃഷ്ണന്റെയും അച്ഛന്‍ ബാലന്‍ ചേട്ടനില്‍ നിന്നാണ് 70 വര്‍ഷം പഴക്കമുള്ള അക്ഷയയുടെ കൈപ്പുണ്യത്തിന്റെ ചരിത്രം തുടങ്ങുന്നത്.

ഇവിടെ നാട്ടിന്‍പുറങ്ങളിലെ മണ്‍മറഞ്ഞുപോയ ഓരോ വിഭവങ്ങളും കണ്ടെത്താന്‍ ശ്രമിക്കുമ്പോള്‍ തന്നെ മട്ടന്‍, ഫിഷ്, ബീഫ് ചിക്കന്‍, താറാവ്, കാട, ഞണ്ട്, കടുക്ക ഐറ്റംസും മട്ടണ്‍ ചിക്കന്‍ഫിഷ് ബിരിയാണികളും നെയ്‌ച്ചോറും കോഴിപൊരിച്ചതുമെല്ലാം പഴയ അതേ സ്വാദില്‍തന്നെയാണ് തയ്യാറാക്കുന്നതെന്ന് ഹോട്ടലിന്റെ ഇപ്പോഴത്തെ സാരഥി വികാസേട്ടന്‍ പറയുന്നു.

വേറെയും പല പ്രത്യേകതകള്‍ കൊണ്ട് സമ്പന്നമാണ് തൃശൂരിന്റെ ഈ സ്വന്തം രുചി പെരുമ. സാധാരണ വെജിറ്റേറിയന്‍ ഹോട്ടലുകളില്‍ മാത്രം കയറുന്ന വെജിറ്റേറിയന്‍സും അക്ഷയയിലെ സ്ഥിരം സാന്നിധ്യമാണ്. വെജിറ്റേറിയന്‍, നോണ്‍ വെജിറ്റേറിയന്‍ വിഭവങ്ങള്‍ രണ്ടായി തന്നെ അത്യാധുനിക കിച്ചന്‍ ഉപകരണങ്ങളുടെ സഹായത്തോടെ തയ്യാറാക്കുന്നത് കൊണ്ട് തന്നെ ആര്‍ക്കും ഇതുവരെ പരിഭവപ്പെടേണ്ടി വന്നിട്ടില്ല.

ഒരിക്കല്‍ പോലും ഉണ്ടാക്കിയ ഭക്ഷണം ഫ്രിഡ്ജിലും ഫ്രീസറിലും വെച്ച് അടുത്ത ദിവസം കൊടുത്തിട്ടില്ല. എല്ലാ ദിവസവും പച്ചക്കറികളും മത്സ്യവും ഇറച്ചികളും വാങ്ങുന്നത് പതിറ്റാണ്ടുകളായി ഹോട്ടല്‍ ഉടമസ്ഥനായ വികാസേട്ടന്‍ നേരിട്ട് പോയാണ്. ആ പതിവ് ഇന്നും തെറ്റിക്കുന്നില്ല. അതു കൊണ്ട് തന്നെ തൃശൂരുകാര്‍ വീടുപോലെ വയറും മനസ്സും നിറയാന്‍ ഓടിയെത്തുന്ന പതിവും തുടരുകയാണ്. തൃശൂരുകാരുടെ രുചി ഉത്സവത്തിന്റെ, പെരുമ എന്നും നില നിര്‍ത്തട്ടെ അക്ഷയയും വികാസേട്ടനും..

കൂടുതല്‍ അറിയാന്‍:
Hotel Akshaya
Veg. and Non Veg Restaurant
Guruvayur Road, Poonkunnam, Thrissur
Phone : 0487-2381865, Mob : 8943475555

കോഴിക്കോടന്‍ സ്‌പെഷ്യല്‍ ‘കല്ലുമ്മക്കായ’; വൃത്തിയാക്കാന്‍ അറിയേണ്ടതെല്ലാം…
Posted by
19 December

കോഴിക്കോടന്‍ സ്‌പെഷ്യല്‍ 'കല്ലുമ്മക്കായ'; വൃത്തിയാക്കാന്‍ അറിയേണ്ടതെല്ലാം...

കടല്‍ വിഭവങ്ങളില്‍ ഏറ്റവും രുചിയേറിയതും കോഴിക്കോടന്‍ സ്‌പെഷ്യല്‍ വിഭവങ്ങളിലൊന്നുമാണ് കല്ലുമ്മക്കായ. വീടുകളിലേയ്ക്ക് ഈ വിഭവം എത്തിക്കല്‍ വളരെ ചുരുക്കമാണ്. എന്തെന്നാല്‍ കല്ലുമ്മക്കായ വൃത്തിയാക്കാനുള്ള ബുദ്ധിമുട്ടുകളാണ്. പലര്‍ക്കും അറിയില്ല എന്നതാണ് സത്യം. ഈ ഒരു വിഭവം മാത്രം ഹോട്ടലുകളെ സമീപിക്കേണ്ട അവസ്ഥയാണ് നിലവിലുള്ളത്. എന്നാല്‍ അതിനും തിരശ്ശീല വീഴുകയാണ്.

വളരെ എളുപ്പത്തില്‍ വൃത്തിയാക്കാവുന്ന ഒന്നാണ് കല്ലുമ്മക്കായ. ആദ്യം കല്ലുമ്മക്കായ ചുവട് കട്ടിയുള്ള ഒരു വലിയ പാത്രത്തിലേക്ക് മാറ്റിയ ശേഷം. തോട് ഭാഗം അടര്‍ന്നുമാറുന്ന പരുവം ആകുന്നത് വരെ വെള്ളത്തിലിട്ട് പുഴുങ്ങുക. ശേഷം വെള്ളം വാര്‍ന്നുപോകാന്‍ വയ്ക്കുക. ചൂടാറിയ ശേഷം കൈകള്‍ ഉപയോഗിച്ച് തോട് അനായാസം അടര്‍ത്തിമാറ്റാവുന്നതാണ്.

തോടിനുള്ളില്‍ മഞ്ഞ നിറത്തില്‍ ലഭിക്കുന്ന ഭാഗം ആണ് ഭക്ഷ്യയോഗ്യം. ഈ ഭാഗത്ത് കറുത്ത നിറത്തില്‍ കാണുന്ന ഭാഗം കൈകൊണ്ട് നുള്ളിയൊ കത്തി ഉപയോഗിച്ചോ നീക്കം ചെയ്യണം. ഇതിന്റെ മധ്യഭാഗത്തായി പുല്ല് പോലെ ഒരു ഭാഗം കാണാം. ഇത് നീക്കം ചെയ്ത് വേണം കല്ലുമ്മക്കായ ഉപയോഗിക്കാന്‍. തോടുകള്‍ മുഴുവനായി അടര്‍ത്തിമാറ്റിയ ശേഷം കല്ലുമ്മക്കായ വെള്ളത്തില്‍ നന്നായി കഴുകുക. ശേഷം കല്ലുമ്മക്കായ നിങ്ങള്‍ക്ക് ഇഷ്ടമുള്ള വിഭവമാക്കി മാറ്റാം.

വിവാഹം കഴിക്കാന്‍ പോവുകയാണോ എങ്കില്‍ ഈ 4 ഭക്ഷണങ്ങള്‍ ഇപ്പോള്‍ തന്നെ ശീലമാക്കൂ
Posted by
12 December

വിവാഹം കഴിക്കാന്‍ പോവുകയാണോ എങ്കില്‍ ഈ 4 ഭക്ഷണങ്ങള്‍ ഇപ്പോള്‍ തന്നെ ശീലമാക്കൂ

വിവാഹം ജീവിതത്തിലെ പ്രധാനപ്പെട്ട ഒരു മുഹൂര്‍ത്തമാണ്. മാനസികമായും ശാരീരകവുമായി ഏറെ തയ്യാറെടുപ്പുകളുമായി വേണം വിവാഹത്തിലേക്ക് പോകാന്‍. അതുകൊണ്ടുതന്നെ വിവാഹം കഴിക്കാന്‍ തീരുമാനിച്ചാല്‍ ഭക്ഷണക്രമത്തില്‍ കാര്യമായ മാറ്റങ്ങള്‍ വരുത്തണം. ഭാരം കുറയ്ക്കുക, തലമുടി, ചര്‍മ്മം എന്നിവയുടെ ആരോഗ്യമാണ് ഭക്ഷണക്രമത്തിലൂടെ മെച്ചപ്പെടുത്തേണ്ടത്.

1, ചീര – ചീരയില്‍ ലൂട്ടിന്‍ എന്ന ആന്റി ഓക്‌സിഡന്റ് ഉണ്ട്. ഇത് ചര്‍മ്മത്തിന്റെ ആരോഗ്യത്തിന് ഏറെ പ്രധാനമാണ്. ചര്‍മ്മത്തിനുണ്ടാകുന്ന കേടുപാടുകള്‍ പരിഹരിക്കാനും ഇത് സഹായകരമാണ്. കണ്ണിനു ചുറ്റുമുണ്ടാകുന്ന കറുത്ത പാടുകള്‍ ഇല്ലാതാക്കാന്‍ ചീരയിലെ വിറ്റാമിന്‍ കെ, വിറ്റാമിന്‍ സി എന്നിവ സഹായിക്കും. ചീര കൂടാതെ മറ്റ് പച്ചക്കറികളും ഭക്ഷണത്തില്‍ ഉള്‍പ്പെടുത്തുക. പച്ചക്കറികളില്‍ അടങ്ങിയിട്ടുള്ള നാരുകള്‍, നിങ്ങളുടെ ആരോഗ്യവും സൗന്ദര്യവും വര്‍ദ്ദിപ്പിക്കുന്നു.

2, നേന്ത്രപ്പഴം – പ്രധാനമായും നേന്ത്രപ്പഴമാണ് ശീലമാക്കേണ്ടത്. അമിത വണ്ണം കുറയ്ക്കാന്‍ വാഴപ്പഴത്തിലെ പൊട്ടാസ്യം സഹായിക്കുന്നു. പൊട്ടാസ്യത്തിന്റെ അളവ് കൂടുതലുള്ള തണ്ണിമത്തന്‍, പപ്പായ എന്നിവ കഴിക്കുന്നതും നല്ലതാണ്.

3, ഗ്രീന്‍ടീ – തലമുടിയുടെ ആരോഗ്യം കാത്തുസൂക്ഷിക്കണമെങ്കില്‍ തലയോട്ടിയുടെ ആരോഗ്യവും പ്രധാനമാണ്. തലയോട്ടിയുടെ ആരോഗ്യത്തിന് ഗ്രീന്‍ടീ ഉത്തമമാണ്. ഗ്രീന്‍ടീയില്‍ അടങ്ങിയിട്ടുള്ള ആന്റി ഓക്‌സിഡന്റാണ്, തലയോട്ടിയുടെ ആരോഗ്യത്തെ സഹായിക്കുന്നത്. കൂടാതെ ചര്‍മ്മത്തിന്റെയും തലമുടിയുടെയും ആരോഗ്യത്തിന് ഗ്രീന്‍ടിയിലെ ആന്റി ഓക്‌സിഡന്റ് ഉത്തമമാണ്. ഗ്രീന്‍ടീ തലയില്‍ തേച്ചുപിടിപ്പിച്ചാല്‍, മുടിയുടെ സൗന്ദര്യം കൂടുകയും താരന്‍ ഇല്ലാതാകുകയും ചെയ്യും.

4, മുട്ട – മുട്ട കഴിക്കുന്നത് ആരോഗ്യത്തിന് ഏറെ നല്ലതാണ്. മുടിയുടെ സൗന്ദര്യം വര്‍ദ്ദിപ്പിക്കാന്‍ മുട്ട, മുടിയില്‍ തേച്ചുപിടിപ്പിച്ചശേഷം കഴുകി കളയുന്നത് നല്ലതാണ്. മുട്ടയില്‍ അടങ്ങിയിട്ടുള്ള ബയോട്ടിന്‍ മുടിക്ക് തിളക്കം നല്‍കുന്നു. മിക്ക ഷാംപൂ ബ്രാന്‍ഡുകളും തയ്യാറാക്കാന്‍ മുട്ട ഉപയോഗിക്കുന്നത് ഇതുകൊണ്ടാണ്.

പഴങ്കഞ്ഞിയില്‍ കട്ടത്തൈരും കപ്പയും മീന്‍ കറിയും ചേര്‍ത്ത് ഒരു പിടിപിടിക്കാം
Posted by
03 December

പഴങ്കഞ്ഞിയില്‍ കട്ടത്തൈരും കപ്പയും മീന്‍ കറിയും ചേര്‍ത്ത് ഒരു പിടിപിടിക്കാം

തലേന്ന് വെള്ളമൊഴിച്ച് മൂടി വച്ച് പാകമായ നല്ല പഴങ്കഞ്ഞി രാവിലെ എടുത്ത് കട്ടത്തൈരും കാന്താരിമുളകും എല്ലാം ചേര്‍ത്ത് ഒരു പിടി പിടിക്കണം’ എന്നു മോഹന്‍ലാല്‍ പറയുന്ന ഒരു സീനുണ്ട് കളിപ്പാട്ടം എന്ന ചിത്രത്തില്‍. പഴങ്കഞ്ഞി ഇഷ്ടമുള്ള ഒരു ശരാശരി മലയാളിയുടെ നാവില്‍ കപ്പലോടിക്കും ആ രംഗം. മലയാളിയുടെ പഴങ്കഞ്ഞി പ്രിയം അവിടെ തീരുന്നില്ല, പഴങ്കഞ്ഞി കിട്ടാനായി രാത്രി ഏറെ ചോറു വച്ച് രാവിലത്തേക്ക് മണ്‍കലങ്ങളില്‍ വെള്ളമൊഴിച്ചു വച്ച് ഉപയോഗിക്കുന്നവരുണ്ട്. പഴങ്കഞ്ഞിയും തൈരും കാന്താരിമുളകും എല്ലാം നന്നായി യോജിപ്പിച്ചാല്‍ അസ്സല്‍ കോമ്പിനേഷനാണ് ഈ വിഭവം എന്ന അഭിപ്രായക്കാര്‍ കേട്ടോളൂ… കൊല്ലം ചവറ റൂട്ടില്‍ ശങ്കരമങ്കലത്ത് പഴങ്കഞ്ഞിയും കപ്പയും മത്തിക്കറിയും തൈരും എല്ലാം ചേര്‍ത്ത് ഒരു ചട്ടി 50 രൂപയ്ക്ക് വാങ്ങി കഴിക്കാം. അതും നല്ല ഹോം മെയ്ഡ്.

സംഭവം ഹോം മെയ്ഡ് ആണെങ്കിലും ഇത് ‘ഹാങ്ഔട്ട്’ റസ്‌റ്റോറന്റ് ആന്റ് ബേക്കേഴ്‌സിന്റെ മെനുവിലെ പ്രധാന വിഭവമാണ്. പഴങ്കഞ്ഞി മാത്രമല്ല അതിനൊപ്പം സ്‌പെഷലും വാങ്ങി കഴിക്കാം. തലക്കറി, ചൂരക്കറി, നല്ല ഫ്രഷ് മീന്‍ വറുത്തത്, കക്കയിറച്ചി, ബീഫ് വരട്ടിയത്…എല്ലാം ഇവിടെ കിട്ടും. ഹാങ്ഔട്ട് റസ്‌റ്റോറന്റിന് പിന്നില്‍ ഇതിനു വേണ്ടി പ്രത്യേകം ഫുഡ് കൗണ്ടറുമുണ്ട്. സെലിബ്രിറ്റീസ് പോലും തേടി വന്നു കഴിക്കുന്ന ഈ സ്‌പെഷല്‍ കോമ്പോയുടെ മാസ്റ്റര്‍ ബ്രെയ്ന്‍ ഹാങ് ഔട്ട് റസ്‌റ്റോറന്റിന്റെ ഉടമ മഹേഷിന്റേതാണ്.

മഹേഷിന് ഈ കോമ്പിനേഷന്‍ വലിയ ഇഷ്ടമാണ്. പഴങ്കഞ്ഞിക്കൊപ്പം നല്ല മുളകിട്ട മത്തിക്കറിയും തൈരും അച്ചാറും കൂടെ ഉണക്കമീന്‍ ഉള്ളി ചേര്‍ത്തു വറുത്തതും. എല്ലാ ദിവസവും ഏകദേശം മുന്നൂറു പേര്‍ക്കോളം വേണ്ട പഴങ്കഞ്ഞി ഇവിടെ ലഭിക്കും. എല്ലാം ശുദ്ധമായതും ആരോഗ്യത്തിന് ഹാനികരമല്ലാത്തതുമാണ് എന്നകാര്യം ഉറപ്പുവരുത്താന്‍ താന്‍ ശ്രദ്ധിക്കുന്നു. ബാക്കിയെല്ലാം ഇവിടുത്തു കാരുടെ കൈപുണ്യമെന്നാണ് മഹേഷ് പറയുന്നത്.

പൊതിച്ചോറും ഷാപ്പു കറികളും ഒപ്പം 50 രൂപയ്ക്ക് നല്ല പഴങ്കഞ്ഞി കോമ്പോയും കഴിക്കണമെങ്കില്‍ വിട്ടോളൂ. കൊല്ലം – ചവറ റൂട്ടില്‍ ഈ സൂപ്പര്‍ കോമ്പിനേഷന്‍ കൊതിയൂറും രുചിയോടെ നിങ്ങളെ കാത്തിരിക്കുന്നു.

വെള്ളം മാത്രം കുടിച്ച് തടി കുറയ്ക്കാം
Posted by
23 October

വെള്ളം മാത്രം കുടിച്ച് തടി കുറയ്ക്കാം

ശരീര സൗന്ദര്യത്തിന് വിഘാതമായി നില്‍ക്കുന്ന അമിതവണ്ണത്തെ തുരത്താന്‍ എളുപ്പവഴി. അമിതവണ്ണം മൂലം സൗന്ദര്യത്തോടൊപ്പം ആരോഗ്യവും നശിക്കുന്നതില്‍ വിഷണ്ണരായിരിക്കുന്നവര്‍ക്ക് സന്തോഷവാര്‍ത്ത. ധാരാളമായി വെള്ളം കുടിക്കുന്നത് ശീലമാക്കിയാല്‍ ശരീരഭാരം നിയന്ത്രിക്കാനാവും.

അമിത ഭക്ഷണം മൂലം ശരീരത്തില്‍ ആവശ്യത്തിലധികം കൊഴുപ്പ് അടിഞ്ഞു കൂടുന്നതാണ് അമിത വണ്ണത്തിന് കാരണം. ഇതൊഴിവാക്കാന്‍ പ്രധാന ഭക്ഷണങ്ങള്‍ കഴിക്കുന്നതിന് അര മണിക്കൂര്‍ മുമ്പ് രണ്ട് ഗ്ലാസ് വെള്ളം കുടിക്കുന്നത് ശീലമാക്കുക.

അമിതാഹാരം ഒഴിവാക്കുന്നതിനൊപ്പം ശരീരഭാരം നിയന്ത്രിക്കുന്നതിനും ഇത് സഹായകരമാകും. ഇത് പെട്ടെന്ന് വയര്‍ നിറഞ്ഞതായി തോന്നുന്നതിനാല്‍ ആവശ്യത്തിലധികം കഴിക്കുന്നത് ഇല്ലാതാക്കും.

അമിതവണ്ണത്തിലേക്ക് നീങ്ങുന്ന കുട്ടികളിലും ഈ ശീലമുണ്ടാക്കിയാല്‍ ഭാവിയിലെ പ്രതിസന്ധികള്‍ ഒഴിവാക്കാനാവും

കൊതിപ്പിക്കും.. പ്ലസ്ടു വിദ്യാർത്ഥിനിയായ ഹനൂനയുടെ ഈ കേക്കുകഥ
Posted by
19 October

കൊതിപ്പിക്കും.. പ്ലസ്ടു വിദ്യാർത്ഥിനിയായ ഹനൂനയുടെ ഈ കേക്കുകഥ

-ഫഖ്റുദ്ധീൻ പന്താവൂർ

കേക്കുകൾ കൊണ്ട് അതിജീവനത്തിന്റെ പുതിയ സന്ദേശം നൽകുകയാണ് തിരൂർ ഇത്തിലാക്കൽ സ്വദേശിയും കടുങ്ങാത്തുകുണ്ട് ബാഫഖി യത്തീംഖാന ഹയർസെക്കണ്ടറി സ്കൂളിലെ പ്ലസ്ടു വിദ്യാർത്ഥിനിയുമായ ഹനൂന.

കേക്കുണ്ടാക്കുന്നത് ഒരു പുതിയ കാര്യമല്ല. എന്നാല്‍ പ്ലസ്ടു പഠിക്കുന്ന ഒരു പെൺകുട്ടി പാരമ്പര്യങ്ങളുടെ ശീലങ്ങളെ മാറ്റിവെച്ച് സ്വന്തമായി ഡിസൈനര്‍ കേക്ക് ബിസിനസ്സ് തന്നെ തുടങ്ങിയ ഹനൂനയെ കുറിച്ച് കേള്‍ക്കുമ്പോഴോ? ചിത്ര രചനയിലും പാചകത്തിലുമൊക്കെ താല്‍പര്യമുണ്ടായിരുന്ന ഹനൂന പോക്കറ്റ് മണിക്ക് വേണ്ടിയാണ് കേക്കുണ്ടാക്കി കേക്കു നിര്‍മ്മാണത്തിലേക്ക് തിരിഞ്ഞത് .

എല്ലാവരേയും പോലെ വെറുതെ കേക്കുണ്ടാക്കുകയായിരുന്നില്ല ഹനൂനയുടെ ലക്ഷ്യം. പുതുമ വേണം. ചിത്ര കലയിലും കഴിവു തെളിയിച്ചിട്ടുളളതുകൊണ്ട് ഡിസൈനര്‍ കേക്കുകളൊരുക്കി വിസ്മയം സൃഷ്ടിച്ചു ഹനൂന.

പഠനത്തിനും സ്വന്തം ആവശ്യങ്ങൾക്കും പണത്തിനായി പിതാവിനെ ആശ്രയിക്കാൻ മടി തോന്നിയപ്പോഴാണ് ഒരു മാസം മുൻപ് കേക്കുകൾ നിർമിക്കുന്നതിനെക്കുറിച്ച് ഹനൂന കാര്യമായി ചിന്തിച്ചുതുടങ്ങിയത് .കേക്കുകൾ നിർമിക്കുന്നതിന്റെ പ്രാഥമിക പാഠങ്ങൾ ആദ്യമെ അറിയാമായിരുന്ന ഹനൂന കോട്ടക്കലിൽ വെച്ച് കേക്ക് നിർമ്മാണത്തെ ക്കുറിച്ച് ഒരു ക്ലാസ് കേട്ടു .ആ ആത്മവിശ്വാസമാണ് ഈ പന്ത്രണ്ടാം ക്ലാസുകാരിയെ കേക്കുകളുടെ ലോകത്തെ രാജകുമാരിയാക്കിയത്.

കേക്കുകൾ കൗതുകത്തിനും കാഴ്ചക്കും മാത്രമല്ലന്ന് ഹനൂന തെളിയിച്ചു .ഒരു മാസം കൊണ്ട് ഇരുപതോളം വിവിധയിനം കേക്കുകളാണ് നിർമിച്ചത് .ഓരോ കേക്കിനും 1300 മുതൽ 2000 രൂപവരെ വിലയുള്ള കേക്കുകൾ .ആവശ്യക്കാർ വർധിച്ചതോടെ ഹനൂനയുടെ കേക്ക് കച്ചവടവും വിപണി കൈയ്യടക്കി.

അങ്ങനെ കണ്ടും കേട്ടും ഹനൂനയുടെ കേക്കുകള്‍ക്ക് ആവശ്യക്കാരേറി. ഇഷ്ടമുളള ഡിസൈനില്‍ കേക്കുകളൊരുക്കി നല്‍കാനൊരുക്കമാണ് ഈ മിടുക്കി . വിവിധ ഡിസൈനുകളിൽ തീര്‍ത്ത കേക്കുകള്‍ കാഴ്ചക്കാരില്‍ അദ്ഭുതം ജനിപ്പിക്കും.

ആരുടെയും സഹായമില്ലാതെയാണ് ഹനൂന കേക്ക് നിർമിക്കുന്നത്. പാക്കിങ്ങിനും മറ്റുമായി ഉമ്മ സഹായിക്കും. വിവാഹത്തിനും പിറന്നാളിനും വിവിധ ആഘോഷങ്ങൾക്കുമായി ബ്ലാക്ക് ഫോറസ്റ്റ് ,എല്ലോ ഫോറസ്റ്റ് , വൈറ്റ് ഫോറസ്റ്റ് എല്ലാം റെഡി. പൂര്‍ണ്ണമായും നാച്വറല്‍ എന്നിടത്താണ് കേക്കുകളുടെ പ്രത്യേകത. നിയമപ്രകാരം ചേര്‍ത്തിരിക്കേണ്ട ഘടകങ്ങള്‍ മാത്രമേ ചേര്‍ത്തിട്ടുള്ളൂ. രുചിക്കൂട്ടുകളോ, ദീര്‍ഘകാലം നിലനില്‍ക്കുന്ന പ്രത്യേക രാസവസ്തുക്കളോ ചേര്‍ക്കുന്നില്ല.

മറ്റു കേക്കുകളിൽ നിന്ന് ഭിന്നമായി പൂക്കളും മരങ്ങളും ഇലകളും വീടുകളും ഡിസൈൻ ചെയ്ത കേക്കുകളാണ് ഹനൂന നിർമിക്കുന്നത്. സാധാരണ കടകളിൽ ഇത്തരം കേക്കുകൾ ലഭ്യമല്ലെന്നാണ് ഹനൂന പറയുന്നത്. ഒരു മാസം കൊണ്ട് മുപ്പതിനായിരത്തിലധികം രൂപയുടെ കേക്കുകൾ ഹനൂന ഉണ്ടാക്കിക്കഴിഞ്ഞു. തുടക്കമെന്ന നിലയിൽ കുടുംബക്കാരിൽ നിന്നൊന്നും പണം വാങ്ങാൻ ഹനൂന തയ്യാറായില്ല. എന്നാലും അയ്യായിരം രൂപ പണമായിത്തന്നെ ലഭിച്ചു.

സ്കൂളിലെ എൻ എസ് എസ് ലീഡറായ ഹനൂനയുടെ റോൾ മോഡൽ വല്യുപ്പയായ പരുത്തിക്കുന്നിൽ ഹംസയാണ് .തന്റെ എല്ലാ ആഗ്രഹത്തിനും മികച്ച പിന്തുണ നൽകുന്ന വല്യുപ്പ ചിത്രം വരക്കുകയും ചെയ്യും .

കേക്കുകളുടെ നിർമ്മാണവും വിപണനവും വിജയിച്ചതോടെ ഉപ്പ അഹമ്മദ് കുട്ടിയും ഉമ്മ ആസിഫയും ഏറെ സന്തോഷത്തിലാണ് . ചിത്രരചനയിലും മോണോ ആക്ടിലും സമ്മാനങ്ങൾ വാങ്ങിച്ചുകൂട്ടിയ ഈ മിടുക്കിക്ക് സൈക്കോളജി പഠിക്കാനാണ് ആഗ്രഹം .ഇപ്പോൾ പ്ലസ്ടു സയൻസാണ് പഠിക്കുന്നത് .

സ്വന്തം കാലിൽ നിൽക്കാൻ കുട്ടികളെ പ്രാപ്തരാക്കിയാൽ വിദ്യാഭ്യാസം യാഥാർത്ഥ്യമായി .ഹനൂന മറ്റു കുട്ടികൾക്ക് മാതൃകയാവുന്നതും ഇവിടെയാണ് .വിപണിയില്‍ പല വിധത്തിലുള്ള കേക്കുകള്‍ ലഭിയ്ക്കുമെങ്കിലും വീട്ടിലുണ്ടാക്കുന്ന കേക്ക് കഴിയ്ക്കുന്നതിന്റെ സുഖം ഒന്നു വേറെ തന്നെയല്ലേ. അതുതന്നെയാണ് ഹനൂനയുടെ കൊതിയൂറുന്ന കേക്കിന്റെ വിജയവും.

(മാധ്യമപ്രവർത്തകനും അധ്യാപകനുമാണ് ലേഖകൻ.9946025819 )

error: This Content is already Published.!!