ആരോഗ്യഗുണവും ഔഷധ ഗുണവും ഒത്തുചേര്‍ന്ന കറിവേപ്പില
Posted by
17 February

ആരോഗ്യഗുണവും ഔഷധ ഗുണവും ഒത്തുചേര്‍ന്ന കറിവേപ്പില

വിഭവങ്ങള്‍ക്ക് രുചിയും മണവും വര്‍ദ്ധിപ്പിക്കാന്‍ ഉപയോഗിക്കുന്ന ഇലയായി മാത്രമാണ് നമുക്ക് കറിവേപ്പിലയെ അറിയാവുന്നത്. പല രോഗങ്ങള്‍ക്കെതിരേയും ഉപയോഗിക്കാവുന്ന കണ്‍കണ്ട ഔഷധമാണ് കറിവേപ്പിലയെന്ന് എത്ര പേര്‍ക്കറിയാം?

കറിവേപ്പിന്റെ ഇലകളും വേരും തൊലിയുമെല്ലാം ഔഷധമൂല്യമുളളതാണ്. വയറുവേദന, അതിസാരം, അരുചി, കൃമിദോഷം, അമിതവണ്ണം, പ്രമേഹം, കൊളസ്‌ട്രോള്‍ തുടങ്ങിയ രോഗങ്ങളെ നിയന്ത്രിക്കാന്‍ കഴിവുള്ള അത്യപൂര്‍വ്വ ഔഷധ ചെടിയാണ് കറിവേപ്പില. വിറ്റാമിന്‍ എ കൂടുതല്‍ ഉള്ള കറിവേപ്പില കാഴ്ച ശക്തി വര്‍ദ്ധിപ്പിക്കാന്‍ സഹായിക്കുന്നു.

ഹൃദയപ്രവര്‍ത്തനങ്ങളെ ത്വരിതപ്പെടുത്തുന്നതിനും ബ്ലഡ് ഷുഗര്‍, കൊളസ്‌ട്രോള്‍ എന്നിവ നിയന്ത്രിക്കുന്നതിനും കരള്‍ സംബന്ധമായ അസുഖങ്ങള്‍ക്ക് ശമനം നല്‍കുന്നതിനും കറിവേപ്പില സഹായകമാണ്.

ദഹന ശക്തി വര്‍ദ്ധിപ്പിക്കാനും, ഉദര രോഗങ്ങള്‍ ശമിപ്പിക്കുവാനും കറിവേപ്പില അത്യുത്തമമാണ്. ആസ്ത്മ രോഗികള്‍ ഒരു തണ്ടു കറിവേപ്പിലയും അല്‍പ്പം പച്ചമഞ്ഞളും നന്നായി അരച്ച് നെല്ലിക്കാ വലിപ്പത്തില്‍ നിത്യേന കഴിക്കുന്നത് രോഗം ശമിക്കുവാന്‍ സഹായിക്കും

കറിവേപ്പിലയും മഞ്ഞളും കൂട്ടി കഴിക്കുന്നത് കൊളസ്‌ട്രോളിനും അലര്‍ജി തുമ്മല്‍ എന്നിവക്കും ഫലപ്രദമാണ്. കറിവേപ്പില പാലില്‍ അരച്ചു വേവിച്ച് പുരട്ടിയാല്‍ ശരീരത്തിലുണ്ടാകുന്ന ചുട്ടുനീറ്റല്‍, വിഷാഘാതം എന്നിവക്ക് ശമനമുണ്ടാകും. ചിലതരം ത്വക്ക്രോഗങ്ങള്‍ വെളിച്ചെണ്ണയില്‍ കറിവേപ്പിലയും മഞ്ഞളും അരച്ചു തേച്ചാല്‍ ശമനമുണ്ടാകും.

സൗന്ദര്യസംരക്ഷണം

തലമുടി വളരാനുള്ള കൂട്ടുകളില്‍ കറിവേപ്പിലയ്ക്ക് വലിയ സ്ഥാനമുണ്ട്. കറിവേപ്പിലയിട്ട് കാച്ചിയ എണ്ണ തേച്ചുകുളിക്കുന്നത് മുടി സമൃദ്ധമായി വളരുന്നതിനും മുടിയുടെ കറുപ്പ് നിറം സംരക്ഷിക്കുന്നതിനും സഹായകമാണ്.

തലമുടി കൊഴിച്ചില്‍ തടയാന്‍ കറിവേപ്പില, കറ്റാര്‍വാഴ, മൈലാഞ്ചി എന്നിവ ചേര്‍ത്ത് എണ്ണ കാച്ചി തലയില്‍ തേച്ചാല്‍ മതിയാവും കറിവേപ്പിലക്കുരു ചെറുനാരങ്ങാനീരില്‍ അരച്ച് തലയില്‍ തേച്ച് അരമണിക്കൂറിന് കുളിച്ചാല്‍ പേന്‍, ഈര്, താരന്‍ എന്നിവ നിശ്ശേഷം മാറിക്കിട്ടും.

കറിവേപ്പില അരച്ച് പുളിച്ച മോരില്‍ കവിള്‍കൊള്ളുന്നത് വായ്പുണ്ണിനെ ശമിപ്പിക്കും. ഉപ്പൂറ്റി വിണ്ടു കീറുന്നതിന് പച്ചമഞ്ഞളും കറിവേപ്പിലയും ചേര്‍ത്തരച്ച് തുടര്‍ച്ചയായി മൂന്ന് ദിവസം കാലില്‍ പുരട്ടിയാല്‍ മതി.

മസ്തിഷ്‌കാഘാതത്തേയും ഹൃദ്രോഗത്തേയും പ്രതിരോധിക്കാന്‍ വാഴപ്പഴം
Posted by
15 February

മസ്തിഷ്‌കാഘാതത്തേയും ഹൃദ്രോഗത്തേയും പ്രതിരോധിക്കാന്‍ വാഴപ്പഴം

വാഴപ്പഴത്തിന് മസ്തിഷ്‌കാഘാതവും ഹൃദ്രോഗവും തടയാന്‍ കഴിവുണ്ടെന്ന് ഗവേഷകര്‍. എലികളില്‍ നടത്തിയ പഠനത്തിലാണ് ഈ കണ്ടെത്തല്‍. വാഴപ്പഴത്തിലടങ്ങിയിരിക്കുന്ന പൊട്ടാസ്യമാണത്രേ ഈ രക്ഷകന്‍.

പൊട്ടാസ്യം ധമനികളില്‍ കൊഴുപ്പടിയുന്നത് തടയും. ഇതിലടങ്ങിയിരിക്കുന്ന മറ്റു ധാതുക്കളാകട്ടെ മസ്തിഷ്‌കാഘാതത്തിനുളള സാധ്യതയും കുറയ്ക്കും.

ആരോഗ്യവാനായ ഒരാള്‍ക്ക് നിത്യവും 3,500 മില്ലിഗ്രാം പൊട്ടാസ്യമാണ് വേണ്ടത്. ദിവസവും രണ്ട് പഴം കഴിച്ചാല്‍ ഈ അളവ് നില നിര്‍ത്താനാകും.

ഉരുളക്കിഴങ്ങ്, ബ്രൊക്കോളി, മത്സ്യം, മുളപ്പിച്ച ധാന്യങ്ങള്‍ എന്നിവയാണ് പൊട്ടാസ്യത്തിന്റെ മറ്റ് ഉറവിടങ്ങള്‍

പ്രണയദിനത്തില്‍ പ്രിയതമയ്‌ക്കൊരു ഞെട്ടിക്കുന്ന സമ്മാനം; ആയിരം റോസാപൂക്കളും ചുവന്ന ഫെറാറി സൂപ്പര്‍ കാറും, വീഡിയോ കാണാം
Posted by
15 February

പ്രണയദിനത്തില്‍ പ്രിയതമയ്‌ക്കൊരു ഞെട്ടിക്കുന്ന സമ്മാനം; ആയിരം റോസാപൂക്കളും ചുവന്ന ഫെറാറി സൂപ്പര്‍ കാറും, വീഡിയോ കാണാം

ദുബായ്: പ്രണയദിനത്തില്‍ പ്രിയപ്പെട്ടവര്‍ക്ക് സമ്മാനം കൈമാറുന്നത് പുതിയ കാര്യമല്ല. എന്നാല്‍, ആ അപ്രതീക്ഷിത സമ്മാനം ഞെട്ടിക്കുന്നതായാലോ,
അത്തരത്തില്‍ ദുബായിലുള്ള അലക്‌സ് ഹിര്‍സാഷി എന്ന യുവതിയെ തേടിയെത്തിയ അപ്രതീക്ഷിത സമ്മാനം ശരിക്കും ഞെട്ടിക്കുന്നതാണ്. ചുവന്ന നിറത്തിലുള്ള ഒരു ഫെറാറി സൂപ്പര്‍ കാറും ആയിരം റോസാപ്പൂക്കളുമായിരുന്നു ഭര്‍ത്താവ് സമ്മാനമായി നല്‍കിയത്.

യുവതിയെ ഫോണില്‍ വിളിച്ച് പുറത്തേക്കിറക്കി ഒരു റോസാപ്പൂ നല്‍കി ആശംസിക്കുകയും ചെയ്തു. സൂപ്പര്‍ കാറായ ഫെറാറി നിറയെ ആയിരം ചുവന്ന റോസാപൂക്കള്‍ നിറയ്ക്കുകയും മറ്റൊരു വാഹനത്തില്‍ കയറ്റി യുവതി താമസിക്കുന്ന ഹോട്ടലിനു മുന്നില്‍ എത്തിക്കുകയും ചെയ്താണ് അപ്രതീക്ഷിത പ്രണയദിന സമ്മാനം നല്‍കിയത്. യുവതി സമ്മാനം കണ്ട് ഞെട്ടുന്നതും വീഡിയോയില്‍ കാണാം. ഈ വീഡിയോ ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുകയാണ്.

റേഡിയോ അവതാരികയും കാറുകളുടെ റിവ്യൂ നടത്തുകയും ചെയ്യുന്ന ഓസ്‌ട്രേലിയന്‍ പൗരയാണ് അലക്‌സ്. ദുബായിലാണ് ഇവര്‍ സ്ഥിര താമസം.

കേരളത്തില്‍ ഒന്നര വര്‍ഷത്തിനിടെ രക്തദാനത്തിലൂടെ എച്ച്‌ഐവി പകര്‍ന്നത് 89 പേര്‍ക്ക്; സംസ്ഥാനത്ത് ശേഖരിക്കുന്ന രക്തത്തില്‍ 0.5-1 ശതമാനത്തോളം അണുബാധ; ഞെട്ടിക്കുന്ന കണക്കുമായി സര്‍ക്കാര്‍
Posted by
15 February

കേരളത്തില്‍ ഒന്നര വര്‍ഷത്തിനിടെ രക്തദാനത്തിലൂടെ എച്ച്‌ഐവി പകര്‍ന്നത് 89 പേര്‍ക്ക്; സംസ്ഥാനത്ത് ശേഖരിക്കുന്ന രക്തത്തില്‍ 0.5-1 ശതമാനത്തോളം അണുബാധ; ഞെട്ടിക്കുന്ന കണക്കുമായി സര്‍ക്കാര്‍

കൊച്ചി: ഒന്നര വര്‍ഷത്തിനിടെയില്‍ രക്തം സ്വീകരിച്ചതുവഴി കേരളത്തില്‍ 89 പേര്‍ക്ക് എച്ച്‌ഐവി ബാധിച്ചെന്ന ഞെട്ടിക്കുന്ന റിപ്പോര്‍ട്ട് പുറത്ത്. 2016 വരെയുള്ള ഒന്നരവര്‍ഷത്തിനിടെയിലെ പഠന റിപ്പോര്‍ട്ട് എന്‍എസിഒ ആണ് പുറത്തു വിട്ടിരിക്കുന്നത്. 2007 മുതല്‍ രക്തം സ്വീകരിച്ചതു വഴി രാജ്യത്ത് 20,592 പേര്‍ക്ക് എച്ച്‌ഐവി ബാധിച്ചതായാണു സര്‍ക്കാരിന്റെ കണക്ക്. കേരളത്തില്‍ ശേഖരിക്കുന്ന രക്തത്തില്‍ 0.5-1 ശതമാനത്തോളം അണുബാധയുള്ളതാണ്.

രക്തം നല്‍കുന്നതിലൂടെ രോഗം പടരുന്നതു തടയാന്‍ കേരളത്തില്‍ രക്ത പരിശോധനയ്ക്കു ന്യൂക്ലിയിക് ആസിഡ് ആംപ്ലിഫിക്കേഷന്‍ ടെക്നോളജി (നാറ്റ്) അടിയന്തരമായി നടപ്പാക്കണമെന്നു വിദഗ്ധര്‍. രാജ്യത്തെ നിരവധി ആശുപത്രികളും രക്തബാങ്കുകളും ഇതുവരെ നാറ്റ് സൗകര്യം സ്ഥാപിച്ചിട്ടില്ല.

സംസ്ഥാനത്ത് 160 രക്ത ബാങ്കുകളും രക്തശേഖരണ സൗകര്യങ്ങളുമുണ്ട്. ഇതില്‍ 1-2 ശതമാനത്തിനു മാത്രമേ നാറ്റ് സൗകര്യമുള്ളു. നാറ്റ് സാങ്കേതിക വിദ്യ നടപ്പിലാക്കാന്‍ ചുരുങ്ങിയത് മൂന്നുകോടി രൂപ മുതല്‍മുടക്കുവരും. കനത്ത സാമ്പത്തികച്ചെലവാണു സര്‍ക്കാര്‍ ആശുപത്രികളില്‍ ഇതു നടപ്പാക്കാനുള്ള തടസം.

ജനിതക ഘടകങ്ങളെ ബാധിക്കുന്ന എച്ച്‌ഐവി, ഹെപ്പെറ്റെറ്റിസ് ബി, ഹെപ്പെറ്റെറ്റിസ് സി തുടങ്ങിയ വൈറസുകളെ നേരിട്ടു കണ്ടുപിടിക്കാന്‍ നാറ്റ് ടെസ്റ്റ് സഹായിക്കുമെന്നും സംസ്ഥാനത്തെ രക്തബാങ്കുകളില്‍ ഇത് അടിയന്തരമായി നടപ്പാക്കണമെന്നും വിദഗ്ധ സമിതി പറഞ്ഞു.

കൊച്ചി ഐഎംഎ ബ്ലഡ് ബാങ്ക് മെഡിക്കല്‍ ഓഫീസര്‍ ഡോ. ഏബ്രഹാം വര്‍ഗീസ്, തൃശൂര്‍ ജൂബിലി മിഷന്‍ മെഡിക്കല്‍ കോളജ് ആന്‍ഡ് റിസര്‍ച് ഇന്‍സ്റ്റിറ്റ്യൂട്ടിലെ ക്ലിനിക്കല്‍ ലാബ് ആന്‍ഡ് ബ്ലഡ് ബാങ്ക് ഹെഡ് ഡോ. സുശീല ജെ ഇന്ന, റോഷ് ഡയഗ്‌നോസ്റ്റിക്സ് ഇന്ത്യയുടെ മെഡിക്കല്‍ ആന്‍ഡ് സയന്റിഫിക് അഫയേഴ്സ് തലവന്‍ ഡോ. സന്ദീപ് സ്യൂലികര്‍ എന്നിവരടങ്ങിയ പാനലാണു നാറ്റ് ടെസ്റ്റിന്റെ പ്രാധാന്യം വ്യക്തമാക്കിയത്. ദാനം ചെയ്യുന്ന രക്തത്തിലെ അണുബാധ കണ്ടെത്താനുള്ള ഏറ്റവും സൂക്ഷ്മമായ സാങ്കേതികവിദ്യയാണ് നാറ്റ് ടെസ്റ്റിങ്.

ഇവ പറയും, ജോലി ഉപേക്ഷിക്കാന്‍ സമയമായോ എന്ന്
Posted by
14 February

ഇവ പറയും, ജോലി ഉപേക്ഷിക്കാന്‍ സമയമായോ എന്ന്

ജോലി സ്ഥലത്ത് പലവിധത്തിലുള്ള സമ്മര്‍ദ്ദങ്ങള്‍ അനുഭവിക്കുന്നവരുണ്ട്. ജീവിത സാഹചര്യങ്ങളില്‍ ഒഴിച്ചുകൂടാനാവാത്തതുകൊണ്ടാണ് പലരും ജോലികളില്‍ തുടരുന്നത് തന്നെ. ഏത് ജോലി ചെയ്യാനും മാനസിക സന്തോഷം പ്രധാനമാണ്. അത് സ്ഥാപനത്തില്‍ നിന്നോ സഹപ്രവര്‍ത്തകരില്‍ നിന്നും ചുറ്റുപാടില്‍ നിന്നെല്ലാം അനിവാര്യമാണ്.

ചില ദിവസങ്ങളില്‍ കാര്യങ്ങള്‍ നമ്മള്‍ ആഗ്രഹിക്കുന്ന രീതിയില്‍ വരാറുമുണ്ടാകില്ല. എന്നാല്‍, ജോലിയ്ക്കിടയിലെ നിങ്ങളുടെ ഏറ്റവും നല്ല ദിവസമോ അല്ലെങ്കില്‍ ഓഫീസ് മണിക്കൂറുകളില്‍ നിങ്ങള്‍ യഥാര്‍ഥത്തില്‍ സന്തോഷിച്ച ദിവസമേതാണെന്നോ നിങ്ങള്‍ക്ക് ഓര്‍ക്കാന്‍ കഴിയുന്നില്ലെങ്കില്‍, നിങ്ങള്‍ ആ സ്ഥലത്ത് തുടര്‍ന്നും ജോലി ചെയ്യണോ വേണ്ടയോ എന്ന് തീരുമാനിക്കാനുള്ള സമയത്തിന്റെ സൂചനയായിരിക്കാം.
താഴെ പറയുന്ന കാര്യങ്ങള്‍ പരിശോധിക്കൂ,

1) പുതുതായി ഒന്നും പഠിക്കാനില്ല

നിങ്ങളുടെ നിലവിലെ ജോലിയില്‍ നിന്നും കൂടുതല്‍ ഒന്നും പഠിക്കാന്‍ അവസരമില്ല, അല്ലെങ്കില്‍ ജോലി ഒരു വെല്ലുവിളിയായി തോന്നുന്നില്ല എങ്കില്‍, പുതിയ ജോലി നോക്കി തുടങ്ങുന്നതാകും നല്ലത്. പുതിയ പദ്ധതികളില്‍ പ്രവര്‍ത്തിച്ചിട്ടും, വര്‍ക്ക്‌ഷോപ്പുകളും സമ്മേളനങ്ങളിലും മീറ്റിംഗുകളിലും ഒക്കെ പങ്കെടുത്തിട്ടും നിങ്ങളുടെ പ്രധാന വൈദഗ്ധ്യം വികസിപ്പിക്കുന്നതിനോ അല്ലെങ്കില്‍ പുതിയവ പഠിക്കാനോ കഴിയുന്നില്ല എന്ന് നിങ്ങള്‍ക്ക് തോന്നുന്നു. നിങ്ങളുടെ അറിവിന്റെ അടിത്തറ മെച്ചപ്പെടുത്താന്‍ നിങ്ങളുടെ ഇപ്പോഴത്തെ ജോലി നിങ്ങളെ സഹായിക്കുന്നില്ല എന്നതിന്റേയും നിങ്ങളുടെ കരിയര്‍ നിങ്ങള്‍ ആഗ്രഹിച്ച രീതിയില്‍ രൂപപ്പെടുത്താനാകില്ല എന്നതിന്റെയും വ്യക്തമായ അടയാളമാണിത്.

2) നിങ്ങളുടെ വളര്‍ച്ച കാണാനാകുന്നില്ല

വര്‍ഷങ്ങളായി താങ്കള്‍ ജോലിയില്‍ മുഴുകി നില്‍ക്കുന്നു, പക്ഷേ ഒരിക്കല്‍ പോലും നിങ്ങള്‍ക്ക് പ്രമോഷനോ മറ്റോ ലഭിച്ചിട്ടില്ല. നിങ്ങള്‍ കുടുങ്ങി നില്‍ക്കുന്നതായി തോന്നുകയും യാതൊരുവിധ പ്രൊഫഷനല്‍ വളര്‍ച്ചയോ, സ്ഥാനത്തില്‍ മാറ്റമോ കാണുന്നില്ല. നിങ്ങളുടെ കഴിവുകളും വൈദഗ്ധ്യവും അവരുടെ സാധ്യതകള്‍ക്കനുസരിച്ച് ചൂഷണം ചെയ്യുന്നില്ലെന്ന് നിങ്ങള്‍ കരുതുന്നു, കൂടുതല്‍ മെച്ചപ്പെട്ട തൊഴില്‍സാഹചര്യവും നിങ്ങള്‍ അര്‍ഹിക്കുന്നു. കൂടാതെ, നിങ്ങള്‍ ചെയ്യുന്ന ജോലിയ്ക്ക് അര്‍ഹമായ പ്രതിഫലവും ലഭിക്കുന്നില്ലെങ്കില്‍ നിങ്ങളുടെ ജോലി ഉപേക്ഷിക്കുന്നതിന് പരിഗണിക്കാനുള്ള മറ്റൊരു കാരണമാണിത്.

3) നെഗറ്റീവായ തൊഴില്‍ അന്തരീക്ഷം

നിങ്ങളുടെ ജോലിയെ നിങ്ങള്‍ എത്രത്തോളം സ്‌നേഹിച്ചാലും, നെഗറ്റീവായ തൊഴില്‍ അന്തരീക്ഷം നിങ്ങളുടെ ഉത്പാദനക്ഷമയേയും പ്രചോദന നിലവാരത്തെയും ബാധിക്കും. നിങ്ങളുടെ ബോസ് എപ്പോഴും ഒരു കാരണവുമില്ലാതെ പരാതിപ്പെടുകയാണെങ്കില്‍, സഹപ്രവര്‍ത്തകര്‍ക്ക് കുറ്റപ്പെടുത്തലില്‍ മാത്രമേ താല്‍പര്യമുള്ളൂവെങ്കില്‍, തൊഴില്‍ നയങ്ങള്‍ നീതിയുക്തമല്ലെങ്കില്‍, ഓഫീസ് പൊളിറ്റിക്‌സ് നിങ്ങള്‍ക്ക് ഉറക്കമില്ലാത്ത രാത്രികള്‍ സമ്മാനിക്കുന്നുവെങ്കില്‍ ഇത് നിങ്ങളുടെ രാജികത്ത് നല്‍കാനുള്ള സമയമാണ്.

4) ജോലി സുരക്ഷിതത്വമില്ല

പുതിയ ആള്‍ക്കാരെ എടുക്കുന്നതും പുറത്താക്കുന്നതും നിങ്ങളുടെ ഓഫീസിന് ദൈനംദിന കാര്യമാണെങ്കില്‍, അല്ലെങ്കില്‍ നിങ്ങളുടെ കമ്പനി ഒരു മുങ്ങിക്കൊണ്ടിരിക്കുന്ന കപ്പലാണെങ്കില്‍ നിങ്ങളുടെ തെറ്റ് കൂടാതെ നിങ്ങളുടെ ജോലി നഷ്ടപ്പെടാനുള്ള ഭീഷണി നിങ്ങള്‍ നിരന്തരം നേരിടുന്നുവെങ്കില്‍ നിങ്ങള്‍ക്ക് എന്ത് കൊണ്ട് നിലവിലെ ജോലി രാജിവച്ച് പുതിയൊരു ജോലി നോക്കിക്കൂടാ?

5) ഇത് നിങ്ങളുടെ ആരോഗ്യത്തെ ബാധിക്കുവെങ്കില്‍

നിങ്ങള്‍ എപ്പോഴും ജോലിയില്‍ സ്‌ട്രെസ്സ് ചെയ്യുന്നുവെങ്കില്‍, അത് നിങ്ങളുടെ ആരോഗ്യത്തെ ബാധിക്കും. നഖം കടിക്കല്‍, പുകവലി/മദ്യപാനം, ജങ്ക് ഫുഡുകള്‍ കഴിക്കുക, അല്ലെങ്കില്‍ ഒന്നും കഴിക്കാതെയിരിക്കുക മുതലായ സ്വയം-ഹാനിയുണ്ടാക്കുന്ന ശീലങ്ങള്‍ നിങ്ങള്‍ തുടങ്ങിയിട്ടുണ്ടാകും. തൊഴില്‍-ജീവിത ബാലന്‍സ് എന്ന ആശയം നിങ്ങള്‍ക്കായി നിലനില്‍ക്കില്ല, ശാരീരിക പ്രവര്‍ത്തനങ്ങള്‍ക്കായി നിങ്ങള്‍ക്ക് സമയവും ലഭിക്കില്ല. നിങ്ങള്‍ക്ക് ഓര്‍മ്മക്കുറവുണ്ടാവുകയാണെങ്കില്‍, ഉറക്കപ്രശ്‌നങ്ങളും അലട്ടുകയാണെങ്കില്‍, നിങ്ങളുടെ ഭക്ഷണ ശീലം മോശമായി മാറുകയോ, നിങ്ങളുടെ ജോലിയുടെ ഫലമായി നിങ്ങളില്‍ ഒരു പ്രതികൂല (നെഗറ്റീവ്) മനോഭാവം വളരുകയും ചെയ്യുന്നുവെങ്കില്‍, തീര്‍ച്ചയായും നിങ്ങള്‍ പുതിയ അവസരങ്ങള്‍ നോക്കേണ്ടതുണ്ട്.

വാലന്റൈന്‍സ് ദിനം വിവാഹത്തിന് അശുഭമോ? ഫെബ്രുവരി 14ന് വിവാഹിതരായാല്‍…
Posted by
14 February

വാലന്റൈന്‍സ് ദിനം വിവാഹത്തിന് അശുഭമോ? ഫെബ്രുവരി 14ന് വിവാഹിതരായാല്‍...

കമിതാക്കള്‍ ജാഗ്രതൈ! ഫെബ്രുവരി 14ന് വിവാഹിതരായി എന്നെന്നും തങ്ങളുടെ പ്രണയം കാത്ത് സൂക്ഷിക്കാമെന്ന് കരുതുന്നവരുടെ എണ്ണം വര്‍ധിച്ച് വരികയാണെങ്കിലും ആ ചിന്ത തന്നെ ഉപേക്ഷിച്ചോളൂ എന്നാണ് പുതിയ പഠനങ്ങള്‍ പറയുന്നത്. പ്രണയദിനത്തിലെ വിവാഹം ശുഭമല്ലെന്നാണ് റിപ്പോര്‍ട്ടുകള്‍ തെളിയിക്കുന്നത്. വാലന്റൈന്‍സ് ദിനത്തില്‍ നടന്നിട്ടുള്ള വിവാഹങ്ങള്‍ പലതും വിവാഹ മോചനത്തിലാണ് അവസാനിക്കുന്നതെന്നും ഈ പുതിയ പഠനങ്ങള്‍ വ്യക്തമാക്കുന്നു.

വാലന്റൈന്‍സ് ദിനത്തില്‍ വിവാഹിതരായ ദമ്പതിമാരില്‍ 37 ശതമാനം പേരും വിവാഹ ബന്ധം വേര്‍പെടുത്തി. കൂടാതെ 45 ശതമാനം പേര്‍ തങ്ങളുടെ വൈവാഹിക ജീവിതം മൂന്ന് വര്‍ഷത്തിനപ്പുറം കൊണ്ടുപോയതുമില്ല. 11 ലക്ഷം ഡച്ച് ദമ്പതിമാരില്‍ മെല്‍ബണ്‍ യൂണിവേഴ്സിറ്റിയാണ് ഇത്തരത്തില്‍ ഒരു പഠനം നടത്തിയത്. ബന്ധങ്ങളിലെ തീവ്രതക്കുറവാണ് ഇതിന് കാരണമായി ശാസ്ത്രജ്ഞര്‍ ചൂണ്ടിക്കാട്ടുന്നത്.

വാലന്റൈന്‍സ് ദിനത്തില്‍ വിവാഹം കഴിക്കുന്നവരില്‍ ഭൂരിഭാഗവും തങ്ങളുടെ പ്രണയബന്ധത്തിന്റെ പ്രാരംഭഘട്ടത്തിലായിരിക്കും. കൂടാതെ ഇത്തരം പ്രത്യേക ദിനങ്ങളില്‍ കല്യാണം കഴിക്കുന്ന ദമ്പതിമാരില്‍ വൈവാഹിക ജീവിതത്തോടുള്ള ആസക്തി കുറവായിരിക്കും. ദിനങ്ങളുടെ പ്രത്യേകത ജീവിതത്തില്‍ എത്തിക്കാനുള്ള തിരക്കില്‍ മറ്റ് പലതും ശ്രദ്ധിക്കാതെ പോകുന്നതാണ് കാരണം. ഇത് ബന്ധങ്ങളിലെ വിള്ളലിലേക്ക് നയിക്കുമെന്നും ശാസ്ത്രജ്ഞര്‍ വിലയിരുത്തുന്നു.

ഔഷധ സസ്യങ്ങളെ അറിയാം; നട്ടു വളര്‍ത്താം
Posted by
13 February

ഔഷധ സസ്യങ്ങളെ അറിയാം; നട്ടു വളര്‍ത്താം

ചെറുതായൊരു പനിവന്നാല്‍ പോലും ഇന്ന് നാമെല്ലാം ഓടുന്നത് മള്‍ട്ടി സ്‌പെഷ്യാലിറ്റി ഹോസ്പിറ്റലുകളിലേക്കാണ്. എന്നാല്‍ പണ്ടിങ്ങനെയായിരുന്നില്ല.

വീട്ടിലാര്‍ക്കെങ്കിലും പനിയോ തുമ്മലോ ഛര്‍ദ്ദിയോ ഒക്കെ വന്നാല്‍ വീട്ടിലെ മുതിര്‍ന്നവര്‍ മുറ്റത്തേക്കിറങ്ങും. തിരിച്ചു വരുന്നത് കയ്യിലൊതുക്കിപ്പിടിച്ച പച്ചില മരുന്നുകളുമായാകും. എന്തിനും ഏതിനും ഒറ്റമൂലി അവരുടെയടുത്തുണ്ടായിരുന്നു.

എല്ലാ വീട്ടുമുറ്റത്തും അത്യാവശ്യം വേണ്ട ഔഷധസസ്യങ്ങളെല്ലാം ഉണ്ടായിരുന്നു പണ്ട്. നട്ടു വളര്‍ത്താതെ താനേ ഉണ്ടായി വരുമായിരുന്നു അവ.

പഴയകാലം തിരിച്ചു വരില്ലെങ്കിലും വീട്ടുമുറ്റത്ത് നമുക്ക് അവ നട്ടുവളര്‍ത്താനാകും. അത്തരം ചില സസ്യങ്ങളെ പരിചയപ്പെടാം.

തുളസി

ഔഷധസസ്യങ്ങളുടെ റാണിയെന്നാണ് തുളസി അറിയപ്പെടുന്നത്. നാലുതരം തുളസികളുണ്ട്- രാമതുളസി, കൃഷ്ണ തുളസി, കര്‍പ്പൂര തുളസി. പലതരം രോഗങ്ങള്‍ക്കും തുളസി ഒരു ദിവ്യൗഷധം തന്നെയാണ്. പനിക്ക് കണ്‍കണ്ട മരുന്നാണ് തുളസി.

കറ്റാര്‍വാഴ

നല്ല സൂര്യപ്രകാശത്തില്‍ വളരുന്ന സസ്യമാണ് കറ്റാര്‍വാഴ. കറ്റാര്‍വാഴ നീര് സൗന്ദര്യവര്‍ദ്ധകമായി ഉപയോഗിക്കുന്നു.

പുറമേയുളള ഉപയോഗത്തിനു മാത്രമല്ല, ഉദരസംബന്ധിയായ രോഗങ്ങള്‍ക്കും മലബന്ധത്തിനുമൊക്കെ പ്രതിവിധിയാണ് കറ്റാര്‍വാഴനീര്.

 

കരിനൊച്ചി

മൂന്ന് മീറ്ററോ അതിലും കൂടുതലോ ഉയരത്തില്‍ ശാഖോപശാഖകളായി പടര്‍ന്ന് വളരുന്ന ഒരു സസ്യമാണിത്.
ഇലകളില്‍ ബാഷ്പശീലതൈഅലം, റേസിന്‍, സുഗന്ധതൈലം, കാര്‍ബണിക അമ്ലം, ആല്‍ക്കലോയിഡുകള്‍ എന്നിവ അടങ്ങിയിരിക്കുന്നു.
വേര്, തൊലി , ഇല എന്നിവയാണ് ഔഷധയോഗ്യമായ ഭാഗങ്ങള്‍. നീര്, വേദന, വാതം എന്നിവയെ ശമിപ്പിക്കും

 

കാശിത്തുമ്പ

കാശിത്തുമ്പ അണുനാശിനിയായാണ് അറിയപ്പെടുന്നത്. ഇതില്‍ നിന്ന് ഉത്പാദിപ്പിക്കുന്ന തൈമോയില്‍ വിപണിയില്‍ ലഭ്യമായ മൗത്ത്വാഷുകളിലെ പ്രധാന ഘടകമാണ്. വായുക്ഷോഭത്തിനും ചുമയ്ക്കും ഔഷധമായി ഉപയോഗിക്കുന്നു.

 

ഇഞ്ചിപ്പുല്ല്

ഒട്ടേറെ ഔഷധഗുണങ്ങളുളള സസ്യമാണിത്. ഇതില്‍ നിന്നെടുക്കുന്ന എണ്ണ എല്ലാത്തരം വേദനകള്‍ക്കും ഒരു ശമനൗഷധമായി ഉപയോഗിക്കുന്നു. ഡിപ്രഷന്‍- നാഡീ സംബന്ധിയായ രോഗങ്ങള്‍ക്കും ഔഷധമാണിത്.

ഹെഡ്‌ഫോണ്‍ തുടര്‍ച്ചയായി ഉപയോഗിക്കുന്നവരില്‍ ഹൃദ്രോഗ സാധ്യത കൂടും
Posted by
12 February

ഹെഡ്‌ഫോണ്‍ തുടര്‍ച്ചയായി ഉപയോഗിക്കുന്നവരില്‍ ഹൃദ്രോഗ സാധ്യത കൂടും

തുടര്‍ച്ചയായി ഹെഡ്‌ഫോണ്‍ ഉപയോഗിച്ച് പാട്ട് കേള്‍ക്കുന്നത് ശീലമാക്കിയവര്‍ സൂക്ഷിക്കുക. കമ്പ്യൂട്ടറില്‍ നിന്നോ മൊബൈല്‍ ഫോണിലെ എഫ് എം റേഡിയോയില്‍ നിന്നോ തുടര്‍ച്ചയായി ഹെഡ്‌ഫോണ്‍ ഉപയോഗിച്ച് പാട്ട് കേള്‍ക്കുന്നവര്‍ക്ക് ഹൃദ്രോഗം ഉണ്ടാകാനുള്ള സാധ്യത അധികമെന്ന് വിദഗ്ദ്ധര്‍ മുന്നറിയിപ്പ് നല്‍കുന്നു.

തുടര്‍ച്ചയായുള്ള ഹെഡ്‌ഫോണിന്റെ ഉപയോഗം മാനസിക അസ്വസ്ഥത, ഹൈപ്പര്‍ടെന്‍ഷന്‍ തുടങ്ങിയ അവസ്ഥകളിലേക്കും ഇത് ഹൃദ്രോഗത്തിലേക്കും നയിക്കുമെന്നുമാണ് ഡോക്ടര്‍മാര്‍ അഭിപ്രായപ്പെടുന്നത്.

ഇത് കൂടാതെ ഉച്ചത്തിലുള്ള ശബ്ദം തുടര്‍ച്ചയായി കേള്‍ക്കുന്ന നാഡിവ്യൂഹത്തിനും ചെവിയിലെ ഞരമ്പുകള്‍ക്കും പ്രശ്‌നങ്ങള്‍ സൃഷ്ടിക്കും ഡോക്ടര്‍മാര്‍ പറയുന്നു

പതിനൊന്നാം വയസ്സില്‍ ആര്‍ത്തവ വിരാമം, മുപ്പതാം വയസില്‍ അവള്‍ ഗര്‍ഭിണി; അമ്മയാകുക എന്ന സ്വപ്‌നം തിരിച്ചുപിടിച്ച് അമാന്‍ഡ
Posted by
10 February

പതിനൊന്നാം വയസ്സില്‍ ആര്‍ത്തവ വിരാമം, മുപ്പതാം വയസില്‍ അവള്‍ ഗര്‍ഭിണി; അമ്മയാകുക എന്ന സ്വപ്‌നം തിരിച്ചുപിടിച്ച് അമാന്‍ഡ

അകാലത്തില്‍ തന്നെ ആര്‍ത്തവ വിരാമം, എന്നിട്ട് മുപ്പതാം വയസില്‍ അവള്‍ അമ്മയാവാന്‍ തയ്യാറെടുപ്പ്, അവിശ്വസനീയമായ ഒരു യുവതിയുടെ കഥ. പതിനൊന്നാം വയസ്സില്‍ ആര്‍ത്തവ വിരാമം സംഭവിച്ച അമാന്‍ഡ ലെവിസിന്റേതാണ് അസാധാരണ കഥ.

അതുപോലെ ആര്‍ത്തവിരാമം സംഭവിച്ച ഒരു സ്ത്രീക്ക് ഗര്‍ഭിണി ആകാന്‍ കഴിയില്ലെന്ന് എല്ലാവര്‍ക്കും അറിയാം. എന്നാല്‍ ഈ ധാരണകളെല്ലാം മാറ്റിമറിക്കുകയാണ് അമാന്‍ഡ. പതിനൊന്നാം വയസ്സിലെ അസാധാരണ മാറ്റങ്ങള്‍ കണ്ടപ്പോള്‍ അമാന്‍ഡയും മാതാപിതാക്കളും കരുതിയത് അവള്‍ കൗമാരഘട്ടത്തിലേക്ക് കടക്കുന്നതിന്റെ ഭാഗമാണ് എന്നാണ്.

എന്നാല്‍ രക്തപരിശോധനയില്‍ ഡോക്ടര്‍മാര്‍ കണ്ടെത്തിയത് ഇറാറ്റിക് ഹോര്‍മോണ്‍ രക്തത്തിലുണ്ടെന്നും അത് കാലമെത്തുന്നതിന് മുമ്പുള്ള ആര്‍ത്തവവിരാമത്തിലേക്ക് അമാന്‍ഡയെ നയിച്ചിരിക്കുന്നു എന്നുമാണ്. ആര്‍ത്തവവിരാമത്തിലേക്ക് കടക്കുന്ന സ്ത്രീകള്‍ അനുഭവിച്ചുകൊണ്ടിരിക്കുന്ന ലക്ഷണങ്ങളെല്ലാമായിരുന്നു അവള്‍ക്കുണ്ടായിരുന്നത്.

അതോടെ തനിക്ക് ഒരമ്മയാകാനുള്ള എല്ലാ സാധ്യതകളും അവസാനിച്ചതായി അമാന്‍ഡയ്ക്ക് മനസ്സിലായി. അത് അവളുടെ സ്വപ്നങ്ങളുടെ നിറം തല്ലിക്കെടുത്തിയത് ഒട്ടൊന്നുമായിരുന്നില്ല. പക്ഷേ കാലം കടന്നുപോകവെ അവള്‍ക്ക് വീണ്ടും സ്വപ്നങ്ങള്‍ കൈവന്നു. ഇപ്പോള്‍ ഐവിഎഫിന് അവള്‍ നന്ദി പറയുന്നു. കാരണം ഐവിഎഫ് വഴിയാണ് അമാന്‍ഡ ഗര്‍ഭം ധരിച്ചിരിക്കുന്നത്.

ജീവിതപങ്കാളിയുടെ ബീജവും ഡോണറില്‍നിന്ന് അണ്ഡവും സ്വീകരിച്ചാണ് അമാന്‍ഡ തന്റെ സ്വപ്നം സാധ്യമാക്കിയത്. വളര്‍ച്ച മുരടിച്ചു പോയ ഗര്‍ഭപാത്രത്തിന് വലുപ്പം ഉണ്ടാക്കാനായി ഹോര്‍മോണ്‍ ചികിത്സയും നടത്തുന്നുണ്ട്. ആദ്യ ശ്രമത്തിലൂടെ തന്നെ സ്വപ്നം സഫലമായതില്‍ താന്‍ വളരെ ഭാഗ്യമുള്ളവളാണെന്ന് അമാന്‍ഡ പറയുന്നു.

ഇരുപ്പ് കൂടിയാല്‍ ആയുസ്സ് കുറയും….
Posted by
09 February

ഇരുപ്പ് കൂടിയാല്‍ ആയുസ്സ് കുറയും....

ദിവസവും വ്യായാമം ചെയ്യുന്നുണ്ട്; എന്നാല്‍ എട്ടുമണിക്കൂര്‍ ഇരുന്ന് ഓഫീസ് ജോലി ചെയ്യുന്നവരാണോ നിങ്ങള്‍? എങ്കില്‍ വ്യായാമം ചെയ്യുന്നതിന്റെ ഗുണഫലങ്ങള്‍ ഈ ഇരിപ്പ് ഇല്ലാതാക്കുമെന്ന് പഠനം.

മണിക്കൂറുകള്‍ നീണ്ട ഇരുപ്പ് ആരോഗ്യത്തെ പ്രതികൂലമായി ബാധിക്കുമെന്നാണ് കണ്ടെത്തല്‍. ഇരിപ്പ് കൂടുന്നതിനനുസരിച്ച് ആയുസ്സും കുറയും.

നിഷ്‌ക്രിയമായ മാംസപേശികളുമായി മണിക്കൂറുകളോളം ഇരുന്ന് ജോലിചെയ്യുന്നവരില്‍ പ്രമേഹം, ഹൃദ്രോഗം, പൊണ്ണത്തടി എന്നീ രോഗാവസ്ഥകള്‍ക്കുള്ള സാധ്യത വളരെ അധികമാണെന്നാണ് കൊളംബിയയില്‍ മിസൗറി സര്‍വകലാശാലയിലെ ഗവേഷകര്‍ കണ്ടെത്തിയത്.

‘കൊഴുപ്പ് ഉരുക്കിക്കളയാന്‍ കഴിവുള്ള ദീപനരസങ്ങള്‍ (എന്‍സൈമുകള്‍) അടങ്ങിയ മാംസപേശികളിലെ രക്തക്കുഴലുകള്‍, ഏതാനും മണിക്കൂര്‍ ഇരുന്ന് ജോലിചെയ്യുമ്പോള്‍ തന്നെ അടഞ്ഞുപോകുന്നു.

കൂടുതല്‍ സമയം ഇരുന്ന് ജോലിചെയ്യുന്നവരില്‍, ഏറ്റവും അനുകൂലമായ തോതില്‍പ്പോലും ഉപാപചയ പ്രവര്‍ത്തനങ്ങള്‍ നടക്കാനുള്ള സാധ്യതയും വിരളമാണ്. ഇത്തരക്കാരില്‍ രോഗഹേതുകമായ ഘടകങ്ങളുടെ പ്രവര്‍ത്തനം ത്വരപ്പെടുകയും ചെയ്യുന്നു.

‘ഇരിപ്പ് കുറയ്ക്കാം; ശരീരമനക്കാം’ എന്നതാണ് അമേരിക്കന്‍ ഹാര്‍ട്ട് അസോസിയേഷന്‍ ലോകജനതയോട് പറയുന്നത്. എയ്റോബിക് പോലുളള വ്യായാമങ്ങള്‍ ശീലമാക്കുകയാണ് ഇരിപ്പധികമാക്കിയവര്‍ക്ക് ചെയ്യാവുന്ന പ്രതിവിധി.

കൂടാതെ ജോലി സമയത്ത് ഓരോ മുപ്പത് മിനിറ്റ് എഴുന്നേറ്റ് റിലാക്സ് ചെയ്യുകയും നടക്കുകയും ചെയ്യുന്നത് ശീലമാക്കണം.

error: This Content is already Published.!!