സര്‍ക്കാര്‍ നിലപാട് കടുപ്പിച്ചു; സ്വകാര്യ ബസുകള്‍ നിരത്തിലിറങ്ങി തുടങ്ങി
Posted by
19 February

സര്‍ക്കാര്‍ നിലപാട് കടുപ്പിച്ചു; സ്വകാര്യ ബസുകള്‍ നിരത്തിലിറങ്ങി തുടങ്ങി

തിരുവനന്തപുരം: സര്‍ക്കാറിന്റെ കര്‍ശന നിര്‍ദേശത്തില്‍ സ്വകാര്യബസുകള്‍ നിരത്തിലിറങ്ങി തുടങ്ങി. സമരം ചെയ്യുന്ന ബസുകളുടെ പെര്‍മിറ്റ് റദ്ദാക്കാന്‍ ഗതാഗത കമ്മിഷണര്‍ ആര്‍ടിഒമാര്‍ക്ക് നിര്‍ദേശം നല്‍കിയതിന് പിന്നാലെയാണിത്. സര്‍ക്കാര്‍ കര്‍ശനമായി ഇടപെട്ടതോടെ തിരുവനന്തപുരത്താണ് സ്വകാര്യബസുകള്‍ നിരത്തിലിറങ്ങിയത്. മറ്റ് ജില്ലകളിലും ഒറ്റപ്പെട്ട സര്‍വീസുകള്‍ പുനരാരംഭിച്ചിട്ടുണ്ട്.

ആദ്യം ബസുകള്‍ ഓടിക്കാതിരിക്കുന്നതിന് കാരണം വിശദമാക്കാന്‍ ബസുമടകള്‍ക്ക് നോട്ടീസ് നല്‍കിയിരുന്നു. വ്യക്തമായ കാരണം ഇല്ലാതെ സര്‍വീസ് നടത്താതിരിക്കുന്ന ബസുകളുടെ പെര്‍മിറ്റ് റദ്ദാക്കുമെന്ന് മന്ത്രി അറിയിച്ചിരുന്നു.

നാലുദിവസമായി തുടരുന്ന സ്വകാര്യബസ് സമരം ജനങ്ങളെ അങ്ങേയറ്റം വലച്ച സാഹചര്യത്തിലാണ് സര്‍ക്കാര്‍ ഇടപെടല്‍. കര്‍ശന നടപടിക്ക് ബസുടമകള്‍ സര്‍ക്കാരിനെ നിര്‍ബന്ധിതമാക്കുകയായിരുന്നുവെന്ന് ഗതാഗതമന്ത്രി എകെശശീന്ദ്രന്‍ പറഞ്ഞു. സമരം തുടര്‍ന്നാല്‍ കൂടുതല്‍ കടുത്ത നടപടികളുണ്ടാകും.

വിദ്യാര്‍ത്ഥികളുടെ യാത്രാനിരക്ക് വര്‍ധിപ്പിക്കുന്ന പ്രശ്‌നമില്ലെന്നും മന്ത്രി വ്യക്തമാക്കി. അതേസമയം സ്വകാര്യബസുകളുടെ സമരത്തില്‍ ബസുടമകള്‍ക്കിടയില്‍ തന്നെ ഭിന്നത രൂപപ്പെട്ടിട്ടുമുണ്ട്.

കണ്ണൂരില്‍ ബുധനാഴ്ച്ച സമാധാന യോഗം
Posted by
19 February

കണ്ണൂരില്‍ ബുധനാഴ്ച്ച സമാധാന യോഗം

കണ്ണൂര്‍: യൂത്ത് കോണ്‍ഗ്രസ് നേതാവ് ശുഹൈബ് കൊല്ലപ്പെട്ട സാഹചര്യത്തില്‍ ബുധനാഴ്ച കണ്ണൂരില്‍ സര്‍വകക്ഷി സമാധാന യോഗം ചേരും. മുഖ്യമന്ത്രിയുടെ നിര്‍ദേശപ്രകാരമാണ് യോഗം. മന്ത്രി എ.കെ. ബാലന്റെ അധ്യക്ഷതയിലായിരിക്കും യോഗം നടക്കുക.

സമാധാന യോഗത്തില്‍ പങ്കെടുക്കുമെന്ന് പ്രതിപക്ഷ നേതാവ് രമേശ് ചെന്നിത്തലയും അറിയിച്ചു. ശുഹൈബിന്റെ കൊലപാതകവുമായി ബന്ധപ്പെട്ട് നിരവധി ആരോപണങ്ങള്‍ ഉയര്‍ന്ന സാഹചര്യത്തിലാണ് സമാധാന യോഗം വിളിക്കാന്‍ സര്‍ക്കാര്‍ തീരുമാനിച്ചത്.

 

സ്വകാര്യ ബസ് സമരം: ബസുടമകള്‍ക്കിടയില്‍ ഭിന്നത രൂക്ഷം
Posted by
19 February

സ്വകാര്യ ബസ് സമരം: ബസുടമകള്‍ക്കിടയില്‍ ഭിന്നത രൂക്ഷം

തൊടുപുഴ: സ്വകാര്യ ബസമരം നാലാം ദിവസത്തിലേക്ക് കടന്നതോടെ ബസുടമകള്‍ക്കിടയില്‍ തന്നെ ഭിന്നത ഉടലെടുത്ത് തുടങ്ങി. സമരം തുടരണോ എന്ന കാര്യം ചര്‍ച്ച ചെയ്യാന്‍ ഒരു വിഭാഗം ബസുടമകള്‍ ഇന്ന് തൃശൂരില്‍ യോഗം ചേരുന്നുണ്ട്.

തൊടുപുഴയില്‍ സമരത്തില്‍ നിന്നും പിന്മാറി ഒരു സ്വകാര്യ ബസ് സര്‍വീസ് നടക്കുക കൂടി ചെയ്തതോടെ ബസുടമകള്‍ക്കിടയിലെ ഭിന്നത മറനീക്കി പുറത്തുവരികയും ചെയ്തു.

ഒറ്റ ബസുള്ളവര്‍ സമരം ഉപേക്ഷിച്ച് സര്‍വീസ് നടത്താന്‍ തയാറാണെന്നാണ് അറിയിച്ചിരിക്കുന്നത്. തൊടുപുഴ-അടിമാലി-രാജാക്കാട് സര്‍വീസ് നടത്തുന്ന ചന്ദ്ര എന്ന ബസാണ് സമരത്തില്‍ നിന്നും പിന്മാറി ഇന്ന് സര്‍വീസ് ആരംഭിച്ചത്.

എന്നാല്‍ ബസ് തൊടുപുഴ സ്റ്റാന്‍ഡില്‍ എത്തിയതിന് പിന്നാലെ ഒരു വിഭാഗം ബസുടമകളും ജീവനക്കാരും ബസ് തടഞ്ഞു.

ബസുടമകളുടെ ജില്ലാ പ്രസിഡന്റ് കെ കെ തോമസിന്റെ നേതൃത്വത്തിലാണ് ബസ് തടഞ്ഞത്. ബസ് ഓടുന്നതിനെ അനുകൂലിച്ച് നാട്ടുകാരും യാത്രക്കാരും രംഗത്തെത്തിയതോടെ സ്ഥലത്ത് നേരിയ സംഘര്‍ഷാവസ്ഥയുണ്ടായി. പോലീസ് ഇടപെട്ടാണ് രംഗം ശാന്തമാക്കിയത്. ബസ് സര്‍വീസ് തുടരുന്നുണ്ട്.

എംജി സര്‍വകലാശാല വിസി ബാബു സെബാസ്റ്റ്യന് യോഗ്യതയില്ല; നിയമനം ഹൈക്കോടതി റദ്ദാക്കി
Posted by
19 February

എംജി സര്‍വകലാശാല വിസി ബാബു സെബാസ്റ്റ്യന് യോഗ്യതയില്ല; നിയമനം ഹൈക്കോടതി റദ്ദാക്കി

കൊച്ചി: മഹാത്മാഗാന്ധി സര്‍വകലാശാല വൈസ് ചാന്‍സിലര്‍ ബാബു സെബാസ്റ്റ്യന്റെ നിയമനം ഹൈക്കോടതി റദ്ദാക്കി. ബാബു സെബാസ്റ്റ്യന് വിസിയാകാനുളള യോഗ്യതയില്ലെന്ന് ഹൈക്കോടതി വ്യക്തമാക്കി. പത്തു വര്‍ഷം പ്രഫസറായിരിക്കണമെന്ന യുജിസി ചട്ടം പാലിച്ചില്ല. വിസിയെ തിരഞ്ഞെടുക്കാന്‍ സമിതി രൂപീകരിച്ചതിലും അപാകതയുണ്ട്.

വിസിയെ നിയമിക്കാനുളള സെലക്ഷന്‍ കമ്മിറ്റിയെ നിയമിച്ചതിലും അപതാകതെയെന്ന് കോടതി വ്യക്തമാക്കി. സെലക്ഷന്‍ കമ്മിറ്റിയുടെ നടപടിക്രമങ്ങളിലും അപാകതയെന്ന് കോടതി ചൂണ്ടിക്കാട്ടി. ബാബു സെബാസ്റ്റ്യന് സ്വകാര്യ എയ്ഡഡ് കോളജില്‍ അസോസിയേറ്റ് പ്രഫസര്‍ ആയി പ്രവര്‍ത്തിച്ച പരിചയം മാത്രമാണുള്ളത്.

ബാബു സെബാസ്റ്റ്യനെ അയോഗ്യനാക്കണമെന്ന് ആവശ്യപ്പെട്ട് നല്‍കിയ ഹര്‍ജിയിലാണ് കോടതി വിധി. ഹര്‍ജിക്കാരനായ പ്രേംകുമാര്‍ സമര്‍പ്പിച്ച ക്വോവാറന്റോ ഹര്‍ജി പരിഗണിച്ചാണു ചീഫ് ജസ്റ്റിസ് ഉള്‍പ്പെട്ട ഡിവിഷന്‍ ബെഞ്ചിന്റെ വിധി.

കോണ്‍ഗ്രസ് കൈയക്ഷരം നന്നാവാത്തതിന് പേനയെ കുറ്റം പറഞ്ഞു നടക്കുന്നു; ചെങ്ങന്നൂരില്‍ പിസി വിഷ്ണുനാഥ് ജീവനുംകൊണ്ട് ഓടിയെന്നും മാണി ഗ്രൂപ്പ്
Posted by
19 February

കോണ്‍ഗ്രസ് കൈയക്ഷരം നന്നാവാത്തതിന് പേനയെ കുറ്റം പറഞ്ഞു നടക്കുന്നു; ചെങ്ങന്നൂരില്‍ പിസി വിഷ്ണുനാഥ് ജീവനുംകൊണ്ട് ഓടിയെന്നും മാണി ഗ്രൂപ്പ്

കോട്ടയം: ചെങ്ങന്നൂര്‍ ഉപതെരഞ്ഞെടുപ്പില്‍ മത്സരിക്കാന്‍ ഭയന്ന് കോണ്‍ഗ്രസും പിസി വിഷ്ണുനാഥും ജീവനുംകൊണ്ട് ഓടിയെന്ന് കേരള കോണ്‍ഗ്രസ് മാണി ഗ്രൂപ്പ്. ചെങ്ങന്നൂരില്‍ കോണ്‍ഗ്രസ് സ്ഥാനാര്‍ത്ഥി ജീവനും കൊണ്ട് ഓടിയെന്നായിരുന്നു ജില്ലാ കമ്മിറ്റി യോഗത്തില്‍ മാണി വിഭാഗത്തിന്റെ പരിഹാസം.

കൈയ്യിലിരുപ്പിന്റെ ഫലം കൊണ്ടാണ് കോണ്‍ഗ്രസ് നശിച്ചതെന്ന് കേരള കോണ്‍ഗ്രസ് നേതാക്കള്‍ കുറ്റപ്പെടുത്തി. ‘സ്വന്തം കൈയിലിരുപ്പുകൊണ്ട് നശിച്ചതിന് മറ്റുളളവരെ കുറ്റപ്പെടുത്തുകയാണ് കോണ്‍ഗ്രസ്. കൈയക്ഷരം നന്നാവാത്തതിന് പേനയെ കുറ്റപ്പെടുത്തും പോലെയാണത്.’

ഡമ്മികളെ ഇറക്കിക്കളിച്ചാലൊന്നും ബാര്‍ കോഴ കേസിലെ ആസൂത്രകരെ തിരിച്ചറിയാതിരിക്കില്ല. വിശ്വസ്തതയോടെ കൂടെനിന്നവരുടെ കുതികാല്‍ വെട്ടുന്ന സംസ്‌കാരം എന്ന് അവസാനിപ്പിക്കുന്നോ അന്നേ കോണ്‍ഗ്രസ് ഗതിപിടിക്കുകയുള്ളൂവെന്നും ജില്ലാ കമ്മിറ്റി യോഗത്തില്‍ നേതാക്കള്‍ പറഞ്ഞു. മാത്രമല്ല ചെങ്ങന്നൂരില്‍ ഒറ്റയ്ക്കു മത്സരിക്കാനും മാണി വിഭാഗം കോണ്‍ഗ്രസിനെ വെല്ലുവിളിച്ചു.

അതേസമയം മാണിഗ്രൂപ്പിനെ രൂക്ഷമായി വിമര്‍ശിച്ച് ഡിസിസി യോഗം പ്രമേയം പാസാക്കി. ഭരണത്തിന്റെ സൗഭാഗ്യങ്ങളെല്ലാം അനുഭവിച്ച ശേഷം മുന്നണി വിട്ടുപോയി രാഷ്ട്രീയ ശത്രുക്കള്‍ക്ക് ആയുധം നല്‍കുന്ന മാണി ഗ്രൂപ്പിന്റെ വിലപേശല്‍ രാഷ്ട്രീയം കോണ്‍ഗ്രസ് നേതൃത്വം മനസിലാക്കണമെന്ന് പ്രമയേത്തില്‍ പറയുന്നു.

നാല് ദിവസം പിന്നിട്ട് സ്വകാര്യ ബസ് സമരം: ജനജീവിതം ഇനിയും ദുസ്സഹമാക്കിയാല്‍ പെര്‍മിറ്റ് റദ്ദാക്കലാണ് അടുത്ത നടപടിയെന്ന് സര്‍ക്കാര്‍
Posted by
19 February

നാല് ദിവസം പിന്നിട്ട് സ്വകാര്യ ബസ് സമരം: ജനജീവിതം ഇനിയും ദുസ്സഹമാക്കിയാല്‍ പെര്‍മിറ്റ് റദ്ദാക്കലാണ് അടുത്ത നടപടിയെന്ന് സര്‍ക്കാര്‍

തിരുവനന്തപുരം: നാലു ദിവസമായി തുടരുന്ന സ്വകാര്യ ബസ് സമരം ഇതിനോടകം തന്നെ ജനജീവിതത്തെ തടസ്സപ്പെടുത്തിയിരുന്നു. ഇനിയും സമരവുമായി മുന്‍പോട്ടു പോകാനാണ് തീരുമാനമെങ്കില്‍ പെര്‍മിറ്റ് റദ്ധാക്കല്‍ തുടങ്ങി കടുത്ത നടപടികളിലേയ്ക്ക് നീങ്ങുമെന്ന് സര്‍ക്കാര്‍. ഇതിന്റെ ഭാഗമായി ആദ്യം കാരണം കാണിക്കല്‍ നോട്ടീസ് അയക്കും. പെര്‍മിറ്റ് റദ്ദാക്കാതിരിക്കാന്‍ എന്തെങ്കിലും കാരണമുണ്ടെങ്കില്‍ അറിയിക്കണമെന്ന് ചൂണ്ടിക്കാട്ടിയാവും നോട്ടീസ് നല്‍കുക.

മറുപടി തൃപ്തികരമല്ലെങ്കില്‍ പെര്‍മിറ്റ് റദ്ദാക്കല്‍ അടക്കമുള്ള നടപടികളുമായി മുന്നോട്ട് പോവാനാണ് സര്‍ക്കാര്‍ നീക്കം. സമരത്തിന്റെ പേരില്‍ ജനങ്ങളെ ബുദ്ധിമുട്ടിച്ച് സര്‍വീസ് നടത്താതിരിക്കുന്നത് അംഗീകരിക്കന്‍ കഴിയില്ലെന്ന് സര്‍ക്കാര്‍ അറിയിച്ചു. ഇതു സംബന്ധിച്ച് ട്രാന്‍സ്‌പോര്‍ട്ട് സെക്രട്ടറിക്കാവും ആദ്യം നിര്‍ദേശം നല്‍കുക. ട്രാന്‍സ്‌പോര്‍ട്ട് സെക്രട്ടറി അതത് സ്ഥലത്തെ ജില്ലാ കളക്ടറുമായി ബന്ധപ്പെട്ട് ബസുടമകള്‍ക്ക് നോട്ടീസ് നല്‍കും.

സ്വകാര്യ ബസ് സമരം നാല് ദിവസം പിന്നിട്ട സാഹചര്യത്തിലാണ് ബസ്സുടമകള്‍ക്ക് മേല്‍ കൂടുതല്‍ സമ്മര്‍ദം ചെലുത്താന്‍ സര്‍ക്കാര്‍ ഒരുങ്ങുന്നത്. മിനിമം ചാര്‍ജ് എട്ട് രൂപയാക്കിയിട്ടും വീണ്ടും സമരവുമായി മുന്നോട്ട് പോവുന്ന ബസുടമകളുടെ നിലപാട് അംഗീകരിക്കാനാവില്ലെന്നാണ് സര്‍ക്കാര്‍ പറയുന്നത്. വിദ്യാര്‍ത്ഥികളുടെ മിനിമം ചാര്‍ജ് വര്‍ധിപ്പിക്കണമെന്ന് ആവശ്യപ്പെട്ടാണ് സ്വകാര്യ ബസുടമകള്‍ ഇപ്പോള്‍ സമരം തുടരുന്നത്. ഇത് സംബന്ധിച്ച് ഗതാഗത മന്ത്രി എ.കെ ശശീന്ദ്രനുമായി ഇന്നലെ കോഴിക്കോട് നടന്ന ചര്‍ച്ച പരാജയപ്പെട്ടിരുന്നു.

സോളാര്‍ കേസില്‍ ഉമ്മന്‍ ചാണ്ടിയെ രക്ഷിക്കാന്‍ തിരുവഞ്ചൂര്‍ ഇടപെട്ടുവെന്ന് സര്‍ക്കാര്‍ ഹൈക്കോടതിയില്‍
Posted by
19 February

സോളാര്‍ കേസില്‍ ഉമ്മന്‍ ചാണ്ടിയെ രക്ഷിക്കാന്‍ തിരുവഞ്ചൂര്‍ ഇടപെട്ടുവെന്ന് സര്‍ക്കാര്‍ ഹൈക്കോടതിയില്‍

കൊച്ചി: സോളാര്‍ കേസില്‍ മുന്‍മന്ത്രി തിരുവഞ്ചൂര്‍ രാധാകൃഷ്ണനെതിരെ സര്‍ക്കാര്‍. സോളാര്‍ കേസില്‍ മുന്‍ മുഖ്യമന്ത്രി ഉമ്മന്‍ ചാണ്ടിയെ രക്ഷിക്കാന്‍ അന്നത്തെ ആഭ്യന്തരമന്ത്രിയായ തിരുവഞ്ചൂര്‍ രാധാകൃഷ്ണന്‍ ഇടപെട്ടുവെന്ന് സര്‍ക്കാര്‍ ഹൈക്കോടതിയെ അറിയിച്ചു.

ഇതിന് തെളിവുകള്‍ ഉണ്ടെന്നും സോളാര്‍ കമ്മീഷന്‍ റിപ്പോര്‍ട്ടിലെ അപകീര്‍ത്തിപരമായ പരാമര്‍ശങ്ങള്‍ നീക്കണമെന്ന തിരുവഞ്ചൂരിന്റെ ആവശ്യം നിലനില്‍ക്കുന്നത് അല്ലെന്നും സര്‍ക്കാര്‍ ഹൈക്കോടതിയില്‍ സത്യവാങ്മൂലം നല്‍കി.

സോളാര്‍ കേസില്‍ തനിക്കെതിരായ അപകീര്‍ത്തിപരമായ പരാമര്‍ശം നീക്കണമെന്ന് ആവശ്യപ്പെട്ട് തിരുവഞ്ചൂര്‍ രാധാകൃഷ്ണന്‍ സമര്‍പ്പിച്ച ഹര്‍ജി ഇന്ന് ഹൈക്കോടതി പരിഗണിക്കാനിരിക്കെയാണ് സര്‍ക്കാര്‍ നടപടി.

റിപ്പോര്‍ട്ടിലെ പരാമര്‍ശങ്ങള്‍ ഭരണഘടന ഉറപ്പുനല്‍കുന്ന സ്വകാര്യതയുടെയും വ്യക്തിസ്വാതന്ത്ര്യത്തിന്റെയും ലംഘനമാണെന്നും തിരുവഞ്ചൂര്‍ ഹര്‍ജിയില്‍ ചൂണ്ടിക്കാട്ടിയിരുന്നു.

ശരീര സൗന്ദര്യ മത്സരത്തില്‍  കാണികളെ  ഞെട്ടിച്ച് വൈദികന്റെ മാസ് എന്‍ട്രി; സിക്സ്പാക് ബോഡിയുമായി ഫാ. ജോസഫ് സണ്ണി
Posted by
19 February

ശരീര സൗന്ദര്യ മത്സരത്തില്‍ കാണികളെ ഞെട്ടിച്ച് വൈദികന്റെ മാസ് എന്‍ട്രി; സിക്സ്പാക് ബോഡിയുമായി ഫാ. ജോസഫ് സണ്ണി

തൃശ്ശൂര്‍: തൃശ്ശൂര്‍ ജില്ലാ ശരീര സൗന്ദര്യ മത്സരത്തില്‍ കാണികളെ ഞെട്ടിച്ച് മത്സരാര്‍ത്ഥിയായി വൈദികന്‍. സിക്സ്പാക് ബോഡിയുമായി ശരീര സൗന്ദര്യമത്സരത്തില്‍ വൈദികനെ കണ്ടപ്പോള്‍ ഇടവകയും നാട്ടുകാരും ഒന്ന് ഞെട്ടി, കാണികള്‍ അമ്പരന്നു പറഞ്ഞു ഇതാണ് മാസ് എന്‍ട്രി.

ചാലക്കുടി തുരുത്തിപ്പറമ്പ് വരപ്രസാദ മാതാ പള്ളിയിലെ വൈദികന്‍ ഫാ ജോസഫ് സണ്ണിയാണ് താരമായത്. സെമിനാരി പഠനകാലം മുതല്‍ക്കേ കായികമേഖലയുമായി അനുഭാവം പുലര്‍ത്തിയിരുന്ന അച്ഛന്‍ ഷട്ടിലിന്റേയും ബാസ്‌കറ്റ് ബോളിന്റെയും കടുത്ത ആരാധകനായിരുന്നു.

അടുത്തകാലത്ത് കാലിന് പരുക്ക് പറ്റിയതോടെയാണ് ഇത് ഉപേക്ഷിച്ചു. പകരം ജിംനേഷ്യം ശീലമാക്കി. ഏഴുമാസത്തെ പരിശീലനം കണ്ടപ്പോള്‍ പരിശീലകന്‍ സന്തോഷാണ് പറഞ്ഞത് അച്ഛന്‍ പരിശീലനത്തില്‍ പങ്കെടുക്കണമെന്ന്. അതോടെ
ളോഹ താത്കാലികമായി ഊരിവെച്ച് ഫാ.ജോസഫ് ബോഡി ബില്‍ഡറായി.

സിപിഎമ്മിനെ നേരിടാന്‍ കോണ്‍ഗ്രസ് ബിജെപിയെ സഹായിക്കണം; ഇക്കാര്യം രാഹുല്‍ ഗാന്ധിയെ പറഞ്ഞ് മനസിലാക്കണമെന്നും കെ സുരേന്ദ്രന്‍
Posted by
19 February

സിപിഎമ്മിനെ നേരിടാന്‍ കോണ്‍ഗ്രസ് ബിജെപിയെ സഹായിക്കണം; ഇക്കാര്യം രാഹുല്‍ ഗാന്ധിയെ പറഞ്ഞ് മനസിലാക്കണമെന്നും കെ സുരേന്ദ്രന്‍

തിരുവനന്തപുരം: സിപിഎം ഒരു സാമൂഹ്യവിരുദ്ധ സംഘടനയാണെന്ന ആരോപണവുമായി ബിജെപി നേതാവ് കെ സുരേന്ദ്രന്‍. ആശയപരമായും നിയമപരമായും സിപിഎം എന്ന വിപത്തിനെ നേരിടാനാണ് ബിജെപി ശ്രമിക്കുന്നതെന്നും അതിന് പിന്തുണ നല്‍കാന്‍ കോണ്‍ഗ്രസ് നേതൃത്വം തയ്യാറാവണമെന്നും കെ സുരേന്ദ്രന്‍ ഫേസ്ബുക്കില്‍ കുറിച്ചു.

സിപിഎമ്മിനൊപ്പം കൂട്ടുകൂടാന്‍ ഓടി നടക്കുന്ന രാഹുല്‍ഗാന്ധിയെ ആദ്യം ഇതു പറഞ്ഞുമനസ്സിലാക്കാനാണ് കേരളത്തിലെ കോണ്‍ഗ്രസ്സ് നേതൃത്വം തയ്യാറാവേണ്ടത്. ഈ വിപത്തിനെ എതിര്‍ത്തുതോല്‍പ്പിക്കാന്‍ ബിജെപിക്കുമാത്രമേ കഴിയൂവെന്നും സുരേന്ദ്രന്‍ പറയുന്നു.

ആര്‍എസ്എസും സിപിഎമ്മും ഒരുപോലെയാണെന്നുള്ള പതിവു പ്രചാരണം അവസാനിപ്പിക്കാന്‍ കോണ്‍ഗ്രസ് ഇനിയെങ്കിലും തയ്യാറാവണം. ഷുഹൈബ് കൊലപാതകത്തിനു പിന്നില്‍ ഉന്നതനേതാക്കള്‍ തന്നെയാണെന്നും സുരേന്ദ്രന്‍ ആരോപിച്ചു.

സിപിഎമ്മിനെ എതിര്‍ക്കാന്‍ ബിജെപിക്ക് മാത്രമെ സാധിക്കൂവെന്ന് കോണ്‍ഗ്രസ് അണികളും ചില നേതാക്കളും മനസ്സിലാക്കിത്തുടങ്ങിയിട്ടുണ്ട്. രാജ് മോഹന്‍ ഉണ്ണിത്താന്റെ വാക്കുകള്‍ അതാണ് കാണിക്കുന്നത്. സുധാകരന്റെ ശൗര്യം കണ്ണൂരില്‍ പണ്ടെപ്പോലെ ഫലിക്കുന്നില്ലെന്നുള്ളത് ഒരു പച്ചപരമാര്‍ത്ഥമാണെന്നും സുരേന്ദ്രന്‍ അഭിപ്രായപ്പെട്ടു.

കെ സുരേന്ദ്രന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം:

കണ്ണൂരില്‍ ആര്‍. എസ്. എസുകാരെ കൊല്ലുന്നതിന് സി. പി. എം എപ്പോഴും പറയുന്ന ന്യായീകരണം സംഘപരിവാറിന്റെ ആക്രമണഭീഷണിയില്‍ നിന്ന് മുസ്‌ളീങ്ങളെ സംരക്ഷിക്കാനാണ് ഞങ്ങള്‍ ആര്‍. എസ്. എസ്സിനെ നേരിടുന്നത് എന്നാണ്. എന്നാല്‍ ഈ വാദഗതി എത്രമാത്രം പൊള്ളയാണെന്നുള്ളതിന്റെ
ഒടുവിലത്തെ ഉദാഹരണമാണ് ശുഹൈബ് കൊലപാതകം. ഫസലിന്റെ കാര്യത്തിലും അരിയില്‍ ഷുക്കൂറിന്റെ കാര്യത്തിലും നാദാപുരത്തെ ലീഗ് പ്രവര്‍ത്തകന്റെ കൊലയിലും ഈ പൊള്ളത്തരം തെളിഞ്ഞുകാണാം. പാര്‍ട്ടി ഗ്രാമങ്ങളില്‍ തങ്ങള്‍ക്ക് ഭീഷണിയായി ആരുവന്നാലും തട്ടിക്കളയും എന്നതാണ് സി. പി. എം രീതി. കൂടുതല്‍ ഇരകളാവുന്നത് ആര്‍. എസ്. എസ്സ് ആണെന്നു മാത്രം. സി. പി. എം ഒരു സാമൂഹ്യവിരുദ്ധസംഘടനയാണ്. ഭീകരവാദികള്‍ ചെയ്യുന്നതുതന്നെയാണ് സി. പി. എമ്മും ചെയ്യുന്നത്. ഇപ്പോഴത്തെ കെലപാതകത്തിനു പിന്നിലും ഉന്നതനേതാക്കള്‍ തന്നെയാണ്. ഗൂഡാലോചനക്കാരെ പിടിക്കാതെ കണ്ണൂര്‍ ശാന്തമാവുകയില്ല. ആര്‍. എസ്. എസും സി. പി. എമ്മും ഒരുപോലെയാണെന്നുള്ള പതിവു പ്രചാരണം അവസാനിപ്പിക്കാന്‍ കോണ്‍ഗ്രസ്സ് ഇനിയെങ്കിലും തയ്യാറാവണം. ആശയപരമായും നിയമപരമായും ഈ വിപത്തിനെ നേരിടാനാണ് ബി. ജെ. പി ശ്രമിക്കുന്നത്. അതിന് പിന്തുണ നല്‍കാനാണ് കോണ്‍ഗ്രസ്സ് തയ്യാറാവേണ്ടത്. സി. പി. എമ്മിനൊപ്പം കൂട്ടുകൂടാന്‍ ഓടി നടക്കുന്ന രാഹുല്‍ഗാന്ധിയെ ആദ്യം ഇതു പറഞ്ഞുമനസ്സിലാക്കാനാണ് കേരളത്തിലെ കോണ്‍ഗ്രസ്സ് നേതൃത്വം തയ്യാറാവേണ്ടത്. ഈ വിപത്തിനെ എതിര്‍ത്തുതോല്‍പ്പിക്കാന്‍ ബി. ജെ. പിക്കുമാത്രമേ കഴിയൂ. ത്രിപുര കാണിച്ചുതരുന്ന പാഠം അതാണ്. കോണ്‍ഗ്രസ്സ് അണികളും ചില നേതാക്കളും ആ കാര്യം മനസ്സിലാക്കിത്തുടങ്ങിയിട്ടുണ്ട്. രാജ് മോഹന്‍ ഉണ്ണിത്താന്റെ വാക്കുകള്‍ അതാണ് കാണിക്കുന്നത്. സുധാകരന്റെ ശൗര്യം കണ്ണൂരില്‍ പണ്ടെപ്പോലെ ഫലിക്കുന്നില്ലെന്നുള്ളത് ഒരു പച്ചപരമാര്‍ത്ഥമാണ്.

തിരുവനന്തപുരം സ്വദേശിനിയായ യുവതിയും കാമുകനുമായുള്ള കിടപ്പറ ദൃശ്യങ്ങള്‍ ഇന്റര്‍നെറ്റില്‍; തമിഴ് കാമുകന്‍ അറസ്റ്റില്‍
Posted by
19 February

തിരുവനന്തപുരം സ്വദേശിനിയായ യുവതിയും കാമുകനുമായുള്ള കിടപ്പറ ദൃശ്യങ്ങള്‍ ഇന്റര്‍നെറ്റില്‍; തമിഴ് കാമുകന്‍ അറസ്റ്റില്‍

തിരുവനന്തപുരം: എത്ര കണ്ടാലും എത്ര കേട്ടാലും പഠിക്കില്ല എന്നത് ഇക്കാലത്ത കാമുകിമാര്‍ക്ക് വേണ്ടി മാത്രമുള്ള പ്രയോഗമാക്കി ചുരുക്കണം. കാരണം അവരാണ് ഈ വാചകത്തെ നിമഷം പ്രതി അന്വര്‍ത്ഥമാക്കിക്കൊണ്ടിരിക്കുന്നത്. ഒരു മൊബൈല്‍ ഫോണ്‍ ദൃശ്യമോ ചിത്രമോ കാരണം ജീവിതം തുലഞ്ഞു പോകുന്ന നൂറുകണക്കിന് സ്ത്രീ ജീവിതങ്ങളെ ദിവസവും കണ്ടാലും കാമുകന്റെ മൊബൈല്‍ ഫോണിന് മുന്നില്‍ തുണി ഉരിയാന്‍ പെണ്‍കുട്ടികള്‍ക്ക് മടിയില്ലാത്തത് എന്തു കൊണ്ടാണ്.

തിരുവനന്തപുരത്ത് നിന്നും പുതിയ ദുരന്തം വന്നു കഴിഞ്ഞു. തിരുവനന്തപുരം സ്വദേശിനിയായ പെണ്‍കുട്ടിയുമായുള്ള യുവാവിന്റെ ലൈംഗിക വേഴ്ചയുടെ ദൃശ്യങ്ങള്‍ വാട്സാപ്പിലും മറ്റും പ്രചരിച്ചിരുന്നു. ഇതിനു പിന്നില്‍ പെണ്‍കുട്ടിയുടെ മുന്‍ കാമുകനായ തമിഴ്നാട് സ്വദേശിയാണെന്ന് പോലീസ് കണ്ടെത്തി. നീലഗിരി സ്വദേശി മുകിലന്‍ സെല്‍വകുമാര്‍ (24) പോലീസ് അറസ്റ്റു ചെയ്തു. കഴിഞ്ഞ വര്‍ഷംഅവസാനത്തിലാണ് സംഭവം

പെണ്‍കുട്ടി കോയമ്പത്തൂരില്‍ നെഴ്സിംഗിനു പഠിക്കുമ്പോഴാണ് ഫേസ്ബുക്കിലൂടെ പരിചയപ്പെട്ട മുകിലനുമായി പ്രണയത്തിലാകുന്നത്. ഇയാള്‍ കോയമ്പത്തൂരിലെ ലക്ഷമി മെറ്റല്‍സ് ജീവനക്കാരനായിരുന്നു. പെണ്‍കുട്ടിയെ ഇയാള്‍ വാടക വീട്ടിലും ഹോട്ടല്‍ മുറിയിലും എത്തിച്ച് പീഢിപ്പിക്കുകയും പെണ്‍കുട്ടി അറിയാതെ മൊബൈലില്‍ ദൃശ്യങ്ങള്‍ പകര്‍ത്തി സൂക്ഷിക്കുകയും ചെയ്തു.

മുകിലന് നിരവധി സ്ത്രീകളുമായി ബന്ധമുണ്ടെന്ന് മനസിലാക്കിയ പെണ്‍കുട്ടി ക്രമേണ ഇയാളുമായുള്ള ബന്ധം അവസാനിപ്പിച്ചു. മറ്റൊരാളുമായി വിവാഹം ഉറപ്പിക്കുകയും ചെയ്തു. ഇതോടെ മുകിലന്‍ പെണ്‍കുട്ടിയെ വിവാഹം കഴിക്കാനിരുന്ന യുവാവിന് ലൈംഗിക വേഴ്ചയുടെ ദൃശ്യങ്ങള്‍ വാട്സാപ്പില്‍ അയച്ചു കൊടുക്കുകയായിരുന്നു. പിന്നീട് മറ്റു പലര്‍ക്കും ദൃശ്യങ്ങള്‍ അയച്ചു കൊടുത്തു. ഇതിനായി ഇയാള്‍ പ്രത്യേക വാട്സാപ്പ് അക്കൗണ്ട് എടുക്കുകയും ചെയ്തു.

പരാതിയുടെ അടിസ്ഥാനത്തില്‍ പോലീസ് അന്വേഷണം ആരംഭിച്ചു. സ്‌കൂള്‍ വിദ്യാര്‍ത്ഥിനിയുടെ മൊബൈല്‍ നമ്പരിലേക്കും അവിടെ നിന്നും മുകിലനിലേക്കും അന്വേഷണം എത്തിയതോടെയാണ് കാര്യങ്ങള്‍ വ്യക്തമായത്. കോയമ്പത്തൂരിലെ പെരിനായ്ക്കന്‍ പാളയത്തു നിന്നും അറസ്റ്റു ചെയ്ത ഇയാളെ തിരുവനന്തപുരം സിജെഎം കോടതിയില്‍ ഹാജരാക്കി റിമാന്‍ജഡ് ചെയ്തു.

error: This Content is already Published.!!