മാനേജുമെന്റുകളുടെ ഗൂഡാലോചന: നേഴ്‌സിങ് നേതാവ് ജാസ്മിന്‍ഷ പ്രതികരിക്കുന്നു
Posted by
17 August

മാനേജുമെന്റുകളുടെ ഗൂഡാലോചന: നേഴ്‌സിങ് നേതാവ് ജാസ്മിന്‍ഷ പ്രതികരിക്കുന്നു

എക്‌സ്‌ക്ലൂസീവ് ഇന്റര്‍വ്യൂ : ജാസ്മിന്‍ഷ / ഷെമീര്‍ പുതുശ്ശേരില്‍

നേഴ്‌സിങ് സംഘടന തകര്‍ക്കാനും നേതാക്കളെ അടര്‍ത്തിയെടുക്കാനും മാനേജുമെന്റ് അസോസിയേഷന്‍ കഴിഞ്ഞ ദിവസം തീരുമാനം എടുത്ത സാഹചര്യത്തില്‍ ബിഗ് ന്യൂസ് ന്യൂസ് എഡിറ്റര്‍ ഷെമീര്‍ പുതുശ്ശേരിയില്‍, നേഴ്‌സിങ് മേഖലയിലെ ഏറ്റവും പ്രധാന സംഘടന ആയ യുണൈറ്റഡ് നേഴ്‌സസ് അസോസിയേഷന്‍ സംസ്ഥാന പ്രസിഡന്റ് ജാസ്മിന്‍ഷായുമായി നടത്തിയ എക്‌സ്‌ക്ലൂസീവ് ഇന്റര്‍വ്യൂ.

നേഴ്‌സിങ് സംഘടന ഏതു വിധേനയും തകര്‍ക്കാന്‍ മാനേജുമെന്റ് അസോസിയേഷന്‍ തീരുമാനിച്ചിരിക്കുകയാണല്ലോ, യുഎന്‍എ ഭയക്കുന്നുണ്ടോ ഈ തീരുമാനത്തെ?

കഴിഞ്ഞ 6 വര്‍ഷം ആയി ഒറ്റക്കും കൂട്ടായും അവര്‍ ശ്രമിക്കുന്ന കാര്യം ആണ്. പണം നല്‍കി സ്വാധീനിക്കാന്‍ കഴിയുന്ന ഒരു നേഴ്‌സ് പോലും ഉണ്ടാവുമെന്ന് ഞങ്ങള്‍ കരുതുന്നില്ല. പിന്നെ എന്തിനാണ് ഞങ്ങള്‍ ഭയക്കുന്നത്? നേഴ്‌സിങ് സമൂഹത്തിന്റെ ഉയിരാണ് ഞങ്ങളുടെ സംഘടന. സ്വയം ആരെങ്കിലും ഒറ്റു കൊടുക്കുമോ? മനുഷ്യ സ്‌നേഹത്തിന്റെ ഉദാത്തമായ പ്രതിരൂപമാണ് ഓരോ നേഴ്‌സും. ആ കമ്മിറ്റ്‌മെന്റിന്റെ ആഴം മനസ്സിലാക്കാന്‍ മാനേജുമെന്റുകള്‍ക്ക് ഇനിയും കഴിഞ്ഞിട്ടില്ല എന്ന് വേണം ഇതില്‍ നിന്ന് മനസ്സിലാക്കാന്‍.

മാനേജുമെന്റുമായി എന്തിനാണ് എന്നും ഈ സംഘര്‍ഷം? സമാധാനപരമായി കൊണ്ട് പോകാന്‍ എന്ത് കൊണ്ടാണ് യുഎന്‍എ മുന്‍കൈ എടുക്കാത്തത്?

ഞങ്ങള്‍ ഒരിക്കലും സംഘര്‍ഷം ആഗ്രഹിക്കാറില്ല. മുട്ടുമടക്കാറില്ല എന്നത് സമാധാനം ആഗ്രഹിക്കാതെ അല്ല . എങ്ങനെ ആണ് ഈ സമാധാനം സാധ്യമാവുക? ഒരു നേഴ്‌സിനോട് ,അല്ലെങ്കില്‍ ഒരുപാട് നേഴ്‌സുമാരോട് മാനേജുമെന്റിന്റെ ഭാഗത്തു നിന്ന് ഒരു അനീതി ഉണ്ടാവുമ്പോള്‍ മാത്രമാണ് സമരം ഉണ്ടാവുന്നത്. അതും നോട്ടീസും പല തലങ്ങളില്‍ ഉള്ള ചര്‍ച്ചകളും മധ്യസ്ഥകളും പരാജയപ്പെടുമ്പോള്‍ മാത്രം. മനപ്പൂര്‍വ്വം പ്രശ്‌നം ഉണ്ടാക്കാന്‍ ആയി ചിലര്‍ വരുമ്പോള്‍ മാത്രമാണ് സംഘര്‍ഷങ്ങള്‍ ഉണ്ടാവുന്നത്. മദം പൊട്ടിയ ഒരാന നമ്മുടെ നേരെ ഓടി വരുമ്പോള്‍ വേദം ഓതിയിട്ട് കാര്യമുണ്ട് എന്ന് ഞങ്ങള്‍ കരുതുന്നില്ല. പതിറ്റാണ്ടുകളോളം ഞങ്ങളുടെ മുന്‍ തലമുറകള്‍ മാനേജുമെന്റിന്റെ ആട്ടും തുപ്പും പീഡനങ്ങളും അനുഭവിച്ചിട്ടുണ്ട്. ഇനി അത് സാധ്യമല്ല.

ഒരു തരത്തിലും ഈ മേഖലയില്‍ സംഘര്‍ഷങ്ങള്‍ ഒഴിവാവില്ല എന്നാണോ യുഎന്‍എ പറയുന്നത്?

ഒരിക്കലുമല്ല .ഞങ്ങളുമായി വളരെ സ്‌നേഹത്തിലും സൗഹൃദത്തിലും മുന്നോട്ട് പോകുന്ന ഒരുപാട് ആശുപത്രികള്‍ ഉണ്ട്. ‘നേഴ്‌സിങ് സൗഹൃദ ആശുപത്രികള്‍ ‘ എന്ന ടൈറ്റിലില്‍ തന്നെ പല പ്രധാന ആശുപത്രികളും ഉണ്ട് .തൃശൂര്‍ ദയ ‘ അതിനു ഒരു ഉദാഹരണം മാത്രമാണ്. ഞങ്ങളെ മനുഷ്യന്മാരായി അംഗീകരിക്കാനും എടുക്കുന്ന ജോലിക്ക് മാന്യമായ, കാലാനുസൃതമായ കൂലിയും തരാനാവില്ല എന്നത് ചിലര്‍ക്ക് ഒരു പ്രത്യേക മാനസികാവസ്ഥ കൂടിയാണ്.
ജന്മിയും കുടിയാനും പോലെയാണത്. പഴയ തമ്പുരാക്കന്മാരുടെ മനസ്സ് സൂക്ഷിക്കുന്നവരാണ് പല ആശുപത്രി മാനേജുമെന്റുകളും.

പല ആശുപത്രികളിലും നിങ്ങള്‍ക്കെതിരെ മാനേജുമെന്റിന്റെ ഭാഗത്തു നിന്ന് കൊണ്ട് മറ്റു ആശുപത്രി ജീവനക്കാര്‍ ഇറങ്ങുന്നത് എന്ത് കൊണ്ടാണ്?

പണ്ട് ബ്രിട്ടീഷുകാര്‍ നമ്മുടെ ഇന്ത്യക്കാരെ അവരുടെ പട്ടാളത്തില്‍ എടുത്ത് നമ്മളെ കൊന്നൊടുക്കാന്‍ ഉപയോഗിച്ചത് പോലെ ആണ് അവര്‍ ആശുപത്രികളിലെ മറ്റു ജീവനക്കാരെ പലപ്പോഴും ഞങ്ങള്‍ക്കെതിരെ ഉപയോഗിക്കാന്‍ ശ്രമിക്കുന്നത്. എല്ലാ കാലത്തും എല്ലായിടത്തും അത് സാധ്യമല്ല. പലപ്പോഴും ആശുപത്രി ജീവനക്കാര്‍ അവരുടെ മേഖലയിലെ തൊഴിലാളികളെ സംഘടിപ്പിക്കാന്‍ ഞങ്ങളോട് ആവശ്യപ്പെടാറുണ്ട്. അത് ഇതര തൊഴിലാളി സംഘടനകളുമായുള്ള ആരോഗ്യകരമായ ബന്ധത്തെ ബാധിക്കും എന്നത് കൊണ്ടാണ് ഞങ്ങള്‍ അതില്‍ നിന്ന് പിന്മാറി നില്‍ക്കുന്നത്. തൊഴിലാളി ഐക്യത്തിനു ഞങ്ങള്‍ എന്നും വലിയ പ്രാധാന്യം കൊടുക്കാറുണ്ട്.

എങ്ങനെ ആണ് ഒരു രാഷ്ട്രീയ പാര്‍ട്ടിയിടേയും പിന്‍ബലമില്ലാതെ നിങ്ങള്‍ക്ക് നില്‍ക്കാന്‍ കഴിയുന്നത്? അങ്ങനെ ഒരുപാട് കാലം പിടിച്ചു നില്‍ക്കാന്‍ സാധിക്കും എന്ന് കരുതുന്നുണ്ടോ? അധികാരവും ഭരണവും എല്ലാം ഉപയോഗിച്ച് കൊണ്ട് നിങ്ങളെ തകര്‍ക്കാനുള്ള ശ്രമം ഉണ്ടാവും എന്ന് പേടിക്കുന്നില്ലേ?

ഞങ്ങള്‍ക്ക് ഒരു രാഷ്ട്രീയ പാര്‍ട്ടിയുടെയും പിന്‍ബലം ഇല്ല എന്ന് തീര്‍ത്തു പറയാന്‍ ആവില്ല. അത് ഒരെറ്റ രാഷ്ട്രീയ പാര്‍ട്ടിയുടേതല്ല എന്ന് മാത്രം. ഞങ്ങള്‍ വെക്കുന്ന മുദ്രാവാക്യത്തിന്റെ ശരി കൊണ്ട് തന്നെ എല്ലാ രാഷ്ട്രീയ പാര്‍ട്ടികളും ഞങ്ങളെ സഹായിക്കാറുണ്ട്. അത് മാറി വരുന്ന രാഷ്ട്രീയ സാഹചര്യത്തില്‍ ഏറിയും കുറഞ്ഞും ഇരിക്കും എന്ന് മാത്രം. പേടി ഒന്നും ഞങ്ങള്‍ക്കില്ല. അതുണ്ടായിരുന്നെങ്കില്‍ ഞങ്ങള്‍ ഈ പണിക്ക് ഇറങ്ങുക ഇല്ലല്ലോ? ഞങ്ങളുടെ ശക്തി പതിനഞ്ചു ലക്ഷത്തോളം വരുന്ന നേഴ്‌സിങ് സമൂഹവും അവരുടെ കുടുംബങ്ങളും ആണ്. അത് ചെറിയ ഒരു ശക്തി അല്ലല്ലോ. കടല്‍ പോലെയാണത്. ആവശ്യമുള്ള സമയത്തു രോഷം തിളച്ചു മറിയുമ്പോള്‍ കടലിരമ്പി വരുന്നത് പോലെ അത് വരും.

പതിനഞ്ചു ലക്ഷം എന്നത് ഒരു അതിശയോക്തി ഉള്ള നമ്പര്‍ അല്ലെ? അത്രക്ക് പെരുപ്പിച്ചു കാണിക്കാമോ?

പതിനഞ്ചു ലക്ഷം എന്നത് പെരുപ്പിച്ചു കാണിച്ചതല്ല. വേണമെങ്കില്‍ കുറച്ചു കാണിച്ചതാണെന്നു പറയാം. നിങ്ങള്‍ കേരളത്തില്‍ മാത്രമുള്ള നേഴ്‌സുമാരുടെ എണ്ണം എടുക്കരുത്. ഇന്ത്യയുടെ ഏത് സംസ്ഥാനങ്ങളിലും ഭൂരിപക്ഷം നേഴ്‌സുമാരും മലയാളികള്‍ ആണ്. ഏതാണ്ട് വിദേശ രാജ്യങ്ങളില്‍ എല്ലാം മലയാളി നേഴ്‌സിങ് സമൂഹത്തിന്റെ ശക്തമായ സാന്നിദ്ധ്യം ഉണ്ട്. മധ്യ കേരളവും തെക്കന്‍ കേരളവും നേഴ്‌സുമാരില്ലാത്ത കുടുംബം കുറവാണ്. മധ്യ തിരുവിതാം കൂറില്‍ ഒരു വീട്ടില്‍ ഉള്ള നാലും അഞ്ചും അംഗങ്ങളില്‍ മുഴുവന്‍ പേരും നേഴ്‌സുമാര്‍ ആയിട്ടുള്ള എത്രയോ വീടുകള്‍ കാണാം . ആദ്യ കാലങ്ങളില്‍ ക്രിസ്ത്യന്‍ മതങ്ങളില്‍ ഉള്ളവര്‍ മാത്രം ആയിരുന്നു നേഴ്‌സിങ് പ്രൊഫഷന്‍ എടുത്തിരുന്നെങ്കില്‍ ഇപ്പോള്‍ സ്ഥിതി മാറിയിട്ടുണ്ട്. എല്ലാതരം ജന വിഭാഗങ്ങളില്‍ നിന്നും എല്ലാ ജില്ലകളില്‍ നിന്നും അഭിമാനത്തോടെ ഈ ജോലി തിരഞ്ഞെടുക്കുന്നുണ്ട്.

സംഘടന ശക്തമായപ്പോള്‍ ആരോപണങ്ങള്‍ക്കും കുറവില്ലല്ലോ. സംഘടന വ്യാപകമായി പിരിക്കുക ആണെന്ന് പറഞ്ഞു പ്രചാരണം ഉണ്ടായിരുന്നല്ലോ?

നിങ്ങളുടെ ചോദ്യത്തില്‍ തന്നെ ഉത്തരം ഉണ്ട്. പ്രചാരണം ഉണ്ടായിരുന്നല്ലോ എന്നാണ്. അതായത് ഇപ്പൊ ഇല്ല എന്നും അതില്‍ തന്നെ ഉണ്ടല്ലോ. അത് ഇങ്ങനെ സമര കാലത്തു മുളച്ചു പൊന്തുന്നതാണ്. അത് കഴിയുമ്പോള്‍ താനേ പോകും. എല്ലാ സമര കാലഘട്ടങ്ങളിലും നേഴ്‌സുമാരുടെ ഉള്ളില്‍ പ്രശ്‌നങ്ങള്‍ ഉണ്ടാക്കാനും പൊതു സമൂഹത്തില്‍ നിന്ന് ഞങ്ങള്‍ക്ക് ലഭിക്കുന്ന പിന്തുണ കുറക്കാനും വേണ്ടി ഒരു വിഭാഗം ചെയ്യുന്ന വൃഥാ വ്യായാമം ആണ്. എനിക്കെതിരെ വ്യക്തിപരമായ ആരോപണങ്ങള്‍ വെച്ച് ‘ആട്ടും തോലണിഞ്ഞ ചെന്നായ ‘ എന്നൊക്കെയുള്ള തലക്കെട്ടില്‍ മാസിക പ്രിന്റ് ചെയ്ത് പല തവണ ആശുപത്രികള്‍ക്ക് മുന്നില്‍ വിതരണം ചെയ്തിട്ടുണ്ട് ഇക്കൂട്ടര്‍. ചില ഇടങ്ങളില്‍ നേഴ്‌സുമാരുടെ കയ്യിന്റെ ചൂടും അറിഞ്ഞിട്ടുണ്ട് ഇവര്‍. ഞങ്ങള്‍ ഒരു രൂപ പോലും കാശായി പിരിക്കാറില്ല. ചെക്കായോ ബാങ്ക് ഓണ്‍ലൈന്‍ ട്രാന്‍സ് ഫര്‍ ആയോ ആണ് മെമ്പര്‍ഷിപ്പ് ഫീസും സംഭാവനയും സ്വീകരിക്കുന്നത്. ഓരോ വരവ് ചിലവ് കണക്കില്‍ കമ്മിറ്റികളില്‍ താഴെ തട്ടുമുതല്‍ ഓഡിറ്റിങ്ങിനു വിധേയമാണ്. ഇതൊക്കെ ഓരോ നേഴ്‌സിനും അറിയുന്ന കാര്യമാണ്. അത് കൊണ്ട് ഇനി അവര്‍ എന്ത് പറഞ്ഞാലും നേഴ്‌സിങ് സമൂഹത്തിനു മുന്നില്‍ വിലപ്പോവില്ല.

നേഴ്‌സിങ് സമൂഹത്തിന്റെ സംഘടിത രൂപമായ യുണൈറ്റഡ് നേഴ്‌സസ് അസോസിയേഷന്റെ മുന്നേറ്റം തകര്‍ക്കാന്‍ പത്തു കോടി രൂപ ശേഖരിക്കാന്‍ കഴിഞ്ഞ ദിവസം കൊച്ചിയില്‍ ചേര്‍ന്ന െ്രെപവറ്റ് ആശുപത്രി മാനേജുമെന്റ് അസോസിയേഷന്റെ യോഗത്തില്‍ തീരുമാനം എടുത്തിരുന്നു. മുന്നൂറോളം ആശുപത്രികളുടെ പ്രതിനിധികള്‍ പങ്കെടുത്ത യോഗത്തില്‍ നേഴ്‌സിങ് സംഘടനയെ പിളര്‍ത്താനും,യുഎന്‍എക്ക് ബദലായി നില്‍ക്കുന്ന സംഘടനകളെ വളര്‍ത്താനും, നേഴ്‌സിങ് അനുകൂല വാര്‍ത്തകള്‍ പ്രസിദ്ധീകരിക്കുന്ന ഓണ്‍ലൈന്‍ പത്രങ്ങളെ സ്വാധീനിക്കാനുമായി കേരളത്തിലെ ആയിരം ആശുപത്രികളില്‍ നിന്നായി ഓരോ ലക്ഷം രൂപ പിരിച്ചെടുക്കാന്‍ തീരുമാനമായി. ഇന്ത്യന്‍ കാത്തലിക്ക് ആശുപത്രി മാനേജുമെന്റ് അസോസിയേഷനും യോഗത്തില്‍ പങ്കെടുത്തിരുന്നു.

ആശുപത്രികളില്‍ നേഴ്‌സിങ് അല്ലാത്ത മറ്റു ജീവനക്കാരെ അണി നിരത്തി വെല്‍ഫെയര്‍ അസോസിയേഷനുകള്‍ രൂപീകരിച്ചു നേഴ്‌സിങ് സംഘടനക്കെതിരെ ആശുപത്രി ജീവനക്കാരില്‍ നിന്ന് തന്നെ എതിര്‍പ്പ് ഉണ്ടാക്കണം എന്നും നേഴ്‌സിങ് സംഘടനകളുടെ നോട്ടീസുകള്‍ക്ക് മറുപടി കൊടുക്കരുത് എന്നും യോഗത്തില്‍ തീരുമാനിച്ചിരുന്നു. നേഴ്‌സിങ് സംഘടനകളുമായുള്ള ആശുപത്രികളിലെ ചര്‍ച്ചകളില്‍ മാനേജുമെന്റിന്റെ പ്രതിനിധീകരിച്ച് പരമാവധി സ്ത്രീകളെ പങ്കെടുപ്പിക്കുക, അങ്ങനെ വരുമ്പോള്‍ വാക്കേറ്റമുണ്ടാകുകയും പുരുഷ നേഴ്‌സിങ് സംഘടന നേതാക്കള്‍ അധിക്ഷേപിച്ചു എന്ന് പറഞ്ഞു സ്ത്രീ പീഡനത്തിന് കേസിനു പോകാം.

ആറു മാസത്തിനും ഒരു വര്‍ഷത്തിനുമിടയില്‍ നേഴ്‌സിങ് മേഖലയിലെ പ്രധാന സംഘടന ആയ യുണൈറ്റഡ് നേഴ്‌സസ് അസോസിയേഷനെ തകര്‍ക്കണം അതിനു വേണ്ടി ഒരു പിആര്‍ ഏജന്‍സിയെ ചുമതലപ്പെടുത്തുക എല്ലാ ജില്ലകളിലും പ്രധാനപ്പെട്ട നേഴ്‌സിങ് നേതാക്കള്‍ക്കെതിരെ നടപടി എടുക്കണം തുടങ്ങിയ കര്‍മ്മ പദ്ധതികള്‍ ആവിഷ്‌കരിച്ചു മാനേജുമെന്റ് അസീസിയെഷന്‍ മുന്നോട്ട് പോകുക ആണ്. പക്ഷെ ഇതൊന്നും നേഴ്‌സിങ് സംഘടനയുടെ ഇച്ഛാ ശക്തിയെ പിന്നോട്ട് നയിക്കുന്നില്ല. നിര്‍ഭയം ശക്തമായി അവര്‍ മുന്നോട്ട് പോവുക ആണെന്നാണ് യുണൈറ്റഡ് നേഴ്‌സസ് അസോസിയേഷന്‍ സംസ്ഥാന പ്രസിഡന്റ് ജാസ്മിന്‍ഷാ ബിഗ് ന്യൂസിന് നല്‍കിയ അഭിമുഖത്തില്‍ അര്‍ത്ഥശങ്കക്ക് ഇടതരാതെ വ്യക്തമാക്കുന്നത്.

മാനേജുമെന്റ് തപസ്സു ചെയ്താല്‍ പോലും ഞങ്ങളെ പിളര്‍ത്താന്‍ ആവില്ല യു എന്‍ എ സംസ്ഥാന പ്രസിഡന്റ് ജാസ്മിന്‍ഷ
Posted by
15 August

മാനേജുമെന്റ് തപസ്സു ചെയ്താല്‍ പോലും ഞങ്ങളെ പിളര്‍ത്താന്‍ ആവില്ല യു എന്‍ എ സംസ്ഥാന പ്രസിഡന്റ് ജാസ്മിന്‍ഷ

എക്‌സ്‌ക്ലൂസീവ് ഇന്റര്‍വ്യൂ : ജാസ്മിന്‍ഷ / ഷെമീര്‍ പുതുശ്ശേരില്‍

നേഴ്‌സിങ് സംഘടന തകര്‍ക്കാനും നേതാക്കളെ അടര്‍ത്തിയെടുക്കാനും മാനേജുമെന്റ് അസോസിയേഷന്‍ കഴിഞ്ഞ ദിവസം തീരുമാനം എടുത്ത സാഹചര്യത്തില്‍ ബിഗ് ന്യൂസ് ന്യൂസ് എഡിറ്റര്‍ ഷെമീര്‍ പുതുശ്ശേരിയില്‍, നേഴ്‌സിങ് മേഖലയിലെ ഏറ്റവും പ്രധാന സംഘടന ആയ യുണൈറ്റഡ് നേഴ്‌സസ് അസോസിയേഷന്‍ സംസ്ഥാന പ്രസിഡന്റ് ജാസ്മിന്‍ഷായുമായി നടത്തിയ എക്‌സ്‌ക്ലൂസീവ് ഇന്റര്‍വ്യൂ.

നേഴ്‌സിങ് സംഘടന ഏതു വിധേനയും തകര്‍ക്കാന്‍ മാനേജുമെന്റ് അസോസിയേഷന്‍ തീരുമാനിച്ചിരിക്കുകയാണല്ലോ, യുഎന്‍എ ഭയക്കുന്നുണ്ടോ ഈ തീരുമാനത്തെ?

കഴിഞ്ഞ 6 വര്‍ഷം ആയി ഒറ്റക്കും കൂട്ടായും അവര്‍ ശ്രമിക്കുന്ന കാര്യം ആണ്. പണം നല്‍കി സ്വാധീനിക്കാന്‍ കഴിയുന്ന ഒരു നേഴ്‌സ് പോലും ഉണ്ടാവുമെന്ന് ഞങ്ങള്‍ കരുതുന്നില്ല. പിന്നെ എന്തിനാണ് ഞങ്ങള്‍ ഭയക്കുന്നത്? നേഴ്‌സിങ് സമൂഹത്തിന്റെ ഉയിരാണ് ഞങ്ങളുടെ സംഘടന. സ്വയം ആരെങ്കിലും ഒറ്റു കൊടുക്കുമോ? മനുഷ്യ സ്‌നേഹത്തിന്റെ ഉദാത്തമായ പ്രതിരൂപമാണ് ഓരോ നേഴ്‌സും. ആ കമ്മിറ്റ്‌മെന്റിന്റെ ആഴം മനസ്സിലാക്കാന്‍ മാനേജുമെന്റുകള്‍ക്ക് ഇനിയും കഴിഞ്ഞിട്ടില്ല എന്ന് വേണം ഇതില്‍ നിന്ന് മനസ്സിലാക്കാന്‍.

മാനേജുമെന്റുമായി എന്തിനാണ് എന്നും ഈ സംഘര്‍ഷം? സമാധാനപരമായി കൊണ്ട് പോകാന്‍ എന്ത് കൊണ്ടാണ് യുഎന്‍എ മുന്‍കൈ എടുക്കാത്തത്?

ഞങ്ങള്‍ ഒരിക്കലും സംഘര്‍ഷം ആഗ്രഹിക്കാറില്ല. മുട്ടുമടക്കാറില്ല എന്നത് സമാധാനം ആഗ്രഹിക്കാതെ അല്ല . എങ്ങനെ ആണ് ഈ സമാധാനം സാധ്യമാവുക? ഒരു നേഴ്‌സിനോട് ,അല്ലെങ്കില്‍ ഒരുപാട് നേഴ്‌സുമാരോട് മാനേജുമെന്റിന്റെ ഭാഗത്തു നിന്ന് ഒരു അനീതി ഉണ്ടാവുമ്പോള്‍ മാത്രമാണ് സമരം ഉണ്ടാവുന്നത്. അതും നോട്ടീസും പല തലങ്ങളില്‍ ഉള്ള ചര്‍ച്ചകളും മധ്യസ്ഥകളും പരാജയപ്പെടുമ്പോള്‍ മാത്രം. മനപ്പൂര്‍വ്വം പ്രശ്‌നം ഉണ്ടാക്കാന്‍ ആയി ചിലര്‍ വരുമ്പോള്‍ മാത്രമാണ് സംഘര്‍ഷങ്ങള്‍ ഉണ്ടാവുന്നത്. മദം പൊട്ടിയ ഒരാന നമ്മുടെ നേരെ ഓടി വരുമ്പോള്‍ വേദം ഓതിയിട്ട് കാര്യമുണ്ട് എന്ന് ഞങ്ങള്‍ കരുതുന്നില്ല. പതിറ്റാണ്ടുകളോളം ഞങ്ങളുടെ മുന്‍ തലമുറകള്‍ മാനേജുമെന്റിന്റെ ആട്ടും തുപ്പും പീഡനങ്ങളും അനുഭവിച്ചിട്ടുണ്ട്. ഇനി അത് സാധ്യമല്ല.

ഒരു തരത്തിലും ഈ മേഖലയില്‍ സംഘര്‍ഷങ്ങള്‍ ഒഴിവാവില്ല എന്നാണോ യുഎന്‍എ പറയുന്നത്?

ഒരിക്കലുമല്ല .ഞങ്ങളുമായി വളരെ സ്‌നേഹത്തിലും സൗഹൃദത്തിലും മുന്നോട്ട് പോകുന്ന ഒരുപാട് ആശുപത്രികള്‍ ഉണ്ട്. ‘നേഴ്‌സിങ് സൗഹൃദ ആശുപത്രികള്‍ ‘ എന്ന ടൈറ്റിലില്‍ തന്നെ പല പ്രധാന ആശുപത്രികളും ഉണ്ട് .തൃശൂര്‍ ദയ ‘ അതിനു ഒരു ഉദാഹരണം മാത്രമാണ്. ഞങ്ങളെ മനുഷ്യന്മാരായി അംഗീകരിക്കാനും എടുക്കുന്ന ജോലിക്ക് മാന്യമായ, കാലാനുസൃതമായ കൂലിയും തരാനാവില്ല എന്നത് ചിലര്‍ക്ക് ഒരു പ്രത്യേക മാനസികാവസ്ഥ കൂടിയാണ്.
ജന്മിയും കുടിയാനും പോലെയാണത്. പഴയ തമ്പുരാക്കന്മാരുടെ മനസ്സ് സൂക്ഷിക്കുന്നവരാണ് പല ആശുപത്രി മാനേജുമെന്റുകളും.

പല ആശുപത്രികളിലും നിങ്ങള്‍ക്കെതിരെ മാനേജുമെന്റിന്റെ ഭാഗത്തു നിന്ന് കൊണ്ട് മറ്റു ആശുപത്രി ജീവനക്കാര്‍ ഇറങ്ങുന്നത് എന്ത് കൊണ്ടാണ്?

പണ്ട് ബ്രിട്ടീഷുകാര്‍ നമ്മുടെ ഇന്ത്യക്കാരെ അവരുടെ പട്ടാളത്തില്‍ എടുത്ത് നമ്മളെ കൊന്നൊടുക്കാന്‍ ഉപയോഗിച്ചത് പോലെ ആണ് അവര്‍ ആശുപത്രികളിലെ മറ്റു ജീവനക്കാരെ പലപ്പോഴും ഞങ്ങള്‍ക്കെതിരെ ഉപയോഗിക്കാന്‍ ശ്രമിക്കുന്നത്. എല്ലാ കാലത്തും എല്ലായിടത്തും അത് സാധ്യമല്ല. പലപ്പോഴും ആശുപത്രി ജീവനക്കാര്‍ അവരുടെ മേഖലയിലെ തൊഴിലാളികളെ സംഘടിപ്പിക്കാന്‍ ഞങ്ങളോട് ആവശ്യപ്പെടാറുണ്ട്. അത് ഇതര തൊഴിലാളി സംഘടനകളുമായുള്ള ആരോഗ്യകരമായ ബന്ധത്തെ ബാധിക്കും എന്നത് കൊണ്ടാണ് ഞങ്ങള്‍ അതില്‍ നിന്ന് പിന്മാറി നില്‍ക്കുന്നത്. തൊഴിലാളി ഐക്യത്തിനു ഞങ്ങള്‍ എന്നും വലിയ പ്രാധാന്യം കൊടുക്കാറുണ്ട്.

എങ്ങനെ ആണ് ഒരു രാഷ്ട്രീയ പാര്‍ട്ടിയിടേയും പിന്‍ബലമില്ലാതെ നിങ്ങള്‍ക്ക് നില്‍ക്കാന്‍ കഴിയുന്നത്? അങ്ങനെ ഒരുപാട് കാലം പിടിച്ചു നില്‍ക്കാന്‍ സാധിക്കും എന്ന് കരുതുന്നുണ്ടോ? അധികാരവും ഭരണവും എല്ലാം ഉപയോഗിച്ച് കൊണ്ട് നിങ്ങളെ തകര്‍ക്കാനുള്ള ശ്രമം ഉണ്ടാവും എന്ന് പേടിക്കുന്നില്ലേ?

ഞങ്ങള്‍ക്ക് ഒരു രാഷ്ട്രീയ പാര്‍ട്ടിയുടെയും പിന്‍ബലം ഇല്ല എന്ന് തീര്‍ത്തു പറയാന്‍ ആവില്ല. അത് ഒരെറ്റ രാഷ്ട്രീയ പാര്‍ട്ടിയുടേതല്ല എന്ന് മാത്രം. ഞങ്ങള്‍ വെക്കുന്ന മുദ്രാവാക്യത്തിന്റെ ശരി കൊണ്ട് തന്നെ എല്ലാ രാഷ്ട്രീയ പാര്‍ട്ടികളും ഞങ്ങളെ സഹായിക്കാറുണ്ട്. അത് മാറി വരുന്ന രാഷ്ട്രീയ സാഹചര്യത്തില്‍ ഏറിയും കുറഞ്ഞും ഇരിക്കും എന്ന് മാത്രം. പേടി ഒന്നും ഞങ്ങള്‍ക്കില്ല. അതുണ്ടായിരുന്നെങ്കില്‍ ഞങ്ങള്‍ ഈ പണിക്ക് ഇറങ്ങുക ഇല്ലല്ലോ? ഞങ്ങളുടെ ശക്തി പതിനഞ്ചു ലക്ഷത്തോളം വരുന്ന നേഴ്‌സിങ് സമൂഹവും അവരുടെ കുടുംബങ്ങളും ആണ്. അത് ചെറിയ ഒരു ശക്തി അല്ലല്ലോ. കടല്‍ പോലെയാണത്. ആവശ്യമുള്ള സമയത്തു രോഷം തിളച്ചു മറിയുമ്പോള്‍ കടലിരമ്പി വരുന്നത് പോലെ അത് വരും.

പതിനഞ്ചു ലക്ഷം എന്നത് ഒരു അതിശയോക്തി ഉള്ള നമ്പര്‍ അല്ലെ? അത്രക്ക് പെരുപ്പിച്ചു കാണിക്കാമോ?

പതിനഞ്ചു ലക്ഷം എന്നത് പെരുപ്പിച്ചു കാണിച്ചതല്ല. വേണമെങ്കില്‍ കുറച്ചു കാണിച്ചതാണെന്നു പറയാം. നിങ്ങള്‍ കേരളത്തില്‍ മാത്രമുള്ള നേഴ്‌സുമാരുടെ എണ്ണം എടുക്കരുത്. ഇന്ത്യയുടെ ഏത് സംസ്ഥാനങ്ങളിലും ഭൂരിപക്ഷം നേഴ്‌സുമാരും മലയാളികള്‍ ആണ്. ഏതാണ്ട് വിദേശ രാജ്യങ്ങളില്‍ എല്ലാം മലയാളി നേഴ്‌സിങ് സമൂഹത്തിന്റെ ശക്തമായ സാന്നിദ്ധ്യം ഉണ്ട്. മധ്യ കേരളവും തെക്കന്‍ കേരളവും നേഴ്‌സുമാരില്ലാത്ത കുടുംബം കുറവാണ്. മധ്യ തിരുവിതാം കൂറില്‍ ഒരു വീട്ടില്‍ ഉള്ള നാലും അഞ്ചും അംഗങ്ങളില്‍ മുഴുവന്‍ പേരും നേഴ്‌സുമാര്‍ ആയിട്ടുള്ള എത്രയോ വീടുകള്‍ കാണാം . ആദ്യ കാലങ്ങളില്‍ ക്രിസ്ത്യന്‍ മതങ്ങളില്‍ ഉള്ളവര്‍ മാത്രം ആയിരുന്നു നേഴ്‌സിങ് പ്രൊഫഷന്‍ എടുത്തിരുന്നെങ്കില്‍ ഇപ്പോള്‍ സ്ഥിതി മാറിയിട്ടുണ്ട്. എല്ലാതരം ജന വിഭാഗങ്ങളില്‍ നിന്നും എല്ലാ ജില്ലകളില്‍ നിന്നും അഭിമാനത്തോടെ ഈ ജോലി തിരഞ്ഞെടുക്കുന്നുണ്ട്.

സംഘടന ശക്തമായപ്പോള്‍ ആരോപണങ്ങള്‍ക്കും കുറവില്ലല്ലോ. സംഘടന വ്യാപകമായി പിരിക്കുക ആണെന്ന് പറഞ്ഞു പ്രചാരണം ഉണ്ടായിരുന്നല്ലോ?

നിങ്ങളുടെ ചോദ്യത്തില്‍ തന്നെ ഉത്തരം ഉണ്ട്. പ്രചാരണം ഉണ്ടായിരുന്നല്ലോ എന്നാണ്. അതായത് ഇപ്പൊ ഇല്ല എന്നും അതില്‍ തന്നെ ഉണ്ടല്ലോ. അത് ഇങ്ങനെ സമര കാലത്തു മുളച്ചു പൊന്തുന്നതാണ്. അത് കഴിയുമ്പോള്‍ താനേ പോകും. എല്ലാ സമര കാലഘട്ടങ്ങളിലും നേഴ്‌സുമാരുടെ ഉള്ളില്‍ പ്രശ്‌നങ്ങള്‍ ഉണ്ടാക്കാനും പൊതു സമൂഹത്തില്‍ നിന്ന് ഞങ്ങള്‍ക്ക് ലഭിക്കുന്ന പിന്തുണ കുറക്കാനും വേണ്ടി ഒരു വിഭാഗം ചെയ്യുന്ന വൃഥാ വ്യായാമം ആണ്. എനിക്കെതിരെ വ്യക്തിപരമായ ആരോപണങ്ങള്‍ വെച്ച് ‘ആട്ടും തോലണിഞ്ഞ ചെന്നായ ‘ എന്നൊക്കെയുള്ള തലക്കെട്ടില്‍ മാസിക പ്രിന്റ് ചെയ്ത് പല തവണ ആശുപത്രികള്‍ക്ക് മുന്നില്‍ വിതരണം ചെയ്തിട്ടുണ്ട് ഇക്കൂട്ടര്‍. ചില ഇടങ്ങളില്‍ നേഴ്‌സുമാരുടെ കയ്യിന്റെ ചൂടും അറിഞ്ഞിട്ടുണ്ട് ഇവര്‍. ഞങ്ങള്‍ ഒരു രൂപ പോലും കാശായി പിരിക്കാറില്ല. ചെക്കായോ ബാങ്ക് ഓണ്‍ലൈന്‍ ട്രാന്‍സ് ഫര്‍ ആയോ ആണ് മെമ്പര്‍ഷിപ്പ് ഫീസും സംഭാവനയും സ്വീകരിക്കുന്നത്. ഓരോ വരവ് ചിലവ് കണക്കില്‍ കമ്മിറ്റികളില്‍ താഴെ തട്ടുമുതല്‍ ഓഡിറ്റിങ്ങിനു വിധേയമാണ്. ഇതൊക്കെ ഓരോ നേഴ്‌സിനും അറിയുന്ന കാര്യമാണ്. അത് കൊണ്ട് ഇനി അവര്‍ എന്ത് പറഞ്ഞാലും നേഴ്‌സിങ് സമൂഹത്തിനു മുന്നില്‍ വിലപ്പോവില്ല.

നേഴ്‌സിങ് സമൂഹത്തിന്റെ സംഘടിത രൂപമായ യുണൈറ്റഡ് നേഴ്‌സസ് അസോസിയേഷന്റെ മുന്നേറ്റം തകര്‍ക്കാന്‍ പത്തു കോടി രൂപ ശേഖരിക്കാന്‍ കഴിഞ്ഞ ദിവസം കൊച്ചിയില്‍ ചേര്‍ന്ന െ്രെപവറ്റ് ആശുപത്രി മാനേജുമെന്റ് അസോസിയേഷന്റെ യോഗത്തില്‍ തീരുമാനം എടുത്തിരുന്നു. മുന്നൂറോളം ആശുപത്രികളുടെ പ്രതിനിധികള്‍ പങ്കെടുത്ത യോഗത്തില്‍ നേഴ്‌സിങ് സംഘടനയെ പിളര്‍ത്താനും,യുഎന്‍എക്ക് ബദലായി നില്‍ക്കുന്ന സംഘടനകളെ വളര്‍ത്താനും, നേഴ്‌സിങ് അനുകൂല വാര്‍ത്തകള്‍ പ്രസിദ്ധീകരിക്കുന്ന ഓണ്‍ലൈന്‍ പത്രങ്ങളെ സ്വാധീനിക്കാനുമായി കേരളത്തിലെ ആയിരം ആശുപത്രികളില്‍ നിന്നായി ഓരോ ലക്ഷം രൂപ പിരിച്ചെടുക്കാന്‍ തീരുമാനമായി. ഇന്ത്യന്‍ കാത്തലിക്ക് ആശുപത്രി മാനേജുമെന്റ് അസോസിയേഷനും യോഗത്തില്‍ പങ്കെടുത്തിരുന്നു.

ആശുപത്രികളില്‍ നേഴ്‌സിങ് അല്ലാത്ത മറ്റു ജീവനക്കാരെ അണി നിരത്തി വെല്‍ഫെയര്‍ അസോസിയേഷനുകള്‍ രൂപീകരിച്ചു നേഴ്‌സിങ് സംഘടനക്കെതിരെ ആശുപത്രി ജീവനക്കാരില്‍ നിന്ന് തന്നെ എതിര്‍പ്പ് ഉണ്ടാക്കണം എന്നും നേഴ്‌സിങ് സംഘടനകളുടെ നോട്ടീസുകള്‍ക്ക് മറുപടി കൊടുക്കരുത് എന്നും യോഗത്തില്‍ തീരുമാനിച്ചിരുന്നു. നേഴ്‌സിങ് സംഘടനകളുമായുള്ള ആശുപത്രികളിലെ ചര്‍ച്ചകളില്‍ മാനേജുമെന്റിന്റെ പ്രതിനിധീകരിച്ച് പരമാവധി സ്ത്രീകളെ പങ്കെടുപ്പിക്കുക, അങ്ങനെ വരുമ്പോള്‍ വാക്കേറ്റമുണ്ടാകുകയും പുരുഷ നേഴ്‌സിങ് സംഘടന നേതാക്കള്‍ അധിക്ഷേപിച്ചു എന്ന് പറഞ്ഞു സ്ത്രീ പീഡനത്തിന് കേസിനു പോകാം.

ആറു മാസത്തിനും ഒരു വര്‍ഷത്തിനുമിടയില്‍ നേഴ്‌സിങ് മേഖലയിലെ പ്രധാന സംഘടന ആയ യുണൈറ്റഡ് നേഴ്‌സസ് അസോസിയേഷനെ തകര്‍ക്കണം അതിനു വേണ്ടി ഒരു പിആര്‍ ഏജന്‍സിയെ ചുമതലപ്പെടുത്തുക എല്ലാ ജില്ലകളിലും പ്രധാനപ്പെട്ട നേഴ്‌സിങ് നേതാക്കള്‍ക്കെതിരെ നടപടി എടുക്കണം തുടങ്ങിയ കര്‍മ്മ പദ്ധതികള്‍ ആവിഷ്‌കരിച്ചു മാനേജുമെന്റ് അസീസിയെഷന്‍ മുന്നോട്ട് പോകുക ആണ്. പക്ഷെ ഇതൊന്നും നേഴ്‌സിങ് സംഘടനയുടെ ഇച്ഛാ ശക്തിയെ പിന്നോട്ട് നയിക്കുന്നില്ല. നിര്‍ഭയം ശക്തമായി അവര്‍ മുന്നോട്ട് പോവുക ആണെന്നാണ് യുണൈറ്റഡ് നേഴ്‌സസ് അസോസിയേഷന്‍ സംസ്ഥാന പ്രസിഡന്റ് ജാസ്മിന്‍ഷാ ബിഗ് ന്യൂസിന് നല്‍കിയ അഭിമുഖത്തില്‍ അര്‍ത്ഥശങ്കക്ക് ഇടതരാതെ വ്യക്തമാക്കുന്നത്.

നേഴ്‌സുമാരെ ഇരകളാക്കി നിയമം കൊണ്ടുവന്നാല്‍ അതിനെതിരെ ഏതറ്റം വരെയും പോകും, ഇത് നൂറുകണക്കിന് കുടുംബങ്ങളുടെ കണ്ണീരിന്റെ വിജയം; ജാസ്മിന്‍ഷാ
Posted by
11 August

നേഴ്‌സുമാരെ ഇരകളാക്കി നിയമം കൊണ്ടുവന്നാല്‍ അതിനെതിരെ ഏതറ്റം വരെയും പോകും, ഇത് നൂറുകണക്കിന് കുടുംബങ്ങളുടെ കണ്ണീരിന്റെ വിജയം; ജാസ്മിന്‍ഷാ

കൊച്ചി: ഇത് ‘നേഴ്‌സുമാരെ ഇരകളാക്കി ആക്കരുത് പുതിയ നിയമങ്ങള്‍’എന്നാവശ്യപ്പെട്ട് യുഎന്‍എ നടത്തിയ നീണ്ട നിയമ യുദ്ധത്തിന്റെ ചരിത്ര വിജയം എന്ന് നേഴ്‌സിങ് സംഘടനാ നേതാവ് ജാസ്മിന്‍ഷാ. ഏതു സര്‍ക്കാര്‍ ആണെങ്കിലും മനുഷ്യന്റെ ജീവല്‍ പ്രശ്‌നങ്ങളെ കണ്ടില്ലെന്നു നടിച്ചു നിയമം കൊണ്ടുവന്നാല്‍ ഏതറ്റം വരെയും അതിനെതിരെ പോകാനുള്ള സാധാരണ മനുഷ്യരുടെ പോരാട്ടത്തിന് ഊര്‍ജ്ജം പകരുന്ന വിധി ആണ് അദ്ദേഹം ബിഗ് ന്യൂസിനോട് പ്രത്യാശ പങ്കുവെച്ചു.

കോടതി വിധി, വിദേശത്തേക്കുള്ള റിക്രൂട്ട്‌മെന്റ് നിയന്ത്രണം കൊണ്ട് വന്ന കേന്ദ്ര സര്‍ക്കാര്‍ നിലപാടിനെതിരെ അതി ശക്തമായി ആദ്യം മുതലേ നിന്ന യുഎന്‍എയുടെ നിലപാടിന്റെ വിജയം ആണെന്നതില്‍ അഭിമാനിക്കുന്നു’ യുഎന്‍എയുടെ സംസ്ഥാന പ്രസിഡന്റ് ജാസ്മിന്‍ഷാ പറഞ്ഞു.

റിക്രൂട്ട്‌മെന്റ് നിയന്ത്രണം നേഴ്‌സുമാരെ ഇരകളാക്കി ആകരുതെന്നും, കേന്ദ്രസര്‍ക്കാരിന്റെ നിലപാടുകളിലെ അപാകതകള്‍ പുനപരിശേധിക്കണമെന്നും ആവശ്യപ്പെട്ട് കൊച്ചിയില്‍, കലൂരില്‍ വെച്ച് 2014 ല്‍ നിയമ സഹായ സമിതി രൂപീകരിച്ചാണ് യുഎന്‍എ ഈ നിയമ യുദ്ധത്തിന് തുടക്കം കുറിച്ചത്. അന്നവിടെ വന്നു പൊട്ടിക്കരഞ്ഞ, വേവലാതിപ്പെട്ട നൂറുകണക്കിന് കുടുംബങ്ങളുടെ കണ്ണീരിന്റെ വിജയം കൂടിയാണിത് അദ്ദേഹം പറഞ്ഞു.

വിദേശത്തേക്കുള്ള നേഴ്‌സിംങ്ങ് റിക്രൂട്ട്‌മെന്റില്‍ സര്‍ക്കാര്‍ കൊണ്ടുവന്ന നിയന്ത്രണ നിയമത്തിലെ അപാകതകള്‍ കാരണം ഇന്റര്‍വ്യൂ കഴിഞ്ഞ് വിസലഭിച്ചതിന് ശേഷവും പോകാന്‍ കഴിയാതിരിക്കുന്ന പതിനായിരത്തോളം ഇന്ത്യന്‍ നഴ്‌സുമാരുടെ തൊഴിലവസരങ്ങള്‍ നഷ്ടമാകാതിരിക്കാന്‍ മറ്റൊരു വഴിയും ഇല്ലാതായാപ്പോള്‍ ആണ് യുഎന്‍എ കോടതിയെ സമീപിച്ചത് എന്ന് യുഎന്‍എ പ്രസിഡന്റ് പറയുന്നു.

‘നേഴ്‌സിംഗ് സമൂഹത്തിനു മാത്രം രണ്ടു എമിഗ്രേഷന്‍ എന്ന തീരുമാനം പിന്‍വലിക്കുക, നഴ്‌സ് റിക്രൂട്ട്‌മെന്റ് സര്‍ക്കാര്‍ ഏജന്‍സികള്‍ വഴി മാത്രമാക്കുന്നതിന് മുന്‍പ് സര്‍ക്കാര്‍ ഏജന്‍സികള്‍ക്ക് റിക്രൂട്ട്‌മെന്റ് നടത്തുന്നതിനു ആവശ്യമായ സൗകര്യങ്ങളും വിദേശ രാജ്യങ്ങളുമായി ഉണ്ടാക്കേണ്ട കരാറുകളും ഉണ്ടോ എന്ന് സര്‍ക്കാര്‍ ഉറപ്പ് വരുത്തുക, തുടങ്ങിയ വിഷയങ്ങള്‍ മുന്‍നിര്‍ത്തിയാണ്’ യുണൈറ്റഡ് നേഴ്‌സസ് അസോസിയേഷന്റെ നേതൃത്വത്തില്‍ നിയമ സഹായസമിതി രൂപീകരിച്ച് കോടതിയെ സമീപിച്ചത്.

ചരിത്രപരമായ ഈ നീക്കമാണ് ഇന്ന് നേഴ്‌സിങ് സമൂഹത്തിനു വലിയ ആശ്വാസമായ ഹൈക്കോടതി വിധി നേടി തന്നത്. വിദേശ നഴ്‌സിംഗ് റിക്രൂട്ട്‌മെന്റില്‍ വിവേചനം പാടില്ലെന്നാണ് ദില്ലി ഹൈക്കോടതി കഴിഞ്ഞ ദിവസം വിധി പ്രസ്താവിച്ചത്. നഴ്‌സുമാരുടെ സുരക്ഷ ഉറപ്പാക്കുന്നതോടൊപ്പം ജോലി സാധ്യതകളും ഉറപ്പാക്കണമെന്ന് യുഎന്‍എ ഡല്‍ഹി ഹൈക്കോടതിയില്‍ ആവശ്യപ്പെട്ടിരുന്നു.

വിദ്യാഭ്യാസ ലോണും വസ്തു പണയം വെച്ചും കടം മേടിച്ചുമെല്ലാമാണ് നഴ്‌സുമാര്‍ വിദ്യാഭ്യാസം പൂര്‍ത്തിയാക്കുന്നത്. വിദേശങ്ങളിലെ മാന്യമായ വേതനത്തോടെയുള്ള ജോലി സാധ്യതകള്‍ തന്നെയാണ് ഇതിന് ഇടയാക്കുന്നത്. എന്നാല്‍ വിദേശ നഴ്‌സിംഗ് റിക്രൂട്ട്‌മെന്റ് സര്‍ക്കാര്‍ ഏജന്‍സികള്‍ക്കു മാത്രമായി പരിമിതപ്പെടുത്തുക വഴി പതിനായിരക്കണക്കിന് തൊഴിലവസരങ്ങള്‍ നഷ്ടമായി എന്ന് ജാസ്മിന്‍ഷാ പറഞ്ഞു.

വിദേശ രാജ്യങ്ങളിലെ ആവശ്യത്തിനനുസൃതമായി റിക്രൂട്ട്‌മെന്റ് നടത്താനുള്ള ഭൗതിക സാഹചര്യങ്ങള്‍ ഒരുക്കാന്‍ രണ്ടര വര്‍ഷത്തിലധികമായിട്ടും സര്‍ക്കാര്‍ ഏജന്‍സികള്‍ക്ക് സാധിച്ചിട്ടില്ല. ഇത് നഴ്‌സുമാര്‍ക്ക് വലിയ വെല്ലുവിളിയാണ് ഉണ്ടാക്കുന്നതെന്നും കടുത്ത നിയന്ത്രണങ്ങളോടെ സര്‍ക്കാര്‍ ഏജന്‍സികളോടൊപ്പം സ്വകാര്യ ഏജന്‍സികള്‍ക്കും അനുമതി നല്‍കിയാല്‍ മാത്രമേ നിലവിലെ പ്രതിസന്ധി മറികടക്കാനാകൂവെന്നും അദ്ദേഹം ചൂണ്ടി കാണിച്ചു.

ക്രമക്കേടുകളും വഞ്ചനയും കാണിക്കുന്ന സ്വകാര്യ ഏജന്‍സികളുടെ ലൈസന്‍സ് റദ്ദാക്കുന്നതിനും ഇവര്‍ക്കെതിരെ ക്രിമിനല്‍ നടപടികള്‍ സ്വീകരിക്കുന്നതിനും നിലവിലെ നിയമങ്ങളില്‍ വ്യവസ്ഥയുണ്ട്. ഇത് കര്‍ശനമായി പാലിക്കുന്നതിനു പകരം നഴ്‌സസ് റിക്രൂട്ട്‌മെന്റ് തടയുന്ന സര്‍ക്കാര്‍ സമീപനം ഭരണഘടന ഉറപ്പു വരുത്തുന്ന തൊഴില്‍ ചെയ്യാനുള്ള അവകാശത്തിന്റെ ലംഘനമാണെന്നും യുഎന്‍എ പ്രസിഡന്റ് ബിഗ് ന്യൂസിനോട് പറഞ്ഞു.

exclusive interview with director pt kunjumuhammed based on new film viswasapoorvam mansoor
Posted by
19 June

വര്‍ഗീയ കലാപങ്ങള്‍ സാധാരണക്കാര്‍ക്കുമേല്‍ അടിച്ചേല്‍പ്പിക്കുന്ന ദുരന്തങ്ങളാണ് 'വിശ്വാസപൂര്‍വ്വം മന്‍സൂര്‍'; ബോംബെ കലാപത്തിന്റെ പശ്ചാത്തലത്തിലൊരുങ്ങുന്ന പ്രണയകാവ്യത്തിന്റെ വിശേഷങ്ങളുമായി സംവിധായകന്‍ പിടി കുഞ്ഞുമുഹമ്മദ്

-ഫഖ്‌റുദ്ധീന്‍ പന്താവൂര്‍

വീരപുത്രന്‍ എന്ന നിരൂപണ ശ്രദ്ധ നേടിയ സിനിമക്ക് ശേഷം നീണ്ട അഞ്ച് വര്‍ഷങ്ങള്‍ കഴിഞ്ഞാണ് പിടി കുഞ്ഞുമുഹമ്മദ് പുതിയൊരു സിനിമയുമായി വരുന്നത് .പതിവില്‍ നിന്ന് ഭിന്നമായി ഇത്തവണ പ്രണയമാണ് പിടി പറയുന്നത്. ഇതുവരെ ചെയ്ത 4 സിനിമകളും മികച്ച ജനപ്രീതിയും കലാമൂല്യവും ഉള്ള സിനിമകളാണ് .പി ടി യുടെ ഒരു സിനിമ പോലും സംസ്ഥാന അവാര്‍ഡുകള്‍ നേടാതിരുന്നിട്ടില്ല. ഈ സാഹചര്യത്തിലാണ് ഈദ് റിലീസായി വരുന്ന ‘ വിശ്വാസ പൂര്‍വ്വം മന്‍സൂര്‍ ഏറെ പ്രതീക്ഷയുണര്‍ത്തുന്നത് .ഇതിനകം സിനിമയിലെ പാട്ടുകള്‍ ഹിറ്റായിക്കഴിഞ്ഞു . പ്രഭാവര്‍മ്മ , റഫീഖ് അഹമ്മദ് , പ്രേംദാസ് എന്നിവരാണ് പാട്ടൊരുക്കിയിട്ടുള്ളത് . രമേശ് നാരായണന്റെ സംഗീതവും എഴുതവണയും മികച്ച ഛായാഗ്രഹകനുള്ള അവാര്‍ഡ് വാങ്ങിയ എം ജി രാധാകൃഷ്ണന്റെ ക്യാമറയും സിനിമയെ ആകര്‍ഷണീയമാക്കിയിട്ടുണ്ട്.

സംവിധായകന്‍ പിടി കുഞ്ഞുമുഹമ്മദുമായി ബിഗ് ന്യൂസിന് വേണ്ടി ഫഖ്‌റുദ്ധീന്‍ പന്താവൂര്‍ നടത്തിയ അഭിമുഖത്തില്‍ നിന്നും.

എന്തു കൊണ്ടാണ് ‘വീരപുത്രന്‍ ‘ എന്ന സിനിമക്ക് ശേഷം നീണ്ട ഇടവേള സൃഷ്ടിച്ചത് ?

ഒന്നും ബോധപൂര്‍വ്വമല്ല .എല്ലാം ഒത്തുവന്നപ്പോള്‍ 5 വര്‍ഷം കഴിഞ്ഞു.ഇത് എന്റെ അഞ്ചാമത്തെ സിനിമയാണ്. രണ്ട് ഡോക്യുമെന്ററികളും ഇതിനകം ഒരുക്കി. നിലവിലെ താരങ്ങള്‍ക്കോ യുവതാരങ്ങള്‍ക്കോ വേണ്ടി കാത്തിരിക്കാന്‍ എനിക്കാവില്ലായിരുന്നു. എല്ലാം ഒത്തുവന്നപ്പോള്‍ ഒരു സിനിമ സംഭവിച്ചു. അതിന് അഞ്ച് വര്‍ഷങ്ങള്‍ എടുത്തുവെന്ന് മാത്രം. എന്റെ ഓരോ സിനിമക്കിടയിലും കുറഞ്ഞത് നാല് വര്‍ഷത്തെയെങ്കിലും ഇടവേള വരാറുണ്ട്. അതൊന്നും ഞാന്‍ ബോധപൂര്‍വ്വം സൃഷ്ടിക്കുന്നതല്ല .

വിശ്വാസപൂര്‍വ്വം മന്‍സൂര്‍ ഏതുതരം പ്രേക്ഷകരെ തൃപ്തിപ്പെടുത്തുന്ന സിനിമയാണ്?

എല്ലാതരം പേക്ഷകര്‍ക്കുമായാണ് ഞാന്‍ സിനിമയൊരുക്കാറ്. മഗ്‌രിബ്, ഗര്‍ഷോം, പരദേശി, വീരപുത്രന്‍ എന്ന എന്റെ മുന്‍കാല സിനിമകള്‍ പരിശോധിച്ചാല്‍ ഇത് ബോധ്യമാകും. ‘വിശ്വാസ പൂര്‍വ്വം മന്‍സൂര്‍ ‘ ബോംബെ കലാപവുമായി ബന്ധപ്പെട്ടുള്ള സിനിമയാണ് .വര്‍ഗീയ കലാപങ്ങള്‍ സാധാരണക്കാര്‍ക്കുമേല്‍ അടിച്ചേല്‍പ്പിക്കുന്ന ദുരന്തങ്ങളാണ് ഈ സിനിമ പറയുന്നത് .ബോംബ കലാപത്തില്‍ നിന്നും എല്ലാം നഷ്ടപ്പെട്ട് ഓടിവരുന്ന ഉമ്മയുടെയും മകളുടെയും കഥയാണ് ഈ സിനിമ .നാട്ടിലെത്തുമ്പോള്‍ അവര്‍ അഭിമുഖീകരിക്കുന്ന പ്രശ്‌നങ്ങള്‍ പ്രണയങ്ങള്‍ എല്ലാം സിനിമ പറയുന്നു. വ്യത്യസ്ഥ മതങ്ങളില്‍ പെട്ടവരുടെ പ്രണയങ്ങള്‍ മാത്രമല്ല ഒരേ മതത്തില്‍ പെട്ടവരുടെ പ്രണയങ്ങളും സിനിമയുടെ പ്രധാന പ്രമേയമായി വരുന്നുണ്ട്.

unnamed

എന്തുകൊണ്ടാണ് സ്റ്റാര്‍ വാല്യുവുള്ള താരങ്ങളെ ഒഴിവാക്കി പ്രേക്ഷകര്‍ അത്ര പരിചയമില്ലാത്തവരെ പ്രധാന കഥാപാത്രങ്ങളാക്കിയത് .?

ഞാന്‍ പറഞ്ഞല്ലോ .. എനിക്ക് താരങ്ങള്‍ക്കായി കാത്തിരിക്കാനാവില്ല .എന്റെ സിനിമ ചെയ്യുമ്പോള്‍ അത് എന്റെ മാത്രം സിനിമയാണ്. നിങ്ങള്‍ ഈ കാലത്തെ ന്യൂ ജനറേഷന്‍ എന്നു വിളിച്ചാലും എന്റെ സിനിമ എന്റെ സിനിമയാണ്. ഇത് മനുഷ്യന് മനസ്സിലാകുന്ന സിനിമയാണ്.
ആര്‍ക്ക് മുന്നിലും ഡേറ്റിനായി തല കുനിക്കാനാവില്ല. വിശ്വാസപൂര്‍വ്വം മന്‍സൂറില്‍ നായക കഥാപാത്രം റോഷന്‍ മാത്യുവാണ്. ആനന്ദം എന്ന സിനിമയിലൂടെ പ്രേക്ഷകരുടെ കൈയ്യടി നേടിയ നടനാണ്. നായിക പ്രയാഗമാര്‍ട്ടിന്‍ ഇപ്പോള്‍ നായികാസ്ഥാനത്ത് നിറഞ്ഞുനില്‍ക്കുന്ന നടിയാണ്. പിന്നെ കുറെയേറെ പുതുമുഖങ്ങളും. എന്റെ സിനിമക്ക് ഏറ്റവും അനുയോജ്യമായവര്‍ തന്നെയാണിവര്‍. സിനിമ കണ്ടാല്‍ നിങ്ങള്‍ക്കത് മനസ്സിലാകും. ഈദ് റിലീസായി 24 നാണ് സിനിമ തിയേറ്ററിലെത്തുക . 60 ഓളം തിയേറ്ററുകളില്‍ റിലീസിനായി ഒരുങ്ങിയിട്ടുണ്ട് .

unnamed (3)

ഈ സിനിമയും അവാര്‍ഡ് പ്രതീക്ഷിക്കുന്നുണ്ടോ ?താങ്കളുടെ എല്ലാ സിനിമകളും അവാര്‍ഡുകള്‍ വാരിക്കൂട്ടിയവയാണല്ലോ ..

ഒരു ഹംഖിന്റെ അവാര്‍ഡിലും എനിക്കിപ്പോള്‍ വിശ്വാസമില്ല. പണ്ട് ഉണ്ടായിരുന്നു. പ്രേക്ഷകര്‍ ഇഷ്ടപ്പെടുന്നതാണ് യഥാര്‍ത്ഥ അവാര്‍ഡ്. ഞാന്‍ ഒരിക്കലും അവാര്‍ഡുകളുടെ പിറകെ പോയിട്ടില്ല. എന്നെ കണ്ടിട്ട് ഒരിക്കല്‍ പോലും അവാര്‍ഡ് ലഭിച്ചിട്ടുമില്ല. ആളുകള്‍ കാണണം. അവര്‍ക്ക് മനസ്സിലാകണം.
ഈ സിനിമ നൂറ് ശതമാനവും എല്ലാ തരം പ്രേക്ഷകരെയും ഇഷ്ടപ്പെടുത്തുമെന്ന് എനിക്ക് ഉറപ്പുണ്ട്. മന്‍സൂര്‍ ഒരു പേരല്ല. കാലം ചിലരെ കാത്തിരിക്കും; അവര്‍ക്കായി ലോകം ഒന്നിക്കും. ആ സന്ദേശമാണ് ഈ സിനിമ പറയുന്നത്. തലശ്ശേരിയുടെ പശ്ചാത്തലത്തിലാണ് സിനിമ കഥ പറയുന്നത്. ജയകൃഷ്ണന്‍ കാവിലിന്റേതാണ് കഥ. ഏത് നാട്ടിലും എപ്പോഴും സംഭവിക്കാവുന്ന കഥയാണിത്. പശ്ചാത്തലത്തില്‍ ബോംബെ കലാപമുണ്ടെങ്കിലും അത് ഒരു കാലത്തെ നിര്‍ണ്ണയിക്കുന്നില്ല. കേരളീയ പശ്ചാതലത്തിലെ സാധാരണക്കാരുടെ പ്രതിനിധികളാണ് ഇതിലെ കഥാപാത്രങ്ങള്‍.

പരദേശിയില്‍ മോഹന്‍ലാലിനെ നായകനാക്കിയ നിങ്ങള്‍ എന്തുകൊണ്ടാണ് മമ്മൂട്ടിയെ നായകനാക്കാതിരുന്നത്?

യഥാര്‍ത്ഥത്തില്‍ പരദേശിയില്‍ നായകനാവേണ്ടിയിരുന്നത് മമ്മൂട്ടിയാണ്. കഥ ചര്‍ച്ചചെയ്യുകയും സമ്മതിക്കുകയും ചെയ്തതാണ്. പിന്നീട് ചില ഇഷ്യുകളുണ്ടായി. മമ്മൂട്ടിയുമായി ഒത്തു പോകില്ലെന്ന് ഉറപ്പായി. അന്ന് ഈ സിനിമ ആലോചിച്ച സമയത്ത് തന്റെ സിനിമയില്‍ മമ്മൂട്ടിയാണ് നായകന്‍ എന്ന് പറഞ്ഞപ്പോള്‍ ഇന്നത്തെ മുഖ്യമന്ത്രി പിണറായി വിജയന്‍ പറഞ്ഞത്. അതൊരിക്കലും നടക്കില്ലെന്നാണ്. കാര്യം അന്വേഷിച്ചപ്പോള്‍ രണ്ടു പേരെയും എനിക്കറിയാം അതുകൊണ്ടാ പറഞ്ഞത്. രണ്ടാളും ചേരില്ലെന്ന്. സത്യത്തില്‍ അതുതന്നെ സംഭവിച്ചു. പരദേശിയില്‍ മമ്മൂട്ടിക്ക് പകരം മോഹന്‍ലാല്‍ നായകനായി. ആ വര്‍ഷത്തെ മികച്ച നടനുള്ള അവാര്‍ഡും മോഹന്‍ലാലിനായിരുന്നു. മമ്മൂട്ടിയെവെച്ച് ഒരു സിനിമ ചെയ്യണം എന്ന നിര്‍ബന്ധബുദ്ധിയൊന്നും എനിക്കില്ല. അദ്ധേഹം മികച്ച നടനാണ്. പക്ഷെ എനിക്ക് ആര്‍ക്കു മുന്നിലും തലകുനിക്കാനാവില്ല.

മറ്റു അഭിനേതാക്കള്‍ ?

വെര്‍ജിന്‍ പ്ലസ്’ മൂവീസിന് വേണ്ടി കെപി മോഹനാണ് സിനിമയുടെ നിര്‍മ്മാണം. റോഷന്‍ മാത്യു, പ്രയാഗ മാര്‍ട്ടിന്‍ എന്നിവര്‍ക്ക് പുറമെ ആശാശരത്, സറീനാ വഹാബ് , രണ്‍ജി പണിക്കര്‍, വികെ ശ്രീരാമന്‍ തുടങ്ങിയവരാണ് പ്രധാന അഭിനേതാക്കള്‍. വീരപുത്രന്‍ നിങ്ങള്‍ പ്രതീക്ഷിച്ച വിജയം നേടിയില്ലല്ലോ. എവിടെയാണ് പിഴവു പറ്റിയത് ?

എന്റെ എല്ലാ സിനിമകളും നിര്‍മാതാക്കളെ നിരാശരാക്കിയിട്ടില്ല. വീരപുത്രന്‍ എന്ന സിനിമക്കെതിരെ മലബാറിലെ മുസ്ലിംകളില്‍ നിന്നും വ്യാപകമായ പ്രചരണമായിരുന്നു. പിന്നെ വിതരണവും ശരിയായി നടന്നില്ല. പരസ്യങ്ങളും താളം തെറ്റി. ഇതൊക്കെയാണ് ആ സിനിമ തിയ്യേറ്ററില്‍ കാലിടറിയത്.

unnamed (4)

exclusive interview  jayan,s last movie kolilakkam associate director soman ambat with eapen thomas
Posted by
01 June

സൂപ്പര്‍ താരം ജയന്‍ അമേരിക്കയിലോ, അതോ വേഷം മാറി സന്യാസിയായി ഏതോ ആശ്രമത്തിലോ; ഹെലികോപ്റ്റര്‍ അപടകസമയത്ത് ദൃക്‌സാക്ഷി ആയിരുന്ന കോളിളക്കത്തിന്റെ സഹ സംവിധായകന്‍ സോമന്‍ അമ്പാട്ട് വെളിപ്പെടുത്തുന്നു

ഈപ്പന്‍ തോമസ്‌

ഈപ്പന്‍ തോമസ്‌

“ജയൻ അമേരിക്കയിൽ, ജയൻ വേഷം മാറി സന്യാസിയായി ഏതോ ആശ്രമത്തിൽ ഇന്നും ജീവിക്കുന്നു,ജയൻ അമ്മയ്ക്ക് മുടങ്ങാതെ കത്തെഴുതുന്നു”.

ജനപ്രിയ നായകനായിരുന്ന ജയന്റെ ദാരുണാന്ത്യത്തിനു ശേഷം ധാരാളം ഊഹാപോഹങ്ങൾ നാട്ടിൽ പ്രചരിച്ചിരുന്നു.

അന്ന് ആ ഹെലികോപ്റ്റർ അപടകസമയത്ത് ലൊക്കേഷനിലുണ്ടായിരുന്ന ജയനെ ആശുപത്രിയിലെത്തിച്ചവരിൽ പ്രധാനിയും കോളിളക്കത്തിന്റെ സഹസംവിധായകനുമായിരുന്ന പ്രസിദ്ധ സംവിധായകൻ ഇപ്പോൾ പ്രവാസിയായ സോമൻ അമ്പാട്ട്. അന്നത്തെ സംഭവങ്ങളോടൊപ്പം തന്റെ സിനിമാ ജീവിതത്തെപ്പറ്റിയും ഓർക്കുന്നു.

തന്റെ ജീവിതത്തിലെ ഏറ്റവും പ്രധാനപ്പെട്ട സംഭവമായ സൂപ്പർ സ്റ്റാർ ജയന്റെ മരണത്തെപ്പറ്റിയാണ് ആദ്യം.

മദ്രാസിൽ നിന്നും അല്‍പമകലെ ഉപേക്ഷിക്കപ്പെട്ട ഒരു എയർപോർട്ടിൽ വച്ചാണ് ഡയറക്ടർ പിഎൻ സുന്ദരത്തിന്റെ ചിത്രം കോളിളക്കത്തിന്റെ ക്ലൈമാക്സ് ചിത്രീകരണം നടന്നത്.അതിൽ സഹസംവിധായകനായിരുന്നു ഞാൻ, ഹെലികോപ്റ്ററിൽ ഒന്നരയാൾ പൊക്കത്തിൽ പിടിച്ച് കയറുന്നതായി അഭിനയിക്കേണ്ട സീൻ, കോപ്റ്ററിൽ ചാടിപ്പാടിക്കുക,വിടുക അതായിരുന്നു പ്ലാൻ ചെയ്ത ഷോട്ട്. പക്ഷേ സാഹസീകനായ ജയൻ സ്വാഭാവിതയ്ക്കു വേണ്ടി ഹെലികോപ്റ്ററിൽ പിടിച്ചു കയറി കാല് മുകളിലേക്കിട്ട് ലോക്ക് ചെയ്തു, പക്ഷെ ലോക്ക് റിലീസ് ചെയ്യാൻ എന്തു കൊണ്ടോ സാധിച്ചില്ല.

ഒരു വശത്തെഭാരം കൊണ്ടോ മറ്റോ ബാലൻസ് നഷ്ടപ്പെട്ട കോപ്റ്ററിന്റെ ചിറക് താഴെയിടിച്ചു ഒപ്പം ജയന്റെ തലയുടെ പുറകുവശവും…..
പിന്നീട് വേഗം ആശുപത്രിയിലെത്തിക്കാനുള്ള ശ്രമമായി പക്ഷെ അന്ന് മദ്രാസിൽ പെയ്ത കനത്ത മഴയും ട്രാഫിക്കും ആ യാത്ര താമസിപ്പിച്ചു ആശുപത്രിയിലെത്താൻ വളരെ വൈകി.. ആശുപത്രിയിൽ വേഗമെത്തിയിരുന്നെങ്കിൽ പ്രതീക്ഷയുണ്ടായിരുന്നു. ICU വിൽകയറുന്നതു വരെ അദ്ദേഹത്തിന് ജീവനുമുണ്ടായിരുന്നു എന്നത് സത്യമാണ് പക്ഷേ ഒന്നും സംസാരിച്ചിട്ടില്ല…..

jayan-death-800x510

സംവിധായകനെന്ന നിലയിൽ – സിനിമാ ജീവിതത്തെപ്പറ്റി.

ആദ്യമായി സ്വതന്ത്ര സിനിമാ സംവിധായകനായത് ‘ആയിരം അഭിലാഷങ്ങൾ’ എന്ന ചിത്രത്തിലൂടെയാണ് മമ്മൂട്ടി, സോമൻ, സുകുമാരൻ, ശങ്കരാടി, മാള, സ്വപ്ന, ജഗതി, മേനക. മുതലായവർ അഭിനയിച്ച ചിത്രം

രണ്ടാമത്തെ ചിത്രം മോഹൻലാൽ, സറീനാ വഹാബ്,നെടുമുടി വേണു, ബാലതാരമായി മീന, സത്താർ, മുതലായവർ അഭിനയിച്ച ‘മനസ്സറിയാതെ ‘ എന്ന സസ്പെൻസ് ത്രില്ലർ ചിത്രം അന്നത് ഗിരീഷ് കർണ്ണാട് ചെയ്ത ഒരു ചിത്രത്തിന്റെ പകർപ്പവകാശം വാങ്ങി ചെയ്ത പടമാണ് പിന്നീടാണറിഞ്ഞത് അത്
കൊറിയൻ ചിത്രമായ suspect X ആണ് അതിന്റെ മൂലകഥാചിത്രമെന്നത്,

ഇരുപത്തിയഞ്ച് വർഷങ്ങൾക്കു ശേഷം ‘ദൃശ്യ’മെന്ന പേരിൽ അത് പുനർജനിച്ചു.

അടുത്ത പടം ‘ഒപ്പം ഒപ്പത്തിനൊപ്പം’ മോഹൻലാൽ, ശങ്കർ, മാള, മേനക മുതലായവർ അഭിനയിച്ച ചിത്രം. ബോക്സോഫീസ് ഹിറ്റായ ചിത്രം.

പിന്നീട് ‘അഗ്നി മുഹൂർത്തം ‘ രതീഷ്, ഉർവ്വശി, ജോസ് പ്രകാശ്, മാമുക്കോയ, ശങ്കരാടി മുതലായരെ അണിനിരത്തി ചെയ്ത സിനിമ .

എങ്ങനെ പ്രവാസിയായി.

എന്നും മാറോടണയ്ക്കാൻ എന്ന ജോയ് സി യുടെ കഥ സിനിമയാക്കാനുള്ള പണികളെല്ലാം പൂർത്തിയാക്കിയപ്പോഴാണ് ഷാർജയിൽ ഒരു വേക്കൻസി ലഭിച്ചത് ഫാമിലിമാൻ എന്ന നിലയിൽ അത് സ്വീകരിച്ചിവിടെ വന്നു.

പക്ഷേ ഉറുദു അറിയില്ല എന്ന കാരണത്താൽ ആ ജോലി ലഭിച്ചില്ല. അപ്പോഴാണ് പനമ്പള്ളി ഗോവിന്ദമേനോന്റെ മകൻ ശ്രീധരമേനോൻ ദുബായ് ഡിഫൻസിൽ കലാജീവിതത്തിൽ നിന്ന് ഡ്രൈ ജീവിതത്തിലേക്ക്.

വീണ്ടും യുഎഇയിൽ കലാലോകത്തേക്ക്.

അങ്ങനെയിരിക്കുമ്പോൾ ഇവിടെ റേഡിയോ തുടങ്ങാനുള്ള പ്രപ്പോസൽ വന്നു.
ഞങ്ങൾ ചിലർ ചേർന്ന് റേഡിയോ തുടങ്ങി. കെ. പി. കെ വേങ്ങര, K. P.അബ്ദുല്ല, SV ഇക്ബാൽ, EM ഹാഷിം , K. ശശികുമാർ പിന്നെ ഞാനും കൂടി റാസൽഖൈമ റേഡിയോ തുടങ്ങി.റേഡിയോയിൽ
ആദ്യമായി പ്രക്ഷേപണം ചെയ്ത ഗാനം ഹർഷ ബാഷ്പത്തിലെ ‘ആയിരം കാതമകലെയാണെങ്കിലും, ആദ്യ ‘ഇന്റർവ്യൂ എന്നെ ഇന്റർവ്യൂ ചെയ്തതും.

18870221_10213528968003362_1457877162_oഇപ്പോൾ വരുന്ന ചിത്രങ്ങളെപ്പറ്റി. ഇന്ന് ചിത്രങ്ങളിൽ അച്ഛനുമമ്മയുമില്ല, സെന്റിമെന്റ്സ് ഇല്ല, പത്രവാർത്തകൾ എല്ലാം നെഗറ്റീവ് വാർത്തകൾ അതു കൊണ്ട് തന്നെ ആ തരം കഥകൾ.
പിന്നെ ടെക്നോളജി മാറി അതിന്റെ സഹായം ധാരാളമായി പുതു സിനിമയ്ക്ക് ലഭിക്കുന്നു, അതൊക്കെ നല്ലതു തന്നെ.
ശരിക്കും ചിത്രങ്ങൾക്ക് കോടികളുടെ ആവശ്യമില്ല എന്നതാണ് എന്റെ മതം.45000 Feet ആണ് ഞാൻ മാക്സിമം ഷൂട്ട് ചെയ്യുന്നത്, ദുർവ്യയം ഞാൻ ഇഷ്ടപ്പെടുന്നില്ല.
അന്നും എന്റെ ചിത്രങ്ങൾ .15 ഓ16 ഓ ദിവസങ്ങൾ മാത്രമേ ഷൂട്ട് ചെയ്യാറുള്ളൂ. പ്ലാൻ ചെയ്ത് അനാവശ്യ ചിലവുകൾ ഒഴിവാക്കി നല്ല ഔട്ട്പുട്ട് ഉണ്ടാക്കുക എന്നതാണ് ലക്ഷ്യം, അതാണ് വേണ്ടത് അല്ലാതെ നിർമ്മാതാവിന്റെ കൈയ്യിലെ കാശു മൊത്തം തീർത്ത് അദ്ദേഹത്തെ കണ്ണീരിലാക്കുന്ന പരിപാടി ഞാൻ ചെയ്യാറില്ല.

സിനിമാസംഘടനകളെപ്പറ്റി.വിവാദങ്ങൾക്ക് താല്പര്യമില്ല എങ്കിലും.
ഞാൻ പല സംഘടനകളിലും മെമ്പറാണ് അഭിപ്രായം തുറന്നു പറയാറുണ്ട് അതുകൊണ്ടുതന്നെ ചില ബ്ലാക്ക്മാർക്കുകളും ലഭിക്കാറുണ്ട്. ഈയിടെ തന്നെ ഒരു സിനിമാ ടെക്നീഷ്യൻ ക്രിട്ടിക്കലായി ആശുപത്രിയിലാണ് എന്നു മെസേജ് വന്നു.ഞാൻ പറയുകയാണെങ്കിൽ അങ്ങനെയൊരു മെസേജിന്റെ കാര്യമില്ല നൂറു കോടിയും അമ്പതു കോടിയും നേടിയ ചിത്രങ്ങൾ ഇവിടെയുണ്ട് കേവലം ലാഭക്കണക്കുകൾ മാത്രം കാട്ടി പോവുകയല്ല പ്രവർത്തകരും സംഘടനയും ചെയ്യേണ്ടത്. സഹായം ചെയ്യുക എന്നത് മാനുഷികമായ ഒരു രീതിയിലൂടെ കാണുക. ഒപ്പം ഫിലിം ടെക്നീഷ്യൻസിനെയും മറ്റുള്ളവരെയും ചെറിയ സമ്പാദ്യ ശീലമുള്ളവരാക്കുക അതൊക്കെ സംഘടനകൾ മുൻകൈയ്യെടുത്താൽ സാധിക്കും പല തരത്തിലുള്ള സേവിംഗ് സ്ക്കീം ഉദാ:-ഓപ്പറേറ്റീവ് സൊസൈറ്റി നിലയിലുള്ള ചില സ്ഥാപനങ്ങൾ അംഗങ്ങൾക് ഒരു സ്ഥിരവരുമാന മാർഗ്ഗവുമാകും. ലാഭം കിട്ടുന്നവർ ധൂർത്ത് നടത്താതെ അങ്ങനെയും ചിലത് ചിന്തിക്കേണ്ടിയിരിക്കുന്നു.

ഭാവി പരിപാടികൾ:
ഒരിക്കലും ഒരു കലാകാരന് വെറുതെയിരിക്കാൻ സാദ്ധ്യമല്ല.പുതിയ ടെക്നോളജിയിൽ പഴയ പ്രവർത്തിപരിചയം മുതലാക്കി തീർച്ചായും ഒരു ലോ ബഡ്ജറ്റ് ചിത്രം പ്ലാൻ ചെയ്യുന്നുണ്ട് അതിന്റെ ചില ജോലികളിലുമാണ്. ഒപ്പം കലയ്ക്കും സംഗീതത്തിനും പ്രാമുഖ്യം നല്കുന്ന ഇൻസൈറ്റ് എന്ന ഒരു ഇൻസ്റ്റിറ്റ്യൂഷൻ ദുബായിൽ നടത്തുന്നു.

(ഇൻറർവ്യൂ തയ്യാറാക്കിയത്: ഈപ്പൻ തോമസ്, ഫോട്ടോ വീഡിയോ: ബിനു ബാലന്‍.
ഫൂട്ടേജ് എഡിറ്റര്‍: എഡ്ഡി ജോണ്‍.)

An interview with director Jayaraj
Posted by
28 February

വീരം 100 കോടി ക്ലബിലെത്തും; തന്റെ സിനിമക്ക് അനുയോജ്യരായ മലയാള താരങ്ങളെ കിട്ടിയില്ലെന്ന് ജയരാജ്; ആദ്യം പരിഗണിച്ചത് നിവിന്‍ പോളിയെയും മോഹന്‍ലാലിനെയും

ഫഖ്‌റുദ്ധീന്‍ പന്താവൂര്‍

ജയരാജ് സിനിമകള്‍ പലപ്പോഴും തീയറ്റര്‍ റിലീസിന് മുമ്പ് ദേശീയ തലത്തില്‍ തന്നെ ചര്‍ച്ച ആവാറുണ്ട്. ഒറ്റാലും അങ്ങനെ ആയിരുന്നു. അതിന് ശേഷമാണ് നവരസം സീരിസിലെ അഞ്ചാമത്തേതാതായ വീരം വരുന്നത്. തീം സോങ്ങിന് കിട്ടിയ ഓസ്‌കാര്‍ നോമിനേഷന്‍ മുതല്‍ വലിയ രാജ്യാന്തര വേദികള്‍ വരെ പലതും വീരത്തെയും ശ്രദ്ധേയമാക്കിയിട്ടുണ്ട്. ഷേക്സ്പിയര്‍ നാടകങ്ങളോടുള്ള ഇഷ്ടം ജയരാജ് ഇവിടെയും തുടരുന്നു.

മാക്‌ബെത്തും ചന്തുവും കടന്നു പോകുന്ന അതിവൈകാരിക അവസ്ഥകളെ ഒരു ഇതരഭാഷാ നടന്‍ എങ്ങനെ കൈകാര്യം ചെയ്യും എന്നത് പ്രേക്ഷകര്‍ക്ക് ആശങ്കതന്നെയായിരുന്നു. ഉണ്ണിയാര്‍ച്ചയായത് ദക്ഷിണാഫ്രിക്കയില്‍ ജനിച്ച് വളര്‍ന്ന ഹിമാര്‍ഷ വെങ്കടസ്വാമിയാണ്. ദിവിനാ ഠാക്കൂര്‍ കുട്ടിമാണി ആകുന്നു. മറ്റ് പ്രധാന അഭിനേതാക്കളും കേരളത്തിന് പുറത്ത് നിന്നുള്ളവരും താരതമ്യേന പുതുമുഖങ്ങളുമാണ്. അത് കരുതിക്കൂട്ടി എടുത്ത തീരുമാനമാണെന്നാണ് സംവിധായകന്‍ പറയുന്നു .

മലയാളസിനിമയില്‍ മാറ്റത്തിന്റെ കാറ്റുവീശുകയാണ്. കോടികള്‍ ചിലവഴിച്ച് സാങ്കേതികതയുടെ പകര്‍ന്നെതയോടെ ഒരുക്കിയ വീരം എന്ന മലയാള സിനിമയെക്കുറിച്ച് സംവിധായകന്‍ ജയരാജുമായി ബിഗ് ന്യൂസിന് വേണ്ടി ഫഖ്‌റുദ്ധീന്‍ പന്താവൂര്‍ നടത്തിയ അഭിമുഖം.

*എന്തുകൊണ്ടാണ് മലയാളത്തില്‍ നിന്ന് പ്രമുഖ താരങ്ങളെയൊന്നും ഈ സിനിമക്കായി ഉപയോഗിക്കാതിരുന്നത് ?പ്രധാനകഥാപാത്രങ്ങളെല്ലാം അന്യഭാഷാ നടന്മാര്‍. എന്തായിരുന്നു കാരണം?

*മലയാളത്തില്‍ നിന്ന് രണ്ട് നടന്മാരോടാണ് ഈ സിനിമയുടെ കഥ ചര്‍ച്ച ചെയ്യത്. ഒന്ന് മോഹന്‍ലാലിനോടും മറ്റൊന്ന് നിവിന്‍ പോളിയോടും. അവരെ രണ്ടുപേരെയും ഈ സിനിമയുടെ ഭാഗമാക്കണമെന്ന് ഉറപ്പിച്ചതാണ്. തിരക്കഥ മുഴുവന്‍ കേട്ടിട്ടും സിനിമക്കായി മോഹന്‍ലാല്‍ ഓകെ പറഞ്ഞില്ല. മാസങ്ങള്‍ നീളുന്ന കളരി പരിശീലനങ്ങള്‍ക്കായി സമയം മാറ്റിവെക്കാനില്ല എന്നതായിരുന്നു കാരണം. നിവിന്‍ പോളിയും ഇതാണ് കാരണം പറഞ്ഞത്. നാല് വര്‍ഷം മുമ്പാണ് നിവിന്‍ പോളിയോട് സിനിമയുടെ കാര്യം വിശദമായി പറഞ്ഞത്. പക്ഷെ മെയ് വഴക്കമുണ്ടാക്കാന്‍.. അതിന് സമയം കൊടുക്കാന്‍ ഇവര്‍ക്ക് കഴിയുന്നില്ല. മലയാളത്തില്‍ തന്റെ സിനിമക്കായി മെയ് വഴക്കം പ്രകടിപ്പിക്കുന്ന ഒരാളെയും എനിക്ക് കാണാന്‍ കഴിഞ്ഞില്ല. കളരി ‘വീര ‘ത്തില്‍ ഒഴിച്ചുകൂടാനാവാത്ത ഒന്നായതിനാല്‍ അതില്‍ വിട്ടുവീഴ്ച്ച ചെയ്യാനാവുമായിരുന്നില്ല. അതുകൊണ്ട് തന്റെ കഥാപാത്രങ്ങള്‍ക്ക് അനുയോജ്യരായ അന്യഭാഷാ നടന്മാരെ പരിഗണിച്ചു. സിനിമ കാണുമ്പോള്‍ തന്നെ മനസ്സിലാകും തന്റെ തീരുമാനം ശരിയായിരുന്നുവെന്ന്.


*വീരം നൂറുകോടി ക്ലബില്‍ കയറുമോ? നേരത്തേ പുലിമുരുകന്‍ നൂറുകോടി ക്ലബിലെത്തും മുമ്പ് വീരമായിരിക്കും മലയാളത്തില്‍ ആദ്യമായി നൂറുകോടി ക്ലബിലെത്തുക എന്നാണ് നിങ്ങള്‍ പറഞ്ഞിരുന്നത്. പുലിമുരുകന്‍ നൂറുകോടിയിലെത്തി. ഇനി വീരം?

*വീരം നൂറുകോടി ക്ലബില്‍ കയറുമെന്ന് തന്നെയാണ് എന്റെ വിശ്വാസം. വിശ്വാസം കേവലം അലങ്കാരമായി പറഞ്ഞതല്ല. ഇംഗ്ലിഷ്, ഹിന്ദി പതിപ്പുകള്‍ കൂടി റിലീസാകുന്നതോടെ തീര്‍ച്ചയായും എന്റെ സിനിമ വിരം 100 കോടി ക്ലബിലെത്തും. അടുത്ത മാസത്തോടെ സിനിമയുടെ ഇംഗ്ലിഷ്, ഹിന്ദി പതിപ്പുകള്‍ റിലീസാകും.

*വീരം സിനിമയെ മലയാളപേക്ഷകര്‍ സ്വീകരിച്ചതായി തോന്നുന്നുണ്ടോ? സിനിമയില്‍ നഗ്‌നപൂജയടക്കം ചില കിടപ്പറ രംഗങ്ങളും കുടുംബ പ്രേക്ഷകരെ തിയ്യേറ്ററുകളില്‍ നിന്ന് അകറ്റുന്നതായി വിവിധ കോണുകളില്‍ നിന്ന് കേള്‍ക്കുന്നുണ്ടല്ലോ

*മാക്‌ബെത്ത് എന്ന നാടകത്തിനെ വടക്കന്‍ പാട്ടുകളിലെ ചന്തുവിന്റെയും കുട്ടിമാണിയുടെയും കഥകളിലൂടെ പറഞ്ഞതാണ് വീരം എന്ന സിനിമ. നാടകത്തിലെ ഒഴിച്ചുകൂടാന്‍ പറ്റാത്ത ദുര്‍മന്ത്രവാദത്തെ ചിത്രീകരിക്കാന്‍ നഗ്‌നപൂജ ഒഴിവാക്കാനാവില്ല. ചിലയിടങ്ങളില്‍ കുടുംബപ്രേക്ഷകര്‍ നെറ്റിചുളിച്ചുവെങ്കിലും അത്തരം രംഗങ്ങളൊക്കെ ഏറ്റവും കലാപരമായി തന്നെയാണ് ചിത്രീകരിച്ചത്. എനിക്കതില്‍ ഖേദവുമില്ല. ഇത്തരം രംഗങ്ങളെ ആ രീതിയില്‍ ഉള്‍കൊള്ളാവുന്ന കുടുംബപ്രേക്ഷകര്‍ ഇപ്പോള്‍ യഥേഷ്ടം വളര്‍ന്നുവന്നിട്ടുണ്ട്. പ്രതീക്ഷിച്ചതുപോലെ മലയാളി പ്രേക്ഷക സമൂഹം വീരത്തെ ഉള്‍കൊണ്ടിട്ടില്ല. എന്നാലും ഇത് മലയാള സിനിമയുടെ ലോകസിനിമയിലേക്കുള്ള കവാടമായി ഞാന്‍ കാണുന്നു. നിരവധി റിവ്യൂകളും ഇക്കാര്യം വ്യക്തമായിതന്നെ പറയുന്നുണ്ട്.


*സിനിമയിലെ പല രംഗങ്ങളും സ്ത്രീവിരുദ്ധമാണെന്നുള്ള ആരോപണത്തെ എങ്ങനെ കാണുന്നു?

*സ്ത്രീവിരുദ്ധമായ ഭാഗങ്ങള്‍ സിനിമകളില്‍ കടന്നുവരുന്നു എന്ന വിവാദത്തിന്റെ പശ്ചാത്തലത്തില്‍ വീരത്തിലെ പല രംഗങ്ങളും വിമര്‍ശന വിധേയവുമാണ്. നിലവിലെ വിവാദങ്ങളില്‍ പ്രതികരിക്കാന്‍ താല്‍പര്യപ്പെടുന്നില്ല. ഞാന്‍ അത്തരം കാര്യങ്ങളെക്കുറിച്ച് ആശങ്കപ്പെടുന്നുമില്ല. എന്റെ സിനിമയില്‍ സ്ത്രീവിരുദ്ധമായതൊന്നുമില്ല. സിനിമയെ സിനിമയായി കാണാന്‍ പ്രേക്ഷകര്‍ തയ്യാറാകണം .

(മാധ്യമപ്രവര്‍ത്തകനും,അധ്യാപകനുമാണ് ലേഖകന്‍.
9946025819)

interview with madmasa movie director jayan raj
Posted by
25 August

ഇത് പൂര്‍ണ്ണമായും ഒരു കൊമേഴ്‌സ്യല്‍ സിനിമ; 'മഡ്മസ' യെക്കുറിച്ച് സംവിധായകന്‍ ജയന്‍ രാജ്

അഭിമുഖം / ഫഖ്‌റുദ്ധീന്‍ പന്താവൂര്‍

പുതുമ നിറഞ്ഞ പേരാണ് മഡ്മസ. നവാഗതനായ ജയന്‍ രാജ് കഥയും തിരക്കഥയും സംഭാഷണവും സംവിധാനവും ഒപ്പം നിര്‍മ്മാണവും നിര്‍വഹിച്ച മഡ്മസ 26ന് (നാളെ) തിയേറ്ററുകളില്‍ എത്തുകയാണ്. സംവിധായകന്‍ ജയന്‍ രാജുമായി നടത്തിയ അഭിമുഖം

ആദ്യ സിനിമ തന്നെ കുട്ടികളെ വെച്ച് എടുക്കുന്നതിലെ കച്ചവട തന്ത്രമെന്താണ് ?

ഈ സിനിമ പൂര്‍ണ്ണമായും കൊമേഴ്‌സ്യല്‍ സിനിമയാണ്. പൂര്‍ണ്ണമായും കുട്ടികള്‍ മാത്രം അഭിനയിച്ച റൊമാന്റിക് സ്‌പോര്‍ട്‌സ് മ്യൂസിക്കല്‍ എന്റര്‍ടെയ്‌നര്‍ എന്ന് പറയാം. ഇത്തരമൊരു സിനിമ മലയാളത്തില്‍ ഇതാദ്യമാണ്. ഒരു കച്ചവട സിനിമക്ക് വേണ്ടുന്ന എല്ലാ ഘടകങ്ങളും ഇതിലുണ്ട്. ഇതില്‍ പ്രണയമുണ്ട്, സംഗീതമുണ്ട്, പ്രതികാരമുണ്ട്. കുട്ടികള്‍ക്ക് വേണ്ടി ഇറങ്ങിയ പല സിനിമകളും അവാര്‍ഡ് ലക്ഷ്യം വെച്ചോ അല്ലെങ്കില്‍ സമാന്തര സിനിമകളോ ആയിരുന്നു ഇതുവരെ. അല്ലെങ്കില്‍ വലിയവര്‍ അഭിനയിച്ച കുട്ടികളുടെ സിനിമ. ഇത് എല്ലാ മുന്‍ധാരണകളെയും ക്ലീഷേകളെയും പൊട്ടിച്ചെറിഞ്ഞ കുട്ടികള്‍ മാത്രമഭിനയിക്കുന്ന കുട്ടികള്‍ക്കും വലിയവര്‍ക്കുമുള്ള സിനിമയാണ്.

unnamed (1)

‘മഡ്മസ’ എന്താണ് ഈ പേരിന് പിന്നിലെ രഹസ്യം?

മഡ്മസ ചളിയിലെ പന്ത് കളി എന്നാണര്‍ത്ഥം. ഇത് കളിസ്ഥലങ്ങള്‍ നഷ്ടപ്പെട്ടവരുടെ വീണ്ടെടുപ്പിന്റെ കഥയാണ്. പുതിയ മേച്ചില്‍പ്പുറങ്ങള്‍ തേടിപ്പോകുന്ന ബാല്യത്തിന്റെ അതിജീവനത്തിന്റെ കഥ. പുതിയൊരു കളിയിലൂടെ ബാല്യത്തിന്റെ നിഷ്‌കളങ്കത തിരികെ കൊണ്ടു വരുന്ന കളി. അതാണ് മഡ്മസ. പേരിലെ പുതുമ സിനിമക്ക് ഗുണകരമാകുന്നു എന്നതാണ് ട്രെയ്‌ലര്‍ നല്‍കുന്ന സൂചനകള്‍. ചിരിയും കൗതുകവും കുസൃതിയും ഗൃഹാതുരത്വവും സമകാലികത്വവും നിറഞ്ഞതാണ് ഈ സിനിമ. സ്ഥിരമായി പന്തുകളിക്കുന്ന ചെമ്പരത്തി എന്ന കുട്ടിക്കൂട്ടങ്ങളുടെ കളി സ്ഥലം മുതിര്‍ന്ന കരുത്തരായ കുട്ടികള്‍ കയ്യേറുന്നതും തുടര്‍ന്ന് മറ്റൊരു വയല്‍ കളിസ്ഥലമാക്കുന്നതും തുടര്‍ന്ന് ചെളിയില്‍ പന്തുകളിക്കേണ്ടി വരികയും ചെയ്ത ചെമ്പരത്തി ക്ലബിലെ കുട്ടികള്‍ ചെളിക്കളിയിലൂടെ മുതിര്‍ന്നവരെ നേരിടുന്നതുമാണ് കഥാ തന്തു. കുട്ടികള്‍ ലോകത്തിലേക്കുള്ള കിളിവാതിലുകളാണെന്ന് സിനിമ പറഞ്ഞു വെക്കുന്നു. പ്രണയവും പ്രതികാരവും സ്‌പോര്‍ട്സ്സും ഒരു പോലെ കൈകാര്യം ചെയ്യുന്ന ഈ സിനിമ കുട്ടികള്‍ക്ക് മാത്രമുള്ള സിനിമയല്ല..

unnamed (3)

അഭിനേതാക്കള്‍ എല്ലാം പുതുമുഖങ്ങളാണോ ?

അതേ.. എല്ലാ കുട്ടികളും പുതുമുഖങ്ങളാണ്. പൊന്നാനിക്കാരനായ അനീഷിന്റെ (സംവിധായകന്റെ അടുത്ത ബന്ധു) മകന്‍ അഗ്‌നി തീര്‍ത്ഥ്, ചങ്ങരംകുളത്ത് നിന്ന് പ്രണവ്, എടപ്പാളില്‍ നിന്ന് ആദിത്, രാഹുല്‍, കാടാമ്പുഴയില്‍ നിന്ന് അഭിനന്ദ്, ഹൃദയ്, പാലക്കാട് നിന്ന് നിഥിന്‍ മോഹന്‍, കോഴിക്കോട് നിന്ന് ഹരി മാധവന്‍, അങ്കമാലിയില്‍ നിന്ന് ഗ്രേസ് മേരി, ചെമ്പ്രയില്‍ നിന്ന് നന്ദന, തൃശൂരില്‍ നിന്ന് ശ്രീലക്ഷ്മി.. ഇവരാണ് പ്രധാന അഭിനേതാക്കള്‍. എല്ലാവരും 12 വയസ്സുള്ളവര്‍. ഇവര്‍ക്ക് പുറമെ ഒറ്റപ്പാലത്ത് നിന്നും കുറച്ച് കുട്ടികളുണ്ട്. കഴിവുള്ള കുട്ടികളാണിവര്‍. ഈ സിനിമയുടെ വിജയം തന്നെ ഈ കുട്ടികളായിരിക്കും.

unnamed (2)

നിര്‍മ്മാണം സംവിധായകന്‍ തന്നെ ഏറ്റെടുക്കാന്‍ കാരണം ?

നവാഗതനായ ഒരു സംവിധായകന് നിര്‍മ്മാതാവിനെ കിട്ടുക എന്നത് ശ്രമകരമാണ്. വര്‍ഷങ്ങളുടെ കാത്തിരിപ്പാണ് എന്റെ സിനിമ. മറ്റൊരാള്‍ നിര്‍മ്മാതാവായി ഉണ്ടായിരുന്നു. സാങ്കേതിക തടസ്സങ്ങള്‍ മൂലം അത് സ്വയം ഏറ്റെടുക്കേണ്ടി വന്നു. പുതിയ സിനിമാ പ്രേമികള്‍ക്ക് ഞാനൊരു മാതൃകയാകുമെന്നാണ് എന്റെ വിശ്വാസം. കാരണം സിനിമ മോഹിച്ചവന്റെ ലക്ഷ്യം സിനിമ മാത്രമാണ്.

സര്‍ക്കാര്‍ തിയേറ്ററുകള്‍ മഡ്മസ യെപ്രദര്‍ശിപ്പിക്കാന്‍ തയാറാകുമോ ?

തീര്‍ച്ചയായും. അതിന്റെ ചര്‍ച്ചകള്‍ പൂര്‍ത്തിയായി. സര്‍ക്കാര്‍ തിയ്യേറ്ററുകള്‍ പ്രദര്‍ശിപ്പിക്കാമെന്ന് സമ്മതിച്ചിട്ടുണ്ട്. അത് തന്നെ വലിയ കാര്യമാണ്. തുടക്കക്കാര്‍ക്ക് സര്‍ക്കാര്‍ തിയേറ്ററുകള്‍ സിനിമ പ്രദര്‍ശിപ്പിക്കാന്‍ അവസരം നല്‍കുന്നു എന്നത് വലിയ കാര്യം തന്നെയാണ്.

എംടിയുടെയും കമലിന്റെയും കീഴില്‍ വര്‍ഷങ്ങളോളം അസോസിയേറ്റ് ചെയ്തിട്ടും ആദ്യ സിനിമയില്‍ വലിയ താരങ്ങള്‍ക്കിടം നല്‍കാതെ കുട്ടികളെ മാത്രം പങ്കെടുപ്പിച്ചത് എന്തു കൊണ്ടാണ് ?

exclusive-jayajn-rajഎന്റെ സ്വപ്നമാണ് എന്റെ സിനിമ. എന്റെ ജീവിതത്തിലെ നല്ല കാലം എന്റെ കുട്ടിക്കാലമാണ്. പൊന്നാനിയിലായിരുന്നു എന്റെ കുട്ടിക്കാലം എന്റെ അമ്മ വീട് പൊന്നാനിയിലാണ്. കുട്ടിക്കാലം സിനിമയാക്കാനാണ് ഞാന്‍ മോഹിച്ചത്. ഇതൊരു പരീക്ഷണമാണ്. വിജയിച്ചാല്‍ പലര്‍ക്കും മാതൃകയാകും. പുതിയ ആളുകള്‍ക്ക് ധൈര്യത്തോടെ സിനിമയെടക്കാം. വിട്ട് വീഴ്ചക്ക് വേണ്ടി ഒരു താരത്തെയും സിനിമയില്‍ ചേര്‍ത്തിട്ടില്ല. ടെക്‌നിക്കലായി ഒരു വിട്ട് വീഴ്ചയും ഉണ്ടായിട്ടില്ല. സംവിധായകന്‍ കമലിനൊടൊപ്പമുള്ള 8 കൊല്ലത്തെ അനുഭവങ്ങള്‍ മാത്രം മതി എന്റെ ശക്തി. എംടി വാസുദേവന്‍ നായരോടൊപ്പം അസിസ്റ്റന്റ് ഡയറക്ടറായി പ്രവര്‍ത്തിച്ചതിന്റെ കരുത്ത് എന്റെ സിനിമാ മോഹത്തിന് കരുത്ത് പകര്‍ന്നു. 1999ല്‍ മാക്ട സംഘടിപ്പിച്ച ചലചിത്ര കളരിയിലൂടെ സിനിമാ ലോകത്തെത്തിയത്. എംടി തിരക്കഥയെഴുതി സംവിധാനം ചെയ്ത ‘ഒരു ചെറുപുഞ്ചിരി’ എന്ന ചിത്രത്തിലൂടെ അസിസ്റ്റന്റ് ഡയറക്ടറായി അരങ്ങേറ്റം കുറിച്ചു. പിന്നീട് കമലിന്റെ കൂടെ നീണ്ട 8 വര്‍ഷക്കാലം അസിസ്റ്റന്റ് ഡയറക്ടര്‍. പെരുമഴക്കാലം മുതല്‍ സ്വപ്ന സഞ്ചാരി വരെ.. ഇനി പ്രേക്ഷകര്‍ തീരുമാനിക്കട്ടെ…

Emirates accident: Dr. Shaji and family remembers the day as re-birth
Posted by
11 August

എമിറേറ്റ്‌സ് അപകടം: പു:നര്‍ജന്മത്തിന്റെ നിര്‍വൃതിയില്‍ ഡോ. ഷാജിയും കുടുംബവും 'ആ ദിനം ഓര്‍ക്കുന്നു'

-ഈപ്പന്‍ തോമസ്, ദുബായ്

മാവേലിക്കര പല്ലാരിമംഗലം സ്വദേശിയായ ഡോ. ഷാജിയുടേയും കുടുംബത്തിന്റേയും ഉല്ലാസപ്രദമായ അവധിക്കാലത്തിനു ശേഷമുള്ള ദുബായിലേക്കുള്ള മടക്കയാത്രയാണ് ജീവിതത്തില്‍ ഒരിക്കലും മറക്കാത്ത യാത്രയായത്. ഷാജിയും കുടുബവും ആ ദിനമോര്‍ക്കുന്നു.

യാത്രകളെ ഏറെയിഷ്ടപ്പെടുന്ന ഡോ. ഷാജി ലോകത്തിലെ വിവിധ യാത്രകളുടെ അനുഭവപരിചയം വച്ച് ഇഷ്ട എയര്‍ലൈനായി എമിറേറ്റ്‌സ് തെരഞ്ഞെടുത്തത് ഒരത്ഭുതമല്ല. തിരുവനന്തപുരത്തു നിന്നും യാത്ര തുടര്‍ന്ന വിമാനം ദുബായുടെ മുകളിലെത്തി മുപ്പതു നിമിഷങ്ങള്‍ക്കുള്ളില്‍ ലാന്റിങ്ങ് നടത്തും എന്ന സന്ദേശം യാത്രക്കാര്‍ക്ക് പതിവുപോലെ നല്കി. ഇറങ്ങാനുള്ള എല്ലാ തയ്യാറെടുപ്പുകളും സാധാരണ പോലെ നടത്തുന്നതിനിടയിലാണ് ഭാര്യാ റീന ഏഴു മിനിറ്റ് എന്നുള്ള ഡിസ്‌പ്ലേ പെട്ടെന്നു നിശ്ചലമായതു ശ്രദ്ധിച്ചത്. എങ്കിലും അസ്വഭാവികമായൊന്നും തോന്നാഞ്ഞതു കാരണം പതിവുപോലെ തന്നെ സീറ്റില്‍ ഇരുന്നു.

 

പെട്ടെന്നാണ് വലിയ കുലുക്കത്തോടെ വിമാനം നിലത്തിറങ്ങിയത് ബോയിങ്ങ് 777 വിഭാഗത്തിലുള്ള വലിയ വിമാനമായതുകൊണ്ട് ഇടിച്ചിറങ്ങിയെന്ന കാര്യമൊന്നും യാത്രക്കാരറിഞ്ഞില്ല. വലതു വശത്ത് ചെറിയ പുക കണ്ട ഷാജി എന്തോ പന്തികേടുണ്ടെന്ന് മനസ്സിലാക്കി വേഗം ഇറങ്ങാനുള്ള തത്രപാടിലായി പൈലറ്റിന്റേയും വിമാന ജോലിക്കാരുടേയും ആത്മസംയമനവും കാര്യക്ഷമതയെയും പറ്റി എത്ര പറഞ്ഞിട്ടും ഷാജിക്ക് മതിയാവുന്നില്ല കാരണം യാത്രക്കാര്‍ക്കൊരു സൂചന പോലും നല്കാതെ വിദഗ്ദമായി വിമാനം ഇടിച്ചിറക്കുകയും അപകട സൂചന നല്കി യാത്രക്കാരെ പരിഭ്രാന്തരാക്കാതിരിക്കുകയും ചെയ്തതിലൂടെ തൊണ്ണൂറു സെക്കന്റിനുള്ളില്‍  എല്ലാവരെയും പുറത്തിറക്കി രക്ഷാപ്രവര്‍ത്തനം കാര്യക്ഷമമാക്കിയത് അവര്‍ തന്നെയാണ്.

 

 ഡോ. ഷാജിയും കുടുംബവും.(ഫോട്ടോ: ബിനു ബാലൻ)

ഡോ. ഷാജിയും കുടുംബവും.(ഫോട്ടോ: ബിനു ബാലൻ)

ലാപ്‌ടോപ് ട്രോളുകളുമായി ബന്ധപ്പെട്ടും ഡോ. ഷാജിയക്ക് ചിലത് പറയാനുണ്ട്. കാരണം യാതൊരു അപായസൂചനയുമില്ലാതെ ഇറങ്ങിയ വിമാനത്തില്‍ നിന്ന് എല്ലാവരും ഹാന്‍ഡ് ബാഗേജുമായാണ് പുറത്തിറങ്ങിയത് അവസാന നിമിഷത്തിലാണ് ഇത്ര ഭീകര അപടത്തില്‍ നിന്നാണ് ഞങ്ങള്‍ രക്ഷപെട്ടതെന്ന് മനസ്സിലായത് അല്ലെങ്കില്‍ ആരേലും നമ്മളുടെയും കൂടെയുള്ളവരുടേയും ജീവനില്‍ വലുതായി മറ്റെന്തെങ്കിലും കരുതുമോ?, അദ്ദേഹം ചോദിക്കുന്നു.

 

ഈ അപകടത്തിന്റെ പശ്ചാത്തലത്തില്‍ ഡോ. ഷാജിയ്ക്ക് യാത്ര ചെയ്യുന്നവരോടൊരു ഉപദേശമുണ്ട് നിങ്ങളുടെ പാസ്‌പോര്‍ട്ട്, വിലയേറിയ മറ്റു രേഖകള്‍, ബാങ്ക് കാര്‍ഡുകള്‍, ചെക്ക്‌ ബുക്കുകള്‍ മുതലായവ വളരെ ചെറിയ ബാഗിലാക്കി (വെള്ളം കയറാത്തതെങ്കില്‍ നല്ലത് )കൈയ്യില്‍ സൂക്ഷിക്കുക അടിയന്തിര സാഹചര്യങ്ങളില്‍ നിങ്ങള്‍ക്കത് ഉപകാരപ്രദമായേക്കാം. ദുബായ് എയര്‍പോര്‍ട്ടതോറിറ്റിയുടേയുംഎമിറേറ്റസിന്റേറയും പരിചരണത്തെ അദ്ദേഹം വളരെ വിലമതിക്കുന്നു.

 

ഡോ. ഷാജിയും സംഘവും സുരക്ഷാ ഉദ്യോഗസ്ഥന്‍ ജാസിം അല്‍ ബലൂഷിയുടെ ഭവനം സന്ദര്‍ശിച്ചപ്പോള്‍  (ഫോട്ടോ: ബിനു ബാലൻ)

ഡോ. ഷാജിയും സംഘവും സുരക്ഷാ ഉദ്യോഗസ്ഥന്‍ ജാസിം അല്‍ ബലൂഷിയുടെ ഭവനം സന്ദര്‍ശിച്ചപ്പോള്‍

 

അദ്ദേഹത്തിന്റെ വലിയ വിഷമങ്ങളിലൊന്ന് തങ്ങളുള്‍പ്പെട്ട അവസാന യാത്രക്കാരെ വരെ രക്ഷപ്പെടുത്തി മരണം വരിച്ച സുരക്ഷാ ഉദ്യോഗസ്ഥന്‍ ജാസിം അല്‍ ബലൂഷിയുടെ വിയോഗമാണ്. അദ്ദേഹത്തിന്റെ വസതിയിലെത്തി കുടുംബാഗങ്ങളെ ഷാജിയും മറ്റു യാത്രക്കാരും ചേര്‍ന്ന് സന്ദര്‍ശിച്ച് അശോചനമറിയിക്കകയും ചെയ്തു. അദ്ദേഹത്തോടൊപ്പം ഭാര്യ റീന ഷാജി (കറ്റാനം സ്വദേശിനി )മക്കളായ ഷെറിന്‍, ശ്രേയ, ശ്രദ്ധ എന്നിവരുമുണ്ടായിരുന്നു. It’s a miracle  തിരിഞ്ഞു നോക്കുമ്പോള്‍ ഷാജിക്കും കുടുബത്തിനും പറയാനതു മാത്രം.

exclusive interview with kismath director shanavas bavakkutty
Posted by
26 July

ഒരു പാട് ജിവിതങ്ങള്‍ക്ക് ഒപ്പം മതവും ജാതിയുമില്ലാത്ത പ്രണയവും

 

സംവിധായകന്‍ ഷാനവാസ് ബാവക്കുട്ടി കിസ്മത്തിന്റെ വിശേഷങ്ങള്‍ പങ്കുവെക്കുന്നു

 

-ഫഖ്‌റുദ്ധീന്‍ പന്താവൂര്‍

 

റിയലിസ്റ്റിക്ക് സിനിമാ അനുഭവങ്ങളിലേക്ക് മറ്റൊരു സിനിമ കൂടി കടന്ന് വരുന്നു. നവാഗതനായ ഷാനവാസ് ബാവക്കുട്ടിയുടെ കിസ്മത്ത്. സിനിമയുടെ രാഷ്ട്രിയത്തെക്കുറിച്ചും കിസ്മത്തിനെക്കുറിച്ചും സംവിധായകന്‍ ഷാനവാസുമായി ഫഖ്‌റുദ്ധീന്‍ പന്താവൂര്‍ നടത്തിയ അഭിമുഖത്തില്‍ നിന്ന് ..

കിസ്മത്ത് മുന്നോട്ട് വെക്കുന്നത് പ്രണയമാണോ ?

ഇതൊരു പ്രണയത്തിനുവേണ്ടിയുള്ള പ്രണയ സമിനിമയല്ല. ഇതില്‍ ഒരു പാട് ജിവിതങ്ങള്‍ പറയുന്നുണ്ട് .. കൂട്ടത്തില്‍ പ്രണയവും. മതവും ജാതിയുമില്ലാത്ത പ്രണയം.

 

Untitled-1

 

 

ഇടതുപക്ഷ പ്രവര്‍ത്തകനായ താങ്കളുടെ സിനിമയിലെ രാഷ്ട്രിയം ?

എന്റെ സിനിമയില്‍ രാഷ്ട്രിയമുണ്ട് .ഇടതുപക്ഷത്തിന്റെ രാഷ്ട്രിയം. അന്നയും റസൂലിനും ശേഷം റിയലിസ്റ്റാക്കിയൊരു പ്രണയ സിനിമയാണിത് . വളരെ മികച്ച രീതിയില്‍ തന്നെ ഇതില്‍ പുതുപുത്തന്‍ കാലത്തെ രാഷ്ട്രിയം പറയുന്നുമുണ്ട് .

എന്ത് കൊണ്ടാണ് പൊന്നാനിയെ തിരഞ്ഞെടുത്തത് ?

ഞാന്‍ കൂടുതല്‍ അസോസിയേറ്റ് ചെയ്തത് പൊന്നാനിയോടാണ്. അത് കൊണ്ട് തന്നെ എന്റെ എല്ലാം പൊന്നാനിയാണ് .2011 ല്‍ നടന്ന യഥാര്‍ത്ഥ പ്രണയമാണ് ചിത്രത്തിനാധാരം. മുസ്ലിംകള്‍ക്കിടയിലുള്ള അമര്‍ത്തിവെച്ച ജാതിബോധത്തെ നോവിക്കുന്നതിനാല്‍ യാഥാസ്ഥികത്വത്തിന്റെ എതിര്‍പ്പ് പ്രശ്‌നമാക്കുന്നില്ല. ജാതിയും മതവും അലങ്കാരങ്ങള്‍ മാത്രമാണെന്ന് സിനിമ പറഞ്ഞ് വെക്കുന്നു .

ഇതിലെ വില്ലനും നായകനും നായികയും എല്ലാം പൊന്നാനിയുടെതാണ് .അത് കൊണ്ട് തന്നെ ഇതൊരു പൊന്നാനി സിനിമയാണ് .
ഒരു ഗാനരംഗമൊഴിച്ച് മറ്റെല്ലാം പൊന്നാനിയില്‍ തന്നെയാണ് ചിത്രീകരിച്ചിട്ടുള്ളത് . പൊന്നാനിയുടെ സവിശേഷമായ അലങ്കാരങ്ങളെയെല്ലാം നിങ്ങള്‍ക്ക് കിസ്മത്തില്‍ കാണാം .

 

kismathtttt

 

സിനിമയുടെ സ്വീകാര്യതയെക്കുറിച്ചുള്ള പ്രതീക്ഷകള്‍ എങ്ങനെയാണ് ?

സ്‌ക്രിപ്പ്റ്റ് മുഴുവന്‍ വായിച്ചാണ് രാജീവ് രവി നിര്‍മ്മാണത്തില്‍ സഹകരിച്ചത് .കച്ചവട സിനിമയെ പരിഗണിക്കാത്ത ആ ധൈര്യം തന്നെയാണ് എന്റെ കൈമുതല്‍. വിതരണം ഏറ്റെടുത്ത ലാല്‍ജോസ് ഇറക്കിയ പണം തിരിച്ച് പിടിക്കാന്‍ ശ്രമിക്കുന്ന ആളാണ് .ഏതുതരം പ്രേക്ഷകരെയും തൃപ്തിപ്പെടുത്താവുന്ന സിനിമയാണ് കിസ്മത്തെന്ന് ഉറപ്പിച്ച് പറയാനാകും .കേരളത്തിലെ 50 തിയ്യറ്ററുകളിലാണ് സിനിമയുടെ റിലീസ് . മികച്ച തിയ്യേറ്ററുകള്‍ തന്നെയാണ് ലഭിച്ചിട്ടുള്ളതും .

 

kismu

 

 

കിസ്മത്ത് ഒരു യഥാര്‍ത്ഥ പ്രണയകഥയെന്ന് നിങ്ങള്‍ പറയുന്നു. മറ്റൊരു കാഞ്ചനമാലയാകുമോ ?

കാഞ്ചനമാലയേക്കാളും ജിവിതം കൊണ്ട് ദുരിതമനുഭവിച്ച ഇന്നത്തെ കാലത്തിന്റെ പ്രതിരൂപമാണ് ഇതിലെ നായിക. അവര്‍ക്ക് പുറം ലോകത്തോട് സംസാരിക്കാനോ സംവധിക്കാനോ താല്‍പര്യമില്ല. അത് കൊണ്ട് ഞാനത് വെളിപ്പെടുത്തുന്നില്ല. പ്രതാപവും പണവും ജാതിയും മൂടിവെച്ച ഒരു പ്രണയദുരന്തം … സിനിമക്ക് വേണ്ടി യഥാര്‍ത്ഥ കഥയില്‍ നിന്നും ചില മാറ്റങ്ങള്‍ വരുത്തിയിട്ടുണ്ട്. സ്ത്രീപക്ഷ സിനിമയാണ് കിസ്മത്ത്. എന്തുകൊണ്ടാണ് ബോംബെക്കാരിയായ ഒരു മോഡല്‍ ശ്രുതിയെ നായികയാക്കിയതെന്ന് സിനിമ കണ്ടാല്‍ നിങ്ങള്‍ക്ക് ബോധ്യപ്പെടും .

 

 

കിസ്മത്തില്‍ നായകനായി എത്തുന്നത് മിമിക്രി കലാകാരന്‍ അബിയുടെ മകന്‍ ഷെയ്ന്‍ നിഗമാണ്. കാക്കനാട്ടുള്ള രാജഗിരി എന്‍ജിനിയറിംഗ് കോളജില്‍ നാലാം വര്‍ഷ ബിടെക് വിദ്യാര്‍ത്ഥിയായ ഷെയ്ന്‍ ആദ്യമായാണ് നായകവേഷത്തില്‍ അഭിനയിക്കുന്നത്. ശ്രുതിയാണ് ഷെയ്‌ന്റെ നായിക. രാജീവ് രവി നിര്‍മ്മിക്കുന്ന ഈ ചിത്രം വിതരണത്തിന് എത്തിക്കുന്നത് ലാല്‍ ജോസാണ്.

വിനയ് ഫോര്‍ട്ട് സബ് ഇന്‍സ്‌പെക്ടര്‍ അജയ് സി മേനോന്‍ എന്ന ശക്തമായ കഥാപാത്രത്തെ അവതരിപ്പിക്കുന്നു. പി ബാലചന്ദ്രന്‍, സുനില്‍ സുഗദ, അലന്‍സിയര്‍, ജയപ്രകാശ് കുളൂര്‍, സജിത മഠത്തില്‍ എന്നിവരും പ്രധാന വേഷങ്ങളിലുണ്ട്. കേരളാ കഫേയില്‍ അന്‍വര്‍ റഷീദ് ചിത്രമായ ബ്രിഡ്ജിന് ഛായാഗ്രഹണം നിര്‍വഹിച്ച സുരേഷ് രാജാണ് ക്യാമറ. അന്‍വര്‍ അലി, റഫീഖ് അഹമ്മദ്, മഹാകവി മോയിന്‍കുട്ടി വൈദ്യര്‍ എന്നിവരുടെ വരികള്‍ക്ക് നവാഗതരായ സുമേഷ് പരമേശ്വരനും ഷമേജ് ശ്രീധരനും സംഗീതം നല്‍കുന്നു.

Posted by
28 February

ആത്മീയജീവിതത്തിലും ഭൂമിയുടെ അവകാശികള്‍ക്ക് കൂടൊരുക്കി സ്വാമി ആദിത്യസ്വരൂപാനന്ദ

ആത്മീയതയെ വില്‍പ്പനച്ചരക്കാക്കി മാറ്റുന്ന ആധുനിക കാലത്ത് വേറിട്ട വഴികളിലൂടെ സഞ്ചരിച്ച് സമൂഹത്തില്‍ നന്മയുടെ നാട്ടുവെളിച്ചം പകരുന്ന സ്വാമി ആദിത്യസ്വരൂപാനന്ദ. ബേപ്പൂര്‍ സുല്‍ത്താന്‍ വൈക്കം മുഹമ്മദ് ബഷീര്‍ എഴുതിയതിനെ അന്വര്‍ത്ഥമാക്കുകയാണ് സ്വാമി തന്റെ ജീവിതത്തിലൂടെ. ഭൂമിയുടെ അവകാശികളായ പക്ഷി-മൃഗാദികള്‍ക്ക് കൂടൊരുക്കിയാണ് സ്വാമിയുടെ ആത്മീയജീവിതം.

ഞാന്‍ പൂങ്കുന്നം രാമകൃഷ്ണ മിഷന്റെ വിവേകാനന്ദ വിജ്ഞാന ഭവന്‍ എന്ന ആശ്രമത്തില്‍ പോകുമായിരുന്നു. അങ്ങനെ ഈ സന്യാസിമാരുമായിട്ടുള്ള ആ ബന്ധമാണ് സന്യാസത്തിലേക്ക് തിരിച്ചുവിട്ടത്.
എനിക്ക് സന്യാസം തന്നിട്ടുള്ളത് ആത്മസ്വരൂപാനന്ദ സ്വാമിയാണ്. അപ്പോള്‍ സ്വാമിജി ആയിട്ടുള്ള കൂടുതല്‍ അടുപ്പം എന്നെ മറ്റു ജീവിതത്തില്‍ നിന്നും സന്യാസത്തിലേക്ക് നയിച്ചു എന്ന് വേണമെങ്കില്‍ പറയാം. ഞാന്‍ പത്രപ്രവര്‍ത്തനവും മറ്റു പല വിധത്തിലുള്ള ബിസ്സിനസ്സുകള്‍ ഒക്കെ ചെയ്തിരുന്നെങ്കിലും സന്യാസം അതില്‍ നിന്നുമൊക്കെ ഉയര്‍ന്ന തലമാണെന്ന് മനസിലാക്കിയതിന്റെ പേരില്‍ സന്യാസം സ്വീകരിക്കുകയാണ് ഉണ്ടായത്. പിന്നെ നാഗോപസനയായി ബന്ധപ്പെട്ട് നാഗങ്ങളെ കൊല്ലുന്നത് അത് പാപമാണ് എന്നുള്ള അറിവ് നാഗങ്ങളെ രക്ഷിക്കാനുള്ള പ്രവണതയിലേക്ക് എന്റെ മനസ്മാറുകയായിരുന്നു.

അങ്ങനെ ആശ്രമത്തില്‍ ഇരിക്കുന്ന ഒരു ദിവസം ഒരു വീടിനുള്ളില്‍ പമ്പ് കയറി എന്ന് പറഞ്ഞപ്പോള്‍ ഞാനാദ്യമായി പാമ്പിനെ കാണാന്‍ പോയതാണ് വലിയ മൂര്‍ഖന്‍ ആണെന്നൊക്കെ പറഞ്ഞപോള്‍ കാണാന്‍ പോയി, അവിടെ എല്ലാരും അതിനെ കൊള്ളാന്‍ വേണ്ടി വടിയെടുത്തു നില്കുകയാണ്, അപ്പോള്‍ അതിനെ രക്ഷികണമെന്ന് എനിക്കും എന്റെ കുട്ടികള്‍ക്കും തോന്നി. അങ്ങനെ ഞങ്ങള്‍ ആദ്യമായിട്ടൊരു പാമ്പിനെ പിടിച്ചു അതിനെ പാടത്ത് കൊണ്ട് വിട്ടു രക്ഷപ്പെടുത്തി. അതിനുശേഷം അന്ന് ഒരുപാട് ആളുകള്‍ ഇത് കണ്ടിട്ട് പലരും പാമ്പിനെ കണ്ടു കഴിഞ്ഞാല്‍ എന്നെ വിളിക്കാന്‍ തുടങ്ങി. ഫോറസ്റ്റുക്കാരും നമ്മളെ അതിനുവേണ്ടി വിളിച്ചു തുടങ്ങി. ഞങ്ങള്‍ ഒരു ഗ്രൂപ്പ് തുടങ്ങി pets and wildlife protection force എന്ന ഒരു സംഘടനയ്കു രൂപം നല്‍കി. ഈ പ്രകൃതിയിലെ എല്ലാ ജീവജാലങ്ങള്‍ക്കും നമ്മളെ പോലെ തന്നെ ജീവിക്കാനുള്ള ഒരു അവകാശം. അപ്പോള്‍ ആരും ആരെയും കൊല്ലരുത് എന്നുള്ള ഒരു മാനസിക നിലയാണ് ഈ പ്രവര്‍ത്തനത്തിലേക്ക് കൂടുതല്‍ വഴിതിരിയാനുള്ള കാരണം.

പിന്നെ വന്യ ജീവികളായ മുള്ളന്‍ പന്നി മരപ്പട്ടി തുടങ്ങിയവയൊക്കെ എരുമപ്പെട്ടി ഭാഗത്തൊക്കെ കിണറ്റില്‍ വീഴുകയും അതിനെ പിടിക്കാന്‍ അറിയതെയൊക്കെ നമ്മളൊക്കെ പോയി പിടിച്ചു കൊടുത്തിട്ടുണ്ട്. ഇത്തരം പ്രകൃതി ജീവികളെ സംരക്ഷിക്കാനും അവരെ അപകടാവസ്ഥയില്‍ നിന്നും രക്ഷപെടുത്താനുമുള്ള ഒരു പ്രവര്‍ത്തനം pets and wildlife protection force എന്ന സംഘടന വഴി ചെയ്യാറുണ്ട്. കല്യനസ്വാമിയുടെ വീട്ടില്‍ നിന്നും ഒരുപാടു തവണ പാമ്പിനെ പിടിക്കുകയും അദ്ദേഹം ഒരു omni ambulance തരുകയും ചെയ്തു. ഇപ്പോള്‍ അതിലൂടെ ഒരു സ്ഥലത്തേക്ക് വേഗം ഏത്താനൊക്കെ സഹായിക്കുന്നുണ്ട്. ഏതു വിധത്തിലാണെങ്കിലും നമ്മള്‍ ഉദ്ദേശിക്കുന്ന ഒരു കര്‍മ്മം അതായതു പാമ്പിനെ കൊല്ലാതെ രക്ഷപ്പെടുത്തുക എന്നൊരു കര്‍മം ഇപ്പോള്‍ ചേരയെ കൊല്ലാന്‍ പാടില്ല മൂര്‍ഖനെ കൊല്ലാന്‍ പാടില്ല അതുപോലെ തന്നെ മലമ്പാമ്പിനെ കൊല്ലാന്‍ പാടില്ല, ഇതൊക്കെ പ്രത്യേക schedule -ല്‍ പ്പെട്ടിരിക്കുന്നതുകൊണ്ട് ഫോറസ്റ്റ് നിയമ പ്രകാരം ശിക്ഷാര്‍ഹമാണ്. ഇതിനെ കുറിച്ചൊന്നും ആള്‍കാര്‍ക്ക് ധാരണയില്ല അവര്‍ പാമ്പിനെ കൊല്ലാറുണ്ട് കത്തിച്ചു കളയാറുണ്ട് ഒക്കെ ചെയ്യാറുണ്ട്. അപ്പോള്‍ അതിനൊക്കെ എതിരെ ഒരു ബോധവല്‍കരണം എന്നാ നിലയിലാണ് ഞാന്‍ ഈ ഇന്‍ഫര്‍മേഷന്‍ ജനങ്ങള്‍ക്ക് തരുന്നത്. എന്തായാലും പാമ്പിനെ കൊല്ലേണ്ട കാര്യമില്ല അത് ഒരിക്കലും അത് ഓടി വന്നു കടിക്കില്ല. പക്ഷെ പാമ്പിരിക്കുന്ന സ്ഥലത്തേക്ക് നമ്മള്‍ അറിയാതെ പോകുമ്പോള്‍ അതിനെ ഉപദ്രവിക്കാന്‍ വരുകയാണെന്ന് കരുതിയാണ് നമ്മളെ അത് കൊത്തുക. അപ്പോള്‍ ആരും അതിനെ കൊല്ലരുത് പാമ്പിനെ കണ്ടുകഴിഞ്ഞാല്‍ അതിനെ ആട്ടി ഓടിക്കുക അല്ലെങ്കില്‍ ഞങ്ങളെ അറിയിക്കുക. ഞങ്ങള്‍ വന്ന് അതിനെ പിടിച്ചു കാട്ടില്‍ കൊണ്ട് വിടും.