രാജ്യത്തെ ഒറ്റയടിയ്ക്ക് അവസാനിപ്പിക്കാന്‍ നീരവ് മോദിയെ ആര്‍ബിഐ ഗവര്‍ണറാക്കാമായിരുന്നു, നരേന്ദ്ര മോഡിയെ പരിഹസിച്ച് ശിവസേന
Posted by
18 February

രാജ്യത്തെ ഒറ്റയടിയ്ക്ക് അവസാനിപ്പിക്കാന്‍ നീരവ് മോദിയെ ആര്‍ബിഐ ഗവര്‍ണറാക്കാമായിരുന്നു, നരേന്ദ്ര മോഡിയെ പരിഹസിച്ച് ശിവസേന

മുംബൈ: രാജ്യത്തെ പെട്ടന്ന് അവസാനിപ്പിക്കാന്‍ നീരവ് മോദിയെ റിസര്‍വ് ബാങ്കിന്റെ ഗവര്‍ണറായി നിയമിക്കാമായിരുന്നില്ലെയെന്ന് കേന്ദ്ര സര്‍ക്കാരിനോട് സഖ്യകക്ഷി കൂടിയായ ശിവസേന. പഞ്ചാബ് നാഷണല്‍ ബാങ്കില്‍ നിന്ന് കോടികള്‍ തട്ടിയെടുത്ത ശേഷം രത്ന വ്യാപാരി നീരവ് മോദിയും കുടുംബവും കഴിഞ്ഞ മാസം രാജ്യം വിട്ടതിനെ തുടര്‍ന്നാണ് ശിവസേനയുടെ പരിഹാസം. കഴിഞ്ഞ മാസം ദാവോസില്‍ നടന്ന ഉച്ചക്കോടിയില്‍ പ്രധാനമന്ത്രിക്കൊപ്പം നീരവ് മോദി പോസ് ചെയ്ത ഫോട്ടോയുള്‍പ്പെടെ ശിവസേനയുടെ മുഖപത്രമായ സാംനയില്‍ നല്‍കിയ മുഖപ്രസംഗത്തിലാണ് പരിഹാസം.

നീരവ് മോദി ബിജെപിയുമായി അടുത്തബന്ധം പുലര്‍ത്തുന്ന വ്യക്തിയാണ്. അതിന് പുറമെ കഴിഞ്ഞ തിരഞ്ഞെടുപ്പ് കാലത്ത് പാര്‍ട്ടിക്ക് ഫണ്ട് പിരിക്കാന്‍ മുന്നിട്ടിറങ്ങിയതില്‍ പ്രധാനിയാണ് നീരവെന്നും ശിവസേന ആരോപിക്കുന്നു. ബിജെപി നേതാക്കളുടെ ഒത്താശയോടെയാണ് പിഎന്‍ബി കൊള്ള നടന്നതെന്ന് പറയുന്നില്ല. എന്നാല്‍, ഈ കൊള്ളയുടെ വിഹിതം ബിജെപിയില്‍ എത്തിയിട്ടുണ്ടെന്ന് ശിവസേന പറഞ്ഞു. ബിജെപിയുടെ സാമ്പത്തിക അഭിവൃദ്ധിക്കുവേണ്ടി ഏറ്റവും കൂടുതല്‍ അധ്വാനിച്ചിട്ടുള്ള വ്യക്തിയാണ് നീരവ് മോദിയെന്നും ശിവസേന കുറ്റപ്പെടുത്തി.

ദാവോസില്‍ നടന്ന ഉച്ചക്കോടിയില്‍ പ്രധാനമന്ത്രിക്കും മറ്റ് പ്രമുഖര്‍ക്കുമൊപ്പം നീരവ് മോദി എങ്ങനെ കയറിപ്പറ്റിയെന്ന് ബിജെപി വ്യക്തമാക്കണം. എല്ലാ വിവരങ്ങളും ആധാറുമായി ബന്ധിപ്പിക്കണമെന്ന് പറയുന്ന ബിജെപി നീരവിന്റെ ആധാര്‍ ബാങ്ക് അക്കൗണ്ടുമായി ബന്ധിപ്പിച്ചിട്ടുണ്ടോയെന്നും വെളിപ്പെടുത്തണമെന്ന് ശിവസേന ആവശ്യപ്പെട്ടു. സാധാരണ ആളുകള്‍ക്ക് ചികിത്സ കിട്ടണമെങ്കില്‍ പോലും ആധാര്‍ ആവശ്യപ്പെടുന്ന രാജ്യത്ത് നീരവ് മോദിയെ പോലെയുള്ളവര്‍ ആധാര്‍ പോലുമില്ലാതെ കോടികള്‍ തട്ടിക്കൊണ്ടു പോകുന്നത് വിരോധാഭാസമാണെന്നും എഡിറ്റോറിയലില്‍ പറയുന്നു.

ഭാര്യയ്ക്കും രണ്ട് പെണ്‍മക്കള്‍ക്കും വിഷം നല്‍കി കൊലപ്പെടുത്തി, വ്യവസായി തൂങ്ങിമരിച്ചു; കാരണം ഞെട്ടിക്കുന്നത്
Posted by
18 February

ഭാര്യയ്ക്കും രണ്ട് പെണ്‍മക്കള്‍ക്കും വിഷം നല്‍കി കൊലപ്പെടുത്തി, വ്യവസായി തൂങ്ങിമരിച്ചു; കാരണം ഞെട്ടിക്കുന്നത്

പൂനെ: ഭാര്യയ്ക്കും രണ്ട് പെണ്‍മക്കള്‍ക്കും വിഷം നല്‍കി കൊലപ്പെടുത്തിയ ശേഷം വ്യവസായി തൂങ്ങിമരിച്ചു. ബിസിനസിലെ സാമ്പത്തിക നഷ്ടമാണ് കാരണമെന്ന് ആത്മഹത്യ കുറിപ്പില്‍ പറയുന്നു. പൂനെയിലാണ് സംഭവം. 38കാരനായ വ്യവസായിയുടെ മൃതദേഹം അപ്പാര്‍ട്ട്മെന്റില്‍ തൂങ്ങിയ നിലയിലും ഭാര്യയും മക്കളും കിടക്കയില്‍ മരിച്ചനിലയിലുമായിരുന്നു. ഇവരെ കൊലപ്പെടുത്തിയ ശേഷം ഗൃഹനാഥന്‍ ജീവനൊടുക്കിയതാണെന്ന് കരുതുന്നു.

നീലേഷ് ചൗധരി (38), ഭാര്യ നീലം (33), മക്കളായ ശ്രാവണി (9), ശ്രേയ (7) എന്നിവാര് മരിച്ചത്. പ്ലാസ്റ്റിക് റീമോള്‍ഡിംഗ് ബിസിനസായിരുന്നു നീലേഷിന്. ബിസിനസിലെ സാമ്പത്തിക പ്രതിസന്ധിയാണ് കൂട്ടക്കുരുതിയിലേക്ക് നയിച്ചതെന്ന് കരുതുന്നു. ഇയാള്‍ തന്നെ എഴുതിയതെന്ന് കരുതുന്ന ആത്മഹത്യാക്കുറിപ്പിലാണ് ഇക്കാര്യം പറയുന്നത്.

വെള്ളിയാഴ്ച രാത്രിയാണ് മൃതദേഹങ്ങള്‍ കണ്ടെത്തിയതെന്ന് ഉത്തംനഗര്‍ പോലീസ് ഇന്‍സ്പെക്ടര്‍ ഹേമന്ദ് ഭട്ട് പറഞ്ഞു. ഇവരെ പുറത്തുകാണാതെ വന്നതോടെ അയല്‍വാസി അയിച്ചതിനെ തുടര്‍ന്നാണ് പോലീസ് അപ്പാര്‍ട്ട്മെന്റില്‍ പരിശോധനയ്ക്കെത്തിയത്. വിഷം ഉള്ളില്‍ ചെന്നാണ് ഭാര്യയും മക്കളും മരിച്ചതെന്നാണ് പ്രാഥമിക സൂചനയെങ്കിലും പോസ്റ്റ്മോര്‍ട്ടം റിപ്പോര്‍ട്ട് ലഭിച്ചാലേ യഥാര്‍ത്ഥ മരണകാരണം വ്യക്തമാകൂവെന്നും പോലീസ് പറയുന്നു.

ശിവരാത്രി ദിവസത്തില്‍ ക്ഷേത്രത്തില്‍ പൂജയ്ക്ക് വെച്ച സാമഗ്രികള്‍ ലേലത്തിന്; ഒരു ചെറുനാരങ്ങ വിറ്റത് 7,600 രൂപയ്ക്ക്
Posted by
18 February

ശിവരാത്രി ദിവസത്തില്‍ ക്ഷേത്രത്തില്‍ പൂജയ്ക്ക് വെച്ച സാമഗ്രികള്‍ ലേലത്തിന്; ഒരു ചെറുനാരങ്ങ വിറ്റത് 7,600 രൂപയ്ക്ക്

ഇറോട്: തമിഴ്നാട്ടിലെ ഇറോഡില്‍ ശിവരാത്രി ഉത്സവത്തിന്റെ ഭാഗമായി ക്ഷേത്രത്തില്‍ പൂജയ്ക്ക് വെച്ച സാമഗ്രികള്‍ ലേലത്തിന്. ഉപയോഗിച്ച കൂട്ടത്തിലെ ഒരു ചെറുനാരങ്ങ ലേലത്തില്‍ പോയത് 7,600 രൂപയ്ക്ക്. പഴത്തിനി കറുപ്പണ്ണന്‍ ക്ഷേത്രത്തില്‍ നടന്ന പൂജയില്‍ ഉപയോഗിച്ച നാരങ്ങയാണ് ഇത്രയും വിലക്ക് ലേലം ചെയ്തത്.

പൂജക്ക് ഉപയോഗിക്കുന്ന എല്ലാ സാധനങ്ങളും ലേലത്തില്‍ വില്‍ക്കുകയാണ് ഈ അമ്പലത്തില്‍ പതിവ്. ഇതില്‍ നിന്ന് ലഭിക്കുന്ന തുക ക്ഷേത്ര നടത്തിപ്പിനായാണ് ഉപയോഗിക്കുന്നത്. തേങ്ങ, പഴങ്ങള്‍, വെള്ളി പാത്രങ്ങള്‍ എന്നിവയെല്ലാം ലേലം ചെയ്യതതില്‍ ഉള്‍പ്പെടുന്നു. ഒളപ്പാളയം ഗ്രാമത്തില്‍ ഷണ്‍മുഖമാണ് നാരങ്ങ ലേലത്തില്‍ വാങ്ങിയത്.

അച്ഛന്റെ പദവി കൈമുതലാക്കി മകന്റെ അഴിഞ്ഞാട്ടം; കോണ്‍ഗ്രസ് എംഎല്‍എയുടെ മകന്റെ മര്‍ദ്ദനത്തില്‍ പരിക്കേറ്റ യുവാവിന്റെ നില ഗുരുതരം
Posted by
18 February

അച്ഛന്റെ പദവി കൈമുതലാക്കി മകന്റെ അഴിഞ്ഞാട്ടം; കോണ്‍ഗ്രസ് എംഎല്‍എയുടെ മകന്റെ മര്‍ദ്ദനത്തില്‍ പരിക്കേറ്റ യുവാവിന്റെ നില ഗുരുതരം

ബംഗളൂരു: കോണ്‍ഗ്രസ് എംഎല്‍എയുടെ മകന്റെ മര്‍ദ്ദനത്തില്‍ പരിക്കേറ്റ യുവാവിന്റെ നില അതീവഗുരുതരം. ബംഗളൂരുവിലെ ആഡംബര ഹോട്ടലില്‍വെച്ചാണ് എംഎല്‍എയുടെ മകന്‍ യുവാവിനെ ക്രൂരമായി മര്‍ദ്ദിച്ചത്. കോണ്‍ഗ്രസ് എംഎല്‍എഎന്‍എ ഹാരിസിന്റെ മകന്‍ മുഹമ്മദ് നാലപ്പാടാണ് യുവാവിനെ മര്‍ദ്ദിച്ചത്. ബംഗളൂരുവിലെ ഡോളര്‍ കോളനിയില്‍ താമസിക്കുന്ന വിദ്വത് എന്ന യുവാവ് ആണ് ആക്രമണത്തിനിരയായത്.

ബംഗളൂരു യുബി സിറ്റിയിലെ ഹോട്ടലിലാണ് സംഭവം. എംഎല്‍എ പുത്രനും പത്തോളം സുഹൃത്തുക്കളും ചേര്‍ന്നാണ് മര്‍ദ്ദിച്ചത്. കാലില്‍ പ്ലാസ്റ്റര്‍ ഇട്ടിരുന്നതിനാല്‍ വിദ്വതിന് കസേരയില്‍ നേരെ ഇരിക്കാന്‍ സാധിച്ചിരുന്നില്ല. എന്നാല്‍ എംഎല്‍എയുടെ മകന്‍ എത്തി കസേര നേരെയിടാന്‍ പറഞ്ഞതിനെ തുടര്‍ന്നുണ്ടായ തര്‍ക്കമാണ് കൈയാങ്കളിയില്‍ കലാശിച്ചത്.

മര്‍ദ്ദനത്തില്‍ ഗുരുതരമായി പരിക്കേറ്റ് ആശുപത്രിയിലേക്ക് മാറ്റിയ വിദ്വതിനെ ആശുപത്രിയില്‍ എത്തിയും മുഹമ്മദും സുഹൃത്തുക്കളും മര്‍ദ്ദിക്കുകയായിരുന്നു.ഇത് തടയാന്‍ ശ്രമിച്ച വിദ്വതിന്റെ സഹോദരനെയും സംഘം മര്‍ദ്ദിച്ചു. സംഭവം വിവാദമായതോടെ പോലീസ് മുഹമ്മദ് നാലപ്പാട്ടിനും സുഹൃത്തുക്കളായ പത്തുപേര്‍ക്കുമെതിരേ കേസ് രജിസ്റ്റര്‍ ചെയ്തു.

ആശുപത്രിയില്‍ ചികിത്സയില്‍ കഴിയുന്ന വിദ്വതിനെ എംഎല്‍എ ഹാരിസ്. സന്ദര്‍ശിച്ചു. എന്നാല്‍, കേസ് പിന്‍വലിക്കാന്‍ സമ്മര്‍ദ്ദം ചെലുത്താനാണ് എംഎല്‍എ ആശുപത്രിയില്‍ എത്തിയതെന്ന് പ്രതിപക്ഷ പാര്‍ട്ടികളായ ബിജെപിയും ജെഡി-എസും ആരോപിച്ചു. കൂടാതെ ഹാരിസിനെ പുറത്താക്കാന്‍ കോണ്‍ഗ്രസ് തയാറാവണമെന്നും പ്രതിപക്ഷം ആവശ്യപ്പെട്ടു.

ബിജെപിയ്ക്ക് വോട്ട് ചെയ്യണം, ഇല്ലെങ്കില്‍ കുടിവെള്ളം മുട്ടിക്കും; വോട്ടര്‍മാരെ ഭീഷണിപ്പെടുത്തി മധ്യപ്രദേശ് മന്ത്രി
Posted by
18 February

ബിജെപിയ്ക്ക് വോട്ട് ചെയ്യണം, ഇല്ലെങ്കില്‍ കുടിവെള്ളം മുട്ടിക്കും; വോട്ടര്‍മാരെ ഭീഷണിപ്പെടുത്തി മധ്യപ്രദേശ് മന്ത്രി

ഭോപാല്‍: ബിജെപിക്ക് വോട്ടു ചെയ്തില്ലെങ്കില്‍ കുടിവെള്ളം മുട്ടിക്കുമെന്ന് വോട്ടര്‍മാരെ ഭീഷണിപ്പെടുത്തി മധ്യപ്രദേശ് വാണിജ്യവകുപ്പ് മന്ത്രി യശോധര രാജെ സിന്ധ്യ. ഫെബ്രുവരി 24ന് ഉപതെരഞ്ഞെടുപ്പ് നടക്കുന്ന കോലറാസ് മണ്ഡലത്തിലെ വോട്ടര്‍മാരെയാണ് മന്ത്രി ഭീഷണിപ്പെടുത്തിയത്.

‘നിങ്ങള്‍ കോണ്‍ഗ്രസ് സ്ഥാനാര്‍ത്ഥിയെ തെരഞ്ഞെടുക്കുകയാണെങ്കില്‍ മന്ത്രി ഞാനായത് കൊണ്ട് നിങ്ങളുടെ കാര്യം സംസാരിക്കാന്‍ വന്നാല്‍ ഞാന്‍ പരിഗണിക്കുകയില്ല. എന്റെ വകുപ്പ് അയാളെ സഹായിക്കുകയില്ല’ മന്ത്രി പറഞ്ഞു. കോലറാസ് മണ്ഡലത്തിലുള്ളവര്‍ക്ക് വെള്ളം കിട്ടാത്തതെന്താണെന്ന് വോട്ടര്‍മാരിലൊരാള്‍ ചോദിച്ചപ്പോള്‍ കൈയ്ക്ക് വോട്ടു ചെയ്യുന്നത് അവസാനിപ്പിച്ചാല്‍ നല്‍കാമെന്നായിരുന്നു മന്ത്രിയുടെ മറുപടി.

രണ്ടു തവണ നിങ്ങള്‍ കൈ ചിഹ്നത്തിന് വോട്ടുചെയ്തു. എത്ര തവണ നിങ്ങള്‍ കൈയ്ക്ക് വോട്ട് ചെയ്ത് വെള്ളം ഇല്ലാതെ ജീവിക്കും. ഗ്യാസ് സ്റ്റൗ നല്‍കുന്നത് പോലെയുള്ള പദ്ധതികളുണ്ട്. ബിജെപിയുടെ പദ്ധതിയാണിത്. കോണ്‍ഗ്രസിന് വോട്ട് ചെയ്യുകയാണെങ്കില്‍ നിങ്ങള്‍ക്കത് ലഭിക്കില്ല’ മന്ത്രി പറഞ്ഞു. കഴിഞ്ഞ രണ്ട് തെരഞ്ഞെടുപ്പുകളില്‍ കോണ്‍ഗ്രസ് ജയിച്ച മണ്ഡലമാണിത്.

ഇന്ത്യയിലെത്തിയ ഇറാന്‍ പ്രസിഡന്റ് റൂഹാനി ഒമ്പത് കരാറുകളില്‍ ഒപ്പുവെച്ചു
Posted by
18 February

ഇന്ത്യയിലെത്തിയ ഇറാന്‍ പ്രസിഡന്റ് റൂഹാനി ഒമ്പത് കരാറുകളില്‍ ഒപ്പുവെച്ചു

ന്യൂഡല്‍ഹി: ത്രിദിന സന്ദര്‍ശനത്തിനായി എത്തിയ ഇറാന്‍ പ്രസിഡന്റ് ഹസന്‍ റൂഹാനി ഇന്ത്യയുമായി ഒമ്പത് കരാറുകളില്‍ ഒപ്പുവെച്ചു. പ്രധാന മന്ത്രി നരേന്ദ്ര മോഡിയും ഹസന്‍ റൂഹാനിയും ശനിയാഴ്ച്ച നടന്ന ഉഭയകക്ഷി ചര്‍ച്ചയിലാണ് സുരക്ഷ, വൈദ്യുതി, വ്യാപാരം എന്നിങ്ങനെ വിവിധ മേഖലകളിലായി കരാറുകളില്‍ ഒപ്പുവെച്ചത്.

ഛബാര്‍ തുറമുഖത്തിന്റെ ഒരു ഭാഗം ഇന്ത്യക്ക് പാട്ടത്തിന് നല്‍കുന്നതിനായുള്ള കരാറാണ് ഇവയില്‍ പ്രധാനം. ഛബാര്‍ തുറമുഖം ഒന്നര വര്‍ഷത്തേക്കാണ് പാട്ടത്തിന് നല്‍കുക. അഫ്ഗാനിസ്ഥാന്‍, മധ്യ ഏഷ്യ എന്നിവിടങ്ങളിലേക്കുള്ള ഇന്ത്യയുടെ സഞ്ചാരം കൂടുതല്‍ എളുപ്പമാക്കുന്ന ‘സുവര്‍ണ കവാട’മാണ് ഛബാര്‍ എന്ന് നരേന്ദ്ര മോഡി ചൂണ്ടിക്കാട്ടി.

ഭീകര പ്രവര്‍ത്തനം, സൈബര്‍ ക്രൈം, മയക്കുമരുന്ന് കടത്ത് തുടങ്ങി വിവിധ വിഷയങ്ങളില്‍ ഇരുനേതാക്കളും ചര്‍ച്ച നടത്തി. അഫ്ഗാനിസ്ഥാനില്‍ സമാധാനം നില നില്‍ക്കേണ്ടത് മേഖലയുടെ സുരക്ഷിതത്വത്തിന് അനിവാര്യമാണെന്നും അവര്‍ വ്യക്തമാക്കി.

വിദേശകാര്യ മന്ത്രി സുഷമ സ്വരാജുമായും ഹസന്‍ റൂഹാനി കൂടിക്കാഴ്ച നടത്തി. 2013ല്‍ പ്രസിഡന്റായി തിരഞ്ഞെടുക്കപ്പെട്ടതിന് ശേഷം റൂഹാനി നടത്തുന്ന ആദ്യ ഇന്ത്യാസന്ദര്‍ശനമാണിത്.

തൊഴിലുടമയുടെ ഭാര്യയുമായി ഒളിച്ചോടി; യുവാവിനെ നാട്ടുകാര്‍ പിടികൂടി ക്രൂരമായി മര്‍ദ്ദിച്ച ശേഷം കണ്ണില്‍ ആസിഡ് കുത്തിവച്ചു
Posted by
18 February

തൊഴിലുടമയുടെ ഭാര്യയുമായി ഒളിച്ചോടി; യുവാവിനെ നാട്ടുകാര്‍ പിടികൂടി ക്രൂരമായി മര്‍ദ്ദിച്ച ശേഷം കണ്ണില്‍ ആസിഡ് കുത്തിവച്ചു

ബീഹാര്‍: തൊഴിലുടമയുടെ ഭാര്യയുമായി ഒളിച്ചോടിയ യുവാവിനെ നാട്ടുകാര്‍ പിടികൂടി മര്‍ദ്ദിച്ച ശേഷം കണ്ണില്‍ ആസിഡ് കുത്തിവച്ചു. കഴിഞ്ഞ ദിവസം രാത്രി പിപ്ര ചൗക്കിലെ ഒരു ഭക്ഷണശാലയിലാണ് രാജ്യത്തെ നടുക്കിയ സംഭവം നടന്നത്. സമസ്തിപൂര്‍ സ്വദേശിയായ യുവാവാണ് ജനക്കൂട്ടത്തിന്റെ ക്രൂരതയ്ക്ക് വിധേയനായത്. യുവാവിന് കാഴ്ച നഷ്ടമായി. സംഭവവുമായി ബന്ധപ്പെട്ട് ഒരാളെ പോലീസ് അറസ്റ്റു ചെയ്തു.

ടെഘ്‌റ പോലീസ് സ്‌റ്റേഷന്‍ പരിധിയിലുള്ള ബറൗനി ഗ്രാമത്തില്‍ ട്രാക്ടര്‍ ഡ്രൈവറായി ജോലി നോക്കുകയായിരുന്നു യുവാവ്. ജോലിക്കിടെ തൊഴിലുടമയുടെ ഭാര്യയുമായി ഇയാള്‍ പ്രണയത്തിലാവുകയും ഈ മാസം ആറിന് ഇരുവരും ഒളിച്ചോടുകയും ചെയ്തു. തുടര്‍ന്ന് ഭാര്യയെ തട്ടിക്കൊണ്ടു പോയെന്ന് ചൂണ്ടിക്കാട്ടി ഭര്‍ത്താവ് പോലീസില്‍ പരാതി നല്‍കി.

എന്നാല്‍, 16ന് മടങ്ങിയെത്തിയ യുവതി കോടതിയിലെത്തി മൊഴി നല്‍കി. തന്നെ വീട്ടിലേക്ക് കൊണ്ടുപോകാനും ഭര്‍ത്താവിനോട് ആവശ്യപ്പെട്ടു. അതേസമയം, യുവതി മടങ്ങിയെത്തിയത് എന്തുകൊണ്ടാണെന്ന് വ്യക്തമായിട്ടില്ല. യുവതിയുടെ സഹോദരന്‍ അടുത്ത ദിവസം ഡ്രൈവറെ ഫോണില്‍ വിളിക്കുകയും യുവതിയ്ക്ക് അയാള്‍ക്കൊപ്പം പോകണമെന്നാണ് ആഗ്രഹവുമെന്ന് അറിയിച്ചു. തുടര്‍ന്ന് ടെഘ്‌റ പോലീസ് സ്റ്റേഷനില്‍ എത്താനും ആവശ്യപ്പെട്ടു.

യുവാവ് സ്റ്റേഷന് സമീപത്ത് എത്തിയപ്പോള്‍ ഇരുപതോളം വരുന്ന ആളുകള്‍ ചേര്‍ന്ന് യുവാവിനെ ഭക്ഷണശാലയിലേക്ക് കൊണ്ടുപോകുകയും മര്‍ദ്ദിക്കുകയുമായിരുന്നു. അവശനായ യുവാവിന്റെ കണ്ണില്‍ ആസിഡും കുത്തിവച്ചു. പിന്നീട് യുവാവിനെ ഭഗ്‌വന്‍പൂര്‍ പോലീസ് സ്റ്റേഷന്‍ പരിധിയിലുള്ള ഹനുമന്‍ ചൗക്കില്‍ ഉപേക്ഷിക്കുകയായിരുന്നെന്ന് പോലീസ് പറയുന്നു. വഴിയാത്രക്കാരാണ് യുവാവിനെ ആശുപത്രിയില്‍ എത്തിച്ചത്. പോലീസ് അന്വേഷണം ആരംഭിച്ചിട്ടുണ്ട്.

ഈ അവഗണന ഞങ്ങളെ മുറിപ്പെടുത്തുന്നു; ബിജെപിക്കൊപ്പം ചേര്‍ന്നിട്ടും നീതി ലഭിച്ചില്ലെന്ന് ചന്ദ്രബാബു നായിഡു
Posted by
18 February

ഈ അവഗണന ഞങ്ങളെ മുറിപ്പെടുത്തുന്നു; ബിജെപിക്കൊപ്പം ചേര്‍ന്നിട്ടും നീതി ലഭിച്ചില്ലെന്ന് ചന്ദ്രബാബു നായിഡു

ന്യൂഡല്‍ഹി: വീണ്ടും ബിജെപിക്കെതിരെ കടുത്ത വിമര്‍ശനവുമായി എന്‍ഡിഎ ഘടകകക്ഷി തെലുങ്ക്ദേശം പാര്‍ട്ടി നേതാവും ആന്ധ്രപ്രദേശ് മുഖ്യമന്ത്രിയുമായ ചന്ദ്രബാബു നായിഡു. ‘സംസ്ഥാനത്തിന് നീതി ലഭിക്കുന്നതിനായാണ് ഞങ്ങള്‍ ബിജെപിക്കൊപ്പം ചേര്‍ന്നത്, 29 തവണ ഡല്‍ഹി സന്ദര്‍ശിച്ചു. കഴിഞ്ഞ മൂന്നര വര്‍ഷത്തിനിടെ പലരെയും പല തവണ കണ്ടു. പക്ഷെ നീതി നടപ്പിലാക്കാന്‍ ബിജെപി സര്‍ക്കാരിനായില്ല ചന്ദ്രബാബു നായിഡു പറയുന്നു.

കേന്ദ്രത്തിന്റെ അവഗണന ആന്ധ്രയിലെ ജനങ്ങളെ മുറിപ്പെടുത്തിയിരിക്കുകയാണെന്നും നീതി ലഭിച്ചില്ലെങ്കില്‍ കാര്യങ്ങള്‍ വേദനാജനകമാവുമെന്നും ചന്ദ്രബാബു നായിഡു പറഞ്ഞു. ആന്ധ്രാപ്രദേശിന് പ്രത്യേക പദവി നല്‍കണമെന്ന തെലുങ്ക്ദേശം പാര്‍ട്ടിയുടെ ആവശ്യം കേന്ദ്രം അംഗീകരിച്ചിരുന്നില്ല.

നേരത്തെ പൊതുബജറ്റിനെതിരെയും ടിഡിപി പരസ്യമായി രംഗത്ത് വന്നിരുന്നു. ബജറ്റ് നിരാശാജനകമാണെന്നും സംസ്ഥാന വിഭജനവുമായി ബന്ധപ്പെട്ട് കൊണ്ടുവന്ന ആന്ധ്രപ്രദേശ് പുനസംഘടന നിയമത്തില്‍ പറഞ്ഞിരിക്കുന്ന കാര്യങ്ങളും വാഗ്ദാനങ്ങളും ബജറ്റില്‍ പരാമര്‍ശിച്ചില്ലെന്നും ടിഡിപി എംപിമാര്‍ പറഞ്ഞിരുന്നു.

ബജറ്റിന് പിന്നാലെ എന്‍ഡിഎയ്ക്കുള്ള പിന്തുണ പിന്‍വലിക്കുമെന്ന് ചന്ദ്രബാബു നായിഡു പറഞ്ഞിരുന്നു. എന്നാല്‍ അമിത്ഷാ, രാജ്നാഥ് സിങ് എന്നിവരുമായി നടത്തിയ ചര്‍ച്ചകളെ തുടര്‍ന്നാണ് പ്രശ്നം പരിഹരിച്ചിരുന്നത്.

വര്‍ഗീയത ഉയര്‍ത്തുന്ന ഭരണകൂടത്തിനെതിരെ ശബ്ദമുയര്‍ത്തുന്ന ഏക വിദ്യാര്‍ത്ഥി സംഘടനയാണ് എസ്എഫ്‌ഐ; അവരാണ് രാജ്യത്തിന്റെ പ്രതീക്ഷയെന്ന് പ്രകാശ് രാജ്
Posted by
18 February

വര്‍ഗീയത ഉയര്‍ത്തുന്ന ഭരണകൂടത്തിനെതിരെ ശബ്ദമുയര്‍ത്തുന്ന ഏക വിദ്യാര്‍ത്ഥി സംഘടനയാണ് എസ്എഫ്‌ഐ; അവരാണ് രാജ്യത്തിന്റെ പ്രതീക്ഷയെന്ന് പ്രകാശ് രാജ്

ബംഗളൂരു: ഇന്ത്യന്‍ ജനാധിപത്യത്തില്‍ ചോദ്യം ചോദിക്കാനുള്ള അവകാശം നിഷേധിക്കുന്ന ഭരണകൂടത്തിനെതിരെ പ്രതികരിക്കുന്ന ഏക വിദ്യാര്‍ത്ഥി സംഘടനയാണ് എസ്എഫ്‌ഐ എന്ന് നടന്‍ പ്രകാശ് രാജ്. അവരാണ് ഈ രാജ്യത്തിന്റെ പ്രതീക്ഷയെന്നും അദ്ദേഹം കൂട്ടിച്ചേര്‍ത്തു. ബംഗളുരുവില്‍ എസ്എഫ്‌ഐ അഖിലേന്ത്യ വര്‍ഗീയ വിരുദ്ധ കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു താരം.

തന്റെ ഹൃദയത്തിന്റെ ഭാഷയിലാണ് സംസാരിക്കുന്നതെന്ന് പറഞ്ഞു പ്രസംഗം തുടങ്ങിയ പ്രകാശ് രാജിനെ നിലക്കാത്ത ഹര്‍ഷാരവത്തോടെയാണ് വിദ്യാര്‍ത്ഥികള്‍ വരവേറ്റത്. ഇന്ന് ഭരണവര്‍ഗത്തിനെതിരെ ചോദ്യം ചോദിക്കുന്നവര്‍ രാജ്യദ്രോഹികളായി മാറുകയാണ്. അങ്ങനെയെങ്കില്‍ ശബ്ദമുയര്‍ത്തുന്ന രാജ്യദ്രോഹികളാണ് ഈ രാജ്യത്ത് ഭൂരിപക്ഷമെന്നു അവര്‍ തിരിച്ചറിയുമെന്നും അദ്ദേഹം വ്യക്തമാക്കി.

സ്‌കൂള്‍ പഠനകാലത്ത് തന്നോട് ആരും മതം ചോദിച്ചിരുന്നില്ല, വായിച്ച പുസ്തകങ്ങളും നാടകങ്ങളും കവിതകളും എഴുതിയവരുടെ ജാതി ആരും പരസ്പരം ചോദിച്ചില്ല. എന്നാല്‍ ഇന്ത്യ മാറുകയാണ്. ചില വര്‍ഗീയ ശക്തികള്‍ നമ്മുടെ രാജ്യത്തെ വര്‍ഗീയമായി ഭിന്നിപ്പിക്കകയാണെന്നു പറഞ്ഞ പ്രകാശ് രാജ് രാജ്യത്തിന്റെ ഭരണഘടന പോലും അവരുടെ ഭീഷണിയുടെ നിഴലിലാണെന്നും ഓര്‍മിപ്പിച്ചു.

മതത്തിന്റെ സത്വത്തിനപ്പുറം മനുഷ്യത്വമാണ് സമൂഹത്തിനു ആവശ്യം. ഈ രാജ്യത്ത് വര്‍ഗീയ ശക്തികള്‍ക്ക് ആയുസില്ല, അവരെ ജനം തൂത്തെറിയുക തന്നെ ചെയ്യും. ജനാധിപത്യം ജനങ്ങള്‍ക്ക് കൂടുതല്‍ പങ്കാളിത്തമുള്ളതായി മാറണമെന്ന് പറഞ്ഞ പ്രകാശ്രാജ് അനീതിക്കെതിരെ പ്രതിഷേധിക്കാന്‍ ലക്ഷക്കണക്കിനാളുകള്‍ ആവശ്യമില്ലെന്നും കൂട്ടിച്ചേര്‍ത്തു. ചോദ്യം ചോദിക്കാനുള്ള അവകാശമുള്ള ജനാധിപത്യമാണ് നമുക്കാവശ്യം. അത് നിഷേധിക്കുന്നവര്‍ക്കെതിരെ പോരാടാന്‍ വിദ്യാര്‍ത്ഥികളാണ് മുന്‍പോട്ടു വരേണ്ടതെന്ന് പ്രകാശ് രാജ് പറയുന്നു.

കണ്‍വെന്‍ഷനില്‍ എസ്എഫ്‌ഐ അഖിലേന്ത്യ പ്രസിഡണ്ട് വി പി സാനു അധ്യക്ഷത വഹിച്ചു . റിട്ടയേര്‍ഡ് സുപ്രീം കോടതി ജഡ്ജി ഗോപാല്‍ ഗൗഡ മുഖ്യപ്രഭാഷണം നടത്തി. എസ്എഫ്‌ഐ ജനറല്‍ സെക്രട്ടറി ബിക്രം സിങ് വര്‍ഗീയ വിരുദ്ധ പ്രമേയം കണ്‍വെന്ഷനില്‍ അവതരിപ്പിച്ചു. വിവിധ സംസ്ഥാനങ്ങളില്‍ നിന്നുള്ള നൂറുകണക്കിന് എസ്എഫ്‌ഐ പ്രവര്‍ത്തകര്‍ കണ്‍വെന്‍ഷനില്‍ പങ്കെടുത്തു.

സ്വന്തം പ്രവര്‍ത്തികൊണ്ട് പ്രധാനമന്ത്രി രാജ്യത്തിന്റെ സമ്പദ്‌വ്യവസ്ഥ തകര്‍ത്തു; പിഎന്‍ബി തട്ടിപ്പിനെകുറിച്ച് മോഡി ഒരു വാക്കുപോലും പറയുന്നില്ലെന്ന് രാഹുല്‍
Posted by
18 February

സ്വന്തം പ്രവര്‍ത്തികൊണ്ട് പ്രധാനമന്ത്രി രാജ്യത്തിന്റെ സമ്പദ്‌വ്യവസ്ഥ തകര്‍ത്തു; പിഎന്‍ബി തട്ടിപ്പിനെകുറിച്ച് മോഡി ഒരു വാക്കുപോലും പറയുന്നില്ലെന്ന് രാഹുല്‍

ന്യൂഡല്‍ഹി: സ്വന്തം പ്രവര്‍ത്തികൊണ്ട് പ്രധാനമന്ത്രി രാജ്യത്തിന്റെ സമ്പദ് വ്യാസ്ഥ തകര്‍ത്തുവെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ഉന്നതരുടെ സംരക്ഷണത്തോടു കൂടിയല്ലാതെ ഇത്രയും വലിയ തുകയുടെ തട്ടിപ്പ് പഞ്ചാബ് നാഷണല്‍ ബാങ്കില്‍ നടത്താനാകില്ലെന്നും സംഭവത്തെ കുറിച്ച് പ്രധാനമന്ത്രി ഇതുവരെ ഒരു വാക്കുപോലും ഉരിയാടിയില്ലെന്നും രാഹുല്‍ വിമര്‍ശിച്ചു.

എങ്ങനെ തട്ടിപ്പ് നടന്നുവെന്ന് പ്രധാനമന്ത്രി വിശദീകരിക്കണം. ഇന്ത്യയിലെ ബാങ്കിങ് സംവിധാനം സുരക്ഷിതമാക്കാന്‍ എന്തെല്ലാം നടപടികള്‍ സ്വകീരിച്ചുവെന്നതും പ്രധാനമന്ത്രി വിശദീകരിക്കണമെന്നും രാഹുല്‍ ആവശ്യപ്പെട്ടു.

ജനങ്ങളുടെ കീശയില്‍ നിന്ന് പണമെടുത്ത് ബാങ്കിങ് മേഖലയില്‍ നിക്ഷേപിച്ചു. എന്നിട്ട് ഇപ്പോള്‍ പ്രധാനമന്ത്രിയുടെ സുഹൃത്തുക്കളായ കോടീശ്വരന്‍മാര്‍ അവ ബാങ്കുകളില്‍ നിന്ന് മോഷ്ടിക്കുന്നു. എന്നാല്‍ പ്രധാനമന്ത്രി ഒന്നും പറയുന്നില്ലെന്നും രാഹുല്‍ വിമര്‍ശിച്ചു.

error: This Content is already Published.!!