വധുവിനെ തേടി ഫേസ്ബുക് ലൈവില്‍ എത്തിയ ആര്യയ്ക്ക് ലഭിച്ചത് ഒരു ലക്ഷം കോളുകളും, 7000 അപേക്ഷകളും
Posted by
19 February

വധുവിനെ തേടി ഫേസ്ബുക് ലൈവില്‍ എത്തിയ ആര്യയ്ക്ക് ലഭിച്ചത് ഒരു ലക്ഷം കോളുകളും, 7000 അപേക്ഷകളും

വധുവിനെ തേടുന്ന വിവരം ഫേസ്ബുക് ലൈവിലൂടെ പരസ്യം ചെയ്ത നടന്‍ ആര്യയ്ക്ക് ആലോചനകളുടെ ബഹളം. ആര്യയെ വരനായി ലഭിക്കാന്‍ ആഗ്രഹം പ്രകടിപ്പിച്ച് ഒരു ലക്ഷത്തിലധികം കോളുകളാണ് വന്നത്. ഇതിനു പുറമെ 7000 അപേക്ഷകളും വന്നിട്ടുണ്ട്. ഇനി വധുവിനെ തിരഞ്ഞെടുക്കുക റിയാലിറ്റി ഷോയിലൂടെയായിരിക്കും. കളേഴ്സ് ടിവിയാണ് ഈ ഷോ സംഘടിപ്പിക്കുന്നത്. ഷോര്‍ട്ട് ലിസ്റ്റ് ചെയ്ത 16 പേരെയാണ് ‘എങ്ക വീട്ടു മാപ്പിളൈ’ എന്ന റിയാലിറ്റി ഷോയിലേക്ക് തിരഞ്ഞെടുത്തത്. ഇതിലെ വിജയിയെ ആര്യ താലി ചാര്‍ത്തും.ഫേസ്ബുക് പേജില്‍ ലൈവ് വിഡിയോ വഴിയായിരുന്നു താരത്തിന്റെ വിവാഹ ആലോചന. ആര്യ ഫെയ്‌സ്ബുക് ലൈവിലൂടെ പറഞ്ഞതിങ്ങനെ;

ഒട്ടുമിക്ക ആളുകളും അവരുടെ ജീവിതപങ്കാളിയെ ജോലിസ്ഥലത്തു നിന്നോ, കൂട്ടുകാര്‍ മുഖേനയോ, കുടുംബം മുഖേനയോ ഒക്കെ തേടിക്കൊണ്ടിരിക്കും. അല്ലെങ്കില്‍ മാട്രിമോണിയല്‍ സൈറ്റിലൂടെ കണ്ടെത്തും. പക്ഷെ ഞാന്‍ അങ്ങനെയല്ല. ഇക്കാര്യത്തില്‍ എന്നെ സംബന്ധിച്ചിടത്തോളം ഡിമാന്റുകളോ കണ്ടീഷന്‍സോ ഒന്നുമില്ല.

നിങ്ങള്‍ക്ക് എന്നെ ഇഷ്ടപ്പെട്ടാല്‍, ഞാനൊരു നല്ല ജീവിത പങ്കാളി ആയിരിക്കും എന്ന് തോന്നിയാല്‍ ദയവായി ഈ നമ്പറില്‍ വിളിക്കുക. ഞാന്‍ ഇത് വെറുമൊരു തമാശയ്ക്ക് വേണ്ടി ചെയ്യുന്നതാണെന്ന് നിങ്ങള്‍ വിചാരിക്കരുത്. ഇതെന്റെ ജീവിതത്തെ സംബന്ധിക്കുന്ന കാര്യമാണ്. ദയവായി ഈ നമ്പറില്‍ ബന്ധപ്പെടുക. നിങ്ങളുടെ ഫോണ്‍കോളിനായി കാത്തിരിക്കുന്നു.

എനിക്കെല്ലാം ക്രേസിയായിരുന്നു, ഡേറ്റിംഗ് സമയത്ത് ഞാന്‍ എല്ലാം ആസ്വദിച്ചിട്ടുണ്ട്: വെളിപ്പെടുത്തലുമായി നടി റായി ലക്ഷ്മി
Posted by
18 February

എനിക്കെല്ലാം ക്രേസിയായിരുന്നു, ഡേറ്റിംഗ് സമയത്ത് ഞാന്‍ എല്ലാം ആസ്വദിച്ചിട്ടുണ്ട്: വെളിപ്പെടുത്തലുമായി നടി റായി ലക്ഷ്മി

ഡേറ്റിംഗ് സമയത്ത് എല്ലാം ആസ്വദിച്ചിട്ടുണ്ടെന്ന് നടി റായി ലക്ഷ്മിയുടെ വെളിപ്പെടുത്തല്‍. ഒരു തമിഴ് പത്രത്തിന് നല്‍കിയ അഭിമുഖത്തിലാണ് താരം ഇക്കാര്യം പറഞ്ഞത്. എനിക്കെല്ലാം ക്രേസിയായിരുന്നു. സന്തോഷിച്ചിട്ടുണ്ട്, വിഷമിച്ചിട്ടുണ്ട്, തമാശകള്‍ പറഞ്ഞിട്ടുണ്ടെന്നും റായി ലക്ഷ്മി പറഞ്ഞു. വണ്‍ നൈറ്റ് സ്റ്റാന്‍ഡിനോട് തനിക്ക് യോജിപ്പില്ലെന്നും അതൊക്കെ ഓരോരുത്തരുടെയും വ്യക്തിപരമായ കാര്യമാണെന്നും താരം പറയുന്നു. മാനസിക അടുപ്പത്തിന് സ്ഥാനമില്ലാത്ത പരിപാടിയാണിത്. അതിനാല്‍ ഇതിനെ പിന്തുണയ്ക്കുന്നെങ്കിലും അത് പിന്തുടരാന്‍ ആഗ്രഹമില്ല. അപരിചിതനുമൊത്ത് കഴിയുക പ്രയാസമാണ്. പരിചയമുള്ള എല്ലാവരുമായും ഇത്തരത്തിലുള്ള അടുപ്പം സൂക്ഷിക്കാറില്ല. നമുക്ക് സ്നേഹവും വിശ്വാസവും വേണം.

പ്രണയവികാരങ്ങളെ നിയന്ത്രിക്കുന്നത് താരത്തിന് ഇഷ്ടമല്ല. പലപ്പോഴും തന്നെ മാറ്റാനും പാട്ണറെ സ്നേഹിക്കാനും കഴിയുന്ന വ്യക്തിയാണ് റായി ലക്ഷ്മി. പങ്കാളിക്കൊപ്പം യാത്ര ചെയ്യാന്‍ ഇഷ്ടമാണ്. പാചകം ചെയ്ത് ഒരുമിച്ച് കഴിക്കണം. അദ്ദേഹം സന്തോഷത്തോടെ ഇരിക്കാന്‍ വേണ്ടത് ചെയ്യും. പുള്ളി മനസില്‍ ആഗ്രഹിക്കുന്നത് സര്‍പ്രൈസ് പോലെ നല്‍കും. സ്‌കൂളില്‍ പഠിക്കുമ്പോഴാണ് ആദ്യത്തെ പ്രണയം മൊട്ടിട്ടതെന്നും താരം പറഞ്ഞു. അത് നടന്‍മാരോടായിരുന്നു. സത്യസന്ധതയും വിശ്വാസവുമുള്ള പങ്കാളികളെയാണ് തനിക്ക് ഇഷ്ടം. അങ്ങനെയുള്ളവരെ അപൂര്‍വമായേ കണ്ടെത്താനാകൂ. പലര്‍ക്കും എന്റെ ശരീരത്തോടായിരുന്നു പ്രണയം. പിന്നീടാണ് അത് മനസിലാക്കിയത്.

പലരും ശരീരത്തിന്റെ വലിപ്പവും നിറവും പറഞ്ഞ് കളിയാക്കുകയും തുറച്ച് നോക്കുകയും ചെയ്തിട്ടുണ്ട്. ഇതേ കാരണത്താല്‍ ഏറെപ്പേര്‍ സ്നേഹിക്കുകയും ചെയ്തു. അതുകൊണ്ട് സുന്ദരമായ ശരീരം വേദനിപ്പിച്ചിട്ടില്ല. ശരീരത്തിന്റെ വലിപ്പം അസ്വസ്ഥമാക്കിയിട്ടില്ല. അഭിനയത്തേക്കാളുപരി ശരീര സൗന്ദര്യം കൊണ്ട് മാത്രമാണ് ഇവിടെവരെ എത്തിയത്.അക്കാര്യത്തെ കുറിച്ച് ഉത്തമ ബോധ്യമുണ്ട്. അതുകൊണ്ട് പലരും പല വാഗ്ദാനങ്ങള്‍ നല്‍കി തന്നെ വഞ്ചിച്ചിട്ടുണ്ടെന്നും റായി ലക്ഷ്മി തുറന്നടിച്ചു.

നയന്‍താരയുടെ വിവാഹം വിദേശത്ത് വെച്ച്, ഒരുക്കങ്ങള്‍ തുടങ്ങി
Posted by
16 February

നയന്‍താരയുടെ വിവാഹം വിദേശത്ത് വെച്ച്, ഒരുക്കങ്ങള്‍ തുടങ്ങി

തെന്നിന്ത്യന്‍ ലേഡി സൂപ്പര്‍സ്റ്റാര്‍ നയന്‍താര വിവാഹിതയാകുന്നുവെന്ന് സൂചന. കാമുകന്‍ വിഘ്നേഷുമൊത്തുള്ള വിവാഹം ഈ വര്‍ഷം പകുതിയോടെ വിദേശത്തു വച്ച് നടക്കുമെന്നാണ് സൂചന. ഇരുവരും പ്രണയത്തിലാണെന്ന വാര്‍ത്ത പ്രചരിക്കാന്‍ തുടങ്ങിയിട്ട് ഏറെ നാളായി. വിഘ്‌നേഷ് ഒരുക്കിയ നാനും റൗഡി താന്‍ എന്ന ചിത്രത്തില്‍ നായന്‍സ് ആയിരുന്നു നായിക. അതിന് ശേഷമാണ് ഇരുവരുടെയും പേരുകള്‍ ചേര്‍ത്ത് വച്ച് ഗോസിപ്പുകള്‍ ആരംഭിച്ചത്. ഈ പ്രചരണങ്ങള്‍ക്കൊന്നും വിഘ്‌നേഷും നയന്‍സും മറുപടി നല്‍കിയിട്ടില്ല.

രണ്ട് കുടുംബങ്ങളുടെയും ആശിര്‍വാദത്തോടെ വിദേശത്ത് വച്ച് വിവാഹം നടക്കുമെന്നാണ് റിപ്പോര്‍ട്ടുകള്‍. എന്നാല്‍ ഇതെ സംബന്ധിച്ചും വിഘ്‌നേഷോ നയന്‍താരയോ പ്രതികരിച്ചിട്ടില്ല. നടന്‍ പ്രഭുദേവയും നയന്‍താരയും നേരത്തെ പ്രണയത്തിലായിരുന്നു. എന്നാല്‍ ആ ബന്ധം വിവാഹത്തില്‍ കലാശിച്ചില്ല.

2011 ല്‍ പുറത്തിറങ്ങിയ ശ്രീരാമ രാജ്യം എന്ന ചിത്രത്തോടെ അഭിനയ രംഗത്ത് നിന്ന് വിടപറയുമെന്നായിരുന്നു നയന്‍സ് ആദ്യം പറഞ്ഞിരുന്നത്. പിന്നീട് പ്രഭുദേവയുമായി വേര്‍പിരിഞ്ഞ നയന്‍സ് വിഘ്‌നേഷ് ഒരുക്കിയ നാനും റൗഡി താന്‍ എന്ന ചിത്രത്തിലൂടെയാണ് സിനിമയില്‍ ഗംഭീര തിരിച്ച് വരവ് നടത്തി.

അക്ഷയ് കുമാറിന്റെ പാഡ് മാന്‍ തമിഴിലേക്ക്; നായകനായി ധനുഷ്
Posted by
14 February

അക്ഷയ് കുമാറിന്റെ പാഡ് മാന്‍ തമിഴിലേക്ക്; നായകനായി ധനുഷ്

ബോളിവുഡില്‍ സൂപ്പര്‍ഹിറ്റായി മാറിക്കൊണ്ടിരിക്കുന്ന പാഡ്മാന്‍ ചിത്രം തമിഴിലേക്ക് എത്തുന്നു. തമിഴ്‌നാട്ടുകാരനായ അരുണാചലം മുരുഗനാനന്ദത്തിന്റെ കഥ ഹിന്ദിയില്‍ സൂപ്പര്‍ഹിറ്റ് ആയിക്കൊണ്ടിരിക്കെ സ്വന്തം നാട്ടിലും ചിത്രം ഇറക്കേണ്ടതിന്റെ ഔചിത്യം തമിഴ് സിനിമാ പ്രേമികളും തിരിച്ചറിയുന്നുണ്ട്.

ആര്‍ ബല്‍കിയുടെ സംവിധാനത്തില്‍ അക്ഷയ് കുമാര്‍ ആയിരുന്നു പാഡ് മാന്‍ എന്ന സിനിമയില്‍ നായകനായത്. രാധിക ആംപ്‌തെയും സോനം കപൂറുമായിരുന്നു നായികമാര്‍. തമിഴില്‍ ധനുഷ് ആയിരിക്കും നായകനെന്നാണ് ആദ്യ റിപ്പോര്‍ട്ടുകള്‍ സൂചിപ്പിക്കുന്നത്.

മലേഷ്യന്‍ ഷോയ്ക്കിടെ അനാശ്യാസ്യത്തിന് നിര്‍ബന്ധിക്കലും അശ്ലീല സംഭാഷണവും: നടി അമല പോളിന് പറയാനുള്ളത്
Posted by
13 February

മലേഷ്യന്‍ ഷോയ്ക്കിടെ അനാശ്യാസ്യത്തിന് നിര്‍ബന്ധിക്കലും അശ്ലീല സംഭാഷണവും: നടി അമല പോളിന് പറയാനുള്ളത്

ചെന്നൈയിലെ ഡാന്‍സ് സ്റ്റുഡിയോയില്‍ വെച്ച് നടി അമല പോളിനെ അനാശ്യാസ്യത്തിന് നിര്‍ബന്ധിക്കുകയും അശ്ലീല സംഭാഷണം നടത്തുകയും ചെയ്ത കേസില്‍ ചെന്നൈ കേന്ദ്രമായി പ്രവര്‍ത്തിക്കുന്ന ഇവന്റ് മാനേജ്മെന്റ് കമ്പനിയിലെ ജീവനക്കാരന്‍ ഭാസ്‌കരന്‍ എന്നയാളെ കഴിഞ്ഞ ദിവസമാണ് പോലീസ് അറസ്റ്റ് ചെയ്തത്. കേസുമായി ബന്ധപ്പെട്ട് നേരത്തെ അഴകേശന്‍ എന്നയാളെ അറസ്റ്റ് ചെയ്തിരുന്നു. അതേസമയം സെക്സ് റാക്കറ്റുമായി അമലയുടെ മാനേജര്‍ പ്രദീപ് കുമാറിന് ബന്ധമുണ്ടെന്ന വാര്‍ത്ത നിഷേധിച്ച് അമല രംഗത്തെത്തുകയും ചെയ്തു.

അമലയുടെ വാക്കുകള്‍ ഇങ്ങനെ..

‘ജനുവരി 31ാം തിയതി ചെന്നൈയിലെ ഒരു ഡാന്‍സ് സ്റ്റുഡിയോയില്‍ പ്രാക്ടീസ് ചെയ്തുകൊണ്ടിരിക്കുകയായിരുന്നു. അവിടെ വന്ന ഒരാള്‍ (ബിസിനസുകാരന്‍ അഴകേശന്‍) തന്നോട് മലേഷ്യന്‍ ഷോയെക്കുറിച്ച് ചില പ്രധാനപ്പെട്ട കാര്യങ്ങള്‍ സംസാരിക്കണമെന്ന് മാറ്റിനിര്‍ത്തി. മലേഷ്യയിലെ ഷോയ്ക്ക് ശേഷം സ്പെഷല്‍ ഡിന്നറിന് വരണമെന്ന് അയാള്‍ പറഞ്ഞു.’എന്താണ് അന്ന് പ്രത്യേക വിരുന്ന് എന്ന് ഞാന്‍ ചോദിച്ചപ്പോള്‍ ‘നിനക്ക് അറിയില്ലേ, വെറുതെ പറയരുത് നീ കുട്ടിയൊന്നുമല്ലെന്ന് അറിയാം’ എന്ന് പ്രത്യേക രീതിയില്‍ മറുപടി നല്‍കി.

‘ഞാന്‍ പെട്ടന്ന് പൊട്ടിത്തെറിച്ചു. കാരണം ആ സമയത്ത് എന്റെ അടുത്ത് ആരുമില്ലായിരുന്നു. എന്റെ നല്ല മറുപടിക്കായി കാത്തിരിക്കുന്നുവെന്ന് പറഞ്ഞ് അയാള്‍ സ്റ്റുഡിയോയുടെ പുറത്ത് നിന്നു. ഞാന്‍ അപ്പോഴേക്കും സുഹൃത്തുക്കളെ വിളിച്ചു. അരമണിക്കൂര്‍ കഴിഞ്ഞ് അവരെത്തുമ്പോഴും അയാള്‍ അവിടെ തന്നെ നില്‍ക്കുന്നുണ്ടായിരുന്നു. ‘

അവള്‍ക്ക് താല്‍പര്യമില്ലെങ്കില്‍ അത് പറഞ്ഞാല്‍ പോരെ, ഇതൊക്കെ വലിയ വിഷയമാണോ’ അയാള്‍ പറഞ്ഞു. രക്ഷപ്പെടാന്‍ ശ്രമിക്കുന്നതിനിടെ അയാളെ പിടിച്ചുകെട്ടി ഒരു മുറിയില്‍ അടച്ചു. പിന്നീട് അന്വഷിച്ചപ്പോഴാണ് ഇയാളുടെ സ്ഥിരം പരിപാടിയാണ് ഇതെന്ന് മനസ്സിലായി. മലേഷ്യന്‍ ഷോയില്‍ പങ്കെടുക്കുന്ന എല്ലാ നടിമാരുടെയും നമ്പര്‍ അയാളുടെ മൊബൈലില്‍ ഉണ്ടായിരുന്നു.

‘പിന്നീട് മാമ്പലം പൊലീസ് സ്റ്റേഷനില്‍ അയാളെ ഏല്‍പ്പിച്ചു. പരാതി നല്‍കാന്‍ ഞാന്‍ നേരിട്ട് പോലീസ് സ്റ്റേഷനില്‍ പോയി. അന്വേഷണം തുടരുകയാണ്. ഈ വിഷയവുമായി കൂടുതല്‍ സംസാരിക്കാതിരുന്നത് കേസിനെ ബാധിക്കുമെന്ന് കരുതിയതുകൊണ്ടാണ്. മോശമായ വാര്‍ത്തകള്‍ നല്‍കിയാല്‍ അവര്‍ക്ക് നേരെ മാനനഷ്ടത്തിന് കേസ് കൊടുക്കും.

ഇക്കാര്യത്തില്‍ പെട്ടന്ന് നടപടിയെടുത്ത പോലീസ് നന്ദി. ഇനിയും കൂടുതല്‍പേര്‍ അറസ്റ്റിലായേക്കും. മാത്രമല്ല അറസ്റ്റിലായവരുടെ പേര് വിവരങ്ങള്‍ പൊതുജനങ്ങള്‍ മുന്നില്‍ വെളിപ്പെടുത്തി തനിനിറം പുറത്തുകൊണ്ടുവരണം’. ചില മാധ്യമങ്ങള്‍ എന്റെ മാനേജറെക്കുറിച്ച് മോശമായി എഴുതുകയുണ്ടായി. അതിനെതിരെ ഞാന്‍ മാനനഷ്ടത്തിന് പരാതി നല്‍കും.’അമല പോള്‍ വ്യക്തമാക്കി.

നടന്‍ വിശാല്‍ വിവാഹിതനാകുന്നു: വധു മുഖ്യശത്രുവിന്റെ മകള്‍
Posted by
10 February

നടന്‍ വിശാല്‍ വിവാഹിതനാകുന്നു: വധു മുഖ്യശത്രുവിന്റെ മകള്‍

ചെന്നൈ: തമിഴ് സിനിമ താരം വിശാല്‍ വിവാഹിതനാകുന്നു. വധു തന്റെ മുഖ്യശത്രുവായ ശരത് കുമാറിന്റെ മകള്‍ വരലക്ഷ്മി. തമിഴ് സിനിമാ താരങ്ങളുടെ സംഘടനയായ നടികര്‍ സംഘത്തിലെ തര്‍ക്കങ്ങളുമായി ബന്ധപ്പെട്ട് വിശാലും, ശരത് കുമാറും കടുത്ത ശത്രുതയിലാണ്. അച്ഛനുമായി പല വിഷയങ്ങളുണ്ടെങ്കിലും നാളുകളായി വരലക്ഷ്മി വിശാലുമായി പ്രണയത്തിലാണ്.

തമിഴ് സിനിമാ ലോകത്ത് വിശാല്‍-ശരത് കുമാര്‍ പക്ഷങ്ങളുടെ അഭിപ്രായ ഭിന്നത സംഘടനയുടെ തെരഞ്ഞെടുപ്പില്‍ സംഘര്‍ഷത്തില്‍ കലാശിക്കുന്ന സാഹചര്യം പോലും ഉണ്ടായിരുന്നു. നടികര്‍ സംഘത്തിന്റെ കെട്ടിട നിര്‍മ്മാണവുമായി ബന്ധപ്പെട്ട് വിശാലിനെയിരെ ശരത് കുമാര്‍ അഴിമതി ആരോപണം ഉന്നയിച്ചിരുന്നു. ഏതായാലും ശത്രുത മറന്ന് വിശാലിന് തന്റെ മകളെ കൈപിടിച്ചു നല്‍കാന്‍ ശരത് കുമാര്‍ തയ്യാറാകുമോ എന്നാണ് കോളിവുഡ് ഉറ്റുനോക്കുന്നത്.

 

 

തമിഴിലെ ഏറ്റവും സെക്‌സിയസ്റ്റ് ആക്ടര്‍ ആരെന്ന ചോദ്യത്തിന് മലയാളി താരത്തിന്റെ പേര് പറഞ്ഞ് നടി ചന്ദ്രിക രവി
Posted by
10 February

തമിഴിലെ ഏറ്റവും സെക്‌സിയസ്റ്റ് ആക്ടര്‍ ആരെന്ന ചോദ്യത്തിന് മലയാളി താരത്തിന്റെ പേര് പറഞ്ഞ് നടി ചന്ദ്രിക രവി

തമിഴിലെ ഏറ്റവും സെക്‌സിയായ നടന്‍ ആരാണെന്ന് ചോദ്യത്തിന് മലയാളി യുവ താരത്തിന്റെ പേര് പറഞ്ഞ് നടി ചന്ദ്രിക രവി. ഗലാട്ട ഡോട്ട്‌കോം നടത്തിയ അഭിമുഖ പരിപാടിയിലാണ് ചന്ദ്രികകയ്ക്ക് ഈ ചോദ്യം നേരിടേണ്ടി വന്നത്. ആരാണ് കോളിവുഡിലെ ഏറ്റവും സെക്‌സിയസ്റ്റായ അഭിനേതാവ് എന്നതായിരുന്നു അവതാരകന്റെ ചോദ്യം. ഏറ്റവും സെക്‌സിയായി തനിക്ക് തോന്നിയ നടന്‍ ദുല്‍ഖര്‍ സല്‍മാനാണെന്നായിരുന്നു ചന്ദ്രികയുടെ മറുപടി.

എന്നാല്‍ ദുല്‍ഖര്‍ മലയാളി താരമാണെന്നും, ആകെ രണ്ട് തമിഴ് സിനിമകള്‍ മാത്രമാണ് ചെയ്തതെന്നും അവതാരകന്‍ ഓര്‍മ്മിപ്പെടുത്തിയെങ്കിലും ദുല്‍ഖറില്‍ തന്നെ താന്‍ ഉറച്ച് നില്‍ക്കുന്നുവെന്നായിരുന്നു ചന്ദ്രികയുടെ മറുപടി.

മിസ് വേള്‍ഡ് ഓസ്‌ട്രേലിയ, മിസ് ഇന്ത്യ ഓസ്‌ട്രേലിയ, മിസ് മാക്‌സിം ഇന്ത്യ തുടങ്ങിയ സൗന്ദര്യ മത്സരങ്ങളില്‍ വിജയം നേടിയിട്ടുള്ള ചന്ദ്രിക സെയ് എന്ന ചിത്രത്തിലൂടെയാണ് അഭിനയരംഗത്ത് എത്തുന്നത്.

സെല്‍ഫിയെടുക്കാന്‍ എത്തിയ പത്തുവയസുകാരന്റെ ഫോണ്‍ വലിച്ചെറിഞ്ഞ് നടി അനസൂയ: പ്രതിഷേധം ശക്തമായതോടെ ഫേസ്ബുക്ക്, ട്വിറ്റര്‍ അക്കൗണ്ടുകള്‍ ഡിലീറ്റ് ചെയ്തു
Posted by
07 February

സെല്‍ഫിയെടുക്കാന്‍ എത്തിയ പത്തുവയസുകാരന്റെ ഫോണ്‍ വലിച്ചെറിഞ്ഞ് നടി അനസൂയ: പ്രതിഷേധം ശക്തമായതോടെ ഫേസ്ബുക്ക്, ട്വിറ്റര്‍ അക്കൗണ്ടുകള്‍ ഡിലീറ്റ് ചെയ്തു

ഹൈദരാബാദ്: സെല്‍ഫിയെടുക്കാന്‍ സമീപമെത്തിയ പത്ത് വയസുകാരന്റെ ഫോണ്‍ വലിച്ചെറിഞ്ഞ് സിനിമ നടി. തെലുങ്ക് സിനിമ താരം അനസൂയയാണ് പത്തു വയസുകാരനോട് മോശമായി പെരുമാറിയത്. കുട്ടിയുടെ അമ്മയുടെ പരാതിയില്‍ നടിക്കെതിരെ പോലീസ് കേസെടുത്തു.

അനസൂയയെ കണ്ടതും സെല്‍ഫിയെടുക്കാന്‍ ഓടിയെത്തിയ ബാലന്റെ ഫോണ്‍ കുപിതയായ നടി വലിച്ചെറിയുകയായിരുന്നു എന്ന് പരാതിയില്‍ പറയുന്നു. നടന്ന സംഭവങ്ങള്‍ വിശിദീകരിക്കുന്ന ബാലന്റെ അമ്മയുടെ വീഡിയോയും സോഷ്യല്‍ മീഡിയയില്‍ വൈറലായതോടെ അനസൂയയുടെ സോഷ്യല്‍ നെറ്റ്വര്‍ക്കിംഗ് പ്ലാറ്റ്‌ഫോമുകളിലെല്ലാം കടുത്ത പ്രതിഷേധമാണ് അരങ്ങേറിയത്. ഇതിനെ തുടര്‍ന്ന് അവര്‍ ഫേസ്ബുക്ക്, ട്വിറ്റര്‍ അക്കൗണ്ടുകള്‍ ഡിആക്ടിവേറ്റ് ചെയ്തിരിക്കുകയാണ്.

നടിക്കെതിരായ പ്രതിഷേധം രൂക്ഷമാകുമ്പോളും താന്‍ അങ്ങനെ ചെയ്തിട്ടില്ലെന്നാണ് അനസൂയയുടെ വാദം. പയ്യന്‍ സെല്‍ഫിയെടുക്കാന്‍ എത്തിയപ്പോള്‍ താന്‍ അങ്ങനെയൊരു മൂടിലല്ലായിരുന്നു എന്നും, എങ്കിലും നല്ല രീതിയിലാണ് പെരുമാറിയതെന്നും അവര്‍ പറഞ്ഞു.

വീണ്ടും ക്രിക്കറ്റ്-സിനിമ പ്രണയം? ജസ്പ്രീത് ബുംറയോടുള്ള ഇഷ്ടം തുറന്ന് പറഞ്ഞ് തെന്നിന്ത്യന്‍ താരസുന്ദരി
Posted by
06 February

വീണ്ടും ക്രിക്കറ്റ്-സിനിമ പ്രണയം? ജസ്പ്രീത് ബുംറയോടുള്ള ഇഷ്ടം തുറന്ന് പറഞ്ഞ് തെന്നിന്ത്യന്‍ താരസുന്ദരി

മുംബൈ: ഇന്ത്യയിലെ ഏറ്റവും ജനപ്രീതിയുള്ള കായിക ഇനമേത് എന്ന് ചോദിച്ചാല്‍ ഉത്തരം ഒന്നേയുള്ള, ക്രിക്കറ്റ്. ഇഷ്ട വിനോദം എന്ന് ചോദിച്ചാല്‍, അത് സിനിമ. ഈ രണ്ട് മേഖലയില്‍ നിന്നുള്ളവര്‍ തമ്മില്‍ പ്രണയത്തിലയാല്‍ മാധ്യമങ്ങളും, ആരാധകരും അത് ആഘോഷമാക്കാറുണ്ട്. അത്തരത്തില്‍ ആഘോഷിക്കാന്‍ തക്ക ഒരു പ്രണയം ക്രിക്കറ്റ്-സിനിമ ലോകത്ത് നിന്ന് മൊട്ടിട്ടിരിക്കുകയാണെന്നാണ് പുതിയ വാര്‍ത്ത.

തെന്നിന്ത്യന്‍ സിനിമ താരം റാഷി ഖന്നയാണ് ഇന്ത്യന്‍ ക്രിക്കറ്റ് താരം ജസ്പ്രീത് ബുംറയോടുള്ള തന്റെ ഇഷ്ടം തുറന്ന് പറഞ്ഞത്. ഒരു ചാനലിന് നല്‍കിയ അഭിമുഖത്തിലാണ് റാഷി ബുംറയോടുള്ള ഇഷ്ടവും, ആരാധനയും തുറന്ന് പ്രകടിപ്പിച്ചത്. താന്‍ ഇന്ത്യയുടെ ഒരു മത്സരം പോലും കാണാതിരിക്കില്ലെന്നും, ബുംറയുണ്ടെങ്കില്‍ അതൊരിക്കിലും മിസ് ചെയ്യില്ലെന്നും താരം പറഞ്ഞു. റാഷിയുടെ ഈ ഇഷ്ടപ്രകടനത്തോട് ബുംറയുടെ പ്രതികരണം എന്തായിരിക്കും എന്നാണ് ഇപ്പോള്‍ ആരാധകര്‍ക്കിടയിലെ ചര്‍ച്ച വിഷയം.

മോഡേണ്‍ സില്‍ക്ക് സ്മിത, ആഞ്ജലീന ജോളി, ഇന്ത്യന്‍ എമി ജാക്‌സണ്‍ തുടങ്ങിയ വിശേഷണങ്ങളുമായി പാതിമലയാളി  ചന്ദ്രികാ രവി  തെന്നിന്ത്യന്‍ സിനിമയിലേക്ക്
Posted by
06 February

മോഡേണ്‍ സില്‍ക്ക് സ്മിത, ആഞ്ജലീന ജോളി, ഇന്ത്യന്‍ എമി ജാക്‌സണ്‍ തുടങ്ങിയ വിശേഷണങ്ങളുമായി പാതിമലയാളി ചന്ദ്രികാ രവി തെന്നിന്ത്യന്‍ സിനിമയിലേക്ക്

പാതി മലയാളിയും പാതി തമിഴ്നാട്ടുകാരിയുമായ ഒരു പെണ്‍കുട്ടിയാണ് ചന്ദ്രികാ രവി . മിസ് വേള്‍ഡ് ഓസ്ട്രേലിയ, മിസ് ഇന്ത്യ ഓസ്ട്രേലിയ, മിസ് മാക്സിം ഇന്ത്യ തുടങ്ങി നിരവധി മത്സരങ്ങളില്‍ പങ്കെടുത്ത് നിരവധി ടൈറ്റിലുകള്‍ നേടി. ഇപ്പോള്‍ സിനിമയിലും ഭാഗ്യം പരീക്ഷിക്കാനിറങ്ങുകയാണ് ചന്ദ്രിക.

ഞാന്‍ ഒരു തമിഴ്-മലയാളി പെണ്‍കുട്ടിയാണ്. എനിക്ക് ഒരു വലിയ ആഗ്രഹമുണ്ടായിരുന്നു സിനിമയില്‍ അരങ്ങേറ്റം കുറിയ്ക്കുകയാണെങ്കില്‍ അത് മലയാളത്തിലോ തമിഴിലോ ആയിരിക്കണമെന്ന്. ചന്ദ്രികാ രവി പറയുന്നു.

രാജ് ബാബു സംവിധാനം ചെയ്യുന്ന സെയ്, സന്തോഷ് പി ജയകുമാര്‍ സംവിധാനം ചെയ്യുന്ന ഇരുട്ട് അറയില്‍ മുരട്ട് കുത്ത് എന്നിങ്ങനെ രണ്ട് ചിത്രങ്ങള്‍ ചന്ദ്രികയുടേതായി ഈ വര്‍ഷം പുറത്തിറങ്ങും. ഇരുട്ട് അറയില്‍ മുരട്ട് കുത്ത് അഡല്‍ട്ട് കോമഡി വിഭാഗത്തില്‍പ്പെട്ട ചിത്രമാണ്.

ഓസ്‌ട്രേലിയയിലെ മെല്‍ബണിലാണ് ചന്ദ്രികയുടെ ജനനം. കുട്ടിക്കാലം മുതല്‍ തന്നെ നൃത്തത്തിനോടും അഭിനയിത്തിനോടും കടുത്ത താല്‍പര്യമുണ്ടായിരുന്നു. മര്‍ഡോക്ക് യൂണിവേഴ്‌സിറ്റി, ന്യൂയോര്‍ക്ക് ഫിലിം അക്കാദമി എന്നിവിടങ്ങളില്‍ നിന്ന് അഭിനയത്തില്‍ ഡിപ്ലോമയും കരസ്ഥമാക്കിയാണ് ചന്ദ്രിക സിനിമയില്‍ ഭാഗ്യം പരീക്ഷിക്കുന്നത്.

മോഡേണ്‍ സില്‍ക്ക് സ്മിത, ആഞ്ജലീന ജോളി എന്നൊക്കെ സിനിമയില്‍ എത്തും മുന്നെ വിളിപ്പേരുണ്ട് ചന്ദ്രികക്ക്. എമി ജാക്‌സണുമായും താരതമ്യം ചെയ്യുന്നവരുണ്ട്. ഈ വിളികളൊക്കെ ആസ്വദിക്കുന്നുണ്ട് ചന്ദ്രിക. രാജ് ബാബുവിന്റെ സെയ് ആണ് ചന്ദ്രികയുടെ ആദ്യ സിനിമ. അതിനു ശേഷം സന്തോഷ് പി ജയകുമാര്‍ സംവിധാനം ചെയ്യുന്ന ഇരുട്ടറയില്‍ മുരട്ടു കുത്ത് എന്ന സിനിമയില്‍ അഭിനയിക്കും.

ഇത് അഡല്‍റ്റ് ഹ്യൂമര്‍ ഗണത്തിലുള്ള സിനിമയാണ്.ഈ വര്‍ഷാവസാനം രണ്ടു സിനിമകളും പുറത്തിറങ്ങും. സൗന്ദര്യവും ആത്മവിശ്വാസവും ആവോളം കൈമുതലായുള്ള ചന്ദ്രികക്ക് ഈ രംഗത്ത് നല്ല ഭാവിയുണ്ടെന്നാണ് സിനിമാക്കാര്‍ കരുതുന്നത്

error: This Content is already Published.!!