നിങ്ങള്‍ക്കുമാകാം ആര്യയുടെ ജീവിതസഖി ..! സോഷ്യല്‍ മീഡിയയിലൂടെ പെണ്ണ് അന്വേഷിച്ച് താരം വീഡിയോ
Posted by
21 November

നിങ്ങള്‍ക്കുമാകാം ആര്യയുടെ ജീവിതസഖി ..! സോഷ്യല്‍ മീഡിയയിലൂടെ പെണ്ണ് അന്വേഷിച്ച് താരം വീഡിയോ

തമിഴര്‍ക്ക് എന്നപോലെ തന്നെ മലയാളികളുടെയും പ്രയങ്കരനായ നടനാണ് ആര്യ. നല്ല നടന്‍ എന്നതിനോടൊപ്പം മികച്ച വ്യക്തിത്വത്തിന് ഉടമയാണ് താരം എന്നത് സഹപ്രവര്‍ത്തകരെല്ലാം പല അഭിമുഖങ്ങളിലും വ്യക്തമാക്കിയിട്ടുണ്ട്. സിനിമകളില്‍ കാമ്പുള്ള കഥാപാത്രങ്ങള്‍ തെരഞ്ഞെടുക്കുമ്പോളും ജീവിതത്തില്‍ കുസൃതി നിറഞ്ഞ നിഷ്‌കളങ്കമായ സ്വഭാവം. ഇത്തരമൊരു സൂപ്പര്‍സ്റ്റാറിനെ സ്വന്തമാക്കാന്‍ ഏത് പെണ്‍കുട്ടിയാണ് ആഗ്രഹിക്കാത്തത്.

ഇതിനുള്ള അവസരവുമായി രംഗത്ത് എത്തിയിരിക്കുകയാണ് താരം. വിവാഹപ്രായമായി എന്ന് ബോധ്യമായതിനാല്‍ കല്യാണം കഴിക്കാന്‍ തന്നെ തീരുമാനിച്ചിരിക്കുന്നു. എന്നാല്‍ സ്വതവെ സിനിമാക്കാര്‍ ചെയ്യുന്നപോലെ സഹപ്രവര്‍ത്തകയെയോ, സുഹൃത്തുക്കളെയോ അല്ല ആര്യ ജീവിത സഖിയായി തെരഞ്ഞെടുക്കാന്‍ ആഗ്രഹിക്കുന്നത്. അതിന് തന്നെ ഇഷ്ടപ്പെടുന്ന ഏത് പെണ്‍കുട്ടിക്കും അവസരമുണ്ടെന്ന് താരം പറയുന്നു.

കഴിഞ്ഞയാഴ്ച്ച ജിമ്മില്‍ തന്റെ വിവാഹക്കാര്യത്തെപ്പറ്റി നടന്ന സ്വകാര്യ സംഭാഷണം സുഹൃത്തുക്കള്‍ ചേര്‍ന്ന് ഫേസ്ബുക്കില്‍ പോസ്റ്റ് ചെയ്തിരുന്നു. ഇതിന് പിന്നാലെയാണ് താന്‍ ഇക്കാര്യം ആരാധകരുമായി പങ്കുവെക്കാന്‍ തീരുമാനിച്ചതെന്നു ആര്യ ഫേസ്ബുക്കില്‍ പോസ്റ്റ് ചെയ്ത വീഡിയോയില്‍ പറയുന്നു. തനിക്ക് യാതൊരു ഡിമാന്‍ഡസും, കണ്ടീഷന്‍സുമില്ല. നിങ്ങള്‍ക്ക് എന്നെ ഇഷ്ടമാണെങ്കില്‍ 73301 73301 എന്ന നമ്പറിലേക്ക് വിളിക്കാനാണ് ആര്യ വീഡിയോയില്‍ ആവശ്യപ്പെടുന്നത്. ഇത് വെറും തമാശയായി കാണരുതെന്നും ആര്യ വ്യക്തമാക്കുന്നുണ്ട്.

ലോകത്ത് ഏത് നിര്‍മ്മാതാവിനുണ്ട് ഈ ധൈര്യം?: തീയേറ്ററിലോടുന്ന കാര്‍ത്തീ ചിത്രം ഓണ്‍ലൈന്‍ കാണണമെന്ന് ആവശ്യപ്പെട്ട ആരാധകന് നിര്‍മ്മാതാവ് എസആര്‍ പ്രഭു നല്‍കിയ മരണമാസ്സ് മറുപടി
Posted by
20 November

ലോകത്ത് ഏത് നിര്‍മ്മാതാവിനുണ്ട് ഈ ധൈര്യം?: തീയേറ്ററിലോടുന്ന കാര്‍ത്തീ ചിത്രം ഓണ്‍ലൈന്‍ കാണണമെന്ന് ആവശ്യപ്പെട്ട ആരാധകന് നിര്‍മ്മാതാവ് എസആര്‍ പ്രഭു നല്‍കിയ മരണമാസ്സ് മറുപടി

ഓപ്പറേഷന്‍ ബാവരിയ കേസിനെ ആസ്പദമാക്കി എച്ച് വിനോദ് സംവിധാനം ചെയ്ത കാര്‍ത്തീ ചിത്രം ‘തീരന്‍ അധികാരം ഒണ്‍ട്രാ’ തീയേറ്ററുകളില്‍ നിറഞ്ഞ സദസില്‍ പ്രദര്‍ശനം തുടരുകയാണ്. പ്രേക്ഷകരും, നിരൂപകരും ഒരേ സ്വരത്തിലാണ് സിനിമയെ പ്രശംസിച്ച് രംഗത്ത് എത്തുന്നത്. എന്നാല്‍ സിനിമയുടെ ഈ ഗംഭീര വിജയത്തിലും ചര്‍ച്ചയാകുന്നത് തീരന്റെ നിര്‍മ്മാതാവ് എസ്ആര്‍ പ്രഭുവിന്റെ ഒരു മരണമാസ് ട്വീറ്റാണ്.

ഇംഗ്ലീഷ് സബ്‌റ്റൈറ്റില്‍ ഇല്ലാത്തതിനാല്‍ തീരന്‍ കാണാന്‍ സാധിക്കാത്ത ആരാധകന് വേണ്ടിയായിരുന്നു എസ്ആര്‍ പ്രഭുവിന്റെ ധീരമായ മറുപടി. താന്‍ താമസിക്കുന്നതിന് സമീപം എവിടെയും ചിത്രത്തിന് സബ്‌ടൈറ്റില്‍ ഇല്ലെന്നും, അതിനാല്‍ പണമടച്ച് ഓണ്‍ലൈനായി സബ്‌ടൈറ്റിലോടെ സിനിമ കാണാനുള്ള അവസരമുണ്ടോ എന്നായിരുന്നു ആരാധകന് അറിയേണ്ടിയിരുന്നത്.

നിമിഷങ്ങള്‍ക്കകം തന്നെ തികച്ചും അപ്രതീക്ഷിതമായി എസആര്‍ പ്രഭുവിന്റെ മറുപടി എത്തി. കഴിയുമെങ്കില്‍ 25 ദിവസത്തിന് ശേഷം സിനിമ ആമസോണ്‍ പ്രൈമില്‍ റിലീസ് ചെയ്യാന്‍ കാത്തിരിക്കുക. ഇല്ല എങ്കില്‍ ഇന്റര്‍നെറ്റില്‍ ലഭ്യമായ തീരന്‍ അധികാരം ഒണ്‍ട്രുവിന്റെ എച്ച്ഡി വ്യാജപ്രിന്റ് ഡൗണ്‍ലോഡ് ചെയ്ത് കണ്ട ശേഷം, പണം ആത്യാവശ്യമുള്ള ആര്‍ക്കെങ്കിലും ഈ സിനിമയുടെ പേരില്‍ പത്ത് ഡോളര്‍ നല്‍കുക (650 രൂപ) . ഇത് വഴി നമ്മള്‍ ഇരുവര്‍ക്കും സന്തോഷം ലഭിക്കുമെന്നും പ്രഭു കൂട്ടിച്ചേര്‍ത്തു.എസ്ആര്‍ പ്രഭു തന്റെ സഹോദരനായ എസആര്‍ പ്രകാശ്ബാബുവുമായി ചേര്‍ന്ന് ഡ്രീം വാരിയേര്‍സ് എന്ന പ്രെഡക്ഷന്‍ ബാനറിലാണ് സിനിമ നിര്‍മ്മിച്ചിരിക്കുന്നത്.

 

ലോകസുന്ദരി മാനുഷി ചില്ലര്‍ ഇനി ബിഗ്‌സ്‌ക്രീന്‍ കീഴടക്കും: കിടിലന്‍ ഓഫറുകളുമായി സിനിമലോകം
Posted by
19 November

ലോകസുന്ദരി മാനുഷി ചില്ലര്‍ ഇനി ബിഗ്‌സ്‌ക്രീന്‍ കീഴടക്കും: കിടിലന്‍ ഓഫറുകളുമായി സിനിമലോകം

മുന്‍ ലോകസുന്ദരിമാരായ ഐശ്വര്യറായിയിക്കും, പ്രിയങ്ക ചോപ്രയ്ക്കും പിന്നാലെ സിനിമലോകത്തിലേക്ക് ചുവട് വെക്കാന്‍ ഒരുങ്ങി 2017 ലോകസുന്ദരിപ്പട്ടം കരസ്ഥമാക്കിയ മാനുഷി ചില്ലര്‍. എന്തിരന്‍ 2.0ന് ശേഷം കമലഹസനെ നായകനാക്കി ശങ്കര്‍ സംവിധാനം ചെയ്യുന്ന ഇന്ത്യന്‍ 2വിലേക്കാണ് മാനുഷിയെ നായികയായി ക്ഷണിച്ചിരിക്കുന്നത്.

മുന്‍ ലോകസുന്ദരിയായ ഐശ്വര്യ റായിയും മോഹന്‍ലാല്‍ നായകനായ മണിരത്‌നത്തിന്റെ തമിഴ് ചിത്രം ഇരുവറിലൂടെയാണ് സിനിമയില്‍ അരങ്ങേറ്റം കുറിച്ചത്. അഭിനയവും, സിനിമയും എന്നും തന്റെ സ്വപ്‌നമായിരുന്നുവെന്ന് മാനുഷി ചില്ലര്‍ മിസ് ഇന്ത്യപ്പട്ടം കരസ്ഥമാക്കിയ അവസരത്തില്‍ വ്യക്തമാക്കിയിരുന്നു. ബോളിവുഡില്‍ നിന്നും കരണ്‍ ജോഹറടക്കം അനേകം പ്രമുഖ സംവിധായകരാണ് മാനുഷിയെ സമീപിച്ചിരിക്കുന്നത്.

രജിനിയോ, കമലോ? ഏആര്‍ റഹ്മാന്‍ പറയുന്നു
Posted by
18 November

രജിനിയോ, കമലോ? ഏആര്‍ റഹ്മാന്‍ പറയുന്നു

ലോകത്തിന് മുന്നില്‍ ഇന്ത്യക്ക് കാഴ്ച്ചവെക്കാന്‍ സാധിക്കുന്ന ഏറ്റവും വലിയ പ്രതിഭയാണ് എആര്‍ റഹ്മാന്‍. ഇന്ത്യക്ക് പുറത്തും ചില്ലറ ആരാധകരൊന്നുമല്ല ചെന്നൈയുടെ മൊസാര്‍ട്ടിനുള്ളത്. എന്നാല്‍ ഈ പ്രതിഭ ആരാധിക്കുന്ന സൂപ്പര്‍ താരം ആരായിരിക്കുമെന്ന് ചിന്തിച്ചിട്ടുണ്ടോ.

ഒരു ഉത്തരേന്ത്യന്‍ ന്യൂസ് ചാനലിന് നല്‍കിയ അഭിമുഖത്തില്‍ എആര്‍ റഹ്മാന്‍ ഇക്കാര്യം വെളിപ്പെടുത്തി. താങ്കള്‍ ആരുടെ ഫാനാണ് രജിനികാന്തിന്റെയാണോ, കമലഹാസന്റെയാണോ എന്ന അതാരകന്റെ ചോദ്യത്തിനായിരുന്നു എആര്‍ റഹ്മാന്റെ വെളിപ്പെടുത്തല്‍.

‘ഞാനൊരു രജനി ഫാനാണ്, പക്ഷെ എനിക്ക് കമലിനെയും ഇഷ്ടമാണ്. നമ്മുടെ ജീവിതത്തെ സമ്പന്നമാക്കിയിട്ടുള്ള താരങ്ങളാണ് എംജിആറും ശിവാജിയും രജനിയും കമലുമൊക്കെ. ഈ തലമുറയില്‍ ഇപ്പോള്‍ അജിത്തും വിജയിയുമൊക്കെയാണ്. 198384 കാലഘട്ടത്തിലാണ് തഞ്ചാവൂരില്‍വെച്ച് ഞാന്‍ ബില്ല കാണുന്നത്. ആ ചെറിയ നഗരത്തില്‍ പോയി സിനിമ കണ്ടതിന്റെ ഓര്‍മ്മകള്‍ ഇപ്പോഴുമുണ്ട്. മുത്തു, പടയപ്പ, ശവജി പോലുള്ള സിനിമകള്‍ക്ക് ഞാനാണ് സംഗീതം നല്‍കിയത്. ആത്മിയതയില്‍നിന്ന് ഊര്‍ജം ഉള്‍ക്കൊണ്ട് അത് കലയില്‍ പ്രതിഫലിപ്പിക്കുക എന്നതൊരു കലയാണ്, ആ കല മനോഹരമായി നിര്‍വഹിക്കുന്നൊരാളാണ് രജനി. അദ്ദേഹം എനിക്കൊരു പ്രചോദനമായിരുന്നു.

 

 

 

വിമര്‍ശനങ്ങളുടെ മുനയൊടിച്ച് മെര്‍സല്‍ മുന്നേറുന്നു:ബോക്‌സ് ഓഫീസ് കളക്ഷന്‍ അറിയാം
Posted by
16 November

വിമര്‍ശനങ്ങളുടെ മുനയൊടിച്ച് മെര്‍സല്‍ മുന്നേറുന്നു:ബോക്‌സ് ഓഫീസ് കളക്ഷന്‍ അറിയാം

കുറുകെ നിന്ന വിവാദങ്ങള്‍ക്ക് ബോക്‌സ് ഓഫീസ് കളക്ഷനിലൂടെയാണ് ഇളയദളപതി വിജയ് ചിത്രം മെര്‍സല്‍ മറുപടി നല്‍കുന്നത്. ആറ്റ്‌ലി സംവിധാനം ചെയ്ത സിനിമ അന്താരാഷ്ട്ര ബോക്‌സഓഫീസില്‍ ഇതിനോടകം 235 കോടി രൂപ കളക്ഷന്‍ നേടികഴിഞ്ഞു. ഒക്ടോബര്‍ 18ന് റിലീസായ ചിത്രം ഒരു മാസം പിന്നിടുമ്പോളും ഹൗസ്ഫുള്ളായിയാണ് തമിഴ്‌നാട്ടില്‍ പ്രദര്‍ശനം തുടരുന്നത്.

ഇതിനോടൊപ്പം തെലുങ്ക് പതിപ്പായ അതിരിന്ദിയും മികച്ച കളക്ഷനോടെ തീയേറ്ററുകള്‍ കീഴടക്കി കഴിഞ്ഞു. കളക്ഷന്‍ 250 കോടി കവിയുമെന്ന് തന്നെയാണ് ബോക്‌സ് ഓഫീസ് വിദഗ്ദരുടെ അഭിപ്രായം. അങ്ങനെ സംഭവിച്ചാല്‍ 250 കോടി കവിയുന്ന അഞ്ചാമത്തെ ദക്ഷിണേന്ത്യന്‍ ചിത്രമാകും മെര്‍സല്‍. എന്തിരന്‍, ബാഹുബലി, കബാലി, ബാഹുബലി 2 എന്നിവയാണ് മറ്റ് ചിത്രങ്ങള്‍.

കേന്ദ്രസര്‍ക്കാര്‍ പദ്ധതികളായ ഡിജിറ്റല്‍ ഇന്ത്യ, നോട്ട് നിരോധനം എന്നിവയെ വിമര്‍ശിച്ചതിന് സിനിമയ്‌ക്കെതിരെ രാജ്യമെങ്ങുമുള്ള ബിജെപി പ്രവര്‍ത്തകര്‍ വലിയ വിമര്‍ശനങ്ങള്‍ ഉയര്‍ത്തിയിരുന്നു.

പ്രഭാസിന്റെ കിടിലന്‍ പിറന്നാള്‍ സമ്മാനം കണ്ട് ഞെട്ടി കാമുകി അനുഷ്‌ക
Posted by
15 November

പ്രഭാസിന്റെ കിടിലന്‍ പിറന്നാള്‍ സമ്മാനം കണ്ട് ഞെട്ടി കാമുകി അനുഷ്‌ക

തന്റെ കാമുകിയും നടിയുമായ തെന്നിന്ത്യന്‍ താരസുന്ദരി അനുഷ്‌ക ഷെട്ടിക്ക് സൂപ്പര്‍താരം പ്രഭാസ് കൊടുത്തത് കിടിലന്‍ പിറന്നാള്‍ സമ്മാനം. ന​വം​ബ​ര്‍ ആ​റിന് തെ​ന്നി​ന്ത്യ​ന്‍ താ​രറാ​ണി​യാ​യ അ​നു​ഷ്ക​യു​ടെ പി​റ​ന്നാ​ളാ​യി​രു​ന്നു .സി​നി​മ മേ​ഖ​ല​യി​ലെ പ​ല പ്ര​മു​ഖ​രും താ​ര​ത്തി​ന് പി​റ​ന്നാ​ള്‍ ആ​ശം​സ​യു​മാ​യി എ​ത്തി. അ​പ്പോ​ഴെ​ല്ലാം ആ​രാ​ധ​ക​ര്‍ കാ​ത്തി​രു​ന്ന​ത് പ്ര​ഭാ​സ് അ​നു​ഷ്ക​യ്ക്ക് ന​ല്‍​കു​ന്ന സ​മ്മാ​നം എ​ന്താ​ണെ​ന്ന് അ​റി​യാ​നാ​യി​രു​ന്നു.

ആ​രാ​ധ​ക​ര്‍ കാ​ത്തി​രു​ന്ന​തുപോ​ലെ ത​ന്നെ പ്ര​ഭാ​സ് ത​ന്‍റെ പ്രി​യ സു​ഹൃ​ത്തി​ന് ഏ​റ്റ​വും വി​ല​യേ​റി​യ സ​മ്മാ​ന​മാ​ണ് ന​ല്‍​കി​യ​തെ​ന്നാ​ണ് റി​പ്പോ​ര്‍​ട്ട് ചെ​യ്യു​ന്ന​ത്. ഇ​ന്ത്യ ഡോ​ട്ട് കോ​മി​ന്‍റെ റി​പ്പോ​ര്‍​ട്ട് പ്ര​കാ​രം പ്ര​ഭാ​സ് ഒ​രു ബി​എം​ഡ​ബ്ല്യു കാ​റാ​ണ​ത്രേ അ​നു​ഷ്ക​യ്ക്ക് പി​റ​ന്നാ​ള്‍ സ​മ്മാ​ന​മാ​യി ന​ല്‍​കി​യ​ത്. ഒ​ക്ടോ​ബ​ര്‍ 23ന് ​പ്ര​ഭാ​സി​ന്‍റെ പി​റ​ന്നാ​ളാ​യി​രു​ന്നു. അ​ന്ന് പ്ര​ഭാ​സി​നെ ഞെ​ട്ടി​ക്കു​ന്ന സ​മ്മാ​ന​മാ​ണ് അ​നു​ഷ്ക ന​ല്‍​കി​യ​ത്. വാ​ച്ചു​ക​ളോ​ട് ഏ​റെ ഇ​ഷ്ട​മു​ള്ള പ്ര​ഭാ​സി​ന് വി​ല​യേ​റി​യ ഒ​രു ഡി​സൈ​ന​ര്‍ വാ​ച്ചാ​ണ് അ​നു​ഷ്ക സ​മ്മാ​ന​മാ​യി ന​ല്‍​കി​യ​ത്.

ക​ര​ണ്‍ ജോ​ഹ​ര്‍ ചി​ത്ര​ത്തി​ലൂ​ടെ ബോ​ളി​വു​ഡി​ലേ​ക്ക് പ്ര​വേ​ശി​ക്കാ​ന്‍ അ​നു​ഷ്ക​യ്ക്ക് ല​ഭി​ച്ച അ​വ​സ​രം നി​ര​സി​ക്കാ​ന്‍ കാ​ര​ണം പ്ര​ഭാ​സാ​ണെ​ന്ന് ചി​ല ദേ​ശീ​യ മാ​ധ്യ​മ​ങ്ങ​ള്‍ റി​പ്പോ​ര്‍​ട്ട് ചെ​യ്തി​രു​ന്നു. ക​ര​ണ്‍ ജോ​ഹ​റി​ല്‍ നി​ന്ന് ഇ​ത്ത​ര​ത്തി​ലൊ​രു ക്ഷ​ണം വ​ന്ന​പ്പോ​ള്‍ അ​നു​ഷ്ക പ്ര​ഭാ​സു​മാ​യി കൂ​ടി ആ​ലോ​ചി​ച്ചെ​ന്നാ​ണ് റി​പ്പോ​ര്‍​ട്ട്. പ്ര​ഭാ​സി​ന്‍റേ​യും അ​നു​ഷ്ക​യു​ടേ​യും കു​ടും​ബ​ങ്ങ​ളി​ല്‍ വി​വാ​ഹ​ത്തി​നു​ള്ള ആ​ലോ​ച​ന​ക​ള്‍ ത​കൃ​തി​യാ​യി ന​ട​ക്കു​ന്നു​ണ്ടെ​ന്നാ​ണ് റി​പ്പോ​ര്‍​ട്ട്. അ​തി​നാ​ലാ​ണ് ബോ​ളി​വു​ഡ് ക്ഷ​ണം അ​നു​ഷ്ക നി​ര​സി​ച്ച​തെ​ന്നും റി​പ്പോ​ര്‍​ട്ടു​ക​ളു​ണ്ട്.

തെ​ന്നി​ന്ത്യ​ന്‍ സി​നി​മ​യി​ലെ മി​ക​ച്ച താ​ര ജോ​ഡി​ക​ളാ​ണ് പ്ര​ഭാ​സും അ​നു​ഷ്ക​യും. സ്ക്രീ​നി​ല്‍ മാ​ത്ര​മ​ല്ല സി​നി​മ​യ്ക്ക് പു​റ​ത്തും ഇ​രു​വ​രും ന​ല്ല സു​ഹൃ​ത്തു​ക്ക​ളാ​ണ്. ബാ​ഹു​ബ​ലി എ​ന്ന ചി​ത്ര​ത്തോ​ടെ​യാ​ണ് ഇ​രു​വ​രും ഗോ​സി​പ്പ് കോ​ള​ങ്ങ​ളി​ല്‍ നി​റ​യു​ന്ന​ത്. പ്ര​ഭാ​സി​നെ ത​ന്‍റെ ഏ​റ്റ​വും അ​ടു​ത്ത സു​ഹൃ​ത്താ​യി​ട്ടാ​ണ് അ​നു​ഷ്ക പ​രി​ച​യ​പ്പെ​ടു​ത്തി​യി​ട്ടു​ള്ള​ത്. വി​വാ​ഹ വാ​ര്‍​ത്ത​ക​ളേ​യും ഗോ​സി​പ്പു​ക​ളേ​യും അ​നു​ഷ്ക​യും പ്ര​ഭാ​സും നി​ര​വ​ധി ത​വ​ണ നി​ര​സി​ക്കു​ക​യും ചെ​യ്തി​ട്ടു​ണ്ട്.

‘എങ്കള്‍ തലൈവി നയന്‍താര’ ജയിലളിതയ്ക്ക് ശേഷം നയന്‍താരയെ തലൈവി എന്ന് വിളിച്ച് തമിഴ്മക്കള്‍
Posted by
14 November

'എങ്കള്‍ തലൈവി നയന്‍താര' ജയിലളിതയ്ക്ക് ശേഷം നയന്‍താരയെ തലൈവി എന്ന് വിളിച്ച് തമിഴ്മക്കള്‍

മുന്‍ മുഖ്യമന്ത്രി ജയലളിതയെയാണ് തമിഴ് ജനത കാലങ്ങളായി സ്‌നേഹപൂര്‍വ്വം തലൈവി എന്ന് വിളിച്ചിരുന്നത്. അത്രവേഗമൊന്നും തലൈവിപട്ടം തമിഴമക്കള്‍ ആര്‍ക്കും നല്‍കാറില്ല. എന്നാല്‍ കഴിഞ്ഞദിവസം പുതിയ സിനിമ ആറം സിനിമയുടെ പ്രചരണാര്‍ഥം ചെന്നൈയിലെത്തിയപ്പോള്‍ നയന്‍താരയെ ആരാധകര്‍ സ്വീകരിച്ചത് ‘എങ്കള്‍ തലൈവി നയന്‍താര’ എന്ന ആര്‍പ്പുവിളികളുമായിട്ടായിരുന്നു.

സിനിമയിലെ ഗ്ലാമര്‍വേഷങ്ങളില്‍ നിന്നും വേറിട്ടപാതയിലൂടെയാണ് ഈയിടെയായി നയന്‍താരയുടെ യാത്ര. പുതിയ ചിത്രം ആറം അത് തെളിയിക്കുകയും ചെയ്യുന്നു. തമിഴ്‌നാടിന്റെ സമകാലിക രാഷ്ട്രീയസാഹചര്യങ്ങളും സാമൂഹികപ്രശ്‌നങ്ങളും കൈകാര്യം ചെയ്യുന്ന ചിത്രത്തിന് വന്‍വരവേല്‍പ്പാണ് ലഭിച്ചിരിക്കുന്നത്.

തമിഴില്‍ നായകപ്രാധനമില്ലാതെ ഒറ്റയ്‌ക്കൊരു സിനിമ വിജയിപ്പിക്കുക അത്ര എളുപ്പമല്ല. പക്ഷെ തനിക്കത് സാധിക്കുമെന്ന് മായ പോലെയുള്ള സിനിമകളിലൂടെ നയന്‍താര തെളിയിച്ചുകഴിഞ്ഞു. അതുകൊണ്ടുതന്നെയാണ് തമിഴകത്തിന്റെ ലേഡിസൂപ്പര്‍സ്റ്റാര്‍ എന്ന പദവി നയന്‍താരയ്ക്ക് സിനിമാലോകം നല്‍കിയത്.

രജനികാന്തിനെയും വിജയ്‌യുമൊക്കെ തലൈവ എന്നും ദളപതി എന്നും വിശേഷിപ്പിക്കുമ്പോഴും ഇതുവരെ ആര്‍ക്കും തലൈവിപട്ടം നല്‍കാന്‍ തമിഴ്ജനത തയാറായിട്ടില്ല. ആഭരണങ്ങളോ മേക്കപ്പോ ഇല്ലാതെ നീല നിറത്തിലുള്ള സാരിയും ഹാഫ് കൈ ബ്ലൗസും കൈയില്‍ ഒരു വാച്ചും മാത്രമണിഞ്ഞ് എത്തിയ നയന്‍താരയെ കണ്ടാല്‍ തലൈവി എന്ന് വിളിക്കാന്‍ തോന്നിപോകുമെന്നാണ് ആരാധകര്‍ പറയുന്നത്.

ആരാധകരുടെ തലൈവി വിളിയ്ക്ക് താരം കൈ കൂപ്പി അഭിവാദ്യങ്ങള്‍ അറിയിക്കുകയും ചെയ്തു. സിനിമയുടെ വെള്ളിവെളിച്ചത്തില്‍ നിന്നും തമിഴ്‌നാടിന്റെ മുഖ്യമന്ത്രികസേരയിലെത്തിയ ജയലളിതയുടെ അഭാവം ഇന്നും തമിഴ്മണ്ണിന്റെ വിങ്ങലാണ്.

തമിഴ്‌നാട്ടില്‍ ആറം തരംഗം; ചിത്രം കണ്ടതിന് ശേഷം അമല പോളിന് നയന്‍താരയോട് പറയാനുള്ളത്
Posted by
14 November

തമിഴ്‌നാട്ടില്‍ ആറം തരംഗം; ചിത്രം കണ്ടതിന് ശേഷം അമല പോളിന് നയന്‍താരയോട് പറയാനുള്ളത്

തമിഴ്‌നാട്ടില്‍ എവിടേയും ആറം തരംഗം. തെന്നിന്ത്യയുടെ ലേഡി സൂപ്പര്‍ സ്റ്റാര്‍ നയന്‍താരയെ നായികയാക്കി ഗോപി നൈനാര്‍ അണിയിച്ചൊരുക്കിയ പൊളിറ്റിക്കല്‍ ത്രില്ലര്‍ അറാം മികച്ച പ്രതികരണങ്ങളോടെ മുന്നേറുകയാണ്. തീയ്യേറ്ററുകളെ ഇളക്കിമറിക്കുന്ന നയന്‍സിന്റെ കരത്തുറ്റ കഥാപാത്രത്തിന് പ്രേക്ഷകരിന്‍ നിന്നും മാത്രമല്ല സിനിമാ രംഗത്തുള്ളവരില്‍ നിന്നും മികച്ച അഭിപ്രായങ്ങളാണ് ലഭിക്കുന്നത്.

ഇപ്പോഴിതാ ചിത്രം കണ്ടതിന് ശേഷം നയന്‍സിനെ അഭിനന്ദിച്ച് രംഗത്തെത്തിയിരിക്കുകയാണ് തെന്നിന്ത്യന്‍താരം അമലപോള്‍. ‘നല്ല സിനിമയെ പ്രേക്ഷകര്‍ സ്വീകരിക്കുമെന്നതിനുള്ള ഉത്തമോദഹരണമാണ് അറാം. സൂപ്പര്‍ സ്റ്റാറുകള്‍ കേന്ദ്ര കഥാപാത്രമായെത്തുന്ന സിനിമകള്‍ മാത്രമല്ല വിജയിക്കുന്നതെന്നും ഈ ചിത്രം കാണിച്ച് തന്നു. മുന്‍ചിത്രങ്ങളില്‍ നിന്നും വ്യത്യസ്തമായ മേക്കോവറുമായാണ് നയന്‍താര ഈ സിനിമയില്‍ പ്രത്യക്ഷപ്പെടുന്നത്. ഗ്ലാമറസ് രംഗങ്ങളൊന്നുമില്ല, ചിത്രത്തിന് വേണ്ടി മേക്കപ്പും അധികം ഉപയോഗിച്ചിട്ടില്ല. അത്തരം രംഗങ്ങളില്ലാതെയും സിനിമ വിജയിക്കുമെന്നതിനുള്ള തെളിവ് കൂടിയാണ് അറത്തിലൂടെ ലഭിച്ചതെന്ന്’ അമല പോള്‍ പങ്കുവെക്കുന്നു.

വളരെയേറെ സാമൂഹിക പ്രസക്തിയുള്ള വിഷയമാണ് ചിത്രം സംസാരിക്കുന്നത്. തമിഴ് ജനതയുടെ രക്ഷക്കായി എത്തുന്ന കളക്ടറുടെ വേഷം കയ്യടികളോടെയാണ് തീയ്യേറ്ററുകളില്‍ മുന്നേറുന്നത്.

തീവ്രവിശ്വാസിയായിരുന്ന തന്നെ ഒരു നാസ്തികനാക്കിയത് ഇഎംസിന്റെ കാഴ്ച്ചപ്പാടുകളാണ്: കേരളത്തിനോടുള്ള പ്രിയം വീണ്ടും വ്യക്തമാക്കി കമല്‍ ഹാസന്‍
Posted by
12 November

തീവ്രവിശ്വാസിയായിരുന്ന തന്നെ ഒരു നാസ്തികനാക്കിയത് ഇഎംസിന്റെ കാഴ്ച്ചപ്പാടുകളാണ്: കേരളത്തിനോടുള്ള പ്രിയം വീണ്ടും വ്യക്തമാക്കി കമല്‍ ഹാസന്‍

ന്യുഡല്‍ഹി: കടുത്ത വിശ്വാസിയായിരുന്ന തന്നെ യുക്തിവാദത്തിലേക്ക് നയിച്ചതില്‍ കേരളത്തിനും, കേരളത്തിന്റെ ആദ്യ മുഖ്യമന്ത്രിയായ ഇഎംഎസ് നമ്പൂതിരിപാടിനും വലിയ പങ്കുണ്ടെന്ന് തുറന്ന് പറഞ്ഞ് നടന്‍ കമല്‍ഹാസന്‍. ചെറുപ്പത്തില്‍ മൂന്ന് മണിക്കൂര്‍ വരെ പ്രാര്‍ത്ഥിക്കുന്ന തീവ്രവിശ്വാസിയായിരുന്നു താന്‍ എന്നും കമല്‍ഹാസന്‍ പറഞ്ഞു. മിററര്‍ നൗ ചാനലില്‍ ബര്‍ക്കാ ദത്തിന് നല്‍കിയ അഭിമുഖത്തിലാണ് താരം ഇക്കാര്യങ്ങള്‍ വെളിപ്പെടുത്തിയത്.

ചെറുപ്പത്തില്‍ കടുത്ത വിശ്വാസിയായിരുന്നു ഞാന്‍, മൂന്ന് മണിക്കൂര്‍ വരെ പ്രാര്‍ത്ഥനയ്ക്ക് വേണ്ടി ചിലവഴിക്കുമായിരുന്നു. പിന്നീടെങ്ങനെയാണ് യുക്തിവാദത്തിലേക്ക് തിരിഞ്ഞതെന്ന് ബര്‍ക്ക ദത്തിന്റെ ചോദ്യത്തിന് തമിഴ്‌നാടിനോടാണ് താന്‍ അതില്‍ കടപ്പെട്ടിരിക്കുന്നത് എന്നായിരുന്നു കമല്‍ ഹസന്റെ മറുപടി. ചുറ്റിലും ഉയര്‍ന്ന ശബ്ദങ്ങള്‍ തന്നെ ഇങ്ങനെയാക്കി. പതിനാറാം വയസോടെ കേരളം തന്നെ വലിയ തോതില്‍ സ്വാധീനിച്ചു. അന്നാട്ടിലെ വിക്കുള്ള ഒരു രാഷ്ട്രീയക്കാരനോട് തനിക്ക് ആരാധന തോന്നി. അദ്ദേഹത്തിന്റെ പ്രസംഗങ്ങള്‍ കേട്ട് ആരും കളിയാക്കി ചിരിക്കുന്നത് കണ്ടില്ല. എല്ലാ മലയാളികള്‍ക്കും അറിയാം താന്‍ ആരെപ്പറ്റിയാണ് സംസാരിക്കുന്നതെന്ന്.

സദസില്‍ നിന്നും ഇംഎംഎസിന്റെ പേര് ഉയര്‍ന്നതോടെ കമല്‍ഹാസന്‍ തലയാട്ടി. ഇംഎംസ് തന്നെ വല്ലാതെ സ്വാധീനിച്ച വ്യക്തിയാണ്. അദ്ദേഹം വിക്കി സംസാരിക്കുമ്പോള്‍ ആളുകളള്‍ ശ്രദ്ധിച്ചിരിക്കുന്നത് തന്നെ അത്ഭുതപ്പെടുത്തി. പിന്നീട് ഇഎംഎസിനെപ്പറ്റി ആഴത്തില്‍ മനസിലാക്കാന്‍ ശ്രമിച്ചുവെന്നും കമല്‍ഹാസന്‍ പറഞ്ഞു.

നീറ്റ് വിവാദത്തില്‍ ആത്മഹത്യ ചെയ്ത അനിതയുടെ പേരില്‍ തമിഴ്‌നാട്ടിലെ വിദ്യാഭ്യാസ സ്ഥാപനങ്ങള്‍ക്ക് ഭീമന്‍ തുക സംഭാവന നല്‍കി മക്കള്‍ സെല്‍വന്‍ വിജയ് സേതുപതി
Posted by
10 November

നീറ്റ് വിവാദത്തില്‍ ആത്മഹത്യ ചെയ്ത അനിതയുടെ പേരില്‍ തമിഴ്‌നാട്ടിലെ വിദ്യാഭ്യാസ സ്ഥാപനങ്ങള്‍ക്ക് ഭീമന്‍ തുക സംഭാവന നല്‍കി മക്കള്‍ സെല്‍വന്‍ വിജയ് സേതുപതി

ചെന്നൈ: തമിഴ്‌നാട്ടിലെ വിദ്യാഭ്യാസ സ്ഥാപനങ്ങളുടെ വികസനത്തിനായി 49.70 ലക്ഷം സംഭാവനയായി നല്‍കി നടന്‍ വിജയ് സേതുപതി. നീറ്റ് പരീക്ഷയുടെ പേരില്‍ ആത്മഹത്യ ചെയ്ത അനിതയുടെ പേരിലായിരിക്കും പണം സംഭാവന നല്‍കുന്നതെന്ന് നടന്‍ മാധ്യമങ്ങളോട് വ്യക്തമാക്കി.

774 അംഗനവാടികള്‍ക്ക് 38,70000രൂപയും,21 അന്ധവിദ്യാലയങ്ങള്‍ക്ക് 10,50000രൂപയും വികസന പ്രവര്‍ത്തനങ്ങള്‍ക്കായി നീക്കി വെക്കും. ഇത് കൂടാതെ സര്‍ക്കാര്‍ നിയന്ത്രണത്തില്‍ പ്രവര്‍ത്തിക്കുന്ന ഹെലന്‍ കെല്ലര്‍ എന്ന അന്ധവിദ്യാലയത്തിന് 50,000 രൂപയും നല്‍കും.

അനില്‍ പ്രൊഡക്ടസിന്റെ പരസ്യ ചിത്രത്തില്‍ അഭിനയിച്ചതിന്റെ വരുമാനമാണ് വിദ്യഭ്യാസ പ്രവര്‍ത്തനങ്ങള്‍ക്കായി സേതുപതി മാറ്റിവെക്കുന്നത്. സാമൂഹ്യ-രാഷ്ട്രീയ പ്രശ്‌നങ്ങളില്‍ ഇടപെടല്‍ നടത്തുന്ന ചുരുക്കം ചില നടന്മാരില്‍ ഒരാളായ സേതുപതിയെ മക്കള്‍ സെല്‍വന്‍ എന്ന ഓമനപ്പേരിട്ടാണ് തമിഴ് മക്കള്‍ വിളിക്കുന്നത്. ഈ പേരിനോട് പൂര്‍ണ്ണമായും നീതി പുലര്‍ത്തിയുള്ള പ്രവര്‍ത്തനങ്ങളാണ് കരിയറിന്റെ ആരംഭം മുതല്‍ നടന്‍ നടത്തിയിട്ടുള്ളതും. മെര്‍സല്‍ വിവാദത്തില്‍ അഭിപ്രായ സ്വാതന്ത്രമില്ലെങ്കില്‍ ഇന്ത്യ ജനാധിപത്യ രാജ്യമാണെന്ന് പറയരുതെന്ന് സേതുപതിയുടെ പ്രസ്താവനയ്ക്ക് ഏറെ പിന്തുണ ലഭിച്ചിരുന്നു.