ഐഎഫ്എഫ്‌കെയില്‍ നിന്ന് തള്ളപ്പെട്ട മിന്നാമിനുങ്ങിന്റെ സമാന്തര പ്രദര്‍ശനം ചൊവ്വാഴ്ച; സമാപന സമ്മേളനത്തിനായി ഇതുവരെ ആരും ക്ഷണിച്ചിട്ടില്ലന്ന് സുരഭി
Posted by
11 December

ഐഎഫ്എഫ്‌കെയില്‍ നിന്ന് തള്ളപ്പെട്ട മിന്നാമിനുങ്ങിന്റെ സമാന്തര പ്രദര്‍ശനം ചൊവ്വാഴ്ച; സമാപന സമ്മേളനത്തിനായി ഇതുവരെ ആരും ക്ഷണിച്ചിട്ടില്ലന്ന് സുരഭി

തിരുവനന്തപുരം: ഇരുപത്തിരണ്ടാമത് രാജ്യാന്തര ചലചിത്ര മേളയിലെ മിന്നാമിനുങ്ങ് വിവാദങ്ങള്‍ കത്തി നില്‍ക്കുമ്പോള്‍ മേളയില്‍ നിന്നും തള്ളപ്പെട്ട ചിത്രം മിന്നാമിനുങ്ങിന്റെ സമാന്തര പ്രദര്‍ശനം ചൊവ്വാഴ്ച നടക്കും. തിരുവനന്തപുരത്ത് അന്താരാഷ്ട്ര ചലച്ചിത്രമേളയുടെ മുഖ്യവേദിയായ ടാഗോര്‍ തിയ്യേറ്ററിനു സമീപത്തുള്ള ലെനിന്‍ ബാലവാടിയില്‍ ഉച്ചതിരിഞ്ഞാണ് പ്രതിഷേധ പ്രദര്‍ശനം നടക്കുന്നത്. മിന്നാമിനുങ്ങിലൂടെ മികച്ച നടിക്കുള്ള ദേശീയ പുരസ്‌ക്കാരം നേടിയ സുരഭി ലക്ഷ്മിയും സംവിധായകന്‍ അനില്‍ തോമസും ചടങ്ങില്‍ പങ്കെടുക്കും.

ചലച്ചിത്രമേളയുടെ ഉദ്ഘാടന ചടങ്ങില്‍ സംസ്ഥാന അവാര്‍ഡ് ജേതാവായ രജീഷ വിജയന്‍ പങ്കെടുത്തതോടെയാണ് ദേശീയ പുരസ്‌ക്കാര വിജയി എവിടെ എന്ന ചോദ്യമുയര്‍ന്നത്. തുടര്‍ന്നാണ് സുരഭിക്ക് പാസ് നിഷേധിച്ചതായുള്ള വിവരം പുറത്തറിഞ്ഞത്. പിന്നീട് സുരഭിക്ക് പാസ് ലഭിക്കാത്തതിന് മറുപടിയുമായി കമല്‍ എത്തിയത് മേളയില്‍ മിന്നാമിനുങ്ങ് വിവാദത്തിന് തിരിതെളിച്ചു. ആര്‍ക്കും പാസ്സുകള്‍ വീട്ടില്‍ എത്തിച്ചു നല്‍കാറില്ല, ആരെയും പ്രത്യേകം ക്ഷണിക്കാറുമില്ലെന്നാണ് സുരഭിക്ക് പാസ് നിഷേധിച്ചതില്‍ കമലിന്റെ വിശദീകരണം. തുടര്‍ന്ന് സുരഭിയെ പിന്തുണച്ച് ചലചിത്രമേഖലയില്‍ നിന്നുതന്നെ നിരവധിപേര്‍ രംഗത്തെത്തിയിരുന്നു. എന്നിട്ടും സ്ത്രീകള്‍ക്കായി നിലകൊള്ളുന്ന ഡബ്ലിയുസിസി സുരഭിയെ പിന്തുണച്ച് ഇതുവരെ പ്രതികരിച്ചിട്ടില്ല എന്നതും ചര്‍ച്ചയ്ക്ക് വകയായിട്ടുണ്ട്.

അതേസമയം തനിക്ക് ലഭിച്ച അംഗീകാരത്തെ ആദരിക്കണം എന്ന് പറയുന്നില്ല എന്നാല്‍ സംസ്ഥാനത്തിന് ദേശിയ പുരസ്‌കാരത്തിന്റെ തിളക്കം സമ്മാനിച്ച സിനിമയെയെങ്കിലും ഐഎഫ്എഫ്‌കെയില്‍ ഉള്‍പ്പെടുത്താമായിരുന്നുവെന്നും അതൊരിക്കലും മേളയുടെ തിളക്കത്തിന് മങ്ങല്‍ വരുത്തില്ലായിരുന്നെന്നും സുരഭി ലക്ഷ്മി ഓണ്‍ലൈന്‍ മാധ്യമമായ മറുനാടന്‍ മലയാളിയോട് പറഞ്ഞു.സമാപന സമ്മേളനത്തില്‍ പങ്കെടുക്കാന്‍ ക്ഷണിക്കുമെന്ന ചില വാര്‍ത്തകള്‍ മാധ്യമങ്ങളിലൂടെ അറിഞ്ഞു. ഇതുവരെ ആരും ക്ഷണിച്ചിട്ടില്ല. അതിലുപരി ആ ദിവസം തനിക്ക് ദുബായിയില്‍ പരിപാടി അവതരിപ്പിക്കേണ്ടതായുണ്ടെന്നും സുരഭി പറഞ്ഞു

അക്രമിക്കപ്പെട്ട നടിയെ നായികയാക്കി സിനിമ ചെയ്യാന്‍ നിര്‍മ്മാതാക്കള്‍ തയ്യാറാവുന്നില്ല, അഭിനയിച്ചാല്‍ കൂവിത്തോല്‍പ്പിക്കും; സിനിമകള്‍ നിര്‍മ്മിക്കപ്പെടുന്നത് പുരുഷന്മാരെ തൃപ്തിപ്പെടുത്താനെന്ന് വിധു വിന്‍സെന്റ്
Posted by
11 December

അക്രമിക്കപ്പെട്ട നടിയെ നായികയാക്കി സിനിമ ചെയ്യാന്‍ നിര്‍മ്മാതാക്കള്‍ തയ്യാറാവുന്നില്ല, അഭിനയിച്ചാല്‍ കൂവിത്തോല്‍പ്പിക്കും; സിനിമകള്‍ നിര്‍മ്മിക്കപ്പെടുന്നത് പുരുഷന്മാരെ തൃപ്തിപ്പെടുത്താനെന്ന് വിധു വിന്‍സെന്റ്

തിരുവനന്തപുരം: കൊച്ചിയില്‍ ആക്രമിക്കപ്പെട്ട നടിയെ നായികയാക്കി സിനിമ ചെയ്യാന്‍ നിര്‍മ്മാതാക്കള്‍ തയ്യാറാവുന്നില്ലെന്ന വെളിപ്പെടുത്തലുമായി സംവിധായിക വിധു വിന്‍സെന്റ്. ഇരുപത്തിരണ്ടാമത് രാജ്യാന്തര ചലച്ചിത്രമേളയില്‍ ഓപ്പണ്‍ ഫോറത്തില്‍ സംസാരിക്കുകയായിരുന്നു വിധു വിന്‍സെന്റ്. സിനിമയിലെ സ്ത്രീ സാന്നിധ്യം എന്ന വിഷയത്തെ ആസ്പദമാക്കി മേളയുടെ ഭാഗമായി സംഘടിപ്പിച്ച ഓപ്പണ്‍ ഫോറത്തിലാണ് ആക്രമിക്കപ്പെട്ട നടിയുമായി ബന്ധപ്പെട്ട ചില കാര്യങ്ങള്‍ സംവിധായിക തുറന്ന് പറഞ്ഞത്. പാര്‍വ്വതി, റിമ കല്ലിങ്കല്‍, ഗീതു മോഹന്‍ദാസ്, ദീദി ദാമോദരന്‍, വിധു വിന്‍സെന്റ് അടക്കമുള്ളവര്‍ ഓപ്പണ്‍ ഫോറത്തില്‍ പങ്കെടുത്തിരുന്നു.

നടി ആക്രമിക്കപ്പെട്ട വിഷയത്തെക്കുറിച്ച് ഇത്തരം ചര്‍ച്ചകളില്‍ സംസാരിക്കാന്‍ ആളുകള്‍ മടിക്കുകയാണെന്നും പുരോഗമന സമൂഹമെന്ന് നടിക്കുമ്പോഴും, വാസ്തവത്തില്‍ പുരുഷ മേധാവിത്വത്തിന് അടിമപ്പെട്ടിരിക്കുകയാണ് നമ്മളെന്നും വിധു വിന്‍സെന്റ് അഭിപ്രായപ്പെട്ടു.

‘അടുത്ത കാലത്ത് ഒരു സിനിമ ചെയ്യുന്നതിന് വേണ്ടി താനൊരു നിര്‍മ്മാതാവിനെ സമീപിക്കുകയുണ്ടായി. ആക്രമിക്കപ്പെട്ട നടിയെ നായികയാക്കി ഒരു സിനിമ ചെയ്താലോ എന്ന ആലോചന താന്‍ നിര്‍മ്മാതാവിന് മുന്നില്‍ വെച്ചു. എന്നാല്‍ നടിയെ കേന്ദ്രകഥാപാത്രമാക്കി സിനിമ ചെയ്താല്‍ എതിര്‍പക്ഷത്തുള്ളവര്‍ ആ സിനിമയെ കൂവിതോല്‍പ്പിക്കും എന്നാണ് നിര്‍മ്മാതാവ് പറഞ്ഞത്. ഇതേ നിര്‍ദേശം പല നിര്‍മ്മാതാക്കളുടെ മുന്‍പില്‍ അവതരിപ്പിച്ചുവെങ്കിലും ആരും തയ്യാറായില്ല. അതിനുള്ള സാധ്യത പോലുമില്ല എന്ന രീതിയിലായിരുന്നു പ്രതികരണങ്ങളെന്നും’ വിധു വിന്‍സെന്റ് പറഞ്ഞു.

സിനിമ കാണാന്‍ തിയറ്ററുകളിലേക്ക് വരുന്നവരില്‍ ഭൂരിഭാഗവും പുരുഷന്മാരാണ്. തിയറ്ററിലേക്ക് സ്ത്രീകള്‍ വരുന്നതും പുരുഷന്മാര്‍ക്കൊപ്പമാണ്. അതുകൊണ്ട് തന്നെ സിനിമകള്‍ നിര്‍മ്മിക്കപ്പെടുന്നത് പുരുഷന്മാരെ തൃപ്തിപ്പെടുത്താന്‍ വേണ്ടിയാണ്. ആ തരത്തിലുള്ള സിനിമകളെടുക്കാന്‍ സംവിധായകരും നിര്‍മ്മാതാക്കളും നിര്‍ബന്ധിതരാകുന്നുവെന്നും വിധു വിന്‍സെന്റ് ചൂണ്ടിക്കാട്ടി.

സിനിമയുടെ പേരും നഗ്‌നതയും സെന്‍സര്‍ ചെയ്യപ്പെടുകയും എന്നാല്‍ അതിലെ സ്ത്രീ വിരുദ്ധതയും അത്തരം സംഭാഷണങ്ങളും സെന്‍സര്‍ ചെയ്യപ്പെടാതെ പോവുകയുമാണ് ചെയ്യുന്നതെന്ന് നടി പാര്‍വ്വതി ഓപ്പണ്‍ ഫോറത്തില്‍ അഭിപ്രായപ്പെട്ടു. സ്ത്രീ കച്ചവട ഉപകരണം മാത്രമാകുന്ന അവസ്ഥ നിലനില്‍ക്കുന്നുവെന്ന് നടി റിമ കല്ലിങ്കല്‍ അഭിപ്രായപ്പെട്ടു.

കുഞ്ചാക്കോ ബോബന്‍ ചിത്രത്തിന്റെ ഷൂട്ടിംഗ് ലൊക്കേഷനില്‍ ആക്രമണം; രണ്ടു പേര്‍ അറസ്റ്റില്‍
Posted by
11 December

കുഞ്ചാക്കോ ബോബന്‍ ചിത്രത്തിന്റെ ഷൂട്ടിംഗ് ലൊക്കേഷനില്‍ ആക്രമണം; രണ്ടു പേര്‍ അറസ്റ്റില്‍

ആലപ്പുഴ: കുഞ്ചാക്കോ ബോബന്‍ ചിത്രത്തിന്റെ ഷൂട്ടിംഗ് ലൊക്കേഷനില്‍ ആക്രമണം. രണ്ട് പേര്‍ അറസ്റ്റിലായി. കുഞ്ചാക്കോ ബോബന്‍ നായകനായ കുട്ടനാടന്‍ മാര്‍പാപ്പ എന്ന സിനിമയുടെ ഷൂട്ടിംഗ് ലൊക്കേഷനിലാണ് സംഭവം. പ്രദേശവാസികളായ അഭിലാഷ്, പ്രിന്‍സ് എന്നിവരെയാണ് പോലീസ് അറസ്റ്റ് ചെയ്തത്. ആലപ്പുഴ കൈനഗരിയിലെ ലൊക്കേഷനില്‍ ഇന്നലെയായിരുന്നു സംഭവം.

സംഭവത്തെക്കുറിച്ച് പോലീസ് പറയുന്നത് ഇങ്ങനെ: മദ്യപിച്ചെത്തിയ ഇരുവരും താരങ്ങള്‍ക്കൊപ്പം സെല്‍ഫി എടുക്കണമെന്ന് ആവശ്യപ്പെട്ടു. എന്നാല്‍ മദ്യലഹരിയില്‍ ഫോട്ടോ എടുക്കാന്‍ അനുവദിക്കില്ലെന്ന് പറഞ്ഞ് അണിയറ പ്രവര്‍ത്തകര്‍ ഇരുവരെയും തടഞ്ഞു. തുടര്‍ന്ന് സ്ഥലത്ത് ബഹളമുണ്ടാക്കിയ ശേഷം സംഘം മടങ്ങി. പിന്നീട് തിരികെ വീണ്ടും ലൊക്കേഷനില്‍ എത്തിയ ശേഷം അണിയറ പ്രവര്‍ത്തകരെ ടോര്‍ച്ച് ഉപയോഗിച്ച് ആക്രമിക്കുകയായിരുന്നു.

ആക്രമണത്തില്‍ പ്രൊഡക്ഷന്‍ മാനേജര്‍മാരായ ഷെറിന്‍ സ്റ്റാന്‍ലി, സിന്‍ജോ, അണിയറ പ്രവര്‍ത്തകനായ പ്രിന്‍സ് എന്നിവര്‍ക്ക് പരുക്കേറ്റു. സംഭവസമയത്ത് കുഞ്ചാക്കോ ബോബനും സലിം കുമാറും ഉള്‍പ്പടെയുള്ള താരങ്ങള്‍ സെറ്റിലുണ്ടായിരുന്നു.

ഇഷ്ടമില്ലാത്ത സിനിമകള്‍ കാണണ്ട; സംഘപരിവാര്‍ സംഘടനകളോട് ‘നന്നായിക്കൂടേ’യെന്ന് പാര്‍വ്വതി
Posted by
11 December

ഇഷ്ടമില്ലാത്ത സിനിമകള്‍ കാണണ്ട; സംഘപരിവാര്‍ സംഘടനകളോട് 'നന്നായിക്കൂടേ'യെന്ന് പാര്‍വ്വതി

സിനിമകള്‍ക്കെതിരെ തിരിയുന്ന സംഘപരിവാര്‍ സംഘടനകള്‍ക്കെതിരെ തുറന്നടിച്ച് യുവനടി പാര്‍വ്വതി. ബോളിവുഡ് താരം ദീപിക പദുക്കോണിന്റെ മൂക്കും തലയും അരിയാന്‍ നടക്കുന്ന സംഘികളോട് ‘നന്നായിക്കൂടേ’യെന്നാണ് പാര്‍വതിക്ക് ചോദിക്കാനുള്ളത്. തിരുവനന്തപുരത്ത് ചലച്ചിത്ര മേളയില്‍ പങ്കെടുത്ത ശേഷം ഓപ്പണ്‍ ഫോറത്തില്‍ സംസാരിക്കുകയായിരുന്നു അവര്‍.

‘സിനിമയെന്താണെന്നും കലയെന്താണെന്നും ആദ്യം മനസിലാക്കുക. ആരെയെങ്കിലും അവഹേളിക്കാനോ ആരുടെയെങ്കിലും ജീവിതം താറുമാറാക്കാനോ അല്ല സിനിമ. ഇഷ്ടമില്ലാത്ത സിനിമകള്‍ കാണണ്ട.അതിനെക്കുറിച്ച് റിവ്യൂ എഴുതൂ. എല്ലാവര്‍ക്കും അതിനുള്ള സ്വാതന്ത്ര്യമുണ്ട്. അന്യോന്യം കൊല്ലാന്‍ നടന്നാല്‍ ആരും ബാക്കിയുണ്ടാകില്ലല്ലോ.’ പത്മാവതിയെ താന്‍ പിന്തുണയ്ക്കുന്നെന്നും’ പാര്‍വതി വ്യക്തമാക്കി.

സെക്‌സി ദുര്‍ഗയെന്ന സിനിമയുടെ പേര് എസ് ദുര്‍ഗയെന്ന് ആക്കിയത് സെക്‌സിയെന്നും ദുര്‍ഗയെന്നും ഒരേ നിരയില്‍ വരുന്നത് ചിലര്‍ക്ക് ബുദ്ധിമുട്ടായതിനാലാണ്. വിശ്വാസത്തിന്റെ പേരില്‍ കലയെ നിര്‍ത്തിവയ്ക്കുന്നത് അത് അവരുടെ തന്നെ അരക്ഷിതാവസ്ഥയാണെന്നും പാര്‍വതി കൂട്ടിച്ചേര്‍ത്തു. സിനിമയുടെ പേരും നഗ്‌നതയും സെന്‍സര്‍ ചെയ്യപ്പെടുമ്പോള്‍ സ്ത്രീവിരുദ്ധ സംഭാഷണങ്ങളും നിലപാടുകളും സെന്‍സര്‍ ചെയ്യാതെ പോകുന്നതായും പാര്‍വതി ചൂണ്ടിക്കാട്ടി.

കഴിഞ്ഞ ദിവസങ്ങളിലായി സിനിമകള്‍ക്കെതിരെയുള്ള സംഘപരിവാര്‍ വിവാദങ്ങള്‍ രാജ്യത്ത് കത്തിപ്പടരുകയാണ്. ബിജെപിയുടെ നയങ്ങള്‍ക്കെതിരെ സംസാരിച്ച വിജയ് ചിത്രം മെര്‍സല്‍ വന്‍ കോലാഹലങ്ങള്‍ക്കൊടുവിലാണ് തിയ്യേറ്റര്‍ കണ്ടത്. രജപുത്ര രാജ്ഞി റാണി പത്മിനിയുടെ ജീവിതത്തെ ആസ്പദമാക്കി ഒരുക്കിയ സഞ്ജയ് ലീല ബന്‍സാലി ചിത്രം പത്മാവതിയാണ് ഇപ്പോള്‍ വിവാദത്തില്‍ മുങ്ങി നില്‍ക്കുന്നത്.

ചിത്രം രജപുത്രരെ അപമാനിക്കുന്നുവെന്ന് ആരോപിച്ച് രജ്പുത് കര്‍ണി സേനാംഗങ്ങള്‍ ചിത്രത്തിന്റെ സെറ്റ് ആക്രമിക്കുകയും അഗ്‌നിക്കിരയാക്കുകയും ചെയ്തിരുന്നു. ചിത്രത്തിലെ നായികയായ ദീപിക പദുക്കോണിന്റെ മൂക്കും തലയും അരിയുമെന്നും, സംവിധായകനും അഭിനേതക്കള്‍ക്കും നേരെ വധഭിഷണിയും ഉയര്‍ന്നിരുന്നു.

ജയന്റെ സഹോദരന്റെ മകളാണെന്ന യുവനടിയുടെ അവകാശവാദം തള്ളി  ജയന്റെ കുടുംബം
Posted by
11 December

ജയന്റെ സഹോദരന്റെ മകളാണെന്ന യുവനടിയുടെ അവകാശവാദം തള്ളി ജയന്റെ കുടുംബം

കൊച്ചി: അന്തരിച്ച നടന്‍ ജയന്റെ സഹോദരന്റെ മകളാണെന്ന യുവ നടിയുടെ അവകാശവാദം തള്ളിക്കളഞ്ഞ് ജയന്റെ കുടുംബം. മഴവില്‍ മനോരമയിലെ ഒന്നും ഒന്നും മൂന്ന് എന്ന പരിപാടിയില്‍ അതിഥിയായെത്തിയ നടി ഉമാ നായര്‍ ആണ് താന്‍ ജയന്റെ അനുജന്റെ മകളാണെന്ന് അവകാശപ്പെട്ടത്. എന്നാല്‍ ഇത് ഇത് തെറ്റാണെന്നും ആര്‍ക്കും ഇവരെ അറിയില്ലെന്നും പറഞ്ഞ് ജയന്റെ അനുജന്‍ സോമന്‍ നായരുടെ മകള്‍ രംഗത്തെത്തി.

ജയഭാരതി അച്ഛന്റെ കസിനാണെന്നും ജയനെ വല്യച്ഛന്‍ എന്നാണ് വിളിക്കുന്നതെന്നും ഉമ നായര്‍ പറയുന്നു. എന്റെ അച്ഛന്റെ അമ്മയും വല്യച്ഛന്റെ അമ്മയും അനുജത്തിയും ചേച്ചിയുമാണ്, എന്നാണ് അവര്‍ പരിപാടിയില്‍ പറയുന്നത്.

എന്നാല്‍ ഇത്തരം അവകാശവാദങ്ങളെ പാടേ തള്ളിക്കളയുകയാണ് ജയന്റെ അനുജന്‍ സോമന്‍ നായരുടെ മകള്‍ ലക്ഷ്മി. ഫേസ്ബുക്ക് വീഡിയോയിലൂടെയാണ് ലക്ഷ്മി പ്രതികരണവുമായെത്തിയത്.

അതെസമയം ലക്ഷ്മിയുടെ വീഡിയോയ്ക്ക് മറുപടിയുമായി ഉമ നായരും രംഗത്തെത്തി. ലക്ഷ്മി കുടുംബ ബന്ധങ്ങളെ പൂര്‍ണ്ണമായും അറിയാതെയാണ് പ്രതികരണമായെത്തിയതെന്ന് ഉമ പറയുന്നു.

ദുല്‍ഖറിന്റെ മകളെ ഉറക്കുന്നത് മമ്മൂട്ടിയുടെ ആ പാട്ട് പാടി
Posted by
10 December

ദുല്‍ഖറിന്റെ മകളെ ഉറക്കുന്നത് മമ്മൂട്ടിയുടെ ആ പാട്ട് പാടി

താരങ്ങള്‍ എന്നത് ആരാധകര്‍ക്ക് എന്നും കൗതകം നിറഞ്ഞ വ്യക്തിത്വങ്ങളാണ്, താരവാര്‍ത്തകള്‍ എന്നത് കൗതുകം നിറഞ്ഞ വാര്‍ത്തകളും. അത്തരം ഒരു കൗതകം നിറഞ്ഞ വീട്ടുവിശേഷം പങ്കുവെച്ചിരിക്കുകയാണ് മലയാളികളുടെ സ്വന്തം ദുല്‍ഖര്‍ സല്‍മാന്‍.

കഴിഞ്ഞയിടക്ക് ഒരു അവാര്‍ഡ് ദാന ചടങ്ങിലാണ് ദുല്‍ഖര്‍ തന്റെ മകളെ ഉറക്കാന്‍ പാടുന്നത് വെണ്ണില ചന്ദന കിണ്ണം എന്ന മമ്മൂട്ടി ചിത്രത്തിലെ പാട്ടാണെന്ന് തുറന്ന് പറഞ്ഞത്. ആരാധകരുടെ ആവശ്യപ്രകാരം രണ്ട് വരി പാടിയ ശേഷമാണ് ദുല്‍ഖര്‍ ഇക്കാര്യം പറഞ്ഞത്. പാട്ട് കേള്‍ക്കുമ്പോള്‍ തനിക്ക് വാപ്പച്ചി തോണിയലിരുന്ന് തുഴയുന്ന രംഗങ്ങള്‍ ഓര്‍മ്മ വരുമെന്നും, ഈ പാട്ട് പാടുമ്പോള്‍ മകള്‍ വേഗം ഉറങ്ങുമെന്നും ദുല്‍ഖര്‍ വേദിയില്‍ പറഞ്ഞു.

മഞ്ജു വാര്യര്‍ക്കും ഗീതു മോഹന്‍ദാസിനും ഇപ്പോള്‍ രജിഷക്കും കിട്ടിയ പരിഗണന പോലും കിട്ടിയില്ല, സുരഭിയെ ആദരിക്കാത്തത് മര്യാദ കേടെന്ന് കമലിനോട് ശാരദകുട്ടി; താരത്തെ അംഗീകരിക്കാത്തതില്‍ ഡബ്ലിയുസിസിക്കും വിമര്‍ശനം
Posted by
10 December

മഞ്ജു വാര്യര്‍ക്കും ഗീതു മോഹന്‍ദാസിനും ഇപ്പോള്‍ രജിഷക്കും കിട്ടിയ പരിഗണന പോലും കിട്ടിയില്ല, സുരഭിയെ ആദരിക്കാത്തത് മര്യാദ കേടെന്ന് കമലിനോട് ശാരദകുട്ടി; താരത്തെ അംഗീകരിക്കാത്തതില്‍ ഡബ്ലിയുസിസിക്കും വിമര്‍ശനം

സുരഭി നേടിയ അംഗീകാരത്തെ ആദരിക്കുവാന്‍ വേദിയില്‍ ഒരിടം കൊടുക്കുക എന്നത് കേവല മര്യാദ മാത്രമായിരുന്നുവെന്ന് ചലച്ചിത്ര അക്കാദമി ചെയര്‍മാനും ഫെസ്റ്റിവല്‍ ഡയറക്ടറുമായ കമലിനോട് എഴുത്തുകാരി ശാരദകുട്ടി. ഇരുപത്തിരണ്ടാമത് ചലച്ചിത്രമേളയില്‍ ദേശിയ അവാര്‍ഡ് ജേതാവായ സുരഭി ലക്ഷ്മിയെ അവഗണിച്ചു എന്ന ആരോപണങ്ങളോട് പ്രതികരിക്കുകയായിരുന്നു ശാരദകുട്ടി. ഫേസ്ബുക്കിലൂടെയാണ് അവര്‍ പ്രതികരിച്ചത്.

മിന്നാമിനുങ്ങ് എന്ന ചിത്രം ഒരു ചലച്ചിത്ര മേളയില്‍ പ്രദര്‍ശിപ്പിക്കത്തക്ക മികവുള്ളതായി കരുതുന്നില്ലെന്നും പരിമിതമായ പ്രോത്സാഹനങ്ങള്‍ക്കിടയില്‍ നിന്ന് സുരഭി നേടിയ അംഗീകാരത്തെ ആദരിക്കുവാന്‍ ആ വേദിയില്‍ ഒരിടം കൊടുക്കുക എന്നത് കേവല മര്യാദ മാത്രമായിരുന്നുവെന്നും ശാരദകുട്ടി പറഞ്ഞു.

മുന്‍കാലങ്ങളില്‍ മഞ്ജു വാര്യര്‍ക്കും ഗീതു മോഹന്‍ദാസിനും ഇപ്പോള്‍ രജിഷക്കും കിട്ടിയ പരിഗണന പോലും സുരഭിക്ക് കിട്ടാഞ്ഞത് മറവി ആണെങ്കില്‍ അത് പരസ്യമായി സമ്മതിക്കുകയാണ് മാന്യതയെന്നും സ്ത്രീകളുടെ അന്തസ്സിനു വേണ്ടി നിലകൊള്ളുന്ന ഡബ്ലിയുസിസി സുരഭിയെ അംഗീകരിക്കുവാന്‍ ഒപ്പം നിന്നിരുന്നുവെങ്കില്‍ ഡബ്ലിയുസിസിയുടെ ഉദ്ദേശ ലക്ഷ്യങ്ങള്‍ക്ക് അത് വിശ്വാസ്യത കൂട്ടുകയേ ഉണ്ടാകുമായിരുന്നുള്ളുവെന്നും അവര്‍ ഫേസ്ബുക്കില്‍ കുറിച്ചു.

ചലച്ചിത്രമേളയില്‍ തന്നെയും തനിക്ക് ദേശീയ അവാര്‍ഡ് നേടിത്തന്ന മിന്നാമിനുങ്ങ് എന്ന ചിത്രത്തെയും അവഗണിച്ചുവെന്നും മേളയിലേക്കുള്ള പാസ് ലഭിക്കുന്നതിനായി സംവിധായകന്‍ കമലിനെ സമീപിച്ചെങ്കിലും സംഘടിപ്പിച്ച് തരാമെന്ന് പറഞ്ഞതല്ലാതെ പിന്നീട് യാതൊരു പ്രതികരണവും ഉണ്ടായില്ലെന്നുമാണ് സുരഭി ആരോപിക്കുന്നത്.

എന്നാല്‍ സുരഭി ലക്ഷ്മി പറഞ്ഞത് ശരിയല്ലെന്നും സുരഭിയ്ക്കായി പാസ് തയാറാക്കിയിട്ടുണ്ടെന്നും അത് ആരുടെയും വീട്ടില്‍ കൊണ്ടുപോയി കൊടുക്കാനാവില്ലെന്നുമാണ് കമലിന്റെ വാദം.


30 വയസുകാരനായ മോഹന്‍ലാലിനെ കാണാന്‍ നിങ്ങള്‍ തയ്യാറാണോ..? ആരാധകര്‍ക്ക് സന്തോഷവാര്‍ത്തയുമായി ശ്രീകുമാര്‍ മേനോന്‍
Posted by
10 December

30 വയസുകാരനായ മോഹന്‍ലാലിനെ കാണാന്‍ നിങ്ങള്‍ തയ്യാറാണോ..? ആരാധകര്‍ക്ക് സന്തോഷവാര്‍ത്തയുമായി ശ്രീകുമാര്‍ മേനോന്‍

ഒടിയന്‍ മാണിക്യനെ കാണാനുള്ള ആരാധകരുടെ കാത്തിരിപ്പ് അവസാനിക്കുന്നു. 30 വയസുകാരനായ യുവത്വം തിളങ്ങുന്ന മോഹന്‍ലാല്‍ ഉടന്‍ പ്രേക്ഷകര്‍ക്ക് മുന്നിലെത്തുമെന്ന സന്തോഷ വാര്‍ത്തയാണ് ഒടിയന്‍ ചിത്രത്തെ കുറിച്ച് ലഭിക്കുന്ന ഏറ്റവും പുതിയ വാര്‍ത്ത. ചിത്രത്തിന്റെ ടീസര്‍ ഡിസംബര്‍ 12ന് പുറത്തിറങ്ങുമെന്ന് സംവിധായകന്‍ ശ്രീകുമാര്‍ മേനോന്‍ വ്യക്തമാക്കുന്നു.

മാണിക്യന്റെ ലുക്ക് മോഹന്‍ലാല്‍ തന്നെ ഈ മാസം 13ന് സമൂഹമാധ്യമത്തിലൂടെ പുറത്തുവിടുമെന്നും ഇതിന്റെ ടീസര്‍ ലോഞ്ച് 12ന് ഉണ്ടാകുമെന്നും ഒടിയന്‍ ടീം അറിയിച്ചു. ടീസര്‍ റിലീസിന്റെ വിവരം ട്വിറ്ററിലൂടെയാണ് സംവിധായകന്‍ ശ്രീകുമാര്‍ മേനോന്‍ പങ്കുവച്ചത്.

മാണിക്യന്‍ എന്ന കഥാപാത്രത്തിലൂടെ വിവിധ ഗെറ്റപ്പുകളോടെയാണ് മലയാളത്തിന്റെ സൂപ്പര്‍താരം മോഹന്‍ലാല്‍ ചിത്രത്തില്‍ പ്രത്യക്ഷപ്പെടുന്നത്.
സിനിമയ്ക്ക് വേണ്ടി കഠിനമായ പരിശീലനത്തിലായിരുന്നു മോഹന്‍ലാല്‍. സിനിമയുടെ ചിത്രീകരണം ഇപ്പോള്‍ തേന്‍കുറിശ്ശിയില്‍ പുരോഗമിക്കുകയാണ്. സിനിമയുടെ സംഘട്ടനങ്ങള്‍ ഒരുക്കുന്നത് പീറ്റര്‍ ഹെയ്‌നാണ്.

ദേശീയ അവാര്‍ഡ് ജേതാവ് ഹരികൃഷ്ണന്‍ തിരക്കഥ എഴുതി ശ്രീകുമാര്‍ മേനോന്‍ സംവിധാനം ചെയ്യുന്ന ചിത്രം അടുത്തവര്‍ഷം തിയ്യേറ്ററുകളിലെത്തും. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ഒടിയന്‍ നിര്‍മിക്കുന്നത്. മഞ്ജു വാര്യരാണ് ചിത്രത്തിലെ നായിക.

‘ഒന്നു രണ്ടു സിനിമകളില്‍ അഭിനയിച്ചാലുടന്‍ കിട്ടുന്നതൊന്നുമല്ല ലഫ്റ്റന്റ് കേണല്‍ പദവി ‘; മോഹന്‍ലാല്‍
Posted by
10 December

'ഒന്നു രണ്ടു സിനിമകളില്‍ അഭിനയിച്ചാലുടന്‍ കിട്ടുന്നതൊന്നുമല്ല ലഫ്റ്റന്റ് കേണല്‍ പദവി '; മോഹന്‍ലാല്‍

മോഹന്‍ലാലിന് ലഫ്റ്റന്റ് കേണല്‍ പദവി ലഭിച്ചത് ആരാധകര്‍ ആവേശത്തോടെ സ്വീകരിച്ചിരുന്നു. എന്നാല്‍ പട്ടാള സിനിമയില്‍ ആവര്‍ത്തിച്ചഭിനയിച്ചത് ലഫ്റ്റന്റ് കേണല്‍ പദവി ലഭിക്കാനായിരുന്നു എന്നുള്ള വിമര്‍ശനങ്ങള്‍ ഉയര്‍ത്തിയിരുന്നു.

പട്ടാള സിനിമയില്‍ ആവര്‍ത്തിച്ചഭിനയിച്ചത് ലഫ്റ്റന്റ് കേണല്‍ പദവി ലഭിക്കാനാണോ എന്ന് വിമര്‍ശിക്കുന്നവരോട് ലാലേട്ടന്‍ പറയുന്നത് ഇങ്ങനെ,

‘ലഫ്റ്റന്റ് കേണല്‍ പദവിയൊന്നും ഒന്നു രണ്ടു സിനിമകളില്‍ അഭിനയിച്ചാലുടന്‍ കിട്ടുന്നതൊന്നുമല്ല! ഞാന്‍ ആദ്യമൊരു പട്ടാളസിനിമ ചെയ്തു. അതിനു പോയപ്പോള്‍ അവരുടെ ബുദ്ധിമുട്ടും കാര്യങ്ങളുമൊക്കെക്കണ്ടപ്പോള്‍ സേനയോട് ഒരാവേശമുണ്ടായി, സൈന്യത്തില്‍ ചേരാനുള്ള ആഗ്രഹമുണ്ടായി. അന്വേഷിച്ചപ്പോഴാണ് ടെറിറ്റോറിയില്‍ ആര്‍മിയെപ്പറ്റി അറിഞ്ഞത്.”

നമ്മുടെ താല്‍പര്യം കണക്കിലെടുത്ത് കൂടുതല്‍ അന്വേഷണങ്ങളൊക്കെ നടത്തി നമ്മളെ അവരതിന്റെ ഗുഡ്‌വില്‍ അംബാസിഡറാക്കി നിയോഗിക്കുകയായിരുന്നു. ഞാനതില്‍ ചേര്‍ന്ന ശേഷം നമ്മുടെ നാട്ടില്‍ നിന്നു സേനയില്‍ ചേരുന്നവരുടെ എണ്ണത്തില്‍ 40% വര്‍ധനയുണ്ടായെന്നാണ് അറിഞ്ഞിട്ടുള്ളത്. ഞാന്‍ പല തവണ സൈനികാസ്ഥാനങ്ങളില്‍ പോയിട്ടുണ്ട്. അതൊക്കെ വണ്‍സ് ഇന്‍ എ ലൈഫ് ടൈം ഭാഗ്യമായിട്ടാണ് ഞാന്‍ കരുതുന്നത്. എന്തോ എനിക്കങ്ങനെ കിട്ടാന്‍ ജാതകവശാല്‍ ഒരു നിയോഗമുണ്ടായിരിക്കാം. അല്ലാതെ കുറേ സിനിമകള്‍ ചെയ്തു എന്നതു കൊണ്ടു കിട്ടാന്‍ സാധ്യതയുള്ളതല്ല ലഫ്റ്റന്റ് കേണല്‍ പദവി.

കന്യക മാസികയിലെ മോഹനരാഗങ്ങള്‍ എന്ന അഭിമുഖ പരമ്പരയിലാണ് മോഹന്‍ലാല്‍ ഇങ്ങനെ പറഞ്ഞത്.

സലീംകുമാറിനും സുരാജ് വെഞ്ഞാറമൂടിനും ഇല്ലാത്ത ആദരവ് സുരഭിക്ക് കൊടുക്കണോ? പാസ് ആരുടെയും വീട്ടില്‍ കൊണ്ടുപോയി കൊടുക്കാനാവില്ലെന്ന് കമല്‍
Posted by
10 December

സലീംകുമാറിനും സുരാജ് വെഞ്ഞാറമൂടിനും ഇല്ലാത്ത ആദരവ് സുരഭിക്ക് കൊടുക്കണോ? പാസ് ആരുടെയും വീട്ടില്‍ കൊണ്ടുപോയി കൊടുക്കാനാവില്ലെന്ന് കമല്‍

തിരുവനന്തപുരം: തിരുവനന്തപുരത്ത് നടക്കുന്ന ഇരുപത്തിരണ്ടാമത് അന്താരാഷ്ട്ര ചലച്ചിത്രമേളയില്‍ പാസ് ലഭിച്ചില്ലെന്ന് ദേശീയ പുരസ്‌കാര ജേതാവായ നടി സുരഭി ലക്ഷ്മി പറഞ്ഞത് ശരിയല്ലെന്ന് ചലച്ചിത്ര അക്കാദമി ചെയര്‍മാനും ഫെസ്റ്റിവല്‍ ഡയറക്ടറുമായ കമല്‍. സുരഭിയ്ക്കായി പാസ് തയാറാക്കിയിട്ടുണ്ടെന്നും എന്നാല്‍ അത് ആരുടെയും വീട്ടില്‍ കൊണ്ടുപോയി കൊടുക്കാനാവില്ലെന്നും അദ്ദേഹം പറഞ്ഞു.

ദേശീയ പുരസ്‌കാര ജേതാവിനെ ആദരിക്കാനുള്ള വേദിയല്ല ചലച്ചിത്രമേള. മുമ്പ് സലീംകുമാറിനും സുരാജ് വെഞ്ഞാറമൂടിനുമൊക്കെ ദേശീയ പുരസ്‌കാരം ലഭിച്ചപ്പോള്‍ മേളയില്‍ ആദരിച്ചിട്ടില്ലല്ലോ എന്നും കമല്‍ ചോദിച്ചു. മാത്രമല്ല ഉദ്ഘാടനത്തിന് നടിമാരായ ഷീലയും രജിഷയും ക്ഷണപ്രകാരം വന്നവരല്ലെന്നും മത്സര വിഭാഗത്തില്‍ പരിഗണിച്ച ചിത്രം മറ്റ് വിഭാഗങ്ങളില്‍ ഉള്‍പ്പെടുത്താന്‍ റൂള്‍സ് അനുവദിക്കാത്തതിനാലാണ് ‘ മിന്നാമിനുങ്ങ്’ മേളയില്‍ ഇല്ലാതെ പോയതെന്നും കമല്‍ കൂട്ടിച്ചേര്‍ത്തു.

ഇരുപത്തിരണ്ടാമത് ചലച്ചിത്രമേളയില്‍ തന്നെയും തനിക്ക് ദേശീയ അവാര്‍ഡ് നേടിത്തന്ന മിന്നാമിനുങ്ങ് എന്ന ചിത്രത്തെയും അവഗണിച്ചുവെന്നും മേളയിലേക്കുള്ള പാസ് ലഭിക്കുന്നതിനായി സംവിധായകന്‍ കമലിനെ സമീപിച്ചെങ്കിലും സംഘടിപ്പിച്ച് തരാമെന്ന് പറഞ്ഞതല്ലാതെ പിന്നീട് യാതൊരു പ്രതികരണവും ഉണ്ടായില്ലെന്നും സുരഭി ആരോപിച്ചിരുന്നു. ഈ ആരോപണങ്ങളോട് പ്രതികരിക്കുയായിരുന്നു കമല്‍

ചലചിത്രോത്സവത്തില്‍ തന്നെ അവഗണിച്ചുവെന്ന ആരോപണവുമായി വന്ന സുരഭി ലക്ഷ്മിയ്ക്ക് പിന്തുണയുമായി നടന്‍ ജോയ്മാത്യു രംഗത്ത് എത്തിയിരുന്നു. ദേശീയ അവാര്‍ഡ് നേടിയ എന്റെ ചങ്ങായിയും മികച്ച കലാകാരിയുമായ സുരഭിയെ വേണ്ടാത്ത ചലച്ചിത്രോല്‍സവത്തെ എനിക്കും വേണ്ട’ എന്നാണ് ജോയ് മാത്യു ഫേസ്ബുക്കില്‍ കുറിച്ചത്.