ലേലത്തിന്റെ  രണ്ടാം ഭാഗത്തില്‍ സുരേഷ്‌ഗോപിക്ക് പകരം മോഹന്‍ലാല്‍, നിഥിന്‍ രണ്‍ജിപണിക്കര്‍ക്ക് പറയാനുള്ളത്
Posted by
18 February

ലേലത്തിന്റെ രണ്ടാം ഭാഗത്തില്‍ സുരേഷ്‌ഗോപിക്ക് പകരം മോഹന്‍ലാല്‍, നിഥിന്‍ രണ്‍ജിപണിക്കര്‍ക്ക് പറയാനുള്ളത്

സുരേഷ് ഗോപിയുടെ പ്രതാപകാലത്ത് പടുകൂറ്റന്‍ വിജയം നേടിയ ചിത്രമായിരുന്നു ജോഷി ഒരുക്കിയ ലേലം. രണ്‍ജിപണിക്കര്‍ രച്‌ന നിര്‍വഹിച്ചിരുന്ന ഈ സിനിമയുടെ രണ്ടാം ഭാഗത്തെകുറിച്ച് കുറേക്കാലമായി കേള്‍ക്കുന്നതാണ്. എന്നാല്‍ കഴിഞ്ഞ രണ്ടു ദിവസമായി മലയാളത്തിലുള്ള സിനിമ പ്രമോഷന്‍ പേജുകള്‍ ലേലം രണ്ടാം ഭാഗത്തില്‍നിന്ന് സുരേഷ് ഗോപിയെ മാറ്റിയെന്നും മോഹന്‍ലാലിനെ നായകനാക്കിയെന്നുമുള്ള പ്രചരണങ്ങള്‍ നടക്കുന്നുണ്ടായിരുന്നു. സുരേഷ് ഗോപിക്ക് രാഷ്ട്രീയ തിരക്കുകളുണ്ടെന്നും അതിനാലാണ് ആനക്കാട്ടില്‍ ചാക്കോച്ചിയാകാന്‍ മോഹന്‍ലാലിനെ തെരഞ്ഞെടുത്തത് എന്നുമായിരുന്നു വാര്‍ത്തകളുടെ ഉള്ളടക്കം.

എന്നാല്‍, ഈ തരത്തില്‍ പ്രചരിക്കുന്ന വാര്‍ത്തകളെല്ലാം അടിസ്ഥാനരഹിതമാണെന്നും ആരൊക്കെയോ പടച്ചുവിടുന്ന വ്യാജ വാര്‍ത്തയാണ് ഇതെല്ലാമെന്ന് രണ്ടാം ഭാഗം സംവിധാനം ചെയ്യുന്ന നിഥിന്‍ രണ്‍ജിപണിക്കര്‍ പറഞ്ഞു. ചിത്രത്തില്‍ സുരേഷ് ഗോപി തന്നെയാണ് നായകനെന്നും മാര്‍ച്ചോടെ ചിത്രത്തിന്റെ ഷൂട്ടിംഗ് തുടങ്ങുമെന്നും നിഥിന്‍ രണ്‍ജിപണിക്കര്‍ അറിയിച്ചു.

മമ്മൂട്ടി ചിത്രമായ കസബയ്ക്ക് ശേഷം നിഥിന്‍ രണ്‍ജിപണിക്കര്‍ തിരക്കഥ എഴുതി സംവിധാനം ചെയ്യുന്ന ചിത്രമാണ് ലേലം 2. നിഥിന്റെ അച്ഛന്‍ രണ്‍ജിപണിക്കര്‍ തിരക്കഥ എഴുതി ജോഷി സംവിധാനം ചെയ്ത ലേലം സുരേഷ് ഗോപിയുടെ കരിയറിലെ ഏറ്റവും ഹിറ്റ് ചിത്രങ്ങളില്‍ ഒന്നായിരുന്നു. ആനക്കാട്ടില്‍ ചാക്കോച്ചി എന്ന കഥാപാത്രം ഇന്നും സിനിമാ പ്രേമികള്‍ക്കിടയില്‍ ജീവിക്കുന്നുണ്ട്. ലേലം 2 വിന്റെ തിരക്കഥയില്‍ രണ്‍ജി പണിക്കര്‍ മകനെ സഹായിക്കുന്നുണ്ട്.

മാമാങ്കത്തിന്റെ ഷൂട്ടിങ്ങിനിടെ മമ്മൂട്ടിക്ക് പരിക്ക്
Posted by
18 February

മാമാങ്കത്തിന്റെ ഷൂട്ടിങ്ങിനിടെ മമ്മൂട്ടിക്ക് പരിക്ക്

ബിഗ് ബജറ്റ് ചിത്രമായ മാമാങ്കത്തിെന്റ ഷൂട്ടിങ്ങിനിടെ മമ്മൂട്ടിക്ക് പരിക്ക്. ചരിത്ര സിനിമയായ മാമാങ്കത്തിന്റെ പ്രധാനപ്പെട്ട ഒരു സംഘട്ടന രംഗം ഷൂട്ട് ചെയ്യുന്നതിനിടെയാണ് മെഗാ സ്റ്റാറിന് പരിക്കേറ്റത്. പരിക്ക് ഗുരുതരമല്ലെന്ന് അണിയറക്കാര്‍ അറിയിച്ചിട്ടുണ്ട്.

നവാഗതനായ സജീവ് പിള്ള വര്‍ഷങ്ങള്‍ നീണ്ട ഗവേഷണങ്ങള്‍ക്ക് ശേഷം സംവിധാനം ചെയ്യുന്ന ചിത്രമാണ് മാമാങ്കം. ചിത്രത്തിന് വേണ്ടി കൊച്ചിയില്‍ വലിയ സെറ്റിട്ട് രംഗങ്ങള്‍ ചിത്രീകരിച്ച് കൊണ്ടിരിക്കുകയാണ്. ഹോളീവുഡ് ചിത്രങ്ങള്‍ക്ക് വരെ സംഘട്ടനമൊരുക്കിയ സ്റ്റണ്ട് മാസ്റ്റര്‍ കേച്ച ജെയ്കയാണ് ചിത്രത്തിന്റെ ഫൈറ്റ് ഒരുക്കുന്നത്.

ഇന്ത്യന്‍ ക്രിക്കറ്റ് താരമാകാന്‍ കഠിന പ്രയത്‌നവുമായി ദുല്‍ഖര്‍
Posted by
17 February

ഇന്ത്യന്‍ ക്രിക്കറ്റ് താരമാകാന്‍ കഠിന പ്രയത്‌നവുമായി ദുല്‍ഖര്‍

മുംബൈ: തന്റെ രണ്ടാമത് ഹിന്ദി ചിത്രത്തിന്റെ ഒരുക്കത്തിലാണ് മലയാളികളുടെ സ്വന്തം കുഞ്ഞിക്ക. സോനം കപൂര്‍ പ്രധാനകഥാപാത്രത്തെ അവതരിപ്പിക്കുന്ന ദ സോയ ഫാക്ടര്‍ എന്ന ചിത്രത്തില്‍ ഒരു ഇന്ത്യന്‍ ക്രിക്കറ്റ് താരത്തിന്റെ റോളിലാണ് ദുല്‍ഖര്‍ എത്തുന്നത്. റോളിനായി ഒരു മാസത്തെ ക്രിക്കറ്റ് പരിശീലനമാണ് താരം നടത്തുന്നത്.

അനുജ ചൗഹാന്റെ ദ സോയ ഫാക്ടര്‍ എന്ന ഹിറ്റ് നോവലിനെ ആസ്പദമാക്കിയാണ് സിനിമ നിര്‍മ്മിക്കുന്നത്. ഇന്ത്യ ആദ്യം ലോകകപ്പ് നേട്ടം കെയ്ത 1983ല്‍ ജനിച്ച ഒരു പെണ്‍കുട്ടി ഇന്ത്യന്‍ ടീമിന്റെ ഭാഗ്യദേവതയായി മാറുന്നതാണ് ചിത്രത്തിന്റെ ഇതിവൃത്തം. പരസ്യ കമ്പിനിയില്‍ ജോലി ചെയ്യുന്ന സോയ തന്റെ ജോലിയുടെ ഭാഗമായി ഇന്ത്യന്‍ ക്രിക്കറ്റ് ടീമിനോടൊത്ത് കുറച്ച് കാലം ചിലവഴിക്കേണ്ടി വരുന്നു. ഈ കാലയിളവില്‍ സോയയുടെ സാന്നിധ്യമുള്ള കളികളില്‍ മാത്രം ഇന്ത്യ കളി ജയിക്കുന്നു എന്ന് ശ്രദ്ധയില്‍പ്പെട്ട ഇന്ത്യന്‍ ക്യാപ്ടന്‍ നിഖില്‍ ഖോഡ അവരെ ടീമിനൊപ്പം ചേര്‍ക്കുന്നതുമാണ് കഥ. സിനിമയില്‍ ദുല്‍ഖര്‍ സല്‍മാന്‍ നിഖില്‍ ഖോഡ എന്ന റോള്‍ അവതരിപ്പിക്കുമെന്നാണ് സൂചന.

സിനിമയുടെ ചിത്രീകരണം മാര്‍ച്ച്- എപ്രില്‍ മാസത്തോടെ ആരംഭിക്കും. ഫോക്‌സ് സ്റ്റാറാണ് ചിത്രം നിര്‍മ്മിക്കുന്നത്. ദുല്‍ഖറിന്റെ ബോളിവുഡ് അരങ്ങേറ്റ ചിത്രം കര്‍വാണ്‍ ജൂണ്‍ ഒന്നിന് റിലീസ് ചെയ്യും.

ഒടുവില്‍ ഉണ്ണികൃഷ്ണന്റെ കുടുംബം ജീവിക്കുന്നത് ഇങ്ങനെ !: സഹായവുമായി എത്തിയത് സത്യന്‍ അന്തിക്കാടും, ദിലീപും മാത്രം
Posted by
17 February

ഒടുവില്‍ ഉണ്ണികൃഷ്ണന്റെ കുടുംബം ജീവിക്കുന്നത് ഇങ്ങനെ !: സഹായവുമായി എത്തിയത് സത്യന്‍ അന്തിക്കാടും, ദിലീപും മാത്രം

പകരം വെക്കാനില്ലാത്ത ഒട്ടേറെ അഭിനേതാക്കളെ മലയാള സിനിമ പ്രേക്ഷകര്‍ക്ക് സമ്മാനിച്ചിട്ടുണ്ട്. മലയാളത്തില്‍ നിന്നും മറു ഭാഷയിലേക്ക് സിനിമകള്‍ റീമേക്ക് ചെയ്യുമ്പോള്‍ മലയാളി താരങ്ങളെ പോലെ  അഭിനയവൈഭവമുള്ള ആര്‍ട്ടിസ്റ്റുകളെ കണ്ടെത്തുന്നതാണ് ഏറ്റവും ശ്രമകരമായ ജോലിയെന്നും സംവിധായകര്‍ അഭിപ്രായപ്പെടാറുള്ളതും ഇതു കൊണ്ട് തന്നെയാണ്. അത്തരം അഭിനേതാക്കളില്‍ ഒരാളാണ് ഒടുവില്‍ ഉണ്ണികൃഷ്ണന്‍. തന്റെ സ്വതസിന്ധമായ ശൈലി കൊണ്ട് മലയാളി പ്രേക്ഷകര്‍ക്കിടയില്‍ മനം കവര്‍ന്ന ഈ നടന്‍ ഇന്നും ഒരു നനുത്ത ഓര്‍മ്മയാണ്.

എന്നാല്‍ മരണശേഷം ഇദ്ദേഹത്തിന്റെ കുടുംബം അനുഭവിക്കുന്ന ദുരിതവും, വേദനയും സിനിമ മേഖലയിലുള്ളവരുടെ ശ്രദ്ധയില്‍പ്പെടുന്നില്ലെന്നത് ദുഃഖം നിറഞ്ഞ ഒരു സംഭവം തന്നെ. 2006 മെയ് 27ന് വൃക്കരോഗത്തെ തുടര്‍ന്നായിരുന്നു ഒടുവില്‍ ഉണ്ണികൃഷ്ണന്റെ മരണം. അതിനു ശേഷം ഒടുവിലിന്റെ അമ്മയുടേയും, ഭാര്യ പത്മജയുടെ ജീവതം വെള്ളിവെളിച്ചത്തിന്റെ നിറപകിട്ടില്ലാത്ത ഒരു തിരശീല പോലെയാണ്. 89 വയസുള്ള അമ്മയോടൊത്ത കേരളശേരിക്ക് അടുത്തുള്ള വീട്ടിലാണ് ഒടുവിലിന്റെ ഭാര്യ പത്മജ താമസിക്കുന്നത്.അമ്മയ്ക്ക് ശാരീരികമായി ഏറെ ബുദ്ധിമുട്ടുകളുണ്ടെന്ന് പത്മജ പറയുന്നു.

മിലിട്ടറി ഉദ്യോഗസ്ഥനായിരുന്നു ഒടുവിലിന്റെ അച്ഛന്റെ പേരിലും, അമ്മയ്ക്കും ലഭിക്കുന്ന തുച്ഛമായ പെന്‍ഷന്‍ തുക കൊണ്ടാണ് ഇവരിപ്പോള്‍ ജീവിതം തള്ളിനീക്കുന്നത്. അടുത്തകാലത്തായി വാര്‍ദ്ധക്യകാല പെന്‍ഷനായി ആയിരം രൂപ ലഭിക്കുന്നതും ഇവര്‍ക്ക് വലിയ ആശ്വാസമാണ്. എങ്കിലും ഈ അവസ്ഥയിലും തങ്ങള്‍ സന്തുഷ്ടരാണെന്ന് പത്മജയുടെ ഭാഷ്യം, ആരോടും യാതൊരു പരാതിയുമില്ല.

ഒടുവിലിന്റെ മരണശേഷം സഹായവുമായി എത്തിയത് സംവിധായകന്‍ സത്യന്‍ അന്തിക്കാടും, നടന്‍ ദിലീപുമാണ്. ദിലീപിന്റെ പക്കല്‍ നിന്നും കടമായി മേടിച്ച മുപ്പതിനായിരം രൂപം ഇതു വരെ തിരിച്ചു നല്‍കിയിട്ടില്ല, ഒരിക്കല്‍ പോലും ദിലീപ് അത് ചോദിച്ചിട്ടുമില്ലെന്ന് അവര്‍ പറയുന്നു.

 

പ്രിയ വാര്യരുടെ പ്രതിഫല തുക കേട്ട് തെലുങ്ക് സംവിധായകന്‍ ഞെട്ടി
Posted by
17 February

പ്രിയ വാര്യരുടെ പ്രതിഫല തുക കേട്ട് തെലുങ്ക് സംവിധായകന്‍ ഞെട്ടി

കൊച്ചി: അന്തര്‍ദേശീയ തലത്തില്‍ ശ്രദ്ധ നേടിയതോടെ ബോളിവുഡില്‍ നിന്ന് പോലും നിരവധി അവസരങ്ങളാണ് ഒരു അഡാര്‍ ലൗവിലെ നായിക പ്രിയ വാര്യരെ തേടിയെത്തുന്നത്. 3.7 മില്ല്യണ്‍ ഫോളോവേഴ്‌സുമായി വലിയ താരങ്ങളെ പോലും ഒരു കണ്ണിറുക്കല്‍ കൊണ്ട് പ്രിയ വാര്യര്‍ മറികടന്ന് കഴിഞ്ഞു.

അതിനിടയില്‍ തെലുങ്ക് ചിത്രത്തില്‍ അഭിനയിക്കാന്‍ പ്രിയയെ സമീപിച്ച സംവിധായകന്‍ നടിയുടെ പ്രതിഫല തുക കേട്ട് ഞെട്ടി. ഹാപ്പി ഡെയ്‌സിലൂടെ മലയാളികള്‍ക്കും പരിചിതനായ നിഖില്‍ സിദ്ധാര്‍ത്ഥന്റെ പുതിയ ചിത്രത്തിലേക്ക് നായികയായിട്ടാണ് പ്രിയയെ സമീപിച്ചത്. എന്നാല്‍ സിനിമയില്‍ അഭിനയിക്കുന്നതിനായി നടി ആവശ്യപ്പെട്ടത് രണ്ട് കോടി രൂപയാണെന്നാണ് പുതിയ വാര്‍ത്ത.

ഇതു സംവിധായകനെ അക്ഷരാര്‍ത്ഥത്തില്‍ ഞെട്ടിച്ചുവെന്ന് ചില തെലുങ്ക് സിനിമ വെബ്‌സൈറ്റുകള്‍ റിപ്പോര്‍ട്ട് ചെയ്യുന്നു. ഹൈസ്‌കൂള്‍ പശ്ചാതലത്തില്‍ പ്രണയ കഥ പറയുന്ന ഒമര്‍ ലുലുവിന്റെ ഒരു അഡാര്‍ ലൗവിലെ അഞ്ച് നായികമാരില്‍ ഒരാളാണ് പ്രിയ.

മലയാളത്തിന്റെ അഡാറ് സുന്ദരി ബോളിവുഡിലേക്കോ..?
Posted by
17 February

മലയാളത്തിന്റെ അഡാറ് സുന്ദരി ബോളിവുഡിലേക്കോ..?

ഒരു ഗാനരംഗത്തിലൂടെ പ്രക്ഷക ലക്ഷങ്ങളുടെ മനം കവര്‍ന്ന അഡാറ് സുന്ദരി ബോളിവുഡിലേക്കോ? ഒരു അഡാര്‍ ലവ് എന്ന ചിത്രത്തിലെ നായികമാരിലൊരാളിയ പ്രിയ പ്രകാശ് വാര്യരുടെ വാര്‍ത്തകള്‍ സോഷ്യല്‍ മീഡിയകളില്‍ ഇനിയും കെട്ടടങ്ങിയിട്ടില്ല. പ്രിയയെ തേടി ബോളിവുഡില്‍ നിന്ന് വിളികള്‍ എത്തിയെന്നാണ് ഇപ്പോള്‍ പുറത്തു വരുന്ന റിപ്പോര്‍ട്ടുകള്‍.

ചിത്രീകരണം തുടങ്ങാനിരിക്കുന്ന ഒരു ബോളിവുഡ് ചിത്രത്തിന്റെ സംവിധായകന്‍ പ്രിയയെ സമീപിച്ചെന്നാണ് ഡെക്കാന്‍ ക്രോണിക്കിള്‍ റിപ്പോര്‍ട്ട് ചെയ്യുന്നത്. ഗാനത്തിലെ സെക്കന്റുകള്‍ മാത്രം ദൈര്‍ഘ്യമുള്ള സീനുകളാണ് പ്രിയയെ അന്താരാഷ്ട്ര തലത്തില്‍ തന്നെ പ്രശസ്തയാക്കിയത്.

എന്നാല്‍ ബോളിവുഡില്‍ ബ്രഹ്മാണ്ഡചിത്രങ്ങളുടെ സംവിധായകനായ സഞ്ജയ് ലീല ബന്‍സാലിയുടെ ചിത്രത്തിന്റെ ഭാഗമാകണമെന്നാണ് പ്രിയയുടെ ആഗ്രഹം.

കുഞ്ഞാലിമരയ്ക്കാര്‍ മമ്മൂട്ടി തന്നെ; മോഹന്‍ലാലിന്റെ കുഞ്ഞാലിമരയ്ക്കാറില്‍ നിന്നും പ്രിയദര്‍ശന്‍ പിന്‍മാറി
Posted by
17 February

കുഞ്ഞാലിമരയ്ക്കാര്‍ മമ്മൂട്ടി തന്നെ; മോഹന്‍ലാലിന്റെ കുഞ്ഞാലിമരയ്ക്കാറില്‍ നിന്നും പ്രിയദര്‍ശന്‍ പിന്‍മാറി

വിവാദങ്ങള്‍ക്കൊടുവില്‍ തീരുമാനമായി, ഇനി കുഞ്ഞാലിമരയ്ക്കാര്‍ ചിത്രത്തിന് രണ്ടവകാശികള്‍ ഉണ്ടായിരിക്കുകയില്ല. പ്രിയദര്‍ശന്‍ മോഹന്‍ലാലിനെ നായകനാക്കി ഒരുക്കാന്‍ പദ്ധതിയിട്ടിരുന്ന കുഞ്ഞാലിമരയ്ക്കാര്‍ ചിത്രം വേണ്ടെന്നുവെച്ചു. പ്രിയദര്‍ശന്റെ പിന്‍മാറ്റത്തെ തുടര്‍ന്നാണ് പ്രോജക്ട് ഉപേക്ഷിച്ചിരിക്കുന്നത്.

മമ്മൂട്ടിയും മോഹന്‍ലാലും ഒരേ സമയം കുഞ്ഞാലിമരയ്ക്കാരായി അഭിനയിക്കുന്നുവെന്ന് വാര്‍ത്തകള്‍ ഏറെ ആകാംക്ഷയോടെയായിരലുന്നു ആരാധകര്‍ ഏറ്റെടുത്തിരുന്നത്. സന്തോഷ് ശിവനാണ് മമ്മൂട്ടി നായകനാകുന്ന കുഞ്ഞാലിമരയ്ക്കാര്‍ സംവിധാനം ചെയ്യുക.

ഇതിനിടെ, മോഹന്‍ലാല്‍ നായകനാകുന്ന കുഞ്ഞാലിമരയ്ക്കാര്‍ ഉടന്‍ ചിത്രീകരണം ആരംഭിക്കുന്നുവെന്ന വാര്‍ത്ത പ്രചരിച്ചിരുന്നു. ഇത് നിഷേധിച്ച് പ്രിയദര്‍ശന്‍ തന്നെ രംഗത്തെത്തുകയും ചെയ്തു. സിനിമ സംബന്ധിച്ച് ഇതുവരെ തീരുമാനം ആയിട്ടില്ലെന്ന് പ്രിയദര്‍ശന്‍ വ്യക്തമാക്കുന്നു. മമ്മൂട്ടി അഭിനയിക്കുന്ന കുഞ്ഞാലിമരയ്ക്കാര്‍ ഉണ്ടെങ്കില്‍ തന്റെ പ്രോജക്ടില്‍ നിന്ന് പിന്‍മാറുമെന്ന് പ്രിയദര്‍ശന്‍ നേരത്തെ വ്യക്തമാക്കുകയും ചെയ്തിരുന്നു.

മഹേഷിന്റെ പ്രതികാരത്തിന്റെ തമിഴ് പതിപ്പായ നിമിറിന് ശേഷം ബോളിവുഡ് പ്രോജക്ട് ആണ് പ്രിയദര്‍ശന്‍ ചെയ്യുന്നത്. അഭിഷേക് ബച്ചനായിരിക്കും നായകന്‍. പ്രിയദര്‍ശന്റെ 93-ാമത്തെ ചിത്രമാണിത്. ഫാമിലി കോമഡി ജോണറിലുള്ള ചിത്രത്തിന് പേരിട്ടിട്ടില്ല. നായികയേയും തീരുമാനിച്ചിട്ടില്ല.

പ്രിയ വാര്യരുടെ കണ്ണടയ്ക്കലിനെതിരെ വീണ്ടും റാസ അക്കാദമി; സ്മൃതി ഇറാനിക്ക് പരാതി നല്‍കി
Posted by
17 February

പ്രിയ വാര്യരുടെ കണ്ണടയ്ക്കലിനെതിരെ വീണ്ടും റാസ അക്കാദമി; സ്മൃതി ഇറാനിക്ക് പരാതി നല്‍കി

ന്യൂഡല്‍ഹി: ഒരു അഡാര്‍ ലവ് എന്ന ചിത്രത്തിലെ വൈറല്‍ ഗാനം മാണിക്യ മലരായ പൂവിയിലെ പുതുമുഖതാരം പ്രിയ പ്രകാശ് വാര്യരുടെ വൈറലായ കണ്ണടയ്ക്കലിനെതിരെ റാസ അക്കാദമി സ്മൃതി ഇറാനിക്ക് പരാതി നല്‍കി.

ഗാനരംഗത്തിനെതിരെ ഹൈദരാബാദ് പോലീസിന് പരാതി നല്‍കിയതിന് പിന്നാലെയാണ് ഗാനരംഗം നിരോധിക്കണമെന്ന് ആവശ്യപ്പെട്ട് കേന്ദ്ര ഇന്‍ഫര്‍മേഷന്‍ ആന്റ് ബ്രോഡ്കാസ്റ്റിംഗ് മന്ത്രി സ്മൃതി ഇറാനിക്ക് പരാതി നല്‍കിയിരിക്കുകയാണ്. ഗാനരംഗം നിരോധിക്കണമെന്ന് ആവശ്യപ്പെട്ട് സ്മൃതി ഇറാനിക്ക് റാസ അക്കാദമി കത്തയച്ചതായി വാര്‍ത്ത ഏജന്‍സിയായ എഎന്‍ഐ റിപ്പോര്‍ട്ട് ചെയ്യുന്നു.

പ്രവാചകന്‍ മുഹമ്മദിനെയും അദ്ദേഹത്തിന്റെ ഭാര്യയേയും അപമാനിക്കുന്നതാണ് ഗാനരംഗമെന്നതാണ് ഇവരുടെ പരാതി. രാജ്യത്തെ കൂടുതല്‍ വിവാദങ്ങളില്‍ പെടുത്താതിരിക്കാന്‍ ഗാനരംഗം വെട്ടിക്കളയാന്‍ സെന്‍സര്‍ ബോര്‍ഡിനും സംവിധായകനും അടിയന്തരമായി നിര്‍ദേശം നല്‍കണമെന്നും റെഹ്മാനി ഗ്രൂപ്പ് പ്രസിഡന്റ് അസിഫ് സര്‍ദാര്‍ കത്തില്‍ ആവശ്യപ്പെടുന്നു.

മുസ്ലീം സമുദായത്തിലെ ഒരു പ്രധാനിയെ അവഹേളിക്കുന്നു: മാണിക്യമലരിന് എതിരെ വീണ്ടും കേസ്‌
Posted by
16 February

മുസ്ലീം സമുദായത്തിലെ ഒരു പ്രധാനിയെ അവഹേളിക്കുന്നു: മാണിക്യമലരിന് എതിരെ വീണ്ടും കേസ്‌

മുംബൈ: ഹൈദിരാബാദിലെ മതമൗലീക വാദികള്‍ക്ക് പിന്നാലെ മാണിക്യമലരിനെതിരെ മഹാരാഷ്ട്രയില്‍ നിന്നും പരാതി. ജന്‍ജഗരണ്‍ സമിതി എന്ന സംഘടനയുടെ പരാതിയില്‍ മഹാരാഷ്ട്രയിലെ ജിന്‍സി പോലീസ് സ്‌റ്റേഷനിലാണ് കേസ് രജിസ്റ്റര്‍ ചെയ്തിരിക്കുന്നത്. പാട്ടിലെ ചില പരാമര്‍ശങ്ങള്‍ മുസ്ലീം സമുദായത്തിലെ ഒരു പ്രധാനിയെ അവഹേളിക്കുന്നതാണെന്നും സംഘടനാ പ്രസിഡന്റ് മൊഹ്‌സിന്‍ അഹമ്മദ് ആരോപിക്കുന്നു. ചിത്രത്തില്‍ അഭിനയിച്ചിരിക്കുന്ന പ്രിയ വാര്യര്‍ക്കെതിരെയും, സംവിധായകന്‍ ഒമര്‍ ലുലുവിനെതിരെയുമാണ് കേസ്.

മുസ്ലീം മതവികാരം വൃണപ്പെടുത്തുന്നു എന്ന് ചൂണ്ടിക്കാട്ടി ഹൈദരാബാദ് പോലീസ് സ്‌റ്റേഷനില്‍ കേസ് രജിസ്റ്റര്‍ ചെയ്തതിന് പിന്നാലെയാണ് പുതിയ കേസ് തലപൊക്കിയിരിക്കുന്നത്.വിവാദങ്ങളെപ്രതി ഗാനം യൂട്യൂബില്‍ നിന്നും നീക്കം ചെയ്യാന്‍ അണിയറ പ്രവര്‍ത്തകര്‍ തീരുമാനിച്ചിരുന്നെങ്കിലും പിന്നീട് വേണ്ടെന്ന് വെക്കുകയായിരുന്നു.

അഡാര്‍ ലൗവിന്റെ തരംഗമായ ടീസറിനെ അഭിനന്ദിച്ച് സാക്ഷാല്‍ സല്ലുഭായ്: വിശ്വസിക്കാനാകാതെ സംവിധായകന്‍ ഒമര്‍ ലുലു
Posted by
16 February

അഡാര്‍ ലൗവിന്റെ തരംഗമായ ടീസറിനെ അഭിനന്ദിച്ച് സാക്ഷാല്‍ സല്ലുഭായ്: വിശ്വസിക്കാനാകാതെ സംവിധായകന്‍ ഒമര്‍ ലുലു

മാണിക്യമലരായ പൂവിയും, പ്രിയ പ്രകാശ് വാര്യരും തീര്‍ത്ത കോളിളിക്കം ഇന്റര്‍നെറ്റില്‍ വിജയഭേരി മുഴക്കുമ്പോള്‍ പ്രതീക്ഷിക്കാതെ ലഭിച്ച നേട്ടത്തിന്റെ സന്തോഷത്തിലാണ് സംവിധായകന്‍ ഒമര്‍ ലുലു. അല്ലു അര്‍ജ്ജുനും,വിക്കി കൗശലും സമൂഹമാധ്യമങ്ങളില്‍ ഗാനം ഷെയര്‍ ചെയ്തപ്പോള്‍ ബോളിവുഡിന്റെ ബോക്‌സ് ഓഫീസ് രാജാവ് സല്‍മാന്‍ ഖാന്‍ സംവിധായകനെ നേരിട്ട് വിളിക്കുകയാണുണ്ടായത്.

പാട്ടിന്റെയും, ടീസറിന്റെയും ഗംഭീര വിജയത്തിന് അഭിനന്ദനം അറിയിക്കുന്നതിന് വേണ്ടിയാണ് താരം ഒമര്‍ ലുലുവിനെ വിളിച്ച്ത്. ബോളിവുഡിന്റെ സ്വന്തം സല്ലുഭായ് നേരിട്ട് വിളിച്ചതിന്റെ ആഹ്ലാദം ഒമര്‍ ലുലു ഫേസ്ബുക്കിലൂടെ പങ്കുവെച്ചു. വിശ്വസിക്കാനാകുന്നില്ലെന്നും, അതിയായ സന്തോഷമുണ്ടെന്നും ഒമര്‍ ഫേസ്ബുക്കില്‍ കുറിച്ചു.

error: This Content is already Published.!!