Ayush Khurana appreciates Malar character
Posted by
22 March

മലരിനോട് പ്രണയമെന്ന് ആയുഷ്മാന്‍ ഖുറാന: മറുപടിയുമായി സായി

ദക്ഷിണേന്ത്യയില്‍ ഒട്ടാകെ പ്രണയമഴ പെയ്യിച്ച ‘പ്രേമം’ ചിത്രത്തിന്റെ അലയൊലികള്‍ ഒന്നടങ്ങി വരികയായിരുന്നു. ഇതിനിടയിലാണ് വീണ്ടും പ്രേക്ഷകരുടെ മനം കവര്‍ന്ന മലര്‍മിസ്സും പ്രേമം ചിത്രവും വീണ്ടും വാര്‍ത്തകോളങ്ങളില്‍ ഇടംപിടിക്കുന്നത്. കാരണം മറ്റൊന്നുമല്ല. ബോളിവുഡില്‍ നിന്നും ഒരു ആരാധകന്‍ മലരിനോട് പ്രണയമാണെന്ന് ഉറക്കെ പ്രഖ്യാപിച്ചിരിക്കുകയാണ്. ഗായകനും ചലച്ചിത്രതാരവുമായ ആയുഷ്മാന്‍ ഖുറാനയാണ് ‘സിംപിളായ’ മലരിനോടുള്ള പ്രണയം തുറന്നുപറഞ്ഞിരിക്കുന്നത്.

മലരേ എന്നുള്ള ഗാനവും പ്രേമമെന്ന ചിത്രവും ആരാധക മനസില്‍ നിറഞ്ഞു നില്‍ക്കാന്‍ കാരണം മലരിനെ വെള്ളിത്തിരയില്‍ അവതരിപ്പിച്ച സായി പല്ലവി തന്നെയാണ്. മലരിനോടുള്ള ബോളിവുഡ് താരത്തിന്റെ പ്രണയം അറിഞ്ഞ് സായി സന്തോഷവതിയാണ്. തനിക്ക് ലഭിച്ച അംഗീകാരമായാണ് സായ് ആയുഷ്മാന്റെ അഭിനന്ദനത്തെ കാണുന്നത്.

ആയുഷ്മാന്‍ ഖുറാന തന്റെ ഇഷ്ടം ട്വിറ്ററിലൂടെയാണ് അറിയിച്ചത്. പ്രേമം എന്ന ചിത്രത്തിലെ ”മലരേ” ഗാനം കണ്ടു. ലളിതവും മനോഹരവുമാണ് അതിലെ സായി എന്നും ആയുഷ് കുറിക്കുന്നു. കൂടാതെ ഈ യഥാര്‍ത്ഥ ഭംഗിയും സ്വത്വവും യാഥാര്‍ത്ഥ്യം കൈവിടാതെ നിലനിര്‍ത്തണമെന്നും അദ്ദേഹം കുറിച്ചു.

പരമാവധി ശ്രമിക്കാമെന്നും നന്ദിയറിയിച്ചുകൊണ്ടുള്ള ട്വീറ്റില്‍ സായി പല്ലവി പ്രതികരിച്ചു.

Aamir Khan reportedly paid Rs1.75 billion for Dangal
Posted by
20 March

ദംഗലിന് ലഭിച്ചത് 175 കോടി രൂപ; ഇന്ത്യയില്‍ ഏറ്റവും കൂടുതല്‍ പ്രതിഫലം പറ്റുന്ന നായകനടനായി ആമിര്‍ ഖാന്‍

ഇന്ത്യയില്‍ ഏറ്റവും കൂടുതല്‍ പ്രതിഫലം പറ്റുന്ന നായക നടനായി മിസ്റ്റര്‍ പെര്‍ഫക്ഷനിസ്റ്റ് ആമിര്‍ ഖാന്‍. സമീപകാലത്ത് ഇന്ത്യന്‍ ബോക്‌സ് ഓഫീസില്‍ വന്‍ചലനം സൃഷ്ടിച്ച ചിത്രമായിരുന്നു ദംഗല്‍. ഇന്ത്യയില്‍ നിന്നുമാത്രം ചിത്രം 500 കോടിയലധികം കളക്ഷന്‍ നേടിയിരുന്നു. പഴയകാല ഗുസ്തിതാരവും ഇന്ത്യന്‍ താരങ്ങളായ ഗീത ഫോഘട്ടിന്റേയും ബബിത ഫോഘട്ടിന്റേയും പിതാവുമായ മഹാവീര്‍ സിംഗ് ഫോഘട്ടിന്റെ ജീവിത കഥ പറഞ്ഞ ചിത്രത്തിലെ നായകന്‍ ബോളിവുഡിന്റെ മിസ്റ്റര്‍ പെര്‍ഫെക്ഷനിസ്റ്റ് ആമിര്‍ ഖാന്‍ ആയിരുന്നു.

ആമിര്‍ തന്നെയായിരുന്നു ചിത്രത്തിന്റെ നിര്‍മ്മാതാവും. ചിത്രത്തിന്റെ പ്രതിഫലമായി ആമിറിന് ലഭിച്ചത് എത്രയെന്നായിരുന്നു എല്ലാവരും ചോദിച്ചു കൊണ്ടിരുന്നത്. താരത്തിന്റെ പ്രതിഫല വിവരങ്ങള്‍ ഇപ്പോള്‍ പുറത്തു വന്നിരിക്കുകയാണ്. 175 കോടി രൂപയാണ് ആമിറിന് ദംഗലിന് ലഭിച്ചതെന്നാണ് റിപ്പോര്‍ട്ട്. ഡിസ്‌നി പിക്‌ചേഴ്‌സും യുടിവിയും ആമിറിന്റെ തന്നെ ആമിര്‍ ഖാന്‍ പ്രൊഡക്ഷന്‍സും ചേര്‍ന്നാണ് ചിത്രം നിര്‍മ്മിച്ചത്. നിര്‍മ്മാതാവായതിനാല്‍ പ്രതിഫലത്തിന് പുറമെ ലാഭത്തിന്റെ ഒരു പങ്കും താരത്തിന് ലഭിച്ചു. പ്രതിഫലമായി 35 കോടിയും ലാഭവിഹിതത്തിന്റെ 33 ശതമാനവും റോയല്‍റ്റിയുടെ 33 ശതമാനവും ചേര്‍ന്ന് 175 കോടി ആമിറിന് ലഭിച്ചതായാണ് ദേശിയ മാധ്യമമായ ഡിഎന്‍എയുടെ റിപ്പോര്‍ട്ടില്‍ പറയുന്നത്. ഇതോടെ ഏറ്റവും കൂടുതല്‍ പ്രതിഫലം വാങ്ങുന്ന ഇന്ത്യന്‍ താരങ്ങളുടെ പട്ടികയില്‍ ആമിര്‍ ഒന്നാമതെത്തുകയും ചെയ്തു.
കഴിഞ്ഞ ക്രിസ്തുമസ് കാലത്തായിരുന്നു ദംഗലിന്റെ റിലീസ്. ഇന്‍സ്പിരേഷണല്‍ സ്‌റ്റോറി പറഞ്ഞ ചിത്രം ഇന്‍സ്റ്റന്റ് ഹിറ്റായിരുന്നു. ആമിറിന്റെ തന്നെ പികെയുടെ തൊട്ടു പിന്നാലെ ഏറ്റവും കൂടുതല്‍ കളക്ഷന്‍ നേടുന്ന രണ്ടാമത്തെ ചിത്രമായും ദംഗല്‍ മാറി.

The ‘fatwa’ against Assam singer Nahid Afrin that never was
Posted by
17 March

തനിക്കൊരു ഫത്‌വയെയും ഭയമില്ല, സംഗീതം തുടരുക തന്നെ ചെയ്യും; 46 മുസ്ലിം പുരോഹിതന്മാര്‍ തനിക്കെതിരെ പുറപ്പെടുവിച്ച ഫത്‌വക്കെതിരെ യുവഗായിക

ഗുവാഹത്തി: പൊതുവേദികളില്‍ പാടരുതെന്ന മുസ്ലിം പുരോഹിതന്മാരുടെ ഫത്‌വക്ക് എതിരെ അസമീസ് യുവഗായിക രംഗത്ത്. തനിക്കൊരു ഫത്‌വയെയും ഭയമില്ലെന്നും സംഗീതം തുടരുക തന്നെ ചെയ്യുമെന്നും മുസ്ലിം മത പുരോഹിതരുടെ ഫത്‌വ നേരിടുന്ന നഹീദ് അഫ്രീന്‍ വ്യക്തമാക്കി.

46 മുസ്ലിം പുരോഹിതന്മാര്‍ തനിക്കെതിരെ പുറപ്പെടുവിച്ച ഫത്‌വക്കെതിരെ പോരാടാനാണ് തന്റെ തീരുമാനമെന്നും പെണ്‍കുട്ടി വ്യക്തമാക്കി. ‘യാതൊരു തരത്തിലുള്ള വിലക്കുകളെയോ ഭീഷണികളെയോ താന്‍ കാര്യമാക്കുന്നില്ല. സംഗീത ലോകത്ത് പ്രശസ്തയാകണമെന്ന തന്റെ സ്വപ്‌നത്തിനായി പോരാടുക തന്നെ ചെയ്യും’ നഹീദ് അഫ്രിന്‍ വ്യക്തമാക്കി. ഫത്‌വ പുറപ്പെടുവിച്ച തീരുമാനം ഞെട്ടിക്കുന്നതായിരുന്നു. പക്ഷേ ഒരുപാട് മുസ്‌ലിം ഗായകര്‍ തനിക്ക് പിന്തുണ പ്രഖ്യാപിച്ചിട്ടുണ്ട്. ഒരിക്കലും സംഗീത ലോകത്ത് നിന്ന് വിട്ടു നില്‍ക്കരുതെന്നാണ് അവരെല്ലാം തന്നോട് പറഞ്ഞത്. അഫ്‌റിന്‍ പറഞ്ഞു. എനിക്ക് കിട്ടിയ സംഗീതം ദൈവത്തിന്റെ സമ്മാനമായാണ് ഞാന്‍ കണക്കാക്കുന്നത്. അത് തീര്‍ച്ചയായും ഉപയോഗിക്കണമെന്ന് തന്നെയാണ് എന്റെ തീരുമാനം’ ഗായിക പറഞ്ഞു.

2015 ല്‍ സീടിവിയുടെ മ്യൂസിക് റിയാലിറ്റി ഷോയായ സരിഗമപായുടെ റണ്ണറപ്പായിരുന്നു അഫ്രീന്‍. ഈ മാസം 25 ന് നടക്കാനിരിക്കുന്ന അഫ്രീനിന്റെ സംഗീത പരിപാടി മുന്നില്‍ കണ്ടാണ് ഫത്‌വ പുറത്തിറക്കിയതെന്നാണ് കരുതപ്പെടുന്നത്. പരിപാടി നടക്കുന്ന സ്ഥലം പള്ളിയുടേയും ഖബറിസ്ഥാന്റേയും സമീപത്തായതിനാല്‍ പരിപാടി ബഹിഷ്‌കരിക്കാന്‍ പുരോഹിതര്‍ വിശ്വാസികളോട് ആവശ്യപ്പെട്ടിട്ടുണ്ട്. അഫ്രീനോട് ഈ പരിപാടിയില്‍ പങ്കെടുക്കരുതെന്നും ആവശ്യപ്പെട്ടിട്ടുണ്ട്. എന്നാല്‍ ഗായികയ്ക്ക് പിന്തുണയുമായി അസം മുഖ്യമന്ത്രി സര്‍ബാനന്ദ സോനോവാള്‍ രംഗത്തെത്തിയിട്ടുണ്ട്.

Katrina Kaif suffers serious spine injury, pulls out of awards show
Posted by
11 March

ഷൂട്ടിംഗിനിടെ അപകടം; കത്രീന കൈഫിന് നട്ടെല്ലിന് ഗുരുതര പരിക്ക്

ഷൂട്ടിംഗിനിടെ ഉണ്ടായ അപകടത്തില്‍ ബോളിവുഡ് താരം കത്രീന കൈഫിന് നട്ടെല്ലിന് പരിക്കേറ്റു. കഴിഞ്ഞയാഴ്ചയാണ് അനുരാഗ് ബസു സംവിധാനം ചെയ്യുന്ന ജഗ്ഗ ജാസൂസ് എന്ന ചിത്രത്തിന്റെ ഷൂട്ടിംഗിനിടെ കത്രീനയുടെ മേലെ ഭാരമുള്ള വസ്തു വീണത്. അപകടം സംഭവിച്ച സമയം വേദന അനുഭവപ്പെടാത്തതിനെ തുടര്‍ന്ന് താരം ചിത്രീകരണവും സി സിനി അവാര്‍ഡിനായുള്ള തയ്യാറെടുപ്പിലുമായിരുന്നു.

എന്നാല്‍ അവാര്‍ഡ് ദാന ചടങ്ങിനായുള്ള ഡാന്‍സ് ഷോയ്ക്കുള്ള പ്രാക്ടീസിനിടെ വേദന അസഹ്യമായതിനെ തുടര്‍ന്ന് ഡോക്ടറെ സമീപിക്കുകയായിരുന്നു. പരുക്ക് ഗുരുതരമാണെന്നാണ് റിപ്പോര്‍ട്ട്. താരത്തിന് കുറേക്കാലം വിശ്രമം ആവശ്യമായി മരുമെന്നും റിപ്പോര്‍ട്ടുകല്‍ ഉണ്ട്. രണ്‍ബീര്‍ കപൂറും കത്രീന കൈഫും മുഖ്യവേഷത്തിലെത്തുന്ന ജഗ്ഗാ ജാസൂസ് ജൂലൈയിലാണ് റിലീസ് ചെയ്യാനിരിക്കുന്നത്.

spreading secret-scenes and pictures -of-famous-malayalam-actor in social media
Posted by
10 March

മലയാളത്തിലെ യുവ നടന്റേയും യുവതിയുടേയും രഹസ്യ ചിത്രങ്ങള്‍ പ്രചരിക്കുന്നു; പ്രചരിക്കുന്നവയില്‍ ഫോട്ടോകള്‍ക്കും പുറമെ കിടപ്പറയിലെ സ്വകാര്യ ദൃശ്യങ്ങളും

മലയാള സിനിമയിലെ ഒരു പ്രമുഖ യുവ നടന്റേയും യുവതിയുടേയും രഹസ്യ ചിത്രങ്ങള്‍ സാമൂഹിക മാധ്യമങ്ങളില്‍ പ്രചരിക്കുന്നു. വെള്ളിയാഴ്ച രാവിലെ മുതലാണ് നടനും യുവതിയും തമ്മിലുള്ള രഹസ്യ ഫോട്ടോകള്‍ പ്രചരിക്കാന്‍ തുടങ്ങിയത്. ഫെയ്‌സ്ബുക്ക്, വാട്ട്‌സ് ആപ്പ് എന്നീ സോഷ്യല്‍ മീഡിയകളിലാണ് ചിത്രങ്ങള്‍ ഓടിക്കൊണ്ടിരിക്കുന്നത്.

പ്രമുഖ നടനായ ഇദ്ദേഹം ഒരു സംവിധായകന്‍ കൂടിയാണ്. ഒരുപാട് സിനിമകളില്‍ അഭിനയിച്ച ശേഷമാണ് ഇദ്ദേഹം സംവിധാന രംഗത്തേക്ക് കടന്ന് വന്നത്. ഈയടുത്ത് ഒരു സൂപ്പര്‍താരത്തെ നായകനാക്കി ഇദ്ദേഹം സംവിധാനം ചെയ്ത ചിത്രം വന്‍ വിജയമായിരുന്നു. തുടര്‍ന്ന് ഒരുപാട് നിര്‍മ്മാതാക്കളും ഇദ്ദേഹത്തെ സമീപിക്കുകയും ചേര്‍ന്ന് സിനിമ ചെയ്യാന്‍ താല്‍പര്യം പ്രകടിപ്പിക്കുകയും ചെയ്തതായി വിവരമുണ്ടായിരുന്നു.

അതേസമയം മുമ്പും സമാനമായ രീതിയില്‍ നടന്റെ ചിത്രങ്ങള്‍ സോഷ്യല്‍ മീഡിയയില്‍ പ്രചരിച്ചിരുന്നു. ഈ ചിത്രങ്ങള്‍ നടന്റേത് തന്നെയാണെന്നാണ് സോഷ്യല്‍ മീഡിയയിലെ സംസാരം. മോര്‍ഫിംഗ് അല്ലെന്നും ഒറിജിനല്‍ തന്നെയാണെന്നും ചിത്രം കണ്ടാല്‍ വ്യക്തമാണ്. കൂടെയുള്ള യുവതി ആരാണെന്ന് വ്യക്തമല്ല. കിടന്നും ഇരുന്നുമുള്ള പലതരം ഫോട്ടോകള്‍ക്കും പുറമെ കിടപ്പറയിലെ ചില സ്വകാര്യ ദൃശ്യങ്ങളും പ്രചരിക്കുന്നുണ്ട്.

ഈയടുത്ത് സിനിമ നടിയെ ആക്രമിച്ച സംഭവവുമായി ബന്ധപ്പെട്ട് പോലീസ് ഇദ്ദേഹത്തെ ചോദ്യം ചെയ്തതായി വാര്‍ത്തയുണ്ടായിരുന്നു. പള്‍സര്‍ സുനിയുമായുള്ള നടന്റെ അടുപ്പമാണ് ചോദ്യം ചെയ്യലിന് പിന്നിലെന്ന് സിനിമാ മേഖലയില്‍ നിന്ന് വാര്‍ത്തയുണ്ടായിരുന്നു.

begum-jaan-first-poster-vidya-balan-looks-fierce-and-intimidating
Posted by
07 March

വിദ്യാ ബാലന്‍ പഞ്ചാബിലെ വേശ്യാലയം നടത്തിപ്പുകാരി

വിദ്യാ ബാലന്‍ ചിത്രം ബീഗം ജാനിന്റെ ആദ്യ പോസ്റ്റര്‍ പുറത്തിറങ്ങി. വിഭജനക്കാലത്തെ ഇന്ത്യയുടെ പശ്ചാത്തലത്തില്‍ കഥ പറയുന്ന ചിത്രമാണ് ബീഗം ജാന്‍. കയ്യില്‍ ഒരു ഹുക്ക പൈപ്പും അരികിലൊരു തോക്കുമായി ഇരിക്കുന്ന വിദ്യയെയാണ് പോസ്റ്ററില്‍ കാണാനാകുക. എന്റെ ശരീരം, എന്റെ വീട്, എന്റെ രാജ്യം, എന്റെ നിയമം എന്നതാണ് ചിത്രത്തിന്റെ ടാഗ് ലൈന്‍.

17155493_1876922552543445_2414578286001024734_n

പഞ്ചാബിലെ ഒരു വേശ്യാലയം നടത്തിപ്പുകാരിയാണ് ചിത്രത്തിലെ വിദ്യയുടെ കഥാപാത്രമായ ബീഗം ജാന്‍. ഇന്ത്യയുടെ സ്വാതന്ത്ര്യ ലബ്ധിയുടേയും വിഭജനത്തിന്റേയും കാലഘട്ടത്തില്‍ നിന്നാണ് ചിത്രം കഥ പറയുന്നത്. ശ്രിജിത്ത് മുഖര്‍ജിയാണ് ചിത്രം സംവിധാനം ചെയ്യുന്നത്. മഹേഷ് ഭട്ട്, മുകേഷ് ഭട്ട് എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിയ്ക്കുന്നത്. ഗുആഹര്‍ ഖാന്‍, ഇള അരുണ്‍, പല്ലവി ഷര്‍ദ, നസറുദ്ദിന്‍ ഷാ എന്നിവരാണ് ചിത്രത്തിലെ മറ്റഭിനേതാക്കള്‍. ചിത്രം ഏപ്രില്‍ 14 ന് പ്രദര്‍ശനത്തിനെത്തും.

Oscar 2017 pays Tribute to Om Puri
Posted by
27 February

ഓംപുരിക്ക് ഓസ്‌കര്‍ വേദിയില്‍ ആദരം

ലോസ് ഏഞ്ചല്‍സ്: അന്തരിച്ച ബോളിവുഡ് നടന്‍ ഓംപുരിക്ക് ഓസ്‌കര്‍ പുരസ്‌കാര വേദിയില്‍ ആദരം. വേറിട്ട അഭിനയ രീതിയിലൂടെയും റിയലിസ്റ്റിക് കഥാപാത്രങ്ങളിലൂടെയും ശ്രദ്ധേയനായ നടനെ ഓസ്‌കര്‍ വേദി അനുസ്മരിച്ചു. ഓസ്‌കര്‍ പുരസ്‌കാരം നേടിയ ‘ഗാന്ധി’ ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിച്ച ഓം പുരി ‘സിറ്റി ഓഫ് ജോയ്,’ ‘വോള്‍ഫ്,’ ‘ഈസ്റ്റ് ഈസ് ഈസ്റ്റ് ‘ എന്നീ ചിത്രങ്ങളിലെ പ്രകടനത്തിലൂടെ അന്താരാഷ്ട്ര ശ്രദ്ധ ആകര്‍ഷിച്ച അഭിനേതാവായിരുന്നു. കഴിഞ്ഞ വര്‍ഷം വിടവാങ്ങിയ പ്രമുഖ ചലച്ചിത്ര പ്രവര്‍ത്തകരെ അനുസ്മരിക്കുന്ന ‘ഇന്‍ മെമ്മൊറിയം’ എന്ന ചടങ്ങിലാണ് ഓം പുരിയും അനുസ്മരിക്കപ്പെട്ടത്.

ഇക്കഴിഞ്ഞ ജനുവരിയില്‍ ഹൃദയ സ്തംഭനത്തെത്തുടര്‍ന്നായിരുന്നു ബോളിവുഡിന്റെ അതുല്യ നടന്‍ ഓംപുരി അന്തരിച്ചത്. നിരവധി സിനിമകളില്‍ നായകനായും വില്ലനായും തിളങ്ങിയ ഓംപുരിയുടെ മരണം സിനിമാ മേഖലയ്ക്ക് തന്നെ വലിയൊരു നഷ്ടമായിരുന്നു. നിരവധി ഹോളിവുഡ് ചിത്രങ്ങളിലും അദ്ദേഹം വേഷമിട്ടിട്ടുണ്ട്.

അതേസമയം ഓസ്‌കര്‍ വേദിയില്‍ മികച്ച അഭിപ്രായങ്ങളും ആറ് പുരസ്‌കാരങ്ങളും നേടി ലാ ലാ ലാന്റ് നിറഞ്ഞു നില്‍ക്കുകയാണ്. മൂണ്‍ ലൈറ്റ് മികച്ച ചിത്രമായപ്പോള്‍ മികച്ച നടനായി മാഞ്ചെസ്റ്റര്‍ ബൈ ദി സീ എന്ന ചിത്രത്തിലെ അഭിനയത്തിന് കാസെ അഫ്ളെക്ക് നേടി. മികച്ച നടിക്കുള്ള പുരസ്‌കാരം ലാ ലാ ലാന്റിലെ അഭിനയത്തിന് എമ്മ സ്റ്റോണും കരസ്ഥമാക്കി.

TV actor Anuj Saxena surrenders before court in a graft case
Posted by
18 February

175 കോടി രൂപയുടെ തട്ടിപ്പ്; പ്രശസ്ത സീരിയല്‍ താരം സിബിഐ കസ്റ്റഡിയില്‍

ന്യൂഡല്‍ഹി: 175 കോടി രൂപ തട്ടിപ്പുകേസില്‍ പ്രമുഖ ടെലിവിഷന്‍ താരം അനൂജ് സക്‌സേന കോടതിയില്‍ കീഴടങ്ങി. തുടര്‍ന്ന് താരത്തെ മൂന്നു ദിവസത്തേക്ക് സിബിഐ കസ്റ്റഡിയില്‍ വിട്ടു.

24,000 നിക്ഷേപകരില്‍ നിന്നായി 175 കോടി രൂപ അനധികൃതമായി സമാഹരിച്ച കേസിലാണ് നടപടി. ഈ മാസം 17ന് കീഴടങ്ങണമെന്ന് ഡല്‍ഹി ഹൈക്കോടതി സക്‌സേനയോട് ആവശ്യപ്പെട്ടിരുന്നു. പ്രത്യേക ജഡ്ജി ഗുര്‍ദീപ് സിങ്ങിന്റെ മുമ്ബാകെ കഴിഞ്ഞ ദിവസം ഹാജരായ സക്‌സേനയെ അന്വേഷണ ഏജന്‍സി ചോദ്യം ചെയ്യാനായി കസ്റ്റഡിയില്‍ വാങ്ങുകയായിരുന്നു.

സക്‌സേനക്കൊപ്പം കേസില്‍ ആരോപണ വിധേയനായ ബികെ ബന്‍സാല്‍ എന്ന ഉദ്യോഗസ്ഥന്‍ 2016 ജൂലൈയില്‍ കുടുംബവുമായി ആത്മഹത്യ ചെയ്തിരുന്നു. കേസില്‍ അന്വേഷണ ഏജന്‍സിയുടെ പരിശോധനയില്‍നിന്നൊഴിവാക്കുന്നതിനായി സക്‌സേന ഉദ്യോഗസ്ഥനായ ബന്‍സാലുമായി നേരിട്ട് ഇടപെട്ടു എന്ന് സിബിഐ ആരോപിക്കുന്നു.

ഫാര്‍മസ്യൂട്ടിക്കല്‍ കമ്ബനിയില്‍നിന്ന് കൈക്കൂലി വാങ്ങിയതിനാണ് ബന്‍സാലിനെ സിബിഐ അറസ്റ്റ് ചെയ്തത്.

Mohanlal sir is my favorite, says Veeram actress Divina thakur
Posted by
09 February

മോഹന്‍ലാല്‍ വല്ലാത്തൊരു ലഹരിയും ആകര്‍ഷണവുമാണെന്ന് വീരം നായിക ബോളിവുഡ് താരം ഡിവിന താക്കൂര്‍

മലയാളത്തിന്റെ താരരാജാവ് മോഹന്‍ലാലിന്റെ അഭിനയം വല്ലാത്തൊരു ലഹരിയും ആകര്‍ഷണവുമാണെന്ന് ബോളിവുഡ് താരം ഡിവിന താക്കൂര്‍.
മലയാളത്തിലെ ചില സിനിമകളൊക്കെ കണ്ടിട്ടുണ്ട്. ഇവിടുത്തെ സൂപ്പര്‍സ്റ്റാറുകളായ മോഹന്‍ലാലിനേയും മമ്മൂട്ടിയേയും ഇഷ്ടമാണ്. ദുല്‍ഖറിന്റേയും പൃഥ്വിരാജിന്റേയും സിനിമകള്‍ കണ്ടിട്ടുണ്ട്. എങ്കിലും ലാലേട്ടനോട് അല്പം ഇഷ്ടം കൂടുതലാണെന്നും താരം പറയുന്നു. ലാലേട്ടന്റെ അഭിനയം വല്ലാത്തൊരു ലഹരിയും ആകര്‍ഷണവുമാണ്. ഡിവിന പറയുന്നു.

വീരം എന്നചിത്രത്തിലെ കുട്ടിമാണി എന്ന കഥാപാത്രത്തെ അനശ്വരമാക്കിയ താരമാണ് ഡിവിന. ബോളിവുഡ് തട്ടകമാകുമ്പോഴും മലയാളത്തേയും മലയാള നടന്‍മാരോടുമുള്ള ഇഷ്ടം താരം മറച്ചുവെക്കുന്നില്ല. മലയാളം എനിക്ക് പരിചയമുള്ള ഒരിടമായിരുന്നു. മോഡലിങ് രംഗത്ത് നില്‍ക്കുമ്പോള്‍ കുറേ മലയാള പരസ്യങ്ങളില്‍ അഭിനയിച്ചിരുന്നു. മലയാളസിനിമയിലേക്കെത്തുന്നത് ജയരാജ് സാര്‍ വിളിച്ചതുകൊണ്ടുതന്നെയാണ്. കുട്ടിമാണി എന്ന കഥാപാത്രത്തെക്കുറിച്ച് കേട്ടപ്പോള്‍ വലിയ ഇഷ്ടം തോന്നി. കഥാപാത്രങ്ങളുടെ ശരീരഘടനയ്ക്ക് യോജിക്കുന്ന താരങ്ങളെയാണ് സാര്‍ തേടി നടന്നിരുന്നതെന്നും എന്നില്‍ അതുണ്ടെന്നും പറഞ്ഞപ്പോള്‍ തീര്‍ച്ചയായും ഈ സിനിമ ചെയ്യണമെന്ന് തോന്നി.

താന്‍ അഭിനയിച്ച സിനിമകളില്‍ ഏറ്റവും ചലഞ്ചിങ് ആയിട്ടുള്ള കഥാപാത്രമായിരുന്നു വീരത്തിലെ കുട്ടിമാണിയെന്നും വെല്ലുവിളി ഏറ്റെടുത്ത് വിജയിക്കുമ്പോഴാണ് പ്രേക്ഷകര്‍ നമ്മെ ഇഷ്ടപ്പെടുന്നതെന്നും ഡിവിന പറയുന്നു. കുട്ടിമാണി എന്ന കഥാപാത്രമാകാന്‍ 10 കിലോയിലേറെ താന്‍ ഭാരം കുറച്ചു. കളരിപ്പയറ്റ് നേരത്തെ അറിയാമായിരുന്നു. ഒരു നാടകത്തില്‍ അഭിനയിക്കാനായി നേരത്തെ ആയോധനകല പഠിച്ചിരുന്നു. മലയാളത്തിലെത്തിയപ്പോള്‍ കളരിപ്പയറ്റ് പെട്ടെന്ന് പഠിക്കാന്‍ പറ്റിയെന്നും താരം പറയുന്നു.

bollywood actress kankana ranout against rithwik roshan
Posted by
05 February

തന്റെ ജീവിതം അവസാനിപ്പിക്കാന്‍ ഹൃത്വിക് റോഷന്‍ ശ്രമിക്കുന്നതായി നടി കങ്കണ റാണോത്ത്

ബോളിവഡ് സൂപ്പര്‍താരം ഹൃത്വിക് റോഷന് എതിരെ കടുത്ത ആരോപണങ്ങളുമായി തനടി കങ്കണ റാണോത്ത്. തന്റെ സിനിമാ ജീവിതം അവസാനിപ്പിക്കാന്‍ ഹൃത്വിക് ഏറെ പരിശ്രമിച്ചിട്ടുണ്ടെന്ന് ഒരു ദേശീയ മാധ്യമത്തിന് നല്‍കിയ അഭിമുഖത്തിലാണ് കങ്കണയുടെ വെളിപ്പെടുത്തല്‍. തനിക്കൊപ്പം ജോലി ചെയ്തിരുന്ന ചെയ്യുന്ന സിനിമാ പ്രവര്‍ത്തകരില്‍ പലരും എന്നോട് തന്നെ ഒഴിവാക്കാനായി ഹൃത്വിക് അവരെ സമീപിച്ചതായി പറഞ്ഞിട്ടുണ്ടെന്ന് കങ്കണ പറഞ്ഞു.

ഹൃത്വിക് അവരെ എന്തൊക്കെയോ തെളിവുകള്‍ കാണിക്കും. പിന്നീട് അവര്‍ എന്നെ വിളിച്ച് സത്യാവസ്ഥ തിരക്കും. എന്നാല്‍ ഞാന്‍ എന്റെ ഭാഗം വിശദീകരിക്കാന്‍ നില്‍ക്കാറേയില്ല. എന്റെ കരിയര്‍ നശിപ്പിക്കാന്‍ ഹൃത്വിക് സിനിമാ ഇന്‍ഡസ്ട്രിയില്‍ മുഴുവന്‍ ഓടിനടന്നു. കങ്കണ പറയുന്നു.

സത്യത്തില്‍ അതൊരു വലിയ സംഭവം അല്ലായിരുന്നു. എന്നാല്‍ ഏതോ ഒരാള്‍ എന്റെ സ്‌നേഹം ലഭിക്കാനായി ഹൃത്വിക്കായി ആള്‍മാറാട്ടത്തിന് ശ്രമിച്ചു. എല്ലാം സംഭവിച്ചത് അയാള്‍ കാരണമാണ്. എന്നാല്‍ ഞാന്‍ മാപ്പു പറയണം എന്നായിരുന്നു ഹൃത്വികിന്റെ നിലപാട്. അയാള്‍ക്ക് പിറകെ പോകുന്നതിന് പകരം ഹൃത്വിക് എന്നെ ഉപദ്രവിക്കുകയാണുണ്ടായത്. എന്നാല്‍, ആ അരപന്‍ യഥാര്‍ഥ ഹൃത്വിക് തന്നെ ആയിരുന്നു എന്നും കങ്കണ പറയുന്നു.