മുഷിഞ്ഞ വസ്ത്രം ധരിച്ച ആ പപ്പട വില്‍പ്പനക്കാരന്‍ ഒരു സൂപ്പര്‍ താരമാണെന്ന് ആരും തിരിച്ചറിഞ്ഞില്ല: നടന്റെ അവിശ്വസനീയമായ മേക്ക് ഓവര്‍ കണ്ട് ഞെട്ടി ആരാധകര്‍
Posted by
21 February

മുഷിഞ്ഞ വസ്ത്രം ധരിച്ച ആ പപ്പട വില്‍പ്പനക്കാരന്‍ ഒരു സൂപ്പര്‍ താരമാണെന്ന് ആരും തിരിച്ചറിഞ്ഞില്ല: നടന്റെ അവിശ്വസനീയമായ മേക്ക് ഓവര്‍ കണ്ട് ഞെട്ടി ആരാധകര്‍

പട്‌ന: മുഷിഞ്ഞ വസ്ത്രം, ചെമ്പിച്ച മുടി, പപ്പടക്കെടുമായി ഒരു സൈക്കിള്‍. ക്ഷീണിതനായ ഈ യുവാവിന് മുന്നിലൂടെ കടന്ന് പോയവര്‍ക്കാര്‍ക്കും മനസിലായില്ല മുന്‍പില്‍  നിന്ന കക്ഷിയാരാണെന്ന്. അത്രമേല്‍ അവിശ്വസനീയമായ മേക്ക് ഓവറാണ് സൂപ്പര്‍ 30 എന്ന ചിത്രത്തിന് വേണ്ടി ഋതിക്ക് റോഷന്‍ കൈവരിച്ചിരിക്കുന്നത്. ബിഹാറിലെ ഗണിത ശാസ്ത്രജ്ഞന്‍ ആനന്ദ് കുമാറിന്റെ ജീവിതമാണ് സൂപ്പര്‍ 30 എന്ന ചിത്രത്തിന്റെ ഇതിവൃത്തം.

ബീഹാറിലെ ദരിദ്ര കുടുംബങ്ങളില്‍ നിന്നും തെരഞ്ഞെടുക്കപ്പെട്ട 30 വിദ്യാര്‍ത്ഥികള്‍ക്ക് സൗജന്യ വിദ്യഭ്യാസം നല്‍കുന്ന അധ്യാപകനാണ് ആനന്ദ് കുമാര്‍. 15 വര്‍ഷത്തിനിടെ 450 വിദ്യാര്‍ത്ഥികളെയാണ് ആനന്ദ് കുമാര്‍ ഐഐടി അടക്കമുള്ള എഞ്ചിനിയറിംഗ് കോളെജുകളിലെത്തിച്ചത്.

ആനന്ദ് കുമാര്‍

വികാസ് ബെഹല്‍ സംവിധാനം ചെയ്യുന്ന ചിത്രത്തില്‍ ഋതിക്ക് റോഷനെ കൂടാകെ മുഹമ്മദ് സീഷന്‍ അയ്യൂബ്, റിത്‌വിക്ക് സാഹോര്‍, പങ്കജ് ത്രിപാഠി എന്നിവര്‍ അണിനിരക്കുന്നു. അജയ്-അതുലാണ് സംഗീത സംവിധാനം.

‘എസ് ദുര്‍ഗ’യ്ക്ക് പ്രദര്‍ശനാനുമതി; പേരില്‍ ചിഹ്നങ്ങള്‍ പാടില്ലെന്ന് ഉപാധി
Posted by
21 February

'എസ് ദുര്‍ഗ'യ്ക്ക് പ്രദര്‍ശനാനുമതി; പേരില്‍ ചിഹ്നങ്ങള്‍ പാടില്ലെന്ന് ഉപാധി

തിരുവനന്തപുരം: സനല്‍കുമാര്‍ ശശിധരന്‍ സംവിധാനം ചെയ്ത വിവാദ ചിത്രം എസ് ദുര്‍ഗയ്ക്ക് സെന്‍സര്‍ ബോര്‍ഡ് പ്രദര്‍ശനാനുമതി നല്‍കി. എസ് എന്ന അക്ഷരത്തിന് ശേഷം ചിഹ്നം പാടില്ലെന്ന ഉപാധിയോടെയാണ് പ്രദര്‍ശനാനുമതി നല്‍കിയത്. സെന്‍സര്‍ ബോര്‍ഡിന്റെ പുനപരിശോധനാ സമിതിയാണ് ഇത് സംബന്ധിച്ച് തീരുമാനമെടുത്തത്.

ഇന്ത്യയില്‍ ഉടന്‍ ചിത്രം പ്രദര്‍ശിപ്പിക്കാന്‍ സാധിക്കുമെന്ന് പ്രതീക്ഷിക്കുന്നതായും സനല്‍കുമാര്‍ ട്വിറ്ററില്‍ അറിയിച്ചു. വ്യക്തമായ കാരണം കാണിക്കാതെയാണ് സെന്‍സര്‍ ബോര്‍ഡ് ചിത്രത്തിന് നേരത്തെ അനുമതി നിഷേധിച്ചത്. ഇതിനെതിരെ സനല്‍കുമാര്‍ ശശിധരന്‍ ഹൈക്കോടതിയില്‍ ഹര്‍ജി സമര്‍പ്പിച്ചിരുന്നു.

പ്ഫാ.. പുല്ലേ.. അച്ഛന്റെ മരണമാസ്സ് ഡയലോഗുമായി ആരാധകരെ കൈയ്യിലെടുത്ത് ഗോകുല്‍ സുരേഷ്: വീഡിയോ വൈറല്‍
Posted by
21 February

പ്ഫാ.. പുല്ലേ.. അച്ഛന്റെ മരണമാസ്സ് ഡയലോഗുമായി ആരാധകരെ കൈയ്യിലെടുത്ത് ഗോകുല്‍ സുരേഷ്: വീഡിയോ വൈറല്‍

ആക്ഷനും, മാസ്സ് ഡയലോഗുകളുമെല്ലാം അനായാസം കൈകാര്യം ചെയ്യാന്‍ സാധിക്കുന്ന നടനാണ് സുരേഷ് ഗോപിയെങ്കിലും, മകന്‍ ഗോകുല്‍ സുരേഷ് അരങ്ങേറ്റത്തിനായി തെരഞ്ഞെടുത്തത് പ്രണയ ചിത്രമായിരുന്നു. എന്നാല്‍ തീപ്പാറുന്ന ഡയലോഗുകള്‍ തനിക്കും വഴങ്ങുമെന്ന് തെളിയിച്ചിരിക്കുകയാണ് ഗോകുല്‍. അതു അച്ഛന്റെ ഏറ്റവും ഹിറ്റ് ഡയലോഗ്.

ഇരയെന്ന പുതിയ ചിത്രത്തിന്റെ റിലീസിനെത്തിയപ്പോഴാണ് കമ്മീഷ്ണറിലെ ഹിറ്റ് ഡയലോഗ് അവതരിപ്പിച്ച് ഗോകുല്‍ കൈയ്യടി വാങ്ങിയത്. ഏതായാലും മികച്ച അഭിപ്രായമാണ് യുവതാരത്തിന്റെ പ്രകടനത്തിന് സോഷ്യല്‍ മീഡിയയില്‍ നിന്നും ലഭിക്കുന്നതും.

നമ്മളിലെ ഈ നടിയെ ഓര്‍മ്മയില്ലേ? സിനിമ ഉപേക്ഷിച്ച താരത്തിന്റെ ഇപ്പോഴത്തെ അവസ്ഥ ഇങ്ങനെയാണ്
Posted by
21 February

നമ്മളിലെ ഈ നടിയെ ഓര്‍മ്മയില്ലേ? സിനിമ ഉപേക്ഷിച്ച താരത്തിന്റെ ഇപ്പോഴത്തെ അവസ്ഥ ഇങ്ങനെയാണ്

മലയാളത്തിലെ ഹിറ്റ് മേക്കര്‍ ആയിരുന്ന കമല്‍ ഒരു കൂട്ടം പുതുമുഖ താരങ്ങളെ അണിനിരത്തി സംവിധാനം ചെയ്ത ചിത്രമാണ് നമ്മള്‍. രാഘവന്റെ മകന്‍ ജിഷ്ണുവും ഭരതന്റെ മകന്‍ സിദ്ധാര്‍ത്ഥുമായിരുന്നു പ്രധാന കഥാപാത്രങ്ങളിലെത്തിയത്. കോളേജ് കാമ്പസ് പശ്ചാത്തലത്തില്‍ സൗഹൃദത്തിന്റെയും മാതൃത്വത്തിന്റെയും കഥ പറഞ്ഞ ചിത്രം കേരളക്കര ഏറ്റെടുത്തു. ഭാവന എന്ന കഴിവുറ്റ നടിയെ മലയാളത്തിന് ലഭിച്ചതും നമ്മളിലൂടെയാണ്. എന്നാല്‍ നമ്മള്‍ എന്ന ചിത്രം മറ്റൊരു നായികയെ കൂടെ സിനിമാ ലോകത്തിന് സമ്മാനിച്ചിട്ടുണ്ട്.

രേണുകാ മേനോന്‍ ആണ് ആ നായിക. നമ്മളിലെ പാട്ടുകളെല്ലാം ഹിറ്റായതിനൊപ്പം തന്നെ രേണുകയും ശ്രദ്ധ നേടിയിരുന്നു. എന്‍ കരളില്‍ താമസിച്ചാല്‍ മാപ്പ് തരാം രാക്ഷസീ എന്ന് പാടിയത് രേണുകയെ നോക്കിയാണ്. സുഖമാണീ നിലാവ് എന്ന ഹിറ്റ് ഗാനത്തിലും നിറഞ്ഞു നിന്നത് രേണുക തന്നെ.മോഡലിങ് രംഗത്ത് സജീവമായിരുന്ന രേണുകയുടെയും ആദ്യ ചിത്രമാണ് നമ്മള്‍. തെലുങ്കിലേക്കും തമിഴിലേക്കും റീമേക്ക് ചെയ്തപ്പോള്‍ നായികയായി രേണുക തന്നെ എത്തി. അതുകൊണ്ട് അന്യഭാഷയില്‍ അഭിമുഖമാകാനും രേണുകയ്ക്ക് സാധിച്ചു.

തുടര്‍ച്ചയായി രണ്ട് ചിത്രങ്ങളില്‍ പൃഥ്വിരാജിന്റെ നായികയായി അഭിനയിക്കാനും ഈ തുടക്കകാരിക്ക് സാധിച്ചു. മീരയുടെ ദുഖവും മുത്തുവിന്റെ സ്വപ്നവും എന്ന ചിത്രത്തിലും മനുഷ്യമൃഗം എന്ന ചിത്രത്തിലും പൃഥ്വിയുടെ നായികയായെങ്കിലും വേണ്ട രീതിയില്‍ ശ്രദ്ധിക്കപ്പെടാന്‍ രേണുകയ്ക്ക് സാധിച്ചില്ല. ഈ സിനിമയ്ക്ക് ശേഷം ഭാവനയേക്കാള്‍ ഓഫറുകള്‍ വരുന്നത് രേണുകയ്ക്ക് ആയിരിക്കുമെന്ന് കരുതി. എന്നാല്‍ എല്ലാം മാറിമറിഞ്ഞു.

ഫെബ്രുവരി 14 എന്ന തമിഴ് ചിത്രത്തില്‍ ഭരതിന്റെ നായികയായി അഭിനയിച്ചെങ്കിലും വേണ്ടവിധം ശ്രദ്ധിക്കപ്പെട്ടില്ല. പിന്നീട് രണ്ട് മൂന്ന് ചിത്രങ്ങള്‍ ചെയ്തുവെങ്കിലും ശ്രദ്ധിക്കപ്പെട്ടത് ആര്യയ്ക്കൊപ്പം അഭിനയിച്ച കലാപ കാതല്‍ എന്ന ചിത്രത്തിലൂടെയാണ്. എന്നാല്‍ തമിഴകത്ത് പിടിച്ചു നില്‍ക്കാന്‍ നടിക്ക് കഴിഞ്ഞില്ല. സിനിമയില്‍ അവസരങ്ങള്‍ കുറഞ്ഞപ്പോള്‍ രേണുക പഠനത്തില്‍ ശ്രദ്ധ കേന്ദ്രീകരിച്ചു. തുടര്‍ പഠനത്തിനായി നടി യുഎസ്സിലേക്ക് പറന്നു. പിന്നീട് സിനിമയിലേക്ക് മടങ്ങി വന്നില്ല.

2006 ലാണ് സുരാജുമായുള്ള വിവാഹം നടന്നത്. യുഎസ്സില്‍ സ്ഥിരതാമസമാക്കിയ സോഫ്റ്റ്വെയര്‍ എന്‍ജിനിയറാണ് സുരാജ്. വിവാഹ ശേഷം രേണുക യുഎസ്സില്‍ സ്ഥിരമാക്കി.

ഫേസ്ബുക്കിലൂടെ പരിചയപ്പെട്ട അയാളുമായി ഞാന്‍ പ്രണയത്തിലായി, പതിയെ അയാളുടെ വിധം മാറി,ശാരീരികമായി ഉപദ്രവിക്കാനും, അവഹേളിക്കാനും തുടങ്ങി, ഞാനാകെ പെട്ടു പോയി: പ്രണയനാളുകളിലെ തിക്താനുഭവങ്ങള്‍ തുറന്ന് പറഞ്ഞ് സൗഭാഗ്യ വെങ്കിടേഷ്
Posted by
21 February

ഫേസ്ബുക്കിലൂടെ പരിചയപ്പെട്ട അയാളുമായി ഞാന്‍ പ്രണയത്തിലായി, പതിയെ അയാളുടെ വിധം മാറി,ശാരീരികമായി ഉപദ്രവിക്കാനും, അവഹേളിക്കാനും തുടങ്ങി, ഞാനാകെ പെട്ടു പോയി: പ്രണയനാളുകളിലെ തിക്താനുഭവങ്ങള്‍ തുറന്ന് പറഞ്ഞ് സൗഭാഗ്യ വെങ്കിടേഷ്

ഡബ്‌സ്മാഷ് ക്വീന്‍ സൗഭാഗ്യ വെങ്കിടേഷിനെ അറിയാത്ത മലയാളികള്‍ ഉണ്ടാകില്ല. മലയാള സിനിമയിലെ ഹിറ്റ് രംഗങ്ങളെ പുനരവതരിപ്പിച്ച് ഒട്ടേറെ കൈയ്യടി നേടിയിട്ടുണ്ട് ഈ സോഷ്യല്‍ മീഡിയ താരം. സൗഭാഗ്യയുടെ പ്രണയ ജീവിതത്തിലുണ്ടായ സംഭവവികാസങ്ങളാണ് ആരാധകരുടെ ഇടയിലെ ചര്‍ച്ച. ഒരു ചാനലിന് നല്‍കിയ അഭിമുഖത്തിലാണ് പ്രണയത്തെപ്പറ്റിയും, പ്രണയ തകര്‍ച്ചയെപ്പറ്റിയും സൗഭാഗ്യ മനസ് തുറന്നത്.

ഫേസ്ബുക്ക് വഴിയായിരുന്നു ഇരുവരും കണ്ടുമുട്ടിയത്. അദ്ദേഹം ഒരു ജിമ്മിനായിരുന്നു, അത് തന്നെയാണ് തന്നെ ആദ്യം ആകര്‍ഷിച്ചതെന്നും സൗഭാഗ്യ പറയുന്നു. എന്നാല്‍ ബന്ധം ആരംഭിച്ച് ദിവസങ്ങള്‍ക്കുള്ളില്‍ അയാളുടെ വിധം മാറി, ഫേസ്ബുക്ക് പാടില്ല, വാട്‌സാപ്പ് പാടില്ല, കൂട്ടുകാര്‍ ആരും വേണ്ട എന്ന് പറഞ്ഞു. ഗേള്‍സ് സ്‌കൂളില്‍ പഠിച്ചത് കൊണ്ട് ആണുങ്ങളുമായി അടുത്ത് ഇടപഴകി എനിക്ക് ശീലമില്ല, അതിനാല്‍ തന്നെ എല്ലാ ആണുങ്ങളും ഇങ്ങനെയായിരിക്കുമെന്നും, ആണുങ്ങളുടെ പൊതുസ്വഭാവമാണിതെന്നും ഞാന്‍ കരുതി. അത് കൊണ്ട് തന്നെ അയാള്‍ക്ക് വേണ്ടി എല്ലാ ഞാന്‍ ഉപേക്ഷിച്ചു.

 

ബന്ധം പിന്നീട് വഷളായി മാറി. തന്നെ ഒരോന്നും പറഞ്ഞു ഇകഴ്ത്താന്‍ ആരംഭിച്ചു. നിനക്ക് സൗന്ദര്യമില്ല, തടിച്ചിയാണ്, അത് കഴിക്കരുത്, ഇത് കഴിക്കരുത് എന്നെല്ലാമായി. താനാകെ ഡിപ്രഷനിലായെന്നും, പെട്ടുപോയത് പോലെയായെന്നും സൗഭാഗ്യ പറഞ്ഞു. എന്നെ ചീത്ത വിളിക്കുകയും, തല്ലുകയും ചെയ്തു. എന്റെ അച്ഛനോടും, അമ്മയോടുമൊപ്പം പുറത്ത് പോകണമെങ്കില്‍ പോലും അയാളുടെ അനുവാദം വാങ്ങേണ്ട സ്ഥിതിയായി. എങ്കിലും ഞാന്‍ ബന്ധത്തില്‍ നിന്നും പിന്മാറിയില്ല. പിന്നീട് വിവാഹത്തിനായി അയാള്‍ സ്ത്രീധനം ആവശ്യപ്പെട്ടപ്പോള്‍ അവിടവെച്ച് അവസാനിപ്പിക്കുകയായിരുന്നു എന്നും സൗഭാഗ്യ പറഞ്ഞു.

 

നിര്‍മ്മാതാക്കളെ മാത്രം കുറ്റപ്പെടുത്തേണ്ട, ഫീല്‍ഡില്‍ പിടിച്ചു നില്‍ക്കാന്‍ എന്തിനും വഴങ്ങുന്ന നടിമാരും ഇവിടുണ്ട്: ഞെട്ടിക്കുന്ന വെളിപ്പെടുത്തലുമായി നിര്‍മ്മാതാവ്
Posted by
21 February

നിര്‍മ്മാതാക്കളെ മാത്രം കുറ്റപ്പെടുത്തേണ്ട, ഫീല്‍ഡില്‍ പിടിച്ചു നില്‍ക്കാന്‍ എന്തിനും വഴങ്ങുന്ന നടിമാരും ഇവിടുണ്ട്: ഞെട്ടിക്കുന്ന വെളിപ്പെടുത്തലുമായി നിര്‍മ്മാതാവ്

മുംബൈ: സിനിമ രംഗത്ത് നടിമാര്‍ നേരിടുന്ന ലൈംഗീക ചൂഷണത്തിന്റെ കഥകള്‍ പുറത്ത് വരുന്ന സാഹചര്യത്തില്‍ മറു വാദവുമായി പ്രശസ്ത ബോളിവുഡ് നിര്‍മ്മാതാവ് എക്താ കപൂര്‍. സിനിമരംഗത്തു നടിമാര്‍ ലൈംഗീക ചൂഷണത്തിനു വിധേയമാകുക മാത്രമല്ല പ്രശസ്തിക്കു വേണ്ടി ലൈംഗികതയ്ക്കു വഴങ്ങുന്നവരും ഉണ്ടെന്ന് എക്താ കപൂര്‍ പറഞ്ഞു.

ഇത്തരം സംഭവങ്ങള്‍ താന്‍ നേരില്‍ കണ്ടിട്ടുണ്ടെന്നും, ഇങ്ങനെയുള്ള ചില നടിമാരെ തനിക്കു നേരിട്ടറിയാമെന്നും എക്താ പറഞ്ഞു. പുതിയതായി സിനിമ ഫീല്‍ഡില്‍ വരുന്ന ഒട്ടേറെ നായികമാര്‍ ഇന്‍ഡസ്ട്രിയില്‍ പിടിച്ചു നില്‍ക്കാന്‍ എന്തു വിട്ടുവീഴ്ച്ചയ്ക്കും തയ്യാറാണ്. നടിമാരേ വലവീശി പിടിക്കുന്നതിനുമപ്പുറം ഇതിന് ആരും കാണാത്ത മറ്റൊരു വശം ഉണ്ട് എന്ന് എക്ത കപൂര്‍ ഒരു മാധ്യമത്തിന് നല്‍കിയ അഭിമുഖത്തില്‍ പറഞ്ഞു.

വിവാദ ചിത്രം എസ് ദുര്‍ഗയ്ക്ക് സെന്‍സര്‍ ബോര്‍ഡ് അനുമതി; ഉടന്‍ തീയ്യേറ്ററിലേക്ക്
Posted by
21 February

വിവാദ ചിത്രം എസ് ദുര്‍ഗയ്ക്ക് സെന്‍സര്‍ ബോര്‍ഡ് അനുമതി; ഉടന്‍ തീയ്യേറ്ററിലേക്ക്

ന്യൂഡല്‍ഹി: വിവാദ ചിത്രം എസ് ദുര്‍ഗ തീയ്യേറ്ററുകളിലേക്ക്. സനല്‍ കുമാര്‍ ശശിധരന്‍ സംവിധാനം ചെയ്ത ചിത്രം റിലീസ് ചെയ്യുന്നതിന് സെന്‍സര്‍ ബോര്‍ഡ് അനുമതി നല്‍കി. സെന്‍സര്‍ ബോര്‍ഡിന്റെ പുന:പരിശോധന സമിതിയാണ് ചിത്രത്തിന് സെന്‍സര്‍ സര്‍ട്ടിഫിക്കറ്റ് നല്‍കിയത്.

ഇന്ത്യയില്‍ ചിത്രം ഉടന്‍ റിലീസ് ചെയ്യുമെന്ന് സംവിധായകന്‍ സനല്‍ കുമാര്‍ ശശിധരന്‍ സാമൂഹ്യ മാധ്യമങ്ങളിലൂടെ അറിയിച്ചു. സെക്‌സി ദുര്‍ഗ എന്ന പേര് മാറ്റി എസ് ദുര്‍ഗയെന്ന് ആക്കിയതിനെ തുടര്‍ന്ന് ബോര്‍ഡ് പ്രദര്‍ശനാനുമതി നല്‍കിയെങ്കിലും പിന്നീട് അനുമതി പിന്‍വലിച്ചിരുന്നു. ഹിന്ദുത്വ വാദികള്‍ രംഗത്തെത്തിയതോടെയാണ് എസ് ദുര്‍ഗ വിവാദമായത്.

സിനിമക്ക് സെന്‍സര്‍ ബോര്‍ഡ് പ്രദര്‍ശനാനുമതി നിഷേധിച്ചത് ചോദ്യം ചെയ്യുന്ന ഹര്‍ജിയില്‍ ഹൈക്കോടതി കേന്ദ്രസര്‍ക്കാറിന്റെയും ബോര്‍ഡിന്റെയും വിശദീകരണം തേടിയിരുന്നു. ആദ്യം പ്രദര്‍ശനാനുമതി നല്‍കിയ സിനിമക്ക് പിന്നീട് സര്‍ട്ടിഫിക്കേഷന്‍ നിഷേധിച്ചത് ചോദ്യം ചെയ്ത് സംവിധായകന്‍ സനല്‍കുമാര്‍ ശശിധരനും നിര്‍മ്മാതാവ് ഷാജി മാത്യുവും സമര്‍പ്പിച്ച ഹര്‍ജിയിലായിരുന്നു നിര്‍ദേശം.

ആനപ്പേടി ഉള്ളിലൊളിപ്പിച്ച് കരിവീരന്മാരോടൊപ്പം ഉത്സവങ്ങള്‍ തകര്‍ത്ത് ആഘോഷിച്ചിരുന്ന കലാഭവന്‍ മണി;  മണിയുടെ ഉത്സവ ഓര്‍മ്മയില്‍ സഹോദരന്‍
Posted by
21 February

ആനപ്പേടി ഉള്ളിലൊളിപ്പിച്ച് കരിവീരന്മാരോടൊപ്പം ഉത്സവങ്ങള്‍ തകര്‍ത്ത് ആഘോഷിച്ചിരുന്ന കലാഭവന്‍ മണി; മണിയുടെ ഉത്സവ ഓര്‍മ്മയില്‍ സഹോദരന്‍

ചാലക്കുടി: മലയാളത്തിന്റെ പ്രിയ നടന് കലാഭവന്‍ മണിയുടെ അപ്രതീക്ഷിത വിടവാങ്ങല്‍ ഇന്നും ആരാധകരെ കണ്ണീരിലാഴ്ത്തുമ്പോള്‍ ചേട്ടന്റെ ഉത്സവ ഓര്‍മ്മകള്‍ പങ്കുവച്ച് സഹോദരന്‍ ആര്‍എല്‍വി രാമകൃഷ്ണന്‍. നാട്ടിലെ താലപ്പൊലി ഉത്സവത്തിന് സജീവ സാന്നിധ്യമായിരുന്നു മണി, ആഘോഷങ്ങള്‍ കുടുംബം ഒന്നിച്ചു ചേര്‍ന്ന് ഉത്സവങ്ങളാക്കി മാറ്റുന്ന നല്ല ഓര്‍മ്മകള്‍ പങ്കുവക്കുകയാണ് ഫേസ്ബുക്ക് പോസ്റ്റിലൂടെ.


ഇന്ന് ഞങ്ങളുടെ തട്ടകത്തമ്മയുടെ കണ്ണംമ്പുഴ കാവില്‍ താലപ്പൊലിയാണ്. ചേട്ടന്‍ ഉണ്ടായിരുന്നു എങ്കില്‍ ഇന്നത്തെ ദിവസം പറയേണ്ടതില്ല. ഉത്സവത്തിന് തറവാട്ടുവീട്ടില്‍ നിന്ന് ഗജവീരന്മാരുടെ അകമ്പടിയോടെ താലിപ്പറ, വിവിധ നാട്ടുകലാരൂപങ്ങളോടെ ഉച്ചയ്ക്ക് മൂന്ന് മണിയോടെ കാവിലേക്ക് പുറപ്പെടും. ഈ താലിപ്പറ കാവിലെത്തിയാല്‍ ഉടനെ മണി ചേട്ടന്റെ വഴിപാടായി തന്നെ വെടിക്കെട്ടും പതിവായിരുന്നു.


വെളുപ്പിന് തുടങ്ങുന്ന ആഘോഷം! കരിവീരന്മാര്‍ രാവിലെ തന്നെ എത്തുമ്പോഴേക്കും അവര്ക്കുള്ള വെള്ളവും, ആനപ്പട്ടയും, പഴക്കുലകളും റെഡിയാക്കണം. വഴി നീളെ നനച്ച് റോഡ് നനവുള്ളതാക്കണം. ഇതിനായി ലോറിയില്‍ വെള്ളം നിറച്ച് ആനയുടെ പുറകില്‍ തന്നെ വെള്ളം വണ്ടി റെഡി. ആനയെ വളരെ ഇഷ്ട്ടമാണെങ്കിലും ചെറിയ ഒരു ഭയം ചേട്ടന്റെ ഉള്ളില്‍ ഉണ്ടായിരുന്നു.

ഇങ്ങനെ മനസ്സ് നിറയുന്ന നിരവധി ഓര്‍മ്മകള്‍. പാണ്ടിമേളവും, പഞ്ചവാദ്യവും പടക്കവും ചെവിയും മനസ്സും നിറയുന്ന ഉച്ചത്തില് വേണമെന്നത് മണി ചേട്ടന് നിര്‍ബന്ധമായിരുന്നു. കലാഭവന്‍ മണിയുടെ വീട്ടില്‍ നിന്ന് കൊണ്ടു പോകുന്ന താലി പൂരം കാണാന്‍ ചേന്നത്തുനാട്ടിലേക്ക് ജനസാഗരം ഒഴുകിയെത്തി. റോഡിന്റെ ഇരുവശവും ജനങ്ങള്‍ തിങ്ങി നിറഞ്ഞ് കാണുമ്പോള്‍ ചേട്ടനോടൊത്തു കൂടി നടന്നു പോകുക എന്നത് ഒരു ഹരമായിരുന്നു. ഈ ദിവസം ഞങ്ങളുടെ കുടുംബം ഒന്നടങ്കം എത്തിച്ചേരും.


2015 ലാണ് അവസാന ഉത്സവം ഞങ്ങള്‍ ആഘോഷിച്ചത്. ഇന്ന് ആഘോഷങ്ങളൊന്നും ഇല്ല. ചേന്നത്തുനാട് ശാന്തം: ആനയില്ല, അമ്പാരിയില്ല, ആളുകളും ഇല്ല. ചേട്ടന്‍ ഉറങ്ങുകയാണ് ഉറങ്ങട്ടെ. മണി ചേട്ടനെ വിളിച്ചുണര്‍ത്താനും കൊണ്ടുപോകാനും ഇന്ന് സുഹൃത്തുക്കളും വരുന്നില്ല. ഉണര്‍ത്തണ്ട പാവം ഉറങ്ങിക്കോട്ടെ.

ഞങ്ങള്‍ക്കില്ലാത്ത എന്താണ് മലയാളി പെണ്‍കുട്ടികള്‍ക്ക് കൂടുതലായുള്ളത്? തമിഴ് പെണ്‍കുട്ടികളുടെ അസൂയ മൂത്ത്  പ്രതികരണം വൈറല്‍
Posted by
20 February

ഞങ്ങള്‍ക്കില്ലാത്ത എന്താണ് മലയാളി പെണ്‍കുട്ടികള്‍ക്ക് കൂടുതലായുള്ളത്? തമിഴ് പെണ്‍കുട്ടികളുടെ അസൂയ മൂത്ത് പ്രതികരണം വൈറല്‍

ജിമിക്കി കമ്മല്‍ ഷെറിലിനു ശേഷം തമിഴ് യുവാക്കളുടെ മനസ്സ് കീഴടക്കിയ താരമാണ് അഡാര്‍ ലവിലെ പ്രിയ വാര്യര്‍. ഒറ്റ സീനുകൊണ്ട് ലോകമെമ്പാടുമുള്ള ആണുങ്ങളുടെ ഹൃദയം കവര്‍ന്നിരിക്കുകയാണ് താരം.

മലയാളി പെണ്‍കുട്ടികള്‍ തമിഴ്നാട് കീഴടക്കുമ്പോള്‍ അസൂയയോടെ നോക്കി കാണുകയാണ് തമിഴ്നാട്ടിലെ പെണ്‍കുട്ടികള്‍. തമിഴ് യുവാക്കള്‍ മലയാളി പെണ്‍കുട്ടികളുടെ പുറകില്‍ പോകുന്നതും അമര്‍ഷത്തിന് ഇടയാക്കിയിട്ടുണ്ട്.

ചന്ദനക്കുറിയും സെറ്റ് സാരിയും ഉടുത്തുവന്നാല്‍ ഇവര്‍ക്കെന്താണ് ഇത്ര പ്രത്യേക. പയ്യന്മാര്‍ മൊത്തം അവരുടെ പിന്നാലെയാണ്. ഞങ്ങളും അത് പയറ്റിയാല്‍ ആരും പിന്നാലെ വരുന്നില്ലെന്ന് ഒരു പെണ്‍കുട്ടി നിരാശയോടെ പറഞ്ഞു.

പുരികമുയര്‍ത്തിയ പ്രിയയുടെ പിന്നാലെയാണ് എല്ലാവരും. തമിഴ് പയ്യന്മാര്‍ക്ക് കേരളത്തിലെ പെണ്‍കുട്ടികള്‍ വേണമെങ്കില്‍ അവര്‍ അങ്ങോട്ട് പോകട്ടേയെന്ന് മറ്റൊരു പെണ്‍കുട്ടി പറഞ്ഞു.

തൊലിനിറം കൂടിയതും മലയാളി പെണ്‍കുട്ടികളുടെ പ്രത്യേകതയാണെന്ന് അവര്‍ പറയുന്നു. ദുല്‍ഖര്‍, നിവിന്‍പോളി എന്നിവരെ പോലെയല്ല ഇവിടത്തെ ആണ്‍കുട്ടികള്‍, എന്നാല്‍ അവരുടെ ആഗ്രഹങ്ങള്‍ വലുതാണെന്നും പെണ്‍കുട്ടികള്‍ വിമര്‍ശിച്ചു.

സ്വന്തം അമ്മയുടെയും പെങ്ങളുടെയും ചാരിത്ര്യം പണയംവെച്ച് കഴിഞ്ഞാല്‍ പിന്നെ സാധാരണക്കാരുടെ മേല്‍ ആകരുത് പരാക്രമം; തന്റെ അശ്ലീല ചിത്രങ്ങള്‍ പ്രചരിപ്പിച്ചവര്‍ക്കെതിരേ ഒരു അഡാര്‍ ലവ് നടി ജിപ്‌സ
Posted by
20 February

സ്വന്തം അമ്മയുടെയും പെങ്ങളുടെയും ചാരിത്ര്യം പണയംവെച്ച് കഴിഞ്ഞാല്‍ പിന്നെ സാധാരണക്കാരുടെ മേല്‍ ആകരുത് പരാക്രമം; തന്റെ അശ്ലീല ചിത്രങ്ങള്‍ പ്രചരിപ്പിച്ചവര്‍ക്കെതിരേ ഒരു അഡാര്‍ ലവ് നടി ജിപ്‌സ

തന്റെ തല നഗ്‌നചിത്രങ്ങളില്‍ മോര്‍ഫ് ചെയ്ത് കയറ്റി സാമൂഹിക മാധ്യമങ്ങള്‍ വഴി പ്രചരിപ്പിക്കുന്നവര്‍ക്കെതിരേ നടി ജിപ്സ ബീഗം. ഒരൊറ്റ ഗാനരംഗം കൊണ്ട് ലോകം മുഴുവന്‍ തരംഗമായ ഒരു അഡാര്‍ ലവ് എന്ന ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്ന ജിപ്സ, കഴിഞ്ഞ രണ്ട് വര്‍ഷമായി മലയാള സിനിമയില്‍ എക്സിക്യൂട്ടീവ് പ്രൊഡ്യൂസറായും നടിയായും പ്രവര്‍ത്തിച്ച് വരികയാണ്. കഴിഞ്ഞ കുറച്ച് ദിവസമായി തന്റെ ചിത്രങ്ങള്‍ക്കൊപ്പം തലയില്ലാത്ത നഗ്ന ചിത്രങ്ങള്‍ ചേര്‍ത്ത് അശ്ലീല വാട്സാപ്പ് ഗ്രൂപുകളില്‍ പ്രചരിക്കുന്നുണ്ടെന്നും അത് ചെയ്തവന്‍ ആരായാലും അവനെ കാത്തിരിക്കുന്നത് വന്‍ ദുരന്തങ്ങളാണെന്നും ജിപ്സ തന്റെ ഫേസ്ബുക്ക് പോസ്റ്റില്‍ പറയുന്നു. ഒപ്പം കൊച്ചി സിറ്റി പോലീസ് കമ്മീഷണര്‍ക്ക് നല്‍കിയ പരാതിയുടെ ഫോട്ടോയും ജിപ്സ നല്‍കിയിട്ടുണ്ട്.

ഇത്തരം സൈബര്‍ ക്രൈമിന്റെ ആദ്യത്തെ ഇരയല്ല താനെന്നും ഇന്റര്‍നെറ്റിന്റെ മറവിലിരുന്ന് കഴിഞ്ഞ മൂന്ന് ദിവസമായി എനിക്കെതിരെ സമൂഹ മാധ്യമങ്ങളില്‍കൂടെ പിതൃശൂന്യ പ്രവര്‍ത്തനം നടത്തുന്ന ഒരു മാന്യനോ ഒരു കൂട്ടം മാന്യന്‍ മാര്‍ക്കോ എതിരായി യുള്ള എന്റെ പ്രതിഷേധമായി നിങ്ങള്‍ ഈ കുറിപ്പിനെ കാണണമെന്നും ജിപ്സ പറയുന്നു. കഴുത കാമം കരഞ്ഞ് തീര്‍ക്കും എന്ന പ്രയോഗം അന്വര്‍ത്ഥമാക്കുന്ന രീതിയില്‍ 2 ദിവസമായി എന്റെ ചിത്രങ്ങള്‍ക്കൊപ്പം മറ്റാരുടേയോ തലയില്ലാത്ത നഗ്നചിത്രങ്ങള്‍ കൂടി ചേര്‍ത്ത് വച്ച് അശ്ലീല വാട്ട്സ് ആപ്പ് ഗ്രൂപ്പുകളില്‍ പ്രചരിപ്പിക്കുന്ന മാന്യനോട് ഒന്നേ പറയാനുള്ളു സ്വന്തം ഭാര്യയുടേയും അമ്മയുടേയും പെങ്ങളുടേയും മകളുടേയും ചാരിത്ര്യത്തെയും പണയം വെച്ച് കഴിയുമ്പോള്‍ ഞങ്ങളെ പോലുളള സാധാരണക്കാരുടെ മേല്‍ ആകരുത് പരാക്രമം എന്നും ജിപ്‌സ പറയുന്നു

ജിപ്സയുടെ ഫേസ്ബുക്ക് പോസ്റ്റിന്റെ പൂര്‍ണരൂപം:

വിവാദങ്ങളെ ഭയപ്പെടാത്തത് കൊണ്ടു് ഇത്പോലെയുള്ളcyber Crime ന്റെ ആദ്യത്തെ ഇര ഞാനല്ല എന്ന് അറിയാവുന്നത് കൊണ്ടും. എനിക്കെന്റേതായ വ്യക്തിത്വം ഉള്ളതു കൊണ്ടാണ് ഞാൻ ഈ പോസ്റ്റ് ഇവിടെ കുറിക്കുന്നത്. ഇന്റർനെറ്റിന്റെ മറവിലിരുന്ന് കഴിഞ്ഞ മൂന്ന് ദിവസമായി എനിക്കെതിരെ സമൂഹ മാധ്യമങ്ങളിൽകൂടെ പിതൃശൂന്യ പ്രവർത്തനം നടത്തുന്ന ഒരു മാന്യനോ ഒരു കൂട്ടം മാന്യൻ മാർക്കോ എതിരായി യുള്ള എന്റെ പ്രതിഷേധമായി നിങ്ങൾ ഈ കുറിപ്പിനെ കാണണം. കഴുത കാമം കരഞ്ഞ് തീർക്കും എന്ന പ്രയോഗം അന്വർത്ഥമാക്കുന്ന രീതിയിൽ 2 ദിവസമായി എന്റെ ചിത്രങ്ങൾക്കൊപ്പം മറ്റാരുടേയോ തലയില്ലാത്ത നഗ്നചിത്രങ്ങൾ കൂടി ചേർത്ത് വച്ച് അശ്ലീല വാട്ട്സപ്പ് ഗ്രൂപ്പുകളിൽ പ്രചരിപ്പിക്കുന്ന മാന്യ നോട് ഒന്നേ പറയാനുള്ളു സ്വന്തം ഭാര്യയുടേയും അമ്മയുടേയും പെങ്ങളുടേയും മകളുടേയും ചാരിത്രത്യത്തെയും പണയം വെച്ച് കഴിയുമ്പോൾ ഞങ്ങളെ പോലുളള സാധാരണക്കാരുടെ മേൽ ആകരുത് പരാക്രമം……….. ഈ അവിവേകം കാണിച്ചവനോട് ദൈവം ചോദിക്കും എന്ന സ്ഥിരം പ്രയോഗം ഈ കാര്യത്തിലുണ്ടാവില്ല….. നിയമം നിയമത്തിന്റെ വഴിയേ പോവുകയും ഇല്ല. നിയമത്തിന്റെ പൂർണ്ണ Supportഓടുകൂടി തന്നെ നല്ല തല്ലും നാടൻ പ്രയോഗങ്ങളും പിത്ര ശുന്യ നായ ആ വ്യക്തിയെ കാത്തിരിപ്പുണ്ട്…. ഇതിന് പുറമെ കേരളാ പോലീസിന്റെ ബംബർ ലോട്ടറിയും……. ആരായാലും അവന്റെ സമയം തെളിഞ്ഞു….

ആറ്റുകാൽ രാധാകൃഷ്ണന്റെ നമ്പർ കിട്ടുമെങ്കിൽ ആ ഭാഗ്യവാൻ ഒരു ഭാഗ്യയന്ത്രം വാങ്ങി വെയ്ക്കുന്നത് നന്നാവും…. അടിയും ഇടിയും കൊണ്ട് സ്വന്തം യന്ത്രം നിശ്ചലമാവുമ്പോൾ ചുളുവിൽ എന്നെ ഈ പ്രശസ്തിയിലെത്തിച്ച പിതാവിന് മുൻപേ പൂജാതനായ നിങ്ങൾക്ക് അത് ഉപയോഗപ്രദ്ധമാവും… എന്റേത് എന്ന് കരുതി ആ ചിത്രങ്ങളുടെ ഭംഗി ആസ്വദിക്കുന്നവരോട് ഐഫോൺ പോലെ ആകില്ല ചൈനീസ് ഫോൺ എന്ന കാര്യവും മറന്നുകൂടാ.
GCC യിലെ ഞാൻ അറിയുന്നതും അല്ലാത്തതുമായ friends കളോട് dating site കളിൽ ലക്ഷങ്ങൾ Online പെൺവാണിഭ സംഘങ്ങൾക്ക് പണം Account ൽ നിക്ഷേപിക്കുന്നതിന് മുൻപ് ഫോട്ടോസ് അയച്ച് തരുന്ന പെൺകുട്ടിയെ തന്നെയാണോ കിടക്ക പങ്കിടാൻ കിട്ടുന്നതെന്ന് കണ്ട് ഉറപ്പു വരുത്തുവാൻ അഭ്യർത്ഥിച്ച് കൊള്ളുന്നു.

എന്റെ fb friendsകൾകളോട്, അശ്ലീല wats app group കളെ ആശ്രയിക്കേണ്ടതില്ല എന്റെ pics കിട്ടുവാൻ.നിങ്ങൾ fb യിൽ കണ്ട് മടുക്കാത്തതായിട്ട് ഒരെണ്ണവും ഇല്ല.ഇത് അറിയിക്കുവാൻ വേണ്ടി Messenger ആരും തപ്പണ്ട. എന്നെ മനസിലാക്കി എന്റെ കൂടെ നിന്നവർക്കും പിൻതുണ നൽകിയ എന്റെ എല്ലാ നല്ലവരായ friends നും സ്നേഹത്തിന്റെ ഭാഷയിൽ ഒരായിരം നന്ദി…………..
NB –[[ ഇനി എന്ത് അഭാസത്തരം കാണിച്ചാലും എങ്ങനെ താറടിച്ചാലും ശരി സമൂഹത്തിൽ കാണുന്ന എന്ത് അനീതിയ്ക്കെതിരേയും ശക്തമായി തന്നെ പ്രതികരിക്കും പോരാടും.തോറ്റ് പിൻമാറിയ ചരിത്രം ഒരു സ്ഥലത്തും ഉണ്ടായിട്ടില്ല. ഫലമുള്ള വൃക്ഷത്തിലേ എറിയൂ…….ചീത്ത വിളിക്കേണ്ടിടത്ത് ചീത്ത തന്നെ വിളിക്കും without Sensering… അടി കൊടുക്കേണ്ട സാഹചര്യത്തിൽ അടിക്കും. തീയിൽ കുരുത്തത് വെയിലത്ത് വാടില്ല…]] എന്ന് നിങ്ങളുടെ സ്വന്തം

Jipsa Beegam Sadaf

error: This Content is already Published.!!