സാഹിത്യ അക്കാദമി അവാര്‍ഡുകള്‍ പ്രഖ്യാപിച്ചു
Posted by
21 February

സാഹിത്യ അക്കാദമി അവാര്‍ഡുകള്‍ പ്രഖ്യാപിച്ചു

തൃശൂര്‍: 2016ലെ സാഹിത്യ അക്കാദമി അവാര്‍ഡുകള്‍ പ്രഖ്യാപിച്ചു. പികെ പാറക്കടവ്, ഇയ്യങ്കോട് ശ്രീധരന്‍, സിആര്‍ ഓമനക്കുട്ടന്‍, ലളിത ലെനിന്‍, ജോസ് പുന്നാപറമ്പില്‍, പൂയപ്പിള്ളി തങ്കപ്പന്‍ എന്നിവര്‍ക്ക് സമഗ്ര സംഭാവനക്കുള്ള പുരസ്‌ക്കാരം ലഭിച്ചു.

നോവല്‍ ടിഡി രാമകൃഷ്ണന്‍(സുഗന്ധി എന്ന ആണ്ടാള്‍ ദേവനായകി), കവിത: സാവിത്രി രാജീവന്‍(അമ്മയെ കുളിപ്പിക്കുമ്പോള്‍), കഥ: എസ് ഹരീഷ്(ആദം) നാടകം: ഡോ. സാംകുട്ടി പട്ടംകരി (ലല്ല), സാഹിത്യ വിമര്‍ശനം: എസ് സുധീഷ്, ജീവചരിത്രം: ഡോ. ചന്തവിള മുരളി, യാത്രവാവരണം: ഡോ. ഹരികൃഷ്ണന്‍, വിവര്‍ത്തനം: സി.എം രാജന്‍, വൈഞ്ജാനിക സാഹിത്യം: വിപി ജോസഫ് വലിയ വീട്ടില്‍ എന്നിവര്‍ക്കാണ് അവാര്‍ഡ്.

പ്രേംനസീര്‍ നിര്‍മ്മിച്ച വായനശാല സാമൂഹിക വിരുദ്ധര്‍ തീയിട്ട് നശിപ്പിച്ചു
Posted by
10 February

പ്രേംനസീര്‍ നിര്‍മ്മിച്ച വായനശാല സാമൂഹിക വിരുദ്ധര്‍ തീയിട്ട് നശിപ്പിച്ചു

ചിറയിന്‍കീഴ്: നിത്യഹരിത നായകന്‍ പ്രേംനസീര്‍ ജന്മനാട്ടില്‍ നിര്‍മ്മിച്ച് നല്‍കിയ വായനശാല കത്തി നശിച്ചു. കലാ-സാമൂഹിക-സാംസ്‌കാരിക ഉന്നമനത്തിനായി നിര്‍മ്മിച്ച വായനശാല സാമൂഹിക വിരുദ്ധര്‍ തീയിട്ട് നശിപ്പിച്ചതാണെന്ന് ആരോപണം ഉയരുന്നു.

വായനശാലയിലുണ്ടായിരുന്ന ലക്ഷക്കണക്കിന് രൂപ വിലമതിക്കുന്ന പുസ്തകങ്ങളും സാധനസാമഗ്രികളും പൂര്‍ണമായും കത്തിനശിച്ചു. ഇതിനു പിന്നില്‍ പ്രവര്‍ത്തിച്ചവരെ അടിയന്തിരമായി പിടികൂടണമെന്ന് ബ്ലോക്ക് പഞ്ചായത്ത് പ്രസിഡന്റും, പ്രേം നസീര്‍ അനുസ്മരണ കമ്മിറ്റിയുടെ ചെയര്‍മാനുമായ ആര്‍ സുഭാഷും, സിപിഐ ലോക്കല്‍ കമ്മിറ്റി സെക്രട്ടറി അന്‍വര്‍ ഷായും ആവശ്യപ്പെട്ടു.

1958 ലാണ് വായനശാലക്ക് പ്രേംനസീര്‍ തറക്കല്ലിട്ടത്. താരത്തിന്റെ മരണശേഷം ജന്മനാട്ടില്‍ ഒരു സ്മാരകം എന്ന നാട്ടുകാരുടെ ആവശ്യം ഇന്നും നടപ്പായിട്ടില്ല. ജീര്‍ണ്ണാവസ്ഥയിലെത്തിയ വായനശാല പൊളിഞ്ഞ് വീഴാറായ അവസ്ഥയിലിരിക്കവേയാണ് സാമൂഹ്യ വിരുദ്ധര്‍ തീയിട്ട് നശിപ്പിച്ചിരിക്കുന്നത്.

ഈ കെട്ടിടം പുതുക്കി പണിത് പ്രേംനസീറിന്റെ സ്മരണയില്‍ തന്നെ ഡിജിറ്റല്‍ ലൈബ്രറിയും, ഡിജിറ്റല്‍ ഫിലിം ക്ലബും ആരംഭിക്കണമെന്നാണ് നാട്ടുകാര്‍ ആവശ്യപ്പെടുന്നത്. സംഭവത്തില്‍ കലാസാംസ്‌കാരിക, രാഷ്ട്രീയ രംഗത്തുള്ളവര്‍ പ്രതിഷേധവുമായി രംഗത്തെത്തിയിട്ടുണ്ട്. സംഭവത്തില്‍ ചിറയിന്‍കീഴ് പോലീസ് അന്വേഷണം ആരംഭിച്ചു.

സര്‍ഗപൂര്‍ണിമ കലോത്സവത്തിന് തൃശൂരില്‍ തുടക്കമായി
Posted by
06 February

സര്‍ഗപൂര്‍ണിമ കലോത്സവത്തിന് തൃശൂരില്‍ തുടക്കമായി

തൃശൂര്‍ : പ്രൈവറ്റ് കോളേജ് അസോസിയേഷന്റെ നേതൃത്വത്തില്‍ കാലിക്കറ്റ് സര്‍വ്വകലാശാലക്ക് കീഴിലുള്ള വിദ്യാര്‍ത്ഥികള്‍ക്കായ് സര്‍ഗപൂര്‍ണിമ കലോത്സവത്തിന് തൃശൂരില്‍ തുടക്കമായി. 17 ഇനങ്ങളിലായി നടന്ന രചനാ മത്സരങ്ങളില്‍ 30 കോളേജുകളില്‍ നിന്ന് നൂറോളം ദ്യാര്‍ത്ഥികള്‍ പങ്കെടുത്തു.ഗുരുവായൂര്‍ ആര്യഭട്ട കോളേജിലെ നിസരി രാഘവനെ ചിത്രപ്രതിഭയായി തെരഞ്ഞടുത്തു .

സ്റ്റേജിന മത്സരങ്ങള്‍ 7, 8 തിയ്യതികളില്‍ തൃശൂര്‍ ടൗണ്‍ ഹാള്‍, ചെമ്പുക്കാവ് മുണ്ടശ്ശേരി ഹാള്‍, ജവഹര്‍ ബാലഭവന്‍ എന്നിവിടങ്ങളിലായി നടക്കും. ബുധനാഴ്ച്ച 9.30 ന് സാഹിത്യഅക്കാദമി അധ്യക്ഷന്‍ വൈശാഖന്‍ ഉദ്ഘാടനം ചെയ്യും. രചനാ മത്സരങ്ങള്‍ സിജെ ഡേവിഡ് ഉദ്ഘാടനം ചെയ്തു. സിഎസ് അജിത് പൊന്നാനി അധ്യക്ഷനായി. ജോജു തരകന്‍, എംസി വേണുഗോപാല്‍, എ പ്രഭാകരന്‍ എന്നിവര്‍ സംസാരിച്ചു.

എഡേ മിത്രോം, കുരീപ്പുഴയിപ്പോള്‍ ജാതി മതില്‍ പണിയാന്‍ പോയിക്കാണും, ശാഖയില്‍ ചേര്‍ന്നു കാണും, നിക്കറെടുത്തിട്ടു കാണും; ആര്‍എസ്എസിനെ പരിഹസിച്ച് കെആര്‍ മീര
Posted by
06 February

എഡേ മിത്രോം, കുരീപ്പുഴയിപ്പോള്‍ ജാതി മതില്‍ പണിയാന്‍ പോയിക്കാണും, ശാഖയില്‍ ചേര്‍ന്നു കാണും, നിക്കറെടുത്തിട്ടു കാണും; ആര്‍എസ്എസിനെ പരിഹസിച്ച് കെആര്‍ മീര

കവി കുരീപ്പുഴ ശ്രീകുമാറിനെതിരെ ആര്‍എസ്എസ് നടത്തിയ ആക്രമണത്തെ അപലപിച്ച് എഴുത്തുകാരി കെആര്‍ മീര. ആര്‍എസ്എസ് ഭീകരതയ്‌ക്കെതിരെ തന്റെ കവിത കൊണ്ടാണ് കെആര്‍ മീര പ്രതിഷേധം അറിയിച്ചിരിക്കുന്നത്. സംഘപരിവാറിന്റെ ഭീഷണികള്‍ക്ക് മുന്നില്‍ പതറുന്നയാളല്ല കുരീപ്പുഴയെന്നും ഇതൊന്നും കണ്ട് അദ്ദേഹത്തേയും അദ്ദേഹത്തിന്റെ ആശയങ്ങളേയും ഇല്ലാതാക്കാന്‍ സാധിക്കില്ലെന്നും മീര പറയുന്നു.

കെആര്‍ മീരയുടെ ഫേസ്ബുക്ക് പേജിലെ കുറിപ്പ്:

എഡേ മിത്രോം,
കുരീപ്പുഴയങ്ങു വിരണ്ടു കാണും.
പേടി കൊണ്ടു നാവു വരണ്ടു കാണും.
ശരീരം കിടുകിടാ വിറച്ചു കാണും.
കേട്ട തെറിയോര്‍ത്തു കരഞ്ഞു കാണും.
ഇനിയെങ്ങും പ്രസംഗിക്കുകയില്ലെന്ന് തീരുമാനിച്ചു കാണും.
ഇനി കൊന്നാലും കവിതയില്ല എന്ന് ആണയിട്ടു കാണും.
ഉള്ളിലെ ഹിന്ദുവിനെ വിളിച്ചുണര്‍ത്തിക്കാണും.
രക്തപുഷ്പാഞ്ജലി കഴിപ്പിച്ചു കാണും.
ഏലസ്സും രക്ഷയും ജപിക്കാന്‍ കൊടുത്തു കാണും.
മൃത്യുഞ്ജയത്തിനു രസീതെടുത്തു കാണും.
ജാതി സംഘടനയില്‍ അംഗത്വമെടുത്തു കാണും.
ഒരു തടയണ കൊണ്ടു പുഴയങ്ങു വരണ്ടു പോകുന്നതു പോലെ
ഒരു തടയല്‍ കൊണ്ടു കുരീപ്പുഴയങ്ങു കൂരിപ്പുഴയായിക്കാണും.
ഇഷ്ടമുടിക്കായല്‍ ക്ലിഷ്ടമുടിക്കായലായിക്കാണും.
ശാഖയില്‍ ചേര്‍ന്നു കാണും.
നിക്കറെടുത്തിട്ടു കാണും.
ചുവന്ന കുറി തൊട്ടു കാണും.
ഓറഞ്ച് ചരടു കെട്ടിക്കാണും.
എഡേ മിത്രോം,
കുരീപ്പുഴയിപ്പോള്‍ ജാതി മതില്‍ പണിയാന്‍ പോയിക്കാണും.
നാടു മുഴുവന്‍ വടയമ്പാടിയായിക്കാണും.
‘പ്രേതബാധ ഏറ്റ പോലെ രാത്രി വണ്ടി കൂകിടുമ്പോള്‍
പാലവും കേളനും’ പാടേ കുലുങ്ങിക്കാണും !

ഇതിനിടെ, കവി കുരീപ്പുഴ ശ്രീകുമാറിനെ ആക്രമിച്ച സംഭവത്തില്‍ കണ്ടാലറിയാവുന്ന15 ആര്‍എസ്എസ് പ്രവര്‍ത്തകര്‍ക്കെതിരെ പോലീസ് കേസെടുത്തിരുന്നു. ഇതില്‍ ഏഴ് പേര്‍ അറസ്റ്റിലാവുകയും ചെയ്തിട്ടുണ്ട്. ഒളിവിലുള്ള മറ്റ് പ്രതികള്‍ക്കായി തിരച്ചില്‍ തുടരുകയാണ്.

മുഖ്യമന്ത്രിയുടെ നിര്‍ദ്ദേശത്തെത്തുടര്‍ന്നാണ് പോലീസിന്റെ അടിയന്തര നടപടി. സംഭവത്തെ ഗൗരവമായി കണ്ട് ഊര്‍ജിതമായ അന്വേഷണം നടത്തണമെന്ന് കൊല്ലം റൂറല്‍ എസ്പിക്ക് മുഖ്യമന്ത്രി പിണറായി വിജയന്‍ നിര്‍ദ്ദേശം നല്‍കിയിരുന്നു. ഇന്നലെ രാത്രി കോട്ടുക്കലില്‍ കൈരളി ഗ്രന്ഥശാലാ സംഘടിപ്പിച്ച ചടങ്ങില്‍ പങ്കെടുത്ത് മടങ്ങുന്നതിനിടെയാണ് കുരീപ്പുഴയെ ഒരു സംഘം ആര്‍എസ്എസ് പ്രവര്‍ത്തകര്‍ ആക്രമിച്ചത്. താന്‍ സഞ്ചരിക്കുകയായിരുന്ന കാറിനടുത്തെത്തിയ അക്രമികള്‍ കാറിന്റെ ഡോര്‍വലിച്ച് തുറന്ന് ആക്രമിക്കുകയായിരുന്നുവെന്ന് കുരീപ്പുഴ പറഞ്ഞു.

ഗ്രന്ഥശാലാ ചടങ്ങില്‍ വടയമ്പാടി ജാതി മതില്‍ സമരത്തെക്കുറിച്ചും ചിത്രകാരന്‍ അശാന്തന്റെ മൃതദേഹത്തോട് കാണിച്ച അനാദരവിനെ കുറിച്ചും സംസാരിച്ച അദ്ദേഹം ആര്‍എസ്എസിനെയും സംഘപരിവാറിനെയും രൂക്ഷമായി വിര്‍ശിച്ചു. ഇതിനെ തുടര്‍ന്നാണ് അദ്ദേഹത്തിനെതിരെ ആക്രമണമുണ്ടായത്.

കലാമണ്ഡലം ഗീതാനന്ദന്‍ ഓട്ടന്‍തുള്ളല്‍ വേദിയില്‍ കുഴഞ്ഞുവീണു മരിച്ചു
Posted by
28 January

കലാമണ്ഡലം ഗീതാനന്ദന്‍ ഓട്ടന്‍തുള്ളല്‍ വേദിയില്‍ കുഴഞ്ഞുവീണു മരിച്ചു

തൃശ്ശൂര്‍: പ്രശസ്ത ഓട്ടന്‍തുള്ളല്‍ കലാകാരനും, നടനുമായ കലാമണ്ഡലം ഗീതാനന്ദന്‍(55) അന്തരിച്ചു. ഓട്ടന്‍തുള്ളല്‍ അവതരിപ്പിക്കുന്നതിനിടെ കുഴഞ്ഞു വീണു മരിക്കുകയായിരുന്നു. ഇരിങ്ങാലക്കുട അവിട്ടത്തൂര്‍ മഹാദേവക്ഷേത്രത്തില്‍ ഓട്ടംതുള്ളല്‍ അവതരിപ്പിക്കുന്നതിനിടയില്‍ കുഴഞ്ഞ് വീഴുകയായിരുന്നു. ഉടന്‍ തന്നെ പുല്ലൂര്‍ മിഷന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

അമ്പലത്തില്‍ കഴകം ജോലി ചെയ്തിരുന്ന അദ്ദേഹം 1974 ലാണ് കലാമണ്ഡലത്തില്‍ ചേര്‍ന്നത്. 1983 മുതല്‍ കലാമണ്ഡലത്തില്‍ അധ്യാപകനായി ജോലിക്കു ചേര്‍ന്നു. തുള്ളലിനെ പ്രോത്സാഹിപ്പിക്കുവാനും പ്രചരിപ്പിക്കുവാനും വേണ്ടി കലോത്സവ വേദികളിലെ നിരന്തര സാന്നിധ്യമായി മാറിയ വ്യക്തിയായിരുന്നു കലാമണ്ഡലം ഗീതാനന്ദന്‍.

അദ്ദേഹത്തിന്റെ ശിഷ്യന്മാര്‍ തുള്ളല്‍ അവതരിപ്പിക്കാതെ കടന്നു പോകുന്ന ഒരു സംസ്ഥാന കലോത്സവവും ഇല്ല എന്ന് തന്നെ പറയാം. കമലദളം എന്ന ചിത്രത്തിലൂടെ സിനിമയിലേക്കെത്തി. ‘തൂവല്‍ കൊട്ടാരം’, ‘മനസ്സിനക്കരെ’, ‘നരേന്ദ്രന്‍ മകന്‍ ജയകാന്തന്‍ വക’ തുടങ്ങി നിരവധി ചിത്രങ്ങളില്‍ വലുതും ചെറുതുമായ വേഷങ്ങളില്‍ അദ്ദേഹം അഭിനയിച്ചു.

ഇത് വരെ രാജ്യത്തിനകത്തും പുറത്തുമായി 5000ത്തിലധികം തുള്ളല്‍ വേദികള്‍ പൂര്‍ത്തിയാക്കിയ അദ്ദേഹത്തിന്റെ ജീവിതം തുള്ളല്‍ എന്ന കലയ്ക്കായി ഉഴിഞ്ഞു വച്ചതായിരുന്നു. ഭാര്യ: ശോഭ ഗീതാനന്ദന്‍, മക്കള്‍ സനല്‍ കുമാര്‍, ശ്രീലക്ഷ്മി. പ്രശസ്തനായ കഥകളിയാചാര്യന്‍ നീലകണ്ഠന്‍ നമ്പീശന്‍ അമ്മാവനാണ്, ജ്യേഷ്ഠന്‍ കലാമണ്ഡലം വാസുദേവന്‍ പ്രശസ്തനായ മൃദംഗം വിദ്വാന്‍.

മലയാളത്തിന്റെ ചിരിക്കുടുക്ക വിടവാങ്ങിയിട്ട് ഇന്നേയ്ക്ക് രണ്ട് വര്‍ഷം
Posted by
25 January

മലയാളത്തിന്റെ ചിരിക്കുടുക്ക വിടവാങ്ങിയിട്ട് ഇന്നേയ്ക്ക് രണ്ട് വര്‍ഷം

സിനിമാ പ്രേമികളെ ഒന്നടങ്കം ചിരിപ്പിക്കുന്ന മലയാളത്തിന്റെ സ്വന്തം ചിരിക്കുടുക്ക വിടവാങ്ങിയിട്ട് ഇന്നേയ്ക്ക് രണ്ട് വര്‍ഷം. നാട്ടിന്‍പുറത്തുകാരിയായും, പൊങ്ങച്ചക്കാരിയായ സൊസൈറ്റി ലേഡിയായും, വേലക്കാരിയായും, പോലീസുകാരിയായും കല്‍പ്പന പകര്‍ന്നാടിയ വേഷങ്ങള്‍ മലയാളികള്‍ക്ക് ഇന്നും പ്രിമാണ്. ഹാസ്യം ഇത്രത്തോളം തന്‍മയത്വത്തോടെ അവതരിപ്പിച്ച നായികമാര്‍ മലയാളത്തില്‍ അധികമില്ലെന്നു വേണം പറയാന്‍. വിടവാങ്ങി രണ്ട് വര്‍ഷം തികയുമ്പോഴും മലയാളികള്‍ക്ക് എന്നും പ്രിയമാണ് നടി കല്‍പ്പനയെ.

താന്‍ സുന്ദരിയല്ല എന്ന് കല്‍പ്പന കൂടെ കൂടെ പറയുമായിരുന്നു. എന്നാല്‍ പാവത്തുങ്ങള്‍ക്ക് ഇത്രയും സൗന്ദര്യം കൊടുക്കല്ലെ തമ്പുരാനെയെന്ന് കല്‍പ്പന പറഞ്ഞുവച്ചത് ഇന്നും പ്രേക്ഷകര്‍ ആവര്‍ത്തിച്ചു കൊണ്ടേയിരിക്കുന്നു. സൗന്ദര്യത്തിനപ്പുറം ആ മുഖത്ത് വിരിഞ്ഞ ഹാസ്യഭാവങ്ങളാണ് മലയാളി പ്രേക്ഷകരുടെ മനസ്സില്‍ ഇടംപിടിച്ചത്. അതിനൊത്ത ശബ്ദവിന്യാസങ്ങളോടെ കഥാപാത്രങ്ങളില്‍ നിന്ന് കഥാപാത്രങ്ങളിലേക്ക് അവര്‍ പകര്‍ന്നാട്ടം നടത്തി.

പെരുവണ്ണാപുരത്തെ വിശേഷങ്ങളിലെ മോഹിനിയും, ഡോ പശുപതിയിലെ യുഡിസി കുമാരിയും കാബൂളിവാലയിലെ ചന്ദ്രികയും പിടക്കോഴി കൂവുന്ന നൂറ്റാണ്ടിലെ പൊന്നമ്മയും കല്‍പ്പനയ്ക്ക് മാത്രം യാതാര്‍ത്ഥ്യമാക്കാന്‍ സാധിച്ച കഥാപാത്രങ്ങളായിരുന്നു. മലയാളത്തില്‍ മാത്രമല്ല തമിഴിലും തെലുങ്കിലും കന്നടയിലും കല്‍പ്പന തിളങ്ങി.

തൊണ്ണൂറുകളിലെ ജഗതി കല്‍പ്പന ജോഡിയുടെ ഹാസ്യ രംഗങ്ങള്‍ മറക്കാനാവില്ല. മലയാളത്തെ ഇത്രമേല്‍ സുന്ദരമായി ഹാസ്യത്തിന്റെ വെള്ളിരേഖയില്‍ കെട്ടിയിട്ട മറ്റൊരു ജോഡിവേറെയില്ല. മലയാളിക്ക് ഒരു നേര്‍ത്ത ചിരിയോടെയല്ലാതെ ഓര്‍ക്കാന്‍ കഴിയാത്ത മുഖമാണ് കല്‍പ്പനയുടേത്. വിടരുന്ന മൊട്ടായി തുടങ്ങി ആ അഭിനയസപര്യ ചാര്‍ളിയില്‍ അവസാനിച്ചപ്പോള്‍ മലയാളത്തിന് നഷ്ടമായത് മലയാള സിനിമാ തറവാട്ടിലെ ചിരിയുടെ തമ്പുരാട്ടിയെയാണ്.

വിവാദം കത്തിച്ച വിടി ബല്‍റാമിന് ‘നന്ദി’; എകെജിയുടെ ആത്മകഥയ്ക്ക് ‘വന്‍ ഡിമാന്റ്’; വായനക്കാര്‍ ഏറുകയാണെന്ന് പ്രസാധകര്‍
Posted by
21 January

വിവാദം കത്തിച്ച വിടി ബല്‍റാമിന് 'നന്ദി'; എകെജിയുടെ ആത്മകഥയ്ക്ക് 'വന്‍ ഡിമാന്റ്'; വായനക്കാര്‍ ഏറുകയാണെന്ന് പ്രസാധകര്‍

കൊച്ചി: അനാവശ്യ വിവാദം ഉണ്ടാക്കി എകെജിയെ വീണ്ടും സജീവ ചര്‍ച്ചയ്ക്ക് വിഷയമാക്കിയ വിടി ബല്‍റാമിന് തിരിച്ചടി. വിവാദ പരാമര്‍ശങ്ങളുടെ പേരില്‍ എകെജിയുടെ ശക്തമായ ഒരു മടങ്ങിവരവിനാണ് ബല്‍റാം വഴിയൊരുക്കിയിരിക്കുന്നത്. എകെ ഗോപാലന്‍ എന്ന ശക്തനായ നേതാവിനെ കൂടുതല്‍ പേര്‍ അറിയാനും വായിക്കാനും ശ്രമിച്ചതോടെ എകെജിയുടെ ആത്മകഥയും ജീവചരിത്രവുമെല്ലാം ആയിരക്കണക്കിന് കോപ്പികളായാണ് വിറ്റു പോവുന്നത്.

വിപണിയില്‍ ഇപ്പോഴും എകെജിയുടെ ആത്മകഥയ്ക്ക് ആവശ്യക്കാര്‍ ഏറുന്നതായാണ് പ്രസാധകര്‍ പറയുന്നത്. ദേശാഭിമാനിയുടെ പബ്ലിഷിങ് വിഭാഗമായ ചിന്തയാണ് എന്റെ ജീവിതകഥയുടെ പ്രസാധകര്‍. പാര്‍ട്ടിയുടെ ഇതിഹാസ നേതാവിനെതിരെ നടത്തിയ പരാമര്‍ശത്തിന്റെ പേരില്‍ ബല്‍റാമിനെ ഉപരോധിക്കാന്‍ ഡിവൈഎഫ്ഐ-സിപിഎം പ്രവര്‍ത്തകര്‍ രംഗത്തിറങ്ങിയതോടെ ബല്‍റാം വിഷയം രാഷ്ട്രീയ തലത്തില്‍ പുതിയ ചലനങ്ങള്‍ സൃഷ്ട്ടിച്ചു.

ആത്മകഥയെ അടിസ്ഥാനമാക്കിയായിരുന്നു ബല്‍റാം എകെജിക്കെതിരെ വിവാദപരാമര്‍ശം നടത്തിയത്. അതിനാല്‍ അദ്ദേഹത്തിന്റെ ആത്മകഥയായ ‘എന്റെ ജീവിതകഥ’ വന്‍തോതിലാണ് പോയ ദിവസങ്ങളില്‍ വിറ്റഴിച്ചത്. ബലറാമിന്റെ പരാമര്‍ശങ്ങളും അതേതുടര്‍ന്നുണ്ടായ വിവാദങ്ങളും ദേശീയമാധ്യമങ്ങളും വാര്‍ത്തയാക്കിയതോടെ ലോക്സഭയിലെ ആദ്യപ്രതിപക്ഷനേതാവ് കൂടിയായിരുന്ന എകെജിയുടെ ജീവിതമെന്തെന്നറിയാന്‍ കേരളത്തിനു പുറത്തുള്ളവരും താത്പര്യപ്പെടുന്നുവെന്നാണ് ചിന്തയുടെ പ്രതിനിധികള്‍ വ്യക്തമാക്കുന്നത്.

ഇതിനു കാരണമായത് വിടി ബല്‍റാം ആയതിനാല്‍ അതിന്റെ പേരില്‍ വിടി ബല്‍റാമിനോട് ഞങ്ങള്‍ക്ക് നന്ദിയുണ്ടെന്നും ചിന്ത പബ്ലിക്കേഷന്‍സ് ജനറല്‍ മാനേജര്‍ ശിവകുമാര്‍ ഒരു ദേശീയ മാധ്യമത്തിന് നല്‍കിയ അഭിമുഖത്തില്‍ പറഞ്ഞു.

അന്താരാഷ്ട്ര നാടക മേള; ട്രാന്‍സ്‌ജെന്റേഴ്സിന്റെ ‘റെയിന്‍ബോ ടോക്സ്’ശ്രദ്ധാകേന്ദ്രം
Posted by
20 January

അന്താരാഷ്ട്ര നാടക മേള; ട്രാന്‍സ്‌ജെന്റേഴ്സിന്റെ 'റെയിന്‍ബോ ടോക്സ്'ശ്രദ്ധാകേന്ദ്രം

തൃശ്ശൂര്‍: സാംസ്‌കാരിക തലസ്ഥാനത്ത് ഇനി നാടകത്തിന്റെ പൂരം. 20 മുതല്‍ പത്തുദിവസം തൃശ്ശൂരിനെ നാട്യസാമ്രാജ്യമാക്കുന്നത് 32 നാടകങ്ങള്‍. സംഗീത നാടക അക്കാദമിയുടെ പത്താമത് അന്താരാഷ്ട്ര നാടകോത്സവമാണിത്.

അന്താരാഷ്ട്ര നാടക മേളയുടെ ആദ്യ ദിനത്തില്‍ ശ്രദ്ധാകേന്ദ്രമാകുന്നത് ട്രാന്‍സ്ജന്‍ഡേഴ്സ് അവതരിപ്പിക്കുന്ന നാടകമാണ്. ട്രാന്‍സ്‌ജെന്റേഴ്സ് നേരിടുന്ന പ്രശ്നങ്ങളും അവരുടെ ആഗ്രഹങ്ങളും തുറന്നു പറയുന്ന ‘റെയിന്‍ബോ ടോക്സ്’ എന്ന നാടകം ശ്രീജിത്ത് സുന്ദരത്തിന്റെ നേതൃത്വത്തിലാണ് അരങ്ങിലെത്തുന്നത്. ഇന്ന് വൈകിട്ട് ഉദ്ഘാടന നാടകത്തിന് ശേഷം ഒന്‍പത് മണിക്ക് സ്‌കൂള്‍ ഓഫ് ഡ്രാമയിലാണ് ആദ്യ അവതരണം.

തൊഴിലിടങ്ങളിലും, പൊതുവഴിയിലും, സ്വന്തം വീട്ടില്‍ പോലും, ട്രാന്‍സ്ജന്‍ഡേഴ്സിനെ മാറ്റി നിര്‍ത്തുകയും പരിഹസിക്കുകയും ചെയ്യുന്ന സമൂഹത്തോടുള്ള തുറന്നുപറച്ചിലാണ് റെയിന്‍ബോ ടോക്സ് എന്ന നാടകം.

വിവിധ മേഖലകളില്‍ നിന്നെത്തിയ പതിനഞ്ച് ട്രാന്‍സ്ജന്‍ഡേഴ്സ് ആണ് നാടകത്തില്‍ വേഷമിടുന്നത്. ആദ്യമായി ട്രാന്‍സ്ജന്‍ഡേഴ്സ് മാത്രം അഭിനയിക്കുന്ന നാടകത്തിലൂടെ ഇവര്‍ നേരിടുന്ന വെല്ലുവിളികളും ഇവരുടെ ആഗ്രഹങ്ങളുമാണ് ചര്‍ച്ചയാകുന്നത്.

തമിഴ്നാട്ടിലെ യുവ നാടക പ്രവര്‍ത്തകനും ആക്ടിവിസ്റ്റുമായ ശ്രീജിത്ത് സുന്ദരമാണ് നാടകം അണിയിച്ചൊരുക്കുന്നത്. ഇരുപതിന് സംഗീത നാടക അക്കാദമിയിലെ ഓപ്പണ്‍ സ്റ്റേജിലും നാടകം അവതരിപ്പിക്കും

‘സ’സ ഒരു സമരമാണ്..!; ശരത് പ്രകാശിന്റെ സമരപുസ്തകം വായനക്കാരിലേക്ക്
Posted by
15 January

'സ'സ ഒരു സമരമാണ്..!; ശരത് പ്രകാശിന്റെ സമരപുസ്തകം വായനക്കാരിലേക്ക്

കൊച്ചി: ശരത് പ്രകാശിന്റെ സമരപുസ്തകം പ്രകാശനത്തിന് ഒരുങ്ങുന്നു.’സ’
സ ഒരു സമരമാണ്..! കാണാതാക്കപ്പെട്ടവര്‍ക്കും ഇല്ലാതാക്കപെട്ടവര്‍ക്കും വേണ്ടിയാണ് ശരത് പ്രകാശിന്റെ സമരപുസ്തകം.

മലപ്പുറം വളാഞ്ചേരി എംഇഎസ് കോളേജ്ജില്‍ വച്ച് ജനുവരി 20 വൈകീട്ട് 6 ന് ആണഅ പ്രകാശനം. ‘ഊരാളി ബാന്റ് ‘ ആണ് പുസ്തകം ഏറ്റുവാങ്ങുന്നത്. നൂറോളം ആര്‍ട്ടിസ്റ്റുകളും സാംസ്‌കാരിക-രാഷ്ട്രീയ രംഗത്തെ പ്രമുഖരും ചടങ്ങില്‍
പങ്കെടുക്കും.

ഒരുപാട് പുതുമകളോടെയൊരു സമരപുസ്തകം വായനക്കാരിലേക്ക് എത്തുന്നത്. സംവിധായകന്‍ ലാല്‍ജോസ് ആണ് പുസ്തകത്തിന് അവതാരിക എഴുതിയിരിക്കുന്നത്.
ധനമന്ത്രി തോമസ് ഐസക്ക് ആണ് പിന്‍കുറിപ്പ് എഴുതിയിരിക്കുന്നത്.

37 ആര്‍ട്ടിസ്റ്റുകള്‍ ആണ് പുസ്തകത്തിലെ കഥകള്‍ക്ക് ചിത്രങ്ങള്‍ വരച്ചത്. പ്രമോ വീഡിയോ, മോഷന്‍ പോസ്റ്റര്‍, ്സാന്‍ഡ് ആര്‍ട്ട് വീഡിയോ, മിനിമല്‍ പോസ്റ്റര്‍, ഗ്രാഫിക്‌സ് തുടങ്ങി ഒരുപാട് മാര്‍ക്കറ്റിംഗ് പുതുമകളോടെയാണ് പുസ്തകം ഇറങ്ങുന്നത്.
അല്‍-മലപ്പുറം എന്ന സോഷ്യല്‍ മീഡിയ ഹിറ്റിനു ശേഷം ടീം KA10CHAYA ബാനര്‍ ചെയ്യുന്നു.

വളച്ചൊടിക്കുന്നവര്‍ക്ക് മനസിരുത്തി വായിക്കാന്‍; എകെജിയുടെ ആത്മകഥ ‘എന്റെ ജീവിത കഥ’ വീണ്ടും വിപണിയിലെത്തുന്നു
Posted by
11 January

വളച്ചൊടിക്കുന്നവര്‍ക്ക് മനസിരുത്തി വായിക്കാന്‍; എകെജിയുടെ ആത്മകഥ 'എന്റെ ജീവിത കഥ' വീണ്ടും വിപണിയിലെത്തുന്നു

കൊച്ചി: ചരിത്രത്തെ വളച്ചൊടിച്ച് അവനവന്റെ ഇഷ്ടങ്ങള്‍ക്ക് അനുസരിച്ച് വ്യാഖ്യാനിക്കുന്നവര്‍ക്ക് മനസിരുത്തി വായിക്കാന്‍ എകെജിയുടെ ആത്മകഥയായ ‘എന്റെ ജീവിത കഥ’ വീണ്ടും വിപണിയില്‍ എത്തിക്കുന്നു. ചിന്ത പബ്ലിക്കേഷന്‍സ് പ്രസിദ്ധീകരിച്ച ആത്മകഥ ഓണ്‍ലൈന്‍ ബുക്ക്സ്റ്റോറായ ‘പുസ്തകക്കട’യാണ് വീണ്ടും വിപണിയില്‍ എത്തിക്കുന്നത്. ‘ചരിത്രത്തെ വളച്ചൊടിക്കുമ്പോള്‍ കൂടുതല്‍ വായനയ്ക്കായി എകെജി എന്ന മനുഷ്യസ്നേഹിയുടെ എന്റെ ജീവിതകഥ’ എന്ന പരസ്യവാചകത്തോടെയാണ് ‘പുസ്തകക്കട’ ഇതിന്റെ കോപ്പി ഇറക്കുന്നത്.

‘എന്റെ ജീവിത കഥ’യിലെ ചില പരാമര്‍ശങ്ങള്‍ വ്യാഖ്യാനിച്ചാണ് ‘തൃത്താല എംഎല്‍എയും കോണ്‍ഗ്രസ് നേതാവുമായ വിടി ബല്‍റാം എകെജിയെ ബാലപീഡകനാക്കി ചിത്രീകരിച്ചത്. സോഷ്യല്‍മീഡിയയിലെ എംഎല്‍എയുടെ പരാാമര്‍ശത്തെ തുടര്‍ന്ന്
കേരള സമൂഹത്തില്‍ വന്‍ പ്രതിഷേധങ്ങളാണ് അരങ്ങേറിയത്.

തന്റെ ഒളിവു ജീവിതവും അക്കാലത്ത് പരിചയപ്പെട്ട സുശീലയുമായുണ്ടായിരുന്ന അടുപ്പവും ഒമ്പത് വര്‍ഷത്തിന് ശേഷം വിവാഹം കഴിച്ചതുമെല്ലാം എകെജി ഈ ആത്മകഥയില്‍ വിശദമായി പറയുന്നുണ്ട്. ഒമ്പത് വര്‍ഷം നീണ്ടുനിന്ന പ്രണയം വിവാഹമായി തീര്‍ന്നുവെന്നാണ് ബല്‍റാം ദ് ഹിന്ദുവില്‍ വന്ന ഒരു ലേഖനം ആധാരമാക്കി ബല്‍റാം സ്ഥാപിക്കാന്‍ ശ്രമിച്ചത്.

എന്നാല്‍ സുശീലയുടെ വീട്ടില്‍ ഒളിവില്‍ കഴിഞ്ഞ ദിവസങ്ങളെക്കുറിച്ചും അവരുടെ പ്രസ്ഥാനത്തോടുള്ള ആത്മാര്‍ത്ഥത തന്നില്‍ മമതയുണ്ടാക്കിയെന്നുമാണ് യഥാര്‍ത്ഥത്തില്‍ എകെജി പറഞ്ഞിട്ടുള്ളത്. ഇത് ദ് ഹിന്ദുവില്‍ ഒരു വാര്‍ത്തയില്‍ പരാമര്‍ശിച്ചത് ചൂണ്ടിക്കാട്ടിയാണ് വളര്‍ന്നുവരുന്ന സുശീലയും എന്നില്‍ മോഹങ്ങള്‍ അങ്കുരുപ്പിച്ചു എന്ന രീതിയില്‍ ബല്‍റാം വളച്ചൊടിച്ചത്.

ഇത്തരം വളച്ചൊടിക്കലുകള്‍ക്ക് മറുപടിയായാണ് പുസ്തകം വീണ്ടും വിപണിയിലെത്തുന്നത്. മുഖവില 400 രൂപയുള്ള പുസ്തകത്തിന് പുസ്തകക്കട നിശ്ചയിച്ചിരിക്കുന്ന വില 360 രൂപയാണ്.

error: This Content is already Published.!!