Two children found dead, BJP MLA’s son booked for murder
Posted by
24 June

ഉത്തര്‍പ്രദേശിലെ ബിജെപി എംഎല്‍എയുടെ മകനും കൂട്ടാളിയും ചേര്‍ന്ന് രണ്ട് ദളിത് കുട്ടികളെ ജീവനോടെ കുഴിച്ചുമൂടി കൊലപ്പെടുത്തി

പയാഗ്പൂര്‍: ദളിതരായ രണ്ട് കുട്ടികളെ ജീവനോടെ കുഴിച്ചുമൂടി കൊലപ്പെടുത്തിയെന്ന ആരോപണം ഉയര്‍ന്നതിന്റെ പശ്ചാത്തലത്തില്‍ ഉത്തര്‍പ്രദേശിലെ പയാഗ്പൂര്‍ എംഎല്‍എയുടെ മകനെയും കൂട്ടാളിയെയും പോലീസ് തിരയുന്നു. ബിജെപി എംഎല്‍എയായ സുബാഷ് തൃപാടിയുടെ മകനായ നിഷാങ്ക് തൃപാടി ഇയാളുടെ സുഹൃത്തായ മനോജ് ശുക്‌ള എന്ന ഖനി കരാറുകാരനെയുമാണ് പോലീസ് തിരയുന്നത്.

തങ്ങളുടെ പ്രദേശത്ത് അനധികൃതമായി കടന്നുകൂടി മണ്ണ് ഖനനം ചെയ്തത് തടഞ്ഞതിനാണ് തന്റെ മക്കളായ കരണിനെയും (10) നിസാറിനെയും (11) കൊലപ്പെടുത്തിയതെന്ന് കുട്ടികളുടെ പിതാവ് ചേത്‌റാം പൊലീസിന് നല്‍കിയ പരാതിയില്‍ പറയുന്നു. ബുള്‍ഡോസര്‍ ഉപയോഗിച്ച് കുട്ടികളുടെ മേല്‍ മണ്ണ് കോരിയിടുകയായിരുന്നെന്ന് ചേത്‌റാം പറഞ്ഞു.

എന്നാല്‍ മകനെതിരെ ഉയര്‍ത്തുന്ന ആരോപണത്തില്‍ കഴമ്പില്ലെന്നും ഇത് ഗൂഡാലോചനയുടെ ഭാഗമാണെന്നും സുബാഷ് തൃപാടി പറഞ്ഞു. മകനെതിരെ ആരോപിക്കുന്ന കുറ്റങ്ങള്‍ തെളിഞ്ഞാല്‍ രാഷ്ട്രീയ പ്രവര്‍ത്തനം നിര്‍ത്താന്‍ താന്‍ തയ്യാറാണെന്നും എം.എല്‍.എ അറിയിച്ചു. അതേസമയം കുറ്റക്കാര്‍ക്കെതിരെ കേസെടുക്കാന്‍ പൊലീസ് ആദ്യം വിമുഖത കാട്ടിയെന്നും തങ്ങള്‍ പൊലീസ് സ്‌റ്റേഷന്‍ ഖരാവൊ ചെയ്തതിന് ശേഷമാണ് പ്രതികള്‍ക്കെതിരെ എഫ്.ഐ.ആര്‍ രജിസ്റ്റര്‍ ചെയ്തതെന്നും ഗ്രാമവാസികള്‍ പറഞ്ഞു.

പട്ടികജാതി പട്ടികവര്‍ഗ അതിക്രമ നിരോധന നിയമപ്രകാരം നിഷാങ്കിനും മനോജിനുമെതിരെ കേസെടുത്തതായി പോലീസ് അറിയിച്ചു.

call record prithviraj-and-antony-perumbavoor-used-to-trapped-actor-dileep-in-actress-assault-case
Posted by
24 June

ദിലീപിനെ കുടുക്കാന്‍ കച്ചകെട്ടി ഇറങ്ങിയിരിക്കുന്നവര്‍ പൃഥ്വിരാജും ആന്റണി പെരുമ്പാവൂരും നടി പൂര്‍ണ്ണിമയും; നാദിര്‍ഷയുമായുള്ള ഫോണ്‍ സംഭാഷണത്തിലെ ഞെട്ടിക്കുന്ന വിവരങ്ങള്‍

കൊച്ചി: നടിയെ തട്ടിക്കൊണ്ട് പോയി ആക്രമിച്ച് അശ്ലീല ദൃശ്യങ്ങള്‍ പകര്‍ത്തിയ സംഭവത്തില്‍ ദിലീപിന്റെ പേര് പറയാതിരിക്കാന്‍ സംവിധായകന്‍ നാദിര്‍ഷയോട് വിലപേശിയ പള്‍സര്‍ സുനിയുടെ സഹതടവുകാരന്‍ വിഷ്ണു ദിലീപിനെ കുടുക്കാന്‍ ഇറങ്ങിയിരിക്കുന്നവര്‍ എന്ന് പറഞ്ഞത് മലയാള സിനിമയിലെ മൂന്ന് പ്രമുഖരുടെ പേരുകള്‍ എന്ന് സൂചന. നടന്‍ പൃഥ്വിരാജ്, നിര്‍മ്മാതാവും മോഹന്‍ലാലിന്റെ ഡ്രൈവറും സന്തത സഹചാരിയുമായ ആന്റണി പെരുമ്പാവൂര്‍, നടി പൂര്‍ണ്ണിമ എന്നിവരുടെ ഭാഗത്ത് നിന്നും ദിലീപിന്റെ പേര് പറയാന്‍ സമ്മര്‍ദ്ദമുണ്ടെന്ന് പറഞ്ഞായിരുന്നു വിലപേശല്‍. എന്നാണ് അറിയുന്നത്. നിങ്ങള്‍ ഒന്നര കോടി തന്നില്ലങ്കില്‍ രണ്ടര കോടി നല്‍കാന്‍ ആളുണ്ടെന്നായിരുന്നു ഭീഷണി.

പള്‍സര്‍ സുനി പറഞ്ഞിട്ട് വിളിക്കുകയാണെന്ന് പറഞ്ഞ് വന്ന കോള്‍ ആയതിനാല്‍ പന്തികേട് തോന്നിയ നാദിര്‍ഷ ഫോണ്‍ കട്ടാക്കി ഉടന്‍ സുഹൃത്തിന്റെ ഫോണില്‍ നിന്നും അങ്ങോട്ട് വിളിച്ച് കോള്‍ റെക്കോര്‍ഡ് ചെയ്യുകയായിരുന്നു. ഇത് പ്രതികളുടെ ബ്ലാക്ക് മെയിലിങ്ങ് ‘തന്ത്രമാണെന്ന’ നിഗമനത്തിലാണ് ദിലീപും സുഹൃത്തുക്കളുമെങ്കിലും വിഷ്ണുവിന്റെ പേരില്‍ പരാതി നല്‍കിയ സ്ഥിതിക്ക് ഈ കോളിനെ ചുറ്റിപ്പറ്റി പോലീസ് അന്വേഷണം ഊര്‍ജിതമാക്കിയിരിക്കുകയാണിപ്പോള്‍.

ഇപ്പോള്‍ വിഷ്ണു പുറത്ത് പറഞ്ഞ പേരുകാരില്‍ ആരുമായും ദിലീപ് നല്ല ബന്ധത്തിലല്ല. നടി ആക്രമിക്കപ്പെട്ടപ്പോള്‍ ഏറ്റവും അധികം പിന്തുണ നല്‍കി കൂടെ നിന്നയാളാണ് പൃഥ്വിരാജ്. സംഭവത്തിനു ശേഷം നടി ആദ്യമായി അഭിനയിച്ചതും പൃഥ്വിരാജിന്റെ കൂടെയാണ്. പൃഥ്വിരാജിന്റെ സഹോദരനും നടനുമായ ഇന്ദ്രജിത്തുമായും ദിലീപ് നല്ല ബന്ധത്തിലല്ലന്ന കാര്യവും പരസ്യമായ രഹസ്യമാണ്. നടി മഞ്ജുവാര്യര്‍ ദിലീപുമായി വേര്‍പിരിഞ്ഞ ശേഷം സിനിമാരംഗത്ത് സജീവമായി രണ്ട് ബിഗ് ബഡ്ജറ്റ് സിനിമയിലാണ് മോഹന്‍ലാലിനൊപ്പം അഭിനയിച്ചത്. ഇനി ഷൂട്ടിങ്ങ് തുടങ്ങാനിരിക്കുന്ന ഒടിയനിലും മോഹന്‍ലാലിന്റെ നായിക മഞ്ജു വാര്യരാണ്.

മെഗാസ്റ്റാര്‍ മമ്മുട്ടി പോലും മഞ്ജു വാര്യരുമൊത്ത് അഭിനയിക്കാന്‍ വന്ന നിരവധി അവസരങ്ങള്‍ ഒഴിവാക്കിയപ്പോള്‍ മോഹന്‍ലാല്‍ കൂടെ അഭിനയിച്ച് പിന്തുണ നല്‍കുന്നത് ദിലീപ് വിഭാഗത്തിന് രസിച്ചിരുന്നില്ല. മമ്മുട്ടി ദിലീപ് വിഭാഗങ്ങള്‍ ഒരു ഭാഗത്തും മോഹന്‍ലാല്‍ പൃഥ്വിരാജ് വിഭാഗം മറുഭാഗത്തുമായി ശക്തമായ ചേരിതിരിവ് താരസംഘടനയായ അമ്മയില്‍ നിലവിലുണ്ട്. ഇതില്‍ കൂടുതല്‍ താരങ്ങള്‍ മമ്മുട്ടി ദിലീപ് വിഭാഗത്തിന്റെ കൂടെയാണെന്നാണ് ലഭിക്കുന്ന വിവരം.

മഞ്ജു വാര്യരുടെ നേതൃത്വത്തില്‍ രൂപീകരിച്ച വനിതാ സിനിമാ പ്രവര്‍ത്തകരുടെ സംഘടനക്കെതിരെ ഭൂരിപക്ഷ താരങ്ങളും നിലപാട് സ്വീകരിച്ചപ്പോള്‍ പരസ്യമായി പിന്തുണച്ച് പൃഥ്വിരാജ് രംഗത്ത് വന്നിരുന്നത് സഹതാരങ്ങളെ പോലും അത്ഭുതപ്പെടുത്തിയിരുന്നു.ഇപ്പോള്‍ നടക്കുന്ന വിവാദത്തില്‍ പൃഥ്വിരാജ്, ആന്റണി പെരുമ്പാവൂര്‍, പൂര്‍ണ്ണിമ എന്നിവര്‍ക്കെതിരെ ഏതെങ്കിലും തരത്തിലുള്ള തെളിവ് ലഭിച്ചാല്‍ ഇവരെ അന്വേഷണ സംഘം വിളിച്ചു വരുത്തി ചോദ്യം ചെയ്യും എന്നാണ് അറിയുന്നത്.

‘How could they hate us so much’: Family in shock after 16-year-old Muslim boy stabbed to death on train
Posted by
24 June

പതിനാറു വയസ്സല്ലെ അവനായിട്ടുളളു, എങ്ങിനെയാണ് അവര്‍ക്ക് എന്റെ കുഞ്ഞിനെ ഇത്ര ക്രൂരമായി കൊല്ലാന്‍ കഴിഞ്ഞത്; നോമ്പുതുറക്കാന്‍ ബീഫ് വാങ്ങിയെന്നാരോപിച്ച് സംഘപരിവാര്‍ ആക്രമികള്‍ കുത്തി കൊലപ്പെടുത്തിയ ജുനൈദിന്റെ പിതാവ് ഹൃദയം തകര്‍ന്ന് ചോദിക്കുന്നു

ന്യൂഡല്‍ഹി: ഹാഫിള് (ഖുര്‍ആന്‍ മന:പാഠമാക്കിയ ആള്‍) ആയതിനു ശേഷമുള്ള ജുനൈദിന്റെയും ഹാഷിമിന്റെയും ആദ്യ പെരുന്നാളാണ്. ഗംഭീരമാക്കണം. ആരും കണ്ടാല്‍ ഇഷ്ടമാവുന്ന രൂപത്തില്‍ ഒരുങ്ങി നില്‍ക്കണം. ഇതൊക്കെയായിരുന്നു കോടി വാങ്ങാനായി ഡല്‍ഹിക്കു തിരിക്കുമ്പോള്‍ ആ സഹോദരങ്ങളുടെ കണക്കു കൂട്ടല്‍. സന്തോഷത്തിന് ആക്കം കൂട്ടാന്‍ ഉമ്മ നല്‍കിയ സമ്മനത്തുകയുമുണ്ട് കയ്യില്‍. ഹാഫിള് ആയി തിരിച്ചു വന്നപ്പോള്‍ ഉമ്മ സമ്മാനമായി നല്‍കിയതാണ് 1500 രൂപ. അയല്‍വാസികള്‍ക്കു വിതരണം ചെയ്യാന്‍ മധുരം വാങ്ങാനുമേല്‍പിച്ചിരുന്നു ഉമ്മ. ഡല്‍ഹി ജുമാ മസ്ജിദും സന്ദര്‍ശിച്ച് സൂര്യനസ്തമിക്കും മുമ്പ് തിരിച്ചെത്താമെന്ന് ഉമ്മാക്ക് ഉറപ്പു നല്‍കിയിട്ടാണ് ഇവര്‍ വീട്ടില്‍ നിന്നിറങ്ങിയത്. മൂത്തമകന്‍ ഷാക്കിറുമുണ്ടായിരുന്നു കൂടെ.

അവര്‍ തിരിച്ചെത്തി. മൂവരുമില്ല..രണ്ടുപേര്‍..സഹോദരന്റെ അനക്കമറ്റ ശരീരവുമായി. വര്‍ഗവെറിയന്‍മാര്‍ അവരുടെ വിദ്വേഷക്കത്തിക്കിരയാക്കിയതായിരുന്നു ആ പതിനാറുകാരനെ. ‘ഒത്തിരി സന്തോഷത്തിലായിരുന്നു ജുനൈദ്. പെരുന്നാളിനു മുമ്പു തന്നെ ഹാഫിള് പട്ടം നേടി. നോമ്പു കാലത്ത് മുഴുവന്‍ പള്ളിയില്‍ ഖുര്‍ആന്‍ പാരായണം ചെയ്തിരിക്കാറായിരുന്നു അവര്‍ രണ്ടുപേരും. നല്ല വസ്ത്രങ്ങള്‍ വാങ്ങാമെന്ന നിലക്കാണ് ഡല്‍ഹിയിലേക്കു പോയത്. വീട്ടില്‍ നേരത്തെ തിരിച്ചെത്താമെന്ന് അവന്‍ ഉറപ്പു നല്‍കിയതാണ്. എന്നാല്‍ എന്റെ മോന്റെ മൃതദേഹമാണല്ലോ ഈ വീട്ടിലെത്തിയത്.’ ഹൃദയം തകര്‍ന്ന് ജുനൈദിന്റെ ഉപ്പ ജലാലുദ്ദീന്‍ പറയുന്നു.

അവന്‍ കൊച്ചു കുട്ടിയായിരുന്നിേല്ല. പതിനാറു വയസ്സല്ലെ അവനായിട്ടുളളു. എങ്ങിനെയാണ് അവര്‍ക്ക് എന്റെ കുഞ്ഞിനെ ഇത്ര ക്രൂരമായി കൊല്ലാന്‍ കഴിഞ്ഞത് ജലാലുദ്ദീന്‍ ചോദിച്ചു. ‘വിവരമറിഞ്ഞ് ഞാന്‍ ചെല്ലുമ്പോള്‍ ചോരയില്‍ കുളിച്ച സഹോദരന്റെ ശരീരവും മടിയില്‍ കിടത്തി സ്‌റ്റേഷനില്‍ ഇരിക്കുകയായിരുന്നു ഹാഷിം’.

വിളിക്കാന്‍ ചെല്ലാന്‍ ഷാക്കിര്‍( ജുനൈദിന്റെ മൂത്ത സഹോദരന്‍) ആവശ്യപ്പെട്ടതനുസരിച്ച് ജലാല്‍ സ്‌റ്റേഷനില്‍ ചെന്നിരുന്നു. അവിടെ എത്തിയപ്പോള്‍ ട്രയിന്‍ പോയിരുന്നു. ഷാക്കിറിനേയും കുട്ടികളെയും അവിടെ കാണുകയും ചെയ്തില്ല. എല്ലാവരുടെ ഫോണിലേക്കും മാറി മാറി വിളിച്ചു നോക്കി. ആരും എടുത്തില്ല. അവര്‍ വീട്ടിലേക്കു പോയിക്കാണും എന്ന് വിചാരിച്ചു. അവര്‍ക്കായി ഞാനിവിടെ തേടുമ്പോള്‍ അവരവിടെ ജീവനു വേണ്ടി മല്ലിടുകയാണെന്ന് ആരറിഞ്ഞു ജലാലിന്റെ വാക്കുകള്‍ കണ്ണീരായി.

lynched_547870ba-5885-11e7-8fa7-9af4fbfb1c71

വെള്ളിയാഴ്ച വരെ ജുനൈദിന്റെ ഉമ്മയോട് സംഭവം പറഞ്ഞിരുന്നില്ല. വിവരമറിഞ്ഞ് അയല്‍വാസികളായ സ്ത്രീകള്‍ വന്നിട്ടും അവള്‍ക്കൊന്നും മനസ്സിലായിരുന്നില്ല. സമയം കഴിഞ്ഞിട്ടും കുട്ടികള്‍ എത്താഞ്ഞ് അവള്‍ വേവലാതി പൂണ്ടപ്പോഴെല്ലാം ഞങ്ങള്‍ ഓരോന്ന് പറഞ്ഞൊഴിയുകയായിരുന്നു. മകന്റെ മൃതദേഹം വീട്ടില്‍ കൊണ്ടു വന്നപ്പോഴാണ് അവള്‍ വിവരമറിഞ്ഞത് ജലാല്‍ പറഞ്ഞു.

മകന്റെ മരണത്തിന്റെ ആഘാതത്തില്‍ നിന്ന് ഒട്ടും മോചിതയായിട്ടില്ല ഉമ്മ സൈറ. മനസ്സ് സമനിലയിലെത്തുമ്പോഴെല്ലാം അവന്റെ ശബ്ദം അവളെ തേടിയെത്തുന്നു. ഉമ്മ നല്‍കിയ സമ്മാനത്തുക വാങ്ങി ഉമ്മാനെ ഇറുകെ പിടിച്ച അവന്‍ തന്ന ഇഷ്ടങ്ങള്‍ അവളില്‍ ഇപ്പോള്‍ മുറിവാവുകയാണ്. ഇനി തന്റെ ജീവിത്തില്‍ ഇനിയൊരിക്കലും പെരുന്നാളിന്റെ സന്തോഷങ്ങളുണ്ടാവില്ലെന്ന് സൈറ ഈറനാവുന്നു. ഹാഫിള് ആവുകയെന്ന വലിയൊരു സ്വപ്‌നം പൂര്‍ത്തിയായതിന്റെ അടുത്ത ദിവസമാണവനെ..ഈ ക്രൂരതകളെ എങ്ങിനെയാണ് ന്യായീകരിക്കുക…ഈ നഷ്ടം എങ്ങിനെയാണ് ഞങ്ങള്‍ നികത്തുക
കണ്ണീരടക്കാനാവാതെ ജലാലും സൈറയും മൗനികളായി.

വ്യാഴാഴ്ച അര്‍ധരാത്രിയാണ് നോയിഡയിലെ അസോട്ടിയില്‍ ബല്ലഭ്ഗഡ് സ്വദേശി ഹാഫിസ് ജുനൈദ് കൊല്ലപ്പെടുന്നത്. ഓടുന്ന ട്രയിനില്‍ സംഘ്പരിവാര്‍ അക്രമികള്‍ കുത്തിക്കൊല്ലുകയായിരുന്നു. സഹോദരങ്ങളായ ഹാഷിമും ഷാക്കിറും കൂടെയുണ്ടായിരുന്നു. ബല്ലബ്ഗഡ് റെയില്‍വേ സ്‌റ്റേഷനില്‍ ഇറങ്ങേണ്ടിയിരുന്ന ഇവരെ തടഞ്ഞുവയ്ക്കുകയും അസോട്ടിയിലെത്തിയപ്പോള്‍ കൊലപ്പെടുത്തുകയുമായിരുന്നു. ആക്രമിച്ചശേഷം ജുനൈദടക്കമുള്ളവരെ ട്രെയിനിനുപുറത്തേക്കു തള്ളിയിട്ടു. ഗുരുതരമായി പരുക്കേറ്റ സഹോദരന്‍ ഷാക്കിര്‍ (24) എയിംസില്‍ ചികിത്സയിലാണ്. പെരുന്നാളിനായി ഡല്‍ഹിയില്‍നിന്നു സാധനങ്ങള്‍ വാങ്ങിയശേഷം മധുരയിലേക്കുള്ള ലോക്കല്‍ ട്രെയിനില്‍ മടങ്ങുകയായിരുന്നു ഇവര്‍.

തുഗ്ലക്കാബാദില്‍ നിന്ന് കയറിയ അഞ്ചംഗ സംഘ്പരിവാര്‍ സംഘം മുസ്‌ലിം വേഷം ധരിച്ച ഇവരോട് സീറ്റൊഴിഞ്ഞ് കൊടുക്കാന്‍ ആവശ്യപ്പെടുകയും തയാറാകാത്തതിനെ തുടര്‍ന്ന് വര്‍ഗീയമായി പരിഹസിക്കുകയും കൈവശം ബീഫ് ഉണ്ടെന്ന് ആരോപിച്ച് പ്രശന്മുണ്ടാക്കുകയുമായിരുന്നു. തുടര്‍ന്ന് ബല്ലഭ്ഗഡില്‍ ഇറങ്ങാന്‍ അനുവദിക്കാതെ തടഞ്ഞുവച്ചു. ഇതിനിടെയാണ് സംഘത്തിലെ രണ്ടുപേര്‍ കത്തിയെടുത്ത് കുത്തിയത്.

nadhirsha statement about actress attack case blackmailing
Posted by
24 June

ദിലീപിന് എതിരെ മൊഴി കൊടുക്കാന്‍ മലയാള സിനിമയിലെ പ്രമുഖ നടിമാരും നിമ്മാതാക്കളുമാണ് പണം വാഗ്ദാനം ചെയ്തത്: തന്നെ ഭീഷണിപ്പെടുത്തിയ ആള്‍ പറഞ്ഞതിനെ കുറിച്ച് നാദിര്‍ഷ

കൊച്ചി: യുവനടി കാറില്‍ ആക്രമിക്കപ്പെട്ട കേസില്‍ നടന്‍ ദീലിപിന്റെ പേരു പുറത്ത് പറയുമെന്ന് പറഞ്ഞ് പള്‍സര്‍ സുനിയുടെ സുഹൃത്ത് ഭീഷണിപ്പെടുത്തിയത് നാദിര്‍ഷയെ. ഏപ്രില്‍ ആദ്യ വാരം താന്‍ ബാംഗ്ലൂരില്‍ ഒരു ചടങ്ങില്‍ പങ്കെടുക്കാന്‍ പോയ സമയത്താണ് തനിക്ക് ഭീഷണി ഫോണ്‍ സന്ദേശം വന്നതെന്ന് നാദിര്‍ഷ പറഞ്ഞു. മലയാള സിനിമയിലെ പ്രമുഖ നടിമാരും നിമ്മാതാക്കളും ഉള്‍പ്പടെയുള്ള പ്രമുഖര്‍ ദിലീപിനെതിരെ മൊഴി കൊടുക്കാന്‍ പണം നല്‍കാമെന്ന് വാഗ്ദാനം ചെയ്തുവെന്നും അങ്ങനെ പറയാതിരിക്കണമെങ്കില്‍ കോടികള്‍ കൊടുക്കണമെന്നുമായിരുന്നു ഭീഷണിയെന്നും നാദിര്‍ഷ പറഞ്ഞു. ഭീഷണിപ്പെടുത്തിയ ആള്‍ പറഞ്ഞ പ്രമുഖരുടെ പേരുകള്‍ ഇപ്പോള്‍ വെളിപ്പെടുത്താനാവില്ലെന്നും അങ്ങനെ ചെയ്താല്‍ മലയാള സിനിമയിലെ ഷൂട്ടിങ് പോലും നില്‍ക്കുമെന്നും നാദിര്‍ഷ കൂട്ടിച്ചേര്‍ത്തു.

പള്‍സര്‍ സുനിയുടെ സുഹൃത്താണെന്നും പേര് വിഷ്ണുവെന്നാണെന്നുമാണ് വിളിച്ചയാള്‍ അവകാശപ്പെട്ടത്. നടി ആക്രമിക്കപ്പെട്ട കേസില്‍ ദിലീപിന്റെ പേരു പറയാന്‍ സിനിമാ മേഖലയിലെ പ്രമുഖര്‍ നിര്‍ബന്ധിക്കുന്നുണ്ടെന്നും അപ്രകാരം ചെയ്താല്‍ പണം തരാമെന്ന് അവര്‍ പറയുകയും ചെയ്തതായി ഇയാള്‍ പറഞ്ഞു. സംശയം തോന്നിയതിനാല്‍ ആ സംഭാഷണം റെക്കോര്‍ഡ് ചെയ്തു. ദിലീപിന്റെ പേര് പറയാതിരിക്കണമെങ്കില്‍ അവര്‍ക്ക് പണം കൊടുക്കണമെന്ന നിലയ്ക്കാണ് അയാള്‍ അന്നു സംസാരിച്ചത്. ഞങ്ങള്‍ അമേരിക്കയില്‍ പോകുന്നതിന് മുമ്പ് തന്നെ ഈ സംഭാഷണങ്ങള്‍ ഉള്‍പ്പടെയുള്ള തെളിവുകള്‍ സഹിതം പൊലീസില്‍ പരാതി നല്‍കിയിരുന്നു. നാദിര്‍ഷ പറഞ്ഞു. സിനിമാ മേഖലയിലുള്ള എല്ലാവര്‍ക്കും വേണ്ടിയാണ് തങ്ങള്‍ പോരാടുന്നതെന്നും സത്യം പുറത്തു വരണമെന്നും ദിലീപ് പറഞ്ഞു.

Again Moral policing in Kollam
Posted by
24 June

നാണക്കേടായി വീണ്ടും കൊല്ലത്ത് സദാചാര ഗുണ്ടായിസം; സ്ത്രീയെ കെട്ടിയിട്ട് മര്‍ദ്ദിച്ചു

കൊല്ലം: കേരളത്തിന് ഒട്ടാകെ നാണക്കേടായി കൊല്ലത്ത് വീണ്ടും സദാചാര ഗുണ്ടായിസം. കൊല്ലം ചിതറയിലാണ് സ്ത്രീയെ മരത്തില്‍ കെട്ടിയിട്ട് സദാചാര ഗുണ്ടകളുടെ അതിക്രമം. രണ്ട് മണിക്കുറോളം മരത്തില്‍ കെട്ടിയിട്ട് മര്‍ദ്ദിച്ചു എന്ന് യുവതി പരാതിപ്പെട്ടു. വീട്ടില്‍ അതിക്രമിച്ച് കയറി വീട്ടിലുണ്ടായിരുന്ന മകന്റെ സുഹൃത്തിനെയും സദാചാര ഗുണ്ടകള്‍ മരത്തില്‍ കെട്ടിയിടുകയും മര്‍ദ്ദിക്കുകയും ചെയ്തു.

അക്രമിസംഘം ചിത്രങ്ങളെടുത്ത് പ്രചരിപ്പിക്കുന്നതായി യുവതി ആരോപിച്ചു. സംഭവത്തെക്കുറിച്ച് പോലീസില്‍ പരാതി നല്‍കിയിട്ടും നടപടിയെടുത്തില്ലെന്നും പരാതിയുണ്ട്.

കൊല്ലത്ത് ഈ വര്‍ഷം ഫെബ്രുവരിയില്‍ സദാചാരഗുണ്ടകളുടെ ആക്രമണത്തിന് ഇരയായ അട്ടപ്പാടി സ്വദേശിയായ യുവാവ് ആത്മഹത്യ ചെയ്തിരുന്നു. കൊല്ലം അഴീക്കലില്‍ വലന്റൈന്‍സ് ദിനത്തിലാണ് അനീഷിനും കൂട്ടുകാരിക്കും നേരെ സദാചാര ഗുണ്ടകളുടെ ആക്രമണം ഉണ്ടായത്.

ഇരുവരെയും പിടികൂടി മര്‍ദ്ദിക്കുകയും ഒരുമിച്ച് നിര്‍ത്തി വീഡിയോ എടുത്ത് സമൂഹമാധ്യമങ്ങളിലൂടെ തെറ്റായ രീതിയില്‍ പ്രചരിപ്പിക്കുകയുമായിരുന്നു. ഇതിന്റെ മനോവേദനയില്‍ യുവാവ് ആത്മഹത്യ ചെയ്തത് കേരളത്തിന്റെ മനഃസാക്ഷിക്ക് ഏറ്റ മുറിവായിരുന്നു.

dileep-and-nadirasha file police-complaint-against-pulsar-suni-co-prisoner on actress attack issue
Posted by
24 June

കേസില്‍ കുടുക്കാതിരിക്കാന്‍ ഒന്നരക്കോടി രൂപ നല്‍കണം, നടി ആക്രമിക്കപ്പെട്ട കേസില്‍ തങ്ങളെ ബ്ലാക്ക്‌മെയില്‍ ചെയ്യുന്നു; പോലീസില്‍ പരാതിയുമായി നടന്‍ ദിലീപും സംവിധായകന്‍ നാദിര്‍ഷായും

കൊച്ചി: യുവനടിയെ തട്ടിക്കൊണ്ടുപോയി ആക്രമിച്ച കേസില്‍ പ്രതിയായി ജയിലിലുള്ള പള്‍സര്‍ സുനിയുടെ സഹതടവുകാരന്‍ ബ്ലാക്കമെയില്‍ ചെയ്യുന്നുവെന്ന് കാണിച്ച് നടന്‍ ദിലീപും സംവിധായകന്‍ നാദിര്‍ഷായും പോലീസിന് പരാതി നല്‍കി. ദീലീപിനെ കുടുക്കാതിരിക്കാന്‍ ഒന്നരക്കോടി രൂപ ആവശ്യപ്പെട്ടെന്ന് നാദിര്‍ഷാ മാധ്യമങ്ങളോട് പറഞ്ഞു. സനിമാ രംഗത്തെ താരങ്ങള്‍ ഉള്‍പ്പെടെ ചിലരാണ് ഇതിന് പിന്നിലെന്നും ഫോണിലൂടെ തന്നോട് പറഞ്ഞതായും നാദിര്‍ഷാ പറഞ്ഞു. തനിക്ക് രണ്ടര കോടി രൂപ വരെ തരാന്‍ ആണുണ്ടെന്നു പറഞ്ഞു. വിഷ്ണു എന്ന സഹതടവുകാരന്‍ ആണ് തങ്ങളെ വിളിച്ചതെന്ന് നാദിര്‍ഷ പറഞ്ഞു.

ഇവരുടെ ഫോണ്‍വിളികള്‍ അടക്കം ഭീഷണിയെ കുറിച്ചുള്ള മുഴുവന്‍ വിവരങ്ങള്‍ പോലീസിന് കൈമാറിയെന്ന് നടന്‍ ദിലീപ് പ്രതികരിച്ചു. തന്റെ സഹായിയെയും നാദിര്‍ഷായെയുമാണ് വിളിച്ചത്. തുടരന്വേഷണം തന്റെ പരാതിയുടെ അടിസ്ഥാനത്തിലാണ്. പരാതി നല്‍കിയത് രണ്ട് മാസം മുമ്പാണ്. തന്റെ സിനിമകള്‍ തകര്‍ക്കാന്‍ ഗൂഢാലോചന നടക്കുന്നു. പൊലീസ് ഇക്കാര്യങ്ങള്‍ അന്വേഷിച്ച് സത്യം പുറത്ത് വരുമെന്നാണ് താന്‍ കരുതുന്നതെന്നും ദിലീപ് പറഞ്ഞു. പള്‍സര്‍ സുനി ജയിലിനകത്ത് വച്ച് നല്‍കിയ വിവരങ്ങളുടെ അടിസ്ഥാനത്തില്‍ നടിയുടെ മൊഴി വീണ്ടും എടുത്തിരുന്നു, നേരത്തെ നല്‍കിയ മൊഴിയില്‍ നിന്ന് വ്യത്യസ്തമായ മൊഴിയാണ് നടി നല്‍കിയതെന്ന് റിപ്പോര്‍ട്ടുകളുണ്ടായിരുന്നു.

നടി ആക്രമിക്കപ്പെട്ട സംഭവത്തില്‍ ഗൂഢാലോചനയുണ്ടെന്ന് പള്‍സര്‍ സുനിയുടെ സഹതടവുകാരന്‍ പൊലീസിനു മൊഴി നല്‍കിയിരുന്നു. സഹതടവുകാരന്‍ ജിംസണ്‍ ആണ് മൊഴി നല്‍കിയത്. പള്‍സര്‍ സുനി ജയിലില്‍ മൊബൈല്‍ ഫോണ്‍ ഉപയോഗിക്കുന്നുണ്ടെന്നും പൊലീസ് വിവരം ലഭിച്ചു.
ജിംസണ്‍ ഇപ്പോള്‍ നല്‍കിയിട്ടുള്ള മൊഴിയില്‍ സിനിമാക്കാരുടെ പേരുകളില്ലെന്നാണ് ഇപ്പോള്‍ ലഭിക്കുന്ന റിപ്പോര്‍ട്ടുകള്‍. എന്താണ് നടന്നതെന്ന് വ്യക്തമാക്കുന്ന കത്ത് പള്‍സര്‍ പുറത്ത് വിട്ടുവെന്നും സൂചനയുണ്ട്. മറ്റൊരു തടവുകാരന്‍ മുഖേനെയാണ് കത്ത് പുറത്ത് വിട്ടത്.

veliyancode juma masjid car attack, one killed 2 peoples are critical condition
Posted by
23 June

വെളിയങ്കോട് ഉമര്‍ഖാസി പള്ളിയിലേക്ക് കാര്‍ ഇടിപ്പിച്ച് കയറ്റിയ സംഭവം; പരിക്കേറ്റ മൂന്ന് പേരില്‍ ഒരാള്‍ മരിച്ചു, മറ്റു രണ്ടു പേരുടെ നില ഗുരുതരമായി തുടരുന്നു

പൊന്നാനി: വെളിയങ്കോട് ഉമര്‍ഖാസി ജുമാ മസ്ജിദിലേക്ക് കാര്‍ ഇടിപ്പിച്ച് കയറ്റിയ സംഭവത്തില്‍ ഗുരുതരമായി പരുക്കേറ്റ ഒരാള്‍ മരിച്ചു. മറ്റു രണ്ടു പേരുടെ നില ഗുരുതരമായി തുടരുന്നു. വെളിയംകോട് സ്വദേശി കല്ലം വളപ്പില്‍ മരക്കാര്‍ (60) ആണ് മരിച്ചത് . വെളിയംകോട് ലൈഫ് ലൈന്‍ പ്രവര്‍ത്തകര്‍ ഇയാളെ അപകടം നടന്നയുടനെ തൃശൂര്‍ മെഡിക്കല്‍ കോളേജില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.

unnamed (5)

വെള്ളിയാഴ്ച ഉച്ചയോടെയായിരുന്നു സംഭവം. വെളിയങ്കോട് ഉമര്‍ഖാസി ജുമാ മസ്ജിദിനു മുമ്പില്‍ ജുമുഅ നമസ്‌കാരത്തിന് ശേഷമാണ് യുവാവ് കാറുമായി പരാക്രമം കാട്ടിയത് . പള്ളികകത്തേക്ക് കാര്‍ കൊണ്ടു പോകണമെന്ന് യുവാവ് വാശി പിടിച്ചെങ്കിലും, സെക്യൂരിറ്റി ജീവനക്കാരന്‍ ഇത് തടയുകയായിരുന്നു . തുടര്‍ന്ന് യുവാവ് സ്പീഡില്‍ കാര്‍ പിറകോട്ട് എടുക്കുമ്പോള്‍ റോഡരികിലൂടെ പോവുകയായിരുന്ന കാല്‍നടയാത്രക്കാരെ ഇടിച്ചു തെറിപ്പിക്കുകയായിരുന്നു. അപകടത്തില്‍ മൂന്ന് പേര്‍ക്കായിരുന്നു പരിക്കേറ്റത്.

വാഹനം ഓടിച്ച ഹബീബ് റഹ്മാൻ

വാഹനം ഓടിച്ച ഹബീബ് റഹ്മാൻ

ഇതോടെ രോഷാകുലരായ നാട്ടുകാര്‍ കാര്‍ അടിച്ചു തകര്‍ത്തിരുന്നു. പോലീസെത്തി യുവാവിനെ കസ്റ്റഡിയിലെടുത്തു. യുവാവ് മദ്യലഹരിയിലായിരുന്നുവെന്നാണ് നാട്ടുകാര്‍ പറയുന്നത്. പൊന്നാനി കോടതിപ്പടി സ്വദേശിയായ മഠത്തില്‍ പറമ്പില്‍ ഹബീബ് റഹ്മാനാണ് (32) വാഹനം ഓടിച്ചിരുന്നത്. കൂടെ യാത്രചെയ്തിരുന്ന മറ്റു രണ്ടുപേര്‍ അപകടം നടന്നയുടനെ ഓടിരക്ഷപ്പെട്ടു. ഇവര്‍ക്കായി പോലീസ് തിരച്ചില്‍ ഊര്‍ജിതമാക്കിയിട്ടുണ്ട്

ഫാത്വിമയാണ് അപകടത്തില്‍ മരണപ്പെട്ട മരക്കാറിന്റെ ഭാര്യ,മക്കള്‍: നൗഷാദ്, നൗഫല്‍, ഫിറോസ്, ഷരീഫ്, നൗഷജ, നൗഫിറ, മരുമക്കള്‍ : മജീദ്, സക്കീര്‍,
റഹീന, മുബീന, സുല്‍ഫി. ശനിയാഴ്ച രണ്ട് മണിക്ക് വെളിയംകോട് കോയസ്സന്‍ മരക്കാര്‍ ജുമാ മസ്ജിദില്‍ ഖബറടക്കും.

car attack against veliyancode jumuah masjid
Posted by
23 June

വെളിയങ്കോട് ഉമര്‍ഖാസി പള്ളിയിലേക്ക് കാര്‍ ഇടിപ്പിച്ച് കയറ്റാന്‍ ശ്രമം, മൂന്നുപേര്‍ക്ക് പരുക്ക്; ജനക്കൂട്ടം കാര്‍ അടിച്ചു തകര്‍ത്തു

പൊന്നാനി: വെളിയങ്കോട് ഉമര്‍ഖാസി ജുമാ മസ്ജിദിലേക്ക് കാര്‍ ഇടിപ്പിച്ച് കയറ്റാന്‍ ശ്രമം. കാര്‍ ഇടിപ്പിച്ച് കയറ്റാന്‍ ശ്രമിക്കുന്നതിനിടയില്‍ മൂന്നു പേരെ ഇടിച്ചു തെറിപ്പിച്ചു. ഇതോടെ ക്ഷുഭിതരായ നാട്ടുകാര്‍ കാര്‍ അടിച്ചു തകര്‍ത്തു.

വെള്ളിയാഴ്ച ഉച്ചയോടെയാണ് സംഭവം. വെളിയങ്കോട് ഉമര്‍ഖാസി ജുമാ മസ്ജിദിനു മുമ്പില്‍ ജുമുഅ നമസ്‌കാരത്തിന് ശേഷമാണ് യുവാവ് കാറുമായി പരാക്രമം കാട്ടിയത്. പള്ളികകത്തേക്ക് കാര്‍ കൊണ്ടു പോകണമെന്ന് യുവാവ് വാശി പിടിച്ചെങ്കിലും, സെക്യൂരിറ്റി ജീവനക്കാരന്‍ ഇത് തടയുകയായിരുന്നു.

തുടര്‍ന്ന് യുവാവ് സ്പീഡില്‍ കാര്‍ പിറകോട്ട് എടുക്കുമ്പോള്‍ റോഡരികിലൂടെ പോവുകയായിരുന്ന കാല്‍നടയാത്രക്കാരെ ഇടിച്ചു തെറിപ്പിക്കുകയായിരുന്നു. അപകടത്തില്‍ മൂന്ന് പേര്‍ക്ക് പരിക്കേറ്റു.

ഇതോടെ രോഷാകുലരായ നാട്ടുകാര്‍ കാര്‍ അടിച്ചു തകര്‍ത്തു. പോലീസെത്തി യുവാവിനെ കസ്റ്റഡിയിലെടുത്തു. യുവാവ് മദ്യലഹരിയിലായിരുന്നുവെന്നാണ് നാട്ടുകാര്‍ പറയുന്നത്.

unnamed (4)

muslim Man killed on train for ‘carrying beef’, railway cops say fight over seats
Posted by
23 June

നോമ്പ് തുറക്കാന്‍ ബീഫ് വാങ്ങിയെന്നാരോപിച്ച് മുസ്ലീം യുവാവിനെ കുത്തിക്കൊന്നു; മൂന്ന് പേര്‍ക്കു പരിക്ക്

ന്യുഡല്‍ഹി: ബീഫ് കയ്യില്‍ സൂക്ഷിച്ചതായി ആരോപിച്ച് മുസ്ലീം യുവാവിനെ ഒരു സംഘം കുത്തി കൊന്നു. കൂടെയുണ്ടായിരുന്ന ബന്ധുകളായ മൂന്ന് യുവാക്കളെ അക്രമിക്കുകയും ചെയ്തു. പെരുന്നാളിന് മുന്നോടിയായി ന്യൂഡല്‍ഹിയിലെ തുഗ്ലക്ക് ബാദില്‍നിന്ന് ഷോപ്പിങ് നടത്തി വീട്ടിലേക്ക് മടങ്ങുന്നതിനിടെയാണ് സംഭവം. ഇവരുടെ കയ്യില്‍ നോമ്പുതുറക്കായി വാങ്ങിയ ബീഫുണ്ടെന്ന് ആരോപിച്ച് ട്രെയിനിലെ സഹ യാത്രക്കാര്‍ ഇവരുമായി തര്‍ക്കത്തില്‍ ഏര്‍പ്പെട്ടു. തര്‍ക്കത്തിനിടയിലാണ് ഒരാള്‍ കത്തി കൊണ്ട് ആക്രമിച്ചത്. പരുക്കേറ്റവരെ ആശുപത്രിയിലേക്ക് കൊണ്ടുപോയെങ്കിലും ഒരാള്‍ മരിച്ചുവെന്ന് പോലീസ് ഉദ്യോഗസ്ഥന്‍ പറഞ്ഞു.

ഹരിയാന സ്വദേശിയായ ജുനൈദാണ് കൊല്ലപ്പെട്ടത്. ഇദ്ദേഹത്തിന്റെ സഹോദരങ്ങളായ ഹാഷിം, ഷാക്വിര്‍ എന്നിവര്‍ക്കും മോയിന്‍ എന്ന ആള്‍ക്കുമാണ് പരുക്കേറ്റത്. അതേസമയം, സീറ്റിനെ ചൊല്ലിയുള്ള തര്‍ക്കമാണ് കൊലപാതകത്തില്‍ കലാശിച്ചതെന്നാണ് പോലീസിന്റെ ഭാഷ്യം.പിന്നീടാണ് അവരുമായി ബീഫിനെ കുറിച്ച് തര്‍ക്കമുണ്ടായത്. തുടര്‍ന്ന് ചിലര്‍ കത്തിയെടുത്ത് കുത്തുകയായിരുന്നുവെന്ന് പോലീസ് പറയുന്നു.

ഉത്തപ്രദേശില്‍ മുഹമ്മദ് അഖ്‌ലക് എന്ന മധ്യവയസ്‌കനെ ബീഫ് സൂക്ഷിച്ചുവെന്ന് പറഞ്ഞ് സംഘപരിവാറിന്റെ നേത്യത്വത്തിലുള്ള ഗോ രക്ഷാ സേന വീട്ടില്‍ കയറി തല്ലി കൊന്നിരുന്നു. പിന്നീട് പരിശോധനയില്‍ ബീഫല്ല മറിച്ച് ആട്ടിറച്ചിയാണെന്ന് തെളിഞ്ഞിരുന്നു. ഹിന്ദു മത വിശ്വാസികള്‍ വിശുദ്ധമായി കാണുന്ന പശു വലിയൊരു രാഷ്ട്രീയ വിഷയമാണ്. പ്രധാനമന്ത്രിയായി നരേന്ദ്രമോഡി സ്ഥാനമേറ്റത്തിന് ശേഷം ബിജെപി ഭരിക്കുന്ന സംസ്ഥാനങ്ങളില്‍ ഗോവധം നിരോധിച്ചീട്ടുണ്ട്. ഗോവധ നിരോധന നിയമം ദളിതര്‍ക്കും മുസ്ലീമുകള്‍ക്കുമെതിരെയുള്ള യുദ്ധമാണെന്നും വിമര്‍ശനം ഉയരുന്നുണ്ട്.
കേരളത്തിലും ചില വടക്ക് കിഴക്കന്‍ സംസ്ഥാനങ്ങളിലും ഒഴികെ എല്ലാ സംസ്ഥാനങ്ങളിലും കറവയുള്ള പശുകളെ അറക്കുന്നതിന് നിരോധനമുണ്ട്.

adgp b sandhya take statement again actress who is attackecd in kochi
Posted by
23 June

കൊച്ചിയില്‍ ആക്രമിക്കപ്പെട്ട നടിയുടെ മൊഴി എഡിജിപി ബി സന്ധ്യ വീണ്ടും രേഖപ്പെടുത്തി, സൂപ്പര്‍താരം കൂടുതല്‍ കുടുക്കിലേക്ക്, നടിക്ക് നീതിലഭിക്കാന്‍ പോരാടുന്ന മഞ്ജു വാര്യര്‍ക്ക് പിന്നില്‍ മോഹന്‍ലാല്‍ എന്നും സൂചന

കൊച്ചി: യുവനടി ആക്രമിക്കപ്പെട്ട സംഭവത്തില്‍ ഞെട്ടിപ്പിക്കുന്ന വഴിത്തിരിവുകള്‍. നടിയെ ആക്രമിച്ചതിന് പിന്നിലെ ഗൂഢാലോചനയെ സംബന്ധിച്ച് പോലീസിന് വ്യക്തമായ തെളിവുകള്‍ ലഭിച്ചുകഴിഞ്ഞു എന്നാണ് സൂചനകള്‍. അതിനിടെ കേസന്വേഷണം എഡിജിപി ബി സന്ധ്യയുടെ നേതൃത്വത്തില്‍ ഊര്‍ജ്ജിതമാക്കി. ആക്രമിക്കപ്പെട്ട നടിയുടെ മൊഴി വീണ്ടും രേഖപ്പെടുത്തി. മലയാള സിനിമയെ തന്നെ ഞെട്ടിപ്പിക്കുന്ന വിവരങ്ങളായിരിക്കും വരും ദിവസങ്ങളില്‍ പുറത്ത് വരിക എന്നാണ് റിപ്പോര്‍ട്ട്. പള്‍സര്‍ സുനി സഹതടവുകാരനോട് വെളിപ്പെടുത്തി എന്ന് പറയുന്ന കാര്യങ്ങള്‍ സത്യമായാല്‍ മലയാള സിനിമ ലോകം തന്നെ ഞെട്ടിവിറക്കും.

ആക്രമിക്കപ്പെട്ട നടിയുടെ മൊഴി എഡിജിപി ബി സന്ധ്യ സന്ധ്യയുടെ നേതൃത്വത്തില്‍ വീണ്ടും രേഖപ്പെടുത്തി. ആലുവ പോലീസ് ക്ലബ്ബില്‍ വച്ചായിരുന്നു ജൂണ്‍ 23 ന് മൊഴി രേഖപ്പെടുത്തിയത്. മഞ്ജു വാര്യരുമൊന്നിച്ച് വിദേശത്ത് പോകുന്നതിനാല്‍ നടിയുടെ മൊഴി അതിവേഗം രേഖപ്പെടുത്തുകയായിരുന്നു. കേസ് അട്ടിമറിക്കാന്‍ അണിയറയില്‍ കോടികള്‍ ഒഴുക്കുന്നത് തിരിച്ചറിഞ്ഞായിരുന്നു പോലീസിന്റെ നീക്കം എന്നാണറിയുന്നത്. വിദേശത്ത് പോകുന്ന നടിയെ ഇനിയാര്‍ക്കും ബന്ധപ്പെടാന്‍ അവസരമുണ്ടാകില്ലെന്നതും പോലീസ് പ്രതീക്ഷയോടെയാണ് കാണുന്നത്.

അതീവ രഹസ്യമായാണ് കേസ് അന്വേഷണം പുരോഗമിക്കുന്നത്. പഴുതുകള്‍ അടയ്ക്കുന്ന തെളിവുകള്‍ കിട്ടിയാല്‍ ഉടന്‍ ആരോപണ വിധേയരെ പോലീസ് അറസ്റ്റ് ചെയ്യും. അതിന് മുമ്പ് നടനേയും സംവിധായകനേയും പോലീസ് ചോദ്യം ചെയ്യാനും സാധ്യതയുണ്ട്. മൊഴി കൊടുത്ത നടിയുടെ വിദേശ യാത്ര മഞ്ജുവിനൊപ്പമാണെന്നത് നടനേയും കൂട്ടരേയും അലോസരപ്പെടുത്തുന്നുണ്ട്. സ്വകാര്യ ചടങ്ങിന് പോകുന്ന ഇവര്‍ക്കൊപ്പം മലയാള സിനിമയിലെ പ്രമുഖരും ഉണ്ട്. ഈ യാത്രയോടെ സിനിമാ ലോകം മുഴുവന്‍ നടിക്ക് പിന്നില്‍ അണിനിരക്കുമോ എന്ന സംശയവും നടനും ആരോപണ വിധേയനനായ സംവിധായകനും വച്ചു പുലര്‍ത്തുന്നു. അതുണ്ടായാല്‍ അന്വേഷണം അട്ടിമറിക്കാനുള്ള നീക്കവും പൊളിയും. പള്‍സര്‍ സുനി തുറന്നു പറച്ചിലുകളില്‍ ഉറച്ചു നിന്നാല്‍ നടന്‍ കുടുങ്ങുമെന്ന് ഉറപ്പാണ്. ഇക്കാര്യം ചലിച്ചിത്ര ലോകവും തിരിച്ചറിയുന്നു. അതിനാല്‍ ആരോപണ വിധേയരില്‍ നിന്നും അകലം പാലിക്കാനാണ് ഏവരുടേയും തീരുമാനം.

നടിക്കും മഞ്ജു വാര്യര്‍ക്കുമൊപ്പം മോഹന്‍ലാലും യുകെയില്‍ പരിപാടിക്ക് പങ്കെടുക്കേണ്ടതായിരുന്നു. എന്നാല്‍ അവസാന നിമിഷം പിന്മാറി. കേസുമായി ബന്ധപ്പെട്ട് മഞ്ജുവിന് പിന്തുണ നല്‍കുന്നത് മോഹാന്‍ലാലാണെന്ന പ്രചരണം ശക്തമായിരുന്നു. ഈ സാഹചര്യത്തിലാണ് വിവാദങ്ങളും മറ്റും ഒഴിവാക്കാന്‍ മോഹന്‍ലാല്‍ യുകെ യാത്ര ഒഴിവാക്കിയതെന്നും സൂചനയുണ്ട്. ഏതായാലും എഡിജിപി സന്ധ്യയുടെ അന്വേഷണത്തെ ഗൗരവത്തോടെയാണ് സിനിമാ ലോകം കാണുന്നത്. ഒരു തരത്തിലുമുള്ള സമ്മര്‍ദ്ദങ്ങള്‍ക്കും വഴങ്ങേണ്ടതില്ലെന്ന് ഡിജിപി സെന്‍കുമാര്‍, സന്ധ്യക്ക് നിര്‍ദ്ദേശം നല്‍കിയിട്ടുണ്ട്. മുഖ്യമന്ത്രിയും ഉറച്ച നിലപാടിലാണ്. ഈ സാഹചര്യത്തിലായിരുന്നു മൊഴിയെടുക്കല്‍.