147 കിലോ ഭാരമുള്ള സ്ത്രീ ആറു വയസുകാരിയുടെ ദേഹത്ത് കയറിയിരുന്നു: കുട്ടിക്ക് ദാരുണാന്ത്യം
Posted by
17 October

147 കിലോ ഭാരമുള്ള സ്ത്രീ ആറു വയസുകാരിയുടെ ദേഹത്ത് കയറിയിരുന്നു: കുട്ടിക്ക് ദാരുണാന്ത്യം

ഫ്‌ളോറിഡ: അച്ചടക്കം പഠിപ്പിക്കുന്നതിനായി 147 കിലോ ഭാരമുള്ള സ്ത്രീ ആറ് വയസുകാരിയുടെ ദേഹത്ത് കയറിയിരുന്നു. ഇതിനെ തുടര്‍ന്ന് ശ്വാസ തടസ്സം അനുഭവപ്പെട്ട കുഞ്ഞ് മരിച്ചു. ആശുപത്രിയിലേക്ക് കൊണ്ട് പോകുന്നതിനിടയിലാണ് മരണം സംഭവിച്ചത്. കഴിഞ്ഞ ദിവസം ഫ്‌ളോറിഡയിലാണ് സംഭവം.

കുടുംബാഗമായ വേറോനിക്ക എന്ന സ്ത്രീയാണ് കുട്ടി വികൃതി കാണിച്ചപ്പോള്‍ അച്ചടക്കം പഠിപ്പിക്കുന്നതിനായി ദേഹത്ത് കയറി ഇരുന്നത്. അല്‍പ സമയത്തിനു ശേഷം എഴുന്നേറ്റപ്പോള്‍ കുട്ടിയുടെ ശ്വാസോച്ഛ്വാസം നിലച്ചിരുന്നു. ഉടനെ സിപിആര്‍ നല്‍കി ആശപത്രിയേക്ക് എത്തിച്ചെങ്കിലും ജീവന്‍ രക്ഷിക്കാനായില്ല.

കുട്ടിയോടു ക്രൂരത കാണിച്ചു എന്ന കുറ്റം ചുമത്തി വെറോനിക്കയെ പൊലീസ് അറസ്റ്റ് ചെയ്തു. കുട്ടിക്കു നേരെ നടന്ന ക്രൂരത റിപ്പോര്‍ട്ട് ചെയ്യാതിരുന്നതിനും, ചൈല്‍ഡ് നെഗ് ലറ്റിനും മാതാപിതാക്കളുടെ പേരിലും പൊലീസ് കേസെടുത്തു. എസ് കാംമ്പിക കൗണ്ടി ജയിലിടച്ച മൂന്ന് പേരില്‍ വെറോനിക്കായെ 12,5000 ഡോളര്‍ ജാമ്യത്തില്‍ വിട്ടയച്ചു. കുട്ടിയുടെ മരണത്തെക്കുറിച്ചു ഫ്‌ലോറിഡാ ഡിപ്പാര്‍ട്ട്‌മെന്റ് ഓഫ് ചില്‍ഡ്രന്‍ ആന്റ് ഫാമിലിസ് അന്വേഷണം ആരംഭിച്ചു

 

ഒരു കുടുംബത്തിലെ അഞ്ചു പേരെ മരിച്ച നിലയില്‍ കണ്ടെത്തി, അഞ്ചു പേരുടെയും മൃതദേഹങ്ങള്‍ കണ്ടെടുത്തത് വിവിധ സ്ഥലത്ത് നിന്ന്
Posted by
17 October

ഒരു കുടുംബത്തിലെ അഞ്ചു പേരെ മരിച്ച നിലയില്‍ കണ്ടെത്തി, അഞ്ചു പേരുടെയും മൃതദേഹങ്ങള്‍ കണ്ടെടുത്തത് വിവിധ സ്ഥലത്ത് നിന്ന്

ഹൈദരാബാദ്: നാലു വയസുകാരനുള്‍പ്പെടെ കുടുംബത്തിലെ അഞ്ചു പേരെ മരിച്ച നിലയില്‍ കണ്ടെത്തി. ഹൈദരാബാദിലെ നര്‍സിംഗി അതിര്‍ത്തി പ്രദേശത്ത് ഇന്ന് രാവിലെയാണ് മൃതദേഹങ്ങള്‍ കണ്ടെത്തിയത്. ആത്മഹത്യയാണോ കൊലപാതകമാണോ എന്ന് സ്ഥിരീകരിച്ചിട്ടില്ല.

പ്രഭാകര്‍ റെഡ്ഡി(30) , ഇയാളുടെ നാലു വയസുകാരനായ മകന്‍ എന്നിവരുടെ മൃതദേഹം കാറിനുള്ളില്‍ നിന്നാണ് കണ്ടെടുത്തത്. കുറച്ച് കിലോമീറ്റര്‍ മാറിയാണ് റെഡ്ഡിയുടെ ഭാര്യയുടെയും മറ്റ് രണ്ട് ബന്ധുക്കളായ സ്ത്രീകളുടെയും മൃതദേഹം കണ്ടെത്തിയത്.

റെഡ്ഡിയ്ക്കും കുടുംബത്തിനും സാമ്പത്തിക പ്രശ്‌നങ്ങള്‍ ഉണ്ടായിരുന്നതായി പ്രാഥമിക അന്വേഷണത്തില്‍ നിന്നും വ്യക്തമായി. സംഭവവുമായി ബന്ധപ്പെട്ട് റെഡ്ഡിയുടെ പരിചയക്കാരായ രണ്ടു പേരെ പൊലിസ് ചോദ്യം ചെയ്തു.

ഇന്നലെ ഉച്ചയ്ക്ക് രണ്ട് മണിയോടെ റെഡ്ഡിയുടെ കോള്‍ വന്നിരുന്നു. തങ്ങള്‍ പുറത്തുപോവുകയായിരുന്നുവെന്ന് അദ്ദേഹം പറഞ്ഞു. എന്നാല്‍ നാലു മണിക്കൂറുകള്‍ക്കു ശേഷം തങ്ങള്‍ തിരികെ വീട്ടിലേക്ക് മടങ്ങുകയാണെന്ന് അദ്ദേഹം വിളിച്ചുപറഞ്ഞുവെന്നും ഇവരില്‍ ഒരാള്‍ പൊലിസിനോട് പറഞ്ഞു.

പെണ്‍കുഞ്ഞായതിനാല്‍ മാതാപിതാക്കള്‍ ചവറ്റുകൂനയില്‍ ഉപേക്ഷിച്ച നവജാത ശിശു ഉറുമ്പരിച്ച നിലയില്‍; രക്ഷകരായി നാട്ടുകാര്‍
Posted by
17 October

പെണ്‍കുഞ്ഞായതിനാല്‍ മാതാപിതാക്കള്‍ ചവറ്റുകൂനയില്‍ ഉപേക്ഷിച്ച നവജാത ശിശു ഉറുമ്പരിച്ച നിലയില്‍; രക്ഷകരായി നാട്ടുകാര്‍

ഭോപ്പാല്‍: നവജാത ശിശുവിനെ ചവറ്റുകൂനയില്‍ ഉറുമ്പരിച്ച നിലയില്‍ കണ്ടെത്തി. കുഞ്ഞിനെ നാട്ടുകാര്‍ രക്ഷപ്പെടുത്തി ആശുപത്രിയില്‍ പ്രവേശിപ്പിച്ചു. ഭോപ്പാലിലാണ് സംഭവം. ചവറ്റുകൂനയില്‍തുണിയില്‍ പൊതിഞ്ഞ നിലയിലായിരുന്നു പെണ്‍കുഞ്ഞിനെ കണ്ടെത്തിയത്. കരച്ചില്‍ കേട്ടെത്തിയ നാട്ടുകാരാണ് കുഞ്ഞിനെ കണ്ടെത്തിയത്. പെണ്‍കുഞ്ഞായതിനാലാകാം മാതാപിതാക്കള്‍ ഉപേക്ഷിച്ചതെന്ന് പോലീസ് സംശയം പ്രകടിപ്പിച്ചു.

കുഞ്ഞിനെ കണ്ടെത്തിയ ധീരജ് റാത്തോര്‍ എന്ന യുവാവ് പറയുന്നതിങ്ങനെ: കരച്ചില്‍ കേട്ട് ചെന്നപ്പോള്‍ കണ്ടത് ശരീരമാകെ ഉറുമ്പരിച്ച നിലയില്‍ കിടക്കുന്ന കുഞ്ഞിനെയായിരുന്നു. സുഹൃത്തുക്കളുടെ സഹായത്തോടെ കുഞ്ഞിന്റെ ശരീരത്തില്‍ നിന്നും ഉറുമ്പുകളെ നീക്കം ചെയ്യുകയാണ് ആദ്യം ചെയ്തത്. തുടര്‍ന്ന് അടുത്തുള്ള ആശുപത്രിയില്‍ പ്രവേശിപ്പിച്ചെന്നും റോത്തോര്‍ പറയുന്നു.

കുഞ്ഞിന്റെ നില അപകടകരമാണെന്ന് ആശുപത്രി വൃത്തങ്ങള്‍ അറിയിച്ചു. കുഞ്ഞിന് 1.58 കിലോ മാത്രമാണ് ഭാരം. ശരീരത്തില്‍ നിരവധി മുറിവുകളുണ്ട്. ശാരീരികമായി കുഞ്ഞിനെ ഉപദ്രവിച്ചിട്ടുണ്ടാകാമെന്നും ആശുപത്രി അധികൃതര്‍ വ്യക്തമാക്കുന്നു. സംഭവത്തില്‍ പോലീസ് കേസ് രജിസ്റ്റര്‍ ചെയ്തു. കുഞ്ഞിന്റെ മാതാപിതാക്കള്‍ക്ക് വേണ്ടിയുള്ള അന്വേഷണം തുടരുകയാണെന്നും പോലീസ് അറിയിച്ചു.

ചെന്നിത്തലയില്‍ 66കാരിയെ ബലാത്സംഗം ചെയ്ത പ്രതിയെ റിമാന്‍ഡ് ചെയ്തു
Posted by
17 October

ചെന്നിത്തലയില്‍ 66കാരിയെ ബലാത്സംഗം ചെയ്ത പ്രതിയെ റിമാന്‍ഡ് ചെയ്തു

ചെന്നിത്തല: ആലപ്പുഴ ചെന്നിത്തലയില്‍ 66വയസുകാരിയായ വൃദ്ധയെബലാത്സംഗം ചെയ്ത കേസില്‍ ഇന്നലെ പിടിയിലായ പ്രതിയെ റിമാന്റ് ചെയ്തു. അയല്‍വാസിയായ തൃപ്പെരുന്തുറ സ്വദേശി സന്തോഷ് കുമാറിനേയാണ് പോലീസ് പിടികൂടിയത്. മദ്യലഹരിയില്‍ ഇയാള്‍ ബലാത്സംഗം ചെയ്ത ശേഷം വൃദ്ധയുടെ ദേഹത്ത് മുറിവേല്‍പ്പിക്കുകയും ചെയ്തതായി പോലീസ് പറഞ്ഞു.

കഴിഞ്ഞ വ്യാഴാഴ്ച ആയിരുന്നു സംഭവം. മദ്യലഹരിയിലായിരുന്ന പ്രതി ചെന്നിത്തല സ്വദേശി സന്തോഷ് വൈകിട്ട് 4 മണിയോടെ വീടിന് അടുത്ത് ഒറ്റയ്ക്കു താമസിക്കുകായിരുന്ന 66 കാരിയുടെ വീട്ടിലെത്തുകയായിരുന്നു. തുടര്‍ന്ന് ഇവരെ ക്രൂരബലാത്സംഘത്തിനു ഇരയാക്കുകയും. വൃദ്ധയുടെ ശരീരമാസകലം മുറിവുമേല്‍പ്പിക്കുകയും ചെയ്തു. 3 വര്‍ഷം മുന്‍പ് ഭര്‍ത്താവ് മരിച്ച സ്ത്രീ വീട്ടില്‍ ഒറ്റക്കായിരുന്നു താമസിച്ചിരുന്നത്.

ബലാത്സംഗത്തിനിരയായ കാര്യം പിന്നീട് ഇവര്‍ മകളുടെ ഭര്‍ത്താവിനെ ഫോണില്‍ വിളിച്ച് പറഞ്ഞതോടെയാണ് സംഭവം പുറം ലോകം അറിയുന്നത്. തുടര്‍ന്ന് സന്തോഷിനെ പോലിസ് അറസ്റ്റ് ചെയ്തു. കോടതിയില്‍ ഹാജരാക്കിയ ഇയാളെ റിമാന്റ് ചെയ്തു.

മട്ടണ്‍ ബിരിയാണി കിട്ടിയില്ല; കോഴിക്കോട്ട് ഹോട്ടലില്‍ വെയിറ്ററെ സീരിയല്‍ നടി ഉള്‍പ്പടെയുള്ള സംഘം ക്രൂരമായി മര്‍ദ്ദിച്ചു, നടിയുടെ പരാക്രമം മദ്യലഹരിയില്‍
Posted by
17 October

മട്ടണ്‍ ബിരിയാണി കിട്ടിയില്ല; കോഴിക്കോട്ട് ഹോട്ടലില്‍ വെയിറ്ററെ സീരിയല്‍ നടി ഉള്‍പ്പടെയുള്ള സംഘം ക്രൂരമായി മര്‍ദ്ദിച്ചു, നടിയുടെ പരാക്രമം മദ്യലഹരിയില്‍

കോ​ഴി​ക്കോ​ട്: ഓ​ര്‍​ഡ​ര്‍ ചെ​യ്ത ഭ​ക്ഷ​ണം ഇ​ല്ലെ​ന്ന​റി​യി​ച്ച വെ​യ്റ്റ​റെ സീ​രി​യ​ല്‍ ന​ടി ഉ​ള്‍​പ്പെ​ടെ​യു​ള​ള സം​ഘം മ​ര്‍​ദി​ച്ചു. ഹോ​ട്ട​ലി​ല്‍ അ​ര​മ​ണി​ക്കു​റോളം ബ​ഹ​ള​മു​ണ്ടാ​ക്കി​യ ര​ണ്ടു​ സ്ത്രീ​ക​ള​ട​ക്കം നാ​ലു​പേ​രെ ടൗ​ണ്‍ പോ​ലീ​സ് അ​റ്സ്റ്റ് ചെ​യ്തു. തൃ​ശു​ര്‍ കു​ന്നം കു​ളം പൂ​ന​ഞ്ചേ​രി വീ​ട്ടി​ല്‍​ അ​നു​ ജൂ​ബി (23) ന​ടി​യു​ടെ സു​ഹൃ​ത്തു​ക്ക​ളാ​യ മം​ഗ​ലാ​പു​രം ബ​ന്ത​ര്‍ സോ​ണ്ടി​ഹ​ത്ത​ലു സ്വ​ദേ​ശി​നി മു​നീ​സ (21) എ​റ​ണാ​കു​ളം പാ​ലാ​രി​വ​ട്ടം ആ​ലി​ഞ്ഞ​ല മൂ​ട്ടി​ല്‍ ന​വാ​സ്, പു​വാ​ട്ടു​പ​റ​മ്ബ് സ്വ​ദേ​ശി എ​ന്നി​വ​രാ​ണ് അ​റ​സ്റ്റി​ലാ​യ​ത്.

ക​ഴി​ഞ്ഞ ദി​വ​സം വൈ​കു​ന്നേ​രം അ​ഞ്ചോ​ടെ കോ​ഴി​ക്കോ​ട് റ​ഹ്മ​ത്ത് ഹോ​ട്ട​ലി​ലാ​ണ് സം​ഭ​വം. ഹോ​ട്ട​ലി​ല്‍ എ​ത്തി​യ നാ​ലു​ പേ​ര​ട​ങ്ങു​ന്ന സം​ഘം വെ​യി​റ്റ​റോ​ട് മ​ട്ട​ണ്‍ ബി​രി​യാ​ണി ആ​വ​ശ്യ​പ്പെ​ട്ടു. എ​ന്നാ​ല്‍ മ​ട്ട​ണ്‍ ബി​രി​യാ​ണി തീ​ര്‍​ന്നു​പോ​യെ​ന്ന് വെ​യി​റ്റ​ര്‍ അ​റി​യി​ച്ച​തോ​ടെ സ്ത്രീ ​ഉ​ള്‍​പ്പെ​ടെ​യു​ള്ള​വ​ര്‍ ക്ഷോ​ഭി​ക്കു​ക​യും സീരിയല്‍ ന​ടി​യും മു​നീ​സ​യും ചേ​ര്‍​ന്ന് ഹോ​ട്ട​ല്‍ ജീ​വ​ന​ക്കാ​ര​നെ കൈയേറ്റം ചെ​യ്യു​ക​യു​മാ​യി​രു​ന്നു. ഹോ​ട്ട​ലി​ല്‍ ഭ​ക്ഷ​ണം ക​ഴി​ച്ചു​കൊ​ണ്ടി​രു​ന്ന ഫാ​ത്തി​മ മ​ന്‍​സി​ലി​ല്‍ അ​ബൂ​ബ​ക്ക​ര്‍ റ​ഷാ​ദ് പ്ര​ശ്ന​ത്തി​ല്‍ ഇ​ട​പെ​ട്ട​തോ​ടെ ഇ​യാ​ള്‍​ക്കെ​തി​രേ തി​രി​ഞ്ഞ സം​ഘം ഇ​ദ്ദേ​ഹ​ത്തെ മ​ര്‍​ദി​ക്കു​ക​യും അ​സ​ഭ്യം പ​റ​യു​ക​യും ചെ​യ്തു.

തു​ട​ര്‍​ന്ന് ഹോ​ട്ട​ലു​ട​മ പോ​ലീ​സി​ല്‍ വി​വ​ര​മ​റി​യി​ച്ചു. ടൗ​ണ്‍ പോ​ലീ​സ് എ​ത്തി നാ​ലു​പേ​രെ​യും അ​റ​സ്റ്റു​ചെ​യ്തു. ഇ​വ​രെ പി​ന്നീ​ട് ജാ​മ്യ​ത്തി​ല്‍ വി​ട്ടു. ഇ​തി​ല്‍ ഒ​രാ​ള്‍ മ​ദ്യ​പി​ച്ചി​രു​ന്ന​താ​യി വൈദ്യപരിശോധനയില്‍ പോലീസിന് ബോധ്യമായി.

രാജീവ് കൊലക്കേസ്; ഉദയഭാനുവിന്റെ വീട്ടിലും ഓഫിസിലും റെയ്ഡ്
Posted by
17 October

രാജീവ് കൊലക്കേസ്; ഉദയഭാനുവിന്റെ വീട്ടിലും ഓഫിസിലും റെയ്ഡ്

കൊച്ചി: അഡ്വ സിപി ഉദയഭാനുവിന്റെ കൊച്ചിയിലെ വീട്ടിലും ഓഫിസിലും റെയ്ഡ്. തൃശൂരില്‍ നിന്നുളള പോലീസ് സംഘമാണ് റെയ്ഡ് നടത്തുന്നത്. ചാലക്കുടി രാജീവ് കൊലക്കേസിലെ ഏഴാംപ്രതിയാണ് ഉദയഭാനു. കൊല്ലപ്പെട്ട വ്യക്തിയുമായി നടത്തിയ ഇടപാടുകളുടെ രേഖകള്‍ കണ്ടെത്താനാണ് പരിശോധന.

രാജീവ് കൊലക്കേസില്‍ കൊച്ചിയിലെ അഭിഭാഷകന്‍ സിപി ഉദയഭാനുവിനെ ഏഴാം പ്രതിയാക്കി പോലീസ് ഹൈക്കോടതിയില്‍ റിപ്പോര്‍ട്ട് സമര്‍പ്പിച്ചിരുന്നു. ഹൈക്കോടതിയുടെ മുന്‍കൂട്ടി അനുമതി വാങ്ങിയ ശേഷം അഭിഭാഷകനെ ചോദ്യംചെയ്യാമെന്നും പോലീസിന് നിര്‍ദ്ദേശം നല്‍കി. മുന്‍കൂര്‍ ജാമ്യാേപക്ഷയില്‍ വിധി പറയുന്നത് നീട്ടി.

ഉദയഭാനുവിനെതിരെ പോലീസ് കൊലക്കുറ്റമാണ് ചുമത്തിയിട്ടുള്ളത്. വസ്തു ഇടപാടുകാരനായ അങ്കമാലി സ്വദേശി രാജീവിനെ തട്ടിക്കൊണ്ടുവന്ന് ബന്ദിയാക്കിയ ശേഷം ശ്വാസംമുട്ടിച്ചു കൊലപ്പെടുത്തിയ കേസില്‍ അഭിഭാഷകന്‍ ഏഴാംപ്രതിയാണ്. ചാലക്കുടി പരിയാരത്തു നടന്ന കൊലപാതകത്തില്‍ അഭിഭാഷകന് കൃത്യമായ പങ്കുണ്ടെന്ന പോലീസിന്റെ അന്വേഷണ റിപ്പോര്‍ട്ട് ഹൈക്കോടതിയില്‍ സമര്‍പ്പിച്ചു. കേസിലെ പ്രധാന പ്രതിയായ ചക്കര ജോണിയുമായി വക്കീലിനുള്ള ബന്ധത്തില്‍ കൂടുതല്‍ തെളിവുകളും പോലീസ് തേടുന്നുണ്ട്.

വഴങ്ങി കൊടുക്കാന്‍ തയ്യാറാകാത്തതിനാല്‍ മരുഭൂമിയില്‍ കുഴിച്ചുമൂടാന്‍ ശ്രമിച്ചു;  ദുബായ് പെണ്‍വാണിഭ റാക്കറ്റിന്റെ മനുഷ്യക്കുരുതിയുടെ ഞെട്ടിപ്പിക്കുന്ന വെളിപ്പെടുത്തലുമായി മലയാളി യുവതി
Posted by
17 October

വഴങ്ങി കൊടുക്കാന്‍ തയ്യാറാകാത്തതിനാല്‍ മരുഭൂമിയില്‍ കുഴിച്ചുമൂടാന്‍ ശ്രമിച്ചു; ദുബായ് പെണ്‍വാണിഭ റാക്കറ്റിന്റെ മനുഷ്യക്കുരുതിയുടെ ഞെട്ടിപ്പിക്കുന്ന വെളിപ്പെടുത്തലുമായി മലയാളി യുവതി

കൊച്ചി: ഗള്‍ഫില്‍ പെണ്‍വാണിഭത്തിന്റെ മറവില്‍ നടക്കുന്ന മനുഷ്യക്കുരുതിയുടെ ഞെട്ടിപ്പിക്കുന്ന വെളിപ്പെടുത്തല്‍. ദുബായ് പെണ്‍വാണിഭ റാക്കറ്റിന്റെ നിര്‍ദേശങ്ങള്‍ക്കു വഴങ്ങാത്ത പെണ്‍കുട്ടികളെ മരുഭൂമിയില്‍ കുഴിച്ചുമൂടാന്‍ ശ്രമിച്ചതായി പെണ്‍കുട്ടി മൊഴി നല്‍കി. പെണ്‍വാണിഭ സംഘത്തിന്റെ പിടിയില്‍നിന്നു രക്ഷപ്പെട്ട പൂവത്തൂര്‍ സ്വദേശിയായ യുവതിയാണ് രഹസ്യമൊഴി നല്‍കിയത്.

വീട്ടുജോലി വാഗ്ദാനം ചെയ്ത മനുഷ്യക്കടത്തു സംഘം പെണ്‍കുട്ടിയെ കൈമാറിയതു പെണ്‍വാണിഭത്തിനയിരുന്നു. ഇത് മനസ്സിലാക്കിയ പെണ്‍കുട്ടി അവര്‍ക്ക് വഴങ്ങിയില്ല. മൂന്നു ദിവസം ഭക്ഷണം തരാതെ മുറിയില്‍ അടച്ചിട്ടു. അവര്‍ മുറിയിലേക്കു കടത്തിവിട്ട ഇടപാടുകാരന്റെ കാലുപിടിച്ച് അപേക്ഷിച്ചപ്പോള്‍ അയാള്‍ ഉപദ്രവിക്കാതെ പുറത്തുപോയി.

സംഘത്തില്‍ ഉള്‍പ്പെട്ടവരോട് അയാള്‍ കയര്‍ത്തു സംസാരിച്ചതോടെയാണു തന്നെ മരുഭൂമിയില്‍ കുഴിച്ചുമൂടാന്‍ ഒരുങ്ങിയതെന്നാണ് മൊഴി. മരണ ഭയത്താല്‍ അവരുടെ താല്‍പര്യങ്ങള്‍ക്കു വഴങ്ങേണ്ടി വന്നതായും യുവതി പറയുന്നു. കേസില്‍ സിബിഐയുടെ പ്രധാന സാക്ഷിയാണ് ഈ യുവതി.

തിരുവനന്തപുരം കഴക്കൂട്ടം സ്വദേശിയായ മറ്റൊരു യുവതി, തന്റെ സഹോദരി മനുഷ്യക്കടത്തു റാക്കറ്റിന്റെ പിടിയില്‍ അകപ്പെട്ടതായി 2012ല്‍ നോര്‍ക്കയില്‍ പരാതി നല്‍കിയെങ്കിലും നടപടിയുണ്ടായില്ലെന്നു മൊഴി നല്‍കി. യുവതിയെ മോചിപ്പിക്കാന്‍ അഞ്ചു ലക്ഷം രൂപയാണു മനുഷ്യക്കടത്തു റാക്കറ്റ് സഹോദരിയോട് ആവശ്യപ്പെട്ടത്.

നോര്‍ക്കയില്‍ വിവരം നല്‍കിയ ശേഷം പൊലീസിനും പരാതി നല്‍കിയതോടെ വിമാന ടിക്കറ്റിനുള്ള 25,000 രൂപ നല്‍കിയാല്‍ മതിയെന്നായി. സ്വര്‍ണമാല വിറ്റു തുക കൈമാറിയപ്പോള്‍ യുവതിയെ മോചിപ്പിച്ചു മുംബൈക്കു വിമാനം കയറ്റിവിട്ടെങ്കിലും വ്യാജ പാസ്‌പോര്‍ട്ടാണെന്ന വിവരം റാക്കറ്റ്തന്നെ പൊലീസിനു കൈമാറി. തുടര്‍ന്നു യുവതിയെ അറസ്റ്റ് ചെയ്യുകയായിരുന്നു.

ദിലീപിനെതിരെ കുറ്റപത്രം ഉടന്‍; കൂട്ടമാനഭംഗം, തെളിവ് നശിപ്പിക്കല്‍ തുടങ്ങി എട്ട് കുറ്റങ്ങള്‍ നടനെതിരെ; സാക്ഷികളെ സ്വാധീനിക്കുന്നത് തടയാന്‍ പ്രത്യേക കോടതി
Posted by
17 October

ദിലീപിനെതിരെ കുറ്റപത്രം ഉടന്‍; കൂട്ടമാനഭംഗം, തെളിവ് നശിപ്പിക്കല്‍ തുടങ്ങി എട്ട് കുറ്റങ്ങള്‍ നടനെതിരെ; സാക്ഷികളെ സ്വാധീനിക്കുന്നത് തടയാന്‍ പ്രത്യേക കോടതി

കൊച്ചി: യുവനടിയെ തട്ടിക്കൊണ്ടു പോയി ആക്രമിച്ച കേസില്‍ നടന്‍ ദിലീപിനെതിരായ കുറ്റപത്രം ഉടന്‍. കോടതിയില്‍ സമര്‍പ്പി്കകാനുള്ള കുറ്റപത്രം തയ്യാറായെന്നാണു സൂചന. കൂട്ട മാനഭംഗം, ഗൂഢാലോചന, തട്ടിക്കൊണ്ടുപോകല്‍, തെളിവ് നശിപ്പിക്കല്‍, പ്രതിയെ സംരക്ഷിക്കല്‍, തൊണ്ടി മുതല്‍ സൂക്ഷിക്കല്‍, ഭീഷണി, അന്യായമായി തടങ്കലില്‍ വെയ്ക്കല്‍ എന്നീ വകുപ്പുകളാണ് ദിലീപിനെതിരെ ചുമത്തുന്നത്.

കുറ്റപത്രത്തിനൊപ്പം നല്‍കാന്‍ നേരിട്ടുളള തെളിവുകളുടെയും സാഹചര്യ തെളിവുകളുടെയും അനുബന്ധ റിപ്പോര്‍ട്ടും പോലീസ് തയ്യാറാക്കി. നടി ആക്രമിക്കപ്പെട്ട് എട്ടുമാസം തികയുന്ന ഇന്ന് കുറ്റപത്രം സമര്‍പ്പിക്കാനാണ് പോലീസ് തീരുമാനിച്ചിരുന്നതെങ്കിലും മജിസ്‌ട്രേറ്റ് അവധി ആയതിനാല്‍ ദിവസം മാറ്റുകയായിരുന്നു. ഇരുപതിലേറെ നിര്‍ണായക തെളിവുകള്‍ കുറ്റപത്രത്തില്‍ ചൂണ്ടിക്കാട്ടിയിട്ടുണ്ടെന്നാണ് ഉന്നത ഉദ്യോഗസ്ഥര്‍ വ്യക്തമാക്കുന്നത്.

ഇതുവരെ പോലീസ് വെളിപ്പെടുത്താത്ത വിവരങ്ങളും കുറ്റപത്രത്തില്‍ ഉണ്ടെന്നാണ് സൂചന. പ്രതികളുടെ ജാമ്യഹര്‍ജി പരിഗണിക്കുമ്പോള്‍ മുദ്രവെച്ച കവറില്‍ കോടതിയില്‍ സമര്‍പ്പിച്ചിരുന്ന വിവരങ്ങളാണിത്. കേസിന്റെ പ്രാധാന്യവും സാക്ഷികളെ സ്വാധീനിക്കാനും ഭീഷണിപ്പെടുത്താനുമുളള സാഹചര്യവും ചൂണ്ടിക്കാട്ടി വിചാരണ വേഗത്തില്‍ പൂര്‍ത്തിയാക്കാന്‍ പ്രത്യേക കോടതിയെ നിയോഗിക്കണമെന്ന ശുപാര്‍ശയും സര്‍ക്കാരിന് മുന്‍പാകെ ഡിജിപി സമര്‍പ്പിക്കുമെന്നാണ് അറിയുന്നത്.

കൊച്ചിയില്‍ ആക്രമിക്കപ്പെട്ട നടിയുടെ പേര് വെളിപ്പെടുത്തി, സരിതയെ കളിയാക്കി ഉമ്മന്‍ ചാണ്ടിയെ പിന്തുണച്ച് എത്തിയ യുവതികള്‍ നിയമകുരുക്കിലേക്ക്
Posted by
16 October

കൊച്ചിയില്‍ ആക്രമിക്കപ്പെട്ട നടിയുടെ പേര് വെളിപ്പെടുത്തി, സരിതയെ കളിയാക്കി ഉമ്മന്‍ ചാണ്ടിയെ പിന്തുണച്ച് എത്തിയ യുവതികള്‍ നിയമകുരുക്കിലേക്ക്

കൊച്ചി: സരിത എസ് നായരെ കളിയാക്കി ഉമ്മന്‍ ചാണ്ടിക്ക് പിന്തുണ പ്രഖ്യാപിച്ച് സോഷ്യല്‍ മീഡിയയില്‍ താരമായ യുവതികള്‍ കൊച്ചിയില്‍ ആക്രമത്തിന് ഇരയായ നടിയുടെ പേരുവെളിപ്പെടുത്തിയത് വിവാദത്തിലേക്കും നിയമ നടപടിയിലേക്കും .ഇവര്‍ക്കെതിരെ കേസ് എടുക്കണമെന്നആവശ്യപ്പെട്ട് പോലീസില്‍ പരാതി എത്തിയതായി സൂചന .ഇവര്‍ എവിടെ എന്നുള്ള വിവരം അന്വോഷിക്കുന്നു .ഇവരുടെ പിന്നില്‍ കോണ്‍ഗ്രസ് ‘എ ‘ഗ്രൂപ്പ് എന്നും ആരോപണം ഉണ്ട്.

അതേസമയം ഉമ്മന്‍ ചാണ്ടിക്ക് പിന്തുണ പ്രഖ്യാപിച്ച് സോഷ്യല്‍ മീഡിയയില്‍ താരമായ യുവതിയുടെ പേരില്‍ ഓണ്‍ലൈന്‍ സെക്‌സ് പ്രൊഫൈലും ഉള്ളതായി വാര്‍ത്തകള്‍ പുറത്ത് വന്നതോടെ . കോണ്‍ഗ്രസ് പ്രവര്‍ത്തകര്‍ അങ്കലാപ്പില്‍ ആയിരിക്കയാണ്. വെളുക്കാന്‍ തേച്ചത് പാണ്ടായി പോലും. മലയാളികള്‍ അധികം ഫ്രണ്ട്‌സ് ലിസ്റ്റില്‍ ഇല്ലാത്ത ഈ ഐഡിയില്‍ മറ്റ് സംസ്ഥാനങ്ങളിലുള്ളവരാണു കൂടുതലായും സുഹൃത്തുക്കളായുള്ളത്. ഫോട്ടോകള്‍ക്ക് ഒപ്പം പേടിഎം വഴി പണം നിക്ഷേപിച്ചാല്‍ സെക്‌സ് ചാറ്റിനു തയ്യാറാണെന്നുള്ള അടിക്കുറുപ്പുകളും ഉണ്ട്.

ഫോട്ടോകള്‍ കൂടുതലും ഈ വര്‍ഷം ആഗസ്റ്റ്,സെപ്തംബര്‍ മാസങ്ങളില്‍ അപ്‌ലോഡ് ചെയ്തിട്ടുള്ളതാണ്. അതേസമയം വിമര്‍ശിച്ച ആ 2 പെണ്‍കുട്ടികളെ വേട്ടയാടുന്നതായും ആരോപണം ഉയര്‍ന്നിട്ടുണ്ട്. സരിതയുടെ ചിത്രങ്ങള്‍ വന്ന അതേ പോണ്‍ സൈറ്റില്‍ അവരുടെ മോര്‍ഫ് ചെയ്ത അശ്ലീല ചിത്രങ്ങളും പ്രത്യക്ഷപ്പെട്ടിട്ടുണ്ട്.

മാതാപിതാക്കളെ അടുത്ത മുറിയിലിരുത്തി ആള്‍ദൈവം ജെയിന്‍ മുനി പത്തൊമ്പതുകാരിയെ പീഡിപ്പിച്ചു: ഇയാളെ പോലീസ് അറസ്റ്റ് ചെയ്തു
Posted by
16 October

മാതാപിതാക്കളെ അടുത്ത മുറിയിലിരുത്തി ആള്‍ദൈവം ജെയിന്‍ മുനി പത്തൊമ്പതുകാരിയെ പീഡിപ്പിച്ചു: ഇയാളെ പോലീസ് അറസ്റ്റ് ചെയ്തു

സൂറത്ത്: പത്തൊമ്പത് വയസുകാരിയെ പീഡിപ്പിച്ചതിന് ആള്‍ ദൈവം ജെയിന്‍ മുനി എന്നറിയപ്പെടുന്ന ശാന്തിസാഗര്‍ മഹാരാജിനെ പോലീസ് അറസ്റ്റ് ചെയ്തു. ഒക്ടോബര്‍ ഒന്നിനാണ് 45കാരനായ ജെയിന്‍ മുനി ആശീര്‍വാദം സ്വീകരിക്കാനെത്തിയ പെണ്‍കുട്ടിയെ പീഡനത്തിനിരയാക്കിയത്.

വൈകിട്ട് ആശീര്‍വാദം സ്വീകരിക്കാന്‍ കുടുംബാംഗളോടൊപ്പമാണ് പെണ്‍കുട്ടി ആശ്രമത്തില്‍ എത്തിയത്. മറ്റുള്ളവരോട് മുറിയില്‍ മന്ത്രോചാരണം നടത്താന്‍ നിര്‍ദ്ദേശിച്ച ശേഷം മുനി പെണ്‍കുട്ടിയെ അടുത്ത മുറിയിലേക്ക് പൂജ ചെയ്യാന്‍ എന്ന വ്യാജേന വിളിക്കുകയായിരുന്നു. പീഡനത്തിന് ഇരയായ വിവരം പെണ്‍കുട്ടി മാതാപിതാക്കളോട് വെളിപ്പെടുത്താന്‍ ആദ്യം കൂട്ടാക്കിയില്ലെങ്കിലും പതിനൊന്ന് ദിവസങ്ങള്‍ക്ക് ശേഷം പറഞ്ഞു. തുടര്‍ന്ന് മാതാപിതാക്കള്‍ പോലീസില്‍ പരാതിപ്പെടുകയും, മുന്നിയെ അറസ്റ്റ് ചെയ്യുകയും ചെയതു.

പോലീസ് പിടിയിലായ മുനി താന്‍ മൗന വൃതത്തിലാണെന്ന ന്യായം നിരത്തി ചോദ്യങ്ങളോട് പ്രതികരിക്കുന്നില്ലെന്ന് പോലീസ് ഉദ്യോഗസ്ഥര്‍ അറിയിച്ചു. എന്നാല്‍ ലൈംഗീക ആരോപണം ഉയര്‍ന്നിരിക്കുന്നത് മുനിയെ കരിവാരിത്തേക്കാനാണെന്നാണ് ശാന്തിസാഗറിന്റെ വക്കീല്‍ വാദിക്കുന്നത്.