dubai-police-rescue-malayali dancer girl in sexracket
Posted by
28 April

സ്‌റ്റേജ് പരിപാടി അവതരിപ്പിക്കാനെന്ന വ്യാജേന മലയാളി നര്‍ത്തകിയെ നാട്ടില്‍ നിന്നും എത്തിച്ചത് ദുബായിയിലെ പെണ്‍വാണിഭ സംഘത്തില്‍; സംഭവത്തിന് പിന്നില്‍ തമിഴ്‌നാട് സ്വദേശികളായ ഇടനിലക്കാര്‍

ദുബായ്: ദുബായിയിലെ പെണ്‍വാണിഭ സംഘത്തില്‍ എത്തപ്പെട്ട മലയാളി നര്‍ത്തകിയെ മോചിപ്പിച്ചു. സ്‌റ്റേജ് പരിപാടി അവതരിപ്പിക്കാനെന്ന വ്യാജേന ഇടനിലക്കാരന്‍ വഴിയാണ് കാസര്‍ഗോഡ് സ്വദേശിയായ 19 വയസുകാരിയായ നര്‍ത്തകിയെപെണ്‍വാണിഭ സംഘത്തില്‍ എത്തിച്ചത്.

മാധ്യമപ്രവര്‍ത്തകനും അബുദാബി കമ്മ്യൂണിറ്റി പോലീസ് അംഗവുമായ ബിജു കരുനാഗപ്പള്ളിയുടെ സമയോചിതമായ ഇടപെടലിലൂടെയാണ് പെണ്‍കുട്ടിയെ ചതിക്കുഴിയില്‍ നിന്നും രക്ഷിക്കാനായത്. അതേസമയം കാസര്‍ഗോട്ടെ ചിലര്‍ക്കു തമിഴ്‌നാട് പെണ്‍വാണിഭ സംഘവുമായി ബന്ധമുണ്ടോയെന്നതു സംബന്ധിച്ചു പോലീസ് പരിശോധിക്കുമെന്നു ജില്ലാ പോലീസ് ചീഫ് കെജി സൈമണ്‍ പറഞ്ഞു.

ഏപ്രില്‍ 23നാണ് ചെന്നൈയിലെ ഇടനിലക്കാരന്‍ രവി വഴി യുവതി ദുബായിയില്‍ എത്തിയത്. അവിടെ എത്തിയപ്പോള്‍ തന്നെ ചതിയാണെന്ന് യുവതി തിരിച്ചറിഞ്ഞിരുന്നു. പലര്‍ക്കും കാഴ്ചവയ്ക്കാനാണു തന്നെ എത്തിച്ചതെന്നു മനസിലാക്കിയ യുവതി ആദ്യം ഭര്‍ത്താവിനെ വിവരം അറിയിച്ചു. ഇതേത്തുടര്‍ന്നാണു കാസര്‍ഗോഡ് ജില്ലാ പോലീസ് ചീഫ് കെജി സൈമണിന് ഭര്‍ത്താവ് പരാതി നല്‍കുന്നത്.

ഇവരുടെ ഇടപെടലിലൂടെ ബിജു കരുനാഗപ്പള്ളിയെ യുവതി വാട്‌സ് ആപ്പിലൂടെ തന്റെ അവസ്ഥ ബോധിപ്പിച്ചു. തുടര്‍ന്ന് ബിജു നടത്തിയ സമയോചിത ഇടപെടലിലൂടെ ദേര പോലീസ് യുവതിയെ പൂട്ടിയിട്ടിരുന്ന സ്ഥലം കണ്ടെത്തി. പോലീസ് എത്തുമ്പോള്‍ 15 ഓളം യുവതികളെ പൂട്ടിയിട്ടിരിക്കുന്നതാണ് കണ്ടത്. ഇവരെ പോലീസ് മോചിപ്പിച്ചു. യുവതികളെ ദുബായില്‍ എത്തിച്ച തമിഴ്‌നാട് സ്വദേശികളോട് പോലീസ് സ്‌റ്റേഷനില്‍ എത്താന്‍ പോലീസ് ആവശ്യപ്പെട്ടിട്ടുണ്ട്. പോലീസിന്റെ ഇടപെടലിലൂടെ യുവതിക്ക് ഇന്ന് നാട്ടില്‍ തിരിച്ചെത്താന്‍ കഴിയും

ragging on wedding day, 5 injured and hospitalized in edappal
Posted by
27 April

എടപ്പാളില്‍ വിവാഹംകഴിഞ്ഞ് വധുവിനെ കൂട്ടിവരികയായിരുന്ന വരനെ റാഗ് ചെയ്യാനുള്ള സുഹൃത്തുക്കളുടെ ശ്രമത്തിനിടെ സംഘര്‍ഷം; അഞ്ചുപേര്‍ക്ക് പരിക്ക്, പരിക്കേറ്റവര്‍ ആശുപത്രിയില്‍

എടപ്പാള്‍: വിവാഹംകഴിഞ്ഞ് വധുവിനെ കൂട്ടിവരികയായിരുന്ന വരനെ റാഗ് ചെയ്യാനുള്ള സുഹൃത്തുക്കളുടെ ശ്രമം സംഘര്‍ഷത്തില്‍ കലാശിച്ചു. മാണൂരിലെ കല്യാണമണ്ഡപത്തിനു സമീപം ബുധനാഴ്ച വൈകുന്നേരമാണ് സംഭവം.

പരിക്കേറ്റ കുമരനെല്ലൂര്‍ ബിലാല്‍ (22), വളാഞ്ചേരി സ്വദേശിനി ആമിനക്കുട്ടി (45), മകള്‍ ഷബ്‌ന(20), പാലച്ചുവട് സ്വദേശി ബീമക്കുട്ടി(48,) ഷബീബ്(26) എന്നിവരെ കുറ്റിപ്പുറത്തെ സ്വകാര്യ ആസ്പത്രിയില്‍ പ്രവേശിപ്പിച്ചു.

മാണൂര്‍ സ്വദേശിയായ യുവാവും ആനക്കര സ്വദേശിനിയായ യുവതിയും തമ്മിലുള്ള വിവാഹംകഴിഞ്ഞ് മാണൂരിലെ കല്യാണമണ്ഡപത്തിലേക്ക് വരുമ്പോാഴായിരുന്നു സംഭവം. സുഹൃത്തുക്കള്‍ സഞ്ചരിച്ച കാര്‍ വധൂവരന്‍മാര്‍ സഞ്ചരിച്ച കാറിനെ യാത്ര ചെയ്യാനനുവദിക്കാതെ തടഞ്ഞുവെക്കുന്നതു കണ്ട് ചോദ്യം ചെയ്തവരുമായുണ്ടായ വാക്കേറ്റമാണ് സംഘര്‍ഷത്തിലും കൈയാങ്കളിയിലും കലാശിച്ചത്.

sex abuse against minor girl mothers lover arrested at idukki upputhara
Posted by
27 April

അമ്മയുടെ കാമുകനോട് മകള്‍ക്കും പ്രണയം; അമ്മ അറിയാതെ പ്രേമം നടിച്ച് ഇയാള്‍ പെണ്‍കുട്ടിയെ ലൈംഗീകമായി പീഡിപ്പിച്ചു; ഇടുക്കി ഉപ്പുതറയില്‍ പ്രായപൂര്‍ത്തിയാകാത്ത പെണ്‍കുട്ടി ഗര്‍ഭിണിയായ സംഭവത്തില്‍ അറസ്റ്റിലായ ബിജുവിന്റെ വെളിപ്പെടുത്തല്‍

കട്ടപ്പന: പ്രായപൂര്‍ത്തിയാകാത്ത പട്ടികജാതി പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ യുവാവിനെ പോലീസ് അറസ്റ്റ് ചെയ്തു. അമ്മയുടെ കാമുകന്‍ ആണ് മകളെയും പ്രേമിച്ച് ഗര്‍ഭിണിയാക്കിയത്. ഇടുക്കി ജില്ലയിലെ ഉപ്പുതറയില്‍ ആണ് കേരളത്തിലെ കുടുംബങ്ങളില്‍ അനുദിനം വര്‍ധിച്ചുവരുന്ന വഴിവിട്ട ബന്ധങ്ങള്‍ക്ക് പുതിയ ഉദാഹരണമായ സംഭവം. ഉപ്പുതറ മത്തായിപ്പാറ കത്തിത്തേപ്പന്‍ മനക്കല്‍ ബിജു(38)വാണ് പിടിയിലായത്.

ബിജുവിനോട് അമ്മക്കും മകള്‍ക്കും ഒരു പോലെ തോന്നിയ പ്രണയം ഒടുവില്‍ ദുരന്തമായി. അമ്മയും മകളും പരസ്പരം അറിയിക്കാതെ രഹസ്യമായി ഒരു കാമുകനേ പ്രണയിക്കുകയും ലൈംഗീകമായി ബന്ധത്തില്‍ ഏര്‍പ്പെടുകയും ചെയ്തു. കാമുകനാകട്ടെ എല്ലാം അറിഞ്ഞ് അമ്മയേയും മകളേയും ഒരുപോലെ ഉപയോഗിച്ച് ചതിക്കകയായിരുന്നു. ഒടുവില്‍ 15കാരി പെണ്‍കുട്ടി 4മാസം ഗര്‍ഭിണിയുമായി. രണ്ടു വര്‍ഷമായി പെണ്‍കുട്ടിയുടെ മാതാവിനൊപ്പമാണ് ബിജു താമസിച്ചിരുന്നത്.

ചൊവ്വാഴ്ച രാവിലെ പെണ്‍കുട്ടിക്ക് വയറുവേദന അനുഭവപ്പെട്ടതിനെ തുടര്‍ന്ന് ആശുപത്രിയില്‍ പരിശോധന നടത്തിയപ്പോഴാണ് അഞ്ച് മാസം ഗര്‍ഭിണിയാണെന്നു തെളിഞ്ഞത്. പെണ്‍കുട്ടി ഗര്‍ഭിണിയാണെന്നു തെളിഞ്ഞതോടെ ആശുപത്രി അധികൃതര്‍ പോലീസില്‍ വിവരമറിയിച്ചു. ജില്ലാ പോലീസ് മേധാവി കെവി വേണുഗോപാലിന്റെ നിര്‍ദേശാനുസരണം കട്ടപ്പന ഡിവൈഎസ്പി: എന്‍സി രാജ്‌മോഹനാണ് ബിജുവിനെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

father sexually harassed daughters in aluva
Posted by
27 April

ആലുവയില്‍ പെണ്‍കുട്ടികളെ ലൈംഗീകമായി പീഡിപ്പിച്ച പിതാവിന് എതിരെ കേസ്; അഗതിമന്ദിരത്തില്‍ അന്തേവാസികളായ പെണ്‍കുട്ടികളെ ഇയാള്‍ പീഡിപ്പിച്ചിരുന്നത് സ്‌കൂള്‍ അവധി ദിവസങ്ങളില്‍ വീട്ടിലേക്ക് കൊണ്ടുപോയി

കൊച്ചി: പെണ്‍കുട്ടികളെ ലൈംഗീകമായി പീഡിപ്പിച്ച പിതാവിന് എതിരെ കേസ്. കൊച്ചി ആലുവയില്‍ ആണ് സംഭവം. അഗതിമന്ദിരത്തില്‍ അന്തേവാസികളായ പെണ്‍കുട്ടികളാണ് പരാതി നല്‍കിയത്.
അവധിക്കാലത്ത് വീട്ടില്‍ കൊണ്ടുപോയശേഷം അച്ഛന്‍ പീഡിപ്പിക്കാന്‍ ശ്രമിച്ചതായാണ് പരാതി. സംഭവത്തില്‍ പൊലീസ് കേസ് റജിസ്റ്റര്‍ ചെയ്തു. പത്തുവര്‍ഷത്തിലേറെയായി അഗതിമന്ദിരത്തിലെ അന്തേവാസികളാണ് പെണ്‍കുട്ടികള്‍. സ്‌കൂള്‍ അവധികളില്‍ ശിശുക്ഷേമസമിതിയുടെ അനുമതി വാങ്ങി ജനസേവയില്‍ നിന്ന് പെണ്‍കുട്ടികളെ അച്ഛന്‍ വീട്ടില്‍ കൊണ്ടുപോയിരുന്നു.

എന്നാല്‍ ഇത്തവണ അച്ഛന്റെ കൂടെ പോകാന്‍ പെണ്‍കുട്ടികള്‍ വിസമ്മതിച്ചതോടെയാണ് സംഭവം പുറത്തറിഞ്ഞത്. പിന്നീട് അഗതിമന്ദിരത്തിലെ അധികൃതര്‍ പോലീസില്‍ അറിയിക്കുകയായിരുന്നു. പേടികൊണ്ടാണ് ഇതുവരെ പുറത്ത് അറിയിക്കാതിരുന്നതെന്ന് കുട്ടികള്‍ പറഞ്ഞു. കുട്ടികളുടെ രഹസ്യമൊഴി രേഖപ്പെടുത്തും.

20 years old boy commit suicide at vallikunnam due to lover cheat
Posted by
27 April

20 വയസ്സുകാരന്‍ തൂങ്ങി മരിച്ചത് ഒന്നര വര്‍ഷമായി ഒരുമിച്ചു ജീവിച്ച കാമുകി വീട്ടിലേയ്ക്ക് മടങ്ങിയതില്‍ മനം നൊന്ത്: പെണ്‍കുട്ടിയുടെ വീടിന് നേരെ മരിച്ച അഖിലിന്റെ സുഹൃത്തുക്കളുടെ ആക്രമണം, സംഭവം കായംകുളം വള്ളികുന്നത്ത്

കായംകുളം: ഒരുമിച്ചു താമസിച്ച കാമുകി വീട്ടിലേയ്ക്ക് മടങ്ങിയതില്‍ മനംനൊന്ത് 20 വയസ്സുകാരന്‍ ആത്മഹത്യ ചെയ്തു. കായംകുളത്തിന് സമീപം വള്ളിക്കുന്നം പുത്തന്‍ചന്ത സ്വദേശി അഖില്‍ ആണ് തൂങ്ങി മരിച്ചത്. ഒന്നര വര്‍ഷമായി ഇരുവരും അഖിലിന്റെ വീട്ടിലായിരുന്നു താമസം. ഇതിനിടെ ഒരു മാസം മുന്‍പ് കത്തെഴുതി വെച്ച് പെണ്‍കുട്ടി സ്വന്തം വീട്ടിലേയ്ക്ക് മടങ്ങി. തിങ്കളാഴച രാവിലെ വീട്ടിലെ കിടപ്പുമുറിയില്‍ തൂങ്ങിയ നിലയിലാണ് അഖിലിനെ കണ്ടെത്തിയത്.

അഖിലിന്റെ മരണത്തിന് കാരണം പെണ്‍കുട്ടിയും കുടുംബവും ആണെന്ന് ആരോപിച്ച് അഖിലിന്റെ സുഹൃത്തുക്കള്‍ പെണ്‍കുട്ടിയുടെ വീട് ആക്രമിച്ചു. സംഭവത്തില്‍ നാലു പേരെ പോലീസ് കസ്റ്റഡിയിലെടുത്തത് സംഘര്‍ഷത്തിന് വഴിവെച്ചു. ഇവരെ വിട്ടു കിട്ടാതെ മൃതദേഹം മറവു ചെയ്യില്ലെന്ന് ആരോപിച്ച് നാട്ടുകാര്‍ റോഡ് ഉപരോധിച്ചതോടെ നാലു മണിയോടെ യുവാക്കളെ വിട്ടയച്ചു. ഇതിനു ശേഷമാണ് അഖിലിന്റെ മൃതദേഹം സംസ്‌കരിച്ചത്.

സ്വന്തം വീട്ടിലേയ്ക്ക് മടങ്ങിയതിന് പിന്നാലെ പെണ്‍കുട്ടി അഖിലിനും അമ്മയ്ക്കുമെതിരെ പോലീസ് കേസും നല്‍കിയിരുന്നു. പീഡനത്തിന് പോലീസ് കേസെടുത്തിരുന്നു. പെണ്‍കുട്ടിയുടെ വീട്ടുകാരുടെ നിരന്തര ഭീഷണിയുമാണ് മരണത്തിന് കാരണമെന്ന് അഖിലിന്റെ കുടുംബവും സുഹൃത്തുക്കളും മൊഴി നല്‍കി.

mother-buried-newborn-baby at thrippunithura ernakulam
Posted by
26 April

ഭര്‍ത്താവുമായി ഒന്നിച്ചു കഴിഞ്ഞിരുന്ന യുവതി ഭര്‍ത്താവറിയാതെ ഗര്‍ഭിണിയായി, ഗര്‍ഭം മറച്ചുവച്ച സ്ത്രീ കുളിമുറിയില്‍ പ്രസവിച്ചു; തറയില്‍വീണ് കുഞ്ഞു മരിച്ചു, മൃതദേഹം ആരുമറിയാതെ കുഴിച്ചിട്ടു; കണ്ണില്ലാത്ത ക്രൂരത തൃപ്പൂണിത്തുറയില്‍

തൃപ്പൂണിത്തുറ: വീട്ടിലെ കുളിമുറിക്ക് സമീപം ഒരു ദിവസം മാത്രം പ്രായമുള്ള നവജാതശിശുവിന്റെ മൃതദേഹം കുഴിച്ചിട്ട നിലയില്‍ കണ്ടെത്തി. സംഭവത്തെത്തുടര്‍ന്ന് എറണാകുളത്തെ സ്വകാര്യ ആശുപത്രിയില്‍ കഴിയുന്ന മാതാവ് പോലീസ് നിരീക്ഷണത്തില്‍. തൃപ്പൂണിത്തുറ ചൂരക്കാട് മേമന റോഡില്‍ പൊതിപ്പറമ്പില്‍ പ്രദീപിന്റെ വീട്ടിലെ കുളിമുറിക്ക് സമീപത്തുനിന്നാണ് സിഐ: പിഎസ് ഷിജുവിന്റെ നേതൃത്വത്തില്‍ പോലീസെത്തി ആണ്‍കുഞ്ഞിന്റെ മൃതദേഹം കഴിഞ്ഞ ദിവസം പുറത്തെടുത്തത്.

സംഭവത്തെക്കുറിച്ച് പോലീസ് പറയുന്നതിങ്ങനെ: നിര്‍മാണത്തൊഴിലാളിയായ പ്രദീപും ഭാര്യ സ്വപ്‌നയും രണ്ട് ആണ്‍മക്കളുമാണ് വീട്ടില്‍ താമസിക്കുന്നത്. ഒരു വീട്ടിലാണെങ്കിലും ഒന്നരവര്‍ഷമായി ദമ്പതികള്‍ മാനസികമായി അകന്നുകഴിയുകയാണ്. തിങ്കളാഴ്ച വൈകിട്ട് പണി കഴിഞ്ഞ് ഇയാള്‍ വീട്ടിലെത്തിയപ്പോള്‍ സ്വപ്‌ന കടുത്ത വയറുവേദന മൂലം പ്രയാസമനുഭവിക്കുന്നത് കണ്ടു. ആശുപത്രിയില്‍ പോകാന്‍ പറഞ്ഞെങ്കിലും കൂട്ടാക്കിയില്ല.

രാത്രിയായപ്പോള്‍ രക്തസ്രാവം ഉണ്ടായതിനെത്തുടര്‍ന്ന് സ്വപ്‌നയെയും കൊണ്ട് പ്രദീപ് ഏറണാകുളം ലക്ഷ്മി ആശുപത്രിയിലെത്തി. ഭാര്യയുടെ അമ്മയും ഒപ്പമുണ്ടായിരുന്നു. തൈറോയിഡിന് മരുന്ന് കഴിക്കുന്നതു മൂലമാണ് രക്തസ്രാവം ഉണ്ടായതെന്ന് ഡോക്ടറോട് നുണ പറഞ്ഞെങ്കിലും പരിശോധനയില്‍ പ്രസവിച്ചതാണു കാരണമെന്ന് ഡോക്ടര്‍ക്കു മനസിലായി. തുടര്‍ന്ന് താന്‍ വീട്ടില്‍ പ്രസവിച്ചെന്നും കുട്ടി മരിച്ചതിനാല്‍ വീട്ടില്‍ കുഴിച്ചിട്ടെന്നും യുവതി സമ്മതിച്ചു.

ആശുപത്രി അധികൃതര്‍ അറിയിച്ചതിനെത്തുടര്‍ന്ന് പോലീസ് ചൂരക്കാട്ടിലുള്ള പ്രദീപിന്റെ വീട്ടുമുറ്റത്ത് നിന്നു മൃതദേഹം കണ്ടെത്തുകയായിരുന്നു. ഭാര്യ ഗര്‍ഭിണിയാണെന്ന് പ്രദീപിന് അറിയില്ലായിരുന്നെന്നു പോലീസ് പറഞ്ഞു. ഒരു വര്‍ഷമായി െതെറോയിഡിനും കൊളസ്‌ട്രോളിനും മരുന്നു കഴിക്കുന്നതിനാല്‍ ശരീരം തടി വയ്ക്കുകയാണെന്നാണ് സ്വപ്‌ന ഭര്‍ത്താവിനെയും ബന്ധുക്കളെയും പറഞ്ഞു വിശ്വസിപ്പിച്ചിരുന്നത്. തിങ്കളാഴ്ച ഉച്ചയോടെ ബാത്ത്‌റൂമില്‍ വച്ച് സ്വപ്‌ന പ്രസവിച്ചു.

തറയില്‍ തലയടിച്ച് വീണ് കുഞ്ഞു മരിക്കുകയും പൊക്കിള്‍ക്കൊടി വലിഞ്ഞു പൊട്ടുകയും ചെയ്തു. കുഞ്ഞു മരിച്ചെന്നറിഞ്ഞ യുവതി ബാത്ത്‌റൂമിന് തൊട്ടടുത്ത് കൈകൊണ്ട് കുഴിയെടുത്ത് മൃതദേഹം മറവുചെയ്യുകയായിരുന്നുവെന്നു പോലീസ് പറഞ്ഞു. തഹസില്‍ദാര്‍ ഭരതന്റെ സാന്നിധ്യത്തില്‍ പോലീസ് സര്‍ജന്‍ ഡോ. ബിജു കുഞ്ഞിന്റെ മൃതദേഹം പോസ്റ്റ്‌മോര്‍ട്ടം നടത്തി. നിലത്തു വീണപ്പോള്‍ കുഞ്ഞിന്റെ തലയ്‌ക്കേറ്റ ക്ഷതമാണ് മരണകാരണമെന്ന് പോസ്റ്റ്‌മോര്‍ട്ടത്തില്‍ തെളിഞ്ഞു. തൃപ്പൂണിത്തുറ താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിട്ടുള്ള മൃതദേഹം ഇന്ന് സംസ്‌കരിക്കും. എറണാകുളം പനമ്പള്ളിനഗര്‍ സ്വദേശിനിയായ സ്വപ്‌നയെ പതിനൊന്നു വര്‍ഷം മുന്‍പാണ് പ്രദീപ് വിവാഹം കഴിച്ചത്. പത്തും അഞ്ചും വയസുള്ള രണ്ട് ആണ്‍മക്കള്‍ ഇവര്‍ക്കുണ്ട്.

Triple talaq: Was forced to have sex with father in law, says Hyderabad lady divorced by husband over WhatsApp
Posted by
26 April

തന്റെ പിതാവുമായി ലൈംഗിക ബന്ധത്തിന് സമ്മതിച്ചില്ല: ആറുദിവസം പൂട്ടിയിട്ടതിന് ശേഷം യുവാവ് ഭാര്യയെ മൊഴി ചൊല്ലി

ഹൈദരാബാദ്: വാട്ട്‌സ് ആപ്പിലൂടെ യുവാവ് ഭാര്യയെ മൊഴി ചൊല്ലിയത് ഭര്‍തൃപിതാവുമായി ലൈംഗിക ബന്ധത്തിനു വിസമ്മതിച്ചതിന്റെ പേരില്‍ എന്ന് റിപ്പോര്‍ട്ട്. ഹൈദരാബാദ് ബീഗംപേട്ട് സ്വദേശി സുമൈന ഷര്‍ഫിക്കാണ് ഭര്‍ത്താവില്‍നിന്നു ദുരനുഭവം നേരിടേണ്ടിവന്നത്.

ഭര്‍തൃപിതാവുമായി ശാരീരിക ബന്ധത്തിനു സമ്മതിക്കാനുള്ള ഭര്‍ത്താവ് ഒവൈസ് താലിബിന്റെ ആവശ്യം നിരസിച്ചതിനെ തുടര്‍ന്ന് ഇയാള്‍ സുമൈനയെ വാട്‌സ്ആപ്പിലൂടെ മൊഴി ചൊല്ലുകയായിരുന്നു. വിവാഹത്തിനുശേഷം ഒവൈസ് ജോലിസംബന്ധമായ ആവശ്യത്തിനായി ദുബായിയിലേക്കു പോയി. ഇതേതുടര്‍ന്ന് ഭര്‍തൃവീട്ടിലാണ് സുമൈന താമസിച്ചിരുന്നത്.

ഒവൈസിന്റെ വളര്‍ത്തമ്മ ദുര്‍മന്ത്രവാദം ചെയ്തു വന്നിരുന്ന സ്ത്രീയായിരുന്നു. ഈ സ്ത്രീയാണ് ഇവരുടെ രണ്ടാം ഭര്‍ത്താവായ ആദില്‍ അലി ഖാനുമായി ശാരീരിക ബന്ധത്തില്‍ ഏര്‍പ്പെടാനും ഗര്‍ഭം ധരിക്കാനും സുമൈനയെ നിര്‍ബന്ധിച്ചത്. ഇതിന് വിസമ്മതിച്ചപ്പോള്‍ സുമൈനയെ ഭര്‍ത്താവിന്റെ വളര്‍ത്തമ്മ ആറു ദിവസം മുറിക്കുള്ളില്‍ പൂട്ടിയിട്ടു.ഇതറിഞ്ഞ സുമൈനയുടെ പിതാവ് സ്ഥലത്തെത്തി യുവതിയെ വീട്ടിലേക്കു കൂട്ടിക്കൊണ്ടുപോകുകയായിരുന്നു.

ഇതേകുറിച്ച് ഭര്‍ത്താവിനെ വിവരമറിയിച്ചെങ്കിലും വളര്‍ത്തമ്മ പറയുന്നതുപോലെ ചെയ്യാന്‍ ഒവൈസ് നിര്‍ദേശിച്ചു. ഇതിന് വിസമ്മതിച്ചപ്പോള്‍ ഭര്‍ത്താവ് വാട്‌സ് ആപ്പിലൂടെ തലാഖ് ചൊല്ലി. ഭര്‍ത്താവിന്റെ വീട്ടില്‍ നേരിട്ട പീഡനങ്ങള്‍ വിവരിച്ചുകൊണ്ട് കഴിഞ്ഞമാസം സുമൈന പോലീസില്‍ പരാതി നല്‍കിയിരുന്നു. ഇതില്‍ അന്വേഷണം നടക്കുകയാണ്.കഴിഞ്ഞ നവംബറിലായിരുന്നു മൊഴി ചൊല്ലിയതെങ്കിലും സംഭവം ഇപ്പോഴാണ് പുറംലോകമറിയുന്നത്.

triple-talaq-story_647_042417114626

Harassment over dowry: Radio Jockey commit suicide
Posted by
26 April

സ്ത്രീധനത്തെ ചൊല്ലി ആര്‍മി ഉദ്യോഗസ്ഥനായ ഭര്‍ത്താവിന്റെ പീഡനം: റേഡിയോ ജോക്കി ആത്മഹത്യ ചെയ്തു

ഹൈദരാബാദ്: സ്ത്രീധനത്തെ ചൊല്ലി ഭര്‍ത്താവിന്റെയും വീട്ടുകാരുടെയും നിരന്തര പീഡനം സഹിക്കാനാവാതെ റേഡിയോ ജോക്കി ആത്മഹത്യ ചെയ്തു. ഹൈദരാബാദിലെ സന്ധ്യ സിങ് എന്ന റേഡിയോ ജോക്കിയെയാണ് കഴിഞ്ഞയാഴ്ച മുറിയില്‍ തൂങ്ങി മരിച്ച നിലയില്‍ കണ്ടെത്തിയത്. റോഡിയോ ചാര്‍മിനാറിലെ ആര്‍ജെയായിരുന്നു സന്ധ്യ. ആര്‍മി ഉദ്യോഗസ്ഥനായ മേജര്‍ വൈഭവ് വിശാലാണ് സന്ധ്യയുടെ ഭര്‍ത്താവ്. സ്ത്രീധനം കുറഞ്ഞു പോയതിന്റെ പേരില്‍ വൈഭവും കുടുംബവും സന്ധ്യയെ മാനസിക പീഡനത്തിനിരയാക്കിയിരുന്നതായി പോലീസ് പറഞ്ഞു.

സംഭവത്തില്‍ വൈഭവിനെതിരെ ആത്മഹത്യാപ്രേരണക്കുറ്റം ചുമത്തി പോലീസ് കേസ് എടുത്തിട്ടുണ്ട്. യുവതിയുടെ കുടുംബത്തിന്റെ പരാതിയില്‍ സ്ത്രീധനപീഡനത്തിനും വൈഭവിനെതിരെ കേസ് ചുമത്തിയിട്ടുണ്ട്. അതേസമയം ഭാര്യ മരിച്ചതില്‍ വൈഭവ് ദു:ഖത്തിലാണെന്നും സംഭവം നടന്ന ദിവസം ശാരീരിക അസ്വസ്ഥതകള്‍ അനുഭവപ്പെട്ടതിനെത്തുടര്‍ന്ന് അദ്ദേഹത്തെ ആശുപത്രിയില്‍ പ്രവേശിപ്പിച്ചിരിക്കുകയാണെന്നും പോലീസ് പറഞ്ഞു.

ഉത്തര്‍പ്രദേശ് സ്വദേശികളാണ് വൈഭവും സന്ധ്യയും. രണ്ട് വര്‍ഷങ്ങള്‍ക്ക് മുന്‍പാണ് ഇരുവരും പ്രണയിച്ച് വിവാഹിതരായത്.

keralite nurse commit suicide husband-attempts-suicide-after-wife-kills-herself
Posted by
25 April

മലയാളി നഴ്‌സ് ദുബായിയില്‍ തൂങ്ങി മരിച്ച നിലയില്‍; ഭര്‍ത്താവ് കൈയ്യിലെ ഞരമ്പ് മുറിച്ച് ഗുരുതരാവസ്ഥയില്‍

ദുബായ്: മലയാളി നഴ്‌സിനെ ദുബായിയില്‍ തൂങ്ങിമരിച്ച നിലയില്‍ കണ്ടെത്തി. യുവതിയുടെ ഭര്‍ത്താവ് കൈയ്യിലെ ഞരമ്പ് മുറിച്ച് ഗുരുതരാവസ്ഥയിലായി.
ഭാര്യ ആത്മഹത്യ ചെയ്ത വിവരമറിഞ്ഞ ഭര്‍ത്താവും ആത്മഹത്യയ്ക്ക് ശ്രമിച്ചതായാണ് പ്രാഥമിക നിഗമനം.

തിരുവനന്തപുരം സ്വദേശിയായ നഴ്‌സാണ് ആത്മഹത്യ ചെയ്തത്. ഭര്‍ത്താവുമൊത്തുള്ള വഴക്കിനെ തുടര്‍ന്ന് യുവതി മുറിയില്‍ കയറി വാതില്‍ ലോക്ക് ചെയ്യുകയായിരുന്നു പിന്നീട് ഭര്‍ത്താവ് പുറത്തേക്ക് പോകുകയും ചെയ്തു. തിരിച്ചെത്തിയിട്ടും യുവതി വാതില്‍ തുറക്കാതിരിക്കുന്നത് കണ്ട് സംശയം തോന്നിയ യുവാവ് വാതില്‍ തള്ളിത്തുറന്ന് അകത്ത് കയറിയപ്പോഴാണ് തൂങ്ങി നില്‍ക്കുന്ന നിലയില്‍ ഇവരെ കണ്ടെത്തിയത്.

തുടര്‍ന്ന് കൈയ്യിലെ ഞരമ്പ് മുറിച്ച് യുവാവും ആത്മഹത്യക്ക് ശ്രമിക്കുകയായിരുന്നു. മൂന്ന് മാസങ്ങള്‍ക്ക് മുന്‍പാണ് ഇവരുടെ വിവാഹം കഴിഞ്ഞത്. ഒരു മാസം മുന്‍പാണ് ഇവര്‍ സംഭവം നടന്ന ഖിസൈസ് ഷെയ്ഖ് റാഷിദ് ബില്‍ഡിങ്ങിലേക്ക് താമസം മാറ്റിയത്. യുവാവ് ഇപ്പോഴും ആശുപത്രിയില്‍ ചികിത്സയിലാണ്. ഇവരെ കുറിച്ചുള്ള വിശദവിവിരങ്ങള്‍ പോലീസ് പുറത്തുവിട്ടിട്ടില്ല.

indian-young couples-live-stream-sex-to-earn-money in porn sites
Posted by
25 April

ഇന്ത്യന്‍ ദമ്പതിമാര്‍ തങ്ങളുടെ കിടപ്പറ രംഗങ്ങള്‍ പോണ്‍ സൈറ്റുകളില്‍ ലൈവ് സ്ട്രീമിംഗ് നടത്തി മാസം സമ്പാദിക്കുന്നത് 15 ലക്ഷം രുപ വരെ; ഇത്തരത്തില്‍ പണം സമ്പാദിക്കുന്നവരില്‍ ഏറെയും യുവദമ്പതികളെന്നും ഞെട്ടിക്കുന്ന റിപ്പോര്‍ട്ട്

ന്യൂഡല്‍ഹി: ഇന്ത്യന്‍ ദമ്പതിമാര്‍ തങ്ങള്‍ ലൈംഗിക ബന്ധത്തിലേര്‍പ്പെടുന്നത് ലൈവ് സ്ട്രീമിംഗ് നടത്തി പോണ്‍ സൈറ്റുകള്‍ക്കു വിറ്റു ലക്ഷങ്ങള്‍ സമ്പാദിക്കുന്നതായി റിപ്പോര്‍ട്ട്. മാസം 15 ലക്ഷം വരെ ഇത്തരത്തില്‍ സമ്പാദിക്കുന്നവരുമുണ്ട്. രണ്ടായിരത്തോളം ദമ്പതികള്‍ വേഗത്തില്‍ പണം സമ്പാദിക്കാന്‍ ഇതൊരു സ്ഥിരമാര്‍ഗമായി ഉപയോഗപ്പെടുത്തുന്നുണ്ടെന്നു കണക്കുകള്‍ വ്യക്തമാക്കുന്നു.

ലൈവ് സ്ട്രീംമിംഗ് ആരംഭിക്കുന്നതിനു മുമ്പായി തന്നെ ദമ്പതിമാര്‍ക്ക് പണം പല പോണ്‍ സൈറ്റുകളും നല്‍കുന്നുണ്ട്. ഡിജിറ്റല്‍ കറന്‍സിയാണ് ബിസിനസില്‍ ഉപയോഗിക്കുന്നത്. അതുകൊണ്ട് പണകൈമാറ്റത്തിന് കാലതാമസം വരുന്നില്ല. ഇടപാടുകാര്‍ക്കു നേരിട്ട് കാണേണ്ടതുമില്ല എന്നതും ഇത്തരത്തില്‍ പണം സമ്പാദിക്കാന്‍ യുവദമ്പതികളെ പ്രേരിപ്പിക്കുന്നതായാണ് റിപ്പോര്‍ട്ടുകള്‍.

ഇന്ത്യന്‍ സെക്‌സ് വീഡിയോകള്‍ക്ക് പോണ്‍ വിപണീയില്‍ വലിയ മാര്‍ക്കറ്റുണ്ട്. ഈ സാാധ്യതയാണ് ചെറുപ്പക്കാരായ ദമ്പതിമാര്‍ ഉപയോഗപ്പെടുത്തുന്നത്. പ്രതിദിനം 35,000 നും 60,000 നും ഇടയില്‍ പണം സമ്പാദിക്കുന്ന ഇന്ത്യന്‍ ദമ്പതികളുണ്ടെന്ന് സൈബര്‍ രംഗത്തെ വിദഗ്തര്‍ ചൂണ്ടിക്കാണിക്കുന്നു.

ഭാര്യയുമൊത്തുള്ള കിടപ്പറ രംഗങ്ങള്‍ ലൈവ് സ്ട്രീമിംഗ് വഴി പോണ്‍ സൈറ്റുകള്‍ക്കു വിറ്റ ഹൈദരാബാദ് സ്വദേശിയായ സോഫ്റ്റ്‌വെയര്‍ എഞ്ചിനീയര്‍ കഴിഞ്ഞ ദിവസം അറസ്റ്റിലായിരുന്നു. ഇതേതുടര്‍ന്ന് നടത്തിയ അന്വേഷണത്തിലാണ് ഞെട്ടിക്കുന്ന ഈ വിവരങ്ങള്‍ പുറത്തുവന്നത്.

അതേസമയം ഇന്ത്യയില്‍ അശ്ലീല ദൃശ്യങ്ങള്‍ വെബ്‌സൈറ്റുകള്‍ വഴിയും മറ്റും പുറത്തുവിടുന്നതും, വിതരണം ചെയ്യുന്നതും 2000ത്തിലെ ഐറ്റി നിയമത്തിലെ 67എ വകുപ്പ് അനുസരിച്ച് കുറ്റകരമാണ്.