ബിഎസ്എന്‍എല്‍ ഞായറാഴ്ചകളിലെ സൗജന്യ കോള്‍ സേവനം നിര്‍ത്തലാക്കുന്നു; ഫെബ്രുവരി മുതല്‍ ഇനി സൗജന്യമില്ല
Posted by
17 January

ബിഎസ്എന്‍എല്‍ ഞായറാഴ്ചകളിലെ സൗജന്യ കോള്‍ സേവനം നിര്‍ത്തലാക്കുന്നു; ഫെബ്രുവരി മുതല്‍ ഇനി സൗജന്യമില്ല

കൊല്ലം: ബിഎസ്എന്‍എല്ലിന്റെ ഏറ്റവും ആകര്‍ഷകമായ ഓഫറുകളില്‍ ഒന്നായ ഞായറാഴ്ചകളിലെ സൗജന്യ കോള്‍ സേവനം നിര്‍ത്തലാക്കുാന്നു. ബിഎസ്എന്‍എല്‍ ലാന്‍ഡ് ഫോണുകളില്‍ നല്‍കി വന്നിരുന്ന ഞായറാഴ്ചകളിലെ 24 മണിക്കൂര്‍ സൗജന്യ കോള്‍ സേവനമാണ് കമ്പനി അവസാനിപ്പിക്കുന്നത്. ഫെബ്രുവരി ഒന്നു മുതലാണ് ഓഫര്‍ നിലയ്ക്കുക. ഇതനുസരിച്ചു ഫെബ്രുവരിയിലെ ആദ്യ ഞായറാഴ്ച മുതല്‍ സേവനം ലഭ്യമാകില്ല.

ലാന്‍ഡ്‌ഫോണുകളുടെ പ്രചാരം വര്‍ധിപ്പിക്കുക ലക്ഷ്യമിട്ട് ബിഎസ്എന്‍എല്‍ രാജ്യവ്യാപകമായി നടപ്പാക്കിയ പദ്ധതിയാണ് പിന്‍വലിക്കുന്നത്. നേരത്തെ രാത്രികാലങ്ങളില്‍ നല്‍കി വന്നിരുന്ന സൗജന്യ കോള്‍ സേവനത്തിന്റെ സമയപരിധിയിലും കുറവു വരുത്തിയിരുന്നു. ഞായറാഴ്ചകളില്‍ 24 മണിക്കൂര്‍ സൗജന്യമായി വിളിക്കുന്ന ഓഫര്‍ ഒഴിവാക്കുമ്പോഴും രാത്രിയില്‍ ലഭിക്കുന്ന നൈറ്റ് ഓഫര്‍ ലഭ്യമാകുമെന്നാണു ബിഎസ്എന്‍എല്‍ അധികൃതര്‍ പറയുന്നത്.

രാത്രി 10.30 മുതല്‍ രാവിലെ ആറുവരെയാണു രാജ്യത്തെ ഏതു നെറ്റ്വര്‍ക്കുകളിലേക്കും സൗജന്യമായി വിളിക്കാന്‍ സാധിക്കുന്നത്. ജനുവരി ഒന്നിനു തന്നെ ഹിമാചല്‍ പ്രദേശ് സര്‍ക്കിളില്‍ ഞായറാഴ്ചകളിലെ 24 മണിക്കൂര്‍ സൗജന്യ കോള്‍ ഓഫര്‍ പിന്‍വലിച്ചിരുന്നു.

ഓഹരി വിപണി ചരിത്രം കുറിച്ചു; സെന്‍സെക്‌സ് ആദ്യമായി 35,000 പോയിന്റ് മറികടന്നു
Posted by
17 January

ഓഹരി വിപണി ചരിത്രം കുറിച്ചു; സെന്‍സെക്‌സ് ആദ്യമായി 35,000 പോയിന്റ് മറികടന്നു

മുംബൈ: രാജ്യത്തെ ഓഹരി വിപണിയ്ക്ക് ഇത് ചരിത്ര മുഹൂര്‍ത്തം. ബോംബെ സ്റ്റോക്ക് എക്സ്ചേഞ്ച് സൂചികയായ സെന്‍സെക്സ് 35,000 പോയിന്റ് മറികടന്ന് വ്യപാരം പുരോഗമിക്കുന്നു. 324.72 പോയിന്റ് ഉയര്‍ന്ന് 35,095.77 ലാണ് വ്യാപാരം നടക്കുന്നത്. 97.20 പോയിന്റ് ഉയര്‍ന്ന നിഫ്റ്റി 10797.40 പോയിന്റിലും ഇടപാടുകള്‍ നടക്കുന്നു.

ഇന്ത്യന്‍ ഓഹരി മാര്‍ക്കറ്റിന്റെ ചരിത്രത്തില്‍ ആദ്യമായാണ് സെന്‍സെക്സ് 35,000 പോയിന്റിന് മുകളില്‍ എത്തുന്നത്. ഐടി ഓഹരികളാണ് വന്‍ കുതിപ്പിന് നേതൃത്വം നല്‍കിയത്. ഇതോടൊപ്പം 70 ഉത്പന്നങ്ങളുടെയും സേവനങ്ങളുടെയും ജിഎസ്ടി കുറയ്ക്കുമെന്ന വാര്‍ത്തയും മാര്‍ക്കറ്റിനു ഉണര്‍വ്വ് നല്‍കി.

ബിസിനസില്‍ പ്രാഞ്ചിയേട്ടന്‍മാര്‍ ബാദ്ധ്യതയാകാതിരിക്കുവാന്‍ ശ്രദ്ധിക്കേണ്ടത്
Posted by
12 January

ബിസിനസില്‍ പ്രാഞ്ചിയേട്ടന്‍മാര്‍ ബാദ്ധ്യതയാകാതിരിക്കുവാന്‍ ശ്രദ്ധിക്കേണ്ടത്

പ്രാഞ്ചിയേട്ടന്‍മാരെ ആശ്രയിച്ചാണ് പല സ്റ്റാര്‍ട്അപ് ബിസിനസുകളും നിലനില്‍ക്കുന്നത്. മമ്മൂട്ടി അഭിനയിച്ച സിനിമ ഓര്‍മയില്ലേ. തന്റെ പേരും പെരുമയും കൂട്ടാന്‍ വളരെ ഉദാരമായി പണം ചിലവഴിക്കുന്ന സഹൃദനായ സമ്പന്നന്‍. അവരെ പുതിയ കമ്പോളത്തില്‍ വിളിക്കുന്ന പേര്‍ മാലാഖ നിക്ഷേപകര്‍ എന്നാണ്. അഥവാ Angel Investors. അവരുടെ നിക്ഷേപത്തെ ഏയ്ഞ്ജല്‍ ഇന്‍വസ്റ്റ്‌മെന്റ് എന്നും പറയുന്നു. പുറം നിക്ഷേപങ്ങളില്ലാത്തവര്‍ക്കും, വായ്പയ്ക്ക് പ്രയാസം നേരിടുകയും, വായപയെടുക്കാന്‍ ആശങ്കപ്പെടുകയും ചെയ്യുന്നവര്‍ക്കും Angel Investment അനിവാര്യമാണ്. പ്രത്യേകിച്ചും ഉയര്‍ന്ന വരുമാനവും സേവിംഗ്‌സുമുള്ള വിദേശികള്‍, നല്ല റിട്ടേണ്‍സ് ലഭിക്കുന്ന ബിസിനസുകാര്‍, ഉയര്‍ന്ന ശമ്പളം വാങ്ങുന്ന ഡോക്ടര്‍മാര്‍ തുടങ്ങിയവര്‍ പുതിയ വിപണിയുടെയും സാമ്പത്തിക മേഖലകളുടെയും ചലനങ്ങളറിയാനും അതിന്റെ ഭാഗമാകാനും ഇപ്രകാരം മുതല്‍മുടക്കാറുണ്ട്. ഉദാരമായ സഹായം, പ്രണയം, ഭാവിയുലെ ബിസിനസ് സാദ്ധ്യതയോക്കുറിച്ചുള്ള സന്ദേഹം, തുടങ്ങി സാഹസികതയോടും റിസ്‌കിനോടുമുള്ള ഇഷ്ടം എന്നിങ്ങനെ പലതരം പ്രേരണകളാണ് മാലാഖ നിക്ഷേപങ്ങള്‍ക്കു പിന്നിലുള്ളത്.

അമേരിക്കയിലെ നാടകകലയുടെ ഹബ്ബായ ബ്രോഡ്വേ തീയറ്ററില്‍ നാടകങ്ങള്‍ക്കു വേണ്ടി പണം ചിലവഴിക്കുന്നവരെ ‘മാലാഖമാര്‍’ എന്നാണ് വിളിച്ചിരുന്നത്. ചിത്രകലയെയും മറ്റും പ്രോത്സാഹിപ്പിച്ചിരുന്നവരെ രക്ഷാധികാരികള്‍ (patrons) എന്ന് വിളിച്ചതു പോലെ. 1980കളില്‍ അമേരിക്കയില്‍ മുളച്ചു പൊങ്ങിയ പല വ്യവസായങ്ങള്‍ക്കും പണമിറക്കിയവരെ മാലാഖമാര്‍ എന്ന് വിളിക്കപ്പെട്ടു. സ്റ്റീവ് ജോബ്‌സും, വോസ്‌നികും ചേര്‍ന്ന് വികസിപ്പിച്ച ആപ്പിള്‍ രണ്ട് പേഴ്‌സണല്‍ കംപ്യൂട്ടറിന് പണമിറക്കിയ മൈക് മറക്കുളയെ മറന്ന് കളയരുത്.

തലമുടി ചീകാത്ത മോശം വസ്ത്രധാരിയായ സ്റ്റീവ് ജോബ്‌സും കൂടെയുള്ള ഒരു കുറുക്കനും കണ്ടെത്തിയ ഉപകരണത്തിന് നിക്ഷേപമിറക്കാന്‍ പലരും വിമുഖത കാണിച്ചു. സാങ്കേതികവിദ്യാ ബിസിനസ് രംഗത്ത് പണമിറക്കി വിജയിച്ച പ്രഗത്ഭരായ റെജിസ് മക്കന്ന, ഡോണ്‍ വാലന്റെയിന്‍ എന്നിവരാണ് അവരെ ഒന്ന് ഒഴിവാക്കാനായി മറക്കുളയുടെ അടുക്കലേക്ക് പറഞ്ഞയക്കുന്നത്. ചെരുപ്പിടാത്ത, തല ചീകാത്ത സ്റ്റീവിനെയല്ല, അയാളുടെ എനര്‍ജിയും ആത്മവിശ്വാസവുമാണ് മറക്കുളയെ ആകര്‍ഷിച്ചത്. ഒരു പുതിയ സാങ്കേതിക ഉപകരണത്തെ, സാങ്കേതിക ഉപകരണങ്ങളുടെ നിര്‍മാതാക്കള്‍ക്കിടിയില്‍ അഗ്രഗണ്യരാക്കി ഉയര്‍ത്തുന്നതിന് പിന്നില്‍ മറക്കുള ഇറക്കിയ പണം മാത്രമല്ല ഉള്ളത്. ഒരു ബിസിനസ് സംരംഭമായി ആപ്പിളിനെ പരിവര്‍ത്തിപ്പിച്ച ദിശോബോധവും, ബിസിനസ് സംഘാടനവും, കൂടുതല്‍ നിക്ഷേപങ്ങളും മറക്കുളയുടെ സംഭാവനയായിരുന്നു.

ചില പ്രാഞ്ചിയേട്ടന്‍മാര്‍ ഒരു കാലത്ത് ഇങ്ങനെ പറയും ‘അവന്‍ തേരാപ്പാര നടന്ന കാലത്ത്, ഞാനാ അവന് കാശു കൊടുത്തത്. എന്നിട്ടത് നശിപ്പിച്ചു. അവനൊന്നും ഒരു ഗുണോം ഒരു കാലത്തും ഉണ്ടാവൂല.’

വളരെ റിസ്‌കേറിയ ബിസിനസ് നവപ്രവര്‍ത്തനങ്ങളുടെ കാലത്ത് ഇത്തരം വര്‍ത്തമാനങ്ങള്‍ സര്‍വസാധാരണമാണ്. ഒരു പക്ഷെ കുറഞ്ഞ ഒരു നിക്ഷേപത്തിന്റെ പുറത്തും ആത്മവീര്യം കെടുത്തുന്ന ഇത്തരം നെടുങ്കന്‍ പ്രസ്താവനകള്‍ ഉണ്ടാകാതിരിക്കാന്‍ പുതിയ സംരംഭകര്‍ ശ്രദ്ധിക്കേണ്ടത് ഒന്നാമതായി ഒരു കാര്യമാണ്.

പണം മാത്രം നല്‍കുന്നവരെ നിക്ഷേപകര്‍ ആക്കാതിരിക്കുക. മറക്കുളയെപ്പോലെ ബിസിനസ് സംഘാടനത്തിന്റെ ടെക്‌നികുകള്‍ അറിയാവുന്നവരോ, ദിശാബോധമുള്ളവരോ ആയിരിക്കണം അവര്‍. നമ്മുടെ കാഴ്ചപ്പാടുകള്‍ പൂര്‍ണ്ണമായി മനസ്സിലാക്കുകയും, റിസ്‌കിനെ ഇഷ്ടപ്പെടുകയും, നമ്മുടെ ഭാവിയെക്കുറിച്ച് അന്തര്‍ജ്ഞാനമുള്ളവരുമായിരിക്കണം അവര്‍. അല്ലാത്തവര്‍ പണം തരുമായിരിക്കും. പണം വേണം എന്നതല്ല പ്രാമുഖ്യം, ബിസിനസ് വളര്‍ച്ചയുടെ നിക്ഷേപമാണ് വേണ്ടത്. അതില്ലാത്ത പണം ബാദ്ധ്യതയാണ്.

Article by Shahir Esmail

2ജിബി ഡാറ്റ ദിനവും; ഹാപ്പി ന്യൂയര്‍ പ്ലാനുമായി ജിയോയും എത്തി; ടെലികോം കമ്പനികളുടെ ഓഫര്‍ പെരുമഴയില്‍ അമ്പരന്ന് ഉപയോക്താക്കള്‍
Posted by
23 December

2ജിബി ഡാറ്റ ദിനവും; ഹാപ്പി ന്യൂയര്‍ പ്ലാനുമായി ജിയോയും എത്തി; ടെലികോം കമ്പനികളുടെ ഓഫര്‍ പെരുമഴയില്‍ അമ്പരന്ന് ഉപയോക്താക്കള്‍

ഉപയോക്താക്കള്‍ക്ക് ഇത് സന്തോഷത്തിന്റെ ഉത്സവകാലമാണ്. ക്രിസ്മസ്-ന്യൂയര്‍ ആഘോഷങ്ങള്‍ക്ക് നിറം നല്‍കാന്‍ ഓഫര്‍ പെരുമഴയാണ് സ്വകാര്യ ടെലികോം കമ്പനികള്‍ ഒരുക്കിയിരിക്കുന്നത്. കുറഞ്ഞ നിരക്കില്‍ കൂടുതല്‍ ഡേറ്റയും സൗജന്യ കോളുകളുമാണ് ഇത്തവണത്തേയും ഓഫറുകള്‍. ജിയോ കൂടി ഇതിനിടയില്‍ പുതിയ പ്ലാനുമായി എത്തിയതോടെ രംഗത്ത് മത്സരം കടുത്തിരിക്കുകയാണ്. ജിയോ ഹാപ്പി ന്യൂയര്‍ പ്ലാന്‍ 2018 എന്നപേരിലാണ് പുതിയ ഓഫര്‍.

199 രൂപയ്ക്ക് പ്രതിദിനം 1.2 ജിബി ഡാറ്റ ഉപയോഗിക്കാവുന്നതാണ് പ്ലാന്‍. 28 ദിവസമാണ് കാലാവധി. ഇതോടൊപ്പം പരിധിയില്ലാതെ കോള്‍, എസ്എംഎസ് സൗകര്യവും ജിയോ നല്‍കുന്നു. 299 രൂപ നിരക്കിലുള്ള മറ്റൊരു പ്ലാനില്‍ ചേരുന്നവര്‍ക്ക് പ്രതിദിനം 2ജിബി വീതം ഉപയോഗിക്കാം. 28 ദിവസംതന്നെയാണ് ഇതിന്റെയും കാലാവധി. കൂടുതല്‍ ഡാറ്റ ഉപയോഗിക്കുന്നവരെയും പുതിയ വരിക്കാരെയും ലക്ഷ്യമിട്ടാണ് പുതിയ ഓഫര്‍. നിലവിവിലുള്ള പ്രൈം വരിക്കാര്‍ക്കും പുതിയതായി ചേരുന്നവര്‍ക്കുമാണ് പ്ലാന്‍ ലഭ്യമാകുക.

ഭാരതി എയര്‍ടെല്‍, ഐഡിയ, വൊഡാഫോണ്‍ എന്നീ കമ്പനികളും 199 രൂപയുടെ പ്ലാന്‍ നല്‍കി വരുന്നുണ്ട്. പ്രതിദിനം ഒരു ജിബിയാണ് ഈ പ്ലാന്‍ പ്രകാരം ലഭിക്കുക. മാസം നാല് ജിബി ഡാറ്റ ഉപയോഗിക്കാന്‍ കഴിയുന്ന 149 രൂപയുടെ പ്ലാനാണ് നിലവില്‍ ജിയോയുടെ ഏറ്റവും കുറഞ്ഞനിരക്കിലുള്ള പ്ലാന്‍.

യുഎസ് നികുതി പരിഷ്‌കാരം തുണച്ചത് ഇന്ത്യയെ; ഓഹരി വിപണിയില്‍ ചരിത്ര നേട്ടം
Posted by
22 December

യുഎസ് നികുതി പരിഷ്‌കാരം തുണച്ചത് ഇന്ത്യയെ; ഓഹരി വിപണിയില്‍ ചരിത്ര നേട്ടം

മുംബൈ: ഇന്ത്യന്‍ ഓഹരി വിപണിയില്‍ ചരിത്ര നേട്ടം. ദേശീയ സൂചിക നിഫ്റ്റി പുതിയ റെക്കോര്‍ഡിലേക്ക് ഉയര്‍ന്ന് ചരിത്രം സൃഷ്ടിക്കുകയായിരുന്നു. നിഫ്റ്റി 52.70 പോയിന്റ് ഉയര്‍ന്ന് 10,493ല്‍ വ്യാപാരം അവസാനിപ്പിച്ചു. വെള്ളിയാഴ്ച വ്യാപാരത്തിനിടെ നിഫ്റ്റി 10,500 പോയിന്റില്‍ എത്തുകയായിരുന്നു. ബോംബെ സൂചിക സെന്‍സെക്‌സ് 184.02 പോയിന്റ് ഉയര്‍ന്ന് 33,940ലാണ് വ്യാപാരം അവസാനിപ്പിച്ചത്.

അമേരിക്കയുടെ സാമ്പത്തിക സ്ഥിതി സംബന്ധിച്ച മികച്ച റിപ്പോര്‍ട്ട്, യുഎസിലെ നികുതി പരിഷ്‌കാരം എന്നിവ ആഗോളവിപണികളെ സ്വാധീനിച്ചിരുന്നു. ഇതിെന്റ പ്രതിഫലനം ഇന്ത്യന്‍ വിപണിയിലും ഏഷ്യന്‍ വിപണിയിലും ഉണ്ടായി. ഗുജറാത്ത് തെരഞ്ഞെടുപ്പില്‍ ബിജെപിയുടെ വിജയവും വിപണിക്ക് നിര്‍ണായകമായി.

ഒഎന്‍ജിസി, ടിസിഎസ്, ബജാജ് ഫിനാന്‍സ്, ഹിന്‍ഡാല്‍കോ, ഇന്‍ഫോസിസ് എന്നീ ഓഹരികളെല്ലാം നേട്ടം രേഖപ്പെടുത്തി. ഇവയുടെ വില 1.7 മുതല്‍ 2.9 ശതമാനം വരെ ഉയര്‍ന്നു. അമേരിക്കയില്‍ പുറംജോലി കരാറുമായി ബന്ധപ്പെട്ട് പ്രവര്‍ത്തിക്കുന്ന അസെഞ്ച്വര്‍ എന്ന കമ്പനിക്ക് ഭാവിയില്‍ നേട്ടമുണ്ടാകുമെന്ന പ്രവചനവും ഐടി ഓഹരികളുടെ വില ഉയരുന്നതിന് കാരണമായി. കോള്‍ ഇന്ത്യ, ടാറ്റ സ്റ്റീല്‍, അള്‍ട്രാടെക് എന്നിവയാണ് നഷ്ടം രേഖപ്പെടുത്തിയ പ്രധാന ഓഹരികള്‍.

മുഖ്യ പലിശനിരക്കുകള്‍ കുറയ്ക്കണമെന്ന നിര്‍ദേശം തള്ളി; പലിശനിരക്കുകളില്‍ മാറ്റമില്ലാതെ റിസര്‍വ് ബാങ്ക് വായ്പാനയം പ്രഖ്യാപിച്ചു
Posted by
06 December

മുഖ്യ പലിശനിരക്കുകള്‍ കുറയ്ക്കണമെന്ന നിര്‍ദേശം തള്ളി; പലിശനിരക്കുകളില്‍ മാറ്റമില്ലാതെ റിസര്‍വ് ബാങ്ക് വായ്പാനയം പ്രഖ്യാപിച്ചു

ന്യൂഡല്‍ഹി: പലിശ നിരക്കുകളില്‍ മാറ്റമില്ലാതെ റിസര്‍വ് ബാങ്ക് വായ്പനയം പ്രഖ്യാപിച്ചു. റിപോ നിരക്ക് 6 ശതമാനമായും റിവേഴ്‌സ് റിപോ നിരക്ക് 5 .75 ശതമാനത്തിലും തന്നെ തുടരും. ബാങ്കുകളുടെ കരുതല്‍ ധന അനുപാതം (ക്യാഷ് റിസര്‍വ് റേഷ്യോ) 4 ശതമാനത്തിലും മാറ്റമില്ല.

മോണിറ്ററി പോളിസി കമ്മറ്റിയിലെ (എംപിസി) ആറ് അംഗങ്ങളില്‍ അഞ്ചു പേരും മുഖ്യ പലിശ നിരക്കുകളില്‍ തല്‍സ്ഥിതി തുടരുന്നതിന് അനുകൂലമായാണ് പ്രതികരിച്ചതെന്ന് ആര്‍ബിഐ അധികൃതര്‍ വ്യക്തമാക്കി. അടുത്ത രണ്ടു ക്വാര്‍ട്ടറുകളില്‍ പണപ്പെരുപ്പ നിരക്ക് 4 .3 – 4 .7 ശതമാനം ആയി നിലനിര്‍ത്താനാകുമെന്നാണ് റിസര്‍വ് ബാങ്ക് പ്രതീക്ഷിക്കുന്നത്. പ്രധാന മന്ത്രിയുടെ ഓഫീസ് നേരത്തെ മുഖ്യ പലിശ നിരക്കുകള്‍ താഴ്ത്തണമെന്ന നിര്‍ദേശം മോനിറ്ററി പോളിസി കമ്മറ്റിയിലെ സര്‍ക്കാര്‍ പ്രതിനിധികള്‍ക്ക് നല്‍കിയിരുന്നു.

അതേസമയം പലിശ നിരക്ക് കുറയില്ലെന്ന വാര്‍ത്ത ഓഹരി കമ്പോളത്തെ ഏറെ പ്രതികൂലമായി ബാധിച്ചു. സെന്‍സെക്‌സ് 232.28 പോയിന്റ് ഇടിഞ്ഞാണ് വ്യാപാരം നടക്കുന്നത്.

2010ല്‍ 3 രൂപ മുടക്കി ഒരൊറ്റ ബിറ്റ് കോയിന്‍ കരസ്ഥമാക്കിയിരുന്നേല്‍ ഇന്ന് ലഭിക്കുന്നത് 8,19,222.73 രൂപ:  ബിറ്റ് കോയിന്‍ കുതിക്കുന്നു, മൂല്യം 12,000 ഡോളര്‍ എത്തി
Posted by
06 December

2010ല്‍ 3 രൂപ മുടക്കി ഒരൊറ്റ ബിറ്റ് കോയിന്‍ കരസ്ഥമാക്കിയിരുന്നേല്‍ ഇന്ന് ലഭിക്കുന്നത് 8,19,222.73 രൂപ: ബിറ്റ് കോയിന്‍ കുതിക്കുന്നു, മൂല്യം 12,000 ഡോളര്‍ എത്തി

ന്യൂയോര്‍ക്ക്: എല്ലാ ആരോപണങ്ങളെയും നിഷ്പ്രഭമാക്കി കുതിച്ച് കയറുകയാണ് ബിറ്റ് കോയിന്‍ എന്ന ഡിജിറ്റല്‍ കറന്‍സി. ബിറ്റ്‌കോയിന്റെ വിനിമയമൂല്യം നിലവില്‍ 12,000 ഡോളര്‍ എത്തി നില്‍ക്കുകയാണ്. ചരിത്രത്തിലെ തന്നെ ഏറ്റവും കൂടിയ നിരക്കാണിത്. കഴിഞ്ഞ ആഴ്ച്ച 10,000 ഡോളര്‍ മൂല്യമെത്തിയത് വലിയ വാര്‍ത്തകള്‍ സൃഷ്ടിച്ചിരുന്നു.

ബിറ്റ് കോയിന്റെ വിപണനമൂല്യത്തിലെ ഈ കുതിച്ച് കയറ്റം ആകാംഷയോടൊപ്പം ആശങ്കയോടെയുമാണ് സാമ്പത്തിക വിദഗ്ദര്‍ നോക്കി കാണുന്നത്. ഇന്ത്യയടക്കമുള്ള വിവിധ രാജ്യങ്ങളില്‍ അംഗീകാരമില്ലാത്ത ഈ ഡിജിറ്റല്‍ മണി ഭാവിയില്‍ തിരിച്ചടിയാകുമോ എന്ന ഭീതിയും നിലനില്‍ക്കുന്നുണ്ട്.

സാങ്കല്‍പിക കറന്‍സിയായ ബിറ്റകോയിന്‍ ഇന്റര്‍നെറ്റിലൂടെ മാത്രമാണ് വിനമയം സാധ്യമാകുക. രഹസ്യ നാണയങ്ങള്‍ അഥവാ ക്രിപ്‌റ്റോ കറന്‍സികള്‍ എന്നറിയപ്പെടുന്ന ഡിജിറ്റല്‍ കറന്‍സികളില്‍ ബിറ്റകോയിനാണ് പ്രസിദ്ധം.

ലോകത്തെവിടെയും ഒരു പോലെ പണമിടപാടുകള്‍ നടത്താന്‍ ഉപയോഗിക്കാവുന്ന ഈ കറന്‍സി രാജ്യങ്ങളുടെ പരമാധികാരത്തിന് ഭീഷണി സൃഷ്ടിക്കുമെന്നും ആശങ്ക നിലനില്‍ക്കുന്നു. 2009ലാണ് ബിറ്റ്‌കോയിന്‍ നിലവില്‍ വരുന്നത്. തുടര്‍ന്ന് ജൂലൈ 2010 എത്തിയതും ബിറ്റ് കോയിന്റെ വില 0.08 ഡോളര്‍ കൈവരിച്ചു. അതായത് ഇന്നതെ വിനമയ നിരക്കില്‍ 5 രൂപ പതിറാന് പൈസ. എന്നാല്‍ ഏഴ് വര്‍ഷങ്ങള്‍ക്ക് ശേഷം 2017 അവസാന വക്കില്‍ ഒരു ബിറ്റ് കോയിന്റെ വില 12,726 ഡോളര്‍. അതായത്, ഇന്ത്യയില്‍ 8,21087.56 രൂപ.

 

സാംസങിനെ പിന്തള്ളി ഇന്ത്യന്‍ വിപണിയില്‍ ഒന്നാമനായി ഷാവോമി
Posted by
01 December

സാംസങിനെ പിന്തള്ളി ഇന്ത്യന്‍ വിപണിയില്‍ ഒന്നാമനായി ഷാവോമി

ഇന്ത്യന്‍ വിപണിയില്‍ താരമായി. സാംസങ്, ലെനോവോ, ഓപ്പോ, വിവോ തുടങ്ങിയ കമ്പനികളെ പിന്നിലാക്കി ഷാവോമി വിപണിയില്‍ ഒന്നാമനായി. ഈ സാമ്പത്തിക വര്‍ഷത്തിന്റെ മൂന്നാം പാദത്തില്‍ഇന്ത്യയിലെ 50 നഗരങ്ങളെ കേന്ദ്രീകരിച്ച് ഇന്റര്‍നാഷണല്‍ ഡാറ്റ കോര്‍പ്പറേഷന്‍ (കഉഇ) നടത്തിയ കണക്കെടുപ്പിലാണ് ഷവോമി തിളങ്ങിയത്.

ഇന്ത്യന്‍ വിപണിയില്‍ ഇതുവരെ താരമായിരുന്ന സാംസങിനെ പിന്തള്ളിയാണ് ചൈനീസ് സ്മാര്‍ട്ട്‌ഫോണ്‍ നിര്‍മാതാക്കളായ ഷവോമി ഈ നേട്ടം കൈവരിച്ചത്. റെഡ്മി നോട്ട് 4 ന്റെ വില്‍പനയാണ് ഇതിന് കാരണം. ഇപ്രകാരം സാസംങിനെ പിന്നിലാക്കി 6.5 ശതമാനം വിപണിവിഹിതമാണ് ഷവോമി നേടിയെടുത്തത്. പ്രമുഖ നഗരങ്ങളിലെ കണക്കെടുത്തപ്പോള്‍ റെഡ്മി നോട്ട് 4ന്റെ വില്പനയിലാണ് ഐഡിസി ഏറ്റവും കൂടുതല്‍ വര്‍ധനവ് രേഖപ്പെടുത്തിയത്. രാജ്യത്ത് 40 ശതമാനം വില്പനയാണ് റെഡ്മി നോട്ട് 4 നേടിയത്.

15 ശതമാനം വര്‍ധനവോടെ സാംസങ് ആണ് രണ്ടാം സ്ഥാനം സ്വന്തമാക്കിയത്. ഗാലക്‌സി ജെ2, ഗാലക്‌സി ജെ7, ഗാലക്‌സി ജെ7മാക്‌സ് തുടങ്ങിയ ഫോണുകളുടെ വില്പനയിലൂടെ 24.1 ശതമാനം വിപണിവിഹിതമാണ് സാംസങ് നേടിയെടുത്തതെന്ന് റിപ്പോര്‍ട്ടില്‍ പറയുന്നു.

എസ്ബിഐയില്‍ ആറു മാസത്തിനുള്ളില്‍ ജോലി പോയത് 10500 പേര്‍ക്ക്; ചെറുകിടലോണ്‍ അനുവദിക്കാതെ ജനങ്ങളെ വലച്ചും എസ്ബിഐ നടപടി
Posted by
16 November

എസ്ബിഐയില്‍ ആറു മാസത്തിനുള്ളില്‍ ജോലി പോയത് 10500 പേര്‍ക്ക്; ചെറുകിടലോണ്‍ അനുവദിക്കാതെ ജനങ്ങളെ വലച്ചും എസ്ബിഐ നടപടി

കൊച്ചി: രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐയുടെ ലയനത്തിനു പിന്നാലെ ഉണ്ടായ കൂട്ടപിരിച്ചുവിടലില്‍ 10500 ജീവനക്കാര്‍ കൊഴിഞ്ഞുപോയെന്ന് കണക്കുകള്‍. അസോസിയേറ്റ് ബാങ്കുകളുമായുള്ള ലയനം നടന്ന് ആറുമാസം കഴിയുമ്പോള്‍ പുറത്തുവന്ന കണക്കുകളാണ് എസ്ബിഐയില്‍ ജീവനക്കാരുടെ എണ്ണം പതിനായിരത്തിലേറെ കുറഞ്ഞുവെന്ന് തെളിയിക്കുന്നത്. എസ്ബിഐ പ്രഖ്യാപിച്ച പ്രത്യേക വിരമിക്കല്‍ പാക്കേജ് സ്വീകരിച്ച് മൂവായിരത്തഞ്ഞൂറിലേറെ പേരാണ് സ്വയംവിരമിച്ചത്. അടുത്തവര്‍ഷം മാര്‍ച്ചോടെ അയ്യായിരത്തോളം പേരെക്കൂടി കുറയ്ക്കാനാണ് അധികൃതരുടെ നീക്കം. പുതിയ നിയമനങ്ങള്‍ നടത്താതെയും ചെറുകിട മുന്‍ഗണനാ വായ്പാപദ്ധതികളില്‍നിന്ന് പിന്തിരിഞ്ഞും ജനകീയ ബാങ്കിങ്ങിനെ തകര്‍ക്കുന്ന രാജ്യത്തെ വലിയ പൊതുമേഖലാ ബാങ്കിന്റെ നടപടിക്കെതിരെ പ്രതിഷേധമുയരുന്നുണ്ട്.

അനുബന്ധ ബാങ്കുകള്‍ ഫലപ്രദമായി നടപ്പാക്കിയിരുന്ന ചെറുകിട മുന്‍ഗണനാ വായ്പകള്‍ എസ്ബിഐ ഗണ്യമായി കുറച്ചു. വിദ്യാഭ്യാസവായ്പ, കാര്‍ഷികവായ്പ, ചെറുകിട കച്ചവട, സ്വയംസംരഭവായ്പ എന്നിവയെല്ലാം കൈയൊഴിഞ്ഞു. കോര്‍പറേറ്റ് വായ്പകളും സ്വര്‍ണവായ്പയും മറ്റുമാണ് എസ്ബിഐക്ക് ഇപ്പോഴുള്ള മുന്‍ഗണനകളെന്നും ആക്ഷേപമുണ്ട്.

ഏപ്രില്‍ ഒന്നിനാണ് എസ്ബിഐയില്‍ അഞ്ച് അസോസിയേറ്റ് ബാങ്കുകളും ഭാരതീയ മഹിളാ ബാങ്കും ലയിപ്പിച്ചത്. 70,000ത്തോളം പേരാണ് ലയനത്തോടെ അസോസിയേറ്റ് ബാങ്കുകളില്‍നിന്നായി എസ്ബിഐയിലെത്തിയത്. ലയനശേഷം ഏപ്രിലില്‍ എസ്ബിഐയുടെ ആകെ ജീവനക്കാരുടെ എണ്ണം 2,79,803 ആയിരുന്നു. സെപ്തംബറിലെ കണക്കനുസരിച്ച് ജീവനക്കാരുടെ എണ്ണം 2,69,219 ആയി. ആറുമാസത്തിനിടെ ജീവനക്കാരുടെ എണ്ണത്തില്‍ 10,584 പേരുടെ കുറവ്. 201718 സാമ്പത്തികവര്‍ഷം ആദ്യപകുതിയില്‍ 758 പേര്‍ മാത്രമാണ് എസ്ബിഐയില്‍ ജീവനക്കാരായെത്തിയത്. 11,382 പേര്‍ ഈ കാലയളവില്‍ പിരിഞ്ഞുപോയി. അസോസിയേറ്റ് ബാങ്കുകളിലെ അര്‍ഹരായ ജീവനക്കാരുള്‍പ്പെടെ ലയനശേഷം എസ്ബിഐ കൊണ്ടുവന്ന പ്രത്യേക വിആര്‍എസ് എടുത്തത് 3,569 പേരാണ്.

കാര്യക്ഷമത കൂട്ടുന്നതിന്റെ ഭാഗമായാണ് ജീവനക്കാരെ കുറയ്ക്കുന്നതെന്നാണ് വിആര്‍എസ് പ്രഖ്യാപിച്ച സമയത്ത് എസ്ബിഐ അധികൃതര്‍ പറഞ്ഞത്. അടുത്ത സാമ്പത്തികവര്‍ഷം എസ്ബിഐയില്‍നിന്ന് 15,460 പേര്‍ പിരിഞ്ഞേക്കുമെന്നാണ് അധികൃതര്‍ കരുതുന്നത്. അടുത്ത സാമ്പത്തികവര്‍ഷത്തിന്റെ ആദ്യപാദത്തില്‍, മാര്‍ച്ചോടെ 4,876 ജീവനക്കാരെ കുറയ്ക്കാനാകുമെന്നും അധികൃതര്‍ പ്രതീക്ഷിക്കുന്നു.

പുതിയ നിയമനങ്ങള്‍ ഏതാനും വര്‍ഷത്തേക്ക് ഉണ്ടാകില്ലെന്ന് ലയനവേളയില്‍ എസ്ബിഐ പ്രഖ്യാപിച്ചിരുന്നു. അസോസിയേറ്റ് ബാങ്കുകളിലെ ജീവനക്കാരെ സംരക്ഷിക്കുമെന്നും വിരമിക്കാന്‍ താല്‍പ്പര്യമുള്ളവര്‍ക്കായി പ്രത്യേക വിരമിക്കല്‍ പാക്കേജ് പ്രഖ്യാപിക്കുന്നെന്നാണ് അന്നുപറഞ്ഞിരുന്നത്. എന്നാല്‍, കൂടുതല്‍ ശാഖകള്‍ അടച്ചുപൂട്ടുകയും അനുബന്ധ ബാങ്കുകളിലെ ജീവനക്കാരെ സ്ഥലംമാറ്റുകയുമാണുണ്ടായത്. അനുബന്ധ ബാങ്കുകളിലെ ജീവനക്കാരോട് എസ്ബിഐക്ക് ചിറ്റമ്മനയമാണെന്നും പരാതികളുണ്ട്. ഉയര്‍ന്ന ഉദ്യോഗസ്ഥരുടെ തലത്തിലാണ് ഇത് കൂടുതല്‍ ശക്തം.

ദിനംപ്രതി എണ്ണവിലയില്‍ മാറ്റം: നടുവൊടിഞ്ഞ് ജനം;നേട്ടം കൊയ്ത് കമ്പനികള്‍; എണ്ണക്കമ്പനികളുടെ വരുമാനത്തില്‍ റെക്കോര്‍ഡ് വര്‍ധനവ്
Posted by
13 November

ദിനംപ്രതി എണ്ണവിലയില്‍ മാറ്റം: നടുവൊടിഞ്ഞ് ജനം;നേട്ടം കൊയ്ത് കമ്പനികള്‍; എണ്ണക്കമ്പനികളുടെ വരുമാനത്തില്‍ റെക്കോര്‍ഡ് വര്‍ധനവ്

കൊച്ചി: രാജ്യത്ത് ദൈനംദിന എണ്ണവില നിര്‍ണയം വന്നശേഷം എണ്ണക്കമ്പനികളുടെ വരുമാനത്തില്‍ വന്‍ വര്‍ധനവെന്ന് റിപ്പോര്‍ട്ടുകള്‍. കഴിഞ്ഞ മൂന്ന് മാസത്തിനിടെ മൂന്ന് പൊതൂമേഖല എണ്ണക്കമ്പനികളുടെ ആകെ ലാഭം 7788 കോടി രൂപയാണ്. ഈ കാലയളവില്‍ ഐഒസി മാത്രം 3696 കോടി രൂപ ലാഭം നേടി.

ആഗോള വിപണി വിലയിലെ ചാഞ്ചാട്ടവും കറന്‍സി മൂല്യത്തിലെ വ്യതിയാനവും മൂലം സാമ്പത്തിക നഷ്ടമുണ്ടാകുന്നു എന്ന പേരിലാണ് ഓരോ ദിവസവും വില നിശ്ചയിക്കാന്‍ എണ്ണക്കമ്പനികള്‍ക്ക് കേന്ദ്ര സര്‍ക്കാര്‍ അനുമതി നല്‍കിയത്. എന്നാല്‍ ജനങ്ങള്‍ കബളിപ്പിക്കപ്പെടുന്നതല്ലാതെ എണ്ണവില ദിനവും മാറുന്നതു കൊണ്ട് യാതൊരു നേട്ടവും ഉണ്ടാക്കാനാകുന്നില്ല എന്നാണ് യാഥാര്‍ത്ഥ്യം.

error: This Content is already Published.!!