ജനങ്ങളെ പറ്റിച്ച് മോഡിയുടെയും ജെയ്റ്റ്‌ലിയുടേയും കള്ളക്കളി; പെട്രോളിനും ഡീസലിനും വില കുറച്ചു എന്നത് തട്ടിപ്പ്, 2 രൂപ കുറച്ചിട്ട് എട്ടുരൂപ കൂട്ടി
Posted by
02 February

ജനങ്ങളെ പറ്റിച്ച് മോഡിയുടെയും ജെയ്റ്റ്‌ലിയുടേയും കള്ളക്കളി; പെട്രോളിനും ഡീസലിനും വില കുറച്ചു എന്നത് തട്ടിപ്പ്, 2 രൂപ കുറച്ചിട്ട് എട്ടുരൂപ കൂട്ടി

ന്യൂഡല്‍ഹി: ജനങ്ങളെ വീണ്ടും വിദഗ്ദമായി കബളിപ്പിച്ച് കേന്ദ്ര സര്‍ക്കാര്‍. കേന്ദ്ര ധനമന്ത്രി അരുണ്‍ ജെയ്റ്റ്‌ലി ഇന്നലെ പ്രഖ്യാപിച്ച പൊതു ബജറ്റില്‍ പെട്രോളിനും ഡീസലിനും 2 രൂപ വിലകുറച്ചുവെന്ന വാര്‍ത്ത ജനങ്ങളെ സന്തോഷിപ്പിച്ചിരുന്നു. എന്നാല്‍ യഥാര്‍ത്ഥത്തില്‍ 8 രൂപ വര്‍ധിപ്പിച്ചാണ് ഈ രണ്ടു രൂപയുടെ ഇളവ് ഉണ്ടായിരിക്കുന്നത്.

ബജറ്റ് പ്രഖ്യാപന പ്രകാരം ഇന്ധനവിലയിലുണ്ടാകുന്ന മാറ്റങ്ങള്‍ ഇങ്ങനെ:

കേന്ദ്രബജറ്റില്‍ പെട്രോളിനും ഹൈസ്പീഡ് ഡീസലിനും എക്‌സൈസ് ഡ്യൂട്ടി ലീറ്ററിന് എട്ടു രൂപ കുറയ്ക്കുകയും പകരം എട്ടു രൂപ വീതം റോഡ്, ഇന്‍ഫ്രാസ്ട്രക്ചര്‍ സെസ് ഏര്‍പ്പെടുത്തുകയും ചെയ്തു. ഇതോടെ ബജറ്റിലെ മാറ്റങ്ങള്‍ വിപണിയില്‍ പെട്രോളിന്റെയും ഡീസലിന്റെയും വിലയില്‍ ഒരു മാറ്റവും വരുത്താതെയായി.

ബജറ്റില്‍ വരുത്തിയത് സെസ് സംബന്ധിച്ച ചില മാറ്റങ്ങള്‍ മാത്രമാണെന്ന് ധനകാര്യ സെക്രട്ടറി ഹസ്മുഖ് ആധിയ പറഞ്ഞു. പെട്രോളിനും ഡീസലിനും നേരത്തേ ലീറ്ററിന് 6 രൂപ അഡീഷണല്‍ ഡ്യൂട്ടി ഓണ്‍ റോഡ് സെസ് ഉണ്ടായിരുന്നു. ഇത് എടുത്തു കളയുകയും രണ്ടു രൂപ വീതം എക്‌സൈസ് തീരുവ കുറയ്ക്കുകയുമായണു ചെയ്തത്. എന്നാല്‍ പകരം ലീറ്ററിന് എട്ടു രൂപ റോഡ് ആന്‍ഡ് ഇന്‍ഫ്രാസ്ട്രക്ചര്‍ സെസ് ഏര്‍പ്പെടുത്തി. ചുരുക്കി പറഞ്ഞാല്‍ ജനങ്ങളുടെ കണ്ണില്‍ പൊടിയിട്ട് മോഡി സര്‍ക്കാര്‍ വീണ്ടും വിദഗ്ദമായി ഇന്ധനവില വര്‍ധനവിനെതിരെ ഉയരുന്ന ജനരോക്ഷത്തെ ഒതുക്കിയിരിക്കുന്നു.

കേന്ദ്ര ബജറ്റ് 2018: വില കൂടുന്ന വസ്തുക്കളും വില കുറയുന്നവയും
Posted by
01 February

കേന്ദ്ര ബജറ്റ് 2018: വില കൂടുന്ന വസ്തുക്കളും വില കുറയുന്നവയും

ന്യൂഡല്‍ഹി: പൊതു തെരഞ്ഞെടുപ്പിന് മുന്‍പ് പ്രഖ്യാപിച്ച കേന്ദ്ര ബജറ്റ് 2018ല്‍ കാര്യമായ നേട്ടമുണ്ടാക്കാനാകാതെ സാധാരണ ജനങ്ങള്‍. അവശ്യവസ്തുക്കളില്‍ പലതിനും വിലവര്‍ധനവ് ഉണ്ടായതല്ലാതെ ജനങ്ങള്‍ക്ക് ഉപകാരപ്രദമാകുന്ന തരത്തില്‍ വിലക്കുറവ് ഉണ്ടാക്കാന്‍ ബജറ്റിന് സാധിച്ചില്ല.

ആദായ നികുതി സ്ലാബില്‍ വര്‍ധനവുണ്ടാകില്ലെന്ന വാര്‍ത്ത ഇടത്തരക്കാരെയും ബാധിക്കുമെന്ന് ഉറപ്പായി.

ഇറക്കുമതി ചെയ്യുന്ന ഉല്‍പ്പന്നങ്ങളായ മൊബൈല്‍ ഹാന്‍ഡ് സെറ്റുകള്‍, കാറുകള്‍, മോട്ടോര്‍സൈക്കിള്‍, ഫ്രൂട്ട് ജ്യൂസ്, പെര്‍ഫ്യൂം, ചെരുപ്പുകള്‍ എന്നിവയ്ക്ക് വില കൂടുമെന്ന് ധനമന്ത്രി അരുണ്‍ ജെയ്റ്റ്ലി പ്രഖ്യാപിച്ചു. ജിഎസ്ടി നിലവില്‍ വന്നതോടെ ഉല്‍പ്പന്നങ്ങളുടെ നികുതി നിശ്ചയിക്കേണ്ടത് ജിഎസ്ടി കൗണ്‍സിലാണെങ്കിലും ബജറ്റില്‍ പല ഉല്‍പന്നങ്ങള്‍ക്കും ജെയ്റ്റലി, ഇറക്കുമതി തീരുവ കൂട്ടുകയും കുറയ്ക്കുകയും ചെയ്തതോടെ പല ഉല്‍പന്നങ്ങളുടേയും വിലയില്‍ വ്യത്യാസമുണ്ടായിട്ടുണ്ട്. കശുവണ്ടിയുടെ ഇറക്കുമതി തീരുവ അഞ്ച് ശതമാനത്തില്‍ നിന്നും 2.5 ശതമാനമാക്കി കുറച്ചു.

വില കൂടുന്നവ:

ഇലക്ട്രോണിക്ക് ഉല്‍പ്പന്നങ്ങള്‍
കാര്‍
മൊട്ടോര്‍ സൈക്കിള്‍
മൊബൈല്‍ ഫോണ്‍
സ്വര്‍ണം
വെള്ളി

ഡയമണ്ട് കല്ലുകള്‍
സ്മാര്‍ട്ട് വാച്ചുകള്‍
ചെരുപ്പുകള്‍

ആഫ്ടര്‍ ഷേവ്
ദന്തപരിപാലന വസ്തുകള്‍
വെജിറ്റബിള്‍ ഓയില്‍

ടൂത്ത് പേസ്റ്റ്
പാന്‍ മസാല
സില്‍ക് തുണികള്‍
സ്റ്റോപ് വാച്ചുകള്‍

അലാറം ക്ലോക്ക്
മെത്ത, വാച്ചുകള്‍
വാഹന സ്‌പെയര്‍ പാട്‌സുകള്‍

ചൂണ്ട, മീന്‍ വല
വീഡിയോ ഗെയിം
കളിപ്പാട്ടങ്ങള്‍
ജ്യൂസ്

മെഴുകുതിരി
സിഗരറ്റ് ലൈറ്റര്‍
പട്ടം
ബീഡി

സ്‌പോര്‍ട്‌സ് ഉപകരണങ്ങള്‍
ഫര്‍ണിച്ചര്‍
റേഡിയര്‍ ടയറുകള്‍

———————————–

വില കുറയുന്നവ

കശുവണ്ടി
സോളാര്‍ പാനല്‍ നിര്‍മാണത്തിന് വേണ്ട ഗ്ലാസുകള്‍
കോഹക്ലിയര്‍ ഇംപ്ലാന്റ് ശസ്ത്രക്രികള്‍ക്ക് വേണ്ട അസംസ്‌കൃത വസ്തുക്കള്‍,ഘടകങ്ങള്‍

ഇടത്തട്ടുകാര്‍ക്ക് ഇരുട്ടടിയായി കേന്ദ്ര ബജറ്റ്: ആദായനികുതി പരിധിയില്‍ മാറ്റമില്ല; 2.5 ലക്ഷം രൂപയായി തുടരും
Posted by
01 February

ഇടത്തട്ടുകാര്‍ക്ക് ഇരുട്ടടിയായി കേന്ദ്ര ബജറ്റ്: ആദായനികുതി പരിധിയില്‍ മാറ്റമില്ല; 2.5 ലക്ഷം രൂപയായി തുടരും

ന്യൂഡല്‍ഹി: രാജ്യത്തെ ശമ്പളക്കാരായ മധ്യവര്‍ഗ്ഗത്തിന് തിരിച്ചടിയായി കേന്ദ്ര പൊതുബജറ്റ്. നിലവില്‍ ആദായ നികുതി പരിധി 2.5 ലക്ഷം രൂപയാണ്. ഇത് അഞ്ച് ലക്ഷം രൂപയിലേക്ക് ഉയര്‍ത്തുമെന്നായിരുന്നു ഇടത്തരക്കാരായ ശമ്പളവരുമാനക്കാരുടെ പ്രതീക്ഷ.

ഒരുഘട്ടത്തില്‍ സര്‍ക്കാര്‍ ഈവിധത്തില്‍ സൂചനയും നല്‍കിയിരുന്നു.മൂന്നര ലക്ഷം രൂപവരെയെങ്കിലും പരിധിയില്‍ നിന്ന് ഒഴിവാക്കുമെന്ന് കരുതിയിരുന്നവരും ഏറെയാണ്. എന്നാല്‍ അതുണ്ടായില്ല. എന്നാല്‍ ആധായ നികുതിയില്‍മേലുള്ള സെസില്‍ വര്‍ധന വരുത്തിയിട്ടുണ്ട്.

നിലവില്‍ 2.5 ലക്ഷം രൂപ മുതല്‍ 5 ലക്ഷം വരെ 5 ശതമാനമാണ് നികുതി. 5 ലക്ഷം മുതല്‍ 10 ലക്ഷം രൂപ വരെ 20 ശതമാനം വരെയാണ് നികുതി ഈടാക്കുന്നത്. 10 ലക്ഷത്തിന് മുകളില്‍ 30 ശതമാനം.

രാജ്യത്തെ പൊതുമേഖലാ ഇന്‍ഷുറന്‍സ് കമ്പനികളെ ലയിപ്പിക്കുമെന്ന് ധനമന്ത്രി അരുണ്‍ ജെയ്റ്റ്‌ലി
Posted by
01 February

രാജ്യത്തെ പൊതുമേഖലാ ഇന്‍ഷുറന്‍സ് കമ്പനികളെ ലയിപ്പിക്കുമെന്ന് ധനമന്ത്രി അരുണ്‍ ജെയ്റ്റ്‌ലി

രാജ്യത്തെ പ്രധാന പൊതുമേഖല ഇന്‍ഷുറന്‍സ് കമ്പനികളെ ലയിപ്പിച്ച് ഒന്നാക്കി മാറ്റുമെന്ന് അരുണ്‍ ജയ്റ്റ്ലി. പൊതുമേഖല ഇന്‍ഷുറന്‍സ് കമ്പനികളുടെ സമഗ്രവികസനം ലക്ഷ്യമിട്ടാണ് പുതിയനീക്കം ബജറ്റില്‍ പ്രഖ്യാപിച്ചത്. ജനറല്‍ ഇന്‍ഷുറന്‍സ് കോര്‍പ്പറേഷന്‍, ന്യൂ ഇന്ത്യ ഇന്‍ഷുറന്‍സ് കമ്പനി, യൂണൈറ്റഡ് ഇന്ത്യ ഇന്‍ഷുറന്‍സ്, ഓറിയന്റല്‍ ഇന്‍ഷുറന്‍സ് കമ്പനി എന്നിവയെ ഒന്നാക്കി സമഗ്ര ഇന്‍ഷുറന്‍സ് പദ്ധതി ആവിഷ്‌കരിക്കാനാണ് സര്‍ക്കാര്‍ ശ്രമം.

നേരത്തെ പൊതുമേഖല ബാങ്കുകളുടെ എണ്ണം കുറയ്ക്കാനുള്ള ശ്രമം നടന്നിരുന്നു.അതിന്റെ ഭാഗമായി പല പൊതു മേഖല ബാങ്കുകളും ലയിപ്പിക്കുകയും ചെയ്തിരുന്നു. അതിനുശേഷമാണ് പൊതു മേഖല ഇന്‍ഷുറന്‍സ് കമ്പനികളെ ഒന്നാക്കാനുള്ള തീരുമാനം കേന്ദ്രത്തിന്റെ ഭാഗത്തു നിന്നുണ്ടാകുന്നത്.

കേന്ദ്ര ബജറ്റ് 2018: അവസാന സമ്പൂര്‍ണ ബജറ്റില്‍ റെയില്‍വേയ്ക്ക് വാരിക്കോരി നല്‍കി ധനമന്ത്രി; സുരക്ഷയ്ക്കും ആധുനീകരണത്തിനുമായി 1,48,500 കോടി നീക്കിവെയ്ക്കും;
Posted by
01 February

കേന്ദ്ര ബജറ്റ് 2018: അവസാന സമ്പൂര്‍ണ ബജറ്റില്‍ റെയില്‍വേയ്ക്ക് വാരിക്കോരി നല്‍കി ധനമന്ത്രി; സുരക്ഷയ്‌ക്കൊപ്പം ആധുനീകരണത്തിനുമായി 1,48,500 കോടി നീക്കിവെയ്ക്കും; 12 ലക്ഷം സിസിടിവികളും സൗജന്യ വൈഫൈയും; കേരളത്തിലെ പാതകള്‍ ഇരട്ടിപ്പിക്കും

ന്യൂഡല്‍ഹി: 2019ല്‍ വരാനിരിക്കുന്ന പൊതുതിരഞ്ഞെടുപ്പിനു മുന്‍പുള്ള അവസാന സമ്പൂര്‍ണ ബജറ്റില്‍ റെയില്‍വേയ്ക്ക് നേട്ടം. ധനമന്ത്രി അരുണ്‍ ജെയ്റ്റ്‌ലി റെയില്‍വേയ്ക്ക് മാത്രം ബജറ്റില്‍ നീക്കിവെച്ചത് 1,48,500 കോടി രൂപ. സുരക്ഷയ്‌ക്കൊപ്പം ആധുനീകരണത്തിനും പ്രാമുഖ്യം നല്‍കുന്ന ബജറ്റാണ് ഇത്തവണത്തേത്. ഇതിന്റെ ഭാഗമായി 11,000 ട്രെയിനുകളില്‍ 3000 കോടി രൂപ ചെലവില്‍ സിസിടിവി ക്യാമറകള്‍ സ്ഥാപിക്കും. ഇതോടൊപ്പം റെയില്‍വെ സ്റ്റേഷനുകളിലെ സുരക്ഷയ്ക്കായും സിസിടിവി ക്യാമറകള്‍ സ്ഥാപിക്കാന്‍ തീരുമാനമായി.

റെയില്‍വേ അടിസ്ഥാന സൗകര്യ വികസനത്തിന് ഊന്നല്‍ നല്‍കുന്ന ബജറ്റില്‍ 4000 കിലോമീറ്റര്‍ റെയില്‍വേ ലൈന്‍ വൈദ്യുതീകരിക്കുമെന്നും ധനമന്ത്രി പ്രഖ്യാപിച്ചിട്ടുണ്ട്. 18,000 കിലോമീറ്റര്‍ റയില്‍പാത ഇരട്ടിപ്പിക്കും. വൈദ്യുതീകരണത്തിനു കൂടുതല്‍ പ്രാധാന്യം നല്‍കുന്നതും ഇപ്പോള്‍ നടന്നു കൊണ്ടിരിക്കുന്ന പാത ഇരട്ടിപ്പിക്കല്‍ പദ്ധതികള്‍ക്കു കൂടുതല്‍ തുക വകയിരുത്തുന്നതും റെയില്‍വേയുടെ അടിസ്ഥാന സൗകര്യ വികസനത്തിനു വേഗം കൂട്ടുമെന്നാണ് കണക്കു കൂട്ടല്‍. മുന്‍ വര്‍ഷങ്ങളില്‍ അടിസ്ഥാന സൗകര്യ വികസന രംഗത്തു ആവശ്യമായ മുതല്‍ മുടക്കല്‍ ഉണ്ടാവാത്തതാണു തുടര്‍ച്ചയായ റെയില്‍വേ അപകടങ്ങള്‍ക്കു കാരണമെന്നാണ് പൊതുവെ ഉയര്‍ന്ന വിലയിരുത്തല്‍.

കേരളത്തിനായി റെയില്‍വെ ബജറ്റില്‍ വലിയ പദ്ധതികള്‍ ഒന്നും തന്നെ ഇല്ലെങ്കിലും, ആശ്വാസമായത് കോട്ടയം, ആലപ്പുഴ റൂട്ടുകളിലുള്ള പാത ഇരട്ടിപ്പിക്കലിനു കാര്യമായ വിഹിതം ലഭിക്കുമെന്ന വാഗ്ദാനമാണ്.

മാറി മാറി വന്ന റെയില്‍വേ മന്ത്രിമാര്‍ ധാരാളം ട്രെയിനുകള്‍ അനുവദിച്ചെങ്കിലും അവയ്ക്ക് ഓടാന്‍ ആവശ്യമായ പാളങ്ങള്‍ നിര്‍മ്മിച്ചിരുന്നില്ല. ട്രാക്ക് കിലോമീറ്ററില്‍ കാര്യമായ മാറ്റം വരുത്താതെ അനുവദിക്കപ്പെട്ട ട്രെയിനുകള്‍ ലഭ്യമായ ട്രാക്കുകളില്‍ തലങ്ങും വിലങ്ങും ഓടിയതോടെ അറ്റകുറ്റപ്പണിക്കു സമയം തികയാതെ വന്നു. ഇതിന്റെ ബാക്കിപത്രമാണു കഴിഞ്ഞ വര്‍ഷങ്ങളില്‍ രാജ്യം കണ്ട വലിയഅപകടങ്ങള്‍. ട്രാക്ക് കപ്പാസിറ്റി കൂട്ടാതെ ട്രെയിനുകള്‍ പ്രഖ്യാപിക്കുന്നതില്‍ അര്‍ഥമില്ലെന്നു സുരേഷ് പ്രഭു മന്ത്രിയായിരുന്നപ്പോള്‍ കണക്കാക്കിയിരുന്നു.

അഞ്ചു കൊല്ലം കൊണ്ട് 8500 കോടി രൂപയുടെ കപ്പാസിറ്റി ആഗുമെന്റേഷന്‍ നടത്തുമെന്ന അദ്ദേഹത്തിന്റെ പ്രഖ്യാപനം കേന്ദ്രമന്ത്രി പീയുഷ് ഗോയല്‍ അതേപോലെ പിന്തുടരുന്നുവെന്നാണു പുതിയ പാതകളുടെ പ്രഖ്യാപനം സൂചിപ്പിക്കുന്നത്. ഒപ്പം, 36,000 കിലോമീറ്റര്‍ പാത നവീകരിക്കുമെന്നും പ്രഖ്യാപിച്ചിട്ടുണ്ട്. കൂടാതെ, മൂന്നും നാലും പാതകള്‍ വേണ്ട സ്ഥലങ്ങളില്‍ അതിനുള്ള നടപടിയുമുണ്ടാകും.

രാജ്യവ്യാപകമായി 600 റയില്‍വേ സ്റ്റേഷനുകള്‍ നവീകരിക്കും. നഷ്ടത്തിലോടുന്ന റെയില്‍വേ രാജ്യത്തിന്റെ എല്ലാ കോണിലും വിലയേറിയ ഭൂമിയുടെ ഉടമ കൂടിയാണ്. വാണിജ്യാവശ്യങ്ങള്‍ക്കു ഭൂമി ലീസിനു നല്‍കി അതില്‍ നിന്നു വരുമാനം കണ്ടെത്തുന്നതിനാണു മുന്‍തൂക്കമെന്നു സ്റ്റേഷന്‍ നവീകരണ പദ്ധതി വ്യക്തമാക്കുന്നു.

2017ല്‍ റെയില്‍വേ ബജറ്റ് പൊതു ബജറ്റുമായി കൂട്ടിച്ചേര്‍ത്തതോടെ സുരക്ഷയ്ക്കായി പ്രത്യേക കോര്‍പസ് ഫണ്ട് രൂപീകരിച്ചിരുന്നു. ഒരു ലക്ഷം കോടി രൂപയാണ് അഞ്ചു വര്‍ഷം കൊണ്ട് ഇതില്‍ നിന്നു റെയില്‍വേയ്ക്കു ലഭിക്കുക.ആളില്ലാത്ത ലെവല്‍ ക്രോസുകള്‍ ഒഴിവാക്കാനുള്ള പദ്ധതിയും സുരക്ഷ ലക്ഷ്യമിട്ടുള്ളതാണ്.

അതേസമയം രാജ്യത്തെ വിമാന സര്‍വീസുകള്‍ക്കും കേന്ദ്ര ധനമന്ത്രി കൃത്യമായ ഇടം ബജറ്റില്‍ നല്‍കിയിട്ടുണ്ട്. വിമാന സര്‍വീസുകളുടെ എണ്ണം അഞ്ചിരട്ടിയായി വര്‍ധിപ്പിക്കുമെന്നും ബജറ്റില്‍ ജയ്റ്റ്‌ലി വ്യക്തമാക്കി. രാജ്യത്തെ വിമാനത്താവളങ്ങളുടെ എണ്ണം വര്‍ധിപ്പിക്കും. വിമാനയാത്രക്കാരുടെ എണ്ണം 100 കോടിയാക്കി ഉയര്‍ത്തുമെന്നും ജയ്റ്റ്‌ലി പ്രഖ്യാപിച്ചു.

കേന്ദ്ര ബജറ്റ് 2018: കേരളത്തിന് ആശ്വാസമായി 650 കോടി ചിലവില്‍ വയനാട് തുരങ്ക പാത വരുന്നു
Posted by
01 February

കേന്ദ്ര ബജറ്റ് 2018: കേരളത്തിന് ആശ്വാസമായി 650 കോടി ചിലവില്‍ വയനാട് തുരങ്ക പാത വരുന്നു

ന്യൂഡല്‍ഹി: കേന്ദ്ര ബജറ്റ് 2018ല്‍ കേരളത്തിന് അല്‍പ്പം ആശ്വാസമേകി 650 കോടി ചെലവില്‍ വയനാട് തുരങ്ക പാത വരുന്നു. പദ്ധതി യാഥാര്‍ത്ഥ്യമായാല്‍ വടക്കന്‍ കേരളത്തിന്റെ വികസനത്തിന് നാഴികകല്ലാകും ഈ തുരങ്ക പാത. കൂടാതെ താമരശ്ശേരി ചുരം റോഡിലെ ഗതാഗതക്കുരുക്കിന് പരിഹാരമാകുകയും ചെയ്യും. തിരുവമ്പാടി പഞ്ചായത്തിലെ ആനക്കാംപൊയില്‍ – കള്ളാടി- മേപ്പാടി റോഡിലാണ് പുതിയ തുരങ്കപാതയക്ക്് സാധ്യത തേടുന്നത്.

മുത്തപ്പന്‍പുഴയക്ക് സമീപം മറിപ്പുഴയ്ക്ക് ശേഷം സ്വര്‍ഗംകുന്നില്‍ തുടങ്ങി മേപ്പാടിക്ക് സമീപം കള്ളാടിയിലാണ് തുരങ്കമവസാനിക്കുക. 2014ല്‍ പൊതുമരാമത്ത് വകുപ്പ് നടത്തിയ സാധ്യതാപഠനത്തില്‍ നിര്‍ദ്ദിഷ്ടസ്ഥലം തുരങ്കപാത നിര്‍മാണത്തിന് അനുയോജ്യമാണെന്ന് റിപ്പോര്‍ട്ട് നല്‍കിയിരുന്നു. സമുദ്രനിരപ്പില്‍ നിന്ന് 950 മീറ്റര്‍ ഉയരത്തിലുള്ള സ്വര്‍ഗംകുന്നിലാണ് തുരങ്കപാത നിര്‍മിക്കുന്നത്. ഈ പാത വരുന്നതോടെ എറണാകുളം ബാംഗ്ലൂര്‍ യാത്രയില്‍ ഇരുപത് കിലോമീറ്ററോളം ലാഭിക്കാം.

തുരങ്കറോഡ് നിര്‍മാണത്തെ കുറിച്ച് വിശദമായി പഠനം നടത്താന്‍ കൊങ്കണ്‍ റെയില്‍വേ കോര്‍പ്പറേഷന്‍ ലിമിറ്റഡിനാണ് ചുമതല. ആറര കിലോമീറ്ററാണ് പാതയുടെ ദൈര്‍ഘ്യം. കിലോമീറ്ററിന് 100 കോടിയാണ് ചെലവ് കണക്കാക്കുന്നത്. പരിസ്ഥിതിക്കോ വന്യജീവികളുടെ ആവാസവ്യവസ്ഥയ്ക്കോ പ്രതിസന്ധിയുണ്ടാക്കാത്ത തുരങ്കപാതയ്ക്ക് മറികടക്കേണ്ട കടമ്പകള്‍ താരതമ്യേന കുറവായിരിക്കുമെന്നാണ് കണക്കാക്കുന്നത്.

താമരശ്ശേരി ചുരത്തിന് ബദലായി റോഡ് നിര്‍മ്മിക്കാന്‍ പദ്ധതിയിട്ട പ്രദേശങ്ങളെല്ലാം വനഭൂമിയില്‍ പെടുന്നവയാണ്. പരിസ്ഥിതി മന്ത്രാലയത്തില്‍ നിന്ന് അനുമതി ലഭിച്ചാല്‍ മാത്രമെ വനഭൂമിയില്‍ റോഡ് നിര്‍മാണം സാധ്യമാവുകയുള്ളു.

കുറഞ്ഞവിലയ്ക്ക് വാങ്ങി കൂടുതല്‍ വിലയ്ക്ക് ഇന്ധന വില്‍പ്പന; അച്ചേ ദിന്‍ ഇന്ത്യന്‍ ഓയില്‍ കോര്‍പ്പറേഷന് സ്വന്തം; മൂന്നാം പാദത്തില്‍ മാത്രം 7883 കോടി ലാഭം
Posted by
31 January

കുറഞ്ഞവിലയ്ക്ക് വാങ്ങി കൂടുതല്‍ വിലയ്ക്ക് ഇന്ധന വില്‍പ്പന; അച്ചേ ദിന്‍ ഇന്ത്യന്‍ ഓയില്‍ കോര്‍പ്പറേഷന് സ്വന്തം; മൂന്നാം പാദത്തില്‍ മാത്രം 7883 കോടി ലാഭം

ന്യൂഡല്‍ഹി: ഇന്ധനവിലയിലെ വന്‍വര്‍ധനവില്‍ കൊള്ളലാഭം ഉണ്ടാക്കി പൊതുമേഖല എണ്ണക്കമ്പനിയായ ഇന്ത്യന്‍ ഓയില്‍ കോര്‍പ്പറേഷന്‍. കമ്പനിയുടെ ഈ സാമ്പത്തിക വര്‍ഷത്തിന്റെ മൂന്നാം പാദത്തിലെ ലാഭം മാത്രം 7,883 കോടി രൂപയാണ്. മുമ്പത്തേതിനേക്കാള്‍ രണ്ടിരട്ടിയോളമാണ് (97 ശതമാനം) ഈ ലാഭത്തിലെ വര്‍ധനവ്. മുന്‍വര്‍ഷം ഇത് 3,995 കോടി രൂപയായിരുന്നു.

കമ്പനിയുടെ ഇത്രയും വലിയ നേട്ടത്തിനു കാരണം ‘ഇന്‍വെന്ററി ഗെയിനാ’ണ് എന്ന് ഇന്ത്യന്‍ ഓയില്‍ കോര്‍പ്പറേഷന്‍ ചെയര്‍മാന്‍ സഞ്ജിവ് സിങ് പറഞ്ഞു. ഡിസംബറില്‍ ഇന്ധനവിലയില്‍ ഉണ്ടായ വലിയ വര്‍ധനവാണ് കമ്പനിക്ക് 6,301 കോടി രൂപ നേടിക്കൊടുത്തത്. മുന്‍വര്‍ഷം ഇത് 3,051 കോടി രൂപയായിരുന്നു.

കുറഞ്ഞ വിലയ്ക്ക് വാങ്ങിയ ഇന്ധനം അന്താരാഷ്ട്ര എണ്ണവില കൂടുമ്പോള്‍ കൂടിയ വിലയ്ക്ക് വില്‍ക്കുന്നു. ഇത്തരത്തില്‍ ഉണ്ടാകുന്ന ലാഭമാണ് ഇന്‍വെന്ററി ഗെയിന്‍സ്. കമ്പനിയുടെ മൂന്നാം പാദത്തിലെ ഗ്രോസ് റിഫൈനിങ് മാര്‍ജിന്‍ (ജിആര്‍എം) ബാരലിന് 12.32 ഡോളറായി ഉയര്‍ന്നു. മുന്‍വര്‍ഷം ഇത് ബാരലിന് 7.67 ഡോളറായിരുന്നു.

മൂന്ന് ആഴ്ചയ്ക്കുള്ളില്‍ മൂന്ന് കിടിലന്‍ ഓഫറുകള്‍; കുറഞ്ഞ തുകയുടെ കിടിലന്‍ ഓഫറുമായി ജിയോ വീണ്ടും
Posted by
30 January

മൂന്ന് ആഴ്ചയ്ക്കുള്ളില്‍ മൂന്ന് കിടിലന്‍ ഓഫറുകള്‍; കുറഞ്ഞ തുകയുടെ കിടിലന്‍ ഓഫറുമായി ജിയോ വീണ്ടും

ജിയോ ഓഫറുകള്‍ കൊണ്ട് ഉപഭോക്താക്കളെ വീര്‍പ്പുമുട്ടികയാണ് വീണ്ടും. മൂന്ന് ആഴ്ച്ചക്കിടെ മൂന്നാമത്തെ വമ്പന്‍ ഓഫറുമായാണ് ജിയോ ഇത്തവണ രംഗത്തെത്തിയിരിക്കുന്നത്. കുറഞ്ഞ തുകയുടെ ടോപ്പ്അപ് പ്ലാനുകളാണ് ഇത്തവണത്തെ സമ്മാനം. 11, 21, 51, 101 എന്നീ ആഡ് ഓണ്‍ പായ്ക്കുകളാണ് ജിയോ ഉപയോക്താക്കള്‍ക്കായി തിങ്കളാഴ്ച അവതരിപ്പിച്ചിരിക്കുന്നത്. 11 രൂപ ടോപ് അപ്പില്‍ 400 എംബി ഡാറ്റയാണ് ലഭിക്കുക. അതായത് ഒരു ജിബി ഡാറ്റയ്ക്ക് 28.16 രൂപ. 21 രൂപ ടോപ് അപ്പില്‍ ഒരു ജിബി ഡാറ്റയാണ് നല്‍കുന്നത്. 51 രൂപ വൗച്ചറില്‍ 3 ജിബി ഡാറ്റയും ലഭിക്കും. അതായത് ഒരു ജിബി ഡാറ്റയ്ക്ക് 17 രൂപ.

101 രൂപയുടെ ടോപ് അപ്പില്‍ ആറു ജിബി ഡാറ്റ ലഭിക്കും. ഒരു ജിബി ഡാറ്റയ്ക്ക് 16.83 രൂപ നല്‍കിയാല്‍ മതി. ദിവസം ഒരു ജിബി ഡാറ്റ ഉപയോഗിക്കുന്നവര്‍ക്ക് തികയാതെ വരുമ്പോള്‍ നാല് ടോപ് അപ്പുകളും ഉപയോഗിക്കാം. അണ്‍ലിമിറ്റഡ് പ്ലാനിലെ പരിധി കഴിഞ്ഞതിനു ശേഷമാണ് ടോപ് അപ്പ് ഡാറ്റ ഉപയോഗിക്കുക.

ഈ ഡാറ്റകള്‍ ദിവസം അവസാനിക്കുമ്പോള്‍ നഷ്ടമാവില്ല എന്നതാണ് ഈ ഓഫറിന്റെ പ്രധാന ആകര്‍ഷണം. എന്നാല്‍ പ്രധാന പ്ലാന്‍ തീരുന്നതിന് മുന്‍പ് ഉപയോഗിച്ചു തീര്‍ക്കണമെന്നതാണ് ഇതിലെ പരിമിതി. പരിധിയില്ലാത്ത പ്ലാനില്‍ ഉപയോക്താക്കള്‍ക്ക് പ്രതിദിനം 2 ജിബി ലഭിക്കുമ്പോള്‍, ഉപയോഗിക്കാത്ത ഡാറ്റ അടുത്ത ദിവസത്തേക്ക് മാറ്റിവെക്കാന്‍ കഴിയില്ല. ഈ വര്‍ഷം ഇന്ത്യയുടെ ജനസംഖ്യയില്‍ 99 ശതമാനം ആളുകളിലേക്ക് ജിയോ സേവനങ്ങള്‍ എത്തിക്കാനാകുമെന്നാണ് തങ്ങള്‍ പ്രതീക്ഷിക്കുന്നതെന്ന് ജിയോ കമ്പനി പത്ര സമ്മേളനത്തില്‍ അറിയിച്ചു.

നോട്ട് നിരോധനം രാജ്യത്തിന് നേട്ടമുണ്ടാക്കി; സമ്പാദ്യം വര്‍ധിച്ചതായി സാമ്പത്തിക സര്‍വ്വേ
Posted by
30 January

നോട്ട് നിരോധനം രാജ്യത്തിന് നേട്ടമുണ്ടാക്കി; സമ്പാദ്യം വര്‍ധിച്ചതായി സാമ്പത്തിക സര്‍വ്വേ

ന്യൂഡല്‍ഹി: മോഡി സര്‍ക്കാര്‍ അധികാരത്തിലേറിയതിനു പിന്നാലെ നടപ്പാക്കിയ ഏറ്റവും വലിയ തീരുമാനമായ നോട്ട് നിരോധനം രാജ്യത്തിന് നേട്ടമുണ്ടാക്കിയെന്ന് സാമ്പത്തിക സര്‍വ്വേ. നോട്ടു നിരോധനം രാജ്യത്തിന്റെ സമ്പാദ്യം ചെറിയ തോതില്‍ വര്‍ധിപ്പിച്ചെന്ന സൂചനയുമായാണ് സാമ്പത്തിക സര്‍വേ പുറത്തുവന്നിരിക്കുന്നത്. പാര്‍ലമെന്റില്‍ അവതരിപ്പിച്ച സാമ്പത്തിക സര്‍വേ രണ്ടു പ്രധാന കാര്യങ്ങളാണു പ്രതിപാദിക്കുന്നത്. രണ്ടായിരാമാണ്ടിന് ഇപ്പുറം ഇന്ത്യയില്‍ നിക്ഷേപ, സമ്പാദ്യ വര്‍ധനാ നിരക്കു തളര്‍ച്ചയിലേക്കു നീങ്ങി. നിക്ഷേപവും സമ്പാദ്യവും താഴ്ന്നുനില്‍ക്കുന്ന സാഹചര്യം തുടരുകയാണെന്നും സര്‍വേ പറയുന്നു.

സമ്പാദ്യം കുറയുന്നതിലേറെ നിക്ഷേപം കുറയുന്നതാണു വളര്‍ച്ചയെ തളര്‍ത്തുക. കള്ളപ്പണം കണ്ടെത്തുകയും സ്വര്‍ണം പണമാക്കിമാറ്റുന്നതു പ്രോല്‍സാഹിപ്പിക്കുകയും വഴി സമ്പാദ്യം വര്‍ധിപ്പിക്കുകയും നിക്ഷേപം കണ്ടെത്തുകയുമാണു സര്‍ക്കാര്‍ ചെയ്യുന്നത്. ഹ്രസ്വകാല നയങ്ങള്‍ നടപ്പാക്കുന്നതിനു സര്‍ക്കാര്‍ പ്രാധാന്യം കല്‍പിച്ചു. നിക്ഷേപതാല്‍പര്യം പുനരുജ്ജീവിപ്പിക്കുന്നതിനു കിട്ടാക്കടങ്ങള്‍ സംബന്ധിച്ചും പൊതുമേഖലാ ബാങ്കുകള്‍ സംബന്ധിച്ചും കൈക്കൊള്ളേണ്ട നടപടികള്‍ക്കു മുന്‍ഗണന നല്‍കി.

1997 നു ശേഷം ഏഷ്യന്‍ രാഷ്ട്രങ്ങളാണു കൂടുതല്‍ സാമ്പത്തികമാന്ദ്യം നേരിട്ടത്. എന്നാല്‍ 2008 നു ശേഷം മാന്ദ്യത്തെ നേരിടുന്നതില്‍ ഈ രാഷ്ട്രങ്ങള്‍ വിജയിക്കുകയാണ്. ഇന്ത്യയില്‍ നിക്ഷേപത്തളര്‍ച്ച 2012 ല്‍ ആരംഭിക്കുകയും പിന്നീടു വര്‍ധിക്കുകയും ചെയ്തു. 2016 വരെ ഇതു തുടര്‍ന്നു. 2007 ല്‍ 38.3 ശതമാനമായിരുന്ന ആഭ്യന്തര സമ്പാദ്യവും മൊത്ത ആഭ്യന്തര ഉല്‍പാദനവും തമ്മിലുള്ള അനുപാതം 2013 ല്‍ 29.2 ശതമാനമായി താഴ്ന്നു. എന്നാല്‍, 2016 ല്‍ ഇത് 29 ശതമാനമായി.

2007 മുതല്‍ 2016 വരെയുള്ള കാലത്തു നിക്ഷേപത്തില്‍ ഉണ്ടായ വീഴ്ച സമ്പാദ്യത്തെ അപേക്ഷിച്ചു കുറവാണെങ്കിലും ഇടിവുണ്ടായി എന്നതാണു വസ്തുത. 2007-08 മുതല്‍ 2015-16 വരെയുള്ള കാലത്തു നിക്ഷേപത്തിലുണ്ടായിട്ടുള്ളത് 6.3 ശതമാനം വീഴ്ചയാണെങ്കില്‍ ഇതില്‍ അഞ്ചു ശതമാനവും സംഭവിക്കാന്‍ കാരണം സ്വകാര്യ നിക്ഷേപങ്ങളാണെന്നും സര്‍വേയില്‍ ചൂണ്ടിക്കാട്ടുന്നു.

ജിഎസ്ടിയിലെ കനത്ത ഇടിവ് ബജറ്റിനെ പ്രതിസന്ധിയിലാക്കുമോ? കേന്ദ്രത്തിന് പ്രതീക്ഷ ആദായനികുതിയിലെ വര്‍ധനവ് മാത്രം
Posted by
27 January

ജിഎസ്ടിയിലെ കനത്ത ഇടിവ് ബജറ്റിനെ പ്രതിസന്ധിയിലാക്കുമോ? കേന്ദ്രത്തിന് പ്രതീക്ഷ ആദായനികുതിയിലെ വര്‍ധനവ് മാത്രം

ന്യൂഡല്‍ഹി: കേന്ദ്ര സര്‍ക്കാരിനെ പ്രതിസന്ധിയിലാക്കി ജിഎസ്ടി ഇനത്തിലുള്ള വരുമാനത്തിലെ പ്രകടമായ ഇടിവ്. 2017 -18 ലെ യൂണിയന്‍ ബജറ്റ് എസ്റ്റിമേറ്റ് അനുസരിച്ചു പ്രതിമാസം 91,000 കോടി രൂപയുടെ വരുമാനം എത്തിച്ചേരേണ്ട സ്ഥാനത്ത് ഒക്ടോബര്‍, നവംബര്‍, ഡിസംബര്‍ മാസങ്ങളില്‍ വരുമാനം 90,000 കോടി രൂപക്ക് താഴെ മാത്രമാണ് ലഭിച്ചത്. ഇതോടെ വരുന്ന ബജറ്റ് കടുപ്പമേറിയതാകാനുള്ള സാധ്യത കൂടുന്നതായി സാമ്പത്തിക വിദഗ്ദര്‍ ചൂണ്ടിക്കാണിക്കുന്നു.

ഒക്ടോബര്‍ മാസത്തില്‍ 83,300 കോടി രൂപയും നവംബറില്‍ 80,800 കോടിയുമായിരുന്നു ജിഎസ്ടി ഇനത്തില്‍ സര്‍ക്കാരിലേക്ക് വന്നു ചേര്‍ന്നത്. 86,700 കോടി രൂപയാണ് ഡിസംബര്‍ മാസത്തെ വരുമാനം. ജൂലൈ, സെപ്റ്റംബര്‍ മാസങ്ങളില്‍ മാത്രമാണ് നിശ്ചിത ടാര്‍ജറ്റ് മറികടക്കാന്‍ കഴിഞ്ഞത്. പരോക്ഷ നികുതി ഇനത്തില്‍ കഴിഞ്ഞ ബജറ്റ് 2017 -18 സാമ്പത്തിക വര്‍ഷത്തില്‍ ലക്ഷ്യമിട്ടിരുന്നത് മൊത്തം 926,000 കോടി രൂപയുടെ വരുമാനമായിരുന്നു. എന്നാല്‍ കഴിഞ്ഞ ഒമ്പത് മാസത്തിനിടയില്‍ പിരിക്കാന്‍ കഴിഞ്ഞത് 587,000 കോടി മാത്രമാണ്. ഇത് കേന്ദ്ര സര്‍ക്കാരിന്റെ ധനപ്രതിസന്ധി രൂക്ഷമാക്കുന്നു.

എന്നാല്‍ ആദായ നികുതി അടക്കമുള്ള പ്രത്യക്ഷ നികുതി ഇനത്തില്‍ ബജറ്റ് പ്രതീക്ഷയെ കവച്ചു വയ്ക്കുന്ന വരുമാനമുണ്ടാക്കാന്‍ കഴിഞ്ഞിട്ടുണ്ട്. ഇക്കാര്യത്തില്‍ 15 ശതമാനം വളര്‍ച്ചയാണ് ലക്ഷ്യമിട്ടിരുന്നതെങ്കില്‍ ജനുവരി 15 വരെയുള്ള കണക്കുകള്‍ പ്രകാരം വരുമാന വളര്‍ച്ച 18 ശതമാനമാണ്. ഇത്തരത്തില്‍ ലഭിച്ച അധിക വരുമാനമാണ് ഒരു പരിധി വരെ കേന്ദ്രത്തിന്റെ ധനകാര്യ മാനേജ്മെന്റിനെ പിടിച്ചു നിര്‍ത്തിയതെന്ന് പറയാം. പരോക്ഷ നികുതി വരുമാനത്തിലെ ഇടിവ് ധനകമ്മി കൂട്ടുന്നതിന് കാരണമായേക്കാം എന്ന ആശങ്ക ശക്തമാണ്. പെട്രോള്‍, ഡീസല്‍ തുടങ്ങിയ ഉത്പന്നങ്ങളുടെ എക്സൈസ് തീരുവ കുറക്കാന്‍ സര്‍ക്കാര്‍ തയാറാകാത്തതിന്റെ ഒരു കാരണം ഇതാണ്.

ജിഎസ്ടി വരുമാനം കുറഞ്ഞതും റിസര്‍വ് ബാങ്ക് കേന്ദ്ര സര്‍ക്കാരിന് നല്‍കുന്ന ലാഭവിഹിതം ഈ വര്‍ഷം കുറയുന്നതും സര്‍ക്കാരിന്റെ വരുമാനത്തിന് കനത്ത തിരിച്ചടിയാണ്. ലാഭവിഹിതം ഈ വര്‍ഷം 40 ശതമാനത്തോളം കുറയും എന്നാണ് കണക്ക്. നോട്ട് നിരോധനത്തെ തുടര്‍ന്നുണ്ടായ പ്രതിസന്ധിയും അധികച്ചെലവുമാണ് ഇതിനു കാരണം.

error: This Content is already Published.!!