തട്ടിപ്പ് പുറത്തു വന്നതിനു പിന്നാലെ പഞ്ചാബ് നാഷണല്‍ ബാങ്കിന് കടുത്ത നിയന്ത്രണങ്ങളുമായി ആര്‍ബിഐ
Posted by
17 February

തട്ടിപ്പ് പുറത്തു വന്നതിനു പിന്നാലെ പഞ്ചാബ് നാഷണല്‍ ബാങ്കിന് കടുത്ത നിയന്ത്രണങ്ങളുമായി ആര്‍ബിഐ

ന്യൂഡല്‍ഹി: കോടികളുടെ തട്ടിപ്പ് പുറത്തുവന്ന സാഹചര്യത്തില്‍ പഞ്ചാബ് നാഷണല്‍ ബാങ്കിന് എതിരെ കര്‍ശന നിയന്ത്രണങ്ങളുമായി ആര്‍ബിഐ. ബാങ്കിന്റെ പ്രവര്‍ത്തനങ്ങളെല്ലാം കര്‍ശനമായി നിരീക്ഷിക്കുമെന്നാണ് നിലവില്‍ ആര്‍ബിഐ അറിയിച്ചിരിക്കുന്നത്.

വെള്ളിയാഴ്ചയാണ് ഇതുസംബന്ധിച്ച ആര്‍ബിഐ അറിയിപ്പ് പുറത്ത് വന്നത്. മറ്റ് ബാങ്കുകളില്‍ ഏര്‍പ്പെടുത്തിയതിനെക്കാള്‍ കര്‍ശന നിയന്ത്രണങ്ങള്‍ പിഎന്‍ബിക്ക് മുകളില്‍ കൊണ്ട് വരാനാണ് ആര്‍ബിഐയുടെ പദ്ധതി.

പഞ്ചാബ് നാഷണല്‍ ബാങ്കിന്റെ ജാമ്യം ഉപയോഗിച്ച് വിദേശത്ത് നിന്ന് വജ്രവ്യവസായി നീരവ് മോദി കോടികള്‍ തട്ടിയെന്ന വാര്‍ത്തകളാണ് കഴിഞ്ഞ ദിവസം പുറത്ത് വന്നത്. ബാങ്ക് ഉദ്യോഗസ്ഥരുടെ ഒത്താശയോടെയായിരുന്നു തട്ടിപ്പ് നടന്നതെന്നാണ് റിപ്പോര്‍ട്ട്.

ആക്‌സിസ് ബാങ്ക്, യൂണിയന്‍ ബാങ്ക്, അലഹബാദ് ബാങ്ക്, എസ്ബിഐ തുടങ്ങി രാജ്യത്തെ മുന്‍നിര ബാങ്കുകളെല്ലാം നീരവ് മോദിക്ക് പിഎന്‍ബിയുടെ ജാമ്യം മുന്‍നിര്‍ത്തി വായ്പ അനുവദിച്ചിരുന്നു.

പിഎന്‍ബിയില്‍ എന്ത് സംഭവിച്ചെന്ന് അറിയില്ല; എസ്ബിഐയില്‍ ഇത്തരത്തിലുള്ള ക്രമക്കേടുകള്‍ നടക്കില്ല; ബാങ്കിങ് സേവനങ്ങള്‍ സൗജന്യമാക്കാനാകില്ലെന്നും എസ്ബിഐ
Posted by
16 February

പിഎന്‍ബിയില്‍ എന്ത് സംഭവിച്ചെന്ന് അറിയില്ല; എസ്ബിഐയില്‍ ഇത്തരത്തിലുള്ള ക്രമക്കേടുകള്‍ നടക്കില്ല; ബാങ്കിങ് സേവനങ്ങള്‍ സൗജന്യമാക്കാനാകില്ലെന്നും എസ്ബിഐ

മുംബൈ: രാജ്യത്തെ ബാങ്കിങ് സേവനങ്ങള്‍ എല്ലാം സൗജന്യം ആക്കാന്‍ സാധിക്കില്ലെന്ന് എസ്ബിഐ ചെയര്‍മാന്‍ രജ്‌നിഷ് കുമാര്‍. നിരക്ക് അധികമാകാതെ നോക്കാമെന്നും അദ്ദേഹം വ്യക്തമാക്കി. എല്ലാ വര്‍ഷവും ബാങ്ക് സര്‍വീസ് നിരക്കുകള്‍ പുന പരിശോധിക്കും. സര്‍വീസ് നിരക്കുകള്‍ ഇല്ലാതാക്കാന്‍ കഴിയില്ലെന്നും അദ്ദേഹം വ്യക്തമാക്കി.

ബാങ്കുമായി ബന്ധപ്പെട്ട വിഷയങ്ങളില്‍ നിലപാട് വ്യക്തമാക്കി നടത്തിയ വാര്‍ത്താസമ്മേളനത്തിലായിരുന്നു എസ്ബിഐ ചെയര്‍മാന്റെ വാക്കുകള്‍. എസ്ബിഐയില് ഓഡിറ്റിംഗ് സംവിധാനം ശക്തമാണ്. ക്രമക്കേട് കണ്ടെത്താന്‍ ബാങ്കിന് സംവിധാനമുണ്ട് പിഎന്‍ബിയില്‍ എന്ത് സംഭവിച്ചു എന്ന് അറിയില്ലെന്നും എസ്ബിഐയില്‍ ഇങ്ങനെ ഉണ്ടാകില്ലെന്നും അദ്ദേഹം പറഞ്ഞു.

പിഎന്‍ബി തട്ടിപ്പുമായി ബന്ധപ്പെട്ട് എസ്ബിഐയിലും പ്രശ്‌നങ്ങളുണ്ടോ എന്ന മാധ്യമപ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു അദ്ദേഹം.

ഷെഫീന യൂസഫ് അലി; വിജയം രുചിപ്പിച്ച പെണ്‍കരുത്ത്
Posted by
16 February

ഷെഫീന യൂസഫ് അലി; വിജയം രുചിപ്പിച്ച പെണ്‍കരുത്ത്

നവസംരംഭം കേവലമായി ബിസിനസ് കെട്ടിപ്പെടുക്കല്‍ മാത്രമല്ല. പുതിയ ബിസിനസിന്റെ അടിത്തറ പാകുന്ന മൗലികമായ ആശയത്തിന് രൂപം നല്‍കലാണ്. അടിത്തറ കെട്ടുറപ്പുള്ളതാക്കുക എന്ന ബാലപാഠമാണ് വലിയ പാഠം. നല്ല അടിത്തറയില്ലാതെ ഉയര്‍ത്തിപ്പൊക്കിയ എല്ലാ കൊട്ടാരങ്ങളും നഷ്ടത്തിലേക്ക് കൂപ്പുകുത്തും. വലിയ ബിസിനസാണെങ്കില്‍ വീഴ്ചയുടെ ആഘാതവും വലുതായിരിക്കും. എല്ലാവരും ചെയ്തു ശീലിച്ച ബിസിനസില്‍ പോലും മറ്റാരും ചെയ്യാത്ത മാറ്റമെന്താണ് എന്ന അന്വേഷണമാണ് നല്ലൊരു ബിസിനസിന്റെ യു.എസ്.പി. അതായത് കമ്പോളത്തില്‍ നിലനില്‍ക്കാനുള്ള ശേഷി നിര്‍ണയിക്കുന്ന അതിന്റെ വിപണനമുല്യം.

ഇപ്പറഞ്ഞതിന് വലിയൊരു ഉദാഹരണം ലുലു ഗ്രൂപ്പാണ്. എം.എ യൂസഫ്് അലി അസ്തിവാരമിടുകയും ക്രമാനുഗതമായി വളര്‍ന്ന് പന്തലിക്കുകയും ചെയ്ത റീടൈല്‍ ബിസിനസിന്റെ ആഗോള സാമ്രാജ്യം. പക്ഷെ അത് പലവട്ടം കേട്ടപാഠമാണല്ലോ എന്ന് നിങ്ങള്‍ നെറ്റി ചുളിക്കുന്നുണ്ടാകാം. എന്നാല്‍ അത്രയൊന്നും ആരും കേട്ടിട്ടില്ലാത്ത കഥയും ലുലുവിന് പറയാനുണ്ട്. ഷെഫീന യൂസഫ് അലി എന്നാണ് ആ വീരഗാഥയുടെ പേര്. കേരളത്തിലെ മികച്ച വനിതാ സംരംഭകരില്‍ ഒരാള്‍ എന്ന അവാര്‍ഡിനര്‍ഹയായ യുവതി. ആ കഥയാണ് ഈ ലക്കം.

ലണ്ടനില്‍ പഠിച്ചു വളര്‍ന്ന ഷെഫീന ലോകനഗരങ്ങളില്‍ ലണ്ടനു മാത്രം സവിശേഷമായ കോഫീ ഹൗസുകളുടെ കഫെ കള്‍ചറിന്റെ ആരാധികയായിരുന്നു. ആവി പറക്കുന്ന കേപ്പകള്‍ക്കിരുവശവുമിരുന്നുള്ള ചര്‍ച്ചകള്‍, ചിന്തകള്‍, ബ്‌ളോഗെയുത്തുകള്‍, പിന്നെ തന്റെ സ്വകാര്യമായ പാചകനൈപുണ്യം.. എന്നിങ്ങനെ പരസ്പരബന്ധിതമായ താല്‍പര്യങ്ങള്‍. അങ്ങിനെയൊരു ലോകത്തു നിന്ന് മിന്നിത്തിളങ്ങുന്ന അബുദബിയിലേക്ക് അവരെത്തുമ്പോള്‍ എന്തോ ഒരു വലിയ കുറവാണ് ഷെഫീനയ്ക്ക് അനുഭവപ്പെട്ടത്. ഭക്ഷണത്തിന്റെയും പാനീയങ്ങളുടെയും വൈവിധ്യം അവിടെയുണ്ടായിരുന്നെങ്കിലും ആംബിയന്‍സ് എന്നു വിളിക്കാവുന്ന അന്തരീക്ഷത്തിന്റെ കുറവ് വലുതാണെന്ന് അവര്‍ക്ക് തോന്നി.

മറ്റൊന്ന് കൂട്ടത്തില്‍ പാടുക എന്ന രീതിയിലേക്കുള്ള എമിറേറ്റ് നഗരത്തിന്റെ കുതിച്ചു ചാട്ടമാണ്. എല്ലാവര്‍ക്കും വേണ്ടത് നല്‍കുക എന്നതില്ല കാര്യം. നമുക്ക് നല്‍കാനുള്ളതിലേക്ക് എല്ലാവരും വരലാണ് കാര്യം. ആദ്യത്തേത് നമുക്ക് തന്നെ പൂര്‍ണമായും താല്‍പര്യമില്ലാത്ത കമ്പോള താല്‍പര്യങ്ങളുമായി അഡ്ജസ്റ്റ് ചെയ്യേണ്ടി വരും. രണ്ടാമത്തേത് നമുക്ക് നല്‍കാന്‍ കഴിയുന്നതിന്റെ വ്യത്യസ്തയും പുതുമയും വൈവിധ്യങ്ങളും പുതിയൊരു ബ്രാന്‍ഡ് ഐഡന്റിന്റി തന്നെ ഉണ്ടാക്കും. ഫുഡ് ഇന്‍ഡസ്ട്രിയുടെ കാര്യത്തില്‍ ‘ഹലാല്‍’ എന്ന ആശയമാണ് ഇവിടെ ശ്രദ്ധേയം. മാനസികവും ശാരീരികവുമായ ആരോഗ്യത്തിന് ഹിതകരമായത്, ഹാനികരമല്ലാത്തത് എന്നതാണ് ഹലാല്‍. ഹലാല്‍ ഭക്ഷ്യോത്പന്നങ്ങള്‍, നല്ലൊരു അന്തരീക്ഷത്തില്‍, വൈവിധ്യത്തോടെ എങ്ങിനെ സെര്‍വ് ചെയ്യാം എന്ന ആലോചനയാണ് തബ്ലേസ് ഫുഡ് കമ്പനിയുടെ വിജയത്തിന് പിന്നിലുള്ളത്.

തബ്ലേസ് ഫുഡ് കമ്പനി ലുലു ഗ്രൂപ് ഇന്റര്‍നാഷണലിന്റെ ഫുഡ് ആന്റ് ബീവറേജസ് വിപണനത്തിനു വേണ്ടിയുള്ള ഉപസ്ഥാപനമായിട്ടാണ് കമ്പോളത്തില്‍ ചുവടുവെയ്ക്കുന്നത്. മദ്യവും പോര്‍ക്ക് വിഭവങ്ങളും ലഭ്യമായിരുന്ന എമിറേറ്റ്‌സ് നഗരത്തില്‍ ‘ഹലാല്‍’ ഫുഡ് എന്ന ബ്രാന്‍ഡാണ് ടി.എഫ്.സി പരിചയപ്പെടുത്തിയത്. അതൊരു വെല്ലുവിളിയായിരുന്നു. പ്രത്യേകിച്ചും ഹലാല്‍ എന്നോ കോഷര്‍ എന്നോ കേല്‍ക്കുമ്പോള്‍ നെറ്റിചുളിക്കുന്ന ആഗോള ഉപഭോക്താക്കള്‍ക്കിടയില്‍. ടി.എഫ്.സി ആദ്യമായി ചെയ്ത്ത് ആഗോളതലത്തില്‍ പേരും പെരുമയും ആര്‍ജിച്ച ബ്രാന്‍ഡുകളുടെ ഫ്രാഞ്ചൈസി എന്ന നിലക്ക് പ്രവര്‍ത്തിക്കുകയാണ്. ജിസിസിയിലും ഏഷ്യാ വന്‍കരയിലും ഈ ബ്രാന്‍ഡുകളെ ടിഎഫ്‌സിയുടെ ബാനറില്‍ റീബ്രാന്‍ഡ് ചെയ്തു. ബ്‌ളൂംസ്‌ബെറി എന്നപേരില്‍ സ്വയം റീബ്രാന്‍ഡ് ചെയ്ത ടിഎഫ്‌സി ലോകമൊമ്പാടുമുള്ള രുചിവൈവിധ്യങ്ങളുടെ ജിസിസിയിലെയും ഏഷ്യയിലെയും ലക്ഷ്യസ്ഥാനമായി മാറി. അങ്ങിനെയാണ് നൂറുശതമാനവും ഹലാലായ രുചി പകരുക എന്ന വെല്ലുവിളി തബ്ലേസിന് നിഷ്പ്രയായം ഏറ്റടുക്കാനായത്.

വാപ്പയില്‍ നിന്ന് ഷെഫീന പഠിച്ച രണ്ട് ബിസിനസ് പാഠങ്ങളിലൊന്ന് ഉത്പന്നത്തിന്റെ പാക്കേജിംഗാണ്. വാങ്ങാന്‍ വരുന്നവര്‍ക്കു മുമ്പില്‍ അവരുടെ ഇഷ്ടത്തിനും മുന്‍ഗണനകള്‍ക്കും അനുസരിച്ച് ഉത്പന്നം അവതരിപ്പിക്കുക. ബ്രാന്റ് തനിമ പുതുക്കിക്കൊണ്ടിരിക്കുക. ഇത്രയുമൊക്കെയുണ്ടെങ്കില്‍ മാര്‍ക്കറ്റ് സമാവാക്യം അനുസരിച്ച് സ്വന്തം ബിസിനസ് സങ്കല്‍പങ്ങളെയും ആശയങ്ങളെയും അളന്നു മുറിക്കേണ്ടി വരില്ല. ബ്രിട്ടീഷ് ടീ ഹൗസിന്റെ മാതൃകയില്‍ സംവിധാനിച്ച ബ്‌ളുംബറി കഫെയിലെ കേക്കുകളും കപ്‌കേക്കുകളും വളരെ സമയമെടുത്ത് നല്ലതു പോലെ പരീക്ഷണം നടത്തി തയ്യാറാക്കുന്നവയാണ്.

മറ്റൊരു പാഠം ഫ്രാഞ്ചൈസിംഗാണ്. അതായത് ലേകപ്രശസ്തരായ ബ്രാന്‍ഡുകള്‍ ഒരു പ്രദേശത്ത് തങ്ങളെ മാര്‍ക്കൈറ്റ് ചെയ്യാനുള്ള ചുമതല വിശ്വസിച്ചേല്‍പിക്കുക. ഈ വിശ്വാസം പെട്ടന്ന് കൈവരുന്നതല്ല. കാലങ്ങളായി നേടിയെടുത്ത ഉപഭോക്താക്കള്‍ നല്‍കിയ മാര്‍ക്കാണ്. ഈ മാര്‍ക്ക് തന്നെയാണ് ഒരു കമ്പനിയുടെ മാര്‍ക്കറ്റ് വാല്യു. സൗത്താഫ്രിക്കന്‍ ബ്രാന്‍ഡായ ഗലീറ്റോയുടെ ഫ്രാഞ്ചസി, ലണ്ടന്‍ ഡയറി, ഏഷ്യയിലെ വിഖ്യാതമായ ചെങ്കിസ് ഗ്രില്‍, അമേരിക്കയിലെ പ്രമുഖ ബ്രാന്‍ഡുകളായ ഫേമസ് ഡേവ്, ശുഖര്‍ ഫാക്ടറി തുടങ്ങി ഭക്ഷ്യപാനീയ വ്യവസായത്തിലെ കൊലകൊമ്പന്‍മാരാണ് ടിഎഫ്‌സിയെ തങ്ങളുടെ ഫ്രാഞ്ചസിയായി കണ്ടത്. ഇതു കൂടാതെ കൊളോണിയല്‍ ഇന്ത്യന്‍ വിഭവങ്ങള്‍ക്കു വേണ്ടിയുള്ള പെപ്പര്‍മില്‍ എന്ന ട്രേഡ്മാര്‍ക്കും ഷെഫീന ആരംഭിച്ചു.

കണക്കുകള്‍ സംസാരിക്കുന്നത് വിസ്മയകരമായ വിജയഗാഥയാണ്. കഴിഞ്ഞവര്‍ഷം 41 ദശലക്ഷം ഡോളറിന്റെ നിക്ഷേപമാണ് ഗ്രൂപ് സമാഹരിച്ചത്. ഇക്കൊല്ലത്തോടെ ടിഎഫ്‌സി നടത്തുന്ന ഔട്‌ലെറ്റുകളുടെ എണ്ണം 57 ആയി വര്‍ദ്ധിച്ചു. ഗലീറ്റോവിന്റെയും ബ്‌ളൂംസ്ബറിയുടെയും ശാഖകള്‍ ബാംഗ്‌ളൂര്‍ ആരംഭിച്ചു. കോള്‍ഡ് സ്‌റ്റോണ്‍ ക്രീമറിയുടെ ശാഖകള്‍ കൊച്ചിയിലും ബാഗ്‌ളൂരും ആരംഭിച്ചതും നേട്ടമാണ്.

ഈ നേട്ടങ്ങളോടൊപ്പം എടുത്തു പറയേണ്ടതാണ് ഷെഫീന എന്ന ബ്‌ളോഗര്‍, കുക്ക്, പാര്‍ടി പ്‌ളാനര്‍ എന്നിങ്ങനെ. കൂടാതെ നാലു മക്കളുടെ ഉമ്മയായ ഷെഫീന ലുലു എക്‌സേഞ്ച് എന്ന ധനകാര്യസ്ഥാപനത്തിന്റെ സിഇഒ, ഹോസ്പിറ്റാലിറ്റി നിക്ഷേപസ്ഥാനമായ ട്വന്റി14ഹോള്‍ഡിംഗ്‌സിന്റെ എംഡി, ടിഎഫ്‌സിയുടെ ഡയറക്ടര്‍ എന്ന നിലയിലൊക്കെ പ്രവര്‍ത്തിക്കുന്ന അദീബ് അഹ്മദിന്റെ ഭാര്യയുമാണ്.

തന്റെ വിജയത്തിനു പിന്നിലും വിവിധ റോളുകള്‍ കൈകാര്യം ചെയ്യാനുള്ള ആത്മവിശ്വാസത്തിനു പിന്നിലും തന്റെ ഉമ്മയാണെന്ന് ഷെഫീന പറയുന്നു.

Article by Shahir Esmail

ബിറ്റ്‌കോയിന്‍ നിക്ഷേപകര്‍ക്ക് ആദായനികുതി വകുപ്പ് നോട്ടീസയച്ചു
Posted by
07 February

ബിറ്റ്‌കോയിന്‍ നിക്ഷേപകര്‍ക്ക് ആദായനികുതി വകുപ്പ് നോട്ടീസയച്ചു

ന്യൂഡല്‍ഹി: ഡിജിറ്റല്‍ കറന്‍സിയായ ബിറ്റ്‌കോയിന്‍ നിക്ഷേപമുള്ള ഒരു ലക്ഷത്തോളംപേര്‍ക്ക് ആദായനികുതി വകുപ്പ് നോട്ടീസയച്ചു. ആദായ നികുതി റിട്ടേണില്‍ ഇക്കാര്യം കാണിക്കാത്തതിനെ തുടര്‍ന്നാണ് നടപടി.

സെന്‍ട്രല്‍ ബോര്‍ഡ് ഓഫ് ഡയറക്ട് ടാക്‌സസ് (സിഡിബിടി) ചെയര്‍മാന്‍ സുശീല്‍ ചന്ദ്രയാണ് ഇക്കാര്യം വെളിപ്പെടുത്തിയത്. ആദായ നികുതി വകുപ്പ് നിരവധി സര്‍വേകള്‍ നടത്തിയതില്‍ ക്രിപ്‌റ്റോ കറന്‍സി എക്‌സ്‌ചേഞ്ചില്‍ എത്ര പേര്‍ വിപണനവും രജിസ്റ്റട്രേഷനും, പങ്കാളികളും ആയിട്ടുണ്ടെന്ന് കണ്ടെത്തിയതായി അദ്ദേഹം പറഞ്ഞു.

ബിറ്റ്‌കോയിന്‍ നിക്ഷേപം നിയമ വിരുദ്ധമാണെന്ന് കേന്ദ്ര സര്‍ക്കാര്‍ നേരത്തെ വ്യക്തമാക്കിയിരുന്നു.

കസ്റ്റംസ് ഡ്യൂട്ടി വര്‍ധിപ്പിച്ചു; ഇന്ത്യയില്‍ ആപ്പിള്‍ ഐഫോണുകളുടെ വില കൂടും
Posted by
05 February

കസ്റ്റംസ് ഡ്യൂട്ടി വര്‍ധിപ്പിച്ചു; ഇന്ത്യയില്‍ ആപ്പിള്‍ ഐഫോണുകളുടെ വില കൂടും

കേന്ദ്ര സര്‍ക്കാര്‍ കസ്റ്റംസ് ഡ്യൂട്ടി 20 ശതമാനം വര്‍ധിപ്പിച്ചതിന് പിന്നാലെ ഇന്ത്യയില്‍ ആപ്പിള്‍ ഐഫോണുകളുടെ വില കൂട്ടുന്നു.ഫോണുകള്‍ രാജ്യത്ത് തന്നെ നിര്‍മിക്കുന്നത് പ്രോത്സാഹിപ്പിക്കുന്നതിന്റെ ഭാഗമായാണ് വിദേശ നിര്‍മിത മോഡലുകളുടെ കസ്റ്റംസ് ഡ്യൂട്ടി വര്‍ധിപ്പിച്ചത്.

രാജ്യത്ത് തന്നെ നിര്‍മിക്കുന്ന ഐഫോണ്‍ എസ്ഇ ഒഴിച്ചുള്ള മോഡലുകള്‍ക്ക് 2.5ശതമാനം മുതല്‍ മൂന്ന് ശതമാനം വരെ വില വര്‍ധിപ്പിച്ചു. എസ്ഇ 32 ജിബി മോഡലിന് 26,000 ഉം 128 ജിബിക്ക് 35,000 രൂപയുമാണ്. കഴിഞ്ഞ മൂന്നു മാസങ്ങളിലായി ഐ ഫോണുകളുടെ വില വര്‍ധിപ്പിക്കുന്നത് രണ്ടാം തവണയാണ്. ആപിള്‍ വാച്ചുകള്‍ക്കും വില കൂടിയിട്ടുണ്ട്. ഇന്നു മുതല്‍ വില വര്‍ധന നിലവില്‍ വരും.

വിദ്യാഭ്യാസം പ്ലസ്ടു വരെ മാത്രം; പക്ഷെ വാഹനങ്ങളുടെ മൈലേജ് കൂട്ടാനുള്ള വിദ്യയുടെ യുഎസ് പേറ്റന്റ് സ്വന്തം പേരില്‍; അത്ഭുതമായി തൃശൂര്‍ സ്വദേശി 22 കാരന്‍ ഗെബിന്‍ മാക്‌സി
Posted by
05 February

വിദ്യാഭ്യാസം പ്ലസ്ടു വരെ മാത്രം; പക്ഷെ വാഹനങ്ങളുടെ മൈലേജ് കൂട്ടാനുള്ള വിദ്യയുടെ യുഎസ് പേറ്റന്റ് സ്വന്തം പേരില്‍; അത്ഭുതമായി തൃശൂര്‍ സ്വദേശി 22 കാരന്‍ ഗെബിന്‍ മാക്‌സി

തൃശൂര്‍: സാമ്പ്രദായിക വിദ്യാഭ്യാസ രീതികളെ ചോദ്യം ചെയ്യുന്ന നേട്ടവുമായി മലയാളിയായ 22കാരന്‍. പ്ലസ് ടുവിന് ശേഷം പഠനം നിര്‍ത്തിയ ഈ മലയാളി പയ്യന്‍ സ്വന്തമാക്കിയത് വാഹനങ്ങളുടെ മൈലേജ് കൂട്ടാനുള്ള സാങ്കേതികവിദ്യയ്ക്കുള്ള യുഎസ് പേറ്റന്റാണ്. ഇതിന്റെ ഭാഗമായി യുഎസില്‍ ഗവേഷണത്തിലുമാണ് അയ്യന്തോള്‍ സിവില്‍ ലെയിന്‍ പുലിക്കോട്ടില്‍ ചിമ്മന്‍വീട്ടില്‍ ഗെബിന്‍ മാക്‌സി(22). ഫ്യുവല്‍, ഇലക്ട്രിക് എന്‍ജിനുകള്‍ പ്രത്യേകരീതിയില്‍ കൂട്ടിച്ചേര്‍ത്തു മൈലേജ് കൂട്ടാന്‍ യുഎസില്‍ ഗവേഷണം നടത്തുന്ന തിരക്കിലാണ് ഗെബിന്‍ ഇപ്പോള്‍. ആഗോള ടാക്‌സി ശൃംഖലയായ ഊബറിനു പണമിറക്കിയവരിലൊരാളായ ഡേവിഡ് കോഹന്റെ ‘ടെക്സ്റ്റാര്‍സ്’ കമ്പനിയുടെ സഹായവും ഗെബിന്റെ ഗവേഷണത്തിനു ഫണ്ട് നല്‍കിയിട്ടുണ്ട്.

ഗെബിന്‍ ചെന്നൈ വെറ്റ്‌സ് വിദ്യാശ്രം സ്‌കൂളില്‍ പത്താം ക്ലാസില്‍ പഠിക്കുമ്പോഴാണ് ‘ഇന്റഗ്രേറ്റ് ലീനിയര്‍ പാരലല്‍ ഹൈബ്രിഡ് എന്‍ജിന്‍’ എന്ന ആശയം തോന്നുന്നത്. പിന്നീടു യുഎസിലെ കോളറാഡോയിലെ ബോള്‍ഡറില്‍ നടക്കുന്ന സ്റ്റാര്‍ട്ടപ് കോണ്‍ഫറന്‍സില്‍ പങ്കെടുത്തപ്പോള്‍ അവിടെവച്ചു ഡേവിഡ് കോഹനെ കണ്ടുമുട്ടിയതാണു വഴിത്തിരിവായത്. കംപ്യൂട്ടര്‍ സയന്റിസ്റ്റ് ജോണ്‍ ബോള്‍മാനുമായി ചേര്‍ന്നു ‘മാഗ്ലെവ് മോട്ടോഴ്‌സ്’ രൂപീകരിച്ചു ഗവേഷണം തുടര്‍ന്നു.

രണ്ടു വര്‍ഷത്തെ അധ്വാനംകൊണ്ടു സാങ്കേതികവിദ്യയ്ക്കു പൂര്‍ണരൂപം നല്‍കിയതോടെയാണു പേറ്റന്റ് ലഭിക്കുന്നത്. മൈലേജ് 20 മുതല്‍ 50% വരെ കൂടുന്ന ഈ സാങ്കേതികവിദ്യയില്‍ വാഹന എന്‍ജിന്‍ പുറംതള്ളുന്ന പുക 60% കുറയുമെന്നതും പ്രത്യേകതയാണ്.

ചെന്നൈയില്‍ സ്ഥിരതാമസമാക്കിയ ഹിന്ദുസ്ഥാന്‍ യൂണിലീവര്‍ മുന്‍ മാനേജര്‍ മാക്‌സി മാത്യുവിന്റെയും ആലിസിന്റെയും മകനാണു ഗെബിന്‍.

ജനങ്ങളുടെ പ്രതിഷേധത്തിന് പുല്ലുവില; പെട്രോള്‍ വിലയില്‍ ഇന്നും വര്‍ധനവ്; രണ്ടു ദിവസത്തിനു ശേഷം ഡീസലിനും വിലക്കയറ്റം
Posted by
05 February

ജനങ്ങളുടെ പ്രതിഷേധത്തിന് പുല്ലുവില; പെട്രോള്‍ വിലയില്‍ ഇന്നും വര്‍ധനവ്; രണ്ടു ദിവസത്തിനു ശേഷം ഡീസലിനും വിലക്കയറ്റം

കൊച്ചി: സംസ്ഥാനത്തെ ഇന്ധനവിലയില്‍ വീണ്ടും വര്‍ധനവ്. ജനങ്ങള്‍ കടുത്ത പ്രതിഷേധം രേഖപ്പെടുത്തുമ്പോഴും ഇന്ധനക്കമ്പനികള്‍ കേട്ടഭാവമില്ലാതെയാണ് ദിനംപ്രതി എണ്ണവിലവര്‍ധിപ്പിക്കുന്നത്. ഇന്നു പെട്രോളിന് 16 പൈസയുടെ വര്‍ധനയാണ് രേഖപ്പെടുത്തിയത്. ഇതിനു പുറമെ ഡീസലിനു ഏഴ് പൈസയും കൂടി. രണ്ടു ദിവസത്തിനു ശേഷമാണ് ഡീസല്‍ വില കൂടുന്നത്. അതേസമയം, കഴിഞ്ഞ മൂന്നു ദിവസവമായി പെട്രോളിന് വില കൂടിക്കൊണ്ടിരിക്കുന്ന്ത ജനങ്ങളെ ദുരിതത്തിലാക്കുന്നു.

ഇന്ന് കണ്ണൂരില്‍ പെട്രോളിന് 78.2 രൂപയും ഡീസലിനു 70.47 രൂപയുമാണ് വിപണി വില. വര്‍ധിപ്പിച്ച തുകയുടെ കൂടെ കേന്ദ്ര സംസ്ഥാന നികുതിയും കൂടി ചേരുന്നതോടെ ഇന്ധന വില ജനത്തിനു ദുസ്സഹമായി മാറും. ഇതു വരെ വില കുറയ്ക്കുന്നതിനു വേണ്ട യാതൊരു നടപടികളും കേന്ദ്ര സര്‍ക്കാര്‍ സ്വീകരിച്ചിട്ടില്ലെന്നതും ജനങ്ങളെ അമര്‍ഷരാക്കുന്നുണ്ട്.

സാധാരണക്കാര്‍ക്ക് ഇരുട്ടടി; സംസ്ഥാനത്ത് പെട്രോള്‍ വിലയില്‍ വീണ്ടും വര്‍ധനവ്
Posted by
04 February

സാധാരണക്കാര്‍ക്ക് ഇരുട്ടടി; സംസ്ഥാനത്ത് പെട്രോള്‍ വിലയില്‍ വീണ്ടും വര്‍ധനവ്

കൊച്ചി: ജനങ്ങള്‍ക്ക് തിരിച്ചടിയായി വീണ്ടും പെട്രോള്‍വിലയില്‍ വര്‍ധനവ്. പെട്രോളിന് ഏഴ് പൈസ വര്‍ധിച്ച് 77.08 രൂപയായി. അതേസമയം ഡീസല്‍ വിലയില്‍ മാറ്റമില്ല. ഡീസലിന് 69.54 രൂപയാണ്. ശനിയാഴ്ച പെട്രോളിന് ഒരു പൈസയും ഡീസലിനു നാല് പൈസയും കുറഞ്ഞിരുന്നു.

ഇന്ധനവില ദിവസവും മാറുന്ന രീതി ജൂണ്‍ 16-നാണ് സര്‍ക്കാര്‍ നടപ്പാക്കിയത്. അന്ന് പെട്രോളിന് 68.53 രൂപയും ഡീസലിന് 58.70 രൂപയുമായിരുന്നു. പുതിയ രീതിപ്രകാരം വിലക്കുറവിന്റെ നേട്ടം അതത് ദിവസം ഉപഭോക്താക്കള്‍ക്ക് കിട്ടുമെന്നായിരുന്നു സര്‍ക്കാര്‍ പറഞ്ഞത്. എന്നാല്‍ വില കുറഞ്ഞത് വിരലിലെണ്ണാവുന്ന ദിനങ്ങളില്‍ മാത്രം.

ജനങ്ങളുടെ പ്രതിഷേധം ശക്തമായതിനെത്തുടര്‍ന്ന് ഒക്ടോബര്‍ നാലിന് കേന്ദ്രം ഇന്ധനവിലയില്‍നിന്ന് എക്‌സൈസ് തീരുവ കുറച്ചു. അതുവഴി കേരളത്തില്‍ പെട്രോളിനും ഡീസലിനും ലിറ്ററിന് രണ്ട് രൂപയിലധികം കുറഞ്ഞു. തീരുവ നീക്കിയതിന്റെ പിറ്റേന്ന് തൃശ്ശൂരില്‍ പെട്രോളിന് ലിറ്ററിന് 71.25 രൂപയും ഡീസലിന് 61.05 രൂപയുമായിരുന്നു.

ഡിസംബര്‍ 10-ന് ഇത് യഥാക്രമം 72.18 രൂപ, 62.72 രൂപ എന്നിങ്ങനെ ആയി. പിന്നീട് ഒരുദിവസംപോലും വില താഴ്ന്നിട്ടില്ല.

പേ ടിഎം ഓഹരി അറ്റന്‍ഡറെ ലക്ഷാധിപതിയാക്കി
Posted by
03 February

പേ ടിഎം ഓഹരി അറ്റന്‍ഡറെ ലക്ഷാധിപതിയാക്കി

ന്യൂഡല്‍ഹി: ഡിജിറ്റല്‍ പണമിടപാട് സ്ഥാപനമായ പേ ടിഎമ്മിലെ ജീവനക്കാരെ ലക്ഷാധിപതികളാക്കി പേടിഎമ്മിന്റെ ഓഹരികള്‍. കമ്പനിയിലെ ഇരുന്നൂറോളം ജീവനക്കാര്‍ തങ്ങളുടെ ഓഹരി വില്‍ക്കുന്നത് ഈ അടുത്ത കാലത്താണ്. മുന്നൂറ് കോടി രൂപയോളം വരുന്ന ഓഹരി വിറ്റപ്പോഴേക്കും കമ്പനിയിലെ പലരും കോടീശ്വരന്മാരും ലക്ഷാധിപന്മാരും ആയി.

കമ്പനിയില്‍ അറ്റന്‍ഡര്‍ ആയിരുന്നയാള്‍ക്ക് വരെ കിട്ടിയത് ഇരുപത് ലക്ഷം രൂപയാണ്.
ജീവനക്കാരുടെ ഓഹരി ഉടമസ്ഥത പ്ലാനില്‍ നിന്നും നടന്ന ഈ ഓഹരി കച്ചവടത്തില്‍ കമ്പനിയിലെ ഇരുപത്തിയഞ്ചോളം പേര്‍ ആറ് മുതല്‍ ഏഴ് കോടി വരെ ഉണ്ടാക്കി എന്നാണ് റിപ്പോര്‍ട്ടുകള്‍.

ഇന്ത്യയിലെ സ്റ്റാര്‍ട്ട് അപ്പുകളില്‍ ഇന്നേവരെ നടന്നിട്ടുള്ളതില്‍ ഏറ്റവും വലിയ ഓഹരി കച്ചവടമാണ് പേ ടിഎമ്മില്‍ നടന്നത്. ഓഹരി വില്‍പ്പന പൂര്‍ത്തിയായതോട് കൂടി ഇന്ത്യയിലെ രണ്ടാമത്തെ ഏറ്റവും വിലയേറിയ സ്റ്റാര്‍ട്ട് അപ്പായിരിക്കുകയാണ് പേ ടിഎം.

ജനങ്ങളെ പറ്റിച്ച് മോഡിയുടെയും ജെയ്റ്റ്‌ലിയുടേയും കള്ളക്കളി; പെട്രോളിനും ഡീസലിനും വില കുറച്ചു എന്നത് തട്ടിപ്പ്, 2 രൂപ കുറച്ചിട്ട് എട്ടുരൂപ കൂട്ടി
Posted by
02 February

ജനങ്ങളെ പറ്റിച്ച് മോഡിയുടെയും ജെയ്റ്റ്‌ലിയുടേയും കള്ളക്കളി; പെട്രോളിനും ഡീസലിനും വില കുറച്ചു എന്നത് തട്ടിപ്പ്, 2 രൂപ കുറച്ചിട്ട് എട്ടുരൂപ കൂട്ടി

ന്യൂഡല്‍ഹി: ജനങ്ങളെ വീണ്ടും വിദഗ്ദമായി കബളിപ്പിച്ച് കേന്ദ്ര സര്‍ക്കാര്‍. കേന്ദ്ര ധനമന്ത്രി അരുണ്‍ ജെയ്റ്റ്‌ലി ഇന്നലെ പ്രഖ്യാപിച്ച പൊതു ബജറ്റില്‍ പെട്രോളിനും ഡീസലിനും 2 രൂപ വിലകുറച്ചുവെന്ന വാര്‍ത്ത ജനങ്ങളെ സന്തോഷിപ്പിച്ചിരുന്നു. എന്നാല്‍ യഥാര്‍ത്ഥത്തില്‍ 8 രൂപ വര്‍ധിപ്പിച്ചാണ് ഈ രണ്ടു രൂപയുടെ ഇളവ് ഉണ്ടായിരിക്കുന്നത്.

ബജറ്റ് പ്രഖ്യാപന പ്രകാരം ഇന്ധനവിലയിലുണ്ടാകുന്ന മാറ്റങ്ങള്‍ ഇങ്ങനെ:

കേന്ദ്രബജറ്റില്‍ പെട്രോളിനും ഹൈസ്പീഡ് ഡീസലിനും എക്‌സൈസ് ഡ്യൂട്ടി ലീറ്ററിന് എട്ടു രൂപ കുറയ്ക്കുകയും പകരം എട്ടു രൂപ വീതം റോഡ്, ഇന്‍ഫ്രാസ്ട്രക്ചര്‍ സെസ് ഏര്‍പ്പെടുത്തുകയും ചെയ്തു. ഇതോടെ ബജറ്റിലെ മാറ്റങ്ങള്‍ വിപണിയില്‍ പെട്രോളിന്റെയും ഡീസലിന്റെയും വിലയില്‍ ഒരു മാറ്റവും വരുത്താതെയായി.

ബജറ്റില്‍ വരുത്തിയത് സെസ് സംബന്ധിച്ച ചില മാറ്റങ്ങള്‍ മാത്രമാണെന്ന് ധനകാര്യ സെക്രട്ടറി ഹസ്മുഖ് ആധിയ പറഞ്ഞു. പെട്രോളിനും ഡീസലിനും നേരത്തേ ലീറ്ററിന് 6 രൂപ അഡീഷണല്‍ ഡ്യൂട്ടി ഓണ്‍ റോഡ് സെസ് ഉണ്ടായിരുന്നു. ഇത് എടുത്തു കളയുകയും രണ്ടു രൂപ വീതം എക്‌സൈസ് തീരുവ കുറയ്ക്കുകയുമായണു ചെയ്തത്. എന്നാല്‍ പകരം ലീറ്ററിന് എട്ടു രൂപ റോഡ് ആന്‍ഡ് ഇന്‍ഫ്രാസ്ട്രക്ചര്‍ സെസ് ഏര്‍പ്പെടുത്തി. ചുരുക്കി പറഞ്ഞാല്‍ ജനങ്ങളുടെ കണ്ണില്‍ പൊടിയിട്ട് മോഡി സര്‍ക്കാര്‍ വീണ്ടും വിദഗ്ദമായി ഇന്ധനവില വര്‍ധനവിനെതിരെ ഉയരുന്ന ജനരോക്ഷത്തെ ഒതുക്കിയിരിക്കുന്നു.

error: This Content is already Published.!!