ഇനി പുതിയ സംരംഭങ്ങള്‍ ആരംഭിക്കാന്‍ പ്രയാസമില്ല; സ്റ്റാര്‍ട്ട് ആപ്പ് കമ്പനികള്‍ക്ക് സര്‍ക്കാര്‍ നല്കുന്ന സഹായങ്ങള്‍ അറിയുക
Posted by
12 December

ഇനി പുതിയ സംരംഭങ്ങള്‍ ആരംഭിക്കാന്‍ പ്രയാസമില്ല; സ്റ്റാര്‍ട്ട് ആപ്പ് കമ്പനികള്‍ക്ക് സര്‍ക്കാര്‍ നല്കുന്ന സഹായങ്ങള്‍ അറിയുക

പണ്ടുകാലത്ത് ഒരു പുതിയ സംരംഭം തുടങ്ങുന്നതിന് ഒരുപാട് കടമ്പകള്‍ കടക്കേണ്ടതുണ്ടായിരുന്നു. ലൈസന്‍സ്‌പെര്‍മിറ്റ് രാജ് എന്നാണ് ഈ കടമ്പകളെ ഒറ്റവാക്കില്‍ വിളിച്ചിരുന്നത്. 1947 മുതല്‍ ഉദാരവത്കരണം ഇന്ത്യയിലാരംഭിച്ച തൊണ്ണൂറുകളുടെ ആദ്യം മുതല്‍ ലൈസന്‍സ് രാജായിരുന്നു അലിഖിത നിയമം. അതായത് ലൈസന്‍സ് സംഘടിപ്പിക്കുന്നതു മുതല്‍ ആരംഭിക്കുന്ന ചുവപ്പുനാടകള്‍. പഞ്ചവത്സര പദ്ധതിയും, ആസൂത്രിത സമ്പദ് വ്യവസ്ഥയും ആരംഭിക്കാവുന്ന സംരംഭങ്ങള്‍ക്കു മേല്‍ നിയന്ത്രണമേര്‍പ്പെടുത്തുകയും നിയന്ത്രിതമായ സംരംഭങ്ങള്‍ക്കും നിക്ഷേപങ്ങള്‍ക്കും ലൈസന്‍സ് വാങ്ങണമെന്ന് വ്യവസ്ഥപ്പെടുത്തുകയും ചെയ്തു.

എന്നാല്‍ കാലം മാറി. കഥയും മാറി. അനിയന്ത്രിതമായ സംരംഭങ്ങളുടെയും നിക്ഷേപങ്ങളുടെയും അരങ്ങാണിന്ന്. തുടങ്ങൂ (Start up) എന്നതാണ് പുതിയ കീവേഡ്. അതായത് വിജയകരമാകുമെന്ന് നിങ്ങള്‍ക്കു തോന്നുന്ന ആശയം. അത് സംരംഭമാക്കി മാറ്റാനുള്ള പശ്ചാത്തല സൗകര്യവും, ഉപദേശനിര്‍ദേശങ്ങളും കൈമാറുന്ന ഏജന്‍സിയായി ഗവണ്‍മെന്റ് മാറുമെന്ന് സാരം. കൈക്കൂലി മോഹിച്ച് ഫയലുകള്‍ മാറ്റിവെക്കുന്ന സര്‍ക്കാര്‍ ഉദ്യോഗസ്ഥരായല്ല, നിങ്ങളുടെ വിഭവവിനിമയ ശേഷിയെ പരിപോഷിപ്പിക്കുന്ന ഏജന്‍സിയായിട്ടാണ് ഗവണ്‍മെന്റ് മാറുന്നത് എന്ന് സാരം.

നിക്ഷേപകര്‍ക്കും സംരംഭകര്‍ക്കുമായുള്ള പശ്ചാത്തല സൗകര്യമൊരുക്കല്‍, കുറഞ്ഞവാടകയ്ക്ക് സഥലവും ഓഫീസും സജ്ജമാക്കല്‍, ലോണ്‍ സജ്ജമാക്കല്‍, അന്താരാഷ്ട്ര ഏജന്‍സികളുടെ ട്രയിനിംഗും, ഉപദേശനിര്‍ദേശങ്ങളും തുടങ്ങിയവയെല്ലാം ഇന്ത്യാ ഗവണ്‍മെന്റിന്റെ സ്റ്റാര്‍ട് അപ് പ്രൊജക്ടില്‍ ഉള്‍പ്പെടുന്നു.

കേരള ഗവണ്‍മെന്റ് സംരംഭകത്വത്തെയും നവപ്രവര്‍ത്തനത്തെയും പ്രോത്സാഹിപ്പിക്കുന്ന രംഗത്ത് അതിവേഗം മുന്നേറിക്കഴിഞ്ഞിരിക്കുന്നു. കേരള സ്റ്റാര്‍ട്അപ് മിഷന്‍ (KSUM) ആഗോള സംരംഭകത്വനിര്‍ദേശ ടീമുകളുമായി കൈകോര്‍ത്തു കൊണ്ട് സ്റ്റാര്‍ട് അപ് പ്രോഗ്രാമുകള്‍ ആസൂത്രണം ചെയ്തിട്ടുണ്ട്. അതിനായി ഘടനാപരമായ നവപ്രവര്‍ത്തന വിചിന്തന പദ്ധതി (Sructured Incubation programme) ഗവണ്‍മെന്റ് ആരംഭിച്ചിട്ടുണ്ട്. മൂന്ന് മാസത്തെ പ്രോഗ്രാമിലൂടെ ആശയം രൂപപ്പെടുത്തുന്നത് മുതല്‍, പുറത്തിറക്കുന്നത് വരെയുള്ള ബഹുതലത്തിലുള്ള സംരംഭകഉപദേശനിര്‍ദേശ പദ്ധതിയാണ് കെ.എസ്.യു.എം മുന്നോട്ട് വെക്കുന്നത്. അതു കൂടാതെ പുതിയ ആശയങ്ങള്‍ സംരംഭങ്ങളായി കെട്ടിപ്പെടുക്കുന്നതിന് നിക്ഷേപ സഹായങ്ങളും, ഏണസ്റ്റ് ആന്റ് യങ് എന്ന ആഗോള നിക്ഷേപക സംരംഭവുമായി കൈകോര്‍ത്തു കൊണ്ട് വിഭവവും വിജ്ഞാനവും പ്രദാനം ചെയ്യല്‍, വിദ്ധഗ്‌ദോപദേശം നല്‍കല്‍ തുടങ്ങിയവയാണ് സ്റ്റാര്‍ട് അപ് മിഷന്റെ പ്രോഗ്രാമിലുള്ളത്.

കേരളാ ഗവണ്‍മെന്റിന്റെ https://startupmission.kerala.gov.in എന്ന വെബ് വിലാസത്തില്‍ നിര്‍ദ്ദേശങ്ങളും വിവരങ്ങളും ലഭ്യമാണ്.

പുതിയ സംരംഭകത്വത്തെ പറ്റി ആലോചിക്കുന്നതിന് incubate എന്നാണ് പറയുക. അതായത് ആശയം അടയിരിക്കുക. നിങ്ങളുടെ സംരംഭകത്വ സ്വപ്നങ്ങള്‍ക്ക് അന്താരാഷ്ട്ര രംഗത്തുള്ള വിദ്ധഗ്ദരുടെ അനുഭവത്തിന്റെയും അറിവിന്റെയും, ഗവണ്‍മെന്റിന്റെ ഉപദേശനിര്‍ദേശങ്ങളുടെയും ചൂടും ചൂരും കിട്ടുക എന്നതാണ് വലിയ കാര്യം.

അതായത് ബിസിനസുകാരനാകുക എന്ന വെല്ലുവിളി ഏറ്റെടുക്കുന്നത് ഇന്ന് വളരെ എളുപ്പമാണ്.

പേര് റയാന്‍, വയസ് ആറ്, പ്രതിവര്‍ഷ വരുമാനം 11 ദശലക്ഷം ഡോളര്‍: ഫോബ്‌സ് പട്ടികയിലെ കുഞ്ഞന്‍ കോടിപതിയെ അറിയാം
Posted by
11 December

പേര് റയാന്‍, വയസ് ആറ്, പ്രതിവര്‍ഷ വരുമാനം 11 ദശലക്ഷം ഡോളര്‍: ഫോബ്‌സ് പട്ടികയിലെ കുഞ്ഞന്‍ കോടിപതിയെ അറിയാം

കളിപ്പാട്ടങ്ങള്‍ എന്നും കുട്ടികള്‍ പ്രിയപ്പെട്ടതാണ്. കുസൃതി കുട്ടന്മാരെ വരുതിയിലാക്കാന്‍ ഈ കളിക്കോപ്പുകള്‍ വഹിക്കുന്ന പങ്കും ചെറുതല്ല. എന്നാല്‍ ആറാം വയസില്‍ കളിപ്പാട്ടങ്ങള്‍ കൊണ്ട് കോടികള്‍ കൊയ്യുന്ന ഏതെങ്കിലും ഒരു കുട്ടിയെ നിങ്ങള്‍ കണ്ടിട്ടുണ്ടോ? യൂട്യൂബില്‍ കയറി റയാന്‍ ടോയ്‌സ് റിവ്യൂ എന്ന് പരതി നോക്കിയാല്‍ കക്ഷിയെ കിട്ടും. തനിക്ക് ലഭിക്കുന്ന കളിപ്പാട്ടങ്ങളുടെ അണ്‍ബോക്‌സിംഗും, റിയാക്ഷനുമൊക്കയാണ് റയാന്‍ വീഡിയോകളുടെ ഉള്ളടക്കം.

ഫോബ്‌സിന്റെ ഹൈയസ്റ്റ് പെയ്ഡ് (ഉയര്‍ന്ന വരുമാനമുള്ള) യൂട്യൂബ് സ്റ്റാര്‍ എന്ന പട്ടികയില്‍ ഇടം പിടിച്ചതോടെയാണ് റയാന്‍ എന്ന ഈ കുഞ്ഞന്‍ കോടിപതി ലോകത്തെ ഞെട്ടിച്ചത്. പ്രതിവര്‍ഷം 11 ദശലക്ഷം ഡോളറാണ് തന്റെ വീഡിയോയിലൂടെ റായന്‍ സമ്പാദിക്കുന്നത്. മാതാപിതാക്കളുടെ സഹായത്തോടെയാണ് റയാന്‍ തന്റെ നാലാം വയസില്‍ റിയാക്ഷന്‍ വീഡിയോകള്‍ യൂട്യൂബില്‍ പോസ്റ്റ് ചെയ്യാന്‍ ആരംഭിക്കുന്നത്.


കാറുകള്‍, ട്രെയിനുകള്‍, ലീഗോ, സൂപ്പര്‍ ഹീറോസ്, ഡിസ്‌നി കളിപ്പാട്ടങ്ങള്‍, സര്‍പ്രൈസ് എഗ്ഗുകള്‍, പിക്‌സാര്‍ ഡിസ്‌നി കാറുകള്‍, മിനിയണ്‍ ഇങ്ങനെ നീണ്ടു പോകുന്നു റയാന്റെ കളിപ്പാട്ട കൊട്ടാരങ്ങളിലെ അംഗങ്ങളുടെ പട്ടിക. ഡിസ്‌നി പിക്‌സാര്‍ കാര്‍ സീരീസിന്റെ ജിയന്റ് എഗ്ഗ് സര്‍പ്രൈസ് എന്ന നൂറോളം കളിപ്പാട്ടങ്ങള്‍ അടങ്ങുന്ന വലിയ ബോളിന്റെ അണ്‍ബോക്‌സിംഗ് വീഡിയോയാണ് റയാനെ ഒറ്റ രാത്രി കൊണ്ട് യൂട്യൂബിലെ താരമാക്കിയത്.

Bitcoin: Mega bitcoin gains come with megabyte tax
Posted by
11 December

ആദായ നികുതി; നിക്ഷേപകര്‍ ബിറ്റ്‌കോയിന്‍ വിറ്റൊഴിയുന്നു

ആദായ നികുതിയിലെ അവ്യക്തത കാരണം നിക്ഷേപകര്‍ ബിറ്റ്‌കോയിന്‍ വിറ്റൊഴിയുന്നു. ഡിജിറ്റല്‍ കറന്‍സിയായ ബിറ്റ്‌കോയിന്റെ ഇടപാട് രാജ്യത്ത് അംഗീകൃതമല്ലെങ്കിലും 20 മുതല്‍ 30 ശതമാനംവരെ മൂലധനനേട്ട നികുതിയാണ് ബിറ്റ്‌കോയിന് ബാധകമാകുകയെന്ന് വിദഗ്ധര്‍ പറയുന്നു. ബിസിനസ് വരുമാനം അല്ലെങ്കില്‍ മൂലധന നേട്ടം എന്നിവയ്ക്ക് ബാധകമായ ആദായ നികുതിയായിരിക്കും നല്‍കേണ്ടിവരികയെന്നാണ് ഇവരുടെ നിരീക്ഷണം.

ബിറ്റ്‌കോയിന്‍ വ്യാപാരത്തിന് ആരെയും ചുമതലപ്പെടുത്തിയിട്ടില്ലെന്നും സ്വന്തം ഉത്തരവാദിത്വത്തില്‍ വേണം ഇതില്‍ നിക്ഷേപിക്കാനെന്നും റിസര്‍വ് ബാങ്ക് നേരത്തെ മുന്നറിയിപ്പ് നല്‍കിയിരുന്നു. കഴിഞ്ഞയാഴ്ചയാണ് മൂന്നാമത്തെ മുന്നറിയിപ്പ് ആര്‍ബിഐ പുറത്തുവിട്ടത്.

50,000 രൂപ മുതല്‍ അഞ്ച് ലക്ഷം രൂപ നിലവാരത്തിനുവരെ ബിറ്റ്‌കോയിനില്‍ നിക്ഷേപിച്ചവര്‍ മൂല്യം 10 ലക്ഷം കടന്നപ്പോള്‍ വിറ്റഴിക്കാന്‍ തിരക്കുകൂട്ടിയതായി.
ഇന്ത്യയിലെ ബിറ്റ്‌കോയിന്‍ എക്‌സ്‌ചേഞ്ചായ സെബ്‌പെ സഹസ്ഥാപകന്‍ സൗരബ് അഗര്‍വാള്‍ പറഞ്ഞതായി ഇക്കണോമിക് ടൈംസ് റിപ്പോര്‍ട്ട് ചെയ്തു.
ക്രിപ്‌റ്റോകറന്‍സി ഇടപാട് രാജ്യത്ത് ഇതുവരെ അംഗീകരിച്ചിട്ടില്ല. അതുകൊണ്ടുതന്നെ റിട്ടേണ്‍ നല്‍കുമ്പോള്‍ ലാഭനഷ്ടങ്ങള്‍ ഫയല്‍ ചെയ്യുന്നത് സങ്കീര്‍ണമാകും.

മുന്‍കൂര്‍ നികുതി അടയ്‌ക്കേണ്ട അവസാന തിയതി ഡിസംബര്‍ 15 ആയതിനാല്‍ നിക്ഷേപകരും നികുതി കണ്‍സള്‍ട്ടന്റുമാരും എങ്ങനെയാണ്. ഡിജിറ്റല്‍ കറന്‍സി ഇടപാട് സംബന്ധിച്ച് ധനകാര്യമന്ത്രാലയം ഉടനെ വ്യക്തത വരുത്തുമെന്നാണ് പ്രതീക്ഷിക്കുന്നത്. അതിനിടെ ബിറ്റ്‌കോയിന്റെ മൂല്യം 16,558 യുഎസ് ഡോളര്‍(2.50 ഐഎസ്ടി) കടന്നു. അതായത് ഒരു ബിറ്റ്‌കോയിന്‍ വാങ്ങാന്‍ മുടക്കേണ്ടത് 10,64959 രൂപ.

സ്വര്‍ണ്ണ വിലയില്‍ വന്‍ ഇടിവ്
Posted by
11 December

സ്വര്‍ണ്ണ വിലയില്‍ വന്‍ ഇടിവ്

കൊച്ചി: സംസ്ഥാനത്ത് സ്വര്‍ണ്ണ വിലയില്‍ വന്‍ ഇടിവ്. ഇന്ന് മാത്രം പവന് 180 രൂപയും ഗ്രാമിന് 20 രൂപയാണ് കുറഞ്ഞിരിക്കുന്നത്. ഇതോടെ ഡിസംബര്‍ മാസം പകുതി ആകുന്നതിന് മുന്‍പേ അഞ്ചാം വട്ടമാണ് വില കുറയുന്നത്. പവന് ഈ മാസം മാത്രം ഇതുവരെ കുറഞ്ഞത് 680 രൂപയോളമാണ്.

പവന് 21,240 രൂപയും ഗ്രാമിന് 2,655 രൂപയുമാണ് ഇന്നത്തെ വില. ആഗോളവിപണിയിലെ വിലക്കുറവാണ് ആഭ്യന്തരവിപണയിലും പ്രതിഫലിച്ചിരിക്കുന്നത്. ഇത് ഏറ്റവും അധികം ഉപകരിക്കുന്നത് അടുത്ത വര്‍ഷം ജനുവരി ഫെബ്രുവരി മാസങ്ങളില്‍ നടക്കുന്ന വിവാഹ പാര്‍ട്ടികള്‍ക്കാണ്.

ബാങ്ക് ലയനം; എസ്ബിഐ കേരളത്തിലെ നൂറോളം ശാഖകള്‍ പൂട്ടുന്നു
Posted by
11 December

ബാങ്ക് ലയനം; എസ്ബിഐ കേരളത്തിലെ നൂറോളം ശാഖകള്‍ പൂട്ടുന്നു

തിരുവനന്തപുരം: ബാങ്ക് ലയനത്തിന്റെ തുടര്‍ച്ചയായി എസ്ബിഐ കേരളത്തിലെ നൂറോളം ശാഖകള്‍ പൂട്ടുന്നു. 44 എണ്ണം ഇതിനകം പൂട്ടി. ശേഷിക്കുന്ന അറുപതിലേറെ ശാഖകള്‍കൂടി ഉടന്‍ പൂട്ടും. ലയനത്തോടെ 197 ശാഖകള്‍ പൂട്ടാനാണ് നേരത്തേ തീരുമാനിച്ചിരുന്നത്. ഏപ്രിലില്‍ എസ്ബിഐ എസ്ബിടി ലയനം പൂര്‍ത്തിയായെങ്കിലും പല സ്ഥലങ്ങളിലും രണ്ടു ബാങ്കുകളുടെയും ശാഖകള്‍ പ്രവര്‍ത്തനം തുടരുകയായിരുന്നു. എതിര്‍പ്പ് ഭയന്നാണ് അന്ന് ശാഖകള്‍ പൂട്ടാതിരുന്നത്. എന്നാല്‍, ഉപഭോക്താക്കള്‍ക്ക് ബുദ്ധിമുട്ടില്ലാതെ അടുത്തടുത്തുള്ള ശാഖകളുടെ ലയനം എന്ന നിലയിലാണ് ഇപ്പോഴിവ പൂട്ടുന്നത്.

ഒരേ പ്രദേശത്ത് രണ്ടു ശാഖകള്‍ പ്രവര്‍ത്തിക്കുന്നുണ്ടെങ്കില്‍ ഇതില്‍ ചെറിയ ശാഖ പൂട്ടും. പൂട്ടിയ ശാഖയുടെ ഉപഭോക്താക്കളുടെ ഇടപാടുകള്‍ നിലനിര്‍ത്തുന്ന ശാഖകളിലേക്ക് മാറ്റും. ജീവനക്കാരെയും പുനര്‍വിന്യസിക്കും. ഉദാഹരണത്തിന്, എസ്ബിടിക്കും എസ്ബിഐക്കും ഒരേ സ്ഥലത്തുതന്നെ ശാഖകള്‍ ഉണ്ടെങ്കില്‍ ഇവയിലൊന്ന് നിര്‍ത്തലാക്കും. രണ്ടു ശാഖകള്‍ക്കും ഒരുമിച്ച് പ്രവര്‍ത്തിക്കാന്‍, നിലനിര്‍ത്തുന്ന ശാഖയില്‍ സ്ഥലസൗകര്യമില്ലെങ്കില്‍ മറ്റൊരു കെട്ടിടം കണ്ടെത്തി അങ്ങോട്ടു മാറ്റും. പല സ്ഥലങ്ങളിലും ഇതിനായി കെട്ടിടം കണ്ടെത്താനുള്ള ശ്രമത്തിലാണ് ബാങ്ക്.

ശാഖ പൂട്ടിയാല്‍ അവിടത്തെ പ്രവര്‍ത്തനങ്ങള്‍ മാറ്റുന്ന ശാഖയില്‍ നിലവിലുള്ള പാസ് ബുക്കും ചെക്ക് ബുക്കുമൊക്കെ ഉപയോഗിച്ച് ഉപഭോക്താവിന് ഇടപാട് തുടരാം.

വമ്പന്‍ തുകയ്ക്ക് വസ്തുവും വീടും സ്വര്‍ണവും മറ്റും വാങ്ങി കൂട്ടിയവര്‍ക്ക് എട്ടിന്റെ പണികിട്ടി തുടങ്ങി
Posted by
08 December

വമ്പന്‍ തുകയ്ക്ക് വസ്തുവും വീടും സ്വര്‍ണവും മറ്റും വാങ്ങി കൂട്ടിയവര്‍ക്ക് എട്ടിന്റെ പണികിട്ടി തുടങ്ങി

കൊച്ചി: ആദായ നികുതിയടയ്ക്കാത്ത പണം കൊണ്ട് വസ്തുവും സ്വര്‍ണ്ണവുമൊക്കെ വാങ്ങിക്കൂട്ടിയവര്‍ക്ക് പണി വരുന്നു. നോട്ട് നിരോധനത്തിന് ശേഷം സംസ്ഥാനത്ത് വലിയ ഇടപാടുകള്‍ നടത്തിയവര്‍ക്ക് പിന്നാലെയാണ് ഇപ്പോള്‍ ആദായ നികുതി വകുപ്പ്. മറ്റൊരാളിന്റെ പേരില്‍ ഭൂമി വാങ്ങി രജിസ്റ്റര്‍ ചെയ്തവരെയും പിടികൂടും. കള്ളപ്പണമാണെന്ന് കണ്ടെത്തിയാല്‍ വസ്തു സര്‍ക്കാറിലേക്ക് കണ്ടുകെട്ടും.

നോട്ട് നിരോധനത്തിന് ശേഷം ഇടപാടുകള്‍ ബാങ്ക് വഴിയാക്കിയപ്പോള്‍ പലരും വസ്തുവും സ്വര്‍ണ്ണവുമൊക്കെ വാങ്ങി കള്ളപ്പണം വെളുപ്പിച്ചിട്ടുണ്ടെന്നാണ് കണ്ടെത്തിയിരിക്കുന്നത്. ആദായ നികുതി അടയ്ക്കാത്തവര്‍ ലക്ഷങ്ങളുടെ സ്വര്‍ണ്ണവും ഭൂമിയും വാങ്ങിയത് കള്ളപ്പണത്തിന്റെ പരിധിയില്‍ വരും. രാജ്യത്തൊട്ടാകെ കുറഞ്ഞത് 20,000 ഇടപാടുകളെങ്കിലും ബിനാമിയോ കള്ളപ്പണം ഉപയോഗിച്ച് നടത്തിയതോ ആണെന്നാണ് അന്വേഷണത്തില്‍ വ്യക്തമായിരിക്കുന്നത്. ഇതില്‍ വന്‍ തുകയുടെ ഇടപാടുകള്‍ നടത്തിയവര്‍ക്ക് ആദ്യഘട്ടത്തില്‍ നോട്ടീസ് അയച്ചു തുടങ്ങി.

സംസ്ഥാനത്ത് ഇരുപതിലേറെപ്പേര്‍ക്ക് നോട്ടീസ് കിട്ടിയെന്നാണ് വിവരം. ഇവര്‍ ആദായ നികുതി വകുപ്പ് ഉദ്ദ്യോഗസ്ഥര്‍ക്ക് മുന്നില്‍ ഹാജരായി പണത്തിന്റെ സ്രോതസ് വെളിപ്പെടുത്തണം. വീട്, സ്ഥലം, സ്വര്‍ണം എന്നിവയുടെ ഇടപാടുകള്‍ നടത്തിയവര്‍ക്കെതിരെയാണു നടപടി. എന്നാല്‍ എല്ലാം ബെനാമി ഇടപാട് ആവണമെന്നില്ല. നിയമവിധേയമായ മാര്‍ഗ്ഗങ്ങിളിലൂടെ സമ്പാദിച്ച പണമാണെങ്കില്‍ അതിന് നികുതിയും പിഴയും അടയ്‌ക്കേണ്ടി വരും. ഇത് നല്‍കിയില്ലെങ്കില്‍ വസ്തു സര്‍ക്കാലേക്ക് കണ്ടുകെട്ടും. മറ്റൊരാളുടെ പേരില്‍ ബിനാമിയായി വാങ്ങിയതാണെങ്കില്‍ യഥാര്‍ത്ഥ ഉടമ ഹാജരാകണം. ഇത് ചെയ്യാതിരുന്നാലും വസ്തു കണ്ടുകെട്ടും.

വസ്തു രജിസ്റ്റര്‍ ചെയ്തിരിക്കുന്നയാളിന് അതിനുള്ള വരുമാനം ഇല്ലെന്ന് ബോധ്യപ്പെട്ടാല്‍ അത്തരം ഇടപാടുകള്‍ ബിനാമിയായി കണക്കാക്കും. കഴിഞ്ഞ കുറേ നാളുകളായി ഇതുമായി ബന്ധപ്പെട്ട അന്വേഷണം നടന്നുവരികയായിരുന്നു. ബാങ്കില്‍ നിക്ഷേപിക്കപ്പെട്ട പണവും വസ്തു രജിസ്!ട്രേഷന്‍ വിവരങ്ങളുമൊക്കെ പരിശോധിച്ചാണ് സംശയകരമായ ഇടപാടുകള്‍ കണ്ടെത്തുന്നത്.

കേരളത്തില്‍ ആദ്യ ഘട്ടമായി കണ്ണൂര്‍ ജില്ലയിലുള്ളവര്‍ക്കാണ് കൂടുതലായി നോട്ടീസ് ലഭിച്ചത്. വസ്തു ഇടപാടുകളാണ് ഇവരില്‍ ഭൂരിപക്ഷവും നടത്തിയിരിക്കുന്നത്. തുകയുടെ വലിപ്പം അനുസരിച്ചാണ് ഇപ്പോള്‍ നോട്ടീസ് നല്‍കിയിട്ടുള്ളതെന്നും താഴെ കൂടുതല്‍ പേര്‍ക്ക് നോട്ടിസ് അയക്കുമെന്നും ആദായനികുതി വകുപ്പ് അധികൃതര്‍ അറിയിച്ചു.

പാന്‍ കാര്‍ഡ് ആധാറുമായി ബന്ധിപ്പിക്കാനുള്ള സമയപരിധി നീട്ടി
Posted by
08 December

പാന്‍ കാര്‍ഡ് ആധാറുമായി ബന്ധിപ്പിക്കാനുള്ള സമയപരിധി നീട്ടി

ന്യൂഡല്‍ഹി: കേന്ദ്ര പ്രത്യക്ഷ നികുതി ബോര്‍ഡ് പെര്‍മെനന്റ് അക്കൗണ്ട് നമ്പര്‍ അഥവാ പാന്‍ കാര്‍ഡ് ആധാറുമായി ബന്ധിപ്പിക്കാനുള്ള സമയപരിധി മാര്‍ച്ച് 31 വരെ നീട്ടി. നേരത്തെ ഡിസംബര്‍ 31 വരെയായിരുന്നു പാന്‍ ആധാറുമായി ബന്ധിപ്പിക്കാനുള്ള സമയപരിധി. മാര്‍ച്ച് 31നകം ആധാറുമായി ബന്ധിപ്പിക്കാത്ത പാന്‍ കാര്‍ഡുകള്‍ അസാധുവായേക്കും.

നേരത്തെ സമയപരിധി നീട്ടുമെന്ന് കേന്ദ്ര സര്‍ക്കാര്‍ സുപ്രീം കോടതിയെ അറിയിച്ചിരുന്നു. ആധാറുമായി ബന്ധപ്പിക്കുന്നത്തില്‍ പലര്‍ക്കും പ്രായോഗിക ബുദ്ധിമുട്ട് നേരിട്ടതിനെത്തുടര്‍ന്നാണ് പുതിയ തീരുമാനം. അതേ സമയം, മൊബൈല്‍ നമ്പര്‍ ആധാറുമായി ബന്ധിപ്പിക്കുന്നതിനുള്ള സമയപരിധി ഫെബ്രുവരി ആറ് വരെയാണ്.

പുതിയ കാലത്തെ യുവസംരംഭകര്‍
Posted by
07 December

പുതിയ കാലത്തെ യുവസംരംഭകര്‍

നവസംരംഭകത്തെ വരവേല്‍ക്കുന്ന ലോകമാണ് ഇന്നുള്ളത്. പുതിയ ആശയങ്ങള്‍ നമ്മുടെ കാലത്തിന്റെ ചേതനയായി മാറിയിരിക്കുന്നു. ആഗോളസംരഭക ഉച്ഛകോടിയുടെ ഭാഗമായി ഇവാന്‍ക ട്രംപ് ഇന്ത്യ സന്ദര്‍ശിച്ചത് അടുത്ത കാലത്താണ്. യുവസംരംഭകരുടെയും നിക്ഷേപകരുടെയും ഒരു കൂട്ടായ്മയായിരുന്നു അത്. സംഭവത്തിന്റെ തെളിച്ചവും പൊലിമയും മാറ്റിനിര്‍ത്തിയാല്‍, അത് നമുക്ക് മുന്‍പിലെത്തിക്കുന്ന സന്ദേശം, നമ്മുടെ കാലം പുതുമയെയും, യുവത്വത്തെയും, നൂതനമായ ആശയങ്ങളെയും സ്വീകരിക്കാന്‍ തയ്യാറെടുത്തിരിക്കുന്നു എന്നതാണ്.

യുവരക്തങ്ങള്‍ക്ക് അനുകൂലമായ ഈ പ്രവണതക്ക് അനുഗുണമായി ഇന്ത്യയിന്ന് സ്റ്റാര്‍ട് അപ്പുകള്‍ക്ക് ഊന്നല്‍ കൊടുത്തിരിക്കുകയാണ്. ഇന്ത്യയിലെ പ്രമുഖ പത്രസ്ഥാപനങ്ങളിലൊന്നായ ടൈംസ് ഓഫ് ഇന്ത്യയുടെ പത്രത്താളുകളിലൊന്ന് പുതിയ സ്റ്റാര്‍ട്അപ് സംരംഭങ്ങളും നൂതനമായ ആശയങ്ങളും നവപ്രവര്‍ത്തനങ്ങളും ആസൂത്രണം ചെയ്ത മികവ് പ്രദര്‍ശിപ്പിച്ച ചെറുപ്പക്കാരെ പൊതുജനശ്രദ്ധയില്‍ കൊണ്ടുവരാന്‍ ഉദ്ദേശിച്ചു കൊണ്ടുള്ളതാണ്. പണ്ടു കാലത്ത് പരമ്പരാഗതമായ കുടുംബ സംരംഭങ്ങള്‍ക്കാണ് ഊന്നല്‍ നല്‍കപ്പെട്ടത്. തലമുറതലമുറ കൈമാറി വന്ന ബിസിനസ് സ്ഥാപനങ്ങളായിരുന്നു അവ. ടാറ്റ, ബിര്‍ള, അംബാനി തുടങ്ങിയ വമ്പന്‍മാരുടെ കഥകള്‍.

എന്നാല്‍ പുതിയ കാലത്തെ ഐടി സംരഭകരുടെ കടന്നുവരവോടെയാണ് ഇന്‍ഫോസിസിനെ പോലുള്ള ഒരു സ്ഥാപനം ചിത്രത്തില്‍ വരുന്നത്. ഉടമസ്ഥത എന്ന ആശയത്തെ തന്നെ അവര്‍ തിരുത്തിയെഴുതി. എന്നാല്‍ അവര്‍ ഉടമസ്ഥതപ്പെടുത്തിയത് ആസ്തികളോ ഉത്പന്നങ്ങളോ ആയിരുന്നില്ല. ആശയങ്ങളായിരുന്നു. വിവരസാങ്കേതിക വിദ്യ എന്നത് തന്നെ ഒരാശയമാണ്. സാമൂഹികമാറ്റത്തിന് വേണ്ടി സാങ്കേതികവിദ്യയെ ഉപയോഗപ്പെടുത്തുക എന്ന ആശയം. വൈവിധ്യമാര്‍ന്ന മാനവവിഭവശേഷിയാല്‍ സമ്പന്നമായ രാജ്യമാണ് ഇന്ത്യ. അതിരുകള്‍ എന്ന ആശയത്തെ തന്നെ വിവരസാങ്കേതിക വിദ്യ മായ്ച്ചു കളഞ്ഞു. പ്രവാസമില്ലാതെ തന്നെ സ്വന്തം ദേശരാഷ്ട്രങ്ങളില്‍ നിന്നും വീടകങ്ങളില്‍ നിന്നും തൊഴിലും സേവനങ്ങളും പ്രദാനം ചെയ്യാനുള്ള സാഹചര്യം ഇത് സംജാതമാക്കി. അതിരു കടന്നുള്ള ഔട്‌സോഴ്‌സിംഗ് എന്ന പ്രകൃയ നവസംരംഭകത്തിന്റെ ഭാഗമായത് അങ്ങിനെയാണ്. ബാംഗ്ലൂരിംഗ് എന്ന് പോലും അത് അറിയപ്പെട്ടു.

പണ്ടൊക്കെ പുതിയ നിക്ഷേപക ആശയം വേരോടാന്‍ നൂറ്റാണ്ടുകളെടുത്തു. എന്നാലിന്ന് ഒരു പതിറ്റാണ്ടോ അരപതിറ്റാണ്ടോ കൊണ്ടാണ് പുതിയ സംരംഭങ്ങള്‍ രൂപപ്പെടുന്നത്. ആമസോണിന്റെ വിജയഗാഥ നാം കേട്ട് കഴിഞ്ഞതാണ്. ആമസോണ്‍ തന്നെ ബാല്യദശയിലായിരുന്നപ്പോള്‍ ഫ്‌ലിപ്കാര്‍ട് മുന്‍നിരയിലേക്ക് കടന്നുവന്നു. ഇഷോപ്പിംഗ് നടത്തുന്ന അനേകായിരങ്ങളെ അത് സ്വാധീനിച്ചു. ഡിജിറ്റല്‍ ബാങ്കിംഗിനു വേണ്ടിയുള്ള ആഹ്വാനപ്പെരുമഴയുണ്ടായപ്പോഴാണ് പേ.ടി.എം പോലുള്ള ആപ്ലിക്കേഷനുകള്‍ ആസൂത്രണം ചെയ്യപ്പെടുന്നത്. നമ്മുടെ ടാക്‌സി സഞ്ചാരത്തെ തന്നെ യുബര്‍ മാറ്റിമറച്ചു.

ഭാവിയിലും ഇതു പോലുള്ള വിജയഗാഥകള്‍ ഉണ്ടാകണം. ലോകത്തെ മാറ്റാനുള്ള പുതുമയാര്‍ന്ന ആശയങ്ങളുമായ പുതുരക്തം കടന്നുവരണം. ലോകത്തുള്ള എല്ലാ ഗവണ്‍മെന്റുകള്‍ക്കും പരിധികളും പരിമിതികളുമുണ്ട്. രാഷ്ട്രീയക്കാര്‍ തൊഴില്‍ വാഗ്ദാനം ചെയ്യും. എന്നാല്‍ വര്‍ദ്ധിച്ചു വരുന്ന യുവനിരയുടെ ആവശ്യത്തിന് അനുപേക്ഷണീയമായ തൊഴില്‍ പ്രദാനം ചെയ്യാന്‍ ഗവണ്‍മെന്റിന് കഴിഞ്ഞു കൊള്ളണമെന്നില്ല. അതു കൊണ്ട് പല വാഗ്ദാനങ്ങളും പൊള്ളയായി മാറുന്നു. ജീവിതത്തിന്റെ സര്‍വതോന്മുഖമായ മേഖലകളില്‍ പുതിയ തൊഴിലുകള്‍ ഉത്പാദിപ്പിക്കപ്പെടാന്‍ ക്രിയാത്മകതയും, നൂതനമായ ആശയങ്ങളും അനിവാര്യമാണ്. അതു കൊണ്ട് ഭാവിയിലേക്കുള്ള താക്കോള്‍ കയ്യാളുന്നത് പുതിയ ആശയങ്ങളും, സംരംഭകത്വവും, നവപ്രവര്‍ത്തനവുമാണ്.

ഈ പംക്തി ക്രിയാത്മകമായ നവസംരഭങ്ങളുടെ വിജയഗാഥകളാണ് നിങ്ങള്‍ക്കു മുമ്പില്‍ അവതരിപ്പിക്കുന്നത്. യുവസംരംഭകര്‍, അവരുടെ നൂതനമായ ആശയങ്ങള്‍, സ്ഥാപനങ്ങള്‍, ഉത്പന്നങ്ങള്‍, സേവനങ്ങള്‍ എന്നിവയുടെ വിവരങ്ങളാണ് നിങ്ങള്‍ക്കു മുമ്പില്‍ ഞങ്ങള്‍ അവതരിപ്പിക്കുന്നത്. അവരെങ്ങിനെയാണ് സമൂഹത്തെയും സമ്പദ് വ്യവസ്ഥയെയും മാറ്റിമറിച്ചത് എന്നും അവരുടെ ക്രിയാത്മകത ചുറ്റുപാടുമുള്ള ജീവിതങ്ങളെ സ്വാധീനിച്ചത് എന്നും നാം വിവരിക്കുന്നു. അവരില്‍ നിന്ന് പുതിയ തലമുറയ്ക്ക് പഠിക്കാന്‍ ഏറെയുണ്ട്. നമ്മുടെ കാലത്തെ പലപ്രശ്‌നങ്ങള്‍ക്കും അതാണ് പ്രതിവിധി.

മുഖ്യ പലിശനിരക്കുകള്‍ കുറയ്ക്കണമെന്ന നിര്‍ദേശം തള്ളി; പലിശനിരക്കുകളില്‍ മാറ്റമില്ലാതെ റിസര്‍വ് ബാങ്ക് വായ്പാനയം പ്രഖ്യാപിച്ചു
Posted by
06 December

മുഖ്യ പലിശനിരക്കുകള്‍ കുറയ്ക്കണമെന്ന നിര്‍ദേശം തള്ളി; പലിശനിരക്കുകളില്‍ മാറ്റമില്ലാതെ റിസര്‍വ് ബാങ്ക് വായ്പാനയം പ്രഖ്യാപിച്ചു

ന്യൂഡല്‍ഹി: പലിശ നിരക്കുകളില്‍ മാറ്റമില്ലാതെ റിസര്‍വ് ബാങ്ക് വായ്പനയം പ്രഖ്യാപിച്ചു. റിപോ നിരക്ക് 6 ശതമാനമായും റിവേഴ്‌സ് റിപോ നിരക്ക് 5 .75 ശതമാനത്തിലും തന്നെ തുടരും. ബാങ്കുകളുടെ കരുതല്‍ ധന അനുപാതം (ക്യാഷ് റിസര്‍വ് റേഷ്യോ) 4 ശതമാനത്തിലും മാറ്റമില്ല.

മോണിറ്ററി പോളിസി കമ്മറ്റിയിലെ (എംപിസി) ആറ് അംഗങ്ങളില്‍ അഞ്ചു പേരും മുഖ്യ പലിശ നിരക്കുകളില്‍ തല്‍സ്ഥിതി തുടരുന്നതിന് അനുകൂലമായാണ് പ്രതികരിച്ചതെന്ന് ആര്‍ബിഐ അധികൃതര്‍ വ്യക്തമാക്കി. അടുത്ത രണ്ടു ക്വാര്‍ട്ടറുകളില്‍ പണപ്പെരുപ്പ നിരക്ക് 4 .3 – 4 .7 ശതമാനം ആയി നിലനിര്‍ത്താനാകുമെന്നാണ് റിസര്‍വ് ബാങ്ക് പ്രതീക്ഷിക്കുന്നത്. പ്രധാന മന്ത്രിയുടെ ഓഫീസ് നേരത്തെ മുഖ്യ പലിശ നിരക്കുകള്‍ താഴ്ത്തണമെന്ന നിര്‍ദേശം മോനിറ്ററി പോളിസി കമ്മറ്റിയിലെ സര്‍ക്കാര്‍ പ്രതിനിധികള്‍ക്ക് നല്‍കിയിരുന്നു.

അതേസമയം പലിശ നിരക്ക് കുറയില്ലെന്ന വാര്‍ത്ത ഓഹരി കമ്പോളത്തെ ഏറെ പ്രതികൂലമായി ബാധിച്ചു. സെന്‍സെക്‌സ് 232.28 പോയിന്റ് ഇടിഞ്ഞാണ് വ്യാപാരം നടക്കുന്നത്.

2010ല്‍ 3 രൂപ മുടക്കി ഒരൊറ്റ ബിറ്റ് കോയിന്‍ കരസ്ഥമാക്കിയിരുന്നേല്‍ ഇന്ന് ലഭിക്കുന്നത് 8,19,222.73 രൂപ:  ബിറ്റ് കോയിന്‍ കുതിക്കുന്നു, മൂല്യം 12,000 ഡോളര്‍ എത്തി
Posted by
06 December

2010ല്‍ 3 രൂപ മുടക്കി ഒരൊറ്റ ബിറ്റ് കോയിന്‍ കരസ്ഥമാക്കിയിരുന്നേല്‍ ഇന്ന് ലഭിക്കുന്നത് 8,19,222.73 രൂപ: ബിറ്റ് കോയിന്‍ കുതിക്കുന്നു, മൂല്യം 12,000 ഡോളര്‍ എത്തി

ന്യൂയോര്‍ക്ക്: എല്ലാ ആരോപണങ്ങളെയും നിഷ്പ്രഭമാക്കി കുതിച്ച് കയറുകയാണ് ബിറ്റ് കോയിന്‍ എന്ന ഡിജിറ്റല്‍ കറന്‍സി. ബിറ്റ്‌കോയിന്റെ വിനിമയമൂല്യം നിലവില്‍ 12,000 ഡോളര്‍ എത്തി നില്‍ക്കുകയാണ്. ചരിത്രത്തിലെ തന്നെ ഏറ്റവും കൂടിയ നിരക്കാണിത്. കഴിഞ്ഞ ആഴ്ച്ച 10,000 ഡോളര്‍ മൂല്യമെത്തിയത് വലിയ വാര്‍ത്തകള്‍ സൃഷ്ടിച്ചിരുന്നു.

ബിറ്റ് കോയിന്റെ വിപണനമൂല്യത്തിലെ ഈ കുതിച്ച് കയറ്റം ആകാംഷയോടൊപ്പം ആശങ്കയോടെയുമാണ് സാമ്പത്തിക വിദഗ്ദര്‍ നോക്കി കാണുന്നത്. ഇന്ത്യയടക്കമുള്ള വിവിധ രാജ്യങ്ങളില്‍ അംഗീകാരമില്ലാത്ത ഈ ഡിജിറ്റല്‍ മണി ഭാവിയില്‍ തിരിച്ചടിയാകുമോ എന്ന ഭീതിയും നിലനില്‍ക്കുന്നുണ്ട്.

സാങ്കല്‍പിക കറന്‍സിയായ ബിറ്റകോയിന്‍ ഇന്റര്‍നെറ്റിലൂടെ മാത്രമാണ് വിനമയം സാധ്യമാകുക. രഹസ്യ നാണയങ്ങള്‍ അഥവാ ക്രിപ്‌റ്റോ കറന്‍സികള്‍ എന്നറിയപ്പെടുന്ന ഡിജിറ്റല്‍ കറന്‍സികളില്‍ ബിറ്റകോയിനാണ് പ്രസിദ്ധം.

ലോകത്തെവിടെയും ഒരു പോലെ പണമിടപാടുകള്‍ നടത്താന്‍ ഉപയോഗിക്കാവുന്ന ഈ കറന്‍സി രാജ്യങ്ങളുടെ പരമാധികാരത്തിന് ഭീഷണി സൃഷ്ടിക്കുമെന്നും ആശങ്ക നിലനില്‍ക്കുന്നു. 2009ലാണ് ബിറ്റ്‌കോയിന്‍ നിലവില്‍ വരുന്നത്. തുടര്‍ന്ന് ജൂലൈ 2010 എത്തിയതും ബിറ്റ് കോയിന്റെ വില 0.08 ഡോളര്‍ കൈവരിച്ചു. അതായത് ഇന്നതെ വിനമയ നിരക്കില്‍ 5 രൂപ പതിറാന് പൈസ. എന്നാല്‍ ഏഴ് വര്‍ഷങ്ങള്‍ക്ക് ശേഷം 2017 അവസാന വക്കില്‍ ഒരു ബിറ്റ് കോയിന്റെ വില 12,726 ഡോളര്‍. അതായത്, ഇന്ത്യയില്‍ 8,21087.56 രൂപ.