പവര്‍ സ്റ്റീറിങ്, പവര്‍ വിന്‍ഡോ, സീറ്റ് ബെല്‍റ്റ്, സെന്റര്‍ ലോക്ക് എന്നിവയെല്ലാമുള്ള ഇന്ത്യയുടെ ആദ്യ കാര്‍ ഏതാണെന്നറിയാമോ?
Posted by
12 December

പവര്‍ സ്റ്റീറിങ്, പവര്‍ വിന്‍ഡോ, സീറ്റ് ബെല്‍റ്റ്, സെന്റര്‍ ലോക്ക് എന്നിവയെല്ലാമുള്ള ഇന്ത്യയുടെ ആദ്യ കാര്‍ ഏതാണെന്നറിയാമോ?

പവര്‍ സ്റ്റീറിങ്, പവര്‍ വിന്‍ഡോ, സീറ്റ് ബെല്‍റ്റ്, സെന്റര്‍ ലോക്ക് എന്നിവയെല്ലാമുള്ള ഇന്ത്യയുടെ ആദ്യ കാര്‍ ഏതാണെന്നറിയാമോ? അംബാസഡറും, ഫിയറ്റും നിരത്തടക്കി വാഴുന്ന കാലത്ത് അവയോട് ഏറ്റുമുട്ടാന്‍ Standard India വാഹന നിര്‍മാതാക്കള്‍ Penant, Herald, Gazet എന്നിവയെല്ലാം വിപണിയിലറക്കി പരാജയപ്പെട്ടു. അത് ഒരു വെല്ലുവിളിയായി കണ്ട് കമ്പനി ഒരു പുതിയ വാഹനത്തിന് രൂപം നല്‍കി. ‘Standard 2000’ എന്ന കിടിലം കാര്‍ അങ്ങനെ 1985 ല്‍ പുറത്തിറങ്ങി.

Power Steering, Power Windows, Seat Bealts, Cetnral Lock എന്നിവയെല്ലാമുള്ള ഇന്ത്യുടെ ആദ്യത്തെ കാര്‍. അങ്ങനെ Standard 2000 അക്കാലത്തെ പണക്കാരുടെ ഇഷ്ട തോഴനായി. 2,25,000 രൂപ വിലമതിക്കുന്ന Standard 2000 ആയിരുന്നു അന്നത്തെ വിപണിയിലെ ഏറ്റവും വില കൂടിയ കാര്‍.

ഒളിമ്പിക്‌സിന് മിന്നുന്ന പ്രകടനം കാഴ്ച വെച്ച പി ടി ഉഷയ്ക്ക് അന്നത്തെ സര്‍ക്കാര്‍ സമ്മാനമായി നല്‍കിയ കാര്‍.എന്നാല്‍ ഇന്ത്യന്‍ സാഹചര്യങ്ങള്‍ക്ക് പറ്റിയ കാര്‍ അല്ല എന്ന് മനസ്സിലാക്കിയ കമ്പനി 1988 ഓടുകൂടി Standard 2000 ന്റെ നിര്‍മ്മാണം അവസാനിപ്പിച്ചു. ഒടുവില്‍ പി ടി ഉഷയും കാര്‍ വിറ്റ് പണം വാങ്ങി സ്റ്റാന്റേഡ് 2000നെ കൈവിട്ടു.

ബിഎസ് 4 വാഹനങ്ങളുടെ ഉത്പാദനവും രജിസ്‌ട്രേഷനും നിര്‍ത്തലാക്കുമെന്ന് കേന്ദ്രം
Posted by
10 December

ബിഎസ് 4 വാഹനങ്ങളുടെ ഉത്പാദനവും രജിസ്‌ട്രേഷനും നിര്‍ത്തലാക്കുമെന്ന് കേന്ദ്രം

ന്യൂഡല്‍ഹി: 2020 ഓടെ ബിഎസ് 4 വാഹനങ്ങളുടെ ഉത്പാദനവും രജിസ്‌ട്രേഷനും നിര്‍ത്തലാക്കും, ഇതിനായി കേന്ദ്ര മോട്ടോര്‍ വാഹന നിയമഭേദഗതി നടപ്പാക്കുമെന്ന് റിപ്പോര്‍ട്ട്. ഇതിന്റെ ഭാഗമായി വിജ്ഞാപനത്തിന്റെ കരടുരേഖ കേന്ദ്രസര്‍ക്കാര്‍ പുറത്തിറക്കി. അന്തരീക്ഷ മലിനീകരണം കുറയ്ക്കുന്നതിന്റെ ഭാഗമായിട്ടാണ് നടപടി. കരടുരേഖ പ്രകാരം രാജ്യത്ത് ബിഎസ് 4 വാഹനങ്ങളുടെ രജിസ്‌ട്രേഷന്‍ 2020 ജൂണ്‍ 30 ഓടെ അവസാനിപ്പിക്കാനാണ് കേന്ദ്രസര്‍ക്കാര്‍ തീരുമാനിച്ചിരിക്കുന്നത്.

ഏപ്രില്‍ ഒന്നിനു മുന്‍പ് പുറത്തിറക്കിയ ബിഎസ് 4 ചരക്കു വാഹനങ്ങളും പൊതുഗതാഗത വാഹനങ്ങളും 2020 സെപ്റ്റംബര്‍ 30നകം രജിസ്റ്റര്‍ ചെയ്യേണ്ടതാണ്.ഇതു സംബന്ധിച്ച അന്തിമ വിജ്ഞാപനം കേന്ദ്രസര്‍ക്കാര്‍ ഉടന്‍ തന്നെ പുറത്തിറക്കുമെന്നാണ് റിപ്പോര്‍ട്ട്.

രാത്രി മാത്രമല്ല ഇനി പകലും ഹെഡ്‌ലൈറ്റിട്ട് കാര്‍ ഓടിക്കണം; വിചിത്ര നിബന്ധനയുമായി സര്‍ക്കാര്‍
Posted by
09 December

രാത്രി മാത്രമല്ല ഇനി പകലും ഹെഡ്‌ലൈറ്റിട്ട് കാര്‍ ഓടിക്കണം; വിചിത്ര നിബന്ധനയുമായി സര്‍ക്കാര്‍

റാഞ്ചി: രാത്രി മാത്രമല്ല ഇനി പകലും ഹെഡ്‌ലൈറ്റിട്ട് കാര്‍ ഓടിക്കണമെന്ന നിയമവുമായി ജാര്‍ഖണ്ഡ് സര്‍ക്കാര്‍. വിപണിയില്‍ എത്തുന്ന ഇരുചക്രവാഹനങ്ങള്‍ക്ക് ഓട്ടോ ഹെഡ്‌ലാമ്പ് ഓണ്‍ (അഒഛ) സംവിധാനം നിര്‍ബന്ധമാക്കാന്‍ ഈ വര്‍ഷമാദ്യമാണ് കേന്ദ്രസര്‍ക്കാര്‍ തീരുമാനിച്ചത്. സുരക്ഷ മുന്‍നിര്‍ത്തി വാഹനം സ്റ്റാര്‍ട്ട് ചെയ്യുമ്പോള്‍ തന്നെ ഹെഡ്‌ലൈറ്റ് കത്തുകയാണ് ഓണ്‍ ഹെഡ്‌ലാമ്പ് ഓണ്‍ സംവിധാനത്തിന്റെ ലക്ഷ്യം.

ഇപ്പോള്‍ ഇതേ വ്യവസ്ഥയെ കാറുകളിലേക്കും കൊണ്ടു വന്നിരിക്കുകയാണ് ജാര്‍ഖണ്ഡ് സര്‍ക്കാര്‍. 2018 ജനുവരി ഒന്ന് മുതല്‍ പകല്‍ സമയങ്ങളിലും ഹെഡ്‌ലൈറ്റ് പ്രകാശിപ്പിച്ച് മാത്രമെ കാറോടിക്കാന്‍ പാടുള്ളൂവെന്ന് ജാര്‍ഖണ്ഡ് സര്‍ക്കാര്‍ ഉത്തരവിറക്കി. ഹെഡ്‌ലൈറ്റ് കത്തിച്ച് വരുന്ന വാഹനങ്ങള്‍ നിരത്തില്‍ കൂടുതല്‍ ശ്രദ്ധിക്കപ്പെടുന്നതിനാല്‍ അപകടങ്ങള്‍ കുറയ്ക്കാന്‍ കഴിയുമെന്ന പ്രതീക്ഷയിലാണ് ജാര്‍ഖണ്ഡ്.

റോഡ് സുരക്ഷാ കൗണ്‍സില്‍ അധികൃതരുമായുള്ള യോഗത്തിന് ശേഷം മുഖ്യമന്ത്രി രഘുബര്‍ ദാസാണ് ഇത് സംബന്ധമായ ഉത്തരവ് പുറത്തിറക്കിയത്. ജനുവരി ഒന്ന് മുതല്‍ സംസ്ഥാനത്തെ നഗരങ്ങളിലും ഗ്രാമങ്ങളിലും സംസ്ഥാന പാതകളിലും ഹെഡ്‌ലൈറ്റ് പ്രകാശിപ്പിച്ച് കാറോടിക്കാനുള്ള നിയമം നിലവില്‍ വരും.

അപകടങ്ങള്‍ കുറയ്ക്കുന്നതിന് വേണ്ടി ദേശീയസംസ്ഥാന പാതകളില്‍ ട്രോമകെയര്‍ യൂണിറ്റുകള്‍ സ്ഥാപിക്കാനും ജാര്‍ഖണ്ഡ് സര്‍ക്കാര്‍ തീരുമാനമെടുത്തിട്ടുണ്ട്. പകല്‍ സമയങ്ങളിലും ഹെഡ്‌ലൈറ്റ് കത്തിക്കുന്നത് റോഡ് കൂടുതല്‍ വ്യക്തമായി കാണാന്‍ െ്രെഡവര്‍മാരെ സഹായിക്കും. ഓട്ടോ ഹെഡ്‌ലാമ്പ് ഓണ്‍ സംവിധാനം നിലവില്‍ ഇരുചക്രവാഹനങ്ങളില്‍ മാത്രമാണ് നിര്‍ബന്ധമായുള്ളത്. പുതിയ കാറുകളിലും ഇത്തരത്തിലുള്ള ഡെയ്‌ടൈം റണ്ണിംഗ് ലൈറ്റുകള്‍ സ്ഥാപിക്കുന്നുണ്ട്.

മാരുതി സെലേറിയോവിന്റെ ക്രോസ് ഹാച് മോഡലിനുവേണ്ടിയാണ് ഇപ്പോള്‍ വിപണിയുടെ കാത്തിരിപ്പ്
Posted by
07 December

മാരുതി സെലേറിയോവിന്റെ ക്രോസ് ഹാച് മോഡലിനുവേണ്ടിയാണ് ഇപ്പോള്‍ വിപണിയുടെ കാത്തിരിപ്പ്

കാറിന്റെ മുഴുവന്‍ വിസ്തൃതിയിലും ഡോര്‍ വരുന്ന വിധത്തിലും, പിന്‍ഭാഗത്ത് ലോഡിംഗ് സ്‌പേസ് നല്‍കാനും രൂപകല്‍പന ചെയ്ത ഹാച് ബാക് മോഡലിന്റെ ഉയര്‍ന്ന സസ്‌പെന്‍ഷന്‍, പിന്‍ഭാഗത്തുള്ള ബോഡിയുടെ ക്ലാഡിംഗ്, മേല്‍ക്കൂരയിലെ റെയിലിംഗ് തുടങ്ങിയ സവിശേഷതകള്‍ ഉള്‍ക്കൊള്ളുന്നതാണ് ക്രോസ് ഹാച് മോഡല്‍.

സെലോറിയോ എക്‌സ് എന്നാണ് വിദ്വാന്റെ പേര്. ആറായിരം റേവ് പെര്‍ മീറ്ററില്‍ (RPM) 68 കുതിരശക്തിയുടെ (PS) വീര്യം ജനിപ്പിക്കുന്ന 1.0 ലിറ്റര്‍ K10-B എന്‍ജിനാണ് കാറിനുള്ളത്. അതു പോലെ 3500 RPMല്‍ 90 നോട്ടിക്കല്‍ മൈല്‍ റൊട്ടേഷന്‍ വേഗത (Torque) പരമാവധി എന്‍ജിന്‍ ഉറപ്പു നല്‍കുന്നു.

അഞ്ച് ഗീയറിന്റെ ഓട്ടോമാറ്റിക്, മാനുവല്‍ ട്രാന്‍സ്മിഷനും കാറിനുണ്ട്. Vxi, Vxi (O), Zxi, Zxi (O) തുടങ്ങിയ വിവിധ മോഡലുകളാണ് കാറിനുള്ളത്. മുന്‍മോഡലിനെ സിലോറിയ എക്‌സ് നല്‍കിയ സവിശേഷത അതിന്റെ അഴകും രൂപഭംഗിയുമാണ്.

1. അരികുകളില്‍ ഘടിപ്പിച്ച പ്ലാസ്റ്റിക്കിന്റെ ക്ലാഡിംഗ്
2. വീലുകളിലെ ആര്‍ച്ചുകള്‍
3. കറുപ്പു നിറത്തിലുള്ള വീല്‍ അലോയ്
4. പിന്‍ഭാഗത്തുള്ള വെള്ളിയുടെ സ്‌കഫ് പ്ലേറ്റ്
5. മുന്‍ഭാഗത്തുള്ള ബംപറിന്റെ പുതിയ ഡിസൈന്‍
6. ഹെഡ് ലാംപിനും ഫോഗ് ലാംപിനുമിടയിലുള്ള കറുപ്പു നിറത്തിലുള്ള ക്ലാഡിംഗ്

റെനോയുടെ ക്വിഡ് 1.0 മഹീന്ദ്രയുടെ KUV100 എന്നിവയുമായി ഒരു കൈനോക്കുവാന്‍ ഒരുങ്ങുകയാണ് സിലേറിയോ എക്‌സ്. നാലര ലക്ഷത്തിനും 5.6 ലക്ഷത്തിനുമിടയിലാണ് മതിപ്പ് വില.

രാജാവിന്റെ പുതിയ വരവ്; റോള്‍സ് റോയ്‌സ് ഫാന്റം
Posted by
06 December

രാജാവിന്റെ പുതിയ വരവ്; റോള്‍സ് റോയ്‌സ് ഫാന്റം

റോള്‍സ് റോയ്‌സ് എന്നാല്‍ ‘രാജകീയമായി ഉരുളുക’ എന്നാണര്‍ത്ഥം. കാര്‍ ഉരുളുന്നത് നമ്മുടെ റോഡിലൂടെയാണെങ്കിലും ആള്‍ രാജാവ് തന്നെയാണ്. വെഞ്ചാമരവും, ആര്‍പ്പുവിളിയുമൊന്നുമില്ലെങ്കിലും ചുറ്റുപാടുമുള്ളവര്‍ അത് സങ്കല്‍പിച്ചു തരും. അതാണ് രാജാവെന്നാല്‍. ലക്ഷ്വറി കാറുകളുടെ രാജാവാണ് റോള്‍സ് റോയ്‌സ്.

റോള്‍സ് റോയ്‌സിന്റെ ഫ്‌ലാഗ്ഷിപ് മോഡലാണ് ഫാന്റം. ഫ്‌ലാഗ്ഷിപ് എന്നാല്‍ കൊടിമൂത്ത മോഡല്‍; കമ്പനിയുടെ ഏറ്റവും പ്രധാനപ്പെട്ട ഉത്പന്നം. 1925-31 കാലഘട്ടത്തിലാണ് ഒന്നാം തലമുറ ഫാന്റം മോഡല്‍ പുറത്തിറങ്ങിയത്. ഇപ്പോള്‍ വിപണിയില്‍ രാജകീയമായി പുറത്തിറങ്ങിയിരിക്കുന്നത് എട്ടാം തലമുറ ഫാന്റമാണ്. പതിനാലു വര്‍ഷത്തെ ഇടവേളക്കു ശേഷമാണ് പുതിയ മോഡല്‍ പുറത്തിറങ്ങിയിരിക്കുന്നത്.

ഏതാണ്ട് ആറുമീറ്റര്‍ നീളവും മൂന്നേമുക്കാല്‍ മീറ്റര്‍ വീല്‍പീസുമുള്ള പുതിയ മോഡല്‍ രാജാവിന്റെ ചലിക്കുന്ന കൊട്ടാരം തന്നെയാണ് എന്നു പറയുന്നതില്‍ തെല്ലും അതിശയോക്തിയില്ല. ആറേമുക്കാല്‍ ലിറ്ററാണ് എന്‍ജിന്റെ ശേഷി. 555 കുതിരശക്തിയാണ് എന്‍ജിന്റെ പവര്‍. ഇരട്ട ടര്‍ബോയുള്ള 6150 സിസി 12 എന്‍ജിനാണ്. ടോര്‍ക് 900 നോട്ടിക്കല്‍ മൈല്‍. സ്റ്റീയറിംഗ് തിരിക്കുമ്പോള്‍ പിന്‍ചക്രങ്ങള്‍ എതിര്‍വശത്തേക്ക് തിരിയുന്ന ഫോര്‍വീല്‍ സ്റ്റീയറിംഗ് സംവിധാനമുള്ളത് ഈ വലിയ വാഹനത്തെ അനായാസം കൈകാര്യം ചെയ്യാന്‍ സഹായിക്കുന്നു.

ഈ വര്‍ഷം അവസാനത്തോടെ ആഗോളവീഥികളില്‍ ഉരുളുന്ന ഈ ചലിക്കുന്ന കൊട്ടാരം അടുത്തവര്‍ഷം പകുതിയോടെ ഇന്ത്യടെ തെരുവീഥികളെ രാജകീയമാക്കുമെന്ന് പ്രതീക്ഷിക്കപ്പെടാം. രാജകീയമായി വരവേല്‍ക്കാന്‍ നമുക്കൊരുങ്ങാം.

650 സിസി ട്വിന്‍ സിലിണ്ടര്‍ റോയല്‍ എന്‍ഫീല്‍ഡ് ബൈക്കുകള്‍ ഇന്ത്യയിലേക്ക്
Posted by
23 November

650 സിസി ട്വിന്‍ സിലിണ്ടര്‍ റോയല്‍ എന്‍ഫീല്‍ഡ് ബൈക്കുകള്‍ ഇന്ത്യയിലേക്ക്

650 സിസി ട്വിന്‍ സിലിണ്ടര്‍ റോയല്‍ എന്‍ഫീല്‍ഡ് ബൈക്കുകള്‍ ഇന്ത്യയിലേക്ക് കുതിക്കുന്നു. കഴിഞ്ഞ ദിവസം ഗോവയില്‍ നടന്ന റൈഡര്‍ മാനിയ 2017 ചടങ്ങിലാണ് കോണ്ടിനെന്റല്‍ ജിടി 650, ഇന്റര്‍സെപ്റ്റര്‍ ഐഎന്‍ടി 650 എന്നീ രണ്ട് മോഡലുകള്‍ കമ്പനി അവതരിപ്പിച്ചത്. പാരലല്‍ ട്വിന്‍ സിലിണ്ടര്‍ എന്‍ജിനില്‍ റോയല്‍ എന്‍ഫീല്‍ഡ് പുറത്തിറക്കുന്ന ആദ്യ ബൈക്കുകളാണ് ഇവ രണ്ടും. നിലവിലുള്ള റോയല്‍ എന്‍ഫീല്‍ഡ് രൂപം മാറ്റിമറിച്ചാണ് പുതിയരൂപത്തിലെത്തുന്നത്.

കുറച്ച് നാള്‍ മുമ്പ് ഇറ്റലിയില്‍ നടന്ന മിലാന്‍ മോട്ടോര്‍ സൈക്കിള്‍ ഷോയില്‍ അരങ്ങേറ്റം കുറിച്ച 650 സിസി റോയല്‍ എന്‍ഫീല്‍ഡ് ബൈക്കുകളാണ് ഇന്ത്യയിലേക്ക് കുതിക്കുന്നത്. അടുത്ത വര്‍ഷം ഏപ്രിലില്‍ യൂറോപ്യന്‍ വിപണിയിലെത്തിയ ശേഷം ഇവിടെ രണ്ടു മോഡലുകളുടെയും വില്‍പന ആരംഭിക്കും. വില ഏകദേശം 3.5 ലക്ഷം രൂപ മുതല്‍ 4 ലക്ഷം വരെ പ്രതീക്ഷിക്കാം.

രൂപത്തില്‍ പഴയ എന്‍ഫീല്‍ഡ് ബൈക്കുകളോട് സാമ്യമുള്ള രൂപത്തിലാണ് ഇന്റര്‍സെപ്റ്ററിന്റെ ഡിസൈന്‍. ക്ലാസിക് സ്‌റ്റൈലുള്ള സ്ട്രീറ്റ് ബൈക്കാണിത്. ട്യൂബുലാര്‍ ഡബിള്‍ ക്രാഡില്‍ ഫ്രെയിമിലാണ് ഇന്റര്‍സെപ്റ്ററിന്റെ നിര്‍മാണം. 2122 എംഎം ആണ് നീളം. 1165 എംഎം ഉയരവും 789 എംഎം വീതിയും 174 എഎംഎം ഗ്രൗഡ് ക്ലിയറന്‍സും 202 കിലോഗ്രാം ഭാരവും ഇതിനുണ്ട്. വിന്റേജ് രൂപത്തിലാണ് റൗണ്ട് ഹെഡ്‌ലൈറ്റും ട്വിന്‍ പോഡ് ഇന്‍സ്ട്രുമെന്റ് ക്ലസ്റ്ററും. പുതിയ 648 സിസി എയര്‍ കൂള്‍ഡ്, പാരലല്‍ ട്വിന്‍ സിലിണ്ടര്‍ എന്‍ജിന്‍ 7100 ആര്‍പിഎമ്മില്‍ 47 ബിഎച്ച്പി പവറും 4000 ആര്‍പിഎമ്മില്‍ 52 എന്‍എം ടോര്‍ക്കും നല്‍കും. 6 സ്പീഡാണ് ഗിയര്‍ബോക്‌സ്. കമ്പനിയുടെ ചെന്നൈയിലെ പ്ലാന്റിലാണ് ഇവയുടെ നിര്‍മാണം നടക്കുക.

2020 മുതല്‍ വില്‍പ്പനയ്ക്ക്; ടെസ്‌ല റോഡ്സ്റ്റര്‍ പുറത്തിറക്കി
Posted by
18 November

2020 മുതല്‍ വില്‍പ്പനയ്ക്ക്; ടെസ്‌ല റോഡ്സ്റ്റര്‍ പുറത്തിറക്കി

അപ്രതീക്ഷിത അവതരണം, ഇലോണ്‍ മസ്‌കിന്റെ പുതിയ ടെസ്‌ല റോഡ്സ്റ്റര്‍ പുറത്തിറക്കി. പുതിയ ഇലക്ട്രിക് ട്രക്കിന്റെ അവതരണ വേളയില്‍ അപ്രതീക്ഷിതമായാണ് റോഡ്സ്റ്ററിനെ കമ്പനി അവതരിപ്പിച്ചത്. ചെലവേറിയ ഇന്ധനകാറുകളുടെ പരാജയം ഇവിടെ ആരംഭിക്കുന്നതായാണ് റോഡ്സ്റ്ററിന്റെ അവതരണ വേളയില്‍ ടെസ്‌ല സിഇഒ ഇലോണ്‍ മസ്‌ക് പ്രഖ്യാപിച്ചത്.

2020 മുതലാണ് ടെസ്‌ല റോഡ്സ്റ്റര്‍ വില്‍പനയ്ക്ക് എത്തുകയെന്ന് ഇലോണ്‍ മസ്‌ക് പ്രഖ്യാപിച്ചു. റോഡ്സ്റ്ററിനായുള്ള പ്രീബുക്കിംഗ് ടെസ്‌ല ആരംഭിച്ചിട്ടുണ്ട്. 250 എംപിഎച്ച് (മണിക്കൂറില്‍ 402.3 കിലോമീറ്റര്‍) വേഗതയ്ക്ക് മേലെ പറക്കാന്‍ റോഡ്സ്റ്ററിന് സാധിക്കുമെന്നാണ് ടെസ്‌ലയുടെ വാദം. വേഗറെക്കോര്‍ഡ് മാത്രമല്ല ടെസ്‌ല റോഡ്സ്റ്റര്‍ അവകാശപ്പെടുന്നത്. 200 സണവ ബാറ്ററി പശ്ചാത്തലത്തില്‍ ഒറ്റ ചാര്‍ജ്ജില്‍ 620 മൈലുകള്‍ (997.7 കിലോമീറ്റര്‍) പിന്നിടാന്‍ ടെസ്‌ല റോഡ്സ്റ്ററിന് സാധിക്കുമെന്ന് ഇലോണ്‍ മസ്‌ക് വ്യക്തമാക്കി കഴിഞ്ഞു.

1.9 സെക്കന്‍ഡുകള്‍ കൊണ്ട് റോഡ്സ്റ്ററിന് 060 എംപിഎച്ച് (മണിക്കൂറില്‍ 96.5 കിലോമീറ്റര്‍) വേഗത കൈവരിക്കാന്‍ സാധിക്കും. നിമിഷനേരം കൊണ്ട് റോഡ്സ്റ്ററിന് ലഭിക്കുന്ന 10,0000 Nm torque കാര്‍പ്രേമികളില്‍ ആവേശമുണര്‍ത്തിയിരിക്കുകയാണ്. നിലവില്‍ 2.2 സെക്കന്‍ഡുകള്‍ കൊണ്ട് 0-60 mph വേഗത രേഖപ്പെടുത്തിയ പെര്‍ഫോര്‍മന്‍സ് ഹൈബ്രിഡ് ‘പോര്‍ഷ 918 സ്‌പൈഡറാണ്’ ഏറ്റവും വേഗതയേറിയ പ്രൊഡക്ഷന്‍ കാര്‍. വേഗതയേറിയ പ്രെഡക്ഷന്‍ കാര്‍ എന്ന വിശേഷണം പുതിയ ടെസ്‌ല റോഡ്സ്റ്റര്‍ സ്വന്തമാക്കുമെന്നാണ് പ്രതീക്ഷ.

ടോള്‍ പ്ലാസകളില്‍ വാഹനം നിര്‍ത്താതെ പണം അടക്കാം; ഡിസംബര്‍ ഒന്ന് മുതല്‍ രാജ്യത്തെ എല്ലാ നാലുചക്ര വാഹനങ്ങള്‍ക്കും ഫാസ്ടാഗ് നിര്‍ബന്ധമാക്കി
Posted by
04 November

ടോള്‍ പ്ലാസകളില്‍ വാഹനം നിര്‍ത്താതെ പണം അടക്കാം; ഡിസംബര്‍ ഒന്ന് മുതല്‍ രാജ്യത്തെ എല്ലാ നാലുചക്ര വാഹനങ്ങള്‍ക്കും ഫാസ്ടാഗ് നിര്‍ബന്ധമാക്കി

ന്യൂഡല്‍ഹി: ടോള്‍ പ്ലാസകളില്‍ വാഹനം നിര്‍ത്താതെ തന്നെ പണം അടച്ച് കടന്നുപോകാനുള്ള സംവിധാനം ഫാസ്ടാഗ് നിര്‍ബന്ധമാക്കി കേന്ദ്ര സര്‍ക്കാര്‍. ഡിസംബര്‍ ഒന്ന് മുതല്‍ പുറത്തിറങ്ങുന്ന രാജ്യത്തെ എല്ലാ പുതിയ നാലുചക്ര വാഹനങ്ങള്‍ക്കും ഫാസ്ടാഗ് നിര്‍ബന്ധമാക്കിയുള്ള വിജ്ഞാപനം കേന്ദ്ര ഗതാഗത മന്ത്രാലയം പുറത്തിറക്കി. ടോള്‍ പ്ലാസകളില്‍ നികുതി പിരിവ് സുഗമമാക്കുകയാണ് ഫാസ്ടാഗിന്റെ ലക്ഷ്യം. 1989ലെ കേന്ദ്ര മോട്ടോര്‍ വാഹന നിയമത്തില്‍ ഭേദഗതി വരുത്തിയാണ് ഗതാഗത മന്ത്രാലയം ഫാസ്ടാഗ് നിര്‍ബന്ധമാക്കിയത്.

പുതിയ വാഹനങ്ങളില്‍ ഫാസ്ടാഗ് ഘടിപ്പിക്കാനുള്ള മുഴുവന്‍ ഉത്തരവാദിത്വവും വാഹന ഡീലര്‍മാര്‍ക്കാണ്.ഡിജിറ്റല്‍ പണം ഇടപാട് വഴി ടോള്‍ അടയ്ക്കുന്ന സംവിധാനമാണ് ഫാസ്ടാഗ്. ഇതുപയോഗിച്ച് ടോള്‍ പ്ലാസകളില്‍ വാഹനം നിര്‍ത്താതെ തന്നെ പണം അടച്ച് കടന്നുപോകാം. അതിനാല്‍ ടോള്‍ പ്ലാസകളില്‍ പണം അടയ്ക്കാനുള്ള തിരക്കും നീണ്ട നിരയും ട്രാഫിക്ക് ബ്ലോക്കും ഒഴിവാക്കാന്‍ സാധിക്കും. സമയവും ലാഭിക്കാം.

ഒരു പ്രീപെയ്ഡ് അക്കൗണ്ട് റേഡിയോ ഫ്രീക്വന്‍സി ഐഡന്റിഫിക്കേഷന്‍ സംവിധാനം (RFID) വഴി ബന്ധിപ്പിച്ചാണ് ഫാസ് ടാഗിന്റെ പ്രവര്‍ത്തനം. ഇത് വാഹനത്തിന്റെ വിന്‍ഡ് സ്‌ക്രീനില്‍ ഘടിപ്പിക്കുകയാണ് ചെയ്യുക. ഈ അക്കൗണ്ടില്‍ ആവശ്യത്തിനുള്ള തുക നേരത്തെ റീചാര്‍ജ് ചെയ്ത് വയ്ക്കണം. 100 രൂപ മുതല്‍ ഒരു ലക്ഷം രൂപ വരെ ഫാസ്ടാഗില്‍ റീചാര്‍ജ് ചെയ്യാം. ക്രെഡിറ്റ് കാര്‍ഡ്, ഡെബിറ്റ് കാര്‍ഡ്, നെഫ്റ്റ്,ആര്‍ടിജിഎസ് തുടങ്ങിയ മാര്‍ഗങ്ങളിലൂടെ റീചാര്‍ജ്ജിംഗ് നടത്താം.

രജിസ്‌ട്രേഷന് മുന്‍പ് വാഹനത്തില്‍ ഇത് ഘടിപ്പിച്ചിരിക്കണം. പഴയ വാഹനങ്ങള്‍ക്ക് ബാങ്കുകള്‍ വഴിയും ടോള്‍ പ്ലാസകളില്‍ നിന്നും ഫാസ്ടാഗ് വാങ്ങി ഘടിപ്പിക്കാം. രാജ്യത്തെ 370 ടോള്‍പ്ലാസകളില്‍ നിലവില്‍ ഈ സൗകര്യം ഒരുക്കിക്കഴിഞ്ഞു. നാഷണല്‍ ഇലക്ട്രോണിക് ടോള്‍ കളക്ഷന്‍ (എന്‍ഇടിസി) പ്രോഗ്രാമിന്റെ ഭാഗമായിട്ടാണ് ഈ സംവിധാനത്തിന്റെ പ്രവര്‍ത്തനം.

പുത്തന്‍ രൂപത്തില്‍ ഡ്യൂക്ക്; മറ്റാര്‍ക്കുമില്ലാത്ത ഭാവത്തില്‍ സ്വന്തമാക്കാന്‍ അവസരം
Posted by
31 October

പുത്തന്‍ രൂപത്തില്‍ ഡ്യൂക്ക്; മറ്റാര്‍ക്കുമില്ലാത്ത ഭാവത്തില്‍ സ്വന്തമാക്കാന്‍ അവസരം

ഇന്ത്യന്‍ യുവത വളരെ പെട്ടെന്ന് ഏറ്റെടുത്ത സ്‌പോര്‍ട്‌സ് ബൈക്ക് ഡ്യൂക്കിന് പുത്തന്‍ ഭാവം കൈവരുന്നു. 2013 ലാണ് ആദ്യമായി ഡ്യൂക്ക് 390 ഇന്ത്യയില്‍ അവതരിച്ചത്. അതുവരെ കണ്ടുമടുത്ത സ്‌പോര്‍ട്‌സ് ബൈക്ക് മോഡലുകളില്‍ നിന്നും വ്യത്യസ്ത ലുക്കുമായി എത്തിയ കെടിഎം ഡ്യൂക്ക് വന്‍ ഹിറ്റാവുകയും ചെയ്തു. വിപണിയിലെത്തുന്ന ഡ്യൂക്കുകളുടെ വില്‍പ്പനയില്‍ ഇതുവരെ ഒരു ഇടിവും സംഭവിക്കാതെ ഉയര്‍ന്നു തന്നെ നില്‍ക്കാന്‍ കാരണവും ഈ ലുക്ക് ആയിരുന്നു.

ഡീലര്‍ഷിപ്പുകളില്‍ ഡ്യൂക്ക് 390 കള്‍ എത്തിയാല്‍ റാഞ്ചാനായി കാത്തിരിക്കുകയാല്‍ ഉപഭോക്താക്കള്‍.
2016ഇഐസിഎംഎ മോട്ടോര്‍സൈക്കിള്‍ ഷോയില്‍ വെച്ചാണ് പുതുതലമുറ ഡ്യൂക്ക് 390 യെ കെടിഎം അവതരിപ്പിച്ചത്. ഡ്യൂക്ക് 390 ധാരാളം വിറ്റുപോയെങ്കിലും തിളക്കമേറിയ ഓറഞ്ച് കളര്‍ സ്‌കീം അത്ര പോരെന്ന് വിമര്‍ശനങ്ങളുയര്‍ന്നു.

നിരന്തരമായുള്ള ആരാധകരുടെ ആവശ്യം പരിഗണിച്ച് ഇപ്പോള്‍ ഡീലര്‍ഷിപ്പ് തലത്തില്‍ ഡ്യൂക്ക് 390 യുടെ തിളക്കം കുറയ്ക്കാനുള്ള നടപടികള്‍ ആരംഭിച്ചു.10,000 രൂപ അധിക വിലയില്‍ ഡീലര്‍ഷിപ്പ് കറുത്ത കളര്‍സ്‌കീമിലുള്ള ഡ്യൂക്ക് 390 ഒരുക്കാനിരിക്കുകയാണ്. കുറച്ച് അധികം പണം നല്‍കിയാല്‍ മറ്റാര്‍ക്കുമില്ലാത്ത പുത്തന്‍ ഭാവത്തില്‍(പുത്തന്‍ സ്റ്റിക്കറിങ്ങില്‍)ഡ്യൂക്ക് സ്വന്തമാക്കാം.

യമഹയുടെ പുതിയ സര്‍പ്രൈസ്: ത്രിവീലര്‍ നിക്കെന്‍ വരുന്നു
Posted by
25 October

യമഹയുടെ പുതിയ സര്‍പ്രൈസ്: ത്രിവീലര്‍ നിക്കെന്‍ വരുന്നു

ജപ്പാന്‍: വാഹനപ്രേമികള്‍ക്ക് പുതിയ സര്‍പ്രൈസുമായി യമഹയെത്തുന്നു. മൂന്ന് സിലിണ്ടര്‍ എന്‍ജിന്റെ കരുത്തോടെ, ഉയര്‍ന്ന പ്രവര്‍ത്തനക്ഷമതയുള്ള നിക്കെന്‍ എന്ന ത്രീവീലറാണ് യമഹ ആരാധകര്‍ക്ക് മുന്നില്‍ സമര്‍പ്പിക്കുന്നത്. ജപ്പാന്‍ ടോക്കിയോ മോട്ടര്‍ ഷോയിലാണ് പുതിയ മോഡലിനെപ്പറ്റിയുള്ള വിവരങ്ങള്‍ യമഹ വെളിപ്പെടുത്തിയത്.

2015ല്‍ സമാന സവിശേഷതകളുമായി എംടി 09 എന്ന വാഹനം യമഹ പുറത്തിറക്കുമെന്ന് വാര്‍ത്തകള്‍ ഉണ്ടായിരുന്നെങ്കിലും, നീണ്ട് പോവുകയായിരുന്നു. വരുന്ന നവംബറില്‍ ഇറ്റലിയിലെ മിലാനില്‍ നടക്കുന്ന ചടങ്ങില്‍ യമഹ നിക്കനെ അവതരിപ്പിക്കും.

ലിക്യുഡ് കൂള്‍ഡ് ടെക്‌നോളജി, എല്‍എംവി ടെക്‌നോളജി എന്നീ സംവിധാനങ്ങളുടെ തികവോടെയായിരിക്കും വാഹനം അവതരിക്കുക. മുന്നില്‍ രണ്ട് ടയറുകളുള്ള നിക്കെന് മികച്ച സസ്‌പെന്‍ഷനാണ് യമഹ നല്‍കിയിരിക്കുന്നത്.