ഓണത്തിനു ഇരട്ടി മധുരവുമായി ഡാറ്റ്‌സന്‍ റെഡി ഗോ-1.0ലിറ്റര്‍
Posted by
23 August

ഓണത്തിനു ഇരട്ടി മധുരവുമായി ഡാറ്റ്‌സന്‍ റെഡി ഗോ-1.0ലിറ്റര്‍

ഓണക്കാലത്ത് വാഹന പ്രേമികള്‍ക്ക് ഇരട്ടി മധുരവുമായി ഡാറ്റ്‌സന്റെ പുത്തന്‍ മോഡല്‍ റെഡി ഗോ-1.0ലിറ്റര്‍. പ്രമുഖ ജാപ്പനീസ് വാഹന നിര്‍മ്മാതാക്കളായ നിസാന്റെ ഉപകമ്പനിയായ ഡാറ്റ്‌സണ്‍ 2014ല്‍ മുതല്‍ എല്ലാ ഓണത്തിനും പുത്തന്‍ മോഡലുമായി പ്രത്യക്ഷപ്പെടാറുണ്ട്. റെഡി – ഗോയുടെ കരുത്തേറിയ പുത്തന്‍ പതിപ്പായ 1.0എല്‍ ആണ് ഇക്കുറി ഓണാഘോഷത്തിന് മാറ്റുകൂട്ടാനായി ഡാറ്റ്‌സണ്‍ മലയാളികള്‍ക്ക് സമ്മാനിക്കുന്നത്.

ഡാറ്റ്‌സന്റെ ഇന്ത്യയിലെ ഏറ്റവും വലിയ വിപണികളിലൊന്നായ കേരളത്തിലേക്ക് 3.57 ലക്ഷം രൂപ വിലയിലാണ് റെഡി – ഗോ 1.0 ലിറ്റര്‍ എന്ന പുതുമോഡല്‍ വരുന്നത്. മുന്‍ഗാമിയില്‍ നിന്ന് പുത്തന്‍ റെഡി – ഗോയ്ക്ക് രൂപകല്‍പനയില്‍ കാര്യമായ മാറ്റമൊന്നുമില്ല. വിപണിയിലെ മറ്റു മോഡലുകളില്‍ നിന്ന് തികച്ചും വ്യത്യസ്തമായ, ഡാറ്റ്‌സന്റെ തനത് രൂപകല്‍പനാ ശൈലി റെഡി – ഗോയില്‍ കാണാവുന്നതാണ്. സ്‌റ്റൈലിഷ് ഹെഡ്‌ലാമ്പ്, ക്രോം ഫ്രെയിമുള്ള ഫ്രണ്ട് ഗ്രില്‍, ബോഡി കളര്‍ ബമ്പര്‍, ഡേടൈം റണ്ണിംഗ് ലാമ്പ്, ബോഡി കളര്‍ ഡോര്‍ ഹാന്‍ഡില്‍ എന്നിവയാണ് പുറംമോടിയിലെ പ്രധാന ആകര്‍ഷണങ്ങള്‍.

പേര് സൂചിപ്പിക്കുന്നതുപോലെ പുതിയ 1.0 ലിറ്റര്‍ (999 സിസി) ഇന്റലിജന്റ് സ്പാര്‍ക്ക് ഓട്ടോമേറ്റഡ് ടെക്‌നോളജി (ഐ സാറ്റ്) പെട്രോള്‍ എന്‍ജിനാണ് പുത്തന്‍ റെഡി – ഗോയുടെ മാറ്റം. റെനോയുടെ ക്വിഡിലും സമാന എന്‍ജിന്‍ കാണാം. 68 പിഎസ് കരുത്തുള്ള എന്‍ജിന്‍ ലിറ്ററിന് 22.5 ലിറ്റര്‍ മൈലേജ് വാഗ്ദാനം ചെയ്യുന്നു. 91 ന്യൂട്ടണ്‍ മീറ്ററാണ് പരമാവധി ടോര്‍ക്ക്. ഗിയറുകള്‍ 5 – സ്പീഡ് മാനുവല്‍. മികച്ച ഡ്രൈവിംഗ് അനുഭവം സമ്മാനിക്കുന്ന, പെര്‍ഫോമന്‍സ് മികവുള്ള എന്‍ജിനാണിത്. റെഡി – ഗോയുടെ 185 എംഎം ഗ്രൗണ്ട് ക്‌ളിയറന്‍സ്, 3.4 മീറ്റര്‍ മൊത്തം നീളം, ഒന്നര മീറ്രര്‍ വീതി, 2.3 മീറ്റര്‍ വീല്‍ബെയ്‌സ് എന്നീ അളവുകളും മികച്ച ഡ്രൈവിംഗിനു അനുകൂലമാണ്. സില്‍വര്‍, ഗ്രേ, റൂബി, ലൈം, വൈറ്ര് നിറങ്ങളില്‍ റെഡി – ഗോ ലഭിക്കും.

കഫെ റേസറിനെ ഓഫ്‌റോഡര്‍ ആക്കിയാല്‍ എന്താകും അവസ്ഥ? ഉത്തരം ഇവിടുണ്ട്
Posted by
23 August

കഫെ റേസറിനെ ഓഫ്‌റോഡര്‍ ആക്കിയാല്‍ എന്താകും അവസ്ഥ? ഉത്തരം ഇവിടുണ്ട്

കഫെ റേസറിനെ ഓഫ്‌റോഡര്‍ ആക്കിയാല്‍ എന്താകും അവസ്ഥ? ചോദ്യത്തിനുള്ള ഉത്തരമാണ് ബുള്ളറ്റീര്‍ കസ്റ്റംസിന്റെ സ്‌ക്രാമ്പഌ 140. റോയല്‍ എന്‍ഫീല്‍ഡ് മോഡിഫിക്കേഷന് ബുള്ളറ്റീര്‍ കസ്റ്റംസ് പ്രശസ്തമാണെന്ന് പ്രത്യേകം പറയേണ്ടതില്ല. റോയല്‍ എന്‍ഫീല്‍ഡ് കോണ്‍ടിനന്റല്‍ ജിടിയില്‍ ഒരുക്കിയ സ്‌ക്രാമ്പഌ 140, എന്നത്തേയും പോലെ ബുള്ളറ്റീര്‍ കസ്റ്റംസിന്റെ കരവിരുത് വെളിപ്പെടുത്തുന്നതാണ്.

ഭംഗിയേറിയ മാറ്റ് ബ്ലൂ ഫിനിഷാണ് സ്‌ക്രാമ്പഌ 140 യുടെ പ്രധാന ഹൈലൈറ്റ്. കൂടാതെ, എക്‌സ്‌ഹോസ്റ്റിനും ഫോര്‍ക്കിനും ബുള്ളറ്റീര്‍ കസ്റ്റംസ് നല്‍കിയ കോണ്‍ട്രാസ്റ്റ് ക്രോം ശ്രദ്ധ പിടിച്ചുപറ്റുന്നതില്‍ മുഖ്യകാരണമാകുന്നു. ട്രാക്കര്‍ ഹാന്‍ഡില്‍ ബാറും, സിംഗിള്‍ പീസ് റിബ്ഡ് സീറ്റുകളും സ്‌ക്രാമ്പഌ 140 യുടെ ഓഫ്‌റോഡിംഗ് മുഖമാണ്. ഇതിന് പുറമെ, ഓഫ്‌റോഡിംഗിന് അനുയോജ്യമാകാന്‍ ഫൂട്ട്‌പെഗുകളും സ്‌ക്രാമ്പഌ 140 യില്‍ മാറ്റിസ്ഥാപിച്ചിട്ടുണ്ട്.

പരുക്കന്‍ ലുക്കിന് വേണ്ടി, കയറില്‍ പൊതിഞ്ഞ ക്രാഷ് ഗാര്‍ഡാണ് ഒരുങ്ങുന്നത്.
റിയര്‍ വീലിനെ അപേക്ഷിച്ച് വലുപ്പമേറിയ സ്‌പോക്ക് വീലുകളാണ് ഫ്രണ്ട് എന്‍ഡിന് ലഭിക്കുന്നത്. കൊഴുത്തുരണ്ട റാല്‍ക്കോ ടയറുകളിലാണ് വീലുകള്‍ ഒരുങ്ങുന്നതും.ഹീറ്റ് റാപ്പ്ഡ് എക്‌സ്‌ഹോസ്റ്റ് ബെന്‍ഡ് പൈപ് അവസാനിക്കുന്നത്, കസ്റ്റം അപ്‌സ്വെപ്റ്റ് സൈലന്‍സറിലാണ്. റിയര്‍ ഫെന്‍ഡറിന്റെ അഭാവം, ബൈക്കിന് മസില്‍ മാന്‍ ലുക്ക് നല്‍കുന്നു. ലളിതമായതാണ് സ്‌ക്രാമ്പളര്‍ 140 യുടെ ഫ്രണ്ട് ഫെന്‍ഡറും.ആഫ്റ്റര്‍ മാര്‍ക്കറ്റ് ഹെഡ്‌ലാമ്പ്, സിംഗിള്‍ പോഡ് ക്ലസ്റ്റര്‍, എല്‍ഇഡി ഇന്‍ഡിക്കേറ്ററുകളാണ് സ്‌ക്രാമ്പഌ 140 യില്‍ ഇടംപിടിക്കുന്നത്.

എഞ്ചിന്‍ മുഖത്ത് റോയല്‍ എന്‍ഫീല്‍ഡ് കോണ്‍ടിനന്റല്‍ ജിടി തന്നെയാണ് സ്‌ക്രാമ്പഌ 140. 29.1 bhp കരുത്തും 44 Nm torque ഉം ഏകുന്ന 535 സിസി സിംഗിള്‍ സിലിണ്ടര്‍ എഞ്ചിനാണ് സ്‌ക്രാമ്പഌ 140 യിലുള്ളത്.41 mm ഫ്രണ്ട് ഫോര്‍ക്കുകള്‍, അഡ്ജസ്റ്റബിള്‍ പ്രീലോഡോടെയുള്ള പയൊലി ട്വിന്‍ ഗ്യാസ് ചാര്‍ജ്ഡ് റിയര്‍ ഷോക്ക് അബ്‌സോര്‍ബര്‍ എന്നിവ സ്‌ക്രാമ്പഌ 140 യുടെ വിശേഷങ്ങളാണ്.

3.23 ലക്ഷം വാഹനങ്ങളെ തിരിച്ചുവിളിച്ച് ഫോക്‌സ് വാഗണ്‍
Posted by
22 August

3.23 ലക്ഷം വാഹനങ്ങളെ തിരിച്ചുവിളിച്ച് ഫോക്‌സ് വാഗണ്‍

ഫോക്‌സ് വാഗണ്‍ 3.23 ലക്ഷം വാഹനങ്ങള്‍ തിരിച്ചുവിളിക്കുന്നു. മലിനീകരണ സംവിധാനത്തില്‍ മാറ്റം വരുത്തി എന്ന ഗുരുതമായ പ്രശ്‌നം അമേരിക്കയില്‍ കമ്പനിക്കെതിരെ തെളിയിക്കപ്പെട്ടതോടെയാണ് വാഹനങ്ങള്‍ തിരികെ വിളിക്കാന്‍ തീരുമാനിച്ചത്.

പുക പരിശോധിക്കുന്നത് തിരിച്ചറിഞ്ഞ് പുകയിലൂടെ പുറന്തള്ളുന്ന മാലിന്യങ്ങള്‍ അനുവദനീയ പരിധിക്കുള്ളിലാണെന്ന തോന്നലുണ്ടാക്കുകയാണ് സോഫ്റ്റ്‌വെയര്‍ ചെയ്യുന്നത്. ഇത് ഏത് തരത്തിലാണ് കമ്പനി തിരുത്തുക എന്ന് വ്യക്തമല്ല. എന്നാലും കാറുകള്‍ തിരികെ വിളിച്ച് പ്രശ്‌നം പരിഹരിക്കുമെന്ന് ഫോക്‌സ് വാഗണ്‍ വ്യക്തമാക്കിയിരുന്നു.ഭാരത് സ്റ്റേജ് 4 അനുവദിക്കുന്നതിലും 1.1 മുതല്‍ 2.6 വരെ ഇരട്ടി മാലിന്യമായിരുന്നു വാഹനങ്ങള്‍ പുറന്തള്ളിക്കൊണ്ടിരുന്നത്. ആഗോള വിപണിയില്‍ ഫോക്‌സ് വാഗണ്‍ 1.1 കോടി വാഹനങ്ങളില്‍ ഈ ഡീസല്‍ഗേറ്റ് കൃത്രിമം കാണിച്ചുവെന്നാണ് വിലയിരുത്തുന്നത്.

അമേരിക്കയില്‍ വിപണിയിലിറക്കിയ ആറ് ലക്ഷം വാഹനങ്ങളിലെ ഡീസല്‍ എഞ്ചിനില്‍ പ്രത്യേക സോഫ്റ്റ് വെയര്‍ ഘടിപ്പിച്ചാണ് മലിനീകരണ തോത് കുറച്ചുകാട്ടിയത്. സര്‍ക്കാര്‍ മലിനീകരണ പരിശോധന നടത്തുന്ന ഘട്ടത്തില്‍ എഞ്ചിനിലെ മലിനീകരണ നിയന്ത്രണ സംവിധാനം പ്രവര്‍ത്തിക്കുകയും മറ്റ് സമയങ്ങളില്‍ പ്രവര്‍ത്തനരഹിതമാക്കുകയുമായിരുന്നു രീതി. മലിനീകരണ തോത് കുറച്ചുകാണിക്കാന്‍ എഞ്ചിനില്‍ കൃത്രിമം കാട്ടിയതായി ഫോക്‌സ് വാഗണ്‍ കമ്പനി കുറ്റസമ്മതം നടത്തുകയും കമ്പനിയിലെ ആറ് ഉന്നത ഉദ്യോഗസ്ഥര്‍ കൃത്രിമം നടത്തിയതില്‍ കുറ്റക്കാരാണെന്ന് സര്‍ക്കാര്‍ നിയോഗിച്ച അന്വേഷണ സമിതി കണ്ടെത്തുകയും ചെയ്തിരുന്നു.

ഓട്ടോ പ്രേമികളെ ആശ്ചര്യപ്പെടുത്തി അപാച്ചെ കൊണ്ട് ടിവിഎസ് കുറിച്ച പുതിയ റെക്കോര്‍ഡ്
Posted by
21 August

ഓട്ടോ പ്രേമികളെ ആശ്ചര്യപ്പെടുത്തി അപാച്ചെ കൊണ്ട് ടിവിഎസ് കുറിച്ച പുതിയ റെക്കോര്‍ഡ്

പുത്തന്‍ അവതാരങ്ങളുമായി വിപണിയില്‍ ചുവട് ഉറപ്പിക്കുന്ന നിര്‍മ്മാതാക്കള്‍, അതത് മോഡലുകളുടെ കഴിവ് തെളിയിക്കുക പലതരത്തിലാണ്. ചിലര്‍ പരസ്യങ്ങളിലൂടെ വീമ്പിളക്കുമ്പോള്‍, ചിലര്‍ സാഹസികതയെ പിന്‍പറ്റി എത്തും.തുടര്‍ച്ചയായി അഞ്ച് മണിക്കൂറാണ് അപാച്ചെ മോട്ടോര്‍സൈക്കിളുകളില്‍ അഞ്ച് ടിവിഎസ് റേസിംഗ് സ്റ്റണ്ട് ടീമുകള്‍ അഭ്യാസ പ്രകടനം നടത്തിയത്. ഇപ്പോള്‍ സൂചിപ്പിച്ച രണ്ടാം ഗണത്തിലേക്കാണ് ഇന്ത്യന്‍ നിര്‍മ്മാതാക്കളായ ടിവിഎസ് മോട്ടോര്‍സ് കടന്നിരിക്കുന്നത്.

പുതിയ റെക്കോര്‍ഡ് സൃഷ്ടിക്കാനുള്ള ടിവിഎസിന്റെ ശ്രമം, അപാച്ചെ പ്രോ പെര്‍ഫോര്‍മന്‍സ് എക്‌സ് (APPx) ഓട്ടോ പ്രേമികളെ ആശ്ചര്യപ്പെടുത്തിയിരിക്കുകയാണ്.ഏറ്റവും കൂടുതല്‍ നേരം നോണ്‍സ്‌റ്റോപ് സ്റ്റണ്ടിംഗ് നടത്തിയ ടിവിഎസ് സ്റ്റണ്ട് റൈഡര്‍മാര്‍ ഇന്ത്യന്‍ നിര്‍മ്മാതാക്കള്‍ക്ക് വേണ്ടി പുതിയ റെക്കോര്‍ഡ് കുറിച്ചു. ചെന്നൈയിലെ എക്‌സ്പ്രസ് അവന്യൂമാളില്‍ ഉച്ചയ്ക്ക് 12 ന് ആരംഭിച്ച അഭ്യാസപ്രകടനങ്ങള്‍, വൈകുന്നേരം അഞ്ച് വരെ നീണ്ടു.

മോട്ടോര്‍സൈക്കിളിന്റെ എഞ്ചിനും, ട്രാന്‍സ്മിഷനും, സസ്‌പെന്‍ഷനും, ചാസിക്കും ഏറിയ സമ്മര്‍ദ്ദമാണ് സ്റ്റണ്ടിംഗില്‍ നേരിടുക. ഒരു മോട്ടോര്‍സൈക്കിളിന്റെ നിര്‍ണ്ണായക ഭാഗങ്ങളുമാണ് ഇവ.ചെന്നൈയിലെ എക്‌സ്പ്രസ് അവന്യൂമാളില്‍ ഉച്ചയ്ക്ക് 12 ന് ആരംഭിച്ച അഭ്യാസപ്രകടനങ്ങള്‍, വൈകുന്നേരം അഞ്ച് വരെ നീണ്ടു. മോട്ടോര്‍സൈക്കിളിന്റെ എഞ്ചിനും, ട്രാന്‍സ്മിഷനും, സസ്‌പെന്‍ഷനും, ചാസിക്കും ഏറിയ സമ്മര്‍ദ്ദമാണ് സ്റ്റണ്ടിംഗില്‍ നേരിടുക. ഒരു മോട്ടോര്‍സൈക്കിളിന്റെ നിര്‍ണ്ണായക ഭാഗങ്ങളുമാണ് ഇവ.

എസ്‌യുവി പ്രിയം കൈവിടാതെ പ്രധാനമന്ത്രി: ബിഎംഡബ്ല്യുവില്‍ നിന്നും ചുവടു മാറി, ഇനി പുതിയ
Posted by
20 August

എസ്‌യുവി പ്രിയം കൈവിടാതെ പ്രധാനമന്ത്രി: ബിഎംഡബ്ല്യുവില്‍ നിന്നും ചുവടു മാറി, ഇനി പുതിയ വാഹനം

ന്യുഡല്‍ഹി: എസ്‌യുവികളുടെ തോഴനാണ് പ്രധാനമന്ത്രി നരേന്ദ്ര മോദി. ഗുജറാത്ത് മുഖ്യമന്ത്രിയായിരിക്കെ മഹീന്ദ്ര സ്‌കോര്‍പ്പിയോയിലായിരുന്നു സഞ്ചാരം. പിന്നീട് പ്രധാനമന്ത്രിയായിപ്പോള്‍ സുരക്ഷ കാരണങ്ങളാല്‍ ബിഎംഡബ്ല്യുവിന്റെ അതിസുരക്ഷയുള്ള സെവന്‍ സീരീസിലേക്ക് മാറുകയായിരുന്നു. ഇപ്പോളിതാ വീണ്ടുമൊരു എസ്‌യുവിയിലേക്ക് ചുവടുമാറിയിരിക്കുകയാണ് പ്രധാനമന്ത്രി.

റേഞ്ച് റോവര്‍ സെന്റിനലാണ് പ്രധാനമന്ത്രിയുടെ പുതിയ വാഹനം. സ്വാതന്ത്രദിനത്തില്‍ ചെങ്കോട്ടയില്‍ രാജ്യത്തെ അഭിസംബോധന ചെയ്യാന്‍ അദ്ദേഹം എത്തിയത് അതിസുരക്ഷ പ്രദാനം ചെയ്യുന്ന റേഞ്ച് റോവറിലായിരുന്നു. വിആര്‍ 8 ബാലിസ്റ്റിക് പ്രോട്ടക്ഷന്‍ സ്റ്റാന്‍ഡേഡ് പ്രകാരം നിര്‍മ്മിച്ചിരിക്കുന്ന രണ്ടു റേഞ്ച് റോവര്‍ സെന്റിനലുകളാണ് പ്രധാനമന്ത്രിയുടെ വാഹന വ്യൂഹത്തിലുള്ളത്.

സാധാരണ റേഞ്ച് റോവര്‍ സ്‌പോര്‍ട്ടില്‍ നിന്നും കാഴ്ച്ചയില്‍ കാര്യമായ വ്യത്യസമില്ലാത്ത വാഹനമാണ് സെന്റിനല്‍. 7.62 എംഎം ബുള്ളറ്റുകള്‍ വരെ തടയനുള്ള ശേഷിയുള്ള ബോഡിയാണ്. കൂടാതെ 15 കിലോഗ്രാം ടിഎന്‍ടി ബോംബ് ബ്ലാസ്റ്റില്‍ നിന്ന് വരെ ചെറുത്തു നില്‍ക്കാനുള്ള ശേഷിയും ഈ എസ്‌യുവിക്കുണ്ട.്

പഞ്ചറായാലും ഏതെങ്കിലും കാരണത്താല്‍ ടയര്‍ പൊട്ടിയാലും വാഹനത്തിനു സഞ്ചരിക്കാന്‍ സാധിക്കും. കൂടാതെ ഹാന്‍ഡ് ഗ്രനേഡുകള്‍, വെടിയുണ്ട, ലാന്‍ഡ് മൈന്‍ എന്നിവയെ ചെറുക്കാന്‍ ശേഷിയുള്ള ബോഡിയാണ് റേഞ്ച് റോവറിന്റത്. മൂന്നു ലീറ്റര്‍ ശേഷിയുള്ള വി6 എന്‍ജിനാണ് വാഹനത്തില്‍ ഉപയോഗിക്കുന്നത്. 335 ബിഎച്ച്പിയാണ് പരമാവധി കരുത്ത്. കൂടിയ വേഗം ഏകദേശം 225 കിലോമീറ്റര്‍.

 

പുതുവത്സരത്തില്‍ പുത്തന്‍ ജീപ്പ് കോംപസ് സ്വന്തമാക്കി ഉണ്ണി മുകുന്ദന്‍
Posted by
18 August

പുതുവത്സരത്തില്‍ പുത്തന്‍ ജീപ്പ് കോംപസ് സ്വന്തമാക്കി ഉണ്ണി മുകുന്ദന്‍

ബ്രിട്ടിഷ് വാഹന നിര്‍മാതാക്കളായ ജാഗ്വര്‍ ലാന്‍ഡ്‌റോവറിന്റെ റഫ് ആന്റ് ടഫ് എസ്യുവി ഫ്രീലാന്‍ഡറിനു പുറമേ അമേരിക്കന്‍ വാഹന നിര്‍മ്മാതാക്കളായ ജീപ്പിന്റെ കിടിലന്‍ എസ്യുവി ചിങ്ങം ഒന്നിന് സ്വന്തമാക്കി യുവ നടന്‍ ഉണ്ണി മുകുന്ദന്‍. ജീപ്പിന്റെ ഏറ്റവും പുതിയ ചെറു എസ്യുവിയായ കോംപസാണ് ഉണ്ണി സ്വന്തമാക്കിയത്. കൊച്ചിയിലെ പിനാക്കിള്‍ ജീപ്പിലെ ആദ്യ കോംപസ് ഉടമയും താരം തന്നെ. ജീപ്പ് പ്രേമികളുടെ ഏറെക്കാലത്തെ കാത്തിരിപ്പിനു ശേഷം ഈ കഴിഞ്ഞ ജൂലൈ 31നാണ് അമേരിക്കന്‍ വാഹന നിര്‍മ്മാതാക്കളായ ജീപ്പിന്റെ ആദ്യ ഇന്ത്യന്‍ നിര്‍മ്മിത മോഡല്‍ ജീപ്പ് കോംപസ് പുറത്തിറങ്ങുന്നത്.

എസ്‌യുവികളെ അതിരറ്റു പ്രണയിക്കുന്ന ആളാണ് ഉണ്ണി മുകുന്ദന്‍. ബ്രിട്ടിഷ് വാഹന നിര്‍മാതാക്കളായ ജാഗ്വര്‍ ലാന്‍ഡ്‌റോവറിന്റെ റഫ് ആന്റ് ടഫ് എസ്യുവി ഫ്രീലാന്‍ഡര്‍ ഉണ്ണിയുടെ ഗാരേജിലുണ്ട്. ഇതിനു പുറമേയാണ് കോംപസും താരം സ്വന്തമാക്കിയത്. കോംപസിന്റെ ലോഞ്ചിട്യൂഡ് ഓപ്ഷണല്‍ എന്ന മോഡലാണ് താരം സ്വന്തമാക്കിയത്. ഇന്ത്യയില്‍ ഗ്രാന്‍ഡ് ചെറോക്കിക്കും റാംഗ്ളര്‍ അണ്‍ലിമിറ്റഡിനും ശേഷം പുറത്തിറക്കുന്ന വാഹനമാണ് കോംപസ്. കൂടാതെ ജീപ്പ് ഇന്ത്യയില്‍ നിര്‍മ്മിക്കുന്ന ആദ്യ വാഹനവും കോംപസ് തന്നെ.

2 ലീറ്റര്‍ മള്‍ട്ടിജെറ്റ് ഡീസല്‍, 1.4 ലീറ്റര്‍ പെട്രോള്‍ എന്നിങ്ങനെ രണ്ട് എന്‍ജിനുകളാണ് കോംപസിനുള്ളത്. 3750 ആര്‍പിഎമ്മില്‍ 173 പിഎസ് കുരുത്തും 1750 മുതല്‍ 2500 വരെ ആര്‍പിഎമ്മില്‍ 350 എന്‍എം ടോര്‍ക്കും ഉത്പാദിപ്പിക്കാന്‍ ശേഷിയുള്ളതാണു 2 ലീറ്റര്‍ ഡീസല്‍ എന്‍ജിനും 162 എച്ച് പി വരെ കരുത്തും 250 എന്‍ എം വരെ ടോര്‍ക്കും നല്‍കുന്ന 1.4 ലീറ്റര്‍ പെട്രോള്‍ എന്‍ജിനുമാണുള്ളത്.

ഡീസല്‍ എന്‍ജിനു ലീറ്ററിന് 17.1 കീമി മൈലേജാണു കമ്പനി അവകാശപ്പെടുന്നത്. ഇരു എന്‍ജിനുകള്‍ക്കുമൊപ്പം ആറു സ്പീഡ് മാനുവല്‍ ട്രാന്‍സ്മിഷനാണു ഗീയര്‍ബോക്‌സ്. 14.99 ലക്ഷം മുതല്‍ 20.69 ലക്ഷം രൂപവരെയാണ് ജീപ്പ് കോംപസിന്റെ കൊച്ചി എക്‌സ്‌ഷോറൂം വില. പൂണെയിലെ രംഞ്ജന്‍ഗോവന്‍ പ്ലാന്റില്‍ ഏഴുപത് ശതമാനത്തിലേറെ പ്രാദേശികമായാണ് കോംപസിന്റെ നിര്‍മാണം പൂര്‍ത്തീകരിച്ചത്. 10 ലക്ഷം രൂപക്ക് ജീപ്പ് റെനഗേഡും ഇന്ത്യയിലേക്ക് വരുന്നതായി കഴിഞ്ഞ ദിവസം റിപ്പോര്‍ട്ടുകളുണ്ടായിരുന്നു.

യാഥാര്‍ത്ഥ്യം തിരിച്ചറിഞ്ഞ് ഇന്ത്യ; അധികം ആയുസ്സില്ലാത്ത പെട്രോള്‍ ഡീസല്‍ വാഹനങ്ങള്‍ക്ക് വിട, ഇന്ത്യയിലാദ്യമായി ബയോഫ്യുവല്‍ ബസ് നിരത്തിലിറങ്ങി
Posted by
17 August

യാഥാര്‍ത്ഥ്യം തിരിച്ചറിഞ്ഞ് ഇന്ത്യ; അധികം ആയുസ്സില്ലാത്ത പെട്രോള്‍ ഡീസല്‍ വാഹനങ്ങള്‍ക്ക് വിട, ഇന്ത്യയിലാദ്യമായി ബയോഫ്യുവല്‍ ബസ് നിരത്തിലിറങ്ങി

പന്നാജി: യാഥാര്‍ത്ഥ്യം തിരിച്ചറിയുകയാണ് ഇന്ത്യ. അധികം ആയുസ്സില്ലാത്ത പെട്രോള്‍ ഡീസല്‍ വാഹനങ്ങള്‍ക്ക് വിട പറഞ്ഞ് ബയോഫ്യുവല്‍ വാഹനങ്ങളിലേക്ക് ഇന്ത്യയുടെ കുതിച്ചുചാട്ടം ആരംഭിച്ചു. ഇന്ത്യയിലെ പൊതുഗതാഗത സംവിധാത്തില്‍ ചരിത്രം സൃഷ്ടിച്ച് രാജ്യത്തെ ആദ്യ ബയോഫ്യുവല്‍ ബസ് ഗോവ സര്‍ക്കാര്‍ പുറത്തിറക്കി.

വര്‍ധിച്ചു വരുന്ന പരിസ്ഥിതി മലിനീകരണം തടയിടുന്നതിനായി 2018 ഫെബ്രുവരിയോടെ 40 ബയോഫ്യുവല്‍ ബസ് സര്‍വ്വീസ് ആരംഭിക്കാനാണ് ഗോവ സര്‍ക്കാറിന്റെ തീരുമാനം. 36 യാത്രക്കാര്‍ക്ക് സഞ്ചരിക്കാവുന്ന സ്‌കാനിയ ബസാണ് ബയോഫ്യുവല്‍ ഇന്ധത്തില്‍ പുറത്തിറക്കിയിരിക്കുന്നത്. ഗോവ ഗവര്‍ണര്‍ മൃദുല സിന്‍ഹ ആണ് ആദ്യ ഓട്ടം ഫ്‌ളാഗ് ഓഫ് ചെയ്തത്.

ഗോവ സര്‍ക്കാറിന് കീഴിലുള്ള കെടിസിഎല്ലിന്റെ ഭാഗമായി മൂന്നു മാസക്കാലം ഈ ബസുകള്‍ പരീക്ഷണാടിസ്ഥാനത്തില്‍ സര്‍വ്വീസ് നടത്തും. സാലിഗോയിലെ മാലിന്യ സംസ്‌കരണ കേന്ദ്രത്തില്‍ ഉത്പാദിപ്പിക്കുന്ന ബയോഫ്യുവല്‍ ഉപയോഗിച്ചാണ് സ്‌കാനിയ ഓടുന്നത്.ഇതിനോടൊപ്പം എഥനോള്‍ കരുത്തില്‍ ഓടുന്ന രണ്ട് ബസുകളും അവതരിപ്പിച്ചിട്ടുണ്ട്.

ആഢംബരത്തിന്റെ അവസാന വാക്ക് !! ലോകത്തിലെ ഏറ്റവും വിലകൂടിയ കാറായ റോള്‍സ് റോയ്‌സ് സ്വെപ്‌റ്റെയില്‍ അവതരിക്കുന്നു
Posted by
17 August

ആഢംബരത്തിന്റെ അവസാന വാക്ക് !! ലോകത്തിലെ ഏറ്റവും വിലകൂടിയ കാറായ റോള്‍സ് റോയ്‌സ് സ്വെപ്‌റ്റെയില്‍ അവതരിക്കുന്നു

ആഢംബരവും, പ്രൗഡിയും വിളിച്ചോതുന്ന റോള്‍സ് റോയ്‌സിന്റെ സ്വെപ്‌റ്റെയില്‍ വാഹന വിപണയില്‍ അവതരിക്കുന്നു. 12.8 മില്ല്യണ്‍ ഡോളര്‍ (8 കോടി 21 ലക്ഷം) വിലവരുന്ന സ്വെപ്‌റ്റെയില്‍ ലോകത്തിലെ തന്നെ ഏറ്റവും വിലയേറിയ കാര്‍ എന്ന ഖ്യാദി ഇതിനോടകം നേടി കഴിഞ്ഞു.

ഉപഭോക്താവിന്റെ ആവശ്യാനുസരണം വാഹനം നിര്‍മ്മിച്ച് നല്‍കുന്ന രീതിയാണ് റോള്‍സ് റെയ്‌സ് അവലംബിച്ചിരിക്കുന്നത്. ആവശ്യമെങ്കില്‍ വാഹനം മുഴുവന്‍ സ്വര്‍ണ്ണത്താല്‍ പ്ലേറ്റ് ചെയ്യാനുള്ള സൗകര്യവും റോള്‍സ് റോയ്‌സ് ഒരുക്കിയിട്ടുണ്ട്. മക്‌ലാരന്‍ പോലുള്ള വാഹന നിര്‍മ്മാതാക്കളും കസ്റ്റമൈസ് ചെയ്യാനുള്ള അവസരം ഉപഭോക്താവിന് നല്‍കുന്നുണ്ടെങ്കിലും റോള്‍സ് റോയ്‌സ് ഒരു പടി മുന്നിലാെണന്നാണ് വാഹന പ്രേമികളുടെ വിലയിരുത്തല്‍.

2013ലാണ് സ്വെപ്‌റ്റെയിലിന്റെ നിര്‍മ്മാണം ആരംഭിച്ചത്. 1920,1930 കാലഘട്ടത്തില്‍ റോള്‍സ് റോയ്‌സ് നിര്‍മ്മിച്ച കാറുകളുടെ ക്ലാസിക്ക് ഡിസൈനുകളില്‍ നിന്നും പ്രചോദനമുള്‍ക്കൊണ്ടാണ് സ്വെപ്‌റ്റെയില്‍ രൂപകല്‍പന ചെയ്തിരിക്കുന്നത്.

ചിത്രങ്ങള്‍ കാണാം

കൂടുതല്‍ ആക്ടീവായി ആക്ടീവ; 125 സിസി എഞ്ചിന്‍ കരുത്തുമായി ഹീറോ ആവ
Posted by
16 August

കൂടുതല്‍ ആക്ടീവായി ആക്ടീവ; 125 സിസി എഞ്ചിന്‍ കരുത്തുമായി ഹീറോ ആവ

പുതിയ മൂന്ന് സ്‌കൂട്ടറുകള്‍ വിപണിയില്‍ എത്തിക്കാനൊരുങ്ങി ഹീറോ മോട്ടോകോര്‍പ്പ. അടുത്ത സാമ്പത്തിക വര്‍ഷം അവസാനിക്കുന്നതിനുള്ളില്‍ സ്‌കൂട്ടറുകള്‍ വിപണിയില്‍ എത്തിക്കുമെന്ന് കഴിഞ്ഞ ദിവസം ഹീറോ വ്യക്തമാക്കിയിരിക്കുന്നു. ഫെബ്രുവരിയില്‍ നടക്കാനിരിക്കുന്ന 2018 ഡല്‍ഹി ഓട്ടോ എക്സ്പോയ്ക്ക് മുന്‍പ് തന്നെ ആവ 125 ഹീറോ മോട്ടോകോര്‍പ്പ് വിപണിയില്‍ എത്തിക്കും.

125 സിസി എന്‍ജിന്‍ കരുത്തുള്ള സ്‌കൂട്ടറാണ് ഇക്കൂട്ടത്തില്‍ ആദ്യ അഥിതി ആയി എത്തുന്നത്. 2014 ഡല്‍ഹി ഓട്ടോ എക്സ്പോയില്‍ അവതരിപ്പിച്ച ഹീറോ ഡേര്‍ 125 കണ്‍സെപ്റ്റാണ് ആവ 125 എന്ന പേരില്‍ വിപണിയില്‍ എത്തുന്നത്. രൂപത്തില്‍ ഡിയോയുടെ ചെറു സാമ്യമൊക്കെ വാഹനത്തിനുണ്ട്.

ആവ എത്തുന്നതോടെ 125 സിസി നിരയില്‍ മികച്ച വില്‍പ്പന നടത്തുന്ന ഹോണ്ടയുടെ ആക്ടിവയ്ക്ക് വിപണിയില്‍ തിരിച്ചടിയായി മാറും. 1820 എംഎം നീളവും 975 എംഎം വീതിയും 1180 എംഎം ഉയരവും വാഹനത്തിനുണ്ട്. 155 എംഎം ആണ് ഗ്രൗണ്ട് ക്ലിയറന്‍സ്. സുരക്ഷ വര്‍ധിപ്പിക്കാന്‍ മുന്നില്‍ മാത്രമാണ് 200 എംഎം ഹൈഡ്രോളിക് ഡിസ്‌ക് ബ്രേക്ക് നല്‍കുക.

പിന്നില്‍ 130 എംഎം ഡ്രം ബ്രേക്ക് തന്നെ തുടരും. 124.6 സിസി സിംഗിള്‍ സിലിണ്ടര്‍ എന്‍ജിന്‍ 9.38 ബിഎച്ച്പി കരുത്തും 9.8 എന്‍എം ടോര്‍ക്കുമാണ് നല്‍കുക. 55000-60000 രൂപയ്ക്കുള്ളിലായിരിക്കും ആവയുടെ എക്സ്ഷോറും വില.

ആന വീഡിയോയ്ക്ക് ഒരു മറുവീഡിയോ! ഇങ്ങോട്ട് ട്രോളിയ ബജാജ് ഡോമിനാറിനെ വലിച്ച് കീറി ഒട്ടിച്ച് റോയല്‍ എന്‍ഫീല്‍ഡ്
Posted by
16 August

ആന വീഡിയോയ്ക്ക് ഒരു മറുവീഡിയോ! ഇങ്ങോട്ട് ട്രോളിയ ബജാജ് ഡോമിനാറിനെ വലിച്ച് കീറി ഒട്ടിച്ച് റോയല്‍ എന്‍ഫീല്‍ഡ്

ഇങ്ങോട്ട് ട്രോളിയാല്‍ മിണ്ടാതിരിക്കുമെന്ന് കരുതിയോ റോയല്‍ എന്‍ഫീല്‍ഡ് ഡാ! ബജാജ് ഡോമിനാര്‍ റോയല്‍ എന്‍ഫീല്‍ഡിനെ പരിഹസിച്ചുകൊണ്ട് ഒരു പരസ്യം ഇറക്കിയപ്പോ സോഷ്യല്‍ മീഡിയകളില്‍ ഏറ്റവും അധികം കാണപ്പെട്ട കമന്റ് ഇങ്ങനെയായിരുന്നു. അത് അന്വര്‍ത്ഥമാക്കുന്ന തരത്തില്‍ തന്നെയാണ് എന്‍ഫീല്‍ഡ് പ്രേമികള്‍ ബജാജിന് മറുപടി നല്‍കിയിരിക്കുന്നതും.

ബുള്ളറ്റിന്റെ ഐക്കണിക് എന്‍ജിന്‍ ശബ്ദം അതേപടി പകര്‍ത്തി എന്‍ഫീല്‍ഡ് ബൈക്കുകളെ ആനകളായാണ് ബജാജ് പരസ്യത്തില്‍ അവതരിപ്പിച്ചത്.

കുറച്ച് റൈഡേഴ്സ് ഹെല്‍മറ്റുമായി ആനപ്പുറത്തുകയറി പ്രയാസപ്പെട്ട് കുന്നുകയറുമ്പോള്‍ പിന്നാലെ ചീറിപ്പാഞ്ഞെത്തിയ ഡോമിനോര്‍ 400 ആനകള്‍ക്കിടയിലൂടെ നിഷ്പ്രയാസം മുന്നോട്ടുകുതിക്കുന്നതുമായി പരസ്യത്തിലെ ഇതിവൃത്തം.

ആനയെ പോറ്റുന്നത് നിര്‍ത്തൂവെന്ന വാചകത്തോടെയുളള പരസ്യം ട്രോളന്മാരും ഏറ്റെടുത്തിരുന്നു.

അതേസമയം ഡോമിനാറിന് വേണ്ടി കമ്പനി പരസ്യങ്ങളില്‍ ഉപയോഗിച്ച വിഷ്വലുകള്‍ കൊണ്ടുതന്നെയാണ് എന്‍ഫീല്‍ഡ് ആരാധകരുടെ മറുവീഡിയോയും. റാഷിദ് എന്ന എന്‍ഫീല്‍ഡ് പ്രേമിയാണ് വീഡിയോ തയ്യാറാക്കി യൂട്യൂബില്‍ അപ്പ് ചെയ്തിരിക്കുന്നത്. ‘റൈഡ് ലൈക്ക് എ കിങ്’ എന്ന ക്യാപ്ഷനോടു കൂടിയാണ് വീഡിയോ.